خالد الشاعر

مشكوره يا وناسه على هالمبادره وشكرا لكل اللي هنوني و لا تنسون تدعون لي بالتوفيق احبكم كلكم وحشتوني

مساااااااااااء الورد ...،،، انتظروا المفاجآت وتفاصيلها على بحرين تودي والصحف المحلية

مساء الورد بصراحه تمللت وآنه أقول حق عادل يللا بنستضيفك بس دائما يقول ما عندي جديد، بس وعد نستضيفه قريب انشالله

شكرا لك على هذا الموضوع ونتمنى انك تستمر في طرح مثل هذه المواضيع الهادفة وأعتقد انه الجميع لاحظ الفرق بين هذا الموضوع الجميل والمواضيع التي سبق وأن طرحتها

مسااااااء الورد ... لاحظنه في الفترة الأخيرة ازدياد المشاركات من الأعضاء اللي فيها قصص و أشعار وأغاني ، مع تقديري للجهد اللي يقومون فيه إلا انه هاذي المواضيع ما تتفق مع الهدف من وجود منتدى نجوم الظهاري، المنتدى فرصة للتعارف ما بين مستمعي البرنامج وإبداء الملاحظات وتقديم الأفكار الجديدة، لذلك لا مانع من طرح موضوع للنقاش يتفق مع اسلوب البرنامج، مثلا الزواج من طائفتين، الأمنيات، ... الخ ، يعني بالمختصر المفيد المواضيع اللي تثري وتفيد وتخلي الأعضاء يتناقشون فيها، مع احترامي الشديد لكن هناك قصص وأشعار وأغاني لا فائدة من وجودها لذلك قمنا بحذفها، وهناك أيضاً مواضيع لا تستحق أن تكون موضوع جديد بحد ذاتها، بل يمكن طرحها في الشات الخاص بنجوم الظهاري، مثل التحيات أو الترحيب بعضو جديد، كلها أمور يمكن طرحها في الشات، بينما المواضيع النقاشية المهمة والملاحظات يمكن طرحها في موضوع جديد. أكرر احترامي وشكري وتقديري لكل من شارك بمواضيع قمنا بحذفها مثل ولد الصنقل أسمريكا عمران وغيرهم، ولكنني متأكد من قدرتهم على طرح مواضيع مهمة واهمه قد الثقة انشالله وأتمنى انهم ما يزعلون لأنه احنه نحبهم وندري انهم حريصين على البرنامج وعلى المنتدى . تحياتي ... خالد الشاعر ...،،،

مساااااااااااااء الورد ...،،، وينكم عن الشات يا أعضاء ؟ نتمنى عودتكم قريباً ... تحياتي ... خالد الشاعر ...،،،

مسااء الورد ...،،، سيداتي آنساتي سادتي أينما كنتم أينما يصلكم صوتي أنا محدثكم خالد الشاعر أحييكم وأقدم لحضراتكم فقرة ليموزين اف ام من برنامج نجوم الظهاري فقط عبر أثير بحرين اف ام جميع فقرات هذا البرنامج تقدم لكم من استوديو بحرين اف ام اللي فيه الهدفون والمايكروفون، من خلف المايكروفون معكم خالد درويش وأحمد الشريان أما من أمام المايكروفون فمعكم خالد الشاعر ، انشالله نقضي أوقات ممتعة ولكنها مفيده في نفس الوقت نقول آمين . هاذي المقدمة اللي صارت لزمة لفقرتي وما أقدر أغيرها وأعتقد اني قلت اسمي مرتين فيها، وبعدها ما أذكره أبدا إلا إذا مستمع بالغلط قال لي علي فأصحح له وأقوله معاك خالد وأحيان ما أصحح له، أما باقي المرات العشر اللي ذكرتيها فمرتين نذكر فيها أسامي طاقم البرنامج مرة في البداية ومرة في الخاتمة ومو آنه اللي دائما أقولهم أحيان هدى أحيان علي، أما بالنسبة عن صفة الغرور فصدقيني آنه ما أملك شي مميز عشان أغتر فيه وسامحيني على القصور ورايج على عيني وعلى راسي وهاذي الانتقادات اللي راح تطور البرنامج تحياتي ...،،،

