بكاء القمر Posted يناير 5, 2008 Report Share Posted يناير 5, 2008 (edited) بسم الله الرحمن الرحيم السلام عليكم ورحمة الله و بركاته هذه أول قصة لي في عالم الإنترنت .. إن شاء الله تنال على استحسانكم.. وأنا بانتظار آرائكم و انتقاداتكم حول القصة.. حيث إنه القصة مقتبسة من واقع أعيشه.. ممزوجة قليلاً بالخيال.. يسودها الحزن و الفرح والحب و الجنون.. القصة تحت مسمى .." لأجلك حبيبي سيبكي القمر".. القصة راح تكون على هيئة فصول.. و طبعاً إن شاء الله ما راح أتأخر بعرض الفصول .. / \ / \ شخصيات القصة الأساسية: / \ / مع ذكريات الأمس و حاضر اليوم والمستقبل..كانت هنا..سحر(20 سنة) تعيش حبيسة جدران غرفتها..لا تحبذ الكلام و الاختلاط..تريد أن ترى سحر فسوف تجدها بين كتبها و في عالم الإنترنت..تعيش حالة إنعزال عن الجميع حتى إنها بعيدة كل البعد عن أهلها..بمعنى إنها هائمة بعالمها الخاص و تعيش بعيداً عن الكل.. تبحث عن الاستقرار والحنان..لا تجده عند القريبين منها.. فتكرس وقتها بالمذاكرة حتى تصبح شخصية مهمة ..حيث إنها مثال للطالبة المثالية والمتميزة بالدراسة بالرغم من شخصيتها الهادئة..والحالمة..حيث إنها كانت مصدر إعجاب أساتذتها بالمدرسة..حيث إنها كانت متميزة بجميع المقررات الدراسية.حتى دخولها الجامعة ولا زالت متميزة...تحب الصدق والصراحة.. و من جانب آخر ..كان هناك محمد(20 سنة) .. و هو شخصية غير بعيدة عن شخصية سحر.. حيث يجمعها رابط التوحد.. والدراسة والطموح..و يكرس باقي وقته بالدخول إلى عالم الإنترنت..لكنه شخصية مغرورة مريم(17 سنة)..أخت سحر ..شخصية مختلفة كثيراً عن شخصية سحر..حيث إنه مريم بالرغم من صغر سنها إلا أنها اجتماعية أكثر من سحر و تأخذ و تعطي بالكلام مع أي كان..حيث إنها شخصية متحررة و سوف تعرفون شخصيتها من خلال أحداث القصة.. نوال(19 سنة)..ابنة خالة سحر..كانت صديقة سحر الصدوق..حيث إنهما كانتا مثال للصداقة.. نوف(16سنة)..هي أيضاً ابنة خالة سحر..شخصية متذبذبة ..و حالمة .. سوف نعرف شخصيتها من خلال أحداث القصة.. أحمد(18 سنة)..إبن خال سحر و أخو نوال..يدرس بالثانوية العامة مع مريم.. حسن(20سنة)..زميل سحر بالكلية..و لكنه من تخصص آخر..شخصية طموحة..و حنونة و صادقة.. / \ / \ أخليكم اللحين مع الفصل الأول الفصل الأول: سحر: ياربي أحس بملل رهييب شاسوي بعمري.. يبيله أنزل أروح آكلي شي يمكن يروح الملل عني.. نزلت سحر المطبخ و تمت تدور لها شي حق تاكله بس ما حصلت لها شي عدل حق تاكله..فتمت تتحلطم و رجعت لغرفتها وبطريجها ظهرت لها أختها و تمت تضحك على شكلها .. مريم: سحروونة شفيج معصبة من ضاربج.. سحر بغرور: مالج خص.. و تمت مريم تتحلطم عليها لين ما يه لها أبوها..و سئلها عن حالها وسلمت عليه و قالت له شسوت لها سحر..و تم يضحك عليها.. أبو حامد( اللي أهوه ابو سحر و مريم و حامد)(45سنة) و هوينادي بنته: سحر..سحر.. نزلت سحر.. سحر: هلا .. يبه..آمر.. أبو حامد: شبلاج يبه اتقول مريم إنج معصبة.. عسى ما شر.. سحر : هـا.. لا يبه ماكو شي . ههههههه بس يوعانه نزلت تحت ما حصلت لي شي يدش مزاجي حق آكله و خبرك عاد عند البطون تعمى العيون.. تم يضحك عليها ابوها.. ويناظرهم ثنتينهم.. ابو حامد: غربل الله ابليسج.. يوعانة ..