عرفتك والنظر خداع

[JeNeYa]

يسلموا على المتابعة فديتني^ بحرينية ...

 

تفضلي الجزء الجديد ...

 

 

 

 

 

يوم يديد

 

أم محمد: خوله وين البنات عيل ..خوله:راقدات بعدهن

أم محمد: يالله بالستر..نشي وعيهن

ونشت خوله توعيهن...وديمه مهره...بسكن رقاد اميه تباكن

وديمه:اوهوووووو

ونشن البنات ويلسن تحت

أم محمد:شو مرقدنكن لين الحين..

وديمه:تبا ترمس..قطع جابر رمستها ..خالتيه تراهن يساهرن لين الساعه 7 الصبح

أم محمد:شووو

وديمه: والله يا جابر ان ما لميت حلجك لييك شي ما يعيبك وكانت معصبه من الخاطر

جابر وهو يضحك..تعرفين خالتيه يتمن حاشراتنيه فليل ما يخلنيه ارقد الا يالسات ويصاقعن

وديمه وهي واطالعه :ما بقول شي غير يعله في ذمتك لين يوم القيامه

جابر حس ان وديمه معصبه

جابر:خالتيه والله تراني أمزح معاج

وديمه:أميه شي تبين

أم محمد:اسمعن ترى ريني تعبانه"هذي ريني الخدامه" واباكن هاليومين اتغسلن وتكون

وديمه:ان شاء الله

خوله:انا ما يخصني لا في الكواي ولا في شي

أم محمد: كلكن اتساعدن قسمن الشغل بينكن انتن الاربع وتساعدن

وديمه:ان شاء الله واهني تنش وديمه وتظهر خاري

وحس جابر انه وديمه معصبه وايد عليه ..ونش جابر ولحقها

جابر:وديمه

وديمه:يا لبيه

جابر:لبيتي حايه..ليش عصبتي عليه

وديمه:وهي تبتسم لان قلبها طيب..والله مب معصبه عليك..بس اشوي مضيقه

واهني يلس جابر:من منو

وديمه:لا ماشي بس مب شبعانه رقاد

واهني ايي سعيد :جابر وين مفتاح السياره

جابر:ليش

سعيد:ابا اروح أودي الكنادير الدوبي

جابر: انا الحين بطلع بخطفهن

ونش جابر وقال لوديمه..شو رايكم اليوم ما نطلع ونيلس نلعب كرة طايره

وديمه:اوكي حلو..فريق البنات وفريق الاولاد ..اوكي عيل بسير اشتري الكوره

وديمه.:وانا بسير اقطع حبل الثياب وبحطه اهني عشان نلعب

جابر:لا يبوج بشتري الحبل والكوره ..بس انتي عطي الخبر محمد عشان محد يطلع

وديمه:ان شاء الله وسارت وديمه وقالت للكل اليوم ما بنطلع وبنلعب كوره والكل وافق والا الشواب بونهم ما يبون يطلعون

وراحت وديمه تقول لمحمد لا يطلع والظهر كان الجو روووعه وسو فريق محمد وجابر وسعيد وسالم وديمه ومهره وخوله وعزه ..وذياب هو الحكم

ويلسو يلعبون لين الساعه 4 ونص وعقب صلو وسارت مهره اتسوي شاي وفرشو الزل خاري..وكان محمد منسدح ..ويلسو يسولفون عن ايام أول..واشتلو ضحك ..يلسوا لين أذن المغرب ...

ويوم أذن المغرب قاموا الشباب وصلابهم محمد جمـــاعه ..وعقب قرروا يسيرون المهرجـــان ..وساروا المهرجان ..والا البنات يلسن يغسلن ويكون وينظفن ..وقامت مهره وسارت أتنظف حجرة محمد ودخنتها وعطرتها وشلت ثيابها وسارت تغسلهن ...طبعا اليوم بالنسبه لهن غير الانهن ما ظهرن بقعه ...ويوم يت الساعه 10 يوا الشباب ...

ذياب : يحليلكم ما طلعتن ..

خوله : عادي شو يعني ..

جابر : خوله في ذمتج كم كندوره حرقتي .

خوله : قول كم كندوره كويتي ..

جابر : يعله الحــــه ما سويتي شي

خوله : والله ما سويت شي

جابر : أفا عيل بوني راحمنكن ..قلت أول ما بني بشلكن وبنسر البحر ..

خوله : لا والله أشتغلت وديمه اتكوي وانا أوديهن الحجر ..ومهروه تغسل وأنا أعلق ..

جابر : يا حافظ عليج الســـــــاع أشتغلني بنت فاضل ..

وأهني توها وديمه تنزل من فوق ..

جابر وهو يطالعها : أوديكم البحر ..

وديمه : الله يالله خلنا أنسير ..

جابر : يالله عيل أتريــــــاكم في السياره ...

وقامت وديمه تلبس عباتها وركبن البنات السياره ..

وحتشروا العيال يبون يسيرون ..

خوله : ماشي عنبو توكم ياين من المهرجان ..

سعيد : والله لنسير .

جابر : يالله عيل أداعسوا ...

وركبوا كلهم ماشاء الله ..وخطفوا على الدكان وشترولهم بارد وساروا البحر ..

بالصدفه كان محمد يالس على البحر أبروحه كان يشاكي البحر ..محمد يالس ويفكر

آآآآآآآآآآآآآه وينج يا ميثه شو قاعده أتسوين يا ترى مرتاحه والا لا ...شو صحتج ..ليته حد أيبلي أخبارج ..والله متوله عليج ...تأكدي يا ميثـــــــــــــه لو غدى غيري نصيبك أنت ويايا وبدوني ما أبي مكروه يصيبك

محمد كان يوميا أي البحر قبل ما يرد البيت ...ويلس ويطلع اللي في خاطره ...

أضحــــــــــك وأنا في داخلي مجــــــــروح ...

وديمه : جابر أتصل في محمد وخله أي عندنا ..

جابر وهو يظهر تلفونه : أنشاء الله

ويتصل جابر في محمد ..

جابر : ألو

محمد : هلا جابر

جابر : وين انت

محمد : والله في المغسيل

جابر : حلو والله عيل تعال صوبنا

محمد : ليش انتو وين

جابر : والله أنا يايب الاسره الكريمه نيلس أشوي على البحر ..نطمش ..

محمد : أنزين وين بالظبط ..

جابر : صوب المصنع

محمد : خلاص عيل ياينكم الحين ..

ونش محمد وركب سيارتها وسار صوبهم ..وأول ما وصل ...وهو يبند السياره ..

مهره وهي أطالعه وتقول في خاطرها حيا الله من وصل ..توهاالروح والله ردتلي ..

ونزل محمد ويلسوا يسولفون ..

سعيد : شو رايكم نتسابق ..

وديمه : يالله ..

خوله : بسم الله عنبو حد يتسابق الحين ..ظلام

سعيد : يالله ظلام حرام بياكلج ..وابويه عليكن يا البنات فيكن بزه مختلف ..

خوله : أخاف أدوس ع شي ..على سمجه فارنه البحر والا هذا الا يسمونه سرطان ..جابر : خوله انتي الحــــــكم خلاص فكينا من الصدعه ...

خوله وهي تضحك : انزين ..

ونش محمد وسوا خط على التراب ...على أساس أهني نقطه البدايه ..

وأهني وقف الكل عشان يتسابق ..

خوله : 1...............2....................3

ويتخاطفون كلهم يترابعون ...

محمد هو اللي فاز الاول ..وأول ما وصل ضرب أيد خوله على أساس هو الفايز ..محمد يلف ويشوف أنه مهره هي الثانيه ..

محمد : يالله مهروه لا تخلين الدب يوصلج أبســـــــــــــرعه ...

مهره كانت تربع أبسرعه ...وقبل ما توصل بشوي ..يقوم محمد يفتح أيدينه مثل اللي تعالي في حضني ..محمد ما كان يقصد شي هالحركه طلعت منه تلقائيا ..ومهره أول ما وصلت مسكت أيده وطاحت تحت ..

محمد وهو يضحك : مبروووووووووووووووووووووووووووووووك

مهره وهي تتنفس أبسرعه : الله يبارك فيك ..مهره وهي أتبطل أيدها وتتنافض ..

زين غيرت دربي والا جان .................

وهي أطالعه وهو كان يضحك على جابر ووديمه كانوا أخر شي ..ربعوا أشوي الا وجابر يقوله : ودوم نحن خسرانين خسرانين خلينا أونه نحن اللي ما طعنا نربع ..

وديمه : اوكي

تموا يتزامطون جابر ووديمه : والله نحن كنا بنفوز بس تعايزنه نربع ..

محمد : خلوا عنكم الخريط ..يوم شفتوا عماركم خسرانين ..قلتوا يالله أونه نحن ما نبى نتسابق ..

وتموا يتياحدون ..جابر أكبر خراط ولوتي وعنده القدره على الاقناع بصوره فضيعه ...

والا مهره ..كانت يالسه وحاطه أيدها على خدهـــــــا ...وتقول في خاطرها ..

أدري أنك ما

تحبني ..أدري أنك ما تحس بلي فيني ..أدري أنك عاشق ومتيم ..وأدري أنه مالي نصيب في قلبك ...وأدري أنه كل شي يطلع منك تلقــــــائي ...

أحبــــــــــــــــــــــــــك ...أحبــــــــــــــــــــــــــــــــــــــــك ....

وأهني محمد ينسدح على التراب

مهره : ماشاء الله عليك سريع ..

محمد : أحم أحم رياضي ..

طبعا أستانسوا ويلسوا لين الساعه 1ونص عقب ردوا البيت ..

وأول ما وصل محمد البيت ودش حجرته ..

الله منو منظف حجرتيه اليوم ...وطلع يزقر وديمه ..

محمد : ودووووووووووووووووووووم

مهره ذيج الساعه كانت في المطبخ ..وطلعتله : ودوم فوق ..

محمد : مهروه منو منظف حجرتيه اليوم ..

مهره : ليش شي ناقص

محمد : لا بس منو مرتبنها ومدخن ..

مهره : انــــــــا

محمد : مشكووووووووووووووووره ..أسميني ذليت عمريه وأنا أقول للخسفه ودوم نظفي الحجره ..

مهره : خلاص عيل أنا كل يوم بنظف حجرتك ..

محمد : تسلمين والله ..

دش محمد حجرته ...ذيج الساعه حس محمد باهتمام مهره بس ما فسر أهتمامها شي ثاني ..وقال أنه مهره يمكن أتحبه ..

ويلس محمد يقرا قرآن وقبل ما يرقد يلس على كرفايته ويلس

يقرا المسجات اللي مخزنه في الارشيف الخاص بميثه ...

(أنت حبــــــــــيبــــــي لو بغيت عمري فـــــــــــداك وأنت نصيـــــــــــبي لا تظن أحــــــد معــــــــــــــــــاك ..حبيبي أول ما تطلع من الشغل أتصل فيني ...

أحبــــــــــــــك )

محمد يتنهد من خاطره يا ترى بدقين يا ميثه والا لا ...يا ترى تتذكريني ...

(الله ياخذه من خدامه ناولتك الصحن وهو حار وحرقلك أيديك والله جنه حرقتلي قلبي ...........بالعافيه حبيبي ويوم تخلص دقيلي عشان تقولي حلو والا لا )

يبتسم محمد وهو يذكر يوم كان ساير الجامعه الانه ميثه كانت مسوتله ورق عنب ...يذكر يوم خلصت أول كلاسه ردت البيت وسوتله ورق عنب وردت مره ثانيه ويوم يا محمد قالت حق الخدامه سيري وعطي هالريال هالصحن ويوم عطته محمد كان الصحن حار فشل أيده أبسرعه ...اهني مهره على طول طرشتله هالمسج ...

 

يالله أيـــــــــــــــــــــــــــام وراحت ...أأأأأأأأأأأأأأأأه يا الدنيا مقســــــــــــاج ...والله وحشتينــــــــــــــــي ...تصبحين على خير يا اغلى ما أملـــــــــــــــــــــــــك

 

 

 

 

كيف أشكـي الحـال والدمـع ينضـح

و كيف أعبر طريقي وأنا أشوف أشواك

 

أريـد أختفـي أريـد أبكـي وأصـرخ

وأقول لطيفك روح..روح.. يكفيني هلاك

 

 

 

طبعا باقلهم يومين وبيردون الدار ..نشوا كلهم اليوم من الصبح وقضوا يومهم كالمعتــــاد ..

ويوم يا العصر ..

وديمه : محمد ودونا المعرض من ييــــــنا ما سرنا المهرجـــان نبى نتشرى شي حق ربايعنا ..

محمد : أنشاء الله ما طلبتي ...سيري وقولي حق قوم أميه جان يبن يسيرن ..وقولي حق قوم خوله وعزه ومهره .

وديمه : فديت أخويه يعلنيه ما خلا منك ..

وسارت وديمه وقالت حق امها ..

وديمه : اميه ترى بنسير المعرض ...مع محمد

الام : شو تبن بعد من المعرض

وديمه : نبى نشرى بعد شو نبى

الام : سمعني ما تتأخرن ترى المعرض زحمه ..

وديمه : أن شاء الله

الام : أشترليه لبنــــان حق يدتج وحق يارتيه صالحه ..

وديمه : أنشاء الله ..

ونش محمد ووصلهن المعرض الي في المهرجان ..طبعا محمد كان مضطرد يودي خواته في يوم مختلط الان ماشي فرصه ثانيه يسيرون للمعرض الا ذاك اليوم ..

 

في المعرض :

سارن البنات يتشرن وكان معاهم محمد ...أما العيال فساروا يلعبون بالالعــــاب ..

 

مريوم وهي تصيح : والله لخبر عليك أبويه ..

