بحرينيه^مزيونة Posted يناير 19, 2006 Report Share Posted يناير 19, 2006 تسلمين حبيبتي،، بس بلييييز فديتج لاتتاخرين ،، احنا بانتظار التكمله،، Quote Link to comment Share on other sites More sharing options...
يارا Posted يناير 22, 2006 Report Share Posted يناير 22, 2006 السلاااااام علييييييكم اشلوووونكم؟؟؟؟ انشالله بخير الكاتبة الى الآن ما كملت القصة والقصة تنشر في منتديات ألم الامارات واسم الكاتبة *الوّد* وهذي الوصلة http://www.alamuae.com/vb/showthread.php?t=87241&page=82 Quote Link to comment Share on other sites More sharing options...
ام كــشــة Posted يناير 23, 2006 Report Share Posted يناير 23, 2006 اتقول اللي كاتبة القصة بتنزلها يوم الاربعا احنه شيصبرنه ليووووم الاربعه ان شاااء الله اذا كتبت التكملة بانقلها لكم اهني Quote Link to comment Share on other sites More sharing options...
بحرينيه^مزيونة Posted يناير 23, 2006 Report Share Posted يناير 23, 2006 تسلمين حبيبة قلبي،، بانتظارج ،، Quote Link to comment Share on other sites More sharing options...
manameya Posted يناير 24, 2006 Report Share Posted يناير 24, 2006 يسلمووو وحنا ننتظر Quote Link to comment Share on other sites More sharing options...
ام كــشــة Posted يناير 26, 2006 Report Share Posted يناير 26, 2006 و الله هالكاتبة مصختها امس دشيت و لحين ما حطت التكملة الحين بادش باجوف اذا نزلت بارت يديد او لااء !! Quote Link to comment Share on other sites More sharing options...
ام كــشــة Posted يناير 26, 2006 Report Share Posted يناير 26, 2006 اكو لقيته مبروووووووووووووووووووووووك وصــــــــــــــــــــــــــــلت و سوري ع التأخير .. ما قدرت ادخل قبـــــــــــــل ... الحين بنزل البارت .. بس انا مب عايبني وايد .. أتمنى إنه يعيبكم .. فبليز ابا رايكم بكل صراحه ... ما بطول ... Part 27 مطعم شيليــز ودرني عبود و مشى بسرعه صوب مايد .. و الريال .. و اول ما وصل صوبه مسكه .. و مايد صد يشوف منو الي يود ايده .. و شاف عبدالله بنظره ممزوجه بحزن و قهر و غضب .. عبدالله قلبه يعوره: هد أعصابك مايد .. مايد صد عنه : قومي بسرعه يا مسودة الويه دواج عندي الريال: اسمحلي أنته منو عشان تتأمر عليها .. ما بتقوم شو بتسوي ؟؟ مايد بعصبيه: أقل شي اسويه افرك انته وياها ف قسم الشرطه و اسحبكم المحاكم .. هدى: ل..لا .. باي وياك الريال: هدى وين سايره .. و منو هذا هدى بخوف و تردد: ه .. هذا ريــلي ... و تبلع ريجها .. *و عقبال ما تبلعين بلعومج ..قولي آميــــن* تم الريال متصنم ..مكانه .. ومب عارف شو يسوي .. منصدم .. و راحت هدى ويا مايد الي يطاير من عينه الشرار .. و اشوي لا ينفجر ف ويهها .. و يسحبها من ايدها مثل الهوش .. عبدالله يشوف الريال المنصدم: اسمحلنا الشيخ .. و ركض ورى مايد .. يخاف يسوي ابحرمته شي .. *بليز لا تتدخل الين ما يذبحها ..هههه* راشد: طلعت متزوجه ؟!!!! .. أخ يا قلبي إلأنسانه الي اتعلقت فيها طلعت متزوجه و ما خبرتني .. قصت عليه و خدعتني مثل ما خدعت ريلها .. طلعت غبي .. و يضرب الطاوله .. و ظهر من المطعم بسرعه .. (( همسه: انا ادبست و دفعت الفواتيــر ..