Buffalo Soldier

تسلمين لي و الله عزيزتي انا موب معارظة انا بنسبة لي الشي طبيعي و وجهت نظري مثل ابن عباد و صقر محرق بس اللي حبيت اقوله ان كل شي بلعقل هاذي زواج ماهوب لعبت يهال و اللي موب قد المسئولية المفروظ مايظلم بنات الناس اما اذا كانو الاثنين متفاهمين شلي يمنعهم يمارسون حياتهم بشكل طبيعي انا اللي اجوفه ان سبب هلمشكلة (((((((( اللي هي الانفصال بعد الدخول بلخطيبة و مشاكل الحمل))))) السبب هو الزواج المبكر للبنت و انعدام المسئولية عند نسبة كبيرة من الشباب المشكلة موب في ممارست حقوق الزوجية بل في الناس اللي ماخذتها لعبة بلعكس هاذي يزيد المحبة بين الزوجين و يزيد من تحمل المسئولية لان نظرتهم بتكون لجدام اتمنى وظحت وجهت نظري و سلامتكم

مرحبا عزيزتي عجبني موظوعج واااااايد و اللي عجبني اكثر اسلوبج في المحاورة بس انا ماتفق معاج 100% ولا اعارظج 100% انا اجوف ان دامالبنت و الولد انعقد عليهم فاهمة زوجين............... اعتقد هلنقطة محد مختلف عليها بس بنسبة لنظرت المجتمع للعلاقة الجنسية بين الخطيبين انا اتفق مع ابن عباد و صقر محرق (((((((((( كلامكم عجبني وااااايد)) المفروظ طبيعت العلاقة في فترت الخطوبة يكون الزوجين متفقين عليها من قبل.. عشان لو صار شي محد يلوم الثاني....... و موب معقولة ان يدخل عليها مباشرة بعد الملجة.... اكيد لازم يتعودون على بعظ و شوي شوي يصير الشي عادي بينهم...... يعني يصير الفة و مودة على قولتهم و بعدين يقدر الزوجين يمارسون حياتهم في الخطوبة من دون مايمس عذريت البنت.... اذا ماكانو يبون مشاكل عشان لو لا قدر الله صار انفصال مايتئذى احد منهم.......و ظروري يكون هلشي بعلم احد من الاهل... موب لانهم يهال بس عشان يتجنبون المشاكل..... بس ارجع و اقول ان البنت لازم تفكر عدل قبل ماتوافق على الشخص..... لانه اذا كان محترم مامنه خوف حتى لو دخل ابها.......... مشكلتنه ان البنات يتزوجون اصغار ماعندهم خبرة فتوافق على كل شي من دون ماتحسب حساب.... و ماتعرف الريال الزين من الخبيث....... و ارجع اقول ان الانفصال اذا الله كاتبه بصير عاد في الخطوبة لو بعد 10 سنين.... و الناس الحين ماتبي بنت منفصلة... صارو يعتبرونها مطلقة حتى لو اهي مانمست....... فشنهو الفرق دخل ابها ولا لاء؟؟؟؟؟؟؟؟ سامحيني عزيزتي اذا كان ردي خربوطة و موب منظم...... و تسلمون لي كلكم

لااااااااااااااااااااااااااااااااء على اخر القصة بعد بقى جزء كملوها ابسررررررررررررعة تسلمون لي كلكم

و الله ماعندكم سالفة ميودين على البنات حتى الدببة اللي يقول معقدين و يحطون اسرارهم و اللي يقول استعمار و مادري شنو كل الموظوع ان البنات ذوقهم حلو و يحبون الاشيا الناعمة و الحلوة و الدببة على قولتهم كيوتين فيحطونهم في الحجرة لاكن مو بس البنات يحبون الدببة اعرف صبي حجرته جنها روظة من كثر الدببة

مرحبا مادري والله يمكن احظر اذا بيسوون عرس حلو و فيه وناسة ليش ماحظر؟؟ و ماعلي من يبيني احظر و من مايبيني اذا اعجبتني السالفة احظر و اذا عرسهم بايخ خليعرسون بروحهم بس اعتقد اكثر اللي يتزوجون مرة ثانية مايسوون حفلة عودة

انا عندي اذا صبي شعره طويل او قصير بشنب او بدونه مايفرق بس اهم شي يبين ريال مو ................... يعني في ناس يطلعون حلوين بهلحركات حتى السبايكي اذا عارف له يطلع فرخ بس مو كلمن يعرف لهلحركات