انجان اتصلتي لي آجيب لج شي معاي .. بطريقي .. آمري تدللي يبه راح آتصلج بالمطعم .. سكتت سحر و تمت تفكر و قالت : امممممممممم خاطري ببيتزا و تبوله و ورق عنب و عصير برتقال فرش وو تمت تصف له كل الأكلات اللي خاطرها فيها.. و تم يضحكوا كلهم على سحر.. و اتصل ابوها بالمطعم و طلب لهم عشا .. / \ من صوب ثاني .. محمد كان يتعشى بأحد المطاعم.. مع أصحابه وبعدها رجع البيت و فتح الانترنت و دخل على أحد مواقع الدردشة من الملل الزايد..و دخل بنكنيم " حمودي الحلو".. و تم يدخل على الخاص و يتكلم و خبركم يعني الصبيان بالكلام الحلو ما في عليهم دخل على وحدة داشة بنك"حايـرة"..و تم يهذر معاها.. حمودي الحلو: السلام عليكم و رحمة الله و بركاته. حـايرة: و عليكم السلام حمودي الحلو: شخبارج يا الحلوة؟ . حـايرة( و هي تضحك علي اسلوبه): بخير ربي يسلمك و إنته شخبارك ..؟ حمودي الحلو: بخيررر ~إذا إنتي بخير أكيد آنه بخير.. حـايرة: دووووم إن شاء الله.. حمودي الحلو: دامت أيامج يالغالية .. انزين شعنه الغالية حايره ؟ حـايرة(ضحكت ): اممممممممم من الدنيا وبلاويها.. حمودي الحلو: امممممم اهااااا..اي والله الدنيا و بلاويها ذابحتنا.. حـايرة: ااييي.. الحياة صعبة صراحة ههه .. حمودي الحلو: ههههههه ليش صعبة درسي لها عدل بتصير سهلة هههههه.. حايرة: هههههههه والله يبيله ادرس لها.. حمودي الحلو: انزين ممكن نتعرف على اسم الحلوه؟ حـايرة( تمت تفكر باسم ما تبي تقول له اسمها الحقيقي)فقالت له: سناء . حمودي الحلو(وحاس بقلبه انه تقص عليه مو هذا اسمها هههه متعود على شلخ البنات عليه): عاشت الاسامي سناء. حـايرة: عاشت أيامك ...و انته شنو اسمك؟؟ حمودي الحلو:محمد. حـايرة: عاشت الاسامي محمد. حمودي الحلو:عاشت ايامج..سناء حـايرة: طيب آنه بترخص عنك الحين تامرني بشي. حمودي الحلو: امممممممم أي يالغالية بغيت اميلج..ان ما في أي ازعاج بالنسبة لج طبعا .. حـايرة: ان شاء الله تفضل .. …[email protected] حمودي الحلو(قام وسجل الاميل وضافه في قائمة جهات الاتصال الي عنده): مشكوووورة يالغالية هذاني بضفيج الحينه.. حـايرة: اوكي عيل اخوي اشوفك على خير هذاني ظاهرة يلا مع السلامه.. حمودي الحلو: الله يسلمج. وبعدين نروح لصوب ثاني..نوال بنت خالة سحر كانت متواعدة مع واحد متعرفة عليه من الانترنت اسمه ناصر(23سنة)..يازعم يحبون بعض بس هو بالاساس يقص عليها ويظهر معاها من غير هلها ما يدرون.. و طبعا سحر و مريم ونوف يعرفون عن الي تسويه وغيره بس ما خبروا اهلها ..بس سحر حز بنفسها و قررت انه اتخبر امها عن فعايلها حتى ما تحط بذمتها شي يعني مو زين الواحد يشوف الغلط و يعرف يصححه ويسكت عنه فقامت راحت بيت خالتها أم أحمد.. سحر: السلام عليكم خالوو..شخبارج علومج ان شاء الله بخير ..شخبار صحتج وشخبار العيال و شخبار عمي بو احمد ... و تمت سحرونه تعدد الاولي والتالي .. وتمت خالتها تضحك عليها وعلى خبالها.. و ردت السلام عليها ام احمد و خبرتها عن احوالها و غيره من الامور.. سحر: خالووو بغيتج بسالفة بس ابيج تسمعيني من الاول للآخر و ما تعصبين و ما تزعلين .. ام احمد(وهي تبي تعرف شتبي تقول سحر): آمري خالو قولي لي شسالفه؟؟خوفتيني .. سحر:خالوو .. انا بقولج شي عن نوال..بس ابيج ما تزعلي و تعصبي .. بس صراحة نوال ... اخاف عليها انه يصيدها شي ..لنه خالو نوال ..