أي قلبي ..أخر مره اسوي مشاهد ف مطاعم ...ههههه )) * * * بيت المحترمه هدى وصلوا مايد و هدى بسلامه بيت أهل هدى .. و طول الدرب هدى تدعي الله يحفظهم ..لأنه مايد كان يسوق بسرعه جنونيه .. وهي مب قادره تتكلم .. وبالذات عقب ما غلق مويابله الي حرقه عبود من كثر ما يدق وفره ورى بالقو ... المهم أول ما وصلوا نزل مايد بسرعه .. و فتح باب هدى بسرعه و سحبها .. كان وده يسحبها من شعرها و يكفخها ..بس ما يقدر مب من شيمه إنه يضرب حرمه لو شو كان .. و فتح باب الصاله و شاف خالته وريلها يلوس .. و اول ما دخل الصاله عق هدى ع الأرض .. *وايد عليك ..* .. و بو هدى و أمها من شافوا حال مايد و نتهم فزوا من مكانهم برعب .. بو هدى و هو معصب ع مايد: حو أنته اشفيك ع البنت .. مايد يشوف هدى باحتقار: اسأل بنتك شو مسويه مسودة الويهه .. بو هدى يصد صوب بنته بحنان: شو امسويه حبيبتي ؟؟ هدى و هي اتصيح بخوف و اتنش صوب ابوها: مادري ابويه شو فيه .. يتبلى عليه و يضربني .. دومه جيه ..اليوم عصبت عليه جان يعصب و يكفخني بو هدى عصب كله ولا بنته و دلوعته: أنته منو سمحلك اتمد ايدك عليها .. مايد منصدم من هاللوح: هه .. و ليش بضربج .. جيه بليا سبب .. ارتاح يا العم ..انا ما مديت ايدي عليها ..بكل بساطه لأني ما ابى اوصخ ايدي .. بو هدى و خلاص طفح الكيل عنده و رفع ايده عشان يصفع مايد: احترم نفسك .. مايد: اضرب بنتي .. اضربها .. أدبها .. عاطيني هالخيط و المخيط .. تظهر متى ما تبى و اترد ما تبى .. ولا بعد اتواعد و تظهر ويا الشباب .. ما همها سمعتها و لا سمعتكم و لا سمعتي .. اتعرف وين شفتها بنتك ..ف مطعم ميلس ويا واحد.. و لا بعد اميود ايدها و الأخت اونها مستحيه.. هاي وين اتعرف معنى الحيا .. بو هدى منصدم و يرفع ايديه: بــس مايد بعصبيه: مب مصدقني ..جيك تلفونها .. بو هدى ايحس انه بيموت: بس .. مايد و كله ما بتذكر شكلها و كيف استغفلته يزيد البركان الي ف داخله: انا رديتلكم أمانتك و أنتوا اتصرفوا وياها و صد صوب هدى: أنتي طالـــــــــــــــــــــــــــــــــــــــــــــــ ـــــــــق *لحظه يا دلوع ماما .. ما شاورتها * .. أم هدى: لا .. و اتلكم بو هدى المصدوم الي من أول ما سمع كلام مايد ضاع ف عالم ثاني .. كله منك و من دلعك ..كم مره قلتلك لا ادلعها ... ظهر مايد من عندهم .. و تركهم ف حاله ذهول و عدم تصديق ... و ركضت هدى صوب أبوها الي اتموت فيه ,, و يموت فيها هدى و هي ذابحه عمرها من الصياح: أبوي لا اتصدقه يقص عليك .. لا اتصدقه .. نش بو هدى بحزن و تثاقل: هاي أخر الثقه الي عطيتج إياها .. أكبر غلطه ف حياتي سويتها إني حبيتج و و ثقت فيج يا الخاينه .. و طلع بو هدى و مهموم و مب قادر يتنفس من الصدمه .. و ظهرت ورى أم هدى .. و هدوا هدى ف الصاله اتصيح ع خسارة كل ما تملك .. و اتعض صوب الندم *اشوي اشوي عن تأكلينهم* * * * بيت بو مايد الصاله أم مايد العقربه و بنتها أم الدويس ..يلوس ف الصاله .. يحشن ف خلق الله .. يوم دخل عليهن مايد .. و هو حالته حال .. غترته ع جتفه و العقال ف ايده .. و الحياة معقدات .. أم مايد: بسم الله .. اكسر الباب أحسن .. شو ياك ..بلاك .. مايد و هو يصارخ:ما بلاني شي ..