ذياب : شو مينونه أنتي هالعبه محد يلعبها غير الكبـــــار

مريوم : عادي أنزين أنا كبيــــــره

ذياب : يلسي أنتي أهني وأنا بلعب أشوي وبرد عليج لا تتحركين ..

مريوم وتشل البقعه كله صيــــــاح ..

قوم سيف كانوا موجودين في المعرض ..

سيف ينتبه للصياح وأنه هالصياح مب غريب عليه ..ويوم ألتفت حصله مريوم ...وعرف أنها نفس البنت اللي حصلها في اليبل ...وسار صوبها ..

سيف وهو يوخي على مريوم : بابا حبيبي شو فيج ليش تصيحين

مريم : ذياب ما خلاني ألعب بهالعبه

سيف وهو يطالعها بكل برءاة الدنيا : حبيبي هالعبه حق الكبار ..

مريوم : كله حق الكبار ..كله حق الكبار وهي تصيح من الخاطر

سيف وهويبتسم : يا حبيبي لا تصيحين يالله قومي بشتريلج حلاوه

مريوم : مابا حلاوه ..

سيف : شو تبين قوليلي ..

مريوم : ابا ألعب ..وهي تأشر على العبه ..

اهني سيف يغمز حق الهندي راعي العبه ويقوله قولها انه هالعبه حق الكبار ..

سيف وهو يرمس الهندي : عادي بنت العب في داخل هذي لعبه ..

الهندي :لالالالا ممنوع بنات صغير ممنوع

مريوم : مالت عليك ..

سيف: عيب حبيبي ...

مريوم : شو عيب ..عيب عليه هو اللي ما خلاني ألعب ..مب من فلوسه فلوس بابا زايد

سيف وهو يضحك من الخاطر : فلوس بابا زايد

مريوم : هي فلوس بابا زايد..

سيف وهو يشل مريوم : يالله تعالي بشتريلج حلاوه ..

خليفه وهو مبطلع عيونه : سيـــــــــــف

سيف : شو ؟؟

خليفه : منو هاي ؟؟

سيف طبه وسار وشترى حلاوه لمريوم ..

سيف : مريومه تتذكيني منو أنا ؟؟

مريومه : هي أعرفك ..اللي عطيتنا التلفون عشان أندق حق أمحمد ..

سيف : ماشاء الله عليج ثرج تتذكرين ..

مريوم : هي ..

سيف : عيل ويــــــــــن أختج ..

مريوم : منو ؟؟؟

سيف : اللي كانت معاج في اليبل

مريوم : وديمه ...

سيف وهو يـــــــــــردد الاسم : وديمـــــــــــــــــــــــــــه

ويقوم سيف ويشتري حلاوتين ..ويأخذ القلم من الهندي ...ويكتب على ورقه صغيره ..

(ما أعرف شو أقـــــــــــــــــولج غير

أنا ودي يا ,,,,,,,,,,أوصلك لو يكون الزمن والناس ضدي ..أنا ليت الامـــــــــاني يا ..........اتحقق والوصل يصبج بيــــــــــدي ....وهذا أيميلي وأتمنى أنج أتضيفيني (سفـــــــــاح الامارات @اhotmil .com ...........أذا ما عندج مــــــــــانع ..

تحياتي الحاره

راعي استراحة الغافتين (سيف المهيري )

 

 

 

 

 

 

سيف : مريوم هذه حقج وهذا حق وديمه لا تنسين عطيها وديمه ولا تخبرين حد ..

مريوم : أنزين ...ويقوم سيف ويحط الحلاوه في مخبى بنطلون مريوم ..

 

وأهني أي ذياب ويسلم على سيف وشل مريوم ...

 

سيف وهو يطالع لبعيـــــــــــــــــــــــد ...عسى بس أوصلــــــــج ...يا وديمـــــــــــه

وأهني خليفه يزاقر : حو سيف ..

يلتفت سيف ...

خليفه وهو أي صوب سيف : منو هاي اللي شالنها ..

سيف : ماشي سمعتها أتصيح ويت صوبه وشليته وشتريتلها حلاوه بس

خليفه : صاير الاب الحنون ..

سيف : خلني أول أعرس عقب قول الاب الحنون

خليفه : بعدك لين الحين يا سيف ما فكرت في العرس

سيف : العرس يباله وحده تسكن .......ويأشر سيف على قلبه ..يوم بتسكن قلبي ذيج الساعه عرف أنه سيف فكر في العرس ..

خليفه : شورايك تأخذلك وحده من صلاله

سيف : عشان كل ما تي صلاله ما تستأجر تي عندي صح

خليفه : زين يوم فهمتها ..

ساروا قوم سيف المهرجان يتابعون المسرحيه ...وسيف يفكر يا ترى بضيفه والا لا ..يا ترى ليش قلبي يبــــــاها ....؟؟؟؟؟؟

 

والا قوم وديمه ردوا البيت ...وأول ما وصلوا كان المغرب ..وقامت وديمه ومهره يرتبن البيت ..

والا خوله كانت تحت التلفزيون ...

وديمه : خوله قومي سبحي مريوم ..

خوله : أوووووهووووووو ما فيني يالسه أتابع البرنامج

وديمه : عمرج ما نفعتي دومج الا مجابله هالتلفزيون ..

خوله : نو فيس ..

وأهني تحلف عزه الا تسبح مريوم ...وسارت عزه أتسبح مريوم ...

ويوم يا فليل ...مهره كانت يالسه تغسل ...وأنتبهت على الحلاوه وطلعتها ..ويلست تغسل ..ويوم خلصت سايره فوق عند وديمه ..الا تذكر حلاوه مريوم ..

مهره : أو نسيت الحلاوه ..

واترد مهره ..وأول ما شلت الحلاوه أنتبهت على الورقه ..

مهره : شو هذه

وتفتح مهره الورقه ..ويوم قرتها أنصدمت ..كيف ومنو ...؟؟؟

وتخطف تربع فوق عند وديمه ...

وتفج الباب بكل قوه ..

وديمه كانت يالسه تسحي شعرها ..وأول ما فجت مهره الباب اتفز وديمه : بسم الله شو فيج ..حد ياه شي ...

مهره وهي أطالعه وما تعرف شو تقولها

وديمه : رمسي قطعتيلي قلبي ..

مهره وهي تي صوب وديمه ..وتناولها الورقه : قــــــــــــــري

وديمه وهي تاخذ الورقه وتنتفض وتبطلها بكل هــــــــدوء ..

ومهره واقفه وتقرا معاها ...وديمه وكل علامـــــــــات التعيب على ويها ...وديمه : مهروه شو هذا ..وكيف ...؟؟؟؟؟؟

مهره : ما أعرف روحي متعيبه ...

وديمه : رمسي وين حصلتيها

مهره : من مخبى بنطلون مريوم

وديمه وهي أطالع مريوم وما تعرف شو الي قاعد يصير : شو مخبى مريوم

مهره : كنت يالسه أغسل ولقيت حلاوه في مخباها ولقيت هالورقه في مخباها

وديمه : سمعيني مهره بلا هالحركات ولا تمين حارقه أعصابي ..أذا مسوتلي مقلب رمسي ..

مهره : والله العظيم لا مقلب ولا شي ...عنبو مقلب بكتبلج جي عنبو حتى ما فكرت أسويها

وديمه وهي ترد تقرا الورقه وألف شي يدور في رأسها ....كيف ...ومتى ...وليش ؟؟؟ وأهني تفر الورقه وتربع تحت ...

مهره : حووووووووووو شو بتنزلين صلعه ..

وديمه وهي أتأفأف ..أووووووووووووووف ناوليني أياها بسرعه ..وتقوم مهره وتعطيها الشيله ..

وديمه وهي تربع على الدري ...وتلبس الشيله ..ويشوفها جابر : شو فيج ليش تربعين ؟؟؟؟

وديمه ما تسمع شي من كثر الافكار اللي في راسها ...

وديمه : مريوووووووووووووووووم .....مريوووووووووووووووووووووم

أم محمد : مريوم خاري تلعب بالسيكل ..

وديمه تطلع في الحوش ..مريووووووووووووووووووم ..مريوووووووم ..وكان كل شي فيها يزقر معاها ..

قلبها ..وأحساسها ..وكل شي ..تزقر وترد تسأل نفسها ..شو الي قاعد يصير ...

مريوم وهي تي من ورى الحوش : هــــــــــا شو تبين

وديمه : منو عطاج الحلاوه ..

مريوم : توني يايه من الدكان ..

وديمه : لاااااااااااااا الحلاوه اللي في مخبى البنطلون ..

مريوم : أنزين ليش أتصارخين عليه ..

ودميه : مريوم حبيبي منو عطاج الحلاوه ..اليوم ..ووديمه تراوي مريوم الحلاوه ...منو عطاج هالحلاوه

مريوم : هـــــــــــــي عطاني أياها اللي حصلانه في اليبل ..

ودميه وتحس عمرها في حلم : أنزين وين شفتيه وكيف عطاج الحلاوه ...

مريوم وهي تخطف تبى تكمل لعبها مع السيكل : تعرفين ذياب ما خلاني ألعب في العبه ...

وديمه وهي ذيج الساعه تبى تجتلها : أقولج وين شفتي الريال ..

مريوم : هو ياني والله وقالي بشتريلج حلاوه وأشترالي وقالي عطي أختج وديمه ..

وديمه : شووووووووووووووو ليش أنتي قلتيله أسمي انشاء الله

مريم : هي شو فيها ...

ودميه : وهي تحط أيديها على راسها : لاااااااااااااااااااااااااااااااااااااا بعد شو قلتيله يا الهرمه ..

مريوم : بس ما قلت شي ..

ودميه : وهي تحس أنه راسها يدور ...شو هالصــــــــــــــــدف ...

وديمه وهي تمسك أذنين مريوم : مره ثانيه يوم يزقرج واحد أنتي ما تعرفينه لا تسيرين صوبه تسمعين والا والله لخبر عليج محمد وخليه يلايمج بعصا ..

مريم : وهي تبطلع أيد وديمه وتبى تعضه

وديمه : انتي داهيه ..الله يعينى عليج ..

وتسير وديمه عند مهره اللي كانت يالسه على أعصابها أتفكر شو هالصدف ..

وديمه وهي أدش الحجره وتقفل الباب : شو هذا اللي قاعد يصير

مهره : ها من وين الورقه ..

وديمه : هو نفســـــــــــــــــــه ما غيره راعي دبــــــــــــــي ...

مهره وهي توقف من مكانها وتي صوب ودوم : وكيف عطاها ؟؟

وديمه : علمي علمج ..أونه قالها تعالي بشتريلج حلاوه وسارت النسره وعطاها الحلاوه

مهره : أنا بس مستغربه ..شو هالصدف ..الي تصير ..

وديمه وهي تنسدح على الكرفايه : وأنا شو اللي محيرني غير هالصدف ...(صدفه لا قيتـــــــــــــــه في دربي)

وترد وديمه وتقرا الورقه ..

سفـــــــــــــــــــــــــــــاح الامارات ....

مهره : أعوذ بالله هذا أسمه يروع ..

وديمه وهي في عالم ثاني ..ويالسه تذكر الموقف الي في الشيشه واللي فوق اليبل ...ليش يا ربي هالصدف ...

مهره : في شو تفكرين ودوم ؟؟؟

وديمه : ما أعرف ...احس شي في قلبي يحيريني ..أحس أنه شي عن قريب بيصير

مهره وهي تنسدح عدالها : كيف يعني ..فهميـــــــــني

وديمه وفي عيونها ألف سوال : ما أدري والله ...الله يعلم شو الايام مخبتنه لي

مهره : بتضيفــــــــــــــــنه

وديمه : ســــــــــــــــــــــاكته

مهره : أذا أنا و الصدف الي تصير بينكم حيرتني عيل وين أنتي ...

وديمه : كل مــــره أقول أنها صدفه لكن هالمره ما أظني أنها بتكون صـــــــدفه هالمره شكلها ناويه عليه نيه ..

مهره : ما فهمتـــــــــــــــج

وديمه وهي تنش وتسير وتبطلع البلكونه وطالع لبعـــــــــــــــيد ...: يا ترى الايــــــام شو مخبتنـــــــــــــه لي ؟؟؟وتنتهد من الخـــــــــــاطر : ياترى شو تبى يا راعي دبي ؟؟؟ على شو نــــــــــاوي ...

وقعدت على البلكونه لين ما حست عمرها أنها طلعت كل الي في خاطرها وعقب ردت وتوضت وصلت ...وسارت ترقد ...

 

طبعا اليوم أخر يوم يقضونه في صلاله عشان جي قرروا يطلعون من الصبح ولا يخلون بقعه ...

وطلعوا الساعه 9 الصبح وراحوا على يبل أتين ويلسوا والجو ضباب ودرجه الحراره تقريبا 20 ...وفرشوا الحصير وكان الكل متيمع ...وطبعا في اليبال بيوت ونـاس تعيش حياتها طبيعيه جدا فوق هاليبال ...

مهره : ودوم خلنا أنسير صوب هذيج البنيه ..

وديمه وهي مالها خاطر : ما فيني والله

مهره : حرام نشي خاطريه أسمع رمستهم ..قومي

وديمه : وين ؟؟

مهره وهي تأشر علىالبنت هذيج اللي يالسه تعلق الثياب ....قومـــــــــي

وديمه : يالله ...

والا جـــــــــابر ميت من الضحك على خوله ...كان يالس يشوف التصوير اللي مصورينه خوله وهي متزحلقه على اليبل ..

خوله : والله لتشطبهــــــــــا ..

جابر : هههههههههههههههههههه خبله خليها ذكرى

خوله : مابى أذكر ..

جابر : أنزين بصور عليه الحين ..

ويمسك جابر الكيمرا ويبى يصور قوم وديمه وهن سايرات عند البنيه ..

