زيزواي

وين البارت؟؟؟؟؟

وااااي وايد حلوة القصة ننتظر الباقي

صج صج حلوة تسلم اناملج حبيبتي والى اللقاء في قصة ثانية بس زين اليوم كملتينها لأني باجر بسافر وثاكنس ع القصة الاكثر من رائعة والابداع اللي انتي حطيتيه بالقصة

وين الردود

امي تقول اذا ما سوت فيهم شي بترميهم جواهر: طيب ليه ما تسوي معرض لها سارا: حاولنا فيها بس مو راضيه جواهر: تدرين منور.. انا اعرف وحده تدرس طب وهي رسامه تشكيليه .. الحين تخرجت وسوت لها 3 معارض... رهف: يووووه هالبنت تقهرنى .. طريق الشهره قدامها وهي ما تبيه منيره بدفاع: انا ما ارسم عشان اشتهر سارا: ماقلنا شي.. بس افتحي لك معرض رهف: وتفرغي له .. مو انتى ما تبين تدرسين خلاص في ناس كثير مهنتهم بالحياه الرسم .. منيره: اشووف ........................ بدت السنه الجديده .. والحمد لله انجحت رهف بالدور الثاني وانقلت لسنه ثانيه .. بعد ما تخصص تقنيه وادراه ملعومات صحيه Himt ... ورجعت المياه لمجاريها .. ومع الوقت صار في تقبل لفقد سالم ... مره وعمر طالع جاه اتصال من رقم غريب ... عمر: الووو المتصل: السلام عليكم ورحمة الله وبركاته عمر: وعليكم السلام والرحمه .. مين معي المتصل: الاخ عمر عمر: ايه نعم المتصل: معك ابراهيم.... اذا كنت تذكرنى عمر: هلا هلا والله .. طبعا اذكرك .. شخبارك يا شيخ ابراهيم : الحمد لله بخير انتوا شخباركم عمر: والله تمام ... وينك ما تسال ولا شي .. ابراهيم : مشاغل الدنيا ... عمر: عاش من سمع صوتك .. ابراهيم : الله يعافيك ... انت مرتبط والا شي اخوي عمر: لا ابد ليه ابراهيم: ودي اعزمك على العشا واشوفك .. متى بتكون فاضي عمر: بكره ماعندي تخطيط .. ابراهيم: خلاص اجل .. بكره بمرك ببيتكم واخذك عمر: هههههه.. خبر قديم .. انا الحين تزوجت وما صرت اسكن مع اهلى ابراهيم: لا بالمبارك اخوي عمر: الله يبارك فيك .. عقبالك ابرهيم: قريب انشالله عمر: هههههههههه.. يعنى ناويها ابراهيم: ههههههههههه.. بالاول يقبلون اهلها عمر: انشالله يقبلون انت رجال ما تنعاب .. وعندي انا لو بيجون يسالونى عنك بتوصى فيك ابراهيم: هههههههههه ياليت .. طيب شلون يعنى اقابلك عمر: يكون بيننا اتصال او نتقابل بالمطعم ابراهيم: حلو .. خلاص اشوفك بكره عمر: انشالله .. ابراهيم: يالله مع السلامه عمر: الله يسلمك وسكر وهو مستغرب .. بعد سنه من وفاة الوالد يدق على .. ايش ذكره فينى الحين ...اكيد في باله شي.. انا ليه استعجل بكره بعرف كل شي... بعد يومين بغرفه سارا وعبدالعزيز .. عبدالعزيز جالس يشوف التلفزيون ... دخلت سارا للغرفه وهي جايبه كوبين عصير ... عطت عبدالعزيز كاس واخذت الثانى وجلست جنبه ... سارا: بايش تفكر ؟؟ عبدالعزيز يشوفها وهو عاقد حواجبه: وايش دراك انى افكر سارا وهي تبتسم: ناسي انى اعرفك زين عبدالعزيز: ههههه .. سارا: ها ايش شاغلك؟ عبدالعزيز: تعرفين ابراهيم؟ سارا : لا مين هذا؟؟ عبدالعزيز: الي شاف الحادث وبلغ عنه ... واخذ اهلى للمستشفى سارا: مع انى ما عرفته .. المهم ايش فيه عبدالعزيز: خاطب رهف من عمر امس سارا باندهاش: شلوووون عبدالعزيز: ايش الي شلون سارا: ما يصير تتزوجه عبدالعزيز: ولييه سارا: بس ما يصير .. كان ودها تقول ان سلمان اخوي يحب اختك وهي متاكده انهم بيفضلون سلمان على ابراهيم .. بس ما تقدر ..سلمان ما كلمها صريح وقال يبي يخطب رهف وما تبي تنكب وتقول وفي النهايه يطلع سلمان ما يبيها عبدالعزيز: شلون ما يصير .. سارا: كذا .. طيب رهف موافقه عبدالعزيز: امي بتكلمها بكره ..شكلك متضايقه ليه سارا: لا مو متضايقه .. عبدالعزيز: طيب مو متضايقه بس مو فراحه .. سارا: لا والله عزيز انا ودي تتزوج رهف .. بس مادري عبدالعزيز: حتى انا .. سارا : انت ليه عبدالعزيز: اخاف تنجرح منيره ..تدرين رهف اصغر منها وبتتزوج قبلها ما يصير سارا: منيره هي الي ما تبي تتزوج والا ناسي يوم ترفض طلال عبدالعزيز: ولو مادري.. سارا: رهف هي المهمه .. اذا وافقت لا توقفون بطريقها عبدالعزيز: الله يوفقها .. ويوفق منور ....................... رهف رفضت رفض باتا .. ولا رضت لاهلها حتى يناقشونها بالموضوع .. قلبت البيت فوق تحت .. وقالت لهم اذا فاتحوها بموضوع الخطبه .. مو بس خطبه ابراهيم أي واحد ثاني راح تسوي شي ما يرضيهم .. واي احد يتقدم لها يرفضون على طول .. ولا حتى يقولون لها لانها مستحيل توافق .... فوزيه: طيب مو ممكن نعرف السبب رهف: ومن غير ما تعرفون مابي .. ياه كيفي مابي.. عبدالعزيز: طيب رهف ماله داعي تصرخين .. طلعت رهف من الغرفه وهي معصبه ... عمر: هذي ايش فيها فوزيه: انا اعرف ايش عمر وعبدالعزيز يشوف امهم بحيره فوزيه: ما تبي تتزوج وتترك منيره ... عمر: ايش دراك يمه فوزيه: بنتى وانا اعرفها .. الله يهديها ما تعرف ان البنت مالها الا بيت رجلها عبدالعزيز: لا تضغطون عليها اتركوها براحتها .. وانت عمر رد على ابراهيم واعتذر منه قوله ان البنت شايله فكره الزواج من راسها نهائيا والعيب ماهو منه عمر: والله انى منحرج من الرجال هو ما قصر معنا فوزيه: مافي هالموضوع أي احراج .. وهو اصلا ما سوى الا الواجب... عمر: انشالله ...يالله عن اذنكم الحين فوزيه: على وين ؟؟؟ عمر: البيت فوزيه: مو متعشى عندنا عمر: لا يمه .. انا واعد جواهر انى اتعشى اليوم بالبيت فوزيه: وليه ما جبتها معك هي ومي .. ماصرتوا تجونا مثل اول عمر: معليش يمه اعذرينا .. تدرين جواهر تشتغل واذارجعت تجلس تذاكر لمي وانا بعد الشركه شاغلتنى فوزيه وهي تبتسم: الله يسعدكم عبدالعزيز: ههههههههههه.. يمه ما يحتاج شوفي السعاده طالعه من عيونه ... عمر يرمى المخده حقت الكنب على عبدالعزيز وهو يضحك : انقلع بس.. وطلع من الصاله .. مين كان يتوقع ان عمر بيشوف سعادته اخيرا ... ومع وحده غير فاطمه .. الحياه حلوه .. خصوصا اذا عطيتها فرصه تقدم لك من خيرراتها ... ............................. سارا كانت في بيت اهلها ... منقهره من سلمان كثير لانه ما تحرك ولا خطب رهف وخلاص البنت راحت عليه .. هي ما تدري ان رهف رفضت ابراهيم .. تعشت سارا بيت اهلها وجلست سهرانه معهم.. سارا: الحين رناد طالعه شقرى على مين؟؟ مها : مادري اظن عمة ابوي شقرى سارا: الله الله ايش هالوراثه القويه ... بس شعرها استغفر الله فلافل عبداللله : احتري بس.. احسن من شعرك الخيوط .. وقام شال بنته من حضن امها ... عبدالله: يالله مهوي خل نروح ننام مها: انشالله .. وينه فهد لطيفه: بالملحق مع سلمان ..يلعبون بلاي ستيشن صالح: وهالسلمان وهو يشتغل لازال يلعب بلاي ستيشن سارا: فيه يبه العاب للكبار مها: روح عبدالله ناد فهد وراه روضه بكره لازم يروح سارا: انا بروح اناديه ... وقامت راحت للملحق .. شافت سلمان ماسك القير حق السونى وفهودي القير الثاني... سلمان: ايه فهد .. ايوووووووه يا قوي سجلت علي هدف.. سارا: هههههههههههه.. تلعب عليه يالنصاب .. انت تسجل وتقول هو سلمان وهو يغمز لسارا: لا هذا فهد القوي فهد: ايه هذا انا عمه سارا: يوووه فهود اشوف عضلاتك قام فهد وترك القير وهو ينفخ صدره ويطلع عضلاته لعمته فهد: شوفى سارا: الله الله .. يالله فهودي حبيبي ماما تبيك الحين تروح لها فهد: مابي سارا تعرف ان فهد يغار من اخته سارا: بتنام معهم رنوده وانت لا راح فهد ركض وتركهم سلمان: ههههههههه.. اشوفك خبره مع العيال سارا وهي تجلس جنب سلمان: افا عليك اعجبك ... يالله بلعب معك سلمان سلمان: أي تلعبين ... سارا: مثل ايام اول سلمان: لا يا شيخه .. انتى خلاص هجرتى اللعب من سنه تقريبا سارا: مالت عليك . .. وع كذا بجرب رمى عليها القير ... سلمان: أي فريق تبين سارا: ايطاليا طبعا سلمان: وليه طيب.. سارا: فيه ملدينى سلمان: ههههههههههههه.. اعتزل يالثوره سارا: مالثور الا انت .. مع كذا ابي ايطاليا .. سلمان: براحتك ... سارا: وع ليه اخترت البرازيل كلهم عبيد سلمان: وانتوا يالبنات ما يهمكم الا الشكل سارا: ههههههههههه... مو حنا جميلين نحب الجمال وجلسوا يلعبون ... وهم بنص اللعب وسارا منقهر لانه سلمان الى الحين مسجل عليها 5 اهداف .. سارا: سلمان سلمان: ههممم سارا: عندي سؤال؟؟ سلمان: الي هو ؟؟ سارا: انت ما تفكر تتزوج سلمان التفت عليها سلمان .. سلمان: امي مكلمتك .. سارا: ههههههههههههههههههههههههاااي سجلت عليك هدف .. ضغط سلمان على ستارت.. سلمان: لا جد سارا ليه تسالينى كذا سارا: بس والله استغربت منك الحين انت تشتغل مو ناقصك شي ليه ما تتزوج سلمان: والله مادري.. سارا: انت في بالك وحده .. سلمان يشوفها بنظره غريبه : اسالتك مو عاجبتنى سارا: يووه سلمان انا اختك عادي اسالك كذا سلمان: اووه طيب.. ايه في بالي وحده سارا: رهف صح سلمان: ادري انك تدرين ايه رهف.. سارا: وايش تنتظر ليه ما خطبتها سلمان: قلت لامى من زمان وزفتنى قالت لى لا تستعجل سارا بلهفه: يعنى كنت ناوي تتزوجها سلمان: طيب سارا بخيبه: يوووووه خساره جد .. كان ودي تكون رهف مرت اخوي سلمان بخوف: ليه سارا .. ليه خساره سارا: في واحد تقدم لرهف واخوانها موافقين عليه .. سلمان ضاق صدره مره : انتى ايش تقولين سارا: ايه والله سلمان وهو يقوم: ما يصير .. رهف لي انا .. ما يصير يتزوجها واحد غيري سارا استغربت من ردت فعل اخوها: اعصابك اخوي سلمان: اتكلم من جدي رهف لي فاهمه لى انا .. سارا: طيب سلمان لا تعصب انا مادري ااذا رهف قبلت في ابراهيم والا لا سلمان: لا ومن زين الاسماء.. ابراهيم سارا: ههههههههههه سلمان: هيه لا تضحكين .. انا بروح الحين لامي واكلمها .. وبخليها تخطبها لى اليوم سارا : هيه انتظر وطلع ولا هو معبر سارا ومعصب لاقصى درجه .... ............................ منيره يوم عرفت بالي صار اليوم بين رهف وامها .. جرت كرسيها وراحت لعند رهف .. دقت الباب .. رهف بصياح: ميين؟؟ منيره: هذا انا منور قامت رهف من على السرير بتكاسل وهي تمسح دموعها .. وافتحت الباب لاختها ... منيره: الله وتصيحين بعد.. رهف: ليه انتى تعرفين ايش صار هزت منيره راسها ودخلت للغرفه ورى رهف .. منيره: ما تلاحظين رهف ان ردت فعلك غبيه رهف: ايش منيره: ايه غبيه ونص.. الحين ممكن اعرف ليه ما تقبلين ببابراهيم رهف: بس مابي .. مو عاجبنى منيره: ومادام مو عاجبك ليه تقولين لاهلى ما يقولون لك أي واحد يتقدم لك رهف: لانى مابي اتزوج منيره: وليه رهف: بس كذا منيره وهي تنزل راسها: عشانى صح رهف: منور ايش تقولين.. منيره: انا قلتها مره لسارا وبقولها لك .. انا مابي شفقه .. فاهمين مابي شفقه رهف: مين قال لك اننا نشفق عليك منيره: ايش تفسرين ردت فعلك هذي.. رهف: انا مابي اروح واتركك هنا .. وشلون تبينى اتزوج وانتى لا منيره: يعنى انتى مو رافضه مبدا الزواج .. الحمد لله انحرجت رهف لان منيره صادتها وقدرت تعرف .. رهف: منور انا قاطعتها منيره: انتى ايش .. ماتبين تتزوجين عشانى .. ليه على بالك انى مو سعيده هنا ... شوفي رهف وربي الشاهد انى ما عمري اعتبرت الزواج شي مهم ... وحتى يوم تقدم لى طلال الكل يعرف انى ما كنت متحمسه .. لولا اقناع نوره وامي لي ما وفقت .. وهالشي هو الي خلانى افسخ خطوبتى ... انا طول عمري متعلقه باهلى .. سعادتى مع امى واخوانى بس... واول مع ابوي الله يرحمه ... رهف: وانا بعد سعادتى معكم منيره: بس مو تحرمين نفسك من الزواج عشانى.. والله انا مابي اتزوج .. وبالاصل ما كنت ابي اتزوج .. عشان خاطري رهوف لا تربطين مصيرك بمصيري.. انا الحين منشغله بين لوحاتى.. انتى بدراستك بعد دراستك ايش عندك بتصيرين فاضيه .. رهف: لا بشتغل بعيدن منيره: واذا استغلتى .. ورجعتى للبيت .. رهف جد جد لو تحبينى لا ترفضين .. رهف باصرار: بس انا مابي ابراهيم هذا ... مابي اتزوجه منيره: بسالك سؤال وابيك تجاوبنى بكل صراحه رهف: اكيد منيره: رفضك لابراهيم لشخصه والا لانى انا ما بعد اتزوج رهف وهو تنزل راسها: الاثنين منيره: يعنى لو يتقدم لك واحد ثاني توعدينى تفكرين فيه قبل.. رهف: مادري منيره: اوعدينى رهف: اوعدك .. افكر بس مو اقبل منيره: في ذيك الساعه الله يلحقنا خير .................... دقت سارا لعبدالعزيز يجي ياخذها من بيت اهلها ... عبدالعزيز: ماقدر سارا انا سهران مع الربع سارا: طيب مين بيودينى البيت عبدالعزيز: سلمان والا عبدالله سارا: عبدالله نايم .. وسلمان طالع .. عبدالعزيز: دبري لك احد غيري سارا: بجي مع السواق عبدالعزيز: لا السواق لا .. مو في هذا الوقت المتاخر ... سارا: يووه عزيز ماعندي احد .. عبدالعزيز: خلاص نامي بيت اهلك سارا بعصبيه: عزييييييييز عبدالعزيز: والله سارا ماقدر اجيك سارا بزعل: طيب باي عبدالعزيز وهو بتسم بمكر : باي وسكر منها .. وهي شوي وتنفجر .. ما تغير .. يعنى لمتى ما يتغير حرام عليه... دقت على سلمان.. سارا: سلمااااااااااان سلمان كان الى الحين معصب .. هو كلم امه والي قهره انها ما تحمست مثله وقالت بكره راح تدق عليهم ..ولانه يعرف نبره صوت سارا هذي .. يعنى تبي شي سلمان: اخلصى ايش تبين سارا: سلمان .. تكفى تعالى خذنى وودنى بيتى سلمان: عندك رجلك .. سارا: مشغول سلمان: سارا والي يرحم والديك مو فاضي لك ابد سارا: سلمااااان ... سلمان: اسف .. يالله مع السلامه سارا: واكلم عبدالعزيز الليله عن رهف كان سلمان توه بيسكر يوم سمع اسم رهف .. سلمان: ايش قلتى؟؟؟ سارا: اقول لعبدالعزيز انك تبي رهف.. سلمان: والله سارا سارا: ايه واقنعه بعد.. احيانا ما يفيد الا سلوب الاغراء .. عشان الوالد ينفذ طلباتك سلمان: ساعه وبجي اخذك سارا: لا سلمان أي ساعه الحين 12 يعنى بتجينى وحده سلمان: تبين اوديك والا لا سارا: الا طبعا سلمان: اجل جب سارا: اوووف خلاص وحده سلمان: هههههه.. حريم ما يجون الا بالعين الحمرى وعلى الساعه 1 ونص دخلت سارا البيت الي كان غرقان بالصمت .. اكيد الكل نايم الحين .. راح فوق لغرفتها مباشره ... ما دقت على عبدالعزيز ولا شي .. ما يستاهل تسال عنه .. النذل مو راضي يجيبنى ... فتح باب غرفتها وعلى طول طلعت لها ريحه تجنن ... وقفت مندهشه قدام الباب .. تتامل العلبه الكبيره الي على السرير ... غير الشموع الموجوده .. دخلت وهي مو مصدقه .. ايش صاير هنا .. معقوله هذي غرفتى ... عبدالعزيز من وراها: ما بغيتى تجين ؟؟؟ التفت وشافت عبدالعزيز واقف عند الباب وهو يبتسم لها ... سارا وهي مو مصدقه: انت الي مسوي كل هذا عبدالعزيز يهز راسه وياشر على الهديه: افتحيها .. انشالله تعجبك .. راحت سارا بتردد .. وفتحت الهديه ... كانت عباه عن علبه مخمليه كحليه ... افتحتها بايدها وهي ترتجف .. شافت قلاده الماس كبيره .. مررره تجنن ... ظلت ماسكه العلبه وهي منبهره بشكل القلاده .. جا عبدالعزيز من وراها .. ورفع القلاده من العلبه ...ولبسها سارا.. بعد ما ازاح شعرها على جنب.. الحمد لله كانت لابسه بلوزه جيب صدرها كبير... عبدالعزيز: مكانها حول رقبتك .. ابي اشوفك دايما لابستها ... حست سارا انها خلاص بتصيح ... معقوله عبدالعزيز يسوي هالشي.. اخر شي توقعته ان عبدالعزيز يكون بهالرومانسيه ...بعد ما انتهي من اغلاق القلاده .. حط ايده على كتوفها ولفها له عشان يشوفها .. عبدالعزيز: سارا شوفينى رفعت له سارا عيونها .. وهي تلمع من الفرح ... سارا: انت قلت لى انام بيت اهلى عبدالعزيز وهو يبتسم بمر: لانى اعرف انك مستحيل تسوينها ... سارا ابتسمت له بارتجاف: ما توقعت .. ما توقعت انك بتسوي كذا عبدالعزيز: مفاجاه صح سارا: احلى مفاجاه بعد ... باسها عبدالعزيز على جبهتها ... عبدالعزيز: هالشي قليل بحقك .. سارا انتى ما تعرفين انتى ايش بالنسبه لى .. غيرتى اشياء كثيره بحياتى .. كان لك الفضل في تغيري وتغيري الي حولى ... السنه الي فاتت برهنتى فيها على اشيائ واجد ... وقوفك مع اخوتى واهلى من غير استثناء .. والاهم وقوفك معي .. سارا: انا ما سويت.. حط اصبعه على شفايفها عبدالعزيز: هشش.. خلينى اكمل .. انتى ما سمعتى ان الرجل اذا جا يعترف لا يقاطعه احد .. هزت سارا راسها ... ومسح عبدالعزيز دمعتها ... عبدالعزيز: تصيحين ؟؟؟ سارا: من الفرح عبدالعزيز ابتسم : سارا في امور كثير كنت فاهمها غلط ... وبفضل الله ثم انتى عرفت ايش قد كنت غلطان .. سارا شافته بحيره ما فهمت عليه .. عبدالعزيز يكمل اعترافاته: ترددي بالزواج وجفائي معك اول ما تزوجنى .. وتصرفاتى الغريبه كلها لها سبب واحد .. كنت خايف يا سارا.. سارا باستغراب: انت تخاف.. عبدالعزيز: تستغربين .. ما الومك .. مو دايما اطلع بمنظر القوي ... الا ذيك المره طبعا الي تذكرينها .. ابتسمت له سارا انها ايه فهمت عليه ... عبدالعزيز: اكثر شي كنت خايف منه .. هو انتى سارا: انا!! عبدالعزيز: ايه .. انتى .. كنت خايف احبك .. كنت خايف من الحب .. ما كنت ادري ان حبك لي هو سبب نجاتى .. وان حبك لى هو سبب قوتى .. والاهم ان الحب الي كنت اهرب منه هو الي فيه خلاصى وسعادتى ...اشكرك يا سارا لانك زوجتى ... ولحبك لى .. ماعرفت سارا بايش ترد قدام كلمات عبدالعزيز ...فقربت راسها وحطته على كتف عبدالعزيز ... عبدالعزيز: سارا شوفينى رفعت راسها وهو لازل على كتفه ... عبدالعزيز: احبك سارا .. وباس جبتها .. سارا: عزيييز.. عبدالعزيز: ههششش.. وشد ساره صدره اكثر ... خلاص اكتفوا من الكلام اللسان .. مافي كلمات تعبر على الي كانوا يحسون فيه في ذيك اللحظه ... اطلقوا للعنان لارواحهم للتخاطب .. بلغه ما يفهمها الا سارا وعبدالعزيز ... النهااااايه ..................................... مابعد النهايه ... منيره: يالله سارا .. بسرعه خلصى ما يصير نتاخر اكثر من كذا ... فوزيه: شوي شوي المعرض ما راح يطير.. منيره: ادري يمه بس فشيله نروح متاخر .. المفروض نكون اول الناس ... ساراوهي تنزل: هذا انا جيت ... منيره تشوفها باستغراب: ليه ما لبستيه ... سارا: مجنونه اخذه معي بيعفس المعرض عفس... بوديه بيت اهلى عند امي .. منيره: هيهي .. سلومي اول واحد يدخل المعرض حتى قبلك سارا: انتى صاحيه .. توه ماكمل السنتين وما بعد يفهم منيره: مالي دخل .. روحي لبسيه بس.. فوزيه: بنتاخر منيره: عادي اهم شي سالم يروح .. سارا وهي تتنهد : براحتك ... بس اذا عصب عبدالعزيز ترى منك منور ... منيره: ليه وينه عزيز؟؟ سارا: يقول كلها خمس دقايق ويكون عند الباب .. منيره: ما بيقول شي .. انتى بس اسرعى ... فوزيه: الحين ارسلتى بطاقات لبيت عمك صالح منيره: ايه يمه .. رهف تقول ان خالتى لطيفه ماتقدر تجي .. بتجي هي وسلمان ومها بس... فوزيه: ونوره اختك منيره: كلهم بنلاقيهم هناك ... مي داخله باندفاع وراميه نفسها بحضن جدتها ... مي: جدتى ولهانه عليك مرره فوزيه: ههههههه .. شوي شوي علي .. الله ميونا ايش هالجلابيه الي عليك تهبل مي: ماما جواهر شرتها لي عشان المعرض.. منيره: جنن ميو .. شكلى برسم وانتى بالجلابيه ... عمر : وانا مو راسمتنى ... التفت منيره وشافت عمر وجواهر واقفه جنبه .. وايد عمر ملتفه على كتفها ... منيره: لا ايش ارسمك انت .. لو برسم برسم النونو الي بالطريق... ضحكت جواهر وحطت ايدها على دبتها .. كلها شهر وبتولد باول طفل لها وثاني طفل لعمر .. عمر: ههههههههه .. تشوفين يهالعفريته ... جات سارا وهي شايه سالم ولابسه عبايتها .. سارا: عزيز قطع جوالى يالله بسرعه خل نروح .. فوزيه: وهالعزيز ما يغير طبعه لازال يعصب اذا تاخر عليه احد وهو بالسياره منيره: هههههه.. يمه هذا اول الحين سارا قدرت تغيره ...وتعرف كيف تسيطر عليه ... فوزيه: اقوم البس عباتى لا يعصب اكثر .. عمر: يمه انتى ومنيره تعالوا معنا.. سارا: شلون يعنى وعزيز منيره: انا بروح الحين معهم انا جاهزه .. سارا: اوكي يالله ... وطلعت سارا ومنيره وسالم الصغير ... عبدالعزيز جالس بالسياره .. وينتظر على احر من جمر ... سارا: عزيز انزل ركب سالم بكرسيه وانا بساعد منور .. نزل عبدالعزيز واخذ سارا عبدالعزيز: وانتوا لازم ساعه على ما تخلصون .. هذي الي داقه على وتقول لى بسرعه بسرعه منيره: هههههههه .. تدري ايش قاعده اذكر .. سارا: ايش.. منيره: يوم يعصب عليك عبدالعزيز بالجامعه ... تذكرين سارا سارا: يووه منور .. عبدالعزيز: ههههههههه منور الله يقطع شر بليس.. الحين اذا صاحت سارا ايش يسكتها .. سارا بعصبيه : عزييز.. .................................................. ........... انشاء الله تنال اعجابكم القصة وابي رايكم في القصة ......................

