Emeeez

الجزء الاول بعض من الناس يقول ان الحياة صعبة, والبعض يقول انها جميلة والبعض الاخر يقول انها جميلة وصعبة. ولكن ماذا تقول شخصيات قصتنا؟؟؟ لنرى.... يوم الجمعه في الطابق الثاني من البيت بممر الغرف: خالد: بل بل اشهالويه واشهالكشه ريم وهي عند باب غرفتها: هه تتطنز علي..قاعده من النوم يعني اشتبي يكون شكلي خالد: عاد جذي..اقول روحي روحي مشطي شعرج وغسلي ويهج لحد يجوفج غيري ..ترى خرعتيني ريم: ارجوك عاد خالد: يالله روحي بسرعه خل نتريق..حدي يوعان ريم: مشت عنه ريم وراحت تغسل ريم في ثاني سنة جامعه تدرس محاسبه..بيضه وماشاء الله عليها جميله..وشعرها ناعم بس كيرلي..موب متحجبه ..عندها اخت واخو اللي هم خالد وعمره 26 سنه يشتغل في بنك و رهام اختها الصغيره عمرها 8 سنين..ابوها مدير في بنك دولي وامها ربة بيت... على الفطور..كلهم ينطرون ريم تيي عشان يتريقون..متعودين دايما يتريقون مع بعض سواء في ايام الاسبوع او الويكند.. رهام وهي تحرك الشوكه على الصحن: اف..ماما انا يوعانه..وين ريم ريم وهي داخلة غرفة الطعام: كاني كاني..حشى ماصارت خمس دقايق تأخرت عليكم خالد: اي خمس دقايق..من متى قاعده انتي...اكيد بتأخرين لي ماتمشطين هالكشه ريم: يمااا..جوفي شيقول عن شعري كشه.. ام خالد: ماعليج منه يمه..هو محتر من شعرج لان كيرلي اشحلاته خالد: وع..اي حلو...وهو يمسح على شعره..اصلا هي تتمنى شعرها مثل شعري انا ورهام حرير ومسبسب ريم: حبيبي شعري الكل يتمنى يسويه ومايصيده وانا الحمدلله طبيعي كيرلي...وبعدين لا تقعد تمسح على شعرك وتطيح لنا شعر في الاكل بوخالد: بسكم عاد من المناجر..خلونا ناكل يوم واحد بهدوء..وهو يناديي الشغاله...سيتي ..ييبي الجاي رهام مستانسه ابوهم زفاهم هه ام خالد: اليوم بعد لاتأخرون...برزوا اغراضكم بسرعه مافينا شدة يدتكم تاكلنا..وخصوصا خالكم محمد بيوصل اليوم من لندن... بوخالد: صج والله!! ياي بروحه بعد هالمره؟؟ واشكثر بيقعد هني؟؟ ام خالد: فديته اخوي خلاص بيستقر في البحرين ومعاه زوجته وعياله بوخالد: اوه اوه اشصاير...شاللي خلاه يفكر يرجع ام خالد: الشركه..بعد تدري شركة الوالد من بعد اخوي فيصل الله يرحمه مافي احد يديرها..فقرر يديرها هو بوخالد: زين زين...الله يوفقه..بس شلون رضوا عياله اييون معاه..جوفتنا اياهم من قبل 10 سنين... ام خالد: بعد الام والابو بيستقرون هني لازم يرجعون معاهم..فديتهم خالد: بووو..انا ريان لو اجوفه الحين ماذكره..وحتى سارونه ... ريم: انا بعد.. محمد كان يدرس في لندن وعقب ماخلص دراسه حصل شغل هناك وتزوج من وحده اماراتيه كانت تدرس معاه...وهناك استقروا ...وعنده ريان اللي هو من عمر خالد وساره اكبر من ريم بسنه... في بيت اليده: اليده: صوفي..صوفي..صوفي ويهد صوفي: نعم ماما..شنو يبي اليده وهي متخصره لها: سودة الويه..شنو بعد شنو يبي...روحي طلعي الطقم الابيض وجهزي الطاولة بسرعه...مابي احد يوصل والمكان موب جاهز.. صوفي وموب عاجبها: ان شاء الله .. اليدة: تحجي عدل..وبسرعه يالله ..صج الخدم يطلعون روح الواحد اليد: والله محد مطلع روحهم الا انتي...شوي شوي عليها اليده: هذا انت...دوم تدافع عنهم...جم مره قلت لك لاتدخل روحك وانا ازفهم اليد: الحين خلصتي من هالمسكينه وافتريتي علي انا.. اليده: اقول قوم روح المسيد احسن لك..الحين شوي وبأذن اليد: لاحول الله... في بيت بوخالد: ريم وهي تحاجي بنت خالها فيصل في التلفون: ها حنون متى بتروحون بيت يدتي؟؟ حنان: والله مادري على فهد اخوي..خبرج للحين راقد..سهران لي الصبح مع ربعه ريم: بعد اجازه...خل يطلع يستانس...مو انتي تقولين كل ملوع جبدكم في البيت حنان: هههه ومن قال لج ان كان سهران بره....هني في الميلس مع ربعه يلعبون بلي ستيشن ريم: ههه ياحليله ولد خالي..ريال..مايطاوعه قلبه يخليكم نسوان بروحكم حنان: هي انتي شنو نسوان...مافي الا امي مره..وانا لحيني انسه جني البخت حنان سنه ثالثه جامعه..من عمر ساره...وفهد عمره 30 سنه .دكتور جراحه ام خالد وهي تنادي ريم: ريم...ريم ..يالله يمه اذن..قومي صلي عشان نتجهز ونروح بيت يدتج ريم: ان شاءا لله يمه الحين...ريم وهي تكلم حنان..يالله حنونه اجوفج بيت يدتي...باي حنان: اوكي حبي ..باي ريم..قامت صلت الظهر..وتبرزت...طلعت لها جينز مع توب تركواز مزخرف بورود بنيه وعليه حزام عريض... رتبت شعرها..حطت لها ميك اب خفيف وتعطرت ونزلت... بوخالد: يه يه..اشهالكشخه..هذي بنتي ..الله ماعطني هالجمال وانا مادري ريم: يبا..استحي خالد: عدااال..وهو يقلد على كلامها..يباااااا استحييي بوخالد: ماعليج منه بابا..الا وين رهومه؟؟ ريم: كاهي نزلت مع امي.. بوخالد: هلا والله..هلا حبيبتي... ام خالد: يالله توكلنا على الله خل نمشي... في بيت اليده ..الكل تجمع هناك...بيت ام خالد...وزجة المرحوم بوفهد وعياله...وبيت ام احمد اخت ام خالد اللي عندها بس احمد يشتغل مع خالد في نفس البنك.. ريم وهي تسلم على يدها: قوه يدي...شخبارك؟ اليد: هلا بنيتي الحمدالله..انتي شخبارج؟؟ ريم: الحمدلله بخير... اليد: للحين ماتحجبتي... ريم وهي منحرجه: لا يدي اليد: الله يهديج يابنتي...جوفي حنان اشحلاتها بالحجاب ..حتى بالحجاب قمر ريم وهي تتحلطم عند حنان: اوف كل مره نفس الاسطوانه.. حنان وهي تضحك عليها: تحجبي وفكي روحج من حنته.. ريم موب عاجبها الكلام: سكتي انتي بس سكتي..خل اروح المطبخ اساعدهم... حنان: ماله داعي...الخدم كلهم في المطبخ...وامهاتنا هناك..يعني مايحتاج نتعب روحنا وتصير ريحتنا طباخ.. اليده عقب ماسمعت كلام حنان: يمه منج انتي...مادري على من طالعه كسوله جذي...صيري مثل ريم تعرف السنع... حنان وهي تتحلطم عند ريم: ههه...اليد كان مفتر عليج والحين انا اليده ثنتينهم: هههههه الا خالد ياي من وراهم: تطنزون عليهم ها..تبوني اقول لهم الحين حنان: بل بل خلود...صج اذنك تلاقط...لايبا مافينا شده يشتغلون علينا مره ثانيه خالد ضحك عليهم وراح الصاله الثانيه قعد مع ابوه و فهد واحمد وبو احمد... ريم وهي تدور تلفونها: اوهووو وين تلفوني؟؟ حنان: يمكن نسيتي في السياره ريم: اوووف..لا تقولين مافيني شده اطلع مره ثانيه حنان: قولي حق خالد اييبه لج ريم: مادورتي الا خالد عاد..قامت وراحت عند ابوها...يبا يبا..عطني مفتاح السياره نسيت تلفوني طلع بوخالد المفتاح وعطاها... راحت السياره تدور تلفونها ماحصلته ..نزلت تدوره بين الكراسي جافته طايح تحت كرسي ابوها..وبالزور قدرت تطلعه بعد معاناه..وفي هالوقت كان في واحد طويل,,اسمر وخشمه سيف..يقول حق القمر قوم وانا اقعد مكان...من دريشه غرفته..يطالع من اللي قاعده تحوس في السياره وهو فيه الضحكه على شكلها...وبعدين صك الستاره.. عقب ماجافت التلفون ..عدلت روحها...وقفلت السياره بتدخل البيت.. داخل بيت اليده..على ماريم تدخل البيت...محمد خالهم نازل من فوق مع زوجته وعياله بوريان: السلاام عليكم الخالات: عليكم السلام..انتوااا هني...متى رديتوا؟؟ اليده وهي تضحك: اليوم الفجر ام خالد: وليش ماقلتي لنا يما.. اليده: حبيت اسويها لكم مفاجأة سلموا الخالات على اخوهم وزوجته بوريان وهو يكلم عياله: سلموا على عماتكم...وهو يعرفهم عليهم ام خالد نادت عيالها وعيال اخوانها..عشان يسلمون عليهم خالد: ريان...تغيرت ..ماشاء الله من وين يايب هالطول ريان وهو يضحك: الله يخلي طول الوالده الكل: هههه حنان تكلم ساره: الحمدلله عالسلامه حبيبتي ...نور البيت ساره: بوجودكم حبيبتي..شخبارج؟؟ ام خالد تكلم حنان: حنان يما وين ريم حنان: راحت تييب تلفونها من السياره ريان وهو يضحك في خاطره...لا يكون هذي هي اللي كانت تعابل في السياره خالد: حشى للحين تدور تلفونها ريم: وهي داشه ويهها احمر من الشمس...تجوف زادوا الناس مستغربه..هذي له من وين دخلوا انا ماجفت احد دخل البيت ام خالد: تعالي يما ريم سلمي على خالج وزوجته وعياله...من الفجر هم هني واحنا ماندري ريم وهي تركض لخالها: هلا خالي...الحمدلله عالسلامه.. بوريان: الله يسلمج حبيبتي ام ريان: ماشاءالله...هذي ريم..والله كبرت وحلوت ريم وهي مستحيه: هلا خالتي...شخبارج؟ الحمدلله عالسلامه...وبعدين سلمت على ساره بوريان: هذي ريان...اكيد ماتعرفينه... ريان وهو ميت من الضحك من داخله عليها...وهو يذكر شكلها.. ريم: الحمدلله عالسلامه..شلونك ريان؟؟ ريان وهو ميت من الضحك: هلا ريم الله يسلمج ريم وهي منقهره منه على طريقة ضحكته..اشفيه ذي قلت شي يضحك انا والا شكلي فيه شي غلط...صج قليل ادب ريم وهي مفتره على حنان: صج ثقيل..الحين انا قلت شي يضحك... حنان وهي ترص على ضرسها وتتبسم: سكتي لا يسمعج... اليده: يالله يما السفره جاهزه حياكم عالغدا.... وهم يتغدون... ام ريان: شلونكم بعد شخباركم؟؟؟والله وحشتونا..ماتتصورون اشكثر اشتقنا للبحرين واهلها اليده: البحرين واهلها بعد مشتاقين لج... ريان: مانزل عينه عن ساره...طول ماهو يتغدى ساكت ويتأمل في جمالها...ماتوقعت عندي بنت عمه حلوه جذي... خالد: ريان تشتغل والاتدرس؟؟ ريان: لا توني مخلص ماجيستير هندسة طيران خالد: ماشاءا لله..زين زين الله يوفقك ريم وهي بس من قهرها عليه: عاد احد ياخذ ماجيستير قبل لا يشتغل.. ريان: وهو موب عاجبه اسلوبها: ليش مايصير..؟ ريم: لا موقصدي..بس تاخذ البكالوريوس وتشتغل بعدين تاخذ الماجيستير احسن..عشان يتماشى مع طبيعة شغلك.. ريان: والله مادرينا انسه ريم ...والا جان خذينا رايج قبل لاندرس ريم انقهرت من اسلوبه معاها واسكتت..في قلبها..صج ثقيل خالد وهو يطق اخته: ماتعرفين تسكتين..لازم تراوينهم طولة لسانج حنان وهي تبي تلطف الجو: الا اقول ساره...شلون عن دراستج شنو بتسوين؟؟ ساره: باكمل درراستي هني...برزت كل اوراقي عشان على بداية السنة ابتدي حنان: الله يوفقج خلصوا الغدا والكل قعد في الصاله الكبيره يسولفون ويسالون عن احوال بعض... اليده عقب نصف ساعه جذي: صوفي ..صوفي...صووووووفي... اليد: بس صمختي اذنا...ناديها بالعدال اليده هذي بصراخ وماتسمع بعد مو بالعدال..ولاتدخل لي اناديها بوريان: هههه...انتوا للحين جذي حنان: هههه ولي باجر خالي اليده: انتي بعد جب...محد قال لج ابدي رايج الكل يضحك عليهم اليده وهي للحين تنادي صوفي لين مايات لها: وانتي ماتسمعين اناديج...روحي ييبي الجاي والسويت بسرعه... ريان وهو يكلم فهد واحمد وخالد: شكلها مطلعه عينها يدتي ههه احمد: اوف....ماجفت شي للحين....الله يعينكم اقول دام بتعيشون هني.. ريان: ههه... نهاية الجزء الاول..

