tmt Posted مارس 3, 2005 Report Share Posted مارس 3, 2005 السلام عليكم أنا عضوة جديدة بالمنتدي عندي بعض الاستفسارات و بغيت ردود عليها ممكن.. # انا طالبة بالثانوي و السنة الجاية ان شاء الله جامعة # مساري أدبي و نسبتي 85,2 # طموحي اني اصير محامية و هذا حلمي قبل لا ادخل الثانوي # و بعد ما دشيت الثانوية تعرفت على الكثير من المحاميات و اللي شجعوني على الدخول لهذا المجال . # تعرفت بعد على ناس بالجامعة بس مو حقوق و منعوني من الدخول لانه (صعب )و (الكتب غالية )( ما له مستقبل بالبحرين ) # و الحين شفت ردود اعضاء المنتدى اللي يدرسون القانون و تفاجات من كلامهم و بالاحرى انصدمت . # و اخيرا بماذا تنصحوني هل ادخل قانون ام لا إذا لا تنصحوني به فبماذا تنصحوني أرجوكم ردوا علي و ساعدوني الله يرحم والديكم. Quote Link to comment Share on other sites More sharing options...
قاسم الفردان Posted مارس 3, 2005 Report Share Posted مارس 3, 2005 انصدك من ناحية سوق العمل لا اما من نحاية الميول هذا ميولك اذا تبين مستوى دراسي عالي لا تدرسين في جامعة البحرين ميز العمل في القانون هو كثرة القراءة يجبان تقرء اي انك تتعب من دراستك الى شغلك لانك محتاج الى ثروة معلوماتية متابعة الى احدث اراء الفقه والقضاء Quote Link to comment Share on other sites More sharing options...
بقايا حلم Posted مارس 3, 2005 Report Share Posted مارس 3, 2005 شوفي عزيزتي ماعليج من اللي يقولج صعب اذا انتي حابه هالتخصص وتحسين انج بتمشين فيه دشيه لان ولا تخصص فالجامعه سهل الا حق اللي يدرس اما اللي مايحب يدرس فأكيد انه راح يكون له صعب وبعد اذا كنتي من النوع اللي يحب الحفظ معناته انج راح تتوفقين فيه انشالله لان اغلب المقررات فالحقوق يبيلها حفظ وكلها قوانين ((يعني اذا انتي فيج شدة حفظ القوانين دشيه)) اما عن سالفة ان الكتب غاليه فكتب كل الكليات فيها الغالي وفيها اللي سعره معقول وفيها بعد اللي رخيص وفالنهايه لاتاخذين على راي الناس فشي انتي بتدرسينه اخذي على اللي انتي تبينه واللي انتي مرتاحتله والله يوفقنه واياكم انشالله تحياتي Quote Link to comment Share on other sites More sharing options...
Dr.JiSs Posted مارس 3, 2005 Report Share Posted مارس 3, 2005 خيوو .. ( الي يبي الصلاة ماتفوته ) تركي عنج الي يوقل جامعة البحرين سيئة ومادري شنو ... جامعة البحرين سيئة اداريا وليس اكادميا ... بالنسبة لصعوبة التخصص ... فاكيد من غير دراسة فهو راح يكون صعب عليــج .. وبالاخير نصيحتي .. دخلي التخصص الي رغبانه فيه ... واذا على الشغل فمااعتقد انج ماراح تحصلين وربج اهوه الموفق ... ولكل مجتهد نصيب .. تحيــــاتي Quote Link to comment Share on other sites More sharing options...
