خفيفة جدا Posted سبتمبر 3, 2005 Report Share Posted سبتمبر 3, 2005 السلااااااااام للجميع ،،، وتحياتي لكل الطلبة والطالبات في جامعة البحرين، الجامعة الأكثر إثارة للجدل في البحرين... ما علينا الحين ، آنا حبيت أستشيركم في موضوع وأبي راي اللي عندهم خبرة في هالموضوع.. وكل سالفتي إني ناوية أنزل 6 مواد هالكورس (( مع إن منزلين لي ولا مادة في الجدول )) وآنا كل ما قلت حق ربعي ومعارفي إني بنزل 6 مواد قاموا علي >> مادري اشفيهم يقولون لي إن اللي ينزل 6 مواد أكيد بـيـتـأثر مجموعه و 100% بينزل المجموع ، وإن الطالب في جامعتنا الحلوة إذا يـبـي يحافظ على مجموعه ، أفضل له إن ما ينزل أكثر من 5 مواد وكل من يقول لي قصته أو قصة شخص يعرفونه ، إنه نزل 6 مواد وصار عليه 4 مواد F وإن وايد على الطالب أصلا 5 مواد ، وما يــلــحــق ... ومن هالكلام ومن هالخرابيط... بس آنا هالكلام مو داش راسي كللش وصج في نيتي أنزل 6 مواد وأبي نصيحتكم ياللي لكم خبرة في الجامعة هل صحيح إن ال 6 مواد ممكن تفعس المجموع وتقلبه فوق تحت؟؟!! للعلم آنا أدرس محاسبة دفعة 2004 ومجموعي أوكي ، فوق ال 2.5 بس أخاف ينزل المجموع وأتوهق بعدين... والمواد اللي آنا أبي أنزلها هي: Cost Accounting Fin220 Econ 141 ENGL 146 MKT 261 Maths 104 وبالنسبة لي الإيكون والماث هم أصعب المواد.. أما الفاينانس والأكاونتنغ ، فابجتهد عليهم والإنجليزي والماركتنغ .. أسهل مادتين عندي، ما عندي مشكلة فيهم سووو بشنو تنصحوني ... لأني أصلا لو بنزل 5 مواد فراح أحذف الFin220 لا تبخلون علي بالنصيحة وصوتوا في الاستبيان للي تشوفونه مناسب... ولكم مني كل الشكر تحياتي (( خفيفة )) ،،، Quote Link to comment Share on other sites More sharing options...
هـيـــا Posted سبتمبر 3, 2005 Report Share Posted سبتمبر 3, 2005 نزلي حبيبتي 6 مواد يبه اذا مانزلتي 6 متى بتخرجين ومالعليج من اللي يقولج 5 او 4 Quote Link to comment Share on other sites More sharing options...
خفيفة جدا Posted سبتمبر 3, 2005 Author Report Share Posted سبتمبر 3, 2005 والله إنتي صج تعطيني شحنة من التشجيع والدعم أول وحدة تقول لي إي نزلي 6 مواد ... بس ما قلتي لي صج يأثر على المجموع؟؟!! Quote Link to comment Share on other sites More sharing options...
بنت النور14 Posted سبتمبر 3, 2005 Report Share Posted سبتمبر 3, 2005 لا حبيبتي لا تسمعين حجي أحد واخذي 6 مرة سويتها وندمت ترى محد بيفيدج بعدين لي تاخرتي بالتخرج Quote Link to comment Share on other sites More sharing options...
محمد الحلو Posted سبتمبر 3, 2005 Report Share Posted سبتمبر 3, 2005 مدام انج من دفعة دفعة 2004 الافضل انج ما تاخذين اكثر من 4 مواد هذي نصيحة مني Quote Link to comment Share on other sites More sharing options...
crabby man Posted سبتمبر 3, 2005 Report Share Posted سبتمبر 3, 2005 (edited) انا عن نفسي تعجبني الاربع المواد لاني مب مستعيل على شي Edited سبتمبر 3, 2005 by crabby man Quote Link to comment Share on other sites More sharing options...
Osamo Posted سبتمبر 3, 2005 Report Share Posted سبتمبر 3, 2005 (edited) Cost Accounting Fin220 Econ 141 ENGL 146 MKT 261 Maths 104 أنا أقول 6 مواد.. الكورس الي طاف نزلت 6 و هالكورس ناوي انزل 6 بعد اشوف المواد يركبون على بعض، كلهم فهم ما عدا الماركتنج حفظ لكن انصح باختيار الدكاترة الكفؤ لمواد لأنهم يعتمدون على الفهم، و سالفة المعدل يعتمد عليج، لكن اذا اخذت السالفة بجد 100% ما راح يقل، انا ارتفعت ذاك الكورس و انصح الكوست تاخذينه مع انتوني أو صايل و ابتعدي عن حارس و صفاء اذا ما حصللتي عندهم حضري ليسنر و تاخذين نوتات انتوني وايد تمام، لأن هالمادة غير عن اكاونت 1 و 2 فيحتاج دكتور عدل الفاينس مع بتول أو حميدة جاسم الايكون اشرف أو رضوان أو الوصابي، و هالمقرر في نوت لأشرف ينباع في البوك شوب بديانر واحد بس تراجعين منه + نوت الدكاتره بتضمين الــ A،، و هالمادة أسهل و أخف من الايكون الأولي بوايد الانجليزي 2 هم أسهل , أقصر من انجليزي 1 حتى مراجعته يحتاج نص ساعة بكثير، انصح تاخذينه مع سلمان الحلواجي أو عبدالفتاح جبر MKT 261 مادة حفظ، ما تعتمد على الدكتور بتاتاً بل تعتمد على الطالب كل ما تحفظين بتحصلين درجة أحسن، محمد الموسوي أو باسم بكر زينين الماث 2 ، اعتقد انج تجاري انصحج بالدكتورة ريمان أو زينب صفر أو عبدالعزيز بعد كل محاضرة حاولي تحلي اسئلة النوت مرة ثانية Edited سبتمبر 3, 2005 by Osamo Quote Link to comment Share on other sites More sharing options...
بنت مدن Posted سبتمبر 3, 2005 Report Share Posted سبتمبر 3, 2005 6 مواد حلوة إذا حصلتي دكاترة زينة وأوقات مناسبة وامتحانات في إليهم مجال عشان تدرسين يعني مو ورا بعضا وإذا أنتي واثقة من قدراتش فا لا تأخذين بكلام احد وبالتوفيق ان شاااء الله Quote Link to comment Share on other sites More sharing options...
غنوجة Posted سبتمبر 3, 2005 Report Share Posted سبتمبر 3, 2005 انا أقول أخذي 6 مواد دامج في الدبلووم و موادج سهلين لأن في البي اس ما بتقدرين اتسوينها Quote Link to comment Share on other sites More sharing options...
FeaR The FirE Posted سبتمبر 3, 2005 Report Share Posted سبتمبر 3, 2005 عن نفسي ماحب آخذ اكثر من 4 مواد .. لاني تخصص حقوق وكل المواد عندنا حفظ .. بس في طلبة معانه ياخذون 5 و 6 مواد عادي يعني .. وإذا انتي جايفة روحج قادرة على هالشي ماعليج من احد .. اهم شي انتي تعرفين قدراتج وبالتوفيق للجميع .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.