Bounty Posted أغسطس 17, 2005 Report Share Posted أغسطس 17, 2005 السلام عليكم ورحمه الله وبركاته اولا اعذروني على قله مشاركاتي ومواضيعي بس ما عليه خلنا بالموضوع ابي اطرح موضوع اتمنى مو متكرر عن البنات اكثر ويمكن فيه شباب بعد عندهم نفس التفكير بالذات في سن المراهقه تلاقيهم كأنهم مجبورين في اهلهم يعني البنيه تبي بسرعه تتزوج بس عشان تطلع من بيت ابوها والشباب يبون يسافرون بره او ياخذون لهم شقه عشان الفكه من بيت ابوهم ادري احيانا يكون الاهل ضاغطين وايد على عيالهم لكن بعد فيه حالات تكون فيها الاهل من احسن ما يكون ومو مقصرين على عيالهم بشي ومع ذلك تلاقي العيال ما يعجبهم شي ويبون يطلعون هل هو الملل .. لانهم عايشين معظم عمرهم مع امهم وابوهم ويبون تغيير يعني او هل هو الكره .. ما يحبونهم ويبون يخلونهم او البحث عن الذات والاستقلاليه او هروب من مشاكل مو قادرين يحلونها مع اهلهم يمكن ما يكون الهدف هو الهجران التام لهم ولكن الابتعاد ولو فترة من الزمن اتمنى اجوف تفاعلكم مثل ما عودتوني بالموضيع اللي طرحتها قبل ومشكووووووورين مسبقاً Quote Link to comment Share on other sites More sharing options...
بكاء الحنين Posted أغسطس 17, 2005 Report Share Posted أغسطس 17, 2005 , ღ ، اي والله و جبتيها عالجرح .. مثل ما قلتي سن المراهقة .. الوحد طبعاً يكون دايماً متسررع و مزاجه ضيقه و متسرعـ .. صح بعض الاحيان عند الاهل يكون بمثابة السجن .. لكن لا شك أنه الملاذ الاول و الأخير للأبناء هو المنزل .. و تسلمين بااونتي و مسمووحة و لج وحشــــة .. ، ღ , Quote Link to comment Share on other sites More sharing options...
maryoum Posted أغسطس 17, 2005 Report Share Posted أغسطس 17, 2005 ههه كلهم يقولون جذي ابي اطلع من بيت اهلي واكيييييييد بعدها على طوول يصارخوون : ااااااااابي اتزوووووووووووووج مساااكين يكسرون الخاطر انا مابي اطلع من بيت اهلي Quote Link to comment Share on other sites More sharing options...
Bounty Posted أغسطس 17, 2005 Author Report Share Posted أغسطس 17, 2005 مشكورين على ردودكم خواتي بكاء الحنين كلامج عدل اختي في المراهقه الواحد ما يتحمل اي ضغط واذا كانو الاهل شديدين المراهق بسرعه يتنرفز وميحس انه مسجون واكيد الواحد ماله الا اهله ما يقدر يتخلى عنهم maryoum اهنيج على رايج وتمسكج باهلج والله يخليج لهم ويخليهم لج Quote Link to comment Share on other sites More sharing options...
Bounty Posted أغسطس 17, 2005 Author Report Share Posted أغسطس 17, 2005 هلا مره ثانيه بس عشان يكتمل الموضوع ابي اقدم اعترافاتي الشخصيه بصراحه انا مثلي مثل هالمراهقين اللي كتبت عنهم ومع اني احب اهلي وما اتخلى عنهم لكن اتمنى ادرس بره البحرين وابتعد عن البيت فتره عشان مثل ما يقولون اثبت ذاتي وتكون لي شخصيه مستقله واتعلم شلون اعتمد على نفسي وما اعتقد غلط ان الواحد يحاول يطور روحه وعشان ما تفهموني غلط انا ترى مو ضد هالشباب ولا معاهم بنفس الوقت يعني هذا يعتمد على الاسباب والاهداف احيانا يكون الطلعه من البيت لمصلحه الواحد ومصلحه الجميع بينما احيانا يكون مشكله يديده Quote Link to comment Share on other sites More sharing options...
