نسل الايواد

الصراحه بو يعقوب رفع راسنا و شرفنا بهالمسلسل الرائع اللي كان افضل مسلسل في رمضان قصه حلوه و حوارات بسيطه خلتنا نحس ان احنا عايشين وياهم الله يعطيكم العافيه و بانتظار جديدكم

خخخخخخخخخخخخخخ و الله نفس تفكيري قلت بس خلاص بيتمون في بيتهم و بتصير حريجه يموتون فيها كلهم

اي جلاهمه ؟؟!! اهيا الا قزرت في المدرسه يسمونها مريم كيتو متى صارت من الجلاهمه هالمعلومه غلط و اتمنى تصححينها

اي و الله البيت العود و حزواي الدار و تالي العمر و غيرهم كانت فعلا مسلسلات هادفه تبقى في ذاكرتنا حتى لو كنا اطفال يوم شفناها مب مسلسلات هالايام و من جمن يوم سوو مقابله في الاذاعه مع واحد من المؤلفين اللي كتبو هالمسلسلات قبل .. و هالسنه اعماله كلها كانت لدول اخرى شقيقه و يوم سألوه عن سبب هجره كتاباته قال ان السبب اهوا و للاسف عدم التقدير في البحرين و فعلا الاعلام عندنا وايد مهشم و مو ماعطينه التقدير اللي يحتاجه

انا اتفق مع واحد من الاخوان اللي قال ان مسلسل صار مثل قصه سنووايت مادري سندريلا يقولون لو كل من يا و نير ما ضل في الوادي شير و زينب كانت فنانه متميزه في مسلسلاتها القديمه .. بس ما ادري ليش في السنوات اللي طافت تراجع مستواها وايد خاصه يوم صارت على قولتها كاتبه

عاد بتصير بايخه السالفه بيسوونه نفس طاش ما طاش كل سنه

انا بعد ابيها الاغنيه حدها عجيبه

نعم ولا لا من افضل المسلسلات الخليجيه اللي اشوفها او شفتها كل شي فيه واقعي ... ابتداء من اللبس مرورا بالحوار و انتهاء بالمشاكل اللي يعالجها و اللي معظمها اذا مو كلها شايفتها بعيوني و اعتقد هاذي مو اسلوب للنقد او الحوار ... هاذي اسلوب تجريح و اهانه لكاتبه تعتبر كاتبه الخليج الاولى

مروه عورتي قلبي يوم ناديتي ابوج .. حسيت يبه و الصرخه طالعه من قلبج صراحه انتي اكثر ممثله احس انها فعلا تعيش في الدور اللي تمثله و تقدر توصله لنا بافضل صوره صوره ممكنه

اللي توقعتوه صار بو خالد مات و ليال تطلقت ممممممم انا اتوقع سهام بتلاقي ولدها و بتربيه (( عاد لا تقولون لي شلون )) و خالد بيدري ان عندها ولد .. عاد يا بياخذها و بيربيه وياها او بيفضحها عند ابوها و لين ابوها عرف بيموت محمد .... تزيد عليه حالته النفسيه لين تقول له ليال انها ما تحبه و عقب يا ينتحر او يهاجر مروه .... بياخذها موسى في الحلقه الاخيره خالد ..... اذا ما تزوج سهام بيتزوج ساره و انا احساسي يقول انه بياخذ ساره حمد .... اتوقع ان بيرجع بعد ما يتعالج بس ما بيرجع بدريه احمد

اهما جنه يكتبون شكر حق كبرى القصير ويا الاسامي و اتوقع اهيا مصممتهم

فديتج يا بلادي كل عام و البحرين و اهلها بخير و الله مب عارفه اشلون اعبر عن فرحتي الف مبروك لجلاله الملك (( ملك القلوب )) الشيخ حمد بن عيسى الخليفه و ولي عهدنا شيخ الشباب الشيخ سلمان بن حمد الخليفه و ابونا كلنا الشيخ خليفه بن سلمان الخليفه و حق شعب البحرين و اعضاء منتديات bahrain2day و كل انسان يحب البحرين

الف مبروك كل عام و مديرنا و مشرفينا و اعضائنا كلهم بخير .... و نجاح المنتدى في هالفتره القصيره كان بسبب اجتهاد القائمين عليه ...

انا من رايي بدال ما تصيح ,,, سو لك حفله و اعزم ربعك عليها ما دام تكلم غيرك اشكره جدامك و كانت تكلمك و تطلع وياك شلون تقدر تفكر فيها كزوجه ؟؟؟؟ شلون في يوم من الايام بتأمن على بناتك عندهاا ؟؟؟ اللي باعت نفسها و خانت ثقه اهلها عمرك ما راح تهمها .. و بتكون مجرد اسم مر في حياتها مثل اسامي وااااايد قبلك حتى لو ما بينت لك هالشي .. انا من رايي تحمد ربك اللي طلعك من السالفه و تعيش حياتك ولا جنه صار شي

و الله انا مع الزواج المبكر حق البنيه مو الريال ,,,, يعني احسن ان البنت تتزوج و اهيا صغيره بس الريال لازم يكون مكون نفسه و شابع من الدنيا و بس يبي يستقر و يكون عايله يعني اقل شي 24 سنه ,,, اما البنيه فالسن ماله دخل بحياتها الزوجيه .. بالعكس انا احس ان البنيه احسن لها لو تتزوج و اهيا صغيره عشان عمرها يصير جريب من عمر عيالها و عقب ترافجهم لين كبروا ...