مبروك لفرنسا ولزيدان

لــولاالأمــــل الجزء السابع بشركة بوعبدالله... بوخالد بمكتب بوعبدالله قاعدين يسولفون... دخل عليهم طلال وقطع سوالفهم بوعبدالله: انت للحين هني ياولدي طلال: شاسوي ياعمي شغل وايد بوخالد: يعطيك العافيه...بس اذا على الشغل مابيخلص لاحق عليه بوعبدالله: روح البيت ارتاح وباجر كمل الشغل اللي بيدك طلال: أي انا قلت جذي بعد...بس قلت اقعد معاكم شوي واسولف بوخالد: حياك ...افا عليك بس بوعبدالله: موب جنه ابوك طول بالسفر هالمره؟؟ طلال: أي..لان المصنع بيفتتحونه اسبوع الياي بوخالد: ليش هو وين مسافر؟؟ طلال: اليابان بوخالد: بووو اليابان مره وحده!!! طلال: أي..تعرف المصانع هناك وايد ناجحه اكثر من هني...فالارباح اللي بيحصلها ثلاثة اضعاف عن هني بوخالد: الله يوفقه ان شاء الله ويديمها عليه من خير ونعمه بوعبدالله: الا اقول طلال طلال: هلا عمي بوعبدالله: اشصار عن مناقصة الشركة المنافسه؟؟ طلال: والله ياعمي للحين محيرتني ...ماعرفنا شلون نغطي حساباتها ونتفوق عليهم بوعبدالله: امممممم اشرايك اعزمك عالعشا في بيتنا وتييب الاوراق معاك ونحاول نحللها بوخالد: ياحبك للشغل...وبعد محصل لك واحد يساعدك كملت طلال: خخخخ..اللي تامر في يا عمي بوعبدالله: خلاص عيل ننتظرك في البيت طلال: صار....اصلي العشا واجهز كل شي واييكم بوعبدالله: نترياك استاذن طلال منهم وتموا بوخالد وبوعبدالله بروحهم... بوعبدالله: تصدق هالولد طلع خوش واحد.... بوخالد: تعرف...انا كنت متردد من شغله معانا....بس الصراحه اثبت وجوده بمده قليله جدا بوعبدالله: طالع على ابوه ماشاء الله عليه بالسكشن... اياد مانزل عينه عن عبير...طول ماالدكتور يشرح هو سرحان فيها وسرحان بالصدفه اللي خلته يجوفها مره ثانيه... عبير كانت قاعد بالصفة اللي على يمين اياد...بس شوي جدام... صلاح يكلم اياد: اياد...اياد وصمخ اياد: هاااا اشفيك؟؟ صلاح: تعرفها؟؟ اياد: من؟؟ صلاح: البنت اللي كنت تخزفيها من اول مادخلت السكشن اياد: أي بنت؟؟ صلاح: علينا الحركات؟؟ القمر اللي قاعد بذيج الصفه اياد: حلوه صح؟؟ صلاح: اوف انها حلوه...بس من وين تعرفها؟؟ اياد: هذي زبونه ياتني في البنك..وصدفه جفتها بالسكشن هني صلاح وهو يضحك: موب يمكن تطلع دلوعه بنت الصباحي اياد: وانا اشعرفني فيها اذا دلوعه او لا...اسكت اسكت بس خل ننتبه للشرح صلاح: علينا الحركات...للشرح و الا تبي ترد لسرحانك فيها اياد: اوهووو....اشفيك اليوم.انتبه ولاعليك عبير: افنانوااا...صج زحمه السكشن ماتوقعته جذي افنان: ولا انا...بس تصدقين الطلبه كلهم صغار ..اثنين بس كبار...كلهم من اعمارنا عبير: أي ...زين عشان مانحس روحنا غلط بالسكشن هنادي: اشفيكم تتبسبسون ثنتينكم عبير: تقول اللي بالسكشن كلهم من اعمارنا يعني موب مثل ماتوقعتي هنادي: بس شكلهم ثقال ولا ينبلعون عبير: لازم تطلعين عيب ...ماتقدرين الدكتور: اشششششششششش..ممكن تنتبهون معاي صلاح: ههههه مسكين القمر...سكتوه اياد: هاها مايضحك في بيت اياد... نهاد وهي تحط العصير يمها ويم عيسى: عيل رحت تنتظرها في المجمع عيسى: بس خساره ماجفتها نهاد: هههه مسكين اكيد مابتجوفها...ذاك اليوم بالصدفه جفتها عيسى: اه يالقهر بس نهاد: المهم ماعلينا... يبت الكتاب اللي قلت لك عليه؟؟ عيسى: أي كتاب؟ نهاد: كتاب السيرة النبويه عيسى: اوووووووه..نسيت تصدقين..بس باجر اكيد بايبه لج نهاد: بنجوف عيسى: اشرايج اييب فيلم ونقعد نجوف؟؟ نهاد: أي والله جانزين..مافي برامج عدله بالتلفزيون عيسى: اوكي...دقايق بس راح عيسى ياب جم فيلم عنده عشن يجوفونهم عن الملل ببيت بوعبدالله.. طلال وبوخالد وبوعبدالله...قاعدين يتعشون بالصاله....شوي الا عبير داخله البيت عبير: السلام عليكم الكل: عليكم السلام عبير انتبهت ان في احد معاهم على طول ردت على ورا... بوعبدالله: تعالي بابا ...لاتستحين عبير وهي يايه بحيا: السلام عليكم طلال: عليكم السلام بوعبدالله: بابا ماعرفتي طلال؟؟ عبير باستغراب: لا والله طلال في قلبه: ماشاء الله عليج..من صغيره وانتي حلوه..ماتغيرتي بوعبدالله: هذي طلال اللي كانوا جيرانا قبل عبير بابتسامه: صج!! مااصدق عبير في قلبها...والله وصرت وسيم ياطلول...اللي يجوفك قبل مايجوفك الحين طلال: لا صدقي بوخالد: جفتي شلون صار ...يأكلونه عدل بيتهم هههه عبير: شخبارك؟؟ وين اختفيت؟؟ طلال: اختفيت مع الدراسه عبير: ها وان شاء الله بيضت الويه؟؟!! بوخالد: أي خذ الماجستير عبير: ماشاء الله... اشتغلت؟؟ طلال: أي الحمدلله عبير: وين؟ طلال: في شركة بوعبدالله عبير: صج!!! ماقال لي ابوي طلال: كا انا قلت لج هههه وقعدوا يسولفون ويتذكرون ايام قبل....ونسوا ان هم مجتمعين عشان يكملون شغلهم عند بيت اياد... بسيارة صلاح رفيجه اياد: جفتها شلون..ماشاء الله عليها صج جميله صلاح: بس شالفايده...الغرور راكبها من راسها لركبها اياد: طبيعي ...اي بنت بتسوي جذي صلاح: عاد موب جذي قعدوا يتذكرون الموقف اللي صار بالسكشن... لما خلصت المحاضره عبير وصديقاتها كانوا قااعدين يسولفون ....وهم مندمجين بسوالفهم مر عليهم واحد من اللي معاهم بالسكشن ...اللي كان طول الوقت يخز فيهم ويحاول يتحرش باي طريقه...محد كان منتبه له الا عبير...مر عليهم وطق يده بيد عبير بالعمدا عبير حدها عصبت ووقفت له: صج ماتستحي...ماتعرف تطالع جدامك وانت تمشي الصبي انحرج: مسامحه الشيخه بالغلط عبير: بالغلط!!! عبالك ماعرف هالحركات... البنات يسكتون فيها بس هي موب راضيه تسكت....لان تدري هو متعمد نرد لصلاح واياد: جفتها شلون هزأت في الصبي؟؟ ماكان يقصد مسكين لا وفوق ذي طالعته من فوق لتحت ومشت عنه اياد: والله مادري شاقول لك...يمكن هو متعمد بعد من جذي عصبت عليه صلاح: شلون متعمد وهو يجوفهم اول مره؟؟ اياد: انا اشدراني..يالله اخليك انا....شكرا عالتوصيله صلاح: حاضرين اياد نزل من السياره وتفكيره كله في عبير...اللي خذت فكره بالكامل... شخصين يعيشون بهيام الحب بهالبيت الصغير بس هل راح يفوزون بحبهم اثنينهم وشلون؟؟ نهاية الجزء السابع السموحه عالقصور

