سيروس

هلا والله بالعروس الفين مبروك لكم وانشالله تتهننون مع بعض عقبال ما انشوف عيالكم انشالله امين. الظاهر شهر العسل طول من زمان ما قريت لك اي مشاركه وانا بعد غبت وايد ولهيت في الشغل والبيت وما كنت ادخل المنتدى لفتره جدا طويله والدليل اليوم رديت عليك معلش اعذرونا والله مو بيدي. شكرا والف مبروك مره ثانيه و ناطر ردك استانستوا في الحفله او قصرت معاكم اكيد ما قصرت صح

شكرا لكم يا اخوان وانا سعيد بمشاركاتكم في المنتدى والله يا اخوي غازي انا ما عندي اي مانع بالتعاون معاك اذا الله اراد و فرصه طيبه اننا نشتغل مع بعض بس انا بصراحه غير متفرغ كليا للتلحي مثل التوزيع فانا مركز كل تركيزي على التوزيع الموسيقي بس ما يمنع اني الحن في بعض الاوقات حسب ظلب الفنانين اذا حبوا اني الحن لهم عمل ما فاجتهد وادور قصيده واشتغل على تلحينها وطبعا تتم الموافقه من المغني وبعدها نبدا بالتوزيع وياريت اذا عندك قصيده جميله تحس تصلح لي الحنها اكون سعيد لو ترسلها لي على الايميل وانشالله نتواصل الى يتم التعاون اذا الله راد. [email protected]

مرحبا اخوي غازي واشكرك كل الشكر على الكلام الكبير و على ذوقك والحمدلله اني كسبت حبكم واعجابكم باللي اقدمه وهذا الشي اللى دايما اسعى له و هو رضا الناس والحمدلله لكل مجتهد نصيبه اما بالنسبه لاغنية هند فانا اكيد مقتنع باللي قدمته طبعا مو لازم كل الاقتناع لسبب ان الفنان لازم دايما يطمح للاحسن والافضل اذا قال هذا احسن ما عندي يعني انتهى !!! و اغنية ساهي ولاهي اغنيه شوي جديده على اللون الخليجي والفنانين الخليجين فلابد انها تواجه انتقادات في بالبدايه واللي احنا كنا متوقهينها وجاهزين لها ومن ثم يتم التقليد علينا والدليل صار عندي اكثر من فنان وفنانه يطلبون نفس الستايل او الفكره وقريبا راح تسمع الكثير منهم ويمكنك الاستماع الى البوم راشد الفارس اغنية ناسيني !! وانا سعيد بمشاركتك و انشالله نتعاون في عمل قريب. شكرا لك

شكرا 'أوان الورد' على السؤال والله مروى فننانه متعددة المواهب ويمكن انا شجعت فيها موهبه واحده من مجموعة المواهب اللي عندها و هي الغناء والبنسبه لاغنية هنيالو من الاغاني الجميله وتعتبر من الالحان البسيطه الغير معقدة في الغناء والله ما تحتاج امكانية عاليه ولا فلسفه زايده في الغناء واللي اعتقد مروى اجادت غناء اللحن بسهوله ويسر ولا تعبنا في تسجيل صوتها على اللحن والله يوفقها في مشوارها القادم لانه راح يكون اصعب من اللي فات لان زادت كمية الشغل و الاختيارات صارت اصعب والله يعينها ويعين الجميع في هذا المجال الصعب. شكرا

مرحبا اخوي 'حماده سكر زياده' اسف على التاخير في الرد. تقدر تروح اكثر من مكان وتدور على Loops www.limewire.com www.shareaza.com هذلين مثل فكرة الكازا اذا سمعت عنه يعني برنامج لازم اتنزله عندك في الكمبيوتر وعن طريق الانترنت تقدر تدور على اي شي في بالك وبيكونون معاك ملايين الناس يتبادلون جميع انواع الملفات وبسهوله وكل ما كان خط الانترنت بين الطرفين اسرع كل ما كان احسن للتنزيل. وانا عندي بعد اشياء بحاول ارسلها لك و تجربها. وبالتوفيق اخوي.