الدموع بتجف على خدها الا ترجع تتبلل مره ثانيه بدمعه .. ازداد تحرك اغصان الاشجار الي تحيطها .. وبهبت هوى قويه طاحت ورقه ..طارت بالجو .. وحطت اخيرا على سطح الماي.. قامت تتراقص مع الامواج الصغيره .. الهوا زاد .. وزاد معه تحرك شعرها .. خصله كبيره طاحت على وجهها.. وتبللت من دموعه ... عيونها انتقلت من الورقه الي بالبركه للبرواز بايدها السليمه ... ظلت تتامل وجهه السمح .. وتذكر احلى اللحظات معه ..مررت اصبح مرتجف على زجاج الفريم .. كان بارد مرره .. امتص بروده الجو الي زادت مع زياده الهوى .. هالشي ماكان مضايق رهف .. اهم شي عندها انها تجلس هنا وتذكره .. تذكر كل لحظه معه .. وصلت افكارها لاخر مره شافته .. ضغطت على البرواز بقوه لدرجه شوي وينكسر بايدها .. اخر مشهد قام يتكرر ..اخر كلمات .. سمعت صوت وراها .. التفت شافت ماريا واقفه ... رهف بصوت متغير: نعم ماريا: انا في سوي مكرونه انته في حوبي ... رهف: مابي ..مو جايعه ماريا وهي تقرب: ما يصير كدا.. انته مافي اكل .. رهف: قلت لك مابي ماريا: ليه بعدين في صير تعبان .. كله في بيت مافي اكل .. مدام فوزيه ما تبين .. وانته ماتبين .. وكله رهف انتبهت .. امي .. الا وينها الحين .. ابوي وصانى عليها باخر شي قاله .. اخر كلمه نطقها امك .. وانا جالسه هنا وغرقانه بحزنى وناسيتها ... قامت من الكرسي رهف: وين امي؟؟؟ ماريا: في غرفه .. مافي اطلع اليوم دخلت رهف من غير ما تنتظر الخدامه .. وهي تشد الصوره لصدرها وتضمها .. راحت لعند غرفة امها .. شافت النور مطفى .. طقت الباب بشويش... سمعت صوت امها واطي .. ومع انها مافهمت ايش قالت فتحت الباب .. شافت امه جالسه على السرير وفاتحه نور الابجوره الي على الطاوله بجنبها .. وبايدها مصحف .. وجهها شاحب .. وكانها اكبر من عمرها بعشر السنين .. لافه شيله على راسها .. ولابسه جلابيه مو باين منها الا القسم العلوي.. والباقي مخبى تحت البطانيه مع رجولها .. انهت الايه الي كانت تقرها ورفعت عيونها .. شافت رهف واقفه عند الباب بتردد ... ابتسمت فوزيه.. واشرت لها تجي جنبها .. وكان رهف ما صدقت تلاقي دعوه من امها .. ركضت لعند السرير وانسدحت بجنب امها .. دفنت راسها بحضنها ... وايد فوزيه تربت على ظهر رهف .. ورجعت تكمل قراه قران بصوت عالى ... وعلى نبره صوتها نامت بنتها .... ..................... ماسك الجوال يشوف الصور الي حافظهم .. يحاول يقتل الوقت .. توه مسكر من عند نوره بعد ما تطمن على بنته .. من اول ما توفى ابوه ومي في بيت نوره .. ما حبوا يخلونها تعيش الاجواء الي كانت سايده في البيت .. ولان اهل امها الله يرحمها بعاد وغير ان مي مو متعوده عليهم اخذتها نوره لعندها ... طمنته نوره عليها .. بس قالت له ان مي خلاص مو قادره تصبر وتبي ترجع البيت .. قال لها عمر راح ياخذها من المدرسه ويمر عليهم ياخذ ملابسها ويرجعها للبيت ... وهذا له ساعات من جلس بجنب منيره ..ينتظر اقل اشاره منها .. كل الي صدر .. حركه طفيفه بايدها .. بعد مرور نص ساعه سمع صوت منها .. التفت عليها شاف عيونها تتحرك .. وجهها كان لازال ملفوف بسبب الجروح الي فيه .. انفتحت العيون ببطئ .. اول ما شافها عمر .. قام وقرب منها .. عمر : منيره.. وبكل صعوبه انتقلت النظرات له .. شافت اخوها يشوفها بقلق وعيونه مليانه فرح بنفس الوقت .. حاول تتكلم واتقول شي.. بس حلقها جاف وتحس بحرقان فيه .. فكتفت بالابتسامه عشان تطمن اخوها ... وكانت الابتسامه مجهود كبيره .. كلفها كل طاقتها .. وخلاها تسكر عيونها مره ثانيه بتعب .. بعد ما ريحت اخوها شوي ... ما ماامدى عمر يفرح فيها الا رجعت لحالها .. خاف عمر .. وطلع نادى الممرضه يسالها .. جات الممرضه وطمنته وقالت له ان الطبيب المناوب الليله راح يمر ...فرجع عمر لمكانه ... بعد شوي دخل الطبيب الي كان مصري .. الطبيب : سلام عليكم قام عمر ورد السلام ... شرح له عمر كيف قامت ورجعت مره ثانيه فقدت الوعي.. الطبيب: لا ماتخفش.. انت ألأن كده ليه .. دي هيه نايمه مش في غيبوبه عمر: بس دكتور شلون تنام بعد ما كانت طول هالاسبوع فاقده الوعي.. الطبيب: انت ناسي انها عيانه .. دي تعبانه ومحتاقه للراحه ... وراح يفحص عليها .. الطبيب: لا دي عال العال .. بكره الصبح حتكون مفتحه زي الفل عمر: يعنى ماراح تقوم الليله الطبيب: ماظنش... ماتعبش حالك وتبات هنا.... روح لبيتك وريح .. مراتك مش حتطير .. عمر: اختى .. مو زوجتى وهو يشوف عمر كيف متلعوز وواضح انه تعبان الطبيب: انته روح ماتشيلش هم.. عمر: اكيد دكتور مو قايمه.. الطبيب: حتى لو بتؤم بترقع بسورعه تنام .. انت روح بس.. صدأنى عمر: اوكي دكتور مشكور... راح الدكتور بعد ما تطمن عمر .. قرب عمر من عند منيره .. وشافها غرقانه بنومها مثل الملاك .. باسها على جبهتها وعدل البطانيه حولها .. ورجع لبيته يرتاح ... ..................................... من اول ما بدى اليوم الثاني ما داومت سارا ورهف .. راحوا لمنيره بالمستشفى.. وبعد فتره من وصولهم افاقت منيره .. كانت تعبانه و بعيونها الف سؤال ..كلموها .. حاولوا يريحونها .. منيره بصوت هامس بالموت ينسمع: ايش صاير؟؟ رهف جالسه على الكرسي البعيد .. ولاهي قادره تحط عينها بعين اختها عشان ما تعرف شي.. اما سارا ما قدرت تجلس فواقفه فوق راس منيره ... سارا: ارتاحي انتى ولا تتكلمين .. مررت منيره لسانها على شفتها ترطبهم .. هالحركه كلفتها .. حاسه بالم في خدها وجبهتها .. وراسها شوي ينفجر .. منيره بتعب: راسي يعورنى سارا: قلت لك ارتاحي لا تتكلمين ... هزت راسها بصمت ورجعت سكرت عيونها بتعب ..التفت سارا لرهف .. سارا تهمس: ايش نقول لها.. اكتفت رهف بدمعه رد على سارا .. دخلت الممرضه تسال عن منيره وتبلغهم انهم راح ياخذوها بعد شوي عشان يكملون فحوصات ... سحبوا سرير منيره ومعه قلب سارا .. الي كانت عارفه كل شي.. وتنتظر نتيجه الفحص عشان يتطمن قلبها .. عبدالعزيز اول ما وصلها المستشفى قال لها اول ما تقوم منيره وياخذونها للفحص تدق عليه عشان يجي .. فهذا الي صار .. طلعت منيره من جهه وسارا دقت على عبدالعزيز من جهه ثانيه ... ........................ عمر اخذ بنته من عند اخته .. طول الطريق للمدرسه كانت صامته ومو متكلمه .. وهالشي غريب عنها هالايام .. خصوصا انها الفتره الاخيره صارت متفتحه ومشرقه اكثر .. بعد ما نزلها للمدرسه راح للشركه الي كان منقطع عنها ...اول ما دخل لمكتبه .. وقف سكرتيره على وحياهه... علي: االسلام عليكم استاذ عمر ... عمر: وعليكم السلام ورحمة الله وبركاته.. وتوه داخل لمكتبه .. وقفه على علي: استاذ.. التفت عليه عمر: نعم علي: عمي صالح طالب منى اول ما تجي للمكتب تروح له .. عمر وهو عاقد حواجبه: ليه؟؟ على:مادري والله .. بس هو مره محرصنى.. عمر: غريبه.. اوكي علي انا رايح له .. مشكور اخوي علي: ماسوينا الا الواجب... مادخل عمر مكتبه وراح توجهه للقسم الرئيسي بالشركه .. غريبه ايش يبي منى العم صالح.. لو يبي منى شي ليه ما دق علي.. ليه انتظر اجي للشركه.. انشالله ما يكون شي كبير .. الله يستر بس.. قبل لا يوصل مكتب صالح من من عند مكتب ابوه .. حس بغصه بحلقه .. كان الباب مسكر والنور مو مفتوح .. تنهد وكمل طريقه .. قال للسكرتير حق صالح انه بيدخل .. السكرتير: اصلا هو قايل اول ما تجي تدخل على طول رفع عمر حاجبه باستغراب ودق باب المكتب .. سمع صوت صالح صالح: تفضل.. فتح الباب بترقب وشاف عمه جالس ورى المكتب وهو لابس نظاره القراءه ومستمر في تفحص شي بايده بكل تركيز.. صالح: ارسل محمد الحسابات الي طلبتها .. عمر: السلام عليكم عمي رفع صالح راسه وابتسم لعمر صالح: اعذرنى يالغالي على بالي انك جمال سكرتيري..تفضل اجلس عمر وهو يجلس على الكنب الي قبال المكتب: قالوا لى انك طالبنى صالح: ايه... عمر: خير عمي .. صاير بالشركه شي صالح بعتب: بالاول ابي اعرف ليه ما داومت هالفتره الاخيره نزل عمر راسه : انت ادرى بالحال صالح: ولو مو عذر .. بس انا هالمره مسامحك وبمشى الموضوع .. اخوك عبدالعزيز ما قصر قام بشغله وبشغلك .. عمر: السموحه صالح: حصل خير.. انا مقدر الظروف.. مو انت بس الي مالك خلق للشغل .. هالمكان من غير المرحوم ما يسوى شي.. بس مهما كان المفروض ما نضعف .. عمر: ادري .. بس ماكان هالشي بايدي .. ما اتخيل ادخل هنا ولا اشوف الوالد.. صالح: الله يرحمه ... عمر: امين.. بعد لحظه صمت الكل سرح بافكاره بنفس الشخص.. عمر: الا ايش بغيت منى ؟؟ صالح: ما بي منك الا انك تمسك مكان ابوك بالشركه عمر: شلون .. محمد احق منى بهالمكان صالح: لا هذا حلالكم مو حلال محمد .. عمر: بس خبرة محمد اكثر منى صالح: ماعليك من محمد .. انا ابيك انت الى تشيل مكان ابوك .. عمر: ومكانى مين فيه؟ صالح: سلمان على وجهه تخرج .. وانشالله بيشتغل هنا .. ومع الوقت بيمسك مكانك عمر: والله مادري ايش اقول ياعم صالح: قول تم وريح قلبي .. عمر: انشالله ... .................. بعد ما جا عبدالعزيز للمستشفى ورجعوا منيره للغرفه .. راح للطبيب وتاكد من الخبر .. تلقت منيره ضربه قويه على عامودها الفقري .. ادري الى كسر فيه .. وبسبب حالتها ووضعها بالسياره وصعوبه خروجها .. ماراعى المسعفين ظهرها .. غير تركيز المستشفى على حاله النزيف الداخلى براسها ومحاولة اسعافها .. كل هالامور خلتهم ما ينتبهون لظهرها ولعاموها .. ولا يراعونها في التنقل والشيل .. وهالشي ادى الى انقطاع الحبل الشوكي .. وبالتالى عدم قدرتها على المشى .. واحتمال رجوعها مستحيل .. حتى لو ارسلت لاحسن المستشفيات بالعالم ولالمانيا وغيرها.. ماراح ينفع .. انتشر الخبر هذا بالبيت .. وعرفه الكل الا صاحبه الشان .. الى كانت تفيق بين فتره وفتره .. بس ماكانت تجمع وتعرف ايش يصير بالضبط حولها .. بكت فوزيه الحاله الى وصلت لها بنتها .. واصرت تروح للمستشفى وتجلس جنبها ... وطول هالوقت ماعرفت منيره عن وفاة ابوها ... على صوت الشيخ سعد الغامدي من المسجل الموجود بالغرفه بمستشفى المانع العام بعد نقل منيره له ... كانت جالسه فوزيه .. انتبهت منيره وقامت .. اول ما التفت وشافت امها ابتسمت .. كانت المره الاولى الي تشوفها من بعد الحادث .. جالسه على الكرسى وهي مغمضه عيونها وراسها نازل على صدرها .. واضح عليها الارهاق .. منيره بصوت واطي: يمه سمعت فوزيه بنتها وانتبهت من نومها .. عدلت نفسها وقامت فوزيه: هلا بعيونى .. شخبارك الحين منيره: احسن .. من متى وانتى هنا فوزيه: من فتره .. تبين شي .. تبين ماي .. منيره بتعب : لا.. كم الساعه؟؟ فوزيه: توها عشر الصبح .. امس كل اخوانك كانوا هنا .. بس الحين الكل بدوامه وشغله بلعت منيره ريقها بصعوبه منيره: كم لى وانا بالمستشفى؟ فوزيه: اسبوعين حبيبتى.. منيره: وابوي ورهف .. صار فيهم شي .. فوزيه وهي تحاول تتمالك نفسها: كلهم مرتاحين .. المهم انتى الحين منيره بابتسامه باهته: انا زينه .. بس هاللفاف بوجهي مزعجنى..وراسي شوي يالمنى فوزيه: بيخف مع الوقت .. انتى لا تحاتين وارتاحي الحين .. منيره: طيب بس اذا جا ابوي والا اخوانى او سارا قومينى ..ز فوزيه بحزن: انشالله .......................... توه طالع من البيت .. مر من عند الصاله الا سمع احد يناديه ام خالد: طلال دخل لعند امه شافها جالسه... طلال وهو واقف عند الباب: هلا يمه بغيتي شي ام خالد: وين رايح طلال: عندي مشوار ام خالد وهي تبتسم وتربت على المكان بجنبها: تعال يا ولدي عندي لك بشاره طلال : خير قولى ام خالد: بالاول تعال اجلس راح طلا ل لعند امه وجلس جنبها: ها يمه .. بشرينى ام خالد وهي تبتسم: افاقت خطيبتك ... مبروك يا ولدي طلال: الله يبارك فيك ام خالد: يووه ايش فيك تقولها من غير نفس ...انت كنت تدري قبل؟؟ طلال: ايه يمه.. قال لى احمد ولد عمي ام خالد: وليه مو فرحان .. طلال: ليه انتى ما تدرين ؟؟ ام خالد وهي معقده حواجبها: مادري بايش؟؟ طلال: انها مابتمشي ام خالد: واذا.. طلال وهو يقوم: ايش يمه واذا .. ليكون على بالكم انى بتزوج وحده معاقه ام خالد: انت ايش تقول .. تبي تهد البنت الحين طلال: يمه ما صار بيننا شي ولا حتى كتب كتاب .. ايه بفصخ الخطوبه ام خالد: طلالوووه .. حرام عليك البنت مالها احد انت ايش تقول طلال: بذمتك يمه من جدك تتكلمين تبينى اربط نفسي مع انسانه معاقه .. ليه ناقص انا شقى عشان ادوره لنفسي ام خالد: بس هذي منيره .. واذا مشلوله .. طلال: انا مو مصدق الي تقولينه يمه ... على بالي انك انتى الي بتطلبين منى اهد كل شي ام خالد: ياولدي الشلل مو عيب طلال: الا عيب .. انا ما اتمنى لها الشر.. بالعكس الله يشافيها ويوفقها بحياتها بس مع شخص غيري ام خالد: وين الي كنت ميت عليها ومختارها بنفسك طلال: وانا ايش درانى انها بتصير كذا .. لا وبعد يقولون وجهها مجروح يعنى مو كافي انها مشلوله مشوهه بعد ام خالد بعصبيه: طلااااااال طلال: ما اتشمت يمه .. بس هذي الحقيقه ام خالد: انت مافي قلبك رحمه .. تراهى ضعيفه وتو ميت ابوها والمصايب ايش كثرها فوق راسها وراس اهلها .. وين اودي وجهي منهم واقول لهم ولدي عاف بنتكم طلال: يمه حرام عليك تبينى اشقى نفسي واسجنها مع بنتهم ام خالد: لو وحده من خواتك ايش بيكون تصرفك مع خطيبها اذا هدها طلال: لا تفاولين عليهم يمه ام خالد: طيب ما تفكر فيها .. والا على بالك بنات الناس لعبه.. طلال: وانا الحين لعبت فيها.. من حقي انى ارفضها مثل ماهو من حقها انها ترفضى ام خالد : لا تسوي فيها كذا طلال.. فوزيه ما تستاهل الي جاها .. يالله ابيك تاخذنى بالمستشفى نزورهم وتطمن عليهم .. طلال: يييمه ام خالد: مصمه ووجع .. فصخه خطوبه مافي ... والبنت بتتزوجها يعنى بتتزوجها طلال: السالفه عناد ام خالد: مو عناد .. بس قسم بالله يا طلال لو تركت البنت بهالحاله لا انا امك ولا اعرفك طلال: حرام عليك يمه والله حرام.. انتى الحين مثل القاضي الي يحكم علي بالسجن ام خالد: أي قاضي واي خرابيط .. شوف انا ما اقول اربط نفسك معها ... كل الي سوه اشفق عليها .. لا تتركها بهالحال ومافي احد يمكن يقبل فيها .. انت تزوجها واذا ما ارتحت معها او شي.. تزوج فوقها لو تطق الثلاث ما يهم .. المهم انك ما تتركها طلال: يعنى عادي لو تزوجت عليها ام خالد: المهم ما تتركها .. والله ما يستاهلون ومو ناقصينك انت بعد طلال: يصير خير يمه يصير خير ......................... ما قدروا يتهربون من اسئله منيره عن ابوها اكثر من كذا ... فاضطروا يبلغونها مع انهم حاولوا ينقلون لها الخبر بابسط واسهل طريقه ممكنه....... تقبلت الخبر بشجاعه غير متوقعه .. بسبب ايمانها القوي بالله تغلبت على الي هي فيه .. بكت ابوها .. وحزنت لفراقه .... اما شللها كان عندها امل كبير انها لو راحت للرياض راح تقدر تمشى من جديد .. ارسلوا اوراق منيره لمستشفى التخصصي بالرياض وبعد اسبوع نقلوها له .. راح معها عبدالعزيز .. عمر كان ناوي يروح معها .. بس من اول ما اخذ مي من بيت نوره وشاف حال بنته كيف .. ماقدر يتركها ... مي ما قدرت تتقبل موت جدها بسهوله .. غير فقد عمتها الي ما شافتها من يوم الحادث.. ما اخذوا مي للمستشفى تزور منيره عشان سوء حالة منيره ... رجعت مي لقوقعتها بعد ما طلعت منها الفتره الاخير .. فما قدر عمر يروح و يترك مي .. ولا يقدر ياخذها وهي لازالت تروح للمدرسه غير شغل الشركه الي فوق راسه واخذه لمكان ابوه ..... اما رهف كان ودها تروح مع اختها للرياض .. بس اخوها ما رضى لها واجبرها تكمل دوام بالجامعه .. ونفس الشي مع سارا.. فوزيه الي ما تقدر تطلع من البيت ولا تروح او تجي الا بعد اربع شهور ومرور العده ... ............... لان الوقت مبكر وتوها الساعه 6 الصبح ما كان احد بالبيت قايم ..دخل له و قام يصرخ وينادي اهله ... قامت لطيفه وصالح بفزع .. موقف موت سالم تكرر لهم .. الله يستر من اخبار الساعه 6 الفجر ... نزل صالح من الدرج وهو اقرب للجري من المشي .. وقابله وجهه ولده عبدالله البشوش... صالح: خير ايش صاير .. عبدالله: استوعب انه خرع وخوف اهله : لا ابد لا تخافون .. وهو يشوف امه خايفه من الي بتسمعه عبدالله: بس حبيت ابشركم .. مها ولدت الليوم جلس صالح على الدرج يريح .. كان مرره خايف .. وما حس انه قادر يوقف لطيفه: الحمد لله على السلامه .. ليه ما دقيت .. خوفتنى عبدالله: ما كان قصدي .. انا جاي اخذ اشياء لمها ما امداها تاخذها .. وقلت ابشركم... اسف يبه مو ناوي اخوفك صالح: حصل خير .. حصل خير ... الف مبروك ولدي عبدالله بفرح: الله يبارك فيك يبه صالح: طالبك عبدالله ولا تردنى .. ابيك تسميه سالم عبدالله: صدقنى يبه من غير ما تقول .. بس مها جابت بنت مو ولد .. صالح: الحمد لله على كل حال .. والف مبروك عبدالله وهو مو مصدق نفسه خوفه هالمره على مها اكثر من المره الاولى .. بسبب صعوبه هالحمل .. فما صدق اول ما قال له الدكتور ان الولاده صارت بصوره سهله ماكانوا يتوقعونها .. الحمد لله يارب على النعمه ... .......................... التقارير ونتايج الفحوصات اطفات بقايا الامل في رجوع منيره للمشى .. ووجودها بالمستشفى ماله داعي .. الا بسبب جروح وجهها الي يبي لها عدة عمليات عشان ترجع مثل اول .. كان في خدها الايمن شق كبير يمتد من طرف فمها الى اذنها .. غير شقوق صغيره في جبهتها ..كانوا بارزين ولونهم احمر ... بس الدكتور طمن عبدالعزيز وقال له انه بعد عمليات التجميل بتختفى تقريبا ...رجعت منيره للخبر بعد ما حددوا موعد عمليتها بعد اسبوع ... البيت كانوا مجهزينه لاستقبالها .. بعد ما حطوا كل التسهيلات الي تناسب وضعها الجديد .. ولان بيتهم كبير .. فما يضره ان يكون فيه مصعد .. وعشان يحسسون منيره انها لها صله بالطابق الفوقي.. ولا يحرمونها من غرفتها .. قام الشغل على اساس يحطون مصعد .. وبهالوقت الحالى لين ما يخلص المصعد (اسنسير) فضوا لها غرفه تحت .. وخلوها غرفتها مؤقت الكل كان في استقبال منيره وعبدالعزيز بعد غياب اسبوعين ونص ...طول ذيك الفتره راحت سارا لهم في كل ويك اند ... رهف كانت ناويه تروح معها ويوم عرفت ان سلمان هو الي بياخذ سارا هونت .. وفضلت تجلس مع امها .. بعد ما جهزوا البيت لمنور كان هذي اول مره تدخله .. بس مو على رجولها ... وقفت السياره قدام الباب .. ونزل عبدالعزيز كان مسويها مفاجاه ولا قال لاهله عن وصولهم .. طلب من السواق يجي للمطار ويستقبلهم .. السواق فتح شنطه السياره وطلع الكرسي المتحرك .. اخذه منه عبدالعزيز وحطه عند باب منور .. وفتح لها الباب .. ساعدها انها تجلس عليه .. ابتسمت له منور بشكر .. وتو عبدالعزيز بيدفع الكرسي منيره: لا عزيز انا الي بحركه؟؟ وشافته بنظره توسل.. عبدالعزيز: اذا هالشي يريحك.. هزت منيره راسها وحطت ايدها المرتجفه على العجلات وحركتهم .. وعبدالعزيز يمشي جنبها ومستعد باي لحظه يساعدها .. قل اللفاف على وجهه منور الا قطعه بيضه على خدها اليمين و3 قطع صغيره على جبهتها .. يخفون الجروح الي لازالت معلمه وبارزه بشكل بشع ...فتح عبدالعزيز لاخته الباب ودخلوا للبيت .. ومنيره تدفع كرسيها ... كانت فوزيه جالسه بغرفتها.. الوقت توه العصر والي في البيت ياخذون قيلوله يريحون فيها ... دخلت منيره للصاله منيره وهي ترفع راسها تشوف اخوها: وينهم؟؟؟ عبدالعزيز: مادري خل اشوفهم لك .. راح عند الدرج .. ونادى الخدامه يسالها .. اذا كانت امه نايمه او لا عشان ما يزعجها .. وهو يكلم ماريا كانت سارا بالطابق الفوقى بتروح لغرفه رهف عشان تخليها تروح معها لبيت خالة سارا يزورونهم... سمعت صوت عبدالعزيز .. فما صدقت بالبدايه .. هو قايل لها انهم ماراح يجون الا الاسبوع الجاي.. واليوم الاثنين .. معقوله يكون موجود .. نزلت من الدرج بسرعه .. شافت ظهر عبدالعزيز لها وهو يكلم الخدامه الي هزت راسها وراحت .. وتو عبدالعزيز بيروح .. سارا: عزيييييييز.. التفت لها عبدالعزيز وابتسم .. سارا كملت نزول والبسمه شاقه حلقها .. حاسه بنفسها تطير .. صايره تشتاق لعبدالعزيز كثير .. اول ما لامست رجلها الطابق التحتى ووصلت لعبدالعزيز ارتمت بحضنه .. سارا : انت جيييت عبدالعزيز: ههههههه.. ايه جيت .. شوي شوي علي بتطيحينى .. خفت عنه سارا وهي لازالت تبتسم ... وبعتب سارا: ليه ما قلت ليه .. عشان استقبلك.. وبعدت عنه .. عبدالعزيز وهو يضحك: كل هالاوان على وجهك والكشخه لمين اجل ؟؟ سارا: حرام عليك هذا مكياج .. وثاني شي.. الحمد لله لحقت عليك كنت ناويه اروح لمها بيت خالتى.. عبدالعزيز: لو انى ما شفتك كان ذبحتك سارا: هههههههههههههه منيره: سارا؟؟ التفت سارا لمنيره .. واقفه عند الباب قصدي جالسه وتشوف سارا ... يالله ايش قد اشتقت لك يا منور ... من جد لك وحشه .. سارا بفرح: وانتى بعد .. وراحت لصديقه عمرها ورفيقه دربها .. صديقه الطفوله وكاتمه اسرارها .. الانسانه الوحيده القريبه منها .. والي تكون بالنسبه لها مثل الاخت والصديقه وكل شي...مدت منيره ايدها وتلقفتها سارا .. ما قدرت تكتفى بهالشي .. فانزلت وضمت منيره .... الي شدت عليها من جهه ... سارا وصوتها مو قادره تتمالكه من الصياح: مره ثانيه بروح معكم .. اشتقت لك منور .. اشتقت لك كثير منيره: وانا اكثر ... عبدالعزيز: خلاص سارا ومنيره لا تسوون لنا مشهد درامي ... وينهم اهلى سارا.. قامت سارا وهي تمسح دمعتها ومنيره نفس الشي .. سارا: امك تريح بعد الغدا ونفس الشي رهف .. اما عمر اخذ بنته للحكير اظن او توي تاون والله مادري وين بالضبط منيره: بروح عند امي مشتاقه لها كثير .. سارا: وانا بنادي رهف .. اكيد بتطير من الوناسه اذا عرفت انكم هنا .. ........................ عمر واقف يتامل بنته وهي تلعب بسفينه الالعاب... صح انها كانت تبتسم .. بس ابدا مو عاجبته .. حزنها اكبر من عمرها ... والهموم الي شايلتها ما تناسبها .. حاول باقصى جهده انه يساعدها .. بس هي خلاص احكمت اغلاق القوقعه الي هي داخلها .. وما تسمح لاحد يقرب منها ... وفي نفس الوقت ازداد تعلقها بابوها .. ما تبيه يغيب عنها لحظه وحده .. تذكر موقف صار له قبل يومين .. ربعه اصروا عليه انه يسهر معهم ويوسع صدره .. وهو ابدا ما كان له خلق.. بس انحرج منهم ووافق .. طلب من رهف انها تهتم في عشى مي وتنومها .. وبعد حول ساعه دقت عليه رهف تقول ان مي مو راضيه تنام وتصيح تبيه .. راح للبيت عشانها اول ما شافته ظلت متعلقه فيه .. لين نامت بحضنه .. هالشي غريب على بنت بعمر مي .. خلاص هي بتدخل السبع .. ولازم تقل من هذا التعلق.. عدم وجود ابوه و منيره بالبيت خلاها تخاف من فقد اعز الناس لها الي هو ابوها ... غير انشغال امه واخته وحتى مرت اخوه .. كل هذا خلاها مع ابوها بس.. وفي نفس الوقت ازداد تعلقها بمعلمتها .. اللحظات الوحيده الي يشوفها فرحانه هو ذهابها للمدرسه .. كل هالامور خلواالفكره تبدت تتبلور براسه .. هذي بنتى .. وانا لازم اامن لها حياه طبيعيه .. مثل غيرها من الاطفال .. امي كبيره وماهي فاضيه لها .. ورهف مصيرها الزواج .. ومنيره انشالله .. مين بيبقى لها .. انا .. واذا صار لى شي.. مو بس كذا .. هي تحتاج لعنصر الامومه بحياتها .. وهالشي ماراح تلاقيه عند عماتها .. انا ايش قاعد افكر .. صرخ قلبه .. انا ايش قاعد افكر معقوله افكر بالزواج بعد فاطمه .. اكيد بعقلي شي.. رد العقل.. لا تكون انانى .. قبل لا تفكر بنفسك فكر ببنتك .. انت شوفكيف هي الحين ... مي: بابا بابا.. اافاق من افكاره على مي وهي تسحب ثوبه عشان تلفت انتباهه..نزل راسه لها وهو لازال معقد حواجبه نتيجه لافكاره عمر: نعم حبيبتى مي: خل نلعب هذي؟؟ واشرت على اخطابوط في نهايه اذرعه مراكب تدور .. عمر: لا يابابا هذي خطره مي: الا ابي اركبها .. عمر: لا تصيحين بنصها وتقولين نوقفها مي بعزم: انا ما اصيح وهذا الي ذابحنى فيك .. ابيك تصيحين وتعبرين عن الي داخلك .. مو من هالعمر تتعلمين الكبت ...دق جواله شاف عبدالعزيز داق عليه ... عمر: السلام عليكم .. هلا بو سعود عبدالعزيز: وعليكم السلام .. اهلين عمر كيفك عمر: تماام بخير انت شخبارك وشخبار منيره عبدالعزيز: توك تسال يا اخوي ايش فيك ما تدق ولا شي .. عمر: ههههه والله كل يوم ادق على منيره ايش لي فيك انت عبدالعزيز: هين تشوف .. المهم وينك فيه الحين؟؟ عمر: رايح مشوار عبدالعزيز: مشوار والا قاعد تلعب عمر: هههههههههه.. ومادام تدري ليه تسال عبدالعزيز: هذا جزاي مشتاق لك وابيك تجي للبيت واشوفك عمر: انت هنا ؟؟؟؟؟؟؟؟ عبدالعزيز: ايه بالبيت .. متى بتخلص وتجي عمر بلهفه: معك منيره عبدلعززيز: ايه عمر: الحين جاي عبداللعزيز: افا يعنى لو منور مو معي ما جيت عمر: ههههههههه روح بس.. يالله مسافه الطريق وانا عندكم عبدالعزيز: ههههههه سكر من اخوه والتفت لمي عمر: ميونا حبيبتى خلاص بنروح للبيت الحين عمو عبدالعزيز وعمه منيره جاو مي بهدوء: طيب لييييه مي .. معقوله مو مشتاقه لعمتك .. ليه ما تعبرين عن شعورك لييييييييه ... ............................. بعد اسبوع من وصول منيره للبيت .. جات ام خالد تزورها وتطمن عليها .. الخدامه جات لمنيره لغرفتها وقالت لها ان امها تبيها تجي عشان تسلم على ام خالد.. منيره: ام خالد هنا؟؟؟؟ ماريا: ايوه .. مدام في قول تعالى سورعه منيره بتفكير: طيب طيب روحي انتى الحين.. وسكري الباب.. بعد ما طلعت الخدامه من الغرفه .. ظلت منيره مكانها تفكر .. ام خالد .. ايش جابها هنا .. ليكون يبون يتكلمون عن الزواج .. خلاص كل شي انتهي.. ليه تجي .. والا تبي تشوفنى اذا الى الحين اصلح لولدها او لا .. طاحت عينها على المرايا الي قدامها .. وقامت تشوف وجهها .. قربت منها .. وارفعت اللفاف الي على خدها .. بدت تطلع لها الخطوط المتعرجه .. لونها احمر مايل للبنفسجي .. وهي بارزه وشكلها مرره بشع .. ما قدرت تتحمل المنظر ورجعت الشاش مكانه ...لا خلاص مستحيل اروح .. مستحيل اقابلها بهالشكل .. دق على الباب منيره: ميين؟؟ رهف: انا رهف .. عادي ادخل منيره : تفضلي دخلت رهف.. رهف: يووه منور ما لبستى .. امي تقول تعالى بسرعه منيره: مابي اروح .. رهف وهي معقده حواجبها: ليه طيب منيره: رهف من جدك تبينى اقابلها بهالشكل رهف: وايش فيها .. منيره: لالا قلت مابي يعنى مابي ... رهف: منور .. والله عيب منيره بدت تفقد اعصابها: لا عيب ولا شي.. وممكن لو سمحتى تتركينى لوحدى رهف وهي تحاول تقرب منها: منور منيره: ما تسمعين .. ما تفهمين .. برا .. اطلعى برا رهف: اسفه منور مو قصدي شي لا تعصبين على منيره ما تبي تضعف قدام رهف .. هي حاسه بنار تشب داخلها .. ما تبي تبين لهم انها انضرت منيره: طيب ابي اجلس بروحي ... يوم لاحظت ان رهف لازالت واقف مكانها منيره: لو سمحتى .. طلعت رهف من غرفه اختها وهي مكسوره الخاطر .. اما منيره اول ما طلعت رهف حطت ايدها على وجهها وقامت تصيح ... لين تبلل اللفاف الي عليه .. .................. بعد ما طلعت ام خالد راحت فوزيه لغرفه بنتها .. احرجتها منيره كثير .. الحين المره جايه تتطمن عليها وهي مو راضيه تقابلها .. مسكينه ام خالد طول فتره غياب منيره تدق دايما تسال عنها ... وماكان هذا جزاها .. منيره مو صغيره والمفروض تقدر ... دقت فوزيه الباب ومن غير ما تنتظر الرد دخلت ... بوجهها الشاحب الخالى من اقل زينه ممكنه .. والحجاب على راسها .. وبجلابيتها ... منيره كانت جالسه على كرسيها طول اليوم مو راضيه تطلع .. جالسه على الكرسي وهي تقرا مجله فوصل ...سمعت الصوت ور فعت راسها شافت امها تقرب منها وتجلس على السرير قبالها ... فوزيه: تعبانه انتى.. منيره: لا يمه مافينى شي فوزيه:طيب ليه ما جيتى تسلمين على ام خالد منيره: يمه ماكان لى خلق ... فوزيه: مو عيب عليك المره جايه لحد بيتك عشانك وانتى مو راضيه تطلعين لها منيره: مو عن شي يمه .. بس ماقدر .. ماقدر اقابل احد وقامت شفتها التحتيه تهتز فوزيه شافتها بشفقه بس قالت لها بكل صراحه: ليه .. لانك ما تمشين؟؟ منيره وهي ترفع لامها عيون تلمع تجمعت فيها الدموع: ليه حنا نوقف على المشي بس ... فوزيه: انشالله بعد العمليه بيرجع كل شي تمام .. منيره بصوت مرتجف: انشالله .. بعد صمت ... فوزيه: تعرفين ليه ام خالد جايه ؟؟ منيره: ايه .. تشوفنى فوزيه: طبعا .. بس بعد كانت تبي تكلمنا عن ولدها .. منيره: طلال فوزيه وهي تبتسم: ايه طلال ... يوم لاحظت ان منيره ما ردت عليها .. فوزيه: ما تبين تعرفين ايش قالت عنه منيره: ادري ما يحتاج تقولين .. الحمد لله جات منهم مو منى فوزيه باستغراب: ايش الي جا منيره: فسخ الخطوبه فوزيه: أي فسخ الله يهديك منور ... ام خالد تقول ان الولد شاريك ولازال متمسك فيه وانشالله بعد ما تنتهي عملياتك وتهدى الظروف وانا اطلع من حداد ابوك نرتب امورك معه.. منيره: يمه انتى ايش قاعده تقولين .. بذمتك تبينى اتزوج بهالحاله .. فوزيه: بتتشافين منيره: بس مستحيل امشي .. وحتى لو تشافيت شلون اتزوج وابوي توه مات فوزيه بحزن: الله يرحمه منيره: امين.. يمه تكفين انا مابي اتزوج .. وخصوصا طلال .. لو سمحتى لا تجبرينى على شي ما ابيه.. فوزيه: وليه طيب .. وليه خصوصا طلال منيره: طلال شافنى قبل لا اتشوهه فوزيه باندافاع: ما تشوهتى .. هي بقايا اثار وبتروح بعد العمليات منيره: حتى لو حرفتى كلمه تشوقيه وخليتيه بقايا اثار ... بظل فيه علامه ووجهي مستحيل يرجع مثل اول .. فوزيه: الجمال جمال الروح منيره: ما يهمنى جمال الروح .. يمه انا الحين انسانه ناقصه .. لا امشى وزياده مشوهه فوزيه: منور لا تقولين هالكلام وتقطعين قلب امك منيره: هذي الحقيقه .. لازم نتقبلها حتى لو كانت مؤلمه .. وانا مؤمنه بقضاء الله وقدره .. فوزيه اندهشت من حكمة بنتها: ونعم بالله... لاحظت على بنتها اثار التعب .. منيره بسرعه تتعب .. فوزيه وهي تقوم : اتركك الحين ترتاحين ... ابتسمت منيره لامها: مشكوره يمه .. فوزيه : يالله قومي ريحي على السرير ومددي نفسك .. وراحت لها ساعدتها تحطها على السرير ... الى الحين ما بعد تتعود منيره وتقدر تعتمد على نفسها في التنقل من السرير للكرسي والعكس ... ......................... بالليل جايتهم نوره كانوا جالسين كلهم على العشا ... بعد ما انتهي ونوره تبي ترجع لبيتها ولان زوجها مسافر اخذها عمر للبيت نوره: تدري مين شفت امس .. عمر وهو عاقد حواجبه: مين؟ نوره: معلمه مي ... عمر: ابله جواهر نوره: هههههههه .. وانت ايش دراك فيها عمر: ايش رايك يعنى معلمه بنتى ما تبينى اعرفها .. هذا غير مي ما تسكت عن الكلام عنها نوره: يا حليلها .. بس معها حق جواهر طيبه وحبوبه .. وتصدق كانت دايما مي تذكرنى فيها وسبحان الله صارت مي طالبتها عمر : ليه تذكرك فيها نوره: يعنى فيها من مي ما تعبر عن شعورها كثير .. عمر: اها نوره: المسكينه فقدت امها في سن صغير .. عمر: الله يرحمها نوره: عاد جلسنا نسولف .. وطولنا عمر: وانتى من وين تعرفينها نوره: كانت معي بالجامعه .. هي اصغر منى بسنتين.. عمر: اها نوره : يا حليلها مجنونه على بنتك وطول الوقت تكلمنى عنها ... ومدحتها كثير تقول شاطره ومؤدبه .. عمر من غير سابق انذار: شعرها احمر ؟؟ نوره باستغراب: لا ليه ؟؟ عمر: سؤال نوره: انت شايفها ؟؟ عمر: هههههههه.. ووين اشوفها نوره: مادري سؤالك غريب عمر: لا بس مره مسكت ميونا وهي تحاول تلون شعرها بالاحمر تقول مثل ابله جواهر نوره: ههههههههههههههههههههههههههههههه... حرام عليها شوهت صورتها .. هي شعرها كستنائي ومسويه فيه ميش بالعنابي مو الاحمر .. ههههههههههه والله يا حليها مي اجل احمر عمر: ههههههه وهي ايش دراها ... نوره بنبره صوت غير: مو غريبه عمر عمر : ايش؟؟ نوره: تعلق مي بابلتها .. يعنى مي ما تتعلق باحد بسهوله عمر وهو يتنهد: مادري والله نوره وهي تلتفت لورى: البنات ناموا ... وقف عمر قدام بيت نوره عمر: ليه ما نمتى عندنا .. مادام احمد مسافر نوره: لا ما جبت ملابس للعيال ولا استعديت عمر: كان اخذوا ملابس من مي.. نوره: معليش.. ونزلت وهي حامله عبدالرحمن ....اما عمر راح للسيت الي ورى وشال هند وقوم حصه .. مسكها من ايدها ودخلهم بيتهم ... نوره: مشكور اخوي تعبناك عمر: لا ايش دعوه ما سوينا شي...يالله فمان الله نوره: انتبه ولا تسرع ... عمر: انشالله .. ............................ كانت منبطحه على السرير .. حاولت تقوم وتروح لكرسيها .. عكفت جسمها وقرت الكرسي من عند السرير ... حطت كل ايد على ذراع الكرسي .. وحاولت تنقل جسمها من السرير له .. بسبب ثقل جسمها على الكرسي وبسبب العجلات الي تحت .. دفع الكرسي على ورى وهي لازالت معلقه بين الاثنين .. فطاحت على الارض بقوه ... بالوقت كانت سارا نازله لتحت تجيب كاس حليب لعبدالعزيز ... سمعت صوت طيحه شي من غرفه منيره ... شافت النور طالع من تحت الباب عرفت ان منيره قايمه مو نايمه ...ولان الصوت كان عالى فتح الباب على طول ... منيره مرميه على الارض بين السرير والكرسي.. وهي معكوفه وراسه دافنته بالارض وكتوفها تهتز وتطلع صوت مكبوت ... عرفت سارا انها تصيح .. راحت لها على طول وركعت عندها .. سارا: منيره... ايش فيك .. ليكون تعورتى ارتفع صوت صياح ممنيره .. جلست سارا على الارض جنبها وحطت ايدها على كتف منيره .. وهي مرره متاثر.. طول الفتره الي طافت طلعت منيره قبول غريب على حالتها .. تقبلته بصدر رحب.. صح انها صاحت بس مو لدرجه الي توقعوها ... سارا: منووور حبيبتى ..قومي .. حاولت تشيلها من على الارض.. رفعت لها منيره وجهه احمر ..وبعدت ايد سارا من على كتفها منيره: روحي اتركينى .. سارا: ايش اتركك .. تعالى اساعدك . منيره وهي تصيح: مابي احد يساعدنى انا اقدر اقوم .. روحي مابي احد معي بالغرفه .. اتركينى بحالى روحي تقبلت سارا كلامها لانها ما تلومها على الحاله الي هي فيها ... سارا: طيب بروح بس بعد ما تقومين.. منيره بعصبيه: قلت لك روحي الحين سارا: لا مب رايحه .. منيره: انتوا اييش تبون منى ليه مو راضين تتركونى بحالى.. حرام عليكم والله حرام ورجعت تبكي من جديد ... تقطع قلب سارا على صديقتها .. وقامت تشوفها بنظرات شفقه منيره: لا تشوفينى كذا مابي شفقتكم .. فاهمه ما بيها ما ابيهااااااااااااااااا... انا ليه عشت .. ليه ياربي ليه ليه ما اخذتنى مثل ما اخذت ابوي .. ليه تعذبنى ليييييييه ... سارا: منيييرره منيره بصياح: خلاص سارا انا حياتى انتهت .. انا انتهيت .. المفروض انى مت .. ما يصير اعيش.. والله ما يصير .. خلاص انا ما اقدر .. ماقدر اصبر اكثر من كذا.. ماقدر اتحمل الالام اكثر.. واتعذب اكثر.. ماقدر .. قربت منها سارا وضمتها لها .. ومنيره تقبلت هالشي وقامت تبكي على كتف سارا .. وسارا في نفس الوقت تبكي معها بس بصوت واطي ..حست بحركه عند الباب يوم رفعت راسها ما شافت احد ظنت انها تتوهم .. منيره: ابي اموووت ..ابي امووت سارا: لا منور لا تقولين هالكلام .. والله ما يجوزر .. شلون تبينا نعيش من غيرك .. شلون تبين تموتين وتتركينا منيره: وانا .. شلون اعيش كذا .. سارا: بعد العمليه كل شي بيرجع مثل اول ... وبترجعين لحياتك ولدراستك وكل شي منيره: عشان اشوف نظرات الشفقه من الناس .. سارا: محد بيتجرا يشوفك بشفقه .. منيره لازل بقايا الصياح بصوتها وهي تبعد عن سارا: ساعدينى برجع للسرير.. سارا: انشالله ... بعد ما ساعدت منيره .. دخلت رجولها تحت البطانيه .. سارا: الكلام الي قلتيه منور ما يجوز .. المفروض تحمدين ربك غيرك الي فيهم اكثر منك منيره: الحمد لله .. سارا: خلاص اخر مره اسمع تقولين كذا ... منيره: سارا بس انا خايفه سارا: من ايش؟؟ منيره: من حياتى .. من العمليه ..من كل شي سارا وهي تبتسم تبي تطمن منيره: بعد ما تنتهي العمليه راح ترجعين مثل اول .. وبتتزوجين طلال وبتروحين للجامعه .. كل شي بيرجع مثل ما كان منيره: لا سارا.. مستحيل ارجع للجامعه .. انا قلت لعبدالعزيز هناك انه يشيل ملفى مو بس يوقف قيدي .. سارا: شلوون .. وليه منيره بدت بتصيح فلفت راسها الجهه الثانيه: بس سارا .. انا ما اقدر مااقدر اروح بهالشكل سارا: منور .. حنا ايش قلنا منيره: خلاص سارا .. اتركينى الحين .. ابي انام سارا: لا بجلس جنبك .. منيره: روحي لعزيز .. اكيد هو ينتظرك الحين .. يالله سارا سارا: اذا هذا الي تبينه منيره وهي تبلع غصتها: اييه.. عرفت سارا ان منيره تبي تنترك بروحها ... فتركتها على راحتها ... وراحت فوق .. وهي بالدرج تذكرت كاس الحليب الي نسته .. رجعت اخذتها بعد ما تاكدت ان شكلها رجع مثل اول ومسحت اثار الدموع .. عبدالعزيز وهو يشوف سارا تدخل الغرفه وبايدها كاس الحليب عبدالعزيز: تاخرتى سارا: ايه ما شفت الحليب بالثلاجه قمت ادوره .. من جد ما تعرفين ترقين ياسوير عبدالعزيز: طيب واخذ منها الكاس سارا: عبدالعزيز .. عبدالعزيز : امم سارا: الحين صح منيره طلبت منك انك تاخذ ملفها من الجامعه عبدالعزيز: ايه سارا باستغراب: وواخذته عبدالعزيز: لا طبعا ... سارا: الحمد لله .. احتمال تغير رايها .. عبدالعزيز: هذا الي قلته عشان كذا ما اخذته سارا: طيب عزيز .. عادي اروح معكم الاسبوع الجاي للرياض عبدالعزيز: عندك دراسه سارا: ايه بس ماعندي اختبارات .. فعادي اغيب عبدالعزيز: لا ياسارا هذا مو يوم والا يومين هذا اسبوع كامل سارا: ودي اكون مع منيره يوم العمليه عبدالعزيز: كلهم ودهم يكونون معها .. بس اجلسي هنا عشان دراسك .. وبعد ابيك تكونين مع امي واختى سارا: منيره يمكن تحتاجينى عبدالعزيز: انا بكون معها .. والا ما تثقين فينى سارا: الا .... بس عبدالعزيز: خلا ص سارا قلت لا ... لا تحاولين اكثر سارا : الي تشوفه .. .................... وهو بيوصل بنته للمدرسه ..كانت ساكته طول الطريق وهي تشوف السيارات على يمينها ... عمر: ميونا التفت عليه مي: نعم عمر: ليه ساكته مي: ايش اقول .. عمر: امم .. تدرين ان اليوم اخر يوم للمدرسه بعدين اجازه العيد .. مي : اعرف عمر: ومو مبسوطه مي: عادي.. بعد فتره صمت مي: انا ابي العيد بس مابي المدرسه توقف عمر وهو مستغرب: ليه مي: لانى بعدين ما بشوف مناير صديقتى .. عمر: اذا تبين تشوفينها اعزميها ببيتنا مي: عادي اعزم صديقاتى بالبيت عمر وهو يبتسم: ايه حبيبتى .. اكيد عادي مي: حتى ابله جواهر عادي عمر: بس ابله جواهر كبيره ما يصير تجي مي نزلت راسها :خلاص مابي اعزم البنات عمر: ليه؟؟ مي: بس.. عمر بتفكير: ميونا.. انتى تحبين ابله جواهر ابتسم مي: اييه .. احبها واااااااااااااااااجد .. عمر : ليه تحبينها مي: بس كذا احبها .. هي طيبه وتحبينى وانا احبها .. عمر: طيب يالله .. انزلى الحين وصيري مؤدبه بالمدرسه مي: طيب بابا .. ونزلها عند المدرسه وراح للشركه ... مر عليه اليوم وهو يفكر طول الوقت .. ماقدر يركز بشغله .. في فكره براسه وناوي يكلم امه عنها .. ....................... في مبنى ج 2 .. وعند البوابه الخليفيه الي يدخلون منها الدكتاره ... كانت جالسه على الدرج .. وحاطه راسها على الجدار الي بجنبها .. هنادي: انتى هنا .. وانا ما بقى مكان بالجامعه الا دورتك فيه مسحت الدمعه الموجوده على خدها قبل لا تشوفها صديقتها ... رهف: ايش بغيتى هنادي وهي تجلس جنب : ايش عندك تجلسين هنا رهف: مالي خلق احضر المحاضره هنادي: رهف.. ما يصير كذا .. يمكن ما حضرتى الا 3 محاضرات للدكتور رشيد رهف: ما افهم ليه احضر هنادي: تدرين انهم غيروه الحين وجابوا خلف رهف: الي يكون انا اكره الفيزيا هنادي: والله معدلك راح ينضر رهف: واذا؟؟ هنادي: رهف ما ارضى انا.. كنتى اشطر بنت بالمدرسه ما يصير اذا جيتى الجامعه تتكاسلين .. رهف: ومين قال لك انى ابي اكمل هنادي: انتى ايش تقولين رهف: خلاص انا بحول ادراه احسن هنادي: رهههههههف رهف: ايه هذا التخصص صعب .. هنادي: انتى مو صاحيه رهف: الا بس خلاص ما اقدر ادرس هنادي: وليه ما تقدرين رهف: جو البيت ما يساعد ابد .. اسكتت هنادي .. هي تعرف كل شي صاير لرهف ولا تلومها ... رهف : تدرين ان عمليه منيره اليوم هنادي: والله .. الله يقومها بالسلامه رهف: امين .. هنادي: بتروحون لها هذا الويك اند رهف: انا ودي اروح .. بس المشكله امي .. ما تقدر تروح معنا وحنا ما نقدر نخليها .. هناادي: الله يكون بالعون رهف: سارا بتروح لهم .. واذا نوره وافقت تجلس وتنام عند امي انا بروح مع سارا.. هنادي: وشخبارها منيره رهف: الحمد لله ... ومسحت دمعه قبل لا تنزل هنادي: ايش فيك؟؟؟ رهف: انا متضايقه هنادي.. مره متضايقه هنادي: ازمه وتعدي انشالله رهف: انتى ما تدرين شي.. منيره اختى خلاص راحت .. راحت يوم الحادث ولا رجعت مثل اول .. هنادي: انتى لا تقولين كذا رهف: هنادى منور تغيرت .. مو قصدي انها ماصارت تمشى لا تغيرت حتى معنا .. ماصارت تجلس معنا .. طول الوقت بغرفتها ...