السلام عليكم
انا اكتب الموضوع ومرسومة على ويهي علامة " ؟ "
البنت معروفة بحياءها بادبها بان الكلمة العيب ماتطلع منها ..
بس الحين كل شي متغير
جراااااااااءة فوق الوصف ..
لا احترام حق الاهل
لا احترام للغير
مافي شي اسمه انا اكلم ريال له احترامه
مافي شي اسمه انا اكلم بنية غريبة لها احترامها
تباهي واشهار بعلاقات الواحد لين سمعها يدور شي بس ينخش وراه
والبنات يسولفون وجنهم محصلين جائزة نوبل !
تقليل احترام للاهل يفوق الوصف صار يقصون ويجذبون ويمثلون
ماعرف والله شاكتب
بس جد صادمني الموضوع ..
المشكلة ان لما تنصحينهم وتبينين لهم
تييج مسوية روحها عنتر ولسانها مترين جدامها
وفوق ذي كله تقولج انتي محترة مني ؟
ودي اسمع بنية تقول
انها قطعت الاغاني
ودي اسمع بنية تصارخ وتدافع بنفس مدافعتها عن هالخرابيط
عن الحجاب وعن اهميته
وعن ضرورة ترك الحجاب اليهودي الي الحين طالعين فيه ..
وفوق ذي في مشكلة يديدة
الي اهي البنات المتزوجات
لي وصلت البنية 18 بدت تبرز روحها للعرس
صار السنع والذرابة
وبس تاخذ الريال ماتبي تطبخ ماتبي تغسل
ماتبي تقوم باقل واجباته
عبالها العرس طلعه وروحه وييه وحبيبتي وحياتي وانتهى الموضوع
نسو ان الزواج مثل المملكة للمرة
الي اهي تبنيها نتفه نتفه
نسو ان الزوج ومسوؤلياته وواجباتها الي لازم تقدمه لهم
المفروض تطلع من طيب خاطر
وفوق ذي كله
المشكلة يزعلون لي خانوهم ريالهم !!
انا تفرعت بالموضوع
بس قصدي " البنت الحين شلون صايرة "
لو تحاجين اي صبي
بيقولج جملة وحدة البنات خاينات البنات مادري شنو البنات مادري شنو
انزين الفئة الي عارفة ربها وساترة عمرها
شنو ذنبها ان تنجمع تحت هالكلام ؟