مينون الحب Posted أكتوبر 7, 2006 Report Share Posted أكتوبر 7, 2006 الفصل الاول ...المقدمه ... حنان : بنووته عمره 21 سنه جامعيه واخر العنقوده يعني الكل مدل لهاا وما ينرفض لهاطلب .. جاسم وخالد .. اخوانهاا جاسم العوود 32 سنه وخالد الثاني 25 سنه تركي : زوج حنان ولد رفيج ابووهاا شخصيه حلوه وهو بسن جااسم .. غلا ومريم دلال << ربع حنان بالجامعه وربعهاا الي ما تفاارقهم نوره بنت اخت تركي هند: دكتوره نفسيه صغيره بالعمره 26 سنه ياسر : اخوو هند الصغير 24 ايمان اختهم الصغيره محمد : اخوو دلال حنان: انا انظلمت ياناااس حراام ..ليش يبا ليش .؟؟ وقامت تصيح وهي تلم مخده صغيره وكانه درع يحميها من شي هي خايفه منه .. "خلاااص معاد ينفع اي شي دام حريتي انسرقت مني " , حنان من دقايق كانت واقفه مع ابوها وقايله انها موافقه على تركي .. زووج لها تركي الي كل بنت تتمناه خلى كل الي حوله واختار حنان شريكة حياته واصر انه يسمع انها موافقه منه لكن تركي ما يدري ان حنان ما تبيه ولا هي راضيه فيه .. خلاص حنان رافضته فصار لها مثل الشي الي مجبوره انها تتعايش معاه ، مل ابوها من أعذارها وبدأ يتضايق منها خاف إن يمضي فيها لعمر ولا تتزوج بسبب دلاله لها فقررا هذه المرة إن يصر عليها ويوافق على تركي الي كان من أفضل الشباب الذين تقدموا لها ولو انه كان أكثر و حد زعلان ومنكسر خاطره لأنه أول مره يفرض عليها أمر ماتبيه بس ما قدر إن يرفض هذا الشاب الذي يدين له بالكثير من المواقف الحلوه واهم شي انه ولد رفيج عمره المرحوم "حمد" حنان مسويه عزاء على روحها حتي اهلها ما طلعت تسلم عليهم او تحسسهم انها فرحانه حتي بنات عمها وخالها يوم كانت قاعده من بينهم حسوا ان فيها شي مب حنان الي يعرفونها ابتسامتها ناقصه بس هي ما حبت انها تحسس ال حولها بأي شي ..ظلت متماسكه لين راحوا .. دشو عليها اخوانها بعد ما اطلعوا الاهل من بيتهم ،"جاسم اخوها الكبير وهو الي مدلعها " جاسم : حنوني حبيبتي مبرووك عااد ابي اشوف البتسامه على ويهج مب مبوزه جذي يله عااد عشاني .. حنان تكلمت بزعل ودلع الي دايم اطلعه على جاسم جاسم انت تعرف اني ما ابي اتزوج مــــا ابي وصاحت وهي تخش يهها في صدر أخوها ..لمها وهو يمسح على شعرها ...حنون دولعته وما يحب يشوفها زعلانه ومب مرتاحه قرب منها خالد اخوها الي دوم كانه صديقها اكبر منها بس خمس سنوات بس كانهم كبير بعض .. وقال: حنون"بس مانبي نشوف دموعج الغاليه " ابي اشوف ابتسامتج عشان اخوج الصغير ابتسمت وقالت"ايه الحين اصغير " ابتسمت عشانهم ما حبت تضايقهم اكثر هي تدري انهم تضايقوا وتهاوشوا مع ابوها يوم انه اصر يزوجها وتدري انهم زعلانين عشانها ادخلت عليهم امهم وشافت حنان وهي حاطه راسها في حضن اخوها والثاني قاعد يمها وماسك يدها قالت محد مكبر راسها ومخربها غيركم يله اطلعوا وخلو شيخه المزاين ابيها بكلمت راس فقام جاسم بيطلع لكن حنان امسكت ثوبه وقالت بدلع " لا تطلع " فهمس :لا تخافين حنون وهو يتكلم من تحت اسنانه بتم عند الباب اول ما تحسين "الخطر يداهمك " قولى النجده انقذوني قامت حنان تضحك عليه خالد: يله يا سبع البرومبه مسوي روحك كلش ام جاسم من يقدر عليها غير بو جاسم وهو يغمز حق امه ملقى الاذيج الضربه السنعه على راسه :خويلد اشوفك قمت تحجي بعد ضحكووا كلهم حتى حنان الي كانت تضحك وهي تمسح دموعها .. ام جاسم : يله كلكم اوت جاسم : قم عنها ام جسووم اوت بعد.. ام جاسم : ايه عبالك هينه انا يله فارج يا جويسم وخلني مع العروس لف يشوف ردت الفعل على ويه اخته لقاها مكشره جاسم : عاد رضيتي او لا عرووس واحلى عرووس بعد شتبين بعد يله اخليج مع ام جسوم ابي اخر لاخبار بعد ما تطلع من عندج لا تجين عندي الغرفه بس دقي على تلفون وقوالى لي كلشي لا تقولين حجي نسوان ما عندي كري ميري استوا ويها احمر وقالت :جاسم جنك بديت تخربط اطلع احسن قال :اي يكون افضل خالد : حشي ما تسكت الالما تعفس البطح يا اخي يله اطلع وهو طالع قال حق امه :اسمعي احذرج هذي دلوعتي وهو يأشر بصبعه اضربته على صبعه وقالت : اطلع يا اصبي خالد: تستاهل 33سنه وصبي انا اطلع ياهل امص مصاصه الحين طلعوا وسكروا الباب وراهم .. يلست ينبها على السرير وقالت بصوت حنون وبتسامه حلوه .. اول شي مبرووك يا عروس شافت ان حنان ارسمت تكشيره ودمعت عيونها قالت لها : حنان اسمعي مثل هالزوج ماراح تلقين قاطعتها حنان : يما يوم انكم اصريتوا تزوجوني ما فكرتوا انكم ظلمتوه معاي يعني شفتي انتي بنفسج انه كان مصر انه يعرف مني ان كنت موافقه اولا ردت عليها امها: وانتي ما كان عندج سبب واضح لرفضج له ..قالتها وبضيق لان كلام حنان كان صحيح وهي مقتنعه بهشي .. حنان :يعني مب مهم عندكم رايي المهم اني ما عندي سبب مب حرام عليكم حرام انا ما استاهل الي سواه ابوي فيني قالت لها امها : حنان تتكلمين جنا ابوج ذابحج وانا مادري ومب جنه قدم لج مستقبل راح يكون حلو مب جنه الكل حاسدج على هالزيجه حنان : اي حاسدينـــــي .. انا ابي احدد مستقبلي بنفسي انشاء الله لو اعيش بكوخ صغير بس اكون انا راضيه وقلبي يبي الي انا اخترته ام حنان ما عجبها الحجي : لاتخربطين بالكلام وسوالف الي تبينها كلها من الخرابيط الي تقرينها وان كنا عطيناج حريه مب معناته تقلبينها لنا افلام اجنبيه طبعا ما ترضي أم حنان على كلامها واكيد تعترض اصلا هي مب فاهمه شنو مقصد حنان ومب فاهمه شنو الي تبيه توصل له بس فاهمه انه كلامها غلط وما يجوز تقوله فاهمه ا عيب على البنت تقول انها تبي تحب الي تبي تتزوجه عيب وذنب كبير حنان : يماااا والله حراااام وهي تصيح وتلم موستدتها الصغيره ام جاسم: وهي تحاول تمثل القسوه مع ان قلبها كان يتقطع على بنتها بس ما تبي تلين لها بعدين يكبر راسها : هاكلام الي تقولينه خلاص ما له فااايدهالحين انتي على ذمت الريال ارفعت راسها حنان وهي تمسح دموعها : يمااا ليش اصريتم اني اتزوج تركي بن حمد ؟؟<<< تكلمت بصوت شوي عالي ومنقهر .. ليش ما اصريتم اني اتزوج سالم بن عبدالله او عشان سالم فقير ؟؟ طالعتها امها بنظره قاسيه وقالت والله يوم انا ما صرينا على سالم مب عب فيه بس لانه كان ابوج يبي يعطيج فرصه ما حب انه يصر على انه يزوجج منه .. حنان حاولت انه تقسوا على امها من دون ما تحس كانت تبي تجرحهم مثل ما تحس انهم اجرحوها قالت : لا قولي لان ابوي مديون عند تركي ..تركي الي من طلع في حياتي ويد ابوي ردت وصارت حالته الماديه احسن طبعا ابوي استحي وحب يرد جمايله ويقدمني على طبق من ذهب حق تركي ..؟؟ توقعت ان امها تعصب تقرب منها تضربها خاصه وان اسلوبها كان جدا وقح وهي نفسها مستغربه من عمرها شلون سوت جذي لكن ردت فعل امها كانت هاااديه ولا ابتسمت بعد وقالت: حنون تعرفين شنو المشكله انج انت تجهلين اشياء وايد وما تدرين ان العكس صحيح تركي بن حمد بن سعود حمد بن سعود اوبوه رفيج ابوج المرحوم كان تاجر كبير لكن جاه وقت احتاج وما لقى غير ابوج يتسلف منه كان ابوج يملك في ذاك الوقت كم ارضنه ابوج ما فكر بالمستقبل بذاك الوقت ابوج ما عرس وحمد كان عنده عيال ففضل رفيجه على نفسه ، وعشان رفيجه بااعها .... حمد بن سعود رفيج عمره معاه في الحلوه والمره واخوه الي ما يبته امه الدنيا بعدت الاثنين هذا بتجارته ولاهلى مع مشاكل هلى ونسي الدين مع ان الدين ما ينسي ما كان بشي بسيط اوبج احتاج بس ماراح وقال له رد لي فلوسي وحاول انه يسد حاجته بصبره ورفيجه نسااه لكن قبل لا يوت تذكر رفيج عمره وقبل تسع سنين جاه تركي المكتب وقاله ان ابوي موصيني ارد لك هالمبلغ هذي فلوسك وقاله انه يسامحه لانه نساه وطلب انه يعفوا عنه ترى الدنيا اسرقته من اخوه الي يغليه ويعزه تركي يومها كان الحزن ساكن قلبه على ابوه الي مات وهو يحبه ويعزه ومن ذيك اليوم وتركي ما فارق ابوج وابوج حاطه بعيونه حنان اسرحت في القصه.. تلكمت بهدوء هالمره لكن بلكنت استفسااار وهي مثبته نظرهاا بالارض : يمااا ابوي حب تركي مثل واحد من اعياله بس انا مب بنته الوحيده يعني ما اضن ان تركي بيزعل لين انه ابوي قال له ان البننت ما تبيك ؟؟ ام جاسم :ليش مصره تحسسيني انج مضلومه ابوج لو مسوي لج مثل ما سوي عمج سالم في بنت لطيفه شنو بتسوين حنان وبلااااده لطوووف شفيهااا كاهي طايره في ريلها في السما ابتسمت امها وكانها سجلت حق روحها انتصار لو تدرين ان لطووف يوم ان ملوجووا عليها ما كانت تدري حتى امها عصب على سالم وزعلت وقلت حرام البنت توها اصغيره اشهقت حنان وقالت مستحيل لطيفه لا وسكتت وقالت في قلبها لطيفه حرام لطيفه الي كانت اكثر وحده فينا رومانسيه اكثر وحده فينا تتمني انها تعرف ريلها وتحبه قبل لاتزوج لا ام جاسم : شفتي كاهي بنت عمج فرحانه بزواجها حنان : اظاهر السالف تقليد مهم بلعيله انهم يزوجون بناتهم غصب ام جاسم أيأست منها خلااص .. حنان الظاهر انتي مب راضيه تقتنعين بس الايام مثل راح تخليج تعرفين مصلحتج اسمعيني اهم شي وهالكلام حطيعه مثل الحلق بذونج تركي شاريج وابيج تحافضين عليه ومثل ما الكل موصيه فيج لازم تحافضين عليه .. اطلعت ام جاسم من الغرفه وحنان وفي حالت صمت رهيب كلااام ووايد اسمعته من امها اليوم ووايد فوق طاقتها حتست انها ما تقدر تفكر ولقت الحل الوحيد انها تصيح على الاقل هي الطريقه الوحيده الي تفضفض فيها الي بخاطرها صاحت حنان صااااااااحت من قلبها صااااااحت لين نااامت وهي تتنهد ناامت حنااان وخاااطرها مكسوور هذي اول مره حنان تنام وهي بهالحاله دوم ما تغمض عيونها الا الكل مراضيها وما عطيها ال تبيه ؟؟؟ ـــــــــــــــــــــــــــــــــــ امها طلعت من عندها وهي مكسور خاطرها على بنتها صحيح شدت مع حنان شوي بس ما تنكر انها تنكرت للي سواه ابوها فيها وما رضت لانها دلوعتها ودوم تقول حنون تستاهل الدلع عشان روحها الحلوه الي يقول ما في مثل روحها ولابتسامتها الي ترد الروح واحلى ش فيها طول عمرها حنان ابنيه خلوقه ما عمرها كانت بنت عاصيه او عنيده حتى لو مارضت على شي كانت بدلالها الحلوه وبأسلوبه تغير الي تبيه ما يوم شافتها على هالحال من العناد والحزن, وهي طالعه من غرفت حنان مرت شافت جاسم وهو يقرى الجريده وخالد مشاهد قناة الجزيزه راحت وهي سرحانه في بنتها وقعدت جنب جاسم : جاسم انتبه حق امه والحال الي هي فيه يعرف مهما كابرت امه تضل حنون بنتها الي تغليها اكثر من عيونها,مسك يدها وباسها وقال : لا تخافين عليها دوم حنون قويه تقدر تطلع من زعلها وتعيش حياتها وتبتسم وتفرح يمكن اليوم بتزعل وبكره بعد بكره بس لاتخافين بتطلع منها صدقيني اختي واعرفها عدل ام جاسم : ادري بس يا وليدي هذا عرس زواج يعني حياه مب شي بسيط مب شي ممكن تجبرها وتقبله بسهول هذا زواج ما تملكه بروحها هناك طرف ثاني هناك زوج يتمنى انه يشوفها سعيده وتسعده وتريحه خوفي يعانون اثنينهم هي وما تدري تجرح شخص ما له دخل كل ذنبه انه تزوجها ورادها زوجه له جاسم ظل سرحان يشوف وجه امه امه الي مب كبيره بسن وايد شلون تفكر تفكر لبعيد تفكر تفكير صافي مثقف امه افتخر في داخله انها امه وعرف انها مراح تترك حنان بتساعدها بأسلوبها الحلوه انها تتخطي هالحاله اي عايشتها ابتسم في ويه امه وقال : لا تخافين ام جاسم انت عندها ومشا الله عليج تعرفين شلون توجهينها صح بس خفي عليها تراها تبي منا الحين الين مب القَسوا وبعدين تركي مشاءالله عليه ريال وشاريها والله لو تشوفين شلون كان مستانس يوم ان الملجه قال مبرووك والله ادمعت عيونه والله لو لما الحياء جان صاح من الفرحه هذا دليل له يبي حنون بالاسم مب يبي زواج.. وتنهد جاسم طلعت من قلبه جاسم مجرب هالشعور وعارف شنو الواحد يكون جنب الي يحبها ويبيها هو الوحيد الي عارف ان تركي يبي حنان وحابها من نظرته وكلامه يوم انه طلبها من ابوه كان خووفه انه يرد عليه بالرفض وشاف فرحته يوم قاله ابوه انه موافق عليه شاف الفرحه يوم قام من مكانه وحب راسه ومن الفرحه لم جاسم وكان مب عارف شسوي لو كان يعرف يطير جان طار من الفرحه .. ارتاحته امه من الكلام جاسم وقالت : اتمني انها تقدر هالشي وتحافض هي عليه مثل انت واثق انه بحافظ عليها ؟؟ خالد هو الي عارف ليش حنان صار فيها هالردت الفعل القويه عااارف بس ضل ساكت وما تكلم بس قال: يمااا حنون محتاجه لج محتاجه انج توجهينها صح بس من دون ما تقسين عليها خليها تحس بالراحه عندج قالت امه : لا توصيني ما احتاج حق وصيه هذا حنون عيوني المركبه قرب منها وقعد عند ريولها ومثل دور الزعلان وقال اي حنون عيونج المركبه وجاسم روح الروح وانا ولد البطه السوده ام جاسم وهي تضربه على راسه : اي يالعيار وانت قلبي ما يوزعنكم انا والله لو واحد يصير فيه شي اروح فيها انا مسك يدها خالد وباسها وقعد يمها وقال سلاامت قلبج يا الغايله والله احنا ما نسوى من دونج ... .............................................. تعتقدوون ان حنان بترضي بالي صار ؟؟؟ Link to comment Share on other sites More sharing options...