سلامتج الغاليه .. بس اقولج من الحين بنت أخوج هاي الخايسه انا طلقتها .. و مب رادنها .. تسمعين .. أم مايد مصدومه و معصبة: و اشعنه .. و بعدين لا اتصارخ تراني اسمع مب صمخه .. و لا اقولك شل النعال و افلعني به *يستوي انا ارتكب هالشي ..والله فاضيه الريال ف حاله وهي ف حاله* عليا اتحاول اتهدي الوضع: هد اعصابك يا مايد .. الله يهديك بلاك مستوي جبريت .. و أنتي أمايه خلينا نسمع الولد شو يبى يقول مايد و خلاص وصل حده: لا والله تبيني اشوف حرمتي منزله راسي ف الآرض و يالسه ويا واحد ف المطعم جدام الي يسوى و الي ما يسوى و ما تبين اعصب .. شو رايج اهز من الفرحه .. *قمنا انخورها* .. أم مايد و عليا انصدمن .. مايد و هو طالع فوق: هذا ذوقج أمايه .. و رد نزل مره ثانيه بسرعه جنه ناسي شي مايد: باجر اتسيرين تخطبيلي فيّ .. تسمعين .. توها أم مايد بتتكلم مايد: بس عاد .. مره تكفي .. ما بى حد يدخل ف حياتي و قراراتي .. و أتمنى إنج إنتي بعد اتوبين و ما تتدخلين ... و سار حجرته .. تارك أمه و أخته ف صدمه .. و بالذات أمه .. *واااااق ..هزبوها* * * * حجرة مايد مايد يحس روحه بتطلع من القهر ..كل ما يذكر شكل هدى ويا راشد و كيف مستحيه و تضحك .. و كيف كان ماسك يديها .. و خاطره (( أووووووووووووووووووف .. طلعت غبي .. عبي ظوو كيف رامت تخدعني .. خلتني ما اسوى بيزه ..أكيد كل الشباب يضحكون عليه يوم يشوفونها ..يقولون منو ريلها هالغبي الي مخلنها ع راحتها و تقص عليه .. ميون .. أأأأأأأأأأأأأأأأأأأأأأأاه ..كل منج يا أمايه لو ما طعتج جان الحين انا مستانس ويا فيّ .. بس ما عليه .. الحين ما بسمح لأي أحد مهما كان انه يوقف بيني و بين سعادتي .. بيني و بين فيّ.. )) * * * اليوم الثاني الظهر – وقت الغدا بيت بو مايد بو مايد و أم مايد و مايد .. يتغدون *عفانا الله ..ما يعزمون* .. و مايد امبين عليه الضيق .. و بو مايد ملاحظ حالة ولده .. و أم مايد ميته من الغيض .. *اللهم زد و بارك...ههههه* مايد: أمايه متى بتسيرين تخطبيلي .. المغرب ؟؟ أم مايد بعصبيه: انا مب سايره أخطب .. عندك حرمه وحده اتسدك ؟؟ مايد ببرود: انا ما عندي حرمه طلقتها .. *مبروك .. بشر امك* أم مايد و زاد غيضها: لأنـــ يقاطعها بو مايد: خلاص فكونا من هالسالفه .. البنت سودت ويهونا يا ام مايد .. و الولد ما ينلام .. خلاص هذا ولدج و سمعته هي سمعتج .. يلا اقصري الشر و سيري اخطبيله .. مايد اتفجج لأنه أمه ع قواتها ما تقدر توقف ف ويه بو مايد ..نش و باس أبوه ع راسه: الله يخليك .. و لا يحرمني منك أم مايد: بس انا ما بخطبها الحين .. خله يصبر عليه فتره.. شهرين أو ثلاث .. توه مطلق .. ما فيني ع رمست الناس .. مايد: بس .. يقاطعه أبوه *بس ها الي فالح فيه ..المقاطعه ..ههه*: خلاص اخطبيله البنت الي يباها عقب شهرين مب اطولين .. و أنته يا مايد اصبر .. صبرت هالمده كلها ..اصبر شهرين .. مايد بقلة حيله: إن شاء الله .. كملوا الجماعه غداهم .. و عقب كلهم ساروا يريحون ..اتعرفون قيلوله تايم .. ههههه * * * بيت بو حمد جريب العصر غرفة فيّ بطلتنا الله يسلمها منسدحه تستغل قيلولتها .. *ما تنلام ..دحت الين ما انطرت* .. و ملانه من الخاطر ..لأنه حور طلعت ويا شهد و سارا .. و هي رفضت تطلع وياهن ..لأنها ما بغت اتودر أمها و أبوها يتغدون اروحاهم .. لأنه حمد ما ينوثق فيه .. ههههه ... ترررررررررن ..