شنقص Posted مايو 16, 2005 Author Report Share Posted مايو 16, 2005 الجزء السابع عشر :: في يوم من الأيام في الفجر .. الهدوء عائم في شوارع فرنسا .. ما ينسمع سوى صوت الأغاني العالية من سيارة خالد .. كانوا حسن و خالد توهم طالعين من أحدى الأستراحات .. بدل ما يتوجهون للصلاة .. لان الحين وقت صلاة الفجر .. و كان في مجموعة من الشباب مارين صوبهم بس كان يطلع من ويوههم النور .. و كانوا الشباب بينهم متفقين أن يلاحقون حسن و خالد عشان يهدونهم لطريج الحق و الصواب .. و للعلم ها الشباب كانوا مسلمين .. ( ترى في فرنسا في شباب مسلمين و في مساجد بس أعدادها قليلة ) .. لما صارت الاشارة حمرة .. و الشباب للحين يلاحقون حسن و خالد .. عصب خالد فنزل من سيارته و فتح باب اليمين من سيارة الشباب .. خالد بعصبية : يا الحمير شالتصرف .. ليش من مساعة تلحقونا .. ؟؟ الشاب الأول : يا الأخ حسن كلامك .. عيب ترى الله ما يرضى خالد باستهزاء : لا خوش خوش تعرف تتحجى عربي و تعرف الله الشاب الأول : للأسف انتوا العرب اللي الدين دينكم بعتوه عيل شنقول احنا الغرب .. أخوي احنا مسلمين .. كلنا اخوة .. خالد : اي أخوة وية ويهك ؟ الشاب الأول : ترانا لحد الحين احنا محتملين قلة أدبك في سبيل هدايتك .. و ترى الرسول صلى الله عليه و سلم : قال لا فرق بين العربي و الأعجمي الا بالتقوى و العمل الصالح .. خالد انصدم يوم سمع أسم الرسول فغير لهجته : يبين عليكم شباب مأدبين و محترمين ؟ الشاب الثاني : نتمنى ها الشىء .. خالد : زين شتبون مني ؟ انا انسان ما صليت 3 سنين .. و كل حياتي لعب قبار و شرب الخمر الشاب الأول : أعوذ بالله .. ترى الله يقبل التوبة خالد و عيونه تدمع : بس ما اظنه بيقبل توبة واحد مثلي .. قمت بالكثير من المعاصي و أكثر معصية جرفت الانسان الطاهر البريىء و هو ياشر على حسن .. في شر و نهر جاري هو كان في غنى عنه .. في ها اللحظة حسن شاف خالد وايد تأخر و معنه كان بحالة سكر .. طلع من السيارة و راح لهم .. حسن : خالد شفيك تصيح ؟ تونا كنا نضحك في السيارة خالد : ........ الشاب الثالث : شرايكم أخواني ناخذكم معانا لصلاة الفجر هني حسن أنتفض و قعد يرتعش : ... خالد و هو قاعد على الشارع و الاشارة صارت خضرة بس الشوارع خالية .. : سامحني سامحني حسن دمرتك .. و دمرت زوجتك .. و و ما اقدر ما اقدر اتكلم احس اني بختنق .. الشاب الثالث : ادعوا التوبة و السماح من الله .. حسن و هو قاعد يتذكر : خسرت كل شىء .. زوجتي .. بيتي .. أهلي .. و اهم شىء ربي و قام يود خالد من رقبه : دمررررررررررررررررررررتنننننننننننني الله يلعنك الشاب الثاني و هو ييود يد حسن : انس الماضي امامك المستقبل و تقدر تصلح كل اغلاطك حسن : شلون زوجتي بتسامحني .. و شلون ربي بيسامحني شلوووووون .؟ و قعد يصيح قاموا الشباب الثلاث .. دخلوا حسن و خالد في السيارة .. حالتهم كانت تكسر الخاطر و تدمع العيون .. خالد و هو قاعد يحاول يقرا سورة الفاتحة بس مو قادر .. توقعوا حتى الفاتحـــــــــــة ما يعرفهـــــا .. قام الشاب الأول قال للشاب الثاني بأن يمشي سيارة خالد و ييبه عند بيته لانهم بيروحون بيته عشان يغتسلون حسن و خالد و يلبسونهم ثياب نظيفة عشان يروحون يصلون صلاة الصبح في المسجد .. ( و للعلم ترى الشباب لحد الحين ما يعرفون اسم خالد و حسن بس يبون يسون عمل خير قربة لله ) .. ( أسماء الشباب : الأول : محمد و الثاني : عيسى و الثالث : آدم .. ) يوم وصلوا بيت الشاب محمد : محمد و هو يقول لآدم : قوم ننزلهم من السيارة .. تراهم لحد الحين مب صاحييج و متأثرين .. آدم : توكل على الله .. اكاه عيسى ياه .. عشان يساعدنا و توكلوا كلهم على الله و حملوا حسن و خالد لداخل البيت و ودوهم الحمام و غسلوا ويههم عدل ليما حسوا انهم صاروا شوي اصحاء .. بعيدين علموهم طريقة الاغتسال .. و بعد ما اغتسلوا .. طلعوا لهم ملابس يديدة .. و لبسوهم اياها .. و بعد ما تجهزوا .. قام خالد و هو يرفع ايده للسماء : يا رب سامحني و راح صوب حسن و باس راسه : سامحني حسن خلطت بحقك وايد حسن و هو ما يعطيه ويه : روووح عني انت الدمار في حياتي .. سمع محمد الحوار اللي دار بينهم فراح لهم و يود جتف حسن .. حسن : انت انسان طاهر ليش قاعد تيود جتف انسان خسيس و مدمن و قعد يصيح و يطق راسه في الطوفة .. محمد : تعوذ من الابليس .. ما في فرق بيني وبينك ترى الانسان يغلط .. و لازم يكون قوي و شجاع و يعترف بغلطته و يحاول يصلحها بشتى الطرق .. و اما عن سالفة الادمان بنوديكم المستشفى عشان يعالجونكم خالد : المتشفـــــــــــــــى ؟ محمد : اي مافيها شىء .. بعدين بتردون تصيرون مثلنا و احسن حسن بحزن و ارهاق : يعني سمعتنا ما تخترب ؟ محمد : بالعكس هاي هو بداية طريقكم للهداية حسن : بس ما قلت لنا شلون نعدل اغلاطنا ؟ محمد : اول لازم اعرف اسمكم ؟ حسن : أنا حسن خالد : و انا خالد محمد : و النعم فيكم حسن و خالد أنا محمد .. الحين بقول لكم شلون لازم تصلحون اغلاطكم .. لازم اول شىء تردون للصلاة و قراءة القران و تدعون من ربكم المغفرة بشرط نيتكم تكون صافية .. خالد : تقصد يكون من القلب ؟ محمد : اي و من بعيد شافوا عيسى و آدم قاعدين ييون .. عيسى : الحمدلله الحين انتوا اشوا حسن : كله بفضلكم عيسى : هاي اللي الله كنا نبيه .. انا عيسى و انتوا شسمكم ؟ حسن : حسن خالد : خالد آدم : و النعم أنا آدم محمد : يا جماعة الخير .. امشوا نروح المسجد عشان نصلي صلاة الصبح لان تأخر الوقت خالد و هو خايف و ميود ايد محمد : متأكد ان الله بيسامحني ؟ محمد : اذا نيتك بتكون صافية و تبي تتوب توبة نهائية خالد : اي ابي اتوب توبة نهائية .. لان من طريقة كلامكم و تصرفاتكم يبين بان دين الاسلام هو الحق و اللي يجلب السعادة للانسان في الحياة محمد : فعلا .. خالد : للاسف كنت مسلم بس ما اعرف عن ايلامي شىء .. محمد : الله يهدينا جميعا .. و راحوا كلهم المسجد .. و ها الشباب كانوا النور في طريق هداية حسن و خالد .. من طريج الظلمة اللي كانوا ماشيين فيها لشهور .. بعد صلاة الصبح .. راح حسن و قعد صوب خالد .. حسن : خالد انا مسامحك خالد و ابتسامة خفيفة على ويهه : تعال بحضنك حسن : ......... خالد : ............. حسن : لازم احل كل الأغلاط اللي سويته و اول شىء من باجر أدور أحلام خالد : سامحني خالد سامحني .. بس على ما اضن باجر بنروح المستشفى عشان يعالجونا و يمكن تبقى اسبوع فيها حسن : انشاءالله يوم اللي بنطلع و احنا زينين بدورها .. خالد بدمعة على ويهه : اتمنى ها الشىء .. بقعد الحين اقرا القران .. من زمان ما قريت .. حسن : مدري شلون اشكر محمد و عيسى و آدم خالد : ولة أنا مادري شلون .. حسن : عن أذنك بروح للشيخ .. بسأله جم سؤال .. Quote Link to comment Share on other sites More sharing options...
JeNeYa Posted مايو 16, 2005 Report Share Posted مايو 16, 2005 ثاااااانكس ننتظر الباقي لا تتاخرين علينا واتمنى انش تنزلين اجزاء اطووووول Quote Link to comment Share on other sites More sharing options...
مراوي الحلوة Posted مايو 16, 2005 Report Share Posted مايو 16, 2005 B) طلب صغير نبي الاجزاء تكون اطول من جذي ؟ ثانكس على التكمله Quote Link to comment Share on other sites More sharing options...
شذى الروح Posted مايو 16, 2005 Report Share Posted مايو 16, 2005 يسلمو على القصة الرووووووووعة و يعطيج ربي الف عافية و عساج عالقوة دووووووم ننتظر الباقي على احر من الجمر شذى الروح ... Quote Link to comment Share on other sites More sharing options...
شنقص Posted مايو 16, 2005 Author Report Share Posted مايو 16, 2005 والله ارجوكم تسامحوني لان بكرة ما اقدر اقعد لان الاربعاء عندي امتحان فانشاء الله يوم الاربعاء بنزل لكم الاجزاء الباقي ان شاء الله تعذروني Quote Link to comment Share on other sites More sharing options...
أسير الغربة Posted مايو 16, 2005 Report Share Posted مايو 16, 2005 شكراااا ننتظر التكمله B) Quote Link to comment Share on other sites More sharing options...
مراوي الحلوة Posted مايو 16, 2005 Report Share Posted مايو 16, 2005 نزلي لنا جزاء بسيط على الاقل نبي بسرعه وقت نخلص القصه وانا بالصراحه الفضول ذابحني ابي اقرئها كامل في يوم مسموحه اختي بالتوفيق في دراستج Quote Link to comment Share on other sites More sharing options...
شنقص Posted مايو 18, 2005 Author Report Share Posted مايو 18, 2005 (edited) السلام عليكم والله اخاف اتكلم و ............. الي كتبت القصه عنده امتحانات وما تكمل الا تاريخ..... 29\5\2005 بس الله يوفقه واهي ما بتقعد على النت من جذي ما بتكمل القصه الغايب حجته معاه Edited مايو 18, 2005 by شنقص Quote Link to comment Share on other sites More sharing options...
JeNeYa Posted مايو 18, 2005 Report Share Posted مايو 18, 2005 الله وفقها ان شاء الله Quote Link to comment Share on other sites More sharing options...
مراوي الحلوة Posted مايو 18, 2005 Report Share Posted مايو 18, 2005 يه الى متى ابقى الفضول ذابجني انا انتظر الباحي على احر من الجمر ابي اكمل القصه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.