مهره : جابر والله ما تصور

جابر : يبوج ما بصورج أنتي أبا أشو البنت قالولي الصلاليات حلوات ..

مهره : والله عيب عليك ..

جابر : لا حول يبوج ذلفي ما بصوركم بصور البقــــــر

مهره : بشوف

مهره ووديمه وهن سايرات يمشن كانن البقر وراهن .....وديمه كانت عادي بس مهره متمسكه في وديمه .أمي والله أتروع ..

وديمه : يالله بستر شو يروعج بعد

مهره : هههههههههههه والله أني أخاف ....

 

وعقب سارن مهره ودوم عند البنت ..

مهره : السلام عليــــــــــــــم

منى هذه البنت اللي سارن صوبها : وعليكم السلام والرحمه ..

طبعا يلسوا يسولفون معاها ...وقعدن يسألنها كيف حياتهم على اليبال وكيف عايشين ..أنصدمت مهره وديمه من اللي يسمعنه ..الان تفكير البنت ولا تفكير وحده متعلمه مع أنه منى مب مكمله دراستها ...كانت أنسانه مثقفه ...راقيه لابعد حدود ..قوم مهره على بالهم الناس اللي على اليبال ما يوصلهم شي من التطور والعلم ..

بس بعد اللي سمعوه عرفوا انه حياتهم البسيطه أروع من أي حياه ثانيه ..

مهره : أنتوا دايما تسكننون أهني والا بس في أيام الخريف ..

منى : في ناس مستقره على اليبال مثلنا وفي ناس تأجر بيوتها للسواح وتي تسكن أهني ..

مهره : عندكم تلفزيون ..

منى وهي تضحـــــــك من خاطرها : وحياتج دش بعد ..نحن ناس نعيش مثلكم وكل شي يوصلنا ..

وديمه : ماشاء الله عليج رمستج مثل رمستنا ..أنا على بالي أول ما شفتج ما بنعرف كيف نتكلم معاج ..

منى : لااااااااا مب لهدرجه بس بعد معاج حق ..الان اللي يسكنون على اليبال تكون لهم لغه خاصه حتى أهل صلاله وطاقه (منطقه في صلاله ) مايعرفون يتفاهمون مع بعض ..بس أذا عن نفسي أنا أحب شعب الامارات عشان جي أرمس شراتكم ..

وأهني تقوم منى ودخلهم بيتها ..وأول ما دشن قوم وديمه ومهره تعيبن أكثر من حياتهم ..والله ناس كانت عايشه على حطب ..وعلى لبن فقط لا غير ...بيت من خشب والله ..كانن يالسات يطالعن بأستغراب ..معقوله في ناس تعيش جي ...رغم الحياه البسطه الي كانوا أهل صلاله يعيشونها بس كانت مميزه كانت السعاده على جبينهم مكتوبه كانوا راضين بهذه الحياه البسيطه ...وتقوم منى وتعطيهم لبس صلالي أسود مخرز بالييد ...

عشان يكون ذكرى ..

وديمه : أنزين يوم يخلص الخريف هالبقعه كيف أتكون ..

منى : راح تستغريبن هالارض الخضراء اللي جدام عيونج راح تكون غبراء بعد ما يخلص هالموسم ..

مهره : معقوله ..

منى : هي والله ..

وأستانسن البنات أنهن عرفن منى ..وعرفن أشياء وايد تخص عاداتهم وتقاليدهم ....وعقب ودعن منى وردن عند أهلن ..

وعقب قرروا يسيرون يسلمون على قبور الانيباء عليهم الصلاه والسلام وساروا قبر سيدنا عمران وبعد ساروا قبر سيدنا أيوب ...وعقب ساروا عند قبر أم قابوس (مزون بنت أحمد ) وعقب ردوا البيت ...الساعه 3 الظهر ...تغدوا وبعد صلاله العصر قرروا الشباب يسيرون كهف (طيق ) اللي يعتبر أكبر كهف في العالم ..هذه والله أعلم الانه هالشي مكتوب في كتب السواح ...وساروا الشباب كلهم بس ما قدروا يدشون داخل الانه عشان يوصلون داخل لازم يجازفون ...وعقب ردوا البيت ..

أما البنات فكانن يالسات يرتبن الاغراض عشان باجر بيردون الدار ....

ويوم يت الساعه 11 ...محمد يزقر : ودووووووووووووووووم

وديمه : لبيــــــــــــــه

محمد :ليبــــــــــتي حايه ..

محمد : شو رايج أنسير البحر ..

وديمه : والله في خــــــــــاطريه ...

محمد : عيل يالله زقري خواتج وأنا أتريــــــاكم في السياره ...

وسارت ودوم تزقر عليهن بس محد طاع يسير غير مهره ..

وساروا البحر ...وكان الجو روعـــــــــــــه ...السمـــــــــاء حمره ..وصوت البحر والهدوء وشير جوز الهند على ينب البحر ...ويلسوا كلهم رباعه ..هم الثلاثه ..

وديمه : تراني بتفلسف عليكم أشوي شو رايكم

محمد وهو يشرب العصير : يالله تفلسفي ..

وديمه : أمممممممممم شو يعنيلك البحر يا محمــــــــد ...

محمد وهو يتنهد ويطالع البحر : البحر هو ونيــــــــــسي ..هو صندوق أسراري ..يوم أضيق ما عندي ملجأ غير البحر ..هو اللي يسمعني من دون ما يقاطعني ..ويوم أسكت أحس أنه البحر يطرشلي موجه من أمواجه تغسلي كل همومي وتريحــــــــــــني

مهره وكل ما فيها يسمع محمد : معقوله يا محمد هالكثر علاقتك في البحر ..

محمد وهو يطالعها : وأكثر مما تتوقعين ...

وديمه : وأنتي يا مهره شو يعنيلج البحر ..

مهره : البحــــــــــــر غدار ..

محمد : غـــــــــــــــــــــدار

مهره : هذه نظرتي للبحــــــــر ..

محمد يطالعها بنظره كلها أستغراب ويسأل وديمه : وأنت ودوم ..

وديمه بعد سكوت : رغم أنه هالبحر مالي أي صله فيه ..الا أنه عندي أحساس أني بكون عاشقه للبحر ..

محمد وهو يبطلع عيونه ويطالع مهره ..ومهره أتقوله بعيونها أسكت خلها تكمل ...

وديمه وهي كل شي فيها يصرخ : ما أدري ليس أحس أنه هاليوم قريب ..

محمد : أنتي عجيــــــــــــــبه ..

وديمه : انا بسير أتمشى على البحر ..أحسني أني محتايه أتكلم معاها ..

محمد : كوني صادقه مع البحر في كل الي أتقولينه عشان يقدر يسمعج ..ويريحج ..

وديمه : خبـــــــــــــير الشيخ

واهني سارت وديمه تتمشى على البحر .وبقى محمد ومهره ....ويقوم محمد وينسدح على التراب ..

محمد : ماريد أرد باجر الدار ..

مهره : لـــــــــيش ؟؟؟

محمد وهو يلعب بالتراب : أول شي ما تهون عليه هالقعده وهالمه كلها والله وناسه ..خلاص تعودنا على روتين معين ...نشره من الصبح وحواطه ولعب ورقه ورزف ومضارب ..باجر لو ردينا ما بنتشاوف الا في نهاية الاسبوع هذا ذا تيمعنا ...

مهره : هي والله صدقت ..حتى أنا مب هاينه عليه المه كلها ...خلاص تعودنا على بعض ..

محمد : هي والله ..

مهره : محمد دامك قلت أولا ...أكيد عيل في شي ثاني ما تبى أترد عشانه

محمد : ماريد أرد لانه كــــــــل شي بيذكرني في ميــــــثه ...أذا وأنا أهني اتقطع عيل وين يوم برد ..انتي تشوفيني أضحك على بالج نسيتها ...ما تدرين ان هالضحكه احرمها على قلبي ...لاني ما عرف شو أخبارها ..وكيف حياتها ...آآآآآآآآآآآه يا ترى شو اخبارها يا مهره ...ما عرف والله كيف عايشه

مهره وهي ترد عليه وهي مب قادره حتى ترفع عيونها : أن شاء الله بس تكون مرتاحه ..

محمد : الله يسمع منج ..

محمد وهو يطالع ودوم ...وهي واقفه أطالع البحر ...: ودوم شي فيها ..

مهره : ها لا ما فيها شي ..

محمد : أنا اعرفها وديمه ...ما تكون هاديه الا أذا كان فيها شي ...

مهره : لا عادي ما فيها شي بس يمكن لانه باجر بنرد

محمد : يمكن

مهره وهي اطالع وديمه وتقول في خاطرها : الله يعينج والله حاسه فيج ..

محمد: خاطريه اعرف في شو تفكر ...

مهره وهي تتنهد وترمس عمرها بصوت واطي ليتـــــــــــــــك تحس فيني مثل ما تحس في أختك ...

وديمه وهي تفكر في كل شي ......ليش هالصدف يا ترى ..يا ترى أضيفه والا لا ...هالريال من شفته على اليبل حسيت أنه بيصير شي ...يا ترى لو ضفته شو بيصير ...وهي أطالع البحر وموجه بحر خفيفه تي على ريوله وهي تنزل وتحط أيدها في الماي : ليكون ولد دبي هو اللي بيغزي قلبي ....وأهني تبتسم لاااااااااااااااااااااااااااااااااااااااا ما بيغزي قلــــــــبي ولا بيوصله ....وترد توقف .....واطالع للبعـــــــيد : لااااااااااااااااا بيغزيني أنا قلبي ضعيف ..انا من شفته للمره الاولى خبلبي وين عيل لو بتصير بيني وبينه علاقه ...وأهني وديمه أتجتف أيدينها ......وتتخيل لو حبته آآآآآآآآآآآآآآآآآآآآآآآآآآآآآه يبخته كل شي بيكون حقه ...حبي الاول هو شوقي غيرتي لهفتي جنوني كلها بتكون له ...الله ما أروع الحب يوم يكون هو أول شخص ينبظله قلبك ...يا ترى بتكون أنت يا سيف اللي بتغزي قلبي وبتملكه وبتحظى بحبي وأهتمامي ..يا ترى أنت بتكون حلم وديمه ....وتغمض عيونها وعلى صوت البحر ...الله يعلم شو اللي بيصير ...(عرفتـــــــك والنظر خــــــــداع )

هذه النظره الاولى سوت جي ...هذه النظره اللي راح تجمع بيني وبينك ...الله يعلم لو جمعتنا مره ثانيه على ندم وأقول (عرفـــــــتك والنظر خــــــداع ) آآآآآآآآآآآآآآآآآآآآآآآآآآآآآآآآآآآآآآه ...

محمد : مهره

مهره : عونك ..

محمد : أنا في عينج أنسان ضعيف صح ...

مهره لا ليش جي تقول

محمد : يمكن أنتي من الناس اللي يعتبرون الحب ضعف

مهره وهي تبتسم : بعدك يا محمد ما عرفتنيه ..عمره الحب ما كان ضعف وعمري ما حسيت بهالاحساس أتجاهك ..الحب مب عيب واللي يتعذب عشان الحب بعد مب عيب ...تعرف منو الضعيف يا محمد ...الضعيف اللي ما يقدر يصون الحب ..الضعيف اللي يخون الحب ..الضعيف اللي ما يقدر يبوح بحبه للشخص الي يحبه وأهني تتنهد ..محمـــــــــــد ترى الكل يحب

محمد وهو يطالعها : الكل يحب ..

مهره : هــــــــــــا هي الكل

محمد وهو يطالعها ويبتسم : ليش أنتي تحبين ..

مهره وهي مرتبكه ومغمضه عيونه : لا شو مينون أنت جي نحن وين عايشين أنا أقصدلك أنه نحب ربعنا أمنا اخوانا يعني جي

محمد وهو يغمزلها : ترى الحب مب عيــــــــــــــــــب مب رمستج هذه

مهره : أنزين الحب مب عيب

محمد وهو ينش : تحبيـــــــــــــــــــــــني

مهره : ودقات قلبها أتزيد : ســــــــــــــــــاكته

محمد : حوووووووووووووووو وين وصلتي تحبـــــــــيني

مهره وكل أحاسيسها تنفجر في داخلها وتردد احبك والله ...

محمد : أناغيـــــــــــــــــــــــج

مهره : حبيتك اليراده ...

محمد : هههههههههههههههههههههههههههههههههه حقيره

مهره : أدري من زمان . وتموا يضاحكون ....وزقر محمد ودوم وركبوا السياره وطرجوا ...وكل واحد سار حجرته ............هذه المره الكل يصيح الحب من صوب ...وديمه الحيرانه ..ومهره المتعذبه ..ومحمد الولهان ...

 

[الريــم]

نبي التكمله

[زوزو الدلوعه]

وين الباقي

 

 

[بحرينيه و النعم]

ثانكس ع القصه

 

و في أنتظار التكمله

[JeNeYa]

ثاانكس على المتابعة ..

 

تفضلوا الجزء الجديد ...

 

 

 

اليوم بيروحون عن صلاله ...وركب كل واحد سيارته ..وطرقوا الساعه وحده الظهر ...وكلهم أمبطلين الدرايش يودعون الدار ..ويوم وصلوا اليبل الاخير اللي بيطلعهم من صلاله تموا يسلمون على أي خد يخطف عليهم ...اللي يرعون البقر وحتى البقر تموا يقولولها مع السلامــــــــــــــــــــــــــــــــــــــه ويوم نزلوا من اليبل خلاص يعني طلعوا من صلاله عم الهدوء في كل السياير ..كل واحد مب هايبن عليه الدار الانهم واااااايد تعلقوا في بعض ....سبحان الله تغيرت البقعه وأترتفعت الحراره لين 40 وأستغربوا كلهم يا سبحان الله ...

وفي سيارة محمد كالمعتاد كانت معاه وديمه ...وسعيد و......و.............وعشان يسلون عمارهم في الدرب ...