تظهر مع شاب كل مرة ان كنتوا مو موجودين و تتواعد معاه و طبعا هي تخبرنا وش تسوي و ما تسوي .. بس انا خفت عليها يسوي ابها شي ..من هيك قلت اخبرج حتى تنصيحها و غيره لنه انا عجزت وا نا انصحها ما تسمع الكلام.. ام احمد ( و هي مبطله عيونها بكبرها و منصدممممممه):شنوووووووو نوال تظهر مع شاب من متى هالسالفة حسبي الله عليها من بنية سودت ويهنا.. اراويها جليلة الحيا و توها ام احمد بتركب حق تروح تزف نوال .. الا نوال ظاهرة و متكشخه على اساس انها اليوم راح تظهر مع ناصر.. ام احمد: نووووووال.. نوال(و هي خايفه انه امها فيها شي): هلا يمه شفيج روعتيني عليج.. شبلاج يالغاليه؟ ام احمد(وقامت تضرب نوال و تشد شعرها): ايا مسوده الوجه هذي آخر الثقة الي عطيناج اياها تظهري مع شاب .. و تسودين وجههنا .. نوال(وهي منصدمه من خبرها عن هذا الشي و التفتت وشافت سحر ):يمااااااااا هديني شفيج.. من قالج وقص عليج اني اظهر مع شباب.. ام احمد: ايا مسوده الوجه ترادديني بعد.و تكذبين اكوووووسحر توها قايلتلي انج تظهري و تتواعدي وتكلميهم يا قليلة الادب (و تعطي ام احمد نوال من القهر كف على وجهها). نوال(وهي تصيح و منقهره من سحر و مستغربه ليش خبرت امها):سحر شكراً.. وقامت نوال و ركبت لغرفتها وتصيح وهي متحلفة انها تنتقم من سحر... / \ / \ كت...... نهايه الفصل الاول...... شنو راح تتوقعون انه نوال تسوي بسحر ..؟؟؟ و شنو مصير محمد و البنت الي متعرف عليها من النت "سناء"؟؟ و شنو تتوقعون من احداث راح تصير بالبارت الثاني ؟؟ و يلا أخليكم احين.. Edited يناير 5, 2008 by الدرة اليتيمة Quote Link to comment Share on other sites More sharing options...
ألأكـــــــــــــرم Posted يناير 5, 2008 Report Share Posted يناير 5, 2008 حلوه أحداث الفصل الأول راح نكون بأنتظار بقية الفصول شكراً ربي يعطيج العافية Quote Link to comment Share on other sites More sharing options...
لط لط Posted يناير 5, 2008 Report Share Posted يناير 5, 2008 أهلييين أختي بصراحه من اسم القصة إنها روعه مشكوووره Quote Link to comment Share on other sites More sharing options...
بكاء القمر Posted يناير 5, 2008 Author Report Share Posted يناير 5, 2008 (edited) حلوه أحداث الفصل الأول راح نكون بأنتظار بقية الفصول شكراً ربي يعطيج العافية الأكـــــــرم.. شكراً على المرور و التواجد.. أهلييين أختي بصراحه من اسم القصة إنها روعه مشكوووره لط لط شاكرة لج يالغلا على المرور والتواجد / \ / \ وهذا الفصل الثاني : / \ / الفصل الثاني: وبعد ما راحت نوال غرفتها و هي تتوعد و متحلفة في بنت خالتها .. سحر .. الي كانت تعتبرها اكثر من اخت و صديقة .. تقوم و تخون فيها.. و تخبر امها عن الي تسويه من غير علمهم و تقووم وتتصل فيها .. تلفون سحر يرن ... ترن.. ترن .. ترن..و سحر بهالوقت كانت قاعدة تتكلم على الماسنجر ..مع الشاب الي تعرفت عليه من احد غرف الدردشة .. سناء: برب محمد يايني اتصال .. محمد: اخذي راحتج يالغلا .. و قامت سحر و شافت التلفون الا نوال تتصل فيها .. فقامت وردت عليها.. سحر: السلام عليكم.. نوال: وعليكم السلام .. يالكريها شسويتي انتي متسببة!! ليش خبرتي امي ..شسويتلج انه يالخاينه حتى تخويني فيني ..شفتي شسوت ابي حتى طلعة مو راضية تخليني اطلع ..حبستني كله منج . .