سيروس

يا مرحبا بك و يا مليون هلا باهل عمان اللي من نذكر السلطنه نذكر اهلها الطيبين الكريمين و الاصيال و انا سعيد بمشاركتك يا خوي و بالنسبه لرائيي بالفرق او بالفنانيين العمانيين بصفه عامه ... انا والله لي تعاونات و صداقه قويه مع فنانين عمانيين ولاكن من الجيل الجديد و احس انهم فعلا موهوبين والاهم انهم يحبون فنهم مو بس يبون الشهره فقط ولاكن يتعبون من اجل يختارون الحانهم وقصائدهم بس يحتاجون يكونون اكثر نشاط و اجتهاد عشان يوصلون الى مراكز حلوه بين الفنانين العرب و هذي الشي طبعا صعب يصير بدون دعم بس مو مستحيل واتمنى فعلا ان اشوف الفنانين العمانيين المراكز الاولى لان يستاهلون كل الخير والحب والله يوفق كل مجتهد.

تسلم يا العزيز رسول الحب بصراحه عندك اسلوب مميز و تعبير واسع النطاق والله يزيدك اكثر واكثر واتمنى لك النجاح و اشكر اهداءك لي هذي السطور الجميله بس انشالله مو انا اللي سوى فيك كل هاالسوالف ها ها ها ها ..... اكيد مو انا لانها بنت .....ها ها ها ها

ابشر يالاغلى من هاعين قبل هالعين B) عشان علي نضارة انت وربعك وكل اللي يعزون عليك وعلي موعودين ومدعوين ان الله راد ثاني يوم العيد في فندق الهلتون باحله حفله ما صارت ولا استوت وانشالله تكون احلى حفله لاني فعلا مشتاق لكم وايد وايد وحشتوني يالحبيايب وهذي دعوة حق الكل واتشرف بحضوركم وما تحلى السهره الا معاكم وكل سنه وانتوا طيبين بس ادعوا لي اشفى من هالمرض الحقير اللي مضايقني ومكسر عافيتي وكل الناس الله يبعده عنكم ولا تحاتون وايد شوية انفلوزا و بلاعيم و كحه و صخونه يعني كوكتيل الموضه الله يشفينا الصحه غاليه .

مرحبا و يا هلا بالغاليين والف مبروك عليكم الشهر الفضيل والله يعيده علينا وعليكم بالخير والصحه والسلامه واسمحوا لي ان تاخرت عليكم بالتهنئه والله ضغط الشغل علي ...... وكل عام وانتم بخير.

مرحبا و يا هلا بالغاليين والف مبروك عليكم الشهر الفضيلوالله يعيده عليكم بالخير والصحه والسلامه واسمحوا لي ان تاخرت عليكم بالتهنئه والله ضغط الشغل علي ...... وكل عام وانتم بخير.

يامرحبا و يا هلا بالغالي يوسف والله يبارك فيك ويعيده عليك وكل الاهل بالخير والصحه والسلامه واسمح لي ان تاخرت عليك بارد و بعد ما باركت لك بانضمامك للمنتدى بس من الظروف اللي خارجه عن ارادتي تدري كانت فترة الصيف و قضيتها تقريبا كله مسافر و من رديت من فتره بسيطه وانا غرقان في التسجيل اللي متاخر من قبل والله يسهل الامور علينا انشالله و مره ثانيه شكرا و مبارك عليك الشهر وكل عام وانتم بخير.

الف حمدلله على السلامه و خطاك الشر و انشالله تقوم بالسلامه ياخوي وماتستاهل.

هاي شباب شخباركم من زمان ما شفتكم كنت وايد مشغول اسف على الغيبه ... المشكله مو امتابع البرنامج للاسف الشديد وصوت حق حسين اسيري بس انشالله مره ثانيه.

الله يبارك في حياتكم امين ويرزق اللي ماتزوج واشوفكم فرحانين دايما ومشكورين مره ثانيه على التهاني. باي يا حبايبي

الله يحييك اخونا lovely_actor في المنتدى و اشكرك جزيل الشكر على المشاركه الحلوه منك واتمنى لك مستقبل مليء بالتمثيل والفن والله يوفق الجميع.

تسلم اخوي على الهديه الغاليه اللي تعني لي الكثير واتمنى ما تنقطع هداياك لاني وايد اقدر الهدايا و اسمع اغنية الهدايا للفنان راشد الماجد وهذي هديتي لك انت لانها من توزيعي الموسيقي وانشاءالله تعجبك. و شكرا لك كثير.