/شكور اخوي فايز واما وايد سعيد بمشاركتك في المنتدى واشكرك اكثر على الكلام الكبير اللي كتبته عني وانت بعد اخلاق وذوق وفن رائع وغعلا اتمنى لك ولجميع اعضاء الفرقه بالتوفيق انشالله في البومكم القادم قريبا وانشالله انشوفكم نجوم في الساحه ترفعون راسنا ونفتخر فيكم شباب موهوبين ولا تحرمونا من تواصلك واحب اعتذر عن التاخير في الرد على مشاركتك بس والله من الشغل اللي كان عندي ياد تعبت وانت ادرى بالحال لانك قاسيت معاي ايام تنفيذ عملكم معاي شكرا

السلام عليكم يالغاليين, اللي حاب يحصل على اغاني حفلاتي الرجاء مراسلتي علي الايميل وانشالله مايصير خاطركم الا طيب والعنوان [email protected] وانا ناطركم علشان اعلمكم طريقة التنزيل. شكرا لتواصلكم.

كل عام وانتوا بالف خير وصحه وسلامه وعساكم من العايدين السعيدين.

والله يا الاعزاء ماودي اخليكم تتعبو واتخسرون وتشترون بس والله ما عرفت اشلون احمل الاغاني في المنتدى و صعبه الطريقه وبعد النقاوة مو عاليه مثل نقاوة السي دي بس ماعليش اوعدكم انشالله بتتوفر في المنتدى للي مايقدر يحصل على نسخة سي دي. شكرا لكم

مراحب يالغاليه وكل عام واتي والعايله الكريمه كلها بمليون خير وصحه وسلامه وانشالله من العايدين السعيدين وشكرا على لمعايده واسف على التاخير في الرد بس والله من ضغط الشغل دايخ وما في وقت اتواصل معاكم بس هذا كله عشانكم علشان انقدم لكم الاعمال الطيبه اللي انشالله ترضي ذوقكم المهم بالنسبه لنا. انشالله جيتوا حفلة العيد مثل العاده او لا ؟؟؟؟ لاني ماشفتكم هالمرة لايكون رحتوا مكان ثاني ترى ازعل وامد بوزي عليكم بعدين يبي لي رافعه عشان تحملهم

مرحبا يا اخواني وخواتي و كل الاصدقاء اليكم الخبر السعيد .... احب الفت انتباهكم الى انه قد تم طرح 2 سي دي لحفلاتي في تسجيلات الابتسامه في منطقة الرفاع الغربي و ايضا في تسجيلات يارا في سق المحرق. واسف على التاخير في تلبية طلبكم المهم عندي واتمنى ان يحوز على اعجابكم و تكونون راضيين علينا وشكرا لكم جميعا.

مساء الخير اتشرف بدعوتكم لمتابعتي الليله الساعه العاشره على بحرين اف ام 93.3 في لقاء عبر برنامج ليل ونغم مع سيما العريفي وتسعدني اكثر مشاركتم معاي. اخوكم سيروس

مساء الخير اتشرف بدعوتكم لمتابعتي الليله الساعه العاشره على بحرين اف ام 93.3 في لقاء عبر برنامج ليل ونغم مع سيما العريفي وتسعدني اكثر مشاركتم معاي. اخوكم سيروس

مساء الخير اتشرف بدعوتكم لمتابعتي الليله الساعه العاشره على بحرين اف ام 93.3 في لقاء عبر برنامج ليل ونغم مع سيما العريفي وتسعدني اكثر مشاركتم معاي. اخوكم سيروس

شكرا لكم على المشاركه ... بالنسبه للاغاني بشكل عام ترجع النظرة الاخيره للفنان نفسه صحيح ان الموزع الموسيقي يكون مسؤول عن النتيجه النهائيه بعد لكن الراي الاخير للمغني اشلون يحب تطلع الغبيه للناس في حالة خالد الشيخ مايحب خالد شيئ اسمه ايقاعات خليجيه بتاتا يعتبرهم مزعجين ويخربون الاغاني طبعا رايه ونحترمه بس بالنسبه لهالنوعيه من الاغاني لاهي صوت شعبي ولاهي اغنيه غربيه بمعنى ان الغنيه مو معتمده على الايقاع وايد والشيئ الوحيد اللي يخليها مثل ما احنا انقوا مليانه او متروسه هو البيس ( Bass Guitar) لانها اله عريضه الصوت وتعتمد عليها جميع الاغاني فممكن نرفع صوتها اكثر في هالنوعيه من الموسيقى الشرقيه الغربيه لانها تعطي ضخامه في الصوت.

