فطوم1989 Posted يوليو 9, 2006 Report Share Posted يوليو 9, 2006 احنا في الانتظار Quote Link to comment Share on other sites More sharing options...
عاشقة مانشستر يونايتد Posted يوليو 9, 2006 Author Report Share Posted يوليو 9, 2006 يسلمو على مروركم ويعطيكم العافيه ومانحرم من طلتكم انشالله والحين راح انزل لكم الجزء الرابع بعد ماراحت سارة وكانت طول الطريج تفكر في طلال وموقفه وياه وكانت تتذكر حبيبها الي مات ولما وصلت سارة دخلت المقابله وقالوا لها الشغل راح يردون عليها عقب جم يوم وفي الجامعه بعد ماخلصوا الحاضرات اتصلت فاطمه في ابوها وقال انه راح يطرش لها الدريول وقالت حق ربعها يروحون معاها البيت يتغذون وبعدين توصلهم نورة: فطوم عاد والله لازم نستحي شوي مب طاقينها كل يوم في بيتكم امس تغذينا عندكم بس اليوم خلينا نرووح عشان ندرس مريووم: أي والله فطوم يووم السبت الماده الي عنده صعبه وصلينا البيت عاد فطوم : اوكي اوكي براحتكم بس عقب الامتحانات اول عزومه تكون في بيتنه مريوم ونورة: خلاص وعد مريووم: انا باتصل في ساروا بجوف شسوت اليوم فاطمه أي ذكرتيني نورة: شنو؟ فطوم: تعرفون الصبي الي اليوم دخل وعطه ساروا المفاتيحوصلح لها البنجر؟ نورة: لا مريوم: ماتذكر اصلن انا قمت يوم ساروا تمشي فطوم: المهم ذي طلال رفيج عبدالله وناصر نورة : اها مريوم: عيل فاتني ماجفت وبعدها قطوا مريوم بيتهم ونورة بعد راحت بيتهم مريوم اول مادشت البيت راحت تكلم ساروا مريوم: اووف بعد ذي مادري شله ماتشيل التلفون انه باروح ارقد وبعدين بتصل فيها وراحت مريوم رقدت بدون إذا حتى عبدالله اتصل في فاطمة وكلمها وكان ناصر معاه فأخذ منه رقم نورة وناصر ماكانت الدنيا واسعته لان تحقق الي كان يبيه وراح الشركه العصر طاير من الفرحه وكان حده مستانس وقال انه بيتصل فيها المغرب بعدين وفي بيت هيثم كان هيثم قاعد يدرس لانها كانت اخر سنه له في الجامعه وكان يبي يب مجموع عدل فكان حتى من الشغل ماخذ اجازة وبعد ماقعدت مريوم من النوم راحت تتصل في سارو مريوم: الووووو سارة: هلا وغلا مريوم: هلا بيج ها بشري شسويتي؟ سارة: والله مادري بس قالوا لي عقب يومين بيردون علي مريوم: انشالله خير سارة: انشالله مريوم: ها درستي؟ سارة: لا بس شوي توني باديه مريووم: اها عيل ماخذ من وقتج برووح ادرس انه سارة: اوكي يلا تحملي برووحج بااي مريووم: وانتي بعد يلا بااي وسكرت مريوم التفون من عند سارة وراحت يدرسون اما نورة كانت قاعده تدرس ومرة وحدة يرن تلفونها نورة اول شي ماعرفت الرقم وقالت انها مب راده بعدين جافت انهم ردوا اتصلو مرة ثانيه فردت ناصر وهو يعدل صوته: الو نورة: اهلا من معاي ناصر: هذي مب رقم نورة نورة: أي أي انه نورة بس انت منوو؟ ناصر: واحد يحبج ولو انج تمشين يبوس التراب الي تمشين عليه نورة: والله عالم فاضيه روح اذلف انه مب فاضيه حق اشكالك صج قليل ادب نورة قالت انها بتعلم عبدالعزيز اخوها عن الرقم لكن قبل ماتعلم عبدالعزيز طرش ناصر مسج وقال لها انه هذي اهوا نورة تفشلت ماتدري شتسوي ماتصلت لانها ماعندها ويه تكلم عقب ما قالت له قليل ادب بس ناصر رد اتصل مرة ثانيه وردت نورة ناصر: الو نورة: هلا هلا مسامحه والله لانه خبرك في وايد شباب فاضيه تحب تطفش البنات ناصر: لا افا عليج عادي انتي لو تقطيني عادي نورة: لا شدعوة ناصر: شلونج شخبارج شمسويه؟ نورة: انه بخير انته شلونك شخبارك؟ ناصر: دوم ودهر انشالله انه بخير دام الغاليه بخير نورةهني استحت وماعرف شنو تقول ناصر: شله سكتي؟. نورة: لا بس كنت بسأل درست(ترقع الفشيله) ناصر: لا والله تصدقين اني توني راد من الشغل وحدي تعبان ابي ارقد وابي ادرس في نفس الوقت بس ماعرف شسوي شكلي بادرس نورة: لا اول شي ارقد وبعدين اقعد ادرس عشان تستوعب الي تدرسه ناصر: بس عيل دام قلتي اول شي انام وبعدين ادرس صار انام وبعدين ادرس بعد ماقدر اقول لا للغالين نورة: تسلم ناصر: الغاليه درست؟؟ نورة: أي درست وجريب بكمل فصل احين ناصر: اوه اوه عفيه عالشاطرة.....عيل انه ماخذ من وقتج نورة: لا لاتقول جذي انته اتصل لي في أي وقت تبيه ناصر: تسلمين بس عيل الحين اخليج وباجر اكلمج نورة: خلاص صار تحمل برووحك ناصر: وانتي بعد تحملي بوحج واكلي ودرسي ونامي عدل نورة: انشالله وانت بعد.... يلا بيباي ناصر: باااااي وعقب ماصكه ناااصر كان حده مستانس ودنيا مب واسعته وراح يرقد لانه يسمع كلام نورة ونرة كانت بعد مستانسه وراحت اتصلت في فطوم عشان تقولها نورة: الووو فطيم شيخه البنات فطوم: هلا وغلا بنويرة نورة: فطووم ناصر اتصل فيني ..... وهيا حدها مستانسه فطوم: ادري اصلن انا الي عطيته الرقم نورة: ههههههههههههه فطوم: شقال لج؟ نورة: بس فعدنا نسولف فطوم: انزين انا بعد عندي لج خبر حده حلوو ؟ نورة: ها خير بشرني ابي شي حلو اليوم وايد اشياء حلوة فطوم وهيا مستحيه: بيخطبوني؟ نورة: اوه اوه هذي الساعه المباركه فطووم عرووس فطوم: عبدالله قال لي انه عقب الامتحانات بيي يخطبني نورة: اووه زين زين بالبركه فطوم: الله يبارك في حياتج والفال لج انشالله على ناصر نورةوهي بعد مستحيه: انشالله فطوم: درستي نورة: أي أي درست .... انتي درستي فاطمه : أي درست نورة: زين عيل انه باروح اخلص فطووم: اوكي يلا بااي نورة: بااي وصكت التفون فطوم من عند نورة وراحت قالت حق سارة ومريوم وكانت وايد مستناسنه وبعد اسبوعين من تعب الامتحانات ولوعه الجبد خلصت الجامعه وكان اول يوم اجازة مريووم كانت تكلم ابوها في التلفون مريوم: الوو هلا يبه شلونك شخبارك شخبار امي واخواني ابو مريوم: بخير الحمدالله كلهم يسلمون عليج انتي شلونج..؟ مريوم: انه بخير والله واحشني يبه مووت ابو مربوم: يلا يبنيتي الاسبوع الياي انتي عندنا انشالله مريوم: انشالله بو مريم: شسويتي يبه في الامتحانات مريوم: تمام يبه انشالله ارفع راسك بو مريوم انشالله مريوم: يبه ممكن اكلم امي؟ بومريم : والله يبنيتي امج مب هني بس لين ردت اخليها تكلمج مريوم: انشالله يبه يلا تحملو بعمركم بو مريوم انتي بعد وراحت مريم تبدل ثيابها عشان ربعها يمرون عليها خبركم اول يوم اجازة والبنات يحبون يطلعون في ذي اليوم وتأخرت سارة وايد على البنات لأن قبلوها الشغل وصارت تشتغل نورة:الوو سارو ووينج سارة: خمس دقايق واكون عندج نورة: يلا بسرعة سارة: اوكي اوكي بااي نورة: ههه باي ومرت على نورة فطوم ومريوم وفي السيارة مريوم: فطووم متى بيب عبوود اهله فطووم: مادري على الاسبوع الياي مريووم: حساافه مابكوون هني فطووم: جيف امتى بتسافرين مريوم: الاسبوع الياي يوم الثلاثاء فطووم : اوه حسافه انه بيون يمكن يوم الخميس نورة: انزين اجليها مريوم يومين مريوم: مادري والله بجووف الوالد وراحوا تغذوا في السيف وسو شوبنغ ومريوم وفطوم اكثر ناس شروا ثياب لانه ذبحتهم الثياب والعطور مريوم: فطووم مب جنه ذي هيثم فطووم: أي أي هيثم نورة: جوفوا مب جنه ياي صوبنه مريوم سوته روحها ماتجوفه هيثم: مريم لو سمحتي اوقفي لي دقيقة بس مريم: وانته تجوف عدله اوقف معاك جدام الناس بصفتك منو؟ هيثم: والله العظيم انه نيتي شريفه؟ مريوم: كلكم جذي في البدايه شريفه وبعدين شنوبتتزوجني هيثم: والله بتزوجج بس عطيني اسم ابوج وصدقيني راح اخطبج مريوم هني هدته ومشت وكانوا ربعها واقفين وربع هيثم بعد واقفين راح ناصر حق ولد عمه وخذاه ناصر: هيثم قلعتها خلاص في بدالها الف وحده تتمناك انت بس هيثم هدها هيثم: أي انته تقول جذي لأنك بتاخذ الي تحبها اما انا حتى في الحب منحوس طلال: هيثم امش معاي هيثم: وين طلال: انته تعال وخلاص طلال اخذ هيثم وراحوا صوب سارة طلال: لوسمحتي اختي بغيت اكلمج سارة: اوه هلا اخوي طلال شلونك شخبارك طلال: بخير الحمدالله انتي شلونج سارة: انه بخير طلال : انا اسف اني ياي هني واكلمج جدام الناس بس والله رفيجي هيثم يحب رفيجتج هيثم: والله سارة انه احبها ومستعد اسوي أي شي اهيا تبي بس تعطيني فرصه سارة: اخ هيثم انه مقدرة موقفك بس رفيجتي وانه اعرفها اذا قالت لا يعني لا حتى لو ابوها قال أي واهيا قالت لا يعني لا صدقني هيثم: سارة انه مستعد اسوي أي شي والله طلال : سارة انتي كلميها وجوفي سارة: اوعدك اني اكلمها طلال: خلاص انتي كلميها وردي علي اذا عندج بطاقتي للحين سارة: أي بجووف طلال: يلا انا اسـتأذن ومسامحه على الازعاج سارة: لا عادي سارة متفهمة ومايهمها كلام الناس يعني اذا وقفت مع واحد وكانت وقفتهم عاديه مايهمها كلا الناس دامها واثق انه ماسوت شي غلط مريوم وفطوم ونورة كانوا جدام واقفين راحت لهم سارة سارة: ايصير اتكلم وياج بروحنه شوي مريم: أي يصير سارة: مريم ليش جذي حرجتي الصبي وبعدين اهوا ماسوا شي غلط مريوم: ياي وواقف يكلمني جدام كل الناس ماسوا شي سارة: دام وقف وكلمج باحترام ماسوى شي مريوم سكتت ماعرفت تقول شي سارة: مريوم انه اعرف انج اكبر من جذي مريوم: بس سارة انه مابي هيثم سارة: خلاص تقدرين تقولين له باحترام وبدون أي احراج اتقولين له خلاص مريوم اووف خلاص سارة مادري مابي نتكلم عنه احنا طالعين نستانس سارة: براحتج عمتي مريم وراحوا بعد ماتسوقوا حطو اغراضهم في السيارة ودشوا السينما وبعدين تعشوا وراحوا بيوتهم وبعد اسبوع يوم الي بتسافر مريوم سارة اتصلت في مريوم سارة: الو مريوم مريوم: هلا سارة سارة: في احد يوديج المطار مريوم: مادري يمكن اختي سارة: خلاص اكا بنيج انا وفطوم ونورة بني نوديج المطار مريوم: خلاص بس تقطوني عليها بيتهم واروح اسلم على اختي قبل مانروح سارة: خلاص اوكي ومروا البنات على مريوم وودها حق اختها بيت ريلها وسلمت عليهم وراحت السيارة حق ربعها ويو وصلو المطار تموا يصيحون وفطووم تقول حق مريوم: مريووم عاد تمي وبعد مايخطبوني روحي مريوم: والله فطوم كان بودي لكن تعرفين بعد انشالله في العرس ومبرووك وانشالله نجوف عيالكم وودعت ساروا ونورو جنها رايحه بتموت لانهم اكثر من خواتها وبعدين راحوا بيوتهم في اليل والساعه تسع ويوم الثلاثاء ابو فاطمه توه راد من الشغل وتعبان فطووم جبت راس ابوها فطوم: يبه لو سمحت بغيت في موضوع بوفاطمه: هلا يبنيتي امري تدللي فطوم وهيا مستحيه: يبه في واحد يبي يزوركم يوم الخميس ويبي يتقدم لي بوفاطمة وجنه كتوا عليه ماي بارد : شنو شتقولين انتي انتي ماتدرين ان خالد ولد عمج يبي يتقدم لج فاطمة: بس يبه اهو للحين يدرس برع وانه ماحيه يبه بوفاطمة : شنو تحبينه ماتحبينه راح تاخذينه