Um nahar

اقول بنات الي تبي جلابيات على أصولها اتابع برنامج ( دانات التلفزيون) في رمضان الي بتقدمة المذيعة الحبوبة إيمان علاوي .. انا جفت الإعلان وبغيت استخف على الجلابيات .. كله بو كششوخ تابعوا عشان تحصلون شي تابسونه في العيد..

تتألق المذيعة الشابة يومياً في شهر رمضان الكريم 2007 على شاشة الفضائية البحرينية في برنامج ( دانات التفزيون) حيث سيقدم البرنامج بنمط جديد واسلوب مميز خاص بالمذيعة إيمان علاوي على مدى ثلاثين حلقة للشهر الكريم وثلاث حلقات مختلفة تمام في الشكل لكن تحمل نفس المضمون لأيام عيد الفطر السعيد. البرنامج من إعداد الشيخ عيسى آل خليفة ومن أخراج فاضل الكواري. والجدير بالذكر أن إيمان تميزت وبرزت من خلال عدة برامج كان أولها برنامج (شباب) في صيف 2003 ومن ثم البرنامج الشبابي الناجح ( شات وذ بتلكو) ومن ثم برنامج ( قراءة في كتاب ) في رمضان 2005 والذي كان من إعداد راشد الجودر ومن أخراج فاضل الكواري, وصولاً الى البرنامج الصباحي الناجح ( هوى الديرة ) والذي تميزت فيه بشكل كبير مع باقي المذيعين ومن ضمنهم خالد الشاعر.

بس انتي اسعارج كأنها أغلى من الإخت طفلة الحب !@!! ممكن تقولين لنا الأسعار وحجم العلب بالضبط وعدد الالوان

انزيني حبيبتي انا وايد متحمسه حق هالماركة وياريت تجوفين لي اذا في فاونديشن لأن اكيد بكون مخملي وروعه والبلاشات والغلوسات لا تنسينهم وياريت تتوصين بالأسعار يعني راعيينا.... ترى انا اكيد باخذ اذا في الأشياء الي طلبتها ارجوك شيكي وردي علي بسرعه.

شكلج رحتي صالون زين اللي حرقول ويهج انا بعد يوم خطوبتي سوو فيني نفس الدقه الله يغربل بليسهم... المهم حبيبي انشالله الحفة تكون عجبتج وبخصوص ويهج حطي عليه ماء ورد مثلج وحليب وانشالله بخف انا مجربة. لا يكون رحتي صالون اسمه زين الي في بكوارة و حرقوا لك ويهج انا بعد يوم خطوبتي سوو فيني نفس الدقه الله يغربل بليسهم... المهم حبيبي انشالله الحفة تكون عجبتج وبخصوص ويهج حطي عليه ماء ورد مثلج وحليب وانشالله بخف انا مجربة.

ممكن تحطين لنا صورة السفرة والفستان عشان اجوفهم

ممكن اعرف اسم الماركة شنو حبيبتي لان بصارحة عجبتني الالون وبغيت اعرف اذا في غلوس و حمرة خدود بعد ؟؟

اذا تحبين المكياج الثقيل والسموك ومالج إلا نورة الكعبي .. بس اذا كنتي من محبي البساطة والنعومة مثلي انصحج روحي حق مريم معرووووف.. انا في خطوبتي وزواجي رحت لها وما تم احد ما محدني والكل سألني عن المكياج..

نبوغ حبيبتي مشكووووووووره... بس انا حاولت أتصل في الصالون الي قلتي عنه لكن محد رد علي...

غلا البحرين حبيبتي انتي... مشكورة على الرد وماتقصرين بس كان ودي اسال شخص مجرب يعني مثل ما يقولون... إسأل مجرب ولا تسأل طبيب..هههههه اتمنى باقي البنات يشاركون بالموضوع.

مشكورة غلا البحرين .. بس بغيت اعرف هل انت جايفة وحده مسوية اليوكو وجفتي النتيجة شلون؟؟؟ قولي لي تكفين ..