هلا والله الغالية miss_love81 اشكرك على السؤال عني دايما وكلك ذوق يالاصيله والله فعلا صارلي فتره طويله ما دخلت المنتدى بسبب انشغالي بتحضير كثير من الاعمال القادمه ومنهم اغاني من البوم النجم راشد الماجد و اصيل وعلي بن محمد و غيرهم بعد من الغير معروفين والله يعينني على تقديم شيئ جديد و مميز ويليق بمستواكم وانشالله في اعمال جدا جميله في الموسم القادم وبالنسبه للحفلات من المحتمل تكون في حفله في اول دخول فصل الصيف مع الاجازه السنويه بس للحين ما تم اي اتفاق مع اي طرف ولا تحدد الموعد بس اكيد قريبا لازم اقرر كل شيئ وهذه كل اخباري لهالشهر ... انتوا شخباركم مشتاق اسمعكم شمسوين وشنوا سويتوا في الاجازه والجو البارد كان جميل للعب والبر يقولون كان روعه مسكين انا كله في الاستوديو محبوس لا شفت برد ولا بر حتى الله كاتب لنا التعب طول العمر..

مشكورين يالغاليين أحلى إماراتي و Ahmed Al.awadhi و ammari79 و مشجعة سارة الحساوي و bent_elnoor_sa وmiss_love81 وكل اللي اوقفوا معاي وانا فعلا سعيد وشاكر لكم احساسكم الجميل وغيرتكم على ولد مملكتم وهذي الانسان كل قصده ان يسوي شوشره والحمدلله محد عطاه اهميه وانا موقادر اوصف لكم اشكثر انا فخور ومحظوظ بمحبتكم والله يديم هالحب الجميل اللي يعطيني الطاقه النوويه في المواصله في العطاء وشكر لكم جميعا.

والله خوش حل ويعطيج العافيه عليه بس بياخذون وايد فلوس عليكم حرام انا ما ارضى تخسرون

مرحبا اخوي اخوي وجوه يعطيك العافيه على مشاركتك ودعوتك الجميله للنقاش في المنتدى الخاص. بصراحه كلامك منطقي وصحيح جدا بس اللي انا دايما مؤمن فيه ان ما في حدود للموسيقى والابداع الفني بمعنى البحرين جزيره استراتجية الموقع ويزورها كثير من الشعوب المختلفه واكثرهم من الهنود والايرانيين ويتم التبادل التجاري وشي طبيعي من كثرة توافد الاجانب عليها صار في تاثر بفنونهم خاصة ان كثير من المواطنين تزوجوا من جنسيات اخرى حتى غير عربيه وهذي له تاثير جدا قوي على كل شي ليس فقط الموسيقى والاغاني بل حتى على الاكل تقدر تقولي اسم طبخه محد يسويها الا البحرينيين ؟؟؟ كل اكلنا هندي وايراني ويمني وتركي وانت ماشي فمبالك الموسيقى ؟؟؟؟ولكن كل شعب يضيف نكهته الخاصه اللي صعب احد يفسر النكهه هذي لانها عباره عن احساس مرتبط بالبيئه اللي عاش فيها والعادات اللي تعلمها ... فيمكن مافي شي اسمه فن بحريني بس في اغاني صارت وتالفت في البحرين وانتسبت لنا وهذي مو غلط ولا عيب بعد. اعطيك مثال حي..كلنا نعرف ان ايقاع المقسوم والوحده والكثير من اليقاعات الشرقيه تنتمي لمصر تقدر تقولي ليش الاتراك يستخدمون هالايقاعات ولا بعد يصنعونهم في تركيا ويبيعونهم على الوطن العربي مع انهم ينعدون اوروبيين ؟؟؟؟ لان اصل هالايقاعات من عندهم!!!! وبعد ازيدك المقامات العربيه شنو اصلها؟؟؟ اكيد طبعا ايرانيه وتركيه وكورديه وشوي قليل عربيه وبعد كل واحد منهم يعزفها بطريقته الخاصه واحساسه الخاص وصار ينتمي له ... البحرين كان عدد سكانها قليل جدا يعني كم فنان فيها وكم موسيقي وكم شاعر فاكيد ماراح تكون في مكتبه فنيه كبيره وللااسف مازال مافي مكتبه كبيره علما ان عدد الفنانيين اكثر من عدد السيارات ولكن اليد قصيره والعين تدمع ومافي انتاج. اشلون تبي يصير في اغنيه بحرينيه وصار في شي اسمه اغنيه اماراتيه !!!!! على الاقل قبل كان في شي اسمه اغنيه بحرينيه اما الحين في المنجا وبعد مايدرون انه بحريني لانه يغني سوداني عشان يشتهر.