واذا جينا وجلسنا معها ما تتقبلنا .. واي كلمه تزعلها ... هنادي: انتى لا تلومينها .. لا تنسين الي هي فيه الحين رهف: ادري احاول انى ما اواخذها .. بس انا ابيها .. ابي اختى .. ابي منيره الي اعرفها ترجع مثل اول هنادي: صدقينى بترجع .. انتى بس اصبري عليها .. وساعديها هي تحتاج لك كثير رهف: الله يشفيها انشالله هنادي: رهف .. ودي اسالك بس منحرجه رهف: لا عادي هنادي: امم .... الحين منيره في امل ترجع تمشى مره ثانيه رهف: ما اظن .. عبدالعزيز يقول ان المستشفى ارسلوا تقاريرها لالمانيا .. وقالوا مافي امل ابد حتى لو ضعيف.. والطبيب الي يعالجها يقول يبي لها علاج فيزيائي عشان عضلاتها .. ومع ان العلاج ماراح يخليها ترجع تمشي .. واخوي كان ناوي يسفرها ... بس كلام الاطباء ما يشجع.. يقولون أي مستشفى ماراح تفيدها .. لان حالتها واضحه والامل معدوم .. هنادي: الله يكون بعونها يارب.. رهف: امييييين هنادي: يالله عاد الحين لازم تحضرين المحاضره ووقفت وهي تشد رهف من ايدها رهف: مااااااابي هنادي: مو كيفك .. امشي قدامى .. رهف: اوووف .. بوقع وبطلع هنادي: المهم تحضرين .. وقاموا دخلوا المبنى .. ...................................... بعد ما اخذ عمر بنته من المدرسه ورجعها البيت نزل معها على غير عادته .. هو دايما يرجع للشركه .. بس هالمره غير نظامه ... فوزيه وهي تشوف ولدها يدخل وهو ماسك بنته: هلا عمر .. هذي الساعه المباركه انك جاي الحين عمر قرب من امه وحب راسها: هلا يمه ..شخبارك اليوم فوزيه: الحمد لله ... ها تبي نحط لك الغدا الحين .. عمر: ايه ياليت .. بموت من الجوع فوزيه: خلاص على ما تبدل ملابس الغدا بيكون جاهز وعلى طاوله الطعام .. عمر: وين الباقي فوزيه: اليوم بيتاخرون بالجامعه دوامهم الى اربع ... عمر: الا يمه ما كلم عبدالعزيز .. فوزيه: تونى مسكره منه ... يقول انهم اخذوا منيره قبل نص ساعه .. عمر: الله يعين انشالله فوزيه: عزيز يقول العمليه مو خطيره ابد .. كلها عمليه تجميل.. الي مو فاهمته ليه ما يسونها هنا بالخبر .. يا كثر مستشفياتنا .. لازم يعنى يروحون للرياض عمر: ماقلنا شي مستشفياتنا زينه .. بس هناك في طبيب مشهور وزين .. عشان كذا اخذناها هناك فوزيه: كان ودي اكون مع بنتى الحين ... ودي ازورها واتطمن عليها عمر: اول ما تخف بتجي مع عزيز هنا كلها اسبوع بالكثير وتشوفينها... الا يمه رديتى خبر لام خالد فوزيه: ايه والله .. قلت لها ان البنت ما تبي تتزوج .. عمر: ليه استعجلتى .. فوزيه: انت ما شفت منيره المره الثانيه الي كلمتها فيها .. قامت تصيح صياح قطع قلبي .. عمر: ولو يمه .. كان صبرتى .. فوزيه: يووه الزواج مو غصب.. واذا البنت ما تبيه براحتها عمر: مادري اخاف تندم فوزيه: ماظن ... الا تعال ويني مي ليه ما جات عمر: نامت .. فوزيه: يووه شلون تنام ما بعد تتغدى عمر: لا تغدت .. وحنا جايين بغت من هارديز واخذت لها وجبه اطفال فوزيه: وليه يا عمر .. ما يصير كذا .. كافي دلع للبنت .. مو أي طلب تطلبه تنفذه لها.. ابوك الله يرحمه دلعكم بس مو لهالدرجه عمر: الشي الي في ايدي واقدر ما احرمها منه بسويه لو ايش ما كلفنى فوزيه: نشوف ايش تالية هالدلع عمر: اقول يمه .. انا ودي اقول شي .. بس حاس ان وقته غلط فوزيه: قول ؟؟ عمر: مادري اقول وقته غلط فوزيه: قول يا ولدي ولا تشيل بقلبك .. عمر: انتى شايفه حال مي هالايام كيف .. رجعت تنطوي على نفسها .. وانا مره خايف عليها وشايل همها فوزيه: ادري يا وليدي .. وانا بعد قلبي يتقطع عليها .. بس ايش نسوي عمر: اليوم جاتنى فكره ... بالبدايه ما كنت متاكد منها .. بس كل ما افكر فيها اكثر اقتنع ... المشكله ان وقتها مو زين فوزيه وهي عاقده حواجبها: أي فكره عمر: انا الحين عرفت ان معك حق .. وان مي تحتاج لها احد ثاني بحياتها غيري.. فوزيه: ليكون عمر .. ليكون الي في بالي عمر وهو يبتسم: مادري ايش الي في بالك يالغاليه فوزيه برجاء: تبي تتزوج؟؟؟ عمر: مو عشانى عشان مي.. مع انى الى الحين مو مقتنع بس مي اهم بالنسبه لى من نفسي فوزيه اتسعت ابتسامتها: يعنى ايه عمر: ايه يمه فوزيه: مادري ايش اقول .. الله يفرح قلبك مثل ما فرحت قلبي.. ولا يهمك من بكره ادور لك احسن بنت بالعالم .. وانت بس حط الشروط الي تبيها وانا اخطب لك عمر: لا يمه لا تستعجلين .. انا اخترت الي ابيها فوزيه باستغراب: مين هي؟؟ عمر: معلمه مي؟؟ فوزيه: بنت مين هي؟؟ وليه هي بالذات؟ عمر: بنت مين والله ماعرف... اسالي نوره عنها هي تعرفها ومادحتها لي..وليه اخترتها لان مي بنتى متعلقه ابها كثير وتحبها وفي نفس الوقت هي تحب بنتى فوزيه: وانت متاكد انها مو متزوجه عمر: ايه فوزيه: يمكن مخطوبه عمر: اانتى قولى لنوره واسالوا ... فوزيه: الله يوفقك يا ولدي ..ايش فيك متردد عمر: مادري.. احس الوقت مو مناسب فوزيه بحزن: عشان ابوك هز عمر راسه فوزيه: انت تدري ان هذا مناة ابوك قبل لا يموت .. نقدر ناجل الزواج وتم بس الخطبه عمر: لا يمه .. انا لو بتزوجها بتزوجها على طول .. ابيها تكون جنب مي طول الوقت باسرع وقت ممكن فوزيه: بس شلون تبينا نحتفل بزواجك وتو ابوك متوفي عمر: مابي زواج ولا خرابيط .. كلها شيخ يملك وشاهدين .. فوزيه: انا بكلم نوره .. واذا البنت زينه الله يكتبها من نصيبك قام عمر وحب راس امه عمر: الله لا يخلينا منك .. فوزيه وهي تبتسم: ولا يخلينا منك عمر: يالله انا بريح لي ساعه ...واذا دق عليك عبدالعزيز وطمنك على منيره قومينى فوزيه : انشالله ........................ انجحت العمليه ... وراحت سارا ورهف للرياض عند منيره وعبدالعزيز .. وبعد يومين جاهم عمر ومي .. اخذوا رهف ورجعوا للشرقيه عشان يقضون العيد مع امهم .. عيد الاضحى جا ولان منيره توها مالها الا اسبوع من سوت العمليه وبسبب التهاب صار لها بجرح طالت اقامتها بالمستشفى .. وما قدرت تحضر العيد اول يوم للعيد ... بس على ثاني يوم رجعوا كلهم للخبر ... ومر عيد الاضحى بشكل مغاير عن كل سنه .. فرق كبير بينه وبين عيد الفطر .. كان اول عيد من غير سالم الله يرحمه ... غير منيره الي كانت تعبانه ... انتهى بناء المصعد .. فرجعت منيره لغرفتها ... ورجعت لفرشاتها ولوحاتها ...بقى لها عمليه وحده .. اخر عمليه وبعدها تقدر تشيل الشاش الابيض عن وجهها ... ولان منيره راحتها بالرسم ... حطت معاناتها فيه... كانت تقضى اكثر وقتها وهي ترسم .. تعبر عن شعورها واحاسيسها وبلطخات الالوان على اللوحه ...تجلس بالساعات قدام اللوحه .. وما تحب احد يزعجها .. واذا حست بالتعب تريح ... بعدين ترجع ترسم .. عمر وعبدالعزيز كانوا جالسين بالملحق .. عبدالعزيز قبال المدفاه ينتظر (بو فروه ) تستوى على نار الحطب... عمر: هيه مو تقضى عليهم كلهم عبدالعزيز: ههههه.. لو تبي تعالى والا انا مو مسؤول عن تصرفاتى عمر: ياخى حراره النار قويه وانا حران .. عبدالعزيز: بكيفك...هذي وحده اسوت واخذها وعلى طول رمها من ايده عبدالعزيز: ايي...ز وجع حاره عمر: ههههههههه... تستاهل يالانانى مو راضي تعطينى شي عبدالعزيز: تشوف يابو عين حاره ودخلت فوزيه عليهم .. فوزيه: ايش تسوون هنا .. تعالوا داخل معنا عمر: يمه شوفي ولدك قضى على بو فروه ولا هو راضى يعطينى عبدالعزيز: هههههههههههههههههههههههههههههههاا ي.... يا حليلك وانت تشتكي تذكرنى بالطفوله عمر: ههههههههههههههههههههههههه.. انقلع بس انت وكرشتك الي طلعت لك عبدالعزيز: الله اعلم مين الي عنده كرش عمر وهو يحط ايده على بطنه : انا عبدالعزيز: ههههههههه.. ايه انت ... فوزيه: بسكم خلاص... عبدالعزيز : يمه خذي هذي متنغصها لك .. ويعطيها بوفروه وهو يشوف عمر يحاول يقهره فوزيه: مشكور عزيز ....ويالله عط اخوك عبدالعزيز: لو يبي يجي ياخذ .. مو فاضي احرق ايدي عشان خاطره فوزيه: الله يهديكم ... عمر بغيتك بموضوع عمر شد انتبباهه: خير يمه .. فوزيه: مو الحين ..بعدين عبدالعزيز: افا يمه .. بينكم اسرار تخبونها عنى عمر: خوفتينى يمه ... فوزيه: بعديين عبدالعزيز: ليكون على سالفه الزواج .. فوزيه لتلفت لعمر عمر: ايه قايل له يمه عبدالعزيز: شفتى عمر الي هو اخوي ما يخبي عنى شي... وانتى امي تخبيييين فوزيه: وانا ايش درانى انه عادي يقول لك عمر: خير يمه .. كلمتى نوره فوزيه: ايه كلمتها .. دور لك وحده غيرها ياعمر .. البنت ما تصلح لك عمر وهو عابس: ليه مخطوبه فوزيه: لا لا .. مو مخطوبه ولا شي هي ارمله عمر: طيب عادي حتى انا ارمل عبدالعزيز: يا ذكي ما ينقال على الرجال ارمل فوزيه: هي صح ارمله .. بس مو ارمله بمعنى الكلمه .. كان خاطبها ولد خالتها بعدين توفي بعد ايام من عقد قرانهم ومابعد يدخل عليها عمر: طيب.. وين المشكله فوزيه: المشكله مو في البنت .. في ابوها عمر: ابوها؟؟؟؟؟؟ فوزيه: ايه .. رجال سمعته ابدا مو زينه ... ومابقى واحد بالديره الا مدين منه .. ويقولون له اعمال ماهي مشروعه عمر: وانا ايش علي من ابوها .. مو انتى تقولين ان المشكله مو فيها هي فوزيه: لو جينا للحق البنت مدحتها نوره كثير .. وتقول اخلاق ودين وطيبه وكل شي ... بس مثل ما قلت لك ابوها ماهو من ثوبنا ولا حنا من ثوبه عبدالعزيز: يمه عمر لو بيتزوج بيتزوج البنت مو ابوها فوزيه: ادري وانا ماعندي مانع .. بس كلام الناس ايش بيقولون عنا .. بنكون مناسبين مين عمر: وحنا ايش علينا من كلام الناس فوزيه: عمر يا ولدي .. انت ما تحب هالبنت ولا شي .. ليه ما تترك لنا نختار لك غيرها ... نوره تعرف وحده ونعم المره احسن منها كثير عمر: نوره نوره .. هالبنت لو تكلمنا بسكوتها يكون احسن .. ولا يمه لو بتزوج بتزوج جواهر بٍس.. غيرها مابي عبدالعزيز: ليه عمر ؟؟ عمر بدي يعصب: انا مابي اتزوج اصلا .. ولاعمري فكرت بهالشي .. بس مي .. مي تحتاجها بحياتها .. فوزيه: مادري انا محتاره بينكم .. عبدالعزيز : بين مين ومين؟؟ فوزيه: عمر وكلام الناس عمر: وايش عليك كلام الناس ... الحين ايش لقفها اصلا... شوفي يمه الحين انقلبت الايه .. مو انتوا المصريين على زواجي مثل ما انا مصر ... جواهر بتزوجها يعنى بتزوجها .. كلام الناس عمره ما همنى .. فماراح يهمنى الحين .. وخصوصا اذا الموضوع فيه مستقبل بنتى ..فياليت ياليت يمه تشجعينى بدل ما توقفين ضدي فوزيه باستسلام: انا ما اقدر اقول لك لا.. انت رجال كبير وفاهم .. والي تبي تسويه سوه عمر: بس يهمنى رضاك علي والاهم موافقتك فوزيه: انت تدري برايي بالموضوع .. والله الشاهد انى من اول ما اطلب منك تتزوج الا علشان تسعد بحياتك .. واذا بزواجك بهالبنت فيه سعادتك وسعادة بنتك الله يهنيكم عمر: مشكور يااغلى ام بالدنيا عبدالعزيز: بالمبارك يابو عبدالله عمر: خخخخخخخ ... مابعد يصير شي فوزيه: خلاص ولا يهمك اكلم نوره واخذ رقم البنت ونروح نخطبها لك .. وانشالله توافق عبدالعزيز: وليه ما توافق هي يحصل لها واحد احسن من اخوي ... عمر: مشكور عزيز عبدالعزيز: اصلا اول ما يقولون لها انى اخوك على طول بتوافق ... كم بنت بيكون عم عيالها عبدالعزيز ولد سالم كش عمر على عبدالعزيز: مالت على هالخشه مادري شلون سارا صابره عليك فوزيه: هههههههههه .. الله يهديكم ... وتواقفون مناجر كانكم صغار .. مو عيال داقين الثلاثين .............................مر شهر خلاله صارت تطورات كثيره .. اهمها خطبت عمر المبدأيه .. وراح يكون الزواج بعد ما تطلع امه من الحداد يعنى في بدايه الاجازه الصيفيه بعد اسبوعين بالضبط ... اما منيره سافرت للرياض للعمليه الاخير وراح معها عبدالعزيز مثل العاده ... اليوم حفل تخرج سلمان من الجامعه وسارا لها ساعه تحاول في رهف تاخذها للحفل .. والبنت مو راضيه تقول مالها داعي ... سارا كان ودها تخلي رهف تغير جو ... وتروح توسع صدرها بجو الحفل الي يسوونه الجامعه للخريجين كل سنه في الاستاد الرياضي بسكن جامعه الملك فهد للبترول .... رهف: والله مالي داعى ارز وجهي سارا: ليه مالك داعي ... طيب روحي عشانا .. روحي معي رهف: مين بيروح؟؟ سارا: امي وهدى ومها وبنات خالتى وعمانى .. بنكون جمعة بنات ووناسه مرره رهف: كلكم تقربون للخريج وانا لا سارا: صدقينى بيفرح فيك سلمان لو جيتى رهف: هاه يفرح فينى .. سارا لانها تعرف سالفه سلمان بعد الصوره عشان كذا قالت هالكلام سارا: ايه هو ينبسط اذا عرف ان الي بيشجعوونه كثار رهف: لا سارا من جد احس ماله داعي وجودي سارا: يوووه .. شوفي بتروحين يعنى بتروحين ماهو بكيفك رهف: والله سارا اسفه ما اقدر ... ودق بهاللحظه جوال رهف .... رهف: هلا هنادي هنادي: اهلين رهوف .. ها بتجين؟ رهف: وين ؟؟ هنادي: الحفل الليله رهف: مادري هذا سارا تحاول فينى هنادي: يالخايسه تعالى .. حتى انا بروح يالله رهف: ليه بتروحين انتى؟؟ خابره اخوك توه سنه ثالثه هنادي: ايه بس ولد عمى بيتخرج وبنروح هنا وبنات عمي.. يالله تعالى خل نروح جمعة بنات ووناسه .. بنفسقها عدل رهف: مادري والله هنادي: اقول سارا جنبك رهف: ايه ليه؟ هنادي: عطينى اياها رهف وهي تمد ايدها بالجوال لسارا رهف: سارا هنادي تبيك سارا باستغراب: ايش تبي فينى هزت رهف كتوفها انها ما تدري .. وقامت تشوف سارا وهي ترد سارا: هلا هنادي ...... هههههههه اكيد .... ولا يمهك انتى لا تحاتين .... ههههههههههههههه لو اسحبها من شعرها ... صدقينى بتجي ... ههههههههههههههههههههههههه اوكي باي وسكرت التليفون ... رهف: شكلكم اتفقتوا علي.. سارا: جاك الموت ياتارك الصلاه .. مافي هرب منا .. رهف: امرى لله اذا انتوا اتفقتوا علي مافي يدي حيله .. سارا: ايه اصلا مو كيفك رهف: بسال امي يمكن ما توافق سارا: علينا هالحركات .. اصلا انا قلت لها اليوم وقالت عادي خل تروح وتغير جو رهف: حتى امي معكم سارا وهي تبتسم: شفتى كيف يالله صيري جاهزه الساعه 7 امي بتمرنا وبنروح رهف: طيب .. ........................ طول الوقت في الحفل ربشه ووناسه ... جالسين على المدرجات فوق .. واذا قالوا اسم خريج يقومون اهله يصرخون ويسفقون ... سارا ورهف وهنادي وبنات خالتهم مو قادرين يجلسون فواقفات قدام يحاولون يشوفون وبايدهم كاميرات فيديوا يصورون .. فيقربون الصوره عن طريق الكاميرا عشان يشوفون الطلاب شكل اوضح ..عيون رهف تدور سلمان ولاهي شايفته ... من زمان عنه .. اخر مره شافته يوم تسقط سارا .. اكثر من ست شهور ... سارا: اوووووووف مادري وين مختفى هالسلمانوه .. هنادي: كلهم لابسين بشوت وشماغ فمو واضحه اشكالهم ... سارا: هذا حنا شفنا ولد عمك .. ليه اخوي ما طلع هنادي: هو باي كليه .. ترى كل كليه لها لون رهف: هندسه كيميائيه اظن سارا شافت رهف بنظره وابتسمت ...حمر وجهه رهف على طول .. هنادي مالاحظت شي هنادي: اصفر .. كل الهندسه التطبيقيه لون بشوتهم صفرا سارا : يعنى بكون بهالمجموعه... يووه بعاد ما يبانون ... دقيقه بكلم سلمان وبقول له يرفع ايده الاثنين . ودقت سارا على اخوها سلمان: خير ايش عندك داقه الحين سارا: هههههه.. هلا سلمان .. حنا فوق تشوفنا سلمان: بذمتك كيف اشوفكم بعاد... سارا وهي ترفع كوره تشجيع جايبنها معهم : ما تشوف هالكوره الزرقه الي تتحرك سلمان: ههههههههههه.. هذا انتوا سارا: ههههههههه.. يعنى تشوفنا سلمان: كل هالصراخ منكم والالوان وما تبونا نشوفكم سارا: يوووه ليكون اشكالنا واضحه كلنا كاشفين سلمان: لا مو اضحه بس هالاعلام نشوفها واعواده سوده سارا: ههههههههههههه حنا عواده ...المهم وينك ما نشوفك سلمان: موجود تحت... شكلك ما غسلتى عيونك بعد ما قمتى من النوم سارا: هيهيهي تعرف تنكت .. المهم ارفع ايدك عشان نعرف .. مشالله طلاب الهندسه اكثر طلاب ومضيعينك بينهم سلمان: شايفتنى مجنون ارفع بيدي سارا: تكفى سلمان ..كل البنات يبون يشوفونك سلمان: أي بنات .. من متى امى ومها وهدى يسمون بنات ... وثاني شي خلاص زهقوا من خشتى ما يحتاج تشوفونى الحين سارا: سلماااان .. مو امى .. يالله عاد لا تفشلنى سلمان: سورى ياحلوه سارا: يالله سلمان ... تكفى سلمان: نو وي سارا: طيييييييب ... وبصوت عالى سارا: رهف هنادي ..الاخ مو راضي يرفع ايده صوت سلمان: سوييييييير سارا: خييير سلمان: وجع... تعالى رهف هنا.. سارا: ايه عندك شي سلمان: بذمتك موجوده سارا: ايه سلمان وهو متشقق من الوناسه: هي جنبك بالضبط .. واقفه الحين تشوفنى سارا: تشوفك لا .. لانك مو راضي ترفع ايدك ونعرفك سلمان: ولا يهمك بس تبينى ارفع ايدي.. سارا: ايه وياليت رجلك بعد سلمان: انقلعى بس.. لو برفعها مو عشانك .. سارا: اقول اسكت بس .. ترانى عطيتك وجهه بزياده سلمان: ههههههههههههههه.. يالله شفتونى ورفع ايده ... سارا: لا في بعد طلاب رفعوا ايدهم ... ماقدر اشوفك .. سلمان: يوووه يعنى ايش اسوي .. والا اقول لحظه .. ويلتفت على بندر بجنبه ... سلمان: بندر .. ابيك تمسك الجوال وحطى باذنى .. بندر وهو يرفع حاجبه: ليه سلمان: حطه بسرعه بندر: طيب ومسك بندر الجوال وحطه على اذن سلمان .. رفع سلمان ذراعه الاثنين.. سلمان: ها تشوفونى الحين انا الي رافع ايدي الاثنين سارا: هههههههههههههههههههههههه .. يالجنى ايه .. بس شلون تلكمنى وانت رافع ايدينك سلمان: مو شغلك .. المهم خلى الحلوه تشوفنى سارا: عشان تتخرع ... مابي سلمان: يالخايسه والله اقتلك سارا: ههههههههههه.. طيب لا تاكلنى يمه .. ما سوى علي وتكلم البنات سارا: بناات شوفوا هذا الي رافع ايدينه الاثنين هناك رهف: أي واحد؟؟ سلمان: هذا صوتها ... ردت عليه سارا : ههههههههه ايه وتكلم رهف وهي تاشر على جهت سلمان: هذا الي رافعه كانه قرد يبي يتسلق شجره .. سلمان: يالنذله انا قرد .. تشوفين اذا شفتك ايش بسوي فيك سارا: هههههههه.. اوكي يالله سلمان تقدر الحين تنزل ايدك تعبناك المهم حددنا مكانك سلمان وهو ينزل ايده: عطي الكوره الزرقا رهف وخليها تشيلها عشان اعرف مكانها سارا: تنكت انت وخشتك سلمان: لا احاول سارا: اقول باي سلمان: ههههههههههههههههههههههههههه باي وسكر منها بندر: ايش فيك سلمان: الاهل قاعدين مرتبشين يبون يعرفون مكانى .. بندر: ههههههههههه.. ويدق جوال بندر.. رد عليه بندر: طيب طيب وسكر.. والتفت على سلمان بندر: مو بس انت .. هذي بعد امي تقول لى ارفع ايدك عشان اعرف انت وين سلمان: ههههههههههههههههههههههههههه من عرف سلمان ان رهف فوق وعينه معلقه على الجهه الي قالت له سارا انهم فيها ... مع ان الاشكال بعيده مو واضحه .. كان قلبه يتقطع يبي يشوف رهف ... من زمان عنها ... مشتاق لها مرره .. انبسط كثير يوم عرف انها حضرت حفل تخرجه ... ايش عندك احسن من كذا .. حبيبه قلبه موجوده باحلى يوم عنده .. يوم انتهاءه من تعاسه الدراسه ووجع الراس .... اما رهف الي عيونها تعلقت على جسم سلمان من اول ما حددت مكانه .. تتابع حركاته ... وهو يسلم الدرع .. ويسلم على الامير والوزير ... وهو يصرخ مع اصدقاءه في نهايه الحفل ويرمي الكتاب الي كان شايله ... انتهت الليله السعيده .. والكل انبسط فيها.. خصوصا رهف وسلمان .. راحت سارا واهلها لعند مواقف السيارات عشان يرجعون للبيت .. فضلوا انهم ينتظرون شوي لين تخف الزحمه بعدين يطلعون ... سلمان لانه يعرف انه رهف موجوده معهم ما قدر يمسك نفسه ..وقرر ينتهز هالليله ويشوف حبيبه قلبه ... فراح لعند اهله بمواقف السيارات ... كانوا توهم واصلين للسياره ويدخلون ... اقبل سلمان وهو لابس البشت الاسود .. مع ان الخطوط الصفرا مقبحته شوي .. بس مع كذا معطته طابع مختلف... غير شعار الجامعه المعلق على البشت جهت الصدر ...اول ما شافت اهمه ما همت بالي حولها .. وضمت ولدها قدام الناس ... كان سلمان منحى بسبب طوله .. امه توصل له لصدره .. حب راسها ... لطيفه ادمعت عينها ... دلوعها واصغر اولادها صار رجال .. لطيفه: الف مبروك لك ياعمري... عقبال ما اشوفك لابس بشت زواجك سلمان : الله يبارك فيك يالغاليه ... رهف كانت واقفه بعيد شوي وتشوف هذا المنظر وسلمان يبوس امه على راسها ... طاحت عين سلمان بعين رهف في اللحظه الي قالت لطيفه فيها عقبال ما اشوفك لابس بشت زواجك ... ابتسم سلمان لرهف ورد على امه .... وما امداه ينبسط بشوفت رهف .. جات سارا تسلم عليه وتجمع حوله اخوانه .. فختفت رهف من قدامه ... وهي تضرب سلمان بكتفه: من قدك تخرجت من الجامعه وافتكيت من القرف سلمان: يالدفشه .. عورتينى سارا: ما اتحمل الرقه سلمان: والله انتى الرجوليه سارا: هههههههههههههههههههه طول الوقت كانت عيونه تدور على رهف ...واخيرا شافها .. بس كانت الحين مبتعده ومعطته ظهرها ورايحه بانجاه ثانى ... سلمان: سارا .. رهف وين رايحه التفت سارا على طول وشافت رهف تقرب من عند رجال ..فراحت لها .. سارا: رهف رهف قربت من عند الرجال ... الي كان معطيها ظهره .. هزته من كتفه .. رهف بلهفه: يبه!! التفت عليها الرجال وهو عابس ... في هاللحظه وصلت لها سارا واخذتها ... سارا بصوت واطي: اعذرنا لو سمحت متاسفين ومشت وهي حاطه ايدها على كتف رهف وترجعها للسياره ... وسلمان واقف يشوفهم وهو معقد حواجبه .. سارا: ايش فيك ليه رايحه لهذا .. رهف بصوت فيه صياح: على بالي ابوي التفت رهف تشوف الرجال مره ثانيه .. معها حق رهف فيه شبه من عمي سالم .. خصوصا من وراه كانه هو بالضبط .. غير لحيته البيضا ... سارا: عادي رهف..عادي حبيبتى رهف بدت تصيح: انا اول ما شفته ظنيته ابوي .. يشبهه كثير سارا: اادري حتى انا لاحظت ... كانت رهف لازالت ترتجف .. وسارا تساعدها تركب بالسياره ... وتوها بتركب هي بعد .. مسك سلمان ايد سارا.. سلمان بصوت واطي: ايش فيها.. ومين هذا الرجال؟؟ سارا: مافيها شي .. بس كانت تظنه عمي سالم.. وركبت سارا .. وسلمان يشوفهم .. شاف رهف حاطه راسها على النافذه .. وايدها تدخل تحت الغطى عشان تمسح دمعتها .. يعنى تصيح .. حبيبتى تصيح ... وتتالم ...انقلب يوم سلمان من الفرح للتفكير بحال رهف ... رهف ما بعد تتعدى موت عمي سالم .. على حسب الكلام الي اعرفه هي كانت متعلقه فيه كثير ... والله لو اقدر امسح المك يا رهف .. لو اقدر اخفف عنك ... ودي اكون الحين بقربك بهاللحظات .. واساعدك واساندك في شدتك .... طول الليل سلمان يفكر بهالشي ... ومن اول ما قام من النوم دخل على امه بغرفتها ... كان صالح رايح للشركه .. ولطيفه لازالت نايمه... سلمان: يمه لطيفه وهي تقوم من الفراش: خير ايش صاير سلمان: لا تخافين ما صار شي بس ابي اكلمك .. لطيفه وهي تجلس: الحيين سلمان: ايه يمه ... يمه ابيك تخطبين لى لطيفه فتحت عيونها بدهشه: انت ايش فيك.. صاحي والا مجنون سلمان: الا صاحي .. لطيفه: تو الناس على الزواج سلمان: لا يمه مو تو الناس انا عمري 23 سنه .. واكثر اللي اعرفهم متزوجين .. لطيفه: طيب طيب .. نخطب لك سلمان: جد يمه لطيفه: ايه بس مو الحين سلمان: اجل متى لطيفه: خل يجي ابوك .. ونتفاهم ونشوف لك البنت المناسبه .. انا من اول ودي اخطب لك منال اخت مها سلمان: لا يمه أي منال ... انا ابي رهف.. لطيفه وهي مستغربه: مين رهف؟؟ سلمان: رهف بنت عمي سالم لطيفه: لا ما يصير سلمان: لييه لطيفه: بالاول اختها الاكبر منها ما تزوجت .. والاهم تو عمك ما بعد تمر على وفاته سنه تبي نخطب بنته سلمان: عشان كذا ابي اتزوجها .. ابي اكون معها بالاوقات الصعبه لطيفه: ما يصير سلمان: ليه لطيفه: حتى ابوك ما بيوافق شلون تتزوج وتو ابوها متوفي سلمان: قلت لك يمه ليه .. وثاني شي هذا عمر توه خاطب لطيفه: عمر موضوعه غير ... سلمان: مالى دخل يمه .. اخاف تضيع البنت من يدي لطيفه: ماراح تضيع .. وانت اذا اشتغلت وكونت نفسك زين راح اخطبها لك .. بس مو الحين سلمان: توعدينى يمه تخطبينها لطيفه وهي تحط اصبعها على عينها: من عيوني سلمان: تسلمين لى والله انتى يالغاليه ..يالله استاذن انا الحين لطيفه: على وين؟؟ سلمان: مواعد بندر نفطر بد.كيف .. لطيفه: في حفظ الله .. ............................. طلعت سارا من غرفه منيره وراحت لعند رهف على طول ... دقت الباب عليها .. سارا: افتحي رهف .. ابيك بسرعه .. تعالى فتح رهف وهي لابسه بجامتها : ايش؟؟ سارا: تعالى بوريك شي.. وجرت رهف معها .. اخذتها لغرفه منيره .... راحت للوحه محطوطه على مسند اللوحات .. ومغطاه بقطعه قماش... سارا: دخلت الغرفه عشان اتاكد مرتبه... تعرفين منور بتجي بكره فحبيت انها تجي وتكون الغرفه مرره حلوه .. المهم شفت هذا الي المغطي ... انتى قد مره شفتيه .. رهف: اشلون اشوفه وانتى مو شايله القماش رفعت سارا قطعت القماش ... وظلت رهف واقفه مكانها وهي جامده .. .فتحت فمها باندهاش وحطت ايدها عليه .... سارا: كنت متاكده انك ما تعرفين عنها شي ... وبتستغربين اذا شفتيها .. رهف: منور راسمتها سارا: اكيييييييد رهف بدت تدمع عيونها : كانها حقيقيه .. نفس عيونه بالضبط اذا قام يضحك .. حتى الخطوط الي بزوايا عيونه نفسها ... شلون قدرت شلون قدرت تضبطها كذا ... سارا: حتى انا يوم شفتها اعجبتنى ... كانك تشوفين رسمه لكبار الفنانين .. منور طول عمرها تعرف ترسم بس مو لهالدرجه .. رسمتها هذي تاثر بالنفس كثير ... قربت رهف من اللوحه .. ومررت اصابعها عليها .. لين وصلت لنقطه معينه وقفت عندها رهف: أيش قد كنت اعشق هالفم وهو بالشكل .. وهو متسع بهالابتسامه .. ايش قد اشتقت لهالانسان .. ورفعت عيونها لسارا رهف: منور انسانه مبدعه .. وحرام هالموهبه تندفن هنا .. لازم تعرض لوحاتها ... حرام تحرم الناس من هذا الابداع وهذا الجمال.. سارا: اكيد رهف اكيد... رهف وهي تبتسم بارتجاف: بذمتك مو ابوي وسيم .. عمري ما شفت انسان وجهه جميل مثله سارا وهي تشوف وجهه سالم الى خطت منيره بضربات بفرشاتها : ايه .. رهف: هالرسمه لازم نعلقها بالصاله.. الكل لازم يشوفها ... سارا: لا رهف ما يصير.. منيره شكلها طول ذيك الفتره الي ما كانت ترضى لنا فيها اننا ندخل لها .. شكلها كانت ترسم عمي .. يمكن ما تبينا نشوف هاللوحه .. اذا جات يصير خير... رهف: بس ابي امي وعمر يشوفونها الحين سارا: لا خلى منيره هي الي توريهم وبارادتها ... رهف: اخاف ما ترضى سارا: بكيفها .. مو هي لوحتها .. .......................... رجعت منيره .. كانت هذي المره الاولى الي يكون وجهها مافيه أي شي.. اثار الجروح راحت تقريبا .. بس بقى خط غامق شوي على طول الخد من العرض.. وخطوط قصيره بالجبهه .. صح انه في اثار بس من غير بشاعه .. ومع كذا كانت منيره تخلى شعرها يطيح على خدها عشان تخفيه ..بقى لها موعد اخير لتاكد من حالتها وبعدها راح تتخلص من روحاتها للمستشفى .. لازالت منيره بعيده عنهم .. مع انهم صاروا يجلسون معها وهم يحسون انها مو متقبلتهم ... .ومره كانوا مجتمعين عندها بغرفتها ... منيره على كرسيها مثل العاده .. وسارا على السرير ورهف على الكنب الي بالغرفه ... رهف: تدرون ان بالراشد الحين معرض للفنون منيره: أي واحد .. ليكون اللوحات الي يحطونها بالسيب بين المحلات رهف: ايه.. سارا: انا ابي افهم شلون يعرضون لوحاتهم .. يعنى أي واحد يجي يقول لهم ابي اعرف والا كيف رهف: والله مادري.. الا تعالى منور ايش رايك تعرضين لوحه من لوحاتك وتجربين منيره بارتباك: لا اصلا خلاص انا ماصرت ارسم سارا: ههههههههه علينا منور رهف: لعبيها على غيرنا منيره: اييييييش رهف: وهاللوحات الي كثر عددها فجاه سارا: يمكن يتوالدون وحنا ما ندري رهف وسارا: ههههههههههههههههههه منيره: سخيفات .. ايه ارسم بس مابي اعرض شي عندكم مانع رهف ببراءه مصطنعه: حنا .. لا طبعا ما عندنا سارا: الا صحيح رهف .. انا خابره منيره بالاول اول ما ترسم رسمه تغث كل واحد بالبيت وتوريه اياه والحين ابد ما نشوف لها شي رهف: يقولون الوحد اذا اغتر بنفسه يتكبر .. منيره: هيهيهيهي.. بايخات من جد ..وعلى أي اساس اتكبر سارا: يمكن تشوفين اننا مو من مستوى لوحاتك عشان كذا ما تورينا منيره: لا ايش دعوه .. بس مادري مالى خلق رهف: مو لازم يكون لك خلق.. حنا لنا خلق نشوفها .. وقامت راحت لهم منيره: لحظه رهف ... التفت لها رهف منيره وهي تاشر على لوحه: هذي لا تشوفونها ..والباقي بكيفكم امتلات عيون رهف بالدموع وبعتب: لهالدرجه انتى انانيه .. شكرا مابي اشوف أي لوحه من لوحاتك وغيرت اتجاها للباب.. منيره: رهف لحظه .. ايش انانيه رهف بدت تصيح: ما تسالين نفسك .. جالسه بجسمك معنا وروحك بمكان ثاني .. ما صرتى تشاركينا باي شي... صرتى تكرهين الجلوس معنا .. الكلام والسوالف .. نحس بالضيق بعيونك وحنا نجبرك تكونين معنا منيره: لا مو كذا .. انتى ليه تقولين هالكلام رهف وهي لازالت تصيح واشر على اللوحه: وايش تفسرين هذا .. هااا منيره: شي خاص فينى ما تفهمين مابي احد يشوفه غيري رهف: شفتى ... شفتى كيف انتى انانيه ... حتى صوره ابوي ما تبينا نشاركك فيها .. الناس ما تبينهم يشاركونك ما قلنا لا .. بس حنا .. بس انا .. انا رهف اختك .. وسارا.. والتفت لسارا الي كانت ساكته وتشوفهم رهف: سارا ما تستاهل الي يجيها منك .. هي اكثر وحده صابره عليك وعلى طبعك .. الوحيده الي تتقبل جفاك .. وانتى انتى تقابلينها بايش.. بالجفا والصد سارا يوم شافت منيره بدت تبكي: خلاص رهف رهف: لا مو خلاص .. الحقيقه لازم تقال.. انا ابيها ... انا ابي منيره .. ابي منيره اختى ترجع مثل اول ... مشتاقه لها حيل ... مررره مشتاقه ...انحرمت من ابوي .. مابي انحرم منك منور .. مابي مابي وماقدرت تكمل كلامها من الصياح ... منيره تمنت انها تمشى باللحظه وتروح لرهف وتضمها .. منيره وهي تصيح: انا ادري انى ما انطاق هالايام .. بس والله غصب عنى .. سامحونى .. سامحينى رهف والله موقصدي رهف رفعت راسها الي مليان دموع .. وراحت لمنيره .. جلست على ركبها قدام منيره وضمتها بقوه .. رهف: مافي شي اسامحك عليك .. بس انتى لا تروحين بعيد عنى مره ثانيه منيره: ماراح اروح .. اصلا لولا الله ثم انتوا حولى ما اجتازت الحاله الي انا فيها.. سارا تحاول تلطف الجو: خلاص عادي بلا افلام هنديه .. رهف وهي تبتعد عن منيره قامت تضحك ومنيره بعد .. منيره: الا تعالى رهيف ايش دراك ان اللوحه حقت ابوي.. رهف خافت هي تعرف منيره اكره شي عندها احد يفتش باغراضها وهي مو موجوده رهف: والله مو انا سارا الي شافتها ونادتنى الكل ضحك على حركت خوف رهف وعدى اليوم على خير ............................... راحت منيره لموعدها المحدد وهالمره راح معها عمر ومي ... لان الابتدائي عطلوا ومابقى الا المراحل العلى والجامعات ... رهف استفسرت عن كيفية عرض لوحه بمجمع الراشد.. بعد ما اخذت المعلومات .. منها انهم بالاول يشوفون اللوحه اذا تستاهل .. راحت لهم هي وسارا .. ومعهم لوحتين من لوحات منيره الجديده .. بس مو لوحه ابوها ... وحده من اللوحات عباره عن بنت جالسه على الارض.. بس ملامحها مو اضحه .. ورافعه راسها للسما وكانها تنجد تبي مساعده .. الصوره كانت معبره كثير .. تعبر عن المعاناه والافتقاد لشي غالي ... أي احد يشوفها يحس ان هالبنت المرسومه انسانه فاقده ومحرمه من شي.. الاوان جايه مطابقه للرسم .. كانت عباره عن خليط من الازرق والاسود والابيض والرمادي . لان السماء لونها غامق بسبب الليل .. الشي الوحيد المنيره بالصوره هو رداء البنت الابيض.. والقمر ... كانت رسمه مره رايقه وجميله .. اندهش منها المسؤول ووافق عليها على طول .. اما الرسمه الثانيه عباره عن ام جالسه ومتسنده على جدار... وبحضنها طفل دافن راسه بصدرها ... ملابسهم باليه ... وحالتهم تكسر الخاطر ... المميز في رسم منيره انه يخاطب الروح قبل كل شي.. ومجرد مشاهدتك تحسين بمعاناه اصحاب الرسم ... منيره ما كانت تدري شي عن الموضوع .. وحتى يوم رجعت ما افتقدت هاللوحتين .. لانهم ما كانوا احلى لوحاتها ولا اهمها ... لوحة ابوها علقتها بغرفتها .. واي احد يشوفها تعجبه وينبهر فيها .. بدت العطله الصيفيه .. ونجحت سارا .. اما رهف حملت ماده الفيزيا .. بس الحمد لله في دور ثاني وراح تقدم فيه وانشالله تنجح .. وفوزيه لها شهر من طلعت من الحداد ... عمر عقد قرانه على جواهر وتزوجها.. ما سوا الا عشى بسيط ... حضره ابو العروس حتى مرت ابوها ما جات ... واكيد اهل عمر ... حلفت فوزيه على عمر انه يسافر بزوجته .. ما يصير ما يروحون أي مكان .. فوافق عمر انهم يروحون اسبوع لبنان .. ولان عمر تزوج .. وعبدالعزيز متزوج .. صارت في صعوبه وجودهم اثنينهم بالبيت ... سارا ما رضت تطلع .. تقول ما تبي تترك صديقتها .. ومادام منيره بالبيت ليه هي تطلع ... بعد ما رجع عمر شاف اهله مجهزين له فيلا له ولزوجته وبنته .... جواهر دخلت بالعيله بسرعه .. مع ان عمر طيب معها .. وما يقصر .. بس هي لاحظت ان اهتمامه الاكبر ببنته .. وهو قال لها باول يوم زواج عن سبب زواجه .. صراحته خلتها هي بعد تكون صريحه معه .. وانها ماكانت تفكر ابد تتزوج .. ولولا ان مي بنته ما تزوجته .. لانها تعرف معاناتها وهي صغيره ما تبي مي تمر فيها ... صار في قبول من الطرفين وراحه .. والاهم احترام متبادل ...ومع انهم لهم فيلتهم الخاصه الا انهم تقريبا كل يوم يروحون بيت المرحوم .. لاقت لوحات منيره نجاح كبير... وجاتهم عروض لشراءه بمبالغ مغريه .. وهالشي ما قدر يخلى رهف تصبر فعترفت لمنيره طبعا ما اعترفت لها الا وسارا وجواهر معهم.. منور بالبدايه عصبت بعدين تقبلت الفكره وهي تضحك على خبال اختها الي استخفت من جابوه لها المبلغ رهف: والله انك ثوره لو تبيعينهم بتصيرين مليارديرا منيره: الله مره وحده رهف: ايه واكثر يالخبله .. تكفين منور خلينى انتحل شخصيتك .. والا تدرين ايش انتى ارسمى وانا ابيعهم باسمى منيره: هههههههههههههههههههه .. جواهر: ابي اشوف لوحه من لوحاتك منيره سارا: شفتى لوحه عمى سالم المعلقه بغرفه منيره جواهر: ايه سارا: هذي منيره راسمها جواهر: والله .. ماشالله عليك منيره ... موهبتك مره حلوه منيره: يوووه عاد لا تحرجونى جواهر: لا جد اذا انتى الي راسمه اللوحه ذيك .. رهف: شفتى كيف... لا بعد جواهر انتى ما شفتى شي.. عندها لوحات احلى بكثير... فضينا لها غرفه بالبيت عشان تحطهم .. امي تقول اذا ما سوت فيهم شي

السلام عليكم ورحمة الله وبركاته،،،،، عندي لكمـ سالفة مهيب صاحيه ..! يقولكـ فيه بنت اسمها (قبله) أمـ الأسامي اللي كذا..!! المهم قبله عندها صديقه اسمها هند.. بوسه اوه قصدي قبلة..! عطت رقمها لهند وقالتلها دقي علي اليوم ضروري.. وللعلم هم صاحبات بالمدرسه.. قامت هند قالتلها اوكي ولا يهمكـ.. رجعت هند البيت ودقت على قبلة.. والخبلة هند غلطت بالرقم الاخير..!!!!!!! المهم رد عليها واحد.. وقالتله هند:الو السلام عليكم.. الرجال:وعليكم السلام.. هند:لو سمحت ممكن تعطيني قبلة..<====والله انها بايعتها الرجال: (سكت شوي وهو طبعا منحرج وش تقول ذي)) هند:اقولك اعطيني قبلة<====هههههههههه والله رهيبه هالهند الرجال:طيب انا الحين مشغول اذا فضيت بعطيكي قبله (وسكر ابو الشباب السماعه في وجه هند) هند طبعا عصبت .. ووصلت معها كيف اتجرأ وسكر السماعه بوجهها ..!! حركته قويه والله بس مو اقوى من حركتها ..! طبعا هند ما تركته في حاله ودقت مره ثانيه ورد وهي معصبه: هند: انت ليش تسكر السماعه بوجهي قلتلك اعطيني قبله يلاهـ خلصني..!! الرجال: انا مشغول <=== يحليله شكله مؤدب وما يعرف يصرف هههههههههههههههه هند: سكتت شوي وبدت تستوعب القبله ومعناها الموضوع .. هند: يا قليل الحيا يلي ما تستحي على وجهكـ مفكرني اغازلك انت وجهكـ والله شباب اخر زمن وقامت تصرخ وتهزأ فيه " شين وقوي عين " الرجال: انا قليل ادب ولا انتي الي مفهيه داقة مرتين وغلطانه بالرقم ثاني مره فتحي عيونك زين قبل لا تدقين على قبلة .. هند طبعا استحت وصارت حالتها بلا الله لا يوريكم شكلها مسكينه والله حرمت تدق على قبلة بعد هالموقف الي ما تنحسد عليه.. ههههههههههههههههههههههههههههههههههههه

شمـس المتاعـب والهمـوم ،،،، كانت الشمس تلقي بأشعتها الذهبية على ذلك المكان الذي هو قلب المدينه ..... شمس جديدة ( او قديمه ) ليوم اخر من ايام العمر . كنت اتطلع اليها بنشوة رغم هموم الحياة التي تحاول غلق نوافذ القلب على افق السعادة . منظر الشمس المشرقة دائماً يزرع وردة الامل في قلب الانسان . كنت مبتهجاً لمنظر اشراقة الشمس ... لكن ثمة منظر اخر جعلني جعلني انصرف عن مباهج اشراقة الشمس وتجلياتها .... كان المشهد امامي وانا انظر اليه من خلال نافذة السيارة الواقفة التي انا فيها ..... امراة في الستين من عمرها ... على رأسها عصابة سوداء كبيرة وعلى صدرها طرحة سوداء .. افترشت الارض جالسه بوقار ... تقوست في ملامحها فرأيت فيها ملامح الحب والود .. وثمة تجاعيد على الوجه المعتق .. تجاعيد قصة حياة طويلة . مذا تفعل هذه المراة المسنه مع اشراقة يوم جديد ؟! ماذا تعمل ؟!! وارتفع صوت هذه المراة منادية ( سيد .. يا سيد ) من يكون هذا السيد الذي تنادي المراة عليه ؟ ! ولم انتظر طويلاً حتى رأيته .. رجل بما مثلها في السن اظنه تجاوز الستين من العمر . يرتدي ثوباً وسترة لا لون لهما لقدمها ، وعلى رأسه كوفيه لا ادري ان كانت هي بالاصل سوداء ام كانت بيضاء وبمرور الزمن تحولت سوداء !!!! ما علاقة هذه المراة بذلك الرجل !! ولماذا تنادي عليه ؟! انها علاقة نسيجها من خيوط المعاناة لهذا الشعب الممتحن . سمع الرجل نداء المراة فأسرع أليها . وكان مع السيد عربه خشبيه ؟، وامتدت يد السيد الى عربته ليأخذ منها مجموعه اخشاب ويضعها بجوار المراه الجالسه تستعملها في موقد للنار التي تعمل عليها ( شاياً ) ساخناً يشربه اولئك المبكرون الى اعمالهم . وكم تمنيت لو استطيع ان اقبل يد تلك المراة المسنه او احتضن ذلك الرجل الكبير تقديراً واحتراماً واجلالاً واكراماً لهما . فهذي الايادي الكريمه هي التي من تستحق التقبيل . وهذه الذوات المحترمه هي تستحق التقدير . انهم يكافحون من اجل الحصول على رغيف خبز حلال . لعل المراة تعيل اسرة بكاملها . ولعل الرجل يحول بين اسرته والتشرد والسؤال . انهم في سن التقاعد . ولكنهم ما زالوا يعملون . على رغم من وطأة السنين والتجاعيد التي حفرها الزمن القاسي على وجوههم ما زالوا قادرين على العطاء رافضين الاخذ وذلة السؤال . ولكن ........... الم يحن الوقت لراحتهم ؟! الم يحن الوقت لتكريمهم ؟! الم يحن الوقت للراحه والاستجمام وهم في خريف العمر . ونظرت الى الشمس مرة اخرى ...... الشمس التي تشرق على( الاغنياء ) وهم نائمون . وهي ذاتها الشمس تشرق على الفقراء وهم يعملون . دائماً الفقراء يحظون بالمشهد الرائع لشروق الشمس !! وتلك ميزتهم الوحيدة التي يحسدهم عليها الاغنياء . وهل يتمتع الفقراء بنمظر الشمس وهي تشرق !! ام انهم لا يرونها الا شمس المتاعب والهموم !!! منقولـة لجمالهـا ،،،،

عجبتني القصة وحبيت انقلها لكم كنتُ في زيارةٍ لبيتِ أحدِ إخواني ، حيثُ تجمّعتِ العائلةُ الكريمةُ عنده ، ومن بينهم والدتي – أطالَ الله في عمرِها - ، وبعضُ أخواتي ، وجئتُهم على وقتٍ يحلو لهم فيهِ مشاهدةُ بعض ِ البرامج ِ ، فجلستُ معهم على مضض ٍ ، وكانوا يشاهدونَ برنامجاً في قناةِ " اقرأ " الفضائيةِ ، وكانَ البرنامجُ عبارةً عن فتاوي نسائيةٍ ، من حسن ِ الحظِ أنّي بمجرّدِ الجلوس ِ ، والاستقرارِ ، اتصلتْ بالبرنامج ِ ِ امرأة ٌ سائلة ٌ ، تُخبرُ أنّها من بلادِ المغربِ الحبيبِ ، وأنّ لديها أمراً تُريدُ الإخبارَ بهِ ، قالتْ الأختُ المتصلة ُ : كنتُ لا أصلّي أبداً ، ولا ألبسُ الحجابَ ، ولا أتغطّى ، وفي يومٍ من الأيام ِ أتتني بنتي الصغيرةُ ، وعمرُها ثمان ِ سنواتٍ ، وقالتْ لي : يا ماما ليه ما تصلّين ! ، يا ماما اللي ما تصلي ربنا يحطها في النار !! ، قالتْ المتصلةُ : تفاجأتُ من طريقةِ كلامي بنتي ! ، إذ كيفَ لبنتٍ صغيرةٍ في السنِّ تقولُ مثلَ هذا الكلام ِ !! ، حيثُ صدمتني جداً ، وما كنتُ أتوقعُ أن يصدرَ منها ذلكَ !! ، قالتْ : وأثّرني فيَّ كلامها تأثيراً عظيماً ، وأصبحتُ من بعدها محافظة ً على صلاتي ، وحجابي ، وحشمتي ، وذلكَ بعدَ كلامي بنتي الصغيرةِ لي ، ولكن حصلَ أمرٌ غريبٌ ! ، قالتْ ذلكَ الأختُ المتصلة ُ ، حصلَ أنّ بنتي تركتْ الصلاة َ ، وهي التي أمرتني بالمحافظةِ على الصلاةِ ، وانعكستْ الآية ُ ، فصرتُ آمرها بالصلاةِ فلا تصلّي - برغم ِ صغر ِ سنّها - ، وعبثاً حاولتُ فيها ، ولكنّها لا تمتثلُ لكلامي ! ، مع أنّها هي التي أذكتْ جذوةَ الإيمان ِ في قلبي ، قالتْ : وذاتَ يوماً استيقظتْ ابنتي من النوم ِ وهي تبكي ، فعجبتُ لذلك !! ، وأخذتُ أسألها عن سببِ بكائها !! ، فقالتْ البنتُ : يا ماما شفت الرسول – صلّى اللهُ عليهِ وآلهِ وسلّمَ - في النوم ِ ، وهو يقول لي : ليش ما تسلمين !! ، قالت كيف أسلم يا رسول الله ؟! ، قال لها : لازم تصلين عشان تصيرين مسلمة ، اللي ما يصلي ما هو مسلم ، اسلمي ، تقولُ البنتُ : فخفت يا ماما وقمت من نومي وأنا أبكي !! ، تقولُ المتصلة ُ : فضممتُها وهدأتُ من روعها ، ثم أخذتْ تضحكُ بعدَ أن خفّ منها لهيبُ البكاءِ في صدرها ، حيثُ ضحكتْ فرحاً برؤيةِ النبي صلّى اللهُ عليهِ وآلهِ وسلّمَ ، قالتْ : ومن بعد هذه الرؤيا وأنا محافظة ٌ على الصلاةِ ، أنا وابنتي ، مع أنّ عمرَ ابنتي لا يتجاوزُ العشرَ سنينَ !! ، انتهت المكالمة ، ولكنّها والله ذرّفتِ الدموعَ في عين ِ المذيعةِ ، وفي عيني ، وفي أعين ِ جميع ِ أهلي الحاضرين ، منقول

