كنت نايم وياهي أحلام مرت علي عجيبة وتربش
وصحيت فجأة مزاجي رايق جت الوالدة تفرحني ( مبروك وليدي بنزوجك)
كان الخبر وقعه مثل تدرون أريد أتمتع بالحياة ترقيم وسوالف حب
رومانسي وايد، المهم العائلة تستعد عندنا لحفل الزفاف والطقاقات في كل مكان هذا ما غير النينجا ذوات البارقع في زاويا البيت حراس
وطبعا أخوكم طبيب الغرام خلاص بيتأهل وبيصير ريال مب صايع في المراكز والمولات،،
فجأة وبدون سابق إنذار صار إنفجار عود وأختفى كل شي وظليت أبكي وأتسأل وين الناس اللي حولي
عرفت أني بعدي في الحلم
ولكن لم صحيت لقيت جنبي مجلة ثقافية وجلست أتثقف طبعا، وكانت المفاجأة هذا الخبر
كويكب أسمه 1997 XF11
في سنة 2023 شهر أكتوبر يتوقع أنه يمر قريب من الأرض أو بيصدمها وتكون نهاية الحياة في الأرض
هذا الخبر من ناسا ويمكن قديم لكن حبيت أذكركم
حتى لو كان الموعد بعيد شوي بس يمكن يكون إنذار لكم للعودة إلى الله وطلب الرحمة ، يمكن الحلم اللي حلمته يصير لولدك لحفيدك لبنتك لحفيدتك ، في وسط الفرحة تلقى فجأة كل شي أختفى
وهذا موقع http://ssd.jpl.nasa.gov/ca_97xf11.html
أو أكتب Asteroid 1997 XF11 (Earth Close-Approach)