انه شقول حق ابوه فاطمة : بس يبه الصبي مايحبني ولا انه احبه يعني يبه ليش تسوي جذي وقامت فاطمة تصيح وتقول حق ابوها يبه ذي زواج وحرام تضلمني وانه مابي الريال بوفاطمه واول مره يمد يده على بنته: انتي سكتي ومالج خص والي في راسي راح اسويه وخلاص وخذ من عنده التفون وشال الاب توب من غرفته وراح غرفته وفطوم تمت تصيح تصيح بس ابوها قسى قلبه عليها وقال الي في راسه بسويه تتوقعون شنو يصير في الجزء اليديد عبدالله شنو راح تكون ردة فعله وابو فاطمة بيوافق وسارة وطلال شنو علاقته بسارة ومريووم شلن راح تجووف هيثم من يديد ويمكن تتطور علاقتهم وخالد ولد عمه فاطمة شبتكون ردة فعله وبيرضى ياخذ فاطمة انتظروني في الجزء اليديد وبانتظار ردودكم Quote Link to comment Share on other sites More sharing options...
الريــم Posted يوليو 9, 2006 Report Share Posted يوليو 9, 2006 تسلمين بانتظار التكمله... Quote Link to comment Share on other sites More sharing options...
عاشقة مانشستر يونايتد Posted يوليو 10, 2006 Author Report Share Posted يوليو 10, 2006 والحين اخليكم مع الجزء الخامس فاطمة قاعده تصيح في غرفتها وذابحه عمرها وامها واحتها عايشه قاعدين يطقون عليها الباب ام فاطمة: فطووم بطلي الباب يا يمه خليني باتفهم معااج؟ فاطمه: يمه انتو خليتو فيها تفاهم خلاص يمه لا تكلموني ولو تنطبق السما على الارض مابخذ خالد والله يمه عايشة: فطيم حبيبتي بطلي الباب بتكلم معااج انا وامي بس وصدقيني بنحاول انحل المشكله مع ابووي عايشة اخت فاطمة واهيا وايد قريبه منها وفطوم ترتاح لها وعايشه متزوجه وعندها احمد وفؤاد ويوم فتحت مريوم الباب سيده قطت روحها في حضن اختها عايشه: بس فطوم حبيبتي خلاص الصياح ما بيفيدج في شي وانشالله بنتفاهم مع ابوي فاطمة واهيا تصيح: بس انا قلت حق عبدالله وعطيته كلمه وقال بيب اهله عايشة: فاطمة حبيبتي من اليوم لين يوم الخميس في الف حل وانتي ماعليج انا وامي بنحاول نقنع ابووي بس لا تضايقين عمرج فطوم هني حست انه في امل وهدت شوي وراحت نامت بدون عشى بعد ما هدى ابو فطوم شوي راحت عايشه وامها يكلمونه عايشه: يبه لوسمحت بغيت اتكلم معاك في موضوع فطوم ابوفاطمه: خلاص ان صكيت الموضوع وفاطمة حق خالد وخالد حق فاطمة وانشالله باجر خالد بيي وانا ابوه اتفقنا انه الخميس الياي ملجتها ام فاطمة: انت شنو تقول يا محمد فاطمة ماتحبه ولاهي برايدته والزواج قسمة ونصيب ولو تتذكر قبل 33 سنة يوم يتني عشان تخطبوني انا وافقت برضاي وماكنت مغصوبه عليك فلا تدمر البنت يا محمد عايشه: عدل كلام امي يبه انا بعد محد غصبني على رائد وجان تذكر انت الي يت لي وسألتني اذا انا موافقة ولا لا وثانيا شي يبه الزمن تطور بوفاطمة: انتو ماعليكم الابو مايسوي شي في ضرر حق بنته وقامت عايشة وامها من عند ابوها لانه الابو وايد متسلط وحازم في قرارته وهني عبدالله كان قاعد يتصل في فاطمة بس تلفونها كان مغلق وكان وايد يحاتيها لان كان قاعد يتصل من مدة وفطوم مب من عوايدها تصك تلفونها طلال: عبود شفيك جذي شكلك مب على بعضك عبدالله : لا مافيني شي بس تدري وين ناصر طلال: أي نصور في السيارة يكلم حبيبته عبدالله : اوكي باروح وبرد راح عبدالله حق ناصر وناصر كان يكلم نورة في التلفون عبدالله واهو يطق الدريشه على نصور عبدالله: نصوور افتح السيارة فتح ناصر السيارة وقعد يمه عبدالله عبدالله: نصور هذي نورة الي وياك ناصر: دقيقية نورة......