بحرينية_عسل Posted يونيو 29, 2005 Author Report Share Posted يونيو 29, 2005 مسامحة حبايبي اني بتأخر عليكم شوي في تتنزيل الجزء السابع و السبب انه القصة مثل ما قلت لكم منقوله و كاتبه القصة كملت الجزء بس ما نزلته للحين طرشته لي على الايميل و لكن انا وعدتها اني ما انزله قبلها. حبايبي صبروا علي جم يوم و ان شاء الله راح انزل البارت و صدقوني البارت الياي وااااايد طويل و وااااايد فيه مفاجأت. تحياتي Quote Link to comment Share on other sites More sharing options...
بنت النور14 Posted يونيو 29, 2005 Report Share Posted يونيو 29, 2005 اوكي حبيبتي......... بس لا تتاخرين وايد Quote Link to comment Share on other sites More sharing options...
نسمة حنان Posted يونيو 29, 2005 Report Share Posted يونيو 29, 2005 القصه روعه بس بسرعه كمليها نستنها احر من الجمر Quote Link to comment Share on other sites More sharing options...
الشمعة المضيئة Posted يونيو 30, 2005 Report Share Posted يونيو 30, 2005 ان شاء الله حبيبتي لكن لاتتاخرين علينا Quote Link to comment Share on other sites More sharing options...
بنت النور14 Posted يوليو 1, 2005 Report Share Posted يوليو 1, 2005 وووووووينج وايد تاخرتي Quote Link to comment Share on other sites More sharing options...
بحرينية_عسل Posted يوليو 4, 2005 Author Report Share Posted يوليو 4, 2005 مسامحة على التأخير الجزء السابع: يوم الجمعة العصر الساعة 4 في بيت منى... منى في غرفتها تجهز اغراضها للسفر,,, اميرة كانت في الصالة تفكر شلون اختها بتسافر وتخليها بروحها... حدها متضايقة من هالشي,, على الرغم من الخلافات اللي تصير بينهم بس وايد تحب منى مع انها عمرها مابينت هالشي,,, قامت اميرة من الصالة وراحت غرفة منى.. اميرة وهي منحرجة من الكلام اللي تبي تقوله لاختها: منوووووي منى: هلا اميرة: لا تسافرين منى مب مستوعبة كلام اختها: شنو؟ ليش مااسافر؟ اميرة: لا تخليني بروحي,, والله مااستحمل فراقج منى وهي مستانسة من شعور اختها اتجاهها: مابتمين بروحج,,, معاج امي وابوي,, بعدين عندج هنادي ودانة اميرة: لا انتي غير,,, على الهواش اللي يصير بينا بس احبج واعزج وايد منى على طول لمت اميرة: انا بعد احبج,,, ولايكون في بالج ان لما نتهاوش احط في خاطري,, بالعكس انتي اختي ولازم استحملج اميرة سمعت كلام منى على طول صاحت: بعد عمري اختي,, الله لا يحرمني منج منى: ان شاء الله,, بس لا تصيحين,, مابي اصيح معاج,,, وهي عينها مليانة دموع اميرة تمسح دموعها: انزين, بس توعديني كل يوم تكلميني منى: هههه ان شاء الله عادل وعبدالله نفس الشي,, كل واحد قاعد يجهز اغراضه للسفر,,,,, دانة في غرفتها حاطه اللاب توب على حضنها تكلم محمد عالماسنجر.. انتي حياتي: على فكرة اختي بعد تبي تدرس محاسبة دانة الدنيا: هي بنفس عمري؟ انتي حياتي: اي,, ان شاء الله تتعرفين عليها في الجامعة وتكون معاج في محاضراتج دانة الدنيا: لالالالا,, ماابيها معاي محمد وهو مستغرب,, انتي حياتي: ليش؟!!!!!! دانة الدنيا: عشان ماتقول لك كل صغيرة وكبيرة عني انتي حياتي: هههههههههههههه يالعيارة... عشان جذي هااا,,, تدرين بادعي ربي ليل نهار عشان تكون معاج في كل المحاضرات وتصيرين صديقتها واقدر اجوفج بعدين اي وقت ابي دانة الدنيا: لالالالالالالالالالالا,,,, حتى لو صرت صديقتها ماراح اخليك تجوفني انتي حياتي: حرام عليج,,, دانة الدنيا: كيفي... انتي حياتي: دانواااااااااااااااااا,,, دااااااااااااااااااااااانتي,,, دندووووووووووووووونه دانة الدنيا: هههه خير انتي حياتي: احـــــــــبــــــــــــــــــــــــــــــــج دانة الدنيا: انا بعد انتي حياتي: انتي شنو؟!!!!!! دانة الدنيا: مثل اللي قلته انتي حياتي: اي عاد شنو ؟؟؟ كتبي لي انا ماافهم دانة ادنيا: اوهوووو,, لا تصير عيار انتي حياتي: يالله قولي لي.. انتي شنو؟ دانة الدنيا: احبك انتي حياتي: بعد عمري والله,, متى اسمعها في اذني بس في نفس الوقت ساره قاعده مع امها في الصالة,, سارة: يمه,, متى بييون خالاتي عالعشا؟؟؟ ام احمد: اليوم يمه سارة: اهااااا,, عشان جذي رديتوا من بيت يدتي من وقت ام احمد: اي,, قلت ايي اجهز العشا,, تدرين منى باجر بتسافر لندن,, قلنا نسوي لها حفلة صغيرة مفاجأة قبل لا تروح سارة: انزين ليش ماتسون لها في بيت خالتي؟ ام احمد: لانها في البيت قاعده تجهز اغراضها للسفر,,, واحنا مانبيها تحس بأي شي سارة: ياحليلها منوووي,, تستاهل ام احمد: يالله يمه قومي معاي المطبخ عشان نجهز كل شي قبل لااييون... ونادي لي دانة معاج,,, سارة: ان شاء الله ام احمد: هالبنت ماادري اشفيها,, من تدخل غرفتها ماتطلع سارة: بعد اشفيها,,, مجابلة اللاب توب ام احمد: ماعليه,, عالاقل تيي تقعد معانا شوي,,, سارة راحت لدانة غرفتها عشان تناديها,,, بطلت الباب وحطت يدها عالمقبض سارة: بسج انتي من هاللاب توب,,, ماصرتي عميه دانة: اشفيج ؟؟ اشتبين؟!!! سارة: تعالي ساعدينا,, مافي وقت ,, نبي نخلص بسرعة قبل لاييون خالاتي دانة: اي صج,,, اوكي اوكي الحين بايي سارة توها بتصك الباب نادتها دانة: سارة,, سارة ساره: هلا دانة: تروحين محل الذهب ,, محل كومار سارة: ليش؟ دانة: لان امس انا وامي رحنا مع احمدي وصينا على سلسلة ذهب حق منى,, عاد هو قال اليوم بتبرز,, واحمدي مايقدر يروح,,, سارة: اي بس امي تبينا نساعدها ,, دانة: ماعليج .. انتي روحي بسرعة المحل وتعالي.. وانا باتصل حق هنادي تيي تساعدنا على ماتيين,,, اشرايج سارة: اوكي,, وبالمرة باشتري حق منوي شي صغير دانة: زين,,, بس لاتتأخرين سارة: اوكي,, قومي انتي الحين عن هاللاب توب وروحي حق امي المطبخ طلعت سارة من غرفة دانة,,, محمد طرش اشكثر مسجات لدانة لما كانت تكلم اختها,,, هي ماقالت انها مشغوله,, فعباله حاقرته دانة الدنيا: بل بل بل اشفيك انتي حياتي: وينج... اشفيج ماتردين علي دانة: سووووري حمود,,, اختي كانت تكلمني انتي حياتي: زين جان قلتي لحظة,, او برب دانة الدنيا: سوري,, اخرمرة انتي حياتي: لا عادي عمري دانة الدنيا: انزين حياتي.. انا اخليك الحين انتي حياتي: وين؟ تو الناس دانة الدنيا: باروح اساعد امي ,,, خالاتي بييون عالعشا انتي حياتي: يصير انا ايي بعد؟ دانة الدنيا: حياك,, بس بتتعشى طق من احمد ههههههههه انتي حياتي: لالالالا,, هونت دانة الدنيا: يالله,, تامر بشي انتي حياتي: اي دانة الدنيا: شنو؟ انتي حياتي: تحملي بروحج دانة الدنيا: ان شاء الله,, انت بعد بندت دانة الماسنجر عشان تروح تساعد امها في المطبخ,,, بس قبل اتصلت في هنادي حق تيي تساعدهم هنادي: افا عليج دانوااا,, الحين بايي دانة: بعد عمري انتي,, بس لاتتاخرين هنادي: اوكي سكرت هنادي التلفون من دانة... امها كانت واقفة يمها ام هنادي: اشفيها دانة؟ هنادي: تبيني اروح اساعدهم ام هنادي: انا بعد كنت باقول لج وديني بيتهم,,, هنادي: يالله عيل نروح مرة وحده,, طباخج برز؟؟ ا م هنادي: اي من زمااان هنادي: وعمتي سلمى من بوصلها بيت خالتي؟ ام هنادي: ابوج قال بمر عليها احمد كان في بيت يدته قاعد مع نواف... نواف: شخبار ست الحسن والجمال؟!! للحينها تحاول تكلمك احمد: لا تذكرني فيها,, باغير رقم تلفوني بسببها نواف: زين تسوي,,, احسن لك عن عواراراس احمد: وانت؟ شخبار هنادي معاك؟ نواف: تمام والله.. تعرف كل يوم قاعد اكتشف فيها مواصفات تخليني اتعلق فيها زود.. ماتخيل عمري ارتبط بوحده غيرها,,, صج قلبها كبير هالبنت.. وحنون احمد: هنااااااااادي,, ام لسان طويل حنوووووونه نواف: هااا,, اشفيك على خطيبتي؟؟ احمد: متى صارت خطيبتك.. بس تبي تلزقها فيك بهالسرعة نواف: اي بتصير خطيبتي,, اصلا احنا اتفقنا ان في سبتمبر اروح اخطبها من ابوها احمد وهو فرحان حق ولد خاله: الله يوفقكم ان شاء الله نواف: انزين.. ليش ماتخطب انت بعد؟؟ احمد: اخطب من؟ نواف: خل امك تدور لك,, في بنات وايد بالديرة احمد: لا,, انا البنت اللي ابيها انا باختارها نواف: عشان تطلع لك مثل لينا؟ احمد: هذاك اول.. الحين صرت اعرف للبنات زين,, يعني اعرف شلون اختار البنت الزينة هالمرة نواف: الله يرزقك بالبنت اللي تريحك احمد: ان شاء الله نجاة بعد ماخلصت طباخها راحت لليده غرفتها..: خالتي اليده ميوده صندوق في يدها بتقعد عالسرير: خير يمه نجاة: شتسوين خالتي؟ اليده: مااسوي شي,, بس حطيت قرآن في هاي الصندوق,, باعطيه منى عشان توديه معاها,, تعرفين هناك بلاد غربه,, مايعرفون شي عن ديننا,, عالاقل تقعد تقرا فيه عشان مايقل ايمانها وتتاثر بحياتهم,,, نجاة: هذي احسن هديه بتستلمها منى اليوم,,, اليده وهي تنظف نظارتها: متى بودينا نواف لهم؟؟ نجاة: بنروح بعد صلاة العشا ان شاء الله اليده: اي احسن,, عشان يمديني اجهزروحي محمد قاعد عند باب بيتهم من الملل,,, اووف صج ملل بتصير حياتي... عدول وعبود باجر بيسافرون,, وبيتنا بعد يبي لهم اسبوع عشان يردون, ,, اطلع مع من بعدين؟؟ خل اتصل لهم اجوفهم وين,, اتصل على رقم عبدالله بس ماكان يرد فاتصل على تلفون عادل عادل: هلا هلا الحمد محمد: وينكم انتوا... هالكثر السفره ماخذه وقتكم كله عادل: افا,, ليش اشفيك؟ محمد: حدي متملل,, وعبود اتصل فيه مايرد عادل: تلاقي يجهز اغراضه,, تعال مر علي بيتنا ونروح له بيتهم محمد: انت خلصت اغراضك,, عادل: اي خلصت,, ماابي اروح حق الشقر باجر وانا ناسي شي محمد: مالت عليك,, باييك بعد صلاة المغرب عادل: انتظرك بعد صلاة العشا الاهل كلهم وصلوا بيت دانة.. في الصالة,,, هنادي حاطة دنيا على حضنها: والله بتوحشينا منوووي منى: انتوا اكثر والله ام احمد: تحملي بروحج يمه هناك,,, ولااحد يقص عليج,,, وحافظي على صلاتج وحجابج منى: ان شاء الله ام منى: وليد بيكون معاها هناك,, يعني ماينخاف عليها سلمى: اشوه بعد ان اخوها معاها,,, الواحد يخاف يطرش بناته في بلاد غربه بروحهم اميره: انا بعد اذا خلصت مدرسة باروح ادرس معاهم هنادي تكلم دانة بصوت خفيف: اي عشان يصير الطق هناك خخخخخخ دانة حرام عليج,, اميرة وايد متأثرة ان منى بتروح عنها هنادي: اوووووه مايطيح... دانة: سكتي لا تسمعج,,, في الميلس,, الرياييل كانوا قاعدين ابو هنادي: الله يوفق بنتك وولدك هناك ان شاءالله,, واييون رافعين راسك ابومنى: ان شاء الله,, ابوهنادي: اشوه ان وليد معاها,,, عالاقل بتطرشها وانت مرتاح البال ابومنى: اي عشان جذي انا وافقت انها تدرس في لندن ابو هنادي: انا هنادي اشكثر حنت علي تبي تدرس بره,, بس قلبي ماطاوعني تروح بعيده عنا ابو منى: بعد بنتك الوحيده,, الله يوفقها في دراستها هني ان شاء الله نواف وهو يكلم احمد: اشوه ماخلاها تروح,, جان الحين انا ماعرفتها احمد: هههههههههه,, صج خبل ابو هنادي: اشفيكم تضحكون؟ احمد: ها.. لالا.. مافي شي, بس نواف يفكر يدرس بره بعد,,, وهو يغمز له ابو هنادي: ما شبعت من الدراسه,, توك متوظف,, باقي بس نخطب لك نواف,,اي والله,, بس عاد تخطب لي بنتك: هههههه,, لالا تو الناس عمي احمد: اي تو الناس,, هو ميت عالعرس ,,دور له عمي وحده,, خل نعرسه بسرعه نواف وهو يكلم احمد: اذا ماسكت الحين... قطع ابو منى كلامه: زواجك بيكون على يدي.. انا بادور لك وحده احمد: اجوف اشتغلت خطاب عمي ابو منى: ههههههههههههه بعد يبي يعرس,, خل ندور له طاحوا طنازه في نواف طول الوقت احمد: خل اروح اقول لهم يحطون العشا طلع احمد من الميلس وطق باب الصالة,,يمه.. يمه ام احمد: خير ياولدي,, راحت له ام احمد,,, احمد: مابتعشونا,, متنا من اليوع ام احمد: ان شاء الله ,, الحين بنحطه,,, تعال سلم على خالتك ام وليد (ام منى) ما سلمت عليها احمد: سوي درب عشان ادخل لبسوا لبنات شيلاتهم عشان احمد يدخل احمد: السلام عليكم الكل: عليكم السلام احمد وهو يسلم على خالته: شلونج خالتي ؟ شخبارج؟ ام منى: الحمدلله ياولدي بخير احمد: منى شلونج, شخبارج اميره؟ اميره ومنى: الحمدلله بخير احمد يكلم منى: بتخلين اميره بروحها,, منى: اي,, بس هني دانة وهنادي لي تمللت تقعد معاهم هنادي: بل,, الله يعيني عليها احمد: المهم, تحملي بروحج هناك,, خلج كله مع وليد منى: ان شاء الله احمد يكلم امه: بسرعه نبي نتعشى اليده: ان شاء لله يمه الحين بنحط العشا.. كليت امك من حنتك احمد: بعد يوعان,,يالله ننتظركم احمد وهو بيطلع من الصالة,, راحت له دنيا: اامد أأمد احمد افتر لها بسرعة: هلا حبيبتي,, شلونج؟ مانتبهت انج موجوده دنيا: انا دينه احمد: فديت كلامج الحلو سلمى: تعالي ماما ,, عيب دنيا: لالا,, ابي الوح مع اامد احمد وهو يضحك على كلامها: تعالي باوديج معاي,, دنيا وهي تاشر بيدها حق امها تسوي لها باي هنادي: تموت عالصبيان بنتج دانة: لا,, اصلا هي من تجوف احمد اخوي تركض له,, نواف اشكثر حاول ياخذها بس هي ماترضى هنادي وهي تطق دانة: تبين تقولين ان اخوج حبوب اكثر من نواف دانة: اشفيج محترة من اخوي على حبيب القلب هنادي: سكتي بس خذ احمد دنيا ووداها معاه الميلس بعد العشا,, كل وحده طلعت الهديه اللي شاريتها حق منى عشان تتذكرهم بهم في لندن,, منى وايد تأثرت بهالشي,, وابدت شكرها للكل لهالشي وللحفلة الصغيرة اللي سووها لها على الساعة 11 استأذنوا الاهل عشان يردون بيتهم,, دنيا مارضت تروح عن احمد,, متعلقة فيه ماتبي تهده سلمى: يالله ماما بنروح البيت,, مايصير نقعد اكثر,, دنياوهي تصيح: ابي اقأد هني,,, ابي أأمد هنادي: انتي هاي سالفتج,, من تتعلقين في احد ماتبين تخلينه احمد: حبيبتي مايصير تخلين ماما بروحها في البيت,, لازم تروحين معاها دنيا: لا.. ماابي سلمى: دنيا لا تصيرين دليعه,, يالله خل نروح احمد: دنيا ,,روحي الحين باجر ايي اخذج اوديج حق الالعاب دنيا: لا,, تقص علي دانة: صج عاقلة احمد: هههه,, لا ماقص عليج,, باوديج دنيا: اذا ماييت باسيح وايد احمد: لا باييج, عطيني بوسه قبل لا تروحين دنيا هدت لما قال لها احمد بيوديها باجر الالعاب : اموااااااااااااااااااح احمد: فديتج,,, يالله روحي حق ماما سلمى خذت دنيا من احمد: مسامحه احمد,, قلت لك بتأذيك احمد: لا اشدعوه,, بالعكس وايد حليوه هي,,, بعد اذنج باجر بايي باخذها سلمى: ما يحتاج والله,, بتغربلك احمد: لالا عادي,, وهو يطلع الكارت,, رقمي مسجل هني,, لي برزيتها العصر اتصلي فيني عشان ايي اخذها بعد الدوام سلمى وهي تاخذ الكارت: ان شاء الله يوم ثاني الصبح الساعة 7 منى سافرت,,, عادل وعبدالله كانوا معاها في نفس الرحلة... لما وصلوا مطار لندن منى كانت تنتظر وليد عشان ايي ياخذها وكانت حدها خايفة’’’’ عادل وعبدالله كانوا ينتظرون ربعهم عشان اييون ياخذونهم بعد,,, انتظروا البقية تحياتي Quote Link to comment Share on other sites More sharing options...