ترررررررررررررررررن .. فيّ:أوف منو المتفيج يتصل الحين .. و ردت فيّ بملل: ألـــــــــــــــــــو *ويعوووووووووو* المتصل: السلام عليكم .. فيّ باستغراب: و عليكم السلام و الرحمه .. المتصل: فيّ؟؟ * لا ينيتهاّ* فيّ و قلبها طاح ف بطنها: نعم !! .. امنو وياي ؟؟ المتصل بكل وقاحه: مايد .. فيّ عرفته بس ما بينت له: أي مايد .. الظاهر غلطان أخوي مايد باندفاع: انا مايد ولد ..... ، و بليز لا اتقولين أخوي .. انا ..انا .. جريب بخطبج يا فيّ انصدمت فيّ و حست انه دمها يفور من هالإنسان: مايد اعتقد انك تجاوزت الحدود .. كيف تتجرأ و تتصل و اتقولي هالكلام .. كيف؟؟ .. نسيت أمك ..نسيت حرمتك .. مايد يقاطعها: فيّ انا طلقت حرمتي .. و اتقاطعه فيّ بقوة: و انا ما يهمني .. و بليز انسى هالرقم و انسى صاحبته .. و لا تفكر تتصل مره ثانيه لأنه ما بيحصل خير .. و ابتعد عن الغلط .. وفكر قبل ما تخطو ع أي تصرف سخيف و متهور .. مع السلامه .. و ما اتريته يرد و سكرت ف ويهه *ايواااااااااااا .. حرمه و قسم بالله أنج حرمه* و تمت فيّ معصبه ع سخافت تصرف مايد و مايد .. و يلست ااتسبه ف خاطرها ... *امم ..موب جنه تطور ..فيّ اتسب .. عادتها حور* * * * أما مايد .. انحبط من تصرف فيّ .. بس برر موقفها.. و إنها لازم تتصرف بهالطريقه لأنها معصبه عليه ودرها أول مره .. و مب سهل إنها توافق و تنسى .. و يمكن تتحسبه يجذب و مب ناوي يخطبها .. أكيد بتغير رايها و بتوافق يوم بخطبها ..أصلا هي ما بتصدق ,, *و أنته وايد مصدق عمرك* * * * بيت بو راشد-زايد غرفة راشد راشد من البارحه و هو ف غرفته و لا طلع منها .. متضايج .. و كاره عمره .. *ما يركب عليــك* ,, يحس عمره مغفل و حقير و سخيف .. و فوق ها كل هدى ما وقفت اتصالتها و لا مسجتها .. راشد كان يحس بالغصه ..لأنه رغم إنه كابر وايد ..بس هو اتعلق ف هدى و بدى يحب ..عكس ما كلن يقول إ،ها بس تسليه ..لدرجه إنه للحظات فكر إنه يتزوج .. حتى لو إنها رضت اتكلمه ف التلفووون .. بس هي صدمته بغلطتها الأكبر .. و جرحته .. هو يعتبرها خانته .. خانته قبل ما اتخون ريلها .. خانته خلته يتعلق فيها و هو لا يمكن اتكون حلال له .. وصله مسج منها .. ما عرف يفرح أو يعصب (( حبيبي رشودي .. انا اطلقت و افتكيت من هالميود .. متى بتخطبني ؟؟ )) حس راشد بقرف منها مثل ما كلنا حسينا ...ههههه .. و لها ويه اتقول هالكلام .. أكيد بتطلق .شو تتوقع ..؟!! .. تتوقع اني بفرح و باخذها اتخسي .. حتى لو أحبها انا ما اقجر اثق ف وحده ما صانت شرفها و عرضها .. مسك موبايله و يلس يكتب رده .. (( مبـــروك .. بس المفروض ما تستانسين لأنه ما بتحصلين مغفل يرضى بج .. كربيعه .. فكيف كحرمه!!)) و ثواني يوصله مسج من هدى (( حرام ... لا تجرحني انا احبك .. *حبتج القراده*)) و يرد عليها رشود (( هه .. و انا ما احبج .. كنت اتسلى .. )) (( لا تقص ع عمرك أنته تحبني مثل ما أحبك )) عقب هالمسج .. فر راشد موبايله ع الشبريه و قرر يطلع ايلس ويا أهله برع .. كان يعرف انه نص هالمسج صح .. و البارت الأخير من جذب .. و توه بيفتح الباب .. يتبطل الباب .. نقز راشد لأنه كان سرحان .. و زايد الي فتح الباب يوم شاف شكل راشد مات من الضحك .. لدرجه انه يلس ع الأرض يضحك .. راشد: إن شاء الله دوم .. زايد بفرحه: ويــاك .. راشد: مستانس ما شاء الله زايد و كل اضورسه ظاهرات من وسع الابتسامه: لازم .. راشد:خيـــر زايد: احم احم ..