دخل عمر غرفته عشان يريح بالعصر ... شاف بنته جالسه قبال المرايا وبايدها قلم عنابي وقاعده تلون وهو عاقده حواجبها وتركز... عمر: ميييييي.. ايش تسويين مي : بابا ... عمر اخذ منها الاولوان ... عمر: عيب شوي وبتصيح: ابييييه عطنى عمر: ليه؟؟ مي: ابي الون شعري عمر: شعرك حلو لا تلونينه مي: لا مو حلو .. ابيييييه بابا عطنى .. طبت على ابوها تحاول تاخذ منه القلم .. عمر: مي لا مي : باباااااااا.. ابي شعري يصير فيه احمر عمر: لا مي .. شوفي شعرك كيف حلو الحين .. مي: لا مو حلو .. ابس يصير احمر عمر : مو حلو الاحمر مي: الا .. ابله جواهر شعرها احمر وحلو عمر وهو مستغرب: احمرررررر مي: ايه .. بس مو كله .. بابا عطنى ابيهههههه عمر: مي لا مي شوي وتصيح: ابي اصير مثل ابله جواهر . ابي شعري احمر.. عمر: ليه ما تبين تصيرين مثل بابا مي: انت رجال عمر: الله يا مي .. ما تحبينى مي: الا احبك بس انت ولد .. وانا بنت .. وابي شعري طويل بعد عمر: هههههه.. لا والله بدينا بالمراهقه من الحين ... حاول يلهيها شوي عمر: مين يبي يروح توي تاون؟؟ مي بفرح: اناااا عمر: يالله روحي اسبحي وانا بجي الحين اساعدك وبعدين نروح نلعب. وضيع عليه نومه العصر الي كان في اشد الحاجه اليها بعد ما جهزت بنته ..وهو طالع من البيت ومي بايده . لاحظ سياره عبدالعزيز واقفه بالكاراج .. وشاف نعاله عند مدخل الملحق.. فتح الباب كان عبدالعزيز منسدح على الكنت وحاط الشماغ على وجهه عشان النور .. واضح من شكله انه في سابع نومه ... مي: عمي عبدالعزيز ليه نايم هنا؟؟؟ عمر وهو ياشر لمي عشان تخفض صوتها : اششش... مادري يالله نروح عشان نرجع البيت بدري ومثل ما دخلوا بهدوء طلعوا بهدوء وسكروا الباب وراهم ........................ الكنب مو مريح .. مو قادر يتحرك .. رمي الشماغ من وجهه وقام .. ثوبه متكسر من البطحه .. وراسه شوي ينفجر .. والله انى ابي اشقى لعمري.. والا ايش منومنى هنا.. مسوي فيها زعلان .. الحين انا متضايق من سارا اسوي مثلها .. ابتسم بسخريه ودخل للبيت .. كان هدوء مرره .. راح لغرفته مباشره .. شاف سارا جالسه على المكتب الموجود بابغرفه وقبالها ورقه كبيره وماسكه مثلث ومسطره وقاعده تخط على الورق... سكر الباب بكل هدوء.. عرف انها حست بوجوده .. اتلفت عليه بسرعه وبنظراتها اسف واعتذار.. سارا: عزيز.. وينك فيه؟؟ عبدالعزيز وهو يفسخ ثوبه ويعلقه على الشماعه : تحت بعد وين؟؟ سارا: ااا..طيب عبدالعزيز تنهد وجلس بتهالك على الكنب الصغير عبدالعزيز: اسمعي سارا انتى عاجبك هالوضع الحين هزت راسها بالنفى وهي عاقده حواجبها عبدالعزيز: حنا لازم نصفى امورنا سارا باسف: انا اعترف انى غلطانه ماكان لازم اصرخ واسوي كذا .. بس انت حط نفسك بمكانى عبدالعزيز: ادري.. بس مو لدرجه تفكرين فينى كذا سارا: والله اسفه مو قصدي عبدالعزيز: ما يحتاج تتاسفين..حتى انا قلت لك كلمات جارحه... المفروض ما اقولها.. نعتبر نفسنا متعادلين سارا: يعنى انت مو زعلان ابتسم عبدالعزيز: ماله داعى ازعل ... قامت سارا من على كرسيها وراحت لعنده .. سارا والابتسامه شاقه حلقها: طيب تغديت؟؟ عبدالعزيز رد لها ابتسامتها: لا .. سارا: حلو الحين ادق على برجر كنج يجيب لنا عبدالعزيز: ههههههههههههه.. وانا على بالي بتقومين تطبخين لى سارا وهي تبتسم: ولا يهمك انا اباشر عليك وادفع ............................... طلعت منيره وابوها ورهف .....بعد اذان المغرب مباشره.....مابقى مكان لبيت الكيك ما راحوه .. من زواق و سعد الدين وغيرها .. سالم: منيره واخرتها ترانى تعبت من الجرجره ... منيره: مافي شي حلو سالم: انا مادري ايش الي جابنى معكم .. امك معها حق .. لو مو مدلعكم ماصرتوا كذا رهف: يبه ترى حتى انا في ملكتى ابيك تجي معي سالم: الله يلحقنا خير.. منيره شوفي هذي رهف: ايه والله تجنن منيره وهي تشوفها وعافسه وجهها: لا مو حلوه سالم: انا بالسياره اذا اخترتى دقي على واجي منيره: لا يبه ما يصير رهف: خلاص منور حتى انا تعبت ... منيره: يوووووه طيب متى اختار رهف: تقدرين تختارين شكل من النت وتجيبينه سعد الدين وهو يسوي لك وباللون الي تبينه سالم: خلاص قضينا .. اختاري من النت يالله نمشي منيره: يبه صبر .. يمكن اشوف شي مالي خلق احوس بالنت سالم: ما يمديك الحين بياذن ... يالله منيره ترانى تعبت رهف وهي تهمس لمنيره: منور من جد يالله شوفي شلون ابوي شكله تعبان .. من زمان ما ساق او بذل مجهود مثل اليوم منيره: خلاص طيب يالله .. ركبوا السياره ومشوا راجعين للبيت .. رهف حاطه سماعه الجوال باذنها وتسمع الاغنانى الي بجوالها .. اما منيره كانت تشوف السيارات الي على ايدها اليمين ... مرت سياره همر صفرى .. ولان منور موووت على هالسيارات.. منيره: رهف لا يفوتك شوفي همر ما سمعت ردت فعل رهف... التفت عليها عشان تناديها الا تشوف ابوها وجهه شوي مزرق .. وشكله خلاص رايح فيها .. منيره بتخرع : يبه ايش فيك التفت عليها سالم ويبي يهديها ولا يخوفها : مافينى شي.. شوي حاس بتعب حاول يفتح اول زرار من ثوبه .. منيره: طيب جنّب يبه .. شكلك مرره تعبان سالم : شوي ضيقه وبتروح ... رهف كانت تدندن مع الاغنيه ومو حاسه بالي حولها .. الا تلفت نظرها سياره قدامهم شوي ويصدمون فيها رهف تصرخ باعلى صوتها : سياااااااره بنصدمها ارتبك سالم الى ماكان مركز وحاول يتفادي الحادث.. لف بالسياره باعلى سرعه وهو ناسي انه فوق كبري .. اخترعت السياره الحاجز وطاحت بشكل عامودي ... ولانهم كانوا في نهاية الكبري طاحت على الرمل مو الشارع .. تقلبت مره بعدين تعدلت ....واستقرت بوسط موجه من التراب............ راسها يالمها بشده .. فتحت عيونها بكل ثقل.. حست بشي بارد على جبهتها .. جات ترفع ايدها ما قدرت .. المتها كثير اول ما حاولت ترفعها .. بدت البروده تنزل ووصلت لفمها.. تذوقت طعم ملوحه .. جلست مو عارفه ايش صاير .. والا ايش تسوي.. بدى شريط الحاديث ينعاد .. تذكرت طيحت السياره من الكبري.. وتقلبها السياره معها .. ابوي منيره ... كان السقف منخفس من الجهه الاماميه .. خصوصا جهت منيره .. القزاز مكسر .. رهف بخوف: يبه .. منور .. ردوا على مدت ايدها السليمه تحاول تمسك كتف ابوها وتهزه .. اما منيره ماكانت تقدر توصل لها .. القزازه الاماميه مكسره على وجهها .. رهف: يبه .. رد على تكفى .. منيره ..ردوا .. هالمره كان في استجابه . همهمه صدرت من ابوها بتعب .. ما فهمت منها شي .. عرفت انها مستحيل تساعدها من مكانها .. وبهاللحظه اختفت الالام ايدها .. وبكل قوتها حاولت تفتح الباب .. نزلت من السياره بسرعه وراحت لعند جهت ابوها .. تحاول تطلعه .. كانت شيلتها طايحه .. وشعرها لاصق بالدم بجهتها .. رهف وهي تصيح: يبه افتح ... افتح الباب .. دخل ايدها من النافذه المكسوره وهي مو مهتمه بالجروح الي سببتها .. حاولت تفح الباب من داخل .. بس مافي فايده .. انخفاس سقف السياره منعها .. امدت ايد ومسكت ايدها .. كانت ايد مليانه دم .. رهف وصياح : مو قادره افتحه يبه .. سالم بهمس : منيرره رهف طارت لجهت اختها .. حاولت تفتح بابها بعد .. كان وجه منيره مخيف .. مو باين شي من ملامحها .. القزاز مكسر عللى وجهها .. وطالع كله احمر .. ولا تتحرك ولا شي .. رهف: مو قادره مو قادر.. رجعت لابوها .. ودخلت ايدها ومسكت ايده من جديد .. رهف: يبه ايش اسوي .. يبه .. حست بابوها يحاول يضغط على ايدها .. مع انه بذل كل جهده الا ان ضغطته كانت مرره خفيف .. وبالموت يحس فيها احد ... سالم بصوت بالكاد ينسمع وينفهم: لا تتخافين .. اخخختك ..شوفيها.. واامك ..واانا رهف قطعت ابوها: لا تكمل يبه خلاص.. ارتاح .. الحين ادق على عمر وعزيز يجون ياخذونا.. سالم فتح فمه يقول شي بعدين سكره .. ارتخت ايد سالم بايد رهف .. رهف بخوف: يبه .. وين رحت .. لا همهمه ولا حتى نفس.. مارد عليها شي.. تركت ايه وحاولت تهزه .. بس خلاص ما رد عليها .. رهف بصياح: لا لا لاااااااااا.. لا تروح ابيك يبه .. لا تروح عنى ... لا يبه تكفى لا تتركنى .. لا تيتمنى .. يبه طالبتك .. لا تموت .. يبه وقامت تصيح .. بصوت عالى يقطع القلب .. رجعت لمكانها .. واخذت جوالها .. وبيد ترتجف ضربت اخر رقم كانت متصله عليه .. اول ما رد عليها احد .. رهف: الحق عليييي.. ابوي.. وقبل لا تكمل جملتها طاحت على الارض فاقده وعيها .. مسكها على طول من كتوفها .. قبل لا توصل للارض... شاف الحادث من اوله .. ووقف يقدم المساعده .. اول ما قرب شاف بنت طالعه من السياره بشعرها .. ما حب يقرب ويشوفها .. دق على الاسعاف بسرعه .. وفضل ينتظر من بعيد عشان ما يسوون له مشكله ولا يحملونه مسؤوليه الحادث.. مثل اكثر الناس ما يقدم الاسعافات الاوليه عشان المسؤوليه ما تكون عليه .. يوم سمع صوت الاسعاف كانت البنت تتصل.. اول ما لاحظ انها بدت تفقد وعيها ما اهتم بمثالياته التافه وجا لها ومسكها قبل لا تطيح ... وهي بحضنه اخذ الجوال الملطخ بالدم من ايدها .. ورد الصوت : الووو.. رهف وينك فيه ابراهيم: لا تخاف اخوي الحين الاسعاف شي.. عمر: مييين انت .؟؟ ووين هي رهف؟؟ سمع عمر الحين صوت الاسعاف وتاكد من حصول شي .. عمر: ايش صاير؟؟ ابراهيم: ماقدر اطول اخوي.. انت تعال مستشفى التعليمي وراح تعرف كل شي... وسكر التليفون من غير ما ينتظر رد عمر .. عبدالعزيز يشوف وجهه اخوه : ايش فيها رهف عمر: مادري.. مافهمت شي.. شكله صاير لهم شي.. عبدالعزيز خاف من جد: ايش صاير عمر خلاص الخوف متملكه ومو حاس برجوله: مادري والله مادري.. الرجال قال نروح للتعليمي عبدالعزيز قام من مكانه : وايش تنتظر عمر: مو قادر عزيز مو قادر اقوم ... عبدالعزيز: تعوذ من بليس اخوي انشالله ما يكون شي مهم راح لعند اخوه وساعده وطلعوا من الملحق الي كانوا جالسين فيه من غير ما يعلمون اهل البيت شي... وصل للمستشفى بسرعه جنونيه ... ما وقف ولا باي اشاره .. ولا اهتم وين يوقف سياره .. نزلوا على طول عند باب الطوارئ.. ودخلوا مثل المجانين يتلفتون يمين ويسار .. يبون يشوفون احد يعرفونه .. طلع عمر جواله ودق على جوال رهف .. وسمع نغمتها الشهيره.. الي ما تحطها الا رهف .. شاف رجال ماسك الجوال ويشوف الشاشه.. رفع الرجال راسه وطاحت عينه بعين عمر .. عرف انه الشخص الي متصل وهذا الي رد عليه...راح لهم الرجال ... ابراهيم: الاخ عمر؟؟ عمر: ايه انا.. انت الي رديت علي صح ابراهيم: ايه نعم .. معك ابراهيم.. عبدالعزيز: والنعم والله ... الاهل وينهم ابراهيم : والله مادري ايش اقول .. الشايب ووحده من البنات بالغرفه .. والثانيه هنا .. واشر على غرفه مفتوح بابها ..طالعه منها ممرضه... تركهم عمر وراح على طول لعند الغرفه .. اما عبدالعزيز سال الرجال عبدالعزيز: حالتهم خطيره ابراهيم: مابي اخوفك .. البنت بالموت طلعوها من السياره .. اضطروا يكسرونها .. واما الشايب مادري والله بهاللحظه طلع الدكتور وكلم ابراهيم على طول: انت الي جيت معهم ابراهيم: ايه .. وهذا من اهله.. التفت الدكتور على عبدالعزيز وبعيونه اسف ... دخل عمر الغرفه .. كان فيها سرير واحد .. مغطى بالستار ومو باين مين عليه .. ازاح الستار وهو خايف من الي بواجهه .. شافها معطته ظهرها ... وبلوزتها حتى من وراها فيها دم ... لف على السرير عشان يواجهها .. كان نظرها مثبت على الجدار .. وايدها مضمومه لصدرها بتجبيره .. وباعلى جبهتها مخيط حول 3 غرز .. عمر بترقب: رهف؟؟؟ انتقلت العيون الهايمه من الجدار لوجه اخوها وبشفايف جافه نطقه بالكلمات الي طاحت مثل الصاعقه على راس عمر رهف: جيت متاخر.. خلاص راحوا .. منيره وابوي راحوا ............................ كان ينتظر الطبيب ايش يقول وهو خايف .. ما يقدر يكذب الاحساس الي داخله .. يقول له شي كبير صاير .. عبدالعزيز بلهفه: دكتور الي داخل هم اختى وابوي بشر قول ايش فيهم الدكتور: ابوك واضح عليه ان رجل كبير بالسن .. فالضربه الي جاته على صدره قويه .. هشمت ضلوعه وخترقت الرئه .. حاولنا نسعفه بس مع الاسف .. عبدالعزيز وهو يناظر الدكتور ببلاهه: يعنى؟؟ اكره لحظه عند الاطباء ابلاغ اهل المريض بفقد غاليهم : اطلب له المغفره اخوي حط ابراهيم ايده على كتف عبدالعزيز وبصوت هامس: الله يرحمه التفت عبدالعزيز لابراهيم بعدين الدكتور.. وقام ينقل نظراته لهم ولا كانه فاهم شي .. عبدالعزيز: اقدر اشوفه طيب.. الدكتور: ايه تفضل معى.. لحق عبدالعزيز الدكتور للغرفه .. مايعرف شلون قادته رجوله للمكان .. ايش راح يواجهه .. وكيف بيشوف ابوه ... دخل للغرفه .. شافه منسدح على السرير .. وابتسامه هاديه مرتسمه على شفايفه .. قرب منه .. ووقف وهو يناظره مو متجرا يلمسه .. كان وجهه فيه نور .. وواضح عليه انه مرتاح .. ارتاح من هموم الدنيا ومشاكلها .. جلس على الارض بركبه ... صدره على مستوى السرير.. شاف لطخه دم على خد ابوه ولحيته البيضا.. اخذ المنديل ومسحها ولا راحت .. رفع راسه وشاف الدكتور قدامه عبدالعزيز: ابي ماي .. ابي امسح الدم عن وجهه ابوي شافه الدكتور نظرة شفقه .. ما استغرب من حركه عبدالعزيز .. هو شاف تصرفات كثيره واغرب من هذا ... بعد ما يسمع الشخص خبر زي كذا...قام عبدالعزيز من مكانه .. كانه استوعب شي ... عبدالعزيز : ومنيره ؟؟؟؟؟؟؟؟؟؟؟؟ الدكتور فهم على طول هو قصده مين الدكتور: هي الحين بغرفه العمليات عبدالعزيز: حالتها خطيره؟؟ الدكتور: انا مو طبيبها وماعندي تقرير عنها .. انت لا تخاف اخوي انشالله ما يصير لها شي رجع عبدالعزيز التفت لابوه .. هالمره قدر يمد ايده ويمسك ايد ابوه .. عبدالعزيز: الله يرحمك يبه .. الدكتور: ممكن اخوي تجي معي الحين عشان تعطينا المعلومات التفت عبدالعزيز للدكتور وهز راسه ولحقه ... .................... عمر وهو يهز رهف من كتوفها: ممكن تشوفينى .. انتى ايش تقولين .. رههف ابد ما كانت معه .. عايشه باعالم اخر .. عالم يبعد عنه اميال .. لازالت عيونها مركزه على الجدار ولا كانها تشوف اخوها ... رهف كانت تشوف الحادث الحين.. صوره كلها بذهنها ..صوره ابوها وهو يحتضر.. ومنيره بدمائها .. والسياره بتهشمها .. كل هالصوره هي الي تشوفها رهف .. عمر: رهف حبيبتى ردي علي لا تشوفينى كذا ... نزلت دمعه من عيونها تركتها تنزل على ملابسها ... يوم شافها عمر .. اخذ اخته وضمها لصدره .. كانت جامده بين ذراعينه .. ولا حتى تحركت .. كانه يضم صنم مو انسان .. عمر: رهف ايش فيك .. كان خايف كثير .. ومو عارف يتصرف .. وده يروح يشوف ايش السالفه ومو قادر بنفس الوقت يترك اخته بهالحال .. تمنى عبدالعزيز يجي الحين .. المفروض يجي.. ليه تاخر .. الا اذا سمع خبر من الطبيب .. بهالحظه دخلت الممرضه ...اول ما شافها ترك اخته .. عمر: what's happen to her ؟؟؟ الممرضه: ohh nothing ..don't worry .. I'll give her medicine ..and she will be alright عمر : okay.. وطلع من غير ما ينتظر الممرضه .. شاف ابراهيم قدامه جالس على الكرسي ... ومافي اثر لعبدالعزيز.. اول ما شافه ابراهيم نزل راسه .. ما وده هو الي يوصل له الخبر عمر : اخوي .. وينه الي كان معي ؟؟ ابراهيم: توه رايح مع الطبيب عمر: طيب ايش قال .. بشر ؟ ابراهيم: مادري ما كنت جنبهم عمر: مشكور اخوي تعبناك معنا ابراهيم : ما سوينا شي ... جلس عمر جنب ابراهيم وهو يهز رجوله بتوتر .. ينتظر اخوه او احد يطلعه عشان يعرف ايش صاير ... شاف عبدالعزيز مقبل من بعيد .. قام على طوله وراح لعند اخوه... عمر: هاه عبدالعزيز .. شفت الطبيب قال لك شي وجه عبدالعزيز متغير .. ومن غير ما ينتظر عمر االجواب عرف كل شي من ملامح اخوه .. مافي احد يفهم عزيز بالدنيا مثله.... عمر: اذا الي في بالي لا تقولها ..مابيها تكون حقيقيه.. عبدالعزيز بصوت متهدج: عمر... عمر: لا عبدالعزيز قلت لك لا تقول ما تفهم .. مابي اسمع شي خلاص ورجع جلس على الكرسي ... وعبدالعزيز واقف يشوف اخوه .. عمر : مابي .. مو حقيقي هالشي.. ماراح ينعاد لي مره ثانيه .. مابي افقد احد..خلاص ماقدر اتحمل .. كافي مره وحده ... عبدالعزيز تقطع قلبه على اخوه .. هو يعرفه ما يقدر على هالمواقف .. صح انه رجال وقوي ويعتمد عليه .. بس بهالسوالف يصير ضعيف.. قلبه رقيق ما يتحمل ... عبدالعزيز: عمر بدل ما تقول هالكلام ادعي له بالمغفره ودخول الجنه عمر بعصبيه: انت ما تفهم .. انا ايش قلت لك ... ممكن تسكت.. مابي اسمع .. ياخي حس فينى .. انا مو ناقصك انت بعد ... مو ناقصك كان يتكلم بصوت عالى وهو منفعل مره ... لدرجه اخرست كل الي حولهم وخلتهم يتلفتون يشوفون ايش صاير.. ابراهيم الي انسحب بعيد ماحب يجلس قريب جنبهم ويحرجهم ...هو خلاص سوى الي عليه ووجوده بالمستشفى ماله داعي الحين.... دق جوال عمر بهالحظه .. مخترق السكون .. تركه عمر يدق ولا هو معبره .. اخذ عبدالعزيز الجوال من اخوه وشاف المتصل .. كان مكتوب الاهل .. عرف ان امه هي الي داقه .. عبدالعزيز يشوف اخوه بحيره: ايش اقول لهم عمر: لا ترد عبدالعزيز: كذا بيخافون زياده عمر: يخافون احسن من انهم يعرفون عرف عبدالعزيز ان اخوه موطبيعي اليوم .. ولا هو عارف ايش يقول..رد على الجوال .. فوزيه: الووو.. عمر؟؟ عبدالعزيز: هلا يمه انا عبدالعزيز فوزيه: وينكم فيه .. عبدالعزيز: طالعين يمه بعد وين بنكون فوزيه: طيب ليه اخوك ما رد عبدالعزيز: الجوال جنبي ورديت .. ايش تبين يمه فوزيه: مادري ابوك وخواتك طالعين من بعد المغرب والى الحين ما جاو .. عبدالعزيز تغير صوته: يمكن رايحين مكان معين فوزيه: طيب ليه ما يرودن.. دقيت عليهم ولا يردون .. عزيز انا خايفه يمكن صاير لهم شي عبدالعزيز ندم لانه رد .. لو سامع كلام اخوه احسن: مين معك بالبيت يمه فوزيه بحيره: انا وحرمتك .. ليه؟؟ عبدالعزيز: ولا شي..لا تحاتين انا بشوف وبرد لك خبر فوزيه: تشوف مين .. انت تعرف وينهم عبدالعزيز: ايه اعرف .. يمه ماقدر اطول .. فوزيه خافت : عزيز صاير شي.. لا تخبي علي وانا امك عبدالعزيز: يمه لا تخافين .. بدق عليك بعد شوي .. فوزيه: لحظه عبدالعزيز: بعد شوي داق مع السلامه وسكر عشان امه ما تحن فوق راسه ...حطت فوزيه السماعه فوزيه بحيره: أيش السالفه؟؟ سارا: ايش قال لك؟ فوزيه: مادري.. انا قلبي مو متطمن سارا تحاول تهدي روع ام زوجها: لا تحاتين يمه .. تلاقينهم بمطعم والا شي فوزيه: لا مااظن .. والا كان قال لى عبدالعزيز.. سارا: صدقينى مافي شي.. لا تحاتين فوزيه: انشالله مايكون فيه شي نرجع لعمر وعبدالعزيز الي كانوا على وضعهم .. سكر عبدالعزيز الجوال وحطه بجيبه.. توه رايح لعند غرفة اخته .. الا يمسكه عمر من ثوبه.. التفت له عبدالعزيز عمر بخوف: وين رايح؟؟ عبدالعزيز: بشوف رهف بعيدن بروح عن الدكتور عمر: طيب لا تتاخر عبدالعزيز شاف اخوه الي علامات الخوف مرتسمه بوجهه .. دخل للغرفه الي فيها رهف كانت الممرضه تعطيها ابره ..قرب عبدالعزيز من اخته .. الي كانت على حالها مثل ما تركها عمر .. عبدالعزيز يكلم الممرضه: how is she ?? الممرضه: she's good … you can take her to home nowا عبدالعزيز جلس جنب رهف: شخبارك حبيبتى الحين ماردت عليه .. لف اذراعه حول كتفها .. وقومها من السرير عبدالعزيز: تعالى حبيتى .. خل نطلع والتفت للممرضه عبدالعزيز: where's her abaya? اعطته الممرضه العباه .. مع انها وسخه ووفيها شقوق .. الا ان عبدالعزيز لبسها اخته وحط الشيله على راسها .. حجبها زين .. وطلع معها وهو حاط ايده على كتفها .. شاف عمر لازال بمكانه ..جالس وعيونه على الارض.. قرب منه عبدالعزيز.. عبدالعزيز: عمر رفع عمر راسه..وقام اول ماشاف رهف عمر: رهف.. شخبارك الحين ماكانت تشوفه رهف .. لازالت عيونها هايمه ومو مركزه ... عبدالعزيز: برجعها للبيت الحين .. وبرجع مو متاخر عمر: ليه تروح .. اجلس عبدالعزيز : ماتشوف رهف ايش حالتها.. بروح عشان امي بعد عمر: بتقول لها ؟؟ عبدالعزيز هز راسه .. عبدالعزيز: انت اجلس هنا وانتظر وانا جاي عمر: انتبه على امي.. عبدالعزيز : لا توصى بعد عن اخوه الي رجع جلس وتوه طالع من الباب الا توقف رهف بمكانها .. عبدالعزيز: رهف يالله حياتى ظلت رهف واقفه ومو راده بنفس الوقت .. حاول عبدالعزيز يحركها بس لازالت جامده عبدالعزيز: يالله رهف رهف بهمس: ابوي .. منيره حس عبدالعزيز بقلبه بتقطع .. هو من اول ما سمع الخبر وهو متماسك مايبي يضعف.. اهله محتاجين له لازم يصير قوي عشان يسندون عليه .. يعرف ان عمر مو قادريواجهه هالوضع .. واذا هو بعد ماقدر مين يبقى لاهله عبدالعزيز: بنرجع نشوفهم.. لازالت رهف على عنادها ومو راضيه تتزحزح عبدالعزيز: رهف.. امي تحتاج لك ... لاول مره من كلمها عبدالعزيز تشوفه .. عيونها بعيون اخوها .. رهف: امي؟؟؟ عبدالعزيز: ايه امي .. تنتظرك بالبيت ..هي تحتاج لك الحين كلماته خلتها تتحرك معه .. طبعا بعد مارجعت لها نفس النظره .. مشت مع اخوها للسياره .. وركبوا.. طول الطريق السكون هو الي كان سايد على المكان .. ورهف منزله راسها .. تشوف حضنها... عبدالعزيز كل دقيقه يلف لاخته ويشوفها .. الطريق مر عليهم طويل.. ولا كانه بينتهي .. ........................ خلاص منيره وابوي راحوا .. وقبلهم فاطمه .. الحين من بقى لى بهالدنيا .. الاب والزوجه والاخت .. كلهم فقدتهم .. يالله ايش قد قاسيه الدنيا علينا .. استغفر الله العظيم انا ايش قاعد اقول الحين .. اصلا ايش قاعد اسوي بمكانى .. المفروض اتحرك اسوي شي.. مو اجلس جامد كذا.. قام من مكانه .. لحظه وين قال لى ابوي واختى فيه .. باي غرفه .. الابواب كثيره قباله .. ماعرف يفتح اي واحد فيهم .. لازم يشوفهم الحين ايش ينتظر .. مرت ممرضه بجنبه .. عمر: excuse me sis الممرضه: yes mister عمر: I wanna see my family ..i don’t know where they are الممرضه: your family??? عمر: ya they had accident .and came here . الممرضه: aha.. you mean the old man and 2 girls عمر: ya that is my father and sisters .. can I see them الممرضه : I'm sorry ..you can't see your sis .. she is in the operation room right now عمر استغرب هو فاهم من رهف ان منيره ما نجت من الحادث عمر: is she a life?? الممرضه: I hope so ..but your father وشافته بنظره حزن وشفقه .. الامل دب في نفس عمر من ناحيه ابوه .. بس هالممرضه ما تركت له فرصه يتمتع فيه .... كملت الممرضه: I'm so sorry عمربغصه: where is he?? ألممرضه: come with me واخذته لغرفة ابوه .. دخل الغرفه وراها وهو مهيئ نفسه عشان يشوف ابوه .. ماكان حاس بنفسه .. في داخله راحه من ناحيه منيره وحزن كبيييييير لابوه .. اول ما شاف وجهه ابوه السمح .. ماقدر يمسك روحه .. التفت على الممرضه عمر: I wanna be alone with him please ابتسمت له الممرضه ... سكرت الباب وراها وهي طالعه ... وقف فتره مكانه .. وهو يحاول يتماسك .. جلس على طرف السرير بتردد .. لمست ايده بالغلط ايد ابوه .. حس ببرودتها .. انقبض قلبه .. الموقف اكبر منه .. ماقدر يصبر اكثر .. ونزلت دمعه .. تبعها شلال من الدموع ... ........................ وقف السياره قدام البيت .. ظل جالس مو متجرا ينزل ... شلون اواجهها .. شلون اوجهه امي واقول لها ... التفت لرهف .. شافها على وضعها وسرحانها ... ياربي ايش اسوي ... فتح الباب وراح لجهت رهف .. فتح لها بابها ومسكها .. ولا تحركت عبدالعزيز: رهف ؟؟ التفت رهف لجهته .. بس ماكانت تشوفه .. نظرها تعداه اميال ... شدها من ايدها عبدالعزيز: يالله حبيبتى وصلنا للبيت ... ومثل الانسان الالى .. نزلت وعبدالعزيز ماسكها .. قاعد يمشيها .. دخل البيت .. وهي لازلت تحت ذراعه .. فوزيه كانت جالسه على اعصابها .. تنتظر عبدالعزيز يدق ويطمنها ... اول ما سمعت صوت الباب يفتح .. طارت عند الباب .. شافت رهف .. ما انتبهت لحالتها .. رجوع بنتها هدى من اعصابها شوي .. الحمد لله وصلوا بالسلامه فوزيه: واخيرا جيتوا عقدت حواجبها يوم شافت كيف عبدالعزيز ماسكها .. والجرح الي بجبهتها .. غير ايدها المضموعه لصدرها ... طاحت عين عبدالعزيز بعين امه وعلى طول شالها .. ما يبيها تدري ايش الي داخله .. مايبيها تعرف .. بس شلون مصيرها بتعرف... فوزيه بخوف: ايش صاير .. وين الباقي؟؟؟؟؟؟ اكتفى عبدالعزيز بالصمت .. قربت منهم فوزيه .. فوزيه: ايش فيكم ... ما تتلكمون كذا تخوفونى ؟؟ عبدالعزيز رهف؟؟ قالت اسماءهم بصراخ .. انتشل رهف من سرحانها ... وانتقلت العيون الهايمه في الغرفه .. استقرت اخيرا على امها ... اول ما شافت نظره امها الخايفه ... تملصت من تحت ذراع اخوها .. وطارت لحضن امها .. ضمتها بقوه وهي تصيح بصوت عالى يقطع القلب ... مع ان فوزيه مابعد تفهم السالفه .. بادلت بنتها الصياح .. وزادت من ضمها لصدرها ... اثنين كانوا يشوفون المشهد هذا وهم مو متحركين بمكانهم .. واحد يتمنى تنشق الارض وتبلعه .. والثاني عايش حيره ومو عارف كيف يتصرف... فوزيه: يمه رهف .. ايش فيكم .. عبدالعزيز قول ايش صاير؟؟ قرب عبدالعزيز من عند اخته ... وسحبها من حضن امه .. عبدالعزيز: خلاص حبيبتى رهف ... خلاص.. انتقلت رهف لحضن اخوها وهي تكمل صياح .. خلاص قامت من الحاله الي كانت فيها ....قلب عبدالعزيز قاعد يتقطع .. حاس بعيونه تحترق .. تبي تنزل الدموع وهو متماسك ما يبي يضعف .. كافي الخوف الي عايشته امه .. مع ان تصرفه خوفها زياده بس ما يقدر ينطق .. مايقدر .. رفع راسه وشاف امه قاعده تناظره والف سؤال بعيونها .. الي كانت مليانه دموع .. الله يمه وفرى دموعك للخبر .. مو الحين ... عند الباب واقفه سارا تراقب الموقف .. ولا هي مقربه او مبعده .. جامده بمكانها .. والم قوي ضاغط على صدرها .. الخوف شالها .. وجالسه تترقب كلمات عبدالعزيز او رهف الي تعلمهم ايش صاير عبدالعزيز: يمه رهف تحتاج ترتاح ...باخذها لغرفتها ... مسكته فوزيه من ذراعه قبل لا يتحرك فوزيه: مابتروح مكان الا بعد ما تقول لى ايش صاير ... اول مره تتدخل سارا .. قربت منهم مسكت رهف الي لازالت بحضن اخوها تصيح سارا: انا باخذها يمه التفت عليها عبدالعزيز ... من متى هي هنا .. ابتسمت له بتردد .. واخذت رهف منه ... وصعدت معها فوق لغرفتها ... فوزيه: والحين ممكن اعرف ايش السالفه .. وين ابوك وعمر ومنيره عبدالعزيز: بالاول خل نروح نجلس بالصاله فوزيه بدت تعصب .. وبكل تصميم: مو متحركه وابيك تقول لى ماقدر عبدالعزيز ينطقها: مافيهم شي يمه لا تخافين ... فوزيه: وليه ما جاو معك .. وليه يد رهف مجبره عبدالعزيز: يمه بقول لك ولا تخافين .. صاير لهم حادث ما امداه ينهي جملته .. الا تتهالك فوزيه على الارض.. مسكها قبل لا تطيح .. عبدالعزيز: يممممه وصرخ باعلى صوته : مااااريااااااا.... جيبي مااااي بعد ما سدحت سارا رهف بفراشها .. غرقت بالنوم على طول وهي تهمهم بابوها واختها .. احساس الخوف كان متملك سارا من راسها لرجولها .. ماقدرت تسال رهف شي نظرا لحالتها ....سكرت الباب والنور .. ونزلت تحت .. وهي بالدرج سمعت صرخه عبدالعزيز .. كملت طريقها جري عشان توصل لهم ... شافت عبدالعزيز جالس على الكنب وامه بجنبه وهو ماسك كاس يشرب امه من الماي .. وماريا واقفه تشوفهم بتبلد... لا شكل السالفه مو بسيطه .. الله يستر بس... اول ما تمالت فوزيه نفسها طلع الصوت بكل صعوبه من بين شفايفها فوزيه: ابووك؟؟ مثل الطعنه بصدره .. هذا امي حالها اول ما سمعت الحادث .. شلون اقول لها انه فقدت الانسان الوحيد الي قضت معه 35 سنه .. كل يوم تصبح وتمسى عليه .. شلون يقول لها انها خلاص ماراح تشوفها .. راح تنحرم من وجوده بجانبها وبجنبهم عبدالعزيز: مرتاح يمه.. فوزيه: ليه ما جا معكم عبدالعزيز بغصه: لازم يجلس هناك .. فوزيه وهي تحاول تقوم : ابي اروح اشوفه عبدالعزيز مايقدر يحرم امه من هالشي .. ولا يقدر يقول لها لا عبدالعزيز: انشالله .. الحين اخذك له فوزيه: ومنيره .. وعمر عبدالعزيز: عمر مافيه شي .. جلس معهم بالمستشفى فوزيه : ماريا جيبي عباتى الحين ... تنهد عبدالعزيز .. بهاللحظه اكتشف انه جبان .. ما يقدر يواجهه امه بالموقف.. فضل انها تعرف لوحدها او من شخص ثاني ... شاف سارا واقفه قدامه ... وعيونها نفس الشي غرقانه دموع .. سارا ماكانت تفكر بشي الا بالحلم ... شكل عبدالعزيز قدامها الحين مثل شكله بالحلم ... والنظره الي ماقدرت تفسرها هي نفسها الحين ... لا ياربي ليكون صاير شي كبير مره ومو مجرد حادث بسيط ...طاحت عينها بعين عبدالعزيز .. ظلوا يشوفون بعض فتره مادري كم ... لين جات ماريا وقطعت عليهم ..قامت فوزيه تلبس عباتها ... وقام معها عبدالعزيز ... سارا: بجي معكم .. عبدالعزيز: لا انتى اجلسى هنا مع رهف ماقدرت تقول لا .. يمكن عبدالعزيز يشوف ان مالها دخل مره بالموضوع .. كانت متضايقه منه كثير.. ليه هو ناسي مين بالمستشفى .. هو مايعرف شلون العم سالم بالنسبه لها .. والا منيره ... ليكون صاير فيك شي.. لاحظ عبدالعزيز تقلب وجهه سارا ... فما حب يزيدها .. راح لها .. عبدالعزيز: كان ودي تروحين .. بس رهف لازم احد يجلس معها .. كان يكلمها بكل حنيه ورقه .. صوته خل سارا تهز راسها بخضوع .. ولا تعترض باي كلمه فوزيه: يالله عبدالعزيز انا جاهزه ... التفت عبدالعزيز لامه : انشالله يمه .. تقدمت فوزيه بتطلع ... وعبدالعزيز وراها .. سارا: عزيز؟ التفت عليها ... سارا بهمس: انا خايفه ونزلت راسها على طول...عقد عبدالعزيز حواجبه ورجع لها .. مسك ذقنها و رفعه.. عبدالعزيز: خايفه من ايش؟؟ طلعت كلمه وحده من بين شفايفها هزت عبدالعزيز هز سارا: الموت اخذ راسها ودفنه بصدره .. عبدالعزيزبصوت يقطع القلب: الموت حق سارا .. المفروض ما تخافين منه ... سارا : يعنى صح .. احد مات رفع راسها من صدره ... عبدالعزيز: خذي بالك من رهف .. تراها امانه عندك .. يالله تاخرت على امي سارا: ليه ما تقول لى.. لا تعيشنى برعب..احد مات ؟؟ هز عبدالعزيز راسه وبهمس: ابوي... سارا والدموع بدت تنزل على خدودها: عمي سالم.. سكر عبدالعزيز عيونه بقوه ... مايبيها تنزل .. لا مستحيل تنزل الدمعه الحين .. سارا وهي تحاول تتماسك :اقدر اشوفه طيب؟ عبدالعزيز بتعب: بعدين ..بعدين سارا مد ايده ومسح دموع سارا .. عبدالعزيز: ادعي له بالمغفره .. ولا تصيحين .. ابيك قويه عشان اهلى سارا ..ابي اعتمد عليك حاولت تتماسك وتبلع غصه صياح جاتها .. هزت راسها وابتسم له ابتسامه مرتجفه سارا: روح امي محتاجتك .. وانا بجلس هنا مع رهف.. لا تحاتيها ضغط على ايدها بقوه كانه يشكرها .. وطلع من البيت ... سحبت سارا نفسها سحب .. وراحت لغرفه رهف .. جلست على كرسي بجنب السرير.. وهي تشوف رهف وتبكي بنفس الوقت ....................... ظل عمر بمكانه بجنب ابوه طول الفتره الي عبدالعزيز كان فيها بالبيت ... اول ما دخل عبدالعزيز المستشفى مع امه .. كانت فوزيه مساكه ايده بقوه .. وهي خايفه ... توقع عبدالعزيز يشوف عمر جالس برى .. يوم ماشاف له اثر عرف انه عند ابوه ... اخذ امه للغرفه المسكره ... وقف عند الباب ومو متجرا يفتحه ... فوزيه: عبدالعزيز التفت يشوف امه فوزيه: ابوك راح صح؟؟؟؟؟؟ نزل راسه .. وفتح الباب لها ... قام عمر من على السرير .. واثر الصياح لازال واضح عليه .. عيونه حمر ومتنفخه عمر: يمه وراح لها على طول .. ازاحته فوزيه بذراعها وكملت طريقها لعند زوجها وحبيبها ورفيق عمرها ...انزل الله السكينه بقلب ام عمر ... كانت متماسكه لدرجه ابد ما توقعها عيالها ... جلست على السرير مكان ما كان عمر جالس .. اخذت راس سالم وحطته بحظنها ... حطت ايدها على راسه .. وقامت تقرى قران ... والدموع تهل على خدودها هل ...عيالها واقفين يشوفونها وهم جامدين بمكانهم ... ماقدر عبدالعزيز يمسك دمعه من انها تنزل على خده .. اما عمر ماصبر اكثر وطلع من الغرفه ....وبعد فتره لحقه عبدالعزيز عشان يتركون امهم لحالها مع ابوهم للمره الاخيره... ................ الغرفه لازالت غارقه بالظلام ... وهى جالسه بالكرسي وتهز ... انفتح الباب ودخل النور الوحيد منه ... طل راس صغير ..عرفته على طول... سارا بصوت واطي: مي ؟؟ فتحت الباب على الاخر ووقفت .. سارا: تعالى مي هنا مي : عمتى رهف تعبانه قامت سارا من مكانها وهي تحاول تمسح اثار الدموع .. وراحت لعند مي ... سارا: ايه تعبانه .. ايش تسوين انتى الحين ليه ما نمتى مي وهي تتثاوب: انا ما انام الا اذا بابا جا.. سارا: الحين يجي بابا ... مي: وين جده والباقي .. ماريا تقول انهم راحوا كلهم .. سارا تحاول تطمن مي: بيرجعون الحين ... انت مره شفتى سريري... هزت مي راسها سارا: شوفي انا عندي قصص حلوه .. ايش رايك نروح لغرفتى واقراها لك ... مي: تعرفين قصه الدجاجه والذيب سارا: اكيد ...هاه تجين .. مي ابتسمت: ايييييييه... اخذتها سارا لغرفتها بعد ما تاكدت ان رهف نايمه وغرقانه بالنوم ... انبطت مي جنبها الي واضح عليها انها تعبانه وهلكانه تبي تنام .. ظلت سارا تقص عليها .. وانتهت القصه وبدت قصه ثانيه والبنت فاتحه عيونها على الاخر ... سارا بحيره: ماجاك النوم مي؟ مي: الا .. بس مابي انام ابي بابا يجي.. ابتسمت لها سارا ومررت ايدها بخصلات شعر مي الناعم: ربي لا يحرمك من بابا مي: ابي الحين قصه مريم ام الدل والدلال ضحكت سارا عليها : الله ايش هالغبار .. من وين تعرفينها ؟هذي من ايام ام جدتى مي: جدتى فوزيه تقولها لى .. سارا: طيب الحين اقصها لك وفي نص القصه استغرقت مي بالنوم اخيرا .. غطتها سارا زين وقامت من عندها .. كان ودها تدق على عبدالعزيز الحين وتعرف ايش صار معهم .. المشكله انه الى الحين ماعنده جوال .. كانت تحس انها لازالت بحلم .. وان عمها سالم ما مات .. منيره .. ماعرف ايش صاير فيها ... راحت لعند رهف .. ورجعت على الكرسي الي تركته من ساعه... ................... كانت فوزيه عند سالم .. اما عمر وعبدالعزيز جالسين برى .. وكل واحد فيهم بعالم .. طلع احد الاطباء من احد الغرفه .. قام عبدالعزيز ولحقه على طول ... عبدالعزيز: دكتور .. اختى داخل عندكم الطبيب: البنت .. توهم ناقلينها لغرفه الانعاش عبدالعزيز حس براحه عظيمه: وكيفها الحين الطبيب: ماقدر اقول لك شي... لازالت تحت الملاحظه .. مانقدر نحكم على حالتها الا بعد اربع وعشرين ساعه جا عمر باخر جمله قالها الطبيب ... عمر: ايش فيها بالضبط الطبيب: اصابتها براسها .. ادت لزيف داخلى .. الحمد لله سيطرنا عليه .. بس مثل ماقلت مانقدر نحكم الحين عبدالعزيز: حالتها خطيره الطبيب: ماقدر اكذب عليكم واقول لا... عبدالعزيز: نقدر نشوفها طيب الطبيب: لا طبعا .. ممنوع احد يدخل عليها الحين ..تقدرن تشوفونها من قزاز الباب عمر: المهم نشوفها الطبيب: براحتكم.. وسكت بطريقه غريبه عبدالعزيز: فيها شي ثاني ماقلته دكتور الطبيب: ماابيكم تتفاجئون راح يكون وجهها مضمد بالشاش عبدالعزيز: ليه؟؟ الطبيب: القزاز تكسر على وجهها.. وجرحه جروح بالغه عمر:قصدك تشوهت الطبيب: الجروح بتترك اثر.. بس انشالله مع عمليات التجميل راح تخف كثير عبدالعزيز بياس: بس بيبقى اثرها الطبيب: انتوا لا تستعجلون ..المهم تقوم لنا وتتحسن عمر: امين.. باي غرفه هي؟؟ الطبيب : مو الحين.. توهم ناقلينا .. بعد ساعه برسل لكم ممرضه تاخذكم لها ومثل ما قلت..ماابيكم تدخلون عمر: انشالله دكتور.. ................................. مرت الليله بتوتر على سارا .. انتبهت رهف كثير وقامت تبكي.. غير صراخها الي كان يخوف سارا ولا تعرف كيف تتصرف.. دق عبدالعزيز على البيت يتطمن ويقول لها انهم مايعرفون متى بيرجعون البيت .. حرصها على مي وقالت له انها نايمه.. عبدالعزيز: انتبهي عليهم. سارا: لا تحاتى عزيز.. امي شخبارها الحين.. عبدالعزيز تنهد: صابره .. وجالسه تقرى وتدعى عند ابوي.. سارا : ومنيره؟؟؟؟؟؟ عبدالعزيز: منيره بخير.. انتى لا تفكرين فينا الحين .. ارتاحي ورانا ايام بنتعب فيها اكثر ساراا: انشالله ... عبدالعزيز: يالله ما اطول.. اذا صار شي دقي على جوال عمر سارا: طيب.. وسكرت منه .. اخذت تفكر بالوضع الي هم عليه الحين .. ايش بتكون حياتهم بعد رحيل عمها سالم ... ومنيره الى الحين ما شفتها اكيد الي فيها مو سهل .. والا كان رجعت مثل رهف .. ياربي ودي اكون معهم الحين .. اوقف بجنب عبدالعزيز واسانده بهالوقت الي هو محتاج لى ... ..................... دق الجرس مبكر ... توها الساعه 6 الصبح مين يجينا بهالوقت من يوم الخميس .. فتحت الخدامه الباب .. ودخل للبيت ... شاف ابوه نازل من فوق وعلامات القلق مرتسمه على وجهه .. وامه ورى ابوه.. صالح:محمد ؟؟ ايش عندك جاي الحين محمد: يبه .. يمه .. السلام عليكم لطيفه: وعليكم السلام .. ايش صاير .. هدى او احد من العيال فيهم شي محمد: لا يمه . .. يبه ابيك موضوع .. صالح وهو يشوف الساعه: والموضوع ما يتاجل؟؟ محمد: لا يبه ... وهو يتلفت: وين الباقي لطيفه: ماتشوف الساعه ياولدي الكل نايم صالح: ايش صاير ؟؟ محمد: والله مادري ايش اقول لكم ... عمي سالم يطلبكم الحلّ جلس صالح على اقرب كرسي قدامه .. وحط ايده على ركبه صالح: انت ايش تقول محمد: كلمنى عمر اليوم .. البارحه توفى لطيفه وهي تحط ايدها على صدرها: ياويلي ...ياعمري انتى يافوزيه .. ايش لون تتصرفين من غير سندك .. ياويلي صالح: اهجدى يا مره .. والتفت على ولده: وليه تونى ادري ؟؟ ليه ما دق على احد من العيال محمد: انت ادري بحالهم امس صالح: ليه انا أي احد .. وقام من مكانه ... صالح: ابي اشوفه الحين لطيفه: اهدى يابو محمد ... صالح: أي اهدا ... ماقالوا لك هو باي مستشفى محمد: بمستشفى الملك فهد التعليمي ... صالح: وايش ننتظر خل نروح محمد: مو بس كذا السالفه يبه .. وحده من بناته بعد في حالة خطره صالح :شلون؟؟؟ محمد: حادث ..له ولبناته .. امس بالليل .. لطيفه: انا لله وانا ايه لراجعون صالح: انا لابس ثوبي وجاي معك ... لطيفه: اجي معكم التفت عليها صالح وبكل عصبيه: باي صفه؟؟ لطيفه: يووه صالح .. حرمته صديقتى محمد: يمه مو وقته الحين انا انتظر بالسياره يبه.. بعد ما طلع محمد وصالح وراحوا للمستشفى ... جلس لطيفه وقلبها يعورها تبي تروح وتطمن .. ما قدرت تصبر اكثر .. راحت فوق لعند غرفه سلمان .. لطيفه: سلمان.. قوم سلمانووه سلمان غطى راسه بالبطانيه من النور الي فتحته لطيفه سلمان: يممممممه .. ابي انام لطيفه: قوم ياولد .. سلمان: يمه تكفين تونى نايم .. لطيفه: ايه انت تسهر ولا داري بالي يصير حولك سلمان بصوت فيه النوم : مابي ادري... تكفين قفلي النور يمه لطيفه: سلمانووووه .. قوم الحق ابوك واخوك للمستشفى نقز سلمان من مكانه ورمى الغطى على الارض سلمان: مستشفىىىىىى لطيفه: ايه .. عمك سالم الله يرحمه انشالله سلمان: مات!!!... يووه شلون لطيفه: مسوي حادث.. قام سلمان من فراشه .. وراح للحمام لطيفه: على وين؟؟ سلمان: بروح لهم بالمستشفى لطيفه: صبر انا مقومتك عشان تاخذنى معك سلمان: ليه تروحين مالك داعي يمه لطيفه: الا لى .. ماقدر اجلس هنا واتفرج.. ابي اطمن بعد على بنتهم سلمان : بنتهم؟؟؟ عمي ماكان لوحده لطيفه: لا بناتهم معه ووحده حالتها خطيره... خاف سلمان جد .. ليكون رهف .. لا مستحيل .. سلمان: أي وحده ؟؟؟ لطيفه: وانا ايش عرفنى ... يالله خل نروح سلمان: طيب طيب.. باي مستشفى لطيفه: مادري والله نسيت سلمان: يووه يمه .. لطيفه: الحين ادق على سارا .. الا هالبنت ليه ماقالت لى شي.. سلمان: مو وقته يمه .. دقي اساليها باي مستشفى .. دقت لطيفه على بنتها .. كانت سارا نايمه على الكرسي بغرفه رهف .. سمعت جوالها يدق .. اخذته وردت على بالها عبدالعزيز سارا: ها بشر عزيز؟؟ لطيفه: هلا سارا .. وانتى ما كانك بنتى ما تدقين وتقولين لنا ايش صاير انتبهت سارا : هلا يمه .. ايش اقول هي بشاره لطيفه: لا تتطنزين .. باي مستشفى هم ... سارا: بالتعليمي ..ليه بتروحون لطيفه: ايه .. بنروح سارا: طيب يمه.. لطيفه: تبين ناخذك معنا سارا: لا انا بجلس الحين مع رهف ...مايصير اتركها لوحدها بالبيت .. لطيفه: الله يكون بالعون .. يالله فمان الله سارا: مع السلامه وسكرت التليفون لطيفه: يالله سلمان.. هم بالمستشفى التعليمي سلمان: يمه والله ماله داعي تروحين لطيفه: انتوا الواحد جالس يشحت منكم .. بروح بكيفك هو سلمان: عبدالله يدري؟؟ لطيفه: ما حبيت اقومه الحين سلمان: لازم تقومينه عشان يروح معنا لطيفه: خلاص بروح له الحين وانت اجهز .. وطلعت لطيفه وتركت سلمان بحيرته وخوفه على حبيبة قلبه ... ............................ راح يصلون على سالم بعد صلاة الظهر ويدفنونه ... وبعدها بيقوم العزا .. اصر صالح يكون عز الرجال في بيته ..... والحريم في بيت سالم ... رجعت فوزيه للبيت مع نوره .. الي اول ما عرفت الخبر طارت للمستشفى ... الكل بالبيت يصيح وحالته تقطع القلب .. خيم على البيت جو الحزن .. في المقبره بعد ما صلوا على الميت .. نزل عبدالعزيز وعمر ابوهم للقبر ... وتغطى بالتراب .. وقف صالح يتامل صديقه ورفيق عمره وهو يتوارى عن انظاره .. في قلبه حرقه .. حرقه الفقد والحرمان .. سالم مو أي شخص بالنسبه لصالح ... بكى صالح لفقده الصديق والاخ والشريك والنسيب ... بكى من كل قلبه .. تناسى الشيب الغازي لشعره.. نسى وقاره وقوته .. ما اهتم .. جلس عند القبر مثل الطفل يبكي سالم ... عياله ماقدروا يشوفون منظر ابوهم كذا .. قام محمد مسك ابوه وقومه من على الارض.. محمد: تعوذ من بليس يبه ... عمر الي من اول ما شاف عمه يصيح .. ماقدر يصبر ... قام صالح وهو يحاول يمسح دموعه .. شاف عمر واقف ورى محمد .. عمر: خلاص عمي.. الوالد الحين مرتاح بقبره صالح بصوت فيه الصياح: الله يرحمك ياسالم ترحم الكل على سالم ... وهو يلقون النظره الاخير عليه ... ............................... ابراهيم قال لاخته عن كل شي .. عن الحادث والي صار .. وطلب منها تروح للعزى عشان تعزيهم .. وهو راح لعند عزى الرجال .. عرفه عمر وسلم عليه وشكره في نفس الوقت ... مرت ايام العزا الثلاثه .. الكل حضر الا شخص واحد .. عايشه بعالم ثاني .. ولاهي داريه بالي حولها .. تصارع بعالمها ..تحاول تطلع منه وترجع للواقع .. بالاول صارعت الموت .. والحين تصارع هالعالم المجهول .. العالم الاسود المؤلم ... وبكل قوتها الباقيه عندها .. بس مافي فايده .. لازال السواد مخيم عليها .. مع انها احيانا تحس باحد حولها .. تسمع اصواتهم وكلامهم .. وتحاول .. وتحاول تتكلم معهم .. او تتحرك .. تعلمهم انها حاسه فيهم ... تحاول تركز تسمع ايش يقولون ... بعدين ترجع تغرق من جديد بالظلام .... وترجع مره ثانيه... هالمره ميزت صوت سارا .. وهي تكلم احد ... الي رد عليها .. حاولت تحرك ايدها باقصى قوتها .. فجاه سكت الصوت الي يرد على سارا شهد: سارا شوفي؟؟ اصبعها تحرك تو نوره طالعه من عندهم وبقت شهد وسارا .. ما كانوا يتروكون منيره الي كانت بغيبوبه من طلعت من العمليه من اسبوع .. فما كانوا يتركونها لحظه على امل انها تقوم .. ما يبونها تفتح عيونها ولا تشوف احد .. كانوا يتنابون عليها .. الا فوزيه طبعا الي كانت بحداد وما يصير تجي .. زارتها مرتين بس.. يوم تجلس معها رهف ومره سارا ومره نوره ... واحيانا عمر وعبدالعزيز .. الكل كان ملتف حولها ... سارا: انتى متاكده شهد: ايه والله شفتها .. ها شوفى ومعها حق .. شافت سارا ايد منيره ترتعش بعدين رجعت سكنت .. خلاص رجعت مره ثانيه للسواد والظلام المؤلم سارا: بروح انادي الممرضه .. انتى انتبهي عليها يمكن تقوم وقامت سارا بسرعه ونادت الممرضه الي جاو واخذوا منيره لغرفه الكشف .. عشان يكشفون عليها من اول وجديد.... دقت سارا على عبدالعزيز وقالت له .. وقا لها انه الحين جاي... شهد: اوكي سارا انا رايحه الحين سارا: خلك معي ؟؟ شهد: لا الحين زوجك بيجي ...الا تعالى متى بتجين للجامعه سارا: اتوقع هذا الاسبوع بجي شهد: ومنيره سارا: مادري والله .. عبدالعزيز وقف قيدها هذا الفصل.. وانشالله اذا تحسنت راح ترجع تداوم .. شهد: انشالله .. يالله حبيبتى مع السلامه سارا: مع السلامه بعد فتره قليله من خروج شهد جا عبدالعزيز ... وجلس مع سارا ينتظرون منيره .. رجعوا منيره للغرفه .. وراح عبدالعزيز للطبيب ... عبدالعزيز: السلام عليكم دكتور الدكتور: وعلكيم السلام .. اهلا عبدالعزيز شخبارك عبدالعزيز: الحمد لله .. بشر دكتور الدكتور: والله مادري ايش اقول لك عبدالعزيز: ايش؟ الدكتور: عندي لك خبرين .. واحد منهم زين والثاني لا عبدالعزيز: قول لا تخوفنى الدكتور: اختك خلاص اجتازه مره الخطر .. وانشالله االيوم بتقوم من الغيبوبه .. كل الدلائل تدل انها خلاص بترجع لكم عبدالعزيز: الحمد لله .. انبسط كثير من هالخبر.. معنى كذا انها خلاص بترجع معهم للبيت .. وراح تستقر امورهم ويطمئن قلب امهم.. تذكر عبدالعزيز الخبر الثاني عبدالعزيز: والثاني ؟؟؟ الدكتور بارتباك: مو متاكدين الى الحين عبدالعزيز: ايش دكتور طمنى؟؟ الدكتور: واضح انها كانت مصابه بعامودها الفقري... وهالشي ما انتبهنا له اول ما جاتنا .. حطينا كل طاقتنا للنزيف .. وبعده الغيبوبه .. عبدالعزيز: والمعنى؟؟ الدكتور: العمود الفقرى مع كثره التنقل .. ولانه مصاب تضرر... راح تقوم اختك من الغيبوبه .. بس على كرسى عبدالعزيز: شلوووووووون .. الدكتور: قلت لك مو متاكدين بنسوي لها فحوصات اكثر .. عشان نتطمن عبدالعزيزصرخ : تو الناس تسوون هالفحوصات ... اليوم ابي انقل اختى من المستشفى الدكتور: مو زين تنقلها الحين عبدالعزيز بعصبيه: مالك دخل فاهم .. لو لا اهمالكم ما صار هالشي.. لا وتقول ببساطه الحين راح نجري لها باقي الفحوصات .. بعد ايش ..هاه عبدالعزيز ما اكان بوعيه .. منقهر من قلب فمو مثمن الكلام الي جالس يقوله .. شلون مستحيل .. اخته منيره ما تمشي ... وعشان ايش اهمال طبي .. لا ما يصير كل هذا يصير معها ... توها صغيره .. ووراها مستقبل .. حرام من جد حرام طلع من مكتب الطبيب وهو معصب على الاخر .. دخل وشاف اخته لازالت غارقه بعالمها ... وسارا جالسه جنبها وحاطه ايدها على جبهتها وتقرى قران .. اول ما حست سارا بدخول عبدالعزيز انهيت الايه الي تقولها وراحت له ... سارا: هاه عبدالعزيز بشر عبدالعزيز كان مهموم للاخر : بتقوم .. بتقوم انشالله .. يالله سارا خل نرجع البيت واضح انك تعبانه من الصبح وانتى هنا سارا: لا خلنى معها شوي ...يمكن تقوم عبدالعزيز: ماراح تقوم الحين .. يالله تعالى .. الحين ادق على عمر يجي لها .. سارا: طيب نجلس هنا لين يجي عمر ... عبدالعزيز تنهد وجلس بعد ما دق على عمر .. جا لهم بعد نص ساعه .. وجلس مع اخته ..اخذ عبدالعزيز حرمته ورجعوا للبيت ... كان ينتظر الطبيب ايش يقول وهو خايف .. ما يقدر يكذب الاحساس الي داخله .. يقول له شي كبير صاير .. عبدالعزيز بلهفه: دكتور الي داخل هم اختى وابوي بشر قول ايش فيهم الدكتور: ابوك واضح عليه ان رجل كبير بالسن .. فالضربه الي جاته على صدره قويه .. هشمت ضلوعه وخترقت الرئه .. حاولنا نسعفه بس مع الاسف .. عبدالعزيز وهو يناظر الدكتور ببلاهه: يعنى؟؟ اكره لحظه عند الاطباء ابلاغ اهل المريض بفقد غاليهم : اطلب له المغفره اخوي حط ابراهيم ايده على كتف عبدالعزيز وبصوت هامس: الله يرحمه التفت عبدالعزيز لابراهيم بعدين الدكتور.. وقام ينقل نظراته لهم ولا كانه فاهم شي .. عبدالعزيز: اقدر اشوفه طيب.. الدكتور: ايه تفضل معى.. لحق عبدالعزيز الدكتور للغرفه .. مايعرف شلون قادته رجوله للمكان .. ايش راح يواجهه .. وكيف بيشوف ابوه ... دخل للغرفه .. شافه منسدح على السرير .. وابتسامه هاديه مرتسمه على شفايفه .. قرب منه .. ووقف وهو يناظره مو متجرا يلمسه .. كان وجهه فيه نور .. وواضح عليه انه مرتاح .. ارتاح من هموم الدنيا ومشاكلها .. جلس على الارض بركبه ... صدره على مستوى السرير.. شاف لطخه دم على خد ابوه ولحيته البيضا.. اخذ المنديل ومسحها ولا راحت .. رفع راسه وشاف الدكتور قدامه عبدالعزيز: ابي ماي .. ابي امسح الدم عن وجهه ابوي شافه الدكتور نظرة شفقه .. ما استغرب من حركه عبدالعزيز .. هو شاف تصرفات كثيره واغرب من هذا ... بعد ما يسمع الشخص خبر زي كذا...قام عبدالعزيز من مكانه .. كانه استوعب شي ... عبدالعزيز : ومنيره ؟؟؟؟؟؟؟؟؟؟؟؟ الدكتور فهم على طول هو قصده مين الدكتور: هي الحين بغرفه العمليات عبدالعزيز: حالتها خطيره؟؟ الدكتور: انا مو طبيبها وماعندي تقرير عنها .. انت لا تخاف اخوي انشالله ما يصير لها شي رجع عبدالعزيز التفت لابوه .. هالمره قدر يمد ايده ويمسك ايد ابوه .. عبدالعزيز: الله يرحمك يبه .. الدكتور: ممكن اخوي تجي معي الحين عشان تعطينا المعلومات التفت عبدالعزيز للدكتور وهز راسه ولحقه ... .................... عمر وهو يهز رهف من كتوفها: ممكن تشوفينى .. انتى ايش تقولين .. رههف ابد ما كانت معه .. عايشه باعالم اخر .. عالم يبعد عنه اميال .. لازالت عيونها مركزه على الجدار ولا كانها تشوف اخوها ... رهف كانت تشوف الحادث الحين.. صوره كلها بذهنها ..صوره ابوها وهو يحتضر.. ومنيره بدمائها .. والسياره بتهشمها .. كل هالصوره هي الي تشوفها رهف .. عمر: رهف حبيبتى ردي علي لا تشوفينى كذا ... نزلت دمعه من عيونها تركتها تنزل على ملابسها ... يوم شافها عمر .. اخذ اخته وضمها لصدره .. كانت جامده بين ذراعينه .. ولا حتى تحركت .. كانه يضم صنم مو انسان .. عمر: رهف ايش فيك .. كان خايف كثير .. ومو عارف يتصرف .. وده يروح يشوف ايش السالفه ومو قادر بنفس الوقت يترك اخته بهالحال .. تمنى عبدالعزيز يجي الحين .. المفروض يجي.. ليه تاخر .. الا اذا سمع خبر من الطبيب .. بهالحظه دخلت الممرضه ...اول ما شافها ترك اخته .. عمر: what's happen to her ؟؟؟ الممرضه: ohh nothing ..don't worry .. I'll give her medicine ..and she will be alright عمر : okay.. وطلع من غير ما ينتظر الممرضه .. شاف ابراهيم قدامه جالس على الكرسي ... ومافي اثر لعبدالعزيز.. اول ما شافه ابراهيم نزل راسه .. ما وده هو الي يوصل له الخبر عمر : اخوي .. وينه الي كان معي ؟؟ ابراهيم: توه رايح مع الطبيب عمر: طيب ايش قال .. بشر ؟ ابراهيم: مادري ما كنت جنبهم عمر: مشكور اخوي تعبناك معنا ابراهيم : ما سوينا شي ... جلس عمر جنب ابراهيم وهو يهز رجوله بتوتر .. ينتظر اخوه او احد يطلعه عشان يعرف ايش صاير ... شاف عبدالعزيز مقبل من بعيد .. قام على طوله وراح لعند اخوه... عمر: هاه عبدالعزيز .. شفت الطبيب قال لك شي وجه عبدالعزيز متغير .. ومن غير ما ينتظر عمر االجواب عرف كل شي من ملامح اخوه .. مافي احد يفهم عزيز بالدنيا مثله.... عمر: اذا الي في بالي لا تقولها ..مابيها تكون حقيقيه.. عبدالعزيز بصوت متهدج: عمر... عمر: لا عبدالعزيز قلت لك لا تقول ما تفهم .. مابي اسمع شي خلاص ورجع جلس على الكرسي ... وعبدالعزيز واقف يشوف اخوه .. عمر : مابي .. مو حقيقي هالشي.. ماراح ينعاد لي مره ثانيه .. مابي افقد احد..خلاص ماقدر اتحمل .. كافي مره وحده ... عبدالعزيز تقطع قلبه على اخوه .. هو يعرفه ما يقدر على هالمواقف .. صح انه رجال وقوي ويعتمد عليه .. بس بهالسوالف يصير ضعيف.. قلبه رقيق ما يتحمل ... عبدالعزيز: عمر بدل ما تقول هالكلام ادعي له بالمغفره ودخول الجنه عمر بعصبيه: انت ما تفهم .. انا ايش قلت لك ... ممكن تسكت.. مابي اسمع .. ياخي حس فينى .. انا مو ناقصك انت بعد ... مو ناقصك كان يتكلم بصوت عالى وهو منفعل مره ... لدرجه اخرست كل الي حولهم وخلتهم يتلفتون يشوفون ايش صاير.. ابراهيم الي انسحب بعيد ماحب يجلس قريب جنبهم ويحرجهم ...هو خلاص سوى الي عليه ووجوده بالمستشفى ماله داعي الحين.... دق جوال عمر بهالحظه .. مخترق السكون .. تركه عمر يدق ولا هو معبره .. اخذ عبدالعزيز الجوال من اخوه وشاف المتصل .. كان مكتوب الاهل .. عرف ان امه هي الي داقه .. عبدالعزيز يشوف اخوه بحيره: ايش اقول لهم عمر: لا ترد عبدالعزيز: كذا بيخافون زياده عمر: يخافون احسن من انهم يعرفون عرف عبدالعزيز ان اخوه موطبيعي اليوم .. ولا هو عارف ايش يقول..رد على الجوال .. فوزيه: الووو.. عمر؟؟ عبدالعزيز: هلا يمه انا عبدالعزيز فوزيه: وينكم فيه .. عبدالعزيز: طالعين يمه بعد وين بنكون فوزيه: طيب ليه اخوك ما رد عبدالعزيز: الجوال جنبي ورديت .. ايش تبين يمه فوزيه: مادري ابوك وخواتك طالعين من بعد المغرب والى الحين ما جاو .. عبدالعزيز تغير صوته: يمكن رايحين مكان معين فوزيه: طيب ليه ما يرودن.. دقيت عليهم ولا يردون .. عزيز انا خايفه يمكن صاير لهم شي عبدالعزيز ندم لانه رد .. لو سامع كلام اخوه احسن: مين معك بالبيت يمه فوزيه بحيره: انا وحرمتك .. ليه؟؟ عبدالعزيز: ولا شي..لا تحاتين انا بشوف وبرد لك خبر فوزيه: تشوف مين .. انت تعرف وينهم عبدالعزيز: ايه اعرف .. يمه ماقدر اطول .. فوزيه خافت : عزيز صاير شي.. لا تخبي علي وانا امك عبدالعزيز: يمه لا تخافين .. بدق عليك بعد شوي .. فوزيه: لحظه عبدالعزيز: بعد شوي داق مع السلامه وسكر عشان امه ما تحن فوق راسه ...حطت فوزيه السماعه فوزيه بحيره: أيش السالفه؟؟ سارا: ايش قال لك؟ فوزيه: مادري.. انا قلبي مو متطمن سارا تحاول تهدي روع ام زوجها: لا تحاتين يمه .. تلاقينهم بمطعم والا شي فوزيه: لا مااظن .. والا كان قال لى عبدالعزيز.. سارا: صدقينى مافي شي.. لا تحاتين فوزيه: انشالله مايكون فيه شي ................ نرجع لعمر وعبدالعزيز الي كانوا على وضعهم .. سكر عبدالعزيز الجوال وحطه بجيبه.. توه رايح لعند غرفة اخته .. الا يمسكه عمر من ثوبه.. التفت له عبدالعزيز عمر بخوف: وين رايح؟؟ عبدالعزيز: بشوف رهف بعيدن بروح عن الدكتور عمر: طيب لا تتاخر عبدالعزيز شاف اخوه الي علامات الخوف مرتسمه بوجهه .. دخل للغرفه الي فيها رهف كانت الممرضه تعطيها ابره ..قرب عبدالعزيز من اخته .. الي كانت على حالها مثل ما تركها عمر .. عبدالعزيز يكلم الممرضه: how is she ?? الممرضه: she's good … you can take her to home nowا عبدالعزيز جلس جنب رهف: شخبارك حبيبتى الحين ماردت عليه .. لف اذراعه حول كتفها .. وقومها من السرير عبدالعزيز: تعالى حبيتى .. خل نطلع والتفت للممرضه عبدالعزيز: where's her abaya? اعطته الممرضه العباه .. مع انها وسخه ووفيها شقوق .. الا ان عبدالعزيز لبسها اخته وحط الشيله على راسها .. حجبها زين .. وطلع معها وهو حاط ايده على كتفها .. شاف عمر لازال بمكانه ..جالس وعيونه على الارض.. قرب منه عبدالعزيز.. عبدالعزيز: عمر رفع عمر راسه..وقام اول ماشاف رهف عمر: رهف.. شخبارك الحين ماكانت تشوفه رهف .. لازالت عيونها هايمه ومو مركزه ... عبدالعزيز: برجعها للبيت الحين .. وبرجع مو متاخر عمر: ليه تروح .. اجلس عبدالعزيز : ماتشوف رهف ايش حالتها.. بروح عشان امي بعد عمر: بتقول لها ؟؟ عبدالعزيز هز راسه .. عبدالعزيز: انت اجلس هنا وانتظر وانا جاي عمر: انتبه على امي.. عبدالعزيز : لا توصى بعد عن اخوه الي رجع جلس وتوه طالع من الباب الا توقف رهف بمكانها .. عبدالعزيز: رهف يالله حياتى ظلت رهف واقفه ومو راده بنفس الوقت .. حاول عبدالعزيز يحركها بس لازالت جامده عبدالعزيز: يالله رهف رهف بهمس: ابوي .. منيره حس عبدالعزيز بقلبه بتقطع .. هو من اول ما سمع الخبر وهو متماسك مايبي يضعف.. اهله محتاجين له لازم يصير قوي عشان يسندون عليه .. يعرف ان عمر مو قادريواجهه هالوضع .. واذا هو بعد ماقدر مين يبقى لاهله عبدالعزيز: بنرجع نشوفهم.. لازالت رهف على عنادها ومو راضيه تتزحزح عبدالعزيز: رهف.. امي تحتاج لك ... لاول مره من كلمها عبدالعزيز تشوفه .. عيونها بعيون اخوها .. رهف: امي؟؟؟ عبدالعزيز: ايه امي .. تنتظرك بالبيت ..هي تحتاج لك الحين كلماته خلتها تتحرك معه .. طبعا بعد مارجعت لها نفس النظره .. مشت مع اخوها للسياره .. وركبوا.. طول الطريق السكون هو الي كان سايد على المكان .. ورهف منزله راسها .. تشوف حضنها... عبدالعزيز كل دقيقه يلف لاخته ويشوفها .. الطريق مر عليهم طويل.. ولا كانه بينتهي .. ........................ خلاص منيره وابوي راحوا .. وقبلهم فاطمه .. الحين من بقى لى بهالدنيا .. الاب والزوجه والاخت .. كلهم فقدتهم .. يالله ايش قد قاسيه الدنيا علينا .. استغفر الله العظيم انا ايش قاعد اقول الحين .. اصلا ايش قاعد اسوي بمكانى .. المفروض اتحرك اسوي شي.. مو اجلس جامد كذا.. قام من مكانه .. لحظه وين قال لى ابوي واختى فيه .. باي غرفه .. الابواب كثيره قباله .. ماعرف يفتح اي واحد فيهم .. لازم يشوفهم الحين ايش ينتظر .. مرت ممرضه بجنبه .. عمر: excuse me sis الممرضه: yes mister عمر: I wanna see my family ..i don’t know where they are الممرضه: your family??? عمر: ya they had accident .and came here . الممرضه: aha.. you mean the old man and 2 girls عمر: ya that is my father and sisters .. can I see them الممرضه : I'm sorry ..you can't see your sis .. she is in the operation room right now عمر استغرب هو فاهم من رهف ان منيره ما نجت من الحادث عمر: is she a life?? الممرضه: I hope so ..but your father وشافته بنظره حزن وشفقه .. الامل دب في نفس عمر من ناحيه ابوه .. بس هالممرضه ما تركت له فرصه يتمتع فيه .... كملت الممرضه: I'm so sorry عمربغصه: where is he?? ألممرضه: come with me واخذته لغرفة ابوه .. دخل الغرفه وراها وهو مهيئ نفسه عشان يشوف ابوه .. ماكان حاس بنفسه .. في داخله راحه من ناحيه منيره وحزن كبيييييير لابوه .. اول ما شاف وجهه ابوه السمح .. ماقدر يمسك روحه .. التفت على الممرضه عمر: I wanna be alone with him please ابتسمت له الممرضه ... سكرت الباب وراها وهي طالعه ... وقف فتره مكانه .. وهو يحاول يتماسك .. جلس على طرف السرير بتردد .. لمست ايده بالغلط ايد ابوه .. حس ببرودتها .. انقبض قلبه .. الموقف اكبر منه .. ماقدر يصبر اكثر .. ونزلت دمعه .. تبعها شلال من الدموع ... ........................ وقف السياره قدام البيت .. ظل جالس مو متجرا ينزل ... شلون اواجهها .. شلون اوجهه امي واقول لها ... التفت لرهف .. شافها على وضعها وسرحانها ... ياربي ايش اسوي ... فتح الباب وراح لجهت رهف .. فتح لها بابها ومسكها .. ولا تحركت عبدالعزيز: رهف ؟؟ التفت رهف لجهته .. بس ماكانت تشوفه .. نظرها تعداه اميال ... شدها من ايدها عبدالعزيز: يالله حبيبتى وصلنا للبيت ... ومثل الانسان الالى .. نزلت وعبدالعزيز ماسكها .. قاعد يمشيها .. دخل البيت .. وهي لازلت تحت ذراعه .. فوزيه كانت جالسه على اعصابها .. تنتظر عبدالعزيز يدق ويطمنها ... اول ما سمعت صوت الباب يفتح .. طارت عند الباب .. شافت رهف .. ما انتبهت لحالتها .. رجوع بنتها هدى من اعصابها شوي .. الحمد لله وصلوا بالسلامه فوزيه: واخيرا جيتوا عقدت حواجبها يوم شافت كيف عبدالعزيز ماسكها .. والجرح الي بجبهتها .. غير ايدها المضموعه لصدرها ... طاحت عين عبدالعزيز بعين امه وعلى طول شالها .. ما يبيها تدري ايش الي داخله .. مايبيها تعرف .. بس شلون مصيرها بتعرف... فوزيه بخوف: ايش صاير .. وين الباقي؟؟؟؟؟؟ اكتفى عبدالعزيز بالصمت .. قربت منهم فوزيه .. فوزيه: ايش فيكم ... ما تتلكمون كذا تخوفونى ؟؟ عبدالعزيز رهف؟؟ قالت اسماءهم بصراخ .. انتشل رهف من سرحانها ... وانتقلت العيون الهايمه في الغرفه .. استقرت اخيرا على امها ... اول ما شافت نظره امها الخايفه ... تملصت من تحت ذراع اخوها .. وطارت لحضن امها .. ضمتها بقوه وهي تصيح بصوت عالى يقطع القلب ... مع ان فوزيه مابعد تفهم السالفه .. بادلت بنتها الصياح .. وزادت من ضمها لصدرها ... اثنين كانوا يشوفون المشهد هذا وهم مو متحركين بمكانهم .. واحد يتمنى تنشق الارض وتبلعه .. والثاني عايش حيره ومو عارف كيف يتصرف... فوزيه: يمه رهف .. ايش فيكم .. عبدالعزيز قول ايش صاير؟؟ قرب عبدالعزيز من عند اخته ... وسحبها من حضن امه .. عبدالعزيز: خلاص حبيبتى رهف ... خلاص.. انتقلت رهف لحضن اخوها وهي تكمل صياح .. خلاص قامت من الحاله الي كانت فيها ....قلب عبدالعزيز قاعد يتقطع .. حاس بعيونه تحترق .. تبي تنزل الدموع وهو متماسك ما يبي يضعف .. كافي الخوف الي عايشته امه .. مع ان تصرفه خوفها زياده بس ما يقدر ينطق .. مايقدر .. رفع راسه وشاف امه قاعده تناظره والف سؤال بعيونها .. الي كانت مليانه دموع .. الله يمه وفرى دموعك للخبر .. مو الحين ... عند الباب واقفه سارا تراقب الموقف .. ولا هي مقربه او مبعده .. جامده بمكانها .. والم قوي ضاغط على صدرها .. الخوف شالها .. وجالسه تترقب كلمات عبدالعزيز او رهف الي تعلمهم ايش صاير عبدالعزيز: يمه رهف تحتاج ترتاح ...باخذها لغرفتها ... مسكته فوزيه من ذراعه قبل لا يتحرك فوزيه: مابتروح مكان الا بعد ما تقول لى ايش صاير ... اول مره تتدخل سارا .. قربت منهم مسكت رهف الي لازالت بحضن اخوها تصيح سارا: انا باخذها يمه التفت عليها عبدالعزيز ... من متى هي هنا .. ابتسمت له بتردد .. واخذت رهف منه ... وصعدت معها فوق لغرفتها ... فوزيه: والحين ممكن اعرف ايش السالفه .. وين ابوك وعمر ومنيره عبدالعزيز: بالاول خل نروح نجلس بالصاله فوزيه بدت تعصب .. وبكل تصميم: مو متحركه وابيك تقول لى ماقدر عبدالعزيز ينطقها: مافيهم شي يمه لا تخافين ... فوزيه: وليه ما جاو معك .. وليه يد رهف مجبره عبدالعزيز: يمه بقول لك ولا تخافين .. صاير لهم حادث ما امداه ينهي جملته .. الا تتهالك فوزيه على الارض.. مسكها قبل لا تطيح .. عبدالعزيز: يممممه وصرخ باعلى صوته : مااااريااااااا.... جيبي مااااي بعد ما سدحت سارا رهف بفراشها .. غرقت بالنوم على طول وهي تهمهم بابوها واختها .. احساس الخوف كان متملك سارا من راسها لرجولها .. ماقدرت تسال رهف شي نظرا لحالتها ....سكرت الباب والنور .. ونزلت تحت .. وهي بالدرج سمعت صرخه عبدالعزيز .. كملت طريقها جري عشان توصل لهم ... شافت عبدالعزيز جالس على الكنب وامه بجنبه وهو ماسك كاس يشرب امه من الماي .. وماريا واقفه تشوفهم بتبلد... لا شكل السالفه مو بسيطه .. الله يستر بس... اول ما تمالت فوزيه نفسها طلع الصوت بكل صعوبه من بين شفايفها فوزيه: ابووك؟؟ مثل الطعنه بصدره .. هذا امي حالها اول ما سمعت الحادث .. شلون اقول لها انه فقدت الانسان الوحيد الي قضت معه 35 سنه .. كل يوم تصبح وتمسى عليه .. شلون يقول لها انها خلاص ماراح تشوفها .. راح تنحرم من وجوده بجانبها وبجنبهم عبدالعزيز: مرتاح يمه.. فوزيه: ليه ما جا معكم عبدالعزيز بغصه: لازم يجلس هناك .. فوزيه وهي تحاول تقوم : ابي اروح اشوفه عبدالعزيز مايقدر يحرم امه من هالشي .. ولا يقدر يقول لها لا عبدالعزيز: انشالله .. الحين اخذك له فوزيه: ومنيره .. وعمر عبدالعزيز: عمر مافيه شي .. جلس معهم بالمستشفى فوزيه : ماريا جيبي عباتى الحين ... تنهد عبدالعزيز .. بهاللحظه اكتشف انه جبان .. ما يقدر يواجهه امه بالموقف.. فضل انها تعرف لوحدها او من شخص ثاني ... شاف سارا واقفه قدامه ... وعيونها نفس الشي غرقانه دموع .. سارا ماكانت تفكر بشي الا بالحلم ... شكل عبدالعزيز قدامها الحين مثل شكله بالحلم ... والنظره الي ماقدرت تفسرها هي نفسها الحين ... لا ياربي ليكون صاير شي كبير مره ومو مجرد حادث بسيط ...طاحت عينها بعين عبدالعزيز .. ظلوا يشوفون بعض فتره مادري كم ... لين جات ماريا وقطعت عليهم ..قامت فوزيه تلبس عباتها ... وقام معها عبدالعزيز ... سارا: بجي معكم .. عبدالعزيز: لا انتى اجلسى هنا مع رهف ماقدرت تقول لا .. يمكن عبدالعزيز يشوف ان مالها دخل مره بالموضوع .. كانت متضايقه منه كثير.. ليه هو ناسي مين بالمستشفى .. هو مايعرف شلون العم سالم بالنسبه لها .. والا منيره ... ليكون صاير فيك شي.. لاحظ عبدالعزيز تقلب وجهه سارا ... فما حب يزيدها .. راح لها .. عبدالعزيز: كان ودي تروحين .. بس رهف لازم احد يجلس معها .. كان يكلمها بكل حنيه ورقه .. صوته خل سارا تهز راسها بخضوع .. ولا تعترض باي كلمه فوزيه: يالله عبدالعزيز انا جاهزه ... التفت عبدالعزيز لامه : انشالله يمه .. تقدمت فوزيه بتطلع ... وعبدالعزيز وراها .. سارا: عزيز؟ التفت عليها ... سارا بهمس: انا خايفه ونزلت راسها على طول...عقد عبدالعزيز حواجبه ورجع لها .. مسك ذقنها و رفعه.. عبدالعزيز: خايفه من ايش؟؟ طلعت كلمه وحده من بين شفايفها هزت عبدالعزيز هز سارا: الموت اخذ راسها ودفنه بصدره .. عبدالعزيزبصوت يقطع القلب: الموت حق سارا .. المفروض ما تخافين منه ... سارا : يعنى صح .. احد مات رفع راسها من صدره ... عبدالعزيز: خذي بالك من رهف .. تراها امانه عندك .. يالله تاخرت على امي سارا: ليه ما تقول لى.. لا تعيشنى برعب..احد مات ؟؟ هز عبدالعزيز راسه وبهمس: ابوي... سارا والدموع بدت تنزل على خدودها: عمي سالم.. سكر عبدالعزيز عيونه بقوه ... مايبيها تنزل .. لا مستحيل تنزل الدمعه الحين .. سارا وهي تحاول تتماسك :اقدر اشوفه طيب؟ عبدالعزيز بتعب: بعدين ..بعدين سارا مد ايده ومسح دموع سارا .. عبدالعزيز: ادعي له بالمغفره .. ولا تصيحين .. ابيك قويه عشان اهلى سارا ..ابي اعتمد عليك حاولت تتماسك وتبلع غصه صياح جاتها .. هزت راسها وابتسم له ابتسامه مرتجفه سارا: روح امي محتاجتك .. وانا بجلس هنا مع رهف.. لا تحاتيها ضغط على ايدها بقوه كانه يشكرها .. وطلع من البيت ... سحبت سارا نفسها سحب .. وراحت لغرفه رهف .. جلست على كرسي بجنب السرير.. وهي تشوف رهف وتبكي بنفس الوقت ظل عمر بمكانه بجنب ابوه طول الفتره الي عبدالعزيز كان فيها بالبيت ... اول ما دخل عبدالعزيز المستشفى مع امه .. كانت فوزيه مساكه ايده بقوه .. وهي خايفه ... توقع عبدالعزيز يشوف عمر جالس برى .. يوم ماشاف له اثر عرف انه عند ابوه ... اخذ امه للغرفه المسكره ... وقف عند الباب ومو متجرا يفتحه ... فوزيه: عبدالعزيز التفت يشوف امه فوزيه: ابوك راح صح؟؟؟؟؟؟ نزل راسه .. وفتح الباب لها ... قام عمر من على السرير .. واثر الصياح لازال واضح عليه .. عيونه حمر ومتنفخه عمر: يمه وراح لها على طول .. ازاحته فوزيه بذراعها وكملت طريقها لعند زوجها وحبيبها ورفيق عمرها ...انزل الله السكينه بقلب ام عمر ... كانت متماسكه لدرجه ابد ما توقعها عيالها ... جلست على السرير مكان ما كان عمر جالس .. اخذت راس سالم وحطته بحظنها ... حطت ايدها على راسه .. وقامت تقرى قران ... والدموع تهل على خدودها هل ...عيالها واقفين يشوفونها وهم جامدين بمكانهم ... ماقدر عبدالعزيز يمسك دمعه من انها تنزل على خده .. اما عمر ماصبر اكثر وطلع من الغرفه ....وبعد فتره لحقه عبدالعزيز عشان يتركون امهم لحالها مع ابوهم للمره الاخيره... ................ الغرفه لازالت غارقه بالظلام ... وهى جالسه بالكرسي وتهز ... انفتح الباب ودخل النور الوحيد منه ... طل راس صغير ..عرفته على طول... سارا بصوت واطي: مي ؟؟ فتحت الباب على الاخر ووقفت .. سارا: تعالى مي هنا مي : عمتى رهف تعبانه قامت سارا من مكانها وهي تحاول تمسح اثار الدموع .. وراحت لعند مي ... سارا: ايه تعبانه .. ايش تسوين انتى الحين ليه ما نمتى مي وهي تتثاوب: انا ما انام الا اذا بابا جا.. سارا: الحين يجي بابا ... مي: وين جده والباقي .. ماريا تقول انهم راحوا كلهم .. سارا تحاول تطمن مي: بيرجعون الحين ... انت مره شفتى سريري... هزت مي راسها سارا: شوفي انا عندي قصص حلوه .. ايش رايك نروح لغرفتى واقراها لك ... مي: تعرفين قصه الدجاجه والذيب سارا: اكيد ...هاه تجين .. مي ابتسمت: ايييييييه... اخذتها سارا لغرفتها بعد ما تاكدت ان رهف نايمه وغرقانه بالنوم ... انبطت مي جنبها الي واضح عليها انها تعبانه وهلكانه تبي تنام .. ظلت سارا تقص عليها .. وانتهت القصه وبدت قصه ثانيه والبنت فاتحه عيونها على الاخر ... سارا بحيره: ماجاك النوم مي؟ مي: الا .. بس مابي انام ابي بابا يجي.. ابتسمت لها سارا ومررت ايدها بخصلات شعر مي الناعم: ربي لا يحرمك من بابا مي: ابي الحين قصه مريم ام الدل والدلال ضحكت سارا عليها : الله ايش هالغبار .. من وين تعرفينها ؟هذي من ايام ام جدتى مي: جدتى فوزيه تقولها لى .. سارا: طيب الحين اقصها لك وفي نص القصه استغرقت مي بالنوم اخيرا .. غطتها سارا زين وقامت من عندها .. كان ودها تدق على عبدالعزيز الحين وتعرف ايش صار معهم .. المشكله انه الى الحين ماعنده جوال .. كانت تحس انها لازالت بحلم .. وان عمها سالم ما مات .. منيره .. ماعرف ايش صاير فيها ... راحت لعند رهف .. ورجعت على الكرسي الي تركته من ساعه... ................... كانت فوزيه عند سالم .. اما عمر وعبدالعزيز جالسين برى .. وكل واحد فيهم بعالم .. طلع احد الاطباء من احد الغرفه .. قام عبدالعزيز ولحقه على طول ... عبدالعزيز: دكتور .. اختى داخل عندكم الطبيب: البنت .. توهم ناقلينها لغرفه الانعاش عبدالعزيز حس براحه عظيمه: وكيفها الحين الطبيب: ماقدر اقول لك شي... لازالت تحت الملاحظه .. مانقدر نحكم على حالتها الا بعد اربع وعشرين ساعه جا عمر باخر جمله قالها الطبيب ... عمر: ايش فيها بالضبط الطبيب: اصابتها براسها .. ادت لزيف داخلى .. الحمد لله سيطرنا عليه .. بس مثل ماقلت مانقدر نحكم الحين عبدالعزيز: حالتها خطيره الطبيب: ماقدر اكذب عليكم واقول لا... عبدالعزيز: نقدر نشوفها طيب الطبيب: لا طبعا .. ممنوع احد يدخل عليها الحين ..تقدرن تشوفونها من قزاز الباب عمر: المهم نشوفها الطبيب: براحتكم.. وسكت بطريقه غريبه عبدالعزيز: فيها شي ثاني ماقلته دكتور الطبيب: ماابيكم تتفاجئون راح يكون وجهها مضمد بالشاش عبدالعزيز: ليه؟؟ الطبيب: القزاز تكسر على وجهها.. وجرحه جروح بالغه عمر:قصدك تشوهت الطبيب: الجروح بتترك اثر.. بس انشالله مع عمليات التجميل راح تخف كثير عبدالعزيز بياس: بس بيبقى اثرها الطبيب: انتوا لا تستعجلون ..المهم تقوم لنا وتتحسن عمر: امين.. باي غرفه هي؟؟ الطبيب : مو الحين.. توهم ناقلينا .. بعد ساعه برسل لكم ممرضه تاخذكم لها ومثل ما قلت..ماابيكم تدخلون عمر: انشالله دكتور.. ................................. مرت الليله بتوتر على سارا .. انتبهت رهف كثير وقامت تبكي.. غير صراخها الي كان يخوف سارا ولا تعرف كيف تتصرف.. دق عبدالعزيز على البيت يتطمن ويقول لها انهم مايعرفون متى بيرجعون البيت .. حرصها على مي وقالت له انها نايمه.. عبدالعزيز: انتبهي عليهم. سارا: لا تحاتى عزيز.. امي شخبارها الحين.. عبدالعزيز تنهد: صابره .. وجالسه تقرى وتدعى عند ابوي.. سارا : ومنيره؟؟؟؟؟؟ عبدالعزيز: منيره بخير.. انتى لا تفكرين فينا الحين .. ارتاحي ورانا ايام بنتعب فيها اكثر ساراا: انشالله ... عبدالعزيز: يالله ما اطول.. اذا صار شي دقي على جوال عمر سارا: طيب.. وسكرت منه .. اخذت تفكر بالوضع الي هم عليه الحين .. ايش بتكون حياتهم بعد رحيل عمها سالم ... ومنيره الى الحين ما شفتها اكيد الي فيها مو سهل .. والا كان رجعت مثل رهف .. ياربي ودي اكون معهم الحين .. اوقف بجنب عبدالعزيز واسانده بهالوقت الي هو محتاج لى ... ..................... دق الجرس مبكر ... توها الساعه 6 الصبح مين يجينا بهالوقت من يوم الخميس .. فتحت الخدامه الباب .. ودخل للبيت ... شاف ابوه نازل من فوق وعلامات القلق مرتسمه على وجهه .. وامه ورى ابوه.. صالح:محمد ؟؟ ايش عندك جاي الحين محمد: يبه .. يمه .. السلام عليكم لطيفه: وعليكم السلام .. ايش صاير .. هدى او احد من العيال فيهم شي محمد: لا يمه . .. يبه ابيك موضوع .. صالح وهو يشوف الساعه: والموضوع ما يتاجل؟؟ محمد: لا يبه ... وهو يتلفت: وين الباقي لطيفه: ماتشوف الساعه ياولدي الكل نايم صالح: ايش صاير ؟؟ محمد: والله مادري ايش اقول لكم ... عمي سالم يطلبكم الحلّ جلس صالح على اقرب كرسي قدامه .. وحط ايده على ركبه صالح: انت ايش تقول محمد: كلمنى عمر اليوم .. البارحه توفى لطيفه وهي تحط ايدها على صدرها: ياويلي ...ياعمري انتى يافوزيه .. ايش لون تتصرفين من غير سندك .. ياويلي صالح: اهجدى يا مره .. والتفت على ولده: وليه تونى ادري ؟؟ ليه ما دق على احد من العيال محمد: انت ادري بحالهم امس صالح: ليه انا أي احد .. وقام من مكانه ... صالح: ابي اشوفه الحين لطيفه: اهدى يابو محمد ... صالح: أي اهدا ... ماقالوا لك هو باي مستشفى محمد: بمستشفى الملك فهد التعليمي ... صالح: وايش ننتظر خل نروح محمد: مو بس كذا السالفه يبه .. وحده من بناته بعد في حالة خطره صالح :شلون؟؟؟ محمد: حادث ..له ولبناته .. امس بالليل .. لطيفه: انا لله وانا ايه لراجعون صالح: انا لابس ثوبي وجاي معك ... لطيفه: اجي معكم التفت عليها صالح وبكل عصبيه: باي صفه؟؟ لطيفه: يووه صالح .. حرمته صديقتى محمد: يمه مو وقته الحين انا انتظر بالسياره يبه.. بعد ما طلع محمد وصالح وراحوا للمستشفى ... جلس لطيفه وقلبها يعورها تبي تروح وتطمن .. ما قدرت تصبر اكثر .. راحت فوق لعند غرفه سلمان .. لطيفه: سلمان.. قوم سلمانووه سلمان غطى راسه بالبطانيه من النور الي فتحته لطيفه سلمان: يممممممه .. ابي انام لطيفه: قوم ياولد .. سلمان: يمه تكفين تونى نايم .. لطيفه: ايه انت تسهر ولا داري بالي يصير حولك سلمان بصوت فيه النوم : مابي ادري... تكفين قفلي النور يمه لطيفه: سلمانووووه .. قوم الحق ابوك واخوك للمستشفى نقز سلمان من مكانه ورمى الغطى على الارض سلمان: مستشفىىىىىى لطيفه: ايه .. عمك سالم الله يرحمه انشالله سلمان: مات!!!... يووه شلون لطيفه: مسوي حادث.. قام سلمان من فراشه .. وراح للحمام لطيفه: على وين؟؟ سلمان: بروح لهم بالمستشفى لطيفه: صبر انا مقومتك عشان تاخذنى معك سلمان: ليه تروحين مالك داعي يمه لطيفه: الا لى .. ماقدر اجلس هنا واتفرج.. ابي اطمن بعد على بنتهم سلمان : بنتهم؟؟؟ عمي ماكان لوحده لطيفه: لا بناتهم معه ووحده حالتها خطيره... خاف سلمان جد .. ليكون رهف .. لا مستحيل .. سلمان: أي وحده ؟؟؟ لطيفه: وانا ايش عرفنى ... يالله خل نروح سلمان: طيب طيب.. باي مستشفى لطيفه: مادري والله نسيت سلمان: يووه يمه .. لطيفه: الحين ادق على سارا .. الا هالبنت ليه ماقالت لى شي.. سلمان: مو وقته يمه .. دقي اساليها باي مستشفى .. دقت لطيفه على بنتها .. كانت سارا نايمه على الكرسي بغرفه رهف .. سمعت جوالها يدق .. اخذته وردت على بالها عبدالعزيز سارا: ها بشر عزيز؟؟ لطيفه: هلا سارا .. وانتى ما كانك بنتى ما تدقين وتقولين