بحرينية_عسل Posted يوليو 5, 2005 Author Report Share Posted يوليو 5, 2005 وين ردودكم؟؟ يا الله لا تبخلون علي Quote Link to comment Share on other sites More sharing options...
الشمعة المضيئة Posted يوليو 5, 2005 Report Share Posted يوليو 5, 2005 ثانكس حبيبتي ع القصة لاتتاخرينا علينا Quote Link to comment Share on other sites More sharing options...
The eNd Posted يوليو 5, 2005 Report Share Posted يوليو 5, 2005 السلام عليكم شخباااركم .... مسامحه بحرينيه_عسل بنزل عنج الباااارت ولا تزعلييين علييي عادل: عبود,, انا ماستحمل,,, قلبي بيطيح عبدالله: اشفيك انت يالخبل,,, متخرع عادل: وين مااتخرع وهني كل شقر طافت وحده شقره يم عادل عادل:هلووووووووووو,, عطينا ويه عطته نظرة ومشت عنه عبدالله: وعوووووووو,, كل مكان يفشلون فيك,,, حتى هني عادل: ههههههههه خفيف عادل انتبه لمنى قاعده بروحها تنتظر: عبووود جوف البنت اللي هناك عبدالله: اي وحده؟ عادل: اللي هناك,, لابسة حجاب,, الخليجيه عبدالله: افتريت عليها الحين عادل: لا بس شكلها متوهقة,, يمكن تبي مساعدة,, عبدالله: تهقى يعني,,, عادل: خل نروح نجوفها,, عبدالله: هي لا تبلشنا بسوالفك مع البنت عادل: اشباسوي .. لا تخاف هذي موب من ذوقي,, انا بس باساعدها عبدالله تم في مكانه,, راح عادل لها عادل وهو يجرب يمها: السلام عليكم منى وهي مرتبكه: عليكم السلام عادل: تبين مساعده اختي منى: لالا اخوي مشكور,, انتظر اخوي,, الحين بييني عادل عرف من لهجتها انها بحرينية: انتي بحرينية؟ منى: اي نعم عادل: انا بعد بحريني,, تونا واصلين لندن,,, شكلج معانا في نفس الطيارة منى ارتاحت لما عرفت ان من البحرين,, قل خوفها شوي وليد كان توه داخل المطار,, ولمح منى منى جافت وليد ياي لها: كا اخوي وصل وليد: حمدالله عالسلامة وهو يسلم عليها منى: الله يسلمك عادل على طول قال حق وليد ليش واقف مع اخته عشان مايفهم غلط وليد: مشكور اخوي وماقصرت,, عادل: العفو.. بعدين احنا من ديره وحده وهذا واجب وليد: عندك احد يوصلك,, ولا تبيني اوصلك مكان؟ عادل: لالا مايحتاي,, انا مع رفيجي هني وهو ياشر على عبدالله,, ننتظر ربعنا الحين يايين في الدرب وليد: اوكي عيل اخليك,, مشكور مرة ثانية ,, مع السلامة عادل: الله يسلمك ووليد وهو ماشي يكلم منى: شخبارج؟ وشخبار الاهل؟ عادل راح حق عبدالله: طلعت من البحرين.. وهاي اخوها اللي ياي ياخذها عبدالله: اوووه.. شلون حاجاك اخوها,,, اكيد هزأك عادل: لالا بالعكس,, تفهم ليش كنت واقف معاها العصر في البحرين احمد مر على دنيا,, وداها الالعاب اللي في مجمع العالي,, خلاها تلعب لي ماملت,, على الساعة 8 بالليل ردها البيت بعد مارقدت عليه في السيارة بعد اسبوع,, تأقلمت منى عالجو في لندن,, ونفس الشي عادل وعبدالله دانة طلع قبولها في الجامعة في التخصص اللي تبيه,,, واحمد زادت علاقته بسلمى وبنتها وايد محمد وهو يكلم دانة عالماسنجر.. انتي حياتي: اخيرا ,,, باجر بيتنا بردون من السفر دانة الدنيا: الحمدلله على سلامتهم مقدما انتي حياتي: الله يسلمج دانة الدنيا: زين مابقى شي عالجامعه بعد,, يمكن اتعرف على اختك بالصدفه انتي حياتي: حتى لو ماتعرفتي عليها هناك انا باعرفج عليها دانة الدنيا: لازم يعني انتي حياتي: اي لازم,, عشان اتقرب منج اكثر سارة كانت تكلم خطيبها عالتلفون: عمري متى بترد لي,, وحشتني وايد خالد: انتي بعد وحشتيني,, ما بقى شي,,, اسبوع وانا عندج سارة: هالاسبوع عن سنة,, خالد: ماعلي عمري باعوضج عن هالمده اللي سافرت فيها عنج كلهااااااااا سارة: الله يرد لك لي سالم ان شاء لله احمد قاعد في الصالة مع امه احمد: يمه,,, ام احمد: هلا احمد: جم عمرها دنيا يوم يتوفى ابوها؟ ام احمد: سنتين احمد: مسكينه,, انحرمت من حنان الابو وهي صغيرة ام احمد: اي مسكينه,, ماتجوفها متعلقة فيك وايد,, تعرف الياهل يحتاج حق حنان ريال في هالسن احمد: الله يعوضها بحنان امها ان شاء الله ام احمد: ان شاء الله,,, احمد وهو متردد يسال امه هالسوال: ااااااا,,, سلمى كم عمرها؟ ام احمد: 23 احمد: صغيرة يعني ام احمد وهي تضحك: ليش تبي تخطبها احمد: ها.. هههههه لالا,, اسال بس ام احمد تتمنى ان احمد يخطب سلمى,, بعد ماجافت علاقته بدنيا شلون قوية 24 اغسطس لعام 2000 المغرب محمد راح المطار عشان يستقبل اهله,,, : اوووف اشفيها طيارتهم تأخرت جذي,,, ناس وايد كانوا قاعدين ينتظرون اهلهم اللي بيردون من مصر,, من كثر ماتملل محمد وهو ينتظر تعرف على الناس اللي يمه وقعد يسولف معاهم,, وهم يسولفون اسمعوا صوت قوي هز المطار هز,, والناس كلها تركض ,, واللي يصارخ ويصيح محمد ماعرف شالسالفة.. ركض عند الريسبشن يستفسر: اشصاير؟؟؟ الريسبشن: يقولون الطيارة اللي يايه من مصر انفجرت محمد وهو موب مستوعب اللي سمعه وحاط يده الثنتين على راسه: شنو؟؟؟؟؟؟؟؟؟؟؟؟؟؟؟؟ على طول يه في باله بيتهم,, انفجرت,, لالا اكيد موب نفس الطيارة,, يتبع الجزء السابع المكان صار وايد زحمه,, والناس طلعوا من المطار راحوا مكان اللي انفجرت فيه الطيارة.. عشان بس يتأكدون من اللي صار... محمد بعد ماتاكد انها نفس الطيارة.. وسمع ان اللي فيها كلهم ماتوا... طاح مكانه من الصدمة ماقدر يتحرك,,, في بيت دانة: دانة وهي تركض حق امها: يمه.. يمه احمد وسارة كانوا قاعدين مع امهم: اشفيج ؟ اشصاير؟ دانة: في التلفزيون حاطين ان الطيارة اللي من يايه من مصر انفجرت في البحر اللي يم المطار.... احمد على طول نقز من مكانه شنوووووووووووووو,,, ام احمد: لا حول ولاقوة الا بالله دانة من كثر ماتأثرت قعدت تصيح,, وتذكرت ان عايلة محمد على نفس الطيارة,, الله يعينك يامحمد,, ياليتني يمك اخفف عنك احمد: عايلة محمد على نفس الطيارة,, على طول اتصل في محمد بس تلفونه مقفول البحرين ذاك اليوم صارت ظلام,, الكل تأثر باللي صار من صغير لكبير,, خذ من اهالي المتوفين اكثر من اسبوع عشان يتعرفون عالجثث... اهل البحرين كلهم تقريبا راحوا خلف الناس اللي ماتت في الطائرة المنكوبه سواء كانوا يعرفونهم او لا... كان واجب عالكل ان يخففون على اهاليهم.... المقابر والمساجد كانت مليانه ناس لاكثر من اسبوع,,, السؤال اللي يطرح نفسه: شلون كان شعور ركاب الطائرة وهم يعدون دقايق رحيلهم من الدنيا؟ شلون كانت ردة فعلهم من هالشي؟ شلون كانت حالتهم في الطيارة؟ هل كانوا متوقعين النجاة؟ هل كان هناك من يخفف عليهم خوفهم؟ !!!!!!!!!!!!!!!!! سبب انفجار الطائرة لازال غير معروف,, بانتظار الصندوق الاسود.... دانة حاولت اكثر من مرة تتصل في محمد بس تلفونه على طول مقفول,,, مع انهم راحوا خلف بيتهم بس ماجافته,, احمد وايد تأثر لموت رفيجه عبدالرحمن واهله,, حاول اكثر من مرة ان يوقف مع محمد بس هو ماعطى احد فرصه حق هالشي عادل وعبدالله بعد مااسمعوا الخبر تضايقوا وايد لمحمد وللبحرين كلها,, حاولوا اشكثر ان يكلمونه بس ماقدروا بعد اسبوعين من الحادثة تقريبا,,, رد احمدالبيت بعد ماكان قاعد في بيت يدته,, وهو كل خطوة يخطيها قلبه ينقبض اكثر واكثر,, بطل باب الصالة,, على طول طاحت الدموع من عينه,, تخيل امه وابوه قاعدين يشربون شاي ويسولفون,,,تذكر كلام امه لما كانت تقول انها ماتقدر تخليه يروح بعيد عنها: وهو يصيح انتي اللي خليتيني ورحتي بعيد عني... راح لغرفة مريم تخيلها انها قاعده تتناجر معاه وتذكر يوم تييه مستانسه ان ابوهم بيوديهم مصر وتذكر لمتها القويه له في المطار و شلون كانت تصيح,, واخر نظرة منها لما كانوا بيدخلون مكان المغادرة,, طلع من غرفتها وراح غرفة عبالرحمن وتذكر شلون كان يشتغل على مكتبه ياليتني كنت معاكم,, عالاقل اموت ولا اتم بروحي هني بدونكم.. وهو ينادي عليهم.. يمه,, يبه,, عبالرحمن.. مريم.. ليش رحتوا وخليتوني بروحي,, جان خذيتوني معاكم,,,قعد عالارض وهو يصيح بقوة على موت اهله,,, اللهم ارحم موتانا وادخلهم فسيح جناتك يارب,,, في بيت دانة: ام احمد: احمد شخبارمحمد؟؟ شلونه الحين؟ احمد: والله ماادري عنه يمه,, حاولت اكثر من مرة اني اكلمه والاقيه بس ماقدرت,, يدته تقول ان من بعد الحادثة منطوي على روحه ومايكلم احد دانة قلبها وايد يعورها عليه:: بعد عمري ,,, ام احمد: الله يخفف عنه ان شاء لله دانة تذكرت كلام محمد عن اخته مريم,, وشلون كان يبيها تكون رفيجتها عشان تكون جريبه منه,, وهي تتذكر طاحت دمعه من عينها على طول قامت من الصالة, راحت غرفتها وقعدت تصيح من قلب على كل اسرة في البحرين تعرضت لهالشي وخصوصا عايلة محمد اللي عرفتهم بس من كلامه عنهم. في لندن... منى وليد يتمشون عالبحر,,, وليد: ان شاء الله خذيتي عالوضع هني منى: اي خلاص تعودت وليد: ادري انج الحين متمللة لان ماتعرفين احد, بس لي رحتي الجامعه بتتعرفين على بنات وايد وتتصادقين معاهم,,, في عرب وايد هني منى: صج!!! ان شاء الله بس اتاقلم معاهم بسرعة وليد: لا تحاتين,, انا مثلج كنت جذي يوم ييت,, بس كاني الحين عادي,,, اروح وايي بدون مااخاف,, لاني عرفت طبيعتهم هني شلون,, وكونت لي ا صدقاء من كل الجنسيات,, بعدين انا معاج هني يعني اي شي تبين اقدر اساعدج منى: دانة وهنادي قالوا هالشي بعد وليد: الا شخبارهم صج؟ هنادي للحين لسانها طويل,, وام ضرس مكسور شخبارها؟ منى: ههههههههههههه ,, هنادي لباجر لسانها طويل,, بس من ذي ام ضرس مكسور؟ وليد: دانوا بعد من؟ منى: حرام عليك,,,, عدلت ضرسها من زمان,, وليد: ههههه,, بووو صج وحشتني شطانتنا منى: انا بعد وليد: تدرين اني في اكتوبر بارد البحرين؟ منى وهي مستغربه: ليش؟ وليد: اشفيج مستغربه جذي,,, مافي شي,, عندي اجازة شهر,, لاني اشتغل على مشروع التخرج ,, وانا خلصت كل المواد اللي عندي ,, يعني انا اختصرت السنتين اللي باقي لي في سنة,, فبقى لي مشروعين,, مشروع لازم اسلمه في ديسمبر والمشروع الثاني على نهاية الكورس الثاني,, منى: يعني خلصت دراسه!!! وليد: اي الحمدلله,, مخي لازم اشغله بس حق المشروع الحين منى: ماشاءا لله عليك اختصرت 6 سنوات دراسة في 5 سنين,, عيني عليك بارده,, وليد وهو يجوف نظرات الحزن في عيون منى: ليش متضايقه الحين؟ منى: لانك بتخليني هني بروحي وليد حط يده على جتف منى: من قال؟ انا باكون معاج شهركامل,, يعني بتتعرفين على بنات وايد خلال هالفترة فمابتمين بروحج,,, وكلها شهر اللي باقعد في البحرين وانا راد منى: على قولتك, بس ليش ماقلت لنا قبل؟ وليد: حبيتها تكون مفاجأة لكم منى قعدت على الشاطئ,, ووليد كان واقف يحذف حصى في البحر جاف عادل وعبدالله يتمشون من بعيد,,, فتباعد شوي عن اخته لما جربوا عادل وعبدالله منه وليد: عادل,, عادل عادل التفت عشان يجوف من يناديه: هلا,, هلا وليد: شخبارك؟ والتفت على عبدالله شخبارك؟ عادل وعبدالله: الحمدلله عادل: والله زين تذكرني وليد: شلون مااذكرك,, الا اقول,, انتوا تدرسون هني؟ عادل: اي اول سنة لنا,, حق بكالوريوس وليد: في اي جامعه عادل: جامعة ##### وليد: نفس الجامعه اللي ادرس فيها,, بس انا خلصت,, عندي مشروع التخرج بس عادل: يعني مابنجوفك وليد: لا والله,, حتى انا في اكتوبر بسافر البحرين عادل: صج؟؟ يعني خلاص مابتيي؟ وليد: لالا.. بس شهر باقعد,, عندي اجازة عادل : سلم لنا عالبحرين ييب لنا شي من ريحتها وانت ياي وليد: ان شاء الله عبدالله وهو يطق عادل: صج ماتستحي, توك تعرفه قمت تتامر عليه عادل: وانت اشعليك,,, بعدين احنا اصدقاء وهو يغمز حق وليد,, صح وليد: اي اي صح عبدالله: ترى ذي بلشه,,, عادل: ماشاء الله عليك, عبدالله بيك عبدالله: الحمدلله اشزيني,, مافيني شي,,, موب ملقوف مثلك عادل: اقول نقطنا بسكوتك بس وليد وهو يضحك عليهم: انتوا على طول جذي,,, عبدالله: زين فشلتنا مع الصبي,, اول مرة ياخذ ويعطي معانا خليته ياخذ عنا فكرة عادل وهو ياشر بيده حق وليد: يالله خذ,,, ماعليك منه وليد في البحرين,, في الاجواء اللي مازالت كئيبة عند الكل,, نواف يتكلم مع هنادي في التلفون هنادي: تقدر تكلم ابوي في اكتوبر,, تعرف كلش موب حزته نتكلم عن اي شي,, اللي صار للبحرين يخصنا كلنا,,, يعني مانقدر نفرح والناس للحين الحزن في قلبها من اللي صار نواف: اي انا بعد اقول جذي,, صج مأساه اللي صار هنادي وهي تتنهد بقوة: الله يرحمهم ان شاء الله نواف: الله يرحمهم هنادي: اللي مو قادرا استوعبه,, ان ولا واحد من الركاب نجا,, كلهم ماتوا نواف: انا بعد مو قادر استوعب هالشي... بس هذا يومهم كلهم,, مكتوب عليهم جذي هنادي: سبحان الله في بيت دانة: دانة: احمد باخذ سيارتك,, باروح بيت خالتي اايب امي (دانة صار لها 3 ايام من خذت الليسن , سياقتها جيده من جذي احمد مايخاف يعطيها سيارته) احمد: اوكي بس لا تأخرين ,, عندي نادي بعدين دانة: اوكي,, واذا تبي شي اتصل لي على تلفون هنادي احمد: انتي غربلتينا بدون تلفون, تدرين,, باجر باوديج بتلكو طلعي لج بطاقة وباشتري لج تلفون دانة وهي مستانسه: صج!! بعد عمري والله انت احمد : يالله روحي بسرعة لا تتاخرين طلعت دانة من البيت وركبت السيارة عشان تروح بيت خالتها,,, في بيت هنادي.. دانة اول مادخلت البيت: السلام عليكم الكل: عليكم السلام ام احمد: اشفيج يايتني من وقت؟ دانة: لان احمد عنده نادي بعدين ام احمد: ليش ماخليتي سارة تييني دانة: سارة في بيت خالد,,, عندهم عزيمه وراح تساعدهم,, واكيد بتتاخر هناك ام احمد وهي قايمه من عالكرسي: يالله عيل اترخص انا ام هنادي: قعدي يااختي تو الناس دانة: ماعندي احد يردني بعدين ام هنادي: قعدي,, باخلي هنادي توصلج بعدين دانة: الا وينهي ,, ماجفتها؟ ام هنادي: في غرقتها ,, تلاقينها تقرا في هالقصص اللي عندها,, خلي امج هني بنوصلها احنا بعدين دانة وهي بتروح لهنادي في غرفتها: اوكي خالتي ام هنادي تكلم ام احمد: انزين اشكنتي تقولين؟ دخلت دانة على هنادي غرفتها , جافتها تتحجى في التلفون.. مسكينه خالتي عبالها تقرين قصه وانتي رضعه في التلفون هنادي تاشر بصبعها لدانه ان تسكت نواف سمع كلام دانة: اشفيها دانواااا ياييتج,, موب حزتها هنادي: اشدراني فيها,, دشت علي مرة وحده,, من خذت الليسن واحنا مبتلشين فيها,, كل يوم رازه الويه عندنا دانة خذت مخدة هنادي وقطتها على ويهها نواف: انزين باخليج معاها,, يمكن تبي شي منج.. واذا صرتي بروحج كلميني هنادي: اوكي,, يالله باي دانة: الحين انا صرت ارز ويهي كل يوم... لكن اللي اييج هنادي: خلصينا اشعندج؟ دانة: بعدين ردي امي البيت هنادي: لا والله,, وحضرتج؟ دانة: احمدي اخوي عنده نادي,,, فمااقدر اييها بعدين هنادي: زين جان قلتي لي,, جان ييت خذيتج من بيتكم عشان تقعدين معاي دانة: اشدراني,, وبعدين توج تقولين كل رازه الويه عندكم.. ليش ماعندي كرامه هنادي: ارجوج انسه دانه,, صدقتج انج ماخذه في خاطرج الحين,,, دانة: يالله انا بامشي لا اتاخر هنادي: اوكي ,, الله وياج رجعت دانة البيت, خذ احمد السيارة وراح النادي مع رفيجه سلطان دانة تمت في البيت بروحها,, راحت الصالة بطلت التلفزيون وقعدت عالكرسي تطالع, مدت يدها على طرف الكرسي ,, وهي تمدها حست انها طقت شي,, جافت تلفون احمد , نسى ياخذه معاه... اشفيه نسى تلفونه,, شكله وايد مستعيل.... والتلفون بيدها يه على بالها تتصل في محمد, طقت رقم محمد في التلفون وكان محفوظ,,,تم يرن يرن يرن يرن,, بس ماكان يرد,, (هي اتصلت من تلفون احمد عشان اذا احد يه البيت تقدر تدخل غرفتها وتتكلم براحه) ياربي,, اشفيه مايرد؟ لا يكون صار فيه شي!! واتصلت فيه 3 مرات بس بدون فايده محمد كان قاط تلفونه في غرفته وهو قاعد بالصالة يقرا قرآن ويصيح,, للحين موب مستوعب فقدانه اهله في يوم واحد,,, كانت حالته كلش صعبه,,, لدرجة نسى دانه,,, يحس روحه خلاص ان انتهى... دانة مااستحملت هالشي,, على طول طرشت مسج: محمد انا دانة,, ياريت ترد علي بسرعة قبل لا ايي احمد اخوي,,, ابي اكلمك ضروري بعد نص ساعه من المسج احمد طلع غرفته فوق,, جاف 3 مكالمات لم يرد عليها ومسج واحد.. لما قرا المسج ماصدق ان دانة اللي مطرشة له,, وشلون راحت عن باله طول هالفتره,,, حس انه محتاج لها وايد,, على طول طق الرقم مرة ثانيه,, بس تردد ان يتصل,, يخاف احمد يرد عليه,, رجع التلفون ومااتصل دانة كانت على اعصابها تنتظر منه يرد عليها,, فماقدرت تنتظر اكثر ,,, اتصلت مرة ثانيه,,, رن التلفون عند محمد وبعد خمس رنات رد عليها دانة: الو محمد وايد ارتاح لما سمع الصوت بس ماقدر يرد دانة: الووو,,, محمد!!! محمد : هلا دانة موب عارفه شتقول له: محمد شلونك؟ محمد: الحمدلله دانة ماعظمت له الاجر عشان ماتذكره باللي صار مرة ثانيه دانة: قلت اسال عنك محمد وهو يتنهد: اه دانه ماتعرفين شنو اثر فيني اتصالج,, ماتدرين اشكثركنت محتاج هالمكالمه,, كنت اتمنى اسمع صوتج في ظروف ثانيه بس... دانة: ماعلي حياتي,, هذا الله كاتبه,, محمد: ونعم بالله دانة وهي تحاول تغير جو التوتراللي فيها والضيج اللي عند محمد: بس اخيرا سمعت صوتي محمد: اخيرا,, دانة! دانة: عيون دانة محمد: طالبج دانة: خير محمد: ياريت ماتسكرين بسرعة,,, احتاج اكلمج,, ابي افضفض لج اللي فيني,, خاطري تسمعيني,,, انا من اللي صار ,, سكت احمد ماتكلم دانة: محمد.. محمد وهو يصيح من الحزن اللي في قلبه: انا من اللي صار ماكلمت احد,, ما كان عندي احد يقدر يشاركني اللي فيه,, ياريت ,,, دانه قطعت كلامه وهي متضايقه عليه: محمد,, انا متصله عشان اسمعك,, عشان تطمني عليك,, عشان اخفف عنك,, تقدر تقول لي اللي تبيه, قولي اللي في قلبك كله محمد وايد ارتاح من كلام دانه,, كان متوقع هالشي منها,, طلع اللي في قلبه كله حق دانه.. فضفض لها كل شي... دانه كانت تسمعه وتحاول ان تخفف عليه تمت تسولف معاه لي ماحست ان محمد يقدر يطلع من الكآبه اللي هو فيها,, ووعدته انها كل يوم تكلمه,,, دانة: اخليك انا الحين,, بس توعدني تتعشى ووتحمل بروحك زين محمد: ان شاء الله دانة: اكيد بتاكل شي!!! محمد: ان شا ءالله دانه: تصبح على خير محمد: وانت من اهله سكرت دانه التلفون بعد ماتطمنت على محمد وارتاحت وايد انها قدرت تخفف عليه اللي فيه,, مسحت الرقم من التلفون ورجعته مكان اللي خذته محمد بعد ماسكر التلفون من دانه حس ان حمل ثقيل انزاح من على قلبه,, ,, قدرتي تخففين علي حمل ثقيل,, طلعتيني من الظلام اللي كنت محكور فيه بمجرد اتصالج لي ,, آآآآآآه ماتعرفين اشكثر احبج..