قمر19 Posted يناير 31, 2005 Report Share Posted يناير 31, 2005 السلام عليكم ورحمة الله وبركاته،، اقول هاي قصتي المأساوية واللي متأكده ان كل بنت اتفكر جذي بس ترة نصيحة مني لا تفكرون تره بتندمون لان خربت حياتي (لا تسوون مثلي) نصيحة للبنات والله (تره اذا حصلتي واحد يحبج وما يقدر يخطبج تمي معاه طول العمر ولا تاخذين ثاني لان الزواج بدون حب ماله معنى ولا له فايده بس عوار راس وعوار قلب) كل بنت تبي تزوج ومن صغرنه كنه نفكر بالزواج واصلا اكثر البنات يحبون عشان يبون يتزوجون بس تره اكبر غلط في الدنيا اهوه الزواج. قصتي يمكن ماتحسون فيها الا اذا كنتو مكاني والله لا يبليكم. انا كنت احب واحد وكنه متفقين نتزوج عقب خمس سنوات او اكثر، كنت احبه ويموت فيني تقدرون اتقولون مستانسين مع بعض وايد بس يافرحة ماتمت. في يوم من الايام رحت السيف وشافني قطري هناك والله يغربل ابليسة يازعم انعجب فيني وخطبني (سالفة طويلة)، انا ما وافقت اول شي بس غروني انه مليونيير ولد زين وفرصة وما في احسن منها وان الزواج حظ ونصيب ومن هالكلام اللي يغر, ووافقت (من غبائي) ومسكين ذاك حبيبي اللي مايرقد الا على صوتي ويقعد على صوتي وما يمر يوم الا وانا معاه ناكل ونشرب مع بعض ، مادري اشلون نسيت ان في واحد ماقدر اعيش بدونه المهم تزوجت القطري ومن اول ليلة معاه هواش ومشال ماتخلص، مشاكل مب عادية وحرمني من كل شي ، لبسني شيلة ودفة وسيارة مامشي وطلعة ماطلع ولا طلع بخيل وكل ذي اكبر مني ب 12 سنة يعني شيبة ويقولون ان الريال العود يدلع وانا ماشوف الدلع الا جدام الناس كل لكمه احلى من الثانية ولين بروحنه زف في حياتي واكتشفت انه متزوج مرتين ومطلق يعني انا الثالثة وصدقوني ذاك اللي يحبني فوق اللي سويته للحين معاي ومتعلق فيني اكثر من قبل اما زوجي اللعين كل يوم يطلع لي بسالفة . صدقوني لاتفكرون تتزوجون مب عن حب انا ادري ان الامهات (يقولون الحب بعد الزواج) صح ولا لا؟ الكل يقول جذي بس والله اللي تاخذ حبيبها محظوظة حتى لو كله متزاعلين بس اهم شي اتحبه ويحبها ف والله لاتفكرون توافقون الا اذا تحبون ولا تسووون نفسي لان بتندمون ونسيت اقول لكم ان اللحين صار لنا شهر متزوجين ويبي يتزوج علي عاد ليش لاني صايرة ضعيفة ، شفتو العذر عااااد. تخيلو بنية 19 سنة ريلها متزوج عليها عشان ضيفة. والله انصحكم تموووو انسات وعانسات اهون من المتزوجات سمعو كلامي والله يخليكم ادعو لي Quote Link to comment Share on other sites More sharing options...
D.Q Posted يناير 31, 2005 Report Share Posted يناير 31, 2005 alla ysa3dech Quote Link to comment Share on other sites More sharing options...
اكيد عرفتوني Posted يناير 31, 2005 Report Share Posted يناير 31, 2005 لا حول الله الله يكون بعونج حبيبتي .. والله ما تستاهلين ان شاء الله بس ياخذون قصتج عبرة .. وان الدنيا او الزواج مو بس فلوس Quote Link to comment Share on other sites More sharing options...
دراكولاا Posted يناير 31, 2005 Report Share Posted يناير 31, 2005 الله يعينج و يصبرج اختي اتمنى لج التوفيق Quote Link to comment Share on other sites More sharing options...
Poison Girl Posted يناير 31, 2005 Report Share Posted يناير 31, 2005 الله يساعدج اختي Quote Link to comment Share on other sites More sharing options...