انا اعتقد ان المسلسل من تاليف القفاص و الفردان.. لان الاسلوب كان واظح في المسلسل من طريقت صياغت القصة و الشخصيات و تسلسل الاحداث.. و زين انها اجت على لسان القفاص نفسه.. انا اجوف المسلسل تكرار لهدوء و عواصف مو جزء ثاني.. و هاذه اللي ماعجبني فيه.. ليش التكرار؟؟ المشاهد ينتظر شي يديد و اسلوب يديد.. صحيح كل كاتب و مخرج له اسلوبه و بصماته.. بس ترا التكرار يقتل الفنانين و ابداعهم.. اتمنى السنة اليايه نجوف شي يديد في الشكل و المظمون..

تسلم فامو علموظوع.. و الله قطوتي اذتنا من اتييها هلحالة ماتبين في البيت تطلع طول اليوم و ماترد الا ويه الفجر .. و الحين حامل و ماقادرة تشيل عمرها.. ادعولها تولد و تقوم بسلامة لا تنفجر..

ههههههههههه و الله حالة.. هلبنات مفشلينه و المشكلة محسوبين علينه.. اعرف اشكثر بنات عندهم بلسنة خمسة و ثلاثين عيد ميلاد.. كل ماتتعرف على واحد صار عيدميلادها الخميس الياي.. هلبنات سخيفين و ماعندهم سالفة... يمكن تبي هدايا و يمكن تبي تعرف حالت هلشخص المادية عشان تمص دمه في المستقبل و يمكن تبي تعرف معزتها عنده او كرمه.. بس مهمن كان السبب فهلتصرف يخليها انسانة رخيصة و انا لو صبي و وحدة تقول لي عيد ميلادي ياي اقول لها بشري امج و خلها تحتفل لج فيه.. انا عن نفسي حتى اقرب الناس لي يمكن مايعرفون عيدميلادي.. اذا هم ماهتمو من نفسهم و ماسئلو عنه ليش ارز ويهي و اقول لهم عنه؟؟ ولا تهمني الهدية اللي مناسبتها بس عيد ميلادي.. يهمني الشخص نفسه و الاشيا اللي يسويها لي بمناسبة و بدون مناسبة.. ماحتاج عيدميلاد عشان اعرف معزتي عنده.. ماقول الا مالت عليهم و على اللي يعطيهم ويه..

و الله السكورتيه ساعات يتفلسفون.. يوم اللي ينزفون من الصبح يحطون الحرة فينه.. بذمتكم احد يعطي طالب تعهد لانه يطرقع بلعلوج؟؟

تسلمين حبوبة على موظوعج الباونتي.. انا اشوف العظلات حلوة على الولد.. مو حلو الولد يكون معصقل هبت هوا اتطيره.. ولاهو حلو مكرش و مرطرط جنه بنيه.. الولد تركيب جسمه يهيئه ان تكون مساحت العظل اكبر من الدهون.. فنلاقيه يحرق الدهون و السكريات اكثر من البروتين.. و الرسول عليه افظل الصلات و السلام شجع على كل انواع الرياظة.. و كل الرياظات حلوة و تبني الجسم.. اما رياظت كمال الاجسام اللي هي اساس موظوعنه اهي اكثر شي تكون رياظة جانبية تساعد اللاعب على ممارست رياظته الاساسية.. و في شباب يمارسونها لمجرد بناء العظلات.. مو غلط.. يمكن يكون الولد جسمه ظعيف و محتاج يمتن شوي.. و يمكن يكوت متين و يريد يحسن شكله.. و يمكن يكون متعرظ لاصابه و قاعد يعيد تئهيل جسمه.. و ممارست اللعبة بطريقة صح ويا اكل منظم و نوم كافي ماتظر الجسم بلعكس تعلم الولد النظام و الالتزام.. بس اجهاد في الجيم و تعب طول اليوم و ماياكل عدل و مايرقد كفاية و يدخن و يشرب هاذه يدمر جسمه مايبنيه.. و اكثر اللي يتعاطون الهرمونات و المنشطات يكون هاذه اسلوب حياتهم.. لانه مايقدر يلتزم بلبرنامج اللي حاطه النادي له يقوم يعتمد على وسيله اسهل و اسرع.. و ماراح اتكلم عن المنشطات و الهرمونات لان ابن الرفاع ماشالله عليه كفى و وفى.. بس انا اقول ان ساعات يحتاج الولد ان يكمل على الرياظة بنسبة معينة من البروتينات يقدر يلاقيها في الاكل بس تاثيرها في الحبوب اكثر و اسرع.. اهني اذا خذاها بعقل ماتئذيه بلعكس تساعده.. و اخر شي احب اظيفه هو الانتظام في هلرياظة.. طبعن الانسان يوصل لعمر معين يفقد لياقته لجميع الرياظات.. و كمال الاجسام نفس الشي.. لما يوصل الشاب لسن معين ماراح يقدر يواصل لعب بنفس المجهود مال قبل. فلازم يغير برنامجه و نوعيت التمارين اللي يمارسها.. لان اذا استمر بنفس المجهود راح يتعرظ لاصابات صعب يعالجها.. بس غلط انه يقطع اللعب مرة وحدة لان جسمه بيتعب و يتكسر بسرعة و يرد عليه في صحته.. فلازم يخفف شوي شوي عشان يحافظ على شكله و صحته.. وسلامتكم