و هي تصيح و تسب سحر.. و سحر ساكتة... وبعدها ردت عليها سحر ... سحر: نوال هذا لمصلحتج.. نوال: أي مصلحة ويا ويهج .. تقومي تخوني ابي.. سحر: نوال الي تسوينه غلط ولازم حد يوقف لج وينصحج.. مومعقوله كل ما تشوفي هلج بيظهرون ..تقومين تطلعين .. مع هالناصر..الي ما تعرفي اصله ولا فصله...عيزت وانا انصح فيج...كونج بنت خالتي وانا احبج و ما ارضى حد يطلع حجي عليج سويت هالشي.. واتمنى تكوني فاهمتني.. نوال وكالعاده مهوبب مقتنعة بكلام سحر .. و تمت تزغر عليها و تعصب اكثر و تقولها... نوال: هيييييي انتي هالناصر الي تحجين عنه تراه قريب بيخطبني ..انا احبه وهو يحبني ... و نحنا ما نغلط ولا نسوي شي غلط ...حبيبي و اشتاق له و يشتاقلي.. و مو حرام اني اظهر معاه..فاااهمة يالمتخلفة.. سحر (و بغصة وقهر من اسلوب نوال): نووال .. انا الي علي اني نصحتج.. و هو لويحبج جان ما تجرأ و ظهرج معاه وش يضمنج..انه ما يتواعد مع غيرج..وانتي بالاساس ما تعرفييه .. تعرفين يعني شنو ما تعرفينه!!! نوال(و معصبة من قلب على كلام سحر): سحر..سمعيني زين... يالمتخلفة.. دام حبيبي مهوب عاجبج لا تكلميني ولا تتدخلي بحياتي فاهمة.. و الا ترا صبري شبيصيدج...فقد اعذر من انذر فااااهمة .. اوريج.. ما اصير نوال ان ما انتقمت منج.. سحر(ببرود اعصاب): ان شاء الله غلاتي .. نوال(وهي منقهره عددل):هاي اخر يووم اكلمج فيه لا اعرفج ولا تعرفيني .. اكرهج ...تعرفين شنو يعني اكرهج.. و من يومها نوال وسحر ما يكلمون بعض ..سحر واحشتها بنت خالتها ..بس ما تريد تروح تكلمها وهي بالاساس قطعت الصداقة عشان ..شي غلط .. هي تسويه..و فضلت الحبيب..الي يخون فيها و هي ما تدري عايشة على عماها...بكلامه المعسول .. ويرن تلفون نوال وكان المتصل ناصر.. نوال: السلام عليكم حبيبي. ناصر: وعليكم السلام يالوردة..شحالج ان شاء الله طيبة. نوال: بخير ربي يسلمك اذا انته بخير اكيد انا بخير حبيبي..و انته شخبارك علومك؟؟ ناصر: بخير ربي يسلمج..اسئل عنج غلاتي نوال:سئلت عنك العافية..روحي ناصر: ها وينج فيه ليش ما ييتي الكوفي شوب.. عيزت و انا انتظرج. نوال(وهي فيها الصيحة):حبيبي كنت باييلك بس لو اقولك شصار ياربيييه..كنت توي نازلة و بطلع الا بجية امي وتقوم تضربني وانا مهوب دارية وش السالفة وعقب آثاريها الحقيرة بنت خالتيه فتنت عن علاقتي بيك عند امي.و امي من يومها ما تكلمني ..و تخيل حرمتني من الطلعة كله بسبب هالغيورة .. ناصر: امممممممممممم غلاتي ما عليج منها ..هيا ما عندها أي اثبات انج تظهرين معاي..قومي اثبتي لامج وهلج انها عيارة بس تبي تسوي فتنة ..بينكم..و انتي تعرفين غلاتي(بمكر)اني مستحيل اخون ابج..وانا احبج و ان شاء الله من تتخرجي راح اتقدملج..صح؟ فيعني لا تخليها تخرب الي بينا.. و نوال تفكر بالكلام الي قاله لها ناصر و حست انه صح (يقولون الحب اعمى) وفكرت بخطة تخلي سحر انه الي ببيتهم كلهم يكرهونها لنه تطلع كلام فاضي على نوال..و تمت تخطط..عن شوو بتسوي.. من صوب ثاني على الماسنجر.. سحر كانت تتكلم مع محمد الشاب الي تعرفت عليه من فترة .. و طبعاً سحر من هواة التعارف على الناس و ما غلطت مرة انه تكلم الشباب على الجوال او تظهر معاهم بس من خلال المحادثات تتكلم و تهذر ..