متـلـف آلـروح ~ Posted مايو 15, 2011 Report Share Posted مايو 15, 2011 فمان الجرح .. لا والله فمـان احزانـي الكُبـرى فمان اغلى سنين مِتّ بْها عشـان اعيـش فمان الحب واحلام القلـوب البيـض والخضـرا فمان الآه من كثر الزعـل والشـوق والتطنيـش فمان عيونك اللي مالها بين العيـون .. اُخـرى فمان غرورك اللي علّم الطاووس نفْـش الريـش فمان عطورك اللي تسكن انفاسي .. وبالأحـرى فمان انفاسك اللي تسكن عطوري ومدري ليـش؟ فمان الليل .. واحضان الدفا .. ومْصافح القمـرا فمان الباب والشبّـاك يـوم اواعـدك ونطيـش فمان التوت .. والرمان .. واحلى فاكهـه حمـرا فمان الضحكه اللي كنّها مـن مبسمـك بخشيـش فمان غيابك اللي ماتـرك لمواصلـك .. بُشـرى فمان الشك وظنون الخطا والكـذب والتشويـش فمان العيد .. كنّي به يجينـي وحالتـي تـزرى يطبْطبْ فوق أكتافي حزن ويقـول لـي: معليـش فمان الجوع واحساس العطش .. ومفارقك صحرا تعبـت افتـش لْواحاتهـا واضنانـي التفتيـش فمان ضلوع مكتـوبٍ علـى أنحاءهـا اليُسـرى " هُنا توجد جروحي " لو تكرّمتـي : بـلا تنبيـش فمان دموع لا تُسمـن ولا تُغنـي مـن الذكـرى وانا اللي ماقدرت اطلع من اجوائي معك بشويـش فمان الشارع اللـي كلمـا جيتـه .. وانـا أقـرأ معاناتي من اول يوم في وصلك إلـى التهميـش فمان الشاعر اللـي يجمـع بتجربْتـه الصغـرى فكر بدر .. ورومنسيّة نزار .. وفلسفة درويـش فمان العاشق المجنـي عليـه .. بتسليـة عـذرا من اول "بعشقك" حتى نهايـة " مـا تصبّرنيـش " فمان الخوف ويدينـك جنـود وأضلعـي أسـرى وانا فيني من الإحباط .. مايكفي هزيمـة جيـش فمـان اشيـاء ماتنقـال للعالـم .. ولا تطـرى ممالك حُب .. دمّرها اللعب وسْياسـة التطفيـش فمان الإيش ؟ ما أدري .. ولكـن الزمـان ادرى وانا اللي ضاع مايدري .. حبيبه ضيّعه لجل ايش؟ فمان الله ياقلبـي مـع انـك جـرح مـا يبـرى كتب ربي عليّ اعيش من دونك .. وانا ما اعيش[/center] Quote Link to comment Share on other sites More sharing options...
همس الLoyal Posted مايو 16, 2011 Report Share Posted مايو 16, 2011 آللـّـه آللـّـه اختيار ذوووق موفق يا أخوي متلف الروح متلف الروح اسمك قصيدة تتكلم (: Quote Link to comment Share on other sites More sharing options...
halah hashim Posted مايو 16, 2011 Report Share Posted مايو 16, 2011 تسلم يمناك كلمات روووعه وحياك الله نورت المنتدى لك شكري وتقديري على حضورك الرائع Quote Link to comment Share on other sites More sharing options...
صقر المقابيـل Posted مايو 18, 2011 Report Share Posted مايو 18, 2011 قصيدة رائعة اختيار حلو Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.