اي هذي نورة الي معاي ليش؟ عبدالله: اسألها عن فاطمة مادري شفيها تلفونها مغلق وهذي مب من عوايدها ناصر: الو نورة تدرين وين فاطمة عبدالله يحاتيها تلفونها مغلق نورة: لا والله من يوم وصلنها عقب ماردينا من المطار مادري وينها ناصر: انزي اتصلي في بيتهم وبعد شوي بتصل فيج نورة: خلاص اوكي باي ناصر: باي عمري ناصر حق عبدالله: انت شفيك يمكن نامت البنت عبدالله: لا نورة ماتنام من هالحزة وحتى لو بتنام تطرش لي مسج ناصر: انزين انت انطر وبنجوف لين اتصلت نورة عبدالله: انزين وين هيثموو اليوم مابين كلش ناصر: تصدق مادري عنه يقول بيسافر عقب باجر عبدالله: اووه ووين ناصر : مادري يمكن نيويورك عبدالله: اوه زين زين بيروح سياحه ناصر: لا جنه بيروح حق شغل خبرك خلص بعد وعنده ماجستير عبدالله: زين زين الفال لنا وراحوا ناصر وعبدالله حق طلال لانه كان قاعد برووحه عند نورة كانت تتصل على تلفون نورة بس محد يرد فراحت اتصلت في سارة نورة: الو سارة سارة:هلا والله نورة: هلا بيج ....سارة تدرين فطوم ماترد سارة: لا والله مادري ليش شصاير نورة: بروحي مادري ؟........انزين بننطر لين باجر واذا للحين تلفونها مغلق باتصل فيج عشان نروح لها اوكي سارة:اوكي يلا باي نورة: باي وراحت سارة رقدت لان باجر عليها دوام ونورة راحت تكلم ناصر نورة: الووو حبيبي ناصر: هلا وغلا ومسهلا....هلا بطش والرش والماي ورد في الغرش نتي الي حبيبي والله نورة: بس عاد استحي ناصر: فديت الي يستحون انا نورة: انزين ناصر مادري شفيها فطوم ماترد باجر بنروح لها العصر انا وسارة ناصر:خلاص حبي انا اقول حق عبدالله وانتي الحين روحي رقدي نورة:لوعلي مابرقد الحين بس انت روح واستناس وباجر كلمني اوكي فديتك ناصر:انشــــــــــالله عمري يلا باااي نورة: باي وراحت نورة قعدت مع اخوانها مريوم مستانسه لانها من زمان ماجافت امها وابوها وكانت المه حلوة بس ناقصتهم دانه اختها وريلها عبيراخت مريم واهيا اصغر منها بسنتين وعمرها 18 يزن واهو اخو مريوم وعمره 16 علي: اخو مريم واكبر منها باربع سنوات مهند واهوا اكبر من علي ودانه وعمره 29 متزوج وعنده اسراء عمرها 5سنوات وفراس عمره 3 سنواتواهما تقريبا في اعمار عيال دانه وزوجته اسمه خلود ومتزوجنها عن قصه حب طويله وعايشه مع ام وابو مريوم في نيويورك عبير: مريووم يالحمارة انتي تضعفين وانا امتن علميني الطريقه خليني اضعف شوي مريووم: والله انا مسكينه محد يطبخ لي عشان جذي ماكل عبير: وميري وين راحت مريوم: الله يسلمج عاد كلش عاد تقولين ميري وميري مادري مين ماحب اكل طباخها يزن: والله هذي مشكلتج عبير: هههههههههههههههه حلوة يزون مشكلتج هذي مريوم تصرخ: يمممممممممممممه جوفيهم والله ترى ارووح البحرين ام مريوم تي : حسبيالله عليكم هدوا البنيه توها يايه مريوم خبركم اهي مب متحجبه بس لين تروح الجامعه تلبس دفه بس بدون شيله وساعات تلبس شيله اما طلعتها الباقيه فبدون شيله وحتى سارة جذي على دقتها بس في الشغل كله بدلات ماتلبس شيلهاما فطوم ونورة فهما ملتزمين ويلبسون الدفه والشيله وين ماراحوا مريووم: يمه وحشتييني وتبوس امها على راسها ام مريوم: لا انتي اكثر وحشتيني وتي خلود وعيالها لانها توهم راده من الشغل خلود اول ماجافت مريووم: اووه انا اجوف نيويورك منورة اليوم مريووم: اوه هلا هلا شلونج شخبارج شمسويه خلود: انه بخير انتي الي ضعفانه والله شهل المفاجأة الحلوة مريوم: تسلمين ووين مهند وعيالج خلود: اكا بيون عقب شوي راحوا لانه الوم السوق مريوم : اها خلود:شخبار الدراسه مريوم: والله ها ماشي الحال خلود:الحمدالله......