Jump to content
منتدى البحرين اليوم

مذكرات بنات الخاله


Recommended Posts

السلام عليكم ورحة الله وبركاته

انشالله تعجبكم القصة هاي حقيقية فيها حياة حلووه يلا خلونا نتعرف على الشخصيات

:up:

 

فاطمة " بنت عمرها 15 سنة طيبة, ومتكته , حبوبة , وعيونها حلوين وحادين , اتحب اتعلق واتضحك وعندها اختين امينه هبله وعمرها 11 سنه , سلوى لسانها طويل وتحب اتنرفز فطوم وعمرها 9 سنوات ,نوف اخر العنقود حنونه وحلوة وعمرها 4 سنوات , خالد الاخو العود عمره 18 سنة وسيم وطوله حلوة ومملوح"

مريوم"بنت حلوة ومزيونه وعمرها 15 سنة واهي بنت خالت فطوم وعندها 2 صبيان عيسى عمره 17 سنة ورفيج خالد وساعات عدوه واهو ابيض ومزيون وايحب المغازل ويطنز دايما على كل شي , طلال الاخو الاصغر وعمره 12 وستايل حده وكيوووت مغطي عليهم من رغم صغر سنه"

منور"بنت طولها مملوح بيضه ومتكته ,وعمرها14 سنة وعندها اخ واحد بس اسمه ناصر وعمره 18 سنة ورفيج عيسى وخالد ويروح لتكوندو احلى مافيه ضحكته الي تجذب "

احمد"شــاب عمره 17 سنة متكتك ووسيم وابيض وشعره مكتكت على عينه واهو حبيب فطوم "

محمد"شــاب حلو ومملوح وظعيف وستايل وعمره 18 سنة عنيد , ويحب ايعلق ويغربل فطوم وطبعا اهو حبيب مريوم"

نايف"شاب حلو من عايله محترمه وسيم وعنيد شوي باطباعه وعمره 15 سنة واهو طبعا حبيب منور

 

 

يلا شرفونا بأحداث القصة .....................

الصبح الساعة 11:44 دقيقة في غرفة فطوم التلفون يرررن

فطوم:الــــــــووووووووووو

احمد:هلا هلا والله صباح الخير عمروو

فطوم اتبطل عينها وتبتسم : هلا صباح النور

احمد:هاليحين راقدة عمرو ؟

فطوم:لا لا الحين توني كنت بقوم >>> الشلخ

احمد:انزين عمرو قومي غسلي اول ماتخلصين دشي المسن اوكوو

فطوم:اوغي باي

احمد: باي

وتقوم فطوم اتروح اتغسل >> الساعة 4:00 العصر في غرفة مريوم وهي تتصل حق حمود حبيبها

مريوم:افففف ولاايشيله ذي بعد >>>على آخر رنة شاله

بصوت حاد حمود:الوووووو

مريوم:هلا وغلا مابغيت اشيله يالحلو

حمود:آسف حبيبتي كنت اكلم ابوي

مريوم:اها عيل معذور انزين شخبار

حمود:الحمدالله انتي شلونج حبيبتي وحشتني

مريوم بخجل: هههه بخير دامك بخير

حمود:ازين حبيبتي انه بخليج الحين لاني بطلع تامريني بشي

مريوم: سلامتك بس تحمل بروحك باي

حمود:اوكو عمري باي

هذا اليوم كان يوم الاربعاء كل العايلة الكريمة تتيمع في بيت اليده العوده في بيت (اليدة) على الساعة 6 المغرب ادش منور على فطوم ومريوم :هــــــــــــاي بنات شلونكم شخباركم