يسلمووو ديفيلش.. بس انا تهاونت في تنزيل القصه لان ماجفت اقبال عليها وايد.... ان شاء الله انزلها جريب تحياتي

هاااااااااااااا وين مشاركاتكم؟؟

كل عام وانتوا بخير... اعذروني عالتاخير لولا الأمــــل الجزء السادس ببيت ام ابرهيم عالغدا.... بوابراهيم: نهاد وايد تاخرتي بردتج من المدرسه اليوم نهاد: شاسوي يبا...هذي مواصلات الوزاره...اييونا من وقت بس نوصل البيت متاخرين. تعرف يمرون فريج بنت بنت وجانزين بعد يوصلونا يم الباب...يوقفنا مكان بعيد لي مانوصل البيت نهلك عدل ابوابراهيم: ماعليه يابنتي تصبري...بعد شتسوين عيسى: ولايهمج نهود خل اطلع لي ذيج السياره بس كل يوم باوديج واييبج من المدرسه نهاد: بوووو...لي تطلع السياره انا تخرجت من المدرسه عيسى: ماعليه اوصلج للجامعه اياد: خوفي تدشين الجامعه وتتخرجين وهو للحين ماطلع هالسياره اللي يحن عليها من زمان عيسى: نطروا علي انتو بس... ابراهيم: يعني انتي وايد متضايقه من باص الوزاره؟؟ نهاد: اوف وايد ام ابراهيم: ماتجوفها مسكينه لي ترد من المدرسه شلون حالتها ام ابراهيم: عيل من باجر باجوف لج باص خاص يوديج واييبج لي عند باب البيت...اشرايج نهاد: صج برهوم؟؟؟ بعد عمري والله اياد: عيل انا بعد جوف لي باص خاص يوديني وييبني الجامعه عيسى: ههههههههههههه...صج ملقوف ابراهيم: انت بعد ليش تبي باص..كا انا اوديك واييبك اياد: متى اجمع لي فلوس السياره انا بعد وافتك بوابراهيم: الله يعطيكم على قد نيتكم بعد الغدا كل واحد راح غرفته يرتاح شوي.... عيسى موب قادر يشيل صورة لطيفه من باله....ماشاء الله عليها ادب واخلاق وجمال.. ياترى ممكن الصدف تجمعنا مره ثانيه... وهو سرحان فيها طقت نهاد باب غرفته... عيسى: من؟؟ نهاد: انا ..اقدر ادخل؟؟ عيسى: حياج نهاد: شتسوي؟ عيسى: ماسوي شي نهاد: عيل ليش مارديت علي بسرعه عيسى: ولاشي...ماتاخرت وانا ارد نهاد: صار لي خمس دقايق وانا ادق عليك الباب تقول لي ماتاخرت...سرحان في منو؟؟؟ عيسى مايقدر يخش شي على اخته نهاد..قال يقول لها عشان تقدر تشاركه اللي بقلبه ههه عيسى: تصدقين نهاد نهاد: أي.. بس شنو؟؟ عيسى: هههه....اليوم صادفت بنت في مطعم...شغلت تفكيري كله...ياهي ادب..ياهي اخلاق ..ياهي جمال نهاد: بس بس ...لاتكمل...هذا انتوا الصبيان من تجوفون بنت تسوون لكم هالحركات عيسى: افا نهوود.... الحين انا صرت مثل هالصبيان نهاد: لا ..بس انا اقول الواقع عيسى: بس انا مو من هالصبيان اللي يقصون عالبنات وانتي تعرفيني عدل..بعدين انا اغار على كل بنت مثل ماغار عليج نهاد حست ان عيسى تحسس من كلامها له.....يا عيسى ياخوي انا ماقصدتك انت...انزين قول لي....شلون شغلت هالبنت تفكيرك؟؟؟ عيسى: تبين تعرفين...وهو يطالعها بنص عين نهاد: اكيد ابي اعرف...مو يمكن تصير مرت اخوي بالمستقبل عيسى: اه منج...الا الفضول بس ذابحج تبين تعرفين تم يقول لها السالفه كلهاااااا.... نهاد بعد ماخلص اخوها السالفه: يااااي...مثل الافلام الهنديه... عيسى وهو يطق على راس اخته: ماعندج تشبيه الا بهالافلام نهاد: بعد اللي صار معاك جذي عيسى: تهقين راح اجوفها مره ثانيه؟؟ نهاد وهي تبتسم: شكلك حبيتها من اول نظره عيسى بتردد: لاااا...بس ودي اجوفها مره ثانيه نهاد: من يدري...يمكن تجمعك الصدف مره ثانيه عيسى بتنهد قوي ويدينه رافعها للسما: ان شاء الله نهاد ميسته عليه من الضحك: الحمدلله والشكر بس هههههههههههه اليوم عبير طلعت سيارتها اليديده من الوكاله..راحت مع عمها بوخالد... عبير وهي تركب السياره: بابا ...حدي خايفه..احس ريلي ثقيله ماباقدر امشيها بوخالد: هههه...الحين بس من خرعة السياره يصيدج جذي...سمي باسم الله ومشيها للبيت عبير ويدها عالسكان: بسم الله الرحمن الرحيم... راح بوخالد لسيارته ولحقته عبير بسيارتها اليديده... وهي تسوق رن موبايلها بس من الخوف ماردت على المكالمه ...ماتبي تتخسبق في السواقه... عمها اللي كان يتصل... بوخالد: لا حول..هذي من اولها قامت تحقر المكالمات ماترد عليهم بعدين اشبتسوي هههه والله حاله... يوم وصلوا عند البيت دخلت السياره الكراج ونزلت منها ....عمها كان واقف عند الباب ينتظرها.. بوخالد: انتي من اولها قمتي ماتردين عالمكالمات؟؟ عبير: بعد اخاف ادعم وانا اسوق بوخالد: الله يعينه عيل عبير: ههههه اشفيك عمي؟؟ بوخالد: اقول باجر باشتري لي سماعات تلفون عشان تردين علينا مره ثانيه عبير: أي والله عمي تسوي خير هههه وهم يسولفون ابوها توه طلع من البيت ويه الحديقه لهم لما جافهم من فوق... بوعبدالله وهو يتفحص السياره: الله الله ...اشهالزين..يعطيج خيرها ويكفيج شرها عبير: ان شاء الله بوعبدالله: بس شوي شوي سوقي بابا... بوخالد: هي من بدايتها ماقامت ترد عالتفون بوعبدالله: أي زين...ااذ انتي تسوقين لاتردين على احد عشان ماتدودهين وانتي بالطريج بوخالد: سمعي بس شيقول عبير: هههه بوخالد: باجر باشتري لها سماعات عشان تتحجى بهم وهي تسولف بوعبدالله: أي زين زين...يالله حل ندش داخل عن الحر هني بوخالد: أي يالله.. عشان ناخذ شاور ونصلي المغرب ونتجهز عبير وبوعبدالله باستغراب: ليش؟؟؟!!! بوخالد: عازمكم عالعشا بمناسبة السياره اليديده عبير: الللللللللله....بنقول حق هالووه تيي معانا بعد بوخالد: افا عليج قولي حق كل من تبين تقولين له عبير: بعد عمري عمي والله بوعبدالله: وانا؟؟؟ عبير: انت حياتي وروحي وكلها كلهم: هههههههههههههههه دخلوا البيت وعلى طول عبير اتصلت في هاله وقالت لها تجهز روحها... بالبنك اياد اليوم ماعنده جامعه فدوامه المغرب اليوم.. اياد وهو يسولف مع زميله بالشغل: بس احس السكشن بيصير زحمه صلاح: اكيد بيغير السكشن لان سكشنا صغير ومافيه مكان اييب طلاب زود اياد: بس عاد شيصبرنا على طلاب الصباحي.. دلايع حدهم صلاح: ههههه..يعني انت كنت دليع قبل اياد: لا.. بس تعرف الجيل الحين كل واحد وكل وحده شايف بعمره صلاح: ماتدري...يمكن يطلعون حليوين غير مانت متوقعهم اياد: ان شاء الله... باجر بنجوف صلاح: يالله خل اروح على مكتبي لا ياكلني مديري بعدين اياد: هههه ...اوكي اجوفك بعدين بشركة بو علي.... بوعلي وهو يدقق بالاوراق اللي بيده: تاكدت من الحسابات عدل ؟؟ علي: أي يبا.. كل شي مضبوط بوعلي: الله يعطيك العافيه ياولدي....ويخليك دوم سند لي ان شاء الله علي: وعامر بعد يبا...ان شاء الله لي رد البحرين يحط يده بيدنا ونرفع الشركه فوق بوعلي: الله يسمع منك ياولدي...مع اني قاطع الامل من اخوك علي: اشدعوه يبا....هو الحين طايش بالدراسه بس ...باجر لي اشتغل بيحس بالمسؤليه ويتغير بوعلي: كل شي جايز رن تلفون علي ...هاله اللي كانت متصله فيه... علي: هلا هاله هاله: علي وين ابوي؟؟ علي: كاهو يمي ...ليش؟؟ هاله: عطني ابي احاجيه علي: وليش ماتصلتي على تلفونه؟؟ هاله: تلفونه مغلق ...عطني اياه علي: انزين انزين.... بوعلي: هلا يبا...قولي هاله: يبا باروح مع عبير بنت خالتي نتعشى...عمي بوخالد عازمنا عالعشا..لان اليوم عبير طلعت سيارتها اليديده بوعلي: زين زين...يعطيها خيرها ويكفيها شرها هاله: اروح يبا؟؟ بوعلي: روحي يبا ... دامج مع عبير ماعليج خوف علي من سمع اسمع عبير فز قلبه بسرعه هاله: مشكور يبا... مع السلامه بوعلي: مع السلامه يابنيتي...تحملي بروحج علي بعد ماسكرت هاله التلفون: اشعندها هاله يبا؟؟ بوعلي: بتروح تتعشى مع عبير..اليوم طلعت لها سياره يديده وبوخالد عازمهم عالعشا علي: اوووه اخيرا طلعت لها سياره... زين زين.. بوعلي: بس ان شاء الله ماتصير مثل اختك وتكنسلها علي: هههه لا لالا عبير ماعليها خوف ....مو مثل هالو مستهتره بوعلي: ان شاء الله علي على طول راح مكتبه ودز مسج لعبير يبارك لها عالسياره اليديده... علي بعد مادز المسج: ياريت تحسين بمشاعري بس..وتحسين باللي داخل القلب بغرفة بوخالد.. بوخالد: حبيبتي...ماتبين تيين معانا؟؟ رهام: مايصير عمري..بعدين يشكون فينا.. بوخالد: والله واحشتني...صار لي اكثر من اسبوعين ماجفتج رهام: تعال البيت مع عبير عشان تجوفني بوخالد: والله حياتي ماعندي وقت...بس ان شاء الله افضى اييب عبير ونزوركم شوي الا عبير تدق الباب على عمها بوخالد: من؟؟ عبير: برزت عمي؟؟ تراني انا وابوي ننتظرك تحت بوخالد: كاني ياي ياي...دقايق بس عبير: لا تتاخر بوخالد: لا ماباتاخر بوخالد وهو يحط السماعه عند اذنه: يالله حبي ...اخليج الحين...اكلمج لي رديت ان شاء الله رهام: ان شاء الله..تحمل بروحك حبي بوخالد: انتي بعد... باااااي رهام: باي باي نزل تحت بوخالد لهم ومروا على هاله البيت وخذوها.... هاله اول ماطلع عبالها بيوون لها بسيارة عبير... هاله: وين سيارتج عيل؟؟ عبير: ههههه...باجر بتجوفينها الصبح لي مريت عليج هاله: وليش ماييتي فيها الحين عبير: توني يايبتها من الوكاله تبين اطلع فيها الحين...باجر باجر هاله: شنو نوعها انزين؟؟ عبيرك باجر الصبح بتعرفين هاله: عنيده....مادري عمي بوعبدالله وبوخالد شلون مستحملين عنادج كلهم: ههههههههههه بوعبدالله: بعد هذي الغاليه لازم نستحملها هاله: الله يخليكم لبعض ان شاء الله راحوا مطعم هونج كونج وتعشوا هناك.... اليوم الثاني.... البنات كلهم باركوا لعبير على سيارتها اليديده.... افنان: فظيعه سيارتج عبير.... سعاد: انا ميته كنت ابي اطلع لي بي ام بس ابوي مارضى البنات: يعطيج خيرها ويكفيج شرها عبير: ها اشرايكم ناخذ فره فيها بالجامعه البنات: أي أي...خل ناخذ فره ركبوا السياره وتفرروا في الجامعه شوي عبير طلعت لها بي ام دبليو زرقه فاتحه ..وطالعه حدها راقيه فيها.. في الجامعه بالكافتيريا... عائشه: يعني وليد هو اللي مطلع لها السياره؟؟ رهام: لا ابوها طلع لها... بس وليد هو اللي خلص لها كلها شي عائشه: ماتغارين من علاقة وليد ببنت اخوه؟؟ رهام: ليش اغار...احد يغار من علاقة عم ببنت اخوه عائشه: لا موب قصدي...بس عبير ماخذه وقته كله عنج...وفوق ذي ان هو مابيرتبط فيج الا زوجها رهام حدها انقهرت من عائشه: عائشه لو سمحتي...قلت لج من قبل مابي نتحجى بهالموضوع مره ثانيه...بعدين لاتنسين ان عبير بنت اختي ومستحيل اتضايق من علاقتهامع عمها....عن اذنج عائشه: وين بتروحين؟؟ رهام: عندي محاضره....باي رهام كانت وايد معصبه من كلام عائشه لها....عشان جذي ماحبت تزودها معاها فخذت اغراضها وطلعت... بسكشن عبير.... افنان: تستاهلين عبير والله عبير: مشكوره حبيبتي سعاد: أي زين طلعتي لج سياره عشان تروحين وتيين على كيفج هاله: أي عشان تطلعني أي حزه ابي عبير: هههه يالله جوفوا.. سهام: اوووف...مالي بارض احضر محاضرة المسائي...لو ادري حذفتها افنان: هذي للحين ماحضرتها وجذي سهام: المسائي كريه... كل ناس كبار ...مافي احد من قدنا هاله: من قال لج ....في طلاب وايد من قدنا...اللي يشتغلون ويدرسون عبير: أي صح..بعدين يمكن تجوفين لج عريس المستقبل من المسائي سهام: مافي امل ههههه بيت اياد... عيسى توه راد من بره....على طول راح لنهاد...اللي كانت بالصاله تطالع تلفزيون عيسى: السلام عليكم نهاد: عليكم السلام عيسى: بروحج قاعده؟؟ نهاد: أي ...امي وابوي راحوا بيت يدتي واياد راح الجامعه عيسى: ليش مارحتي معاهم؟ نهاد: مابي اطلع....اشفيك متضايق؟؟ عيسى: تصدقين رحت مجمع العلوي اليوم ماجفتها نهاد: هههههههههههههه ....يعني الحين تبي البنت تطيح هناك عشان تجوفها عيسى: لا قلت يمكن اجوفها نهاد: اما انت نكته....لهالدرجه ميت عليها عيسى: تصدقين عاد.. نهاد: هههه..انزين اسوي لك عصير معاي؟ عيسى: أي والله ياريت نهاد: اوكي...دقايق بس بجامعة المدينه....وبالسكشن بالتحديد... اياد وصلاح قاعدين يسولفون مع بعض لي مايي الدكتور... بنفس الوقت عبير وصديقاتها دخلوا السكشن....كانوا وايد مستحيين اياد من جاف عبير سكت مره وحده وهو يسولف بذهول....موب مصدق ان نفس البنت اللي بالبنك معاه بالسكشن... نهاية الجزء السادس... انتظروا البقيه... تحياتي

