ice creama Posted يناير 6, 2006 Report Share Posted يناير 6, 2006 [ALIGN=center]بسم الله الرحمن الرحيم السلام عليكم ورحمة الله وبركاته،، شخباركم؟ عندي اليوم لكم قضية مهمة لازم تنطرح و هي أن مجتمعنا المسلم على وشك الانهيار مابي افصل ابيكم انتو تشاركوني برايكم لكني راح اذكر مشاهد تصير و تدل على ان مجتمعنا بتروح عليه لو ما وقفنا و صلحنه الي اخترب 1. في ستار اكاديمي البرايم علم السعودية الي عليه -لاإله إلا الله - يرقصونه ويا الاغنية. 2.في كل المحلات الاغاني تلعلع و محد حاس بشي (تعودنا على الذنوب) 3.نادرا ما نجوف أحد في المجمع لابس دفة و شيله عدل كله شعرهم طالع او الدفة جريب تنشق او مخليينه جلابية من التطريز. 4.لما نفرر القنوات و نجوف اغنية نوقف و نطالعها لكن يون نجوف قرءان سيدة نطوف القناة.مو هلون؟ 5.جم مرة في حياتكم جفتوا سيارة مبطلة قرءان و الدريشة مبطلة.يفتخرون بكتاب الله؟ 6.صار عادي وحده تمشي و بطنها طالع او حتى هافهه. 7.مجالس الذكر فاضية و الحفلات و المسرحيات و السينما التذاكر مخلصة. 8. و الكثير الكثير من المشاهد. لاختبار العمل هل هو صحيح ام لا تخيل ان ملك الموت اييك و انت تسويه.. هل تحب ان اييك ملك الموت و انت.. في السينما؟ مبطل أغاني و ترقص وياها؟ تحفين حواجبج في الصالون؟ تغازل في التلفون؟ في السيارة رايحة تشترين اغاني يديدة؟ تعقرين على ربعج؟ تعزف على بيانو؟ فكر جيدا... احب تعطوني آرائكم و نحاول نصلح اخطائنا [/align] Quote Link to comment Share on other sites More sharing options...
حلمـ الشتاء Posted يناير 6, 2006 Report Share Posted يناير 6, 2006 وعليكم السلام ورحمة الله وبركاته في البداية ابي اقول شي: مومعناتة انا الغلط هو اللي ظاهر يعني هو الغالب،، يعني الخير موجود بس محد يدري عنه لأن التركيز صاير على الغلط سواء من وسائل الاعلام أو غيره.. ندخل في الموضوع.. أول شي عشان نصلح أغلاطنا لازم نشوف الأسباب اللي خلتها تنتشر ونحاول ان نغيرها.. اليوم.. قاعدة اتكلم عالمسنجر مع صديقة من دولة خليجية ثانية جان تقولي "اللي أعرفه إن البحرين فري" يا ترى ليش الدول الثانية خل نقول المجتمع الخليجي ما خذ عنا هالفكرة.. بس علشان فئة قليلة قاعدة تنقل اسلوبها و طريقتها وتنشرها باسم المجتمع البحريني.. لا.. البحرين فيها نماذج واااايد مازالت متمسكها بدينها وعاداتها اذا ما كانت هي الغالب.. عالعموم شكرا جزيلا عالموضوع الموضوع غزير وله جوانب عدة.. سوري اذا طلعت عنه لكن كلامي ولا بد له اتصال بأحد هاي الجوانب شكرا مرة ثانية.. اختكم حلمـ Quote Link to comment Share on other sites More sharing options...
ice creama Posted يناير 7, 2006 Author Report Share Posted يناير 7, 2006 شكرا لوجهه نظرج و اتمنى ان كلنه نغير من نفسنه و نعدل روحنه.. Quote Link to comment Share on other sites More sharing options...