حبايبي والله انتوا انا وايد اسف اني تاخرت عليكم بس والله الشغل ماخذ كل وقتي وانا على وعدي وجهزت لكم السيديات بس ابييكم تقترحون علي اشلون اوصلهم لكم او وين اخليهم عشان تستلمونهم وانا حاضر في اي وقت وتحت امركم ...

والله يجماعه اشكركم على طلبكم للاشرطه وهذي الشي يسعدني ويشرفني بعد وانا والله سويت سيديات بس كل مره ياخذونهم ناس وما الحق حتى اوزعهم وارجع اسوي غيرهم وبعد يروحون اهوة احسن حل فعلا اني اعطيك smokey-1982 الماستر وانت اتبيعهم منه تستفيد ومنه اسرع الحصول عليه وهم ما احس اني مقصر مع احد لانه والله الشغل وايد وماعندي وقت اقعد اسوي السيديات لانهم ياخذون وقت عشان اسويهم.

مراحب والله شخباركم من زمان مافي اخبار ؟؟؟؟ ماجورين وماثوبين !!!!! مادري صح او لا والله مادري شيقولون ؟؟؟

مشكووووووووورررره حييييييييييييييييييييييل يا دلوعه حيل هذي والله من ذوقك ومستواك العالي و اتشرف اذا سميتي ولدك انشالله على اسمي والساعه المباركه بعد بس ليش من ايام الجامعه ماسمعتي صوتي معقوله 10 سنوات ما مره انعزمتي في عرس او ما حضرتي ولا وحده من حفلاتي العامه افا عليج بس

اشكرك يا كوتيه على هالمشاعر اللي فعلا هزت قلوبنا وهذا القائد العظيم كان له الفضل على الكثيرمن الدول العربيه والشعوب العربيه ايضا فهوه ساهم في بناء كثير من المراكز الصحيه في البحرين وايضا المدارس خيره علينا وايد وغير باقي الدول مثل لبنان ومصر و الاردن ساهم في الكثير من المشاريع الخيريه اللي فادت الناس والفقراء المحتاجين ايضا الله انشالله يرحمه والبقاء لله وحده.

بسم الله الرحمن الرحيم إنا لله وانا إليه راجعون كل نفس ذائقة الموت ولا حول ولا قوة إلا بالله العلي العظيم وبعد.... نتقدم بعميق الحزن و الاسى الى جميع الشعب الكويتي الشقيق برحيل سمو الشيخ جابر الاحمد الصباح رحمه الله واسكنه فسيح جناته ونرفع احر التعازي و المواسى الى افراد عائلة الصباح الموقرين و نسأل الله عز وجل أن يصبرالشعب الكويتي العزيز على رحيل الفقيد المغفور له باذنه تعالى وإنا لله وإناء إليه راجعون. أخوكم سيروس