بنت النور14 Posted يوليو 10, 2005 Report Share Posted يوليو 10, 2005 يالله له بسررررررررررررررررعة نبي نعرف وش صار Quote Link to comment Share on other sites More sharing options...
*Dooset Daaram* Posted يوليو 10, 2005 Report Share Posted يوليو 10, 2005 واااااااااااااااااااااو القصة روووووووعة بانتظاار البقية Quote Link to comment Share on other sites More sharing options...
بحرينية_عسل Posted يوليو 10, 2005 Author Report Share Posted يوليو 10, 2005 (edited) مرحبا... سوري عالتاخير بس الكاتبه اليوم نزلت الجزء التاسع.... لا تعاتبوني عاتبوا كاتبة القصه هههههه... يالله لا تحرمونها من ردودكم اوكي... الجزء التاسع... بعد ما راح وليد عن منى وعادل وعبدالله... كالعاده عادل لازم يحشرها... عادل: منى .. ان شاء الله يوصل وليد بالسلامه.. وتطمنين عليه منى: ان شاء الله.. عادل وهو يبي يغربل هيفا..محتر على تصرفاتها..: اقول هيفا هيفا.. اووووف: نعم عادل: اشرايج تيين تغدين معاي الكل قاعد يطالعه مستغرب من كلامه هيفا: شووو.. شوشوو.. ماسمعت عادل: ماتفهمين عربي؟.. اقول لج خل نروح نتغدى مع بعض هيفا: انا اروح معك... شو بتحلم انت عادل وهو يضحك: ليش اشفيني انا؟؟؟؟ هيفا: مافيك شي حبيبي.. بس تقيل شوي عادل: انا تقيييييييل... ههههههههههه سمعوا شتقول؟؟؟ اذا انا ثقيل انتي شطلعين مغروره خانوم هيفا: هلأ انا مغرورة... منو انت عشان تأول لي هالحكي منى وسوزي وعبدالله بس يضحكون عليهم.. عادل: انا عادل.. هيفا: دخلك... حل عني.. مااستحملك انا... اووووووووف عادل: ارجوج عاد.. اللي يقول انا اللي استحمل ثقالتج... بعد لو حلوه قلنا ماعليه هيفا وهي منقهره: انا الحمدلله.. محد يأدر يأول عني كريهه... بتغار انت؟ عادل: هاهاهاهاهاهاههاهااه... اضحكتيني هيفا وهي متنرفزه حدها: منى .. سوزي.. ما بدكم تمشوا من هون؟؟... اذا مابدكم راح امشي لحالي منى: اشفيج هيفا... شنو تمشين بروحج.. واحنا وين؟؟ هيفا: يالله خل نروح عن وش الزبور هاد عادل: ماشاء الله عليك.. يا وش الذبابه هيفا: يالله يالله خل نروح.. عبدالله: عادل.. اقعد عن البنت.. اشسوت لك هي.. تغشمرت في البدايه ما عليه.. بس عاد موب تمصخها لهالدرجه عادل: هي اللي مصختها هيفا: والله انت اللي زودتها كتير.. عادل: من ثقالتج وغرورج.. هيفا: صحيح قليل ادب عادل: والله انتي قليلة الادب.. شكله محد علمج شلون تتكلمين هيفا انقهرت من كلامه ولا شعوريا راحت يمه وعطته كف من قلب جدام الناس اللي في المطار.. الكل سكت لما هيفا كفخت عادل.. عادل تصلب في مكانه ماتوقع تكون ردة فعلها جذي.. هيفا على طول مشت وهي تصيح...لحقوها منى وسوزي.. عبدالله: جفت اخرة لسانك الطويل عادل حاقره مارد عليه عبدالله: زين .. يالله يالله خل نمشي.. الكل قاعد يطالع فيك سوزي تكلم هيفا: ليه تصرفتي كده؟؟ هيفا وهي للحين تصيح: يستاهل.. عشان تاني مره مايتكلم هيك معي منى: ولو هيفا.. بس تصرفج غلط.. كان بامكانج تحقرينه وتمشي عنه.. بس ماتتصرفين جذي هيفا حاسه ان اللي سوته غلط وماله داعي تصرفها كان.. وهي بعد كلمته بنفسي الاسلوب... هيفا: بس خلاص... مابدي اتكلم عن اللي صار.... في نفس الوقت بالبحرين... دانه طلعت من محاضرتها الثانيه وراحت الكافتيريا تنتظر هنادي تييها... رن تلفونها ساره متصله فيها... ساره: هاي دانواا دانه: هلا هلا ساره: الساعه جم تخلصين جامعه؟ دانه: الساعه 1 ليش؟ ساره: خالد عازمنا عالغدا دانه: روووحي.. استحي انا ساره: كلش ماعندج سالفه.. بعدين امي واحمدي بعد معانا دانه: بس اذا امي واحمدي معانا .. خلاص بايي ساره: انزين مو تتاخرين.. يالله باي دانه: تعالي .. تعالي.. شنو باي.. ماقلتي وين الغدا ساره: هههههههه.. نسيت.. بنروح قيصر اللي في العدليه دانه: اوكي.. باخلي هنادي توصلني ساره: بيه صج.. قولي حق هنادي بعد تيي .. يالله باي دانه: باي هنادي كانت توها واصله بعد ماسكرت دانه التلفون هنادي: تكلمين من؟ جفتيني وسكرتيه دانه: مالت عليج.. هذي ساروه اختي..تقول لي خالد عازمنا عالغدا هنادي: وانا؟؟ ماعزمني؟؟؟ دانه: صج ملقوفه.. بس لاتخافين عازمينج هنادي: فديتهم والله.. خالد فن حق الغشمره والضحك دانه: انتي شلون تسولفين معاه عادي.. انا استحي!!! هنادي: انتي عاد.. ماادري هالحيه اشبفيدج.. بعدين هذي ريل اختج المفروض انتي عادي معاه اكثر مني دانه: انتي لسانج طويل .. انا غير هنادي: حماره.. انا لساني طويل.. اراويج لكن.... احمد ونواف في المكتب..(يشتغلون في مكتب واحد) نواف: خلاص عزمتوا اسبوع الياي تملجون؟؟؟ احمد: اي خلاص نواف: وين بتسكنون؟ في بيتكم والا في بيتها؟؟ احمد: لا بنسكن في بيتنا.. تعرف مايصير اخلي امي واخواتي بروحهم نواف: موافقه هي على هالشي؟؟ احمد: اااااااي.. سلمى وايد قنوعه.. ومتفهمه كل شي.. بعدين هي اللي طلبت هالشي قبل لا انا اقول لها نواف: زين والله.. احمد: اي.. بعدين احنا بنكون ساكنين في الطابق الثاني.. يعني امي وخواتي بياخذون راحتهم واحنا بعد نواف: اي ... جذي احسن... وبيتهم اشبتسوي فيه.. احمد: قالت بتأجره.. نواف: زين زين.. احمد: وانتوا؟ نواف: احنا.. الله يسلمك.. يوم الخميس امي ويدتي بيحاجون امها ..واذا صار كل شي.. بنروح نتقدم رسمي اسبوع الياي احمد: زين زين... الله يهنيكم ان شاء الله نواف: ان شاء الله.. انتوا بعد احمد: اي صح.. هنادي اليوم بتيي معانا عالغدا نواف: اي قالت لي.. احمد: انزين تعال معانا نواف: لا فشيله.. خالد ماعزمني احمد: لا فشيله ولاشي.. عادي.. بعدين انت موب غريب نواف: لالالا.. خلها مرة ثانيه احمد: براحتك في مدرسة اميره.. في الفسحه... اميره ورفيجاتها سحر ومنال قاعدين في حوش المدرسه يتريقون.. منال: شخبار الولهان؟؟؟ سحر انقهرت من منال,, على طول خفست في ويهها اميره: ههههههههه... مسكين .. للحين هذي سالفته.. ماادري لي وين يبي يوصل؟ منال: بس تعرفين... غريب تصرفه.. سحر: لا غريب ولاشي.. حاله من حال اي صبي يغازل اميره ومنال عرفوا من طريقتها انها محتره.. منال: لا موب مثل باقي الصبيان.. لان لو كان على قولتج حاله من حال الصبيان.. جان يه رقمها وخلص السالفه اميره: اي صح.. سحر: انتوا اشله الحين معورين راسكم بسالفته.. خل يولي اميره ومنال يطالعون بعض... منال: هههههه.. اشفيج الحين انتي؟؟ سحر: مافيني شي.. اشفيني؟!!!!!! اميره: لا ولا شي نروح حق محمد في مكتبه قاعد متملل... ماله خلق يشتغل... اوووووووووووف.. صج ملل... وهو يطالع ساعة يده... متى يخلص الدوام......... خل اجيك دانتي وين... طرش لها مسج ( هو يطرش لها مسج قبل لا يتصل لها كل مره, عشان يعرف اذا يقدر يكلمها او لا)..... (حبيبتي... وينج؟!!! اقدر اكلمج؟!!! حدي متملل) على طول ياه مسج... ما شاء الله... بسرعه ترد بعد.. بطل المسج وقرا اللي فيه (محمد. اقدر اكلمك الحين؟) محمد وهو يطالع الرقم موب مسجل عنده...( رقم من ذي) خل اتصل اجوف من.. توه رافع سماعة تلفون المكتب ياه مسج ثاني.. ( عمري مااقدر اتكلم.. هنادي معاي الحين... سوري حياتي).... نسى يتصل في ذاك الرقم لما قرا مسج دانه... خساره .. كان خاطري اكلمج.. يالله... في بيت اليده... نجاة قاعده تطبخ واليده قاعده عالطاوله تشرب شاي وتسولف معاها... اليده: ياحليله نواف... كبر وصار معرس نجاة: السنين تركض بسرعه خالتي... نواف اللي كان امس في حضني يلعب اليوم صار عمره 24 .. اليده: كله من عمرنا يابنيتي... نجاة: أي والله... اسكتوا شوي ... وردت نجاة تسولف مع اليده.. نجاة: الا اقول خالتي.. اليده: سمي نجاة: اشرايج نقول حق ام احمد تيي معانا يوم الخميس لي بنروح نكلم ام هنادي اليده: خوش راي والله... ام احمد وايد زينه حق هالسوالف نجاة: عيل اتصل فيها بعدين واخبرها نرجع لندن مرة ثانيه وبالتحديد في الشقه اللي فيها عادل وعبدالله... عادل متسمت عالكرسي , مشغل التلفزيون بس باله كلش موب معاه.... للحين مو مصدق الموقف اللي صار بينه وبين هيفا... من رد الشقه وهو يفكر فيه .. عبدالله وهو يقعد يم عادل: عادل.. اشفيك؟!! من طلعنا من المطار ما نطقت ولاكلمه... واللي صار كان متوقع... يعني مااعتقد لها داعي الحاله اللي انت فيها الحين... قوم غسل ويهك وتيدد .. وصل لك ركعتين... احسن من اللي انت فيه..... عادل حاقره للحين ما نطق ولاكلمه عبدالله: عيل تدري شلون... اروح اقعد في غرفتي احسن من مجابل ويهك.... وهو قايم من على الكرسي .. تكلم عادل عادل: تصدق عبدالله... عمري كله ماتعرضت لموقف مثل اللي صار اليوم... احس الكف اللي عطتني اياه هيفا.. وعاني حق اشيا وايد... حسسني اشكثر كنت مستهتر في تصرفاتي .. وماحاسب في التصرفات اللي اسويها اذا كانت تضايق اللي قاعدين معاي او لا,,, كنت اخذها بس من جهتي انا... دام عاجبني اللي اسويه .. امشي عليه.... عبدالله: اخيرا حسيت هالشي... اخيرا احد خلاك توعى... لو ادري ان الكف بيوعيك.. جان كفختك من زمان عادل: هاهاه.. احلف والله... خسي تعطيني كف.. جان ماتبي عمرك عبدالله وهي ميت من الضحك على عادل: بسرعه رجعت لاسلوبك القديم.. هههههههههههه تموا اثنينهم يضحكون........... في شقة البنات... منى اليوم اول يوم لها بالشقه...قاعده بغرفتها ترتب باقي اغراضها.. هيفا بعد ماردت من المطار دخلت غرفتها ... قفلتها عليها ورقدت.. اما سوزي قاعده في الصاله تقرا قران.. منى بقى لها ترتب كتب الجامعه بس... وهي تشيل كتاب من كتبها... طاحت ورقه منه عالارض.. شالتها عشان تشوق ورقة شنو... نزلت الكتاب اللي بيدها وقعدت عالسرير تقرا الورقه... اللي تحتوي على... يامالك الروح انا..... .................ودي بمواصلك يابعد روحي من شوفتي خدك الوردي.............وانا من الحب مجروحي الحقتني بالقصا حدي.................. لاشك يازين مسموحي نامت عيوني على سدي............... اجاوب الورق بالنوحي وما ان تكرمت بالردي................مافات يازين مدموحي منى وهي تبتسم ومستغربه بنفس الوقت... منو حاط هالورقه في كتابي....(عادل؟؟!!) في البحرين.... تلاقوا دانه وهنادي مع بيت دانه في مطعم قيصر...... خالد: دانه.. شخبار الجامعه؟؟؟ ان شاء ماشيه مع الدراسه دانه وهي مستحيه: الحمدلله... كل شي زين لحد الحين احمد: حطي على روحج زين,,, نبي معدل مرتفع... موب تفشلينا دانه: ليش انا مفشلتكم من قبل!!!! ام احمد: ان شاء الله ماايي اليوم اللي تفشلينا فيه يابنيتي... خلج دووم على هالمستوى وارفع بعد خالد: هنادي.. اشفيج ساكته... مو عوايدج يعني ساره: يمكن تستحي منك او من احمد احمد: هنادي.. تستحي,,, ايه صح,,, هنادي: اشفيك علي الحين... اصلا انا مااستحي بس راسي يعورني شوي من شمس الجامعه احمد: قلت لكم... هههههه دانه: موب من الشمس.. الا ما رقدتي من جذي... ام احمد: اذا متعوده على رقاد الظهر... اكيد ساره: أي انا بعد كنت جذي قبل...بس الحين عادي خالد: لان انا وياج الحين... ماخليج ترقدين عني الظهر الكل: ههههههههههههههههه هنادي: أي عشان ماتغدى بروحك... موب عشان شي ساره: اكيد... عيل اخليه يتغدى بروحه... لالالا مافي... كفايه يوم كان في لندن ياكل بروحه احمد: من قدك خلوود... محصل لك وحده تخاف وتموت عليك خالد: اكيد.. انا ماخذيتها الا عشان جذي... حبيبتي هذي... انا ماقدر اسوي شي بدونها ساره استحت ونزلت راسها.. هنادي: بعد اشتبين اكثر من جذي ام احمد: الله بخليكم حق بعض ,,, ودوم مرتاحين .. خالد وساره: ان شاء الله عند مدرسة اميره... منال: جفتيه.. اكا اليوم بعد واقف نفس المكان سحر: خل يولي انتوا اشعليكم منه اميره: لي متى يعني بتم جذي... الصراحه مصخت السالفه سحر: على شنو امصخت السالفه.. تبينه يرقمج يعني بسرعه اميره وهي منقهره على كلامها: هي انتي.. شنو ابيه يرقمني.. حبيبتي.. انا للحين ماوصلت لها المستوى ولا ابي اوصل له.. مصخت السالفه قصدت ان ماله داعي اللي قاعد يسويه,, ويبي له احد يوقفه عند حده.. سحر: انزين اشفيج تصارخين الحين علي؟؟ منال: لانج ماتعرفين تتحجين وصل ابو اميره وركبت السياره.. ونفس الشي.. الشاب لحقهم للبيت مثل كل يوم.. اميره وهي تجوف المنظره.. اوووووف شنو سالفته ذي...غريب والله محمد اليوم ماراح بيت يدته يتغدى... خذ له وجبه من هارديز وراح بيتهم... بعد ماتغدى... دخل غرفته بدل ثيابه... وانبطح على السرير عشان يرقد له شوي... وتوه بتغط عينه ياه مسج... ( محمد... اذا ماتقدر تتصل انا باتصل فيك)... اوووووووه نسيت اجوف رقم من ذي... خل اتصل واجوف من... خذ الرقم من المسج واتصل... من اول رنه ردوا عليه محمد: الو... الخط الثاني: هلا كان صوت بنت.. محمد: السلام عليكم البنت: عليكم السلام محمد: اختي تلفون من ذي؟ البنت: تلفوني انا محمد: مسامحه الشيخه بس مطرشين لي مسج منه على رقمي البنت: أي انا مطرشته محمد وهو مستغرب!!!: اختي تعرفيني.؟؟ انا اعرفج؟؟؟ البنت: افا محمد... بهالسرعه نسيتني... يعني هالمده كلها ماييت على بالك محمد بعد ماعرفها.. اووووووووووه: هلا هلا ابتسام... شخبارج؟ ابتسام: الحمدلله.. اسال عنك محمد:...شلون ييت على بالج الحين؟!!!!!!!! ابتسام: اصلا انت دوم على بالي.... بس انت اللي مافيك خير تسال محمد: ليش اسال؟ مااعتقد في سبب يخليني... ابتسام: بلى في سبب محمد: شنو؟!!! ابتسام: العلاقه اللي كانت تربطنا ببعض محمد: بروحج قلتيها.. الي كانت.. يعني الحين مافي شي يربطنا ابتسام: بس انا للحين احبك... وانت بعد .. بس ماتبي تبين محمد: هههههههههههههههههههه... ضحكتيني... تقصين على روحج انتي.... خلاص انا هالصفحه طويتها من زمان... واللي صار منج... ابيه انساه.... بعد اللي سويتيه لج عين تكلميني مره ثانيه... ابتسام: عطني فرصه ثانيه... انا تغيرت وايد!!! محمد: اسمحي لي .... انا الحين انسان مرتبط وجريب باخطب... يعني ماله داعي اتصالاتج لي... ابتسام وهي منقهره: من هي اللي مرتبط معاها؟؟؟ محمد: مااعتقد يعنيج هالشي... ولو سمحتي ابتسام... ياريت تنسين هالرقم.. وتمسحينه من ذاكرتج... ابتسام: صرت وايد تتكلم بجفاف... شاللي غيرك جذي؟!! محمد: اشيا وايد غيرتني... ابتسام توها بتتكلم بس قطع عليها محمد: اخليج انا ابتسام.. مااقدر اكلمج اكثر... يالله مع السلامه ابتسام: انت شكلك معصب الحين... احاول اكلمك مره ثانيه محمد: لا ماله داعي... يالله باي ابتسام : باي ابتسام بعد ماسكر محمد منها التلفون: بوووو... هالكثر تغير محمد.... ومنو ذي البنت اللي ماخذه عقله جذي... وخلته ينساني؟!! بس انا لازم اعرفها.. بأي طريقه محمد وهو في غرفته: شلون اتصلت فيني بعد كل هالوقت.. وبعد كل اللي سوته؟!!! لها عين بعد... قعد يتذكر الماضي من حياته شوي.... (((( ابتسام في نفس عمر محمد...... كانوا على علاقه مع بعض من بداية الجامعه.... محمد كان وايد يحبها ونفس الوقت يشفق عليها... لانها من عايلة فقيره ... ابوها وامها منفصلين... وماحصلت اي اهتمام من الطرفين... فعشان جذي محمد كان وايد مهتم لها.. ويحاول يعوضها عن النقص اللي في حياتها.. بس هي ماقدرت هالشي... الشي الاول حق حبها له ان هو من عايله غنيه.............. كان تفكيرها.. شلون تعوض روحها عن العيشه اللي هي فيها عن طريق واحد غني... يعني حب فلوس بس.. ولما تعرفت على محمد وجافت وضعه شلون انجذبت له اكثر واكثر لي ماطيحته في شباكها.. وهو كان مصدق لعبة الحب اللي رسمتها عليه.... في يوم من الايام... محمد كانت عنده محاضره متكنسله... ماعنده احد يقعد معاه.. عادل وعبدالله.. عندهم امتحان في نفس اليوم فما حضروا... فقال ان يروح المكتبه يتلاقى مع ابتسام... اكيد بيجوفها هناك تدرس.. لما دخل المكتبه... ماجافها قاعده عالطاولات اللي تحت... فيه في باله انها راحت البيت.. طلع من مبنى البزنس وراح الباركات لسيارته عشان يروح البيت ... وهو محرك سيارته ... جاف سيارة رفيجه عيسى .. فقال يروح يسلم عليه... تمنى ماراح... جاف ابتسام قاعده معاه بنفس السياره... ويدينهم بيد بعض... انصدم من هالشي وماتوقع ان ابتسام تخونه في يوم من الايام... ولاااااااا مع صديقه... مع ان سمع اكثر من مره ان هم يتلاقون بس هو نكر هالشي.. عباله بس يدرسون مع بعض لي جافوهم في المكتبه... عيسى وابتسام ماتوقعوا كلش ان يلاقون محمد... ولا اقدروا يتكلمون ولاكلمه... محمد نفس الشي... حرك سيارته عنهم ومشى.. ما نطق لهم بشي... ابتسام طيحت عيسى في شباكها بعد.. لان هو اغنى من محمد بوايد...فقالت تربح الاثنين هي في الفايده.... بعد فتره محمد نسى ابتسام نهائيا.. مع ان كان وايد صعب عليه... كان يموت فيها..... اما هي طلعت من الجامعه الكورس الثاني بدون محد يدري شالسبب... وهالشي ساعد محمد وايد عشان ينساها عيسى كان يقص عليها ...... تركها بعد مامل منها... هو كان يبيها عشان يتسلى بس...خلاها تندم على كل حركه سوتها في حياتها...وهالشي وايد اثر في ابتسام.. وخلاها توعى لتصرفاتها ...بس بعد مافات الفوت...)))) والحين هي راده حق محمد على امل ان يرضى عليها... الساعه 4 في بيت اليده... احمد ونواف قاعدين يلعبون بلي ستيشن... عافسين المكان فوق تحت.. يلعبون كرة قدم... عبالهم صج... ههههه..مع الضحك والطق... رن تلفون احمد.....كان رقم غريب...(وليد كان متصل من المطار) احمد: الو!!! وليد: احمدي شلونك؟ شخبارك؟ احمد وهو مستغرب: تمام والله... من معاي؟؟؟ وليد: افا ماعرفتني؟ احمد: لا والله اخوي ماعرفتك؟؟ من؟؟ نواف: صبي يغازلك.. هههه وليد: اقا... نسيت صوتي؟؟ نسيتني يابوراس احمد وهو يضحك: هههههههههههههههههههههههههههههههههههههههه... وليدوووووووو (وليد الوحيد اللي ينادي احمد بوراس) وليد: الحين عرفتني.. يوم قلت لك بوراس ههههههه احمد: حمدالله عالسلامه...متى وصلت؟ وليد: توني الحين واصل احمد: محد قال لنا انك بترد البحرين وليد: محد يدري.. امي وابوي مايدرون... انت اول واحد تعرف احمد: اكيد متصل لي تبيني ايي لك وليد: حبيبي والله... تفهما وهي طايره احمد: اعرف سوالفك انا.. وليد: ههههه,, يالله انزين قوم بسرعه.. عشان ماتاخر علي,, احمد: اوكي... عطني خمس دقايق اكون عندك وليد: ااااااااه. خمس دقايق.. طياره عندك موب سياره احمد: لا يالغبي.. انا في محرق بيت يدتي وليد: اهاااا. يالله انتظرك بعد ماسكروا التلفون.. نواف يسال احمد نواف: هذا وليد ولد عمتي؟ احمد: اي.. الخايس رد البحرين.. بدون مايعلم احد نواف: بس هو للحين ماخلص دراسه.. شلون يرد؟؟ احمد: اشدراني.. الحين نعرف سالفته لي رحنا نييه... يالله بند بند اللعبه وتعال معاي.. في بيت سلمى.. هنادي ودانه قاعدين يساعدون سلمى في تجهيز اغراض الملجه... ودنيا بعد قاعده تساعدهم.. بس مغربلتهم من الزين.. كل شوي تخرب لهم شي.. هنادي: مللتنا بنتج.. خلي خدامتكم ترقدها سلمى: سكتي.. من الصبح قاعده ولا براضيه ترقد دانه: اليهال جذي.. لي جافوا احد قاعد يسوي شي...يحشرون روحهم سلمى: برزوا ثيابكم؟ دانه: انا للحين ماسويت شي... هنادي: ولا انا سلمى: حرام عليكم.. اسبوع الياي الملجه دانه: ماعرف شاسوي.. باشتري لي ثياب جاهزه احسن لي هنادي: انا بعد.. عالاقل احسن من بهدلة الخياط سلمى: اللي تبون تسوونه.. بس بسرعه ماي وقت دنيا وهي تفرك في عينها: ماما.. ماما سلمى: ها ماما... اشتبين دنيا: ابي اسوي لالا دانه: ههههه شنو لالا سلمى: يعني تبي ترقد هنادي: اخيرا.. مابغت تفكنا سلمى نادت خدامتها عشان ترقدها.. في المطار.. وليد وهو يلم احمد: هلا هلا احمد: حمدالله عالسلامه وليد: الله يسلمك نواف: حمدالله عالسلامه وليد ماعرف نواف: هلا اخوي.. الله يسلمك احمد: ماعرفت منو ذي؟ وليد وه يطالع نواف: لا.. من؟ نواف بس يضحك احمد: من صجك ماعرفته؟؟ وليد: لالا..قول لي من؟ احمد: تذكر اللي كان خايف على الجوتي ماله في الصخير وليد على طول ضحك بصوت عالي: هههههههههههههههههههههههههههههههههههههههههههه.. نواف ولد خالي نواف: اي نواف.. هههههههههه لم وليد نواف وسلموا على بعض وليد: بوووووووووووو.. سنين... والله ماعرف شكلك الا يوم كنت صغير.. صج تغيرت نواف: انت بعد تغيرت وايد وليد: للحين خايف على جواتيك نواف: ههههههههههههههه.. مالبس جواتي.. كل نعل وليد: هههه اي احسن وهم طالعين من المطار.. وليد: بل صج حر ... شخباركم.. شخبار الاهل؟؟ احمد: كلهم بخير وليد: يقولون بتصير معرس احمد: هههه.. اي الفال لك وليد: ويــــــــــــن.. تو الناس علي انا احمد: شخبار منى؟ ان شاء الله تاقلمت مع الجو؟ وليد: اي الحمدلله.. مرتاحه هي هناك وصلوا يم بيت وليد.. وليد: انتوا نزلوا اول.. يازعم يايين تسلمون على امي.. بعدين انا بادخل وراكم.. ابي اسويها مفاجئه لهم احمد ونواف: اوكي راحوا طقوا الجرس.. وطلعت منى لهم اميره: هلا احمد... هلا نواف احمد: هلا منى شخبارج؟ اميره: الحمدلله احمد: :خالتي وابوج هني اميره: اي هني,, حياكم.. دخلوا داخل وقعدوا في لصاله مع ام وليد ابو وليد ومنى.. اميره نست تصك الباب يوم يدخلون احمد ونواف.. وهم يسولفون دخل عليهم وليد مره وحده امه وابوه واخته فزوا من مكانهم بسرعه عبالهم احد غريب دخل عليهم وليد: ههههههههههه,, اشفيكم جذي تخرعتوا الكل: وليــــــــــــــــــــــــــــــــــــــــــد!!!!!!!!!!!!!!! ام وليد على طول حضنت ولدها: هلا يمه هلا.. حمدالله عاالسلامه... وهي تصيح. فرحانه بشوفته بووليد ومنى: حمدالله عالسلامه وليد وليد: الله يسلمكم سلم على ابوه وباسه على راسه... وسلم على منى اللي موب مصدقه رجعته بهالسرعه بو وليد: ماقلت لنا ياولدي بترد وليد: قلت اسويها لكم مفاجئه ام وليد: بعد عمري ولدي... وحشتني... وهي تطالع فيه من فوق لتحت..:: اشفيك ضعفان جذي ماتاكل وليد: هههه لا يمه اسوي رجيم الكل: هههههههههههههه بو وليد وهي يطالع نواف وااحمد: يعني انتوا تدرون هاااااااا احمد: ههه لا عمي... احنا اليوم درينا وليد: اميره شخبارج؟ اميره: الحمدلله.. وليد: منى تسلم عليج واااااااااااااايد وقعدوا يسولفون لي مااشبعوا.. واتصلت ام وليد في الكل وخبرتهم برجعة ولدها... يوم ثاني الظهر العايلة كلها اجتمعت في بيت وليد عالغدا,,, يحمدونه ويحمدون بيتهم سلامته... بعد الغدا.. الحريم كلهم متيمعين في الصاله.. والريايل في الميلس ام هنادي: محد كان متوقع رجعته بهالسرعه... ام وليد: احنا ماتوقعنا... بس خساره بيقعد شهر وبيروح ام احمد: يعني ماخلص دراسه للحين؟؟؟ ام وليد: لا ماخلص.. بقى له مشروع التخرج بس... يعني بس هالسنه عليه... هو يه الحين لان عنده اجازه ام احمد: اهاااااااااا... ومنى شخبارها؟؟ ام وليد: الحمدلله... ام هنادي:عيل قعدت بسكن الطالبات هناك؟ ام وليد: لا قعدت مع بنات تعرفت عليهم بشقتهم ام احمد: غلطانه ياختي... المفروض ماتخلينها تقعد مع بنات بروحهم ام وليد: البنات اللي هي قاعده معاهم ثقه.. ووليد لو ماجاف هالشي جان مارضى ولااحنا رضينا ام هنادي: لله يوفقها ان شاء الله... ويحميها من كل شر ام وليد: ان شاء الله هنادي ودانه قاعدين في صوب واميره وساره في صوب... ساره قعدت يم منى عشان ماتكون بروحها .. هنادي: اوووف... والله لو موب عشان خاطر خالتي ورجعة وليد جان ماييت بيتهم دانه: اشهالحجي.؟؟؟ هنادي: ماتجوفينها شلون محتقرتني لثقيله... حتى ماسلمت علي دانه: بعد اللي صار بينكم ذاك اليوم اكيد بتكون جذي هناي: بس المفروض تحترم وجودي في بيتهم دانه: ماعليج منها الحين... مردكم بتصالحون.. هنادي: تهقين تغير وليد؟؟؟ دانه: اتوقع... هنادي: للاحلى والا... دانه: اشهالاسئله انتي الحين..لا يكون بتخطبينه هنادي: هاهها... اسال بس دانه: لي جفتي بتعرفين جواب سؤالج ساره: زين منووووي... الحين مابتمللين... وليد بيكون معاج اميره: أي.. عالاقل بيودي عني الملل اللي انا فيه... ساره: بس وينه هو... ماجفناه... من يينا عالغدا ماطلع لنا اميره: الحين بيي... مساعه ماحصل فرصه ايي يسلم عليكم ساره: اهااااا توها منى مكمله من كلامها... وليد طق باب الصاله.. ام وليد: من؟ وليد: انا انا يمه... ام وليد: لحظة يمه شوي... لبسوا البنات شيلاتهم وتعدلوافي قعدتهم عشان يدخل وليد... دخل جاف الكل متيمع... وليد: السلام عليكم الكل: عليكم السلام ام احمد وهي قايمه من مكانها: هلا هلا يمه,, الحمدلله عالسلامه وليد: قعدي قعدي خالتي... الله يسلمج باس راسها وسلم عليها... وسلم على ام هنادي... والبنات وليد: شخباركم؟ شمسوين؟ البنات: الحمدلله ... وليد: هنادي... وايد تغيرتي هنادي: صرت احلى والا اكره وليد: قبل كنتي احلى هنادي وهي محبطه: صج؟!!!!!!!! وليد: هههههههههههههههههه... اتغشمر... للحين حلوه لاتخافي اميره: ثقالتج بس هنادي: أي عبالي بعد وليد: للحين لسانج طويل ماتغيرتي دانه: ههههههههههه ولي باجر وليد... ماعرف دانه عدل... حسها تغيرت وايد... ماشاء الله ... هذي دانه وليد: دانواااااااا... شخبارج؟ دانه: الحمدلله... انت شخبارك؟ وليد: انا تمام.. شخبار ضرسج!! دانه انحرجت شوي... لانها كبرت على هالسالفه...: زين عدلناه وليد: أي اجوفه... ههههههههههههههه دانه ماضحكت... حست باحراج من الموضوع.. مع ان عادي كان وليد... اشفيهاااا.. انحرجت من كلامي... حب يغير الموضوع : شخبارج مع الجامعه؟ دانه: الحمدلله.. تمام وليد: اذا تبين أي شي... لا تستحين... قولي دانه: مشكور ساره: وانا ... مالي سلام؟؟؟ وليد: افا سارونه... انت السلام كله لج ساره: أي اصبغ بس اصبغ وليد: افاااااااااا تم يسولف معاهم... وتذكروا ايام قبل مع بعض...وتذكر دانه شلون كانت صغيره والحين كبرت... صارت بهالحلاه... كانت عينه كله عليها... يترصد أي حركه تصير منها... دانه مانتبهت لهالشي ابد.... بعد ماطلعوا الريايل من الميلس... انظموا لهم نواف واحمد وابو وليد... تموا معاهم لجريب صلاة المغرب.... اليوم الخميس... ام احمد ونجاة ة واليده راحوا بيت ام هنادي يخطبون بنتها... هنادي كانت قاعده بغرفتها على اعصابها... ووليد نفس الشي.. قاعد بالبيت بغرفته موب عارف شسوي... يكلمون بعض بالمسجات بس.. في الصاله... ام احمد: والله يا ام هنادي... احنا ياينج اليوم.. عشان نطلب يد بينتج هنادي لنواف ام هنادي وهي فرحانه: هذي الساعه المباركه...واحنا مابنحصل ريال حق بنتي مثله نجاة: من ذوقج والله اليده: يعني نقول مبروك ام هنادي: بس لازم ناخذ راي البنت اول,, وراي ابوها اليده وهي تبي تمشي السالفه: أي .. اكيد .. لازم تاخذون رايها.. روحي يمه ناديها ام هنادي راحت لبنتها ونادتها: تعالي يمه... يدتج تبيج هنادي وهي مستحيه وقلبها يدق بسرعه: ان شاء الله Edited يوليو 10, 2005 by بحرينية_عسل Quote Link to comment Share on other sites More sharing options...
بحرينية_عسل Posted يوليو 10, 2005 Author Report Share Posted يوليو 10, 2005 يتبع الجزءالتاسع راحت الصاله وقعدت يم يدتها اليده وهي تلعب بشعر هنادي: اقول يمه... نوااااااااااف ولد خالج تقدم لج... موافقه عليه انتي؟؟؟ هنادي وهي منزله راسها: ماادري... اللي تجوفونه اليده: احنا مانجوف شي: انتي تبينه؟؟؟؟... هنادي ساكته موب عارفه ترد اليده: يعني ماتبينه... خلاص نجاة ... اتصلي في نواف وقولي له البنت موب موافقه هنادي: لااااااااااا يدتي.. شنو موب موافقه... موافقه انا ... ابيه الكل: ههههههههههههههههههههههههههههههههههههههههههههههههههه هنادي على طول قامت من مكانها وركضت غرفتها...من الحيا اليده: مبروك نجاة...مبروك ام هنادي ام احمد: كلوووووووووووولوووووووووووووووووووووووش ام هنادي: الله يبارك فيكم نجاة: ابو هنادي شلون...؟؟؟ ماعنده مانع؟ ام هنادي: أي لا تخافين... دام هي موافقه مابقول شي,, بعدين هم بس بيملجون مابعرسون الحين هنادي من سمعت التهاليل..صاحت... ونواف كان للحين على اعصابه.. ماردت عليه.. تاخرت وايد من طرشت له مسج انها راحت لهم الصاله.. طرش لها مسج ( هابشري.. للحين ماصار شي.) هنادي قرت المسج وقعدت تصيح زود من الفرحه... نواف مااستحمل .. اتصل فيها... نواف: الووووووو هنادي وهي تصيح: هلا نواف جافها تصيح خاف: اشفيج ماوافقوا؟؟؟ هنادي: لا وافقوا نواف ارتاح وايد من سمع الرد واستانس: عيل ليش تصيحين؟ هنادي: من الفرحه نواف: ههههههههههههههههههههه,,, والله خرعتيني... عبالي صار لج شي هنادي: ههههه نواف: احبج... احبــــــــــــــــــــــــــــــــــــــــــــــــــــج هنادي: انا بعد...اموت فيك انتشر خبر خطبة نواف لهنادي في العايله... وتقدموا رسمي لها بعد يومين... نواف كان حده مستعيل اكثر من احمد ههههه... وحددوا الخطوبه بشهر نوفمبر... قبل عرس ساره باسبوع.... في بيت وليد... وليد واميره قاعدين في الصاله يلعبون بلي ستيشن... وليد: انتي ماتبين ترقدين... يايه من المدرسه ...ماتبين تريحين... اميره: لا موب تعبانه... بعدين ابي اقعد معاك اسولف... وليد: سولفي.. اميره: بتلبس ثوب والا بدله لملجة احمد؟؟؟ وليد: ماادري والله... شكلي بالبس بدله اميره: لالالالالالا... البس ثوب احلى... عشان يغازلونك.. تصير رزه اكثر وليد: ههههههههههه... شيغازلون فيني.. من حلاتي؟؟ اميره: أي انت حلو... حتى اليوم يوم ييت خذيتني من المدرسه .. البنات كلهم يطالعون فيك وليد: ههههه.. هذا انتوا البنات من تجوفون واحد طاف ... عينكم عليه اميره: اشتقصد ها وليد: موب لج الحجي حبيبتي... انتي اختي واعرفج زين اميره: عبالي بعد وليد: تصدقين اميره... دانوااااااااا تغيرت وايد اميره: شلون؟ وليد: صارت وايد حلوه ماشاء الله عليها اميره: حاط عينك عليها وليد: هاااااااا... لالا... شنو احط عيني عليها..يالله يالله خل نكمل لعب احسن لنا... في جامعة لندن... عادل وعبدالله ادخلوا السكشن ... جافوا منى وسوزي وهيفا قاعدين بعد... عادل وعبدالله: السلام.. منى وسوزي: عليكم السلام عادل سلم وقعد مانطق بشي..منى استغربت من هالشي... اشفيه اليوم؟؟ معقوله للحين زعلان على ذاك اليوم؟!! غريبه يعني ماسال عنا.. عبدالله: شخباركم؟ ثلاثتهم: الحمدلله... تمام عبدالله: منى.. شخبار وليد؟؟ ان شاء الله وصل بالسلامه منى كانت سرحانه في عادل: ها... وليد!! الحمدلله الحمدلله.. وصل بالسلامه عبدالله مستغرب منها بعد... اشفيها جذي مرتبكه وموب عارفه تتحجى!! هيفا كانت طول الوقت منزله راسها... اول مره تحس روحها مسويه شي غلط... ترددت وايد قبل لاتتكلم.. بس تجرات اكثر وتكلمت.. هيفا: عادل... كلهم استغربوا منها... حتى عادل,,,التفت عليها عادل عادل: نعم؟!! هيفا: بدي اتكلم معاك... بس مو هلأ... بعد المحاضره عادل: ليش خاطرج تعطيني كف ثاني بعد هيفا وهي تبتسم: لالا,, بس بدي اياك شوي منى انقهرت اشوي من هيفا... ماتدري ليش... بس بعدين ردت عادي... قالت في خاطرها اكيد تبي تعتذر له... عادل: اوكي.. موب مشكله في نص المحاضره الدكتور استاذن منهم لمدة ربع ساعه... وهيفا جافتها فرصه ان تكلمه الحين... منى وسوزي راحوا يشربون ماي على ماايي الدكتور وعبدالله تم في السكشن يسولف مع زملائه الاجانب... هيفا: ممكن نتكلم هلأ... بس مو هون بره السكشن عادل: اوكي.. حياج وقفوا في الممر يسولفون... هيفا: عادل... انااا.. بدي اعتذر لك عن اللي صار بهداك اليوم عادل: لا عادي.. ماصار شي.. وهذي ردت فعلج.. يعني طبيعي يصير اللي صار هيفا: يعني.. انت مانك زعلان مني عادل وهو يضحك: لالا.. ماني زعلان.. وقبلت اعتذارج... وهم انا اسف بعد هيفا ارتاحت من تقبله الموضوع... والله طلع قلبك كبير... وطلعت رجال هيفا: طيب عن اذنك... رايحه اشرب ماي وارد السكشن تاني... عادل دخل السكشن.. وهيفا راحت لمنى وسوزي هيفا: تعرفوا... عادل طلع قلبوه كبير وقبل اعتذاري منى: قلت لج مسكين.. هو طيب سوزي: خلاص يعني.. مافيش مشاكل بعد كده هيفا: هههههه.. أي خلاص دخلوا السكشن.. ومنى جافت عادل ميود كتاب من كتبها يقرا فيه... لما دخلوا على طول رجعه عادل: اسف منى.. بس .. كنت ادور صفحه.. لاني ناسي كتابي منى: لالا عادي.... هيفا ابتسمت حق عادل وقعدت مكانها... في البحرين... دانه قاعده تسولف مع محمد عالتلفون... دانه: عمري... تعرف ان نواف بيخطب خلاص محمد: صج!!! بياخذ هنادي خلاص!! دانه: اي... حدها مستانسه هنادي محمد: الله يوفقهم ان شاء الله... والفال لنا دانه: هههههههه.. ان شاء الله محمد مايقدر يخطب دانه الحين.. بسبة الظروف اللي تعرض لها.. بس هو يبي يخطبها اليوم قبل باجر.... محمد: انا ان شاء الله اذا خطبتج.. باسوي لج ذيج الحفله اللي عمرج ماحلمتي فيها دانه: ههههههه.. انا ماابي شي,, غير انك تكون معاي.. بس محمد: ان شاء الله.. وهو يسولف معاها ياه خط ثاني... محمد: حياتي .. اكلمج بعدين.. اجوف من متصل لي... واكلمج دانه: لالا... انا باتصل فيك بعدي محمد: اوكي سكر محمد من دانه عشان يرد عالخط الثاني بس بند... ورد رن مره ثانيه محمد: الو ابتسام: قوه محمد محمد: اشفيج ابتسام.. انا قلت لج لا تتصلين ابتسام: انت اسمعني بس... محمد: قولي اللي عندج... تمت تسولف معاه اكثر من نص ساعه... ودانه كانت تتصل في محمد هالوقت بس ماكان يرد عليها... واستغربت من هالشي... مع منو يسولف هالكثر؟!!! محمد كل ماكان يبي يرد على دانه.. ابتسام ماتخليه... تطلع له سوالف ثانيه بعد ما سكرت ابتسام من محمد اتصل في دانه.. بعد ماجافها متصله فيه فوق الخمس مرات محمد: ها عمري دانه وهي معصبه: كنت تحاجي من هالكثر؟؟ محمد.. مايبي يقول لها عن ابتسام وتكبر السالفه: لا حياتي... هذا رفيجي .. توه راد البحرين.. وقعد يسولف معاي دانه: اهاااا.... في لندن بشقة البنات... هيفا وسوزي قاعدين يسولوفون في الصاله... ومنى بعد ماصلت الظهر راحت غرفتها تريح شوي... وكانت تقرا في الكتاب اللي كان ميوده عادل... قعدت تفرر في الصفحات... تدور على ورقه... وفعلا جافت ورقه مكتوب فيها.... مـاقلت احـبك ولا قـد قلت ماحبك احـب مـالي عـيوني وانت تسواها لو تدري اش كثر تعني لي تعرف انك اخـر امـل فـي حياتي واول مناها يـاكثر احـس ان بك مني وبي منك روح قـسمها عـلى شخصين مولاها لا تقول وش تحب فيني اعشقك كلك مـن لـيل شعرك لكلك واخر اقصاها الابيات من كلمات الشاعر طلال الرشيد... خذت ورقه وقلم وكتبت رد عالكلمات... هي كملت القصيده له... سـميتني نـصفك الـثاني iiوياشحك انـا بـسميك كـلي وانـت iiمـعناها تـعبت اوديـك لـه يـاقلب iiويردك لا اخـذ حـلومي ولا خلاني iiانساها كـل الـحمام استراح وناح في iiظلك والورد الاصفر سقته الروح من iiماها لـيتك بـعمري ثلاثة اشخاص iiماملّك واحـد معي دوم وواحد روحي iiيملاها والـثالث بـجفن عيني لا فقد iiحسك او غـمض الجفن جاني فيك iiيتباهى بعد ماكتبتها خلتها بنفس الصفحه اللي جافت فيها الورقه... اليوم الثاني... وليد كان عند احمد ونواف بالمكتب... وليد: والله زين حاطينكم بمكتب واحد نواف: اي... عالاقل نسلي بعض وليد: ايه حق العياره.. احمد: ماقلت لنا .. اشعندك ياي؟!! وليد: كنت ابي اقول لكم ان باسوي رحله لحوار... يعني حق العايله كلها.. احمد: متى ؟ وليد: يوم الجمعه احمد: ههههه,, انا مااقدر ايي وليد: ليش عاد احمد: حظي انت ناسي ان ملجتي يوم الاربعا.. ويوم الخميس باسافر وليد: اي صح... انا شلون راح هالشي عن بالي احمد: انزين .. انتوا روحوا.. نواف: اي اكيد بنروح.. عبالك بنكسل علشانك وليد: ههههههههههههه,,, خلاص عيل.. انتوا خبروا الاهل عشان نبرز كل شي ونحجز في بيت دانه.. ساره ودانه قاعدين يجيكون ثيابهم لملجة احمد.. بقى يومين بس... دانه: ها اشرايج... حلو؟!! ساره: اي وايد حلو.. لونه وااااااااايد حلو... فكيتي عمرج خذيتي لج جاهز دانه: اي تدرين. انا فاشله في الخياط ساره: زين جوفي ثيابي انا اوكي؟!! مرتبين دانه وهي تطالع ثياب اختها...: تدرين.. يبي لج تضيقين عند الخصر شوي.. صاير وسيع ومبهدل ساره: صج!! يعني يلفت وايد؟!! دانه: اي.. ودي الخياط اليوم عشان يبرزه لج باجر... ساره: العصر باودي له...وهنادي شلون؟؟ شرت لها ثياب؟ دانه: اي .. من نفس المحل اللي انا شريت منه ساره: بس بتيون معاي نفس الصالون صح؟؟ دانه: اي اكيد.. عاد نروح من وقت عشان ما نتاخر ساره: حجزنا الساعه 2... لاتخافين دانه: اشوه... خل اروح اراوي امي ثيابي.. ساره: وانا بعد.. طلعوا من غرفة دانه وراحوا حق امهم يراونها ثيابهم... عند مدرسة اميره... نهاية الدوام... سحر اليوم ماداومت.. منال واميره واقفين بروحهم.. منال: اميره... للحين ماعرفتي سالفته...؟؟ اميره: لا.. ولاابي اعرف... خل يولي... منال: زين ماتخافين اخوج او ابوج يلاحظون هالشي؟؟ اميره: سكتي.... امس وليد يوم ايي ياخذني.. كانت عينه كله في المنظره.. احسه لاحظ ان هالصبي يلحقنا منال: بيه... صج؟!! يمكن يشك فيج بعدين اميره: ليش يشك فيني.. انا لااعرفه ولاشي... منال: انا برايي تقولين حق اخوج احسن... عالاقل وليد بيتفهم.. وراح يحاول يعرف سالفة الصبي... اميره: لالا.. انا اخاف.. بعدين بيقول لي.. ليش ماقلتي حق ابوي من قبل؟؟ او يفهم السالفه مني غلط... وتنقلب علي... وليد كان حزتها ياي لاميره.... كا وليد يه.. يالله باي منال: اوكي.. باي ركبت اميره السياره... وسلمت على وليد.. وبنفس الوقت.. السياره السوده لحقتهم مثل كل يوم... وليد كانت عينه على طول في السياره... هو انتبه لهالسياره ان يومين صار لها تلحقهم.. كان يسوق عادي.. وماحسس السياره اللي وراه ان هو لاحظه... لما نزلت اميره البيت.. وليد انتبه ان السياره واقفه عند مسافه بعيده شوي... فحرك سيارته من يم البيت عشان يروح له.. الشاب من جاف وليد ياي يمه على طول حرك سيارته هو بعد.. بس وليد كان اسرع منه ووقف له وسط الشارع ونزل له... راح بسرعه وبطل باب سيارته... وليد وهو معصب: انت ماتقول لي شنهي سالفتك؟؟ صار لك يومين تلحقنا... وهذا اذا ماكان قبل بعد الشاب ماتوقع ردة فعل وليد جذي: انزين اخوي لا تعصب وليد: شنو ماعصب؟؟؟ انت ماتستحي؟؟ ماعندك خوات تخاف عليهم؟؟ ترضى احد يلحق اختك من المدرسه للبيت كل يوم.؟؟!! الشاب: اكيد مابرضى؟؟ اكسر راسه اللي يلحق اختي وليد وهو يستهتر بالشاب: اووووووووه.. تعرف بعد اكا... ماترضى على اختك ترضى على بنات الناس؟؟؟؟ الشاب: انا مارضيت على بنات الناس.. بعدين انا موب مراهق اسوي هالسوالف.. ريال عمري 26 سنه اعرف شلون اتصرف.. وليد: عيل اللي قاعد تسويه شنو؟؟ الشاب سكت مارد على وليد... وليد: ماعندك رد.. يعني اللي كنت اقوله صح... صج ماتستحي... وليد وحده معصب... والله .. والله اذا جفت سيارتك يم بيتنا مره ثانيه.. وجفتك تلحق اختي... الا باتصرف معاك تصرف ثاني... احنا عايله محترمه وموب ناقصين على اخر زمن ايي واحد ويخرب سمعة بنتنا وسمعتنا... الشاب: انا موب نذل عشان اخرب سمعة عايلتي وسمعة اختي؟؟؟ وليد موب مستوعب كلامه: شنو؟؟؟ عايلتك واختك؟؟؟ اشتقصد؟؟ الشاب: انا مااقدر اكلمك هني في الشارع.. تقدر تيي معاي.. واشرح لك الموضوع كامل بس بدون ماتكون معصب وليد وحده مستغرب من كلامه ونفس الوقت معصب عليه: هاا... اوكي.. بالحقك بسيارتي.. ومكان اللي تبينا نتفاهم فيه باكون موجود معاك... وليد راح ورا الشاب... عشان يعرف منه شالسالفه بالضبط.... بعد ماكلم بيتهم وقال لهم ان بيتغدى بره... في لندن.. بالمحاضره اللي فيها شخصيات قصتنا.. هههه منى كان قلبها يدق بسرعه... تفكر في الورقه اللي كتبتها كرد على الورقه اللي قرتها... هيفا وعادل .. كانوا يسولفون مع بعض عادي... بعد ماخلصت المحاضره منى وسوزي وهيفا طلعوا من السكشن قبل عادل وعبدالله... منى تعمدت ماتشيل الكتاب معاها.. عشان عادل ياخذ الورقه... بعد 10 دقايق رجعت منى السكشن وجافت الكتاب للحين مكانه.. خذته وعلى طول بطلت الصفحه اللي حاطه الورقه فيها... ابتسمت ابتسامه عريضه... لانها ماجافتها....يعني راح ينقرا ردها على القصيده.... بعد ماخذت الكتاب دخلت لها سوزي: ايه.. شوفتيه؟؟ منى: اي اي.. اكا هو ماضاع سوزي: يالله بينا بسرعه.. دنا جوعانه اوي منى وهي تضحك: اوكي.. يالله يالله خل نروح على الساعه اربع العصر.. وليد رد بيتهم... على طول دخل غرفته.. وماكلم احد... كان حده متضايقه...معقوله؟؟؟ معقوله السالفه اللي قالها؟!! اكيد معقوله.. انا جفت كل شي بعيني... بس ليش؟؟ شلون افتح الموضوع مع ابوي؟؟؟ اخليه لبعد ملجة احمد احسن!!! الله يعينك ياابوي على اللي بتسمعه... بس هذي غلطتك انت... بعد يومين... اليوم الموعود حق احمد وسلمى.. الكل فرحان ومستانس... ام احمد ماوقفت صياح من الوناسه... .. الملجه سووها في خيمه.. نصبوها عند بيت احمد...طبعا كانت خيمتين.. خيمه للريايل وخيمه للنسوان.. في خيمة النسوان... دانه كانت متالقه حدها.. مع فستانها الوردي اللي ايي قطعتين.. قطعه اللي فوق تيي بيد في جهة والثانيه بدون.. وفيها تطريز بالفولك على الصدر.. شكله صاير وااااااااايد ناعم..وتنورتها تيي بتطريز خفيف بعد,,, وورود موزعه عالتنوره من جدام وورا... هنادي كانت تقريبا نفس الموديل بس فستانها لونها ازق سماوي... اما ساره... طلعت جمالها كله اليوم... كانه عرسها موب عرس اخوها... ا ام احمد.. فخلوها على صوب... ردت بنت عمرها عشرين سنه.. هههههه يعني تقدرون تقولون كان عرض موديلات في العرس وعرض مكياج هههههههه مع ردحة الدي جي.. البنات كانوا يرقصون... هنادي ومنى كل وحده تنافس الثانيه في الرقص عشان يقهرون بعض بس,,, دانه قاعده عالكرسي تمسج لمحمد.. دانه طرشت لمحمد: (عمري بتيي؟؟) محمد: (اي حياتي.. بس ماباقعد.. باسلم وباطلع,,, صرتي حلوه!!!) دانه: ( اي اعجبك) محمد: ( ابي اجوفج!!! يصير!!) دانه: ( لااااااا.. مايصير... حرام تجوف ويههي كله مكياج) محمد: (هههههه, خساره,,,) بعد ماطرش لها محمد مسج ياها تلفون من احمد اخوها... احمد: الووو.. هنادي.. للحين مادخلت سلمى دانه: هاااااااااا.. مااسمع احمد.. الدي جي صمخنا احمد وهو يصارخ: اقول لج مادخلت سلمى للحين؟ دانه: لالالالالالالا... للحين مادخلت احمد: زين تعالي بره ابيج دانه: مااقدر... شلون اطلع وويهي كله مكياج احمد: لفي الشيله على ويهج.. دانه: زين زين.. كاني يايه لفت الشيله على ويهها ولبست دفتها وطلعت لاحمد دانه: ها محمد.. شنو؟؟ احمد: اي محمد انتي.. انا احمد اشفيج قلبتي اسمي دانه حدها تخسبقت: هاااا.. اشدراني بالغلط.. قول اشعندك احمدوهو ماد يده: هاج... نسيت احط الدبل في صناديقهم دانه: هههههههههههههههههه.. صج غبي... الحين انا شلون احطهم احمد: تحجي عدل يالله... روحي داخل وخليهم قبل لاتجهز سلمى وتفضحنا لي درت دانه: ها احمدي... من الحين ابتديت تخاف من مرتك احمد: ظريفه تدرين؟!!! روحي بسرعه يالله دانه: انزين انزين... دخلت داخل بيتهم عشان تحط الدبل في الصندوق... اووووووووووف حر وهي تشيل الشيله من على راسها... بسرعه حطتهم في الصندوق عشان ترد الخيمه مره ثانيه... توها بتطلع وقفت يم المنظره اللي يم الباب تطالع روحها وتسوي حركات... مستخفه على شكلها...هههه.. مره وحده اسمعت.. احم احم اتخسبقت لبست شيلتها بسرعه تبي تجوف من وراها... وليد كان وراها... كان قاعد يطالع فيها طول ماكانت واقفه... استخف على جمالها.... دانه: وليــــــــــــــــــد وليد: سوري... عبالي محد هني دانه وهي تبي طالعه من البيت: لا .. ماصار شي.. ماصار شي... ركضت وراحت الخيمه بسرعه... وليد وقف مكانه بس يتذكر شكلها... ماشاء الله عليج دانوا.كبرتي وصرتي احلى.... ردت الخيمه وجافت منى هنادي للحين قاعدين يرقصون من راحت لاحمد... دانه وهي تكلم ساره: للحين ماقعدوا؟؟ مااشبعوا رقص؟ ساره: هههههههههه,, سكتي انا هني قاعده بس اضحك... كل وحده تسوي حركات للثانيه وهي ترقص دانه: الحمدلله والشكر عليهم ساره: انتي وين رحتي؟ دانه: رحت حق احمدي.. الغبي ناسي الدبل عنده ساره: هههههه.. هذي من الحين ناسي عمره دانه: مسكين متخرع... هههههه دانه اهتزت يدها اللي فيها التلفون.. كان يايها مسج(تلفونها عالهزاز) المسج من محمد: ( اشحلاتج صايره.. جنج القمر) دانه بابتسامه عريضه طرشت له: ههههه وانت وين جفتني وانا في الخيمه محمد: ( يوم دشيتي الخيمه انا كنت واقف عند خيمة الريايل.. جفتج لما رفعتي الشيه) دانه: ( صج!!!! يالشيطان) محمد: (تغشي داخل بعد لا يخطبونج حق واحد غيري) دانه: ( هههههههههههه... لا تخاف محد بيخطبني... انا لك بس انت) محمد: (فديتج) في لندن... بشقة ا لبنات... منى قاعده تصيح... سوزي: انتي يتعيطي ليه دي الوأتي؟ منى: كان خاطري اروح العرس... اول عرس يصير في عايلتنا... انا موب معاهم سوزي: هههههههههه,, مشان هيك بتبكي... افراح كتيره ان شاء الله بتجيكي وراح تحضريها منى: اي اعرف.. بس هذا اول عرس.. يعني غير سوزي: ماعليش حبيبتي... ماتدايأيش... المفروض تفرحي ليهم دي الوأت منى: الله يهنيهم... ويوفقهم ان شاء الله نرجع لخيمة الريايل.. اللي انضم لهم وليد بعد ماطلع عقب دانه من البيت... نواف وهو يكلم وليد: وليد.. اعرفك .. محمد جاسم عبدالرحمن.. رفيج احمد وليد وهو يسلم: هلا محمد.. معاك وليد خالد محمد... هههههههههههه تعارف بالاسماء... وليد: اسمك موب غريب علي تصدق محمد: صج!!! وليد: اي اي الحين تذكرت... انت عندك ربع يدرسون في لندن؟ محمد: اي .. عادل وعبدالله وليد: وانا اقول اسمك موب غريب علي...عبدالله رفيجك عطاني رساله لك.. وانا نسيت سالفتها من رديت... بس الله يابك لك... باجر ان شاء الله اعطيك اياها محمد: ان شا ءالله... وليد: صج صدف... وليد وهو رايح يم احمد: مبروك مبروك احمد: الله يبارك فيك.. الفال لك وليد: ان شاء الله... محمد.. بغيتك بموضوع.. بس موب الحين.. باجر الصبح باكلمك احمد: خير وليد في شي؟؟؟ احمد وهو يضحك: لالا مافي شي.. لا تخاف... خير خير ان شاء الله احمد: ان شاء الله بعد نص ساعه سلمى دخلت خيمة النسوان على اغنية هب السعد... وعقب ربع ساعه دخل احمد لعروسته... راح يمها ورفع الطرحه عن ويهها وباس جبينها... محمد حده مستحي منها وسلمى اكثر... كانت حدها متوتره... دنيا واقفه على راسهم.. لاصقه في امها موب راضيه تتحرك... قعدوا عالمسرح... ولبسوا بعض الدبل... وصوروا ومع الاهل... العرس صار وايد حلو.... ماجنه بس ملجه وفي خيمه... محد توقع ان عرس في خيمه بيصير بهالحلاه... على الساعه 1 بالليل .. خلص العرس... احمد وسلمى خذوا لهم غرفه في فندق... دنيا تمت مع هنادي... الخالات وبناتهم رقدوا ببيت ام احمد.. عشان مايكونون بروحهم... نهاية الجزء التاسع... وليد شنو الموضوع اللي يبي يقوله لاحمد؟؟؟؟ ابتسام شلون راح تعرف هنادي؟؟؟ منو هالشاب راعي السياره السوده؟؟؟ شنو راح يصير في حوار؟؟؟ انتظروا الاحداث بالجزء العاشر.... تحياتي... Quote Link to comment Share on other sites More sharing options...
بنت النور14 Posted يوليو 10, 2005 Report Share Posted يوليو 10, 2005 تسلمييييييييييييييييين بحرينية عسل يسلمووووووو ويالله لا تتاخرين علينا عااااااد قصة روعة Quote Link to comment Share on other sites More sharing options...
not mee Posted يوليو 10, 2005 Report Share Posted يوليو 10, 2005 ننتظر.... اختي لوسمحتي نزلي اكثر من جزء احسن و حاولي ما تطولين عشان ما ننسى الجزء الي قريناه ! Quote Link to comment Share on other sites More sharing options...
بحرينيه^مزيونة Posted يوليو 10, 2005 Report Share Posted يوليو 10, 2005 مشكوووره اختي على القصه ويلا ننتظر بقيه القصه Quote Link to comment Share on other sites More sharing options...
Emeeez Posted يوليو 12, 2005 Report Share Posted يوليو 12, 2005 thaaaaaaaaaaaaaaaaaaaanx Quote Link to comment Share on other sites More sharing options...
nino Posted يوليو 12, 2005 Report Share Posted يوليو 12, 2005 القصة وااايد حلوة تنتظر الباقي Quote Link to comment Share on other sites More sharing options...
بنت النور14 Posted يوليو 13, 2005 Report Share Posted يوليو 13, 2005 وينج وايد تا خرتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.