الحلاوة Posted أكتوبر 10, 2006 Report Share Posted أكتوبر 10, 2006 ثنكس اختي القصة حلوة و نبي الباقي بلليييييييييييز Link to comment Share on other sites More sharing options...
Angel0o0 Posted أكتوبر 10, 2006 Report Share Posted أكتوبر 10, 2006 يسلموووو عالقصة اخووي وبانتظار الباقي Link to comment Share on other sites More sharing options...
مستر زماني Posted أكتوبر 19, 2006 Report Share Posted أكتوبر 19, 2006 يسلمووو بانتظار الجزء القادم Link to comment Share on other sites More sharing options...
دلوعة مااماا Posted أكتوبر 19, 2006 Report Share Posted أكتوبر 19, 2006 ميرسي احنه بانتظار الباقي Link to comment Share on other sites More sharing options...
danat aldonya Posted أكتوبر 22, 2006 Report Share Posted أكتوبر 22, 2006 ثانكس وبانتظار التكمله Link to comment Share on other sites More sharing options...
.أعـازف.علـ.ـي جـ.ـرحي. Posted أكتوبر 22, 2006 Report Share Posted أكتوبر 22, 2006 مشكور اخوي ننتظر المتبقي Link to comment Share on other sites More sharing options...
مينون الحب Posted أكتوبر 28, 2006 Author Report Share Posted أكتوبر 28, 2006 الفصل الثاني : ثاني يوم الصبح دقت الباب ام جاسم على حنان ودخلت عليها ايلست ينبها على السرير وهي تمسح على شعرها الي مغطي موسدتها وقالت بحنــان : حنوني يله ماما قومي حنان افتحت عيونها وبتسمت حق امها وقالت : صباح الخير يالغاليه امها : صباح الجوري يا الجوري يله يا عرووس قومي الساعه عشر فزت حنان من السرير يمااااا ليش خليتيني نايمه.. عندي دوام من الصبح... لاااااااااا راحت علي المحاضره ادري شفتج نايمه جنج ياهل صغيرروون عورتي قلبي... اقومج وانت اصلا ما رقدتي عدل قلت حق ابوج روح وتعال بعدين حنان : يمااا الله يهداج عندي اليوم تسليم واجب انتي شفتي شكلي اسبوعين وانا احله الحين مب مااخذه منى هذيه نحيس ام جاسم : ادري قلت حق دلال تيي وتاخذه وقلت لها انج ما نمتي وتعبانه حنان من اسمعت اسم دلال تغير شكلها وقالت دلال كانت اهنيـــه !!!! ام جاسم : ايه يات وعطاها الواجب خالد وهو طاااالع وهي بعد ما رضت تدخل قالت انها مستعيله حنان : اااهااا .. وهي سرحاانه وشكلها تعكر انتبهت لها ان مزاجها تغير .. ام جاسم : يله قومي غسلي ويهج وتعالي بقوم اجهزلج الريوق وقامت وسكرت الباب وراها حنان قامت بكسل من فراشها كانت تحس بارهاق وكانها كانت ماشيه بلاااااد ادخلت الحمام وغسلت ويها وقامت تشوف ملامحها في المنظره وشلون صار لها سواد من الاصياح طول الليل قالت وهي تبتسم حق صورتها بيآس " من قدج في فرحتج ياااعرووس من قدج"" البست بدي وردي مقلم بأبيض وتنوره سوده لفت شعرها بكلبس وردي ناعم ورشت رشة عطر خفيفه على ارقبتها البست صندل واطي ابيض وطلعت وهي شايله شنطتها على كتفها وعباتا بيدها الثانيه وملفها.. شافت امها حاطه الريوق وقالت لها : يمااا هذا كله لي شدعوه كل الي ابيه كوب قهوه بس ام جاسم الي استحاله تخليها تطلع من البيت من دون ما تريق :لا اكلى او تخلين ازغطج مثل البطه حنان : هههههههههه يمه الله يهداج بطه عاااااد ام جاسم ايه بطه يله اشوف ايلسي وتريقي مثل الناس شوفي لونج شلون صار يله اشوف حنان وهي تقعد على االدوشق.. انزين كاهي قعده بس يمه سويلي سندويج من ايدينج الحلوين بس ما ابس هالبوفيه كله بس سندويج على ذوقج الحلو ام جاسم انزين بنسوي بس اشوفج ما تاكلنيه حنان وهي تمثل رفعت يدها اليمن وقالت : اشهد انا المدعوه حنان بنت فهد انني ساكل كل ما يخرج من يدين هذه الام الجميله هزت راسها امها على حركاتها وفي داخلها احمدت ربها انها بخير تراها مانامت من كثر ما كانت تحاتي بنتها وكل ساعه تدخل على حنان تشوفها كانت حنان تتنهد وهي نايمه .. قامت تسولف مع امها وهي تحاول انها ما تيب طاري اليوم اللي طاف ما تذكر شي من الصار بس وين من شافت حنان خلصت السندويج وشافتها تاكل وهي مرتاحه قالت اكلمها الحين احسن دامها مرتاحه وهااديه ...كلمتها بهدووء وحاولت انها تفهمها قالت كلام حلو بهدوء وصل لقلب حنان كانت حنان ساكته ما حبت انها تحاجج امها كفايا ان امس استحملتها رغم انها ما اعتادت انها تكلمها بهطريف حنان اسمعت الكلام وفهمت كل كلمه بس قررت في داخلها انها تعالج مشكلتها بنفسها اسكتت امها من كلامها الا ابوها داق عليها يقول لها اطلعي انا عند الباب حنان استعيلت ولبست عباتها وطلعت عند اباب الحوش توها بتغطي ويها انتبهت ان الي بسياره مب ابوها ابوها يالس يم الي سوق تجمدت مكانها .. "هذا تركي!!".. "اي تركي.". تذكرت شكله لانه قبل الملجه دخل عليها وشافته مع انها كانت منزله راسها على الارض بس اقدرت انها تشوفه لانهم ارفعوا راسها وقالت لها اخته انها لازم تشوفه قبل لا يملجون .. ...حنان في داخلها :ابيــه ابيـــه اويلي .. ليش ياي الحين يبا ليش!! مب وقته ياربي شاسوي امشي اوقف يا ربي شاسوي ؟؟؟ ابوها شافها متجمده مكانها خاف انها ما تحرك او تدخل البيت فتح الدريشه وناداها هي بعد ما استوعبت الموضوع غطت ويها بالغشوه ومشت بثقل لين السياره تركي الي من شافها وهو مب قادر يشيل عينه عنها ظل ساكت ما تكلم وظل يراقبها وهي تمشي ووهي تسكر باب البيت وتمشي لين السياره افتحت الباب وركبت ورى ابوها قالت السلام وصوتها يا الله يبين ردوا اثنينهم عليها تركي: شلونج حنان حنان : وبحيا الحمد الله بخير مازادت ولا نقصت اسكتت تركي ما حب يحرجها شافها مستحيه خلها لين ما اوصلوا الجامعه وقبل لا يدخلون بوابة الجامعه.. تكلم تركي بعد صمت كان مغلف المكان حنان متى تخلصين اليوم من الدوام ؟؟ حنان لانها كانت سرحانه قالت من غير ما تحس :"ليش "؟؟ انتبهت حق روحها وتداركت الوضع بسرع وقالت: خمس ..خمس اخلص ابتسم تركي وهو يطالعا من المنظره وقال: خلاص الساعه سبع بعد صلات العشاء بجيج البيت تكونين ارتحتي انزلت من السياره وهي تقول في داخلها"" ليش شلي بيبك اليوم اااااااااخ يعني عدل جذي اووف ياربي شاسوي ؟؟"" .... حست ان الدنيا مب راضه تخليها ترتاح !! خلص اليوم بسرعه جات الساعه خمس خلصت اخر محاضراتها وهي طالعه من القاعه تقول في خاطرها يااااه مسرع خلص اليوم يعني لو ابيه يخلص بسرعه جان مشي مثل السلحفاء خلصت محاظرات وهي ما تحس انها استافادت شي من المحاضرات تدخل وتطله من المحاضرات ومخها في علم ثاني مخها يفكر في الموعد الي بكون الساعه سبع ؟؟ اااخ شنو ياربي يبي مني حنان طول اليوم وهي مبتعده عن ربعها وتعلل بأشياء بايخه خااصه انها كانت تشرد ما ودها تشوف دلال ؟؟ الي هي رفجتها واقرب وحده لها غلا ومريم ما علاقوا رغم انهم يدون انها فيها شي بس ما حبوا يتدخلون قلو نصبر شوي ونشوف شنو نهايتها مع انسه حنان وشنو سالفتها مع دلال الي الثانيه مب راضيه تتكلم ودوم دموعها بعيونها ؟؟ ياهااا ابوها على الساعه خمس ونص وخذاها من الجامعه وهي بطريج .. يباااا!! ليش يت معااااه ليوم << ما نطقت اسمه لين الحين مب متعوده عليه ابوها : قصدج تركي ؟؟ حنان: ايه .. وهي تكلم رووحهاا .. ايه تركي عيل من؟؟ ابو جاسم : لان سيارتي اختربت وهو كان عندي بالمكتب قلت له اني بروح اخذج قال يله معاك بس!! حنان ما صدقت وعرفت انها الموقف ابوها مدبره << صج مايعرف يمثل هو جاي مع تركي بسيااارته ؟؟ قالت: بس جذي ايه وصلحتوا السياره وجينو اخذتنوي ابتسم ابوها وقال : ايه صح اهااا وقالت :اي وقمتوا تناقشوان في الموضوع صح قال: صح وهو ما يكثر كلااام يجاوب على اسالتها بختصار ويسكت ؟. حنان كانت بتنفجر خلاااص قربت تستخف من بروود ابوهااا قربوا من البيت وقالت انزين مدامكم تناقشوان انتوا شلي بيبه اليوم قال: اقول خفي صوتج وتكلمي عدل وبعدين الريال يايج يبي يشوفج امس مارضيتي خلينها اليوم وعاد يله ما ابي اسمع صوتج قبل لا تنزل قالت وهي مخنوقه تبي تصيح اول مره ابوها يتكلم معها جذي قالت: دام ياي يبي يخلص مخططاته المستقبليه اااها اكيد ياي عشان انتوا تنهوا المستقبل جداامي جاوبها ابوها بروود لا بتكون بروحكم وهي مسكره باب السياره بقوه حرك عنها وراح تمت شايره مكانها هااا انا وهو بروحنا لا ابيه لا ما اقدر ادخلت البيت شافت امها اسألت عن جاسم قالت لها انه طلع مشغول سيده اسالت عن خالد الا تسمع حسه من وراها التفت عليه قرب خالد وباسها على خده وتنهدت وقالت :خويلد مب طالع صح ..اشر بصيعه وقال لا بطلع قالت: لا خلود عشاني خالد حبيبي تم بليـــــززززز قرب خالد من اذنها وقال بهمس : بس عااد عن تصرفات اليهال والله الكل يدري انج تقدرين تحلينها بروحج وقبل لا يطلع رفع يدينه لسما وقال : الله يعينك يا تركي والله انها بتجهز لك اسلحه فتاكه وطلع وهي تشوفه وقلبها يحترق ودها تذبخه الحين هي المتوهقه وهو يقول الله يعينك يا تركي قالت انا ارويك انا رويكم تشردووون انا اعلمكم سنع الله يا البايخين دخلت غرفتها وهي معصبه وقالت كلكم تتامرون على اخ يا القهر ارويكم دخلت وغيرت ملابسها البست قميص سماوي ساده وتنوره بسيطه جدا مب طويله وايد لونها بيج مايل على الابيض فيها كسرتين على الاجناب وطالعه تحتهم قطعه سماويه ارفعت شعرها على شكل ذنب الخيل وبريشه فيها فص كرستالي ناعم حلو طلعت كانهابنت بصف ثالث اعداي ناااعم وطفولي شكلها كلش يااااهل .. طلعت من غرفتها هي دور امها ملقتها قالت يمكن تصلي راحت قعدة في الصاله وقامت تفرر بتلفزيون ومخها في عالم ثاني حست بالعطش تذكرت انها ما كلت شي طول اليوم والله لو مب امها اصرت انها تاكل الريوق الصبح جان اغمى عليها دخلت المطبخ افتح الثلاجه لقت عصير اخوها خالد دوم يكون بثلاجه له عصير فروله ودوم يحذر محد يجيسه لكن هالمره خذته وهي تدري بيرجع يدور عليه بس خله صاير رزيل ارويك اخوليد بدايتها بعصيرك خذت العصير وقامت تشرب وهي دور على امها تعوقتها وينها قامت تنادي بس امها ما ترد قالت: هذا لو بنتا قصر جان قلت ضعتي في البيت كله بيت شعبي "وبنضرت فخر" بس والله حلو هههه طبعا بوجودي ههههه والله خبله شفيني قمت اكلم روحي هههه يمااااااااااااااااااااااااااااا وقامت ودخلت الميلس الداخلي وهي تنادي يماااااا وووووينج وقفت عند باب الميلس وما دخلت كان ودها تشرد وترجع بس وين بريلها دخلت اول ماشافت امها وهي ادخل تركي الميلس شرقت بالعصير وقامت تكح قربت امها منها وخذت العصير من يدها وقالت لها:" لانه مب حلال " وهي تهمس وطلعت من الميلس خلتها جامده مكانها صارت جنها تمثال ضحك عليها كانت جنها ياهل متخرعه قال لها : احم شوفتي تسوي جذي وهو يحاول يلطف الجو بمزح .. بس طالعته بذيج النظره لو تكلمت جان قالت له والله مصدق روحك بس اكتفت فيها وقعدت لانه قعد هو على الكرسي الي جنبها هي مشت وبتعد وقعدت مجابلته قعدت وظلت منزله راسها وهي لامه ايدينها وحاسه بخوف وقلبها تحسه بوقف تركي ما خلها قام وقرب منها ويلس على الكرسي الي حذاها وقال : شلونج حنان حنان تنحنت لان صوتها مارضي يطلع: بخــ بخير من الخوف حست انه يقدر يسمع صوت قلبها من مكانه وحست انها ما تقدر تسوي الي تبي الي هي مقرره انه تقوله وصارت تجهز له طول اليوم قال وهو يحاول انه يقطع الصمت الي يلف الكان : اعرف انج شاطره بالجامعه شسويتي اليوم خذت نفس وحاولت انها تمالك نفسها وكلمت روحها ما في شي يخليني جذي يله يحليله.. اعرف انج شاطره ليكون عبااله في برنامج باابا لنجا ؟؟