و اخيرا .. اليوم بيخطبولي .. راشد فرح لأخوه و نسى همه و حزنه: احلف .. زايد: والله .. و بسرعه حضن راشد أخوه زايد: مبرووووووووووووووووك زايد استغرب من راشد .. اتوقع إنه يفرح بس مب لهاي الدرجه .. و حس إنه شي امضايجنه .. يعرف أخوه يوم يفرح وايد لخبر حلو مهما كان بسيط و يسوي منه فلم هندي يعني إنه كان قبلها متضايج .. زايد: الله يبارك فيك.. عقبالك .. اقول راشد و الابتسامه بعدها هويهه: هلا .. زايد بجديه: شو امضايقنك ؟؟!! راشد استغرب و حاول يتهرب: ما شي .. بعدين منو قالك إني متضاسج بالعكس انا فرحان لك وايد طول الوقت كان زايد يشوف راشد الي يحاول يتحاشى انه تتلقي عينه ف عين أخوه .. زايد بسخريه: واضح .. و يتجرب منه .. و يجابله و يحط ايده ع جتفه لا تنسى إني توأمك و أعرفك أكثر من عمري .. انا ما بضغط عليك ..بس وقت ما تبى نصيحه و لا تفضفض تراني تحت الخدمه .. نزل راشد راشه .. و اتحرك زايد ..يطلع من الحجره .. ويوم وصل عند الباب .. صد وقال .. زايد: ترى مب راكب عليك الدور .. جنك زايد الوغد ... ههههه *أونه أول مره ينكت* رفع راسه راشد و ابتسم .. ووو اتقرب منو اخوه و ضربه ع جتفه راشد بتكبر: زين يوم اتعرف عمرك ... هههههه و زايد يشوفه أونه معصب راشد: ههههههه زايد بفرح: ههههههههههه راشد: اشعليك ..لازم تضحك ..معرس ( و يغمز له) * * * عقب يوميــن سيارة حمد مد يحوط ف الشوراع .. و متضايق بالقــو * يا حظهم الشباب ..من يتضايقون يدقون سلف وي حوطون ..مب البنات .. يحليلهن.. هههه ..بديت اتحرطم* .. المهم كلنا نبى انعرف حمد ليـــش متضايق .. لأنه الأخت شهد مب امعبرتنه ,, ما اترد ع اتصالاته و لا مسجاته.. و فوق ها كله البارحه كل أهلها يوا يتغدون عندهم إلا هي و زايد ..هو ما همه زايد ع قولته(( لو يا بستغرب ..طول عمره وغد ...كحكحكحح)) .. أما شهد فعرف إنها ما يت عشان ما اتشوفه .. اهىء اهىء .. و الله غصــه .. شغل حمد الأف أم .. و سمع نبيل شعيل يلعلع .. يا قلبي سيــر عليها .. تستاهل إنك تجيــها ما دام اهيه ما تسأل .. روح أنت واسأل عليها حمد: والله يت نبيلو ..إني اسأل .. و اسأل ..بس هي ما تسأل و مسوتيلي طاف ..جان زين بس طاف .. اعتقد أقنور و بلوك .. *وحليله ..اتخبل قام يرمس المسجل ..ههههه* يا قلبي أنته الكبير .. صاالحها يعني شي يصير ما دام حلوه يا قلبي .. دوعه لازم تصير حمد: تعبت و الله تعبت .. أدري إني كبيــر *الكبير كبيــر ..لولز* .. و هي تستاهل .. انا بعد حلو .. بس ما اسوي الي هى اتسويه .. صالحها في نظرتين .. و خذلها وردتين يا قلبي والله البنات .. تسهرهم بكلمتين حمد: اسكت دخيلك .. ما تمر دقيقه من غير ما عطيها نظرتين .. و لا تقول وردتين .. وديتلها باقه *وايد عليك* ..باقه .. و بعدها اطنشني ... اووووووف ..تعبت ما اعرف شو اسوي *لا بليز لا تفقد الأمل* .. هي غير عن البنات لا كلمتين و لا وردتين ينفعن وياها.. بس انا لا يمكن اتنازل عنها ..حياتي ممله بدونها .. حتى زعلها حلو ..