حقوقي مغرور

قوه شباب هدوا اعصابكم وتعوذوا من ابليس الكل قال كلمته وكل واحد فيكم يا الطيبيين عنده وجهة نظر مغاييرة عن خوييه وغييره ياجماعة الخير يا الاياوييد انا شخصيا اتفق مع الاخوان انجل وابن الرفاع ولد ديرتي ترا الواحد راس ماله وطنه .... وين الوطنيه بالتكسر ؟؟ وين الوطنيه بالتخريب ؟؟؟ الريال مات عارضيين صوره بالمنتديات !!! هذي انتهاك حرمه الميت ... الله يرحمه وتبتل عظامه بماء الجنه نسأل الله ان يرحمنا ويرحمهم مسأله الشهييد يااخواني بالاسلام مهي بعدله ... ان جينا للمنطق يلقب الشهيد لمن مات دفاعا عن ارض وطنه او عن نفسه او اهله بيد العدو الكافر لو كانت الشهادة بهطريقة تراني فدا البحرين ولقب الشهادة ما استهين فيه واموت شهيد ابرك لي!!! خلكم وانا اخوكم منطقيين ومنصفيين طلعوا مسيرة سلمية بس بترخييص ولما تطلعون لا تهتفون بالعبارات اللي مالها لزمة ( الموت ل.....) هذي العبارة دايما ترددونها !!! حنا بالعيد الوطني... الناس مستانسة وصورة البحرين بهالوقت لازم تكون بأبهى صورة ... الناس يايين من بره البحرين لازم نعطيهم صورة مشرفة ... انتوا واجهة الديرة واحنا واجهة الديرة ( حنا كلنا مافي فرق بين المذاهب والطوائف رب العالمين يحاسبنا،، هذي المسائل البشر ما تقيمها... اكرمكم عند الله اتقاكم) لما تطلعون بمسيرة بدون ترخيص من وزارة الداخلية ،، الشرطة تجييكم عشان تسيطر على الوضع واذا في تمادي يستخدمون كافة الطرق عشان يضبطون الوضع ... ترا فوق كل شي في نظام وامن عام والدولة دايما دايما ترجح المصلحة العامة على المصالح الخاصة ... يعني ترجيح الامن العام على الامن الخاص... هذي شي معروف سؤال ويارييت حد من اخوانا يجاوبني ... مسألة التحريق والتفجيير جابت نتيجة...؟؟؟ البيوت والسيارات والاطفال والاشخاص اللي تضرروا منكم وفيكم ... احين مين بعوضهم؟؟؟!!! اذا كنت بالشارع ومرة وحدة احذفوا عليك اطار سيارة محترق وصاد سيارتك ... شنو المغزي من هل التصرف؟؟ لا تشتتون المغزى من الموضوع..... السالفة واضحة وماله داعي للمزايدة بالكلام واضافه الاراء اللي ماتودي ولا تييب دخلتوا بالمجنسيين والبطاله والفقر ... كأنه حنا مب عايشين وياكم كلنا نفس الحال اذا الشرطة اللي هم مجنسيين .. على الاقل ماخربت الديرة ولا كسرت .. يشتغلون على النهج اللي إنرسم لهم والحمدالله عايشين بنعمة الامن والامان بفضل الله سبحانه وتعالى وبفضل الحكومه الرشيدة والجهاز الامني صحيح المجنس عالة علينا ياكل اكلنا وياخذ اشغالنا وبعضهم صارو يعرسون على بنات ديرتنا.... بس مب كلهم مايستحقون.. بعضهم افضل من المواطن البحريني والنعم فيهم رجاجييل كفوا مجتهديين وقاعديين يفيدون الديرة واهلها ( هذي مب دفاعا عنهم ولا تنزيلا من مقام المواطن البحريني لاني بجذي بجحد بحقكم وبحقي وياكم) وبعضهم يبيلهم الطرد والنفي ... وسمعنا ان ياهل مسكين تضرر واصييب بحروق... قولولي شذنبه المسكين... عجيب امركم .. يا ريت ياجماعة الخيير تاخذون المسائل بنظامية اكثر لان اللي قاعد يتضرر من اهلكم وعيال منطقتكم ولا ترمون انفسكم للتهلكة و كل عام وانتو بخيير وعساكم من العايدين السعيدين والله يحفظ شعب البحرين وقادتنا الرشيدة ويعم علينا بالخيير والامان وترا نعمة الامن من اغلى النعم فنحمد الله ونشكره