خلود مريوم تعرفين ولد خالي هيثم لا مريوم:امم لا والله ....مريوم كان تشك في هيثم الي بس هيثم ماعتقد يصير حق خلوود مريوم: توه متخرج من الجامعه وبي يشتغل هني مريوم: اووه زين لا عبير: مريووم انتي بعد اذا خلصتي بتين تشتغلين هني لا مريووم: مالج امل انا اهد البحرين واي اعيش هني نو وي عبير: أي حاصل لج مريوم: أي حاصل لي بس اما مابي خلوود:هههههههههههههههههه وعلي يدش البيت ويلم مريوم وعلي ومريوم وايد قريبين من بعض حتى ساعات ابوهم يقول لو انتو تؤام ماصرتوا جذي نروح عند فطوم الساعه عشر تفتح عيونها واهيا للحين تعبانه وتحس انها تبي ترقد اكثر من كثر الصياح الي صاحته وفطوم في حجرته يرن تلفون البيت تشيله ام فطوم:الوووو نورة: الوو خالتي شلونج ام فطوم: هلا هلا ببنيتي انتي شلونج نورة: انه تمام ام فاطمة: الحمدالله انزين شلون امج من زمان ماجفنها نورة: بخير خالتي الحمدالله.....بس خالتي ممكن اكلم فطوم ام فاطمة : أي دقيقه باجوف اذا قعدت نورة: انشالله وتروح ام فطوم تطق الباب على فطوم وفطوم بصوت حزين: منوووو ام فاطمة: يمه حبيبتي نورة تبغيج على التلفون فاطمة:انشالله يمه قولي لها يايه وتقوم فطوم تروح تاخذ التلفون فطوم وصوتها حده متعفس ونورة ترفع فطوم من صوتها: الووو نورة: هلا صباح الخير فطوم: صباح النور نورة: فطوم شفيج صوتج مب عاجبيني وابتدت فطوم بالصياح بس نورة مافهمت ولا شي وقالت لها بتيها عقب شوي ببتصل في سارة ويون لها وسكرت التلفون من عند فطوم وتروح تكلم سارة نورة:الوو سارة سارة: هلا نورة نورة: انتي احين تقدرين تاخذين اجازة لي نهايه الدوام سارة: أي اقدر ليش نورة: ابيج تمريني بنروح حق فطوم مادري شفيها قاعده تصيح تقول ابوي ومادري شنو بس مافهمت لها تقدرين تمرين علي سارة: أي أي اوكي بايج عقب خمس دقايق بااي نورة: باي وراحوا حق فطوم اول شي بطلت الباب ام فطووم ام فطوم: هلا والله ببنياتي شلونكم سارة ونورة: تمام سارة: خاله ايصير نرووح حق فطوم ام فطوم : حياكم البيت بيتكم ركبوا سارة ونورة حق فطوم ويوم طقوا الباب فتحت لهم فطوم وحالتها حاله من اصياح وقامت سارة حضنتها وقالت لهم السالفه نورة: فطوم حبيبتي انتي هدي روحج وماعليج ومابصير الا كل خير فطوم: أي خير نورة أي خير سارة: فاطمه كوني اقوى من جذي واجهي ابوج كلميه فطوم: سارة ابوي وانا اعرفه مستحيل يغير الي في باله نورة فطوم انه بكلم عبدالله وبقوله يأخر جم يوم بقوله أي شي عندكم حاله وفاه أي شي بس انتي لا تحاتين سارة: عيل يلا بنخليج الحين وبنكون معاج على اتصال واجهي ابوج لا تكونين ضعيفه نورة: وانا نفس ماقلت لج بفهم عبدالله فطوم: مشكورين وماقصرتوا سارة: لا تقولين جذي يا بعد هلي انتي غاليه نورة: أي لا تقولين هلون اذا ما وقفنه معاج نوقفه ويا عنودو ام القمل فطووم: ههههههههههههههههههه نورة: أي يبه ضحكي شفيها الدنيا سارة: يلا بااي نورة: باي فطووم فطوم: باي وراحوا عنها لانه سارة بس خذت ساعه وحده من الدوام مارضوا يعطونها اكثر من ساعه ابو فطوم في الشركة قاعد ينتظر خالد وبو مشعل ومشعل لانهم بيرووحون يتغذون عنده طبعا مشعل الكبير وعمره 32وعنده ثلاثه اولاد بنيت وولد وبعدين خالد وعمره 24 ويدرس في ايرلندا جراحه عامه وخاد لسانه طويل وصريح مايحب يجامل أي احد حتىامه