@صدي الحرمان@ Posted أغسطس 8, 2005 Report Share Posted أغسطس 8, 2005 هلا ولله اخواني ألاعضاء هذي سالفة تحكيها لكم وحدة من البنات واللي مسميه نفسها سوسه المنحوسه تقول لكم انسة سوسة ......... السلام عليكم ورحمة الله وبركاته ........................................................ اسمعوا عندي لكم موضوع حساس وايد... كنا مره يالسين بالجامعه جلسه حش وتيي صديقتنا وهي تصارخ .. وأمة العالم عليها .. يوم يات أشفيج عسا ماشر .. قالت انخطبت .. كلن بدا أيبب والاسئله المعتاده بدت: حلوو؟, طويل؟,كم عمره؟؟؟؟عندج صوره؟؟.....الخ الا انا عطيتها ذيج العين اللي تفلق الصخر .. تضاربت اهي وخطيبها ذاك اليوم بعدين اخذت مني <<<موقف عينها تخوف مع انهم أصغار لاكن على كيف كيفك المهم فجاه التفتو علي بحقد ... وقالوا شدي حيلج ما بقيتي الا انتي باقي لج خمس سنين وتعنسييين .. طبعا انا دوروني ما تلقوني وحده تقول.. تتذكرين ذاك الريجيم اللي عطيتج اياه ... والثانيه .. سمعي يبيلج أتعدلين حواجبج شوي .. والثالثه .. لازم تقصين شعرج ... والرابعه .. تعالي عرس ولد عمي يوم الخميس الياي ..يمكن الله يهديم وتعجبينهم والي توها مخطوبه قاعده تتميلح حسافه لو ريلي (صار ريلها مره وحده)عنده اخو كان وصيته عليج .. <<<< أشهل شله التعبانه المهم تهزأت و طلعوا العيوب السبعتش فيني شاسوي .. سبحان الله الامهات ما يطيقوني في عيشه ربهم شكل اخرتي المجلات س.ح فتاه يائسه تبحث عن تمساح احلامها وعندي ام ماخذه مقلب فيني تقول: مب امزوجتج دكتور ولا مهندس ولا موظف ولا تاجر .. وكل مارحنا عزيمه قالت لا اتعدلين وايد ما ابي تاخذين منهم<<<< الاخت ذوقها صعب عاد ماعلي منها اصلن اول مابيدخل اللي (علي ما ايي) ميلس الريايل والله أهد فيه هد اخليه يكره نفسه الحاصل خيييييييييييييييييييييييييييير البنت تعنس في الخمس وعشرين المشكله انه مع كل التطور الي احنا فيه ماتطورنا من هالناحيه ... اصلن علي ما يمديني اتخرج في الخمس وعشرين والله قهرررررررررر المهم قولو لي أشرايكم أبهل مشكله ؟ وانتم مع او ضد مبدا العنوسه؟ <<< الله يكافينا الشر Quote Link to comment Share on other sites More sharing options...
عيون البحرين Posted أغسطس 8, 2005 Report Share Posted أغسطس 8, 2005 طريقت طرحج للموضوع وايد حلو اما عن المشكله يا اختي انتي واصلي هدفج في الحياة وكملي دراستج وسوي كل الي تبينه ولا تخلين هالفكرة تقطع عليج احلامج لان الزواج نصيب وكل واحد نصيبة ينتظره سواء عمره 25 او اكبر او اصغر وانتي باقي لج خمس سنين يمكن باجر عقب باجر عقب سنه بيي لج ولد الحلااال وعن ربعج كلهم قالو لج غيري منظرج الخارجي ولا احد قال لج غيري منظرج الداخلي (( اخلاقج )) وشكرا للموضوع Quote Link to comment Share on other sites More sharing options...
ضي القمر Posted أغسطس 8, 2005 Report Share Posted أغسطس 8, 2005 خخخخخخخخخخخخخخخخخخخخخخخخخ تسلمين حبيبتي على هالموضوع والله صدقتي عادي انا عمري توني 21 والحنه فووق راسي من امي و خواتي عرسي وعرسي نبي نستانس ونرقص ونسوي فساتين ونبي ونبي عبالهم العرس بس يرقصوون و يستانسوون وكله يحسسوني اني معنسه تو الناس علي خل نخلص جامعه بعدين يصير خير المشكله اني اساسا مو مقتنعه اني اتزوج الحين وهم يقولون لي اذا رفضتي وايد بتعنسين بالنسبه للموضوع اللي تكلمتي فييه صحيح وأنا ضد مسمى العنوسه المجتمع يظلم البنت حتى قبل لا توصل لسن العنوسة من خلال كثرة الكلام الا فلانه عرست والا فلانه انخطبت قبلج اعتقد كل وحده ونصيبها ماله علاقه بسن الزواج لأن الضغط على البنت ممكن يخلي البنت اللي توصل لسن مثلا 25 الى انها توفق على اي شخص يتقدم لها حتى لو فيه مئة عيب وبالتالي تندم على اللحظه اللي قررت فيها انها تتزوجه هذا رأيي وتحياتي لكم ضوضو Quote Link to comment Share on other sites More sharing options...
