Osamo

لا.. 0 - 127 0 تعني الطابق الأرضي 127 تعنى رقم القاعة و هذي القاعة تصير في الآداب في الطابق الأرضي و ليس البزنز ------- عموماً اذا كان رقم القاعة أقل من 100 يعني في البزنز و اذا كان أكثر من 100 (( نفس حالتك 127)) يعني في الآداب --------- 0- 27 يعني الطابق الأرضي في الزنس 1- 34 يعني الطابق الأول في البزنس و هكذا

فاهمين الموضوع غلط اللي في التسعينات --------> أول فصل + بكاليريوس جامعة البحرين اللي في الثمانينات --------> ثاني فصل تمهيدي+ بكاليريوس جامعة البحرين + في بعضهم قدموا امتحان عن اعفاء التمهديدي اللي في السبعينات -----------> اول فصل+ دبلوم في الكلية التطبيقية ------------- السبعينات يدرسون في الكلية التطبيقية في جامعة المدينة دبلوووووووووم و ليس بكاليريوس أي واحد يبي يحول وياهم يحول

أنا على أيامنا.. سويت هالحركة و بدلوني يعني في أمل

مرحبا مؤقتاً فقط، لكن في نهاية الفصل القادم سستم معادلة المواد التي تحمل نفس الرمز آلياً فمثلاً في تخصصك السابق أخذت ACC112 ستتم معادلته نهاية الفصل القادم ACC112 في التخصص الجديد و بهذه الطريقة - المعادلة - سيتم احتساب ACC112 في الــ GPA و لكن لو كان رمز المقرر مختلف فمثلاً الهندسة يدرسون MATHS101 و في كلية ادارة الأعمال ندرس MATHS103, MATHS104 في هذه الحالة عليك بملء استمارة في قسم التسجيل لمعادلة MATHS101 بــ MATHS103 و لكن نتيجة لأختلاف الرموز ( 101 و 103) سوف لم تحتسب هذه الدرجة مع الــ GPA لكن سوف في عدد الساعات بأنك اجتزت 3 ساعات. و لا أعتقد انك تحتاج بملء الاستمارة لأن تخصص ادارة الأعمال يحوي نفس مواد و نفس رموز المحاسبة، و لذلك سوف تتم معادلة المواد آلياً على نهاية الفصل القادم و يعود الــ GPA على ما كان سابقاًَ

أنا أقول 6 مواد.. الكورس الي طاف نزلت 6 و هالكورس ناوي انزل 6 بعد اشوف المواد يركبون على بعض، كلهم فهم ما عدا الماركتنج حفظ لكن انصح باختيار الدكاترة الكفؤ لمواد لأنهم يعتمدون على الفهم، و سالفة المعدل يعتمد عليج، لكن اذا اخذت السالفة بجد 100% ما راح يقل، انا ارتفعت ذاك الكورس و انصح الكوست تاخذينه مع انتوني أو صايل و ابتعدي عن حارس و صفاء اذا ما حصللتي عندهم حضري ليسنر و تاخذين نوتات انتوني وايد تمام، لأن هالمادة غير عن اكاونت 1 و 2 فيحتاج دكتور عدل الفاينس مع بتول أو حميدة جاسم الايكون اشرف أو رضوان أو الوصابي، و هالمقرر في نوت لأشرف ينباع في البوك شوب بديانر واحد بس تراجعين منه + نوت الدكاتره بتضمين الــ A،، و هالمادة أسهل و أخف من الايكون الأولي بوايد الانجليزي 2 هم أسهل , أقصر من انجليزي 1 حتى مراجعته يحتاج نص ساعة بكثير، انصح تاخذينه مع سلمان الحلواجي أو عبدالفتاح جبر MKT 261 مادة حفظ، ما تعتمد على الدكتور بتاتاً بل تعتمد على الطالب كل ما تحفظين بتحصلين درجة أحسن، محمد الموسوي أو باسم بكر زينين الماث 2 ، اعتقد انج تجاري انصحج بالدكتورة ريمان أو زينب صفر أو عبدالعزيز بعد كل محاضرة حاولي تحلي اسئلة النوت مرة ثانية

