Sheeva Posted مارس 5, 2009 Report Share Posted مارس 5, 2009 (edited) بسم الله الرحمن الرحيم ،، السلام عليكم و رحمة الله و بركاته .. كما وعدتكم ،،، سيكون هناك موضوع خاص بـ عضوين من أعضاء منتدى البحرين اليوم ،، فيه يلتقيان و يتبادلان الأسئلة و أطراف الحديث ،، أتفقت أصوات الأعضاء على أن تتم الدعوة للإداريتين: Sheeva و متابعة سنوات الضياع ××××××××××××× تذكيــــــــــــــــــر للضيفتان: - يجب أن تحتوي المشاركة الواحدة على 10 أسئلة فقط ( خمس اسئلة شخصية على سبيل المثال،، و خمس طلبات للصور فرضاً ) - على المُجيب أن يُجيب على الـ 10 أسئلة ثم يباشر هو الآخر بتقديم 10 أسئلة للطرف الآخر .. و هكذا - يحق للضيف أن يرفض الإجابة على أي سؤال - يحق للضيف أن يرفض الدعوة - مدة الإستضــــــــــافة 3 أيام ،، تذكيـــــــــــــــر للأعضاء: يمنع منعاً باتاً إضــافة أي رد في هذا الموضوع الخـــاص تحياتي مراقبة المنتدى الإنجليزي و ديوانية الأعضاء Sheeva Edited مارس 5, 2009 by Sheeva Link to comment Share on other sites More sharing options...
Sheeva Posted مارس 5, 2009 Author Report Share Posted مارس 5, 2009 أبضاية تعذرت بسبب ظروف كمبيوترية ... المهم فالضيفة بتكون ( آنا ) لاني حصلت على 3 أعلى نتيجة ... :: انزيييييين متابعووو اول شي شلونج شخبارج شمسوية ؟! ثاني شي .... اتوقع انا سولفت معاج من قبل بالدردشة ،، بس هالمرة بتكون غييييييييير ... لان الموضوع بس بيني و بينج فأكيد باعرف عنج اشياء وايييييييد :: 1- انتي كتبتي ان عمرج 25 سنة .. ابي اعرف هل انتي متزوجة و اذا متزوجة عندج عيال ؟ 2- بما انج مراقبة منتدى الاسرة فأتوقع تكونين ربة بيت ناجحة بإذن الله .. انتي تشتغلين و لا؟ و اذا تشتغلين .. في وين تشتغلين ؟ 3- ليش هالكثر تحبين مسلسل سنوات الضياع ؟ و شللي عاجبج في المسلسل أصلاً .. ؟ اذا عندج بكجرات حق المسلسل في البيت او شي يخص المسلسل صوريه لي و حطيه 4- شنو كانت تخصصج يوم كنتي في المدرسة ؟ و هل فكرتي تدخلين الجامعة ؟ 5- كلميني عن أسرتج ،،، و طبيعة علاقتج بالبيت 6- صوري لي غرفتج و كمبيوترج،،، 7- فيه احد من الاعضاء يصير لج اهنيه ؟؟ ذكري اساميهم .. 8- رايج فيني ( الشخصي ) و بصراحة تامة واذا عندج نصيحة لي قوليها 9- شرايج بهالمموضوع ؟؟؟ و شنو تتوقعين النتيجة اللي راح نطلع بها انا وانتي من هالموضوع ؟ 10- أي الألوان تفضليييين ..؟ و صوري لي شي تحبينه بلونج المفضل ،،، Link to comment Share on other sites More sharing options...