اشكثر محتاج لج,,, متى ايي اليوم اللي اقدر اخليج تكونين فيه شمعة حياتي اللي انطفت مر شهر كامل على الحادثه,, يعني اسبوعين من كلمت دانه محمد,,, دانه كانت كل يوم تكلم محمد بعد ماطلع لها احمد رقم وشرى لها تلفون,,, قدرت تطلعه من الظلام اللي كان فيه,,, قدرت ولو قليل انها تعوضه عن امه وابوه واخته واخوه اللي فقدهم,, مع ان مافي شي يقدر يعوضهم كلهم,, محمد وظفوه في الشركة اللي كان ترينينغ عندهم,, فحول دراسته مسائي,, قبل لا تبتدي السنه اليديده اللي هي بعد اسبوع... في بيت منى ,, اميرة توها راده من المدرسه,, اليوم اول يوم دراسي للمدارس اميره دخلت البيت جافت امها قاعده في ا لصالة: السلام عليكم ام وليد: عليكم السلام,, وين ابوج؟ اميره: يدخل السياره الكراج ام وليد: شخبار المدرسه؟ وشلون ا لتوجيهي معاج؟ اميره: عجيبه المدرسه,, مادرسونا شي بس عطونا الكتب ام وليد: نفس البنات بعد؟ اميره: اي, مايغيرونا,, من اول ثانوي للتوجيهي نفس الصف ونفس البنات بو وليد توه داخل البيت: السلام عليكم اميره و ام وليد: عليكم السلام بو وليد: صج حر اليوم اميره: وايد,, بغيت اموت من الحر في المدرسه اميره حامله شنطتها تدخل غرفتها: يمه حطي الغدا بسرعه على ماابدل واصلي, ميته من اليوع ام وليد: ان شاء الله,, بس لا تستعيلين في صلاتج بو وليد وهو يداعب لحيته الصغيره بيده: اي يبا,, شوي شوي وانتي تصلين,, موب زين اميره: انزين انزين ام وليد: هالبنت كله ماعندها نفس وهي تتكلم في اجواء لندن.. اليوم اول يوم دراسي لطلبة الجامعه.. وليد راح مع منى الجامعه عشان ما تتوهق بروحها,,, بعد ما شرح لها كل مكان في الجامعه وداها السكشن اللي بتحضر فيه وراح عنها,, بس قبل لا يروح وليد: اذا خلصتي يانتظرج انا في عند النافوره العوده اوكي منى: اوكي ابتدت محاضرتها,, وتعرفت على بنتين عرب معاها في السكشن,, (هيفا من لبنان, سوزي من مصر) بعد المحاضره كان عندهم بريك ساعه,, راحوا الكافتيريا عشان يتريقون هيفا: بتعرفي,, انا عمري مازرت البحرين سوزي: وانا كمان,, بس شوفتها في التي في منى: لا انا زرت مصر ولبنان قبل 3 سنوات هيفا: عن جد,, كيف لقيتي لبنان؟ منى: روعه,, حتى مصر وايد حلوه,, تمينا اسبوعين في البلدتين ,كان خاطري اتم اكثر فيهم سوزي: اكيد,, دي مصر ام الدنيا عبدالله وعادل كانوا توهم داخلين الكفتيريا,, عادل توه بيقعد عالكرسي: عبود,, اكا اخت وليد هناك عبدالله: انزين,, وشنو يعني عادل: بس كنت ابي اقول لك عبدالله: ماعندك سالفة,, منى لمحت عادل من بعيد ,, لما صارت عينها بعينه ابتسموا حق بعض هيفا: شو,, مين هاد الل بتوزعي له ابتسامات منى قالت لهم شلون تعرف عادل هيفا بعد كاخلصت منى كلامها: رجال والله, بيعرف الاصول سوزي: بس حلو,, منى: اجوف حطيتي العين عليه سوزي: لا عين ولا حاجه,, انا بأول اللي اشوفو عادل يكلم عبدالله: تصدق عبود كل ماابي اتقرب من شقره يطلع عندها بوي فريند (حبيب) عبدالله: اكيد,, بعد تبي بنت في الجامعه هني ماعندها بوي فريند.. حبيبي هني الاجانب لازم عندهم ,, ويتضايقون بعد اذا ماحبوا,, يحسون ان هم فيهم عيب عادل: بل.. احنا عندا عيب البنت تحب وهم يتضايقون,, خوش والله عبدالله: اي هذلين ربعك اللي ميت عليهم عادل: بس بعد ابي شقره عبدالله: مااقول الا مالت بس في البحرين وبالتحديد بمكتب احمد,,, يتكلم في التلفون احمد: لا احراج ولا شي,, بالعكس انا احس دنيا مثل بنتي بالضبط سلمى: لا تكبر روحك,, توك صغير,, عالاقل مثل اختك احمد: لا ليش اكبر روحي,, اذا انتي امها توج صغيره,,يات علي انا اذا شبهتها ببنتي سلمى: مثل ماتحب احمد: سلمى,, بغيتج بموضوع سلمى: خير احمد: مااقدر اقول لج الحين,, لي اليوم ييتي بيتنا عالعشا راح اكلمج سلمى: ليش في شي؟ احمد: لالا باخذ رايج في شي مهم,, عالاقل في البيت مع بيتنا اخذ راحتي في الكلام اكثر سلمى:مثل ماتحب احمد: بس عاد هاااا, لا تتأخرين,, ابي اكلمج واكلم بيتنا قبل لا اروح النادي سلمى: ان شاء الله,, باخلي ابو وليد يمر علي من وقت احمد: انا ماباتكلم الا اذا ييتي سلمى: مابتأخر سكرت سلمى التلفون من احمد,, وهي تتساءل في بالها,, شنو الموضوع اللي يبي ياخذ رايي فيه؟؟؟ ليش ماياخذ راي اهله بس؟؟ انا بالنسبة لهم غريبة!!!يالله بعدين اعرف!!! نهاية الجزء السابع ياترى شنو يبي احمد من سلمى؟ وليد شنو يبي يخلي موقعه في الاعراب اذا رد البحرين؟ عادل وعبدالله شلون تتطور علاقتهم بمنى؟ انتظروا البقيه تحياتي Quote Link to comment Share on other sites More sharing options...
Emeeez Posted يوليو 6, 2005 Report Share Posted يوليو 6, 2005 thaaaaaaaaaanx Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.