السلام عليكم ورحمة الله وبركاته
ابي اعرف ردة فعل كل بنت لو انحطت في موقف مثل موقفي . بأختصار انا حبيت شخص بهرني بقوة شخصيته وثقافته العاليه واسلوبه الحضاري في النقاش. لدرجة اني من غير مبالغه اقدر اقول عنه موسوعه علميه وادبيه وثقافيه وسياسيه. طبعا مو بس هذا الشي اللي خلاني احبه, لكن اهو كان يحمل تجاهي اهتمام وحب كبير. حنانه وحبه عوضني عن كل شي فقدته في حياتي من اقرب الناس لي واهم اهلي. و و و و .... امور كثيره ماقدر احصيها خلتني احبه. وصاراهو كل شي بحياتي ومن غيره احس اني ماقدر اعيش. طبعا وجوده في حياتي غير فيني اشيا كثيره حسيت انه غير كل الناس لأنه يحبني ويسعى حق مصلحتي فوق كل شي وانتو على ما اعتقد تعرفون زين شطانة الشباب وطيشهم بحيث تلقى الواحد يكلم البنت ويعيش معاها علاقة حب وهميه عشان بس يتبادلون المصالح سواء كانت ماديه او جنسيه وتلقى معظم العلاقات هذي تنتهي بعد فتره بسيطه وحتى لو طولت تلقاها ما تدوم وكل واحد بعدين يروح في طريج. بس هذا اللي حبيته شفت فيه اشيا مختلفه عن الشباب. اهو شخص طموح ويبغيني اصير مثله ودايما يقول لي ابيج تصيرين شي كبيير في المجتمع . وفعلا بديت اطور من نفسي واقرأ مقالات وادخل معاه في حوارات دينيه وسياسيه واجتماعيه وتاريخيه من غير ما اتملل. لاحظت عليه من النقاشات اللي تصير بيني وبينه ان افكاره متحرره وكان دايما يقول لي انا كأنسان لا اقبل ان اعيش في تساؤل وانا لي أجتهادي ورأي خاص. كان يختلف مع علماء الدين في كثير من الأمور. ولكن مع مرور الأيام وجهت له سؤال صريح وقلت له من تكون انت؟؟؟؟ قام يضحك علي ويقول لي ويا الأيام راح تعرفيني اكثر وتعرفين منو انا. وقالها لي بصريح العباره ما ابغي اخسرج. المهم ما ابي اطول عليكم السالفه وخلاصة الموضوع ان حبيبي اللي حبيته وعشقته بجنون طلع شخص ملحد لا ديني يعتبر ان الدين ما هو الا صنع البشر ... مع العلم انه حافظ القران كله ويعرف تفسيره كله بس كثرة قراءاته وصلته لمرحة الألحاد