كل واحد يتوقع السياره اللي جدامه أذا كانت من أهل الامارات يعني حظه زين ويسلمون عليهم من خلال أنهم يعطونهم أشاره بالسياره ..أذا ردوا نفس الحركه من صوب السياره الثانيه معناه أنه حظهم زين ..وتموا جي لين ما الكل رقد ويا فليل ...المهم أنهم وصلوا العين الساعه 4 الفجر ...وكانت يدتهم ياالسه تترايهم وسلموا عليها ومن التعب كل واحد سار حجرته يرقد ..أما محمد من وصل السنينه (هذه منطقه في عمان قريبه على حدود الامارات ) حس جنه حد يدوس على قلبه ويوم وصل العين ونزل تم يالس في الصاله ما طاع يدش حجرته ...

رويه (هذ أم أبوه ) قوم يا بويه وحط راسك ..

محمد : ما عليه الحين بنش ...محمد ما كان وده يدش الحجره لانه كل شي في الحجره من ميثه

وسار محمد حجرته وأول ما بطل الباب ..خنقته العبره لانه كل شي من ميثه ...العطر من ميثه ..البرواز من ميثه والوحه الي معلقنها من ميثه ...وهالكرفايه اللي قبل ما يرقد تقوله تصبح على خير ...وهالكمبيوتر يوم كان يرمسها على المسن ...وي محمد صوب البرواز ...اللي كانت كاتبه في ميثه ..

(مستحيل ألقى بديلك مستـــــــــــحيل أحب أحد ...لا يميل قلبي لغيرك وأنت روحي و الجسد ...حبي أنت تعرفه ما يحتاي أوصفه ..في دروبك أبتدي ...وهذا مني لك وعد من حنانك أرتوي يا حبيبـــــــــــــــي الابد ..أنت يا أغلى حبيب ...وأنت عيني والهدب وأنت أول وأخـــــــــــــــــر من أحب )

 

 

وهو يقراها يذكر أنه كل ما تي في باله تتصل فيه ..ويذكر يوم تقوله : محــــــــــــمد ما أقدر اعيش بلاك ..آآآآآآآآآآآآآآآآآآآآآآآآآآآآآه ميثه اتصلي أبـــــــــــــــــاج والله مشتاقلج ويقوم محمد ويصلي ويدعى أنه الله يسعدها في حياتها ...

 

 

( متى بتعود قــــــــــــــــــلي متى بتعود ...مالـــــــــــي في هالدنيا سواك ومحـــــــــــد يعوضني بدالك)

 

 

 

 

 

 

 

 

اليـوم راجـع لديرتـي العـيـن

راجـع أراجـع جملـة أوراقــي

 

أذكــر زمـان..أدمـع العـيـن

لحظـة ولَـهْ وشـوق إشتياقـي

 

مـكـان أظلم..عقبـهـا شـيـن

بعـد اللقـا مـا بـقـا بـاقـي

 

نفـس المكـان قـد ضـم قلبيـن

اليـوم يحـرق قلبـي إحـراقـي

 

ذكـرى مضـت..ذكـرى حنـيـن

فـي شهـر موعدنـا التـلاقـي

 

مات السجـل وإندفنـت عناويـن

وسـط بحـر الذكـرى إغـراقـي

 

ويـن الموعـد يـا بنـت ويـن؟

وين حضنج ما يخفـف إرهاقـي؟

 

ويـن صـدرٍ يبكنـي حـزيـن؟

ويـن شفـاة تـروي الشـاقـي؟

 

أسألـه تطـري ع بالـي الحيـن

الليـل أظلم..ومحـال إشـراقـي

 

أنـتِ مـعـه ترديـلـه الـديـن

مرتاح..وعـاشـقـج ضـاقــي

 

زين أبطلـب يـا شيخـة الزيـن

أبطلـب طلبـه تطفـي أشواقـي

 

لو أنتِ في حضنه رجواج لا تنسين

(قبـر محمـد ينتظـر سـاقـي)

 

 

أم ذياب تتصل في وديمه : وينهم يبوج تراني متروعه والله عليهم ..

وديمه : وهي ما تعرف شو تقولها ...عموه أنتي شفتيها في حجرتها ..

أم ذياب : يا أميه أعرفها مهره ما تركب فوق الا وهي مسلمه عليه ..

وديمه : ما عليه يا عمتيه سيري وطالعيها أكيد بتحصلينها في حجرتها ..

أم ذياب : بسير أشوفها يبوج وأنتي دقي لمحمد وشوفيه وينه ...

وديمه : أن شاء الله ..

وديمه وهي تسكر السماعه : والله تروعت شو صار محمد مايرد ومهره محد ...يالله شو اللي صــــــــــــار ....

 

سارت أم ذياب فوق عند حجرت مهره : ويوم بطلت الباب حصلت مهره راقده بثايبها وويها أحمر ...

أم ذياب : وهي ترمس عمرها فـــــــــــــــــديت تاج راسي ...يعلني ما خلا منج ....وتقوم امها وتبند الليت وتلحفها وتسمي عليها ...والله محد يسواج عندي يا بويه ...

وسارت أم ذياب وتتصل في وديمه الي يالسه على أعصابها ...

وأول ما صاح التلفون : وديمه وهي ترمس خوله يالله شو أقول لعموه الحين ..محمد ما يرد ..

خوله : قوليلها ما يرد وخلاص ..

وديمه وهي ترفع السماعه : هلا عمو حصلتي مهره

أم ذياب : هي يبوج حصلتها راقده بثايبها ولا حاسه بالدنيا ..

وديمه : الحمد الله يا عميته يوم حصلتيها ...قتلج انه من الصبح طالعه من عندنا ..

أم ذياب: مب من عادتها ترقد وما تسلم عليه الا أذا فيها شي ..

وديمه : لا يا عمتيه سيري ورقدي ولا تحطين شي في خاطرج مهره توها كانت عندنا ورقيص ما فيها شي ..

أم ذياب : سمحيلي يا بويه تعبتج معايه ..

وديمه : أفا يا عمتيه تعبج راحه والله ..

وسكرت وديمه عن عمتها ...وهي تفكر شواللي صار ...محمد ما يرد ..ومهره راقده بثيابها ولا مسلمه على أمهــــــــــا ..يا ترى شو اللي صاير ....

 

وسارت وفجت النت ولاقت سيف ...ويلست تخبر سيف شو اللي صاير ...وتم سيف يهديها ..ويريحها ويطمن قلبها ويقولها أن شاء الله ما بيصير الا كل خير ...

سيف صار جزء من وديمه ..كل شي يصير عندها لازم تخبر سيف خلاص سيف عودها أنه يكون كل شي في حياتها ..رغم الفتره القصيره اللي جمعتهم ويا بعض الا أن وديمه من أول مكالمه على المسن حست بشي ثاني ...الحب يوم يغزي ما يعرف 1 2 3 ....وغزوه قلبج يا وديمه ....

ويلست أترمسه لين 3 ونص ..وعقب ترخصت منه لانها وايد كانت تحاتي محمد لانه ما يه ..

وسارت تتصل في محمد بس للاسف محمد ما يرد ...ويلست في الصاله ياترى منو احاتي محمد والا ومهره ...والا القلب سيف ...الله كريــــــــــم ...

 

الفير الساعه 5 ونص ...

أم محمد : ودوم شو فيج يا بويه شو مرقدنج في الصاله ...

ودوم وهي تفز من رقادها وعلى طول تربع حجرة اخوها محمد ...بس ما حصلت حد ..

ام محمد : شوفيج ..

ودوم : محمد لين الحين مايه ..

ام محمد : ليش وينه هو ...وشعنه ما وعيتيني يوم تدرين انه أخوج مايه ...

ودوم وهي تتصل في محمد : شله يا محمد بموووووووت والله شله ...

محمد من سكر عن ميثه وهو ما غير مكــــــــــانه كان يالس يفكر في كـــــــل شي ...كان يحس أنه في حلم ...واول ما اتصلت وديمه ينتبه محمد الاتصال ....وهو يطالعــــــه ....

والموبيال يرن .طوووووووط طوووووووووووووط ...:

محمد : ألو

وديمه : الحمد الله يوم رديت والله روحي كانت تبى تطلع وينــــــــــــــــــــــك ..

محمد : الحين بي أن شاء الله ...

وديمه : اتريـــــــاك

وتسكر وديمه عن محمد : الحمد الله يوم انك بخير ..

ام محمد : وينه وليش مايه ..

وديمه : والله يا أميه ما سألته ..بس الحين ياي ..

وتنش وديمه وتتوضا وتصلي صلاة الفير ..وقعدت تقرا قرآن ...وعقب يلست تتريا محمد ..

وديمه : يالله شو اللي أخر محمد ..

واهني تسمع وديمه صوت السياره ..واول ما شافت محمد ينزل من السياره ..

وديمه : أميه لا تمين تخبرين وين كنت وليش ماييت ..

ام محمد : ليش ما تبيني أتنشد عنه ..لازم اتخبره وين كنت ...

وديمه : عقب يوم ينش قوليله أنزين ..

محمد وهو يدش الصاله وشكله تعبـــــــــــــان من الخاطر اللي يشوفه يقول عنده عزا ...وهو حاط السفره على جتفه : السلام عليكم ..ويي ويسلم على أمه ويسلم على وديمه ...وعلى طول من دون شحالكم شخباركم ..يسير حجرته ...

امه وهي تبى ترمس الا ووديمه تحط أيدها على ثم امها وتقولها بعيونها لاااااااااااااااااا..

ام محمد وهي تبى تسير صوب محمد ..

وديمه : أميه خليه محمد ...لاتسيرين صوبه ...محمد يوم يكون مضايق ما يحب يرمس حد .

أم محمد : ما تشوفين شكله أكيد شي فيه اكيد مضارب مع حد ..

وديمه : الله يهديج يا أميه ما في شي ...أنا الحين بسير عنده وبشوفه شو فيه ..

أم محمد : يا ويلي عليك يا محمد ..

وتمت وديمه يالسه عند امها ...لين ما يت الساعه 7 ونص ..بعد تردد كبير ..ادق وديمه على محمد الباب لكن محد يرد ...

ودش وديمه وأول ما دخلت شافت محمد يالس عدال كرفايته تحت ..واوراق ..وكيس ورسايل ..ومحمد ولا حاس بالدنيا ...

وديمه : محمد

محمد يطالعها : وهو ساكــــــــــــــــــــــت

وتيلس وديمه عداله وتشوف الرسايل ..عرفت أنهن ماليل ميثه ...

وديمه وهي أطالع محمد وتقول في خاطرها : شو اللي قاعد يصير ..

محمد وهو يرفع عينه في اخته ..

تعرفين يا ودوم أمنو أمس رمست ..

وديمه : وهي تهز راسه لاااااااااااااااا..

محمد وهو يتنهد : ميثه

وديمه : ميثــــــــــــــــــــــه

محمد : هي ميثه ماشي والله طرشتلي مسج وأهني محمد يحط أيده على عيونه ...تقولي فيه أنها تبى ادق .....آآآآآآآآآآآآآآآآآآآآآآآآآآه يا ودوم ليتها ماطرشت ليتـتها والله ...

وديمه وهي متعيبه ولا تقطع في رمسته كانت تسمعه بكل ما فيها ...

محمد : يوم شفت المسج ما عرفت وين أودي بعمري من الفرحه كنت متوله عليها ...والله والله يا ودوم لو تعطيني عمرها كله عشان أوصفلها شوقي وحبي وعذابي والله ما يسدني ...

كنت أبى أعرف على الاقل بس اذا هي بخير والا لا همي في هالدنيا سعادتها والله ..كنت أبى أقولها بعدني أحبــــــــــــج بعدني عند وعدي ....أول ما أتصلت فيني على شاشه تلفوني يطلع روحي والله يا ودوم كنت أحس هالمسمى يبى يدش فيني لاني من زمان عايش بلا روح ...كنت أتنافض مب قادر أرفع السماعه ..شو أقولها .........مشاعري كانت ولا بركان ..تعرفين شو يعني بركان ..بركـــــــــــــان ويوم رفعت السماعه : اتقولي أشحالك محمد ..

ودووووووووووووووووووم ودوووووووووووووووووم وهو يحط أيده على قلبه أنا متى كنت محمد في حياتها ..متى؟؟؟؟؟ أنا كنت في حياتها روحها والله ما تزقرني غير حياتي ..عمري ...روحي ...بكل بساطه كانت تزقرني محمد ..وحتى وهي تزقرني محمد ما كان قلبها يحن على محمد ...آآآآآآآآآآآآآآآآآآآآآآآآآآآآآآآآآه ليتها يت على المزاقر ليتها زقرتني محمد وبس لااااااااا يا ودوم ميثه حرقتلي قلبي ...قطعتلي شراييني ...تعرفين ليش كانت داقه ...كانت تبى صورها ..كانت داقه أتقولي عيش حياتك خلا ص انا نسيتـــــــــــــــــك ..تعرفين شو رديت عليها ...قتلها ما تبين شي ..كان ودي أقولها خذي روحج خذي حبج ...يايه بكل بساطه الدنيا والله أنا أحب خالد ..ما راعت شعوري ...ودووووووووووم ردي عليه معقوله النفوس تتغير بهالسرعه ..عنبو ميثه ماكملت شهر عند ريلها ونستني ...وأنا وين ما أروح هي معاي ..أضحك هي معاي ..آكل وهي معاي يايا أتقولي أنساني ........كيف وليــــــــــــش والله لو أدري أنه يمكن حبها لي بيموت بهالسرعه والله ما حبيتها ولا فكرت أحبها ......الله يسامحج يا ميثه ..الله يسامحج ..