مسااااااء الورد ... تحياتي لصديق البرنامج ولد الصنقل، بس آنه متأكد مليون مرة اني قريت هالمسج وعلقت عليه بعد وقلت كل عام وانت بخير يا ولد الصنقل مقدماً وكان من آخر المسجات اللي قريتها وبالنسبة عن المسجات فمثل ما قلت من قبل مسجات كثيرة ما نلحق نقراها كلها ، بس آنه عن نفسي أحاول أعطي كل مستمع فرصة انه اقره المسج اللي طرشه فمثلا إذا انته طرشت مسج وقريته وبعدين طرشت مسج ثاني أعطي الأولوية للمستمع اللي ما قريت له ولا مسج على أساس مبدأ تكافؤ الفرص ومحد يزعل، فيمكن علشان هالسبب ما اقره كل مسجاتك لأنه في ناس ما قريت لهم ولا مسج بينما انته يا اخوي قريت لك مسج او مسجين عشان محد يزعل، فسامحني ولا تزعل وآنه أدري انه العتب على قد المحبة تحياتي ...،،،

مساء الورد من قال الموضوع ما ينطرح أصلاً هذا الموضوع تم التطرق إليه لما تكلمنه عن الطائفية بشكل عام واستقبلنه اتصالات شرحت لنه تجارب بعض من أهاليهم اللي متزوجين من الطائفة الأخرى للأسف فاتتكم الحلقة وراح نحاول إعادة الموضوع شكراً لج بسمة صدق شكراً لج حصة درويش

مسااااااااء الورد مو عارف شاقول لكم والله ، بس الكلمة اللي لازم أقولها : شكرا مو مجاملة، بس بصراحة علي و هدى يستاهلون القب بعد، تدرون ليش ؟ لأن كل واحد التزم بالستايل اللي رسمناه وخططنه له قبل لا نبتدي في البرنامج، والحمد لله نجحنه في بناء جسر بينه وبين المستمعين نتمنى انه اعصار " جونو " ما يهدمه بس بصراحة آنه أحب الألقاب وايد وهاذي اللقب آنه أعتز فيه وأتمنى يكون بمثابة حافز ودعم لي، وهو حملني مسؤولية انه أواصل على نفس المستوى وأحسن بعد، آنه وأسرة البرنامج كلنه ... شكراً مره ثانية

مساء الورد ... أتمنى انك تحصل هاذي الأغنية عما قريب ، ولكني متأكد انه فرصة حصولك عليها راح تكون أكبر لو كتبت الموضوع في المنتدى الخاص بالأغاني ... شكراً ...،،،

مسااااااااء الورد على الجميع آنه ضحكت لأنه الناس قاعده ترفع من معنويات علاوي والكل يقول انه القرعه حلوه " مثل رناد و ريم " بس المشكله انه علي نفسه مو مقتنع منها و بنفسكم سمعتوه لما قال انه يحاول يلاقي علاج حق قرعته لكنه مو لاقي، ف عشان جذي آنه ضحكت, لأنه علاوي صار له زمان وهو يقول لي بتشوف عقب شهرين بيطلع لي شعر وللحين ما طلع له، فالسبب اللي مخليني أضحك انه علي لحد ألحين مو مقتنع انه هو أحلى بالقرعه ( مثل ما كل شباب بحرين اف ام يقولون ) ، و اللي ضحكني أكثر انه علاوي دايمن يقول أصلا الشعر ما فيه خير ، بينما على الهوا كان يدور حلول، أتمنى انه ردي كان شافي، عرفتو ليش آنه كنت أضحك ؟

مسااااااااء الورد على الجميع و الله يعطيكم العافية تحملوا بالمنتدى و خلوا بالكم عليه

مسااااااااااء الورد البرنامج ما راح يوقف إن شاء الله احنه مثلكم سمعنه انه راح يوقف بس المسؤولين طمنونه انه ما راح يوقف أما بالنسبة عن اللي قلته بأنه البرنامج راح يتوقف شهر 5 فهاذي كانت إشاعة، لأنه موضوع ليموزين اف ام كان عن الإشاعات شكراً على اهتمامكم ونتمنى انه احنه نكون دائماً عند حسن ظنكم

مساااء الورد ... البرنامج عادة يكون يومي ما عدا الجمعة والسبت من 1 إلى 3 ظهراً على بحرين اف ام ( 93.3 f.m ) يوم الخميس هو اليوم المفتوح ( الفني )، يطرح موضوع فني من 1 إلى 2 ، وبعدها يتم استضافة المواهب الغنائية من 2 إلى 4 هذا الأسبوع ضيوفنا راح يكونون نجوم ستار أكاديمي، والتفاصيل موجوده في خبر الموضوع ... تحياتي ...،،،