من جيبه وعطاه منيره وبعيونه شكر لان اخته فهمت ايش كان يبي منها...اخذت المفتاح وابتسمت لسارا وطلعت ... وتو سارا حطت رجولها على الارض وقامت من على السرير .. الا يحط عبدالعزيز ايده على كتفها ويرجعها تجلس من جديد .. وجلس جنبها عبدالعزيز: لحظه سارا خل نتكلم اول ماردت عليه سارا وراسها كانت منزلته ... عبدالعزيز: سارا حنا لازم نتكلم ما يصير ناجل الموضوع اكثر من كذا .. انا ادري انك متضايقه منى مرره .. بس سكوتك وتهربك ماراح ينفعك .. تضايق منها عبدالعزيز لانها ابدا ما عبرته ولا لفت عليه ... عبدالعزيز وهو يمسك ذقنها ولفه من جهته: ممكن تشوفينى وانا اكلمك ... رفعت له عيون غرقانه دموع .. اوووه سارا ما مليتى من الصياح .. انا ما اقدر اصبر اكثر قدام دموعك ... شافها بنظره حنان...وحط ايده ورى كتفها .. قربها منه بحيث طاح راس سارا على كتفه عبدالعزيز: خلاص سارا الله بعوضنا انشاالله .. بس لا تصيحين ..عشان خاطري.. ماقدر اشوف عيونك الغاليه تنزل دمعه منها كلمات عبدالعزيز بدل ما تهدي سارا زادتها .. قامت تعدلت بجلستها ورفعت راسها من على كتفه .. وبيد مرتجفه مسحت دمعه نطبعت على خدها ... سارا بصوت مرتجف وواطي: ابي اروح الحين البيت عبدالعزيز: بنروح .. بعد ما نخلص كلام ارتجفت شفة سارا التحتيه مثل طفل يهدد بالصياح: ابي الحين بهاللحظه ماكانت سارا بنت 20 سنه الي تكلم عبدالعزيز ... وجهها الطفولى .. بعيونها اللامعه بالدموع .. وتعابيرها البريئه .. رجعها عشر سنين ورى .. خل عبدالعزيز يحس انه يكلم طفله من زوجته ... طفله تهدده اذا ما سويت الى ابيه راح اصيح ... عبدالعزيز وهو يقوم: طيب الحين نروح.. وراح عنها عبدالعزيز وقف مقابل النافذه وظهره لسارا .. الي قامت تلبس عبايتها وهي تكتم عبراتها ... دق الباب عليهم وفتح .. محمد: اقدر ادخل.. حاولت سارا تمسح وجهها عشان ما يبين عليه أي اثر من الصياح ...اما عبدالعزيز يوم سمع صوت محمد راح لعند الباب وفتحه عبدالعزيز: هلا بو صالح تفضل محمد: السلام عليكم ... تونى سامع من الوالده على الي صار ... وشاف اخته الي كانت واقفه وهي لابسه عبايتها ...راح لها محمد محمد: شخبارك سارا ... شكلك طالعه الحين سارا بصوت واهن: الحمد لله انا بخير عبدالعزيز: تفضل اجلس محمد محمد: أي اجلس وانتوا طالعين ...هدى كان ودها تجي بس قالت لها الوالده انك طالعه الليله .. ماتوقعت الحين سارا: الدكتور ما عارض..محمد بتروح لبيت اهلى محمد : ايه.. سارا التفت على عبدالعزيز وبنبره تحدي: خلاص عبدالعزيز لا تتعب نفسك محمد ياخذنى لاهلى عبدالعزيز: لا انا الي باخذك محمد على باله يقدم المساعده: جد بو سعود ما يحتاج انا رايح بيت اهلى رايح ... عبدالعزيز شاف سارا بنظرات طالع منهم الشرار وده ياخذها ويخنقها مو كافي انها ما تبي تتكلم معه لا بعد تصرفه وكانه حشره قدامها .. عبدالعزيز وهو يصر على اسنانه: مابي اكلف عليك محمد: أي كلافه ياولد الحلال .. ناسي ان سارا اختى ... عبدالعزيز: مادمت ملزم محمد: الا ملزم ..نمشى الحين سارا سارا: ايه انا جاهزه .... اخذت شنطتها ومشت لحد محمد .. وعبدالعزيز يفور داخله ولا هو عارف ايش يسوى .. مقهور من سارا مره .. ماكانت حاطه له اعتبار بالغرفه ولا كانه موجود .. حتى نظره باخلتها عليه .. محمد: تبين اشيل لك هالورود سارا: ايه الله يعافيك طلع محمد وهو حامل الورود الي من رهف ولحقته سارا .....وتوها بتطلع من الغرفه الا يناديها عبدالعزيز.. التفت عليه وبعينها نظره استفهام وتحدي بنفس الوقت انه يمنعها من الي ناويه تسويه عبدالعزيز: قبل لا تاخذين أي قرار فكري فيه زين تغيرت النظره المرتسمه بعين سارا... وتعلقت عيونها بعيون عبدالعزيز الجامده ... تحاول تقرى شي فيهم واي قرار كان يقصده ... لكن الي قابلها قناع جامد مافيه أي تعبير يدل على افكار صاحبه ... نزلت راسها وطلعت ............... دخل السياره والتفت على منيره الي جالسه بالسيت الورانى عبدالعزيز: منيره تعالى قدام منيره الي اول ما ركبت السياره طاح راسها على ورى وغرقت بالنوم .. كانت هلكانه تعب والساعات الي نامت فيها ما عطتها كفايتها ...دخول عبدالعزيز السياره وكلامه لها خلاها تفيق من النوم ... منيره: هاه ولا بعد تستوعب الوضع الي هي فيه عبدالعزيز بعصبيه: قلت لك تعالى قدام وعلى صرخت عبدالعزيز طار النوم صدق من عينها ... لا احد يقر ب من عبدالعزيز اذا عصب .. قاعده عرفتها منيره ورهف من هم صغار وفهموها عدل وطبقوها ..وعلى طول نزلت منيره وركبت بجنب عبدالعزيز ... مشت السياره قبل لا تسكر الباب...ومع ان منيره عرفت عن اخوها في قمه عصبيته ما قدرت تمنع فضولها منيره: وسارا عبدالعزيز: صديقتك الدلوعه راحت لحضن امها عشان يدفيها ماقدرت منيره تجادله .. اسئله كثيره تبي تعرفها جوابها بس ما تجرءت تساله ...وبسرعه قياسيه وصلوا للبيت ... وقف عبدالعزيز السياره ...ونزلت منيره .. وكان عبدالعزيز لازال جالس .. قبل لا تسكر الباب منيره: مب نازل عبدالعزيز: لا سكرت منيره الباب بخضوع ......وقبل لا تدخل انطلقت السياره باقصى سرعه وختفت عن الانظار...دخلت البيت وهي تجر رجولها .. الوضع بين عبدالعزيز وسارا مضايقها وهي بين نارين ... توقف في صف مين ولا مين .. هذي صديقتها وهذا اخوها .. صح سارا تعذبت كثير بسبب عبدالعزيز .. بس حتى عبدالعزيز تعذب.. محد شاف الي شافته اول ما طاحت سارا .. محد شاف نظره الخوف الي بعين عبدالعزيز وهو يشيل سارا للمستشفى .. والا حاله وهو ينتظر كلمه تطمنه من الطبيب... هو يستاهل فرصه ليه ياسارا ما عطيتيه .. ليه حكمتى على اخوي قبل لا تسمعينه ... انتبوا لها اهل البيت انها جات .. الكل كان متوقع تكون سارا معه بعد ما سمعوا كلام عبدالعزيز .... فاجاهم منظر منيره لوحدها .... فوزيه: وينه عزيز ومرته منيره بصوت متخاذل: سارا بيت اهلها ترتاح .. وعزيز طلع شوي نوره: ايه مو قادر يتركها ولد اللذين فوزيه: خليه زوجته تحتاجه منيره وهي تتلفت في الغرفه ونظره غريبه بعيونها فوزيه: ايش فيك منيره: وين ابوي؟؟؟ فوزيه: والله ابوك ذابحنى مو راضي يرتاح ابد .. مابعد يرجع للبيت منيره وهي معقده حواجبها: ومايدري عن سارا فوزيه: قلت له انها تعبانه ماقلت سقطت .. مابي اتكبه واكدر خاطره نوره: يمه ترى احمد اليوم جاي على العشا منيره تصرخ بوجهه نوره: والله انتى فاضيه .. البيت بحاله وانتى بحاله اندهشت نوره من اختها ومن انفجارها قدامها:منيره ايش فيك فوزيه: انتى شلون تكلمين اختك كذا منيره: انا بروح غرفتى ارتاح ........لا تنادونى على العشا او أي شي وطلعت من الغرفه من غير ما تنتظر رد ... فوزيه: تركيها نوره توها مراهقيه وما تعرف شلون تتصرف نوره: ادري يمه ما يحتاج تردين ... انا عارفه حالتها اليوم شلون ومثل عادتها دايما صعدت لغرفتها وقضت اليوم كله قبال اللوحه ترسم وتعبر عن شعورها والي يختلج داخل روحها ..... ...................... الحين وين بروح ... ولمتى يظل وضعي كذا ... لا ما يصير .. ما يصير اسوق السياره وانا بهذي الحال من العصبيه ... داور بالسياره ورجع للبيت ... وبدل ما يدخل داخله .. راح لورى البيت لعند المسبح ... والطاقه الي فيه لازم يتسهلكها .. وايش احسن من الرياضه .. بعد مالبس شورت السباحه .. راح يسبح على طول المسبح .. وفي كل ضربه من ضرباته على الماي تهدى اعصابه ... مر عليه فتره على هذا الوضع .. ولانه من زمان ما سبح حس بالالم يسير على طول ذرعانه ...وقف سبحه .. وخلى جسمه يطفوا على سطح الماي بسترخاء وهو مسكر عيونه... اذا كانت ما تبينى ليه اتضايق .. خلاص راح اتركها وانشالله ما اجيبها من بيت اهلها .. خل اهلها ينفعونها اذا كانت مفضلتهم علي ... بعكس حياتى ماراح تتغير بذهابها ... راح افتك من صياحها ودلعها الي ماله نهايه .. اصوات بدت تعكر مزاجه .. والهدوء الي كان مسيطر على الجو .. فتح عيونه بتردد ... عمر واقف وهو مكتف ايده على صدره ويتامله عبدالعزيز وهو يطلع من المسبح: من متى وانت هنا؟؟؟ مد عمر المنشفه لاخوه بحكم انه اقرب لها منه: من فتره... جفف عبدالعزيز وجهه وصدره .. بعدين ربط المنشفه على خصره وجلس على الكرسي عمر وهو يرفع حواجبه: من زمان ما شفتك تسبح عبدالعزيز: اشتهيت اسبح والا حرام عمر وهو يجلس على الكرسي الي جنب اخوه: لا مو حرام ... حس عبدالعزيز بجفاوت رده: في طاقه ابي استهلكها عمر: وليه مقفل جوالك والاهل هناك خايفين عليك ويحاتونك عبدالعزيز: هذا انا هنا .. وليه يحاتونى والا مو شايفينى رجال عمر: ماتبي اهلك يسالون عنك عبدالعزيز: يسالون بس بحدود مو يخنقونى عمر: ايش فيك عزيز ليه تتكلم كذا عبدالعزيز: وباي لغه تبينى اتكلم عمر: عبدالعزيز.... كمل كلامه وهو يتنهد: مو تتضايق كذا على الي صار .. الله بيعوضك انشالله قام عبدالعزيز يشوف اخوه ويقول: على بالك متضايق على سالفه التسقيط .. هو انا عرفت بالحمل عشان اتضايق عمر وهو يرفع حاجبه بتساؤل: يعنى ماهمك الموضوع ابد عبدالعزيز: قلت لك شلون يهمنى وانا ماكنت ادري عنه عمر: مادري مو مصدقك عبدالعزيز: صدقنى... ما انكر انه تضايقت شوي .. بس مثل ما قلت ماكنت شافي او مشتاق ...عشان احس بخيبت الامل عمر: اوكي .. طيب ايش مضايقك اذا هذا الموضوع عادي بالنسبه لك عبدالعزيز وهو يحاول ما تكون عيونه بعيون اخوه لانه عارف ان عمر يوصل لهدفه من عبدالعزيز بكل سهوله ويعرف الي يدور بداخله بنظره منه لعيونه عبدالعزيز: مين قال لك انى متضايق عمر: تدري كنت شاك بس جوابك هذا اكد لى عبدالعزيز: شلون عمر: عبدالعزيز ناسي انى اخوك واعرفك عدل .. تنهد عبدالعزيز وهو يقول: سارا اتركتنى وبكل بساطه رد عمر: كنت متوقع هالشي رفع عبدالعزيز راسه بدهشه وشاف اخوه ...ايش يقول هذا ... شلون كان متوقع عبدالعزيز: ليه عمر: قصدك ليه توقعت .. بسيطه يا اخوي من طريقتك معها ... انتبه لعيونك لا تطلع من مكانها .. (قالها يوم شاف اندهاش عبدالعزيز) وكمل عمر:انا صح ما اعرف اسراركم الزوجيه وايش يصير بينكم بالضبط .. بس صراحه يا اخوي طريقتك معها ابدا مو حلوه .. والكل بالبيت لامس هالشي تصرفاتك وكانك لازلت اعزم .. خروجك من البيت ورجوعك متاخر ... ماتجلس معها لوحدكم ابدا... ولا عمري دخلت البيت وسالت عنك قالوا طالع مع زوجته ... كل هالامور الي تصير قدام نظرنا وتشوفها .. عبدالعزيز: وحياتى الزوجيه تحت المجهره عشان تشوفونها عمر : انت المجهر فيها ومو مخفيها ... وتبي الصراحه لو انا زوجتك ما صبرت عليك عبدالعزيز: حلو ذا عمر: عبدالعزيز.. انا اتكلم معك من سابق تجربه .. لاتنسى انى مريت على الامور .. وكنت متزوج قبل عبدالعزيز بحزن: وشوف الزواج ايش سوى فيك عمر: ايش سوى بعد .. عيشنى اسعد ايام حياتى ... عبداالعزيز: والحين؟؟ شوف ايش سوى فيك حبك لزوجتك عمر: ايش سوى فينى ... بالعكس هالحب هو الي اوجد مي عندي .. وهالحب هو الي خلانى اعيش احلى اربع سنين مرت بحياتى ... عبدالعزيز: والحب هو الي دمرك بعد موت فاطمه عمر: عزيز لا تخلى الي صار لى يحكم حياتك ويحطمها عبدالعزيز: وهذا الي انا ناوي عليه ... مستحيل اطيح بالخطا الي طحت انت فيه.. مستحيل احب انسانه من الممكن تروح وتتركنى .... مستحيل امنح قلبي لاحد ياخذه ويرميه بوجهي ... عمر: لحظه عزيز بسالك .. تتوقع لو عاد الزمن وقبل لا اتزوج فاطمه عرفت انها بتروح عنى بعد فتره قصيره .. تتوقع انى ماراح احبها وابعدها عنى ..... عبدالعزيز شاف اخوه نظره حيره : مادري عمر: تدري.. بالعكس بحاول احب فاطمه اكثر .. واستغل كل لحظه عشان اوضح لها حبي ... الشي الوحيد الي اندم عليه لحظات ضيعتها كان في امكانى اقدم لها اشياء كثيره.. بس كنت لاهي ....انا ما انكر انى افتقد فاطمه .. وفقدها يعذبنى ... وفي نفس الوقت ذكرها تفرحنى ...الحين كل مره استرجع فيها ذكرى من اللحظات السعيده الى كنت عايشها ترجع لى الفرحه الي كنت احسها .... عبدالعزيز: انت مو فاهمنى عمر .. مو فاهم عمر: فهمنى ... نزل راسه عبدالعزيز ومرر ايدنهم الاثنين بشعره الرطب عبدالعزيز: ماعرف ماعرف كيف عمر: اذا ماكنت تعرف انا اعلمك ... روح الحين لزوجتك وراضها طيب خاطرها تراها خسرت اليوم شي مو قليل.. اذا مثل ما تقول الحمل ما كان هامك اكيد هو هامها .. انا ما اطلب منك تحبها .. على الاقل اهتم فيها.. حسسها باهميتها بحياتك .... روح لها تراها تحتاجك... عبدالعزيز: بس هي ما تبينى عمر: اذا كانت تحبك فتاكد انها تبيك... مارد عبدالعزيز على اخوه .... ظل جالس ساكت وهو سرحان بالشجره الي موجوده قدامه حول المسبح ....وكلمات عمر تتردد في باله .. اذا كانت تحب ... اذا كانت تحب .... فجاه اختفت الغشاوه الي كانت عاميه عيونه .. وافاق من نومه الطويل... قام وكانه استدرك شي .. عبدالعزيز وهو يلتفت على جهت عمر : عمرر قابله الفراغ .. من متى راح عمر ... وليه ما حسيت فيه ... الله يااخوي ... جيت مثل الملاك ورحت مثله ...دليتنى على الطريق الصح بعدين اختفيت .. انا محظوظ بوجودك حولى ... دخل البيت وهو مصمم على فكره في باله لازم ينفذها ... ............................ لمى: هذا انا سمعت نصيحتك ولا نفعت... كانت جالسه على الكنب وهي تلعب بالقلم بيد والتليفون باليد الثانيه .. تكلم وحده من صديقاتها المقربات لها .. هيله: مادقيتى ابد ..ليه؟ لمى بتافف: اقول لك مر الاسبوع كله ولا كلمته انتظره هو يدق .. اخاف شاف له وحده ثانيه هيله: طيب ارسلتى له الرساله الى قلت لك ترسلينها له لمى: اييييه ... ولا رد... هيله ايش اسوي بصيح ما ابيه يضيع من يدي هيله: وانشالله ما يضيع ... المفروض انتى تشدين حيلك لمى: وايش اسوي اكثر من كذا هيله: امم... ماعندك رقم واحد من اصدقاءه لمى: لا هيله: طيب عطينى اسمه وانا اطلع رقمه لمى: وايش اسوي مع صديقه هيله: هو يرتب ويصلح الامور بينكم... والا اقول انتى عطينى رقم سلمان وانا اكلمه لمى: لا حبيبتى اخاف تاخذينه منى هيله: ما تثقين فينى لمى: في هالموضوع اسمحى لى ... انتى عارفه مين هو سلمان هذا .. هيله: ومادمتى ميته عليه كذا ليه ما عطيتيه الي يبيه يوم طلبه منك لمى : ماكنت ادري انى لو ما طلعت معه انه بعافنى .. هيله: لقيتها لمى: ايش قولى هيله|: ليه ما تدقين على بيته .. وتكلمينه لمى: والله فكره حلو... بس لحظه اذا ردت علي امه هيله: سكري الخط ياخبله لمى: يمكن عندهم كاشف هيله: طيب سهله سوي نفسك غلطانه لمى بتردد: مادري هيله: خلك كذا محتاره وفي الاخير بيطير منك الولد لمى بعصبيه: لا سلمان لى والي يفكر ياخذه بتكون نهايته على يدي هيله: اعصابك يالحلوه ... وين حنا فيلم مصري... لمى ولازالت معصبيه: مصري والا سعودي المهم سلمان لى هيله: خلاص لك بس انتى هدي دخلت لطيفه على بنتها في غرفتها القديمه ... شافتها منسدحه وصنيه الاكل جنبها ولا مأكول منها شي..من اول ما جات مع محمد راحت غرفتها تبي ترتاح ... ويوم حطوا العشا مارضت تنزل تقول انها لازالت تعبانه .. ومع الصينيه لهااكثر من نص ساعه من جابتها الخدامه لسارا لازالت مو ملموسه ..... لطيفه: سارا يمه ما اكلتى عشاك سارا بصوت مبوحوح: كنت اكلم امي فوزيه على التليفون .... لطيفه: ليه ماجاتك للمستشفى سارا: ماقدرت لان نوره عندها.. وبعدين انا ما طولت هناك.. تقول بتجينا بكره انشالله لطيفه: حياها باي وقت ... يالله الحين اكلى عشاك لا يبرد عليك سارا: مابي مو مشتهيه لطيفه بدت تعصب: مانتي ببزر ساروه ... قومي يالله كلى واسمعي كلام الدكتور تعدلت سارا وجلست على السرير: باكل بس مو الحين لطيفه وهي تقرب من عند بنتها وتحط ايدها على جبهتها: تحسين بتعب يمه سارا: شوي .. لطيفه: فيك شده تنزلين هزت سارا راسها بنفي لطيفه: خلاص رتبي حالك وبخلي عبدالعزيز يرقى لك وكانها صفعه بوجهه سارا .. استقامت في جلستها سارا: عزيز هنا لطيفه: ايه يبي يشوفك سارا بترجي: لا يمه لا تخلينه يجي لطيفه: ايش هالكلام .. انا نازله اناديه وطلعت من الغرفه من غير ما تنتظر رد لسارا.... ياربي عبدالعزيز جا.. واكيد معصب ويبينى ارجع معه ... يوووه ايش اسوي .. اصلا هو ما يقدر يجبرنى اروح معه ... قامت من على السرير... وشافت انعكاس صورتها بالمرايا ... هالها منظرها ... شعرها مو مرتب ووجهها لازال اصفر... ويبي له لون يصفيه ...ما يصير يشوفها عبدالعزيز بهذا الشكل..... اخذت ترتب شعرها باصابيع يدها.. لاحظت انها بدل ما تكحلها عمتها ... اخذت شنطتها بسرعه مشطت شعرها ... وبالكحل كحلت عيونها ... وهي تحط الروج فتح الباب ومن الارتباك طاح شنطتها على الارض وتناثرت ادوات المكياج على كبر الغرف...حست نفسها مثل الصغير الي صاده ابوه يسوي عمل مانعه منه ... نزلت على الارض عشان تلم الادوات المرميه ... شافت رجوله واقفه عند راسها ... وهو ينزل وياخذ منها الشنطه الي رفعتها عن الارض.... وباليد الثانيه مسك ذراعها وساعدها على الوقوف ... عبدالعزيز: انا الي بلمهم ..انتى ارتاحي ظلت واقفه مكانها وهي تشوفه بذهول وهو يلم الاغراض ... بعد ما انتهى وقف وهو يبتسم لها .. ماقدرت تمسك نفسها تبخر كل الغضب الي كان داخلها .. وردت له الابتسامه ... وباقل من ثانيه اختفت وكانها تداركت الموضوع ورجع لها كل شي... رجع النظره الصارمه لعيونها .. مع التصميم بقسمات وجهها عبدالعزيز وهو يقرب منها: اجلسى ما ابيك تتعبين اكثر من كذا وبحركه لا اراديه تراجعت للورى.. وصدمت بالسرير .. جلست عليه بتهالك ...جاها عبدالعزيز وجلس بركبه على الارض عند رجول سارا...بحيث هي جالسه على السرير وهو على الارض قبالها ... مسك ايدينها الاثنين وحطها بين ايده ... عبدالعزيز: سارا..رجوعك لى اغلى ما اتمناه وانا الحين ابيك تعطينى اياه.... بالاول ما فهمت عليه سارا ... شافته بحيره ايش يقصد بكلامه ... ابتسم لها عبدالعزيز عبدالعزيز: افهم من ردة فعلك انك نسيتى وعدك بعد ما انهى كلامه ترك ايدها وطلع شي من جيبه حطه بايد سارا .. الي ظلت عيونها معلقه عليه وهي غرقانه دموع .. مو قادره تمسك نفسها من شدة العاطفه .. يعنى قراه .. شافه الكرت الي كتبته له على الهديه .. .. واحتفظ فيه بعد ... عبدالعزيز: سؤال اخير.. يهمنى اعرف جوابه..انتى قصدتى كل كلمه فيه قوه المشاعر الي كانت تخالج سارا منعتها من الكلام فكتفت بهز راسها ايماء ... قام عبدالعزيز وجلس جنبها ....ولف وجهها لجهته عبدالعزيز: الي اعرفه ان الي يحب يسامح ؟؟ رفعت نظراتها له وفيهم بسمه ماكانت طالعه على شفايفها ... عبدالعزيز: سارا اعترف انى غلطت بحقك .. انا ما اطلب منك تسامحينى .....بس اوعدك ان كل شي راح يتغير ..انتى عطينى فرصه .. واخيرا ارتسمت الابتسامه على شفايفها وهزت راسها توافقه بكلامه رد لها عبدالعزيز ابتسامتها ... عبدالعزيز: خلاص ترجعين معي للبيت سارا بصوت مبحوح: ايه عبدالعزيز: لحظه ايش هالكلام الي سمعته من عمتى ليه مو راضيه تاكلين عشا سارا: ماكنت مشتهيه عبدالعزيز: انتى ناسيه كلام الدكتور... يالله ابيك تاكلين والا الحين انا الي بزعل اضحكت سارا : هههههههه .. لا خلاص باكل كافي زعلى عبدالعزيز الي حس براحه كبيره يوم شاف سارا تضحك .. وحط الصينيه بحضن سارا سارا: مب ماكل معي عبدالعزيز: بشوفك وانتى تاكلين بعد ما اكلت سارا شوي حطت الملعقه عبدالعزيز: مابعد تخلين حتى النص سارا: والله شبعت ... عبدالعزيز: طيب مو غاصبك ... المهم استعدي يالله عشان نرجع البيت سارا بتردد: عزيز عبدالعزيز وهو عاقد حواجبه: ماتبين ترجعين معي؟ سارا: لا .. بس الحين الوقت متاخر لو رجعت لازم اشوف امك واسلم عليها وابوك ونوره ... وانا تعبانه عبدالعزيز: خلاص بكره بمر اخذك وماراح يكون عندك عذر سارا وهو تضحك له: طيب عبدالعزيز: وبعد ما ترتاحين وتصيرين بخير راح ندور لنا فله او شقه سارا بحيره: ليه؟ عبدالعزيز: لان فلتى ماجره لسنه سارا: طيب ليه ندور عبدالعزيز: عشان نسكن فيها... سارا: واهلك؟؟ عبدالعزيز: اهلى ماراح يضيعون من غيري...عندهم ابوي وعمر الله يطول باعمارهم وثاني شي ابي اصير مع زوجتى لوحدنا .. لمتى يظلون اهلى حولى وينقصون علينا سارا: والله اهلك ما يزعجونى ابتسم لها عبدالعزيز: ادري .. بس لا تنسين اننا لنا حياتنا الخاصه واهلى كانوا يتوقعون سكونى بفله خاصه وصدقينى بيفرحون لى سارا: اذا هذا الي تبيه عبدالعزيز: ابيه يكون الي حنا نبيه سارا بابتسامه: الي حنا نبيه .................................. __________________ مر اسبوع على خير ... والوضع بين عبدالعزيز وسارا احلى ما يكون ... تحسنت صحه سارا والراحه النفسيه الي كانت تحسها خلتها ترجع مثل اول ... ترجع لطبيعتها ... نوره رجعت لعند بيتها مع عيالها .. راحت لزوجها ... اما الباقي على وضعهم من جامعه ومدرسه ... عبدالله رجع من سفرته ... ومها حملها هالمره مو مثل الي قبل مع انها بالشهر السادس الا ان الطبيب مانعها من الحركه الكثير بسبب وضعية الجنين ونزول المشيمه ... وهالشي خل عبدالله يلازم البيت اكثر من اول ... اليوم ارسلوا بيت بو خالد جهاز ومهر منيره ... وطلبوا تحديد الملكه بعد شهرين باي يوم يناسب العروس .. يعنى يكون خلال شهر شوال ....... بعد ما وصل جهاز منيره للبيت ... كانت امها ورهف معها ... منيره: شلون يمه ما يكفى بعد شهرين .. ما يكفينى الوقت فوزيه: ما قلت زواج انا .. كلها عقد قران .. وعندك هالشهرين والي بعد الملكه تجهزين لك فيه منيره: مو قصدي التجهيز يمه ... الحين المصوره والقاعه كلهم يبي لهم حجز قبل فتره فوزيه: عندك شهرين رهف تدخلت : ما يكفون يمه فوزيه: ايش ما يكفون ... خلاص حنا عطينا الرجال كلمه منيره: وانا ليه ما اخذتوا رايي فوزيه: منور لا تجنيني... ماقلنا لك ملكي بعد اسبوع منيره بصوت واطي: ما يفرق رهف وهي تشوف الي بالصندوق ... رهف: الله منور شوفي جايبين لك ساعه لوكلس راحت منيره لها ... منيره: ايه شفتها عجبتنى مره رهف: بس لو كانت اصغر تكون احلى منيره: تراهى لى مو لك يعنى رايك مو مهم فوزيه: المهم الحين باي يوم تبين الملكه منيره: مادري يمه ... شوفوا انتوا المرديان او هوليدي ان .. متى تكون القاعه عندهم فاضيه وحجزوها بالوقت الي يناسبكم فوزيه : حصل خير ... وطلعت في الوقت الي دخلت فيه سارا سارا: سمعت اليوم ان جهازك جا منيره: ايييه.. وين كنتى انتى؟؟ سارا: قلت لك انى بتعشى مع عزيز اليوم بيت اهلى رهف: لا وحددوا وقت الملكه سارا: والله ... الف مبروك لك حبيبتى ... منيره: ايش مبروك ... ما يكفنى الوقت سارا وهي معقده حواجبها: ليه ما يكفيك منيره: تخيلي يبونه بشوال .. يعنى مو قدامي الا شهرين سارا: طيب ..؟؟ رهف: ايش طيب ... هنادي صديقتى اختها يوم جات تتزوج حجزت المصوره قبل اربع شهور سارا: الحين انتى متضايقه عشان مصوره منيره وهي تتنهد: ايه ابي اصور صور حلوه سارا: في مصورات كويسات هنا منيره: مابي أي مصوره .. سارا: منيره بلا حركات ... ويالله ورينى ايش جايبين لك ... وجلست سارا ورهف يطلعون الشبكه والاشياء الي جايبيها لمنيره ... سارا: اذا هذا ذوق طلال فهو من جد حلو ... منيره: شفتى القهر ... جايبين لى عطرBEAUTIFUL وانا تونى شاريته .. لو ادري ما شريته رهف: مو مشكله عطينى اياه منيره: روحي بس يالمفجوعه .. كل شي تبينه كانك بنت فقر رهف: مالت عليك مابي شي منك وطلع من الغرفه وهي معصبه .. وسكرت الباب وراها بقوه ...ضحكت منيره سارا: حرام عليك زعلتيها منيره: من جد سوير .. من متى رهف تزعل من احد ... سارا: بس ولو حرام منيره وهي تسكر الصندوق: ماعليك منها ... ايش رايك بكره تروحين معنا سارا: لوين؟؟؟ منيره: عيد ميلاد ميونا بكره وراح نسوي لها حفله صغيره بتشليز او جندولا سارا: حلو .. يبي لى اشتري لها هديه ... منيره: وحنا راجعين من الجامعه نمر تويز ار اس او مكان ثاني سارا: يوووه لا ما اقدر منيره : ليه سارا: متفقه مع عبدالعزيز نروح بكره نشوف الشقه الي شافها بالبندريه منيره: معزمين تنقلون سارا: الظاهر منيره: بفتقدك سارا.. تعودنا عليك بيننا سارا: وانا بعد ... لا تنسين انك انتى بتتركينا بعد سنه منيره: ابيك جنبي ايام المكله وزيارته لى سارا: هههههههه .. اتحدى تسالين عنى ... ولحظه الي يسمعك يقول اننا بننقل للرياض والا جده ...كلها مشوار سياره وتكونين عندى او انا عندك منيره: انشاالله ما تلقون سكن الا بعد ما اتزوج سارا: ههههههههههههه...بالنسبه لى عادي انا مرتاحه هنا منيره وهي تبتسم لسعاده صديقتها ... سارا هالايام مره مبسوطه ...وهالشي فرح منيره كثير ... منيره: يعنى ما بتروحين معنا سارا: ودي ....بس انتى عارفه منيره: قولى عزيز وماراح يقول لا سارا: لحظه مو يكن اضايقكم .. عمر بيكون موجود ... منيره: خير ومن متى عمر يروح لمطعم عشان عيد ميلاد......كل الي بيروح انا وانتى ورهف ونوره وبناتها الصغار ...وطبعا مي سارا: وامك ؟؟؟ منيره: لا الوالده ما تحب هالخرابيط ... زين انها رضت نروح .. بالاول قالت حرام وبدعه ... بعدين حاولنا نكسر خاطرها ونقول لها مي تحتاج وما تحتاج ... قالت سووها بالبيت ... وبالموت وافقت نروح للمطعم ...لو نوره ما كلمتها واقنعتها والا ما وافقت ..... سارا: هههههههه... طيب خلاص بقول لعزيز واشوف ايش يقول... ................ باليوم الثانى الساعه ثمان راحوا كلهم لتشيليز ... حاولوا يخبون الهدايا ولا يطلعونها لمي .. كانوا يبون يفاجؤنها ... كانت مي طالعه كتكوته ... بتنورتها الموف وبلزتها البيج العلاقي ...فيها بالنص ورود ... وماسكه غرتها بمشبك صغير موف ... كان شكلها يجنن بشعرها القصير ... وصلت نوره مع بناتها قبلهم ... ماكنت جايبه معها دحومي الصغير عشان ما يزعجهم ... جلسوا على طاوله بالنص ... منيره عطت خبر للمطعم وطلبت منهم يجبون كيك اول ما يوصون ... بعد ما جلسوا جاوا الفلبن الي يشتغلون ومعهم كيك فيها 6 شموع ... وعلى كبر المطعم كله شغلوا موسيقى عيد الميلاد ... هند كانت مبسوطه ومو فاهمه السالفه عدل .. اما حصه الدبدوبه عيونها على الكيك تنتظرهم يحطونها عشان تقضي عليها ... مي الي كانت مذهوله ... والعاملين بالمطعم يغنون عليها ...Happy birthday to you … happy birthday to may … happy birthday to you … اشرت لهم منيره على جهة مي ...وحطوا الكيكه قدامها ... وهو لا زالوا يغنون ويعيدون الجمله ... التفت مي لعماتها وقامت تشوفهم وحده وحده.. من منيره لرهف لنوره واخيرا سارا ... رهف: يالله مي طفي الشموع .... ابتسمت مي ابتسامه نادر ما ترتسم على وجهها ... ابتسامه احتلت نص وجهها تقربيا ... وبكل فرح انفخت على الشموع وطفتهم مره وحده ....صفق كل من كان حول الطاوله ... وصرخوا الفلبينين بثقاله دم هييييييييه... طلعوا الهدايا لها ...طبعا ما نسوا حصونه وهنوده عشان ما يغارون .... كانوا جالسين بالطاوله فيها ثمان كراسي ....سارا ورهف ومنيره بصف ...مقابلهم نوره وبناتها .. اما مي جلسوها في الكرسي الي بالوسط ... كانت على يمينها منيره .. ويسارها حصه ...قامت مي من على كرسيها وراحت لمنيره ... ضمتها وباستها على خدها ... رهف: وانا مالي بوسه .. ردت عليها بابتسامه: لك بوسه هنديه بعد ... ضحكوا كل الي على الطاوله الا سارا .... سارا: لحظه ايش بوسه هنديه بعد .... رهف وهي تضحك : الحين تعرفين ايش هي ... وجاتها مي وباستها بوسه قويه على خدها فتره طويله .. وهي ماسكه راس رهف بايدها ومقربته لها رهف: ههههه خلاص ميونا عورتي رقبتى... اتركتها مي ورجعت لمكانها وهي تضحك .... سارا: وليه مسمينها هنديه نوره: حركات رهف السخيفه ... من مي صغيره طايحه علينا بوسينى بوسه هنديه مادري ايش عندها ... رهف: تتكلمون من حرتكم .... منيره: هالبنت الي عند الباب مو غريبه علي... نوره: أي بنت منيره: هناك واقفه ..عند الباب التفتوا كلهم لجهة الباب ... تغير وجهه رهف على طول .... سارا لاحظت رهف: تعرفينها؟؟ رهف: ايه هذي لمى بنت خالة نجلاء... رجع الكل لوضعه ... الا رهف لازال عيونها معلقه على الجهه الي فيها لمى ... واضح انها بتطلع .. كانت واقفه حاطه الشيله على راسها ... وهي تضحك بطريقه وقحه جدا ... شافت واحد رايح لها ... مسكها من ايدها وطلع معها من المطعم وهم يسولفون ويضحكون .. مع ان الرجال الي كان معها معطيها ظهره الا انها عرفته على طول ... مو لازم يلتفت عشان تتاكد .... وجود لمى بالمطعم ضايقها ... لكن سلمان شي ثاني ... توصل فيه الدناءه انه يطلع معها... لا وفي مكان عام .. ليت سارا شافته عشان تعرف حقارة اخوها ....من جد هالانسان ما يستاهل لحظه وحده ضيعتها بالتفكير فيه .... واطي حقير خسيس .. كل صفات الدنيا الشينه مجتمعه فيه .. كان ممكن اتقبل انه يكلمها بالتليفون ... بس انه يطلع معها ... وهي بعد ما تستحي على وجهها ... من جد تصرفات حثالة المجتمع ... مسكينه انتى ياسارا لان عندك اخو كذا ..... نوره: ياهووو .... وين رحتى يا بنت انتبهت رهف من افكارها : هاه ... منيره: تركيها .. الي ماخذ عقلك يتهنى به رهف: لا انشالله ما يتهنى به.. منيره: اوووووه .... الاخت تحب رهف: اظن عندنا بزارن هنا منور... نظره رهف لمنيره سكتتها .. واضح انها معصبه فمو حلوه يخربون عليهم هالليله بهواش ....بعد ما انتهوا جاهم عمر ياخذهم من المطعم .. الكل كان مبسوط ومستانس... الا رهف طبعا .... مي وهي ناقزه من بين السيتين الي قدام عشان تكلم ابوها : وجابوا لى هدايا وااااااااااجد عمر وهو يضحك على انبساط بنته: وايش هم ؟؟ مي: مارضت عمتى منيره افتحهم تقول بالبيت .... والتفتت مي على نوره: عمتى نوره متى بتنزلين لبيتك نوره: يوووه ليه؟؟ مي: عشان حنا نروح لبيتنا ونفتح الهدايا ضحك الكل على براءة مي .... بعد ما وصلوا للبيت ما قدر مي تصبر اكثر من كذا .. وعلى كبر الصاله فتحت الهدايا ورمت التغليفات ... عمر: يالله مي تاخر الوقت خل نروح ننام ... مي الي كانت مبسوطه وتبي تلعب وتجرب كل لعبه جديده عندها: ابي اركّب هذي اول .... عمر وهو يشوف الساعه كانت قريبه من ال12 وزين ان بكره الخميس ومافي مدارس عمر: اوكي بس شوي... مي: ايه ... عادي تساعدني بابا ... جلس عمر جنبها على الارض وهو يحاول يركب معها البيت الي جاها هديه من رهف....بعد ربع ساعه لاحظ ان مي بدت توقف عن التركيب .. وكم مره ضبطها وهي تتثاوب .... قام عن الارض وحمل بنته وحطها على كتفه مي بصوت كله نوم: مابعد اخلص بابا عمر: بكره نركبها سوا .. الحين نامي .. رمت راسها على كتفه وغمضت عيونها .... حملها لغرفتها وحطها على السرير ... وتوه بيطلع .. مي: بابا... رجع عمر لها : نعم حبيبتى.. مي وصوتها بدي يختفى من النوم: انا احبك ... ابتسم عمر وحبها على جبهتها .. عدل الغطى عليها ودخل غرفته ...وانا بعد اموت فيك مي ...................................... هلّ الشهر الفضيل ... ومر بسرعه من غير احداث مميزه تستحق الذكر.......جا عيد الفطر المبارك ...والفرحه عمت المسلمين في جميع انحاء العالم صغير وكبير وفقير وغنى ... كاان هذا اول عيد لسارا من بعد ما تزوجت .. اول مرة تلبس وتجهز في غرفه غير غرفتها ... طلع عبدالعزيز من صلاة الفجر بعد ما لبس وجهز هو مع ابوه واخوه ... راحوا للجامع الكبير صلوا الفجر وبعدين صلاة العيد .... يوم رجعوا للبيت كان الكل مستعد ولابس وكاشخ ... والبيت مبخر والفطور جاهز ... الغدا عندهم مثل عادتهم كل سنه ... تجيهم عمتهم عايشه مع عيالها واحفادها... الكل مبسوط ........ الكبار يوزعون الفلوس على الصغار .. والصغار يضيعونها بالحلويات والطراطيع (شراغيات-العاب ناريه).. مرت الايام الثلاثه بفرحها وسعادتها ... ورجع الروتين ... زاد تعب مها عن اول خصوصا انها في الشهر الثامن وما بقى شي على التاسع والولاده ... عبدالله كان خايف عليها كثير .. ونادر ما يطلع من البيت .. والي ساعده اكثر انشغاله بسوق الاسهم عن طريق موقع تداول بالانترنت ... وهالشي يخليه يقوم بالبيع والشرى من البيت وهو قريب من زوجته .... كان جالس بمكتبه والكمبيوتر قدامه ... دخلت عليه مها وجلست على الكرسي الي جنبه ... مها: مطول عبدالله؟؟؟؟ عبدالله: الساعه 6 راح يسكر السوق مها : عبدالله؟؟ عبدالله: هلا مها: بغيت اسالك انت ايش مسوي مع المشروع عبدالله : الحمد لله تماام ليه تسالين؟؟ مها: مادري اشوفك نادر ما تطلع .. من بديت تشتغل على النت ما تجيب طاري المشروع عبدالله: لا تحاتين مها صدقينى كل شي تمام وماشي احسن ما يكون ... مها بتردد: عبدالله التفتت عليها عبدالله من غير ما يرد وفي عيونه الاستفسار مها: ودي اسالك بس متردده اخاف تتضايق منى عبدالله: كلامك هذا هو الي يضايقنى ...شلون تتردين في شي تبين تقولينه لى مها: اا.. محمد رجعت له حلاله عبدالله: على هذا تترددين ... لا مابعد ارجعه... قريب انشالله راح اقدر اعطيه الي اخذته مع الربح مها: ما يصير عبدالله هذا ربا عبدالله: لا انا قايل لمحمد من قبل انى ماراح اقبل فلوسه الا اذا دخل معي كشريك ... وبحكم هالشي لازم ياخذ ارباحه مها: الحمد لله طمنتنى كثير.... عبدالله: انتى لا تشغلين بالك بشي... ركزي على نفسك وصحتك احسن مها ابتسمت بتعب: انشالله عبدالله: هاه شخبار ثامر مها: لا وع ايش ثامر ... ولحظه الحين مين قال لك انه ولد عبدالله: ما تحسين برفساته ... تقولين يلعب كوره ببطنك .. مها: ههههههه.. تصدق باليوم الي ما يتحرك فيه اخاف ...هههههههههههههههههههههاااي عبدالله: وشو مها: شوف وتاشر على بطنها .. فجاه تحركت منطقه فيه.. حط ايده على بطنها وهو يتحسسه ويحس بحركات الجنين عبدالله: ههههه وتقولين بنت ... مها: الي يجي من الله حياه الله .. المهم يجي بالسلامه عبدالله لمس الخوف في صوت مها مرر ايده على خدها : لا تخافين ماراح يصير الا كل خير .. انا بكون جنبك على طول ....... ابتسمت له مها ابتسامه متردد وغمضت عيونها بتعب عبدالله: يالله قومي ارتاحي ... والا ناسيه ايش قال لك الطبيب.. الجلسه الكثير مو زينه لك مها: زهقت عبدالله من السرير عبدالله: ما يخالف .... مابقى شي حياتى .................................. __________________ سارا: طيب ما يصير اروح معك ؟؟ عبدالعزيز: قلت لك مو مطول كلها 3 ايام وينتهى المعرض وارجع سارا: اقدر اغيب عن الجامعه .. تونا بادين دراسه ومابعد نتعمق عبدالعزيز: سارا.. اولا مو متاخر .. ثانيا حمد معي شلون تجين سارا: وانا ايش ليه من حمد ... ماراح يسكن معنا بنفس الغرفه عبدالعزيز: مايصير انا معطي الرجال كلمه ... ورايحين مع بعض شلون تجين انتى معنا سارا: عادي عبدالعزيز: سارا!!... سارا: ودي اروح معك واشترى اشياء للشقه.. عبدالعزيز: اذا رجعت من دبي اخذك للرياض ... اماكن المفروشات هناك حلوه .. ونشترى الي تبينه ... اتفق عبدالعزيز وحمد يروحون لدبي عشان معرض الكمبيوتر الي هناك ...كان ود سارا تروح معه بس عبدالعزيز اصر انها ما تروح ... وفي الاخير وافقت .... سافر عبدالعزيز من اليوم الثاني بالظهر ...اول ما وصل دق على جوال سارا بس ما ردت عليه ... بعدها دق على البيت وردت امه بلغها انه وصل بالسلامه ... سارا كانت بغرفه منيره الي ما بقى على ملكتها الا اسبوعين وهي مره محتاسه مو عارفه راسها من بنكرياسها ... سارا: مين بتصور لك مدام غالي والا قمرين منيره: لا قمرين هي الي بتصور ...سارا كل ما اذكر امووت خوف ...ايش كان شعورك انتى سارا: ههههههه .. لا تذكرينى انتى كنتى ادري .. والا ناسيه انك طول الوقت معي منيره: ما الومك على صياحك اجل سارا: منور بلا حركات ... وضعي كان غيرك انا ما كنت موافقه منيره ببلاده: ايه صح سارا: ههههههههههههههههه منيره: ايه اضحكي ...مو انتى الي تحاتين سارا: الي يسمعك يقول اليوم الملكه منيره: يوووه مابقى شي وبصير بعله ... سارا: واحلى بعله بعد... منيره: تدرين ايش الي خلانى اوافق سارا: ايش؟؟ منيره: ابي اسافر اروح شهر عسل سارا: لحظه يعنى انتى الحين الي عمرك ما سافرتى منيره: لالا ذاك ما يسمى سفر ابي اروح بشهر عسل سارا: ههههههههه ... ليه منيره: لانى ابي اروح جزر الملديف.. وهي مو حلوه لعائله حلوه لعرسان سارا: ههههههههههههههههههههههااي.. منور طلعتى مو سهله .. ما اظنك بتروحين الا ماليزيا منيره: لا يا شيخه مابي اروح لها سارا: ليه كل العرسان الجدد طايحين عليها يقولون منتجعاتها مررره روعه منيره: لا ابي الملديف... سارا: المهم الله يوفقك موالمهم المكان الي بتروحين له منيره: امين .. الا تعالى ما وصل عبدالعزيز سارا وهي تشوف ساعتها: يوووه اكيد وصل الحين ... يمكن دق علي .... عن اذنك منور منيره: طيب ابي اروح الليله للسوق عشان اشترى لى بعض الاشياء الضروريه.. تجين معي؟ سارا: ايه ... وانا بعد ابي اشترى للشقه منيره: كذاسارا ما تخلينى اشوفها سارا: اذا جهزت بشوفينها الحين هي فاضيه ومافيها اثاث .... وبعدين حنا بنعبر نفسها فيها الين يطلع االمستاجر من فيلتنا منيره: مو كيفك تبينى انتظر لين تخلصون فراشها ... سارا: خلاص ولا يهمك تروحين لها قبل ... طيب متى بتروحين للسوق؟؟ منيره: الساعه اربع صيري جاهزه... سارا: ورهف بتجي منيره: تبين نجيب طاري السوق ولا تجي رهف... بتكون اول الموجودات سارا: هههههههههههههههااي ... وطلعت راحت لغرفتها .. شافت مكالمه عبدالعزيز ... له اكثر من ساعتين من دق عليها ... يووه وهي التهت مع منيره ولا حست بالوقت ... حاولت تتصل عليه بس ما رد عليها ... يوم ياست قالت بتدق عليه بوقت ثاني .... .............. بعد ما رجعوا من السوق طبعا تعشوا هناك بكانتون ... دقت سارا على عبدالعزيز على حدود الساعه 12و هالمره الحمد لله وقفت الرنه وقابلها صمت ... سارا: الوووو اول ما رد عليها صوت انوثى سكرت التليفون ... ظلت تشوف شاشه جوالها ... مين هذي ... رجعت تاكدت من الرقم .. الا هذا جوال عبدالعزيز وصحيح ... يمكن تشابك في الخطوط خل ادق عليه مره ثانيه ... ما طولت الرنه هالمره .... و على طول رد عليها نفس الصوت الانوثي سارا: السلام عليكم ... الصوت مارد التحيه ومن غير نفس: نعم سارا : انتى مين؟؟ الصوت: حلوه هذي تدقين وتسالين انا مين سارا بتردد: هههذا جوالك؟ الصوت: اخلصي ايش تبين سارا: هاه لا بس ابي اسال الصوت: اوووووف...شكل هالليله مابتعدي على خير من الازعاج ... ممكن تتركينا بحالنا ولا عادي تدقين... وسكرت التليفون بوجهها ... انصدمت سارا ... مين هذي المراءه .. وشلون ترد عليها بجوال عبدالعزيز .. لا والساعه 12 باليل بعد .. رجعت دقت من جديد ... المره: هيه تراك زهقتينا سارا: عطينى عبدالعزيز المره: لا انا ولا عبدالعزيز فاضين لك ..................................... بعد ما رجعوا من السوق طبعا تعشوا هناك بكانتون ... دقت سارا على عبدالعزيز على حدود الساعه 12و هالمره الحمد لله وقفت الرنه وقابلها صمت ... سارا: الوووو اول ما رد عليها صوت انوثى سكرت التليفون ... ظلت تشوف شاشه جوالها ... مين هذي ... رجعت تاكدت من الرقم .. الا هذا جوال عبدالعزيز وصحيح ... يمكن تشابك في الخطوط خل ادق عليه مره ثانيه ... ما طولت الرنه هالمره .... و على طول رد عليها نفس الصوت الانوثي سارا: السلام عليكم ... الصوت مارد التحيه ومن غير نفس: نعم سارا : انتى مين؟؟ الصوت: حلوه هذي تدقين وتسالين انا مين سارا بتردد: هههذا جوالك؟ الصوت: اخلصي ايش تبين سارا: هاه لا بس ابي اسال الصوت: اوووووف...شكل هالليله مابتعدي على خير من الازعاج ... ممكن تتركينا بحالنا ولا عاد تدقين... وسكرت التليفون بوجهها ... انصدمت سارا ... مين هذي المراءه .. وشلون ترد عليها بجوال عبدالعزيز .. لا والساعه 12 باليل بعد .. رجعت دقت من جديد ... المره: هيه تراك زهقتينا سارا: عطينى عبدالعزيز المره: لا انا ولا عبدالعزيز فاضين لك ورجعت قفلت بوجهها... ماقدرت سارا تمشى الامور على هذا الاساس الغيره ذابحتها وتبي تعرف مين هذي .. جعلهم ما يتهنون بليلتهم لازعجهم ليل ونهار المهم يرد على عبدالعزيز ... دقت من جديدي بس هالمره كان الجوال مغلق .. تشوف الحقيره هى وهو ان ما خليتهم يندمون .... مرت الليله صعبه على سارا والف فكره وفكره براسها .. مين تكون هالمره .. وشلون تكون مع عبدالعزيز بهالوقت .. معقوله يكون متزوج على .. والا تكون ... لالا انا ايش افكر فيه مستحيل يسوى عبدالعزيز هالشي .. طيب مين تكون .. ايش وصل الجوال ليدها .... النوم جافا سارا .. والافكار تعذبها .. اول ما تغمض عيونها يرجع لها صوت المراءه .. حاولت تطرده .. بس مافي فايده .. جلست على السرير .. وهي حاطه ايدها على اذانها وكانها بهالطريقه ماراح تسمع شي... ليه ياعبدالعزيز .. ليه تسوي فينى كذا .. انا ما صدقت صرنا تمام ... .................................... باب الغرفه يدق ... الصوت ازعجه وصحاه .. قام من على السرير بتكاسل ... وراح يشوف مين الى يدق عليه بهالوقت ... عبدالعزيز : مييين ؟؟ الصوت: وينك يارجال .. افتح فتح الباب ولازال النوم مسيطر عليه .. عبدالعزيز: هلا حمد .. ايش عندك؟؟ حمد: انا الي ايش عندى .. وينك يارجال انتظرتك تحت على الفطور لين سكروه .. عبدالعزيز: ليه كم الساعه؟؟ حمد: 11 الظهر عبدالعزيز: الله نمت كثير .. وليه مادقيت على تصحينى؟ حمد: دقيت .. بس جوالك مغلق عبدالعزيز:غريبه ماذكر انى اغلقته .... طيب انا بلبس وبطلع معك .. حمد: لا تتاخر بنتظرك ببهو الفندق وطلع حمد .. لبس عبدالعزيز ثوبه واخذ يدور على جواله ولا شافه .. راح عند الطاوله الي عليها بوكه ومفاتيحه.. عادة الجوال يكون معهم ... بس هالمره ماهو موجود .. بعد ما ياس نزل تحت لعند حمد .. عبدالعزيز: اقول حمد ممكن جوالك شوي.. مو لاقي جوالى حمد: تبي تدق عليه .. قلت لك مقفل... عبدالعزيز: خل نجرب مره ثانيه .. مو خاسرين شي حمد: براحتك جرب ونفس النتيجه الجوال مسكر ... عبدالعزيز وهو مستغرب: غريبه وين يكون حمد: متى اخر مره خبرك فيه عبدالعزيز: مادري مااذكر.. حمد: مكن تكون ناسيه بمكان .. المطعم الي رحناه امس مو يمكن يكون فيه عبدالعزيز: أي والله .. خل نروح له ونسال راحوا للمطعم ولا عطوهم اجوبه شافيه .. وقالوا لهم انهم ماشافوا شي وهو ينظفون الطاوله.. حمد: تدري شلون دق على الشركه وخليهم يلغون البطاقه عبدالعزيز: وليه يلغونها وهي مالها فايده مو خلاص مقفل يعنى مايقدرون يفتحونها.. حمد: طيب الغيها عشان تطلب جديده عبدالعزيز: اذا رحت للسعوديه يصير خير .. حمد: بكيفك .. بس نصيحتى تلغيها .. خذ جوالى واتصل على عمر اخوك عبدالعزيز: يارجال ما يحتاج استخدم الكابينه حمد: أي كابينه انت الثانى هنادوه على غفله .. خذ الجوال وبلا حركات عبدالعزيز: لا انا ابي اكلم الاهل .. معليش اسمح لى حمد حمد: اذا اهلك ماصار شي اخذ عبدالعزيز جوال حمد ودق على جوال سارا .. ولان سارا بطبيعتها ما ترد على أي رقم غريب ماردت ... بعدها دق على البيت ... عبدالعزيز: السلام عليكم رهف: وعليكم السلام .. هلا عزيز عبدالعزيز: اهلين ...شخبارك رهف رهف: تمام بخير انت شخبارك وايش مسوي مع دبي .. وناسه صح عبدالعزيز: ايه الحمد لله .. اقول رهف سارا جنبك رهف: لا توها طالعه رايحه لعند اهلها .. عبدالعزيز: طيب الوالده رهف: بالمطبخ تبي اناديها.. عبدالعزيز: ايه .. رهف نادت امها رهف: يمممممممممه .. يمممممممه فوزيه: مصمه .... خير ايش فيك تصارخين ودخلت فوزيه للغرفه.. رهف وهي ماسكه التليفون: عزيز يبيك فوزيه اخذت التليفون: هلا والله هلا ابوي ... كيفك عبدالعزيز: الحمد لله يالغاليه .. انتى ايش مسويه فوزيه: بخير..الله يسلمك عبدالعزيز: وابوي ايش مسوي فوزيه: هذا هو الي في راسه يسويه حتى لو على حساب صحته عبدالعزيز: المهم يمه مانى مطول.. حبيت اعرف اخباركم .. قولى لعمر يدق علي على جوال حمد ضروري.. واذا جات سارا قولى لها انى مااقدر ادق عليها اليوم وانشالله بكره الصبح بكون عندكم فوزيه: انشالله ... متى واصل طيب عبدالعزيز: يعنى على العشر فوزيه: تبي اسوي لك فطور عبدالعزيز: هههه لا يمه ما يحتاج .. باكل بالطياره ..يالله فمان الله فوزيه: الله يحفظك ..مع السلامه عبدالعزيز: مع السلامه ............... مثل العاده اذا اصاب الواحد ارق او اشغلته الافكار.. ما يجيه النوم الا قبل الاذان بفتره بسيطه ... قامت سارا متاخر بسبب هالشي .. شافت الساعه قريب ال12 وهي ماصلت الفجر..راحت عليها نومه قبل الصلاه بشوي..انتبهت وعلى طول قامت صلت ..انزلت تحت وتغدت مع اهل زوجها .. بعدها دقت عليها امها تقول ان اخوانها مجتمعين ...فراحت لهم مع ان عقلها كان مكان ثاني .. هايم يبحث عن اجوبه لاسئله كثيره تدور في خلدها... كانت جالسه مع حريم خوانها مها وهدى... اما امها راحت لعند ابوها يرتاحون لهم شوي... مها: سارا ايش فيك وين مسرحه سارا: لا بس افكر مها: في ايش ؟؟ سارا: ولا شي مهم .. الا شخبارك مها الحين مها: الحمد لله زينه هدى: بهالحمله يا مها انتفختى بشكل مها: هههههه..ادري حاسه انى كوره تتدحرج سارا: تصدقين السمن عليك حلو .. لو تسمنين احسن مها: لا ياشيخه ناويه على ...اصلا عبدالله مايحب الا الرشاقه سارا: هههههههه لو يحب الرشاقه ايش مصبره عليك للحين مها: طيب يالخايسه انتى تدرين انها فتره وتعدى.. متى بس يجي اليوم الي اشوفك فيه منتفخه سارا: لا ياعمري انا مستحيل اصير مثلك .. مها : كل الحمل كذا هدى: مو شرط انا ما اتنفخ اذا حملت مها: يووووووه طيب ايش اسوي هالشي مو بيدى.. والله مااكل كثير هدى وسارا: ههههههههههههههه هدى: نمزح معك مها سارا: ايه نمزح عاد انتى لا تزعلين .. الا تعالى مو يمكن تكونين حامل بتوم مها: لالا انا مصوره هدى: عرفتى ايش الي في بطنك هزت راسها مها: لا ماحبيت .. المفاجاه احسن سارا: وانتىايش ودك مها: صراحه بنت... انا يطير عقلى اذا دخلت جاكادي وشفت قسم البنات .. هدى: وانتى ساارا سارا: انا تو الناس هدى: أي تو الناس؟ مها: ليكون حامل وخاشه عنا سارا: لا والله ... اصلا الدكتور قايل مو زين الحمل بعد التسقيط مباشره على الاقل يكون بعد ست شهور هدى: غريبه.. كثير اعرفهم سقطوا وحملوا على طول ولا صار لهم شي سارا: مادري والله .. مها: عبدالعزيز ما يحن عليك يبي عيال هنا رجعت ذكري الليله الماضيه .. الي بدت تناسها سارا اول ما قامت تسولف معهم سارا: ماعمري فتحت معه الموضوع ولا هو مها وهي مو عارفه تاثير كلماتها على سارا: يووه عكس عبدالله اخوك .. من اول ما تزوجنا وهو ميت على العيال .. مارضى اخذ أي موانع اخذت سارا تفكر .. ياحظك يامها..حتى يو سقطت ما شفت انه زعلان عشانه فقد طفله.. كل الي قاله ربنا بيعوضنا واصلا تو الناس علينا ... هدى حست بتغير وجهه سارا .. وحبت تلطف الجو شوي هدى: مو شرط مها .. مو لازم يقول عشان يبين ايش قد هو متعلق بالعيال.. اذكر انى يوم حملت بصالح وقلت لمحمد فرح وفي نفس الوقت تضايق يقول مابعد شبعنا من بعض الحين العيال بيجون ويزعجونا.. تصدقون زعلت منه ...وقمت اصيح وهو ارتبك وماعرف ايش يسوي ... ما بقى شي الا حاول يراضينى فيه وانا اقول له انت ماتبي عيال واصيح .. والحين افكر بكلامه .. معه حق كان عنده بعد نظر.. والا انا ما تمتعت بزواجي مع محمد وحدنا الا بشهر العسل بعدها وحام وتعب الحمل ..وتكملت المشوار.. مها:ايه والله .. هدى: يعنى سارا استمتعى نصيحه... سارا اكتفت بالابتسامه رد عليهم .... .................................... __________________ في احد زوايا الغرفه .. كان جالس وقباله كوب قهوه ... جالس وهو يفكر ... ورايح فكره بعيد .. ما حس بالشخص الي اقبل عليه .. وسحب الكرسي من قدامه وجلس... انحنى بندر على الطاوله ولمس الكوب بندر: قهوتك صارت بارده ولا شربت منها شي انتبهه سلمان لصديقه ورفيق عمره سلمان: هلا بندر من متى وانت هنا بندر: اوووف... ما حسيت فينى .. لى حول خمس دقايق شافه سلمان بنظره خلته يفقع ضحك بندر وهو يضحك: لا والله تونى جاي... عسى ماشر مااشوفك على بعضك سلمان: تصدق بندر .. تتوقع مين شفت اليوم بندر : ميين؟؟ سلمان: لمى بندر: طيييب سلمان: ايش الي طيب ..اقولك شفت لمى بندر: هماك تبت ولا عاد تكلمها.. شلون شفتها سلمان: لا شفتها مع واحد .. طالعين من هنا بندر: يمكن اخوها سلمان: لالا هى ماعندها اخوان .. وانا ماقلت لك هي طالعه مع مين .. شفت حسن خوينا .. يصير ولد عمه .. شايفه مره بالاستراحه .. واحد داشر وما يستحى على وجهه بندر: والزبده؟؟ سلمان: نعم بندر: انت ليه مهتم تنهد سلمان: مادري والله .. ضاق صدري كثير بندر: مو خابرك تحبها سلمان: ايه .. بس حاس بالذنب بندر: وانت ايش لك بالموضوع .. انت الي قايل لها تصادقه سلمان: لا .. مو كذا بس انا اول واحد تكلمه لمى .. وحاس انى السبب بخرابها .. بندر: ماهي طفله او مراهقه ما تفهم ... سلمان: ولو المفروض انصحها بندر: هههههههههههههههههههههه سلمان باستغراب: ليه الضحك بندر: عليك ...هههههههه.. اشوفك مشتغل لنا شيخ زمانك سلمان بدى يعصب: عن الطنز بندر بندر: هههه طيب طيب... ماقلت لى هي شافتك سلمان: اييه ... لا وتصدق سلمت على من بعيد .. بندر: شفت هي اساسها خايس ... ماذكر انك طلعت معها قبل سلمان: لالا .. ماعمري شفتها الا اول مره ... قبل لا اكلمها قصدي بندر: يمكن مو هي ... سلمان: لو مو هي ما سلمت يالعبقري بندر: المهم انت لا تضيق صدرك ولا شي...ترى البنت ما تسوى سلمان: الله يعين ...تدري بندر بندر: هلا ... شكلنا ما بنخلص اليوم ولا بطالبين شي سلمان: قوم اطلب مين ماسكك بندر: واحد ضايق صدره سلمان : هيهيهي ضحكتنى بندر: انا قايم اطلب ايش تبى؟ سلمان: جب لى موكا ...والا اقول فربتشينو بالكراميل بعد ما رجع بندر وهو حامل له الي طلبيه .. جلس مكانه .. وناول سلمان طلبه ... بندر: ايه ايش كنت ناوي تقول سلمان وهو يشرب من كاسه: الله يبرد على الحلق... ايه كنت بقول لك انى ابي اتزوج بالاول فتح بندر عيونه على الاخر وقام يشوف سلمان بعيون بليده ...بعدين رجع راسه على ورى وضحك بصوت لفت نظر الي جالسين حوله .....عصب سلمان من قلب.. وبكل عصبيه: ماظنى قايل نكته بندر وهو يحاول يتمالك نفسه: انت مو صاحي اليوم ابد هههههههههههههههههه سلمان : ادري الشرهه مو عليك الشرهه على الي قاعد يسولف معك وقام من على الكرسي .... بندر وهو ماسك ايد سلمان يمنعه من انه يروح: تعال وين ..ليكون زعلت التفت عليه سلمان : لا مازعلت يالماصل ... بروح للبيت بندر: اجلس يارجال تو الناس سلمان: اسف .. ابي الحق على الوالده قبل لا تنام .. بندر وهو عاقد حواجبه: ليه سلمان: عشان تخطب لى رجع بندر للضحك وهالمره سلمان معه .............................. بالليل متاخر رجعت لبيتها .. نزلها محمد بعدين راح بيته وهو وعيالته وحرمته .. دخلت للصاله .. كان عمها سالم وام عمر جالسات سارا: السلام عليكم سالم: وعليكم السلام ... هلا والله هلا بنتى سارا.. وينك ما شفتك اليوم سارا: رحت عند اهلى مجتمعين سالم: وشخباره ابوك انشالله طيب سارا: ههههه.. عمي الي يسمعك يقول ما شفته اليوم بالشركه ضحك سالم فوزيه: تعشيتى ..؟؟ سارا: ايه تعشيت .. سالم: تعالى ليه واقفه اجلسى معنا سارا ابتسمت لعمها: معليش عمى بكره عندي محاضره بدري ... فوزيه: شلون تروحين الجامعه وعبدالعزيز بيوصل رجع لها الشي الي على قلبها اول ما جابوا طاري عبدالعزيز الحين انا شلون بقابله سارا: ليه هو متى واصل فوزيه: حول 10 الصبح سارا: هو داق؟؟؟ فوزيه: ايه.. سالم : وليه ما دق على حرمته فوزيه: وانا امه والا ما يصير يدق علي سارا: لا عادي يمه .. بس انا اسال سالم: حتى لو المفروض يدق عليك .. يعنى يسافر ولا يكلمك ما يصير فوزيه: لا تظلم الولد سالم.. قال لى اسلم على سارا .. واعتذر مقدما لانه ماراح يقدر يدق.. سارا: والله عادي عمى .. واضطرت تكذب عشان خاطر عمها سارا: هو دق علي بس انا ما كنت قريبه من الجوال ولا رديت .. ورجعت ادق عليه وكان الخط مشغول فوزيه: شفت .. هذا ولدى وانا اعرفه سارا: ماصار شي.. يالله عن اذنكم سالم: وين ؟؟ سارا: بروح انام .. الحين البنات ما شفتهم فوزيه: صايرين دجاجات من الساعه 8 نايمين سارا: ههههه.. طيب تصبحون على خير وجات باست سالم وفوزيه على روسهم وراحت تنام .. سالم: والله هالعبدالعزيز ما يستاهل هالدره فوزيه: ساااااااااالم سالم يشوفها بنظره: تنكرين انها دره فوزيه: ماانكر.. وحتى ولدك ماشالله عليه سالم : الله يخليهم لبعض فوزيه: ويحفظهم ....................... وقفت قدام مرايا الحمام .. بعد ما رشحت وجهها بالماي البارد .. لازال صدى تنفسها يتردد على كبر الحمام ... ونبضات قلبها تدق بسرعه جنونيه.. حاسه بجسمها معرق مع ان مكيف الغرفه شغال.. ومع كذا تحس بالحراره تطلع من جسمها ... حاولت تهدى نفسها .. طلعت من الحمام وراحت لعند الثلاجه الصغيره الموجوده بالغرفه ... كانت فاضيه مافيها الا ماي وشوكالاته وبيبسي.. اخذت لها كاس ماي وشربته مره وحده ... جلست على السرير وهي تحاول تسيطر على نبضاتها ... ايدها على قميصها عند قلبها ... وشعرها طايح على وجهها وهو مبلل من قدام بالماي .. الخوف الي تحس فيه مو قليل.. ضرب صوت خلاها تفزع وتنقز من مكانها .. التفت على الساعه وتنهدت بصوت عالى .. كان الصوت صادر من الساعه وعلمها ان الوقت الحين صار 3 بعد منتصف الليل.... الكل نايم ولا حاس فيها .. وهي عايشه هالرعب والاحساس بالوحشه .. بعد ما انعاد لها الحلم من جديد .. هذي ثالث مره تشوفه .. بس هالمره غير.. لانه له فتره طويله منقطع .. ليه ينعاد الحين وبالوقت .. وعبدالعزيز بعيد عنها ....عبدالعزيز .. ليكون فيك شي الحين .. انا مو مرتاحه ... حاسه ان شي بيصير... شي مو زين ... انا خايفه خايفه قامت واخذت جوالها بسرعه من الشنطه .. لازم اكلمه لازم اتطمن عليه ... ابي اسمع صوته .. ابي اعرف انه بخير... حتى لو ردت على هالحقيره ما يهمنى .. انا ابي عبدالعزيز ... وبايد مرتعشه اضربت الرقم الي حافظه عن قلب.. وحطت الجوال على اذنها وهي تترقب أي صوت يصدر منه ... رمت الجوال بقوه على السرير... مقفل ؟؟؟... ليه .. مو من عوايد عبدالعزيز يقفل جواله .. حتى لو بينام ... الا اذا كان بخير ووقاعد الحين مع المراءه وانا خايفه على الفاضي... مع ورود هذه الفكره ببالها احساسها لازال مو مرتاح ... حاولت ترجع للنوم ومافي فايده ... اخذت الجوال ودقت من جديد ونفس الشي مغلق... راحت تدور لها مصحف عل وعسى يخفف التوتر الي عايشته .. دورت بغرفتها ما شافت واحد ... وين راح القران الي كان موجود .. تذكرت انها مره طلعته ونسته بالصاله الي فوق .. اخذت روبها ولبسته وفتحت الباب تسترق السمع .. اذا مافيه احد تطلع وتدوره .. والا تاخذ جلالها عشان ما يطلع عمر ويشوفها...السكون هو الي رد عليها وطمنها ... طلعت من الغرفه وشافت المصحف على طاوله صغيره بجنب الكنب ... اخذته وبالغلط ضربت ايدها تحفه .. طاحت على الارض بكل قوه ..وتناثرت بكل مكان ...تردد صدى صوتها على مسامع سارا .. وهي جامده بمكانها وعينها على اخر قطعه تدحرجت ... ........: سارا!!!!!!!!! تفاجات سارا بالصوت ولفت بسرعه لمصدره ... شافت منيره مطلعه راسها من الباب .. وتشوفها بنظرات حيره سارا: خرعتينى منيره: ايش تسوين هنا سارا: جايه اخذ مصحف منيره: ليه ما نمتى ... سارا: لا .. وانتى منيره وهي تفتح الباب على الاخر : ايش رايك نايمه من ثمان اكيد بقوم الحين... تعالى معي بالغرفه .. ادخلت سارا لعند منيره وسكروا الباب .... منيره: حاولت اشبك نت ما نفع ..اشتراكي مخلص سارا: عندي اشتراك تبين اعطيك منيره: لا يا شيخه ما يحتاج نسولف احسن جلست منيره على السرير وهي متسنده على ظهره .. وضامه رجولها لصدرها .. وماسكتهم بايدينها ...اما سارا جلست على كيس كبير محشوا بالقطن وهو اساسا كرسى ... منيره: وانتى ليه ما نمتى؟؟؟ سارا: نمت .. بعدين قمت منيره: متى جيتى من بيت اهلك امس سارا: قريب 11 ... منور منيره: هلا سارا: قد مره شفتى كابوس منيره: اذا قصدك حلم مخيف سارا: ايه منيره: هههههههه.. كثير .. تصدقين مره حلمت انى في بيت ومربوطه بقنبله على كرسي واحاول افك نفسي.. وتدرين ايش انتهى عليه الحلم سارا: ايش منيره: انى فكيت الحبل بقدره قادر .. بعدين انط من المبنى ويصير الانفجار مثل الافلام .. حسيت انى بطله سارا: هههههههههههههه.. قسم بالله انك مو بطله قولى منسمه.. منيره: ههههههههههههه .. ادري .. والا مره حلمت انى في بيت مسكون .. تقولين هنتنق .. بس كان الحلم شي كله اثاره سارا: قولى خرابيط .. كل هذا من الافلام الي تشوفينها ... منيره:وناسه جد .. سارا: طيب مو قصدي هذا المخيف.. لا مثل انك حلمتى باحد يصير له شي او اصوات صياح او موت احد اخذت سارا استحواذ منيره بهالكلام منيره: لا .. ليه انتى حالمه بكذا سارا: ايه ... تصدقين قمت مفزوعه والى الحين مو مرتاحه منيره: لا تقولين الحلم الي مو زين والا يتحقق سارا: انا خايفه منور مره خايفه منيره: عن عزيز سارا هزت راسها بالايجاب: ومو اول مره احلمه .. بس هالمره خوفي شديد مادري ليه منيره: تعوذي من بليس واذكري الله وانشالله ما يصير الا كل خير سارا تنهدت: انشالله .. وسكتوا الاثنين ... سارا سرحت بخيالها وتسترجع الاحداث الي صارت لها خلا 48 ساعه الماضيه .. اما منيره تفكر بملكتها وخطيبها منيره: سارا انبهت سارا لها وقامت تشوفها تنتظرها تقول لها ايش تبي منيره: اقول لك شي ولا تضحكين علي ابتسمت سارا : قولى منيره: لا خلاص من اولها ضحكتى سارا: ما ضحكت منيره: الا ابتسمتى سارا: ههههههه.. انقلعى منور بتقولين والا بكيفك منيره: اوكي بقول سارا: هههههههه يالله منيره: جد سوير لا تضحكين اتكلم جد سارا: نشوف الجد .. والله ما اضحك منيره: امم .. تدرين حاسه انى احب طلال سارا: ههههههههههههههههههههههههههههههههههههههههههههههه منيره: يالخايسه هذا وانا محذرتك سارا وهو يحاول تتمالك نفسها: منور منتى بصاحيه .. ايش حبيته..فجاه كذا منيره: لا يعنى مو حبيته حبيته .. هيه لا تضحكين انتى وعدتينى سارا : ههه .. طيب .. منيره: مادري حاسه شعوري له غير .. يعنى لو جابوا طاريه .. واذا فكرت فيه .. وانا اجهز للملكه .. كل هذا يعطينى احساس ناحيته غير ما كان موجود قبل .. تتوقعين صرت احبه سارا بتفكير: يمكن .. منور مشتاقه للملكه منيره: مادري خايفه .. ماعرف ايش اقول له اذا طلعتى .. والا اذا جا يلبسنى اخاف اطيح من الخرعه ورجولى ما تشيلنى ...سوير يا ويلك اذا ما كنتى جنبي سارا: شلون منيره: انا كنت معك في ملكتك وزواجك بعد سارا: انتى اخت العريس.. انا ابي صفه.. والا تبينى اوقف جنبك بغطاتى كانى طقاقه منيره: يووووه يعنى مين يصير معي سارا : امل والااسما منيره: لا وع مابقى الا هذولي سارا: خوات رجلك منيره: تدرين انك محظوظه ياسارا سارا: ليه؟ منيره: لان خوات رجلك خفيفات دم سارا: هههههههههههههههه.. مالك انتى ورهف خفيفات دم .. العكس هو الصحيح منيره: اقول انقلعى .. تموتين تبين تصيرين في مثل خفة دمنا سارا: هههههه ..لا يكثر منور منيره: ههههههههههههههههههههه وينفتح الباب فجاه ودخل عليها رهف في بجامتها ...وكشتها قايمه سارا: الطيب عند ذكره رهف: انتوا ايش فيكم صوتك واصل لاخر البيت ... منيره: بلا صواريخ رهف... اتحدى تسمعين صوتنا بغرفتك رهف: لا جد... المؤذن ياذن وانتوا تضحكون سارا: ما سمعناه رهف: اكيد ماراح تسمعونه مع سواليفكم العاليه وجات جلست على السرير عند منيره رهف: الا على طاري السوالف .. ايش كنتوا تقولون عنى منيره وسارا: ههههههههههههههههههههههه منيره: اشتغلت اللقافه رهف: تحصل لك .... وكملوا السهره بسوالف طبعا قاموا صلوا ورجعوا يسولفون لين قرب وقت الجامعه .... منيره: بتروحين الجامعه سارونه سارا: مادري... منيره: متى جاي عزيز سارا: 10 رهف: تجيك فرصه غياب وما تغيبين اكيد في راسك شي سارا: هههههههه ... منيره: هي مثلك كسلانه ومهمله رهف: معدلى عالى الترم الاول منيره: كم ياحظي؟؟ رهف: حول 3.6 ... منيره: هذا عالى ... لا وسنه اولى سهله وكلها مواد عامه .. ايش تسويين بعدين رهف: ليه انتى كم يالدافوره سارا: رهف اذا جينا للجد منور شاطره ... رهف : معدل هو؟؟ منيره: اخاف من عينك يا بنت رهف: لا تخافين .. قلنا ماشالله منيره: 4.5 .. رهف: هذي الدفره.. على بالي بتقولين 5 والا 4.75.. سارا: بالعكس مرره زين رهف: وانتى سوير سارا: لا انا خليها مستوره رهف وهي تشوف غرفه منيره والعفسه الي فيها... رهف: اقول منور ماودك تبيعين لوحاتك منور منيره : لا طبعا سار ا: ليه منور مره حلوه رهف: عادي انا الي ابيعها واخذ الربح منيره: من جد رهف اتحدى احد يشترها منك سارا: بالعكس منور لوحك مرره حلوه انتى جربي ومو خسرانه منيره: لا انا استخدمها هوايه بس...يوووه الساعه 6 بروح اتروش.. يالله برى فتحت سارا عيونها ورهف قامت تضحك رهف: ليه مستغربه سارونه هالشى مو غريب على منور ... منيره: لالا امزح سارا سارا: هههههههههه... انا عارفه انك ما تمزحين بس يالله .. قومي رهف نكمل بغرفتى.. سارا تكلم منيره: وياويلك ان جيتينا منيره: افا ياسارا هذا وانا صديقتك رهف: ماكانت تعرفك على حقيقتك .. متى تروحين وتفكينا منيره: هين رهيف تبين الفكه منى ... وطلعت رهف وسارا وهم يضحكون على منيره .. يعرفون ان قلبها طيب ولا تزعل * * * * * * * * وصلت الطياره من مطار دبي الدولى لمطار الملك فهد بالدمام ...تعلن وصول عبدالعزيز وقرب مواجهته لسارا .. والمسكين مايدري ايش ينتظره ... حمد: جيت بسيارتك عبدالعزيز عبدالعزيز: لا عمر جابنى حمد: حلو ارجع معي سيارتى بالمواقف.. عبدالعزيز: زين . نزل حمد عبدالعزيز عند باب بيتهم ... اول ما دخل شاف نزار بوجهه .. الي جا على طول عنه يبي يشيل عنه الشنطه عبدالعزيز: لا نزار انا بشيلها نزار: مافي مشكل بابا انا دخل بيت عبدالعزيز: من دباشتك ومن متى دخلت بيتنا على بالك تفزع قام نزار يهز راسه مقلد عاده الهنادوه ... عبدالعزيز: المهم نزار بابا سالم روح شركه نزار: كوله روح بابا سالم بابا عمر .. كله عبدالعزيز: طيب يالله وراح دخل للبيت .. حط الشنطه عند المدخل ودخل بالغرفه الي عادة امه تكون موجوده فيها .. كانت سارا جالسه على الارض مع هند وقاعده تلون معها ... نوره لانها تدوام تجيب عاده هند وعبدالرحمن لعند امها بالصباح اما حصه تروح تمهيدي ..... سارا: الحين برسم لك فراشه ... وابيك تلونيها احمر طيب.. هزت هند راسها بقوه وبحماس... واشرت على الورده هند: هدي اوونها امر.. سارا: ههههههههههه لا يام لسان عوج .. الورده نلونها امممم... انتى ايش تبين هند: امّر.. سارا: خلاص احمر يعنى احمر شافت هند خالها وتوها بتقوم الا ياشر لها عبدالعزيز تجلس وهو حاط ايده على فمه يعنى تسكت ...جلست البنوته وعلى فمها ابتسامه شريره قرب عبدالعزيز من سارا ... حست سارا باحد والفت على طول .. اول ما شافت عبدالعزيز ارتسمت ابتسامه تجنن على فمها ... سارا: حمد الله على السلامه عبدالعزيز مد ايده لسارا عشان تقوم من الارض عبدالعزيز: الله يسلمك ... مسكته سارا وساعدها على القومه .. وتوها واقفه .. الا تدخل فوزيه للغرفه وهي شايله دحومي ... فوزيه: عزييييز عبدالعزيز: هلا يمه .. وراح لها يحبها على راسها فوزيه: متى واصل عبدالعزيز وهو يلمس خد دحومي الصغير : تونى مااخذت الا خمس دقايق..الله يمه فاتتك دبي .. صار علوم وين اول وين الحين ..انبسطنا فيها كثير ... بالاضحى لازم نروحها كلنا فوزيه: هههههه.. اذا صار ابوك زين نروح ليه لا عبدالعزيز: ليه ابوي ايش فيه فوزيه: امس تعب كثير .. ومو عاجبنى واقول له يراجع المستشفى ومو راضي عبدالعزيز: لا بيروح .. هند: خالو .. وين لوح للاعاب.. عبدالعزيز شال بنت اخته : لا حبيبتى .. تدرين ايش جايب لك الحين هند: ايس عبدالعزيز طلع شي من جيبه وقام يرجه هند بصرخه: اسمنتتتت عبدالعزيز: هههههههههه ..ايه داري انك تموتين فيه هند وهي تحاول تاخذه من خالها: ابي عبدالعزيز: بس وحده ... فتح هند راحه ايدها : ابي وحده بعد عبدالعزيز: لا بعدين يجيك اسهال وتعصب علي امك .. لاحظ سكوت سارا وعدم مشاركتها معهم ... التفت يشوفها شاف انظارها مركزه على تحفه موجوده .. واضح انها مو معهم ولا حاسه فيهم ... عبدالعزيز: شخبارك سارا؟؟ سارا اول ما شافت عبدالعزيز حست براحه مو طبيعيه .. لازالت اثار الحلم ماثره عليها ... فارتاحت بشوفة عبدالعزيز .. ونست أي شي عن المره .. بس يوم جاب طاري دبي وكلمته انبسطنا بصيغه الجمع رجع لها كل شي.. حس ان ودها تقوم تصرخ باعلى صوتها عليه .. وقدام امه ما انتبهت الا على صوت عبدالعزيز سارا: هاه عبدالعزيز: الله الله ايش عندك وين رايحه سارا: لا بس كنت افكر عبدالعزيز وهو يشوفها: فينى؟؟ ناظرته سارا بنظره استغرب منها ... وراحت لعند فوزيه سارا: يمه عطينى عبدالرحمن عنك صاير ثقيل عليك فوزيه: لا خليه اجلسى مع زوجك الحين ... وهند اتركي خالى تعالى معي للمطبخ عشان تاكلين شي.. نزلت هند من عبدالعزيز وراحت ورى جدتها ... عبدالعزيز: ايش فيك سارا سارا: ولا شي.. عبدالعزيز : الا في ... شافته سارا باحتقار: مو وقته الحين وطلعت من الغرفه قبل لا تنتظر رده ....راحت غرفتها ولا التفت على ورى تشوف عبدالعزيز لحقها والا لا.. مشكله سارا انها الى الحين مابعد تفهم عبدالعزيز ولا افهمت طبعه واحسن طرق للتعامل معه ...حركه هذي بدل ما تخلى عبدالعزيز يستفر منها يجطلها ولا يعبرها .. اكرهه ماعنده احد يسوي له هالحركات .. بعد حول نص ساعه افتح الباب ودخل عبدالعزيز مع شنطته ...حط الشنطه على السرير وفتحها عبدالعزيز:جبت لك البرنامج الي بغيتيه.. مع كاميرا ديجيتال سارا كانت جالسه على الكنب ومو متكلمه .. يوم شافها عبدالعزيز كذا وعرف انها زعلانه .. رفع حاجبه باستغراب وترك الي بايده وراح ياخذ له شور يصحح اشوي وبعدها بيشوف ايش قصتها... انقهرت منه سارا كثير ... يعنى حتى ما سالنى ايش فيك .. ايش يبي هذا ... بعد ما طلع من الحمام وهو يجفف شعره بالمنشفه .. ومن غير سابق انذار سارا: من هى تجمد ايد عبدالعزيز على راسه .. ورفقه وقام يشوفه وحواجبه الاثنين مرفوعه ينتظرها تكمل.. سارا: ايش فيك تشوفنى كذا .. انا خلاص عرفت عبدالعزيز وهو عافس وجهه: ايش عرفتى سارا: لا تظنى غبيه عزيز عبدالعزيز: ليه انا قلت شي.. سارا: انا عرفت عنها .. يعنى ماله داعي تخفى عبدالعزيز: مين هي سارا: عزيييييييييز.. انا الي اسالك مين مو انت عبدالعزيز بحيره: والله مو فاهم شي.. وكمل شغله ... من القهر قامت سارا وسحبت المنشفه منه ... سارا: انت تبي تقتلنى عبدالعزيز بدى يعصب جد: انتى ايش فيك .. تعرفينى مااحب اللف والدوران اذا عندك شي قوليه وفكينى سارا: انت تعرف انا عن ايش اتكلم عبدالعزيز بسخريه: لو اعرف ما سالتك سارا: طيب اذا تبي تتاكد اوكي اوضح لك .. عشيقتك مدري زوجتك الي تكون ترانى اعرف عنها عبدالعزيز شاف سارا بنظره تحمل كل شي هو غضب هو حيره هو استغراب: مييييييين؟؟ سارا: خلاص انا ماقدر اصبر اكثر من كذا .. انا مادري ايش سويت لك عشان تسوي لى هالشي عبدالعزيز: لحظه لحظه .. في شي حاصل وانا مو فاهمه .. ممكن تفهمينى اياه حبه حبه سارا: أيش افهمك عبدالعزيز: نبدا بالمراءه الي تتكلمين عنها .. مين علمك عنها سارا: عرفت بطريقتى الخاصه عبدالعزيز: سارا لا تسوين نفسك ام العرّيف وقولى لى ... سارا: شقول ..اقول انى اكتشفت خيانك لى .. اقول انى الحين تاكدت انك ما تحبنى ايش تبينى اقول... عبدالعزيز: ممكن تهدين سارا: ابي اروح بيت اهلى وهالمره مو راجعه عبدالعزيز: انتى ايش قاعده تقولين .. اكيد مو صاحيه سارا: الا صاحيه ... بالاول كنت مغشوشه فيك والحمد لله صحيت وعرفت عبدالعزيز: طيب عرفتى ...ماشالله عليك طلتى ذكيه سارا خلاص وصلت: عزييييييز عبدالعزيز: انا ادري عنك .. ما قدرت سارا تصبر اكثر وجلست على السرير وقامت تصيح عبدالعزيز: انا لله .. رجعنا للصياح .. وجلس جنبها عبدالعزيز: خلاص سارا انتى تدرين ايش دموعك تسوي لى بعدت عنه سارا : طيب ليه تسوي لي كذا عبدالعزيز: ممكن اعرف ايش عرفتى بالضبط سارا: عرفت عنها كل شي.. لا لا مو كل شي ..عرفت انك رحت معها دبي او التقيت فيها هناك و سمعت صوتها وهي قالت لى انك انت وهي مو فاضين لى عبدالعزيز عقد حواجبه: وشلون سمعتى صوتها سارا بدت تهدى ورفعت راسها وبعيونها نظرات اتهام: بجوالك..ردت على من جوالك عبدالعزيز بدى يفهم: متى حصل هالشي سارا: اول ليله وصلت فيها عبدالعزيز: اها .. سارا: لا تحاول تبرا الموقف دقيت الساعه 12 .. يعنى وحده هناك .. ومستحيل تكون موظفه او شي زي كذا عبدالعزيز: ايه معك حق ماهي موظفه وكان بكلماته اعطى سارا صفعه على وجهها... يعنى اقر ... واكد لها .. كان ودها انه ينفي الموضوع سارا بتتأتأ: يعنى الموضوع صدق عبدالعزيز: الحين تسالين ... وبعد ايش عرفتى سارا: بس عبدالعزيز: واكيد تبين تعرفين منى الباقي سارا: لا ما يهمنى.. اصلا انت ما تهمنى خلاص عبدالعزيز بسخريه: اها .. وايش مجلسك هنا بانتظاري طيب سارا: ابي اقولك ايش قد انت واطي وخسيس عبدالعزيز قام وشاف سارا نظره اسف .... عبدالعزيز: تدرين سارا .. غلطانين اهلك الي زوجوك بهالعمر .. لازلتى مراهقه مابعد تكبرين ناظرته سارا باستغراب عبدالعزيز: لو كنتى عاقله ماقلتى هالكلام .. وقبل لا تطلقين اتهاماتك التافهه تسمعين ايش بقول لك .. للعلم ومو تبرئ للموقف.. جوالى انسرق اول يوم وصلت .. وما اكتشفت الا اليوم الثاني .. ويوم دقيت طلع مقفل .. يعنى ايناَ كانت المراءه الي ردت عليك اكيد هي الي ماخذته سارا: بس هي قالت اسمك عبدالعزيز: ايش درانى شلون عرفت اسمى يمكن انتى قايله لها او شافته بالجوال ... سارا بانتهام: انت قلت لامك انك انبسطت هناك بصيغه الجمع عبدالعزيز بقرف: قصدت انا وحمد.. والا ناسيه انى رايح مع صديقي سارا: يووه عزيز اسفه واقف على طوله تروح عنه عبدالعزيز: لا بالعكس .. فرصه تعرفينى على تفكيرك المحدود .. المفروض تسالين باسلوب مو تنفجرين ..ونصيحه منى ...قبل لا تحكمين اسمعي اقوال المتهم فاهمه... وطلع من الغرفه وهو معصب على سارا ... .......... حست سارا بالندم على سرعه تصرفها .. من طلع الصبح ولا شافته .. فهمت من فوزيه انه راح للشركه ...جا سالم وعمر والبنات .. وهو ما جا .. وهالشي خلى سارا ما تشتهي تتغدا .. رقت فوق لغرفتها وهي حاسه بالذنب... شافت الشنطه لازلت على مكانها مفتوحه .. ومن الاشياء الي فوق الملابس علبه مخمليه لونها عنابي ... الفضول خلاها تتجرا وتاخذها .. فتحتها شافت قلاده مره حلوه وناعمه .. السلسله ذهب ابيض.. والتعليقه عباره عن الماسه على شكل دمعه ... يعنى جاي تعبان وفي نفس الوقت مبسوط انه راجع للبيت .. وبدل ما استقبله عدل صرخت في وجهه ..معه حق يزعل منى ويعصب.. تصرفي سريع وحق عيال مو مراءه متزوجه ..اول ما يجي عبدالعزيز راح تستسمح منه .. لو كان هو مكانها اكيد بسوي مثلها .. يمكن هي تسرعت شوي وماعطته فرصه .. بس هو لازم يتفهم يسامحها ..... ....................... بعد ما راح للشركه .. كان متضايق كثير من سارا ... شلون تفكر فيه كذا .. انه يكون مع مراءه .. يعنى ايش قصدها انا اسوي الحرام .. والا متزوج .. ما تدخل العقل ... اكثر شي ضيق خلقه هو تفكيرها .. والا صراخها وانفجاها بوجهه .. ما ضايقه كثر ذاك .. قرر يهدى شوي قبل لا يقابلها .. عشان ما يتسرع ويقول ها شي.. رجع للبيت .. بس ما دخلت جلس بالملحق .. وهناك انسدح يريح شوي .. ................. على الغدا كلهم جالسين .. الا طبعا سارا وعبدالعزيز ... منيره: يمه ابي اروح اليوم اختار كيكه لي فوزيه: روحي احد ماسكك منيره: لا ابيك تروحين معي عشان اخذ رايك عمر: مو على اهل المعرس الكيك رهف: لا مو شرط ... منيره: وانا ابي كيكه من ذوقي .. بخلى الوانها مثل فستانى فوزيه: ماقدر اروح منيّر اليوم ام فهد جايتنى سالم : وذي ام فهد ياانتى تروحين لها ياهي تجيك ما تزهقون من بعض رهف: ههههههه.. يبه انت تقول هالكلام .. وايش تقول عنك انت وعمي صالح سالم: انا اشوفه بالشغل رهف: بالليل بالاستراحه سالم: مو انا وهو متقابلين .. معنا جماعتنا عمر: يبه عمري ما دخلت عليكم الا انت وعمي صالح مكونين عصابه ضد الكل اضحكوا كلهم منيره: لا تضيعون السالفه .. يمه تكفين لازل اليوم عشان تكون جاهزه يوم الملكه فوزيه: ماقدر ..يوووه منيره لفت على عمر: طيب انت عمر عمر: لالا انا بعد عندى مشوار منيره: يووووووووه ..حرام عليكم سالم: وليه لازم احد يروح معك .. روحي مع سارا ورهف رهف: يبه ما يحتاج انا بروح بروح منيره: سارا قالت ما تقدر تقول عزيز توه جاي اليوم وماتبي تطلع .. ورهف ذوقها ما يعجبنى رهف: هين يالخايسه ما اروح معك منيره: احسن من حلاتك سالم: ههههههه.. خلاص انا اوديك بشرط رهف اول وحده تركب السياره منيره: والله يبه .... مشكووووور رهف: هيه لا تفرحين انا مو رايحه خلاص وابوي قال لازم اكون موجوده منيره: صح يبه سالم: ايه هذي رهف فوزيه: مادري متى انت بتوقف تدليع هالبنات رهف: شفتى منور لازم اكون معكم.. قولى لو سمحتى يالحلوه رهف وارضى اروح منيره: يبه شوفها تبي تذلنى سالم: خلاص مافي روحه منيره: تشوفين يالنذله.. رهف: ياسلام تغلطين علي وتبينى اروح منيره: خلاص نسحبها .. يالله تروحين يا ست الحسن والدلال رهف: اممم .. افكر منيره: رههههههههههف... لا تزودينها رهف: ههههههههههه.. طيب اشفقت عليك منيره: يالله يبه بتروح سالم: بعد اذان المغرب اخذكم .. منيره: حلو ... وقامت فوزيه: وين؟؟ منيره: شبعانه يمه ... وراحت عند ابوها حبته على راسه بقوه منيره: مشكوووووووووور يا احلى ابو بالدنيا سالم : ههههههههه.. رهف: وانا بعد منيره: تخسين رهف بتهديد: ترى ما اروح سالم: انتى الي بتخسرين رهف: افا يبه وين الي ما يروح الا معي سالم: لا تخافين مو رايحين الا بك ابتسمت رهف بغرور وشافت منيره وهي ترفع حواجبها وتنزلهم منيره: ياثقل دمك ... وراحت من الغرفه . ............... ....................... __________________ <

