.. بقايــا روح ..

جنـــون الليــــل

1- جنون الليل 2- قيود الزمن 3- بلا رحمة 4- القناص

اشكرج عالجواب عزيزتي مقارب لجوابي

اختي اللي اعرفه ذكرته لج والله اعلم .. بس ياريت تزودينا بالجواب عقب ماتعرفينه بالتوفيق انشالله

السلام عليكم .. عزيزتي .. انا سألت اختي عن القضيه لان تخصصها قانون .. وكان جوابها في القانون القطري وهو مايختلف عن القوانين الثانيه في هالمسأله : نص قانون عقوبات قطر في الماده 14 منه على ان (( تسري احكام هذا القانون على الجرائم التي ترتكب على متن السفن والطائرات ، التي تملكها الدوله او تحمل علمها ، او تديرها لأي غرض ، اينما وجدت )) وبالرجوع للقضية المذكوره اعلاه فإنه يكون القانون الهولندي هو القانون الواجب التطبيق في هذه الحاله .. وذلك لان الطائرة ترجع ملكيتها لهولندا وتحمل علمها .. ولايجوز تطبيق قوانين الدول الاخرى التي مرت على اقليمها الطائرة الهولنديه الا في ثلاث حالات : 1. اذا مست الجريمه امن الدول التي مرت فيها 2. اذا كان الجاني او المجني عليه من احدى الدول التي مرت على اقليمها الطائرة 3. او طلب قائد الطائرة المساعدة من سلطات الدول التي حطت بها الطائرة وهذا ماجاء في الماده 15 من القانون القطري (( مع عدم الاخلال بالاتفاقيات والمعاهدات التي تكون الدولة طرفا فيها ، لاتسري احكام هذا القانون على الجرائم التي ترتكب على متن السفن والطائرات الاجنبيه الموجوده او الماره باقليم الدوله الا اذا مست هذه الجرائم امن الدوله ، او كان الجاني او المجني عليه قطريا ، او طلب ربان السفينة او قائد الطائرة المساعده من السلطات القطريه )) هذا والله اعلم ولاتترددين اذا عندج اي استفسار .. اختج .. بقايا روح ..

ماشالله عليك ياولد خالي .. فنان وولد فنان واخو فنان بالتوفيق انشالله

انا لله وانا اليه راجعون .. اللهم أسكنه فسيح جناتك اللهم تقبله قبولا حسنا اللهم اغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس واجعل الفردوس الاعلى داره اللهم آمين

العفوووو اختي ولأي مساعده انا حاضره بالتوفيق انشالله

عزيزتي التوفل ضروري لكلية القانون .. واذا ماعندج قدمي للتوفل في اي مكان مو لازم في قطر واذا ماخذتي اكثر من 450 بتضطرين انج تدرسين عندنا على حسب المجموع اللي خذتيه وبتقدمين التوفل حتى لو مليون مره لين ماتاخذين المجموع المطلوب .. بالنسبه للرياضيات .. مو مهم اذا انتي ادبي ولا علمي .. راح اتقدمين الامتحان والامتحان مقسم لقسمين اذا خذتي درجه مرتفعه في القسم الاول ولا خذتي في القسم الثاني راح تدرسين رياضيات المستوى الثاني يعني بيحذفون المستوى الاول .. واذا ماعديتي لا في الاول ولا في الثاني راح تدرسين المستوى الاول والثاني .. ونفس الشي بالنسبه للحاسب الالي .. (( ترى هالامتحانات ماتنحسب درجاتها ضمن المعدل .. هالامتحانات فقط امتحانات لتحديد المستوى )) واذا اضطريتي تدرسينهم بعد ماراح يحسبونها لج ضمن المعدل راح ينكتب لج (( ر - راسبه او ن - ناجحه )) وبالنسبه لمواعيد التسجيل .. اليوم قريت اعلان ان : - امتحان الحاسب بيكون في 1/7 والثاني في 5/9 - امتحان الرياضيات بيكون في 2/7 والثاني في 4/9 والتسجيل لهالامتحانين بيكون من 14/5 لين 22/6 .. والله اعلم - التوفل في بيكون في 10/7 والثاني بيكون في 5/9 والتسجيل من 14/5 لين 29/6 .. والله اعلم ترى كل يومين يغيرون مواعيد الامتحانات مايرسون على بر http://oasis.qu.edu.qa/regapp/ar/ihome.jsp عندج في هالموقع عاليسار صوب اخر الاخبار بتحصلين فيه المواعيد الصحيحه اذا عندج اي سؤال اسألي لاتتردين