الله يسلمج بحرينيه...ويعافيج.. تسملمين عالمرور الحلو.. نحياتي

يسلموووو عالمرور والمشاركه الحلوه... تحياتي

تسلمون عالمشاركه كلكم... وهذا البارت اليديد..مسامحه عالتاخير لولا الأمــــل الجزء الخامس بوخالد كان بس يطالع عبير وهي تتعشى....لما حست ان بس يراقبها ماياكل شي...وقفت عن الاكل.. عبير: بابا..ليش تطالعني جذي؟؟ ليش ماتاكل؟؟ بوخالد بابتسامه: مستانس عبير: من شنو؟؟ بوخالد: منج.... عبير ابتسمت له بس بوخالد: تعرفين...الزين اللي فيج ان على حكرتج بهالغرفه بس تاكلين عبير: ههه... بوخالد: صج..يعني على الحاله اللي كنتي فيها كنت متوقع انج ماتاكلين كلش عبير: فعلا هذا اللي كان يصير بوخالد: شلون؟؟ عبير: انا ماكنت اكل اصلا....ماكنت اقدر احط اي لقمه بحلجي... بوخالد: شاللي خلاج تاكلين عيل عبير: صادني اكثر من مره هبوط....وسوء تغذيه...فاضطريت اني اكل شوي بوخالد وايد مستانس منها ان على الرغم اللي فيها تحافظ على صحتها... بوخالد: وليش ماتحاولين تطلعين روحج من هالظلمه بعد عبير: مااقدر بوخالد: انتي ماحاولتي عشان تقولين مااقدر عبير: والله عمي حاولت بس مااقدر بوخالد: شاللي يمنعج؟؟ عبير: نفسي...ابوي... الناس.... بوخالد: شلون؟؟ عبير: احس ان مالي ويه اواجه روحي واوجه الناس باللي صار ....احس انا السبب باللي صار كله...وان الناس بتلومني على هالشي بنظراتها لي بوخالد: هذا اللي انتي تجوفينه بس....والا تفكيرج بهالشي كله غلط عبير: لا موب غلط بوخالد: انزين...وابوج؟؟ عبير: ااااااااه ابوي..بعد تسأل عن هالشي بوخالد: اي... ابي ا عرف عبير: ابوي هو اللي تسبب لي بهالحاله اللي عشتها طول هالفتره....هو اللي حرم عايلة فقيره سعادتها بوخالد: بس ابوج نادم على هالشي ....بلسانه قال لي عبير: عقب شنو عاد؟؟ شالفايده من ندمه بعدما هدم حياتي وحياة .....سكتت ماقدرت تكمل بوخالد حس انها متضايقه وايد....فماواصل معاها نقاش بهالموضوع ولا قال لها ان الصبي عايش مامات...ينتظر الفرصه المناسبه عشان يقول لها... بوخالد وهو يضحك: يالله انا انتظر عبير: شنو؟ بوخالد: انتظر عصفورتي توكلني عبير: هههههه... ان شاء الله بعد اسبوع من وصول بوخالد....اللي ماخله عبير ولادقيقه تقعد بروحها....على طول كان متواجد معاها....بس للحين ماقدر يطلعها من غرفتها...ابوها قاعد ينتظر هالوقت بفارغ الصبر.... بيت اليده...بعد صلاة العشا رهام قاعده بالصاله مع علي... رهام: شخبار الشغل؟؟ علي: تمام...بس ابوي يكرفنا كرف رهام: هههه..زين عشان تتعلمون الشغل عدل علي: اي زين,,,,انتي تعرفين شنو..عامرو مايسوي شي... اي شغل ابوي يعطيه ايي يقطه علي رهام: ليش ماتقول حق ابوك عن هالشي علي: ماابي اسوي سوالف رهام: عيل خل يقص عليك علي: خالتي رهام: خير علي: اسألج سؤال بس ماتزعلين مني رهام: شنو؟ علي: اكيد ماتزعلين رهام: قلت لك اي.. قول علي: ليش انتي وبوخالد هديتوا بعض رهام تبلعمت من فوقها لتحت ماعرفت ترد عليه رهام: ها...بس جذي علي: شلون بس جذي...وانتوا كنتوا تموتون على بعض رهام: ماصار لنا نصيب ان نواصل علاقتنا....واذا لنا نصيب ناخذ بعض...بيصير بيوم من الايام علي: اي بس كان شكل بوخالد يوم رحنا بيتهم مايوحي ان راح يكون نصيب بيوم من الايام..ويبين ان زعلان وحاط بخاطره وايد رهام: اوهوووو علي...الحين اشياب هالشي على بالك...انت قلت لي سؤال واحد..خلاص علي: انزين انزين....خلاص باسكت رهام: اي احسن علي: يالله انا ماشي..تامريني بشي رهام: سلامتك...وصل سلامي علي: يوصل ان شاء الله...سلمي على يدتي رهام: يوصل بعد مامشى علي.... تمت رهام تفكر في بوخالد....ولاشعوريا دموعها قامت تنزل من عينها... كانت تتذكر كل اللحظات الحلوه اللي صارت بينها وبين بوخالد...من عرفته لي ما اختفى مره وحده من حياتها.. في غرفتها ...قاعده عالكرسي المتحرك وتصيح على حالتها...دخلت عليها امها تسالها اذا محتاجه شي اولا...جاوبتها انها بخير وماتحتاج اي شي.. طلعت عنها وهي تفكر بالشخص اللي اذته...والمشاكل اللي سببتها.....وكل اللي يتردد في بالها ان اللي صادها عقاب من رب العالمين على اخطائها... قبل ثلاث سنين من هالوقت..... بالجامعه... افنان: عبيرووو...شلون سيارتج اليديده؟؟ عبير: ههههه...اشفيج مفاجأه افنان: قولي لي..ابي اعرف عبير: لا تستعيلين بعد يومين باستلمها افنان: انا شيصبرني يومين عبير: لا يكون انتي بتسوقينها وانا ماادري افنان: هههه..ابي اعرف عبير: صبري..بعدين تعرفين سعاد: السلام عليكم عبير وافنان: عليكم السلام افنان: وين سهام؟؟؟ سعاد: مابتيي...تقول امها عندها موعد بالمستشفى وهي اللي بتوديها افنان: يالله خل نروح السكشن ..مابقى شي عالمحاضره تحركوا من الكافتيريا عشان يروحون السكشن سعاد: افنانوااا..جوفي جوفي المعجب واقف فوق عبير: هههه...خلاص حفظنا مكانه وحزته افنان: هههه..اي والله دخلوا السكشن...وتموا يسولفون شوي لي ماايي الدكتور افنان: اليوم بتطلعين عبير؟؟ عبير: اي..باروح مع عمي افتح لي حساب بالبنك بعدبن سعاد: متى بعدين؟؟ عبير: الساعه 10 افنان: بتردين الجامعه مره ثانيه عبير: اي بارجع... بمجمع العلوي... عيسى مع ربعه يتريقون بديري كوين... عيسى: تأخروا ذلين...ماصارت جمعه: هههه..هالكثر يوعان؟؟ عيسى: اي..ماتعشيت البارحه ناصر: الحين بييبونه لا تستعيل عيسى: مااقدر اصبر...تدرون باروح اجوفهم قام من عالكرسي...عشان ينزل تحت يجوف اذا جهز الاوردر والا لا... وهو نازل من عالدرج يركض...مانتبه للي جدامه...دعم ببنت راكبه الدرج...وطيح الاكل اللي بيدها كله... عيسى: مسامحه... والله مانتبهت لاحد جدامي البنت ساكته بس تطالعه...رفيجتها اللي تحجت: اشفيك اخوي..ماتجوف عيسى يوم جاف البنت وقف يطالعها بس...والبنت بعد..رفيجتها بس تزف فيه ربعه يوم سمعوا صراخها يو بسرعه ناصر وجمعه: اشصاير..اشصاير؟؟ عيسى: ها؟؟ ماصار شي ماصار شي رفيجة البنت: اي ماصارشي... طيحت الاكل كله وتقول ماصار شي جمعه يكلم ناصر بالعدال: بل...عليها لسان ههه ناصر: ههه..هذي مطيح اكل رفيجتها وجذي..عيل لو مطيح اكلها اشسوت جمعه: جان طقته بنعالها ناصر وجمعه: ههههههههههههههه عيسى: مسامحه الشيخه بس والله ماكنت منتبه....