يالطيبيين محد بعد يعرف روااابط غيير حقة التشريعات ؟؟؟؟ اكثر من 40 قارئ كلهم مايعرفووون؟؟!!!! واذا احد يعرف الاسئله المتكرره حقة المرافعات يذكرها لي

يازينه من شغل ايدي حقوقيين مزيونه عساكم عالقوه

والله ما ظن ياخوي ان في انتقائيه للاسامي سجلت ومليت الورقه هالمرة يوم الاجتماع اللي صار حقة الجمعية .. هل راح يعلنون اسماء الاعضاء او ينشرونها لنا بمنتديات او بالجامعة ...؟؟؟؟ توني جديد بالجمعية ومااظن انهم يختارون اللي يبووونه واللي مايبونه بالبحر يرمونه...!!! وين حنه قاعديين .. لاهو المنبر ولا كتلة الاصالة ولا غييره .. ولازم تراجعهم وتقولهم عن اسمك دامك إتسجلت عندهم وانشالله يجييك الخيير اخوكم حقوقي

اكييييييييييد دراسه الحقوق في جامعة البحرين احسن واقوى الجامعات الخاصة تجارية ودج بالتخرج بسرعة روحلهم بس ما اضمن لج الاستفاده التامه من دراستج بالتوفييق اخوكم حقوقي رفاعي

عساهم عالقوه شباب الجمعية واكيد محدن بيقل مكانته بوجوده او بغيير وجوده الكل كرامته محفوظه والاسامي اللي إنذكروا كقادات فأقولهم عساكم عاقوه ..نخوه وزين وحلى مثل شمس الاثنين رموز الرجوله انتوا والخوات دوم مجتهدات ماشالله عليهم اللي ابدعت بالفعالية واللي مهارتها واضحة بالزيارات وتنسيقها وصج تستاهل طيب المدح والزين اخوكم اللي بعيد عن جمعيتكم حقوقي مغرور من ديرتي وحبيبة قلبي رفاع الزين

سؤال سريع : ما الجديد عن مقررات الباكلورويوس في الفترة الصيفية؟؟؟ في أمل تنزل مواد ال 3 او 4؟

تسلم يا الشيخ

شكرا على المرور جوجل مايعطي المواقع بدقة واشكرج على الموقع اللي ذكرتييه اللي بغيته روابط مباشره وياريت اللي يعرف مايبخل علي بذكره وشكرا

قوة شباب من زمان مادخلت المنتدى واليوم طالب منكم خدمه وياريت تساعدوني فيها طالبين منا بحوث ولازم تسليمها قبل موعد الامتحانات النهائية بأسبوع تقريبا فاذا احد من الطيبيين اللي بالمنتدى يدلني على بعض الروابط اللي يمكن انها تساعديني بأخذ بعض المعلومات عن التشريعات البحرينية والقوانين مع تفسيرها وياريت يكون اكثر من موقع لتعدد المصادر

انا بعد عندي هالبحث روحي المكتبة وبتحصلين كتب عن القانون الاداري وخذيلج موضوع يتفرع منه مثلا القرار الاداري ابتدي بالمقدمة التعريف انواع القرار الاداري من يملك سلطة اصداره هل يمكن الغائه او تعديله خصائصه .................إلخ لين ما تختمين الموضوع الدكتور على ما اعتقد يبي القرار الاداري بمملكة البحرين ضفي المواد الموجودة بمملكة البحرين اللي تتعلق بالقرارت الادارية دشي على موقع الجامعة - كلية الحقوق وجوفي البحث العلمي بساعدج في عملية كتابة البحث

اي والله شسالفة الجمعية ، انه قايل هالمرة بشترك فيها ضروري دام الربع هناك امطيحين اختي ملاك محرق اشلون نشترك فيها وشلون نساعدكم بأنشطتكم اللي نسمع عنها؟؟؟

صج والله ؟؟؟شكله طيب وزين بس بعد الواحد ما يحكم عليه جذي انا والله درسني سالم وكان يهز الحجي اشوي وانه مادري شيقول

مساك خير مافي سكاشن غير حق الدبلوم والبكالريوس غير اللي انذكرو ؟؟؟؟ نتمنى الرد عشان التسجيل جرب لدفعتنه ونبي مواد ثانية للبكالريووووووووس لان اللي سمعته ان كل سكشن مليان للاخر