اختي العزيزه .. دام ان نسبتج 77% معناته راح تدرسين صباحي واعتقد ان الصباحي ماعليه رسوم .. وبتدخلين تخصص القانون ( الحقوق ) اللي تبينه .. وقبل لاتدخلين التخصص مثل ماقلت لج لازم تقدمين التوفل وامتحان الرياضيات والحاسوب قبل .. امتحان الرياضيات بيكون في 4/9 .. والحاسوب في 5/9 .. والتوفل في 10/9 (( تأكدي اذا لازم تقدمين هالامتحانات الثلاثه .. ومتى موعد التسجيل لهم )) وترى في رسوم لازم تدفعينها ( 50 للرياضيات و50 للحاسوب .. و150 للتوفل اذا بتقدمينه في جامعة قطر ) ..ومثل ماسمعت أن المواد يعادلونها بالمواد اللي خذتيها في جامعة البحرين .. وبالنسبه للسكن الجامعي طبعا لازم تدفعين رسوم مثل ماقريتي في الموقع اللي عطيتج اياه .. هاي موقع الجامعه بتلقين كل شي فيه حتى بتلاقين فيه نماذج لامتحان الرياضيات والحاسوب http://www.qu.edu.qa/html/index.html هني عندج النسبه المطلوبه لكلية القانون : http://www.qu.edu.qa/html/std_percentreq_fall2006_law.html وهذا الاعلان اللي حاطينه في موقعهم إعلان عن القبول في البرنامج الصباحي تعلن إدارة القبول بجامعة قطر عن فتح باب القبول في برنامج التعليم الصباحي للفصل الدراسي خريف 2006م من العام الجامعي 2006/ 2007 م للطلاب و الطالبات الحاصلين علي الثانوية العامة أو ما يعادلها حيث يبدأ موعد تقديم طلبات الالتحاق يوم الأحد الموافق 19 / 3 / 2006 إلى يوم الخميس الموافق 13 /4 / 2006 ويكون آخر موعد لتقديم النتيجة النهائية لشهادة الثانوية العامة يوم الأحد الموافق 16/7/ 2006. وفقا للشروط التالية : - كلية الآداب والعلوم: 75%الفرع الأدبي، 70% الفرع العلمي ، الثانوية العلمية ، ثانوية التقنيات الصناعية - كلية الشريعة: 75% للفرعين الأدبي والعلمي - كلية الهندسة: 75% للفرع العلمي، الثانوية العلمية، ثانوية التقنيات الصناعية - كلية الإدارة والاقتصاد: 75% للفرعين الأدبي والعلمي ، الثانوية التجارية - كلية القانون: 75% للفرعين الأدبي والعلمي - كلية التربية: 75%الفرع الأدبي، 70% الفرع العلمي تقديم الطلبات: - إلكترونياً على الموقع الالكتروني: http://oasis.qu.edu.qa/regapp/ar - أو إدارة القبول في موعد أقصاه يوم الخميس 13/4/2006 حيث يرفق مع الطلب الأوراق والمستندات التالية: 1- صورة مصدقة من المؤهل الدراسي بالنسبة للحاصلين علي الشهادة الثانوية من دولة قطر . 2- اصل استمارة المؤهل الدراسي بالنسبة للحاصلين على الثانوية من خارج قطر (موثقة من الجهات الرسمية). 3- كشف رسمي لكافة المواد التي تمت دراستها والعلامات التي تم الحصول عليها والنسبة المئوية للطلاب في المدرسة الثانوية ( الفصل الدراسي الأول) في حالة عدم انتهاء الدراسة الثانوية . 4- صورة من جواز السفر والبطاقة الشخصية . 5- شهادة خلو من الأمراض . 6- عدد (2) صورة شخصية حديثة مقاس 4×6 . 7- شهادة امتحان TOFEL وامتحانSAT، إن وجد . واذا عندج أي استفسار انا حاضره واذا تبيني استقبلج في المطار بعد انا حاضره

العفوو اختي اول شي موازي يعني الطلاب والطالبات اللي نسبتهم اقل من النسبه المطلوبه ويدرسون في الفتره المسائية ولازم يدفعون رسوم سواء قطريين او غير قطريين .. يعني اذا نسبتج اقل من 75% راح تكونين من ضمن الموازي .. بالنسبه للمواد اللي خذتيها في البحرين اعتقد يعادلونها لج بمواد ثانيه في جامعة قطر فماراح تدرسينهم مره ثانيه .. والله اعلم معلومات اضافيه : لازم تقدمين امتحان توفل .. تقدرين تقدمينه في اي مكان ولازم تاخذين 450 او 500 او اكثر عشان اتعدين التأسيسي واذا ماخذتي بتضطرين انج تدرسين انجليزي على حسب المجموع اللي خذتيه .. يعني اذا خذتي 430 بتدشين على طول english level 4 .. (( للعلم : الانجليزي 4 مستويات بس )) وعلى اخر كورس وهو الرابع لازم تكونين ماخذه 450 او 500 يعني تقدمين التوفل لو 100 مره لين ماتحصلين على 450 او 500 وبعد لازم اتقدمين امتحان رياضيات وامتحان حاسوب ( كمبيوتر ) .. واذا ماعديتي في هالمادتين بعد بتضطرين انج تدرسينهم والدرجات اللي بتحصلينها في هالمواد الثلاث مايحسبونها ضمن المعدل بس اهم شي انج تنجحين .. وبعد ماتخلصين من التأسيسي تقدرين تدخلين التخصص .. .. وهني بتحصلين كل المعلومات عن التأسيسي http://www.qu.edu.qa/html/found_st_guide.html وبالنسبه للتسجيل عندج اخر موعد لاستلام اوراق القبول يوم الاحد 16/7 .. هني بتلقين كل المعلومات عن التسجيل http://www.qu.edu.qa/html/std_fall2006_reginst.html واذا حابه اتعرفين اكثر عن الجامعه انا حاضره اختج .. بقايا روح ..

اختي عندج جامعة قطر وهذا هو الموقع http://www.qu.edu.qa/html/index.html وبالنسبة للرسوم... مجلس التعاون : صباحي (مجانا ) موازي ( 400 ريال يعني 40 دينار للساعه ) وفي رسوم بسيطه على الكتب وحذف المواد .. وعشان تتأكدين اكثر هاي الموقع http://oasis.qu.edu.qa/regapp/ar/admTutionFees.jsp وعلى فكره اساتذة كلية القانون في جامعة قطر من الاساتذة المتميزين بالتوفيق ..