فطوم +مريوم: هلا تمام احنه

منور تطلع التلفون من شنطتها عندها 6 مسكولات :اففف غثه كلهم متصلين

فطوم بستهزاء : من الخمة واي واحد فيهم ههههههه

منور بنظره قويه : جب هاي حبيبي فديته نيوف

مريوم+ فطوم يطالعون بعض :هههههههههههههههههه والله حالة

فطوم: نيوف ها علينه

منور: يلاجب انه ماكلم احد توني هاده 6 مابي اكلمهم

مريوم تقاطعهم: هدوا عنكم هالسوالف وامشو تحت انجوف خالتكم شيخو

تحت عيسو قاعد مع شيخه وشيخه خالتهم الصغيرة حلوة ومزيونه ومتكته

شيخة: انت جوف يلا بلا قلة ادب انا اقولك ولا بقول حق امك

منور وفطوم ومريوم وهم نازلين ويسمعون الصراخ:هههههههههههههههههههه

عيسو: انتي ويا دبتج جوفي الي بيروح يشتري لج كردت مردج بتمصلحين

شيخة: روح يلا روح براويك

فطوم:بل بل بدينه ههههههههه

شيخة:انتي ههههههه >> وطلع لسانها على فطوم عشان اتخرعها

فطوم: اصرخ يمه شنو ذي هههههههههه كانج ثور عطشان

مريوم + منور: هههههههههههههه الله يعقل عليكم

منور:يلا شيخة احنه بنروح البراة اوكوو انه ومريوم وفطوم يلا يلا عاد لبسو عباياتكم خله انروح

فطوم: ها منور حق من هالمره حبيبتي احبج حددددددي

منور: يلا جب واحترمي روحج يلا مريوم قومي

مريوم وفطوم يتعدلون ومريوم تبرز وتطلع برع في القراج وتتصل حق الحب حمود

مريوم:الووووو قلبي

حمود:هلا هلا حبي

مريوم:ازين انه بطلع بروح البرادة عشان اجوفك يلا تعال بسرعه

حمود: اوكوو ربع ساعة وياي

مريوم:اوكوو باي

حمود:باي

وفي الطريج عيسو يجوف البنات رايحين البراده

عيسو:هاها وين رايحين؟

فطوم: شتبي انت بعد والله غربال

منور: بننروح نشتري بعد شنو

عيسو: لاتتأخروون بتيي خلاتكم ليلى وعيالها من السعودية

طبعا ليلى اخت اليده الغاليه وعندها 5 صبيان

سيف" 25 سنة يحب شيخة بس شيخة ماتبيه شاب مملوح وحلو وطوله عسل"

مبارك" شاب وسيم واحلى واحد بين اخوانه وعمره 22 سنة وكل البنات يدوخون عليه "

محمد"شاب عمره 18 سنة عنيد وشيطان ويحب الطنازه وذكي وفالح "

خليفة+ ابراهيم اثنينهم يهال واحد عمره 13 والثاني عمره 12 سنه والله يخليهم

ويروحون منور ومريوم وفطوم البرادة مريوم جافت حبيب القلب ومنور بعد الا فطوم قعدت تتحلطم

 

وعقب رجعو ا الا جافو ا خالتهم داشه بيت يدتهم

فطوم:براويكم ماتقولون لي بعد جوفوا جوفوا من يايي

منور + مريوم: ههههههههه من يايي يعني

فطوم: خالتنا بعد من غيرها الحين بتقعد اتخطب

مريوم: خله اتخطب عاد من بيعطيها ويهه

فطوم+ منور : ههههههههههههه اي والله

تالي ادخلو بيت يدتهم وسلموا على خالتهم وعيالها واول ماوصلت مريوم عند مبارك قعدت تبتسم خالتهم ورعقب ماسلمو اركبو فوق