مرحبا تسلم عزيزي صقر المحرق على الموظوع, عجبني و الله بنسبة لوجود البنات في سوق العمل نلاحظ انه منحصر في نطاق معين, او نقدر نقول متركز فيه, و الوظايف اللي يشغلونها البنات نوعين, وظايف محتاجة لكفائة و خبرة و موئهلات دراسية و وظايف ثانية تحتاج موهلات ثانية. و هلشي مو غلط, لان طبيعت الوظيفة تفرظ نوعيت البنت. مثلن وظايف مثل التدريس و التمريظ و شغل فيه كرف و حك مايبيله بنوتة ناعمة و رقيقة. اهني البنات يتنافسون بحسب موئهلاتهم و استحقاقهم. بس في وظايف مثل السكرتارية و الاستقبال اكيد بيكون الشرط الاول الجمال و المظهر الحلو. لان البنت بتكون واجهت المحل او المكتب و المدير يبي يتصبح بويه حلو و مايبي يشرد الزباين.. و انا من خبرتي اظمن لكم ان دخل المحل يزيد اذا كان موظفاته حلوات و حبوبات. من يبي وحدة تكشر في ويهه و اتسود بيومه؟؟ و في وظايف تكون في الوسط مثل الشركات و البنوك.. يعني مايبون جمال بدون خبرة ولا يبون وحدة شغيلة و ويهها يشرد حتى القطاوة.. يعني بذمتكم ثنتين متقدمين لنفس الوظيفة عندهم نفس الشهادة و نفس الخبرة و وحدة احلى من الثانية بتوظف من فيهم؟؟ و ابصراحة في شي يلغي هلمعادلة و غيرها في التوظيف لا حلوة ولا كريهة تقدر تغيره...........الواسطة

مرحبا شباب وحشتوووووني خيو باونتي ترا انتي وايد مكبرة الموظوع انا ماجوف فيها شي لو الوحدة لبست اللي يريحها دام انها في البيت انا مالبس الا فانيلة و شورت مال كورة و تعودت على هاللبس و مرتاحة فيه و حتى لو فكرت اغير ماعرف في شي يسحبني صوب هلثياب كلما رحت السوق بس ماحس هلشي اثر علي ولا صرت ريال

انا ماحب اجذب في اسمي ماله داعي اصلن و و احد جذب علي في اسمه ماراح ازعل ولا شي بس باخذ وقت لين اتعود على الاسم الجديد لان الاسم الاولي يعني لي وايد و على اساسه اتخيل شكل الواحد و شخصيته بس مو ذاك الزود ياثر فيني

صج و اله جلت حيا من زمان هلمجسمات يحطونهم بس قبل شكلهم غير و لبسهم غير الحين كل بثياب نوم و ثياب داخلية و اجسامهم مفصلة وايد ادق التفاصيل يحطونها عيييييييب

الحمدلله و الشكر العقل زينة انتو البنات عليكم حركات غريبة ناس تاكل و ناس ترقص و ناس تغني انا بس اشغل الماي و انااااااااااااااااام