اسيـــرة الاحزان Posted مارس 5, 2009 Report Share Posted مارس 5, 2009 وعليكم السلام والرحمة بل شيفووووووووووووة داشة علي بقوووووووووووة الظاهر من زمان تبين تتعرفين علي من جريب لااااة : المهم انة الحمداللة تمام 1- انتي كتبتي ان عمرج 25 سنة .. ابي اعرف هل انتي متزوجة و اذا متزوجة عندج عيال ؟ اية نعم حبيبتي انة متزوجة وعندي بنوتة وحدة اسمها سارة (سو سو ) 2- بما انج مراقبة منتدى الاسرة فأتوقع تكونين ربة بيت ناجحة بإذن الله .. انتي تشتغلين و لا؟ و اذا تشتغلين .. في وين تشتغلين ؟ اية واللّة شدراج الحمداللّة كلامج في محلة 00 وبالنسبة للشغل اونة درست علم اجتماع سنة كاملة في الجامعة بس عقب ماكملت ماكنت مشتهية مادري ليش واللّة وانة ماشتغل اموري تمام اونة بزنس وومان خخخخخخخخخ عندي محل بأسمي يعني الحمداللّة كل شي اوكية 3- ليش هالكثر تحبين مسلسل سنوات الضياع ؟ و شللي عاجبج في المسلسل أصلاً .. ؟ اذا عندج بكجرات حق المسلسل في البيت او شي يخص المسلسل صوريه لي و حطيه واللّة ياختج موتي هالمسلسل مادري ليش جني اول مرة اجووف مسلسل يعني احس هالمسلسل مستحيل يتكرر مرة ثانية قصة حب حلوة وفيها احداث مختلفة والتمثيل من قلب مب مسلسلاتنا اللّهم ياكافي بس حفظ على الورق وتئكدي مانجح هالمسلسل الا لأنة التمثيل من قلب واكثر شي عجبني في هالمسلسل تسلسل الاحداث والمشاعر الممزوجة بالحب مع العناد والقسوة في نفس الوقت ان شاللّة نجوف مسلسلات من هالنوعية اكثر واكثر وبالنسبة للبكجرات عندي البوم كامل لصور الممثلين بس ماعندي وصلة لتنزيل الصوور خخخخخخخخخخ بس لو تجوفين رنة الفون سنوات الضياع توقيعي سنوات الضياع خلفية الكبيوتر سنوات الضياع بكجرات في الفون مالها اول ولا اخر من هالمسلسل يعني شقول شخلي 4- شنو كانت تخصصج يوم كنتي في المدرسة ؟ و هل فكرتي تدخلين الجامعة ؟ تخصصي اللة يسلمج ادبي مافيني شدة على العلمي ارقام وعوار راس اية دخلت الجامعة سنة علم اجتماع عقب ماكملت 5- كلميني عن أسرتج ،،، و طبيعة علاقتج بالبيت اونة عندي بنوتة صغيرونة سارة (سوسو ) يعني قولي لي ام سوسو خخخخخخخخخ وعلاقتي مع اسرتي علاقة طيبة ومبنية على التفاهم واحنة عايشين بروحنة مستقلين مو مع عايلة ريلي يعني مرتاحة من كلا الجوانب ويمكن البعض يستغرب اشلون احصل وقت وادش المنتدى كل يوم من دون انقطاع مع انة عندي اسرة والتزامات بس احب اقول لهم انة وقتي منظم ومدام انة ملتزمة بامور اسرتي فشي طبيعي احصل وقت للمنتدى مايبي لها شي 6- صوري لي غرفتج و كمبيوترج،،، ماعندي وصلة الصور سوووري 7- فيه احد من الاعضاء يصير لج اهنيه ؟؟ ذكري اساميهم .. اية دلوعة رفاعية -مريم 8- رايج فيني ( الشخصي ) و بصراحة تامة واذا عندج نصيحة لي قوليها حدي تعبت من كثر ماكتب رايي فيج : بصراحة للمرة المليون انتي خوش بنية ماعليج قاصر ادب اخلاق نشاط غير مسبووووووق وانة اشهد لج والكل بعد انج انشط وحدة من بين الكل يعني مراقبة للديوانية وفي نفس الوقت لج ابداعاتج الكتابية ماشاللة عليج عيني عليج باردة مادري شلوووون تلحقين ؟؟؟ وهذي شي يدل على اهتمامج في قسم الديوانية وماخابت ظنون الاعضاء فيج يوم رشحوج ومهما قلت شوي في حقج اتذكر قبل ماعرفج يوم اجوفج في الديوانية ماكنت ارتاح لج مادري ليش كنت احس انج متكبرة و عصبية وحادة المزاج بس عقب لين تقربت منج اكتشفت العكس صج اللي مايعرفج مايثمنج بي الحمداللّة خابت ظنوني وطلعتي العكس بس انتي شوي عصبية في تصرفاتج وهذي الشي اللي مخرب عليج لكن في النهاية طيبتج تغلبج وتسامحين حتى اللي يغلطون في حقج وانة اجوف شخصيتي متناقضة عن شخصيتج 180 درجة عكسي تمام انة اذا فية اعضاء يعصبون علي او اي شي من هالقبيل اطنشهم وماحط في بالي الحقران يقطع المصران 9- شرايج بهالمموضوع ؟؟؟ و شنو تتوقعين النتيجة اللي راح نطلع بها انا وانتي من هالموضوع ؟ بصراحة ابداعاتج لا حصر لها ومنها هالموضوع الحلو عندج مخزن افكار مابي احسدج ماشاللّة كل يوم تطلعين لنة موضوع يديد وفريد من نوعة وهذي اللي يخلي الديوانية دوم متميزة ومن خلال هالموضوع اكيد انة وانتي راح نتعرف على بعض اكثر واكثر مع اني اعرفج بصفة عامة بس في هالموضوع بعرفج بصفة خاصة من خلال الاسئلة راح نكتشف اشية يديدة عن بعض وان شالل ة معرفة خيرررررررر مع اني متئكدة انها معرفة خير 10- أي الألوان تفضليييين ..؟ و صوري لي شي تحبينه بلونج المفضل ،،، انة امووووت على اللون الاحمر والذهبي الوااان حارة هههههههه لأنة فيني نشاط زايد من جذي تجوفين نشيطة خخخخ ماعندي وصلة عشان اصور لج بس لو كانت عندي كنت بصور لج فستاني الحمر اللي من تصميمي احم احم اتمنى ان اجبت على اسئلتج مع انة بعضهم ماجاوبت عليهم اللي يتطلبون تصوير مو مشكلة عوضيهم بأسئلة ثانية حدي تعبت وانة اكتب المهم الحين بفكر اسئلج اسئلة صاروخية وقوية هع هع هع فديتج شيفاااااااااا Link to comment Share on other sites More sharing options...
Sheeva Posted مارس 5, 2009 Author Report Share Posted مارس 5, 2009 انزين وين اسئلتج لي .. حطيهم عشان ارجع اعقّب على اجوبتج واحط لج اسئلة غير Link to comment Share on other sites More sharing options...
اسيـــرة الاحزان Posted مارس 5, 2009 Report Share Posted مارس 5, 2009 ياللة نبتدي التحقيق 1- مثل ماعرف انج تدرسين في كلية العلوم الصحية بس حبيت اعرف هل كنتي مقتنعة بهالتخصص او بعد ماتخصصتي ندمتي و تمنيتي لو تتخصصين في شي ثاني اذا الاجابة اية في شنو كنتي تبين تتخصصين ؟؟؟ 2-شلون تقدرين توفقين بين حياتج العلمية والاسرية وبين المنتدى وبما انمج مراقبة الديوانية وقسم الانجليش ؟ اطول مدة تقضينها في المنتدى او مع العايلة ؟؟ وهل عايلتج تغار من كثر قعدتج على المنتدى ولا ماخذين الامور بسهالة ؟؟ 3- على الصعيد العائلي ترتيبج في الاسرة جم ؟؟ ومين تحسينة قريب لج ويفهمج اكثر امج او ابوج ؟؟؟ 4-اكثر مكان تحبين تقعدين فية في البيت وترتاحين فية راحة مو طبيعية ؟؟؟ 5- في هالفترة هل تعيشين بفترة الحب ؟؟ وشنو مواصفات فارس الاحلام في عيون شيفااا؟؟؟ 6- مين من المنتدى عضو تحسينة مثل شيفا وتفكيرة مطابق لتفكيرج ؟؟؟ 7- رايج فيني وبدون اي مجاملات وقولي لي العيوب اللي فيني والسلبيات عشان احاول اصححها لأني بصراحة اثق في رايج ؟؟؟ 8- في اطار المنتدى اذا فية عضو غلط عليج واهانج وعقب طلب السماح منج هل تسامحينة من كل قلبج ؟ ولا تسامحينة بس ماتنسين الموقف وتشيلين شوي في قلبج ؟؟ 9-شنو اعز هدية على قلبج ؟؟ممكن تصورينها ؟؟اذا ماتبين ممكن تصورين اخر هدية حصلتيها ؟؟ 10-ممكن تصورين لي فساتينج مال السهرة ؟وذا ماعندج فساتين صوري لي الجينزات اللي تلبسينهم ؟؟ وبث Link to comment Share on other sites More sharing options...