وابوه و بو مشعل طبعا اهو اكبر من محمد ابو فاطمة ويوم كانوا في السيارة خالد نوا راد من السفر راح البيت سلم على امه وراح مع ابوه في السيارة بومسعل (يوسف): ياولدي احنه خطبنه لك فاطمة بنت عمك محمد خالد: شنو يبه فاطمة بومشعل: أي فاطمة ليش فيها شي خالد: لا بس يه فاطمة حسبت اختي وانا ماحبه عشان اتزوجها بومشعل : مب على كيفك حبيتها ماحبيتها بتاخذها خالد: لا يبه ماني ماخذنها يبه ولوكان اخر يوم في عمري شله ادمر مستقبلي ومستقبل البنت وبومشعل سكت عنه لما ماوصولو لبوفاطمة وخذوا وراحوا بيتهم عشان يتغذون بعد الغذا قام عبدالرحمن وحسن اخوان فاطمه يصبون القهوة للريال وفتح بومشعل الموضوع بومشعل: ها شاورت البنت يابوعبدالرحمن بوعبدالرحمن : والله البنت مالها شور بعد شور ابوها يا بو مشعل تدخل خالد: لا عمي من قال انا لازم اسمع موافقت فطووم بأذني واذا فطوم موافقه انا مستعد اخذها اما اني اخذ وحده مب موافقه فمستحيل عمي واصلن انتو على كيفكم تخطوون هذي اصلن حجي يهال الي فلانه حق ولد عمه وفلان حق ولد عمه يبه عمي ذي زواج اذا احنه ماكنا متفاهمين حتى عيالنا في المستقبل مابيكونون متفاهمين وانا مب مستعد اهدم مستقبل بنت عمي او مستقبلي مشعل: عيب عليك تتكلم هلون يا خالد جدام ابوك وعمك روح اعتذر لهم خالد: يبه عمي انا آسف يمكن مصختها شوي بس هذي الصج اول شي عمي انت متأكد انه فاطمة موافقه بوعبدالرحمن: نادها واسألها.....يبه عبدالرحمن روح ناد اختك لبست فطوم عباتها ويات المجلس وجافت خالد ولد عمها ووقف خالد وسألها خالد: فاطمة انتي موافقه انج تتزوجيني فاطمة: سكتت مده.........................................................يبه سامحني بس انا ماقدر اتزوج واحد ماحبه وركضت فطوم وهيا كانت تصيح تعور القلب خالد: وقف حق عمه وحق ابوه جفتوا شلون كنتوا بتظلموني مع البنت بس الحمدالله انها ماوافقت وارجوك يبه وعمي سامحوني بس هذا الي كان لازم يصير دام انه وهيا تربينا نفس الاخوان بنتم طول عمرنا اخوان وانا مارضى حق اختي هلون ومشى خالد وطلع بره ووقف بومشعل وقال حق اخوه محمد صج كلامهم يا بو عبدالرحمن احنا تسرعنا وارجوا انك ماتكون شايل في خاطرك علي وعلى ولدي ومانبي هذي السالفه تخرب بينا واحنا في النهايه نتم اخوان وعيالنا اخوان بوعبدالرحمن : صدقت يا خوي احنا في النهايه نتم اخوان وانا ظلمت فطوم وبس ماصار الا الخير وطلعوا بومشعل ومشعل وراح بوعبدالرحمن وقعد مع زوجته وعياله وفطوم كانت في غرفتها تصيح وقال انه بيروح ايراضيها بعدين لانه مايقدر يحط عينه في عين بنته نورة العصر كان تلفونها يرن وكانت توها راده من برع لان اخوها عبدالعزيز خطب وطلعهم عشان يتغذون مع خطيبته نورة: الو عبدالله: هلا نورة نورة: من مب ناصر عبدالله: لا انه عبدالله نورة: اووه هلا عبدالله عبدلله:هلا بيج....نورة مريتوا على فاطمة نورة: أي أي مرينا عليها بس تقولك عبدالله سوري عشان صاكة تلفونها لانها في العزا مال ولد خاله امها عبدالله: اها بس لين كلمتيها قولي لها يقولج عبدالله وحشتيه وايد وايد واهوا مابيهم يوم الخميس لانه عزا هذا ولد خاله امها وقولي لها نأجل على الاسبوع الياي نورة:أي خلاص اوكي يلا عبدالله مع السلامه عبدالله : مع السلامه وسكر عبدالله من عند نورة وراح يقول حق امه عبدالله: يمه يمه ام عبدالله: هلا بالمعرس عبدلله:هلا بيج يمه بس باقولج يمه اجلنا انا والبنيه لانه ولد خاله امها توفى ام عبدالله: اها عظم الله اجرهم بس ياولدي خلها الاسبوع الياي عبدالله : أي انا ياي اقولج نخليها على الاسبوع الياي وطلع عبدالله من عند امه وراح الشركة حق ابوه عشان يقول له والعصر الساعه خمس كانت سارة هلكانه في الشغل ومرة وحده جذي جافت طلال سارة في نفسها: طلال شيابه هني وشله اهوا هني راح طلال دش على المدير العام وفي طلعته لاقه سارة جافها وقال لها طلا: اوووه سارة انتي تشتغلين هني سارة:أي انه اشتغل هني ؟