Cherry Bloom Posted يناير 8, 2006 Report Share Posted يناير 8, 2006 أول شي حبيت أشكرج على الموضوع الحلو وحبيت أضيف نقاط من فتره اشتركت في منتدى خليجي ومن مشاركاتي الأولى حطيت موضوع تزامن مع ذيكـ الفتره وكان الموضوع تهنئه بمناسبه السنه اليديده أول رد واللي أحرجني قال لي العضو : مو المفروض تهنينا بـ السنه الهجريه وليس الميلاديه ؟ وانحرجت بـ صراحه لكن تعلمت من الخطأ اللي ارتكبته ! صـوره أخرى .. نجوف الناس تتطنز على المطوع وعلى المتدينه ! ياناس انتوا تطنزوا على نفسكم المطوع الله هاديه وهو ماشي في طريج صـح اهو يشفق عليكم .. يشفق عليكم .. يشفق ! صعبه بـ صراحه وتكثر صور التقليد الأعمى للغرب .. يقول لكـ أنه كشخه .. وليش ؟ يتحجى انجليزي .. شوف مشيته .. حركاته .. عاداته .. لبسه مع من يقعد وفي وين عايش وين رايح ولا شيسوي سبحان الله ! في المجمعات .. حدث ولاحرج ! وعن نفسي .. صحيح إني مو متحجبه لكن إذا أطلع أكون بـ لبس محترم وفي هيئة طيبه ألبس دفـه وحتى لو لبست ثياب تكون ساتره وإذا شافني مسيحي أو شخص غير مسلم وحتى لو جافني أي خليجي أو أي زائر أفتخر جدامه إني بحرينيه وإني مسلمه وأكون مثال طيب لـ ديرتي أفضل من الحمره والشقره والملونة والمطرزة !! الحديث راح يطول بـ هـ الموضوع لكن اقتطفت المهم من الصور في مجتمعنا مع التحيه Quote Link to comment Share on other sites More sharing options...
يوسف يعقوبي Posted يناير 8, 2006 Report Share Posted يناير 8, 2006 أنا راح أختصر الكلام بشي واحد ....... الحمدلله ان في هنود وباكستانيين يصلون وتارسين المساجد وإلا محد يدري لو مو هم جان الله سخط علينا وأرسل لنا عذاب ما بعده عذاب ,,,,,, وكلامج أختي كله صحيح وما عليه غبار ,,,, أخوكم ,,,,,, Quote Link to comment Share on other sites More sharing options...
نبض المشاعر Posted يناير 9, 2006 Report Share Posted يناير 9, 2006 وعليكم السلام ورحمة الله وبركاته في البداية حبيت اشكركج ياختي على هالموضوع الهااااااااااااااااااام جدا جدا جدا والله شنقول وشنخلي, الأمة ضايعه, المسلمين صايرين اسم فقط, دون أفعال, والله ساعات نحصل الكفار في وايد اشيه احسن من المسلمين مع الأسف الشديد, مب لازم نكون احنا القدوة لهم, لكن في هالزمان صار كل شي العكس... انتوا شوفوا شباب المسلمين, انا ماراح اتحجى عن شباب البحرين فقط بل عن الشباب بشكل عام, انا ماقول كلهم, بس لو قلنا بصراحة شباب المسلمين قاعدين ياخذون من الغرب ويقلدونهم بشكل غير طبيعي, من اللبس من الشعر, من العادات, من الأخلاق, الأغاني الأجنبية, وهالسلاسل اللي يلبسونها, ابتعادهم عن الدين وعن الصلاة, يعني صاروا يقلدون الغرب بشكل هستيري, جان زين خذوا من الغرب الأشيه الزينة, يعني التكنولوجيا, الاختراعات, الدراسات, يعني من هالقبيل, لكن وللأسف كل شي خراب ياخذونه ومن دون أي تفكير أو تردد.. انا بصراحة مستغرب , أنا لما أروح المجمعات , مثل السيف , الدانه, البحرين, استغرب من شي واحد, لما اتيي حزة الصلاة, انا أشوف الشباب تارسين المجمع, قصدي الشباب البحريني, يدورون ولا هامهم شي, اروح مع ربعي حق المصلى, وللأسف حاطين مصلى, وايد عليهم حاطين هالحجرة, انا من رايي لو يغرون المصلى يكون وااااااااايد أفضل, لهالدرجة اوصلت فيكم يااللي تديرون المجمع؟؟!! محلات شكبرها والمطاعم تارسه المجمع وهالمساحات الفاضية, يخلون مصلى متر في متر؟؟!! يعني الواحد لما يبي يصلي ينطر دوره, استغفر الله العظيم, مب لأن المصلى مشحون بالمصلين, العدد ما يفوق ال20 , لكن المساحة مساحة صندقه صغيرة, وين قاعدين احنا؟؟ ياناس احنا قاعدين في بلد اسلامي, لازم تخلون المصلى من أكبر المرافق في المجمع, ليش لأن خايفين بتخسرون, محد بيدفع أجاره؟؟ همكم الفلوس وبس, والهوية الاسلامية وين راحت؟؟ يعني شنقول وشنخلي, واحنا بعد نبي نعدل الشباب, وهالأشيه قاعده تصير, وين نعدلهم وهالبلاوي قاعده تحاذف علينه,, لا واللي باط جبدي مجمع الدانه, المصلى حاطينه برع عند الباركات, خافوا الله يا جماعه المصلى تخلونه صوب الباركات؟؟ ماتخافون من الله؟؟ بدال ما يخلونه داخل المجمع ويسهلون على الناس, يخلونه برع؟ لكم من يتحجى؟ محد.... هاي شي بسيط من اللي قاعد يصير, شباب همهم ستار أكاديمي, همهم الموضة, همهم الأغاني, همهم الأفلام, همهم كل شي خراب يعود على المجتمع المسلم.. انا وايد قمت اتحجى, بس والله في واااااااايد اشيه الواحد وده يقولها, بس انا راح اكتفي بهذا القدر, واترك المجال حق اخواني الأعضاء, وسامحوني اذا , لا لا انا ماراح أقول اذا طولت عليكم, لاني بالفعل طولت عليكم على العموم مشكورة اختي عالموضوع, ويزاج الله خير اخوكم : نبض المشاعر Quote Link to comment Share on other sites More sharing options...
ice creama Posted يناير 14, 2006 Author Report Share Posted يناير 14, 2006 شكرا كلكم على المرور و ابداء آرائكم بس انشالله كل واحد يقول شي يكون قول و فعل الللهم علمنا ما ينفعنا و انفعنا بما علمتنا Quote Link to comment Share on other sites More sharing options...
وسمي الفزيع Posted يناير 14, 2006 Report Share Posted يناير 14, 2006 باختصار المجتمع الإسلامي انهار من زمان من يوم ما ابتعدنا عن الله سبحانه وتعالى واستبدلنا كلامه بأصوات الشياطين والمزامير واستبدلنا أوامره عز وجل بقوانين وضعية تحت شعار ليبرالية العقل العربي Quote Link to comment Share on other sites More sharing options...
عيون السهارى Posted يناير 19, 2006 Report Share Posted يناير 19, 2006 أول شي حبيت أشكرج على الموضوع الحلو وحبيت أضيف نقاط من فتره اشتركت في منتدى خليجي ومن مشاركاتي الأولى حطيت موضوع تزامن مع ذيكـ الفتره وكان الموضوع تهنئه بمناسبه السنه اليديده أول رد واللي أحرجني قال لي العضو : مو المفروض تهنينا بـ السنه الهجريه وليس الميلاديه ؟ وانحرجت بـ صراحه لكن تعلمت من الخطأ اللي ارتكبته ! صـوره أخرى .. نجوف الناس تتطنز على المطوع وعلى المتدينه ! ياناس انتوا تطنزوا على نفسكم المطوع الله هاديه وهو ماشي في طريج صـح اهو يشفق عليكم .. يشفق عليكم .. يشفق ! صعبه بـ صراحه وتكثر صور التقليد الأعمى للغرب .. يقول لكـ أنه كشخه .. وليش ؟ يتحجى انجليزي .. شوف مشيته .. حركاته .. عاداته .. لبسه مع من يقعد وفي وين عايش وين رايح ولا شيسوي سبحان الله ! Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.