الحين اشتري لج وجبه ثانيه البنت بهدوء: لا مايحتاي...ماصار الا الخير رفيجتها مبطله عينها ومنقهره على برودها عيسى: لالا..لازم اشتري لج... البنت: لا والله ماله داعي عيسى: لا خلاص..انا قلت باشتري لج يعني باشتري عبير: والله مايحتاي..بعدين السندويتش ماصاده شي....باشتري لي انا جبس وبيبسي ثاني عيسى: لالالا.. انا باشتري نزل بسرعه تحت وطلب لها جبس وبيبسي.... ناصر وجمعه ردوا طاولتهم مره ثانيه...والبنت ورفيجتها راحوا فوق وقعدوا على طاوله من الطاولات بعد ماجهز اوردر عيسى وربعه...شال الصينيه وراح فوق خذ الجبس والبيبسي...وعطاه البنت عيسى: اسف مره ثانيه البنت بابتسامه: لا عادي....ثانكس بعد ماتحرك عيسى من يمهم رفيجة البنت: مااقدر على برودج يا لطفوا...مطيح اكلج وتسكتين عنه لطيفه: مسكين مايدري.... جيهان: اي مايدري...ماجفتي شلون كان يركض وهو نازل لطيفه: انزين بس...هذي لو مطيح اكلج اشسويتي فيه جيهان: جان طلعت عينه لطيفه: هههه.. جيهان: لا ويازعم كلش بعد مع بدلة الجيش لطيفه: اشحلاته اصلا.... جيهان: من؟؟ بدلته والا هو لطيفه: ههههه..بياختج اقول بس ناصر: يازعم ذرب بعد تشتري لها واحد ثاني عيسى: بعد طيحت اكلها مسكينه جمعه: اما رفيجتها صج عليها لسان...مثل لسان يدتي كلهم :ههههههههههههه عيسى مانزل عينه من عالبنت وهي بعد...طول ماياكلون يطالعون بعض ويتبسمون عيسى...حده وسيم...حنطي البشره...شعره اسود كثيف... عريض الاكتاف ..وطوله وايد حلو متناسق مع جسمه... لطيفه..بعد حنطيه..بس قصيره...لكن رشاقتها محليه جسمها وطولها... جيهان بعد بنفس طول لطيفه تقريبا. لكن اضعف منها.... على الساعه 10 بوخالد خذ عبير من الجامعه وراحوا البنك عشان يفتحون حساب يديد.. بالبنك... مكتب اياد الوحيد اللي كان فاضي هالحزه...بوخالد وعبير راحوا لعند مكتبه بوخالدوهو يقعد عالكرسي مع عبير: السلام عليكم اياد: عليكم السلام بوخالد: اخوي بغينا نفتح حساب اياد: ان شاء الله..باسم من؟؟ بوخالد: باسم عبير اياد وهو يطالع عبير: ان شاء الله.. اياد...ماشاء الله عليها صج حلوه.... اياد: جم عمرها بوخالد: 19 سنه اياد: تعطيني البطاقه السكانيه لو سمحتي عبير: ان شاء الله... طلعت عبير بطاقتها من الشنطه وعطتها لاياد اياد: شوي بس.. اسوي كوبي عليها وايي بوخالد: خذ راحتك راح اياد عشان ينسخ البطاقه بوخالد ياه له تلفون وتحرك من عند عبير شوي.. بعد ثلاث دقايق تقريبا رجع اياد مره ثانيه اياد: تفضلي بطاقتج عبير: شكرا اياد: جم بتحطين بحسابج؟؟ عبير: ماعرف والله..عمي اللي بيفتحه اياد: اها.. عبير تهز ريلها ومنزله راسهاعالارض...اياد طول الوقت يطالع فيها... بوخالد بعد ماخلص تلفونه رد مره ثانيه بوخالد: مسامحه.. اياد: لا عادي اخوي كملوا الاجراءات وقال لهم بيتصل فيهم اول ماتبرز البطاقه... اياد: اتصل على اي رقم اخوي بوخالد: على رقم عبير...يمكن مااقدر انا استلمها فهي تيي اياد: اصلا لازم هي تيي تاخذها بروحها..مايصير احد ثاني بوخالد: اها... بعد ماخلصوا بوخالد وعبير طلعوا من البنك واياد سرحان بعبير... بشركة بوعبدالله... بوعبدالله: يابو طلال انت تامر وانا نفذ بوطلال: الله يخليك...بس اشرايك نخلي طلال ولدي يستلم الحسابات...تعرف الولد عنده ماجستير ويفهم بهالسوالف بوعبدالله: ماطلبت شي يابوطلال....بعدين طلال يه بحزته لان مدير الحسابات اللي عندي بيرجع ديرته هالشهر... بوطلال: صج...يعني طلال يه بوقته بوعبدالله: أي والله... بوطلال: عيل من باجر اخلي ايي يداوم عشان يتعلم الشغل بوعبدالله: صار بوطلال رفيج بوعبدالله المقرب.....وولده طلال توه متخرج بس شاطر بسوالف الحسابات... بعد ماخلصت عبير من البنك ردت الجامعه وبوخالد رد الشغل مره ثانيه... افنان: عبيرواا مادريتي الدكتور اشقال عبير: شنو؟؟ افنان: المحاضره حولها مسائي عبير باستغراب: حلفي؟؟ افنان: والله...خلاها الساعه 6 المغرب... عبير: ليش عاد؟؟ افنان: يقول لان بيصكون سكشن الصباحي بسبة ان العدد قليل...فقال بيدمجنا مع المسائي عشان ما يصكونه عبير: اهااااااا...زين سوا..عالاقل ماتروح علينا الماده سعاد: أي والله عبير: وين هاله؟؟ مايات لكم سعاد: لا والله..من جوفتنا اياها الصبح بعد ماجفناها مره ثانيه عبير: غريبه..خل اتصل فيها اجوفها وين دقت رقم هاله عشان تكلمها.. عبير: الووو...وينج انتي؟؟ عبير: اهاااا..يعني مابتردين معاي بعدين؟؟ عبير: اوكي... تحملي بروحج..باي سعاد: وينهي؟؟ عبير: قاعده تشرح حق وحده معاها في السكشن ...وبترد معاها بعدين سعاد: اهاااا...واشله ماتصلت ؟؟ عبير: ماعندها كردت افنان: هههههه مسكينه بعد ماخلص عيسى وربعه ريوق تموا يسولفون لي ماقاموا البنات من على طاولتهم...طبعا عيسى اللي كان ينتظرهم... نزلوا معاهم للباركات....وجيهان بس تتحلطم عليهم عند لطيفه... وبالصدفه سيارتهم يم بعض... عيسى مانزل عينه ولا دقيقه لي ماركب السياره وحركها ناصر من عند البارك.. لطيفه بعد نفس الشي...بس لما وصلوا يم السياره ماطالعته...استحت منه لانهم جراب من بعض... جيهان: صج عينه قويه.....لي ماركب السياره وهو يخزج لطيفه ماردت عليها سرحانه بشكل عيسى بس... جيهان وهي تطالعها: الحمدلله والشكر عليج وعليه بالسياره... ناصر: اشفيك خظيت بنت الناس خز عيسى: صج حلوه... ناصر وجمعه: هههههههههههه جمعه: اول مره تجوف بنت حلوه...وايد بنات حلوين عيسى: لا بس هذي غير ناصر: الحمدلله والشكر بس عيسى: جفت ويها شلون برئ...حتى لما طيحت اكلها ماقالت شي..طالعتني بابتسامه بارده.. جمعه: ههههه..لالا شكله الاخ راحت عليه خلاص عيسى: ياريت تجمعنا الصدف واجوفها مره ثانيه ناصر وجمعه بنفس الوقت: الحمدلله والشكر عيسى سند راسه عالدريشه...وقعد يتخيل ويهها مره ثانيه..من طيح الاكل اللي بيدها لي ماركبوا السياره... نهاية الجزء الخامس... مسامحه ماقدرت اكتب اكثر بسبب انشغالي هالايام.... احاول في البارتات اليايه ان شاء الله.. تسلمون وتحياتي... انتظروا مفاجات البارت الياي..

يسلمو عالمرور .. حبيت اضيف ان اسعار التذاكر تبدأ من 5 دينار للكبار و2.5 للصغار

يسلمو عالمرور...