يمكن صار غلط سارا ابتسمت: ايه د.كرم: والله... الف مبروك .. سارا: الله يبارك فيك دكتوره د.كرم: عيزاك تقيبي لنا عيل صوغير زيك سارا: ههههههه تو الناس دكتوره د.كرم: امال عيازه امتى.. دالوأت احسن سارا: انشالله .. وبينت للدكتوره انها بتروح د.كرم: هههههه.. اوكي مابعطلكيش سارا: اوكي دكتوره مع السلامه.. ومشكوره لانك اجلتى الاختبار د.كرم: كرمالك ...دي هديه قوزاك سارا تفكر.. واضح بس انتى يالمصرين في المدح ما تقصرون سارا: من ذوقك . وراحت من عند الدكتوره وهي تمشى على تركض بنفس الوقت .. وهي نازله من الدرج دق جوالها نفس الشي.. ياربي تاخرت واجد عليكم واكيد تضايق عبدالعزيز الحين .. حاولت تمسك تلفونها وفي نفس الوقت تشيل شنطتها.. غير عباتها الطويله الي كانت رافعتها عشان ما تطيحها.. وتوها بترد على عزيز الا تسكر بوجهه بالغلط وفي نفس الوقت ما انتبهت على اخر درجه وتطيح على الارض .. كانت طيحتها خفيفه ولا عورتها .. المشكله الشنطه الي انفلت من يدها وتناثرت الادوات واللوحه على طول الممر... كل قطعه بجهه.. ياربي ليه يصير لى هالاشياء اليوم بالذات .. يعنى يوم جا عزيز ياخذنا اتبهدل كذا... حمدت ربها ان الممر فاضي ومافي بنات . .. والا شكلها كان يمت من الضحك ... اخذت تجمع الاشياء من على الارض .. الا مسطرتها ما شافتها ... دورتها يمين شمال مافي فايده .. لاحظت انها زودتها ... وتركت المسطره عشان تطلع برى لعند السياره ... وهي عند الباب دقت عليها هالمره منيره .. ردت عليها سارا وهي تلهث لانها تجري: الوو منيره بصوت واطي: ويينك تاخرتى سارا: هذا انا طلعت من الباب منيره: بسرعه تعالى .. سارا: هذا انا اشوف السياره يالله باي منيره: باي سكرت منيره وقالت لعبدالعزيز بصوت يحمل نبره الاعتذار منيره: هذا هي ما رد عليها عبدالعزيز.. انتظر سارا لين جات وفتحت الباب الي قدام وجلست سارا وبكل هدوء: السلام عليكم ماقابل تحيتها الا السكون.. عرفت سارا ان عبدالعزيز معصب عليها حاولت تبرا نفسها سارا: سورى تاخرت بس الدكتوره كرم كانت تكلمنى ظل السكوت هو الرد.. ومنيره تحتبس انفاسها ما لحقت سارا على غضب عبدالعزيز قبل لاتجي .. خصوصا انها بالاول ماكنت ترد على المكالمات بعدين تسكر في وجهه عبدالعزيز ... سارا: حاولت اسكت الدكتوره بس هي الي ظلت تتكلم .. بعدين وانا بالدر هالمره قبل لا تكمل جملتها قاطعها عبدالعزيز: في البيت نتفاهم سارا: جد عزيز ماكنت ابي اتاخر عبدالعزيز بنبره اعلى من نبره الصوت العاديه يعنى قريب من الصراخ: قلت لك بالبيت هالجمله اسكتت سارا وخلتها ما تنطق كلمه ...جلست وهي تحس بالم بسيط بظهرها.. شكل جاتها قدمه من طيحتها ما حست فيها الا الحين... منيره: عزيز الدكتوره كرم معروفه بهذرتها الزايده سارا: ايه ما بغت تسكت والله .. عشان كذا ما رديت كنت قدامها عبدالعزيز: اشوفك مصره على التفاهم هنا .. طيب لك الي تبين .. انا الحين ايش وصيتك .. مو قلت لك اول ما ادق تطلعين سارا: ايه بس وانا طالعه ذكرت انى نسيت اغراضي فوق عبدالعزيز: وانا السواق اتحمل غلطتك.. والا عاجبك انتظاري لك بهالشمس كانى سواق سارا: مو كذا ... لازم اسلم التصميم بسرعه عبدالعزيز: ولو ما تقدرين تعطينى خبر والا ترسلين منيره تقول لي.. وهالاغراض تاخذ من وقتك ثلث ساعه سارا: الدكتوره مسكتنى تقول لى شي اقوله للبنات عبدالعزيز: وليه ماقلتى للدكتوره ان السياره تنتظرك سارا: قلت لها بس هي قامت تسولف وما قدرت اسكتها منيره: جد عزيز هالدكتوره بس تتكلم لف عبدالعزيز على منيره وصرخ عليها: اظن انى اتكلم مع سارا مو معك صرخت عبدالعزيز جمدت سارا بمكانها هي منيره ... عبدالعزيز وهو يكلم سارا: وانتى الثانيه مره ثانيه تقولين لى اجيك وتتاخرين كذا يكون حسابي معك ثاني... ما ردت عليه سارا عبدالعزيز بصرخه خلت سارا ترتاع بمكانها: سامعتنى سارا بصوت واطي: ايه شلون يكلمنى كذا .. وقدام منيره بعد .. ولا عبده من عبيده.. في الف طريقه للتفاهم غير كذا... امسكت العبره الي كانت شوي وتطلع .. ما تبي تصيح خلاص.. وصلوا للبيت .. وعلى طول راحت سارا فوق لغرفتها .. ومع ان الغدا كان جاهز ... سالت فوزيه عنها قالت لها منيره انها مو مشتهيه ... منيره الي كانت متضايقه وموصله من طريقه اخوها .. لو استمر على هالحال بيكرهه سارا فيه.. لمتى يظل كذا... وليه يعصب على هالشي التافه.. هو صح ان سارا المفروض ما تتاخر .. بس كان عندها ظروف... ظلت تشوف اخوها بنظرات طول فتره الغدا.. والي قاهرها اكثر انه تغدى ولا عليه .. مو حاس انه غلط على زوجته.. مسكينه انتى يا سارا ... والله ان عزيز ما يسواك ... سالم: منور ايش فيك تشوفين اخوك كذا انتبهت منيره من سرحانها والتفت على ابوها... ابتسمت له : لا يبه بس سرحت شوي عبدالعزيز الي كان حاس بنظرات منيره قام من السفره وهو بعد ما خلص الاكل ... صدق تسرع بغضبه.. بس هو كان عارف انه بيتهور.. خصوصا اذا كان غضبان.. عشان كذا ظلب من سارا يتفاهمون بالبيت الى ان يهدى... بس هي الي اصرت ...وهو ما تمالك نفسه ...ماله داعي تزعل على كذا .. السبب مو لهالدرجه يضايق ويخليها ما تتغدى حتى ... جلست على الغدا عشان ما يحسون اهله ان في شي بينه وبين سارا.. بس نفسه مسدوده .. ونظرات منيره مو مريحته.. يووه منور احيانا احس انك تحبين سارا اكثر منى انا اخوك... قام من على السفره وراح لعند سارا .. يروح يشوف ايش قصتها...رقى فوق لغرفه ... حاول يفتح الباب شافه مقفل... دخل مفتاحه ولا دخل.. واضح ان لازال فيه مفتاح داخل.. طق على الباب ومارد عليه احد.. هو عارف ان سارا موجوده داخل.. بس ليه تفقل الباب .. دق الباب دقات على ولازال مافي جواب عبدالعزيز بصوت ما يحاول يعليه عشان ما يسمعه احد: سارا افتحي الباب وما سمع ولا حتى حركه عبدالعزيز: سارا هالحركه مو حلوه .. افتحي وخلينا نتفاهم ونفس الشي سكون تام عبدالعزيزبدي يعصب.. حركات البزار هذي مو عاجبته عبدالعزيز: سارا .. بتفتحين والا تبينى اكسر الباب هالمره سمع حركه تقرب.. وصوت سحب المفتاح من مكانه ... حاول يفتح شافه لازال مقفل..دخل مفتاحه ودخل على طول... فتح الباب وهو يتوقع سارا قدامه ...على السرير والا على الكنب.. بس ما شاف لها أي اثر ... راح لعند الحمام ..سمع صوت انين ...... شاف الباب مفوح شوي .. بس النوم مطفى ... فتح الباب .. لاحظ خيال على كرسى الحمام ... والصوت صار واضح ...سارا.. ايش تسوي بالظلام .. لا بالحمام بعد ... فتح النور.. كانت جالسه وحاطه كوعها على ركبتها ووجهها بين ايدها .. وكتوفها تهتز ... قرب من عندها واول ما لمسها بعدت عنه ...ما يصير... لازم تطلع من الحماام .. الصياح فيه مو زين .. كافي انه مسكن للشياطين .. عبدالعزيز: سارا حبيبتى قومي عن هنا وبدل ما ترد عليه زاد صياحها عبدالعزيز وهو يحط ايده على كتفها: سارا تعالى اذا تبين نتفاهم يالله بس مو بالحمام سارا بصوت كله صياح: مابي اتفاهم معك عبدالعزيز: خلاص مو لازم نتفاهم بس اطلعى من الحمام سارا رفعت راسها الي كان غرقان دموع: مو كيفك تامرنى مابي اطلع عبدالعزيز: شوفي اذا ما طلعتى راح اطلعك بنفسي سارا بتحدي وهي مو عارفه ايش هي نتيجته:ل و تموت ما اطلع .. انتى الي اطلع عبدالعزيز: ماله داعي تصرخين وتدقين اعلام للبيت انك تصيحين سارا لازالت تصرخ: روح عنى مالك دخل فينى بصرخ على كيفي عبدالعزيز: سارا اكبري سارا: انا كبيره والا ماكان تزوجتى عبدالعزيز ما كان عاجبه صراخ وصياح سارا وخصوصا بالحمام وبحركه مفاجاه رفعها من على الكرسي وطلع من الحمام... اخذت سارا تضربه ايده الي شايلتها وتصرخ سارا: نزلنى ... قلت لك لا تلمسنى ولا همه عبدالعزي ولا كان سارا تضربه... سارا: اتركنىىىىىىىى نزلها على السرير وعلى طول سارا تنفض ايدينه من على كتوفها سارا: قلت لك لا تلمسنى عبدالعزيز رفع ايده كانه يستسلم: خلاص مو لامسك.. نقدر نتفاهم هنا سارا وهي لازالت تصيح: على ايش نتفاهم هاه عبدالعزيز: بالي مصيحك الحين ومضايقك سارا قامت تضحك .. وبدت تتحول ضحكتها لصياح كان شكلها يكسر الخاطر مره .. قرب منها عزيز ما قدر ما يهديها بس اول ما لامست اصابعه ذراعها .. نفضت يدها ولكن حشره هي الي لمستها ورمت نفسها على السرير وهي دافنه وجهها بالمخده سارا بين شهقاتها: انا خلاص زهقت ..ماقدر اصبر مقدر حط ايده على ظهرها عبدالعزيز: ماتقدرين تصبرين على ايش حبيبتى سارا اشقهت شهقه كبيره وكملت صياحها وهي تتكلم بكلمات متقاطعه ومو واضحه سارا: لا تقول حبيبتى انت ما تحبنى عشان تقولها ... عبدالعزيز: سارا قاطعته: ليه بتكذب وبتقول انا احبك رفعت وجهها ولفت عليه ... عيونها الحمر الغرقانه دموع بعيونه سارا: ما يحتاج تكذب وتكسب اثم على هالشي.. انا ادري انك ما تحبنى.. وادري انك تزوجتنى غصب...بس انا ايش ذنبي... عبدالعزيز انصدم من كلمات سارا معقوله احد قال لها الشي.. معقوله منور قالت لها عبدالعزيز: سارا هالكلام مو صحيح سارا: الا صحيح والا ايش تفسر تطنيشك لى .. تطلع طول اليوم ولا ترجع الا باخر الليل.. لاتبينى اسالك ولا شي... تصرخ على وتهاوشنى قدام اختك .. ليه تبي توريها ايش قد حنا سعيدين ومتفاهمين مع بعض... من اول ما تزوجنا ماعمري جلست معك وحدنا لا بعشى ولا بغدا ولاحتى فطور... تطلع للعمل من غير ما تفكر تشوفنى ...مره ما جيت البيت الا متاخر ما سالتنى وين كنتى... حتى لو كنت صنم ما صبرت .. يوم كنت بيت اهلى كنت القى الاهتمام.. احس انى انسانه لها كيان وروح.. انسانه يهتمون لها وللي تبي وتحتاج ...وهنا اقرب الناس لي الي هو انت هو ابعدهم .... طول الوقت عبدالعزيز كان ساكت قدام انفجار سارا... عبدالعزيز بكل هدوء: انتى الحين تعبانه ارتاحي ... سارا بدل ما تسكت رجع لها صياحها: هذا الي قدرت عليه.. هذا هو ردك عبدالعزيز: سارا اعصابك مشدوده الحين وتعبانه .... مو وقته اتفاهم معك سارا: الا وقته عبدالعزيز وهو يسدح سارا على الفراش: لا مو وقته ... اسمعي الكلام نامي الحين وارتاحي .. واول ما تقومين راح نتكلم... سارا ما ردت عليه ولفت على الجهه الثانيه ودمعه نازله من عينها بللت مخدتها.... كرهه عبدالعزيز نفسه باللحظه .. حس الغرفه بتطبق عليه ... لهالدرجه ماخذه على خاطرها ومتحمله .. انسحب بشويش من السرير وطلع من الغرفه .. ما يقدر يجلس فيها اكثر من كذا ... لازم يطلع لازم يشم هوا ... لازم يطلع حتى من البيت .. وقف السياره عند المسجد .... صلى تحيته المسجد وجلس والقران بيده.. اخذ يقرى قران ... ولاحس بالوقت الا الامام جاي عشان صلاة المغرب... بعد الصلاه طلع ورجع للبيت .. يشوف سارا ويطمئن عليها .. دخل البيت الي كان زحمه ... كانوا جايين حريم عشان نوره ... على طول راح فوق لغرفته .. وهو يتوقع سارا لازالت نايمه .. بيقومها تصلى المغرب بعدين بقول لها على كل شي.. وراح يتفاهمون ... جلسته بالمسجد فادته كثير.. خلت السكون والراحه يسكون قلبه ... بس هو الي الحين لازال يحتاج لتفكير لحياته ... والاهم احاسيسه اتجاه سارا وايش تفسيره ... دخل الغرفه وهو محمل بالامل ... صدمه منظر السرير الفاضي... والاغطيه المعفسه .... راح للحمام بسرعه .. فتحت الباب بعد فاضي... نزل تحت وهو ينادي منيره ....طلعت له رهف من الغرفه رهف: شوي شوي .. في حريم عبدالعزيز: وين سارا؟؟ رهف: يمكن بغرفتها عبدالعزيز بقلق: مو موجوده رهف: والله مادري يمكن عن منور عبدالعزيز: ومنور وين رهف: عند البركه تدرس استغرب رهف من سرعه عبدالعزيز وهو طالع ... راح لعند ماكانت منيره جالسه على كراسي الحدايق... كانت جالسه وكتابها بحظنها .... عبدالعزيز: منوور اتلفت عليه منيره ردت عليه بغير نفس: نعم عبدالعزيز: وين سارا؟؟ منيره: غريبه تسال عنها عبدالعزيز: منور مو رايق لك وينها؟؟ منيره: بعد الي سويته وين تتوقعها ... اكيد بيت اهلها لااا مستحيل.. سارا ما تسويها ...شاف منيره بنظره غريبه ... ماعرفت منيره تفسرها بايش... ومن غير كلام لف وراح .. بس ما دخل البيت ..طلع من الباب على الشارع ... ومنه للسياره ...وهو مو عارف وين يروح .. ظل يدور بالسياره ... وما انتبه الا هو واقف هناك ... في مكانه المعتاد ... عند جسم الملك فهد بالكرنيش... بالمكان الي ماراح يزعجه احد .. وبيتركه لفكاره .........ترك كل شي داخل السياره .. حتى شماغه وطاقيته وجواله ونعاله... تخلل الرمل اصابيع رجوله وهو يمشى عليه الى الشاطي... رمى نفسه بكل تثاقل على الارض.... ظل يتامل البحر وهو يتامنى يغوص فيه ويغوص... الى ان يتخلص من كل همومه .. ليه ياسارا ليه تركتينى ... ليه ما صبرتى الى ان اجي ونتفاهم ... ليه كبرتيها ورحتى بيت اهلك ليييه.... بعد ما قامت من النوم على حدود المغرب......كانت تبي تطلع من الغرفه .. بس البيت مليان حريم ... وهي ما تبي تقابلهم .... بدلت ملابسها وغسلت وجهها.. حاولت تحط مكياج يخفف صفار وجهها وانتفاخ عيونها من كثر الصياح .... ماكان قدامها الا بيت اهلها... لبست عبايتها وطلعت من البيت بعد ما طلبت من امها ترسل السواق... وهي طالعه قابلت منيره الي اول ما شافت وجهها عرفت ايش كانت تسوي سارا وقت الغدا... ابتسمت لها منيره ابتسامه اعتذار .. وكانها تعتذر لها عن تصرفات اخوها ... ماقدرت سارا تمنع دمعه تنزل من عينها...وطلعت من الباب قبل لا ترجع تصيح مره ثانيه ... كانت هدى وامها بالبيت .. وجود اهلها حولها خفف عليها كثير... ومع انها كانت تتصرف بكل طبيعيه ولا كان شي صار ... لاحظت امها شحوب وجهها وما عجبها هالشي.. لطيفه: سارا وجهك لونه مو عاجبنى ابد سارا بارتباك: مكياج يمه هدى: غريبه سارا اول مره تحطين مكياج بهالكثر سارا: هههههه أي ادري.. حلو؟ لطيفه: لا ماهب حلو .. وحتى لو مكياج بشرتك ابد مو طبيعيه سارا: يمه من الكريم صديقينى لطيفه بتفحص: تغديتى اليوم سارا: هاه لا هدى: ماشالله عليك خالتى ما يفوتك شي لطيفه: بنتى وانا عارفه دلعها .. تلاقينهم مسوين سمك والا شي حار... والتفتت لساره لطيفه: قومي اكلى لك شي من عندنا سارا: لا يمه مو مشتهيه اكلت بالجامعه كثير ومتاخر مع انها حتى الساندويش ما كملت نصها ... لطيفه: حتى لازم تاكلين لونك اصفر سارا: بتعشى معكم لطيفه: والله انى منحرجه من عبدالعزيز ولا مره اكل عندنا.. دقي عليه وقولى له ان عشاه اليوم هنا سارا: هو معزوم الليله لطيفه: خلاص بكره لازم يا العشا يا الغدا شوفوا الي يناسبكم هدى: خالتى انا استاذن الحين لطيفه: على وين؟؟ هدى: تدرين مدارس بكره والعيال لازم ينامون بدري سارا: الا وينهم صلوح والباقي ما شفت احد هدى: بالملحق مبسوطين عمهم نايم ولا يدري عنهم ومن فيديوا لبلاي ستيشن لطيفه: طيب هدى على الاقل خل العيال يتعشون هنا هدى: لا خالتى ما يحتاج بعدين نتاخر .. وانا قايله لمحمد يجي الحين وابي اجهز العيال قبل لا يجي سارا: والله انى ولهانه على محمد كثير هدى: حتى هو ولهان عليك على أي شي سارا اختى وسارا اختى بديت اغار منك اسوير سارا: ههههههه... افا وانا ايش قدام ام صالح لطيفه: انتى ام سالم بعد ايش سارا: أي ام سالم يمه .. انا بعد ام صالح لطيفه: اول ولد لازم يكون على اسم ابو الزوج سارا: ياسلام وابوي انا وين راح هدى: خابرتك سارا تحبين عمى سالم سارا:اكيد احبه واموت فيه.. بس ابوي بعد احبه اكثر وابي ولدي يكون على اسمه لطيفه: الثاني انشالله سارا: لا الاول هدى: هذا انا ما سميت ولدي صالح على اسم ابوي سعد سارا: هيه ايش جاب لجاب هذا صالح هدى: اقول جب يام سالم سارا: قلت لك ام صالح هدى: نشوف ان ما سميتى اول عيالك سالم ما اكون انا هدى بنت سعد لطيفه: خل اروح اشوف العشا احسن من مقابلكم هدى: خالتى ايش دعوه لطيفه: والله ماعندكم سالفه .. اسمعي اذا دق عليك محمد جاي خليه ينزل يسلم علي... مو ياخذك ويروح.... لي يومين ما شفته هدى: ابشري خالتى لطيفه: وانتى يا سوير روحي قومي سلمان من النوم الله يهديه حتى صلاة المغرب ما صلاها رجع من الجامعه تعبان ونام ولا حس بالي حوله ....خليه يصلى المغر ب وينزل يتعشى سارا وهي تقوم: طيب يمه رقت سارا لفوق وهدى راحت للملحق عشان عيالها اما لطيفه راحت للمطمخ ... مها الي كانت ببيت اهلها هاليومين لان عبدالله مسافر للندن عنده شغل فحبت تجلس مع خواتها وامها ....دخلت سارا غرفة سلمان كانت غارقه بالظلام ... فتحت النور .. اخذ سلمان البطانيه وغطى وجهه وهو يصرخ سلمان: هيييييييييه سارا: تقول امي قوم سلمان وهو معصب: سوير سكري النور بسرعه سارا: امي تقول قوم صل المغرب تاخرت عليها ودخل وقت العشا سلمان: سااااارا قلت لك سكريه سارا:بالاول قوم سلمان وهو لازال مغطي وجهه: شلون اقوم وانا مو متعود على النور .. سارا طفييييييه سارا: يمه طيب مايحتاج تصارخ سكرت النور ودخلت داخل الغرفه .. جلست على حافة السرير ... سارا وهي تهز سلمان: يالله قوم .. ترى ما يجوز .......قوم صل وارجع نام سلمان: اوووووووف الواحد ما يرتاح من شرك .. حتى وانتى متزوجه.. الله يعين عبدالعزيز بس سارا: ههه.. ضحكتنى ومع كذا ظل سلمان بفراشه سارا: سلماااان.. ما تخاف ربك قوم صل سلمان: انتى بذبحك ... ورمى البطانيه على الارض وقام من على السرير... وهو يتذمر بصوت عالى .. دخل الحمام وسكر عليه... حركته ضحكت سارا... وهي تقوم صدمت يدها بالاشياء الموجوده على الطاوله الي جنب السرير وطاحوا.. نزلت على الارض عشان تلمهم ... كان بينهم كتاب مفتوح وبوسطه ورقه صغيره واضح انها صوره لفتت نظرها ... اخذت الصوره وقلبتها ... حست بالدنيا تدور فيها بذاك الوقت .. ظلت جامده بمكانها .. شلون .. شلون هالصوره جات هنا .. لا وبغرفه سلمان .. ووسط كتابه ... طلع من الحمام بعد ما اغتسل وروق شوي... شاف سارا جالسه على الارض وظهرها له.. واضح انها مابعد تنتبه له .. اول ما لاحظ الكتاب المرمي ..ويد سارا فيها شي... عرف انها شافتها... اكيد شافت الصوره ... حاول يتدارك الموقف.. ويبدا هو بالهجوم ... سلمان: من متى انا اسمح لك تفتشين اغراضي سارا الي تفاجاة من صوت سلمان وقفت وكانها مسويه جريمه ... اتلفت على طول عليه .. سارا: ماكنت افتش وتبرز الصوره بوجه سلمان سارا بصور حازم: ممكن تفسر وجود هالصوره عندك ماعرف سلمان بايش يجاوبها.. هو من اول ما شاف الكتاب مرمي عرف ان سارا بتساله هذا السؤال... سلمان : وليه معصبه سارا: لا والله تبينى اشوف صوره البنت هنا واصفق لك سلمان : سارا مو كذا تكلمينى سارا: انت الى جاوبنى ايش جاب صورة رهف هنا سلمان: انا تاخرت على الصلاه يالله عن اذنك لحقته سارا: سلمان جد اتكلم انا سلمان: وانا بعد جد... بصلى المغرب تاخرت كثير سارا: والصوووووووره سلمان: اذا خلصت صلاه اقول لك... جلست سارا على الكرسى على اعصابها تنتظر اللحظه الي ينتهي فيها سلمان الصلاه ... اول مره بحياتها تشوف سلمان يصلى بهالخشوع.. تقول التراويح مو المغرب... بعد ما سلم قام وراح لعند سارا... جلس على الكنب الي قبالها .... سلمان: انتى ليه مكبره السالفه ... تراها كانت صغيره بالصوره ... سارا: باي صفه محتفظ فيها سلمان: كذا عاجبتنى عصبت سارا وقامت من مكانها: سلمااااااااان .. اسمع زين ترى رهف مو من صنف البنات الي تعرفهم انصدم سلمان من اخته: أي بنات سارا:على بالك مادري عنك وعن سوالفك... كذا مره جيت عندك بالغرفه وسمعتك تكلم .. والا البنات الي اشوفهم يتغامزون حولى .. واهم سؤال عندهم مين يجي ياخذك .. وصح عندك اخو اكبر منك ... سلمان: سارا هذا اول مو الحين سارا: وايش تفسير الصوره .. شلون وصلت لك سلمان: البنت كانت ناسيه بوكها ... رفعت سارا حاجبها وشافت سلمان بنظره تسائل: اخذت الصوره من البوك سلمان: ايه سارا باستغراب: لييييييييه سلمان: والله مادري ...لا تسالينى سارا: هالتصرف مو طبيعي سلمان... وانت ايش عرفك انها رهف سلمان: اذكرها وهي صغيره سارا: طيب جاوبنى سلمان: على ايش سارا: ابي اعرف السبب الي خلاك تاخذ الصوره سلمان اخذ نفس طويل: اسمعي سارا والله مادري بتصدقين والا كيفك سارا: انا اعرف انى اصغر منك .. بس ابي اسالك انت تعرف ان الي تسويه غلط .. سلمان: ايه اعرف سارا: الحين شلون اقابل رهف .. سلمان: ماكانك سخيفه ومكبره الموضوع واذا الصوره مزعجتك خذيها سارا: وانت على بالك بتركها هنا سلمان: اجل لا تكبرين الموضوع سارا: ما كبرته هو كبير... سلمان: انا نازل سارا: وقف مابعد اخلص سلمان: ايش بتقولين بعد سارا: بسالك سلمان وتجاوبنى بصراحه ..بينك وبين رهف أي علاقه؟؟ التفت عليها سلمان وعيونه فاتحهم للاخر: علاقه مثل ايش سارا بحيره: مادري انت جاوبنى ... مع انى ما اصدق برهف سلمان: مادام ما تصدقين فيها ليه تقولين سارا: لانى ابي اعرف تفسير لهالشي سلمان:اووووه سارا... اذا انا ماعرفت التفسير تبينى انا افسر لك سارا اول مره تشوف سلمان بهذي الحيره والضياع: انت تحب؟؟ ضحك سلمان: انا احب ... سارا تتطنزين علي سارا: لا والله مو يمكن هذا التفسير ... سلمان: كل الي اعرفه انى يوم شفتها ماقدر اشيلها من بالي سارا: انت شفتها سلمان: ايه يوم زواجك سارا: وشلون عرفتها؟؟ سلمان: سالتك وانتى جاوبنتى سارا: مااذكر سلمان: وانتى تذكرين شي.. سارا: يعنى جد تحبها سلمان ... ابتسم سلمان لاخته .. وردت له سارا الابتسامه سارا: وناسه والله ... ما اتخيل رهف زوجه اخوي سلمان: شوي شوي علي.. أي زواج انتى الثانيه ... سارا: ليه مو تحبها سلمان: مو زواج على طول سارا:ليكون ناوي تلعب عليها مثل غيرها سلمان: ولا هذي .. انا قصدي ويقطع كلامه صوت الباب يفتح وتدخل ام محمد .. لطيفه: قمت سلمان... وانتى ياسارا ارسلك تقومين اخوك وتسكنين هناك .. يالله انزلى محمد وصل مع الكلام بينهم مابعد ينتهى .. وقطعته عليهم امهم .... سارا: انشالله يمه... شافت سارا اخوها بنظره يعنى كلامنا مابعد ينتهى ... ولحقت امها ونزلت تحت معها ... ظل عبدالعزيز بمكانها من ساعات ... وهو يفكر بحاله وحياته مع سارا .. انفجارها اليوم صدمه وماكان متوقعه .. لهالدرجه سارا حامله بقلبها علي .. ليه ما صارحتنى من اول انها متضايقه .. وليه تقول انى متزوجها غصب... معقوله احد قايل لها... والحين ايش اسوي .. شلون اتصرف وهي بيت اهلها... ليه كبرت الموضوع... اكيد الكل عرف الحين بالي صار.. كيف اقابل عمي صالح بكره بالشركه.. بتكون سارا قايله له شي..ااااااه ياسارا... انا لازم اشوفك الحين لازم اكلمك ...حتى لو بيت اهلك ... قام من مكانه وراح للسياره... اخذ جواله ودق على جوال سارا ... بعد ماطلع محمد مع زوجته وعياله .. ظلت سارا تسولف مع اهلها ..كانت حاسه براحه نفسيه بعد اليوم الطويل الي مر عليها ... جلوسها واهلها حولها خفف الي كان فيها.. بس هالشي ما خلى الهم يروح كله من على قلبها .. دق جوالها بذاك الوقت . . ولان النغمه حقت عبدالعزيز وهي تعرفها زين وماحبت ترد ... خصوصا ان اهلها حولها لطيفه: يمه سارا ايش فيك ما تردين ارتبكت سارا: هاه.. لا يمه هذا واحد غلطان سلمان: عطينى اكلمه واخليه ما يزعجك وبهاللحظه انقطع الصوت سارا: لا ما يحتاج خلاص سكر سلمان وهو قايم: عن اذنكم انا طالع لطيفه: على وين؟؟ سلمان: بمر على بندر ونروح للقهوه لطيفه: ماعندك دوام بكره؟؟ سلمان: الا بس محاضرتى متاخره تذكرت سارا التصميم الي عليها .. الحين جات الساعه 8 ونص... والى الحين ما سوت شئ سارا: صبر سلمان جايه معك لطيفه: والعشا سارا: بتعشى بالبيت يمه لطيفه: والي سويناه ينرمي سلمان: بتقومين سارا والا امشي عنك سارا: الا بقوم .. يمه مره ثانيه.. عندي شغل للجامعه لازم اسويه لطيفه: اكلك مو عاجبنى.. من جيتى مامديتى ايدك على شي.. حتى الكيكه الي تحبينها ما اكلتى منها شي سارا: قلت لك مو مشتهيه يمه .. لطيفه: المهم لا تتعبين نفسك كثير.. واهتمي بصحتك اهم شي سارا وهي تقوم: لا تحاتين يالغاليه.. وقامت لبست عبايتها ...نادتها امها وهي طالعه لسلمان الي سبقها للسياره لطيفه: سارا التفت سارا لامها: هلا لطيفه: انتى ورجلك معزومين عندنا على الغدا بكره سارا: بنحاول لطيفه: لاتحاولين ولا شي .. تعالوا وتغدوا سارا: بقول لعبدالعزيز وارد لك خبر وصلها سلمان لعند البيت .. وبالطريق ما فتحوا سالفه رهف ولا شي... سارا كانت تعبانه من احداث اليوم ومالها نفس للمناقشات .. اما سلمان استانس لان سارا مافتحت له الموضوع .. ولا حب يجيب طاريه .. نزلت سارا للبيت .. وعلى طول راحت فوق لغرفتها ... وعند نوره الكل كان مجتمع .. بعد ما طلعوا الحريم .. عمر الي كان جالس ودحومي الصغير بحضنه .. والبنات حصه وهند ومي يلعبون بالعرايس في وسط الغرفه .. اما رهف قاعده تشوف مسلسلها الحقيقه والسراب الحلقه الاخيره .. وكل دقيقه تصرخ على البنات يسكتون ... نوره وام عمر ومنيره جالسات يسولفون... عمر: اقول نوره ماكان ولدك صاير خشمه افطس نوره: يوه حرام عليك .. شفت ماشالله تقول سلة سيف منيره: هههههه أي سلة سيف نوره... والله كانه فلبينى نوره: محتره بس رهف: وججععععععععععععع... حصووه ان ما سكتى وهجتى مكانك لاشيلك مع كشتك واطلعك بره... ابي اسمع مو قادره اركز نوره: روحي غرفه ثانيه رهف: عيالك الي يروحون ... هنيد ووجع وترمي الخداديه حقت الكنب على هند وتجيها بوجهها... قامت هند تصيح وراحت لامها فوزيه: ها انبسطتى الحين صيحتى البنت رهف: احسن ... وانتى بعد مي لو سمعت همسه بطردك او اضربك ارتبكت مي وراحت لابوها عمر: رهف تراك زودتيها ارعبتيهم كلهم رهف: ياعالم الحلقه الاخير ما تفهمون .. ابي اشوف ايش بيصير قامت فوزيه وطفت التلفزيون: تبين تشوفينه .. روحي غرفه ثانيه رهف: يمممممممه منيره: بكره يعيدونه رهف رهف: عندي محاضره بقوتها فوزيه: روحي غرفه ثانيه رهف: ابي اسمع سوالفكم عمر: والله ماعندك سالفه تبين تركزين مع المسلسل وتسمعين سوالفنا ما تركب هذي رهف: اووووووه خلاص بكره برجع بدي .. وما يحتاج احضر المحاضره الاخيره فوزيه: مو كيفك غبتى كثير ومافيه الكفايه نوره: الا لحظه اليوم ما شفت سارا ابد وينهي؟ فوزيه: حتى انا ما شفتها؟ منيره: راحت لعند لبيت عمي صالح فوزيه: ولا تمر علينا ابد منيره: لا يمه بس اليوم تعبت بالجامعه .. وبعد ما ارتاحت نزلت وكانوا الحريم عندنا ..فراحت لعند اهلها فوزيه: ايش فيها ؟؟ منيره: مادري والله .. داخت على البنات وطاحت رهف: الله يمكن حامل .. بصير عمه عمر: وانتى الحين ويش رهف: لا مي كبرت نوره: الله ...لو تحمل سارا وتجيب ولد يتربي مع دحومي... منيره: ليه تتمنين عليه الشقى من الحين نوره: انتوا ايش فيكم على ولدي فوزيه: تركيك منهم ... نوره: ما تشوفين يمه ايش يقولون عنه عمر: وانتى ليه تهتمين فيهم منيره: مو واثقه من نفسك نوره: تراك زوديتها منور رهف: اوف اوف الشيخه نوره ازعلت نوره: لا ما زعلت بس صراحه سخافه رهف: خلاص ولا يهمك يام الدحمي سكتنا منيره: والحلقه خلصت ولا شفتيها رهف: هاها.. ومين قال لك انى ماراح اشوفها بكره فوزيه: غياب مافي رهف: ييييييييييمه فوزيه: مصمه منيره: ما كأن تاخر الوقت كثير... بكره مدرسه وروضه عن البنات نوره: يالله حصه خذي اختك وروحي نامي.. عشان الروضه بكره.. وانتى بعد مي حصه: مين يسوي فراشي ماما التفت نوره لرهف وشافتها رهف:لالالا... الحين انا الي اسوي لهم .. اعذرينى نوره: يعنى انا الي اقوم فوزيه: يالله رهف قومي اختك توها والد رهف: يمه أي توها مابقتى الا اسبوع وتكمل الاربعين نوره: طيب خلى ختامها مسك وبيضى وجهك رهف: انا وجهي وجهه خاله عمر: توك مسانسه وتبين سارا تحمل رهف: لو حمت سارا بتتنفس بيت اهلها مو عندنا نوره: افا يارهيف يعنى انا غاثتكم منيره: خلاص انا اقوم افرش لهم رهف: لا تسوين نفسك البنت الكريمه ... وقامت من مكانها وهي متضايقه رهف: يالله ياحصيص تعالى انتى واختك فوزيه: ومي خذيها معكم دخل عليهم سالم في وقت خروج رهف مع البنات الصغار...جلس على الكنب بتعب ... فوزيه: ماتبي عشى يابو عمر سالم: ايه ياليت تحطونه .. ميت جوع فوزيه: كلها ربع ساعه بالكثير ويكون جاهز ... منور روحي للخدامه وقولى لها تجهزه منيره: انشالله يمه ... وطلعت منيره من الغرفه ... اتلفت سالم سالم: الا وين الباقي؟؟ نوره: رهف مع البنات تنومهم سالم: وعبدالعزيز ومرته عمر: الا صح وينه عزيز ما شفته اليوم الا بالشركه فوزيه: هذا وانت اخوه الي دايم معه ماتعرف وين هو..دق عليه خله يجي يتعشى نوره: يمكن يمه مع سارا بيت اهلها سالم: ما اظن تونى موصل صالح لبيته ولا شفت سياره عبدالعزيز منيره وهي داخله: يمه يبه العشى جاهز على الطاوله وقام الكل عشان يتعشى ... ... انا ايش الي جابنى هنا ... هي لو تبي تكلمنى كان ردت على... الوقت متاخر ... مايصير ادق عليهم اقول لهم ابي اكلم بنتكم ... ظل جالس داخل سيارته متردد ينزل ويكلمها والا يمشى... كان ا لشارع فاضي.. والبيت مو منور .. يمكن نايمين الحين .. الصباح احسن .. بكره قبل صلاة الظهر اجي واتفاهم معها .. تحركت السياره من عند بيت صالح ... ماعرف عبدالعزيز لوين يروح .. الي متاكد منه انه ما يبي يرجع للبيت .. مايبي يدخل الغرفه ويشوفها فاضيه ... جلس يدور بالسياره من غير ما يستقر على راي تحركت السياره من عند بيت صالح ... ماعرف عبدالعزيز لوين يروح .. الي متاكد منه انه ما يبي يرجع للبيت .. مايبي يدخل الغرفه ويشوفها فاضيه ... جلس يدور بالسياره من غير ما يستقر على راي بعد ما دخلت غرفتها بدلت ملابسها ... جلست على التسريحه واخذت تمشط شعرها ... ماتدري كم مر عليها وهي على هالحال والمشط بايدها ... المفروض رديت عليه .. شفته ايش يبي... يمكن يعتذر.. لا هو مستحيل يسويها .. اصلا طفح الكيل منه .. مابقى شي ما حاولت اسويه له وهو لازال على حاله .. انا خلاص تعبت ... تعبت كثير ... دق الباب وقطع حبل افكارها وصحاها من سرحانه .. منيره: سارا انتى هنا؟ قامت سارا وفتحت الباب سارا : هلا منيره منيره: متى جيتى .. تصديقين يوم ادق الباب ما توقعت انك بتردين علي.. سارا: انا جايه من زمان ... منيره: ايه واضح مبدله ومتروشه سارا: ادخلى ليه واقفه على الباب منيره: لا انا بس حبيت اتطمن عليك .. وبحركه مفاجاه قربت من سارا وضمتها ...استغربت سارا من منيره ايش عندها .. بس هذا ما منعها انها تبدال منيره الضمه ... شدت منيره ذراعينها حول سارا... سارا: منور ايش فيك ؟؟ منيره بصوت مبحوح: مادري خف انك ما ترجعين للبيت سارا وهي تبعد شوي عن منيره: وليه ما ارجع منيره: شفتك يوم تطلعين من البيت وكيف كنتى متضايقه سارا وهي عاقده حواجبها: توقعتنيى اجلس بيت اهلى هزمت منيره راسها.. ابتسمت لها سارا ... منيره: المهم شخبارك الحين سارا: الحمد لله زينه.. منيره: اوكي اتركك تنامين احسن لك.. سارا: لا مو تعبانه ... اجلسي معي انا زهقانه والافكار تاخذنى وتجينى منيره: لا سارا وراك بكره جامعه.. الا تعالى مااشوفك خلصتى التصميم سارا: احتمال ما اروح بكره منيره: ايه احسن لك ... خذي لك راحه اليوم ما ارتحتى ابد .. تبين اجيب لك شي الحين سارا ابتسمت: الله منور ايش عندك تدلعينى منيره: مرت اخوي وصديقتى بعد سارا: ياعمري منور... من جد احبك منيره: صرنا فيلم مصري.. اقول خمدي احسن سارا: ههههه.. مافيك رومانسيه ابد منيره وهي تغمز: نوفرها للزواج سارا: هههههههههههههههه... منيره: يالله جد سارا نامي الحين احسن .. وتوها طالعه منيره الا تناديها سارا منيره: هلا سارا بتردد: لا بس.. عزيز تحت؟؟ منيره هزت راسها يعنى لا.. وملامح وجهها تعتذر لسارا وطلعت ...سكرت سارا الباب وانسدحت على السرير ... كانت ليله مضطربه النوم مو راضي يجيها ... تنتظر اقل صوت يدل على وصول عبدالعزيز .. تحس بالوقت يمر عليها ببطء .. الخمس دقايق تمر عليها كساعه ... والي زادها الالام الغريبه الي بدت تحس فيها من اول ما انسدحت ...حاولت تلهي نفسها اخذت جوالها وقامت تلعب فيه وتغير الاسماء الي مسجلتها ... اول ما حست بصوت الباب يفتح ... دخلت الجوال تحت المخده .. كتمت انفاسها وتظاهرت بالنوم ... بعد ساعات من اللف بالشوارع من غير هدف ... بنزين السياره قرب يخلص... راح لمحطه بعدين رجع للبيت .. كانت دقات الساعه تشير 11 ونص .. الكل نايم لانه يوم دراسه ودوام ... والبيت هادي .. وهذا الي ريحه .. مايبي يقابل احد وهو بهذي الحاله .. دخل المطبخ يدور له شي ياكله .. خصوصا انه من غداه .. فتح الثلاجه بس ما شاف فيها شي يشتهيه .. اخذ له تفاحه وقام ياكلها من غير نفس.. يبي يسكت اصوات بطنه... صعد لغرفته ... دخلها من غير ما يفتح النور .. الظلام اريح له بهذا الوقت .. بدل ملابسه ودخل الحمام .. بعد ما طلع رمي بكل ثقله على السرير... وبهالحظه حس بوجود احد جنبه ... سارا معقوله هي الي جنبي الحين ...مد ايده عشان يتحسسها ويتاكد من وجودها ... لمست اصابعه خصلات شعرها الحريره ... يالله ايش قد كنت خايفه افقد لمسه الخصلات ... حس براحه شديده ... واضح عليها انها نايمه .. ارتسمت ابتسامه بوجهه ... بكره راح اتفاهم معها .. وبينحل الموضوع باذن الله ... مع انها تظاهرت بالنوم اول ما جا عبدالعزيز ... الى انه الى الحين وبعد مرور ساعات ماقدرت تنام ... الالام بدت تشتد عليها ... منعت نفسها من ادنى حركه عشان عبدالعزيز ما يحس انها مو نايمه .. مع انها تاكدت الحين انه خلاص نام .. الا انها لازالت ساكنه .. ايدها تنقبض بقوه اذا اشتد الام.. وتحس بحراره طالعه من جسمها ... والعرق مالى جبهتها ... كل هذا شغلها من التفكير بالي يصير... وشلون راح يقابلها عبدالعزيز بعد ما يقوم ... وين كان كل هالفتره ... بعدت البطانيه عنها ... الهواء صارت تتنفسه بقوه ... تبي شي بارد ... قامت عشان ترش ماي بارد على وجهها ... وهي تحاول تتلمس طريقها بالظلام ... ومع قومتها اشتد الالم زياده .. كل خطوه تخطيها يزيد الالم فيها ... صدمت رجلها بالطاوله الصغيره .. وطاحت على الارض...... الازعاج والحركه الي صدرت منها صحت عبدالعزيز من نومه ... عبدالعزيز وهو يتلمس المكان الي فيه سارا: سارا؟؟؟؟ فتح نور الابجوره ... وشاف سارا مرميه على الارض... قام من السرير بسرعه .. وراح لعندها .. جلس على الارض جنبها ... اخذ يهزها ويصرخ باسمها وهي ما ترد عليه ... كانت جبهتها مليانه عرق ... وايدها بارده ... حاول يقومها بس ما كانت حاسه فيه ... ماعرف ايشلون يتصر ف .. قام من مكانه .. وطلع من االغرفه .. راح لغرفه منيره واخذ يضرب الباب .. ومن غير ما ينتظر ردها فتحه ودخل وفتح النور معه ... عبدالعزيز: منيره ... منوووور قومي بسرعه قامت منيره وهي مفزوعه منيره بصوت كله نوم: عزيز ايش فيك عبدالعزيز: سارا الحقي علي بسرعه .. اول ما سمعت منيره اسم سارا طار النوم من عيونها .. ولحقت عبدالعزيز لغرفته ... راحت لسارا ..حاولت تقومها ... وعبدالعزيز واقف يشوفهم مو عارف شلون يتصرف .. رفعت منيره راسها لفوق ...وصرخ على عبدالعزيز منيره: ايش قاعد تنتظر .. عطنى ماي فتح الثلاجه وجاب منها ماي منيره: لا مو هذا الماي .. بارد عليها .. عبدالعزيز: قومي خل نروح المستشفى... روحي البسى عبايتك وجبيى عباة سارا .. بعد ما ركبوا السياره راحوا لاقرب مستشفى لهم ... وبمجرد دخولهم استقبلهم الممرض الي بالطوارئ .. واخذوا منهم سارا الي كانت الى الحين فاقده الوعي ... واختفوا خلف الابواب... بعد مرور نص ساعه .. ولازال عبدالعزيز ومنيره على حالهم .. جالسين بكراسي الانتظار... يترقبون اقل حركه تصدر من الغرفه الي اختفت فيها سارا مع الاطباء.. الهدوء عام عليهم .. وكأن بينهم هدنه واتفاق انهم ما يتكلمون مع بعض.... كانت منيره جالسه و ما تدري ايش صاير في صديقتها .. وايش خلاها تفقد الوعي كذا ... كان راسها منزل .. والغطي على وجهها حاجب عيونها الغرقانه دموع ...حست بحركه قدامها ... رفعت راسها وشافت عبدالعزيز يذرع الممر رايح جاي ... فاجاها منظر اخوها المهمله .. ما اهتمت تشوفه اول ما طلعوا من البيت .. صح انه لبس ثوبه بسرعه وهو مستعجل ... بس شكله صدمها ... اول مره يطلع من البيت من غير شماغ او طاقيه ... شعره مكفس ونازله خصلات على جبهته .. وثوب فيه تكسر ويحتاج كوي .. هالشكل يمكن مو غريب على أي احد .. الا عبدالعزيز الي المظهر عنده اهم شي.. طريقه مشيته .. وحركه ايده الي ساعه تنقبض وتنشد .. وساعه تسترخى .... كل هذا عيش منيره بحيره .. فتح الباب وطلع منه الطبيب ... اول ما سمعت منيره صوت الباب قامت من مكانها ... اما عبدالعزيز راح على طول لعند الطبيب ... عبدالعزيز: ها دكتور بشر؟؟ الدكتور: انت زوجها؟؟ عبدالعزيز: ايه نعم .. خير ايش فيها؟؟ الدكتور: والله يااخوي مادري ايش اقولك ؟؟ كلمات الطبيب خوفت منيره .. بدت ما تحس برجولها .. خافت تطيح وعبدالعزيز مو ناقصها ...فجلست على طول وهي تكتم انفاسها تنتظر الطبيب ايش بيقول عبدالعزيز: خوفتنى دكتور الدكتور: لا لا تخاف ... مع الاسف زوجتك فقدت الجنين عبدالعزيز وهو منصدم: هي حامل؟؟ الدكتور: ايه نعم حامل بالاسبوع الرابع عبدالعزيز : والحين هي كيفها؟؟ الدكتور: سوينا لها غسيل رحم ... ولانها نزفت وفقدت دم راح تكون تحت الملاحظه لمده اربع وعشرين ساعه على الاقل... خصوصا ان دمها مره ضعيف.. عبدالعزيز:... طيب اقدر اشوفها الدكتور: اصبر شوي اول ما ينقلونها الممرضات للغرفه تقدر تشوفها .. بس ماراح تكون واعيه .. لان المخدر مابعد يزول مفعوله عبدالعزيز: ليه؟؟ الدكتور: ليه ايش؟ عبدالعزيز: ليه سقطت؟؟ الدكتور: الاسباب كثيره .. واكثرها ان الجنين يكون مشوهه فمن البدايه يتخلص منه الجسم .. بس في حالتنا هذه الارجح بسبب سوء التغذيه .. ونسبه الهيموقلوبين النازله كثير... فما قدر الجسم يتحمل عبئ الحمل فتخلص منه ... راح نعطيها مغذي ونراقب حالتها اليوم ... وبعدها المسؤليه عليك تاكد من اكلها عشان ما يتكرر هالشي مره ثانيه... عبدالعزيز: انشالله ... الدكتور: اوكي عن اذنك الحين اول ماراح عنهم الطبيب ... طلع عبدالعزيز تنهيد بصوت عالى وهو يمرر ايده بشعره باضطراب.. قربت منه منيره وحطت ايدها على ذراعه ... منيره : بتكون بخير عزيز التفت عليها عبدالعزيز وشافت اخته بنظرات عبرات عن العذاب والصراع الي بداخله ..حاولت منيره تهدى اخوها ... منيره: لا تحاتى عزيز كل شي بيكون تمام.. عبدالعزيز وكانه توه يستوعب: كانت حامل.. والحين لا وانا السبب منيره: لا عزيز لا تقول كذا قطع كلامها الممرضه... الممرضه : sir! you can see her now لحق عبدالعزيز ومنيره الممرضه ... ودخلوا الغرفه .. كانت سارا على السرير الابيض .. شعرها مبعثر على المخده ... راحت منيره بسرعه لها وعدلت حجابها ... وجلست جنبها ....وقف عبدالعزيز مكانه وعيونه معلقه على ايد سارا المغروز فيها ابره المغذي ... منيره: عبدالعزيز تعال قرب طلعت الممرضه وسكرت الباب وراها .. وراح عبدالعزيز لعند سارا ووقف ولازالت عيونه عليها .. وواضح على وجهه الصراع الي عايشه ... منيره: اجلس عزيز ... وقامت من الكرسي الوحيد الي بالغرفه عشان يجلس عليه اخوها... بعيون هايمه انتقلت نظرات عبدالعزيز من زوجته لاخته ... منظره قطع قلب منيره.. ابدا ما توقعت بيوم بتشوف عبدالعزيز على هالحال .. معقوله يحب سارا .. والا هذا مجرد اهتمام ... عادت منيره كلامها :اجلس عزيز طرف بعيونه وكانه يبي يصحى من النوم ... ورمي نفسه على الكرسي بكل ثقل... اما منيره جلست على طرف السرير وحطت ايدها على سارا .. مرت عليها فتره هي دقايق والا ساعات ... الهدوء هو الي مسيطر على المكان ... وبطريقه مفاجاه دق الجوال بصوت مزعج ... بسرعه طلع عبدالعزيز جواله ... مين يدق عليه بهذا الوقت ... حط على الصامت ... عمر... ايش عنده يدق الحين عليه ... طلع من الغرفه عشان يرد على اخوه .. عبدالعزيز: نعم.. عمر: وينك ياخوي؟؟؟ عبدالعزيز: هلا عمر .. ايش عندك داق بهالوقت عمر: انا الي ايش عندي .. انت وين؟؟ عبدالعزيز بصوت تعبان: ايش عرفك انى مو موجود بالبيت عمر: ماطلعت معنا للمسجد عشان الصلاه ... وسيارتك مو موجوده برى عبدالعزيز: ليكون الوالد سال عنى عمر: لا ماظن انتبه .. انت وين؟؟ عبدالعزيز: انا بالمستشفى .. سارا سقطت عمر: يوووه .. يالله .... طيب كيفها الحين .. عبدالعزيز: لازالت تحت تاثير البنج ...بس الحمد لله عمر: الله يعوضك انشالله... عبدالعزيز: عمر ترى ماراح اجي اليوم الشركه ؟؟ عمر: ليه سارا تعبانه كثير عبدالعزيز: يقول الطبيب ان دمها واطي وبتكون تحت الملاحظه عمر: اجل اجلس عن زوجتك احسن ... عبدالعزيز: المهم طمن الاهل .. وترى منيره معي عمر: لا تحاتى .. انت اهتم في زوجتك بس ولا تفكر بشي ثاني عبدالعزيز: ياليت تجي تاخذ منيره وجودها الحين ماله داعي عمر: اوكي انا جاي الحين عبدالعزيز: مشكور بو مي .. يالله مع السلامه عمر: مع السلامه .. سكر التليفون ورجع للغرفه ... عبدالعزيز: منيره ماتبين ترجعين منيره: لا بجلس هنا .. عبدالعزيز: الحين عمر جاي ياخذك منيره: بس ابي اجلس معكم عبدالعزيز: لا منور انا بجلس هنا ... والحين قومي صلي قبل لا يجي عمر .. بعد ربع ساعه جا عمر واخذ منيره بعد جدال طويل وعريض ... وما رضت تروح الا بعد ما وعدها عمر انه يجبها عند الظهر .... ................ فتحت عيونها وتعلقت بالسقف الابيض ...وين انا الحين ....هذي مو غرفتى ....ايش الي جابنى هنا ....اخر شي اذكره الالام الفضيعه الي كنت احسها ... انا ايش فينى بالضبط ..... دارت عيونها بالغرفه كلها ... ووقفت عند الشخص الي جالس على الكرسي جنبها .. وراسه طايح على جنب ... وغارق بنوم عميق... عبدالعزيز !!! ايش السالفه بالضبط .. وايش منوم عبدالعزيز بالكرسي هنا .. وانا ايش اسوي بهالغرفه ....والشي المتعلق بايدي ايش... فتحت عيونها وتعلقت بالسقف الابيض ...وين انا الحين ....هذي مو غرفتى ....ايش الي جابنى هنا ....اخر شي اذكره الالام الفضيعه الي كنت احسها ... انا ايش فينى بالضبط ..... دارت عيونها بالغرفه كلها ... ووقفت عند الشخص الي جالس على الكرسي جنبها .. وراسه طايح على جنب ... وغارق بنوم عميق... عبدالعزيز !!! ايش السالفه بالضبط .. وايش منوم عبدالعزيز بالكرسي هنا .. وانا ايش اسوي بهالغرفه ....والشي المتعلق بايدي ايش... دخول الممرضه للغرفه شد انتباهها ... التفت للباب وشافت تقرب منهم ...ابتسمت لها وقامت تسوي لها الفحص ... بالاول جست نبض ايدها بعدين قاست حرارتها الممرضه وهي ماسكه النوت في يدها: في الم الحين سارا بصوت كله تعب: شوي هنا واشرت على بطنها سارا: وظهري بعد .. الممرضه الفلبينه: اوووه ... هدا لازم الم .. مع وقت روح .. وتاشر براسها على عبدالعزيز: مسكينه هذا رجال مافي روح طول ليل سارا شافت عبدالعزيز ورجعت تشوف الممرضه وبتكلف قالت : كم الساعه الحين؟ الممرضه : 10 صباح سارا ولازال التعب واضح على صوتها: انا ايش فينى الممرضه: يووووه ماما انته مافي عرف... هدا في بيبي طيح الصدمه عقدت لسان سارا ... حست بالم فظيع وكان خنجر طعن قلبها ... تغير تعابير وجهه سارا لفت نظر الممرضه ثقيله الدم ... الممرضه: اس فيه.. الم في زيد؟؟ ايه فيه الم بس مو الالم الي تتكلمين عنه ... الام الي احس فيه من نوع ثاني .. مافي دوا يمكن يشفيه ... هزت راسها للمرضه تبيها تتركها بحالها .. تتركها لافكارها .. يعنى ليه .. ليه انا الممرضه: انته لازم ارتاح .. نامي شوي واخيرا طلعت الممرضه ... حاولت تتمالك نفسها... سكرت عيونها بقوه ...نزلت دمعه قدرت تفر منها... .................... رقبته متصلبه ... ومو قادر يحركها .. مرر ايده بكسل عليها وحاول يعدلها من ميلانها ... وبسبب حركته وضيق الكرسي.. انتبه من نومه ... وقف على طول .. وطاحت عيونه على سارا ... كانت منسدحه على جنب وظهرها له .. مقابله النافذه ... فما عرف هي صحت او لا... قام يمدد عضلاته ...ومسح ايده على وجهه ... رفع ايده .. وشاف الساعه قريبه 11... نام حول الساعتين .... اكيد سارا قايمه .. بس لو كانت صاحيه كان حست بحركته ولفت عليه... راح للجهه الي سارا ملتفته عليها ... لازالت نايمه .. بس هالمره وجهها فيه شي... قرب منها ولاحظ اثار الدموع الموجوده عليه .. غير الدواير السود حول عيونها ... كان لونها مره شاحب ...جلس على حافة السرير.. مر ظهر كفه على طول جبهتها ... وبطريقه شال الخصل المتمرده ودخلها تحت الحجاب... التناقض كان واضح بين اللون الاسود للشيله والبشره الصفره لسارا .. وهو في جلسته طق الباب وفتح .. دخلت لطيفه ام محمد...اول ما شافها عبدالعزيز قام من مكانه وراح لعندها لطيفه وهي تدخل: هلا يمه عبدالعزيز شخبارها الحين عبدالعزيز وهو يسلم عليها : الحمد لله عمتى الحين احسن.. راحت لطيفه لعند بنتها .. لطيفه: من متى وانتوا هنا ؟؟ عبدالعزيز: من اول الصبح .. لطيفه وهي معقده مابين حواجبها يوم شافت الانابيب على سارا: وليه هالامر كله.. عبدالعزيز: يقولون دمها ضعيف ولازم يعوضونها شوي ...لا تحاتين عمتى لطيفه جلست جنب بنتها وحطت ايدها عليها: ياحياتى انتى ياسارا .. حتى مابعد تفرحين بالحمل كان عبدالعزيز لازال واقف .. ولاهو متكلم .. مو بس سارا الي مابعد تفرح ... ماكان متوقع انه راح يكون مشتاق يكون عنده طفل الا يوم سمع بتسقيط سارا .. ياترى شلون بتقابلني بعد ما تصحى ... عبدالعزيز: من جابك عمتى؟؟ لطيفه التفت عليه: عمك صالح ... وجاوبت على السؤال الي بعيون عبدالعزيز قبل لا يساله: هو الحين عن الطبيب ... اول ما اتصلت على امك وقالتى جينا على طول عبدالعزيز: اهلى يعرفون دخل صالح عليهم قبل لا ترد لطيفه .. صالح: السلام عليكم ... عبدالعزيز: هلا عمى .. لطيفه: بشر ايش قال الطبيب... صالح : يقول انها ماكانت مهتمه بنفسها .. من اجهاد وسوء تغذذيه وهالشي خل دمها يوصل لثمانيه لطيفه: وايش يعنى ثمانيه؟ صالح: يعنى واطي ... مو الطبيعي من 11 الى 13 ... والتفت على عبدالعزيز وبنظره تأنيب: وانت ليه مو مهتم فيها ... ماعرف بايش يرد عليه عبدالعزيز خصوصا انه كان طول الوقت ماخذ موقف المتفرج لطيفه: ايش تقول صالح .. ما تشوف الرجال شلون هلكان الحين.. اقول ياولدي ليه ما تروح البيت ترتاح عبدالعزيز: اعترف انى كنت مقصر عمي .. بس ماخطر ببالي اراقب اكلها... ولا يا عمتى ما بي اروح .. ابي اكون موجود اذا صحت سارا صالح: عمتك معها حق.. شوف نفسك شلون ... عبدالعزيز: صدقنى عمي مو تعبان .. الاصوات الي كانت تدور حول سارا صحتها من النوم ... ظلت مغمضه عيونها وتسمع الي يصير حولها .. ماكانت تبي تفتحهم وتقابل عبدالعزيز.. مو الحين هي مو مستعده له .. كافي الصدمه الي عرفتها توها ... هدت الاصوات حولها وعرفت ان الكل فضل السكوت .. والي ضايقها ان عبدالعزيز ما رضى يروح .. تبي تكلم امها بس مو قدام عبدالعزيز ... تبي تسمع احد يواسيها ويهون عليها بس مو عبدالعزيز ولا حتى قدامه ... .................................. تقلبت بالفراش والنوم مو راضي يجيها .. يوم شافت الوضع كذا قامت ودقت على عمر ياخذها للمستشفى مثل ما وعدها ... وهي نازله شافتها فوزيه... ام عمر: على وين منيره؟؟ منيره: بروح لسارا؟؟ شافت فوزيه الساعه من اول ما جات منيره ما رضت تنام جلست مع امها وقالت لها كل شي الي ضاق صدرها مرره .. ومن صعدت فوق عشان ترتاح ما كملت الساعتين والحين نازله تطلع ام عمر: ما ارتحتى .. روحي لها العصر منيره: لا يمه ابي اشوفها .. لازم اكون موجوده جنبها ام عمر: كلنا نبي نشوفها ... وتراها بتجي الليله ماراح تطول هناك منيره: خلاص عمر جاي بالطريق.. ام عمر: في حفظ الله .. بس لا تطولين تراك تعبانه انتى بعد .. منيره: انشالله يمه ام عمر: وسلمي على سارا .. كان ودي اجيها .. انتى عارفه نوره وولدها .. ولو انها مطوله رحت لها منيره: سارا تقدر يمه .. ام عمر: الله يخليها ويسلمها بعد ما طلعت منيره لعند عمر بالسياره اخذها للمستشفى .. ........................... لطيفه: انا مو مرتاحه .. ليه مابعد تقوم لحد الحين صالح: تعبانه يا مره لطيفه: عبدالعزيز ما قامت ابد عبدالعزيز: مادري عمتى .. انا نمت لى ساعتين .. بس ما شفتها تقوم لطيفه: نادوا الطبيب خل يشوفها ليكون في بنتى شي... وقامت تهز سارا: سارا يمه .. ردي علي.. تحركت عيون سارا وكانها استجابت لنداء امها ...... لطيفه: قامت ... صالح: لا تزعجينها خل ترتاح ... لطيفه اول ما شافت سارا ترجع تسكر عيونها قالت بصوت يقطع القلب : لا سارا .. كلمينى طمنى قلب امك عليك شدت ايد سارا على ايد امها ...ومررت لسانها على شفايفها الجافه .. وبهمسه وهي لازالت مغمضه عيونها: انا بخير يمه قرب عبدالعزيز من السرير يوم سمع صوت سارا ... لطيفه: حمد الله على السلامه فتح عيونها بشوي ... وتجاوز نظرها امها وطاح على الرجال الي واقف ورى امها شعره مو مرتب ... ولحيته ناميه وتبي لها حلاق ... والخطوط الي بوجهه زادت عمق .. طالع وكانه كبر عشر سنين ..على طول حولت نظرها وابتسمت ابتسامه مرتجفه لامها ... موقف صعب .. ما يصير يظل ساكت .. طيب ايش يقول ... لو كان وحده معها كان احسن ... بس لطيفه ما تركت له مجال .. انهدت اساله .. لطيفه: شخبارك الحين .. بايش تحسين ... تبين شي معين .. مو جايعه ؟؟ صالح: شوي شوي عليها يا مره ... خل ترتاح لا تزعجينها ... لطيفه: ابي اعرف ايش تبي... اخذ له كاس ماي وراح لعند سارا .. قرب من فمها الكاس عبدالعزيز: اشربي لك ماي بتحسين انك احسن... رفعت سارا نظرها له ... ولازالت مسكره فها .. حط طرف الكاس على شفايفها .. وهو يشوفها بنظرات ماعرفت ايش تفسرها ... لطيفه: اشربي ... فتحت فمها وانساب الماي البارد بحلقها .. حست ببروده تمر لداخل جسمها ... ولانها كانت منسدحه انسكب بعد الماي من طرف فمها .. ومر ببطى على طول خدها وبلل حجابها ... ومثل ما تسوي الامهات لاطفالهم .. اخذم عبدالعزيز يمسح الماي الي طلع .. ورفع الكاس وحطه على الطاوله ... طول الوقت كانت عيون سارا معلقه بعيون عبدالعزيز وكان في سحر او رابط بينهم .. خلاهم ما يقدرون يحولون نظرهم ...وفجاه حولت راسها عنه .. ولفت من الجهه الثانيه ... وكانها ذكرت هي ليه هنا .. حركتها كانت مثل الصفعه بوجهه عبدالعزيز.. العلامه الوحيده الي تدل ان قدامه طريق طويل عشان يرضي سارا ... كانت لطيفه وصالح لاهين ولا لاحظوا التوتر الي ساد على المكان ... دق الباب وفتح .. دخلت منيره الي كانت مغطيه لوجود صالح بالغرفه ... سلمت بصوت واطي ...وراحت لعند سارا ... منيره: حمد الله على السلامه ...هلا خالتى لطيفه شخبارك.. لطيفه: الحمد لله ... منيره: عبدالعزيز عمر برى يبيك ... صالح: ها سارا تبين شي ؟؟ هزت سارا راسها بلاء صالح: اجل انا استاذن ...وانتى لطيفه لمتى جالسه هنا لطيفه: سلمان بيرجعنى ... هو قايل انه بيمر عبدالعزيز: بطلع معك عمي... وطلع عبدالعزيز مع صالح ... راحوا لعمر بعد ما سلم صالح عليه .. استاذن ورجع للشركه ... سارا: سلمان بيجي لطيفه: اول ما تنتهي محاضرته بيجي.. منيره: سارا امي تعتذر لك لانها ما قدرت تجي الحين سارا بصوت لازال التعب واضح عليه بس مو مره لانها بدت تحس الحين انها احسن بكثير: لا عادي .. مااظن انى مطوله هنا... عبدالعزيز وهو داخل: بيدخل عمر يسلم ... تغطت كل من لطيفه وسارا عشان عمر داخل ... عمر: الحمد لله على السلامه يام سالم سارا: الله يسلمك عمر: الله يعوضكم انشالله سارا: تسلم بو مي... عمر: اوكي منور انا ماشي ... تجين معي منيره: لا بجلس... عمر: وانت عزيز .. روح ارتاح لك وارجع عبدالعزيز: بوصلك للسياره .... وطلع مع عمر من غير ما تعرف سارا اذا كان بيرجع والا لا .... عمر: جد عزيز روح رتب نفسك على الاقل... عبدالعزيز: لازم اكلم سارا عمر: وانت تقدر تكلمها وكل هالناس حولها ... عبدالعزيز: بمر الطبيب بشوف متى بتطلع بعدين بقرر عمر: اوكي بجي معك ... وهم رايحين عن الطبيب دق رقم غريب على جوال عمر ... عمر: ادخل انت ... انا برد على التليفون دخل عبدالعزيز عند الطبيب ... اما عمر رد على المتصل.. المتصل: الووو كان للمتصل صوت انوثي ناعم مره ... عمر: السلام عليكم المتصله: وعليكم السلام ... الاخ عمر عمر وهو مستغرب مين هالحرمه الي تبيه: ايه نعم ... المتصله: اسفه على الازعاج ... معك معلمه بنتك مي نزل عليه اسم بنته مثل الصاعقه ... شاف الساعه 2 ونص وموعد خروج الطالبات 2 الا ربع ... شلون ينسى بنته .. اول مره يصير له هالشي عمر: انا الي اسف انا جاي الحين .. المتصله : وحنا بانتظارك وقبل لا يرد عمر سكر الخط بوجهه ... واضح على هالمراءه انها محترمه .. بس صوتها مره ناعم وفيه لمسه خجل نادر تسمعها بصوت انثى هالايام ... انا ايش قاعد افكر خل الحق على بنتى احسن .... طلع عبدالعزيز بالوقت الي كان عمر يستعد يروح عبدالعزيز: على وين عمر؟؟ عمر: نسيت مي ما اخذتها من المدرسه ... بروح اجيبها عبدالعزيز: اوكي ما اعطلك عمر حس بقله تهذيبه اخوه مو هاين عليه ... على الاقل المفروض يساله ايش قال الطبيب .. مي ماراح تطير عمر: ها ايش قال الطبيب عبدالعزيز: يقول بيمر يشوفها الحين بعدين يقول لى عمر: الحمد لله .. طيب ليه ما تروح ترتاح بعدين ترجع عبدالعزيز: اشوف.. انت روح الحق على مي احسن لك عمر: خذ بالك على زوجتك .. فمان الله ... وطلع عمر .. اما عبدالعزيز رجع لعند الغرفه الي كانت منيره ولطيفه يسولفون مع سارا .. ومن صوتها عرف انها الحين احسن بكثير.... عبدالعزيز: الطبيب جاي الحين لطيفه: وايش قال.. بتطلع اليوم عبدالعزيز: بيشوفها اول ... سارا كانت تتجنب انها تشوف عبدالعزيز طول الوقت .. ومنيره ملاحظه هالشي من اول ما جات وما عجبها ابد ...بعد فتره قليله دخل الطبيب عشان يشوف سارا ... الطبيب: لا الحمد لله انتى احسن كثير ... راح نشيل المغذي منك ونجيب لك الغدا ونبيك تكلينه كله عبدالعزيز: لا خلاص دكتور راح نتابعها الحين مو مثل اول الطبيب: ايه لازم ... هالمره فقتى الجنين بس... المره الجايه يمكن تكون اشد.. لازم تنتبهين على نفسك سارا: انشالله دكتور.. اقدر اطلع دكتور اليوم الطبيب: اذا اكلتى الاكل الي بنرسله لك سارا: انشالله الطبيب: طيب... عبدالعزيز تقدر تجي معي شوي وطلع عبدالعزيز مع الطبيب ... الطبيب: تدري لو دمها اقل بشوي كان اضطرينها ننقل لها دم .. خصوصا انها فقدت جزء كبير اثناء التسقيط عبدالعزيز: خلاص دكتور راح اراقب اكلها الطبيب: مو بس اكلها ... زوجتك مجهده نفسها كثير ...والحاله النفسيه لها دور كبير في التغذيه لو تبي تكون عندك زوجه صحيحه الجسم وتقدر تجيب لك عيال لازم تهتم فيها اكثر .. عبدالعزيز : ماراح يصير هالشي مره ثانيه باذن الله .. ..................... الحمد لله ان الحر راح ودخلنا باالربيع .. والا اكيد كان مي ماتت حر ... الحين بشوفها مرتبكه وتصيح لانى تاخرت عليها .. انا ايش جانى اليوم ..ز شلون انسى بنتى .. ولى اكثر من شهرين ولا عمري تاخرت عنها دقيقه ... قربت سيارة عمر من عند المدرسه الى كانت فاضيه من السيارات ... شافت الحارس واقف برى عند الباب ومن الجهه الثانيه كانت في مراءه طويله متحجبه وجنبها بنت صغيره... عرف انها بنته ... وقف السياره عندهم ونزل .. اول ما شافته مي ركضت عنده وطبت بحضنه .. وعكس ماكان متوقع .. ماشاف وجهها احمر وعيونها غرقانه دموع... الابتسامه هي الي كانت محتله وجهها ... عمر وهو يشيل بنته: تاخرت عليك كثير التفت االذراعين الصغيرتين حول رقبة عمر: ايه مرره يا بابا عمر: اسف حبيبتى ... شاف من ورى مي المراءه الي كانت واقفه تبتسم لهم .. طاحت عينها بعين عمر .. واول ما شافته احمر وجهها ولفت عيونها ... كلمت الحارس بعدين قربت سياره كابرس بسواق هندي ركبتها وراحت... مرت السياره من عند ماكانوا واقفين ... قامت مي تاشر لها ...وتسلم عليها ... عمر وهو ينزل مي ويمسك ايدها: ليه انتظرتوا برى المدرسه؟؟ مي: خلاص سكروها وقفلوا الباب... مابقى الا انا وابله جواهر عمر: هذي ابله جواهر مي بفرحه: ايه .. جلست تنتظرك معي.. يوم تاخرت مرره وانا كنت بصيح ابيك تجي .. اعطيتها رقم جوالك كانوا يتكلمون وهم يركبون السياره عمر وهو يشغل السياره: يعنى انتظرتك مي تهز راسها بقوه تاكد كلام ابوها: قال عمو محمود تتركنى معه لين تجي انت .. بس ابله جواهر ما رضت .. هذا هي ابله جواهر.. الي طول هالشهرين ما يمر يوم الا لازم ينذكر اسمها على لسان مي .. ابله جواهر قالت وابله جواهر سوت وابله جواهر كانت وغيرها ... هذي جواهر الي سحرت بنتى وصارت قدوتها بكل شي... يعنى هي الي كلمتنى ... بالاول من كلام مي عن معلمتها كان يتخيلها وحده سمينه وقصيره.. يعنى مثل ابله عطيات ... بس المراءه الي شافها الي كانت عكس توقعاته ... طويله وواضح انها نحيفه ... ومع انها لابسه نظرات وشافها من بعيد الا ان هالشي ما منعه يشوف جمال عيونها الواسعه ... مين قال ان النظرات تخبي الجمال .. مي: بابا ايش فيك؟؟ التفت مي لبنته: هاه مي: اكلمك من زمان... شوف وطلعت ورقه كانت ماسكتها مي: االيوم علقوا رسمتى على السبوره عشان البنات يرسمون مثلي شاف عمر رسمه بنته ...الي كانت عباره عن بنت صغيره في حديقه عمر: انتى سويتيها مي بفخر: ايه .. ابي اصير رسامه مثل عمتى منيره مدت ايدها له بالورقه: خذها بابا هديه اخذها عمر وهو يبتسم لبنته: واحلى هديه ... ......................... __________________ بعد محاولات من لطيفه ومنيره .. وافق عبدالعزيز يرجع للبيت عشان يبدل ... ويرتاح له شوي ... اول ما رجع راح لغرفه على طول ... تروش وحلق..نزل على طول عشان يرجع للمستشفى .. بس فوزيه ما رضت له واصرت انه ياكل له شي ويرتاح بالاول ... وهي راجعه للبيت من الجامعه .. دقت على منيره تشوف اذا كانت تطلع الحين تمرها في مبناها ... رهف: منور يقول نزار انه ما بعد ترجعين للبيت ... تبينى امرك منير ه: انا مو بالجامعه رهف رهف: متى رجعتى منيره: مارحت ... سارا بالمستشفى وانا عندها خافت رهف من جد اليوم طلعت للجامعه من غير ما تعرف عن الي صار شي.. خصوصا ان جدولها يختلف عن منيره وسارا فطلعاتهم مو مع بعض.... رهف: ليه ايش فيها سلمات؟؟ منيره: لا تخافين ... بس تعبت شوي رهف: باي مستشفى بجيكم منيره: ما يحتاج بتطلع اليوم رهف: الا بجي ما يصير... قولى أي مستشفى قالت منيره اي مستشفى ورقم الغرفه وسكرت .... وهي تكلم كانت واقفه عند النافذه بغرفه سارا اما لطيفه جالسه عند بنتها تقنعها تاكل من الاكل الي جايبينه المستشفى سارا: يمه اكل المستشفى ما احبه لطيفه: عبري نفسك انشالله اول ما ترجعين البيت اسوي لك الاكله الي تبينها منيره:ايه سارا حافظي على صحتك ما يصير كذا سارا: شوفي الاكل ابد مو حلو لطيفه: بلا دلع ..شوفي ايش صار لك من هالدلع .. والا لو انك ماكله ماصار لك كل هذا... دق الباب بهالوقت ... منيره: مااسرع جات رهف ... سلمان: احممم .. اقدر ادخل ... لطيفه: لحظه سلمان تغطت منيره بسرعه .... سارا: تفضل سلمان.. دخل سلمان وسلم على اخته ..وجلس عندهم حست منيره ان وجودها غلط ... فطلعت من الغرفه سارا: على وين؟؟ منيره: بروح كافتيريا المستشفى .. يمكن القى لك شي احسن من هذا ابتسمت سارا لمنيره ....جلس سلمان يسولف معهم سلمان: ها يمه ترجعين للبيت الحين لطيفه: لا بجلس مع بنتى سارا: ما يحتاج يمه تعبتك كثير معي اليوم لطيفه: ما تعبت .. سلمان: والغدا يمه لطيفه: الي يسمعك يقول ما تحب اكل المطاعم ... توقف الغدا عليك اليوم سلمان: افا يمه في شي احسن من اكلك لطيفه: لا تلعب بعقلي بكلامك سارا: جد يمه روحي ارتاحي اصلا انا جايه الليله لكم سلمان: بتجين لبيتنا لطيفه: ايه احسن عشان اهتم فيها هالفتره... ودخلت الممرضه عشان تشيل صينيه سارا الي ما لمست منها الا شوي بعد الحاح امها ... الممرضه: في كوايت .. عشان صير كويس.. لازم سليب سلمان: شفتى يمه ... خل سارا بعد ترتاح .. وبعدها بتجي عندك وتشبعين منها لطيفه: طيب برجع معك سلمان: شوفي انا نازل تحت .. بسلم على واحد اعرفه يشتغل هنا اول ما اخلص راح ادق عليك لطيفه: خذ راحتك سلمان: ها سارا تبين شي سارا بدى التعب يتملكها: سلامتك وطلع سلمان .... ورجعت منيره وهي جايبه لها كرواسون مع عصير... منيره: جبت لك معي سارا سارا: مو مشتهيه منيره: مو كيفك كافي اكل المستشفى ما اكلتيه لطيفه: ايه منيره عليك فيها ما تسمع الكلام ابد .... سارا: يممممه منيره: خلاص انا وخالتى متفقين عليك مافي يدك حيله .................... نزلها السواق وقالت له ينتظر لانها مو مطوله ... بس بتسلم على سارا وتطلع ..نزلت من السياره وراحت لعند المصعد ... بعد ماراحت للدور المطلوب ماعرفت أي غرفه بالضبط .. توها بتطلع جوالها الا تشوف لوحه كبيره قدامها مكتوب عليها ممنوع استخدام الجوال لراحه المرضى ... يووه ايش هالبلشه لو هالممرضه مو قدامها كان ما اهتمت ... قامت تمشى على باب باب عشان تشوف اسم سارا ... المشكله سله الزهور الكبيره الي شايلتها ... الحين ليه ما خلت نزار يشيلها عنها ... هي على بالها تعرف مكان الغرفه وعلى طول بتروحها ... بس الحين ايش تسوي والسله بايدها .. وبدت تتعب منها ...... وهناك شافته .. واقف عند باب غرفه .. وويضغط في جواله ... عرفته حتى قبل لا تشوف ملامح وجهه زين ... اكيد هذي غرفتها ...والا ايش يوقف سلمان هنا الا اذا كانت الغرفه غرفه اخته ... بس الحين شلون تتصرف.. ما يصير توقف بمكانها .. لازم تروح للغرفه .. وحتى لو راحتها شلون تمر جنبه .. يعنى الحين هو الي بيعرفك .. زين اذا ذكرك .. مرى من عنده ولا عليك منه .. وادخلى الغرفه على طول .... بعد ما شاف صديقه .. رجع يستعجل امه يرجعون ... طلع من الغرفه عشان ما يحرج منيره .. وله الحين خمس دقايق بره والى الحين امه ما جات ... حس باحد يشوفه وواقف قدامه .... رفع راسه وشاف باقه ورد كبيره ووراها شي اسود صغير ... واقف قدامه بتردد ايش تسوي واقفه وليه شايله هالسله الكبيره .. مو ثقيله عليها ... وكانها استجابت لافكاره قربت من عنده بخطوات متباطئه ... بعدين رجعت وقفت يوم قربت من عند باب الغرفه الي واقف قدامه سلمان ... كان لازم يروح على جنب عشان تدخل ...وبدافع الرجوله الى عند كل شاب ... ما قدر يترك هالجسم الصغير يشيل الحمل الثقيل... قرب منها وحمل عنها السله ..وها تحرك شي بقلبه يوم عرف الي قدامه مين تكون .... اول ما شافته وبعد عزم تقدمت منه ...المشكله انها ما تقدر تدخل الا اذا راح عن طريقها ... وقفه عشان يفهمها ويبعد .. فجاه قرب منها ... حركته اجفلتها وشلتها في نفس الوقت ... تجمدت ايدها على السله الي بينهم ... وما حست الا وهو يسحبهم منها وويخفف الحمل عنها ....ظلت مشدوهه في مكانها وفاتحه فمها وعيونها على الاخر ... والحمد لله انها مغطيه والا كان مات من الضحك على وجهها ... سلمان اول من افاق من الحاله الي كانوا عايشين فيها ....رجعت له جراءته المعهوده سلمان: ذوقك حلو ... اقدر احتفظ لى بوحده منهم طلعت من رهف همهمه ماعرف سلمان هو جواب بنعم او لا .. ظلت واقفه مكانها ... وقح ما يستحى قليل ادب .. ايش قاعد يقول...لا وبعد شلون يشوفنى بهالطريقه ... وهالحاجب الي رافعه .. ينقال لك ينتظر جواب ... ليه على باله انا لمى ... لمى ... تردد اسم لمى في بالها .. ورجع لها الالم الي كانت تحسه ... غلطان ياسلمان اذا كنت تظن انى اهتم فيك ...ومن غير رد عطته ظهرها وتو ايدها على مقبض الباب .. الا تحس باحد يمسك ايدها سلمان : لحظه رهف وكانه استوعب الحركه الي سواها نفض ايده من ايدها واطلق سراحها ... اما رهف الي انصدمت اكثر منه ... ايش قاعد يسوي .. وصلت فيه الجراءه انه يلمسنى ... باي صفه .. على أي اساس... حست بالارض تتزلزل تحتها ... دار المقبض الي لازال بايدها لوحده وانفتح الباب .....وتشوف لطيفه واقفه في وجهها ... لطيفه: هلا والله .. ماكنت ادري انك وري الباب رهف وصوتها مو طبيعي لظهور ام محمد بوجهها فجاه : هلا خالتى .... ودخلت على طول وهي تحمد ربها على غطى وجهها الي مغطيه ومخفى تعابيرها ... لو احد شافها كان انفضحت ..... منيره: واخيرا جيتى رهف: ايه .. هلا سارا حمد الله على السلامه وقربت منها تسلم عليها سارا: الله يسلمك ....اللللله يا سلمان .. تجنن الورود ...اموت انا على الروز الابيض حط سلمان السله الي تحمل ورود الروز بسيقانها الطويله.. سلمان: هههههههه مو انا الي جايبهم .... عقدت سارا بين حواجبها .. معقوله عبدالعزيز يسوى هالحركه ويجي رد سلمان الي خاب امالها قبل لا تكمل سلمان: شلتها عنها لانها ثقيله ... رهف بصوت واطي: انا الي جايبتهم تنقلت نظرات سارا من رهف لسلمان .. واستقرت على سلمان .. خزته خزه .. ليكون مسوي شي ... ابتسم لها بخبث والتفت على امه الي كانت مو حاسه بالي يصير سلمان: ها يمه نمشي لطيفه: ايه .. اوانتى سارا اهتمى لنفسك وارتاحي .. ارتركوها تنام يابنات منيره : لا تحاتين خالتى وطلع كل من سلمان وامه من الغرفه .... لطيفه: ايش قد احب هالبنت؟؟ سلمان: مين؟؟؟ لطيفه: منيره .... بعد مين غيرها .. تدري لو ماكانت مخطوبه كان خطبتها لك سلمان: طيب اختها موجوده اخطبيها لي لفت لطيفه لسلمان: خلك بدراستك احسن .. واذا تخرجت نتكلم بالموضوع سلمان: مو انتى الي فتحتيه لطيفه سلمان اعقل .. مافي لعب بهالسوالف... سلمان: هههههههههه.. انشالله ولا يهمك يالغاليه .................. رهف بسذاجه : تعالى تصدقين الى الحين مو عارفه ليه انتى موجوده هنا؟؟ من اول ما قامت سارا محد فتح معها الموضوع ولا كان سارا كانت حامل وفقدت الجنين .. الكل يتعامل معها على اساس انها تعبانه ... وسارا كانت مرتاحه لهذا التدبير ... لان الموضوع كان مضايقها من جد .. وكانت شاكره لاهلها مراعاتهم لمشاعرها .... منيره: رهف احد يتكلم بهذا الاسلوب رهف استغربت: ليه انا ايش قلت سارا: عادى منور ماقالت شي .. ورهف انا سقطت حطت رهف ايدها على فمها : انتى حامل؟؟؟؟؟؟؟؟؟ سارا بابتسامه حزينه: كنت رهف سكتت ماعرفت بايش ترد ... يوم قالت لها منيره ان سارا تعبانه على بالها دوخه ومن هالسوالف بس.. ما توقعت ان الموضوع كبير كذا ... شرت زهور استهبال ...بس تكون سارا حامل وتسقط كل هذا يعتبر صدمه لرهف... تذكرت كلامها الليله الي فاتت ...ياعمري انتى يا سارا.. طيب عبدالعزيز وينه ليه ما تشوفه جنبها .. هالاخو يبي له احد يعدله ....حبت تلطف الجو رهف: يالخاينه تحملين ولا تقولين لنا؟؟ منيره: على بالك بتكحلينها عميتيها سارا: هههههه.. لا منور ما عمتها .. بالعكس ضحكتنى... رهف: وشخبارك الحين؟؟ سارا: الحمد لله زينه .. كنت تعبانه بس الحين احسن بكثير منيره: ولازم تنامين رهف: ايه صح عيونك تحتهم اسود ...لازم تنامين منيره: نزار تحت رهف؟ رهف: ايه .. ترجعين معي منيره: لا سارا: انا بنام منور تقدرين تروحين منيره: انا خلاص نمت بجلس معك ... رهف: اوكي سارا تقومين لنا بالسلامه .. انا استاذن الحين.. سارا: مشكوره رهف على الورود... رهف: العفو حبيبتى... ................ قبل لا يروح عبدالعزيز لسارا كلم منيره على جوالها وقالت له لا يجي لان سارا نايمه الحين .. عبدالعزيز: الا بجي الحين وبحاول اطلعها منيره: ليه؟؟ عبدالعزيز: ماله داعي جلوسها بالمستشفى اكثر.. منيره: بالعكس هنا احسن عبدالعزيز: لا بالبيت بتكونين انتى وانا وامي والكل حولها منيره: قصدك بتاخذها لبيتنا عبدالعزيز: طبعا منيره: بس... عبدالعزيز: ايش يا منيره سارا قالت لك شي ثاني منيره: مو سارا بس.. حتى خالتى لطيفه عبدالعزيز: قصدك بتروح بيت اهلها منيره: هذا الي فهمته عبدالعزيز بعصبيه: ليه؟؟ منيره: مادري .. اكيد عشان تهتم فيها خالتى عبدالعزيز: وحنا ما نقدر منيره: عزيز لا تعصب... اذا جيت تفاهم مع سارا عبدالعزيز: وانا لاقي فرصه ... على العموم انا جاي الحين يالله مع السلامه منيره: باي فوزيه ونوره كانوا جالسين جنب عبدالعزيز وهو يكلم منيره ... فوزيه: سارا مو جايه هنا؟؟ عبدالعزيز وهو يقوم عشان يطلع: هذا الي تبيه هي وامها نوره: خلها تروح عادي عبدالعزيز: ماله داعي تروح فوزيه: ليه عزيز.. اكيد امها تبيها جنبها عشان تهتم فيها عبدالعزيز: وحنا ما نعرف نهتم ... وثاني شي ماهي تعبانه الى هالدرجه نوره: هذا انا عند اهلى لى شهر ما قال احمد شي عبدالعزيز: احمد غير وانتى غير... هي ماهي والد فوزيه: ومسقطه ما تفرق.. عبدالعزيز: يمه اذا متضايقه تهتمين بزوجتى براحتك انا اهتم فيها لوحدي فوزيه: ماقلت كذا ... انت ايش فيك عبدالعزيز: اسف يمه مو قصدي .. نوره: لانك ما نمت تقريبا ... ليه مستعجل تروح المستشفى الحين عبدالعزيز: لانى ابي اروح .. عن اذنكم بعد ما طلع عبدالعزيز من البيت التفت نوره لامها... نوره: هذا الي كان معارض الزواج شوفي شلون صاير عليها فوزيه: مو زوجته نوره: .. اخر شي كنت اتوقعه ان عزيز يحب فوزيه: روحي لولدك احسن اسمعه يصيح ... ................... مستحيل تروح بيت اهلها .. مو الحين والوضع بينهم متوتر.. لو كان الوضع طبيعي ماعارض.. بس هو يخاف تروح ولا ترضى ترجع ...لازم يتفاهم معها بالاول .. لازم يستقر الوضع.. وتحط النقاط على الحروف ...وقف السياره خارج المستشفى ... وقبل لا يروح لغرفه سارا راح لعند الطبيب ... الي وافق انها تطلع بعد ما يشوفها ... على ان تجيهم بعد شهر عشان يشوف صحتها ... الغرفه كانت ظلام الا نور بسيط يدخل من ورى الستاره ... كانت منيره جالسه على كرسى جنب السرير... بدت تحس بالخمول والنعاس.. تحركت سارا وفتحت عيونها .. لفت وشافت منيره سارا: لازلتى هنا منيره: وين تبينى اروح؟؟ سارا: تعبتك معي منور منيره: هيه ايش قاعده تقولين ترى ازعل ردت عليها بابتسامه كسل ... سارا: كم الساعه الحين منيره: خمس العصر... سارا: طيب متى اطلع من هنا .. منيره: الحين بيجي عبدالعزيز ويطلعك على طاري عبدالعزيز تغيرت تعابير سارا.. سارا: مايحتاج يتعب نفسه يجي احد اخوانى ويطلعنى منيره: انتى ايش قاعده تقولين؟ ايش خوانك سارا وهي تعدل نفسها وتجلس على السرير: ليه هو قد مره تعب نفسه عشانى منيره: ادري انك متضايقه منه .. بس صدقينى انتى ماشفتى حاله وانتى تعابنه سارا: اكيد بكسر خاطره .. اصلا هو المسؤول .. عبدالعزيز هدم اخر امل كان بيننا منيره: لا تقولين كذا سارا: لانها الحقيقه ماتبين تسمعينها ... خلاص مليت .. زهقت من هالعيشه جلست منيره على طرف السرير.. وحطت ايدها على ذراع سارا ... منيره: كل شي بيصير بخير انشالله شافتها سارا بعيون غرقانه دموع .. وبدت لحيتها تهتز .. شوي وتصيح ... سارا: لا منور ماراح يصير ... خلاص راح ... وحطت ايدها على بطنها: بس انا ابيه ... ليه راح انصدمت منيره ماكانت تظن ان موضوع التسقيط ماثر بساره كثير... حاولت تواسيطها منيره: مو يمكن هالشي يكون خير لك تمردت دمعه من عين سارا ونزلت سارا: شلون يكون خير لى... انا انا ماعرفت تكمل جملتها بسبب ارتجاف صوتها ... منيره: يووه سارا خلاص عمري لا تصيحين ... مو زين انك ماكنتى تعرفين انك حامل والا كان تضايقتى اكثر سارا: انا صح ماكنت اعرف انى حامل .. بس كنت انتظر هاللحظه منيره: وليه مستعجله ... لك اربع شهور من تزوجتى ... غير الجامعه سارا بصوت فيه صياح : كنت ابيه... منور انتى ما تدرين ايش كان الحمل بالنسبه لى ... انى اجيب ولد او بنت من عبدالعزيز ... يكون ببطنى جزء منه .. اعيش معه يوم بيوم ... اكون مساهمه فيه .. شي من عزيز .. ومنى بنفس الوقت ... منيره: والله بيعوضك غيره انشالله سارا: ماظن ... منيره: هيه ايش تقولين ... سارا: خلاص انا بروح لبيت اهلى عبدالعزيز: ليه ماعندك بيت عشان تروحين لبيت اهلك ... التفت سارا ومنيره على طول عند الباب .. من متى عبدالعزيز كان موجود ... وايش الكلام الي سمعه ... قامت منيره بارتباك منيره: عبدالعزيز.. من متى انت هنا؟؟ عبدالعزيز وهو يشوف سارا : من وقت ... الدكتور جاي يشوفك سارا تحجبي عدل .. خلص عزيز كلامه سمعوا صوت الطبيب يقرب.. عدلت سارا حجابها .. بعد ما دخل الطبيب وتاكد من كل شي .. وافق ان سارا ترجع بيتها بشرط ترتاح لمده اسبوع .. واعطاها عذر عشان الجامعه .... تصرفه اليوم مو مقبول ابدا .. مهما كان عذره ما توصل فيه الجراءه انه يمسك يدها وهي ما تقرب له ولا تعنى له أي شي... شلون ما تعنى لي لا انا احبها ... واليوم تاكدت من هالشي .. اول ما شفتها قدامي ما حبيت تغيب عن نظري...وهذا الشي الي خلانى امسك ايدها .. ما بغيتها تروح ... بس حتى لو كنت ابيها تجلس المفروض الزم حدودي.. الي سويته ما يتوافق مع تعاليم ديننا ومجتمعنا ... ومن متى انا اهتميت بالمجتمع او الدين في هذي المساله ... ولمى ودلال وغيرها ... الي اسويه معهم ايش يسمى .. هو صح غلط بس انا طول عمري ما خليتها تعدي المكالمات التلفونيه والطلعات البسيطه باماكن عامه ..... ظلت الافكار تدور بعقل سلمان من اول ما نزل امه للبيت ... والى الحين ماستقر على شي... ساعه يندم على الي سواه .. وساعه يحس عادي لان قصده نبيل...واثناء ما هو يفكر دقت عليه لمى بعد فتره من الانقطاع ....اول ما شاف رقمها اطلق زفره حاره من نفسه .. هذي ايش تبي .. انا ما صدقت تغيب فتره وعلى بالي ناسيتنى .. ايش عندها تدق الحين ... ماحب يرد عليها وترك الجوال يدق لين قفل لوحده ....واقل من خمس دقايق يجيه يدق جواله بنغمه المسج ....فتح الرساله " اول ما تشوف المكالمه او الرساله دق علي ضروري .. ابيك بموضوع ما يتحمل التاجيل " لمى في ايش تبينى ... اكيد الموضوع مهم والا ماكان ارسلت هالرساله .. توه بيتصل الا تذكر كلامه لبندر وعن توبته ... لالا ماراح يضعف .. هو قبل لا يعطي بندر وعد اعطي ربه .. واذا بندر مو هنا عشان يمنعه ربه موجود ... وهالموضوع الضروري ماراح يغرينى .. انشالله ما اعرفه طول عمري....وماراح اتصل ......................... رهف من الجهه الثانيه من بعد ماصار لها موقف المستشفى وهي عايشه احلام ورديه مع سلمان ... التيار الي مر لها يوم مسك ايدها شعور اول مره تجربه ... شعور لذيذ تمنت ما يختفى .. وتبقى يدها طول الوقت بيد سلمان .. صح انها جمدت بمكانها وانصدمت ... ومع كذا استمتعت .. اكيد انا اعنى لسلمان شي.. اكيد يفكر فينى .. لا حتى يعرفنى .. مع انى مغطيه عرف انا مين .. ونادانى باسمي .... يالله ايش قد انا فرحانه .... هدف صوت لمى ... لمى ... انتى ناسيه لمى ... ناسيه انها له وهو لها ... ناسيه انها حبيبته ... صراح بين قلبها وعقلها ... القلب يهتف باسم سلمان والعقل لمى .... ايش راح يكون نهايه هذا الصراع ... ومين الي راح يتغلب؟؟ ..................... عبدالعزيز: اوكي منور خذي مفتاح السياره وروحي لها .. بتشوفينها اول ما تطلعين على يدك اليمين ..اول ما تخلص سارا تجهيز اغراض راح نجي سارا الي ماكانت تبي تجلس مع عبدالعزيز لوحده : لا منور اجلسى ساعدينى منيره: ايش اساعدك من كثر اغراضك الحين .. اذا بغيتى مساعده هذا عزيز عنك.. وراحت لعند عبدالعزيز الي طلع المفتاح من