مرحبا انا طالب بزنز بس عندي مادة آداب و هي الانجليزي يا أختي العزيزة المشكلة اخذت ENGL146 هالصيف و لكن لأسف الدرجة كلش ما توقعتها بتاتاً مع اني داش 46 النهائي و في الأخير تبين ان القسم مسوي كيرف داون عدل هذا .. طول هالصيف على هالمادة و تعب و جهد و في الأخير ما يعطونا اللي جبناه من تعبنا ذبحونا وي هالكيرف داون و حتى الــ GPA قل 0.6 حرام حقيقية على قسم الانجليزي و على رئيسة بوليلة الظالم الله على الظالم

ع فكرة أي واحد عنده F في الشهادة، و عاد المادة تنشال الـ F و تنحط بدالها الدرجة اللي جابها خبر أكيد هذا

أول خلوهم ينزلون لنا درجات الصيفي و بعدين هالجداول

و الانج الأولي بالمطبعة.. سعره دينار واحد

شكراً على الرد .. و ان شاء الله تنحل المشكلة بسرعة و مشكلة تغيير الدكاترة أيضاً. ------------------------------- و بخصوص خلط مواد الدبلوم و البكاليريوس ليش مال يصير ناخذ الا 4 مواد بس؟ يعني لو ظلت مادة دبلوم .. 3 مواد بكاليريوس مادتين دبلوم.. مادتين بكاليريوس ما اشوف له فايده هالقرار بس تأخيرنا ع التخرج يا ريت ينلغي و شكراً

صراحة الكتاب ما منه فايدة.. لو تحصلين نوتات رضوان أو الوصابي تكفي و توفي و تغني عن الكتاب

قووووووووووووول والله؟؟؟؟ استقاااااااااال!!!! آه يالقهر .. وانا إللي قايلة مب عايدته فالصيف عشان اهوه بيدرسه ونفس لكتاب .... الصراحة احسن .. عقدنا الصراحة .. انا بس انطر نتايج إللي سووا تضلم فيه واعطيكم خبر .... انشااالله يزيدون .... أففففف اليوم رحت الجامعة مع واحد حاطه له +C و يبي ينزله لسي ماينس علشان يعيد المادة و مجموعة كان 3.92 و صار 3.81 و طاح من لوحة الشرف كل من هالمصلح و لكن ما رضوا لكن بدرس صيفي و السكرتيرة قالت آخر شي يدرس هالصيف،و ألحين يدرس كوميرشال لو مسائي و الصبح يدرسه واحد اسمه محمد فاضل و لكن يدرسونهم بالكتاب القديم، ان شاء الكورس الجاي بعيده و يدرسونا بالكتاب القديم. المفروض يطردونه و ما يخلونه يستقيل.

المقرر أحلى من اكاونت 1 و 2 و انتوني أحسن دكتور لهذا المقرر، و نوتاته كافيه انا أيام المراجعة راجعت من نوتاته + أسئلة الكتاب فقط و يعطي كل واحد حقه ... و حصلت A عنده

مصلحوووووووووووو استقال المفروض آخر فصل له صيفي و ينتهي عقده، لكنه استقال و الصيفي يدرسهم دكتور أسمه الفاضل و هالدكتور درس رفيقي بانك لو و قال لهم: كتاب مصلح كله كوبي و بيست و كاتب اسمه عليه..

مطلووووووووووووووب MGT230 سكشن 2 و هيستوري أي سكشن

هو سلم الدرجات و سافر و بيرجع علشان يدرس صيفي سكرتيرة قسم المنجمينت قالت الصيفي آخر فصل يدرسه و بعدين بينتهي العقد ماله و عدل التظلم ما راح ينفع يا صح أو غلط، و اكيد لو كان أس أي بكون أحسن بوايد و ما اعتقد لازم تعيدين المادة، كأن سمعت الإفريج مال مواد التخصص المفروض +C ، سألي القسم هو الأخبر..