وديمه : محمد لا تلوم ميثه خلاص ميثه لها حياتها الخاصه ..خلاص ميثه عندها ريلها ....خلاص ميثه أتشوف أن الحب الحقيقي زوجها وأنا معاها محمد ........خالد بيصير أبو عيالها وأمها وأبوها وكل شي ..أنت اللي لازم أتغير حياتك وتتأقلم مع نفسك ووتتأقلم أنك تعيش من غيرها شوف دنياك ....ترى وايد ناس أتحبك ويتمنون قربك ..

محمد : والله يا وديمه أحمد ربي وأشكره أنها أتصلت لانها قوتلي قلبي ..لان باجر لو ما يت ميثه في بالي ما أندم ولا أتلوم وأقول نسيتها ...بقول هي اللي خلتني انساها ...والله يا وديمه لنساها وأهني يحط محمد راسه على ينب الكرفايه والله لنســــــــــــاها ..

وديمه : أنساها يا محمد انساها لانه خلاص ميثه حياتها مربوطه بحياة شخص ثاني ...ولا تفكر أنه يمكن باجر تيك لا تفـــــــــكر ...بتساها يا محمد وبتيك اللي بتنسيك ...

محمد وهو يطالع ودوم ويبتسم والله يعلم شو كانت هالابتسامه : وينـــــــــــــها

وديمه وهي تبتسم : عدالك والله بس بطل عيونك

محمد وهو يبطل عيونه ويطالع الحجره ويغمزلها : محمد عدالي ..(محمد ولا حط في باله مهره )

وديمه وهي تنش : بخليك انا الحين بسير أدق لمهروره والله أني أحاتيها ...

محمد : ليش شو فيها

وديمه : والله ما أدريبها بس أنت أول ما نزلتها على طول سارت حجرتها ورقدت ولا سلمت على امها ولاشي ...وأمس امها حليلها أدورها وأثاري الحبيبه راقده وهي ولا عاطيه خبر لامها أنها وصلت ..

محمد : عيل كانت عندي في السياره عادي ما فيها شي ..

وأهني وديمه تشهق وتيلس على ينب الكرفايه : محمد يوم ياك المسج مهره كانت عندك ..

محمد : هي كانت عندي يحليلج يا مهره هيه اللي شافت الفرحه في عيوني ما تدري أن هالفرحه راحت أبلاش ..

وديمه :لااااااااااااااااااااااااااااااااا حرام ...حرام ..حرام

محمد :شو حرام

وديمه : أنت تتعذب ...وتعذب غيرك ..

وتنش وديمه عن محمد ..وخلت محمد يفكر في كلامها ...

(ترى وايد ناس يحبونك ..مهره رقدت وهي ولا مسلمه على أمها ...مهره كانت عندك يوم وصلك المسج ...حرام .......أنت تتعذب وتعذب غيرك ) شو هالكلام أكيد ودوم ينت ..وتم محمد يرتب الاغراض ويحط الصور عشان يوديهن المكتبه ..

وسارت وديمه عند امها ..

وديمه : اميه دقي للدكان خليه أيبليه بطاقه تلفون ..

أم محمد : يالله بستر تعالي وأتصلي ...يالله يا العيازه

وديمه وهي تتصل : مب عيازه بس يوم هو عدالج ...

ام محمد : لا حول ..

ووتصل وديمه للدكان أيبلها بطاقه ..

وديمه وهي أطالع تلفونها : يحليله والله من زمان مفرور في الكبت ...اليوم يبوك برحمك ..

ام محمد : ينت البنت ..

ويطلع محمد من حجرته ...وهو شال الكيسه وشكله تعبان ...

أم محمد : ها بويه وين بتنشر ..

محمد : بسير أشويه بقعه وبرد ان شاء الله .

وديمه : والله ما تشبر شبر يا محمد وأنت تعبان وهني ودوم تمسكه وتيره تباه يرد الحجره ..

محمد : حوووووو شو فيج ..

وديمه : والله ما تودي الاغراض الحين ...عنبو من أمس مب راقد ..سير ورقد وعقب سير ود الاغراض ما بيطيرن والله ..

محمد : خليني أوديهن أحسهن هم على قلبي ..

وديمه : لاااااااا يعني لااااااااااا أن سرت الحين عقب ما تطيع أتوديني عند مهروه وأنا تعبانه الحين أبا أرقد ...خلنا نرقد وعقب نطلع رباعه..

محمد : عنلاتج زاد أنا قلت تحاتيني ...وثره تحاتي رقادها ...

وديمه :هههههههههههههههههه والله ما كان ...بس ما باك تطلع وأنت تعبان ..رقد وريح وعقب سير ..

محمد : ما بيهنالي الرقاد وهي طالبه غرضها ...خليني أوديهن وأفتك ..

وديمه : لحظه عيل شرب على الاقل قهوه فجج راسك ..

ويلس محمد ويحط الاغراض عداله ..ويلس يتريق ...

وعقب ترخص عنهم وسار المكتبه ..وحط الاغراض ..ويوم ركب السياره ...وهو يطالع المكتبه

يالله يا الدنيا أمس أييج واسلمج روحي ...اليوم أيج وأخر مره أييج ...اليوم روحي بفصلها عنج يا ميثه .....الله يهينج ويسعدج يا ربي ...ويشغل سيارتها ويرد البيت ...ويرقد ...

 

ويوم سكت الساعه 2 الظهر نشت وديمه ...وسارت اتصلي ..وعقب سارت أتوعي محمد

وديمه : محمد يالله نش صلاه ..

محمد وهو يتلحف : سكري الباب .

وديمه وهي تسير صوب المكيف وتسكره ..

محمد : ودوووووووووووووووم يعلج الحشره خليني أرقد والله تعبان .

وديمه : نش صل وعقب رد كمل رقادك ..

محمد وهو ينش : خوزي عنيه ...

وديمه : ههههههههههههههههه الصلاة خير من النوم ...

وسار محمد وصلى وعقب رد وكمل رقاده لين العصر ..ويوم نش العصر ..يلس يتغدى ...

وديمه : محمد ودنيه عند مهروه ...

محمد : شوفي عندج خمس الدقايق خلصي شغلج فيهن ..لاني مستعيل

وديمه : أنا جاهزه ..

محمد : يالله عيل خلا ..

وسار محمد صوب بيت قوم مهره ...ونزل ودوم ..

محمد : سلمي عليهم وأستسمحيلي منهم وقوليلهم تراني مستعيل ويوم برد بسلم عليهم ..

وديمه : ان شاء الله ..

محمد : وسلمي على مهروه ...

وديمه : بس أسلــــــــــــــــــــــــم

محمد : وهو يطول على الاغاني على اخر شي ...ودوم وهي تحط أيديها على أذنها :ما عليك

محمد : تستاهلين ترى أسألتج هاي ما أدانيها ..

وديمه : وهي تنزل من السياره أوكي عيل من اليوم بطفربك ..

محمد : ياللـــــــــــــــــــــه ..

وتسكر ودوم باب السياره ..وتدخل داخل ..وتسلم عليهم ..وسارت فوق عند مهره ...

ودق وديمه الباب ....

مهره : منو

وديمه : خويتــــــــــــــج .

مهره : ودوووووووم

وتقوم مهره وتفج الباب ...أول ما شافت وديمه عيونـــــــــــــها

وديمه :مهروه شو فيج ؟؟؟؟ليش صايحه ..

مهره : سلمي أول ..

وديمه : شوفيـــــــــــــــــــــج ..

مهره وهي واقفه وأطالعها وتمسك أيد وديمه ودخلها داخل الحجره ...

ومهره وهي تقفل الباب وماسكه عمرها لا تنفجر من الصايح ...

وديمه : شو فيــــــــــــــــــــــج روعتيني ...رمسي ريحينــــــــي ..

مهره ما قدرت تتحمل : وتصيــــــــــــــح من الخاطر ..وتقوم وديمه وتلوي عليها من الخاطر ...شو فيج ليش أتصحين ..

مهره : بمووووووووووووووووت ليتنــــــــــي ما حبيته ..ليتني ما سرت صلاله ..ليت ربي ما بلاني بهالحب ..

وديمه وهي تحاول تهدي مهره : لا تندمين على حبج لمحمد ..صدقيني محمد اليوم بين يديج يا مهره أنتي بس حاولي تكسبين حبه ..

مهره : شو تقولين أنتي ....وأهني كلهن أيلسن على الكرفايه ...

آآآآآآآآآآآآآآآآآآآآآآآآآآآآآه أنتي يا وديمه ما شفتيه أمس يوم وصله المسج ....ين عليه بغى يموت تعرفين شو كان يقولي ...يقولي هالمسج من قلبي ..من عند روحي ...والله يا ودوم كل ما ينطق بكلمه كنت أحس عمري اتقطع من داخل جنه حد يقطعني قطع ...أتصدقين يوم نزلت من السياره ما كنت أشوف شي ..كله أشوفه بياض دخلت الحجره عقيت بعمري ولا حسيت الا الساعه 4 الفير ..ومن الفير لين الحين وأنا على موال واحد صياح ....يالله بعد ياياه اتقوليلي مهره محمد بين يديج ...خلاص أمس هناء وراحتـــــــــــــــــه ردتله ..أول كان عندي أمل فيه بس بعد ما طرشتله المسج أحس أنه حلمـــــــــــــــــــي جتلته ...

وديمه وهي تقطع في رمستها : لا يا مهره خلي الامل جدامج لان الانسان الي ما يعيش بلا أمل ما يقدر يستمر في حياته...وعرفي انه المسج اللي أطرش أمس كان لصالحج انتي ...

أنتي ما تعرفين ميثه ليش مطرشه المسج ..ميثه مطرشه المسج 0أتقوله انساني أنا ما أحبك ..احب ريلي ...

مهره وهي مب مصدقه : حلفــــــــــــــــــــي ..مستحيل معقوله ميثه أتسوي جي لا مستحيل ..

وديمه : هذ هي حالة الدنيا ...أنا ما ألوم ميثه ..بس تمنيتها ما تكون بهالقسوه ...

بس في نفس الوقت ميثه بهالتصرف راح تخلي محمد يعيش حياته بلاها ...هالمره محمد بينساها وقالي اليوم بلسانه انه بينساها ...

مهره : حرام عليهــــــــــــــــــا والله ما فيها قلب ...حرام كسرت بخاطره ..

يعلها تفداه ..يعلها تفدى ثره ...الله يعينك حبيبي الله يعينك ...بس أتصدقين أخاف من حوباتي أمس ..

وديمه : هههههههههههههههههه لا أطمني مب من حوباتج ..

مهره: ليتها ما أتصلت عورت قلب حبيــــــــــــــــبي ...

وديمه : لا احسن يوم دقت لانها قوت قلب محمد وبهالطريقه بتخليه يقدر ينساها ..

مهره وهي تقرب من وديمه اكثر وتمسك أيدها : أخبــــــــاره عساه مرتــــــــــاح

وديمه وهي تبتسم لانها أتشوف الحب في عيون مهره : صح بعده مصدوم بس والله محمد مرتاح ..

مهره : آآآآآآآآآآآآآآآآآآآآآآآآآآه يعلني ما أذوق حزنك يا محمد ؟؟

ودوم : أوووووو صح تراه يسلم عليج ...

مهره : الله يسلم روحـــــــــــــــــــه من كل شر .........أحبــــــــــــــك ..أحبــــــــــــــــــــك أحبــــــــــــــــــــبك ..

ودوم : خسج الله سكتي لحد يسمعج ..بيقولون حد عندها ..

مهره : احبـــــــــــــــــــــــــــــــــــــــــك ..

ودوم : خوزي عنيه يننتوني والله محمد من صوب وأنتي من صوب ..قومي شغليلي النت ولهانه على قلبــــــــــــي

مهره : جي وينه قلبـــــــــــــــج ..

وديمه : قلبــــــــــــــــي في دبي دار الحي ..

مهره : شو اخباركم ..

وديمه : أمس يلست وأخبره عنج وعن محمد ..

مهره : ليش .؟؟؟؟؟شو يخصه عشان أتقوليله

وديمه : تسألين انا ؟؟؟؟ليش أقول لسيف ...في ذمتج كيف ما تبيني أقول لقـــــــــلبي ...سيف قلبي وسيف حياتي ...يعني ما أقدر اعيش من دونه ...

مهره وهي يالسه اتشغل النت : الله يهني قلبي يا ودوم شراتج مب أنتي مرتاحه ..

ودوم : حرام عيلج ..أتشاهدي توني حليلي حتى ما كملت أسبوعين يايه أتقوليلي الله يهني قلبج ..آآآآآآآآآآآآآآآآآآآآآآآآآه ما تتخيلين أشكثر قلبي مشتاق لشوفة أعيــــــــانه ...

مهره : ودوووووووم مشتاقه تشوفين عيونه ..

ودوم : والله خاطري أصرخ صرخه وأسمع أهل العين كلهم أني أحبــــــــــــــــه وتوصل صرختي لدبي وتهز دبي

مهره : عنبو هالكثر تحبينه ؟؟

ودوم : آآآآآآآآآآآآآآآآآه كيف ما تبيني أحبه ...وهو اول شخص قدر يهز قلبي ..على كثر ما شفت محد هزني غيره ...

مهره : والله أني خايفه من هالعلاقه ...

ودوم وهي فاجه المسن وتتريـــــــــــى سيف يدش : وينـــــــــــــك حبيبي ..شو قاعد اتسوي

وديمه : مهروووووووووووه أحبـــــــــــــــــــــــــــه

مهره : أص لا حد يسمعنـــــــــــا وهي تغمز لودوم..

ودوم : والله ينيــــــــــنا يا مهروه ...تذكرين يوم كنا فوق اليبل في صلاله وأقولج متى بحب ...سبحان الله ..يالايام كيـــــــــــــــــــف ...تعرفين هالريال من شفته أول مره حسيت أنه بيصير شي ...تعرفين يا مهروه شو يقولي كل ما أرمسه ..يقولي تمنيت أوصلـــــــــــــج من أول ما شفتج بس القدر يابج عندي ...