وانتم بألف خير حبايبي الحين البارت بينزل منيره: هي مستغربه من الوضع جديد عليها .. تتعود مع الايام... تدرين الى الحين انا مستغربه شلون قدرتى تعرفين كل هالشي عن مي وعن طريقها هي مو من شخص ثاني جواهر ابتسمت لها: يمكن لانها تذكرنى بنفسي منيره: مافهمت عليك شلون جواهر: طفولتى كانت شبيهه من طفولتها .. منيره: يعنى انتى امك توفت وانتى صغيره جواهر: انا امي ما شفتها ولا عشت معها حتى 3 سنوات .. منيره: الله يرحمها جواهر: اميييييين.. عشان كذا حسيت بمي قريبه منى .. نظراتها باول يوم وتصرفات تدل على بنت اكبر من عمرها بنت شايله هم مضايقها ... دخلوا البنات الفصل بعد ما انتهى الطابور الصباحي ... قامت منيره وسلمت على جواهر منيره: اسعدنى التعرف عليه .. والحمد لله ان بنت اخوي عند معلمه مثلك جواهر: لي انا الشرف بتعليمها لفت منيره لمي الي جلست بكرسيها منيره: مي حبيبتى انا خلاص بروح تبين شي هزت مي راسها ... وبعد ما سلمت منيره على جواهر طلعت من الفصل ... قاموا البنات يتهامسون .. البنت الي جالسه جنب مي بهمس: هذي امك مي شافتها مي ولفت عيونها اتجاه جواهر الي ابتسمت لها مي: لا عمتى هلا: وامك ليه ما جات جواهر وهي تصفق بايدها: هدوء بنات ... يالله نبدى الدرس اليوم ... ......................... بعد نص ساعه طلعت وشافت اخوها داخل السياره وفاتح على المسجل وهو مرجع السيت على ورى ... كان لابس نظاراته الشمسيه وفاسخ الشماغ... اول ما فتحت منيره الباب .. عدل عمر السيت ... منيره: شكلى تاخرت عليك ورحت بسابع نومه عمر: ما نمت بس ريحت شوي.. منيره: يووه عمر معلمه مي عسل حبيتها مرره عمر: عرفتى ليه يبون الامهات منيره: أي عادي اجتماع طبيعي دايما يسوونه بعد فتره من الدراسه عمر: وايش قالت عن مي منيره: هههههههه لا تخاف مدحتها عمر: زين وبعد منيره: ولا شي تعرفت على معلمتها .. حليوه مره .. تدري ايش يا عمر عمر : ايش؟؟ منيره: مي قايله لابلتها عن فاطمه عمر: ادري منيره: ايش دراك؟؟ عمر: قايله لى امس منيره: ايه المفروض اعرف ان مي ما تخبي عنك شي... لا بعد ما دريت عمر : اييش بعد؟؟ منيره: جواهر بعد ماتت امها عمر معقد حواجبه: أي جواهر منيره: ابله مي بعد مين عمر: مين قال لك؟؟ منيره: هي عمر: وهي تدق اعلان على هالمعلومه منيره: لا مو كذا بس هي جات بالسوالف عمر: انتوا الحريم تسولفون باي شي... المهم تبين انزلك بالجامعه منيره: ايه بعد فتره صمت ... عمر: مشكوره منور منيره: على ايش عمر: لانك رحتى مع مي منيره وهي تضرب اخوها بملفها: روح بس ما بيننا شكر عمر: يالدفشه ليه تضربين .. الله يعين رجلك بس منيره: هو حاصل له وحده مثلي عمر: اقول بس لا تغترين بنفسك .. الا على طاري طلال قالت لك الوالده؟؟ منيره :لا ما قالت ايش؟؟ عمر: ولد الاجاويد يبي يكلمك بالتليفون منيره: شلون عمر: ايش بعد شلون .. يبي يكلمك منيره: بس حنا ما ملكنا عمر: ادري منيره: طيب كيف يبي يكلمنى اجل عمر: مادري عنه ... المهم انتى ايش رايك منيره تغير صوتها: ايش رايي بعد طبعا لا.. والاهم ان هالشي ما يجوز عمر: اهله يقولون انهم سائلين شيخ وقايل مافيها شي اذا خبر الخطبه منتشر وبمعرفة الاهل منيره: ولو .. مااتخيل اكلم واحد غريب عمر: خطيبك هو منيره: انت موافق عمر؟؟ عمر: مو مهم رايي المهم انتى منيره: انا لا والف لا عمر: بس هو يبي وابوي ناوي يسال الشيخ منيره: لا تسؤلون شيخ ولا شي... انا مابي واذا هو ميت على هالمكالامات يدور له وحده غيري عمر: الله الله مره وحده منيره: من جد اتكلم عمر لا تفكرون تجبرونى على هالشي كافي انى بتزوج وبترككم عمر:منور حنا ما جبرناك على الزواج منيره تنهدت: ادري مو هذا قصدي .. بس مكلالمات ايام الخطبه مابي عمر: براحتك .......................... اليوم نامت كثير ... فتحت عيونها على الساعه .. ما بقى وتصير عشر الا ربع ساعه ومحاضرتها تبدا10 ونص... ابتسمت بتكاسل ابتسامه الصباح ... ورفعت ايديها وهي تتثاوب.. صدمت يدها بجسم جنبها .. لفت عليه على طول ... اول مره تقوم من النوم قبله وتشوفه لا يزال نايم من بدى الدوام .... ظلت تتامل وجهه .. وعيونه المغمضه ....ظلال رموشه مرسومه على خده .. معقوله ما راح للشركه لهالوقت .. رفعت يدها تشوف الساعه .. يمكن ساعه الغرفه خربانه ولازال الوقت مبكر...لا الوقت مثل ماهو 10 الا ربع ... رجعت تشوفه.. هو ليه نايم الى الحين .. خافت تقومه وتزعجه .. يمكن ما جاه النوم امس ونام متاخر .. دخل للحمام وبدت ملابسها .. طلعت وهو لازال نايم .. كان ودها تقومه .. وفي داخلها تردد .. بس لازم تمشى مابقى على محاضرتها شي ...حسبته بيقوم يوم شافته يتحرك .. عقد بين حواجبه .. وحك خده الي يبي له حلاقه ... ورجع ينام ...قربت من عنده .. وجلست على حافة السرير.. لا ماراح تقومه .. عدلت البطانيه عليه .. وظلت تتامله .. احبك يا عبدالعزيز... اقولها من كل قلبي.. كل خليه بجسمي تصرخ باسمك ... ومع كل نبضه اقول احبك.. حبي لك يزيد يوم عن يوم .. مهما صدر منك من جفا وبعد بظل احبك ... كافي اكون جزء من حياتك ... ماعرفت كم مر عليها على جلستها .. انتبهت من سرحانها.. مابقى على المحاضره الا عشر دقايق .. لا هي واصلتها متاخر اكيد ....قامت واخذت عبايتها وهي تتمنى تجلس اكثر..طلعت وشافت رهف تنتظرها وراحوا مع بعض للجامعه ...بعد ما نزلت رهف بمبناها راحت لمبنى الهندسه ... بعد خروج سارا بقليل قام عبدالعزيز وراسه مصدع شوي وينفجر.. امس ماقدر ينام ...لين طلع النور... اول ما فتح عيونه عرف ان الوقت متاخر .. قام وهو حاط ايده على راسه ... غريبه سارا ماقومتنى ... رفع جواله شاف 4 مكالات .. ولانه حاط الجوال على الصامت ما سمعه .. مكالمتين من ابوه ووحده من عمر والاخيره واحد من ربعه جلس على حافت السرير .. وهو حاط راسه بين يدينه ... الا يدق جواله .. شاف الجوال ينور .. واسم ابوه طالع على الشاشه.. عدل جلسته ورد.... عبدالعزيز: الووو سالم: وينك انت عبدالعزيز: هذا انا رديت ... سالم: وين كنت وليه ما داومت عبدالعزيز: احسب لى ربع ساعه واكون عندك .. سالم: ماقلت وينك؟؟ عبدالعزيز: امس مانمت الا متاخر.. انا جاي يبه سالم: لا تتاخر... ابي اعرف ايش صار على الملف الي عطيتك امس عبدالعزيز وراسه يدق الم: انشالله يبه.. تامر شي سالم: لا تتاخر بس عبدالعزيز: حاضر يالله مع السلامه وسكر من ابوه .. قام وهو متكيسل..بعد ما حلق وتجهز .. طلع من البيت .. مر ستار بوكس على الطريق واخذ له كابتشينو عشان يصحصح شوي .. وراح للشركه ... بدى اليوم لسارا بشكل غير وحلو.. حست الدنيا متفتحه بوجهها.. وبفرح من زمان ماحسته ..بعد ما خلصت محاضرتها الاخيره مع منيره على حدود 3 والنص .. طلعوا برى عشان يرجعون البيت ... وهم بالطريق ... سارا:منور.. منيره : هاه سارا: عادى نمر الراشد الحين؟؟ منيره: ليه؟؟ سارا: ابي شي منيره: بس الحين المحلات مسكره..ليه ما تطلعين بالليل احسن سارا: لا ابي الحين منيره: ايش عندك؟ سارا بانحراج: بشترى شي؟؟ منيره: الي هو؟ سارا: منور هو تحقيق منيره: ههههههههههههه..لا انتى الغامضه.. نزار روح راشد مول منيره: أي بوابه تبين ننزل سارا: مادري منيره: ايش ما تدرين مو تقولين تبين شي سارا: المحلات تفتح 4 والحين 3 ونص منيره: مادري عنك المستعجله تبين نرجع البيت سارا: لا نتغدى بعدين نشترى منيره: حلو.. خل ادق على امي اول .. سارا: لالالالالا منيره: ليه سارا: مابي احد يعرف وين بنروح نزار: شنو نمبر باب انت تبين منيره: بوابه 3 وقفت السياره ونزلوا البنات منها بعد ما تركوا اغراضهم فيها.... منيره: نزار تعال الساعه 5 دخلوا المجمع الي كان مظلم والمحلات مسكره...رقوابالمصعد للدور الثالث...دخلوا المسجد يصلون لانهم بيتاخرون بالسوق شوي... بعد ماطلعوا راحوا لفدركرز وتغدوا فيه ....وهم يتغدون منيره: ياويلنا من رهف بتزعل لو تدري اننا طلعنا من غيرها سارا: متى بتخلص اليوم منيره: عندها لاب اظن الحين خلصت ..ايش رايك ادق عليها تجينا سارا: لالا ماودي ادق اعلان منيره: الا صح انتى ايش عندك ليه هالسريه سارا: اممممم.. ابي اشترى هديه منيره: لمين؟؟ سارا: لعزيز بعد لمين؟؟ منيره: ليه؟؟ ليكون عيد ميلاده ترى عزيز ما يحب هالخرابيط سارا: لالا بس كذا من غير مناسبه منيره بابتسامه خبيثه: اها.. الاخت ناويه على شي سارا: لا والله.. الفكره جاتنى بالمحاضره قلت ليش لا منيره: وايش ودك تشترين له؟؟ سارا: مادري.. محتاره منيره: ايش رايك قلم سارا: لا سبق شريت له قلم وبوك وكبك ودي بشي ثاني منيره: هههههههه اثاريك مو سهله يا سوير مغرقى اخوي بالهدايا سارا: انقلعي بس ..لا تحسفينى انى قلت لك منيره: طيب طيب..اممم ايش رايك تشترين له جزمه سارا: مادري احس غلط منيره: طيب بدله سارا: ومن متى عزيز يلبس بدل منيره: اذا سافر سارا: اذا جا بسافر بشترى له منيره: حيرتينى معك سارا: انا محتاره اكثر منك.. احس الرجال مايصير يشترى لهم هديه منيره: لقيتها عطر سارا: اخاف ما يعجبه منيره وهي تغمز لسارا: اهم شي يعجبك انتى سارا:كلى هوا منور...لحظه ليه ما اشترى له طقم مكتب منيره: لالالا.. انا الي اعرفه ان عنده واحد وتوه جديد..شوفي خل نروح لعبدالهادي والدو.. واذا شفنا شي زين نشري له... سارا: اوكي حلو يالله منيره: دقيقه خل اخلص اكلى سارا: ما شبعتى منيره:الحين لحظه بعد فتره وهم من مكان لين مكان مابقى عطر جديد الا شموه ..لدرجه ماصاروا يفرقون بين العطور والريحه صارت وحده... بعدين راحوا لالدوا .. شافوا نعله حلوه مره ... عجبت سارا واخذتها ... سارا: احس فشيله اهدى له نعله منيره: وليه فشيله اصلا الهديه مالها مناسبه سارا: مااشترى معها شي ثاني منيره: لا صدقينى راحوا لبيبر مون عشان يغلفونها.. غثهم الفلبينى مابقى دب ولا حيوان صغير محشوا بالمحل الا قال بيحطه فوق الهديه... مو راضي يفهم انهم ما يبون... بعد ماشال النعله من علبتها وحطها بعلبه هم مختارينها .. كان لونها زيتى لان سارا تعرف ان عبدالعزيز يحب هاللون كثير ... حط النعله بالعلبه وتحتها القش الي يحطونه عادة..بعدين ربطها بشريطه بيج .. اختاره سارا كرت يناسب التغليفه... وتعمدت يكون فاضي عشان تكتب فيه كلمه من عندها .... اخذوا الهديه وطلعوا ... منيره: الحين شلون بتقدمين له الهديه سارا: مادري.. افكر اسوي له عشي منيره: حلو.. يالله نروح لزهور الريف سارا: ليه منيره: عشان نشترى الشموع والخرابيط ..ماتبين تعيشون جو رومانسى سارا: منووور منيره: لحظه تستحين منى سوير .. اقول انقلعي بس سارا: لا ما استحى.. اصلا عزيز ما يحب هالحركات منيره: بيحبها غصب عنه يالله قومي بس خلصوا من زهور الريف على حدود الساعه 5 ونص .. وهم طالعين منيره: لحظه ابي امر ميقا ستار سارا: ليه منيره: بشوف اذا فيلم troy نزل او لا سارا: تراه سخيف منيره : عادي كافي ان البطل براد بت سارا: منور شوفي المحل كله عيال مافي ولا مراءه منيره: وحنا بنغازلهم.. مادمنا ساترين ومحترمين نفسنا ايش ورانا سارا:طيب.. بس بسرعه عشان ما نتاخر .. مابقى على اذان المغرب شي وابي امر بنده العزيزيه دخلت منيره قبل سارا المحل .. واول ما ادخلت طلعت على طول... سارا: ليه ماتبين تشترين افلام منيره: الا .... بس كانى شفت طلال سارا: من جد منيره: ايه واقف هناك سارا: ادخلى ايش وراك ماراح يعرفك منيره: مادري خايفه دزتها سارا قدامها سارا: اقول قدامي.. بعد مادخلوا... سارا تهمس لمنيره: وينه؟؟ منيره: هذا الي لابس بدله ومعطينا ظهره سارا: راعي البلوزه اللمخططه منيره: ايه هو وهم يتهامسون ويشوفونه لف عليهم .. وتضحك سارا اما منيره طاح وجهها وحمر سارا وهي تقاوم ضحكتها: هالهندي طلال منيره بانحراج وعصبيه: وانا ايش درانى من وراه كانه هو سارا: ماشفتى شعره المزيت منيره: على بالي جل سارا: هههههههههههه.. اثاري خطيبك يشبهه الهنود منيره: مين قال... واصلا في بعض الهنود حلوين سارا: ايه بس مو مثل هذا منيره: يعنى الحين عزيز الي مو شكله هندي سارا: ههههههههه.. محتره من حلاته منيره: اقول خل نطلع اصرف سارا: ههههههه.. زعلتى على طلول منيره: ايه مو رجلى سارا: الله من الحين رجلك منيره: هههههههههه سارا: مو كانه جوالك منور منيره ايه صح... هذا امى ايش اقول لها سارا: مادري انتى تصرفي ردت منيره:هلا يمه فوزيه بعصبيه: وينك فيه منيره وهي تاشر لنزار يجيب السياره: بالطريق فوزيه: ووين رحتى منيره: كنت ابي كتاب ضروري اخذه اليوم قلت لنزار ينزلنى بجرير .. وكانت المحلات مسكره فتغدينا اول بعدين شفت تخفيضات بمانجو دخلت اشوفها وراح علينا الوقت فوزيه: وماعندك امك تستاذنين منها منيره: ماكنت اادري انى بتاخر يمه.. وانك ما ترضين فوزيه: لا مانى براضيه وحسابك اذا وصلتى البيت.. منيره: ليه يمه فوزيه: من متى تروحين السوق لوحدك منيره: مو لوحدي معي سارا فوزيه: سارا معك؟؟ منيره: ايه فوزيه: وليه ماقلتى من اول منيره: يعنى مع سارا عادي فوزيه: ايه سارا متزوجه... المهم يمه لا تتاخرون طيب منيره: حاضر فوزيه: يالله فمان الله منيره: مع السلامه وسكرت الجوال وهي مستغربه سارا: ها ايش قالت منيره: بالاول عصبت .. بس يوم عرفت انك معي ماقالت شي سارا:ههههههههه منيره: لحظه جد ليه يوم سالتها قالت سارا متزوجه... يعنى لانى مو متزوجه بدشرها.. من جد غريبه سارا: هذا هم اهلنا اذا البنت تزوجت عادي تطلع منيره: ها نروح بنده سارا: ايه بسرعه قبل الاذان بعد ما قضوا من بنده وشروا الي يحتاجونه .. طبعا ما نسوى بوبكورن العسل .... رجعوا للبيت.. اول ما ادخلو البيت على طول راحوا سمعوا صوت حريم بغرفه نوره .. فعلى طول رقوا فوق لانهم مو مستعدين يستقبلونهم ... كانت سارا خايفه يكون عزيز موجود بالبيت ...فتحت الباب والحمد لله الغرفه فاضيه ... بعد ما حطت الهديه بالدولاب على ما يجي عبدالعزيز.. دقت عليه عشان تتاكد هو وين .. قال لها انه عند ربعه .. انزلت مع منيره لتحت للمطبخ وطلعت الاشياء الي شرتها للعشا... الي بتسويه لها ولعبدالعزيز منيره: قولى للخدامات يسونه سارا: لا ابي انا الي بسويه منيره: ماعندك دراسه سارا: لاحقه عليها .. منيره: طيب اساعدك سارا بابتسامه: لالا انا الي بسويه لوحدي. منيره: بالاول دقي على عزيز شوفي ايش تخطيطه سارا: ايه والله .. والا تخيلي يتعشى بره ودقت على عبد العزيز الي قال لها انه راح يكون بالبيت على حدود الساعه 9 ونص عشر....ظلت سارا طول اليوم بالمطبخ تتفن بانواع الطبخ ... يوم سالت عنها ام عمر قالت لها منيره .. فوزيه: ايه هذي المره مو انتى منيره: يمه مين قال لك انها تعرف تطبخ هناك كتاب الطبخ قدامها فوزيه: على الاقل تحاول منيره: وليه انا احاول والخدم موجودين فوزيه: وانتى ايش دراك ان زوجك بيجيب لك خدامه منيره: مو كيفه اصلا... لازم يعيشنى الحياه الي كنت اعيشها عند اهلى فوزيه: اقول قومي بس ... في حريم جاينا روحي لبسى ابيك تقهوينهم .................. هالمره زفت كثير بالاختبار.. بس يالله انشالله يعوضه بالاختبار الجاي.. طلع من القاعده وصدره ضايق مره وماله خلق شي.... الا بندر بوجهه ... بندر: ها بشر ايش سويت سلمان: يا شيخ لا تسال F معتبره بندر: ليييييه الاختبار مره سهل سلمان: ادري بس اكثره من المحاضره 3 وانا ما فتحتها وباقى المحاضرات ما ذاكرتها زين بندر: تعوضها انشالله ... امش انا عازمك على العشا سلمان: مابعد ياذن العشا بندر: نروح نصلى بعدين اختار المطعم الي تبيه سلمان: تصدق عاد مشتهي استكوزا من السنبوك بندر: هيه.. المكافات مابعد نستلمها وانا على الحديده الحين سلمان: لا بعد تعزم وبخيل بندر: ياخى على قدي انا سلمان: هههههههههههههه ولا يهمك مانبي السنبوك هارديز يمشى الحال بندر: وانت ما عندك تعادل يا السنبوك ياهارديز .. قلنا على الحديده بس مو لهالدرجه ... سلمان: اقول بترك الخيار لك ... بعد ما خلصوا صلاة العشا راحوا لستيك هاوس ... وهم يتعشون كذا مره يدق جوال سلمان وهو يقفل بوجهه المتصل لدرجه طفش فيها وقفل الجهاز بندر: انت ايش سالفتك مع هالمكالمات سلمان: اوووف طفشتنى بندر: ههههههه أي وحده فيهم سلمان: مافي الي غيرها الباقي عندهم كرامه الا هي اللصقه بندر: ليكون لمى سلمان تنهد : ايه بندر: الله الله وليه كل هذا ..ليكون رجعتوا وتزاعلتوا سلمان: ليتنا نتزاعل على طول بندر: شكل السالفه كبيره سلمان: لا كبيره ولا شي بس مادري صاير ما اطيقها امس كلمتها وحسيت ايش قد سوالفها بايخه وثقيله الدم وبلحضتها ما حبيت اطول معها وسكرت على طول وهي على بالها انى زعلان وتصدق اليوم ما وقت دق على .. ولا عشر مرات ... واخرتها صرت اقفل بوجهها عشان تفهم انى مابي اكلمها بس هي مو راضيه بندر: يعنى تبي تدور لك على وحده ثانيه سلمان: تصدق ما اظن ... انا قررت اترك هالحركات والصياعه بندر باستغراب: من متى؟؟ سلمان: امس ما قدرت ادرس ولا انام .. طول الوقت افكر ... اتمنى يا بندر اتمنى اتوب واوقف هالاشياء مو ناقص ذنوب انا بندر: المهم بالتوبه تكون من قلبك ونصوحه .. انت ياما قلت بتوقف بس ما تكمل شهر الا ترجع وتلاقي لك بنت ثانيه سلمان: مادري ليه حاس ذي المره انى من جد بندر: ياليت يا سلمان .. بتفرحنى والله سلمان: الله يعين بس ................. جات الساعه 9 ونص .. طلعت سارا من السبوح .. بعد ما حطت البودر والعطر ولبست فستان ولا مره شافه عبدالعزيز عليها .. كان فستان ناعم كثير ويناسب المناسبات الخاصه الصغيره .. ماهو طويل ..ذيله على شكل سبعه اطول جزء يوصل لنص ساقه والقصير يوصل لحد ركبتها ... ومن فوق عباره عن درابيه .. لونه تموجات درجات الوردي الفاتح الى الاحمر القانى .... حطت روج وردي ومع لوشن وما حبت تحط شدو وكتفت بالكحل والمسكره ... كان شكلها مره حلو .. وتسحر الواحد .. خصوصا بشعرها الي يلامس كتوفها بخصلاته الناعمه .. اقل نسمه هوى تحركه .....بعد ما انتهت وجهزت طلبت من الخدامه تنقل الاكل لفوق دخلت منيره عشان تساعدها ..... اخذته منها وحطته على الطاوله الي بين الكنبين بالغرفه ... كانت مسوي اكل ايطاليا .. فاتوشينى ولازانيا مع مقبلات صفتهم على الطاوله ...في وسطها حطت شمعدان ...ملت الكاسين بالثلج وجنبهم بلو كوكتيل ... وطفت انوار الغرفه الا الابجورتين الي جنب السرير ... شغلت الفواحه الي شرتها اليوم وحطت الهديه على السرير جهت عبدالعزيز على مخدته ... طلع جو الغرفه مره رايق ... وتراقص نور الشمعتين على الجدار وصوت الموسيقى الكلاسيكيه الي مشغلتها ....معطي منظر حلو ويريح النفس.... كل شي جاهز .. مابقى الا عزيز يوصل... فتح الباب ومنيره لازالت بالغرفه مابعد تطلع .. لفت سارا ومنيرعلى طول على بالهم عبدالعزيز وصل رهف: يا الخاينات منيره: وجع خرعيتنا على بالنا عزيز رهف وحاطه ادينها على خصرها: بالاول تروحون وتتغدون ولا وتقولون لى .. ومع كذا مشيتها .. بس انكم تتعشون ولا تقولون لى بعد ... وهي تتلفت : لا وبعد بجو رايق سارا: يالخبله ماراح نتعشى مع بعض رهف وهي تقرب من عند الاكل وترفع الغطا: والاكل كله لمين .. منيره: يالملقوفه لعزيز وسارا.. ماتشوفين كشخه سارا رهف: الله ابي اكل معكم ... احسن من العصيده الي مسوينه تحت سارا: هذا الي ناقص تخربين الجو رهف وهي تشوف سارا بنظرات وتضحك: ليه ايش ناوين تسوون؟؟ سارا: ههههههه مالك دخل رهف: طيب باخذ لي كاس من العصير منيره: اقول رهيف رهف: يمه خلاص كلتونى .. المهم سارونا ما اوصيك لا تخلصون الاكل .. واول ما تنتهون حطيه جنب الباب عشان اقضى على الباقي منيره: ايه هذا كفوك رهف: على الاقل احسن من العصيده .. ماادري ايش عند امي تسويها وحنا بايام حر .. والي محيرنى زياده من وين لها التمر وهالايام ايام رطب سارا:انا اموت بالعصيده ... لو ادري اجلت هالعشا رهف: حلو خلاص اجليه وتعشى عصيده وانا اكل هذا منيره وهي تجر رهف تطلعها من الغرفه: اقول يالمفجوعه خل نطلع قبل لا يطب عليها عبدالعزيز ونخرب الجو رهف وهي تطل من الباب قبل لا تسكره منيره: لا تنسين الي وصيتك عليه لا تخلصون الاكل سارا وهي تضحك: ااذا اخوك مو جايع وما كل ابشري منيره: رهف اقول تعالى وسكرت الباب وهي تغمز لسارا وابتسامه مرسومه على وجهها جلست سارا على الكنب وهي تحس بفرحه كبيره شوي وتطيرها ... ظلت عيونها معلقه على جوالها تشوف الساعه .. مرت نص الساعه على الوقت الي قال عبدالعزيز انه بيجي .. وهو الى الحين ما جا ... احتارت تتصل عليه والا تتركه براحتك .. ظلت متردد وتدرس الاحتمالات .. خافت تدق عليه وويظنها تتطفل وتحقق معه مثل ذيك المره ويعصب عليها بعدين يرجع البيت متضايق ويخترب كل شي.. والا تتركه على راحته ويبرد الاكل ونفس الشي تخترب الجلسه .. انسدحه على الكنب وهي حاسه بالتعب اليوم ما جلست من اول ما قامت وهي تشتغل بالاول الجامعه وبعده السوق بعدين المطبخ ...حست نفسها هلكانه تعب .. الوقت تاخر وعبدالعزيز ما جا ... وهي لازالت متردد ... ضغطت على رقم 2 بالجوال للاتصال السريع .. وحطت على زر الاتصال ..خلاص بتدق الي يصير يصير.. وقبل لا تصير مكالمه سكرته على طول لدرجه ما بعد يدق على عبدالعزيز .. ظل الجوال بيدها .. واصبعها على زر الاتصال ... الساعه صارت 11 وربع والى الحين ما جا .. خافت يمكن صار له شي .. احتارت بامرها ودها تدق وفي نفس الوقت مو قادره ....حست بتعها يزيد .. وعيونها بدت تسكر غصب عنها ........................... جلست سارا على الكنب وهي تحس بفرحه كبيره شوي وتطيرها ... ظلت عيونها معلقه على جوالها تشوف الساعه .. مرت نص الساعه على الوقت الي قال عبدالعزيز انه بيجي .. وهو الى الحين ما جا ... احتارت تتصل عليه والا تتركه براحتك .. ظلت متردد وتدرس الاحتمالات .. خافت تدق عليه وويظنها تتطفل وتحقق معه مثل ذيك المره ويعصب عليها بعدين يرجع البيت متضايق ويخترب كل شي.. والا تتركه على راحته ويبرد الاكل ونفس الشي تخترب الجلسه .. انسدحه على الكنب وهي حاسه بالتعب اليوم ما جلست من اول ما قامت وهي تشتغل بالاول الجامعه وبعده السوق بعدين المطبخ ...حست نفسها هلكانه تعب .. الوقت تاخر وعبدالعزيز ما جا ... وهي لازالت متردد ... ضغطت على رقم 2 بالجوال للاتصال السريع .. وحطت على زر الاتصال ..خلاص بتدق الي يصير يصير.. وقبل لا تصير مكالمه سكرته على طول لدرجه ما بعد يدق على عبدالعزيز .. ظل الجوال بيدها .. واصبعها على زر الاتصال ... الساعه صارت 11 وربع والى الحين ما جا .. خافت يمكن صار له شي .. احتارت بامرها ودها تدق وفي نفس الوقت مو قادره ....حست بتعها يزيد .. وعيونها بدت تسكر غصب عنها على حدود الساعه 1 ونص الليل .. فتح باب البيت الي غرقان بالهدوء والسكوت ... اليوم جا حمد من لندن .. عشان كذا تاخر.. ماعرف الا بعد صلاة العشا بوصول صديقه .. دق عليه عشان يتحمد له السلامه .. فاصر حمد يجي يتعشى عنده ... بعد ما خلص عشى طلع معه يتمشون على الخبر ويشوف حمد التطورات الي صارت في مدينته ... نزل الرجال ورجع لبيته .. بعد ما اتفق معه انهم يلتقون بكره ويروحون للمزرعه .... راح لغرفه وهي متاكد ان سارا نايمه .. فتحت الباب بهدوء عشان ما يزعجها ... وقف مكانه يتامل المنظر الي قدامه .. الغرفه غرقانه بنور الشموع الي واصله لنهايتها .. يعنى بالكثير ربع ساعه وتخلص ..ومنظر الاكل الي مغطى على الطاوله .. والكاسات المليانه ثلج تحول لماي يوصل نص الكاس ... ومنظر سارا وهي متكوره على نفسها مثل الربيانه في الكنب الصغير وغرقانه بالنوم... قرب من عند الطاوله .. ورفع الغطا عن طبق.. طلعت له لازانيا مو ماكول منها شي.. لمسها كانت بارده واضح انها من زمان موجوده ... زاد قربه الى ان وصل سارا ... كان شكلها يكسر الخاطر منه ... بردانه ومتكوره على نفسها .. قرر يشيلها عشان يمددها على السرير وترتاح ... حنى ظهر لها .. ويلفت نظره الجوال الي بيدها ... مد ايده وحرر الجوال من اصابعها بكل حنيه ... وتوه بيحطه الا يشوف الاسم الي مكتوب عليه ... حبيبي..... وعلى طول ضغط على زر الاتصال ..كانت رنة جواله الي سمعها مثل الطعنه بقلبه .. قفل جواله بسرعه عشان ما يزعجها ... تملكه احساس غريب .. انا حبيبك يا سارا .. معقوله تحبينى ... وصرخ صوت من اعماقه .. طبعا تحبك يا مغفل .. والا شلون صابره عليك لهالوقت لو ما تحبك .. حس بالذنب ... نقل نظراته من سارا للطاوله .. وطل شي بالغرفه يصرخ بوجهه ويعاتبه .. كل لمسه اضافتها سارا .. المفروض تدق علي وتقول لي .. مو تنتظر اجيها كذا ... بس انت مو اعزب عشان تتصرف مثل اول .. مو لازم تنتظرها هي الي تسالك المفروض انت تعطيها خبر ... ليه انا متزوج عشان اخذ الاذن من زوجتى .. المساله مو استاذان .. على الاقل تعطيها خبر.. والا انت ناسي انها دقت عليك تتاكد متى تجي ... بس انا يوم قلت لها انى بجي عشر ماكنت ادري ان حمد بالبلاد .. ويم عرفت ان صديقك موجود ليه ما دقيت عليها .. ما تشوفها ايش مسويه عشانك ... الصراع الي كان بداخل عبدالعزيز بدى يحطمه .. ظلت عيونه معلقه بسارا .. ماقدر يمد ايده ويحملها .. حس انه ما يتاهل يلمسها ... بعد عنها وهو مو عارف ايش يسوي ... رمى الشماغ على السرير وجلس عليه .. وايده تتخلل شعره بعصبيه بعد ماشال الطاقيه ... حس بشي جنبه .. لف عليه الا يحس بصفعه على راسه .. لا يا سارا مو لهالدرجه .. مااقدر انا على هالشي .. كافي الذنب الي حاس فيه ... مد ايده وشال الهديه الموجوده على السرير ...فتح البطاقه المعلقه عليها ... مااقدر افسر في خيالي معانيك.. لكن..تمنيت اوصل حدود بالك.. واعرف..وش اغلى ما تمناه واعطيك .. ليت السعاده دايم الدوم فالك.. وجعل الزمن الي يزعلك يرضيك.. واشيل الهم عنك وازعل بدالك.. احبك سارا اخذت ايده ترجف .. والبطاقه تهتز .. زاد ضغطه عليها عشان يوقف الارتجاف.. وبايده الثانيه ضرب راسه كانه يعاقب نفسه ... احساس الذنب الي بداخله زاد .. لدرجه منعته من انه يفتح الهديه .. اخذها وحطها على الكوميدينا الي جنب السرير ... هالاصوات الي اصدرها عبدالعزيز ازعجت سارا وخلتها تنتبه من نومها ... حست بجسمها متكسر .. قامت وهي مو عارفه هي وين .. ولا مستوعبه الوضع .. اول ما فتحت عيونها طاحت على الشمعتين الي قدامها .. عبدالعزيز خذلها ولا جا .. وهنا رجع لها كل شي ... اول ما سمع عبدالعزيز الحركه الي جايه من جههت سارا .. قام من على السرير .. ودس البطاقه بجيبه على طول ... وقف وهو مرتبك وكانه طالب يقابل المدير لخطا سواه ... ينتظر سارا تنتبه لوجوده وتعاتبه ... رفعت سارا وجهها .. وطاحت عينها بعين عبدالعزيز .. شافته بنظرات بارده ... مررت ايدها على وجهها وكانها تطرد منه اثار النوم ... وبكل هدوء استقامت بجلستها .. ومالت على الطاوله .. وبنفخه وحده طفت الشموع الي وصلت لنهايتها ... وقفت واخذت صينيه الاكل معها .. وطلعت من الغرفه .. وعبدالعزيز واقف مكانه .. ولاهو قادر ينطق بكلمه ... توقع منها كل شي .. الا البرود .. لو انها صارخت بوجهه .. لو حتى جات وضربته وصاحت .. اهون له من انها تسكت وتشوفه بهالنظرات ... فسخ ثوبه وعلقه ... الا بدخلت سارا .. ونفس الشي من غير ولا كلمه اخذت قميص نومها من الدولاب ودخلت الحمام ... بعد ما طلعت انسدحت على السرير وطفت الابجوره الي جنب سريرها وظهرها لجهت عبدالعزيز .. ................... اصوات مزعجه متداخله مع نومه ... ضرب بايده الساعه عشان يوقف الصوت..ومع كذا الصوت مستمر ... بدى يميز النغمه ... اخذ جواله من جنب الساعه رد بصوت كله نوم: نعم حمد: الى الحين نايم .. الساعه 9 وحنا متفقين على 7 ونص... اعتدل عبدالعزيز في جلسته عبدالعزيز: عطنى خمس دقايق اصحص من النور وارجع ادق علي حمد: لاخمس دقايق ولا عشر قوم يالكسلان .. خمس دقايق وتكون موجود بالمزرعه عبدالعزيز: حتى لو طلعت من البيت الحين ماراح اوصل الا بعد نص ساعه حمد: المهم عجل .. ترى بنفطر عنك عبدالعزيز: افطروا .. حمد: ايش فيك عزيز ماتبي تجي عبدالعزيز: قلت لك حمد خلنى اصحصح راسي بينفجر حمد: طيب ولا يهمك بقفل الحين .. بس ها يا ويلك اذا ما جيت عبدالعزيز: انشالله وقفل وهو خلاص خاربه بالنسبه له .. خصوصا لان سارا ماكانت موجوده بالغرفه .. شاف الساعه تسع الا خمس دقايق.. واليوم الخميس .. ايش عندها تقوم .. عاده بالويك اند ما تقوم الا 10 او 11... بعد الكنفورت منه ...لاحظ ان الغرفه رجعت مثل اول .. الشموع انشالت .. حتى الهديه ما شافها على الطاوله.. قام بتثاقل.. وراح للحمام .. حلق وغسل وجهه .. بعدين بدل ملابسه .. قرر انه ما يروح المزرعه.. لازم يتكلم مع سارا ويصححون الوضع هذا .. طلع من الغرفه .. وقف عند غرفه منيره .. يمكن سارا عندها.. ماسمع صوت وكمل طريقه شكل اخته نايمه ... راح مباشره للغرفه الي فيها نوره والبيبي... سمع صوت سارا وهي تسولف مع نوره وتقول شي ونوره تضحك ...دخل والابتسامه شاقه وجهه عبدالعزيز: ضحكونى معكم الكل لف على جهت الباب.. جهت عبدالعزيز... اما عبدالعزيز كان كل همه سارا .. عيونه عليها .. اول ما طاحت عيونه بعينها .. وسعت ابتسامته وقرب من عندها... نوره: ههههههههههه...ولا شي بس كانت تقول لى عن موقف صاير لصديقتها جلس عبدالعزيز جنب سارا ولازلت عيونه بعيونها ... عبدالعزيز: صباح الخير سارا بصوت واطي: صباح النور عبدالعزيز: اشوفك اليوم قايمه قبلي سارا: ايه امس نمت قبلك ليه يا سارا ليه ... يعنى لازم تذكرينى بالي صار امس... نوره: امس ما شفنا سارا ابد طول الوقت قاعده تتفنن لك واغمزت لعبدالعزيز..الي كان متضايق مره .. حب يلطف الجو شوي عبدالعزيز: الله يعنى أي شي بنسويه لازم ينتشر بالبيت نوره: حنا غراب عبدالعزيز يغير السالفه يوم لاحظ تغير تعابير سارا: غريبه دحومي ماله حس اليوم نوره: خل ينام امس ما قدرت انام منه .. مادري ايش فيه طول الوقت يصيح سارا: يمكن فيه مغص.. مو امس معطينه تمر مطحون مع ماي نوره: والله مادري.. لو استمر على كذا باخذه للمستوصف عبدالعزيز: والوالده وينها نوره: نايمه .. امس سهرتها معي.. خل ترتاح عبدالعزيز: طيب وين فطوركم؟؟ نوره: خلاص قضينا انا وسارا عبدالعزيز: افا ما توقعتها .. وانا الي عازمينى ربعي على فطور المزرعه اقول لهم بفطر مع اهلى .. في الاخير تتركونى سارا: طيب روح افطر معهم قام عبدالعزيز يشوف سارا.. ليه يعنى تبين الفكه منى نوره: مزرعتنا؟؟ عبدالعزيز: لا حقت واحد من الربع توه جاي من السفر ... ومادريت الا امس متاخر ..رحت اشوفه ...ولزم علي نكشت بمزرعته ونصيد طيور يقول مثل ايام اول كان يقصد سارا بكلامه وكانه يحاول يبرر لها سبب تاخره امس... سارا: طيب ليه ما تروح عبدالعزيز وهو يشوف سارا: وليه تبينى اروح سارا: مو تقول توه جاي من السفر اكيد انت مشتاق له ... وبهاللحظه يدق جوال عبدالعزيز قبل لا يرد...كان حمد المتصل عبدالعزيز: هلا حمد حمد: وينك ياخوي .. تاخرت عبدالعزيز: اسف حمد مقدر اجي حمد: ولييييييييييييه.. لاتخاف ما فطرنا عبدالعزيز: ايش دعوه افطروا.. خلها مره ثانيه حمد حمد: براحتك..اول ما تغير رايك تعال طيب عبدالعزيز : انشالله.. يالله فمان الله حمد: مع السلامه وقفل منه ... نوره: هذا الي عازمك عبدالعزيز: ايه بس خلاص مو رايح سارا: من جد عزيز ليه ما تروح ... عبدالعزيز : بس مالي خلق .. انقهر عبدالعزيز من سارا وتصرفها .. ولا كان صار شي امس... ما هي عاجبته هالبروده والتطنيش.. حس ان الكلام الي يبي يقوله لها ما يقدر يتاجل اكثر من كذا .. قام من جلسته عبدالعزيز: سارا تعالى ابيك بشي رفعت سارا راسها له: تبي فطور عبدالعزيز وهو يمسك ايدها ويسحبها يقومها: اتركي الفطور وتعالى وطلع من الغرفه معها ونوره تشوفهم ولاهي فاهمه شي.. ايش سالفه عبدالعزيز ويبي سارا بايش... سارا: طيب شوي ترى بطيح لا تجرنى كذا .. وخفف من شدك على ايدي خفف ضغط اصابعه على معصمها واخذها لغرفتهم ....جلسها على الكنب وجلس قبالها على الطاوله عبدالعزيز: سارا حنا لازم نتكلم سارا وعلامات البراءه مرتسمه عليه: في ايش؟؟ عبدالعزيز: لا تفورين دمي سارا انتى تعرفين بايش.. لازم نتكلم على الي صار امس سارا: ماصار شي عبدالعزيز بعصبيه: سارا سارا: من جدي اتكلم ما صار شي عبدالعزيز وهو يصر على اسنانه: ماهو عاجبنى هالبرود سارا سارا: انت ايش تبي منى يعنى .. تبينى اصرخ .. والا اصيح واشقق ملابس.. الي صار امس صار عبدالعزيز: بس لازم نتكلم فيه سارا بصوت كله الم: وليه عشان نفتح الجرح مره ثانيه.. انا خلاص نسيته ليه ما تنساه انت بعد عبدالعزيز: بس انتى لازم تسمعين انا ليه سويت كذا سارا: واذا سمعت ماراح يتغير شي .. امس راح وحنا الحين باليوم عبدالعزيز: يعنى انتى مو زعلانه سارا وهي تحاول تتمالك نفسها ولا تطلع لعبدالعزيز: لا عبدالعزيز وهو يشوف سارا بنظرات متفحصه: اكيد سارا: ايه حتى نسيت.. وانت بعد لازم تنسى عبدالعزيز: اذا كنتى مو زعلانه سارا: قلت لك مو زعلانه .. عبدالعزيز: طيب ابتسمى عشان اتاكد اغتصبت سارا ابتسامه سريعه وقامت من مكانها عبدالعزيز: على وين؟ سارا: بروح ابدل وازور اهلى لي مده مارحت لهم عبدالعزيز: وانا؟؟ سارا: وانت ايش؟؟ عبدالعزيز: بتتركينى بالبيت سارا: مو عازمك صديقك روح له عبدالعزيز: واضح انك الى الحين ماخذه على خاطرك منى سارا بصراخ: انت ايش تبي تبينى اكتب لك بالدم انى مو زعلانه والا ايش؟؟ عبدالعزيز: مالها داعي هالعصبيه ... انا الغبي انى جالس اراضيك قام وطلع من الغرفه وسكر الباب بعده بقوه ... ارتمت سارا على السرير وهي خلاص .. كانت نتتظر اللحظه الي يطلع عبدالعزيز فيها من الغرفه عشان تنفجر بالصياح .. الغريب ان اول ما طلع منها ما نزلت من عينها ولا دمعه ... ليه يا عبدالعزيز .. ليه تسوي فينى كذا .. بعد ما انسدحت امس .. حاولت بس النوم ما رضى يرجع لها الي حطمها اكثر حتى الهديه ما اخذها .. ما تقبلها منها...ولا حتى فتحها يشوف ايش جايبه له ...ظلت صاحيه اكثر الليل ... بعد ما نامت حول الساعتين قامت من النوم على حدود الساعه 7 الصبح .. اخذت معها الهديه ورمتها بالزباله.. نزلت تحت وطلبت من الخدامات يرمون الاكل عشان محد يشوفه ويعرف ان عبدالعزيز ما تعشى .. البيت كله عرف بالي تسويه سارا .. وهذا عيب سكن الزوجه في بيت اهل رجلها .. أي تصرف او شي تسويه الكل يعرف به ... بعد ما طلعت من المطبخ جلست مع نوره.. ومن نزل عبدالعزيز وهي تقاوم نفسها وتحاول تطرد احداث الليله الماضيه .. عرفت ان عبدالعزيز يبي يفتح الموضوع.. عشان كذا اول ما قال عن طلعت المزرعه شجعته .. ما تبي تتكلم معه عن الي صار.. تعر انها ضعيفه راح تبكي قدامه ... وهي ما تبي هالشي يصير... تحامل على نفسها وقاومت .. بس هو اصر يطول السالفه وهذا الي خلاها تنفجر وتصرخ بوجهه .. وتخرب كل الي كانت مقرره تسويه من لا مبالاه ..... انقهر عبدالعزيز من سارا كثير... يعنى هو يحاول يراضيها وهي تصرخ بوجهي.. لا وتبي الفكه منى .. الا ليه تصر على روحتى للمزرعه... رجع دق على حمد وقال له انه راح يجي المزرعه عندهم .... دخلت سارا بيت اهلها قبل اذان الظهر .. شافت امها وابوها .. سلمت عليهم وجلست معهم ... كانت مها رايحه بيت اهلها .. اما عبدالله أي كان يوم الخميس عنده مثل أي يوم .. ما ياخذ أي يوم اجازه .. الشغل ماخذ كل وقته .. كان طالع من الساعه ست ..وسلمان كان طالع .. جلست سارا جنب ابوها الي كانت مشتاقه له كثير... لها فتره ما شافته .. كذا مره تجي بيتهم وهو ما يكون موجود ... جا سلمان وعبدالله ومها عند وقت الغدا... راحت لطيفه للمطبخ ولحقتها سارا لطيفه: سارا يمه بتتغدين عندنا؟؟ سارا: ايه لطيفه: ورجلك؟؟ سارا: مدري عنه يمه لطيفه: ليه مو ما يدري انك عندنا سارا: الا قلت له لطيفه: طيب دقي عليه قولى انك بتتغدين عندنا وخليه بعد يجي سارا: يمه اكيد بيتغدى بيت اهله ماله داعي ادق لطيفه شافت بنتها بنظره دايما تشوفها بها اذا سوت سارا شي ما يعجبها لطيفه: عيب عليك .. ويالله قومي اتصلى سارا: يمه والله ماله داعي لطيفه: سوييييير سارا: طيب انشالله وطلعت للصاله.. اخذت جوالها من الشنطه ودقت على عبدالعزيز... سارا: السلام عليكم عبدالعزيز: وعليكم السلام هلا سارا سارا: عزيز انا بتغدى بيت اهلى عبدالعزيز: طيب؟؟ سارا: قلت لك بتغدى بيت اهلى عبدالعزيز: ايه .. ايش تبينى اسوي سارا منقهره منه: يعنى عادي عبدالعزيز: داقه تستاذنين.. حلو والله سارا: امي قايله لي عبدالعزيز : انا اعرفها خالتى خوش حرمه سارا: المهم بتغدى طيب عبدالعزيز بنذاله: لا اندهشت سارا: ليييييه عبدالعزيز: بس وانا بجي باخذك بعد نص ساعه .. لا تتغدين طيب سارا: امي مسوه الي احبه .. واخوانى موجودين هنا عبدالعزيز: وانا قلت لك لا سارا:وانا اقول ايه عبدالعزيز: طيب ليه داقه مادمتى بتسوين الي براسك سارا وهي تصر على اسنانها: عزييييييييز عبدالعزيز: الي قلته لك .. نص ساعه وانا جاي وقفل الخط من غير ما ينتظر ردها... نار شبت بصدر سارا.. انت ايش تبي.. لازم تذبحنى . .. رمت الجوال على الكنب وهي تحمد ربها ان الصاله فاضيه والا كان سالوها ايش فيها .. خصوصا ان وجهها احمر من العصبيه .... بعد ما هدت شوي راحت لامها وقالت لها انها ماراح تتغدى هنا...حطوا اهلها الغدا وهي جالسه ماعندها شي تنتظر عبدالعزيز.. مرت نص ساعه ولا جا .. خلصوا اهلها الغدا وراح ابوها وامها وعبدالله ومها يرتاحون.. مابقى الا سلمان وهي وفهود الي قاعد يلعب بالسياره على الارض...اخذ سلمان جوالها سارا: عطنى اياه سلمان: ليه ايش فيه سارا: فيه صور مابيك تشوفهم سلمان وهو يضحك بمكر: ليه وسخه سارا: انت الي تفكيرك وسخ.. سلمان: اجل ليه ما تبينى اشوفها سارا: لان فيه صور منور ورهف سلمان بهالحظه عجبه الموضوع: عادي اشوفهم سارا: لا والله سلمان: مو خوات رجل اختك سارا بعصبيه وهي تنقز تحاول تاخذ الجوال من ايد سلمان الي رافعها فوق :سلماااااااااان دق الجوال وهو بيد سلمان سلمان: ههههههههههه طيب بعطيك اياه .. بالاول بشوف مين يدق عليك سارا: هذا عزيز سلمان: بل وايش دراك سارا: ياذكي له نغمه خاصه.. عطنى اياااااااااااه سلماااااااااااااااان سلمان وهو ينزل الجوال ويشوف الشاشه: طيب طيب... احلى على الحركات حبيبي يتصل بك سارا اخذ الجوال من ايده بقوه: سخييييييف وردت على عبدالعزيز: الووووو عبدالعزيز: انتى جاهزه؟ سارا: ايه عبدالعزيز: انا عند الباب اطلعي يالله سارا: انشالله سلمان ياشر لسارا... سارا:ايييييش سلمان: قولى له ينزل عبدالعزيز: نعم سارا: اكلم سلمان... يقول لك انزل عبدالعزيز: مره ثانيه سلمى عليه .. بسرعه لا تتاخرين وسكر الخط من غير ما يقول لها حتى مع السلامه .. الحين مين المفروض يزعل هي والا هو ... من جد هالانسان مجنون ومريض وماعنده سالفه والله يعين اهله عليه بس... سلمان : بينزل؟؟ سارا: لا تبي تشوفه روح له بره شاف فهد عمته تلبس العباه وعرف انها بتطلع تعلق بعباتها فهد: امتى ثالا.. سارا نزلت راسها لتحت: نعم حبيبي فهد: ابي الوح معاك سارا: ما يصير بعدين ماما تدور بفهودي ولا تشوفه وتصيح تغيرت تعابير فهد وشوي خلاص ويصيح .. اخذه سلمان وشاله سلمان: عمو سلمان باخذك البقاله ابتسم فهد: امو ثمّان هبيبي سلمان: يالمصلحجي ... من هالعمر مصلحجي.. الله يعينا عليك اذا كبرت وطلعوا كلهم من البيت .. سلم سلمان على عبدالعزيز بعدين راح للبقاله مشي مع فهد .. اما سارا ركبت السياره بجنب عبدالعزيز...كان الجو سكوت تام ... حبت سارا تقطع الهدوء لانه يحلق اعصابها سارا: رحت للمزرعه عبدالعزيز:يهمك تعرفين سارا: انت ايش فيك عبدالعزيز حس بساخه موقفه: ايه رحت ورجع الهدوء مثل اول... ظلت سارا تفكر .. ايش الموضوع وايش صاير .. وما حست الا والسياره واقفه... انزلت وهي على بالها انها قبال بيتهم ...نزل عبدالعزيز وهو يبتسم .. عبدالعزيز:منور تقول انك تحبين الاكل الهندي سارا وهي تشوف كوبر تشندنى قدامها: اموت فيه عبدالعزيز: ليكون كلتى شي بيت ابوك سارا رجعت الابتسامه لشفايفها: ولا حتى كاس ماي عبدالعزيز وهو يضحك: هههه.. حلو يالله خل ندخل دخلوا للمطعم ويد سارا بيد عبدالعزيز ..ظلوا يسولفون سوالف حياديه بحيث ترضي جميع الاطراف.. الوضع كان عاجب سارا مع ان في شي منغص عليها .. واضح ان عزيز ما يسوي هالشي الا لانه يحس بالذنب.. مو حب فيها ولا شي.. طردت الفكره من راسها .. لازم تمشى هاليوم على خير.. وتنبسط بصحبت عبدالعزيز مهما كان... عبدالعزيز: هذا الي جايعه سارا وهي تشوف صحنها المليان: مادري ايش فينى مو مشتهيه عبدالعزيز: طيب ما تبين حلى سارا:اممم ايه ابي ايس كريم سن دي ستروبري حق ماكدونالدز عبدالعزيز: هههههههه..خلاص اذا طلعنا من هنا نروح ناخذ لك رجعوا للبيت وسارا فرحانه.. هالطلعه البسيطه عوضت عنها الي صار كله.. يا حليلها الشي القليل يرضيها .. المهم تواجد عبدالعزيز حولها هو الي يهمها... نزل عبدالعزيز سارا وراح للمسجد عشان اذان المغرب...اول ما دخلت البيت شافت منيره قدامها .. ما خلتها منيره تدخل لعند امها وخواتها وجرتها على طول للحديقه عند البركه منيره: تعالى تعالى يالدبه .. انا الي متشوقه اعرف الي صار وانتى تختفين وتروحين بيت اهلك سارا: ههههههههههه شوي شوي علي منور منيره: ليه تاخرتي عنهم هاه سارا: ما تاخرت بس طلعنى عزيز يغدينى منيره: الله الله شكل لا شكل جلستنا بتطول .. ابيك تقولين لى ايش صار معك من طقطق لالسلام عليكم سارا: طيب خل اجلس بالاول وجلسوا على كراسي البركه منيره وهي رازه وجهها: هاه سارا: اااامممم... دقيت على عزيز استذن منه اتغدى بيت اهلى قال لى لا وانه بيمرنى.. اخذنى ولمطعم كوبر تشندي وتغدينا ..وانتهى منيره: وانا اقول ايش عند عزيز يتلطف ويدق عل بالجوال ... لا ويسال أي اكل تحبين قلت له الهندي والايطالى... بس تعالى ماقلتى لى ابي اعرف امس ايش صار مو اليوم.. ايش رايه بالهديه والعشا سارا قام ذقنها يهتز.. لالا الحين بتنفجر .. ماتبي ما يصير... منيره بصوت غريب لانها فهمت من تعابير سارا اشياء كثير: سارا وحطت ايدها على يد سارا .. الي ابتسمت لها بارتجاف منيره بنبره مواساه: تبين تقولين لى سارا سارا بصوت يرتجف: ايه .. بس اخاف اصيح منيره: اذا بيرحك هالشي قولى والا مو لازم وانحت على صديقتها تضمها .. بعدين وقفتها منيره: بس ما ابيك تصيحين .. والا ترى بتضارب مع عزيز سارا اضحكت غصب عنها: لا خلاص عزيز ماقصر معي اليوم قامت منيره تفكر .. يا حليلك يا سارا يرضيك الشي القليل.. يغديت بمطعم ....ولا اول مره بعد ما رجعتى من شهر العسل وانتى تقولين ما يقصر.. الا مقصر ونص.. ولو انا اكبر منه كان عرفت شلون اتفاهم معه.. قامت تتامل وجهه سارا.. انتى ما تستاهلين هالشي.. اخوي ما يستاهل وحده مثلك.. هالانسان المتحجر.. حبيت تغير الموضوع لانها عارفه ان سارا على وشك الانفجار وهي ما تبي هالش لانها تعرف انه يضايق سارا... منيره: ما قلت لك فاتك اليوم جات خالتى ام طلال سارا تمالكت نفسها وفهمت ايش تبي تسوي منيره .. اشكرتها بسرها .. من جد انتى جوهره منور .. نادر ما الواحد يلقى صديقه مثلك سارا: وانتى الي ضيفتيها منيره: لا يا شيخه ما رضيت ادخل .. امي حاولت فينى تقول لى انها ماجات الا عشانى مو عشان تبارك لنوره سارا: ولا دخلتى منيره حمر وجهها: فشيله سارا: ههههههههههههه يا حليلك منور صرتى عروس منيره: يعنى مافي عروس الا انتى...اقول سوير ايش رايك نسبح بالبركه سارا: ليه تبينى انتحر شوفي الماي شلون بارد.. خل السبوح لك منيره: يالبايخه ... سارا: خل ندخل احسن .......................... يوم الاثنين على سارا ترسم تصميم لصاله جلوس... ظلت طول اليوم بالجامعه واقفه على رجولها ترسم .. ولا تضبط معها الرسمه وترجع تعيدها .. كان التكييف مخترب بقاعه الرسم بالجامعه... والجو حار وخانق ... ولانها ما فطرت الصبح ولا اكلت شي من قامت من النوم الا كوب كافي .. حست بضيقه وبدت اللوحه قدامها ما توضح .. والخطوط تداخلت ببعض.. الظلام خيم عليها .. وبدى يزيد ويزيد ... وهنت رجولها .. وماقدرت تشيل جسمها ...حاولت ترتكز على الطاوله بجنبها .. اول ما شافتها شهد صديقتها سرعت لها ومسكتها قبل لا تطيح... شهد : ساارا صار كل ثقل جسم سارا على شهد ومع ان سارا خفيفه الا ان شهد ما قدرت تشيلها .. حاولت تخليها تستلقى على الارض.. كانت سارا بحاله بين الاغماء والصحوه ... بعد ما سدحتها شهد جابت لها وحده من البنات ماي ورشت به وجهه سارا ... شهد : سارا ردي علي ... اخذت تضربها بخفيف على خدها تحاول تصححها .. وعيون سارا مو ثابته في محلها وفاتحتها على الاخر .. وجهها اصفر مره .. وشفايفها بيض....كان شكلها يروع ويخرع الواحد.. ما عرفوا البنات شلون يتصرفون ... شهد: سارا ... مسحت الماي على وجهها وبدى اللون يرجع له.. الصوره بدت توضع لها .. واصوات البنات من حولها بدت توصلها .. بعد ما كنت تسمع صوت عالى يصم اذانها بدت تميز صوت البنات .. انتبهت انها منسدحه على الارض .. وراسها في حضن شهد... حست بالماي بارد على وجهها .. وشهد تقول لها شهد: سارا .. انتى معي؟؟؟ هزت سارا راسها وحاولت تجلس عدل ... ساعدتها شهد.... كانت كذا بنت واقفات حولها .. شهد: شوي شوي سارا بصوت بالموت ينسمع: انشالله... بعد ما جلست سارا حاولت تقوم .. بس يد شهد منعتها شهد: لا لا مو الحين ... خل تتوازنين بالاول ... سارا: لا انا الحين احسن شهد: أي احسن ما شفتى وجهك قبل اشوي .. سارا: والله الحين احسن شهد: معليش اصبري شوي... الا ايش فيك؟؟ سارا: مادرى حسيت بالدنيا تظلم من حولها .. وما امدانى الوقت اجلس شهد : ليه؟؟ سارا: يمكن نقص سكر.. ما افطرت اليوم ... شهد : دقيقه اجل وقامت عن الارض.. راحت لعند شنطتها واخذت منها شي.. رجعت لسارا ورمت لها بحضنها باونتى... شهد: اكلى كاكاو راح ينفعك سارا: لالا مو مشتهيه ابد شهد: خابرتك تموتين على الشوكالاته سارا: ايه .. بس الحين مالى نفس شهد: على الاقل كلى شوي عشان السكر بس سارا: لو انى ما اعرفك ... واعرف انك بتلحين فوق راسي لين اكل .. كان طنشت شهد: هههههههه .. المهم اكلى بعدين ورينا عرض اكتافك سارا: ليه شهد: صح ان اللون رجع لوجهك بس الى الحين اصفر..روح للبيت واراتاحي احسن لك سارا: عندي شغل كثير شهد: لاحقه عليه سارا: لا ما يكفينى الوقت شهد: انا اكمله لك سارا: لالا ما يصير باخذه معي للبيت واكمله ... شهد: حتى انا مالي خلق الحين اكمله .. ايش رايك ننزل الحين للكافتيريا وناخذ لنا شي ناكله سارا: حلو يالله... وقامت شوي من الارض ... شهد: ها تحسين بدوخه سارا: لا تخافين انا عال العال طلعوا من المرسم ونزلوا لتحت ... راحوا للكافتيريا .. اخذوا لهم اثنين معجنات جبن .. وواحد بيبسي وواحد عصير ليمون ندى ...بعد ما جلسوا على الطاوله ... سارا: اشوفك ما اخذتى لك بيبسي كالعاده شهد: ههههههه لا يا شيخه خبرك عتيق ... لي سته شهور ما اشرب بيبسي سارا: ليه.. تسوين رجيم؟؟ شهد: لا بس انا مقاطعه المنتجات الامريكيه ... سارا: وقدرتى شهد: وليه ما اقدر سارا: لانى انا بعد حاولت بس ما قدرت شهد : ما انكر انى تعبت بالبدايه .. خصوصا ان سوقنا مليان من منتجاتهم ...بس الحمد لله اقلمت نفسي.. والحين حاسه انى اقدر استغنى عنهم بكل سهوله سارا: انا قاطعت كوكا كولا لانها يهوديه شهد: سارا تلعبين على مين .. والحين امريكا احسن من اليهود ..لا تنسين ان الريال هذا الي تدفعينه راح يروح ضحيته طفل عراقي او حتى فلسطينى .. مو امريكا هي الي تمول اليهود سارا: ادري ادري... بس والله حاولت وما قدرت .. انا ماقدر اعيش من غير بيبسي شهد: بكيفك سارا: ادعي لي اتركهم شهد: ههههههه.. الله يكون بالعون... الاى غريبه هالسنه منور مو معك بالمحاضره سارا: ايه جداولنا مو مثل بعض هي تخلص قبلي اليوم .. ورفعت يدها تشوف ساعتها سارا: الحين طلعت خل ادق عليها .. وارجع معها بعد شهد: ايه احسن لك... دقت سارا على منيره وقالت لها تجي للكافتيريا لهم ...بعد دقايق جات منيره.. منيره: مو عليكم محاضره الحين سارا: مو محاضره عندنا رسم منيره: وايش تسوون برى شهد: داخت سارونه من الوقفه والجوع .. واستاذنها منيره:يووه سارا جد وجهك اصفر سارا: لا الحين انا احسن .. منور متى بيجي السواق برجع معك منيره: بس اليوم السواق ما يقدر يجي لي ... عند امي موعد بالمستشفى وراحت معه .. سارا: وانتى؟؟ منيره: انا امى قايله لى اليوم.. قلت لها عادي انتظرك اتاخر واجي مع سارا شهد: انا اوصلكم سارا: لالا سواق اهلى موجود ادق على امي منيره: وليه السواق دقي على عزيز سارا: اخاف يكون مشغول منيره:طيب انتى دقي وجربي مو خسرانه شي شهد: بنات من جد اوصلكم سارا: حرام تطنشين المحاضره الجايه... غير انك ساكنه بالدمام وحنا الخبر .. نمشورك معنا بعدين شهد: اصلا انا ناويه اطلع ... وعادي بيتى قريب من الجامعه .. يعنى مافي مشوار لي.. بعتبرها تمشيه لى بالخبر منيره: شوفي اذا اخوي مشغول نرجع معك شهد: حلو .. وبالطريق نمر لنا ستار بوكس الجديد تصدقون الى الحين ما رحته سارا: زحمه مرره .. حتى باخر الليل زحمه شهد: اكيد بيكون زحمه كافي المكان الي هو في سارا: لحظه لحظه .. وين الي مقاطعه المنتجات الامريكيه شهد وهي تضرب راسها : يووووووووه.. والله انى بقره..خلاص نروح د. كيف ...هذا سعودي وضحكوا البنات على حركه غيداء واللقب الي قالته على نفسها...دقت سارا على عبدالعزيز سارا وهي تكلم منيره: ما يرد.. اكيد مشغول شهد: زين يعنى معي وتو شهد مخلصه كلامها الا يدق جوال سارا... سارا : هذا عزيز وردت عليه سارا: السلام عليكم عبدالعزيز: وعليكم السلام .. هلا سارا .. ايش عندك داقه؟؟ سارا: يعنى اذا كنت مو مشغول وفاضي الحين وعادي عندك .. طبعا هذا اذا ماكنت مشغول عبدالعزيز: سارا ماله داعى هالمقدمات قولى لى ايش تبين سارا:انت مشغول طيب عبدالعزيز: انتى قولى لى بالاول ايش تبين سارا: السواق مرتبط مع امك وانا ومنور خلصنا جامعه ونبي نرجع للبيت وماعندنا احد دزت شهد ذراع سارا.. التفت عليها سارا وشافت شهد تخزها وهي تقول... شهد : اوريك.. تقولين ماعندك احد وانا وين رحت ابتسمت لها سارا ابتسامه وهي تسمع عبدالعزيز ايش يقول لها عبدالعزيز: بس كذا على بالي شي خطير .. اجيكم ولا يهمكم.. سارا: طيب ماعندك تصريح عبدالعزيز: هذا الي بقى اخذ تصريح عشان اخذ زوجتى واختى سارا: من جد عزيز.. لازم تصريح والا ما يطلعونا عبدالعزيز : ما تبونى اخذكم سارا: الا عبدالعزيز: اجل لا تكبرينها واستعدوا.. اول ما ادق عليك ابيكم تطلعون سارا: طيب عبدالعزيز: يالله مع السلامه طلع من مكتبه اول ما سكر التليفون... صادف محمد وهو مار من عند مكتبه محمد: على وين بوسعود عبدالعزيز: بروح اجيب المدام من الجامعه محمد: وانت اخذت اختنا ولا عاد صرنا نشوفها عبدالعزيز: انت الي ما عمرك زرتها ببيتها محمد: ادري حقكم علي..سلم عليها عبدالعزيز:يوصل سارا: استعدي منور والبسي عبايتك مانبي نتاخر على عزيز شهد: يعنى مو راجعين معي سارا بابتسامه اعتذار: مرره ثانيه شهوده شهد: مادام كذا مايحتاج اطلع اروح محاضرتى احسن... منور ما اوصيك على مرة اخوك منيره: ههههههههه..اقول روحي بس شهد: ههههههههه باي بنات اشوفكم على خير سارا ومنيره: مع السلامه منيره: قومي نروح لللوكر ناخذ عباياتنا سارا: انا عباتى معي منيره:قومي يالكسلانه روحي معي وسحبت سارا من ايدها تقومها من الكرسى... وهم عند اللوكر كان في بنت اكبر منهم بسنتين تعرفها منيره وسارا لانها معهم بمحاضرة الثقافه الاسلاميه...اول ماشافوها سلموا عليها ومنيره تفتح اللوكر وترتب اغراضها وقفت البنت تسولف مع سارا البنت: الحين الاخبار الي سمعناها صحيحه سارا وهي عاقده حواجبها: أي اخبار؟؟ ريمان: انك تزوجتى ابتسمت لها سارا: ايه ريمان وهي حاطه ايدها على فمها: واااااو مو باين عليك ابد سارا الي استغرب من حركه البنت...ي __________________