لولا الأمـــل الجزء الرابع... اليوم اول يوم دراسي للجامعه....الكل مجهز روحه لهاليوم...من بنات وصبيان.... عبير وهاله ابتدوا اليوم ثاني سنه لهم بالجامعه,,,, ببيت بوعبدالله... عبير بغرفتها قاعده تتجهز....حطت اللمسات الاخيره على ويهها من المكياج الخفيف ....لبست شيلتها ودفتها....تبخرت وتعطرت ....ونزلت تحت الصاله عشان تتريق مع ابوها وعمها قبل لا يروحون الدوام... عبير وهي تنزل من الدري ....بوعبدالله وبوخالد قاعدين على طاولة الطعام ينتظرون عبير... عبير: صباح الخير بوعبدالله وبوخالد: صباح النور ... بوعيدالله: هلا والله..هلا ببنيتي بوخالد: اشحلاتج صايره بالشيله....ان شاء الله دوم لابستها عبير بابتسامه: انا مالبستها الا اني مقتنعه فيها...يعني على طول راح البسها بوخالد: الله يهديج بوعبدالله: ليش بنتي مينونه الكل: هههههههههههههه بوعبدالله: تعالي يمي...تعالي عبير: احس مالي نفس اكل.... بوخالد: كل ذي عشان الجامعه...بعد انتي ثاني سنه ..لو اول سنه قلنا ماعليه عبير بدلع: لاااا...بس من الصبح مااقدر اكل...في البريك باكل بوعبدالله وهو ماد يده لعبير: انزين اكلي هاللقمه عشاني عبير: عشان خاطرك بس...وهي تاكلها... بوخالد: يالله عيل نمشي...عشان ماتتاخرين على الجامعه ولا على دوامي...مافيني شده بعض الناس يخصمون من راتبي..وهو يطالع بوعبدالله عبير: هههههه.. لالا تخاف .دام عندك ظهر وهي تأشر على روحها...ماراح يخصمون الكل: هههههههههههه عبير وهي تبوس راس ابوها: مع السلامه بوعبدالله: في حفظ الرحمن...تحملي بروحج يبا عبير: ان شاء الله بوخالد: يالله ...هالوا الحين بتفضحج ...تأخرنا عليها وايد عبير: يه...خل تتنتظر..محد قال لها تكنسل سيارتها في بيت بوعلي... هاله قاعده تحت بالصاله تنتظر عبير تمر عليها.... علي كان نازل من فوق عشان يروح الدوام.. علي: صباح الخير هاله: هلا صباح النور علي: للحين مارحتي الجامعه؟؟ هاله: انتظر الآنسه عبير تمر علي علي مستانس ان عبير اللي بتيي: بروحها؟؟ هاله: لا..مع عمها بوخالد علي: اها...الا باسألج هالوا هاله: شنو؟؟ علي: ليش عمي بوعبدالله ماياخذ سياره لعبير..جذي مايصير على بوخالد درب كل يوم هاله: عمي قال بياخذ لها..بس هاي ماتبي علي: ليش ماخذه الليسن عشان تتمنظر فيه بس هاله:ماادري عنها والله وهو يسولفون عبير طقت رنه لهاله ان هي يم الباب هاله: اخيرا يو...يالله باي علي: باطلع معاج مره وحده هاله: عشان تجوف حبيبة القلب علي: جبي زين... هاله ركبت السياره..سلمت على عبير وبوعبدالله علي قبل لا يركب سيارته .راح يم سيارتهم عشان يسلم عليهم علي: السلام عليكم بوخالد وعبير: عليكم السلام علي: شلونك بوخالد؟؟ شخبارك؟؟ بوخالد: الحمدلله بخير..انت شخبارك؟؟ علي: الحمدلله علي وقلبه يدق: عبير شلونج؟؟ عبير: الحمدلله بخير... انت شلونك؟؟ علي: الحمدلله....تأخرتوا,,,من مساعه قاعده تتحلطم عليكم هذي هاله: انا؟؟ اشعليكم منه... عبير: ماتكون هاله اذا ماتحلطمت هاله: وانتي بس تبينها من الله عشان تحطين علي الكل: ههههههه علي: يالله اخليكم..عشان ما تتأخرون بوخالد: ههه اوكي...مع السلامه علي: مع السلامه بالسياره... بوخالد: هاله...متى بتنتقلون لبيتكم اليديد؟؟ هاله: يمكن بعد شهرين عبير: بتصيرون بعاد عنا هاله: بس بنجوفكم وايد...لان بيكون لاصق ببيت يدتي عبير: اي اشوه بعد جذي هاله: بس باتوهق لروحة الجامعه بعدين بوخالد: لا لاتحاتين... هاله: ليش؟؟؟ بوخالد: سمعت ابوج يقول ان بيخلي سايق الشركه يودييج وييبج هاله: صج!! ماقال لي بوخالد: يمكن بيقول لج بعدين..لي انتقلتوا هاله: يمكن..لو ياخذ لي سياره والله احسن عبير: اصلا ابوج تعقد من سياقتج بعد ماكنسلتي ذيج السياره هاله: انا موب اول وحده تكنسل سياره... بوخالد: ماعليه...مرده يوم من الايام بيشتري لج سياره ثانيه..هو خايف عليج الحين هاله: يالله..اهم شي في احد يوديني وييبني عبير: اي اهم شي هاله: وانتي.متى بتاخذين لج سياره عبير وهي تطال عمها بابتسامه: انا؟؟ للحين ماافكر هاله: والله انتي غريبه...في بنت تاخذ الليسن ماتبي سياره؟؟ عبير: اي انا بوخالد بس يضحك هاله: الحمدلله والشكر بس بوخالد وعبير: ههههههههههههههه هاله: اشفيكم؟؟ اثنينهم: ها؟؟ مافينا شي...نضحك عليج بس هاله ماعرفت هم ليش يضحكون.... عبير اليوم بتروح مع بوخالد المعرض عشان تحجز لها سياره....ماقالوا لها عشان يسوونها مفاجأه... ببنك****** اياد قاعد يخلص معامله لزبون.... اياد: انا باكون موجود للساعه اربع...لان بعدين عندي جامعه الزبون: عيل اذا جذي...باييك باجر الصبح عشان اوقع باقي الاوراق اياد: على راحتك... الزبون وهو قايم ن عالكرسي: مشكور ماقصرت اياد: حاضرين... الزبون وهو يسلم عليه: يالله مع السلامه اياد: مع السلامه مشى الزبون من عند اياد....رفع اياد سماعة التلفون واتصل في اخوه ابراهيم... اياد: ابراهيم لا تتأخر علي ابراهيم: انت متى محاضرتك؟؟؟ اياد: الساعه 5 ابراهيم: بس اوكي..اربع باكون عندك اياد: اوكي..باي بعد ماسكره ...زميله في البنك ناده عليه...وراح له.. بالجامعه.... عبير وهاله تلاقوا مع افنان وباقي البنات عند السكشن... عبير: هلا والله هلا...شخبارج؟؟ افنان: الحمدلله.. سلموا على كل البنات..بعدين دخلوا السكشن.. هاله: افنانوا....المعجب من مساعه راز الويه فوق ...جفتيه؟؟ افنان: اي جفته...بس ماعطته السين انا عبير: انتوا من وين تييبون هالالفاظ؟؟؟ شنو السين؟؟ سعاد: ههههه...السين يعني اجنور ...يعني حاقرته عبير: الحمدلله والشكر...مصادقة لي صبي انا مو بنت افنان: هههه خفيفه سهام: بس حلو افنانوا....لو انا منج من زمان تعرفت عليه افنان: حبيبتي... انا موب فاضيه لهالسوالف... انا يايه ادرس موب احب سهام: ايه على الحب.... متى ايي الشخص اللي يطق باب قلبي...ويفتحه بمفتاحه سعاد: يالله خذ....عبالها في الافلام..قاعده تتحلم جذي هاله: افنانوا...اكو واقف فوق جوفيه... طلت عليه من دريشه السكشن اللي تطل على مبنى البزنس...يقدرون يجوفون من واقف في الطابق الثاني افنان: اي والله...لا.يازعم مايطالع ههه سهام: بس حرام...صار لج معذبته سنه كامله افنان: لا حرام ولا شي..محد قال له يتعلق فيني...واذا كاسر خاطرج..اخذيه... سهام: جانزين يبيني... الكل: ههههههههههه دخل الدكتور ....تعرف عليهم وتعرفوا عليه....عطاهم فكره عن الماده شوي.... بشركة بوعبدالله.... بوخالد بمكتبه يتحجى في التلفون... بوخالد: حبيبتي...يعني انتي بتنتظريني كل هالمده رهام: اكيد...انا بعد بقى لي سنه ونص على ماخلص دراسه...ولي اتوظف ووو..بتكون عبير ان شاء الله تزوجت بعدين احنا نتزوج بوخالد: والله انا بس اطمن عليها ..بعدين يرتاح بالي رهام: هذي بنت اخوك وجذي....عيل لو كانت بنتك اشكنت بتسوي بوخالد: هههه..انا ادعي ربي بس ان اتزوج واحصل بنت مثلها...تعرفين شنو عبير بالنسبه لي؟؟؟ هذي حياتي كلها.... رهام: الله يخليكم حق بعض...بعدين لا تنسى اني انا خالتها بعد بوخالد: هههه..جفتي عاد...عمها وخالتها بياخذون بعض اثنينهم: ههههههههههههههههههه بوخالد: انزين حياتي ...اخليح الحين انا رهام: اوكي عمري بوخالد: تحملي بروحج رهام: انت بعد سكروا من بعض التلفون...رد بوخالد لشغله...ورهام ردت لرفيجتها تسولف معاها... عائشه رفيجة رهام: كنتي تكلمين وليد؟؟ رهام: اي فديته عائشه بغيره: مايفكر ايي يخطبج الحين؟؟؟ رهام: لا . قلت لج ننتظر عبير بنت اختي تتزوج بعدين احنا بنتزوج عائشه: واذا هي ماتزوجت؟؟؟انتوا ماراح تتزوجون؟؟ رهام: لا في ذي الشي ...بتكون حاله ثانيه عائشه: هو لو يحبج صج..جان يه اخطبج من هلج وماتعذر لج على عبير رهام: اشتقصدين؟ عائشه ببخث: مااقصد شي رهام: اهم شي اني اعرف اشكثر هو يحبني وانا احبه...وضامنه ان راح نرتبط ببعض في نهاية المطاف عائشه: بنجوف رهام: عائشه انتي اشفيج علي؟؟ بدال ماتستانسين لي...تحرضيني عليه عائشه بارتباك: ها...لا والله حبيبتي مافيني شي...بس انا ابي مصلحتج رهام: مصلحتي اعرفها عدل عائشه: انزين اسفه...خل نروح نلحق عالمحاضره رهام بهالفتره كانت تدرس البكالوريوس...هي تأخرت شوي بدراستها لان كانت تاخذ مواد قليله...وعائشه رفيجتها المقربه لها.. بس وايد تغار منها...فوق ذي عينها على بوخالد نرد لحالة عبير الحاليه.... قامت من عالكرسي.... بطلت الدرج اللي بطاولة الدراسه.. توها بتطلع كتاب من الدرج...سمعت طقة باب.... عبير كالعاده ماتعبت روحها تسأل من عند الباب... كل اللي سوته تحركت من مكانها وقعدت عالكرسي مره ثانيه...وعطت ظهرها للباب... الخدامه كانت يايه هالحزه يايبه عشا عبير....دخلت ...حطت العشا على الطاوله الصغيره اللي بغرفتها...وطلعت .... بوخالد جاف الخدامه طالعه من الغرفه... بوخالد: عبير قاعده ؟؟ سيتو: اي بابا...بس مسل كل يوم...قاعد عالكرسي بروحه بوخالد: بس اوكي روحي انتي طق الباب ودخل لها الغرفه... بوخالد: عبير عبير: نعم بوخالد: انا اليوم عشاي بيكون معاج عبير كانت للحين ماعطه ظهرها عمها ولا تحركت من عالكرسي....بس ابتسمت ابتسامه عريضه لما سمعت ان بيتعشى معاها...بهاللحظة تذكرت ايام قبل لما كانوا يتعشون مع بعض..هي وعمها وابوها... بوخالد: افا...يعني ماتبيني اتعشى معاج؟؟ خلاص انا باطلع... توه بيطلع.. دارت له عبير بعد ماخفت ابتسامتها عن ويهها : عمي وليد بوخالد: عيون وليد..طوايف وليد عبير بابتسامه: تعشى معاي بوخالد: اصلا من غير ماتقولين...غصبا عنج كنت باتعشى معاج...عبالج كنت باطلع ..ههه لا كنت باصك الباب وباغصبج تاكلين معاي لا شعوريا عبير ضحكت بقوه .... بوخالد حد مستانس من ضحكتها..... بوعبدالله بعد كان وايد مستانس.....كان واقف عند باب غرفتها لما سمعها تضحك... بوعبدالله تنهد بقوه: اخيرا..اخيرا هالبيت سمع ضحكتج؟؟؟ متى بس اسمعها انا بعد بوجودي معاج.. تحرك من مكانه وراح غرفته يرتاح عشان عبير ماتحس لوقفته .... نهاية الجزء الرابع... انتظروا البقيه.. تحياتي