<<كان ودها تضحك بس الموقف مايساعد : قالت ولا شي غير اني حضرت محاظرات والارهاق هو الجديد قالوهو يبتسم : اااهااا هذا كانج تقولين شوف انا تعبانه لاطول معاااي صارت حمره وخضره صفره انحرجت شعنده يقلب الحجي ارفعت راسها وهي تحاول تنفي الي فهمه لقته يطالعها بنظره حلوه يرق لها القلب وابتسامه وقال :ادري امزح لا تكلمين هي ارسمت ابتسامه خجوله ودنعت بسرعه وقلبها كل ماله يضرب بقوه حست انها مب قادره تسيطرعلى روحها .. بهمس قال: حنان هي صدت صوبه بس ما ارفعت راسها وقالت:" نعم" بصوت مبحوح قال انتي عندج شي تبين تقولينه لي شي ما قدرتي توصلينه ؟؟ مادري حسيت بج الصبح انج صراحه مب مرتاحه يعني يوم اني شفتج الصبح وشفت نظرتج وحتى نظر الوالد حسيت انج ماكتني راضيه .. لمت روحها وحست ان بيغمى عليها ونحرجت وخنقتها العبره بس حاولت انها تكابر وتقوى شافها جذي عرف ان احساسه الي كان يدور في باله صحيح هي" ما تبيه ".. ضاق صدره بس تملك روحه وكمل .. قال لها : حنان للامانه في حد في بالج حد كنتي تبينه انت ارفعت راسها وهي تهزه بقوه وقالت لااااااااا استحاله تفكر جذي مب انا الي تسويها غمض عيونه وطلعت من شفايفه كلمت : اشوه " ابتسم وقال : الحمد الله على جذي انا ارتحت على الاقل ما احس انج تتعذبين معاي قال: بس ليش ما كنتى راضيه قالت: لاني ما ابي اتزوج وبس هدوء كبير لف المكان حست ان الصمت طال ارفعت راسها تبي تعرف تعابير وردت فعله لقته سرحان فيها تركي الي كان يطالعها وهو يقول في خاطره ما لومج يوم انج ما رضيتي جذي شكلج طفله صغيره تبي تبقي في حضن اهلها تبي تبقى تتدلع والله من كثر ما سمعت اخوها وهو يوصيني عليها عرفت انها غاليه عليهم واكثر وعلي انا اكثر والله انا اكثر: ااااااه<< طلعت من قلبه تعلقت عيونه بعيونها دختها رجفه قويه حست انها في دومه غريبه حست فيها وبلذه الم حلوه غريبه غمضت عيونها على طول ونزلت راسها اسمعته وهو يقول: بس لانج ما تبين تعرسين ؟؟ هزت راسها بالايجاب قالت وهو يبتسم ابتسامه عريضه : يعني الحمد لا اعتراض علي هي ارفعت راسها قالت : لااااا وسكنتت يوم شافته فرحان ورفعت حاجبها مستنكره كشرت وقالت في قلبها مب ناقصه واحد مغروور مثلك ووااف هذا الي ناقص بعد .. يوم انه شافت ملامحها ضحك وقال لها : والله الملجه صارت وانا عني ما ارشوف فيج عيب يخليني اردج وانا ما شاء الله علي كامل والكامل وجهه خزت بذيج النظره خلت يضحك عليها قام يضحك من قلبه قالت له وهي خلاص اعصابها محترقه : مستانس قال لها : وااايد قالت: وهي تحط يدها في خصرتها ومن دون ما تحس بروحها لاوالله الله يزيدك انتبهت لمت روحها بسرعه وقالت في داخلها يوووه انا ما اعرف اسيطر على روحي شوي اووف صااارت حمررررررررره من قلب مسكينه طلعها من طورها تركي : هههههههههههههههههههههههههههههههههههههههههههههههههه هههههههههههههههههههههههههههههههه سكر من الضحك هي كانت تبي تضحك على روحها بس سكتت نفسها لانها في نفس الوقت كان ودها تصيح من الاحراج . تركي وهو يعود لهدوءه ورزانته وقال: حنان قاطعته وهي رافعه راسها وقالت: تركي قبل لا تقول اي شي انا انجبرت بس والله انك تستاهل الي احسن مني وبتلاقي انا ما بنفعك خنلي واسفه هز راسه تركي وقال: بس انا ما ابي غيرج ولايمكن افرط فيج وقال وهو يبتسم في ويها صدقيني انا حبوب موووت <<ة يستضرف دمه خلاص كانت بترد عليه مثل ذيج المره بس امسكت روحها ضحك لانه عرف الي بتسويه وقالت بيأس : آآآآه شلون اقدر اقنعك قال في قلبه : آآآآآه شلون اقدر ادخل قلبج قال: مهما سويتي مراح اتخلى عنج انا ابيج انت دخلتي قلبي والله يعينج قلبي الي يدخله ما يعود يطلع منه يعني مشكلتج ان تركي حبج لونها صار احمر موووووت خلاص انحرجت وقفت وكانت تبي تطلع من الميلس خلاص لاحراج ذابحها وقف ومسك يدها وقال : حنان وطالعها في عيونها هي من الاحراج كان ودها تصيح بس امسكت روحها وقالت : نعم في كلام ثاني الضاهر كل تبونه لازم يصير بس انا محد فكر فيني قال لها بصوت اااسر لا : انت كلشي واهم شي وكل الي تبينه بصير والاتزعلين روحج تراج غاليه على قلبي كانت بتمشي من جدامه بس هو رد مسكها قالت: له في شي ثاني هز راسه وقال: ايه.. رفع يده وفتح ربطتت شعرها وخلاااه منثور على جتفها وقال من مساعه ودي اني المسه لمس شعرها هي حست برجفه قويه دوختها ابتعدت عنه ما منعها هالمره ولمت شعرها بدينها حست بالاحراج والخوف ابتعدت عنه لمت شعرهامثل ما كان وكان تبي تطلع لكن امها بذيج اللحظه ادخلت تبي تعرف شنو صار معها تعرف بنتها عنيده والي براسها بتسويه وما تدري ان بدخلتها انقذتها ام جاسم : شفيكم واقفين تركي :كنت طالع ام جاسم : تو الناس تركي لا بس قلت اخلي حنان ترتاح توها يايه من الجامعه تبي ترتاح شوي وهي توها بترد عليه اسمعت صوت تلفون يرن قالت عن اذنكم اشوف التلفون اطلعت امها وكان ودها تلحقها بس وين والي واقف جدامها شنو تسوي فيه هههه مسكين توهقت تركي: انزين يالغاليه انا اخليج الحين لكن قبل لايطلع قرب منها هي من دون ما تحس ابتعدت عنه بسرعه ضحك عليها وقال : ترى الريايل ما يكلون النسوان هذا اكتشاف اعرفوه مؤأخرا حنان في قلبها باااااااايخ هو قرب منها فتح شعرها مره ثانيه وقال لها جذي احلى مع السلامه وطلع .. حنان واقفه