ومره وحده رن تلفون فطوم واهم راكبين فوق ترررررررن

منور + مريوم : هههه اسمع الرنه من متصل

فطوم: جب ذي احمدي فديته

فطوم: الوووووو

احمد: هلا هلا عمرو شلونج حبيبتي

فطوم بدون نفس : تمام ها شفيك احمدي

احمد: بل بل اشفيج علينا عاد

فطوم: بس والله لانه ملل وحر ومالي خلق ملل

احمد:اوكو عمرو لين بترقدين طقي لي رنه اوكو

فطوم:اوكوو باي

احمد: باي

فطوم اطالع اللعبه : مريوم جوفي ذي اشابهج كوبي بيست

مريوم : اتخسين الا انتي انه احلى منها اتشبهين القمر بالنجوم

منور:ههاااي جوف ذيله يبه مافي احلى مني انه

مريوم: انتي سكتي يام خدود

فطوم:مريوم انتي بروحج اشابهين خدامه خالي ومنور اشابهه راعي كفتيريا الصباحيه ههههههههه

ومنور ومريوم يفلتون الموسده على فطوم وفطوم اصرخ وتضحك وكلهم مستانسين ويدش عليهم عيسو

عيسو: انتوا يالمينن هاكم حطو تلفوني على الجارج ولا احد يتصل منه (ويقعد)

مريوم:شتبي انت قاعد ويا البنات ماتستحي

عيسو: انطمي انه اقولج باطلع اصلا بروح العب كوره

فطوم:آآه هالحزه كوره

عيسو: اشعرفج عاد انتي وانتي مريوم لاتنسين التلفون على الجارج

مريوم: زين يلا اطلع

ويطلع عيسو واتيي الخدامه وراه ارونا المزعجه ويسمونها في البيت المحقق كونان في كل شي حاشره عمرها

ارونا: هي شيل هاي أشا مالكم من ماما عوود قول هاي حق انتو لايصكي باب انتو واجد مشكله

فطوم: روحي روحي لاشوتج الحين

ارونا اتروح يزعم كلش وتلحقها فطوم وتشوتها

مريوم ومنور: ههههههههههههههههههههه زين اسوين فيها

 

ابي ردوردكم انشالله باجر انزل لكم الجزء الثاني باااي

ملاحظة: القصة حقيقة ومالها نهاية لانها مثل ماقلت لكم مذكرات عجيبه وحقيقة لاتنسون الردود عشان اكمل لكم القصة :n10:

 

 

 

Link to comment
Share on other sites

  • Replies 242
  • Created
  • Last Reply

Top Posters In This Topic

مشكوووووووووووووووووووورة أختي على القصة الحلوة

 

منتظرين التكملة بفارغ الصبر

 

ولاتطولين علينا عاد

Link to comment
Share on other sites

مشكورين الي ردو على القصة واليحن بكمل لكم القصة :n10:
يلا نكمل:

وتحت عند الحريم وكلهم قاعدين
ام خالد: شرايكم باجر انروح البلاج والله استانسه ذاك اليوم خذنا عريش وتغدينا وتسبحنا
ام عيسو: يلا كل واحد باجر اييب غداه وياه وبنروح
ام سالم خالت البنات بعد : اوو عاد ام خالد اتحب هالسوالف
اليده: هههههه بس باجر بقول حق ابوكم وبنروح
وتمو يسولفون والساعه 12 كل من راح بيتهم
الساعة 2:00 واهي اتبدل يررن التلفون تررررررررررررررررررن
فطوم:بل رقم غريب الله يستر
فطوم:..........
.........: الوووووو
فطوم واهي اتثاوب بدون حساس : الوووووووو :n5:
......:هلا والله بهالصوت
فطوم: يلاعاد بلا قلة ادب بتقولي انت من ولا بودي رقمك حق اخوي
......: هههههه خلاص لاتعصبين بقولج من انا
....: انـــــــا انــــــــا

تتوقعون من ؟ انشالله باجر اكمل لكم القصة انشالله ومع السلامه :n10:[/color]
Link to comment
Share on other sites

مسامحه ماقدرت اكمل الجزء الثاني كله :n5:
يلا انكمل القصه حياكم..................