مرحبا خيو اشجعج اول شي على طموحج و زين انج تفكرين في مستقبلج من الحين جوفي انا السنة تخرجت من علمي دشيت العلمي مع اني ماحب التخصصات العلمية و عانيت ثلاث سنين ويا الكيميا عقدت حياتي بس لان كان طموحي من الصغر ادش كليت الهندسة و ادرس عمارة في النهاية بسبب صعوبت التخصص و لاني اكره الدراسة تخرجت بمعدل 88 و ماعندي مجال احصل لا بعثة ولا منحة و فرصتي لدخول الهندسة وايد ظعيفة و حتى لو دخلت و درست هندسة مادري اقدر اواصل او لاء التخصص صعب و يبيله دراسة اول باول و مع انه حلو وايد بس ظروف الدراسة و الشغل في البحرين كلش كريهة المهم انا حولت تخصصي الحين من هندسة لادارت اعمال و الحين اقول ياريت دشيت تجاري و افتكيت علاقل اخذ معدل زين و ادخل تخصص مناسب بس بعد اقول لج خريجين العلمي لهم فرص اكبر في اختيار التخصصات و بعدين حتى لو بتخصصين تجاري في الجامعة بتدرسين مقررات تكون سهلة بنسبة لعلمي و صعبة بنسبة لتجاري فاذا انتي عندج قدرة تواصلين الدراسة بجد دخلي علمي و بلتوفيق انشالله

كككككككككككككككككككككككك

هلا وغلا بأحلى وردة انشالله تستمتعين بوقتج معانا

تسلمين خيو على الموظوع الحلو انا اجوف الشغل للطلبة زين و مو زين اذا كان لمجرد التسلية و قظاء الوقت ماعتقد راح يفيد الطالب بشي الشغل مسئولية عودة و امانة لازم يلتزم فيها الموظف مو حيالله برنامج و تنقظي الاجازة و مو كل شغل يناسب الطلبة الطالب لازم يجوف وين ميوله؟؟ وين امكانياته؟؟ وين الفرص المتاحة له؟؟ و لازم ناخذ بعين الاعتبار سن الطالب و خبرته و اذا كان له سوابق في الجنايات او ان سيرته حسنة و الاشغال ماتعطل الواحد يحصل شغل حتى ليوم واحد روح السوق المركزي بتحصل اشغال ماشالله غسل سيارات نظف حدايق اترس في محطت البترول انزين انزين بارفع مستواكم شوي وايد محلات تحتاج مروجين للسلع و بياعين و الشركات تحتاج سكرتيرات و مراسلين بس ماعتقد ان هلمساكين ينافسون خريجين الجامعات كل شغل و يحتاج موئهلات معينة و كل واحد يحصل الشغل اللي يناسبه

الاسلام حط لنا قانون للعقوبات و احنه مو محتاجين لبروتوكولاتهم المتفلسفة عشان نتبعها السارق تقطع يده القاتل يقتل.. او يدفع الديه اذا ماكان متعمد الجروح بلقصاص و الزاني يرجم الاعدام عقوبة مشروعة لعدد من الجرايم مثل القتل المتعمد و الارهاب و جرايم الحرب و الارتداد عن الدين بس لازم ناخذ بعين الاعتبار ملابسات الجريمة و ظروفها و خلفيتها عشان مايكون الحكم متسرع

و الله اهو بكيفه يتزوج كثر ما الشرع يحلل له انا مالي حق اعترظ و اذا كان حقي يوصلني كامل و مرتاحة معاه ليش اعترظ اهم شي اهو معاي زين بس القلب و مايهوى ماقدر اخليه يحبني اكثر اذا ماكان يحبني و اذا مارتحت بلوظع او حسيته مايحبني او انا ماقمت احبه انفصل شلي يجبرني عليه

شهالاسم؟؟ ام رنة عاد؟؟ انا خبري في الصبيان ماعندهم كردت حتى حق رنة انا ماحب سالفت الرنات الا اذا كان الشخص الثاني عارف شنو معنى الرنة مثلا وصاني لين وصلتي عطيني رنة.. او لين صار هلشي عطيني رنة.. اما رنة و يتصل فيني عمري ماسويتها اللي ابيه اتصل فيه و اذا ماعندي كردت اشتري بطاقة او اطرش مسج اصرف لي و ماحب احد يسوي لي رنات مالها معنى وصلتني رنة من شخص مهم و اتوقع عنده سالفة ارد عليه اما واحد فاظي او رقم ماعرفه و يسوي لي رنات مارد عليه اللي يبيني يتصل علي انا مو مدير بتلكو

يمااااااااااااااااا يخرعون

انا افكر ادخل ادارت اعمال.. بس ابي اعرف البزنس ادمنستريشن اهو نفسه المنيجمنت؟؟؟ و ابي اعرف شنو اكثر شي له مستقبل في التوظيف طبعا غير المحاسبة لان ماظل احد مادخل محاسبة احنة بعدين ما بيصير لنه مكان