Angel of Love Posted مارس 4, 2005 Report Share Posted مارس 4, 2005 انصدك من ناحية سوق العمل لا اما من نحاية الميول هذا ميولك اذا تبين مستوى دراسي عالي لا تدرسين في جامعة البحرينميز العمل في القانون هو كثرة القراءة يجبان تقرء اي انك تتعب من دراستك الى شغلك لانك محتاج الى ثروة معلوماتية متابعة الى احدث اراء الفقه والقضاء طبعا كلام اخوي غري بالديار صح ،،، و بعد في شغله اضافية بقول لج ،، ان اذا بتدشين الحقوق احين لازم تمتحنين،، لان وايد وايد زاد عدد الطلبة في الحقوق و بدون معنى لان الي دشوا حقوق موب كل رغباتهم يكونون فعلا محاميات او يشتغلون في المجال القانوني لا،، لان معظم المواد تدرس بالعربي و لان اهمه ما يعرفون انجليزي من جذي دشوا،، و في النهاية عدد الطلبة الي تم طردهم خصوصا هاذي الكورس و عدد الطلبة الي طلعوا بس بدبلوم واااااايد،، يعني اذا تبين تعالي يوم الجامعة و سالي احد الدكاترة عن كل الي تبينه..... وبعدين بالنسبة للاخ الي قال جامعة البحرين سيئة اداريا فقط،، يمكن موب في كل كلية ،، يعني انه مااقدر اي و افتي عن كلية البزنز و عن كلية الاداب لان لا اعرف دكاترهم و لا اعرف شنو يسوون ،، بس انه اتكلم عن واقع كليتنا،، يعني معظم دكاترة الحقوق موب اوكي،، اقولها لج بكل صراحة،، يعني كل الكتب الي ندرسها الي مجرد من تاليف الدكاترة تدرسنا ،، وكل دكتور يكون معترض على معظم الكتاب و ان هاذي غلط و ان شنو يكون من وجهة نظره و ماادري شنو،، وبعد في دكاتره قالوها اشكره للطلبة يقولون موب انه مالف ذي الكتاب و مااعرف اشرحه،، انزين شنو ذنب الطالب انك موب انت الي مالف الكتاب روح حضر و طلع معلومات و اقعد اشرح للطلبة..... يعني خلاصة هاذي الكلام ان جامعة البحرين سيئة اداريا و كلية الحقوق سيئة اكاديميا،، اصلا جامعة البحرين للحين مع العلم لتخريجها جم دفعة للحقوق للحين غير مهيئة انها تدرس الحقوق وايد وايد نواقص في الناحية الاكاديمية من عده جوانب..... يعني اذا صج صج رغبتج حقوق و فيج شده و تبين تدرسين قانون،، طلعي برع وايد ابرك و دراسه اقوى،، و اكيد راح تكونين مهيئة للشغل،، لان بما ان جامعة البحرين تمشي على المعدل،، و الطلبة يحفظون بس عشان بس يحصلون الدرجات ،، فشي اكيد راح يكونون غير مهيئين للشغل،، لان همهم حفظ و درجة..... و دكاترة الحقوق قالوها،، يعني الدكاترة شنو يقولون يقولون مواد الحقوق مواد انسانية ماتعطى فيها الدرجة الكاملة،، و اصلا احنا على زمنا ماكنو يعطونا درجات هلون يعني الي ياخذ عند دكتور 15 من 25 يقول له ممتاز،، بس شنو استفاد الطالب من الممتاز الي قالها الطالب و الجامعة اصلا تطلب من الطالب درجات عشان المعدل،، يعني وين الخلل احين في الجامعة او لا.. من جذي اقول لج روحي درسي برع وايد احسن..... وبس عشان اكون محايده بقول لج في عدد من الطلبة الي يدرسون الحقوق، ماشيين اوكي و تخرجوا و في منهم الي اشتغل احين،، عاد سواء كان هذول عددهم قليل او كبير،، بس في جم طالب قدر ان يجتاز الحقوق بنجاح،،، يعني انتي هل راح تكونين من الي راح يعانون و يحبطون و يندمون لدخول هاذي التخصص او راح تكونين من هذول الي اجتازوا الحقوق بنجاح؟؟ يعني هاذي شي راجع لج و انتي اقدر على الاجابة على هاذي السؤال و بالتوفيج انشاء الله Quote Link to comment Share on other sites More sharing options...
محمد الحلو Posted مارس 4, 2005 Report Share Posted مارس 4, 2005 هالتخصص يحتاج الى الحفظ Quote Link to comment Share on other sites More sharing options...