.....: يالحلوة انه ولد عمتج عبود :ad10:

فطوم بخجل : اوووووه هذي انت سوري عبالي ناس فاضيه :blush:
عبود: ههههههههههههههه هلا شخبارج؟
فطوم:تمام الحمد لله وانت؟
عبود: اوكووو ،زين باقولج
فطوم: هلا هلا قول اخدمك في شنو؟
عبود : لا بس ابس اسأل مريم ليحين اتكلم ذاك؟؟
فطوم واهي تثاوب: ها اي لا ليش تسأل ؟؟ :dry:
عبود: بس جذي
فطوم : صج فاضي باجر اتصل ترى حدي ابي ارقد باي تصبح على خير
عبود : انشاء الله عمتي (فطيم) باي

وصكت التلفون وتوها بتحط راسها عشان ترقد الا رن التلفون مرة ثانيه ترررررن

فطوم :الوو
احمدبعصبيه: :ssm11: مع من كنتي اتكلمين ها؟؟
فطوم: شفيك يبه شوي شوي كنت اكلم مريوم
احمد:مريوم هالحزة شتبي فيج مساعه كنتي وياها
فطوم: ويي بعد سبحان الله بنت خالتها وتبيها فيها شي
احمد:لا مافيها شي بس هذي اخر مرة اتصل لج اجوفه ويتنغ :sleep:
فطوم: زين والله بس كله يطنقر
احمد: فديتج والله متى بترقدين؟؟
فطوم : احين انت متى بترقد؟
احمد : احين :happy: اوكو عيل يلا تصبحين على خير يلا باي
فطوم:وانت من اهله باي

في غرفه مريمالساعه 2:30 يررن التلفون ترررررررن
مريم : الو
محمد: صباح الخير
مريم:صباح النور
محمد: شخبارج يالحلوة ؟
مريم: بخير انت شخبارك؟
محمد :بخير دام انج وياي
مريم وهي مستحيه: دوووووووووووم
وتسولف مريم عن الي صار لها مع بنات خالاتها ويسولف محمد ويمر الوقت ويأذن الصبح
مريم: يلا محمد بقوم اصلي وانت بعد قوم صل
محمد:اوكي حبيبتي تصبحين على خير وتحملي في روحج
مريم: وانت بعد يلا باي
محمد :باي
وتصك التلفون مريم وتصلي وترقد


في غرفه عبدالله الساعه 4:00 يتكلم مع روحه ويقول:
عبدالله : فطوم حلوة ليش مافكر فيها من بدال اللعب على بنات الناس فطووم حلوووة اسلوبها يعجبني لالا اعوذ بالله شفيني قمت اخربط خلني ارقد احسن...

يوم ثاني في بيت اليده الساعه 12:30 الظهر
اليده :ارونا وويعه ودي الاغراض السيارة غربلتينه ماتفهمين لاحول الله
ارونا : شنو في ماما كله ودي انه
اليده :زين يلا روحي الحين بتروح اتسبح واتأخرنا
شيخه : يمه بس سكتي الحين من بدال مانروح البلاج يرتفع الظغط ونروح المستشفى
اليده :انه محد يبذبحني غير برودكم تحرون القلب
شيخه في قلبها (اوهووو والله حاله اكره اليوم ايل اطلع في وياها )
شيخه :يلا يمه انا ناطرتكم في السيارة

وفي بيت ام خالد امون اصرخ :فطوووووووووم قومي قومي بنروح البلاج لحين مابرزتي
فطوم : وريح انشاء الله ماتخلين الواحد يقوم براحته
سلوى : انتي قومي ممللتينه تبينه كله نروح متأخرين ابوي ينطرنه مستحمق
فطوم: استحو انه اختكم العوده لا صرخون عيل
واتقوم فطوم واهي بدش الحمام يقول لها اخوها
خالد: فطوم اول ماتخلصين سيده تعالي انحط الاغراض فيالسيارة الخدامه مثل ماتدرين مسافره
فطوم: اوكوووو