انت شتسوي هني طلال: وي سارة انا ابوي صاحب الشركة....بس خلاص اقوله يرقيج سارة: اووه صج تسلم تسلم لا مابي ترقيه زين لي هني طلال: انتي اول مرة تجوفيني هني بس لاني انا اشتغل في الفرع مال الرفاع سارة: اها طلال:أي شي تبين دقي علي بس سارة: وي انا شفيني غبيه مب البطاقه مالتك فيها اسم الشركة بس انا مالاحظت صج غبيه طلال: لا حشاج بس أي احد يزعجج او شي مايردج الا تلفونج سارة:ههههههههههههه طلال:هههههههههههه سارة:تسلم طلال :الله يسلمج سارة: يلا الحين انا ماعطلك طلال: لا انا الي مابي اعطلج يلا جاو بااي سارة:ههه باي وراحه سارة خلصت شغلها وراحت البيت الساعه ثمان ونص تو بوعبدالرحمن راد من الصلاة راح سيده حق فطووم فطوم: منوو ابو عبدالرحمن:انا يا يبه فطوم قامت بطلت الباب حق ابوها ولمها ابوها اول ماجافها وقال لها : سامحيني يا بنتي والي تبيني بيصير وخالد خلاص والي بيتقدمج انه موافق عليه بس انتي تكونين راضيه وهاج تلفونج ولاب توبج وسامحيني يا بنيتي فطووم وهي مستانسه: لا تقول يبه سامحيني انه مهما سويت ماطلع من يزايك ومهما طقيتني انت ابووي ولك الحق حتى تذبحني والتم شمل العايله وراحت فطومم خذت تلفونها وقالت حق سارة ونورة عن الي صار واتصلت في عبدالله وقالت له السالفه ؟؟ شنو تتوقعون يصير في الجزء الجديد عبدالله شبتكون رده فعله من فطوم وبتم خطبتهم على خير وهيثم بيجوف مريوم في نيويورك وطلال وسارة بتطور علاقتهم ومريوم شبيصير فيها هل ممكن تقعد في نيويورك وناصر بيتقدم حق نورة ولا لا وعبدالعزيز اخو نورة شسالفته وشبيصير فيه وابو فطوم بيوافق ولا بيتحجج على عبدالله؟ يلا انتظروني في الجزء اليديد Quote Link to comment Share on other sites More sharing options...
عهد والزمن طويل Posted يوليو 10, 2006 Report Share Posted يوليو 10, 2006 واو اشوه ان راضها صراحة القصة تهبل وانه من اشد العجبه فيها انطر التكملة Quote Link to comment Share on other sites More sharing options...
الريــم Posted يوليو 10, 2006 Report Share Posted يوليو 10, 2006 تسلمين ننتظر الباقي... Quote Link to comment Share on other sites More sharing options...
فطوم1989 Posted يوليو 12, 2006 Report Share Posted يوليو 12, 2006 تسلمين يالغلا ع الجزء في انتظار الجزء الجديد Quote Link to comment Share on other sites More sharing options...
fatemate Posted يوليو 12, 2006 Report Share Posted يوليو 12, 2006 بأنتظار التكملة Quote Link to comment Share on other sites More sharing options...
دلوعه احمد صلاح الدين Posted يوليو 13, 2006 Report Share Posted يوليو 13, 2006 بأنتظار التكملة Quote Link to comment Share on other sites More sharing options...
فطوم1989 Posted يوليو 15, 2006 Report Share Posted يوليو 15, 2006 احنا في الانتظار Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.