تبدأ حلبة البحرن الدوليه بموسمها الجديد المليء بسباقات جديده ..... في 29 و 30 سبتمبر 2005 تبدأ بطولات سباقات الـGP2 التي تعتبر نوعا من رياضة السيارت تم تقديمها هذا العام 2005 للتأهل لعالم ال F1 . وتعتبر البطولة المهد الأساسي وافضل تمرين للسائقين وللفرق وللتأقلم مع عالم الـ F1 وتؤمن البطولة مبدأ المساواة بين جميع الفرق والسائقين الذين يستخدمون نفس الشاصية والمحرك والاطارات لابراز القدرات والمهارات القيادية للسائقين يتضمن اليوم عدة استعراضات لفعاليات اخرى تمكن حامل تذكرة الـGP 2 من الاستمتاع بها... فمن هذه الفعاليات... استعراض الدراجات الناريه استعراض السرعه استعراض السيارات المميزة مغمرات جولة الدفع الرباعي وذلك بركوب سيارة الهامر H3 تحدي المينيز ثندر ارابيا يمكن الحصول على على كافة المعلومات والاجابة عن جميع استفساراتك من خلال اتصالك لحلبة البحرن الدوليه بمركز الاتصالات على الرقم 17450000

لولا الأمـــل الجزء الثالث بعد هدوووء طويل ساد بين الاثنين....بوخالد قام من عالكرسي...وتحرك لعند الدرج....حط يده عالمقبض.... بوخالد: طول هالمده سكت ولا قلت حق بنتك اللي قاعده تتعذب كل يوم عبالها ان مات؟؟؟ بوعبدالله: هي ماعطتني هالفرصه...حاولت اشكثر اني اقعد واتكلم معاها..بس هي تصدني.... بوخالد: تبي تقول لي ان من الحادث مانطق لسانها بلسانك؟؟ بوعبدالله: ولابكلمه..لي كنت احاول اكلمها...تصارخ علي عشان ابتعد عنها... بوخالد: لان الحادث صار جدامها.....والموته بعد كانت جدام عينها بوعبدالله: الصبي مامات بوخالد: اي..بس هي عبالها ان مات... بوعبدالله: شاسوي الحين؟؟ بوخالد: ليش ماخليت اهل الصبي يكلمونها؟؟؟ بوعبدالله: هي رافضه تجوف اي احد بوخالد: تدري شلون..خل هالموضوع علي....انا بحاول اقول لها كل شي بوعبدالله: خلها تتفهم كل شي...وترد عبير الأوليه بوخالد: ان شاء الله.. طق جرس البيت...وراحت الخدامه تبطل الباب ....كانوا خالات عبير يايين...ام علي مع هاله وعلي...اليده والخاله رهام.... رهام تصير خالة عبير الصغيره..عمرها 26 سنه....تشتغل ببنك **** بوعبدالله: هلا والله..حيا الله من يانا اليده: الله يحيك..شخبارك بوعبدالله؟؟ بوعبدالله: الحمدلله بخير...اانتوا شخباركم؟؟ الكل: بخير الحمدلله علي وهو يسلم على بوعبدالله: شلون عمي؟؟ شخبارك؟؟ بوعبدالله: الحمدلله ياولدي.. هاله: عمي شلونك؟؟ ام علي: بوعبدالله شلونك؟؟ رهام: قوه بوعبدالله بوعبدالله: الحمدلله بخير... بوعبدالله: حياكم تفضلوا مافي احد غريب...بس اخوي وليد بوخالد اليده: بوخالد هني؟ متى رد من السفر بوعبدالله: اليوم الصبح....حياكم حياكم رهام فز قلبها بسرعه من سمعت اسم بوخالد: وليد هني؟؟ متى رد؟؟ تحركوا من عند الباب وراحوا الصاله... بوخالد كان قاعد وسرحان في حالة عبير...مانتبه للي يايين الكل: السلام عليكم بوخالد لما انتبه للناس اللي يايه قام من مكانه بسرعه: عليك..... وكمل مره وحده: عليكم السلام بوخالد من جاف رهام....حس بشي يمنعه من الكلام..ونفس الشي رهام اليده: شلونك بوخالد؟؟ شخبارك؟؟ بوخالد والتوتر طاغي عليه: الحمدلله بخير...انتوا شلونكم؟؟ الكل: بخير علي: قوه بوخالد..شخبارك؟؟؟ والله مكانك يبين بوخالد:..بخير الحمدلله....الله يخليك ام علي: وينك مره وحده اختفيت؟؟ بوخالد: شاسوي...حكم القدر...وهو يطالع رهام رهام بكل تردد: الحمدلله عالسلامه بوخالد بوخالد والقهر مالي قلبه: الله يسلمج رهام...شخبارج انتي؟؟ رهام بتنهد: الحمدلله بخير علي الانسان الوحيد اللي يعرف عن العلاقه اللي كانت تجمع بين رهام وبوخالد...بس للأسف كلها انهدمت بيوم واحد.... بوخالد: عن اذنكم... اليده: وين بوخالد؟؟ بوخالد: اخليكم تاخذون راحتكم ام علي: اشدعوه..انت موب غريب... بوخالد: ماعلي..ان شاء الله مره ثانيه....بس تعبان شوي من السفر اليده: اذا جذي عذرناك خلاص ....روح استريح علي: اي بعد يدتي ماترضى عليك...كل شي ولا انت الكل: هههههه بوخالد: الله يخليج....يالله استأذن الكل: اذنك معاك... رهام مانزلت عينها ولادقيقه عن بوخالد....بس هو كان طول الوقت حاقرها...ماعطاها ويه رهام: للحين ظالمني....ماعطيتني فرصه اشرح لك اللي صار....على طول شلت اغراضك ورحت بعيد عنا...بعيد عن الحقيقه... بوخالد يكلم روحه وهو يمشي بخطواته البطيئه...لج عين بعد تكلميني بعد اللي سويتيه؟؟؟ لا وتسأليني عن اخباري بعد...اخباري تعرفين شنو صار فيها من ذاك اليوم....ماادري ليش ماخليتج تندمين بذاك اليوم على اللي سويتيه؟؟ قهر كبير كان شايله على رهام...بس لو هو عطاها فرصه تكلمه جان ماعاملها جذي اليوم... دخل غرفته...وقفل عليه الباب عشان يرتاح...وينسى ان تقابل مع رهام...بس ماقدر...رهام كانت شاغله كل تفكيره...للحين قلبه شايل حبها...مايقدر ينساه.... صحت عبير من النوم.. وصداع رهيب براسها....لانها رقدت بصياحها.....جافت روحها عالسرير ومغطيه.....تذكرت ان عمها بوخالد كان هني..... قامت من الفراش....بندت الايسي....شغلت الليت (النور) ....دخلت الحمام غسلت ويهها وتيددت عشان تصلي صلاة المغرب اللي فاتتها وصلاة العشا.... بعد ماخلصت صلاة...قعدت تقرا ادعيه وقرآن....لاشعوريا دموعها كانت تنزل بقوه..تذكرت الشخص اللي حبته بقوه ...تذكرت حبها اللي كانت نهايته تعيسه.....تذكرت موته جدام عينها.... يارب تغفر له...وتدخله فسيح جناتك .... يارب تغفر لي قسوتي على ابوي...انا احبه...ومالي غيره بهالدنيا...بس مااقدر اسامحه على اللي سواه...قعدت تصيح بقوه...تحس روحها محتاجه ان تصيح بهالوقت...محتاجه ان تطلع اللي بقلبها بالصياح...... لما جافت روحها زودتها وايد...استغفرت ربها...شالت سيادة الصلاة والقران...ورجعتهم مكانهم.... راحت يم المستوالية...تطالع روحها بالمنظرة..... شكلي صار جذي؟؟؟ شعري شلون متقصف ....السواد مغطي تحت عيني....خذت بروش شعرها....حطتها على راسها عشان تمشط شعرها..... توها بتحرك البروش جافت يد ميوده بروشها....التفت وراها كان عمها بوخالد.... عبير: بابا؟؟ بوخالد: اخيرا سمعت هالكلمه بعد كل هالسنين عبير: متى دخلت؟؟؟ ماحسيت لك بوخالد وهو يمشط شعرها: اذا فكرج موب معاج شلون تحسين فيني؟؟؟ عبير: اشدراك اني قاعده؟؟ بوخالد: سمعت صوت الماي ...وسمعتج تصيحين وانتي تصلين.... عبير ساكته ماردت عليه.... بوخالد للحين يمشط شعرها: عبير عبير بصوت واطي: نعم بوخالد: اقدر ا تكلم معاج؟؟؟ عبير: كا انت تتكلم الحين... بوخالد: لاقصدي اخذ واعطي معاج....بس موب هني؟؟ عبير: وين؟؟ بوخالد: اي مكان على ذوقج عبير: لا...انا ماابي اطلع من البيت..ولا من غرفتي بعد بوخالد: بس جذي موب زين لج...جوفي الحاله اللي انتي فيها الحين...عاجبج الوضع يعني عبير: موب احسن من عيشة بره..ماوراها الا المشاكل...اقعد بغرقتي وافك نفسي من مشاكل الناس وافك الناس من مشاكلي... بوخالد: حبيبتي..لا تقولين جذي...انتي توج صغيره...بعدين انتي موب اول وحده تتعرض لهالشي....ناس اخس منج عبير قطعت عليه كلامه: بس انا ماابي اطلع...ماابي اطلع بوخالد: يصير ماتعصبين شوي....اذا كان لي خاطر عندج عبير سكتت ..تعرف انها غلطانه باسلوبها مع عمها بوخالد: الموضوع اللي ابيج فيه ضروري....يهمج انتي عبير مستغربه من عمها: شنو اللي يهمني؟؟؟