في بيت ام ناصر

ام ناصر : منيرة يمه ناصر يلا قومو تبرزو مانبي نتأخر على الجماعه
منور +نصور :انشاء الله يمه اكانه قايمين

في بيت ام عيسى اهي اطق الهرن في الطبيله
ام عيسى: يلا يلا انتو شسوون اخرتونه الحين متى بنوصل
مريم: صبري شوي يمه طلول ادور كورته
عيسو: يمه يمه خله يولون اذونه الي يتعدل والي يدور اغراضه مايبرزون من وقت
ام عيسى :شفيك انت اسكت بعد
عيسو في قلبه ( اوهوو والله اذيه)


في البلاج وصلو الاهل (العايله الكريمه)
اليده: يلا يلا صبيان يبو الاغراض من السيارة
الصبيان: انشاء الله ماما عوده
فطوم: يلا بنات انروح انتمشى
مريوم +منور :اوكي يلا
مريوم: جوفو الصدفه الي لقيتهه
منور: الااااااااااااااي حلوة ملونه بعد ابي نفسها
مريوم: جوفي لاسوين لج حركات مب ماعطتج اياها :down:
فطوم:ههههههههه بل صج لجه
مريوم: لجه على صدفه هاج تبينها اخذيها والله
منور : بس سكتو حشى
فطوم: وي جوف ذيله يلاحقونه
منور: شنسوي فيهم خله يولون
مريوم: انه اقول خله نرجع احسن لان وايد بعدنه
فطوم: اوكوو احسن بعد عشان نتغدى
منور : اي اي انه يوعانه





وانشاء الله بنزل لكم البارت الثالث جريب :n10:
ولاتقصرون في الردود :n5:
Link to comment
Share on other sites

يسلموووو حبوبه .. يعطيج العافيه عالقصه الحلوة

 

وننتظر التكلمة بليييييييييز بسرعه

 

تحياتي :n10:

Link to comment
Share on other sites

تبين الصراحه اختي ملاك الخليج انا اندمجت معاكم

في القصه ياريت انا معاكم في القصه الحلوه

خليتيني افكر شنو انشاء بصير حق الجزء الثالث

على العموم تسلمين والله على القصه الحلوه

مع تحايتي لج ولكم اخوكم (نـــايف_2)

Link to comment
Share on other sites

مشكوووووووره اختي على القه الحلوه

 

واحنه ننطر التكلمه

 

عاد مو اتطولين علينه

 

مع تحيتي

 

برررريق

 

Link to comment
Share on other sites

شجعتوني عشان اكمل القصة انشالله ماثقلنا عليكم :n10:

يلا نكمل البارت االرابع

 

 

على الغدى في العريش :

عيسو:يمه عطيني الفلفل

ام عيسو: انطر شوي

عيسو: مريوم عطيني الفلفل الي صوبج يلا بسرعه

مريوم : يود اذيتنه ماتخلي الواحد ياخذ راحته خله عندك بعد

شيخه:وين الفلفل عطوني اياه وينه ييبوه بوراس عيسو عطني الفلفل

عيسو:تحجت اكوه جدامج ماجوفين

ام خالد : بسكم عاد جوفو لين خلصنا من الغده بنروح احنه النسوان نتسبح

كلهم:انشالله

عقب الضحك والسوالف طلعوا النسوان تمو البنات ويالصبيان

فطوم بصوت منخفض:يلا قوموا شمقعدنه ويا الصبيان خلنه انروح نمشي وبعدين نسبح

مريوم+ منور : اوكو قومي

ويطلعون البنات يتهامسون الصبيان

خالد:ها بروك يلا نمشي انسوي سباق

بروك وهو مبتسم:اوكي مشينا بس ببدل وبجيكم

خالد: يلا يلا مشينا شباب بروك احنا بنجدم اوكي

عيسو ونصور: يلا يلا

النسوان في البحر وهم يسبحون ويغنون (سلام عليك يانبي صالح ) ويببون ويضحكون >>فله والبنات يجوفونهم ويضحكون عليهم