@صدي الحرمان@ Posted أغسطس 8, 2005 Author Report Share Posted أغسطس 8, 2005 هههههههههههههههههههههههههه شكرا اخواتي علي ردودكم الحلوه وننتظر رأي بقية الاعضاء Quote Link to comment Share on other sites More sharing options...
دنيا الخيانة Posted أغسطس 8, 2005 Report Share Posted أغسطس 8, 2005 بنااااااااااااااااااااااااااااااات اشعليكم منهم؟؟ اللحين اييكم احباط بس عشان انهم قالو لكم بتعنسون؟؟؟ اهو صج الوحدة المفروض تتزوج بهالسن 21 والا 22 عشان تقدر بعدين اتربي عيالها عدل ... مو حلو صغيرة صغيرة والا عووودة وايد ... بس ماعليكم منهم ... امشو حسب اولوياتكم والاشياء الي بتنفعكم بالدنيا ... والزواج رزق الله يوزعة على البشر ... Quote Link to comment Share on other sites More sharing options...
محرقاويه عسل Posted أغسطس 8, 2005 Report Share Posted أغسطس 8, 2005 الزواج قسمه و نصيب ،، و كل وحده و نصيبها ،، يمكن الوحده الله كاتب لها ما تتزوج شتسوي يعني تتنتحر !! خلاص الدنيا وقفت على الريل يعني ثاني شي احين الناس تطوروا ،، و الطموح و الشهاده صاروا من اولويات الحياة يعني عادي الوحده اطق الـ25 و اهيا ليما الحين ما تزوجت ،، خل تكمل دراستها و تعقل شوي بعدين يصير خير و مثل ما قالت وحده من الاعضاء ،، الضغط من الاهل و الربع يخلي الوحده تقبل اول واحد يتقدم لها و تتغاضى عن وايد اشيا و هالشي مو في مصلحتها ،، الله يرزقكم ولد الحلال و تجوفون عيال عيالكم ان شاء الله Quote Link to comment Share on other sites More sharing options...
الرقيقه Posted أغسطس 8, 2005 Report Share Posted أغسطس 8, 2005 اعتقد اللي بتحط مبدأ ان الزواج قسمه ونصيب ماراح يأثر هالمووووضوع فيها واعتقد اذا حطت السالفه في بالها ماراح تفكر الا بالعرس واول واحد يطق الباب راح تأخذه لكن في ناس يحطون هالسالفه في بالهم الا افلانه انخطبت وانا لا للحين ويمكن تكون في سن صغير وتقول عنست اعتقد هذي مع مرور الايام راح يسبب لها حالة نفسيه ويزيدها هم كبرها في السن Quote Link to comment Share on other sites More sharing options...
_ Nawal _ Posted أغسطس 9, 2005 Report Share Posted أغسطس 9, 2005 ماعليج من احد وكل واحد ماياخذ الا نصبيه في هالدنيا لو ربج كاتب لج تعرسين جان ياج ولد الحلال من زمان ولكن كل شي بوقته حلووو Quote Link to comment Share on other sites More sharing options...
رباب الجودر Posted أغسطس 9, 2005 Report Share Posted أغسطس 9, 2005 موضوع جد رائع .. واسلوب طرح لافت .. عزيزتي في البدايه مثل ماقالوا الخوات .. كل واحد ما ياخذ الا نصيبه اللي الله كاتبه له .. تصدقين ...!!! كلمة العنوسه تبط جبدي .. من زمان واناا اسمع الكل يقول .. مابي أعنس .. أبي أعرس.. وأنا كل يوم والثاني تنزرع فيني هالعقده .. بس ألحين يوم اني كبرت وفهمت الدنيا عدل .. والحمدلله أدري ان الله ما راح يسوي الشي الا اللي كاتبه للانسان من قبل لا ينولد .. الزواج قسمه ونصيب .. ومهما الواحد حاول .. أو دور على قولتج في المجلات .. اذا الله ماراح يوفق ما راح تتزوج حتى بهذي الطريقه .. ألحين الوحده لين وصلت ال22 يقولون لها ها ليلحين ما عرستي .. البنات كلهم خلصوا وانتي ليلحين .. عموما .. صج نسبة الزواج مرتفعه .. بس في مواجهتها .. نسبة الطلاق وايد زايد .. وهذي شي كلش مو تمام .. لأن الواحد في الاساس يفكر في الزواج في سن ,, ما يكون مأهل فيه ,, ولا قد المسئوليه وفي الاخير .. ماأقول الا الله يوفقك الجميع .. وانشالله كل اللي ما عرسوا يعرسون .. مع تحياتي رباب الجودر Quote Link to comment Share on other sites More sharing options...
@صدي الحرمان@ Posted أغسطس 9, 2005 Author Report Share Posted أغسطس 9, 2005 (edited) ماعليج من احد وكل واحد ماياخذ الا نصبيه في هالدنيا لو ربج كاتب لج تعرسين جان ياج ولد الحلال من زمان ولكن كل شي بوقته حلووو مشكوره اختي علي الرد بس هذي مو قصتي انه نقلت لكم الواقع بس Edited أغسطس 9, 2005 by @صدي الحرمان@ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.