ماعتقد في شي يهمني الحين بعد بوخالد: يصير ماتستعيلين في ردج؟؟ لو ماكان يهمج جان ماقلت لج عبير حست بفضول ياكلها تبي تعرف شنو الموضوع: انزين شنو الموضوع؟؟؟ قولي لي اياه هني بوخالد: الموضوع اللي ابي اقوله مكانه موب هني...مكان بره البيت بوخالد يبي بس يطلعها من الحكره اللي هي فيها الحين...وعشان يقول لها عن حبيب قلبها... عبير ماردت عليه.....تحس طلعتها من غرفتها ومن البيت بعد كل هالمده ثقيله وايد..... بالصاله تحت.... اليده: شلون عبير الحين؟؟؟ للحين حابسه روحها بغرفتها؟؟ بوعبدالله: مثل ماهي...موب راضيه تطلع من الظلمه اللي هي فيها هاله: دام بوخالد هني...اكيد بيطلعها من الحاله اللي هي فيها...بتجوفون علي سرحان يعبير... ياريت انا االلي اطلعج من اللي انتي فيه... ورهام سرحانه بوليد... تقدر تطلع الناس من مشاكلهم بس ماتقدر تطلع روحك من اللي عايش فيه الحين.... بوعبدالله: ان شاء الله ... ام علي: ليش ماقلت له من قبل ايي؟؟؟ بوعبدالله: بوخالد سافر بنفس اليوم اللي صار فيه الحادث...ولاادري وين كان مختفي...وليش؟؟ توه من فتره بس فكر يتصل فيني...ويخبرني عن احواله...,يوم كلمني قلت له عن عبير رهام: معقوله؟؟؟؟؟؟؟؟؟؟؟؟ بوعبدالله: اي ...ماادري اشفيه هو بعد... اليده: دام الله رده لك سالم..الحمدلله..وان شا ءالله عبير ترد لك بعد مثل الأول هاله: عمي اقدر اجوفها الحين؟؟ بوعبدالله: هي راقده الحين...انتظري عليها شوي...بعدين بنجوف اذا ترضى تكلمينها او لا بمجمع الدانه.... عامر يفتر مع ربعه بمحلات المجمع.....وماتم بنيه ماغربلوها بكلامهم.... عامر: جوفوا جوفوا البنت اللي هناك الشباب: اي وحده؟؟ عامر: اللي هناك...لابسه قميص احمر..تمشي مع بنتين واحد من ربعه: بوووووووو...صج قطعه.... عامر: اوف ان قطعه..خل نروح يمهم.... راحوا يم البنات عشان يتحرشون فيهم... عامر: يازين هالحلو اللي قاعد يمشي.... البنات حاقرينهم..ماردوا عليهم عامر: اشدعوه عاد...عطونا ويه بعد حاقرينه مايردون عليه عامر: افاااا....هالكثر الحلو خايف على جماله افترت عليه البنت وهي معصبه حدها: صج ماتستحي على ويهك...قليل ادب عامر وربعه بس يضحكون عليها.... عامر: اشفيج الحين عصبتي.؟؟ لاتعصبين ..جمالج بعدين يروح... البنت: اذا ماتحركت من هني..بنادي لك الامن يقطونك بره عامر باستهزاء: انزين انزين يبا...ماله داعي تعصبين....قولي امشوا عنا بنمشي... ليش هالعصبيه كلها البنت تكلم صديقاتها: خل نمشي عن هالاشكال....صج مايستحون عامر تفشل من كلامها..بس ماوضح هالشي حق ربعه.... واحد من ربع عامر: افا عامرووو..فشلتك .... عامر بعصبيه: من قال...اصلا هي تتنمى اني اواصل معاها بالحجي...بس تسوي روحها ثقيله واحد من ربعه غير: ماعليك منها....في بنات احلى منها يتمنون يكلمونك....خل نمشي من هني عامر حده منقهر عالبنت اللي هزأته.... البنات طبعا كانوا افنان وسعاد وسهام.....افنان هي اللي هزأت عامر...هي ماتعرف ان ذي ولد خالة عبير...لأن كان يدرس بره البحرين ...ورجع من سنتين بس...عقب الحادث.... سعاد: صج قليلين ادب... سهام: وايد....مايفكرون ان عندهم خوات ويمكن اي احد يسوي لهم هالحركات اللي قاعدين يسوونها افنان: انا اللي قهرني ان هالصبي السخيف مواصل تحرش.....ماستحى من كلامي سعاد: بس زين سويتي فيه....هالاشكال ماينفع معاهم الا جذي وقت العشا.... عيسى راح ينادي امه من غرفتها بعد ماجهزت لهم العشا... عيسى: يمه ...اشفيج قاعده بغرفتج؟؟ وعدتيني ان تتعشين معانا اليوم ام ابراهيم: انا عند وعدي يمه..الحين ايي عيسى: اوكي...ننتظرج نهاد رحت لابوها الميلس... نهاد: يبا ابو ابرهيم: نعم يبا نهاد: يالله العشا جاهز ابوابراهيم: بعدين باتعشى انا...تعشوا انتوا نهاد: لا..لازم تتعشى معانا اليوم ابوابراهيم: ليش في شي خاص اليوم؟؟ نهاد: اكثر من خاص بعد بوبراهيم باستغراب: شنو هالشي؟؟؟ نهاد: ام ابراهيم بتشاركنا العشا اليوم بوبراهيم: صج!!! نهاد وهي تسحب ابوها: اي صج...يالله قوم جدامي اجوف بوبراهيم: هههه...ان شاء الله ان شاء الله... راحوا الصاله...جافوا بس عيسى قاعد عند السفره نهاد: وين امي؟؟ عيسى: الحين بتيي....تعالوا قعدوا انتوا بوبراهيم: الله يدوم هاللمه ان شاء الله عيسى: ان شا ءالله....هالشي يعتمد عليكم انتوا ام ابراهيم كانت يايه الصاله... نهاد: يالله يمه...من مساعه ننتظرج ام ابراهيم: هههه..هذاني ييت عيسى ونهاد وايد مستانسين من هاللمه الحلوه اللي انحرموا منها طول هالسنين... تموا يسولفون طول الوقت.... يحاولون يغيرون الجو اللي كانوا عايشينه... بغرفة عبير.... عبير كانت قاعده عالكرسي الهزاز.....بوخالد دخل غرفتها مره ثانيه... بوخالد: للحين مافكرتي بمكان محدد؟؟ عبير: بابا بوخالد: عيوني عبير: اذا طلعت معاك...تقول لي ليش اختفيت مره وحده؟؟ بوخالد ماعرف يرد: الحين خل نطلع احنا بعدين يصير خير عبير: لا ابيك توعدني اول بوخالد: مافي شي اوعدج فيه..انا سافرت مره وحده عشان شغل عبير: وهالشغل يخليك تسافر بدون ماتقول؟؟؟ ولا حتى تتصل؟؟؟ بوخالد ماعرف يرد عليها...عبير حست ان في سر ورا هالشي....عشان جذي ماتبي تضغط عليه اكثر...شوي شوي راح تعرف منه هالسر بوخالد: اشقلتي الحين؟؟ عبير: عطني فرصه افكر بوخالد: اوكي ..بس لا تتأخرين عبير: من عندنا؟؟ بوخالد استانس من سؤالها: بيت خالتج ام علي. ويدتج..وو..وو..خالتج رهام عبير: اها بوخالد: ماتبين تنزلين تجوفينهم؟؟ عبير: لا...مابي اجوف احد بوخالد: عبير...مايصير جذي تحرمين الناس من جوفتج وتحرمينهم بعد....هاله بعد هني...ويايه تجوفج عبير تعرف هاله اشكثر تحبها...بس هي ماعندها الاستعداد تقابل احد بوخالد: اشفيج ساكيته.....يعني ماتبين تنزلين خلاص عبير: بابا...خلني جذي الحين. بوخالد ماحب يضغط عليها...هو مرتاح منها لانها قاعده تتكلم معاه...يعني باستطاعته ان يطلعها من العزله شوي شوي بوخالد بابتسامه: ان شاء الله...باخليج على راحتج الحين...لكن مع الايام راح اغيرج واخليج تحتكين بالناس مثل الاول... طلع من غرفتها...خلاها بروحها تفكر مع نفسها.... عبير... سامحني عمي...انا تعودت على الوضع اللي انا فيه الحين...مااقدر اقابل احد....احس بالخوف من كل شخص....واحس بحقد كبير بقلبي شايلته على الكل....انت الوحيد اللي اقدر ارتاح له الحين... تحت بالصاله.... اليده: عبير شكلها مابتقعد الحين...ولااعتقد في امل ان نجوفها هاله: لا...ابي اجوفها انا ام علي: مره ثانيه نييها...خل نروح الحين... بوعبدالله: وين تروحون؟؟ قعدوا تعشوا معانا اليده وهي قايمه من مكانها: لالا مايحتاي..نيي نتعشى لي عبير صارت بخير بوعبدالله: ان شاء الله هاله: اوهوووووو...والله كان خاطري اجوفها...احاول معاها عشان اخليها تتكلم ام علي: قالوا لج البنت راقده علي....يعني ماعندي حظ اجوفها رهام: يعني باروح بدون ماجوفك؟؟ واتكلم معاك اليده: يالله مع السلامه الكل: مع السلامه بوعبدالله: الله يسلمكم...لاتقطعونا عاد اليده وام علي: ان شاء الله هاله: عمي اول ماتقعد عبير خبرني ...ابي اجوفها بوعبدالله: ان شاء الله بعد ماطلع عمها من الغرفه...قعدت تفكر بروحها...واسترجعت ذكرياتها مره ثانيه..... نهاية الجزء الثالث.... راح تعرفون في البارت الياي بداية احداث القصه كلها...... تحياتي...

يسلموووو شهد عالمرور...