لولز .. بس عناد فيها .. (( انا وراج يا شهد و الزمـــــــــن طويـــــــل )) * * * بيت بو حمد حجرة أم حمد فيّ يالسه ويا أمها .. الي زقرتها قبل اشوي .. و مب مصدقه الكلام الي تقوله .. أمها تقولها إنه خطبها .. زايد خطبها .. بس كيــف ..هو يحب وحده ثانيه .. هو خبرني .. و ما تسمع أي كلمه أمها تقولها من عقب ما عرفت إنه خطبها و تفكر .. ليش ..هي ؟؟ ..مب حور؟؟؟ و البنت الي يحبها ؟؟!!!أ و الي كان بيخطبها ؟؟!!! *منو هاي بعد ..كل ما نفتك من عله تظهر عله ثايــه* أم حمد بحنان: ها شقلتي فيّ فيّ بصدمه:هـــــــا .. *ويعا* أم حمد اميوده ضحكتها: هههه .. اقولج شو رايج ..؟؟ فيّ بتسرع: لا أم حمد بصدمه: ليـــش ؟!! فيّ: أ أ .. ام أم حمد بحزن و اشوي لا تصيح: فيّ الله يخليج لا تستوين مثل حور .. كفايه هي .. انا ابى افرح بكم قبل ما موت *كلام كل العياييز و لا يموتن ..هههه.. استغفر الله* .. زايد ولد عمج ..و أنتي أكثر وحده اتعرف كيف انه ريال وزين و خلوق و .. *وغد ..لولز* .. فكري فكري ..ألله يخليج .. انا تعبت .. فيّ اتأثرت اتحب أمها وايد و ما تقدر ع زعلها و لا صياحها: خلاص أمايه إن شاء الله انا بفكر .. باست أم حمد راس فيّ و حضنتها: فديــتج .. لا تتحسبن اني اضغط عليكن و لا ما احبكن ..بس انا كلامي كله من خوفي عليكن .. فيّ اتقاطع أمها: اعرف أمايه ما يحتاي اتقوليــن و باستها و طلعت من الحجره .. متوجها لغرفتها .. * * * بعد مرور ساعات حجرة فيّ من كلمتها أمها و هي حابسه عمرها ف الحجره.. محتاره .. مصدومه .. خايفه .. ما تعرف شو اتسوي ,, أو كيف اتفكر .. مب عارفه اتوافق و لا ترفض .. إذا وافقت بتوافق عشان خاطر ناس ..بس بعد ما تقدر اتوافق عشان خاطر ناس .. و ف هالأثناء دخلت عليها حور .. حور مستانسه: مبرووووووووك .. مبرووووووووووووك .. كلولوليــــــــــــــــــــــــــش *عاشو ..عاشو* فيّ مستحيه: بعدني ما وافقت .. حور أونها معصبه: و ليش ما اتوافقين إن شاء الله .. بلاه زايد .. ؟؟ ..ما يعيب شي .. كفايه إنج إنتي محامية الدفاع .. ههههه فيّ بتردد: ادري زايد طيب و كل بنت تتمناه ..بس هو ما يباني .. *بدينا بدلع البنات* حور بتطنز: والله ؟؟ ..لا اتخبرين حد .. و أنا اقول ليش خطبج .. و اتصارخ بلا سخافة بنات .. انا ابى عرس .. ابا اتكشخ ..ههههه فيّ بحزم: و ليش ما يكون عرسج ,, سكتت حور و اتغير شكلها بس ما حبت اتبين: يا ذكيه إذا كان عرسي ما بقدر ارقص .. و انا ابى ارقص .. ههههه فيّ بعناد: و انا ما بعرس الين ما انتي تعرسين .. حور: ههههه .. يعني إذا عنست و ما ياني حد .. بتعنسين ويايه ..حرام ظلم .. فيّ بجديه: لا مب ظلم .. انا بتم وياج .. انا ادري إنتي ما بتعرسين من عقب خليفه .. و ما اباج اتمين بروحج .. حور انصدمت من أختها: أول مره اكتشف إنج متخلفه .. أحيدج العاقل .. شو استوى ؟؟ .. فيّ اشوي لا اتصيح: حور انا أحبج وايد .. و ما اقدر افكر إني أكون مستانس ويا شخص و أنتي عايشه بروحج .. صح الله يخلي أمي و أبوي .. بس انا غير حور: خقاقه بعد .. أنتي وافقي و لا اتحاتين فيّ بحزم: لا .. حورر: يا غبيه نسيتي إني وعدتج إني بفكر ف هالموضوع .. إذا إنتي اتفكرين ف سعادتي .. انا بعد افكر ف سعادتج و سعادة أمي و أبوي .. فيّ بفرح: وعـــــــــد ؟؟ حور تحضنها: وعد يا أحلى أخت .. ها وافقتي فيّ بدلع: لا حور بإحباط: ليـــش ؟؟ فيّ مستحيه: انا موافقه .. بس لازم أستخير و اسأل ربـــي *__* حور: كلوليـــــــــــــــــــــــــــش .. فيّ: بعد ليش .. حور: لإني حاسه إنج بتعرسين جريــب .. لولز * * * عقب يوميــن بيت بو زايد و راشد دخل راشد ع أخوه زايد و هو ضايج مول .. حتى اشوي لا يصيح *صيح و فكنا* .. راشد بضيجه: السلام .. زايد باستغراب: و عليكم السلام و الرحمه مشى راشد و هو يتأفف و يشل غترته و يحطها ع جتفه .. و يلس ع الشبريه مجابل أخوه .. و زايد اشوي لا توقف دقات قلبه .. أول مره يشوف راشد جيه .. زايد: خير رشود .. بلاك مويم ؟؟ راشد: اام .. ما عرف شو اقولك .. زايد بعطف: خير يا خوي .. راشد بتردد: قوم عمي ردوا علينا خبر .. زايد سكت و شاف أخوه بحزن عرف ردهم من ضيجة إخوه: ليش؟؟ راشد: يقولون البنت ما وافقت .. و انا كلمتها .. هي قالت إنك اتحب وحده .. و يمكن مغصوب تأخذها .. زايد عصب: مينونه هاي ..جيه تتحسبني ياهل بيغصبوني ع شي ما ابيه *اسمحلها تتحسب كل الناس ميود * راشد: فوق ها انته شارط إنه الملجه اتم عقب اسبوعين .. و هالشي خلها ترفض .. زايد بعصبيه: تدلع .. اصلن هي ما تباني ..انا قتلك .. خلاص كيفهم .. و انا مب متنازل عن شرطي .. راشد بسرعه: كيفيك .. بس لا تعصب وايد مب زين .. بتخسف .. و الملجه عقب اسبوعين ؟؟ ما فينا البنت صدق اتغير رايها .. زايد مصدوم و مب مصدق راشد و هو ميت من الضحك: هههههه .. طاع الشكل ...ههههههههههههه زايد يضربه: انته من وين متعلم هالسخافه .. مثقلك ياخي .. راشد: ههههههه .. مبروكز و يحضنها .. زايد بفرحه: الله يبارك ف حياتك .. عقبالك .. راشد: إن شاء الله..بس حرمتي بتكون أحلى عن حرمتك زايد بمزح: اتخسي .. راشد: هههه ..من الحين ما ترضى .. زايد بصوت واطي: من زمان .. راشد يغمزله: سمعتك .. زايد: اجلب يور فيس .. راشد: هههه ..بعديها عشان خاطر فيّ .. و يشرد .. * * * مرن أسبوعين .. خاليه من الأحداث بس بعد في أحداث مهمه .. أولها .. طلاق ساره .. سارهطلبت الطلاق لأنها اكتشفت إنه ريلها خمار و مدمن مخدارات .. و طبعا أبوها رفض ..بس الي ساعدها أخوها عبدالله .. ابوه غضب عليه وتبرى منه.. و عفس الدنيا ع راسهم .. بس عبدالله ما همه .. لأنه ما يعترف بأبوه .. المهم عنده سارا .. * * و حمد ما زال يحاول و يخطط يراضي شهد .. وشهد ما زالت اتصده .. بس ساعات يكسر خاطرها و اترمسه اشوي .. بس عقبها اترد مثل أول .. صعب تنسى الي صار .. و هند ردت سافرت .. لأنه حمد حقرها .. و فشلت إنها تستعيد قلبه و حبه .. فقررت اتكمل دراستها برع .. و نجحت ف إقناع أهلها .. بس هي ما زالت ع أمل إنه علاقه شهد و حمد تنتهي .. * * أما مايد يوم عرف أنه فيّ بتملج .. جلب البيت ع رووسهم .. و اتضارب ويا أمه .. و يلس يلومها .. و حالته الننفسيه تعبت .. كره الدنيا ..كره بيته .. حتى بدى يحس إنه يكره أمه و نفسه .. و ف محنته هاي محد وقف وياه غير أخوه الصايع عبووووود .. و اتعرفون نصايح الصايع كيف .. و عبود كان ينصحه .. و يوقلون لا ترد بس ع أمك ..انته الغلطان أنك وافقت من البدايه و ما كان عندك موقف وراي .. * * * يوم الملجه بيت بو حمد الملجه كانت بسيطه و عائليه نوعا ما .. و فيّ كانت بسيطه و حلوه .. تم كل شي ع خير .. و زايد مب مصدق .. و فيّ ترتقل من الزياغ .. لأنه حياتها بتتغير و ما اتعرف كيف بتكون .. يعني خوف و توتر عادي .. و حور و حصه و شهد متخبلين و شغالات من الصبح .. رقص * رقص .. و عقب ما الكل روح ..