غــــــلا روحـــي Posted أغسطس 17, 2005 Report Share Posted أغسطس 17, 2005 مرحبا هلا وغلا بونتي مشكوره عالموضوع اختي ويعطيج الف عافيه انا بقول كلمه وحده امي دايم تقولها لما تسمع بنت صغيره تقول ابي اتزوج عشان افتك من اهلي... "ترا عز البنت ببيت ابوها" ..!!!! بالاول كنت كله اقول امي غلطانه شنو يعني البنت مابتكون عزيزه ببيت زوجها واكتشفت انها صاجه..!! ترا البنت اذا كانت عند ابوها بتكون مدللـه وعزيزه لأنها عند اهلها بس لي راحت بيت الزوج فهناك مطالب الزوج وبعدها العيال والخ الخ الخ ... وعليكم بالحساب... والشباب نفس الشي ترا طول ما انت عند اهلك ابوك عندك وامك معاك متى ما احتجتهم وصدقني اذا طحت بأي مشكله هم بيكونون اول من يوقف يمك ويشيلك من اللي انت فيه... يا شباب ويا بنات ... ترا عزكم ببيت اهلكم حبوهم وعزوهم طول ماهم معاكم تراهم اليوم عندكم بكره الله ياخذ امانته بعد عمر طويل انشالله وبتحسون بقدرهم وبحاجتكم لهم... وبالآخر احب اقول عسى الله يخلي لي امي وابوي واهلي كلهم ويحفظهم لي ولا يبعدني عنهم ولا يخليني منهم وعسى الله يحفظ لكم اهلكم ... وسامحوني عالاطاله..... Quote Link to comment Share on other sites More sharing options...
دوا الريح Posted أغسطس 17, 2005 Report Share Posted أغسطس 17, 2005 بصراحة ما ننلام طول الوقت اوامر سو جذي ولا تسوي جي ما في حرية انا بصراحة اتمنى اسافر استراليا او لبنان ويا ربعي وآخذ راحتي اطلع ويي ومحد يقول لي شي لكن مايكون السبب هو الكره لهم بعد يكون اسبب اهو الملل او الرغبة في الاستقلالية مشكورة ختي ع الموضوع Quote Link to comment Share on other sites More sharing options...
عادل محسن Posted أغسطس 17, 2005 Report Share Posted أغسطس 17, 2005 السلام عليكم ورحمة الله وبركاته،، أثريتي اختي موضوع جدا مهم وهو طفش الابناء من المنزل والشوق الى الخروج منه بشتى الطرق سواء بالهروب او بالزواج او بالدراسة ماظن ان بيت اهلنا اللي شالنا من يوم صغار ليما كبرنا هو سجن الا من رحم ربي في بعض البيوت يعتبرون جذي لان يمكن معاملة الاب او الام او مرت الاب قاسية لكن ما يستدعي الخروج من المنزل المتلهف للهرب لا يمكنك العيش خارج المنزل والعيش كالمتشردين في الشوارع المتهلف للزواج ابني نفسك تعليميا و احصل على وظيفة وكون نفسك بعدها فكر في الزواج في سن مبكرة الذي سوف ينتهي لا محالة الى الطلاق وذلك لعدم بلوغك سن الرشد المتلهف للدراسة خارج البلد اذا كان التخصص موجود ابقى بين اهلك وناسك الكثير اشتاق لمنزله ودياره بعد الرحيل وندم على تفكيره بالسفر Quote Link to comment Share on other sites More sharing options...
عيون البحرين Posted أغسطس 17, 2005 Report Share Posted أغسطس 17, 2005 تسلمين اختي على الموضوع صح ان المراهق اهو يقول جذي اكثر شي ولكن في فئات عمرية غير المراهق الي هم الامهات يقولون نبي نطلع من بيت ازواجنا لانهم تمللو من التعب والشقى الي عاشوه وتمللو من العيال عشان جذي خصوصا المراهق لازم ان يتريث وينتظر ولا يتسرع في قرار الزواج لازم اول يتعلم ويكون روحه ويكون قد المسؤولية واذا تزوج بسرعة راح يحس ويشعر بانه يتمنى ان يرجع بيت اهله اليوم قبل باجر وبحس بمدى خطئه والحياة طويله وكل شي في وقته وشكرا لج للموضوع Quote Link to comment Share on other sites More sharing options...
ولـد ديـرتي Posted أغسطس 17, 2005 Report Share Posted أغسطس 17, 2005 , ღ ، اي والله و جبتيها عالجرح .. مثل ما قلتي سن المراهقة .. الوحد طبعاً يكون دايماً متسررع و مزاجه ضيقه و متسرعـ .. صح بعض الاحيان عند الاهل يكون بمثابة السجن .. لكن لا شك أنه الملاذ الاول و الأخير للأبناء هو المنزل .. و تسلمين بااونتي و مسمووحة و لج وحشــــة .. ، ღ , Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.