ها هاهاهاهاهاهاها الله يغربل ابليسك هاهاهاهاهاا والله كل شي جايز في هالزمن هاهاهاهاه بس فاته شي اذا فعلا كان مخطط للتعويض ؟؟؟؟؟ انا اللي باخذ التعويض مو اهوه لانه طاح علي مو على الاستوديو ...كيكيكيكيكيكيكيكي

مشكور حبيبي عادل على هالمشاركه الحلوة و انا اعتز بترحيبك لي و انت بعد من الفنانين اللي اعتز فيهم وخصوصا لانك بحريني ومن الاصوات الواعده انشاءالله بولادة نجم بحريني نعتز فيه ونرفع راسنا به هذي مسؤوليه عليك وعلى كل الفنانين البحرينين من جيل الشباب انهم ما ينسون ديرتهم و يحاولون دايما يكونون متكافتين ومتعاونين لان البحرين محتاجه لمثل هذى التعاون والله يوفقك في حياتك ياخوي.

مشكورين يا اخوان وايد والشر ما يجيكم انشاءالله وانتوا بعد ديروا بالكم على نفسكم وعايلاتكم اللي مخيمين في لبر لان وايد نسمع عن الحوادث اللي تصير بسبب الاهمال والجهل في السلامه والله يحمي الجميع.

مشكور يالغالي يوسف والشر انشاءلله ابد مايجيك كل عيد وانت و كا الهل بخير وصحه وسلامه و انشالله نبقى دوم اخوان و يد وحده كل العمر. وكل عام والجميع بخير اخوكم سيروس

مشكورين على التهاني والمشاعر الجميله منكم, و انشاءالله باروح شهر العسل بعد نصف شهر ابريل عشان الجو بيتحسن من هذي الفتره الى قبل الصيف في اروبا بس الاكيد اني فعلا تزوجت ولله الحمد و رحت اسبوع عسل مؤقت الى دبي علشان اقدر انتقل الى عش الزوجيه هاهاهاهاها واتمنى لكم اللي ماتزوج لحين ان الله يعينه و يتزوج و يصرف فلوس مثل ما صرفت انه هاهاهاهاهاهاه واللي متزوج عارف قصدي زين ما زين والله يعين الاثنين.

كل عيد والفرحه انشاءالله ما تفارقكم و عيد ينعاد عليكم بالخير والصحة والعافيه.

والله يمكن اتكون زززززززززينب العسكري ليش لا ؟؟؟؟؟

انه لمن الفخر والاعتزاز ان يقوم حضرة صاحب السمو الشيخ سلمان بن حمد آل خليفة ولي العهد مملكنا الغالية بارسال برقية تهاني لموقعنا المميز وهذا دليل قاطع على الحكمه والعلم والاتطلاع الذي يتحلى به سموه الكريم و تشجيعه للكوادر البحرينيه في شتى المجالات جعله الله العلي القدير قدوة حسنه لكل شاب وشابه بحرينيه طالبين للعلم وان يوفقه في مسيرته المستقبليه المتطوره انشاء الله و نشكره جزيل الشكر والتقدير.

والله ما تستاهل ياالحبيب يا مفرفش اعيال الحرام ماخلو شي لنا مافي اي احساس ولا مسئوليه ولا قلب ولا عقل يفكر من وين احنا نجيب البيزه واشكثر نتعب عشانها وهم بكل سهوله ونذاله يسرقونها وينهبون شقا وتعب الناس الله انشاءالله يكويهم في نار جهنم مثل ما يحرقون قلوب الناس على حلالهم والله يعوضك خير و صحه وسلامه انشاءالله وتشتري غيرها و اتم مفرفش دايما وما اتكشر ابدا بس مره ثانيه لازم اتخلي حارس على المخيم محد يترك الجمل بما حمل و يمشي الله يهديك.

مشكورين وايد والشر ما يجيكم انشاءالله انتو بعد ...... اي والله كان صرت معجون سيروس الجديد :lol: :lol: :lol: :lol: :lol: :lol: ثواني بس من تحركت وسمعت صوت مثل انفجار قنبله صغيره وقفت ....افكر من وين الصوت جاي والتفت وراي والا الغبره قايمه وتارسه الدنيا قلت بس قنبله انفجرت ومايبين اي شي ولحظات بسيطه وكل الشباب اللي داخل الاستوديو طلعوا بره وكان من الفنان خالد مندي اللي ماقصر ونقل لكم هذي الصور وهم خطاك الشر انت بعد ياخالد لان سيارتك كانت وراي وكان جايك الدور بعدي بس لولا رحمة الخالق كان صرنا من المفقودين تحت الانقاض وكان في الموقع بعد الفنان محمد البكري ومهندس الاستوديو جاسم محمد و صاحب الاستوديو أ.جمال السيد. الحمدلله عدت على خير وشكرا لكم وايد على مشاعركم و ماتشوفون مثل هالمواقف ابدا انشاءالله وخل معاك الكاميرا دايما ياخالد ما تدري شنو اللي جاي ..... اخوكم سيروس