معاهم.. و هذا هني و هي تكلم محمد.. و رأيت الهموم بالليل أدهى (سحر): السلام عليكم و رحمة الله وبركاته.. من يسرق من !! الأحلام تسرقنا أم نحن نسرق الأحلام(محمد): وعليكم السلام ورحمة الله وبركاته.. و رأيت الهموم بالليل أدهى (سحر): كيف الحال؟ من يسرق من !! الأحلام تسرقنا أم نحن نسرق الأحلام(محمد): بخير ربي يسلمج..و انتي شحالج؟ و رأيت الهموم بالليل أدهى (سحر): الحمدالله على كل حال عايشين. من يسرق من !! الأحلام تسرقنا أم نحن نسرق الأحلام(محمد): دووم و انتي بخير وسهالة ..علامج مهمومة؟ و رأيت الهموم بالليل أدهى (سحر): امممم .. هذي حالي ماهوب بشي يديد..دومني جذيه متى ارتحت!! من يسرق من !! الأحلام تسرقنا أم نحن نسرق الأحلام(محمد): ليش اكوو شي ...مضايقنج هالكثر؟؟ و تمت سحر (والي اسمها سناء هنيه)..تشكي الحال لمحمد وهوه يسمع كلامها و شلون نوال انهت صداقتهم..و هيا وش سوت ..و غيرها من الامور وبعدها محمد رد عليها.. من يسرق من !! الأحلام تسرقنا أم نحن نسرق الأحلام(محمد): امممم .. يالغالية الشي الي سويتينه صح..انج خبرتي هلها عنها.. سمعتها اهم شي..وهي ان تمت تظهر مع الشباب..لا سامح الله ممكن يخونوا ابها في هالزمن ماكو امان ..و هيه ضايعة يالعسل..ما اظن في شاب يثق و يرضى ببنت خونت بثقة اهلها بيها .. و تمت سحر تشوف كلامها معاها..و حست براحة نفسية..انه الي سوته مهوب بشي غلط.. و نوال لازالت تخطط و تفكر شلون تخلي امها تثق فيها و ما تثق بكلام سحر.. و قامت هي ويا ناصر تواعدوا بمكان و لكن هالمرة معاهم سحر..على اساس انه نوال بتظهر مع سحر (يزعم رجعت الصداقة مثل اول و لكن نوال حاطة في بالها مخطط شيطاني)... / \ / \ كت..نهاية الفصل الثاني... فياترى وش الي مخططه له نوال ..على سحر؟؟ و ش توقعاتكم؟؟ / \ / Edited يناير 5, 2008 by الدرة اليتيمة Quote Link to comment Share on other sites More sharing options...
لط لط Posted يناير 5, 2008 Report Share Posted يناير 5, 2008 أهلييين أختي بصراحه من اسم القصة بايــــــــــــــن إنها روعه مشكوووره روعــــــــــــــــه أخـتـــــــــــــــــي دمـــتــــــي بــــــــود حفــظكِ الرحــــمن Quote Link to comment Share on other sites More sharing options...
سحر الكون Posted يناير 5, 2008 Report Share Posted يناير 5, 2008 يعطيش العافية حبيبتي عالقصة الحلوة .. و ناطرين التكملة .. يللا we r waiting Quote Link to comment Share on other sites More sharing options...
محمدوف Posted يناير 5, 2008 Report Share Posted يناير 5, 2008 مشكورة على القصة الرائعة وانا في شوق لمعرفة بقايا القصة ونتمني نشوف قصص كثيرة وممتعة منج تحياتي محمدوف Quote Link to comment Share on other sites More sharing options...
ليل الليالي Posted يناير 6, 2008 Report Share Posted يناير 6, 2008 نايس انشالله تنزلين البارت الجاي باقرب وقت Quote Link to comment Share on other sites More sharing options...
danat aldonya Posted يناير 6, 2008 Report Share Posted يناير 6, 2008 حلوة القصة بالانتظااااااااااار Quote Link to comment Share on other sites More sharing options...
سحر الكون Posted يناير 6, 2008 Report Share Posted يناير 6, 2008 وينش يا صاحبتي !! بنشوف ويش بتسوي سحرونتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.