ويررن تلفون فطوم

فطوم:الووووووووو

احمد:هلا عمروو

فطوم: هلا هلا وناسه مابتيي

احمد: وين ايي

فطوم : يــه البلاج بعد وين

احمد:زين بجوف احد من الربع اييبني اذا مب ياي بخبرج انشالله

فطوم:اوكوو عيل باي

احمد: باي

منور:ها بيي الحبيب

فطوم: مب شغلج عشان اتبوقينه :rest:

مريوم:هههههههه

منور توها بترد الا رررن تلفونها تررررررررن

منور: هلا وغلا والله

نيوف: هلا فيج والله الحب

منور: شخبارك

نيوف: الحمدالله وانتي ،تعالي صوت شنو ذي في وين انتي ؟

منور: صوت الهوى والبحر احنه في البلاج

نيوف: تروحين وماتقولين ثواني وانه يايي

منور: لا لا اخوي اهني

نيوف: اشدراه بس من بعيد

منور: زين اجوفك بعدين باي

نيوف: باي حبيبتي

 

شيخة : فطوم مريوم منور امشو تسبحو لا

مريوم: انه باروح انتو خلكم

فطوم: او انا اخاف

منور: انا بروح ههههههه

مريوم: امشي بتم بروحهها بتملل وبتيي

فطوم: لا عاد لاتسوون فيني الدقه ولاتنسون بيي احمد وانا استحي :n5: عاد قعدو وياي بعدين بنروح

مريوم+منور: ههههههههه انزين عاد لاتموتين علينا

مرويوم اصرخ على شيخو: شيخو بعدين بنيي بنسبح

شيخو: اوكي

 

وتمو البنات يسولفون ويضحكون ويجوفون بروك وخلود يتسابقون في السباحه

فطوم: يلا خلنه انبعد احمد بيوصل الحين ومابي خلود يشك

مريوم +منور:اوكي

خلود يرن تلفونه تررررررررررررن

خلود: الو بوحمود

جسوم: هلا بو وليد في وين انت

خلود: انه في البلاج يلا يلا تعال ننطرك

جسوم: اوووكي باي

خلود: باي

(( طبعا جاسم شاب عادي طيب عمره 19 سنه ورفيج خالد الروح بالروح))

 

بروك: خلود والله عندكم وناسه في السعوديه مللل وحر مررررررررة لا بعد مايخلون الصبيان يجمعون هنا وهناك

خلود: مرررررررررره هههههههههههههههههههه يا بو الشباب الا قلبت ،، اي والله اشدعوه البحرين بعد ملل بس كل يوم طلعه ومصرف ومجمعات ومغازل وصار روتين عادي

عيسو : اي اي انه توني مرقم بنيه حلووة كيكه هههههههههه

خلود + بروك: ههههههههههه الله يغربل ابليسك

نصور : انه احب وحده بس اخاف اقولكم اتضحكون علي

كلهم : لالا عاد قول

نصور : انه الصراحه الصراحه احب الخدامه ههههههههه :n2:

كلهم : هههههههههههههههههههههههه خلصو البنات :ssm12:

 

وتمو يسولفون ويطنزون واهم يسبحون

اليده : انتي ارونا نظفي المحل من مساعه قايله لج الله يغربلج اذيتنه انتي بذبحني لازم يقولون لج شسوين

ارونا : زين زين ماما اانه يعرف

اليده : ووووييييييي مالت على البمبر انه يعرف اتقول سكتي سكتي يا بو العريف

ارونا : شنو ااريف شنو يقول ماما :dry:

اليده : مايخصج يلا روحي كملي شغلج

ارونا اتروح واهي اتحلطم: كله زفي كله زفي كله خمي غسلي ندفي شنو يسوي انه

تررررررن تررررررررن تتتررررررررن

احمد :هلا هلا فطيم انه في البلاج وينج انتي

فطوم: هلا فيك انه يم العريش رقم 47

احمد: اوكو لاتحركين باييج

فطوم: لالا شنو اتيي بس من بعيد

احمد : اوكي كيفيج يلا باي عمرو

فطوم: باي

منور: ها وصل

فطوم: اي وصل يلا عدلوني وعدلو كشتي

مريوم : شنعدل فيج بروحه هوى انه عدلناه رود اعتفس خله جذي كشه يطاير مع الهوى على قولتهم ( الشعر الحرير يهفهف على الخدود )

منور : ههههههه وانتي الصاجه

فطوم: خخخ يلا يلا بلا طنازة جوفو شكلي عدل

مريوم: وييييييي والله مافيج شي

منور : فطوم اكو احمدو يطالعج متشقق ههههههههه

فطوم: وي فديته شحلوه

مريوم: هههههههه والله حاله جوف شلون يخز

منور: خليه يطالع ويخز حق المغازل بعدين

فطوم: هي انتو يالعقارين عبالكم ماسمعت فديته احمدي والله صاير قمر :n10:

منور + مريوم: ههههههههههههههههه لا تموتين علينه بس

فطوم: شفيه احمد جنه قاعد يتكلم بالتلفون من يكلم؟؟ خله انه بعد اتكلم بعد بسوي روحي اكلم احد

مريوم: بلا حركات اليهال يمكن يكلم احد من ربعه ولا شي

فطوم في قلبها ( بل ذي تبط الجبد كله تحرق الوي )

منور: بسكم فطوم طالعي احمدو يأشر عليج يقولج جدمي شوي

فطوم: لالا شنو ماقدر بروحي استحي

ويرررن التلفون تررن

احمد: ها عمرو جدمي عاد ابي اجوفج عدل

فطوم : لا عاد ماقدر استحي

احمد : عاد يلا جدمي باي

فطوم: باي

وتمر فطوم ومنور مع مريوم جريب يم احمد

احمد: فـــــــــــــــــديتها والله

فطوم في قلبها : وي جان مايصيدونه

ويروحون البنات ويروح احمد مع رفيجه

احمد: ايــــــــــــــه عليها

رفيج احمد: اي يحليل بنت خالتها

احمد : ييييييه اي وحده فيهم

رفيج احمد: ذيج البيضه الضعيفه

احمد: تقصد مريم هههههههههههههههه

رفيج احمد: اي قول حق حبييبتك اسلم عليها

احمد: هههههههههههههه انشاء الله ا

 

نشالله انكمل لكم شنو بصير في البارت الخامس يلا شجعوني بردودكم عشان اكمل بسرعه وانزل الاجزاء بلهفه

Link to comment
Share on other sites

ثنكس على القصه وانا متابع معاج اول بأول

يلا بسرعه نبي البارت الخامس حدي متحمس لتكملة

القصــــــــــــــــــــة .يلا بنتظار البارت الخامس بفارغ الصبر

Link to comment
Share on other sites

مسامحة ادري طولت عليكم جمن يوم بس انشالله بنزلكم الحين :n5:
يلا نكمل الجزء الخامس.....................



نرجع حق البنات
منور: نايف ماتصل ولاشي هو قايل انه بيي مدري شفيه :huh:
فطوم: اي اي جوفيه اتصلي له
ومرة وحده يرن تلفون منور ترررن
فطوم: ماشاء الله عمره طويل الشيخ
منور: هلا وغلا
نايف: هلا هلا والله منيرة سمحيلي ماقدر ايي
منور: افا ليش عاد؟؟
نايف : لابس ولد عمي يبيني في شغله ومابي اتأخر عليه ولا ارد له طلب
منور: اوكو باي
نايف : لاتزعلين عاد اوكو يلا باي
فطوم: يلا خلونه انروح انتسبح احسن
منور+ مريوم: اوكو يلا مشينه
شيخه:ههههههههه الاااي حلو الماي بارد ويدلك الظهر
اليده: دنو دنو لي بايي اسبح وياكم :blush:
كلهم: يلا يلا عاااشووو ههههههههههه :aq16:

