أولا.. رسالتي لك بتكون من باب محبة وصراحة.. ومعرفة في الحياه..
أسلوب هاذي اللي يسمي روحه رفيجك غلط!! أسلوبه جداً حقير.. الله يحب الستر.. وهو قام يتكلم عن البنت بهالإسلوب؟؟ أنت من رايك؟ إن هالحركة اللي سواها صح؟؟
أفرض.. إنك مب إنت اللي حبيتها وتبي ترتبط فيها.. أفرض كان واحد ثاني بعد في نفس العمل؟ بعد بيسوي جذي!!
وهاذي اسلوب غير حضاري.. ويدل على قلته تربية وإحترام..
من الناحية الثانية.. مبين من كلامك إن شخصيتك ضعيفة.. لو شخصيتك قوية.. جان ما تمادى عليك حتى لو كان يعرفها من قبلك..
أفرض إن الكلام كان على أختك.. وواحد من شغلك كان يبيها.. وفي واحد من الشغل.. كان يكلمها!!.. ترضى إن هالموقف يصير جدامك وتوقف وإن ساكت..؟؟
هاذي البنت حتى لو ما بتاخذها.. المفروض ما ترضى عليها.. وعلى أسلوب هالشخص في الكلام عناها..
وعلى فكرة.. كلامه يدل عن غيرة.. هو غيران منك..
القرار مب في يدنا.. في يدك إنت.. جوف إنت شنو تبي تسوي..
إذا كنت مستعد تواجه هالشخص.. والمجتمع وتاخذها..
أو انك تستسلم.. وتبتعد بهدوء.. وتنسى الموضوع..
بس نصيحة مني.. إنبتعد عن هالشخص.. تراه يكره لك الخير.. وتذكر ان في يوم بينحط هو في اخس من هالموقف.. (( يمهل ولا يهمل))..