عيسـى بـن علـي

والشكر لج بعد اختي فريده على الدعم

مبرووووووكين انشالله وحبيت اقول كلمه للأخ صادق الشعباني، واذكره بالمثل الي قاله من قبل(هذا الميدان، ياحميدان) وحميدان-الشتي- اثبت نفسه. وخل القرعه ترعه. واشوف محد من مؤيدي قاسم شارك(صادق-angel- charmer) وبارك... بس يله هارد لكم

الف الف مبروك وانشالله هالافراح دوم يارب. والشباب ماقصروا ويعطيهم الف عافيه، سواء من انتخب او اشتغل.

ياليت لو كل واحد يكتب رده ومايعلق عليه العضو الآخر، لان يكون هناك جدل وخلاف. ياليت كل واحد يكتب دون تعليقات وردود

السلام عليكم... في البدايه كل الاحترام والتقدير للأعضاء الواقفين مع الطالب قاسم، واشكركم على جهودكم. والأخ charmer يعني ماشالله عليه شايله شيل، وردودك محترمة. الي حبيت اقوله بصراحه ان السيرة الذاتيه مو معيار يوقف عليه الطالب، يعني الأخ قاسم ذاكر سيرته في بوستر كامل (وماباقي الابعد يذكر شنو بيسوي في مستقبله وحياته...الخ)، بس لاتعتبر ان الي قلته تقليل من شأن قاسم. بإمكان أي طالب أن يضع سيرة ذاتيه في 30 صفحه، ويقدر يقول انا فعلت وعملت وسويت...الخ، لكن هالشي مو معيار. ثاني شي كل الي ذكره قاسم في سيرته يتعلق بجمعيات ومشاركات وندوات متعلقه بحقوق الانسان. ومجلس طلبة الجامعه مايحتاج حق هالشي، المجلس همه الوحيد الرقي في الطالب، فالسيرة الذاتيه ماتقدر تحدد شخصية الطالب. يعني يجيك طالب ماعنده لا شهادة ولا مشاركة خارجية في أي جمعيه، لكن يسويلك الي مايقدر يسويه حامل الشهادات الكثيرة. وأرد واذكر نقطه الا وهي ان الطالب قاسم تبع جماعة الطالب اولا، أي انه مدعوم من قبل جمعيه، ونحن لانعارض ذلك، بس هالشخص (مايقدر يشك خيط بإبره الا بعد أن يرجع إلا الجهة الي داعمته، وهي تتحكم فيه وتعمل بالجامعه ماتريد من خلال هذا الطالب- يعني يشبه لعبة الشطرنج-)، بس ياليت تقدرون تعليقي لأني مو قصدي اني انزل من سمعة الطالب أو تجاهل تقديره. والطالب قاسم انه اعرفه زين طالب مجتهد لكن علاقته معانه(عموما السنه) ضعيفه، مايحتك مع أي واحد من جماعتنا، مو عارف ليش؟ هل لأختلاف المذهب، أو للعلاقات السابقة بين المذهبين؟؟ وجماعتنا بالكلية لوتشوفونها ترى مانرفض اي شخص بالعكس نتواصل معاه وناخذ ونعطي، بس للأسف بعض الطلبه ينظرون الينا نظرة اخرى. واتمنى تعليقي مايكون فيه أي حزازية أو يزعل أحد الاعضاء، مع احترامي لكم.... تحياتي عيســى بـن علــي

ياعيني تصدق عاد ردك مقنع.... لاتسوي روحك شخص عنده فلسفه وفن حوار، والله الي يدور بالكليه ترى طائفيه × طائفيه والدليل على ذلك.... انه اقول الي يبي يعرف بتنتهي الانتخابات وبتشوفون الطائفيه والانحياز

إلى الآخ charmer وبقية الاعضاء السلام عليكم جميعا... بالنسبه لي انه طبعا توني مسجل بالمنتدى وحسيت انه في خلاف بين الآعضاء. ترى مو المهم انك اتقول ان العضو ماكان يبين في الكليه، لان كل الطلبه عندهم محاضرات ومو متفرغين يهدون المحاضرة ويجابلونكم بدون سالفه. ومع حلول الانتخابات العضو تلقاه يهد محاضراته بس علشان يكون على اتصال مع الطلبه وهذي شي مطلوب. ومثال ماقالت الاخت arooja انه فاطمة ونسرين ماتواجدوا الا امس، وكانوا مع بعض. ليش ماظهرت كل وحده بروحها؟؟ ممكن تشرح هالجزئية؟؟؟ وعموما المنتخبين 5 وأول واحد كان الشتي والباقي طلعوا بعده؟ وعلى تعليق محمود العريبي الي قال ان هناك تفرقه ويقولون ان ذاك سني وذاك شيعي موجود بالفعل في كليتنا، فالكليه صايرة أحزاب وهذي شي مضحك!! وبالمناسبة وصلني رد من الاخ حسن الشتي مخصوص لي charmer وانه طبعا بانقله بدون تحريف أو تغير والله شاهد على الي اقوله: الأخ charmer (أتعلم يا أخي أن الفكرة أساسها من الممثل نايف الكواري، والذي سعى في تنفيذها هو الذي تستخف به! وأعلم أن هذا الصرح لم يقم إلا بناءا على تعب وجهد الطالب حسن الشتي.) هذا وتقبلوا تحياتي ومشاركتي عيســـى بــن علــي