والله اشكركم جزيل الشكر على ثقتكم فيني ...بصراحه بصراحه هذي موضوع جدا حساس بالنسبه لي لاني عانيت منه الكثير الى ان يئست و بعطيكم فكره بسيطه وباختصار عن معاناتي مع الغناء ....في97 فكرت بتسجيل شريط خاص فيني و كان لابد من شركه تنتج لي وتتكفل بالتكاليف كلها لان مثل ماتدرون انتاج الاشرطه يحتاج الى مبالغ عاليه جدا وتوصل الى ارقام خياليه مع بعض النجوم الكبار اللي يوفرون لهم غالبا ميزانيه مفتوحه المهم رحت ادور على على شركة انتاج تنتج لي وانا كلي ثقه ان صوتي حلو و راح يفتحون لي اياديهم وياخذوني باحضانهم اتصدقون يا اخوان لفيت الخليج كله مالقيت ولا شركه عندها استعداد اتساعدني تدرون ليش عاد ؟؟؟؟؟ لان كل الشركات اتدور على اصوات من بلدهم وهذي كان نوع من السياسه في ذيك الايام وبدت اشوي اتروح هالايام ....لكن القهر اللي يذبح ما عندنا ولا شركة انتاج وحدة بحرينيه اتصدقون عاد ؟؟؟؟ المهم قررت اني اخذ سلفه من اي بنك واتحمل تكاليف التسجيل وبعدين الله يحلها ولفيت على البنوك ولا بنك رضى يقرضني الا بنك واحد و مبلغ رمزي جدا جدا يكفي اغنيتين فقط !!!!! تدرون ليش ؟؟؟؟ لاني فنان بحريني و مافي اي ضمان ولا نقابه فنيه او وزارة تسندنا !!!! يعني حالي حال اي اجنبي او غريب في البحرين والحال نفسه الى اليوم مع البنوك وم كل الفنانين البحرينيين الي متفرغين للفن (مو موضفين) وتقدرون تسئلون اي فنان. المهم اضطريت اقبل المبلغ البسيط و ضافيت علي جم ربيه من عندي بعد و سافرت القاهرة وسجلت 3 اغاني ورديت طاير من الفرح ومو امصدق اني سويتها .....و خلصت فلوسي كلها وصار ماعندي عشان اكمل التسجيلواغني في البحرين فرحت مره ثانيه الف على الشركات بس هالمره عندي 3 اغاني من انتاجي و ابي شركه اتكمل عني تتوقعون شنو ردهم ؟؟؟؟؟؟ كمل انت و يمكن نقدر ناخذه منك انكسرت مره ثانيه و يئست من كل شي وكرهت شي اسمه غناء ومغني . انتوا تدرون اني عازف اورج ؟؟ كنت ا مارس العزف بشكل يومي ومكثف الى اني صرت متمكن منها الى درجه عاليه فبديت بتسجيل بعض الاغاني مثل الدعايات او مسرحيات الاطفال و ماشابه الى اني لقيت نفسي منجرف الى عالم جديد يجذبني له ويحبني وابادله بنفس الحب وخالي من الحقد والغيره وبعيد عن الناس ومشاكلها واقدر اترجم احساسي و مشاعري و اتحكم في مشاعر الناس بعد و هوه عالم الموسيقى والتوزيع . وها انا الان و الحمدلله تعاملت مع المع واشهر نجوم الخليج والجاي انشاءالله احسن من اللي راح و بتسمعون واحكموا علي ابنفسكم. سامحوني وايد اذا طولت عليكم وايد بس هذي معانات واحد من عشرات الفنانين البحرينيين اللي ضهروا واختفوا ومحد درى عنهم وللعلم يا اخوان ما تغير شي الى يومنا هذي الا البسيط مع جهود كبيرة من بعض فنانيننا اللي حالفهم اشوي من الحظ . اشكركم على حسن المتابعه والصبر بس هذى الحقيقه لازم توضح للناس عشان اقدرون اشكثر الفننان البحريني في جميع المجالات يتعب و يعاني و الجميل انه يوصل والمؤسف انه بعد مايلق التقدير من المسؤولين ولكن شي واحد يكفينا ويشجعنا دايما وهو اهم شي (((( حبكم انتوا)))) تقبلوا مني فائق الحب والاحترام اخوكم سيروس 2004

شكرا لك و كل الشكر العزيز ابن العزيز .....Faam00 على المجهود الجبار اللي تقوم به مع الزملاء المشاركين في تنسيق وتطوير هذا الموقع المميز في المملكه وخارجها والله يعطيكم الصحه والعافيه واتكونون عالقوة دايما و من احسن الى الاحسن.

شكرا وايد وايد اخوي almutaiam شقيق الفنان : محمود الرشيد على ترحيبك لي و صدفه حلو ان الاقيك في هذي المنتدى الطيب باهله و يامرحبا الساع..... و قول حق اخوك محمود ينضم لنا علشان يتكلم للجمهور الكريم عن شريطه القادم باذن الله.

شكرا لك اخوي نضال بدر على التحيه و الشرف لي ان اكون بين اخواني الجمهور الغالي والفنانين الاغلى والله يوفقك في مشوارك انشالله.