مشكورين على الردود وباجر بنزلها لأن اليوم عيد ميلادي

وسعت ابتسامه عمر وحب بنته على راسها: طيب حبيبتى بقول لك .. مي وباين ان النوم بدي يسيطر عليها: تصبح على خير بابا.. وغرقت بنوم عميق وهي بين ذراعين ابوها.......... .............. بكره عنده كويز .. والكتاب مرمي على السرير.. له ساعات يحاول يدرس مو قادر يستوعب شي... المكان بدى يضيق عليه .. عرف ان جلسته ومذاكرته الحين ماراح تفيده .. يروح يشم هوى احسن له.. لبس ثوبه وحط الشماغ على كتفه .. وطلع من الغرفه ... وهو مار من عند الصاله... لطيفه: على وين رايح يمه يوم سمع صوت امه دخل للغرفه .. شاف امه وابوه جالسين ...قرب من عندهم وحبهم على روسهم سلمان: انا طالع يالغاليه.... توصين على شي؟؟ صالح: بهالوقت ؟؟؟؟ سلمان: ايه لطيفه: تعال اجلس معنا سلمان: عذرينى يمه بس ابي اشم لى هوا شوي.... البيت كاتم علي حاس نفسى شوي وانخنق صالح: يعنى البيت هو الي مضايقك سلمان: يبه وراي كويز بكره ابي اغير جو لطيفه: ايش كويزه بعد ذا سلمان: هههههه قصدي اختبار قصير لطيفه: اها ... طيب في حفظ الله .. لا تتاخر سلمان : اكيد يمه .. يالله عن اذنكم بعد ما طلع منهم لف صالح على لطيفه ... صالح: اقول يام محمد .. شخبارها سارا من زمان ما شفتها لطيفه: أي من زمان توها قبل يومين جايتنا صالح: المفروض تجي كل يوم لطيفه: أي كل يوم الله يهديك يابو محمد .. البنت الحين مو فاضيه وراها زوج ودراسه .. غير ان نوره عندهم والضيوف داخلين وطالعين .. ما يصير كل يوم تجينا وتترك بيت رجلها صالح: الله يوفقها انشالله ... لطيفه ما كاننا زوجناها وهي صغيره لطيفه: صالح ايش فيك اليوم ... صالح: مادري حاس بالذنب خصوصا انها ماكانت موافقه .. ولا سوينا لها حفل .. حتى بعد ما رجعت لطيفه: ما يحتاج حفل ولا شي المهم ان الله يوفقها وعبدالعزيز خوش رجال ... ياما بنات كثار سوا لهم اعراس تكلمت عنها اهل الشرقيه كلها .. وما استمروا بزواجهم الا كم شهر وتطلقوا .. المهم التوفيق صالح: كلك درر يام محمد لطيفه: هههههههههه صالح صالح: يا حلوك وانتى تستحين ...الا تعالى عبدالله ما شفته لي مده لطيفه: يا حياتى هالولد من طلعتك كل يوم الساعه 7 ما يرجع الا على الخمس بعدين يرجع يطلع حتى مها ما تشوفه الشغل ماخذ كل وقته صالح:محد قال له يشتغل لوحده.. والا احد يترك ابوه ويفضل يشتغل بروحه لطيفه: تركه يابو محمد .. خل يعتمد على نفسه صالح: هوما يبي يعتمد على نفسه لو يبي ما سكن عندنا بالبيت ... لطيفه عصبت شوي: ايش هالكلام صالح: وانا الصادق والا حنا متى نشوفه لطيفه: تركه يابو محمد .. خل يسوي الي يريحه والمهم التوفيق صالح: والله انى وانا اشوف عيال سالم عبدالعزيز وعمر حول ابوهم .. وانا ماعندي الا محمد لطيفه: وسلمان لاحقه صالح: هذا اذا ما سوى سلمان مثل اخوه وتركنى لطيفه : عبدالله ما تركك ... صالح: الله يعين بس...قومي يا مره خل ننام احسن لنا ........ من طلع سلمان من البيت وهو يدور بسيارته ماعنده هدف معين ... المحلات خلاص سكرت . والكورنيش تقريبا فاضي... تذكر ان اليوم دقت عليه لمى وهو نايم وما رد عليها...طلع جواله .. وضرب رقم اعتاد يدق على بكثره الفتره الاخيره ... صوت كله نعومه ورقه: الووووووووووووووووووووووووووو سلمان : هلا لمويا لمى: اهليييييين سلمان .. وينك اليوم ليه ما رديت سلمان: كنت نايم لمى: توك قايم سلمان: لا بس انشغلت شوي لمى: تنشغل عنى حبيبي سلمان: وانا اقدر .. لمى: هههههههههههههه.. يمه منك ومن كلامك يجنن الواحد سلمان: لا انا مابي حبيبتى تصير مجنونه خلا ص بطلنا لمى: لا يا شيخ .. بالعكس قصدي يجنن يعنى يهبل سلمان: لا بعد تصيرين هبله لمى: لالالا ما فهمت قصدي ... سلماااااااااااان بلا حركات سلمان: هههههههههههه.. ماقلتى ايش عندك داقه لمى بزعل: يعنى لازم يصير عندى شي عشان ادق عليك .. مو ممكن ابي اعرف ايش مسوي حبيبي سلمان: الا ممكن .. وحبيبك تمام.. انتى شخبارك لمى: انا بخير...بس متضايقه اليوم سلمان: ليه؟؟ لمى بدلع: لانى ما سمعت صوتك سلمان: هههههههههههههههه .. وتقولين انا الي كلامي يجنن لمى: هههههههههههههههه سلمان: لمى ابي اشوفك لمى: هاه .. شلون سلمان: ليه نسيتى انتى بايش واعدتنى؟؟ لمى: ايه سلمان انا عارفه بس قصدي وين وشلون؟؟ سلمان: يعنى انتى موافقه لمى: اكيد... سلمان: حلو.. ايش رايك بكره امرك واخذك من الجامعه لمى: لا سلمان اخاف ....توهم صايدين بنت وفاصلينها سلمان: عادي كانى اخوك لمى: لازم يكون عندك تصريح سلمان: انا عندي عشان اختى كنت احيانا اخذها لمى: مادري والله ..... الا على طاري اختك .. تصدق انى الى الحين ما شفتها سلمان: وانتى ليه مهتمه تشوفينها لمى: بس ودي اتعرف عليها كافي انها اختك سلمان تضايق من كلامها شوي: ماله داعي لمى باستغراب: ليه سلمان ما ودك اعرفها سلمان: اصلا شلون تتعرفين عليها .. باي صفه لمى: على انى صديقة اخت زوجها...مع انها ما تستاهل سلمان معقد حواجبه: انتى تعرفين اخت زوجها لمى: ايييييه.. يووه من جد مالها داعي مادري شلون سارا تتحملها سلمان: ميين؟؟ لمى: اخت زوجها.. مغروره وشايفه نفسها ما ادري علي ايش...بالاول انخدعت فيها وكنت اظنها طيوبه .. بعين طلعت على حقيقتها سلمان: شلون تقولين عنها كذا وانتى صديقتها .. ومين هذا لمى: يوووووووه حبيبى قلت لك اخت زوجها... انا مو صديقتها صديقتها.. بس اعرفها... بنت خالتى هي الي صاحبتها...وكذا مره اشوفها بمكان.. سلمان: مو فاهم عليك مين الي تشوفينها لمى: سلمان ايش فيك ...شفت زوج سارا اختك ... عنده اخت هذي الي اتكلم عنها سلمان بدت دقات قلبه تسرع: أي وحده فيهم منيره والا رهف لمى: لا رهف.... انت تعرفهم؟؟ سلمان: يعنى ايش رايك مثل ما قلتى خوات زوج اختى لمى بضيق: بس مو شرط تعرفهم سلمان: ليه انتى ناسيه اننا نعرفهم من وحنا صغار .. حتى اذكر انى كنت دايم العب معهم لمى: منيره مادري عنها بس هالرهف مادري ايش فيها خصوصا علي سلمان: ليه ... ايش تسوي لك؟؟ لمى: اذا مريت جنبها ما كانها تعرفنى سلمان: يمكن ما تشوفك لمى: الا انا متاكده انها تشوفنى ...تطيح عينى بعينها.. لا واذا مشت راسها فوق ولا تلتفت لاي احد .. يالله متكبره ومغروره ..من جد ثقيله دم سلمان من غير ما يحس: هيه حدك عاد انصدمت لمى من نبره صوته الحاده لمى: حدي على ايش سلمان خلاص تبدل مزاجه وانقهر من الكلام الي قالته لمى عن رهف سلمان: ماله داعي الكلام الي تقولينه عن البنت لمى: طيب ليه معصب سلمان: انتى اللي ما تعرفين تسولفين لمى: سلمااااان سلمان من غير نفس: خير ايش عندك بعد لمى: ايش فيك حبيبي سلمان: مافينى شي بس عندي دراسه وراي كويز بكره ... لمى بدلع: افا حبيبي الدراسه اهم منى سلمان: والله انتى ماراح تعطينى بكره الدرجات لمى : سلمان ايش فيك سلمان رفع صوته شوي: قلت لك مافينى شي انتى ما تفهمين بس ابي ادرس تاخر الوقت وانا الي الحين ما خلصت المحاضره لمى: طيب طيب ماراح اعطلك .. بالنسبه لموعدنا ترى ما اتفقنا سلمان: خلاص غيرت رايي مابي اشوفك .. عندك شي ثانى لمى بدت تزعل: لا ما عندي .........باي سلمان وكانه ما صدق: مع السلامه لمى: سل......... وتوها ما بعد تكمل جملتها اسمعت صوت رنت التليفون .. ما اسرع ايش فيه هذا ليه تبدل فجاه انا ايش قلت له او سويت عشان يصير كذا .. لا بعد اوضح له انى زعلت ويسكر بوجهي ... وتدق عليه مره ثانيه ولا يرد عليها...حطت الجوال.. الصباح رباح بكره ادق عليه اذا روق .... واشوف ايش سالفته... سلمان الي تبدل مزاجه من جابت لمى طاري رهف.. مايدري ايش السبب وليه هذا التبديل.. وليه يرد على لمى بهالاسلوب.. حس انها ثقيله دم ولصقه .. اول مره يحس بهالشي مع انها من اول كذا ... بهاللحظه كان كارهها .. من قالت اسم رهف وهو مو قادر يسمع صوتها اكثر من كذا .. والي استغرب منه اكثر انه حس بالخيانه والخداع.. كانه يخون احد ... او غدر بشخص... رهف.. ااااااه منك يا رهف .. مادري انتى ايش بالنسبه لى.. وليه انزعجت من الكلام الي انقال بحقك.. يمكن لانه طلع من وحده مثل لمى.. حس بالافكار تتزاحم بباله ... وما قدر يركز على السواقه .. وقف السياره على جنب ..ضرب راسه بالداركسون (مقود السياره) بقوه ...وصرخ بصوت ملى الجو الهادي الي حوله سلمان: انتى ايش بالنسبه لى ..........اييييييش؟؟!!!!!!!!! ................................... البست مي زي المدرسه .. ونزلت تحت عشان تفطر .. كان نوره نايمه مع البيبي بغرفه الضيوف.. اما فوزيه فجالسه تعدل الفطور على الطاوله .... مي: جده وين شنطتى؟؟ فوزيه: عند الباب حبيبتى... وقفت مي تتامل الفطور الموجود ... كان مكون من نواشف.. لبنه وزعتر وتوست وبيض وزيتون والخلطه السريه وروب وخبز ...ظلت فتره تشوف وهي معقده حواجبها فوزيه: ليه مو عاجبك مي: ابي كورن فلكس فوزيه: مادري ليه ما تبين الشي المفيد.. لا اكلى هذا ومن غير جدال جرت مي الكرسي وجلست عليه وهي تشوف الاكل... نزل عمر ومعه منيره... منيره: صباح الخير يمه فوزيه: صباح النور... وينهي اختك؟؟ منيره: تقول ماتبي تروح الجامعه عمر: هالبنت مستهتره من اول الايام... مادري ايش بتسوي بعدين .. هلا يمه وقرب من عند امه وحب راسها ... وجلس جنب بنته منيره: اتوقع بتروح متاخر تقول اول محاضره عندهم د كتور ريحته خايسه .. ويطلع نوافير من فمه عمر: وهي ايش دراها ان ريحته خايسه لاصقه فيه؟؟ منيره: لالا بس ما تحب تجلس ورى لان صوته واطي وما تسمع فوزيه : وليه ما تجلس وراى احسن من انها تغيب منيره: كيفها يمه انا ايش علي منها عمر: طيب يحطون لها غياب منيره: لا تخاف .. دقت على هنادي وقالت لها توقع عنها عمر: هالحريم كيدكم عظيم ... يعنى تغش عشان تنام ... حبيبتى مي ليه ما تاكلين؟؟ مي: ابي كورن فلكس عمر: طيب قولى للخدامه تجيبه لك فوزيه: اتركها ولا تدلعها.. خل تاكل من هنا احسن لها عمر: ما تحبه يمه.. ومابي بنتى تروح المدرسه وهي جايعه فوزيه: خلاص قومي قولى لماريا تسوي لك كلولكس منيره: هههههههههههههههاااي.. يمه اسمه كورن فلكس مو كلولكس فوزيه: وانا ايش درانى عنكم قامت مي وراحت للمطبخ عشان تاخذ فطورها فوزيه: عمر ما يصير الي تسويه كذا بتخرب البنت من كثر التدلع عمر: يمه ما ادلعها ولا شي.. فوزيه: وايش تسمي الي تسويه منيره: ماعليك عمر من امي بالعكس ليتنى انا بعد احد يدلعنى فوزيه: انتى جب ولا كلمه مافي مثلكم ابوكم مدلكم دلع منيره: يعوض عنك يمه فوزيه: الدلع ما وراه خير.. ياعمر خف شوي عمر: يمه مابيها تحس انها غير العيال .. مابيها تفقد امها فوزيه: لو ما تبيها تفقدها تزوج منيره: ترالا ترالا.. رجعت حليمه لعادتها القديمه فوزيه بعصبيه: انا ايش قلت لك؟؟ عمر: يمه ترى مالي خلق هالسالفه ... فوزيه: وانت لك خلق شي منيره: خلاص يمه لا تتضايقين فوزيه: انتى تخلون الواحد ما يتضايق عمر: افا الوالده زعلانه من جد وقام من مكانه عمر: اسفين يالغاليه .. وهذا راسك احبه.. حنا ما نبي الا رضاك فوزيه تستغل الموقف: انت تعرف ايش يرضينى عمر بضيق: يمممممه طالبك فوزيه: خلاص بسكت .. منيره: يالله يمه انا بطلع الحين توصين على شي؟ عمر: صبر منور انا بوديك الجامعه منيره باستغراب: ليه عمر: باخذ مي معي .. وبالطريق بنزلك منيره: بس مدرسه مي مو على الطريق فوزيه: اخوك يوصلك احسن ...الا نسيت اسالك عن سارا منيره: سوير ما عندها محاضره الحين فوزيه: الله يخليها هالبنت والله انى احبها منيره: كلنا نحبها فوزيه: انا بروح اشوف نوره يمكن تحتاجنى او تبي شي... وطلعت من الغرفه عمر: منور نادي مي تاخرنا مادري ليه تاخرت مي: انا جيت بابا لف عمر على بنته شافها توها داخله من الباب عمر: مي روحي غسلي وجهك منيره: هههههههه طالع لك شنب ابيض.. ايش كنتى تسوين بالمطبخ مي بابتسامه بريئه شاقه وجهها: كنت اشرب حليب عمر: شاطره حبيبتى.. يالله روحي تغسلي وجيبي شنطتك عشان نروح للمدرسه مي:طيب بابا وطلعوا كلهم للسياره .. بعد ما وصلوا لمدرسه مي ووقفت السياره عند الباب.. نزل عمر مثل دايما عشان ينزل بنته ويوصلها لعند الحارس...فتح الباب الي ورى وانتظر بنته تنزل .. بس مي ما نزلت عمر: مي ايش فيك انزلى مي وهي مبرطمه: مابي عمر باستغراب: ليه حبيبتى مي : مااقدر منيره لفت لورى لعند مي... منيره: ميونا حبيبتى لييه مي: بس مااقدر دخل عمر راسه لداخل السياره ... عمر: وليه ما تقدرين مي : انا نسيت منيره: ايش الي نسيتيه مي: اليوم يوم الامهات .. وانا ماما مو هنا عشان تجي معي حس عمر بايد تعصر قلبه .. ماتوقع كذا .. اما منيره الي ظلت ساكته مو عارفه ايش ترد عمر بهمس: طيب تروح معك وحده من عماتك مي: لا هو حق الامهات مو العمات عمر: عادي حبيبتى المهم السؤال عنك مي: انا ابي ماما عمر: اعرف ميونا.. بس ماما مو هنا مي: عشان كذا مابي اروح عمر: نسيتى ايش قلتى لى امس مي تشوف ابوها بعيونها الكبار الدوائر الي تلمع بسبب تجمع الدموع عمر: الحين عمه منيره تروح معك ... عشان تستانس ماما .. والا بتعرف انك حزينه وتحزن مي مدت يد مرتجه وفركت عينها : اصلا ماكنت بصيح عمر: ادري حبيبتى.. والحين عمه منيره بتجي المدرسه وتسال عنك طيب ماما هزت مي راسها .. حب عمر راس بنته وطلع جسمه من السياره وهو ماد ايده .. مسكته مي وطلعت.. عمر: متى قالوا يجون الامهات مي بحيره: مادري عمر: ماعطوك ورقه؟؟ مي: ضاعت؟؟ راح عمر لعند منيره الي من سمعت مي تجيب طاري امها ...وهي ما تدخلت ولا تكلمت .. يالله ايش كثر تكره سيره الموت .. وايش كثر يتقطع قلبها على بنت اخوها ووضعها .. ما تتخيل انها بيوم من الايام ما يكون عندها ام او اب... عمر: اقول منيره تقدرين تدخلين مع مي الحين؟ تذكر منيره المحاضره المهمه الي حرصت الدكتوره عليها .. ومع كذا ما قدرت ترفض وتقول لا.. هزت راسها وهي تحمد ربها انها مغطيه وما شاف عمر تعبيرات وجهها ودموعها...نزلت من السياره ومسكت بايد مي الثانيه ودخلوا للمدرسه ... كانوا البنات يلعبون ويتراكضون ... مابعد يبدا الطابور الصباحي والوضع شوي فوضى... مشت منيره مع مي وراحوا لفصلها ... الي كان مليان شنط من غير طالبات ... الا بنتين منيره: وين هي معلمتك ميو؟؟ مي: مادري يمكن ما جات وحده من البنات: لا ابله جواهر جات بس هي راحت شوي منيره: طيب مي حبيبتى حطي شنطته وانا بجلس انتظر ابله جواهر راحت مي وحطت شنطتها باللوكر حقها وطلعت منه كتابها ودفترها وحطتهم على طاولتها ...وباللحظه دخلت ابله جواهر ...اول ما دخلت استغربت من الانسانه الكبيره الي كانت واقفه تتامل اللوحه المعلقه الي فيها اسماء البنات وصورهم....معقوله هذي ام .. بس الحضور مكتوب الساعه تسع مو سبع .. غير ان هذي شكلها صغير على ان تكون ام لبنت بالمدرسه ... جواهر: السلام عليكم انتبهت منيره لجواهر ولفت عليها بابتسامه تنور وجهها ... منيره وهي تمد يدها: وعليكم السلام ... هلا ابله جواهر جواهر وهي تصافح منيره: هلا بك ...ام طالبه؟؟ جات مي ووقفت عند منيره وعيونها على معلمتها.. حطت منيره يدها على راس مي منيره: انا جايه بخصوص مي .. اعذرينى بس ماعرفنا وقت الاجتماع وجيت الحين تذكر جواهر الورقه الي شقتها مي وما احتاجت احد يقول لها ايش هي هالورقه جواهر: لا عادي أي وقت ... كلمت البنتين الجالسات داخل الفصل جواهر: يالله بنات الطابور برى ... حتى انتى مي روحي للطابور وطلعوا البنات من الفصل جواهر: تفضلي اختي اجلسي... جلست جواهر ورى مكتبها ... ومنيره قدامها .... جواهر: اتوقع انك عمة مي؟؟ منيره باستغراب: ايه .. ايش دراك؟؟ جواهر: بالاول انتى صغيره عشان تكونى ام لوحده بالمدرسه ... ومي قايله لي ان عمتها بتجي؟؟ منيره: مي... غريبه؟؟ جواهر: ايش الغريب؟؟ منيره: لا بس مي ما تقول شي لاحد ....واخر شي توقعته انها تقول لاحد عن اهلها جواهر: انا لاحظت انطوائيتها وعدم تجاوبها مع الفصل ومع كذا البنت مره ذكيه وعندها مواهب تدهشنى ابتسمت منيره:مشكوره على هالكلام جواهر: ما قلت شي من عندي... تعرفين انا مبسوطه انك جيتى بوقت مبكر غير الوقت المحدد عشان اكلمك بانفراد منيره: تفضلى جواهر: مي مثل ما فهمت منها امها متوفيه.. بس ودي اعرف متى حصل هالشي من نظره منيره عرفت جواهر ان منيره فهمت سؤالها على اساس الفضول جواهر: لا تفهمينى غلط او تظنين ان قصدي الفضول... منيره: اكيد جواهر:امس مي تكلمت عن امها وكانت مره متاثره ومتحسسه من هذا الشي كثير منيره باستغراب: غريبه ... مي عمرها ما تكلمت عن امها الا اليوم بالسياره جابت طاريها جواهر: هذا الي توقعته هي بالبدايه رفضت تقول لي.. كانت جالسه تصيح بس.. بعدين قدرت اسحب منها الكلام...ماقلتي لى من متى توفت اذا ماعندك مانع طبعا منيره: اكيد ماعندي مانع.. فاطمه الله يرحمها قبل ثلاث سنوات توفت بحادث جواهر: يعنى مي توها ام 3 سنين.... ولا تذكر امها منيره: ما اظنها تذكرها .. وثاني شي اخوي مو تارك لها فرصه معوضها الاب والام والعيله كلها جواهر: الله يخليهم لبعض... منيره: ومي شخبارها مع الدراسه انشالله ماشيه جواهر: ماشالله عليها ذكيه ... بس ماتحب تبرز نفسها بالفصل وانطوائيه شوي.. يعنى اذا طلعوا البنات بالفسحه يلعبون ماعمري شفتها تلعب مع بنت .. دايما لوحدها ولعبها مره هادي منيره: هي مستغربه من الوضع جديد عليها .. تتعود مع الايام... تدرين الى الحين انا مستغربه شلون قدرتى تعرفين كل هالشي عن مي وعن طريقها هي مو من شخص ثاني جواهر ابتسمت لها: يمكن لانها تذكرنى بنفسي منيره: مافهمت عليك شلون جواهر: طفولتى كانت شبيهه من طفولتها .. منيره: يعنى انتى امك توفت وانتى صغيره جواهر: انا امي ما شفتها ولا عشت معها حتى 3 سنوات .. منيره: الله يرحمها جواهر: اميييييين.. عشان كذا حسيت بمي قريبه منى .. نظراتها باول يوم وتصرفات تدل على بنت اكبر من عمرها بنت شايله هم مضايقها ... دخلوا البنات الفصل بعد ما انتهى الطابور الصباحي ... قامت منيره وسلمت على جواهر منيره: اسعدنى التعرف عليه .. والحمد لله ان بنت اخوي عند معلمه مثلك جواهر: لي انا الشرف بتعليمها لفت منيره لمي الي جلست بكرسيها منيره: مي حبيبتى انا خلاص بروح تبين شي هزت مي راسها ... وبعد ما سلمت منيره على جواهر طلعت من الفصل ... قاموا البنات يتهامسون .. البنت الي جالسه جنب مي بهمس: هذي امك مي شافتها مي ولفت عيونها اتجاه جواهر الي ابتسمت لها مي: لا عمتى هلا: وامك ليه ما جات جواهر وهي تصفق بايدها: هدوء بنات ... يالله نبدى الدرس اليوم ... ......................... بعد نص ساعه طلعت وشافت اخوها داخل السياره وفاتح على المسجل وهو مرجع السيت على ورى ... كان لابس نظاراته الشمسيه وفاسخ الشماغ... اول ما فتحت منيره الباب .. عدل عمر السيت ... منيره: شكلى تاخرت عليك ورحت بسابع نومه عمر: ما نمت بس ريحت شوي.. منيره: يووه عمر معلمه مي عسل حبيتها مرره عمر: عرفتى ليه يبون الامهات منيره: أي عادي اجتماع طبيعي دايما يسوونه بعد فتره من الدراسه عمر: وايش قالت عن مي منيره: هههههههه لا تخاف مدحتها عمر: زين وبعد منيره: ولا شي تعرفت على معلمتها .. حليوه مره .. تدري ايش يا عمر عمر : ايش؟؟ منيره: مي قايله لابلتها عن فاطمه عمر: ادري منيره: ايش دراك؟؟ عمر: قايله لى امس منيره: ايه المفروض اعرف ان مي ما تخبي عنك شي... لا بعد ما دريت عمر : اييش بعد؟؟ منيره: جواهر بعد ماتت امها عمر معقد حواجبه: أي جواهر منيره: ابله مي بعد مين عمر: مين قال لك؟؟ منيره: هي عمر: وهي تدق اعلان على هالمعلومه منيره: لا مو كذا بس هي جات بالسوالف عمر: انتوا الحريم تسولفون باي شي... المهم تبين انزلك بالجامعه منيره: ايه بعد فتره صمت ... عمر: مشكوره منور منيره: على ايش عمر: لانك رحتى مع مي منيره وهي تضرب اخوها بملفها: روح بس ما بيننا شكر عمر: يالدفشه ليه تضربين .. الله يعين رجلك بس منيره: هو حاصل له وحده مثلي عمر: اقول بس لا تغترين بنفسك .. الا على طاري طلال قالت لك الوالده؟؟ منيره :لا ما قالت ايش؟؟ عمر: ولد الاجاويد يبي يكلمك بالتليفون منيره: شلون عمر: ايش بعد شلون .. يبي يكلمك منيره: بس حنا ما ملكنا عمر: ادري منيره: طيب كيف يبي يكلمنى اجل عمر: مادري عنه ... المهم انتى ايش رايك منيره تغير صوتها: ايش رايي بعد طبعا لا.. والاهم ان هالشي ما يجوز عمر: اهله يقولون انهم سائلين شيخ وقايل مافيها شي اذا خبر الخطبه منتشر وبمعرفة الاهل منيره: ولو .. مااتخيل اكلم واحد غريب عمر: خطيبك هو منيره: انت موافق عمر؟؟ عمر: مو مهم رايي المهم انتى منيره: انا لا والف لا عمر: بس هو يبي وابوي ناوي يسال الشيخ منيره: لا تسؤلون شيخ ولا شي... انا مابي واذا هو ميت على هالمكالامات يدور له وحده غيري عمر: الله الله مره وحده منيره: من جد اتكلم عمر لا تفكرون تجبرونى على هالشي كافي انى بتزوج وبترككم عمر:منور حنا ما جبرناك على الزواج منيره تنهدت: ادري مو هذا قصدي .. بس مكلالمات ايام الخطبه مابي عمر: براحتك .......................... saally استعراض الملف الشخصي رسالة خاصة إلى : saally البحث عن كافة مشاركات : saally إضافة saally إلى قائمة الصداقة #60 20-12-2005, 10:40 PM saally نسيجي متميز تاريخ الانتساب: Sep 2005 الدولة: بين دهاليز الحقيقة والخيال مشاركات: 757 اليوم نامت كثير ... فتحت عيونها على الساعه .. ما بقى وتصير عشر الا ربع ساعه ومحاضرتها تبدا10 ونص... ابتسمت بتكاسل ابتسامه الصباح ... ورفعت ايديها وهي تتثاوب.. صدمت يدها بجسم جنبها .. لفت عليه على طول ... اول مره تقوم من النوم قبله وتشوفه لا يزال نايم من بدى الدوام .... ظلت تتامل وجهه .. وعيونه المغمضه ....ظلال رموشه مرسومه على خده .. معقوله ما راح للشركه لهالوقت .. رفعت يدها تشوف الساعه .. يمكن ساعه الغرفه خربانه ولازال الوقت مبكر...لا الوقت مثل ماهو 10 الا ربع ... رجعت تشوفه.. هو ليه نايم الى الحين .. خافت تقومه وتزعجه .. يمكن ما جاه النوم امس ونام متاخر .. دخل للحمام وبدت ملابسها .. طلعت وهو لازال نايم .. كان ودها تقومه .. وفي داخلها تردد .. بس لازم تمشى مابقى على محاضرتها شي ...حسبته بيقوم يوم شافته يتحرك .. عقد بين حواجبه .. وحك خده الي يبي له حلاقه ... ورجع ينام ...قربت من عنده .. وجلست على حافة السرير.. لا ماراح تقومه .. عدلت البطانيه عليه .. وظلت تتامله .. احبك يا عبدالعزيز... اقولها من كل قلبي.. كل خليه بجسمي تصرخ باسمك ... ومع كل نبضه اقول احبك.. حبي لك يزيد يوم عن يوم .. مهما صدر منك من جفا وبعد بظل احبك ... كافي اكون جزء من حياتك ... ماعرفت كم مر عليها على جلستها .. انتبهت من سرحانها.. مابقى على المحاضره الا عشر دقايق .. لا هي واصلتها متاخر اكيد ....قامت واخذت عبايتها وهي تتمنى تجلس اكثر..طلعت وشافت رهف تنتظرها وراحوا مع بعض للجامعه ...بعد ما نزلت رهف بمبناها راحت لمبنى الهندسه ... بعد خروج سارا بقليل قام عبدالعزيز وراسه مصدع شوي وينفجر.. امس ماقدر ينام ...لين طلع النور... اول ما فتح عيونه عرف ان الوقت متاخر .. قام وهو حاط ايده على راسه ... غريبه سارا ماقومتنى ... رفع جواله شاف 4 مكالات .. ولانه حاط الجوال على الصامت ما سمعه .. مكالمتين من ابوه ووحده من عمر والاخيره واحد من ربعه جلس على حافت السرير .. وهو حاط راسه بين يدينه ... الا يدق جواله .. شاف الجوال ينور .. واسم ابوه طالع على الشاشه.. عدل جلسته ورد.... عبدالعزيز: الووو سالم: وينك انت عبدالعزيز: هذا انا رديت ... سالم: وين كنت وليه ما داومت عبدالعزيز: احسب لى ربع ساعه واكون عندك .. سالم: ماقلت وينك؟؟ عبدالعزيز: امس مانمت الا متاخر.. انا جاي يبه سالم: لا تتاخر... ابي اعرف ايش صار على الملف الي عطيتك امس عبدالعزيز وراسه يدق الم: انشالله يبه.. تامر شي سالم: لا تتاخر بس عبدالعزيز: حاضر يالله مع السلامه وسكر من ابوه .. قام وهو متكيسل..بعد ما حلق وتجهز .. طلع من البيت .. مر ستار بوكس على الطريق واخذ له كابتشينو عشان يصحصح شوي .. وراح للشركه ... بدى اليوم لسارا بشكل غير وحلو.. حست الدنيا متفتحه بوجهها.. وبفرح من زمان ماحسته ..بعد ما خلصت محاضرتها الاخيره مع منيره على حدود 3 والنص .. طلعوا برى عشان يرجعون البيت ... وهم بالطريق ... سارا:منور.. منيره : هاه سارا: عادى نمر الراشد الحين؟؟ منيره: ليه؟؟ سارا: ابي شي منيره: بس الحين المحلات مسكره..ليه ما تطلعين بالليل احسن سارا: لا ابي الحين منيره: ايش عندك؟ سارا بانحراج: بشترى شي؟؟ منيره: الي هو؟ سارا: منور هو تحقيق منيره: ههههههههههههه..لا انتى الغامضه.. نزار روح راشد مول منيره: أي بوابه تبين ننزل سارا: مادري منيره: ايش ما تدرين مو تقولين تبين شي سارا: المحلات تفتح 4 والحين 3 ونص منيره: مادري عنك المستعجله تبين نرجع البيت سارا: لا نتغدى بعدين نشترى منيره: حلو.. خل ادق على امي اول .. سارا: لالالالالا منيره: ليه سارا: مابي احد يعرف وين بنروح نزار: شنو نمبر باب انت تبين منيره: بوابه 3 وقفت السياره ونزلوا البنات منها بعد ما تركوا اغراضهم فيها.... منيره: نزار تعال الساعه 5 دخلوا المجمع الي كان مظلم والمحلات مسكره...رقوابالمصعد للدور الثالث...دخلوا المسجد يصلون لانهم بيتاخرون بالسوق شوي... بعد ماطلعوا راحوا لفدركرز وتغدوا فيه ....وهم يتغدون منيره: ياويلنا من رهف بتزعل لو تدري اننا طلعنا من غيرها سارا: متى بتخلص اليوم منيره: عندها لاب اظن الحين خلصت ..ايش رايك ادق عليها تجينا سارا: لالا ماودي ادق اعلان منيره: الا صح انتى ايش عندك ليه هالسريه سارا: اممممم.. ابي اشترى هديه منيره: لمين؟؟ سارا: لعزيز بعد لمين؟؟ منيره: ليه؟؟ ليكون عيد ميلاده ترى عزيز ما يحب هالخرابيط سارا: لالا بس كذا من غير مناسبه منيره بابتسامه خبيثه: اها.. الاخت ناويه على شي سارا: لا والله.. الفكره جاتنى بالمحاضره قلت ليش لا منيره: وايش ودك تشترين له؟؟ سارا: مادري.. محتاره منيره: ايش رايك قلم سارا: لا سبق شريت له قلم وبوك وكبك ودي بشي ثاني منيره: هههههههه اثاريك مو سهله يا سوير مغرقى اخوي بالهدايا سارا: انقلعي بس ..لا تحسفينى انى قلت لك منيره: طيب طيب..اممم ايش رايك تشترين له جزمه سارا: مادري احس غلط منيره: طيب بدله سارا: ومن متى عزيز يلبس بدل منيره: اذا سافر سارا: اذا جا بسافر بشترى له منيره: حيرتينى معك سارا: انا محتاره اكثر منك.. احس الرجال مايصير يشترى لهم هديه منيره: لقيتها عطر سارا: اخاف ما يعجبه منيره وهي تغمز لسارا: اهم شي يعجبك انتى سارا:كلى هوا منور...لحظه ليه ما اشترى له طقم مكتب منيره: لالالا.. انا الي اعرفه ان عنده واحد وتوه جديد..شوفي خل نروح لعبدالهادي والدو.. واذا شفنا شي زين نشري له... سارا: اوكي حلو يالله منيره: دقيقه خل اخلص اكلى سارا: ما شبعتى منيره:الحين لحظه بعد فتره وهم من مكان لين مكان مابقى عطر جديد الا شموه ..لدرجه ماصاروا يفرقون بين العطور والريحه صارت وحده... بعدين راحوا لالدوا .. شافوا نعله حلوه مره ... عجبت سارا واخذتها ... سارا: احس فشيله اهدى له نعله منيره: وليه فشيله اصلا الهديه مالها مناسبه سارا: مااشترى معها شي ثاني منيره: لا صدقينى راحوا لبيبر مون عشان يغلفونها.. غثهم الفلبينى مابقى دب ولا حيوان صغير محشوا بالمحل الا قال بيحطه فوق الهديه... مو راضي يفهم انهم ما يبون... بعد ماشال النعله من علبتها وحطها بعلبه هم مختارينها .. كان لونها زيتى لان سارا تعرف ان عبدالعزيز يحب هاللون كثير ... حط النعله بالعلبه وتحتها القش الي يحطونه عادة..بعدين ربطها بشريطه بيج .. اختاره سارا كرت يناسب التغليفه... وتعمدت يكون فاضي عشان تكتب فيه كلمه من عندها .... اخذوا الهديه وطلعوا ... منيره: الحين شلون بتقدمين له الهديه سارا: مادري.. افكر اسوي له عشي منيره: حلو.. يالله نروح لزهور الريف سارا: ليه منيره: عشان نشترى الشموع والخرابيط ..ماتبين تعيشون جو رومانسى سارا: منووور منيره: لحظه تستحين منى سوير .. اقول انقلعي بس سارا: لا ما استحى.. اصلا عزيز ما يحب هالحركات منيره: بيحبها غصب عنه يالله قومي بس خلصوا من زهور الريف على حدود الساعه 5 ونص .. وهم طالعين منيره: لحظه ابي امر ميقا ستار سارا: ليه منيره: بشوف اذا فيلم troy نزل او لا سارا: تراه سخيف منيره : عادي كافي ان البطل براد بت سارا: منور شوفي المحل كله عيال مافي ولا مراءه منيره: وحنا بنغازلهم.. مادمنا ساترين ومحترمين نفسنا ايش ورانا سارا:طيب.. بس بسرعه عشان ما نتاخر .. مابقى على اذان المغرب شي وابي امر بنده العزيزيه دخلت منيره قبل سارا المحل .. واول ما ادخلت طلعت على طول... سارا: ليه ماتبين تشترين افلام منيره: الا .... بس كانى شفت طلال سارا: من جد منيره: ايه واقف هناك سارا: ادخلى ايش وراك ماراح يعرفك منيره: مادري خايفه دزتها سارا قدامها سارا: اقول قدامي.. بعد مادخلوا... سارا تهمس لمنيره: وينه؟؟ منيره: هذا الي لابس بدله ومعطينا ظهره سارا: راعي البلوزه اللمخططه منيره: ايه هو وهم يتهامسون ويشوفونه لف عليهم .. وتضحك سارا اما منيره طاح وجهها وحمر سارا وهي تقاوم ضحكتها: هالهندي طلال منيره بانحراج وعصبيه: وانا ايش درانى من وراه كانه هو سارا: ماشفتى شعره المزيت منيره: على بالي جل سارا: هههههههههههه.. اثاري خطيبك يشبهه الهنود منيره: مين قال... واصلا في بعض الهنود حلوين سارا: ايه بس مو مثل هذا منيره: يعنى الحين عزيز الي مو شكله هندي سارا: ههههههههه.. محتره من حلاته منيره: اقول خل نطلع اصرف سارا: ههههههه.. زعلتى على طلول منيره: ايه مو رجلى سارا: الله من الحين رجلك منيره: هههههههههه سارا: مو كانه جوالك منور منيره ايه صح... هذا امى ايش اقول لها سارا: مادري انتى تصرفي ردت منيره:هلا يمه فوزيه بعصبيه: وينك فيه منيره وهي تاشر لنزار يجيب السياره: بالطريق فوزيه: ووين رحتى منيره: كنت ابي كتاب ضروري اخذه اليوم قلت لنزار ينزلنى بجرير .. وكانت المحلات مسكره فتغدينا اول بعدين شفت تخفيضات بمانجو دخلت اشوفها وراح علينا الوقت فوزيه: وماعندك امك تستاذنين منها منيره: ماكنت اادري انى بتاخر يمه.. وانك ما ترضين فوزيه: لا مانى براضيه وحسابك اذا وصلتى البيت.. منيره: ليه يمه فوزيه: من متى تروحين السوق لوحدك منيره: مو لوحدي معي سارا فوزيه: سارا معك؟؟ منيره: ايه فوزيه: وليه ماقلتى من اول منيره: يعنى مع سارا عادي فوزيه: ايه سارا متزوجه... المهم يمه لا تتاخرون طيب منيره: حاضر فوزيه: يالله فمان الله منيره: مع السلامه وسكرت الجوال وهي مستغربه سارا: ها ايش قالت منيره: بالاول عصبت .. بس يوم عرفت انك معي ماقالت شي سارا:ههههههههه منيره: لحظه جد ليه يوم سالتها قالت سارا متزوجه... يعنى لانى مو متزوجه بدشرها.. من جد غريبه سارا: هذا هم اهلنا اذا البنت تزوجت عادي تطلع منيره: ها نروح بنده سارا: ايه بسرعه قبل الاذان بعد ما قضوا من بنده وشروا الي يحتاجونه .. طبعا ما نسوى بوبكورن العسل .... رجعوا للبيت.. اول ما ادخلو البيت على طول راحوا سمعوا صوت حريم بغرفه نوره .. فعلى طول رقوا فوق لانهم مو مستعدين يستقبلونهم ... كانت سارا خايفه يكون عزيز موجود بالبيت ...فتحت الباب والحمد لله الغرفه فاضيه ... بعد ما حطت الهديه بالدولاب على ما يجي عبدالعزيز.. دقت عليه عشان تتاكد هو وين .. قال لها انه عند ربعه .. انزلت مع منيره لتحت للمطبخ وطلعت الاشياء الي شرتها للعشا... الي بتسويه لها ولعبدالعزيز منيره: قولى للخدامات يسونه سارا: لا ابي انا الي بسويه منيره: ماعندك دراسه سارا: لاحقه عليها .. منيره: طيب اساعدك سارا بابتسامه: لالا انا الي بسويه لوحدي. منيره: بالاول دقي على عزيز شوفي ايش تخطيطه سارا: ايه والله .. والا تخيلي يتعشى بره ودقت على عبد العزيز الي قال لها انه راح يكون بالبيت على حدود الساعه 9 ونص عشر....ظلت سارا طول اليوم بالمطبخ تتفن بانواع الطبخ ... يوم سالت عنها ام عمر قالت لها منيره .. فوزيه: ايه هذي المره مو انتى منيره: يمه مين قال لك انها تعرف تطبخ هناك كتاب الطبخ قدامها فوزيه: على الاقل تحاول منيره: وليه انا احاول والخدم موجودين فوزيه: وانتى ايش دراك ان زوجك بيجيب لك خدامه منيره: مو كيفه اصلا... لازم يعيشنى الحياه الي كنت اعيشها عند اهلى فوزيه: اقول قومي بس ... في حريم جاينا روحي لبسى ابيك تقهوينهم .................. هالمره زفت كثير بالاختبار.. بس يالله انشالله يعوضه بالاختبار الجاي.. طلع من القاعده وصدره ضايق مره وماله خلق شي.... الا بندر بوجهه ... بندر: ها بشر ايش سويت سلمان: يا شيخ لا تسال F معتبره بندر: ليييييه الاختبار مره سهل سلمان: ادري بس اكثره من المحاضره 3 وانا ما فتحتها وباقى المحاضرات ما ذاكرتها زين بندر: تعوضها انشالله ... امش انا عازمك على العشا سلمان: مابعد ياذن العشا بندر: نروح نصلى بعدين اختار المطعم الي تبيه سلمان: تصدق عاد مشتهي استكوزا من السنبوك بندر: هيه.. المكافات مابعد نستلمها وانا على الحديده الحين سلمان: لا بعد تعزم وبخيل بندر: ياخى على قدي انا سلمان: هههههههههههههه ولا يهمك مانبي السنبوك هارديز يمشى الحال بندر: وانت ما عندك تعادل يا السنبوك ياهارديز .. قلنا على الحديده بس مو لهالدرجه ... سلمان: اقول بترك الخيار لك ... بعد ما خلصوا صلاة العشا راحوا لستيك هاوس ... وهم يتعشون كذا مره يدق جوال سلمان وهو يقفل بوجهه المتصل لدرجه طفش فيها وقفل الجهاز بندر: انت ايش سالفتك مع هالمكالمات سلمان: اوووف طفشتنى بندر: ههههههه أي وحده فيهم سلمان: مافي الي غيرها الباقي عندهم كرامه الا هي اللصقه بندر: ليكون لمى سلمان تنهد : ايه بندر: الله الله وليه كل هذا ..ليكون رجعتوا وتزاعلتوا سلمان: ليتنا نتزاعل على طول بندر: شكل السالفه كبيره سلمان: لا كبيره ولا شي بس مادري صاير ما اطيقها امس كلمتها وحسيت ايش قد سوالفها بايخه وثقيله الدم وبلحضتها ما حبيت اطول معها وسكرت على طول وهي على بالها انى زعلان وتصدق اليوم ما وقت دق على .. ولا عشر مرات ... واخرتها صرت اقفل بوجهها عشان تفهم انى مابي اكلمها بس هي مو راضيه بندر: يعنى تبي تدور لك على وحده ثانيه سلمان: تصدق ما اظن ... انا قررت اترك هالحركات والصياعه بندر باستغراب: من متى؟؟ سلمان: امس ما قدرت ادرس ولا انام .. طول الوقت افكر ... اتمنى يا بندر اتمنى اتوب واوقف هالاشياء مو ناقص ذنوب انا بندر: المهم بالتوبه تكون من قلبك ونصوحه .. انت ياما قلت بتوقف بس ما تكمل شهر الا ترجع وتلاقي لك بنت ثانيه سلمان: مادري ليه حاس ذي المره انى من جد بندر: ياليت يا سلمان .. بتفرحنى والله سلمان: الله يعين بس ................. جات الساعه 9 ونص .. طلعت سارا من السبوح .. بعد ما حطت البودر والعطر ولبست فستان ولا مره شافه عبدالعزيز عليها .. كان فستان ناعم كثير ويناسب المناسبات الخاصه الصغيره .. ماهو طويل ..ذيله على شكل سبعه اطول جزء يوصل لنص ساقه والقصير يوصل لحد ركبتها ... ومن فوق عباره عن درابيه .. لونه تموجات درجات الوردي الفاتح الى الاحمر القانى .... حطت روج وردي ومع لوشن وما حبت تحط شدو وكتفت بالكحل والمسكره ... كان شكلها مره حلو .. وتسحر الواحد .. خصوصا بشعرها الي يلامس كتوفها بخصلاته الناعمه .. اقل نسمه هوى تحركه .....بعد ما انتهت وجهزت طلبت من الخدامه تنقل الاكل لفوق دخلت منيره عشان تساعدها ..... اخذته منها وحطته على الطاوله الي بين الكنبين بالغرفه ... كانت مسوي اكل ايطاليا .. فاتوشينى ولازانيا مع مقبلات صفتهم على الطاوله ...في وسطها حطت شمعدان ...ملت الكاسين بالثلج وجنبهم بلو كوكتيل ... وطفت انوار الغرفه الا الابجورتين الي جنب السرير ... شغلت الفواحه الي شرتها اليوم وحطت الهديه على السرير جهت عبدالعزيز على مخدته ... طلع جو الغرفه مره رايق ... وتراقص نور الشمعتين على الجدار وصوت الموسيقى الكلاسيكيه الي مشغلتها ....معطي منظر حلو ويريح النفس.... كل شي جاهز .. مابقى الا عزيز يوصل... فتح الباب ومنيره لازالت بالغرفه مابعد تطلع .. لفت سارا ومنيرعلى طول على بالهم عبدالعزيز وصل رهف: يا الخاينات منيره: وجع خرعيتنا على بالنا عزيز رهف وحاطه ادينها على خصرها: بالاول تروحون وتتغدون ولا وتقولون لى .. ومع كذا مشيتها .. بس انكم تتعشون ولا تقولون لى بعد ... وهي تتلفت : لا وبعد بجو رايق سارا: يالخبله ماراح نتعشى مع بعض رهف وهي تقرب من عند الاكل وترفع الغطا: والاكل كله لمين .. منيره: يالملقوفه لعزيز وسارا.. ماتشوفين كشخه سارا رهف: الله ابي اكل معكم ... احسن من العصيده الي مسوينه تحت سارا: هذا الي ناقص تخربين الجو رهف وهي تشوف سارا بنظرات وتضحك: ليه ايش ناوين تسوون؟؟ سارا: ههههههه مالك دخل رهف: طيب باخذ لي كاس من العصير منيره: اقول رهيف رهف: يمه خلاص كلتونى .. المهم سارونا ما اوصيك لا تخلصون الاكل .. واول ما تنتهون حطيه جنب الباب عشان اقضى على الباقي منيره: ايه هذا كفوك رهف: على الاقل احسن من العصيده .. ماادري ايش عند امي تسويها وحنا بايام حر .. والي محيرنى زياده من وين لها التمر وهالايام ايام رطب سارا:انا اموت بالعصيده ... لو ادري اجلت هالعشا رهف: حلو خلاص اجليه وتعشى عصيده وانا اكل هذا منيره وهي تجر رهف تطلعها من الغرفه: اقول يالمفجوعه خل نطلع قبل لا يطب عليها عبدالعزيز ونخرب الجو رهف وهي تطل من الباب قبل لا تسكره منيره: لا تنسين الي وصيتك عليه لا تخلصون الاكل سارا وهي تضحك: ااذا اخوك مو جايع وما كل ابشري منيره: رهف اقول تعالى وسكرت الباب وهي تغمز لسارا وابتسامه مرسومه على وجهها جلست سارا على الكنب وهي تحس بفرحه كبيره شوي وتطيرها ... ظلت عيونها معلقه على جوالها تشوف الساعه .. مرت نص الساعه على الوقت الي قال عبدالعزيز انه بيجي .. وهو الى الحين ما جا ... احتارت تتصل عليه والا تتركه براحتك .. ظلت متردد وتدرس الاحتمالات .. خافت تدق عليه وويظنها تتطفل وتحقق معه مثل ذيك المره ويعصب عليها بعدين يرجع البيت متضايق ويخترب كل شي.. والا تتركه على راحته ويبرد الاكل ونفس الشي تخترب الجلسه .. انسدحه على الكنب وهي حاسه بالتعب اليوم ما جلست من اول ما قامت وهي تشتغل بالاول الجامعه وبعده السوق بعدين المطبخ ...حست نفسها هلكانه تعب .. الوقت تاخر وعبدالعزيز ما جا ... وهي لازالت متردد ... ضغطت على رقم 2 بالجوال للاتصال السريع .. وحطت على زر الاتصال ..خلاص بتدق الي يصير يصير.. وقبل لا تصير مكالمه سكرته على طول لدرجه ما بعد يدق على عبدالعزيز .. ظل الجوال بيدها .. واصبعها على زر الاتصال ... الساعه صارت 11 وربع والى الحين ما جا .. خافت يمكن صار له شي .. احتارت بامرها ودها تدق وفي نفس الوقت مو قادره ....حست بتعها يزيد .. وعيونها بدت تسكر غصب عنها ........................... جلست سارا على الكنب وهي تحس بفرحه كبيره شوي وتطيرها ... ظلت عيونها معلقه على جوالها تشوف الساعه .. مرت نص الساعه على الوقت الي قال عبدالعزيز انه بيجي .. وهو الى الحين ما جا ... احتارت تتصل عليه والا تتركه براحتك .. ظلت متردد وتدرس الاحتمالات .. خافت تدق عليه وويظنها تتطفل وتحقق معه مثل ذيك المره ويعصب عليها بعدين يرجع البيت متضايق ويخترب كل شي.. والا تتركه على راحته ويبرد الاكل ونفس الشي تخترب الجلسه .. انسدحه على الكنب وهي حاسه بالتعب اليوم ما جلست من اول ما قامت وهي تشتغل بالاول الجامعه وبعده السوق بعدين المطبخ ...حست نفسها هلكانه تعب .. الوقت تاخر وعبدالعزيز ما جا ... وهي لازالت متردد ... ضغطت على رقم 2 بالجوال للاتصال السريع .. وحطت على زر الاتصال ..خلاص بتدق الي يصير يصير.. وقبل لا تصير مكالمه سكرته على طول لدرجه ما بعد يدق على عبدالعزيز .. ظل الجوال بيدها .. واصبعها على زر الاتصال ... الساعه صارت 11 وربع والى الحين ما جا .. خافت يمكن صار له شي .. احتارت بامرها ودها تدق وفي نفس الوقت مو قادره ....حست بتعها يزيد .. وعيونها بدت تسكر غصب عنها على حدود الساعه 1 ونص الليل .. فتح باب البيت الي غرقان بالهدوء والسكوت ... اليوم جا حمد من لندن .. عشان كذا تاخر.. ماعرف الا بعد صلاة العشا بوصول صديقه .. دق عليه عشان يتحمد له السلامه .. فاصر حمد يجي يتعشى عنده ... بعد ما خلص عشى طلع معه يتمشون على الخبر ويشوف حمد التطورات الي صارت في مدينته ... نزل الرجال ورجع لبيته .. بعد ما اتفق معه انهم يلتقون بكره ويروحون للمزرعه .... راح لغرفه وهي متاكد ان سارا نايمه .. فتحت الباب بهدوء عشان ما يزعجها ... وقف مكانه يتامل المنظر الي قدامه .. الغرفه غرقانه بنور الشموع الي واصله لنهايتها .. يعنى بالكثير ربع ساعه وتخلص ..ومنظر الاكل الي مغطى على الطاوله .. والكاسات المليانه ثلج تحول لماي يوصل نص الكاس ... ومنظر سارا وهي متكوره على نفسها مثل الربيانه في الكنب الصغير وغرقانه بالنوم... قرب من عند الطاوله .. ورفع الغطا عن طبق.. طلعت له لازانيا مو ماكول منها شي.. لمسها كانت بارده واضح انها من زمان موجوده ... زاد قربه الى ان وصل سارا ... كان شكلها يكسر الخاطر منه ... بردانه ومتكوره على نفسها .. قرر يشيلها عشان يمددها على السرير وترتاح ... حنى ظهر لها .. ويلفت نظره الجوال الي بيدها ... مد ايده وحرر الجوال من اصابعها بكل حنيه ... وتوه بيحطه الا يشوف الاسم الي مكتوب عليه ... حبيبي..... وعلى طول ضغط على زر الاتصال ..كانت رنة جواله الي سمعها مثل الطعنه بقلبه .. قفل جواله بسرعه عشان ما يزعجها ... تملكه احساس غريب .. انا حبيبك يا سارا .. معقوله تحبينى ... وصرخ صوت من اعماقه .. طبعا تحبك يا مغفل .. والا شلون صابره عليك لهالوقت لو ما تحبك .. حس بالذنب ... نقل نظراته من سارا للطاوله .. وطل شي بالغرفه يصرخ بوجهه ويعاتبه .. كل لمسه اضافتها سارا .. المفروض تدق علي وتقول لي .. مو تنتظر اجيها كذا ... بس انت مو اعزب عشان تتصرف مثل اول .. مو لازم تنتظرها هي الي تسالك المفروض انت تعطيها خبر ... ليه انا متزوج عشان اخذ الاذن من زوجتى .. المساله مو استاذان .. على الاقل تعطيها خبر.. والا انت ناسي انها دقت عليك تتاكد متى تجي ... بس انا يوم قلت لها انى بجي عشر ماكنت ادري ان حمد بالبلاد .. ويم عرفت ان صديقك موجود ليه ما دقيت عليها .. ما تشوفها ايش مسويه عشانك ... الصراع الي كان بداخل عبدالعزيز بدى يحطمه .. ظلت عيونه معلقه بسارا .. ماقدر يمد ايده ويحملها .. حس انه ما يتاهل يلمسها ... بعد عنها وهو مو عارف ايش يسوي ... رمى الشماغ على السرير وجلس عليه .. وايده تتخلل شعره بعصبيه بعد ماشال الطاقيه ... حس بشي جنبه .. لف عليه الا يحس بصفعه على راسه .. لا يا سارا مو لهالدرجه .. مااقدر انا على هالشي .. كافي الذنب الي حاس فيه ... مد ايده وشال الهديه الموجوده على السرير ...فتح البطاقه المعلقه عليها ... مااقدر افسر في خيالي معانيك.. لكن..تمنيت اوصل حدود بالك.. واعرف..وش اغلى ما تمناه واعطيك .. ليت السعاده دايم الدوم فالك.. وجعل الزمن الي يزعلك يرضيك.. واشيل الهم عنك وازعل بدالك.. احبك سارا اخذت ايده ترجف .. والبطاقه تهتز .. زاد ضغطه عليها عشان يوقف الارتجاف.. وبايده الثانيه ضرب راسه كانه يعاقب نفسه ... احساس الذنب الي بداخله زاد .. لدرجه منعته من انه يفتح الهديه .. اخذها وحطها على الكوميدينا الي جنب السرير ... هالاصوات الي اصدرها عبدالعزيز ازعجت سارا وخلتها تنتبه من نومها ... حست بجسمها متكسر .. قامت وهي مو عارفه هي وين .. ولا مستوعبه الوضع .. اول ما فتحت عيونها طاحت على الشمعتين الي قدامها .. عبدالعزيز خذلها ولا جا .. وهنا رجع لها كل شي ... اول ما سمع عبدالعزيز الحركه الي جايه من جههت سارا .. قام من على السرير .. ودس البطاقه بجيبه على طول ... وقف وهو مرتبك وكانه طالب يقابل المدير لخطا سواه ... ينتظر سارا تنتبه لوجوده وتعاتبه ... رفعت سارا وجهها .. وطاحت عينها بعين عبدالعزيز .. شافته بنظرات بارده ... مررت ايدها على وجهها وكانها تطرد منه اثار النوم ... وبكل هدوء استقامت بجلستها .. ومالت على الطاوله .. وبنفخه وحده طفت الشموع الي وصلت لنهايتها ... وقفت واخذت صينيه الاكل معها .. وطلعت من الغرفه .. وعبدالعزيز واقف مكانه .. ولاهو قادر ينطق بكلمه ... توقع منها كل شي .. الا البرود .. لو انها صارخت بوجهه .. لو حتى جات وضربته وصاحت .. اهون له من انها تسكت وتشوفه بهالنظرات ... فسخ ثوبه وعلقه ... الا بدخلت سارا .. ونفس الشي من غير ولا كلمه اخذت قميص نومها من الدولاب ودخلت الحمام ... بعد ما طلعت انسدحت على السرير وطفت الابجوره الي جنب سريرها وظهرها لجهت عبدالعزيز .. ................... اصوات مزعجه متداخله مع نومه ... ضرب بايده الساعه عشان يوقف الصوت..ومع كذا الصوت مستمر ... بدى يميز النغمه ... اخذ جواله من جنب الساعه رد بصوت كله نوم: نعم حمد: الى الحين نايم .. الساعه 9 وحنا متفقين على 7 ونص... اعتدل عبدالعزيز في جلسته عبدالعزيز: عطنى خمس دقايق اصحص من النور وارجع ادق علي حمد: لاخمس دقايق ولا عشر قوم يالكسلان .. خمس دقايق وتكون موجود بالمزرعه عبدالعزيز: حتى لو طلعت من البيت الحين ماراح اوصل الا بعد نص ساعه حمد: المهم عجل .. ترى بنفطر عنك عبدالعزيز: افطروا .. حمد: ايش فيك عزيز ماتبي تجي عبدالعزيز: قلت لك حمد خلنى اصحصح راسي بينفجر حمد: طيب ولا يهمك بقفل الحين .. بس ها يا ويلك اذا ما جيت عبدالعزيز: انشالله وقفل وهو خلاص خاربه بالنسبه له .. خصوصا لان سارا ماكانت موجوده بالغرفه .. شاف الساعه تسع الا خمس دقايق.. واليوم الخميس .. ايش عندها تقوم .. عاده بالويك اند ما تقوم الا 10 او 11... بعد الكنفورت منه ...لاحظ ان الغرفه رجعت مثل اول .. الشموع انشالت .. حتى الهديه ما شافها على الطاوله.. قام بتثاقل.. وراح للحمام .. حلق وغسل وجهه .. بعدين بدل ملابسه .. قرر انه ما يروح المزرعه.. لازم يتكلم مع سارا ويصححون الوضع هذا .. طلع من الغرفه .. وقف عند غرفه منيره .. يمكن سارا عندها.. ماسمع صوت وكمل طريقه شكل اخته نايمه ... راح مباشره للغرفه الي فيها نوره والبيبي... سمع صوت سارا وهي تسولف مع نوره وتقول شي ونوره تضحك ...دخل والابتسامه شاقه وجهه عبدالعزيز: ضحكونى معكم الكل لف على جهت الباب.. جهت عبدالعزيز... اما عبدالعزيز كان كل همه سارا .. عيونه عليها .. اول ما طاحت عيونه بعينها .. وسعت ابتسامته وقرب من عندها... نوره: ههههههههههه...ولا شي بس كانت تقول لى عن موقف صاير لصديقتها جلس عبدالعزيز جنب سارا ولازلت عيونه بعيونها ... عبدالعزيز: صباح الخير سارا بصوت واطي: صباح النور عبدالعزيز: اشوفك اليوم قايمه قبلي سارا: ايه امس نمت قبلك ليه يا سارا ليه ... يعنى لازم تذكرينى بالي صار امس... نوره: امس ما شفنا سارا ابد طول الوقت قاعده تتفنن لك واغمزت لعبدالعزيز..الي كان متضايق مره .. حب يلطف الجو شوي عبدالعزيز: الله يعنى أي شي بنسويه لازم ينتشر بالبيت نوره: حنا غراب عبدالعزيز يغير السالفه يوم لاحظ تغير تعابير سارا: غريبه دحومي ماله حس اليوم نوره: خل ينام امس ما قدرت انام منه .. مادري ايش فيه طول الوقت يصيح سارا: يمكن فيه مغص.. مو امس معطينه تمر مطحون مع ماي نوره: والله مادري.. لو استمر على كذا باخذه للمستوصف عبدالعزيز: والوالده وينها نوره: نايمه .. امس سهرتها معي.. خل ترتاح عبدالعزيز: طيب وين فطوركم؟؟ نوره: خلاص قضينا انا وسارا عبدالعزيز: افا ما توقعتها .. وانا الي عازمينى ربعي على فطور المزرعه اقول لهم بفطر مع اهلى .. في الاخير تتركونى سارا: طيب روح افطر معهم قام عبدالعزيز يشوف سارا.. ليه يعنى تبين الفكه منى نوره: مزرعتنا؟؟ عبدالعزيز: لا حقت واحد من الربع توه جاي من السفر ... ومادريت الا امس متاخر ..رحت اشوفه ...ولزم علي نكشت بمزرعته ونصيد طيور يقول مثل ايام اول كان يقصد سارا بكلامه وكانه يحاول يبرر لها سبب تاخره امس... سارا: طيب ليه ما تروح عبدالعزيز وهو يشوف سارا: وليه تبينى اروح سارا: مو تقول توه جاي من السفر اكيد انت مشتاق له ... وبهاللحظه يدق جوال عبدالعزيز قبل لا يرد...كان حمد المتصل عبدالعزيز: هلا حمد حمد: وينك ياخوي .. تاخرت عبدالعزيز: اسف حمد مقدر اجي حمد: ولييييييييييييه.. لاتخاف ما فطرنا عبدالعزيز: ايش دعوه افطروا.. خلها مره ثانيه حمد حمد: براحتك..اول ما تغير رايك تعال طيب عبدالعزيز : انشالله.. يالله فمان الله حمد: مع السلامه وقفل منه ... نوره: هذا الي عازمك عبدالعزيز: ايه بس خلاص مو رايح سارا: من جد عزيز ليه ما تروح ... عبدالعزيز : بس مالي خلق .. انقهر عبدالعزيز من سارا وتصرفها .. ولا كان صار شي امس... ما هي عاجبته هالبروده والتطنيش.. حس ان الكلام الي يبي يقوله لها ما يقدر يتاجل اكثر من كذا .. قام من جلسته عبدالعزيز: سارا تعالى ابيك بشي رفعت سارا راسها له: تبي فطور عبدالعزيز وهو يمسك ايدها ويسحبها يقومها: اتركي الفطور وتعالى وطلع من الغرفه معها ونوره تشوفهم ولاهي فاهمه شي.. ايش سالفه عبدالعزيز ويبي سارا بايش... سارا: طيب شوي ترى بطيح لا تجرنى كذا .. وخفف من شدك على ايدي خفف ضغط اصابعه على معصمها واخذها لغرفتهم ....جلسها على الكنب وجلس قبالها على الطاوله عبدالعزيز: سارا حنا لازم نتكلم سارا وعلامات البراءه مرتسمه عليه: في ايش؟؟ عبدالعزيز: لا تفورين دمي سارا انتى تعرفين بايش.. لازم نتكلم على الي صار امس سارا: ماصار شي عبدالعزيز بعصبيه: سارا سارا: من جدي اتكلم ما صار شي عبدالعزيز وهو يصر على اسنانه: ماهو عاجبنى هالبرود سارا سارا: انت ايش تبي منى يعنى .. تبينى اصرخ .. والا اصيح واشقق ملابس.. الي صار امس صار عبدالعزيز: بس لازم نتكلم فيه سارا بصوت كله الم: وليه عشان نفتح الجرح مره ثانيه.. انا خلاص نسيته ليه ما تنساه انت بعد عبدالعزيز: بس انتى لازم تسمعين انا ليه سويت كذا سارا: واذا سمعت ماراح يتغير شي .. امس راح وحنا الحين باليوم عبدالعزيز: يعنى انتى مو زعلانه سارا وهي تحاول تتمالك نفسها ولا تطلع لعبدالعزيز: لا عبدالعزيز وهو يشوف سارا بنظرات متفحصه: اكيد سارا: ايه حتى نسيت.. وانت بعد لازم تنسى عبدالعزيز: اذا كنتى مو زعلانه سارا: قلت لك مو زعلانه .. عبدالعزيز: طيب ابتسمى عشان اتاكد اغتصبت سارا ابتسامه سريعه وقامت من مكانها عبدالعزيز: على وين؟ سارا: بروح ابدل وازور اهلى لي مده مارحت لهم عبدالعزيز: وانا؟؟ سارا: وانت ايش؟؟ عبدالعزيز: بتتركينى بالبيت سارا: مو عازمك صديقك روح له عبدالعزيز: واضح انك الى الحين ماخذه على خاطرك منى سارا بصراخ: انت ايش تبي تبينى اكتب لك بالدم انى مو زعلانه والا ايش؟؟ عبدالعزيز: مالها داعي هالعصبيه ... انا الغبي انى جالس اراضيك قام وطلع من الغرفه وسكر الباب بعده بقوه ... ارتمت سارا على السرير وهي خلاص .. كانت نتتظر اللحظه الي يطلع عبدالعزيز فيها من الغرفه عشان تنفجر بالصياح .. الغريب ان اول ما طلع منها ما نزلت من عينها ولا دمعه ... ليه يا عبدالعزيز .. ليه تسوي فينى كذا .. بعد ما انسدحت امس .. حاولت بس النوم ما رضى يرجع لها الي حطمها اكثر حتى الهديه ما اخذها .. ما تقبلها منها...ولا حتى فتحها يشوف ايش جايبه له ...ظلت صاحيه اكثر الليل ... بعد ما نامت حول الساعتين قامت من النوم على حدود الساعه 7 الصبح .. اخذت معها الهديه ورمتها بالزباله.. نزلت تحت وطلبت من الخدامات يرمون الاكل عشان محد يشوفه ويعرف ان عبدالعزيز ما تعشى .. البيت كله عرف بالي تسويه سارا .. وهذا عيب سكن الزوجه في بيت اهل رجلها .. أي تصرف او شي تسويه الكل يعرف به ... بعد ما طلعت من المطبخ جلست مع نوره.. ومن نزل عبدالعزيز وهي تقاوم نفسها وتحاول تطرد احداث الليله الماضيه .. عرفت ان عبدالعزيز يبي يفتح الموضوع.. عشان كذا اول ما قال عن طلعت المزرعه شجعته .. ما تبي تتكلم معه عن الي صار.. تعر انها ضعيفه راح تبكي قدامه ... وهي ما تبي هالشي يصير... تحامل على نفسها وقاومت .. بس هو اصر يطول السالفه وهذا الي خلاها تنفجر وتصرخ بوجهه .. وتخرب كل الي كانت مقرره تسويه من لا مبالاه ..... انقهر عبدالعزيز من سارا كثير... يعنى هو يحاول يراضيها وهي تصرخ بوجهي.. لا وتبي الفكه منى .. الا ليه تصر على روحتى للمزرعه... رجع دق على حمد وقال له انه راح يجي المزرعه عندهم .... دخلت سارا بيت اهلها قبل اذان الظهر .. شافت امها وابوها .. سلمت عليهم وجلست معهم ... كانت مها رايحه بيت اهلها .. اما عبدالله أي كان يوم الخميس عنده مثل أي يوم .. ما ياخذ أي يوم اجازه .. الشغل ماخذ كل وقته .. كان طالع من الساعه ست ..وسلمان كان طالع .. جلست سارا جنب ابوها الي كانت مشتاقه له كثير... لها فتره ما شافته .. كذا مره تجي بيتهم وهو ما يكون موجود ... جا سلمان وعبدالله ومها عند وقت الغدا... راحت لطيفه للمطبخ ولحقتها سارا لطيفه: سارا يمه بتتغدين عندنا؟؟ سارا: ايه لطيفه: ورجلك؟؟ سارا: مدري عنه يمه لطيفه: ليه مو ما يدري انك عندنا سارا: الا قلت له لطيفه: طيب دقي عليه قولى انك بتتغدين عندنا وخليه بعد يجي سارا: يمه اكيد بيتغدى بيت اهله ماله داعي ادق لطيفه شافت بنتها بنظره دايما تشوفها بها اذا سوت سارا شي ما يعجبها لطيفه: عيب عليك .. ويالله قومي اتصلى سارا: يمه والله ماله داعي لطيفه: سوييييير سارا: طيب انشالله وطلعت للصاله.. اخذت جوالها من الشنطه ودقت على عبدالعزيز... سارا: السلام عليكم عبدالعزيز: وعليكم السلام هلا سارا سارا: عزيز انا بتغدى بيت اهلى عبدالعزيز: طيب؟؟ سارا: قلت لك بتغدى بيت اهلى عبدالعزيز: ايه .. ايش تبينى اسوي سارا منقهره منه: يعنى عادي عبدالعزيز: داقه تستاذنين.. حلو والله سارا: امي قايله لي عبدالعزيز : انا اعرفها خالتى خوش حرمه سارا: المهم بتغدى طيب عبدالعزيز بنذاله: لا اندهشت سارا: ليييييه عبدالعزيز: بس وانا بجي باخذك بعد نص ساعه .. لا تتغدين طيب سارا: امي مسوه الي احبه .. واخوانى موجودين هنا عبدالعزيز: وانا قلت لك لا سارا:وانا اقول ايه عبدالعزيز: طيب ليه داقه مادمتى بتسوين الي براسك سارا وهي تصر على اسنانها: عزييييييييز عبدالعزيز: الي قلته لك .. نص ساعه وانا جاي وقفل الخط من غير ما ينتظر ردها... نار شبت بصدر سارا.. انت ايش تبي.. لازم تذبحنى . .. رمت الجوال على الكنب وهي تحمد ربها ان الصاله فاضيه والا كان سالوها ايش فيها .. خصوصا ان وجهها احمر من العصبيه .... بعد ما هدت شوي راحت لامها وقالت لها انها ماراح تتغدى هنا...حطوا اهلها الغدا وهي جالسه ماعندها شي تنتظر عبدالعزيز.. مرت نص ساعه ولا جا .. خلصوا اهلها الغدا وراح ابوها وامها وعبدالله ومها يرتاحون.. مابقى الا سلمان وهي وفهود الي قاعد يلعب بالسياره على الارض...اخذ سلمان جوالها سارا: عطنى اياه سلمان: ليه ايش فيه سارا: فيه صور مابيك تشوفهم سلمان وهو يضحك بمكر: ليه وسخه سارا: انت الي تفكيرك وسخ.. سلمان: اجل ليه ما تبينى اشوفها سارا: لان فيه صور منور ورهف سلمان بهالحظه عجبه الموضوع: عادي اشوفهم سارا: لا والله سلمان: مو خوات رجل اختك سارا بعصبيه وهي تنقز تحاول تاخذ الجوال من ايد سلمان الي رافعها فوق :سلماااااااااان دق الجوال وهو بيد سلمان سلمان: ههههههههههه طيب بعطيك اياه .. بالاول بشوف مين يدق عليك سارا: هذا عزيز سلمان: بل وايش دراك سارا: ياذكي له نغمه خاصه.. عطنى اياااااااااااه سلماااااااااااااااان سلمان وهو ينزل الجوال ويشوف الشاشه: طيب طيب... احلى على الحركات حبيبي يتصل بك سارا اخذ الجوال من ايده بقوه: سخييييييف وردت على عبدالعزيز: الووووو عبدالعزيز: انتى جاهزه؟ سارا: ايه عبدالعزيز: انا عند الباب اطلعي يالله سارا: انشالله سلمان ياشر لسارا... سارا:ايييييش سلمان: قولى له ينزل عبدالعزيز: نعم سارا: اكلم سلمان... يقول لك انزل عبدالعزيز: مره ثانيه سلمى عليه .. بسرعه لا تتاخرين وسكر الخط من غير ما يقول لها حتى مع السلامه .. الحين مين المفروض يزعل هي والا هو ... من جد هالانسان مجنون ومريض وماعنده سالفه والله يعين اهله عليه بس... سلمان : بينزل؟؟ سارا: لا تبي تشوفه روح له بره شاف فهد عمته تلبس العباه وعرف انها بتطلع تعلق بعباتها فهد: امتى ثالا.. سارا نزلت راسها لتحت: نعم حبيبي فهد: ابي الوح معاك سارا: ما يصير بعدين ماما تدور بفهودي ولا تشوفه وتصيح تغيرت تعابير فهد وشوي خلاص ويصيح .. اخذه سلمان وشاله سلمان: عمو سلمان باخذك البقاله ابتسم فهد: امو ثمّان هبيبي سلمان: يالمصلحجي ... من هالعمر مصلحجي.. الله يعينا عليك اذا كبرت وطلعوا كلهم من البيت .. سلم سلمان على عبدالعزيز بعدين راح للبقاله مشي مع فهد .. اما سارا ركبت السياره بجنب عبدالعزيز...كان الجو سكوت تام ... حبت سارا تقطع الهدوء لانه يحلق اعصابها سارا: رحت للمزرعه عبدالعزيز:يهمك تعرفين سارا: انت ايش فيك عبدالعزيز حس بساخه موقفه: ايه رحت ورجع الهدوء مثل اول... ظلت سارا تفكر .. ايش الموضوع وايش صاير .. وما حست الا والسياره واقفه... انزلت وهي على بالها انها قبال بيتهم ...نزل عبدالعزيز وهو يبتسم .. عبدالعزيز:منور تقول انك تحبين الاكل الهندي سارا وهي تشوف كوبر تشندنى قدامها: اموت فيه عبدالعزيز: ليكون كلتى شي بيت ابوك سارا رجعت الابتسامه لشفايفها: ولا حتى كاس ماي عبدالعزيز وهو يضحك: هههه.. حلو يالله خل ندخل دخلوا للمطعم ويد سارا بيد عبدالعزيز ..ظلوا يسولفون سوالف حياديه بحيث ترضي جميع الاطراف.. الوضع كان عاجب سارا مع ان في شي منغص عليها .. واضح ان عزيز ما يسوي هالشي الا لانه يحس بالذنب.. مو حب فيها ولا شي.. طردت الفكره من راسها .. لازم تمشى هاليوم على خير.. وتنبسط بصحبت عبدالعزيز مهما كان... عبدالعزيز: هذا الي جايعه سارا وهي تشوف صحنها المليان: مادري ايش فينى مو مشتهيه عبدالعزيز: طيب ما تبين حلى سارا:اممم ايه ابي ايس كريم سن دي ستروبري حق ماكدونالدز عبدالعزيز: هههههههه..خلاص اذا طلعنا من هنا نروح ناخذ لك رجعوا للبيت وسارا فرحانه.. هالطلعه البسيطه عوضت عنها الي صار كله.. يا حليلها الشي القليل يرضيها .. المهم تواجد عبدالعزيز حولها هو الي يهمها... نزل عبدالعزيز سارا وراح للمسجد عشان اذان المغرب...اول ما دخلت البيت شافت منيره قدامها .. ما خلتها منيره تدخل لعند امها وخواتها وجرتها على طول للحديقه عند البركه منيره: تعالى تعالى يالدبه .. انا الي متشوقه اعرف الي صار وانتى تختفين وتروحين بيت اهلك سارا: ههههههههههه شوي شوي علي منور منيره: ليه تاخرتي عنهم هاه سارا: ما تاخرت بس طلعنى عزيز يغدينى منيره: الله الله شكل لا شكل جلستنا بتطول .. ابيك تقولين لى ايش صار معك من طقطق لالسلام عليكم سارا: طيب خل اجلس بالاول وجلسوا على كراسي البركه منيره وهي رازه وجهها: هاه سارا: اااامممم... دقيت على عزيز استذن منه اتغدى بيت اهلى قال لى لا وانه بيمرنى.. اخذنى ولمطعم كوبر تشندي وتغدينا ..وانتهى منيره: وانا اقول ايش عند عزيز يتلطف ويدق عل بالجوال ... لا ويسال أي اكل تحبين قلت له الهندي والايطالى... بس تعالى ماقلتى لى ابي اعرف امس ايش صار مو اليوم.. ايش رايه بالهديه والعشا سارا قام ذقنها يهتز.. لالا الحين بتنفجر .. ماتبي ما يصير... منيره بصوت غريب لانها فهمت من تعابير سارا اشياء كثير: سارا وحطت ايدها على يد سارا .. الي ابتسمت لها بارتجاف منيره بنبره مواساه: تبين تقولين لى سارا سارا بصوت يرتجف: ايه .. بس اخاف اصيح منيره: اذا بيرحك هالشي قولى والا مو لازم وانحت على صديقتها تضمها .. بعدين وقفتها منيره: بس ما ابيك تصيحين .. والا ترى بتضارب مع عزيز سارا اضحكت غصب عنها: لا خلاص عزيز ماقصر معي اليوم قامت منيره تفكر .. يا حليلك يا سارا يرضيك الشي القليل.. يغديت بمطعم ....ولا اول مره بعد ما رجعتى من شهر العسل وانتى تقولين ما يقصر.. الا مقصر ونص.. ولو انا اكبر منه كان عرفت شلون اتفاهم معه.. قامت تتامل وجهه سارا.. انتى ما تستاهلين هالشي.. اخوي ما يستاهل وحده مثلك.. هالانسان المتحجر.. حبيت تغير الموضوع لانها عارفه ان سارا على وشك الانفجار وهي ما تبي هالش لانها تعرف انه يضايق سارا... منيره: ما قلت لك فاتك اليوم جات خالتى ام طلال سارا تمالكت نفسها وفهمت ايش تبي تسوي منيره .. اشكرتها بسرها .. من جد انتى جوهره منور .. نادر ما الواحد يلقى صديقه مثلك سارا: وانتى الي ضيفتيها منيره: لا يا شيخه ما رضيت ادخل .. امي حاولت فينى تقول لى انها ماجات الا عشانى مو عشان تبارك لنوره سارا: ولا دخلتى منيره حمر وجهها: فشيله سارا: ههههههههههههه يا حليلك منور صرتى عروس منيره: يعنى مافي عروس الا انتى...اقول سوير ايش رايك نسبح بالبركه سارا: ليه تبينى انتحر شوفي الماي شلون بارد.. خل السبوح لك منيره: يالبايخه ... سارا: خل ندخل احسن .......................... يوم الاثنين على سارا ترسم تصميم لصاله جلوس... ظلت طول اليوم بالجامعه واقفه على رجولها ترسم .. ولا تضبط معها الرسمه وترجع تعيدها .. كان التكييف مخترب بقاعه الرسم بالجامعه... والجو حار وخانق ... ولانها ما فطرت الصبح ولا اكلت شي من قامت من النوم الا كوب كافي .. حست بضيقه وبدت اللوحه قدامها ما توضح .. والخطوط تداخلت ببعض.. الظلام خيم عليها .. وبدى يزيد ويزيد ... وهنت رجولها .. وماقدرت تشيل جسمها ...حاولت ترتكز على الطاوله بجنبها .. اول ما شافتها شهد صديقتها سرعت لها ومسكتها قبل لا تطيح... شهد : ساارا صار كل ثقل جسم سارا على شهد ومع ان سارا خفيفه الا ان شهد ما قدرت تشيلها .. حاولت تخليها تستلقى على الارض.. كانت سارا بحاله بين الاغماء والصحوه ... بعد ما سدحتها شهد جابت لها وحده من البنات ماي ورشت به وجهه سارا ... شهد : سارا ردي علي ... اخذت تضربها بخفيف على خدها تحاول تصححها .. وعيون سارا مو ثابته في محلها وفاتحتها على الاخر .. وجهها اصفر مره .. وشفايفها بيض....كان شكلها يروع ويخرع الواحد.. ما عرفوا البنات شلون يتصرفون ... شهد: سارا ... مسحت الماي على وجهها وبدى اللون يرجع له.. الصوره بدت توضع لها .. واصوات البنات من حولها بدت توصلها .. بعد ما كنت تسمع صوت عالى يصم اذانها بدت تميز صوت البنات .. انتبهت انها منسدحه على الارض .. وراسها في حضن شهد... حست بالماي بارد على وجهها .. وشهد تقول لها شهد: سارا .. انتى معي؟؟؟ هزت سارا راسها وحاولت تجلس عدل ... ساعدتها شهد.... كانت كذا بنت واقفات حولها .. شهد: شوي شوي سارا بصوت بالموت ينسمع: انشالله... بعد ما جلست سارا حاولت تقوم .. بس يد شهد منعتها شهد: لا لا مو الحين ... خل تتوازنين بالاول ... سارا: لا انا الحين احسن شهد: أي احسن ما شفتى وجهك قبل اشوي .. سارا: والله الحين احسن شهد: معليش اصبري شوي... الا ايش فيك؟؟ سارا: مادرى حسيت بالدنيا تظلم من حولها .. وما امدانى الوقت اجلس شهد : ليه؟؟ سارا: يمكن نقص سكر.. ما افطرت اليوم ... شهد : دقيقه اجل وقامت عن الارض.. راحت لعند شنطتها واخذت منها شي.. رجعت لسارا ورمت لها بحضنها باونتى... شهد: اكلى كاكاو راح ينفعك سارا: لالا مو مشتهيه ابد شهد: خابرتك تموتين على الشوكالاته سارا: ايه .. بس الحين مالى نفس شهد: على الاقل كلى شوي عشان السكر بس سارا: لو انى ما اعرفك ... واعرف انك بتلحين فوق راسي لين اكل .. كان طنشت شهد: هههههههه .. المهم اكلى بعدين ورينا عرض اكتافك سارا: ليه شهد: صح ان اللون رجع لوجهك بس الى الحين اصفر..روح للبيت واراتاحي احسن لك سارا: عندي شغل كثير شهد: لاحقه عليه سارا: لا ما يكفينى الوقت شهد: انا اكمله لك سارا: لالا ما يصير باخذه معي للبيت واكمله ... شهد: حتى انا مالي خلق الحين اكمله .. ايش رايك ننزل الحين للكافتيريا وناخذ لنا شي ناكله سارا: حلو يالله... وقامت شوي من الارض ... شهد: ها تحسين بدوخه سارا: لا تخافين انا عال العال طلعوا من المرسم ونزلوا لتحت ... راحوا للكافتيريا .. اخذوا لهم اثنين معجنات جبن .. وواحد بيبسي وواحد عصير ليمون ندى ...بعد ما جلسوا على الطاوله ... سارا: اشوفك ما اخذتى لك بيبسي كالعاده شهد: ههههههه لا يا شيخه خبرك عتيق ... لي سته شهور ما اشرب بيبسي سارا: ليه.. تسوين رجيم؟؟ شهد: لا بس انا مقاطعه المنتجات الامريكيه ... سارا: وقدرتى شهد: وليه ما اقدر سارا: لانى انا بعد حاولت بس ما قدرت شهد : ما انكر انى تعبت بالبدايه .. خصوصا ان سوقنا مليان من منتجاتهم ...بس الحمد لله اقلمت نفسي.. والحين حاسه انى اقدر استغنى عنهم بكل سهوله سارا: انا قاطعت كوكا كولا لانها يهوديه شهد: سارا تلعبين على مين .. والحين امريكا احسن من اليهود ..لا تنسين ان الريال هذا الي تدفعينه راح يروح ضحيته طفل عراقي او حتى فلسطينى .. مو امريكا هي الي تمول اليهود سارا: ادري ادري... بس والله حاولت وما قدرت .. انا ماقدر اعيش من غير بيبسي شهد: بكيفك سارا: ادعي لي اتركهم شهد: ههههههه.. الله يكون بالعون... الاى غريبه هالسنه منور مو معك بالمحاضره سارا: ايه جداولنا مو مثل بعض هي تخلص قبلي اليوم .. ورفعت يدها تشوف ساعتها سارا: الحين طلعت خل ادق عليها .. وارجع معها بعد شهد: ايه احسن لك... دقت سارا على منيره وقالت لها تجي للكافتيريا لهم ...بعد دقايق جات منيره.. منيره: مو عليكم محاضره الحين سارا: مو محاضره عندنا رسم منيره: وايش تسوون برى شهد: داخت سارونه من الوقفه والجوع .. واستاذنها منيره:يووه سارا جد وجهك اصفر سارا: لا الحين انا احسن .. منور متى بيجي السواق برجع معك منيره: بس اليوم السواق ما يقدر يجي لي ... عند امي موعد بالمستشفى وراحت معه .. سارا: وانتى؟؟ منيره: انا امى قايله لى اليوم.. قلت لها عادي انتظرك اتاخر واجي مع سارا شهد: انا اوصلكم سارا: لالا سواق اهلى موجود ادق على امي منيره: وليه السواق دقي على عزيز سارا: اخاف يكون مشغول منيره:طيب انتى دقي وجربي مو خسرانه شي شهد: بنات من جد اوصلكم سارا: حرام تطنشين المحاضره الجايه... غير انك ساكنه بالدمام وحنا الخبر .. نمشورك معنا بعدين شهد: اصلا انا ناويه اطلع ... وعادي بيتى قريب من الجامعه .. يعنى مافي مشوار لي.. بعتبرها تمشيه لى بالخبر منيره: شوفي اذا اخوي مشغول نرجع معك شهد: حلو .. وبالطريق نمر لنا ستار بوكس الجديد تصدقون الى الحين ما رحته سارا: زحمه مرره .. حتى باخر الليل زحمه شهد: اكيد بيكون زحمه كافي المكان الي هو في سارا: لحظه لحظه .. وين الي مقاطعه المنتجات الامريكيه شهد وهي تضرب راسها : يووووووووه.. والله انى بقره..خلاص نروح د. كيف ...هذا سعودي وضحكوا البنات على حركه غيداء واللقب الي قالته على نفسها...دقت سارا على عبدالعزيز سارا وهي تكلم منيره: ما يرد.. اكيد مشغول شهد: زين يعنى معي وتو شهد مخلصه كلامها الا يدق جوال سارا... سارا : هذا عزيز وردت عليه سارا: السلام عليكم عبدالعزيز: وعليكم السلام .. هلا سارا .. ايش عندك داقه؟؟ سارا: يعنى اذا كنت مو مشغول وفاضي الحين وعادي عندك .. طبعا هذا اذا ماكنت مشغول عبدالعزيز: سارا ماله داعى هالمقدمات قولى لى ايش تبين سارا:انت مشغول طيب عبدالعزيز: انتى قولى لى بالاول ايش تبين سارا: السواق مرتبط مع امك وانا ومنور خلصنا جامعه ونبي نرجع للبيت وماعندنا احد دزت شهد ذراع سارا.. التفت عليها سارا وشافت شهد تخزها وهي تقول... شهد : اوريك.. تقولين ماعندك احد وانا وين رحت ابتسمت لها سارا ابتسامه وهي تسمع عبدالعزيز ايش يقول لها عبدالعزيز: بس كذا على بالي شي خطير .. اجيكم ولا يهمكم.. سارا: طيب ماعندك تصريح عبدالعزيز: هذا الي بقى اخذ تصريح عشان اخذ زوجتى واختى سارا: من جد عزيز.. لازم تصريح والا ما يطلعونا عبدالعزيز : ما تبونى اخذكم سارا: الا عبدالعزيز: اجل لا تكبرينها واستعدوا.. اول ما ادق عليك ابيكم تطلعون سارا: طيب عبدالعزيز: يالله مع السلامه طلع من مكتبه اول ما سكر التليفون... صادف محمد وهو مار من عند مكتبه محمد: على وين بوسعود عبدالعزيز: بروح اجيب المدام من الجامعه محمد: وانت اخذت اختنا ولا عاد صرنا نشوفها عبدالعزيز: انت الي ما عمرك زرتها ببيتها محمد: ادري حقكم علي..سلم عليها عبدالعزيز:يوصل سارا: استعدي منور والبسي عبايتك مانبي نتاخر على عزيز شهد: يعنى مو راجعين معي سارا بابتسامه اعتذار: مرره ثانيه شهوده شهد: مادام كذا مايحتاج اطلع اروح محاضرتى احسن... منور ما اوصيك على مرة اخوك منيره: ههههههههه..اقول روحي بس شهد: ههههههههه باي بنات اشوفكم على خير سارا ومنيره: مع السلامه منيره: قومي نروح لللوكر ناخذ عباياتنا سارا: انا عباتى معي منيره:قومي يالكسلانه روحي معي وسحبت سارا من ايدها تقومها من الكرسى... وهم عند اللوكر كان في بنت اكبر منهم بسنتين تعرفها منيره وسارا لانها معهم بمحاضرة الثقافه الاسلاميه...اول ماشافوها سلموا عليها ومنيره تفتح اللوكر وترتب اغراضها وقفت البنت تسولف مع سارا البنت: الحين الاخبار الي سمعناها صحيحه سارا وهي عاقده حواجبها: أي اخبار؟؟ ريمان: انك تزوجتى ابتسمت لها سارا: ايه ريمان وهي حاطه ايدها على فمها: واااااو مو باين عليك ابد سارا الي استغرب من حركه البنت...ي سارا: شلون مو باين ريمان: مادري شكلك كذا غلط تكونين متزوجه قله ذوق ريمان احرجت سارا وقهرتها بنفس الوقت..منيره الي كانت قريبه منهم وتسمعهم ماقدرت تسكت منيره: لحظه لحظه ..ايش غلط.. ريمان: مو قصدي غلط غلط.. بس كذا شكلها مو باين انها متزوجه منيره: ليه المزوجات يتغير شكلهم اذا تزوجوا تفشلت ريمان من منيره ..التفت على سارا وغيرت الموضوع ريمان: ها الزواج غير سارا:اكيد صار مسؤوليه ريمان:وولد مين اخذتى فضول ريمان بدى يضايق سارا ومنيره بعد منيره: اخوي ريمان: واااااااااو ماشالله حلو كذا ردت سارا عليها بابتسامه مغتصبه..بس البنت مو راضيه تحس على دمها ريمان: طيب قولى لى شلونك مع الزواج وغمزت لسارا بوقاحه.. احمر وجهه سارا منها.. من جد قلة ادب لا وليت البنت متزوجه كان مشينا الامور سارا:قلت لك مسؤوليه ريمان: ههههههههه.. مو هذا قصدي..يعنى اكيد الحين صرتى مدلعه.. منيره: شكلك فاهمه مفهوم غلط عن الزواج ريمان:ليه انتى جربتيه عشان تفهمينه سارا ابتسمت لريمان: ليه ما دريتى ريمان... منور مخطوبه رفعت ريمان حواجبها وقالت: مبرووووك لك منيره: اللله يبارك فيك ريمان: ومتى الزواج انشالله منيره:مابعد احدده ريمان:وانتى سارا ما سويتى لك عرس صح سارا: لا ما سويت ريمان: ليه؟؟ سارا: ظروف عائليه ريمان: مات عليكم احد منيره: يمه منك لا.. قلنا لك ظروف عائليه لو نبي نذكرهم كان قلنهم ريمان: يووه سوري ماكنت اظن الموضوع بيضايقكم.. الا سارا عندك صورة زوجك.. ايش قلتى اسمه سارا: لا ماعندي ريمان: شلوووون..معقوله ماعندك بالبوك.. لو انا مكانك بعلقها بكل مكان منيره بصوت واطي: هي مفجوعه على الزواج مثلك ريمان: ايشش؟؟ منيره: احس انه مو لازم تعلقها بكل مكان ريمان: بالعكس ..الا اذا ماكان وسيم وشافت سارا بنظره يعنى زوجك كيف شكله وبهاللحظه دق عبدالعزيز على جوال سارا... سارا: هذا عزيز وصل منور.. عن اذنك ريمان حنا طالعين ريمان:زوجك الي جاي سارا: ايه وقبل لا تنتظر الرد جرت منيره وراحوا عن البنت... منيره: كان ودي اخنقها سارا: هههههههههههه مجنونه البنت ايش عندها منيره: ميته على الرجال الله يقرفها.. الي يسمعها يقول محد متزوج الا انتى سارا: هههههههههه .. لا بعد شفتى كيف اسالتها منيره: ماعندها ذوق ابد.. اقول سارا اقري على نفسك بس سارا: ليه منيره: عشان البنت ماتعطيك عين لانك متزجه وهي لا سارا: هههههههههههههههههههههههههه... خلاص اعطيها عزيز منيره: هيه عن الغلط تراه اخوي سارا: ههههههههههههههههههههه وهم واصلين عند الباب وتوهم بيطلعون سارا: يووووووووه منور منيره : ايش سارا: بروح لفوق عندي تصميم لازم اخلصه بسرعه..وباخذه معي البيت منيره: طيب روحي بسرعه سارا: اخاف اتاخر على عزيز منيره: انتى اسرعي بس..وانا بقول له سارا : طيب وراحت للدور الثاني تجيب الادوات الي كانت داخل المرسم ...اخذتهم بسرعه وحطتهم بشنطتها الكبيره من مسطره ومثلث وغيرها من ادوات الهندسه.. توها طالعه من القاعه الا تسمع صوت من وراها يناديها اتلفت وشافت الدكتوره كرم الاستاذتها الدكتوره كرم: يا سارا راحت لها سارا: نعم دكتوره د.كرم: مالك وشك اصفر كدا ليه سارا: ولا شي دكتوره بس تعبانه شوي د.كرم: اه اصلك انحفتى اوي.. انتى ما تاكليش خالص سارا: الا دكتوره سارا الي كانت مستعجله مو فاضيه تسولف مع الدكتوره المعروفه بكلامها الي ما ينتهي سارا: بغيتى شي د.كرم: اهه عوزاكي تؤلى للبنات ان كويز يوم التلاتاء حيكون يوم السبت القاي سارا: يعنى مو بكره دكتوره د.كرم: لاأه مش بكره.. وكمان المحزره التانيه حتكون معاكو سارا: بس دكتوره انتى قلتى انها محذوفه د.كرم: اصل الاستاز رئيس الأسم ماوافأش سارا: دكتووووره مو لازم تقولين له د.كرم: لاه لاه ما يصحش كده.. الامانه واقبه علينا.. انتى ما تعرفيش قصه الراقل الي عمل حاقه ومالش لمديره ايه الي حصل له... دق جوال سارا وعلى طول حطت على الصامت لان الدكتوره قدامها وما يصير يدق الجوال وهي لازالت تتكلم .. شافت انا الي داق عليها منيره .. اكيد هم ينتظرونها ..حاولت تسكت الدكتوره خصوصا انها تاخرت كثير عليهم سارا: خلاص دكتوره بقول للبنات د.كرم : اوكي.. وتو سارا بتروح د.كرم: سارا لفت عليها سارا بنفاذ صبر د.كرم: بتعرفى هيفاء سارا: الي معي بالمحاضراتك د.كرم: ااه سارا: ايه اعرفها د.كرم: اولى لها تيقى لمكتبي ضروري عيزاها سارا: طيب دكتوره ودق جوالها وكانت نغمة عبدالعزيز.. وحطت على الصامت د.كرم: ما تنسيش سارا: اكيد دكتوره .. انا استاذن الحين زوجي ينتظرنى بره وتاخرت عليه د.كرم: انتى متقوزه سارا ابتسمت: ا