Sheeva Posted مارس 5, 2009 Author Report Share Posted مارس 5, 2009 بل شيفووووووووووووة داشة علي بقوووووووووووة الظاهر من زمان تبين تتعرفين علي من جريب لااااة يعيني ع الثقة .. يقصون عليييييييج اونة عندي بنوتة صغيرونة سارة (سوسو ) يعني قولي لي ام سوسو خخخخخخخخخ ان شالله يا أم سوسو اتذكر قبل ماعرفج يوم اجوفج في الديوانية ماكنت ارتاح لج مادري ليش كنت احس انج متكبرة و عصبية وحادة المزاج بس عقب لين تقربت منج اكتشفت العكس صج اللي مايعرفج مايثمنج بي الحمداللّة خابت ظنوني وطلعتي العكس هههههههههههه ناس وايد جذي 1- أي قد عمرها بنتج ؟ وديتيها روضه او حضانه ؟ 2- تعرفتي على ناس من الجامعة ؟ ولازالت علاقتج فيهم مستمرة ؟ 3- عندج محل بإسمج؟ في وين ؟ و حق شنو هالمحل ؟ 4- انزين و مسلسل نور ؟ ماجربتي تطالعين حلقة من حلقاته ؟ وشرايج فيه ؟ 5- في وين ساكنة ( عايشة ) اذا ماعندج مانع تقولين .. 6- متى تقعدين من الرقاد انتي ؟ واول ماتقعدين شتسوين ؟ 7- انتي يعني مصممة ازياء؟ واذا إي منو اللي شجّعج عليها ؟ 8- شنو اكثر شي يعصبج ؟ 9- شلون تتعاملين مع اهل ريلج ؟ شلون طبيعة علاقتهم معاج ؟ 10- شنو الصفات اللي موب زينة فيج ؟ Link to comment Share on other sites More sharing options...
Sheeva Posted مارس 5, 2009 Author Report Share Posted مارس 5, 2009 1- مثل ماعرف انج تدرسين في كلية العلوم الصحية بس حبيت اعرف هل كنتي مقتنعة بهالتخصص او بعد ماتخصصتي ندمتي و تمنيتي لو تتخصصين في شي ثاني اذا الاجابة اية في شنو كنتي تبين تتخصصين ؟؟؟ بصراحة اول مادشيته كنت مقتنعه فيه اقتناع تام ،، و كنت حابته وايد وايد وااااااااااايد وحتى معدلي كان كله فوق الـ 3 ،، لكن بقدرة قادر .. كرهت التخصص بللي فيه وكرهت كلية العلوم والطلبة اللي فيها اللي عانيت منهم و من مشاكلهم ،، تعرفين الناس ماتحي احد يتميز عليها ولاحد يفرض شخصيته ،، وانا كنت فارضة شخصيتي بالقوة هناك ،، لدرجة ان ماتمر مناسبة إلا و شيفا تلقينها أول المشتركين ولازم القي كلمة على المسرح او اكون عريفة حفل ،، بس الحين شفت البلاوي من هالتخصص .. شفت الوصخ واللعواز ،، وانا بصراحة وحده ماعندي صبر ولا عندي قدرة على التحمل .. واصلاً المريض بدال لانخليه يصيح المفروض نسكته ،، وانا اذا اشوف مريض يصيح ،، اصيح وياه ،،، وهالشي سلبي و مايناسبني كممرضه .. ولو اتمنى اتخصص تخصص ثاني ،، بافكر في الصحة العامة أو في أدب انجليزي 2-شلون تقدرين توفقين بين حياتج العلمية والاسرية وبين المنتدى وبما انمج مراقبة الديوانية وقسم الانجليش ؟ اطول مدة تقضينها في المنتدى او مع العايلة ؟؟ وهل عايلتج تغار من كثر قعدتج على المنتدى ولا ماخذين الامور بسهالة ؟؟ خلاص انا طلعت من الكلية ،، والحين عندي فراغ تام حق المنتدى ،، ومافي شي يمنعني من الدخول،، وطبعاً المدة اللي اقضيها في المنتدى اطول من المدة اللي اقضيها مع العايلة ،، واساساً سواء دشيت المنتدى او لا .. انا ماقعد معاهم لان احنا علاقتنا ببعض جداً ضعيفة ،، عايلتي ماتغار من قعدتي ،، بس ماهي راضية وموب مقتنعه بالفكرة .. وماخذه فكرة سلبية عن المنتدى ،،، وحاطة في بالها ان المنتدى اهو اللي حطمني و خلاني اطلع من الكلية،، 3- على الصعيد العائلي ترتيبج في الاسرة جم ؟؟ ومين تحسينة قريب لج ويفهمج اكثر امج او ابوج ؟؟؟ انا الثانية من عقب العود ،،، والوحيدة بنت .. ماعندي خوات امي تفهمني اكثر من ابوي لدرجة ان كل سوالفي عندها ،، وابوي انا ماأكلمه ،،،، متهاوشة معاه =) فإذا عندي شي اهيه اللي توصله له 4-اكثر مكان تحبين تقعدين فية في البيت وترتاحين فية راحة مو طبيعية ؟؟؟ قبال المنتدى + الوارش (سطح البيت) اقعد اطالع السما او السيارات والناس الرايح و الراد ،،، وطبعاً السرير ،، ارقد واصيح واسوي اللي باسوي فيه 5- في هالفترة هل تعيشين بفترة الحب ؟؟ وشنو مواصفات فارس الاحلام في عيون شيفااا؟؟؟ اي ... يكون وسيم و حليو مثللللللللللللللي ... مابيه اشقر ،،، ابيه ابيضاني..طويل..ضعيف..شعره اسد غامج و طويل ،،، اهم شي يغار علي ،، ويلبي لي كل اللي ابيه و مايضغط علي 6- مين من المنتدى عضو تحسينة مثل شيفا وتفكيرة مطابق لتفكيرج ؟؟؟ بصراحه مادققت في الشخصيات بس في عضوات متطابقة معاي في اشيه بسيطة يعني مو كل الافكار ،، 7- رايج فيني وبدون اي مجاملات وقولي لي العيوب اللي فيني والسلبيات عشان احاول اصححها لأني بصراحة اثق في رايج ؟؟؟ انتي وحده ماعليج اي كلام بصراحه .. طيبه وحبوبة وايد وايد واااااااااااااااااااااااااااايد .. لج شهرة من بين العضوات ،، لانج صج حليوة و طيوبة وتدشين القلب ،، واللي يعجبني فيج انج ماتهتمين يعني وانج من النوع اللي يطنش ومايعور راسه مع اللي مايسوون .. و متفهمه ماشالله عليج .. قلبج كبير ،،،، و تفهمين الاعضاء تقريباً .. وتسوين شغلج ولا عليج من احد .. وتعاملين كل الاعضاء نفس الشي ،،، ماعندج تفرقه اييييييه عليج انتي سلبيات لحد الان ماشفت .. كامله و الكامل الله 8- في اطار المنتدى اذا فية عضو غلط عليج واهانج وعقب طلب السماح منج هل تسامحينة من كل قلبج ؟ ولا تسامحينة بس ماتنسين الموقف وتشيلين شوي في قلبج ؟؟ يعتمد ع العضو نفسه .. اذا العضو خايس نفس .. و في امل انه يعيدها ... ما أسامحه .. راح اهينه بطريقة كللش حقيرة و ارد اعتباري جدام الكل بس بدون محد يصيد علي اي بوينت ،، انه نذله ماعرفتوني للحين و اذا طلب السماح مني وانا عارفه ان ماراح يسويها مرة ثانية .. اسامحه من كل قلبي 9-شنو اعز هدية على قلبج ؟؟ممكن تصورينها ؟؟اذا ماتبين ممكن تصورين اخر هدية حصلتيها ؟؟ اعز هدية عبارة عن لوحة فنية راسمها لي حبيبي القبلي ،،، باصورها لج وباحطها 10-ممكن تصورين لي فساتينج مال السهرة ؟وذا ماعندج فساتين صوري لي الجينزات اللي تلبسينهم ؟؟[/font]جاري ،، Link to comment Share on other sites More sharing options...