بنات فيني الصيحه ليش ماحد راضي يرد علي ... ردو علي الله يخليكم ترى انا وايد لايعه جبدي من شعري وابغي اسوي اي شي مضمون عشان يصير حلو ... لا تخلوني جذي ساعدوني

ليش ما تردون...... ابغي جواب الله يخليكم

شكر خاص لبنات المنتدى احلى بنات في العالم .... بس ونكم يا جماعه عطونا تفاصيل اكثر .. نبوغ قولي لنا شنو سالفة الاعشاب الي تقولين عنها ووين وبكم ونتايجها شلون؟؟؟؟؟؟؟؟؟ poor girl حبيبتي ابغي تفاصيل كامله عن الصالونات واسعارهم ومن افضلهم وهل هم حاصلين على تصريح من شركة اليوكو اليابانيه او لا... يلا ردو يابنات

مرحبا بنات... مادري اذا سمعتوا عن شي اسمه( يوكو اكوا قولد) هذه طريقة لفرد الشعر الدائم عن طريق استخدام ماء الذهب ومستحضرات طبيعيه.... يقولون في البحرين بس صالونين مرخص بهم بعمل اليوكو اهم الريجينسي وإيلي وجان سنتر واسعاره نار.. تبدأ من 300 دينار... بس النتيجه ولا اروع( على حسب ما سمعت)!! بنات في احد منكم يعرف شي عن هالموضوع ؟؟؟ ياريت تفيدوني .. صج تعبت من الشسوار ابغي شي يدوم ويريح.

انا بقولكم راي عن تجربة وواقع معاش ... المقعد الامامي من حق الزوجه مادام زوجها اهو الي يسوق والام على العين والراس بس الحقيقه ان الزوج والزوجه نصفين ولازم يكملون بعض والام السنعه عقب كل هالاسنين والتربية لازم تبي جوف ولده ومرته في احسن صورة واهي الي لازم ما ترضى انها تاخذ مكان مرته مهما كان الوضع... واذا كان الاحترام اني اعطيها مكان يعني لو يوم يات ترقد في بيتي اطلع من غرفة نومي واخليها تنام على سريري عشان بس ابين احترامي لها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الاحترام موجود لكن كل شي وله اصوله..

السلام عليكم... ياجماعة انا بغيت فزعتكم .. انا ادور شقة جديده للإيجار في مناطق ( مدينة عيسى , الرفاع, عالي , سند يعني والمناطق المجاورة لها) وبغيت مساعدتكم اذا تدلوني على شي زين وأجاره مناسب يعني في حدود 150 دينار اكون شاكر لكم.. وجميلكم على راسي .. انتطر ردودكم ومشكورين مقداماً

ما توقعتكم بترودن بستهزاء..... عموماً مو مشكلة مشكورين على كل حال.. وماقصرتوا

معقول ياجماعة محد يعرف شي؟؟؟؟؟؟؟ وين فزعتكم؟؟ ساعدوني بليز

مرحبا شباب... انا محتاج مساعدتكم .. ابغي اخذ قرض من بنك في حدود 5000 دينار واتصلت في كذا بنك بس ما وافقوا لأن الشركة الي اشتغل فيها مو مسجلة عندهم ... ابيغي اعرف بنك يعطي قروض حتى لو الشركة مو مسجله عندهم يعني طبعاً مع وجود ضمانات.... ساعدوني تكفون ترى حدي محتاجه الفلوس...

روحي صالون في سند ورا برجرلاند اسمه ميراج بيوتي سنتر حق خبيرة المكياج مريم معروف ترى واااااااااايد شي عجيب شغلها وفي نفس الصالون الي تسوي شعر اسمها سميرة الشكر سوق الجمعة هذي في اي منطقة في السعودية؟؟؟؟؟؟ وسوق الحريم بعد اذا ممكن

يعني تسوة السيارة الواحد يشترية ولا يتوهق فيها؟؟؟ جوف السيار على هذا الموقع www.peugeot.co.uk

شباب شرايكم في بيجو 407؟؟؟؟ لانها صج داش خاطري وابي اشتريها.... ابي رايكم ومشورتكم تحياتي

مع اخر حلقات برنامج حكايات علي وناريمان... اود اخذ اراء المشاهدين وتقيمهم للبرنامج وللوجه الجديد ناريمان.. هل أدت المطلوب منها بشكل صحيح من خلا 5 شهور متتالية؟؟ هل كانت هي الأختيار الصحيح لتقدم هذا البرنامج بالاشتراك مع علي حسين مذيعنا المحبوب؟؟ هل كان برنامج حكايات علي وناريمان بمستوى البرنامج الشبابي السابق (شات وذ بتلكو) على اساس انه التجربة الثانية لتلفزيون البحرين ولنفس طاقم العمل (ماعدا ناريمان)؟؟

يا مرحبا فيج حبيبتي اخت عزيزة بس انا فهمت انتي تبيعين مكياج ولا تسوين مكياج ولا شنو بالضبط ؟؟؟