احبـــــــــــــــــــــــه ...مهروه أحبـــــــــــــــــــــه ...

مهره : سكتي عنيه روحي من زاد ...

وديمه وهي اطالع المسن : وينــــــــــــــــك بابا ...

وقعدت تترياه لين الساعه 9 بس سيف ما دش ...

ويا محمد ونزل يسلم عليهم ..بس مهره ما طاعت تنزل من فوق عشان تسلم عليه لانها مب قادره أتشوفه ...

محمد :عيل وين مهره

وديمه : مهره اتصلي ..

محمد : عيل سلموا عليها ... خلافتنا العافيه عليكم ..شي في خواطركم ..

أم ذياب : سلامتك يا الشيخ ...

وسار محمد ووصل ودوم وعقب سار صوب قوم جابر والربع كانوا متيمعين في ييت واحد من الربع ...ويلس عندهم ..

والا ودوم كانت يالسه على أعصابهــــــــــا ...ودشت حجرتها ...وعلى طول شغلت النت ..وقعدت تتريا سيف لين الساعه 3 ونص بس للاسف سيف ما دش ..

ووديمه يالسه اتحاتيه .. وترمس عمرها .وينــــــــــــك بابا شو فيك ليش ما دشيت ليكون فيك شي ...

يعله الخير في دربك حبيــــــــــــــــبي ..يالله يا رب ما يكون فيك شي ...أحبـــــــــــــــك ومحد يسواك عندي ...وقامت وديمه وصلت ودعت أنه الله يحفظلها سيف وأمه وأهل دبي كلهم ...

 

تصبح على خيــــــــــــر حبيبي ..رقاد العوافي أن شاء الله

 

أحبـــــــــــــــــــــــــــــك ...

الساعه 10 الصبح ...

أم محمد : ودوم ...ودوم يالله نشي جان تبين تتشرين للجامعه

وديمه : أميه كم الساعه ..

ام محمد : الساعه 10 ..

وديمه : عنبو يا أميه اتنشرينى من الصبح ..خلينا بعد الغداء ..

أم محمد : ماشي بعد الغداء أنا ما بتم أحوطكن في الاسواق جدام خلق الله ..جان تبن أتسيرين الحين خلا والا عقب ماشي ...

وديمه وهي تنش: ما أدري لو شافونا خلق الله شو بيصر ...؟؟؟؟ ملايكه نحن ..

 

وسارت وديمه وخوله وأمهن وسار معاهن أخوهن هادف ...وأول ما دشت وديمه المول ..كانوا حاطين أغنية (غايب حبيبي )

غـــــــايب حبيبي ما وصلني سلامــــــــــــه ...مدري غيابه عذر أو شي مسموح ..

 

وديمه وخافقها يدور على سيف ويحاتيه : وينـــــــــك يا سيف شو بلاك ....عسى بس ما فيك شي ....يالله يعني ماراموا يحطولي غير هالاغنيه ....

وسارت وديمه محل العنود تفصل شيل وعقب سارت next و etam وشترتلها قمصان ...

وهي مالها خاطر ..

وعقب ردوا البيت ...وأول ماردت سارت وصلت وعلى طول فجت النت على أمل أنها اتحصل سيف لكــــــــــــــــــن ما حصلت سيف ولا طرشلها حتى أيميل يطمنها عليه ..وسكرت النت ونزلت تحت عند أهلها

ام محمد : ودووووووووووم غداء ..

وديمه : مامشتهيى شي ..

أم محمد : عنبو صايمه من نشيتي ما ذقتي الطشه ..

وديمه : والله ما أشتهي يا أميه ...

وديمه وهي يالسه في الصاله وتعابل تلفونها ..وفكـــــرها بعيد وقلبها ملتـــــــــــاع ...والا أشوي تتصل ربيعتها نوره :

وديمه : هلا والله ..

نوره : هلا بالغالي ..

وديمه وهي ناشه سايره صوب حجرتها : شحالج نواري ...

نوره : تمــــــــــــام علومج أنتي ..

وديمه : ماشي والله توني يايه من المول ..

نوره : والله ...شو شتريتي ..

وديمه : أشتريتلي قمصان وفصلت شيل ....أن شاء الله باجر بسير كارفور أبا أشتريلي جواتي لاني ما لقيت شي في المول وأنا من يوم يومي ما أحب أتعامل الا مع ألـــــدو ....

نوره : حتى نايل وست ترى روعه ..

وديمه : أبدا ما أحب أشره منـــــه ...

نوره : ما عندج ذوق عيل ...

وديمه : نوره ..

نوره : هلا ..

وديمه : نوراي سيف ما دش المسن من امس ..

نوره : خسج الله روعتيني ....أنا قلت شي فيها البنت ..

وديمه : والله أني أحاتيه ما عرف شو فيــــــه ..

نوره : أكيد الريال مشغول عشان جي ..

وديمه : آآآآآآآآآآآآآآه ما يهمني جانه مشغول بس أباه يكون بخير وصحه وعافيه ...

نوراي : لا تمين اتحاتين ..بس ما قلتيلي هو شو يشتغل

وديمه : والله ما أذكر أتوقع مدير مبيعات في شركةالطيران

نوره : يعني واحد في ذمتج يشتغل في شركة الطيران كيف بتحصلينه فاضي

وديمه : ســــــــــــــــاكته ....

وسكرت ودوم عن نوره ....

وتمت على هالحــــــــــاله لا تعرف شي عن سيف ..........الله يعين قلبج يا ودوم ...

 

بيت قوم مهره ....

كانت مهره مستــــــانسه من الخاطر لانه اليوم بيي عمهم عبد الله من السفر ...الله يسلمكم هذا عمهم بالرضاعه بس علاقتهم وايد معـــــــــاه ...عمره 24سنه يدرس في جامعة بوسطن في أمريكا وباقله كورس واحد وبيتخرج أن شاء الله

مهره كانت يالسه تهمز أبوها ....وهي تتريا عمها بفارغ الصبر ...والا راشد وذياب يالسين تحت السوني يلعبون ...وأم ذياب يالسه أدخن البيت ....

أبو ذياب : عنبو هالهماز يا مهره همزيني زين ..

مهره : أبويه أنا من الفرحه مب قادره أهمزك ..

أبو ذياب : عنبو هذا كله وله على عمج ..

مهره : والله متولهين عليه ...يوم رد من امريكا ما وحنا نيلس معاه أسبوع الا ونحن في صلاله وهو سار مع رباعته ماليزيا ....ولا يلسنا معاه ولا شي ....

الا وشوي يتبادى عليهم عمهم عبدالله ...(طويـــــل مب عريض وايد ...ملتحي ...وسيم ...) دش عليهم كان لابس بنطلون بني فاتح وقميص بني على برتقالي ...وكاب بعد بني على برتقالي لافنه على اليانب الثاني ونظاره ماركت GUCCI ..ما سوالهم 123 فج الباب بقوه كان يبى يروعهم ...

مهره وهي تصرخ : عمــــــــــــــي عبدالله ...

وينشون قوم ذياب وراشد وخلف يترابعون صوبه ....ويلوون عليه ...

والا مهره تمت واقفه أشوي من الفرحه والا أشوي تخطف وتربع وتلوي على عمهـــــا ....

مهره : حمد الله على السلامه ...توها الدار نورت والله ...

عبد الله : يالله يا المكر ..وهذا شو ( وهو يأشر على الليتات )

مهره : بعدك يا عميه ما ودرته الغياظ ...

ويسير عبد الله ويسلم على أبو ذياب ...

سلطان (أبو ذياب ) حمد الله على السلامه ..

عبد الله : الله يسلمك من الشر ...

سلطان : يبوكم خوزوا عن عمكم خلوه أيلس ( مهره كانت ماسكتنه من أيده والا راشد مط الكاب ...وخلف شل النظاره ..

عبد الله : سلطان يبوك عيالك فقر اللي يشوفهم يقول مب شافين خير ..

سلطان : هههههههههه شسويبهم ..

مهره : والله تولهت عليك عميه ..

عبد الله وهو أيلس : والله أنا بعد تولهت عليكم أكثـــــــــــــــــر ..

مهره وهي يالسه تحت وعبد الله يالس فوق الكرسي : أنزين عميه متى بترد أمريكا

 

 

 

انتظر ردودكم ....

[فديتني^بحرينيه]

يسلمووووووووووووو ،،

 

بأنتظار التكمله ؟؟

[الريــم]

تسلمين

 

بإنتظار التكمله....

[ريم المحرق]

 

 

عجييييييييبة ، بانتظار التكملة

[فديتني^بحرينيه]

وينج يالغاليه ؟؟

 

ننتظر التكمله ؟؟؟

[JeNeYa]

يسلموا على المشاركة ..

تفضلوا الجزء الجديد...

 

 

 

عبد الله : بعد 5 أيام ..

مهره : لااااااااااااااااااااااا

عبد الله : يالله أن شاء الله أفتك من هالكورس الباقليه وأتخرج ...

مهره : يعني نص السنه بتكون عندنا ..

عبد الله : وبتعافيني بعد ...

تموا يسولفون لين الساعه وحده ....وعقب سار عبد الله ومهره فوق ...

مهره : وهي تمشي على الدري وهي ترمس عمها : ما خبرتنيه عن ساره ..

عبد الله وهو يغمزلها : أص عنلاتج بتفضحيني ..

مهره وهي تضحك من الخاطر : تحبـــــــــــــها

أهني عبد الله يبى يضربها ...وهي تشرد عنه : أوكي وين بتروحين عنيه ...

مهره : أهني عميه في حجرتيه ..

وسار عبد الله صوب حجرتها وأول ما دش على طول أنسدح على الكرفايه ...

مهره : يالله خبريني عنها ..

عبد الله : شو تبين تعرفين ؟؟؟

مهره : بعدك معاها

عبد الله : هي بعدنيه معاها

مهره : هي وين الحين ..

عبد الله : ما تشوفينيه أجلت السفره ..المفروض أسافر وراء باجر بس عشان خاطرها بسافر معاها بعد 5 أيام ..

مهره : اللـــــــــــــــــــــــــه

عبد الله: تبين تسمعين صوتهـــــــا

مهره وهي تنقز عداله : هـــــــــــــــي

ويقوم عبد الله ويتصل في ساره ( ساره الله يسلمكم بنت مواطنه تدرس معاه في أمريكا وتعرف عليها أهناك)

ساره : ألـــــــــو

عبد الله : هلا ساروه .

ساره : هلا والله ها بشر وصلت بيت عمك ...

ومهره وهي تحاول تسمع وتحط أذنيها قرب عبد الله ...

مهره :أووووووهو ووووو ما أسمع شي ...وتأشرله حطها على المايك ..

عبد الله وهو يأشرلها بأيده : زولي ...

عبد الله : ساره بدقلج عقب عندي عرب أهني حشره ما يخلون الواحد يرمس على راحته ..

مهره : وهي تحط أيده على راسها : الله وأكبر يا الجذب

عبد الله وهو يسكر : ههههههههههههههههههههه

وتموا يالسين يسولفون لين الفير ..تمت مهره تخبره عن صلاله وعن الرحله ...وتمت أتشاوره أذا تغير تخصصها والا لا ....ويوم أذن الفير صلوا وساروا يرقدون ...

 

والا في بيت قوم محمد يوم كانت الساعه 11 فليل ..

كان محمد في حجرته منسدح على كرفايته ويطالع التلفزيون وحاط قناة الجزيره ..

محمد وهو يرمس عمره : يالله يالاخبار ما تغير .......واهني أدش عليه ودوم ...وكانت لابسه بجامه ورديه ولا فه الفوطه على راسها لانها متسبحه ..

محمد : هلا ودوووووووووووم ..

ودوم وهي تيلس عنده : شحــــــــالك ...

محمد : شو فيـــــــج أتقولينها من وراء خاطرج ...

ودوم : حرام عليك بس والله تعبانه ...

محمد : ليش شو فيج ؟؟

ودوم : هــــــــــا لا ماشي

محمد : أشتريتي كل اللي تبينه اليوم ...

ودوم : لا والله بعدنيه ...أن شاء الله باجر بسير كارفور وبتشرى ..

محمد وهو يبطل بوكه : أنودج البطاقه وأشتري كل الي في خاطرج ..

ودوم : لا والله ما أخذها عنبو لو أبا ما بستحي منك ...

محمد : تبني أوديكن باجر

وديمه : لااااا عادي بنسير مع هادف وأميه ...

محمد : على راحتكم

ودوم وهي تمسك الكتاب الي كان عدال محمد : شو هذا ..

محمد : هذه الله يسلمج رواية كريمه للدكتور مانع ...شو روعه يا ودوم ...اقريها ..

ودوم : والله متفيج يا محمد ..

محمد : أنزين قومي مني لا يضرج المكيف على راسج والا أقولج بسكره أمره ...ويقوم محمد وييب الريموت ويسكر المكيف ...

ودوم : محــــــــــــــــمد ...

محمد وهو يطالعها ويقولها بعيونه : شو ..

ودوم : أخبـــــــــــــارك ؟؟؟

محمد يتنهد من خاطره : أخباري تمـــــــــــام أخباري زينه يا ودوم ...وهو يحط راسه على الكرسي ويغمض عيونه وياخذ نفس ..

لا تمين أتحاتينيه ...أبا أقولج شي وأباج أتحطينه في بـــــالج يا ودوم ...أن الانسان لازم ما يوقف عند أول محطه تنهدم فيها أماله ...ما يوقف يا ودوم وهو يأشرلها بصبعه لاااااا...ما يوقف يا ودوم ...أذا أنا الحين بوقف وبيأس لانه ميثه صدمتني صدقيني ما بقدر أعيش ...الانسان لازم يكون عنده أمل ...وعرفي أنه كل الي صار قضاء وقدر ...وكل شي مكتوب أنه يصير ...وأنا راضي والله بهالقسمه ...وديمه كانت أطالعه وتشوف في عيونه الامل اللي يستمده من قلبه ...