مكانها سرحت والين الحين تشوف الباب وتقول في قلبها كلشي توقعته بس انه يكون جذي لا مشت لين غرفتها وهي سرحانه دخلت وسكرت الباب عليها قعدت على الكرفايه وهي تفكر ما تدري في شنو بس مب عارفه شنو تسوي فجاء رن جولهارقم غريب ماردت عليه جاهاا مسج يقول انا تركي ردي انتفضت هذا شيبي توه طلع اتصل مره ثانيه ردت : الووو تركي هلا والله حنـــان قالها وهو يمدها حنان استغربت قالت : نعم قال: نسيت شي ضروري قالت: شنو وهي تفكر بهتمام قالك ماقلت لج تصبحين على خير حبيبتي حنان احمد ربها انه يكلمها بتلفون وما يشوفها بعدت السماعه عن اذنها وقامت تشوف الشاشه التلفون ردتها يوم اسمعت صوته وقال: حنان وينج ليكون نمتي حنان : هااا لا معاك صوتها انبح من الاحراج قال : يله يا الحلوه نامي وارتاحي ما ابي اطول عليج مع ان ودي اسمع منج كلمه بس ادري انج ما بتسمعيني اياها مب انت ما تبيني حنان:........................ معورها قلبها وتقول في خاطرها ليتك كنت بوقت ثاني ليتك جيت قبل قلبي لا يعاني قبل لا اسكر قلبي واحلف عليه ما تحب ثاني تركي حنان يله مع السلاامه وتصبحين على الف خير حنان وبهمس: وانت من اهل الخير سكر الخط وحنان بعد ما تضن ممكن تنام بعد الي صار ما تقدر الي الصار اليوم اكبر من طاقتها الله يعين قلبها شنو تقدر تسوي .. ناااامت بعد ما تعبت السهر معهااا نااامت وهي تفكر بهالانسان وشلون متمسك فيها مع انه يدري انها ما تبيه قالت في خاطرها : لا لاتحنين يا حنان ولا تلينين كلهم سووووا الي يبونه وانت ليش تنجبرين على شي انت ما تبينه خله بيي اليوم الي ما يلقي رد على عطااه وبعرف اني مب الي تبيه ولوانجرح هذا مب مشكلتي انا قلت وما خفيت والي علي سويته وما خدعت وما اظن اني بكون ظلمته جذي ؟؟؟ ناامت وهي مقتنعه بالفكره الاخيره انها انظلمت وماظلمت ؟؟ .................................................. .................................................. ............................................. من الظالم ومن المظلووم؟؟... وشنو قصة حنان وليش رافضه انها تفتح قلبهاا وتحاول تحب تركي الي من اول يوم قال لهاا انه يبيهاا وبصبر على جفهاا ويحبهاا تركي ..ليش مصر وشلون حب حنان من يوم ليله ؟؟ الفصل الثالث: تركي من طلع من عند حنان وهو حاس بضيق وحزن كبير ..وهو بالسياره يفكر بالي صاير.." يعني هي ما تبيني وانا عارف نفسي ما اقدر ابتعد عنهاا... ياااا الله ليش يا بو جاسم ليش اصريت انها تقول انها موافق كان اهون علي .اعرف انها ما تبيني وابتعد لكن الحين .. آآآآآآآآآآآه ليش يادنياا ليش ما خليتني اكمل فرحتى تركي يحاول يفكر بتصرف صحيح مب قادر متعلق بحنان الى اخر درجه ويبيهاا بينه وبين نفسه لو عرف برفضها قبل جان بحاول يعرف السبب لو كان فعلا مثل ما قالت انها ماتبي تتزوج الحين وبس !! سبب غير مقنع بالنسبه له ..جان بيصبر لين تواقف عليه ..." تركي يبي حنان وماغيرها" ؟؟ وهو غارق بافكاره رن جواله شاف الرقم ابتسم ورد على طول : سلااااام عليك تركي : وعليج السلاام هلا الشيخه انوري هلا نوره : هلا فيك هااا بشر قعدت معااهاا تركي : آآآه ايه قعد... صوته يعور القلب نوره حست ان فيه شي خااافت وقالت بحذر: تركي شبلاك مب طبيعي تركي : نوري وين انتي في بيتكم او بيت اختي منيره نوره : لا ردينا من مسااع تركي : خلاص الحين اجيج واقول لج كل شي نوري لو ما تكلمت معاج الحين يمكن يصير فيني شي نوره : تركي لا تخرعني شبلاك قول اي شي قبل لا تسكر لا تخليني احاتي ترووك يله تركي : نوااري والله ما في شي لا تحاتين وكاني قريب من البيت ثواني واكون عندج بالغرف نوره: خلاص يله انطرك .. نوره بنت اخت تركي بنت اخته فاطمه .. اصغر من تركي 5 سنين تشتغل عندها ماجستير في علم الاجتماع تركي يحبها لانها اقرب وحده له وهي وياه رابين مع بعض وكل اسرارهم عند بعض نوره دوم الصدر الي يشكي عنده تركي حبوووووبه وحليوه الكل يحبها ويقدرها ما تزوجت الين الحين وهي شايله الفكره من بالها من الاساس تحس انها ما تبي تفارق اهلها ...قريبه من الكل طالعه مثل خالتها حصه القلب للكل بس تركي يمووت عليها ولا يرضي انها تزعل او يشوف حد يزعلها نوره تحب تركي مثل اخوها واكثر ويمكن تعزه اكثر من سلطان وحمد وسعود اخونها نوره ناعمه ما فيها ذاك الجمال الي يجذب بس نعومه ملامحها بسيطه وتريح الواحد بس يطالعها ... وصل تركي البيت وعلى طول راح غرفته مايبي يكلم حد غير نوره الحين .. دخل دار نوره... كانت قاعده تقرى مجله قديمه عندها ومن غير اهتمام باي موضوع فاول ما شافت تركي حذفت القصه وامسكته وقالت: يله تلكم شبلاااك تركي : آآه نوري ما تبيني ؟؟ نوره : نعم ؟؟ شنو يعني ما تبيك << علامت تعجب على ويها .. تركي : نوري اغصبوها مثل ما كنت حاس والله احساسي بمحله نوره: تركي انت شتقول مافي هالسوالف هالايام شنو اغصبوها ؟ تركي :نوري والله شااقول لو تشوفينها وهي تكلم اكسرت خاطري نوره" :انزين هي شلون قالت لك وانت شقلت لها تركي : اااه قلت لهاا اهههء ضحك ضحكت يآآآئس "الي تبينه بصير" نوره : شنو بطلقهاا ؟؟ وهي تقولها بخووف... تركي: لا اخر شي بصير اني اطلقها نوره انتي اكثر وحده تعرفين اني احبهااا وابيهاا ويوم اني طلبت اتزوج طلبتها بالاسم نوره : ادري والله ادري بس تركي شلون يتصرف تركي : نوري تدرين شنو سويت نوره : ؟؟؟؟ وهي طالعه ويهه ما تكلمت ؟ تركي قال لها كل الي صار وصف ردت فعلهاا بتفصيل لهاا نوره : ترووك قول والله عااد ههههه ولا ظايق بعد انت تصرفت وخلصت اي والله انا كامل والكامل الله واانتي مافيج عيب هذي بتقول طحت بمغرور وشايف عمره ههههههه تركي: نوره حنان ممكن تتقبلني انا الحين لو بنفذ طلبها ما اقدر تقدير حق ابوهاا والله احس بروحي متوهق لو انا ببقى زووجها جدام الكل حتى لو ما تبيني ما اقدر امنع روحي عنها ... وان ابتعدت عنها وخليتها اهلها شبقلون عني ؟؟؟ وانا ابيهااا بس بعد ما اقدر افرض روحي على وحده ما بتبيني نوره : تركي حاول تقرب منها ما تدري ؟؟ تركي :طالعها بحزن وامل تركي ما يدري شالايام مخبيه له وبيظل مع حنان يحاول يكسب حبهاا ... بهلحظه انفتح باب غرفت نوره الا موزه والجازي.. داخلين .. "موزه اخت نوره الصغيره عمرهاا 23 كبر الجازي بنت خالهم سعود" موزه : ايه كله عند النوورى الي يقول انحنا ما نصير له ؟؟ الجازي : باابا عيب عليك الحين انت متزووج بكره والله المدام بتكره نوري بسبتك تركي قرب من نوره يبي يغيض البنات ولمهاا على جنب وقال هذي الشيخه نوره ومحد يقدر يكرهاا خلكم محترين الجازي : اي بكره بتعرس وبتخليك نوره : نووووو انا ما اتزوج شبيي بعووار الراااس موزه : عباالج مدام فااطمه حرم المرحووم عبد الرحمن بتخليج ترى هالمره بتزووجج بالغصب رد عليها تركي وهو مب حااس برووح مب على كيفهاا لو انوري ما تبي ما يصير بهلحضه انغزته نوره بخاصرته واهمست" هد"... هو تدارك وابتسم تركي : الا اليااازي شخبااار ابووج والقااطع اخوووك العوود والله هالريال ما يستحي ما غير نوااف الي دوم يسال يعني ما شفت" ناصر" ال ابلملجه ولا طلع بسرعه وما قعدت الجازي ارفعت راسها تشوف اسم ناصر شنو سوي بويه نوره لقتها مدنعه والويه انقلب احمر كلعااده بس من يبوون طاري نااصر .. قالت بقلبهاا الين الحين تحبينه بس يا ربي اعرف ليش رديتيه ؟؟ الجازي : والله الحمد الله ناصر مشغول حده تدري ابوي هااد كل شي على ظهره اما نواف فاااضي عمل شعنده غير الجامعه الي مب راضي يخلصهااا .. تركي وهو يشوف مهاا داخله وعليهاا عباتهااا هلا مهوووي من وين ياايه مهاا: من وين يعني بنات ثالث ثنوي وين يرحوون الستي حسره يايين من المودرسه اوطالعين من المدرسه اااااااخ متى اخلص لاعت جبدي تركي : يله كلها هالسنه وتخلصين من المدراس وتفتكين بس شدي حيلج نبي مجموع يرفع الراس مهاا: افا عليك والله شاااده هالحيل لين حاسته بينقطع تركي : يله الله يعوض اتعبج بخير ويفرحج تركي اوكي بنوتاات اخليكم طالع انا طلع عنه وخالهم برووحهم .. اليازي : يله انا بلطع برووح بيتناا مزان بكره بمرعليج انا اوكي عشااااان الي خبرج مزان : يعني لازم تفضحيناا اسكتي خلااص صار رووحي نوره : تعااالي تعاالي وين بتروحيوون مهاا وهيي تضحك بشر : برحوون الاندمارك هههااااي سمعتكم مسااعه اليازي : ويع مب اذوون عليج انزين شدخلج نوره : لا والله لو درى سلطان شنو تخيلون بتصيروون مها: ههههههههه كبااب مشوي موزه : ههه والله بايخه زين احنا برووح مع خالتي شمه وبنتهاا وعايشه اخت اليزووي بعد بترووح معانا يعني ما فيها شي نوره : اليازي موزه اقصرو الشر تدران محد بيرضي وخالتي شمه تبيكم معها عشان تير منكم الحجي او انا غلطانه ؟؟ اليازي : بس نوااري من زمااان ما طلعنا معااهم والله مشتااقه لها نوره : خلاص اصبري تنحل هالمشاكل البايخه الي من بينهم وصير خير يعني لا تقطعون بس اعتذرو مب ناقصين بكره خالي سعود يزعل علينا ولا امي تعصب والله حااااله الله يعين اليازي وبحزن الله يلعن هالفلووس الي تبي تفرق من بينهم اووف والله مايسوي علينا مزان : نوري والي سلمج وهي تقعد على السرير انا بكمل 23 سنه ومب فاهمه ليش هم متذابحين ؟؟ كل هاي عشان الميراث ؟؟ نوره : حبيبتي المشكله انهم اخوان من ام بس وهم محتجين تدرين يدي حمد الله يرحمه ترك خير والحمد الله شوفي طمع الناس يقلون مالq603;م حق بالميراث امنا دام عندكم ْلا يشككون ان خالي سعود وتركي وامي وخالتي» ساره وضحه ومريم ومنيره.. قاصين على خلتي ام حمد وماخذين حلالهاا ولا يبون كل افلوسهاا ؟؟ والله في اشياا ء وايد لو اقول لكم عنها تكرهون نفسكم خليهاا على الله بس اليازي : الله يهداهم وتصافا القلوب مثل قبل والله مشتااقه حق ايااام زمااان كلنا في فريج واحد وبيتنا الكبير كلنا العصريه او الضحى في الاجازات ملتجمعين ااااااه ..والله كنااا كلنا على قلب واحد الكل: آآآمين وبعدها اطلعت من عندهم اليازي وخلتهم موزه راحت غرفتها تنام وراهاجامعه ومها الي راحت تدرس بس اقعدت تدرس بغرفت نوره الي خلتها ما تقول حق مهااا شي لانها مربيتها ودلوعتهااا ودوم مهاا عندهاا ...مها ما تحب تدرس بوحها وتحس اانها ما ترتاح الا عند نوره .. فـ نوره تقعد تكتب او تقرى في كتااب وتشوف مها وهي تدرس ولما تحس ان مهاا تعبت روحها من الدراسه تسكر عنها الكتب وتقعد تسولف معهاا الين تناام مهاا وهي مب حاسه برووحهاا من دخلت ثالث ومهاا مخليه غرفتها وتنام بغرفت نوره .. ـــــــــــــــــــــ الصبح جاه يخبي لنا اسرار منها حلوه ومنها حزينه منها الي يخليك تحلم بصبح الي بعد ومنها الي يوصلك لمرحلت اليآس بس من غير توكلنا على الكريم ما نتوفق توكلنا عليك يارب العالمين.. ... صحت حنان من نومها افتحت عيونها وظلت متمدده على الفراش تشوف اشعت الشمس الي شردت من ثنايا الستاره صوت العصافير الي صار لها شهور ساكنه فوق درشتها كل صبح تقومها من النوم ببتسامه وظلت راسمه ابتسامه وهي تسمع صوتهم انتبهت ان الباب ينطق ظربات خفيفه ابتسمت وقالت بصوت مبحوح من النوم : أدخل يا خالد تعرف ظربته على الباب دوم تكون رقيقه بالصبح ولها ايقاع خاص وما يحب يزعجها اذا صاحيه بتناديه او يخليها نايمه ، دخل وجلس بجانبها فرك يده بشعرها وقال : صباح الورد ت يا كسولة قالت: صباح العسل يا مزعج ضحك عليها وقال : يا سلام رجعت لنا حنون القديمة من رجعهاااا ؟؟