هو لعبها عدل.. مصلحوو قال لرئيس القسم:- زيدتهم 5 درجات في الميدتيرم.. و عطيتهم 5 درجات مال الغياب ببلاش و عطيتهم في الفاينال 5 أسئلة بونس فما يقدر يسوي أكثر من جدي، ع قولته عطانا أكثر من حقنا!! ------- ايي في واحد حصل عنده -A و ثلاث -B رحت لرئيس القسم أمس السبت مع واحد و قال لنا هالكلام بالتفصيل

و مشكلة أخرى في تسجيل المواد و الجداول.. To be announced و تغير الدكاترة.. الكورس اللي طاف طول الليل انا اضبط الجدول مع دكاترة زينين، و في الأخيرة نصفهم غيروهم و انا اقترح، لو القسم بغير دكاترة، مثلاً قسم الاكاونت غير الدكاترة يرسل اللستة الجديدة لتسجيل و التسجيل يسوي آب ديت لموقع الجامعة من جديد

مرحبا،، أنا واحد صراحةً يوم دخلت الامتحان النهائي شفت الامتحان صعب و يوم قال حلوا 60 سؤال من 65 (( و شاط عمره خمسة أسئلة بونس مع شكله الحقير))، كتبت أسمه ع الورقة و سلمته وياها خالية قلت له لي الشرف أحصل F و في واحد أعرفه الفصل اللي طاف ما قدم الفاينال هو مع وحده، و الفصل اللي طاف كان الكتاب غير، المهم راح لدكتور يسأله شنو يدرس لامتحان قال له أدرس من الكتاب الجديد، و الصبي مسكين راح أشتكى عليه عند رئيس القسم، و رئيس القسم قال لدكتور يسوي لهم امتحان من الكتاب القديم، و مصلح بحرف الواحد قال لصبي: تروح تشكي عليّ راوني اشلون بتحل الامتحان اللي بسويه، و ألحين حصل F فيه.. شفتون اشلون حقارة و نذالة هالدكتور، يسوي امتحانات يتحدي فيها الطلبة هالمادة الفصل اللي طاف ناس وايد ماخذين فيها A، وهالفصل حدث بلا حرج ع الدرجات، رئيس القسم يقول في واحد ماخذ -A , و ثلاثة -B و جم واحد في C و الباقي D و F و رئيس القسم بنفسه قال يوم شاف الدرجات انصدم، و مصلحوووو آخر شي بدرس في الصيفي و بيذلف بلا رجعة، الفصل الجاي دكتور جديد بدرس المقرر أي واحد يبي يعيد المقرر نصيحة لا يعيده في الصيفي، يعيد الفصل الجاي

مرحبا،، الرجاء إعادة النظر في قانون إعادة المادة ليشمل +C موضوع يستحق التمعن فيه منقول من أحد المنتديات لكاتب دمعة المقهور و لكم مني جزيل الشكر و الامتنان،،

شهر 6 اكيد الصيفي يبدي 2/7/2005 فاشلون الحذف بكون نهاية شهر7؟ و يصير تحذفها بالانترنت و أصلاًَ حتى لو ما حذفتها.. بتنحذف اوتوماتيك لأنك ما راح بتدفع فلوس

خلاص الرسالة سوت شغل السؤال طلع غلط و ما ينحل .. و اعترف القسم بالغلط مبروك

نصيحة أخوية.. لا تسجل عنده.. دكتور فاشل شرحاً و أخلاقاً

لأسف ما في حل، كنت بسويه WF بس لأسف هو محتكر المقرر لو انسحبت هالكورس، الكورس الجاي بصيدني، ما راح استفيد شي ما بيد حيلة <_<

اي و الله.. اليوم قال " و لهذا السبب الإمتحان النهائي بكون 60 ترو و فولس فقط" شنو قصده و لهذا السبب؟؟!! و يقول مو شغله لو كانوا كلهم كلمات قانونية، اللي يبي ياخذ زين يروح يستعير قاموس قانوني من المكتبة.. شكله الأخ حاط العداوة ويانا.. و لو أخذنا فيه WF راح بصيدنا الكورس الجاي، هو محتكر هالمقرر الله يكون في العون