صمتي عذاب Posted مارس 4, 2005 Report Share Posted مارس 4, 2005 شوفي اختي اذا انتي كنتي حابه تصيرين محاميه فدخلي حقوق وهالتخصص اغلبيه المواد تعتمد على الحفظ وانتي تخصص ادري يعني متعوده على الحفظ ماراح يصير عندج مشكله بعدين تخصص الحقوق حلو بس الشي الي مو زين فيه هو القوانين الي حاطينهم للكليه والي قالج انه ماله مستقبل يقص عليج لان تخصص الحقوق تخصص مطلوب ومايتخرجوون منه وايد والي يتخرجون اغلبيتهم يتوظوفون لان البحرين في هالفتره محتاجه طلبه حقوق بعد مافتحو النيابه العامه صارت فرص توظف طلبه الحقوق اكثر والله يوفقج انشاء الله Quote Link to comment Share on other sites More sharing options...
دودي Posted مارس 4, 2005 Report Share Posted مارس 4, 2005 ما عليج اختي من اللي يقولون لج. انا ادرس حقوق والتخصص وايد حلو بس في جم مقرر اللي يبي لهم شوي لأنهم جافين, بس الدراسة يبيلها حفظ اكثر من الفهم ومع هذا فالتخصص وايد حليو. بعدين من ناحية الكتب فكتب الحقوق هي ارخص كتب في الجامعة لأن كتبنا اسارها بين 2-6 دينار يعني احنا اهون بوايد من البزنس اللي الكتاب يوصل 16 دينار. ومن جهة الشغل بعدين يعني اهو الي عندة دكتوراة ويا الله يحصل شغل بس اذا كانت عندج واسطة ما راح تتعطلين و موفقة Quote Link to comment Share on other sites More sharing options...
نور المحرق Posted مارس 4, 2005 Report Share Posted مارس 4, 2005 حياج الله ويانا انه كنت مثلج بالادبي وبنفس نسبتج تقريبا.. يعني لما دشيت القانون كطموح حبت احققه ما واجهت مشاكل وايد.. اهو انتي بس فهمي وحفظي في نفس الوقت عشان ايتركز في بالج اللي قاعدة تدرسينه.. وتخصصنا حلو خصوصا ان هو من طموحج بعد فصدقيني ما بتحسين باي صعوبة لانج دايما بتحسين انج قاعدة تخطين كل فصل خطوة يديدة تجاه حلمج.. والشي اللي يكون رغبة من القلب لازم بتحقق وما عليج من سالفة المعدل لان انتي سوي اللي عليج لا تسمعين حجي اللي يحبطونج انه هلون والحمدلله ومعدلي وايد اوكي وبالعكس اهو تخصص له مكانة بالمجتمع ويتوافق مع سوق العمل وخصوصا ان قلة اللي يقدرون يبدعون فيه ويله انشالله انشوفج زميلة ويانا بالكلية جريب Quote Link to comment Share on other sites More sharing options...
دانة الدنـيا Posted مارس 4, 2005 Report Share Posted مارس 4, 2005 ما عليج اختي من اللي يقولون لج. انا ادرس حقوق والتخصص وايد حلو بس في جم مقرر اللي يبي لهم شوي لأنهم جافين, بس الدراسة يبيلها حفظ اكثر من الفهم ومع هذا فالتخصص وايد حليو. بعدين من ناحية الكتب فكتب الحقوق هي ارخص كتب في الجامعة لأن كتبنا اسارها بين 2-6 دينار يعني احنا اهون بوايد من البزنس اللي الكتاب يوصل 16 دينار. ومن جهة الشغل بعدين يعني اهو الي عندة دكتوراة ويا الله يحصل شغل بس اذا كانت عندج واسطة ما راح تتعطلين و موفقة قوووه خيووو خيووو صح كلام دوديي احنا اسعااار كتبنه ولا شي تحت اسعار كتب البزنس والكليات الثانيه واحنا اسعار كتبنا مثل ما قالت الاخت دودي وبعدين بالنسبه للدكاتره طبعا في جميع الكليات في دكاتره زينه ودكاتره مب زينه مو بس كليتنااا واتمنى لج التوفييق Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.