دخل زايد يلس اشويه ويا حرمته و هو محمر و مخضر .. و البنات يضحكن عليه .. ودخل وياه حمد .. حمد يوم شاف شهد اتقرب منها حمد بغزل: قمـــــــــــــــر .. شو هالعدول .. اتينين ..ها كله حقي .. شهد استحت و حقرته .. حمد يكلم حور: اقول حور .. بليز حطي نانسي .. ابا اشوف حرمتي و هي ترقص و غمز لشهد الي انصدمت و انقهرت .. حور: حاضرين .. شهد بقهر: سخيـــــــــــف .. و مينون حمد: لا تلوميني من فراقج .. أما صوب المعرس و العروس .. زايد: مبروك .. فيّ: الله يبارك ف حياتك .. و بــــــــــــــس ..لولز .. يستحي الريال .. * * * اليوم الي عقب .. بيت بو زايد و راشد طلع حمد معصب و مفول من حرمته .. يقول ف خاطره انا عندي حرمه مينونه .. أحرجته جدام الكل .. بس هو استحمل و ما حب يبين للكل إنه زعل .. عيل يقولوها صبيله جاهي اتقول عند ايد .. و اقولها من ايدج أحلى .. اطنشني .. و تطلع .. ما عليه .. و عقب اترد و لا كأنها مسويه شي .. و لا بعد اطنشني و لا اتشوفني .. برايها .. فتح باب سيارته و يلس .. انصدم يوم شافها يالسه و تضحك .. حمد أونه زعلان: خيـــــــــــــــر شهد ميوده ضحكتها: ما تبى الجاهي .. حمد بقهر: ما ابى .. شهد بدلع: انا مسوتنه بايدي .. حمد يبى يقهرها: خير يا طيــر شهد بدلع أكبر: حمــــــــــــــــــد .. لا تزعل عاد .. ما اقدر انا حمد اشوي لا يطير من الفرحه: ما تقدرين على شو .. شهد نزلت عينها: ع زعلك .. بطل حمد عيونه ..انصدم .. الله يعني سامحتني .. اتقرب حمد منها و باسها ع يبتها .. و هي بسرعه نزلت من السياره .. و هو نزل وراها .. و دخل الصاله حصلهم كلهم متيمعين .. حمد و هو يلهث: عمي خلاص نحنا قررنا العرس عقب ثلاث اشهور .. انصدمت شهد .. بس ضحكت .. هههههه بو حمد: خلنا نسمع راي البنت ... الوّد: توقعاتكم ؟؟ اتوافق ؟؟ ولا اترد شهد النحسه .. راشد يضربني: بس عن السخافات ..أكيد بتوافق ..ها سمعتي وافقت .. أونها تبى تتأكشن الوّد : أنته ليش جيه اتسوي ؟؟ مالت عليك .. ما أحبك .. *جذب* راشد: تتزوجيـــــــــــــــــني.............. كـــــــــــــــــــت .. خلص البارت .. ارائكم بليز Quote Link to comment Share on other sites More sharing options...
بحرينيه^مزيونة Posted يناير 26, 2006 Report Share Posted يناير 26, 2006 تسلميين حببتي ،، يعطييج العاافيه ،، بانتظار التكمله ،، بلييز فديتج لاتتاخرين،، Quote Link to comment Share on other sites More sharing options...
ام كــشــة Posted يناير 26, 2006 Report Share Posted يناير 26, 2006 و الله الود ودي احطها لكم كاملة بس كاتبة القصة اللي يهداها تعل قلبنه على ما تنزل بارت يديد انه متابعتها و اول ما تنزل بارت باحطه لكم و سامحوني على القصووووووور Quote Link to comment Share on other sites More sharing options...
سارو الهبلة Posted يناير 27, 2006 Report Share Posted يناير 27, 2006 مشكوووووووووووووووووووووووووووووووووووووووووووووووووووورة اختي ع البارت الحلو و ننطر الباقي باحر من الجمر .. عاد مو تتاخرين علينا تحياتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.