محمد : وديمه اللي أباج تعرفينـــــــــه أنه محمد من اليوم بيتغير ..خلاص لازم أبدا حياتي اليديده كان المفروض أبداها من أول ما عرست ميثه بس لان الوفاء اللي فيني ساكنني ما قدرت أتنفس الا هواها ...

ودوم وهي تغمض عيونها : الله عليــــــــــــــــك يا محمد ...

محمد : انا مب أول واحد في هالدينا حب ونخان ..ياما ناس حبوا ووفوا وفي النهايه كان مصيرهم ألعن من مصيري ....وديمه الي ما تعرفينه عن محمد أن اللي يخون عشرتي ويخون أيامي أحرم عليه دقايق عمري ..تعرفين شو يعني دقايق عمري ...ميثه منها ومن نفسها داقه أتقولي أنساني ...والله والله لنساها ....هي قدرت تنساني وتنسى محمد وأنا ؟؟؟؟وهو يأشر على قلبه ......بجتل حبــــــــــــــــــــــــــها (محمد كان يقولها بكل قوة الدنيا بكل جبروت الدنيا )

ووديمه اطالعه .....

محمد : أنا أنسان أيماني بالله قوي ...ولا بخلي ميثه ولاغيرها تهدم كياني ...

أنا اوفي للوفي ..شوفي يا وديمه الله خلق كل شي في هالدنيا لحكمه وكل شي يصير في هالدنيا له حكمه ..حتى في تشريعاته أحكــــــــــام ...ربـــــــــج يكون للتصرف اللي ياني من ميثه خيــــــــره ..صح والا غلط ....

وديمه : ســــــــــــــاكته مستغربه من محمد من كلامــــــــــــه من قوة أرادته وأن ما يأس ولا فكر أنه ييأس ...

محمد ويقرب من وديمه ويبتسم : أدري أنج مستغربــــــــــــــه ..لان اللي يشوف حبي وأخلاصي وجنوني للميثه ..ويشوف صدق حبي لها ..يقول ما بيقدر ينساها ...لكن محمد ما يعيش على ذكرى ناس رخصته في يوم وليله ...لاااااااااا يا ودوم مب أنا اللي أعيش على ذكرى وحده قالتي ما كنت أحبــــــــك كانت فتره مراهقه لا غير ...لااااااااايا ودوم ...

وديمه وهي تتنهد : والله فرحتنيه يا محمد ..كلامك يخلي الواحد يعيش علىأمل وما ييأس من أي شي ..

محمد : أيــــــــــــأس مستــــــــحيل ...وهو يهز راسه مستـــــــــــــــحيل ...بالعكس أول كان همي أكبر أني أباها تكون عندي وأنا ما أقدر أوصلـــــــها لكن اليوم ماأباها ولا أبا أوصلها ...

الله يهنيها في دنياها ويوفقها يا رب ..

وديمه : وهي تحبه على راسه : يالله يارب أن الله يرزقني بريل شراتك يا محمد والله اللي بتاخذك يا هناها ...

محمد :أحم حم أحم أحم .....

وديمه : جي أباك يا محمد قوي وتواجه كل شي بكلمه وحده كل شي مكتوب وكل شي مقدر

محمد : لا تحاتيني ....ويغمزلها : أخــــــوج ذيب

وديمه وهي تضحك : ذيب والا ياعده المهم أن هالشي ما يأثر عليك

محمد : ســـــــــاكت ..

وديمه : يالله عيل يا محمد تصبح على خير ورايه نشره باشر بتوعيني عيوزي من الصبح ..

محمد : سيري رقدي ..

وديمه : يالله عيل بــــــــــاي ...

محمد : باي ..

وينش محمد ويسكر الباب ..وسار وصلى وتم يقرا قرءان ...ويوم خلص سار يبى يرقد ..او شي سواه..مسك تلفونه ..وسار صوب مسجات ميثه ..ويلس يمسحن كلهن وعقب مسح رقمها وهو يسمح رقمها ....: خلاص يا ميــــــــــــــــثه لنساج ولجتل حبج في قلبي ...آآآآآآآآآآآآآآآآآآآآآه ليتني ما حبيت ..

 

يامحمد بعده ربك الباقي

 

.......................هو مــــلاذك وهـــو لك طــــريق

 

يامحمد وان زادت العواقي

 

.....................أذكر الله ولاتشب في قلبك حريق

 

أدري يامحمد الغدر ما ينطاقي

 

................لكن باقي حكم الايام أصبر يا الرفيق

 

والا وديمه أول ما طلعت عنه سارت حجرتـــــها ويلست على البلكونـــــه وطالع بعيد ...

يالله ناس تحب وناس تخون وناس تنكر العشره يالله نحن في أي عالم نعيش ...معقوله العشره تهون معقوله .....وهي أطالع يبل حفيت لان بيتهم في فلي هزاع ..

كل شي في هالدينا معقول ويمكن يصير من يقول أنا وديمه أضيف واحد وأرمسه لا والمشكله أني حبيته (أهني ترد ودوم تدخل داخل حجرتها وتبطل اللابتوب وتشغل النت ...وقعدت تتريــــا وتمت تقرا قصه ومندمجه معاها ...الا وشوي يدش سفـــــــاح الامارات .....

وديمه وهي تصرخ من الفرحه فــــــــــــــــــــــــديت من دش ....

وديمه وهي تكتب لسيف : ويـــــــــــــــــــــنك ....حبيبي وينــــــــــــك عسى بس أنك بخير..

سيف : والله تعبان أشوي ..

وديمه : ليش شو بلاك قولي ارمس طمني ....

سيف : والله من الشغل تعرفين دوام وتعب وخاصه هاليومين مكروف من الخاطر..

وديمه : يوم الا شغل برايه على بالي شي فيك ..

سيف : وديمه ممكن طلب ...

وديمه : عيوني لك يا سيف ..

سيف : أبا أسمع صوتج ...

وديمه وهي تبطل عيونها : شو تقول ؟؟؟

سيف : أبا أسمع صوتج ؟؟؟

وديمه : ما أقدر ..

سيف : ليش خايفه أسجل صوتج..

وديمه : لا السالفه مب شي بس ما أقدر ..

سيف : اوكي عيل أنا بترخص الحين لاني بطلع ..

وديمه : لاااااااااا سيف أنا ولهانه عليك حرام عليك من يومين ما دشيت ..

سيف : أنا الانسان اللي ما يأمن فيني وما يثق فيني ما أقدر أستمر معاه ..

وديمه : ليش أنا شو قلت .؟؟؟

سيف : وديمه خلاص أنا بطلع ..

وديمه وهي في لحظه ضعف : خلاص عطني رقمك بتصل ..

سيف : صدق والله ..

وديمه : خلاص أتعودت أني ما أردلك طلب ..

سيف : اطمني يا وديمه راح يكون أول أتصال وأخر أتصال ..

وديمه وهي تحس أنه هالشي غلط لازم ما يصير : أوكي ....

وتعطي وديمه الرقم لسيف وقالتله أتصل بعد 5 دقايق ...

سيف : أوكــــــــي ..

وديمه وهي وتمشي في الحجره وعلى أعصابها وتحس أنه اليوم مماتها ..وديمه في قرارت نفسها لا يا وديمه حــــــــــــــــــرام لا تسوين جي أنت أكبر من اللي يصير لااااااااااااااا هذا عقلها يقول جي ..ولا قلبها ينبض يدق أبسرعه الله يعلم ليش كان يدش وله ...خوف ,,,ألف شي يدور في خاطرها ..وديمه وهي تمشي وماسكه التلفون يا ويلي شو أقول آآآآآآآآآآآآآآآآه ...

وشوي الا والاتصال يوصل ..

طووووووووط طووووووووووووووط وديمه وهي اطالع الرقم وتغمض عيونها ..

وديمه وهي ترد بصوت مب مسموع : ألــــــــــو

سيف وهو مرتكب : وديمـــــــــــــه

وديمه : ويـــــاك ...

سيف : وديمه وهو يبى يرمس ..

وديمه : برد أدقلك ...

سيف : أوكي ..

وتسكر وديمه عنه : ما أقدر أرمسه ...وتسير وتشربلها ماي لانها تحس انه حرارة قلبها نشفت كل شي ...وتمت 5 دقايق ..وترد أدق ...

سيف : ألو (كان يقولها وهو مرتبك لان كان يتريا هاليوم من زمان وكان يحس انه حلم وما بيصير )

وديمه :ســــــــاكته مب قادره تتكلم والله يعلم ليـــــــــــش هل هو خوف مثل ماقالها سيف والا كانت ودها تسمع سيف وبس ....سيف تكلم بكل أندفاع ما كان يتكلم عن الحب ولا عن أي شي كان يتكلم كيف كان شعوره أول ما شافها ...والا ...وديمه وهي تقرب السماعه من أذنها بقد ما تقدر جنها كانت أول مره تسمع حد جنها كانت طول عمرها ما سمعت شي وهذه أول مره تسمع فيها....سيف وهو يتكلم يتكــــــــلم تقطع وديمه في رمسته ...لانها

يوم شافت سيف أنه بكل أحاسيس الدنيا يتكلم وبكل صدق نطق قلبها قبل لسانها : حبــــــــــــــيبي سيـــــف ..

سيف : ســــــخ مره وحده عم السكوت بينهم ...

وديمه وهي تحط أيدها على قلبها وفي خاطرها أتقول كيف نطقتها ....

سيف : رمسي يا ودوم ..

وتموا يسولفون عن مواضيع عاديه وعن لقاءهم الاول وكيف كان شعورهم وديمه كانت ترمس وجنها تعرفه من زمان ....كانت المكالمه ضحك وسوالف ..

سيف : يلعن شكلج أحبــــــــــج

وديمه وهي مستغربه من هالمسمى : سيف لا تم أتلاعن ..

سيف : يلعن شكلج ...

وديمه : لا تم تعلمني هالالفاظ ...وهي تضحك ...

سيف : ليش ما فيها شي ...ودوم أقصدلج ...

ودوم : يالله أسمعــــــــــك ...

سيف : وهو بادي يقصد ..تقطع ودوم في قصيده ..لحظه ,,لحظه ...

ودوم : أعزائي المستمعين أقدم لكم الفنان القدير عبد الله بالخير ...

سيف : حرام علــــيج ما لقيتي الا عبد الله بالخير

ودوم : ههههههههههههههههههههه يالله يا عبد الله ..

سيف : أحم أحم أحم أحم ...وتم سيف يقصدلها

وتموا يرمسون حوالي تقريبا ساعتين وعقب سكرت وديمه عن سيف ...

و همس القمر ..

في ليلة قمراء ..

في شتاءٍ منعش ..

يا لروعة همسات الأقمار ..

تلامس الوجدان ..

تبحر من خلال الروح ..

تسكن الفؤاد ..

تذوب في الأوردة ..

تسبح في الشرايين ..

 

 

و همس القمر ..

إلى السحر ..

سرحت في همساته ..

تجاوزت حدود اللامعقول ..

ميتافيزيقيات مبعثرة ..

مكان خلف الأضواء البنفسجية ..

حيث الأفق ..

بل خلف خلف آخر الآفاق ..

هناك التقينا ..

أنا و قمري الرائع ..

التقينا لقاء الروح للروح ..

تداخلت أرواحنا ..

و صمتنا ..

 

 

لغة الصمت بسطت سيطرتها ..

و كلمات مخنوقة ..

تريد إخراجها بصعوبة ..

قمري ما الذي حل بك ..

لحظات .. ثوانٍ صامته ..

و بعدها لغة الدموع المخنوقة ..

آهٍ يا ليلتي ما أجملك ..

ليلة رائعة ..

و عاد السكون ..

و لحظات أخرى ..

و من ثم ..

همس القمر ..

دغدغت أذني همساته ..

حتى همسته شامخة ..

كشموخه ..

آهٍ من ألمٍ اعتراني ..

سكن قلبي ..

فقمري الجميل ..

يبكي الهوى ..

و على الهجر نوى ..

ليس طائعاً مختاراً ..

و لكن ..

على الحب ما قوى ..

 

 

قمرٌ يبكي ..

لا أقوى دُموع القمر ..

رُحماك يا رب ..

ما بال قمري يبكي الغرام ..

في جنح الظلام ..

في هواي هام ..

آهٍ يا قمري الحنون ..

كم أعشقك ..

حيرني صمتك ..

و أحرقتني آهاتك ..

تلك التي كنت تطلقها ..

 

 

و ودعت القمر ..

بعد السمر ..

ودعته و الألم يعتصر قلبي ..

ودعته و أنا أعلم ..

بأن أول لقاء ..

هو آخر لقاء ..

و لا مجال للفرح ..

لا مجال ..

همست لي يا قمر ..

و همست لك ..

فهل تدوم همساتنا ..

أم تبكي أنت الألم ..

و يدوم في قلبي القهر ؟

 

 

 

وديمه وهي تسكر عنه كانت في عالم ثاني لا عقلها معاها ولا قلبها ...حاولت تتذكر شي من المكالمه ما قدرت ..اللهم تتذكر يوم كان يلعنها ...وهي تبتسم ...وديمه وهي تبى ترقد :

مـــــــــا أصدق معقوله أنا كلمت سيف كيـــــــف ؟؟؟ وديمه وهي تحاول تتجاهل ضميرها اللي يناديها : ليش يا وديمه ..وديمه وهي سارحه لبعيد ....أحبك يا سيف ...كيف قدرت تملك قلبي في يوم وليله ...عسى بس ما تصدمني عسى أعيش كل أيامي معاك بحب ووفاء ...