والكل مستانس ويضحك والكل يسبح وعايش جوه وعقب اذان العشا قررو يشوون
خالد: يلايلا يبو الشوايه
عيسو : انزين من بيشعل الفحم
مبارك: احم احم انه بعد من غيري :dde18:
محمد : أجل انه باروح اجيب الدجاج واللحم

والنسوان طبعا لين تيمعو لازم العقرة على خلق الله هههههههه :n9:

اما البنات قعدو على الكراسي الي على البحر
مريوم اتغني : تصدق يابحر انك تشابه بالعطا قلبي
فطوم تبتسم وتكمل وراها : تصدق يابحر انك تشابه بالغدر حبي
منور: يا سلاااام عالجو الرومنسي اتصدقون اثنينكم تصلحون حق دويتو
فطوم +مريوم: هههههه ندري :wub::wub:
شوي الا تلفون مريم يررن تررررررررررن
مريم : الووو
محمد : هلا والله
مريوم : هلا فيك محمد
محمد: ها قلبي في وين انتي
مريوم: في البلاج ويا الاهل
محمد : شرايج ايي لج
مريوم: هالحزة
محمد : اي
مريوم: لالا لان الصبيان كلهم برع يشوون وانه ماقدر ابعد عن المكان لانه في الليل ظلام
محمد: اوكي كيفيج عيل باي
مريوم: باااي :dry:
مريوم وهي حزينه: يقهر ذي مع هالوي
منور : شفيه بعد
مريم: قلت له لاتيي مابي احد يجوفك وماقدر ابعد زعل قالي كيفيج وصكه
فطوم : يبه لاتكدرين خاطرج
ويقومون ويدلدقون مريوم وهي تضحك لين مانست السالفه ،،، وعقب دقايق
شيخه : بنات تعالو تعشو لايفوتكم
البنات: يلايلا يايين

وعلى العشى ام سيف: ياحليلكم يالبنات صايرين عرايس وخاصه مريمي >>> بدت اتخطب
البنات : خخخخخخخخخخخ ،،، وتمو يتعشون ويضحكون ويسالفون وعقبا لساعه 11:30 كلمن راح بيته ورقدو على طول من التعب



ويوم الثاني ( يوم الجمعه) وفي بيت اليده الساعه 9:00 الصبح
تروح اليده تطبخ ذاك الغده الي شحلوه وفوقه اليدام وتحط االبهارات على السمج ( جنعد) لان عازمه الاهل كلهم على اغده
ام سيف تقعد: صباح الخير اختي
اليده : صباح النور
ام سيف: اساعدج بشي
اليده : وي لاتكلفين على روحج بس لو تسوين السلطه لان شيخه ليحين راقده :n9:
ام سيف : افاعليج ماطلبتي شي
ودش ام سيف المطبخ وتساعد اختها ( اليده )"

انشالله انكمل لكم البارت الياي جريب بس اهم شي اجوف الردود عشان اشجع اكثر ولاتقصرون عاد بليز :n10:
Link to comment
Share on other sites

ماعليه انه انشالله جريب راح انزل لكم بارتات احلى وتطورات حلوه انشالله بس مب اليوم انشالله جريب

واوعدكم اني انزل الاجزاء الايايه اطول واحلى بوايد وراح تصير تطورات وايدد حلوه بس اهم شي لاتسفهون حق القصه

ترى بتصير احلى وبصير في مواقف حلوه ومواقف غضب واشياء حلوه هالله الله بردودكم اذا جفتها وايد

بنزل اشياء حقيقه حلوه وبسرعه بعد :n9:

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...