لولو مرجان

شدعوه يا ناس 4 قراءات ولا حد رد علي يلا احنا بشهر رمضان لحد يبخل علي .. جدامي مهله اسبوع اقرر فيه

احس يوم شفت هالسيارات كأنا عايشين بكوكب ثاني اشكالهم غريبه و بعضها مخيفه ههههههههه تهقون في احد راح ياخذ منهم لو فرضا نزلوو عندنا اول وحده عجبتني وايد .. بس الباقي الصراحه .. نوووووو كومنت الصراحه ثنكيوووو اختي على موضوعج الجميل و ننطر جديدج

السلام عليكم شباب و مبارك عليكم الشهر ان شالله حبيت اسأل اي شخص عنده فكره عن سيارات الدودج ولحد يبخل علي تكفوووون .. انه الحين بدش الجامعه ان شالله توني .. و ابي سياره تلبي احتياجاتي و تكون صغنونه و اقتصاديه وحليوة .. فكرت في دودح كاليبر الي اهي اصغر سيارات الدودج .. اهي تكون هاتج باك و رحت الوكاله وشفت فيها مميزات كثيره و حلوة على الرغم من صغرها .. ابي رايكم بأسرع وقت يا ناس و الي يعرف احد عنده تجربه ويا هالدودج يخبرني .. لاني جدامي اسبوع بس و لازم اقرر الحين شنو اخذ سياره حق الجامعه .. شفت نيسان قشقاي و جربناها بس ماعجبتني .. الدودج سياقتها احلا وفيها مميزات احلا طبعا .. و قريت عن النيسان قشقاي ان هيكلها مو صلب كثير .. يعني مو سيفتي وايد .. و اكثر شي تعتمد صناعتها على البلاستيك يلاااا ياااا ناس لاتبخلون في برايكم .. انطركم XXX اختكم; لولو مرجان

تسلميييييين حبيبتي حدي متشوقه ادش الجامعه .. وان شالله يوم من الايام نتلاقا عن قرب و نتعرف على بعض اكثر واكثر

هلااااااا اخووووي حبيت اسألك يا الشيخ انه ناسيه رقمي الجامعي و ماعرفه شاسوي عشان اطبع الرساله ماعرف وشوو من الموقع !! شنووو الحل ماعرف شاسوي يعني يصير باجر الاثنين اذا بروح اطلبها منهم؟؟

هلااااا حبوبه هم انه قبلوني اكونت في جامعه البحرين وحددي مستانسه لان قبلووني في التخصص الي انه ابيه ... و لي الشرف بمعرفتج حبيبتي وان شالله ربي يسهل علينا و يوفقنا يارب ...

بل كنت مفكره اسجل في كليه البحرين الجامعيه الي كانت سابقا (الكنديه) بس الوالد ماخلاني و قالي في مشاكل قاعده تطلع بهالجامعات الخاصه و شجعني اسجل في البحرين و الحمدلله اني سجلت من قبل في البحرين و الحين قبلوووني في التخصص الي ابيه الله يعيين جامعه البحرين الحين شلوووووون راح يستقبلون هالعدد الهائل من الطلاب الي راح اييونهم ان شالله بس ماتتعقد الامور و تضل الجامعه البحرين قوية مايأثر هالشي فيها .. الله كريم

خوووش اعلان والله يبيله نسجل فيه ... انه بأذن الله بدش جامعه البحرين هالسنه .. و يبيلي هالنوع من التهئيه ثنكيووو ماتقصرون

هلاااا اختي حبوبه انتي ماعليج من كلام الناس و شوفي حق شنو تميلين و شنو التخصص الي تحبينه و راح تعطين فيه دشيه و توكلي على الله .. بس اذكر في وحده اعرفها و كانت تدرس هالتخصص الي انتي راح تدشينه .. كان وايد متفوقه بالثانوي و اذن معدلها كان 98 .. و يوم دشت هالتخصص على قولتها لا ليلها ليل و لا نهارها نهار تقول وايد قاعده تتعب و هالتخصص صعب .. ... ربي يوفقج ان شالله ويسهل عليج اختي

فديتج محرقاويه اشكرج عالمرور اي سمعت عنها انها وايد زينه .. بس المبنى مايعجبني ماحسه يوحي اني صج بجامعه !!! و سمعت ان مافي فرق بينها وبين جامعه البحرين .. نفس الكتب ياخذونها .. و بعض الدكاتره هم كانو يدرسون في جامعه البحرين .. بس الفرق انج راح تحسين براحه نفسيه في الاهليه و جريبه بس لحد يقولج سهله و هينه .. كــــــــلــــش مو سهله ترى يعني لازم تتعبين مثل التعب الي راح تبذلينه بجامعة البحرين !! .. عشان جذي انه حيرانه وايد بينها و بين جامعه البحرين!!

هلوووووات شخباركم .. شمسويين اممم بغيت اسألكم عن الجامعه الأهليه الي عنده فكره لا يبخل علي و يقولي .. ابي رايي كل واحد يدش على هالموضوع و يقراه .. حته لو بمعلومه بسيطه يرد علي .. و راح اكون ممنونه لكم انه خريجة ثانوي و ماباقي وقت عالتسجيل و القبول .. بس المشكله اني حيرانه و مو عارفه وين ادش .. ابي رايكم في هالجامعه من حيث .. ااذا كانت معترف فيها؟؟ اخلاق الدكاتره مع الطلبة؟؟ مستوى الامتحانات؟؟ الجووو الدراسي؟؟ تكاليف الدراسه فيها؟؟ .. واللي عنده معلومات اكثر لا يبخل علينا ... أنــــــطــــــــــر ردودكم ياااااا ناااااااااس لاني عقب باجر مسافره و ابي اخذ رايكم و اخلص اموري بكره

هههههههههه اي بلا اروح هناك تبيني اتعقد خلني في البحرين وايد اهوون .. فدددددديت البحرين ماقدر على فراقها انه ... اللهم امين

ههههههههههههه ماتقصر اخوي فيك الخير والله !!! ... الله يستر بس حزتها بكون في البحرين .. وقت النتايج .. الوالد يسويلي من شوي اذا مالقيتي بعد محل لج بجامعه البحرين بس بطرشج السعوديه هناك في خوش جامعات <<<< مدري من صجه ولا يتطنز ... ان شالله خيييييييييير يارب لي نهايت الاسبوع الياي تفااااائلوووو بالخير تجدوووووووه

هههههههههه .. ضحكتني !! اي شي يصيدني على طوووول باييك. سوو ترياني في اي وقت بطب عليك اذا اصطكت علي <<<< هههههه اتعشمر ان شالله يطلعووووون النتايج و استانس .. اتمنى يطلعون قبل لا اسافر .. يعني خلال هالاسبوع .. عشان اسافر و انه متطمنه و مستانسه

اختي صج تاريخ 3-8 يعني بااااااااجر؟؟؟ بلييييييييز الي ييعرف متى يقوووول .. والله اني احاتي .. لان اليوم تكدرت مالقيت اسمي في جامعه بلوتكنيك و حدي ضااايعه و خااااايفه ان شالله انقبل بجامعه البحرين .. لاني بس قدمت بهالجامعتين !! .. يااالله يقبلوني