والا وسيف أول ما سكر عنها .: ما جذبت يوم قلت أن هالانسانه قلبها طيب وأبيض ...

والله ملاك يا وديمه وما تستاهلين الا كل خير ...يكفي أنها عشان ما أزعل داست على قلبها ورمستني ...ليتج يا وديمه تيني وتنسيني كل آهاتي وأحزاني ....سيف الله يسلمكم كان يحب وحده حب الجنون وعاش معاها أروع قصص الحب ولكن للاسف عرست من دون ما تقوله كانت تفرغ مشاعرها في سيف لانها كانت تحب خطيبها وما كانت تقدر توصل لخطيبها عشان جي كانت تفرغ كل المشاعر لسيف ..وفي النهايه عرف أنها عرست بس لين يومه هذا يعتبرها

أوفى الناس لانه كان يعرف أنها مب من نصيبه ...وعرف بطريقته الخاصه أنها كانت تحب خطيبها وهو محطه لتفريغ العواطف الا أنه ما يصدق فيها ..آآآآآآآآآآآآه يا وديمه ليتج تكونين معاي 24 ساعه وتغيرين نمط حياتي كله ....الله يحفظج يا رب ...

الساعه 7 الا ربع في دبــــــــي وبالتحديد في الحمريه ...في بيت قوم سيف ...

سيف توه طالع كاشخ الفرحه ماليه عيونــــــــــه ...

سيف وهو يرمس الخدامه : سيري يبي الريوق ....

الخدامه وهي مستغربه وتمشي وتقول : أوو هذا أول مره سيف في أريد أكل

سيف وهو يضحك : لا حول هالخدامه وجي قالت لو شافتينه العيوز شو بتقول ...

ويلس سيف يرتب أوراقه والمستندات وأغراض الشغل ...

وعقب يلس يتريق ...وتتباده عليه أمه :

أم سيف : وايه فديت من يتريق عسى أنك دوم يا وليدي أشوفك تأكل ..

سيف وهو ناش يحبها على رأسها : يبوج القلب مرتــــــــــاح ..

أم سيف : وهي تيلس تبى تغمسله السمن : القلب مرتــــــاح والا حاط عينك على وحده ...

سيف وهو يضحك من الخاطر : هههههههههههه شدراج ؟؟

أم سيف : عنبو أول مره تيلس تتريق ...عساها يالله يارب دوم أتزن على راسك عشان تتريق ..

سيف : يا ويلي يا أمايه محد في خاطريه الا اليوع ضاربني اليوم ..

أم سيف : كل يبويه عليك بالعافيه ...

ويلس سيف يتريق وهو يذكر المكالمه وقلبه مرتاح لانه يحس أنه وديمه راح تعوضه عن كل شي ..ويوم خلص من الريوق سلم على أمه ..

سيف : يالله أمايه شي في خاطرج ..

أم سيف : شو تباني أسويلك من الغداء ..

سيف : والله يا أميه يمكن اليوم ما أي على الغداء ..

أم سيف : بتخليني روحيه أتغداء ..

سيف وهو يرد يحب أمه على راسها : عيل والله لو عليه مؤتمر لخليه وأي أتغداء عندج أنا من يسواج عندي ...

أم سيف : يعلني ما خلا منك ...قولي شو تبى أسويلك ..

سيف : أمممممم سويلي مجبوس سمج ..

أم سيف : أن شاء الله ...

سيف وهو يمشي صوب سيارته ويشوف أن الزراعه أنترست ماي وهو متردد يمسك الفوز ومني يذكر أنه عليه أجتماع ...ويخاف يخيس ماي ...

سيف وهو يزاقر : سناي تعالي شلي الفوز مني ...

سناي : أوكي بابا ...

سيف وهو يركب سيارته ويشغلها لين ما تحر يلس يعدل عقاله وكفخ بذيج النظاره وطرق وسار شغله(سيف طويل عريض ملتحي بلحيه خفيفه ..لون بشرتنه حنطاويه نظرته حاده ...عنده هيبه تخلي الكل يحترم وجوده ...) ...أول ما دش الشركه ...ودخل داخل ...الكل وقف من مسؤولين ومن اللي يشتغلون ...: صباح الخير أستاذ ...

سيف وهو يبتسم : صباح النور والفل والنرجس ...

تم كل واحد يطالع ربيعه : غريبه شي في الاستاذ سيف ..

سيف وهو ساير صوب المكتب : السلام عليكم بو مــــــايد ...

بو مايد : وعليكم السلام والرحمه ...

سيف كان يمشي وكل ما يمر على مكتب حد سلم عليه ...

ويوم وصل مكتبه ..حط شنطة الاوراق ويلس يشوف الاوراق اللي على المكتب ..وهني أدش عليه مها ...(السكرتيره الخاصه بسيف )

مها : صباح الخير أستاذ سيف ..

سيف : صباح النور ..

مها : أستاذ هالاوارق مخلصه بس باقلها توقيع منك ...

سيف :خلاص خليهن بشوفهن أن شاء الله ....بس خذي هالاوارق وطرشيهن على الفاكس حق شركة ..............

مها : أن شاء الله ...ومها وهي طالعه ..أو أستاذ في أتصال جاني اليوم اكثر من مره من العميد بو محمد ويوقلك أنه يباك ضروري ..

سيف : خلاص أول ما يتصل حولي المكالمه عليه ...

حولت مها المكالمه على سيف ...والعميد كان يبى من سيف أنه يلقى كلمه للطلاب اللي ملتحقين في كلية الطيران لان سيف خريج كلية الطيران ..وعنده عدة شهادات أمتياز في هالمجال ...

سيف : بس فالك طيب يا الشيخ ما طلبت بس ما قلتلي متى ان شاء الله ...

وحدد العميد مع سيف اليوم وكل شي ...سيف أنسان يحب يخدم وطنه بكل ما فيه ..سيف أنسان ما يحب يرفض طلب حق حد ...وماشاء الله عليه أنسان جريء وعنده القدره أنه يخلي لانسان يأخذ بكلامه ويقتنع فيه ...

 

في بيت قوم محمد :

أبومحمد يخطف على حجر عياله واحد واحد ...

أبو محمد : ودوووووووم يالله نشي ...

ودوم : ما تسمعه ..

أبو محمد : ودووووووم ..

وديمه : ها بويه ...

أبو محمد : يالله نشي عنبو شو مرقدنكن لين الحين ..

وديمه : خلونا نرقد ما بقى شي عن الكراف خلونا نرتاح ..

ابو محمد : يالله أقولج ماشي رقاد ...

وتنش وديمه وتلبست ويت تيلس في الصاله ...الا وشوي يتبادى عليهم جابر ..

جابر : السلام عليكم .

وديمه : وعليكم السلام والرحمه ...هلا والله من لفانا ..

جابر : لالالالالالالالالالالا ما أصدق ودوم تهلي فيني ...

وديمه وهي تبتسم : ها لا أتصدق عمرك ...

جابر : أنزين كملي معروفج ...

وديمه : شحالك سيف ...

جابر : سيــــــــــــف

وديمه : أو سوري شحالك جابر ..

جابر : من زمان أقولج أنج عيوز ومخرفه بس ما تصدقيني ..

وديمه : خل عنك خريطك وعطني تلفونك ..

جابر : يبوج ما عندي مسجات ..

وديمه : هي أكيد الحبايب مطرشين لك مسجات وما تبانا أنشوفهن ..

جابر : عشانج والله ...عشان ما حرق قلبج ..

وديمه: أنــــــــــــــا ...أحرق قلبي عليك ...ليش أن شاء الله ..

جابر طالعها بنظره وناولها التلفون : بعطيج أياها بس عشان تتأكدين أني لا أغازل ولا عندي هالسوالف ...

وديمه وهي تمسك التلفون : صدقتــــــــــك ...

جابر : فكني من حشرتج وصبيليه قهوه ..

صبتله ودوم القهوه ..ويلست أطرش مسجات من تلفونه لتلفونها ...

جابر : غربلج الله خسرتيني بسج ...

وديمه : هههههههههههههه يالله باقلي بس هذا ....

وأهني ينزل محمد من فوق ..وهويالس يعقم كندورته ...

وسلم على جابر ...ويلس معاهم وعقب ترخص لانه متأخر عن الدوام ...

جابر : محمد لا تنسى ترى اليوم بنسير بيت عميه سلطان أنسلم على عميه ..

محمد : أن شاء الله بخلص من الدوام وبييكم ..

جابر : يالله عيل حتى انا بترخص ...

وسار جابر بيتهم والا محمد سار الدوام

..وهو في المكتب يالس يطالع في القضيه المحوله عليه ...الا وشوي تدخل عليه وحده ..ودق الباب ..محمد أول ما رفع عينه وشافها فز قلبـــه تم أمبهت ...تغير شكله 180 درجه ..يحس أنه قلبه يبى يطلع منه

فاطمه : السلام عليكم ...

محمد وهو يغمض عيونه : وعليكم السلام والرحمه ..

فاطمه : المستشار محمد ...

محمد : هي نعم أختي معاج المستشار محمد ...

فاطمه وهي أدش المكتب : أممم أسمحلي أخوي بس هم حولوني عندك ..

محمد حس أنه فاطمه حست بالارتباك الي ياه أول ما شافها ..

محمد : لا أفا أختي نحن في الخدمه ..تفضلي يلسي وقولي اللي عندج ...

يلست فاطمه أتقوله القضيه الي عندها اول ما بدأت فاطمه تتكلم نزل محمد عيونه وهو يسمعها وحط أيده على قلبه يحس أنه دقات قلبه الكل يسمعها ..ويلس يطمنها أن قضيتها بسيطه وأنه الحق معاها ولا تم خايفه ....طلعت فاطمه من المكتب ...ويلس محمد وهو ماسك القلم ويضربه بقوه على المكتب ..وسرحان وفكره بعيد ...

 

في بيت سلطان (أبو ذياب ) :

 

كانت مهره يالسه مع حصه ..(حصه الله يسلمكم بنت خالة مهره كبر قوم مهره يعني عمرها 20 سنه ..بنت جمالها هادي وهي بعد بطبعها هاديه ..أحلى ما فيها غمازاتها وشعرها الناعم وعودها ...حصه ما عنده اخوان غير بنت وحده أسمها دانه عمرها 5 سنوات ...أبوها يشتغل في السفاره وكل يوم مسافر ..وأمها من النوع اللي ما يهتم فيهم وحصه هي اللي مهتمه في أختها ومربتنها ...)

حصه يايه عند قوم مهره تسلم عليهم لانهم من يوا من صلاله مايت عندهم ولا سلمت عليهم .

مهره وهي في الميلس ويالسه أتحط الفواله لانه قوم عمها أحمد بيون يسلمون على عمها عبد الله ..

وصل جابر وعيال خالته حميد ومانع ..وكلهم يايين في سياره و وحده ...

ودخلوا الميلس على مهره وهي ولا منتبها كانت يالسه تعدل الفواله ..

جابر : هووووود

مهره وهي تلف وأطالع : هـــــــدا

وتغشت عنهم ...وقربتبهم وعقب سارت تزقر أمها ...

جابر : انا بسير أقرب السياره صوب المطبخ التحضيري لاني أبا أنزل السامان ..أم محمد محملتني مواعين ...

حميد : سير يبوك أنت الا مشغلينك الا ييب وهات

جابر : شسوي يبوك

وسار جابر وقرب سيارته من الصوب الثاني ويلس ينزل المواعين ..ويوم خلص دخل البيت من المطبخ ..وهو ساير صوب قوم حميد في الميلس انتبه على وحده كانت أتصلي في غرفة الطعام ..

جابر وهو يحاول يعرف من هاي اللي أتصلي ..

جابر وهو يرمس عمره : منو هااااي معقوله تكون مهره ..جي توها كانت عندنا

لا حول شو أبا البنت ..أستغفر الله ..البنت أتصلي وأنا أطالع ...

مهره : حووووووو منو ترمس ..

جابر : أعوذ بالله روعتينيه ...أرمس عمري ..

مهره : والله أنك ينيت ..

جابر : مهروه منو الي تصلي داخل ..

مهره : أتصلي داخل ..سارت وتوايق : حــــــصه

جابر : حصه ....جي من هاي ..

مهره : هاي الله يسلمك بنت خالتيه ..

جابر : أشدراني في خوالج خوزي عنيه بسير أسلم على أمج ...

مهره : جـــابر أنت شي

جابر : حلفي أنتي بس ..أونه جابر أنت شي ..الله يعين عميه عليج

مهره : سير سلم وفكني من حشرتك ...

ودخلت مهره على حصه ...

مهره : جابر يتنشدنيه منو اللي اتصلي داخل ..

حصه : لا تقولين شافني وأنا أصلي

مهره : هي شافج ...ولا كيف بيسألني ..

حصه : يا فضيحتيه ..بوني أبا أسير فوق أيلس جان أسمع حسوسهم جان أي وأدش أهني ..

مهره : عادي الا جابر ..

حصه : وشو قلتيله يوم سألج ..

مهره : قلتله هذه حصه بنت خالتيه بس ما عرفج ...

حصه : احسن ...

سارت مهره أتراقب المكان وتأشر لحصه أنها تيي لان المكان فضى ومحد فيه ...وسارن فوق وعقب يتهم عزه أخت جابر ...وتمن يالسات رباعه يسولفن ...وتغدت عندهم حصه وعقب ترخصت عنهم وردت البيت ..والا قوم عمها احمد يلسوا لين المغرب وعقب روحوا عنهم ..

 

 

 

انتظرواا الجزء الجديد ..

 

الاحداث الجاية احلى واحلى ...

شنو توقعاتكم راح تكون في الجزء الجديد ...

انتظروووووني وبتعرفون كل شي ...