اسيـــرة الاحزان Posted مارس 5, 2009 Report Share Posted مارس 5, 2009 8- في اطار المنتدى اذا فية عضو غلط عليج واهانج وعقب طلب السماح منج هل تسامحينة من كل قلبج ؟ ولا تسامحينة بس ماتنسين الموقف وتشيلين شوي في قلبج ؟؟ يعتمد ع العضو نفسه .. اذا العضو خايس نفس .. و في امل انه يعيدها ... ما أسامحه .. راح اهينه بطريقة كللش حقيرة و ارد اعتباري جدام الكل بس بدون محد يصيد علي اي بوينت ،، انه نذله ماعرفتوني للحين و اذا طلب السماح مني وانا عارفه ان ماراح يسويها مرة ثانية .. اسامحه من كل قلبي سياسة حكيمة منج لانة الصراحةفية اشخاص تغلط غصب عنها عقب تعتذر وفية ناس الغلط يمشي في عروقها ياما يغلطون وحتى لو تسامحينهم يردون بعد يغلطون 17- رايج فيني وبدون اي مجاملات وقولي لي العيوب اللي فيني والسلبيات عشان احاول اصححها لأني بصراحة اثق في رايج ؟؟؟ انتي وحده ماعليج اي كلام بصراحه .. طيبه وحبوبة وايد وايد واااااااااااااااااااااااااااايد .. لج شهرة من بين العضوات ،، لانج صج حليوة و طيوبة وتدشين القلب ،، واللي يعجبني فيج انج ماتهتمين يعني وانج من النوع اللي يطنش ومايعور راسه مع اللي مايسوون .. و متفهمه ماشالله عليج .. قلبج كبير ،،،، و تفهمين الاعضاء تقريباً .. وتسوين شغلج ولا عليج من احد .. وتعاملين كل الاعضاء نفس الشي ،،، ماعندج تفرقه اييييييه عليج انتي سلبيات لحد الان ماشفت .. كامله و الكامل الله تسلمين وشهادتج فيني اعتز فيها لأني اعتبرج انسانة صادقة واللي على قلبج على لسانج 3- على الصعيد العائلي ترتيبج في الاسرة جم ؟؟ ومين تحسينة قريب لج ويفهمج اكثر امج او ابوج ؟؟؟ انا الثانية من عقب العود ،،، والوحيدة بنت .. ماعندي خوات امي تفهمني اكثر من ابوي لدرجة ان كل سوالفي عندها ،، وابوي انا ماأكلمه ،،،، متهاوشة معاه =) فإذا عندي شي اهيه اللي توصله له اللة يصلح بينج وبين ابوج مهما كان هذي ابوج ولازم تتقربين منة اكثر ولا تحطين في بالج انة مايحبج بالعكس حسسية انج جريبة منة ومهما قال وفعل بيتم ابوج واللّة يجدم اللي فية الخير Link to comment Share on other sites More sharing options...
