يا ذا (المها) من صادق الود بهديك
إعجاب شاعر كاتبه في محله
هرج صحيح مزود بالتباريك
على نجاح كلنا شاهدا له
شي نشوفه واضح يوم نطريك
صرتي كما خل وفا معه خله
لحيث موروث الادب نابت فيك
مثل النبات اللي غشا نجد كله
هذا هو اللي زود إعجاب قاريك
من بين صفحاتك لقا ونست له
من فضل ربي ثم فضل من يسويك
نخبة رجال ذكرها ما نمله
تختار جزلات المعاني بتدريك
خدمه لعين القاري وحشمت له
والصدق مثل النور ما فيه تشكيك
والكذب ما يطلق وجه من حصل له
لا صار فوق الساس ترفع مبانيك
فلا تخاف من الهبوب المسله
بالعشر أوقع يالمها في مباديك
فالمملكة ما فيه مثلك مجله
او سلامتكم
وتقبلوا تحياتي جويرية