فلانة

اي بلى عاد جان ذي الليلة تكون اخر ليلة في حياته !

صح كلامك و في كل الاحوال اذا انت فاقد الثقة فيها ما اعتقد بترتاح معاها وكل شي في الدنيا قسمة و نصيب وفي الاخير اهي تتحمل ثمن خطأها

اذا انت تحس انها تابت و انها الحين ما عندها هالسوالف و انت تقول انك تحبها واهي تحبك يعني ما اظن فيها شي اذا سترت عليها و سبحان الي ما يغلط اهو فعلاً الي اهي سوته غلط بس اذا الحين ما عندها هالسوالف حرام تجازي على غلط ارتكبته و اكيد ندمانة عليه اما عن رفيجك الي في الشغل اول شي من الكلام الي تقول له شكله حاقد عليها و لو كان انسان محترم ما قط هالكلام و شوه سمعة البنية عند الي يسوى و الي ما يسوى حتى ولو ذي البنية كانت معاه كان لازم يستر عليها و في الاخير االبنت ما لها الا سمعتها و اهي ما حافظت عليهاا بس المسامح كريم وانا اقوول استر عليها اذا انت فعلاً تحبها و واثق فيها

اي اوافق في كل الاحوال حفلات الاعراس ما فيها الخساير

اكيد .... الي يهيني لازم اهينه

ما اصدق !!!!!!!!!!!!!!!!!!!!!! الله يرحمه

شراااايكم في الي يحب اكثر من وحده بس محتار في الاختيااار خصوصا اذا كان يحب وحده ومايبي يخسر الثانيه ؟؟ الحين اذا اهو يحب وحدة شنو الي يخليه يكلم وحدة ثانية او يحب وحدة ثانية ؟؟ اذا واحد يحب وحدة ما راح يحب غيرها !! يعني ما في شي اسمه شخص يحب ثنتين بس في شي اسمه واحد يلعب على ثنتين !! و ذي الشخص باختصار حقير لان يلعب بعواطف الاوادم وكذالك شرااايكم في الي تحب اكثر من واحد بس محتاره في الاختيااار خصوصا اذا كانت تحب واحد وماتبي تخسر الثاني ؟؟؟؟ نفس الرد الي فوق

اذا كان في الماضي و قبل الزواج عادي انسى السالفة و امشيها ... يكفي ان اهو قال لي

شرطي ان اهو الي يغسل و ينظف و يطبخ و يربي اليهال بعد

جان اكسر الكمبيوتر فوق راسه !!! و اخليه يندم على اليوم الي كلمهم فيه يعني اذا الحين زوجته او خطيبته عنده شنو هدفه انه يكلم بنات ثانين على المسنجر قوولواا لي بعد اخوة و صداقة !!!!

اهي اذا تحبه حرام تزوج واحد غيره و لا شلون يعني جافت بديل و اختارت الافضلية و اذا رفضت الي ياي متقدم لها ما تدرين اذا الصبي الي يحبها بيتقدم لها او لا خصوصاً ان عمره 18 سنة بس و اكيد بيعرف غيرها ! تدرين اشلون اهي الي يابت ذي الشي لنفسها فاهي الي لازم تقرر بروحها

من حق الام تسمية المولود

اي يعني تبيها 24 ساعة في المطبخ !! خذ لك طباخ احسن انزين و ليش انت ما تتعلم الطبخ ؟؟؟ و مدام ذي الشي من ضروريات البيت ليش الصبي بعد ما يتعلم اشلون يطبخ عالاقل يساعد مرته و لا يخاف على يده تخترب و لا شسالفة يعني ؟؟ زحمة !!!!!! يعني البنيه لما ما تدخل المطبخ دليعة و الصبي الي ما يدخل المطبخ في قمة الرجولة اوكي اذا البنت لازم تتعلم ذي السوالف من الصغر ليش الصبي ما يتعلمها بعد ؟؟ و لا يمكن عيب !!! لا و اشدخل الام في السالفة انزين و ليش الصبي ما يتعلم ؟؟؟ المشكلة ان الصبيان دايماً يعتقدون ان ذي السوالف للبنات بس و اهم محرمينها على نفسهم ما ادري ليش حرام و لا عيب اذا الصبي دخل المطبخ وطبخ مثل ما البنية تطبخ على ايام اول بنقول اوكي المرة مكانها بيتها و شغلتها تربي عيالها و تنظف البيت و هالسوالف بس الحين الامور كلها تساوت بين الصبي و البنت يعني مثل ما الصبي يروح يشتغل البنت بعد تشتغل فيصير التعب على البنت اضعاف التعب الي يتعبه الصبي لان الصبي حضرته بيروح يشتغل و بيرجع حضرته سيده بيروح و يرتاح و البنت مسكينه ترجع من الشغل عاد تعالي هني لشغل البيت !! انزين ما يقولون الزواج مشاركة .. ليش البنت لازم تتعلم تطبخ و الصبي لا و لا البنت شغلتها خدامة للصبي بس !!! يعني اذا الزواج مشاركة لازم يتشاركون في كل شي حتى في شغل البيت و الطبخ ! يمكن اشووي طلعت عن اطار الموضوع كل الي ابي اقوله ان انا لو صار و تزوجت ما راح ادخل المطبخ الا اذا ريلي دخل معاي و ما راح اطبخ الا اذا اهو طبخ !!!!!!! اما اذا بيخلي شغل البيت كل علي و يبيني 24 ساعة في المطبخ مب اهو الي بيطلقني انا الي بطرده من البيت ! عن نفسي انا ما اعرف الا اصب الماي في الكلاص و اما عن سالفة اتعلم او ما اتعلم الطبخ بفكر فيها بعدين

محمود بوشهري غازي حسين شيماء سبت

صراحة ما توقعت المسلسل يكون بذي الشكل يعني من اللقطات الي كنا نجووفها في الاعلانات قبل شهر رمضان كنا نقوول ان ذي الحلقة كشخة و ما تتعوض بس صراحة انصدمت يعني المسلسل تقريباً خالي من الاحداث لو مسووين المسلسل من حلقتين افضل لكم ثاني شي المسلسل واايد فيه تناقضات ذي غير ان في عدة مشاهد و احداث ما تدري شنو قصتها بالضبط بالنسبة للمثلين ما في على غازي حسين و محمود بوشهري و شيماء سبت ذي افضل ممثلين في المسلسل تحسهم يمثلون دورهم عدل بالنسبة لبدرية احمد لبسها صرااحة لا تعليق انا ما ادري اشلون ترضى على نفسها تلبس جذي! حميد مراد صراحة ما يناسبه الدور خصوصاً ان الكل يدري انه كبير و كلش ما يناسب انه يؤدي دور مراهق !! فوزي مخرب المسلسل فوق تحت انور احمد تحس كلامه و معظم حواراته منمقة كأنه حافظ كتاب و ياي يقوله فهد مندي بعد تحسه قاعد يقرا من ورقة يعني دوره وتمثيله (جامد) بشاااير داوود حسين ما تعرف تمثل بالمرة ! وخلاص !