اسيـــرة الاحزان Posted مارس 5, 2009 Report Share Posted مارس 5, 2009 (edited) 1- أي قد عمرها بنتج ؟ وديتيها روضه او حضانه ؟ لا توها صغيرة على الروضة عمرها ثلاث سنوات 2- تعرفتي على ناس من الجامعة ؟ ولازالت علاقتج فيهم مستمرة ؟ لا ماتعرفت على ناس نيو من الجامعة بس اللي كانوا معاي في المدرسة لاني انسانة ماحب اتعرف وايد وماحب اسوي علاقات اجتماعية وايد 3- عندج محل بإسمج؟ في وين ؟ و حق شنو هالمحل ؟ اية باسمي _مدينة عيسى _محل لزينة السيارات بس طبعن اخترت هالمجا ل في البداية لانة مربح بس مو مقتنعة فية لكن افكر بعد فترة اغيرة وافتح صالون او اي شي يخص النسوان محل عبايات اي شي من هالقبيل بس مابقول اسم المحل 4- انزين و مسلسل نور ؟ ماجربتي تطالعين حلقة من حلقاته ؟ وشرايج فيه ؟ بل المسلسل كلة طالعتة ولا حلقة طافتني حليو المسلسل بس مافية احداث وايد المسلسل هادي 5- في وين ساكنة ( عايشة ) اذا ماعندج مانع تقولين .. الرفاع الشرقي 6- متى تقعدين من الرقاد انتي ؟ واول ماتقعدين شتسوين ؟ اقعد أي ساعة تسع عشر واحيان من صباح اللة خير مافي وقت محدد على حسب المزاج 7- انتي يعني مصممة ازياء؟ واذا إي منو اللي شجّعج عليها ؟ لا لا مو مصممة بالضبط بس عندي هالهواية اصممم اغلب الفساتين بأفكار حلوة ويديدة وعقب اوديهم للخياط محد شجعني بس جذي موهبة 8- شنو اكثر شي يعصبج ؟ اكثر شي يعصبني اذا احد قال بيسوي شي وماسواة اتنرفز ماحب جذي احب الشخص يكون قول وفعل 9- شلون تتعاملين مع اهل ريلج ؟ شلون طبيعة علاقتهم معاج ؟ الحمداللة علاقة ممتازة وهم بعد اوادم وطيبين وماحب اتدخل وايد في امورهم لاني انة بعد ماحب انهم يتدخلون فيني زيادة عن اللزوم 10- شنو الصفات اللي موب زينة فيج ؟ الصفة اللي مب زينة فيني اذا فية شي مضايجني ماحب افضفض او اعبر عنة بس كلة اشكي حق روحي وذا جفت احد يسوي غلط ماحاول اني انصحة كذا مرة اكتفي مرة وحدة وبس كل واحد عقلة براسة يعرف خلاصة [/font] Edited مارس 5, 2009 by متابعة سنوات الضياع Link to comment Share on other sites More sharing options...
اسيـــرة الاحزان Posted مارس 6, 2009 Report Share Posted مارس 6, 2009 نرجع لمحور حديثناااا 1- بما انج عصبية وتتنرفزين بسرعة هل خسرتي ناس مقربين لج بسبب هالعصبية ؟؟؟ 2- تحبين تطلعين وايد او لا انتي بيتوتية ماتحبين العلاقات الاجتماعية ؟؟؟ 3- شنو اكثر طبخة تحبينها من يد امج ؟؟؟ 4-تمنيتي يكون عندج خوات يونسون وحدتج ؟ ولا انتي مرتاحة جذي عشان يدلعونج بما انج وحيدتهم ؟؟ 5-شلوووووون كنتي بالمدرسة وهل تتمنين ترجع ذيج الايام ؟؟ 6- شلون كانت علاقتج مع المدرسات يوم كنتي بالمدرسة ؟؟ 7- شي خاطرج تسوينة للحين ماسويتية ؟؟؟ 8- شنو الصفة اللي مو موجودة فيج وخاطرج تكون موجودة ؟؟ 9- بما انج تحبين بوب مارلي عندج جيتار ؟؟؟ مادري ليش اتخيلج تعزفين جيتار المهم اذا عندج صورية لنة ؟؟ 10_شنو ستايلج في اللبس ؟؟(تحبين بنطلونات_فساتين )؟؟ Link to comment Share on other sites More sharing options...
Recommended Posts