Angel of Love Posted يناير 31, 2005 Report Share Posted يناير 31, 2005 اول شي الله يساعدج و صبرج بس بقول لج اختي ان الغلط موب في الزواج الغلط في الاساس من اصل يعني انتي لو فكرتي فيها بطريقة ثانية راح تجوفين الغلط او بالاحرى الاغلاط ... اولا: انتي تقولين 19 يعني توج صغيرة و بعدج على الزواج اصلا يعني انتي في سن تقدرين تعطين قرار كامل تقدرين تعطين قرار صح بس موب كامل و الدليل انج وافقتي بمجرد سماعج كلام اهلج و اتقولين انج اتحبين شخص ثاني .. ثانيا: انه ماادري شلون الاهل يرضون بريال موب من نفس البلد صح خليجيين و اهل و قربة بس مهما يكون راح تتغربين عن اهلج العمر كله لان ريلج و ملزومة فيه تروحين وين مايروح و بعدين وين هلج و انتي وين لما يصيدج مشكله او شي.. ثالثا:وبعدين من نفس مشاكل الزواج ببلد ثاني التفكير غير و العيشة غير مهما كانت البلدان جريبة يعني جوفي انتي اختي احنا الدولة الوحيدة و الحمد لله في الخليج و محد يقدر ينكر هاذي الشي عندنا تطور و تقدم و حرية للمراة بشكل كبير اما باقي البلدان اما افكارهم رجعية او تطورهم بطريقة غلط يعني شي طبيعي راح ينمعج من السيارة و يلبسج برقع و دفة و ماادري شنو رابعا: صح المفروض الريال يكون اكبر من البنت لان باعتبار نضج االبنت اسرع من الولد عشان لو خذت ريال اكبر منها على الاقل يتساوون بالنضج و التفكير و هاذي موب اهانه للرياييل بالعكس هاذي اصلا نتاج دراسية بالاضافة عشان الريال لو كان اكبر سنا عشان يقدر يحصل شغل و يفتح بيت و يصرف عليج و يتحمل المسوؤلية بس موب معناه اتزوج لي واحد يكبرني ب 12 سنه يعني هاذي ابوي موب ريلي وين التفاهم اذا انتي من جيل و اهوة من جيل ثاني.. خامسا: انج قلتي ان حبيبج للحين متمسك فيج اكثر من قبل يعني شنو قصدج هل انتي للحين على علاقة معاه او انج بينكم مكالمات او احاديث و تدرين ان لو هاذي الشي صح انج وقتي من محرمات الي الله حرمها انتي احين على ذمه ريال ثاني يعني يا بنت الناس اما انج تطلبين الطلاق و اهوة اصلا شي موب سهل و خصوصا انج صغيرة او انج اتصبرين على الي الله كتبه لج.. سادسا: ماادري شلون ابتديها هاذي بس يعني ماادري شلون وافقتي عليه و انتي اصلا ماتدرين عنه بشي يعني لو صج ريال خطبج و صج من بلد ثاني على الاقل وين اهلج لو انتي تفكيرج على قدج بس اهلج امج و ابوج مااعتقد في اهل ما يسالون عن الريال يعني هالكثر محد من اهلج قدر يعرف انه متزوج من قبل و انه بخيل جان سالتوا ربعه بالرغم انهم موب خوش معين بس على الاقل اي احد او حتى رحتوا قطر و سالتوا الزواج حياة بكأملها ومعاها حياة غيرج يعني موب معقولة اقط روحي بيدي بالنار سابعا: هاذب بعد ماادري الوم منو فيكم انتي و لا اهلج الزواج يا اختي العزيزة لا مال و لا قصر و لا مليونير الزواج لو الوحده تبي اتزوج اتجوف لها واحد من قدها نفس المستوى و نفس العيشة و التفكير و الله و رسوله امر بهاذي الشي بعد بس ماقلنا عيشوا روحكم في قحط و فقر و لا قلنا جوفوا الي اعلى منكم يعني وسط بالنهاية حبيت اني اقول لج تتماسكين اكثر و تفكرين زين و انشاء الله كل شي يكون اوكي معاج و انشاء الله ما يتكرر هاذي شي بعيالج بالمستقبل بس حبيت اصحح نظرتج ان عكس ما قلتي اكثر الزواج الي ما يتم اهوة الزواج عن حب و الزواج عن خطبة صحيحة يعني موب نفس خطبتج تمشي و بالنهاية كل شي نصيب و كتوب لنا يعني حتى مع الكلام الي قلته في ناس تزوجوا عن حب و وصلوا للطلاق بالنهاية او حتى تعليق الزوجة و ناس بالعكس تزوجوا عن حب و عايشين احلى عيشة بينهم حب و تقدير يعني الاساس موب بس الحب الاساس الشي المتبادل و التعامل الي يتم بين الاثنين لان الزواج موب بس حب او عيال او فلوس الزواج بالبداية علاقة بين اثنينهم لها اساساتها سواء يات عن خطبة عادية او حب ومسامحة على الطوالة و تحياتي لج و بالتوفيج Quote Link to comment Share on other sites More sharing options...
bayo0o0n Posted يناير 31, 2005 Report Share Posted يناير 31, 2005 الله يساعدج اختي ويفكج منه Quote Link to comment Share on other sites More sharing options...
عاشقه الدموع مالكه الاحزان Posted يناير 31, 2005 Report Share Posted يناير 31, 2005 الله يعينج خيووو وصبرج ويكون في عونج وسهل امرج ان شاء الله والله يفكج منه ان شاء الله Quote Link to comment Share on other sites More sharing options...
SaRoOoNaH Posted يناير 31, 2005 Report Share Posted يناير 31, 2005 ماتستاهلين عيني بس هذا قدر مكتوب عليج ومب شرط كل وحدة تتزوج تعيش جذي حياة مب اوكي بس الغلط انج وافقتي عليه واهو مب من دولتج وهو بعد اكبر منج وانتي ماتعرفينه ولا لج علاقة فيه والله يعينج ويصبرج Quote Link to comment Share on other sites More sharing options...
قمر19 Posted يناير 31, 2005 Author Report Share Posted يناير 31, 2005 ثانكس على الردود ويعطيكم العافية والله لا يبليكم Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.