وهو يغمز لها افهمت عليه لمت دبدوب ابيض كان ينبها وتنهدت وقالت :باايخ دووم انا حنونا ما تغيرت مااادري ليش محسسيني اني صرت وحش وشرسه ومكتوب على يبهتي ممنوع الاقتراب ؟؟ يرت الحافها وتغطت وعدلت وضعيتها ، قال: حنان صراحه بينج وبين حنون اختي الاوليه مشوار اميال طالعت عينه فتره وهي ساكته وبعدين طالعت خيوط الشمس على سقف غرفتها ، وقالت: ااااهااااا تغيرت جنك ما تدري ولا تعرف ؟؟ قال: لا ادري بس الي ادري عنه مب الي تقصدينه ؟؟ طالعته بنظره تستفهم شنو مقصده ؟؟ وهي تعتدل بقعدتها ايلست على السرير قال: وهو مدنع ويلعب بطرف اللحاف : قالت لي كلشي ؟ حنان حست بخووف ليش ما تدري .. قالت: من هي الي قالت لك شنو قالت ؟؟ لا تقول الغاز تكلم فهمني تونا الصبح استاذ خالد ؟ قال: الي ما تبين تكلمينها قالت : دلال وهي مستغربه دلال شلون كلمته هذا ابوها يا الله تكلمه مره وحده كلمت خالد استحاله قال: اي دلال من غيرها !! حنان شلون ؟؟؟ خالد : شلون يعني كلمتها ؟؟ حنان انتهت حست انها بدوااامه شنو يعني ياويلي لو تدري ياربي هذا يقط اللغاز بس حنان : خالد والي يسلمك تكلم قول فهمني لا تخليني جذي خالد ما حب ان يطول عليها السالفه قال: انا لما شفت حالتج من شهور عرفت ان شكي بمحلهه شكي انج متعلقه بمحمد ولد فيصل جارنا ما حبيت اني اتدخل بعواطفج وبعدين ما شفت انه في سبب يخليني اتدخل وخاصه اني اعرفج عدل مب راعية سوالف بطاليه بس الحب مثل ما يقولون محد يقدر عليه بس من فتره تغيرتي عرفت ان محمد ملج على بنت رفيج ابوووه عرفت انج انجرحتي بس مافهمت ليش زعلتي على رفيجتج ليس الكره للكل ليش التغير المرعب الي صادج صحيح انها صدمه عليج بس شكلج ما عجبني حاولت بكل السبل اني اعرف اشفيج ما قدرت وقبل الملجه بيومين لقيت جوالج وقمت اتعبث فيه لقيت رقم دلال عرفته مع انج مب كاتبه اسمها كاتبه ام عيون كبار ادري من يوم انتوا اصغار دووم تنادينها جذي مع ان عيونها اصغار وايد "حنان تسمع وهي منزله راسها وقلبها يدق بقوه وافكار مثل البحر الهايج مب عارفه شنو تقول او تسوي ويداتها صااارو ثلج " كمل خالد مع انه يشوف حنان صارت مثل الجماد من الخوف خوف من ان تكون ردت فعله قااسيه عارف هالشي لانه محد ممكن يتقبل الي كان يصير من بينهم مع ان مالها ذنب ولا سوت شي كبير .. كمل : خذيت رقمها ودقيت عليها اول مره ما ردت علي طرشت لها مسج وقلت لها انه انتي المتصل مسكينه ما وهلت ادق عليها دقت على طول يوم اسمعت صوتي صار صوتها يرجف من الخوف طمنتها وقلت لها اني ابي اعرف كل شي صار بنج وبينها فهمتها اني اعرف كل شي على اساس انج قايلاتي مسكينه من خوفها عليج كانت تصيح وتحلف ان ما في شي كل لي صار انه اخوي كان يكتب اشعار ويطرشها لها وهي ترد عليه بالمثل بس < <<<هنيه هو بتسم لما كان يتذكر الموقف الي صار يوم قام يسكت دلال ويفهمها انه متفهم الي هي قاعد تقوله والي صار وقالت انه كان يقول لج بشعاره انه يحبج وانج صاحبت اللهام وانج وانج بس هو اعتذر لج باخر رساله وقال يبيج اتسامحينه ادمعت عيون حنان في هلحظه وقالت : شلون كنت غبيه وغطت ويهها بيدها مسكها خالد من كتفها وهزها برقه وقال لها : حنون انت ماكنتي غبيه انت ما عرفتي ان الي كان يصير من بحب الي انت متخيلته مب غلط افتحت عيونها وطاعلت اخوها ورمت روحها بحضنه وصاحت صاحت الحزن الي كانت خاشته عن الكل في قلبها حست انه شال عنها حمل كبير مب قادره هي تشيله مسح راسها اهمست وقالت: خالد والله اني كنت احس بالضياع حسيت بالخوف من الي حولي حسيت اني اعيش كذبه كبيره وحلفت وقتها اني ما اجربه مره ثانيه ما ادخل عمري دوامه ومالها نهاايه .. خالد: حبيبتي حنون بتلاقين وبتلاقين شوفي الحب عمره ما كان بيت قصيده عمره ما كان شعر انكتب وكان حلو لا الي كتب الشعر ممكن يكون حب وصدق ممكن يكون يعيش وهم وهذا الي صار معاج محمد مقدر اقول انه ما غلط بالعكس والله اني حسيت اني بخنقه يوم شفته اخر مره بس ادري انه لو يقدر يمسح الي سواه جان ما قصر واعترف بنفس حق دلال انه حاااس انه غلطان وحنان : اي غلطان اااخ صراحه الغلط مب منه مني انا انا الي سمحت اني اكون لعبت شاعر كل يوم يشكل فيها على كيفه ويتفنن وهو يخط حروفه وان كنت مثل اللعبه الفرحانه بفستان جديد راقي وحلو ارتفعت من صدر اخوها وقالت تصدق يا خالد اني اعترفت حق نفسي من شهرين من بعد ما ابتعدت عنه وقدرت اني اصدق الي صار عرفت اني ما يوم حبيته هو حبيت ارواقه وكلامه حبيت حبر ما حبيته هو حبيت احساس كااااذب مب هو عشان جذي كرهته وكرهت نفسي لاني انا قدرت اخدعه بالورق مثل ما هو خدعني وصدق اني حبيته بس الي ذبحني يوم شفتكم كلكم تصرون ان اتزوج حسيت اني ابي اصرخ ما اقدر توني طالعه من تجربه ابي ارتاح منها بس مب قادره خفت اقول خفت اقول انلام واتعاقب واصير انا الجانيه والمجني خالد ابتسم لها ومسح بأصابعه الطويله دموعها ورفع خصل شعرها عن ويها وقال لها : الحين عليج ترمين كل هاااي وراى ظهرج .. وما تفكرين فيه خليه مااضي ونسيه ماضي تذكرين بحلوه ومره وتبتسمين عليه في يوم من الايام حنان : خالد صراحه انا حاااسده عمري عليك والله لو الف الدنيا كلها ما القي اخو مثلك والله ماألقي ونبح صوتها وصاحت خالد: اشووووووووو لحين ما ابي ادموع اسمعي دلال حرام عليك ما لها ذنب ما عرفتج ظالمه ؟؟ حنان : صح مالها ذنب والله مشتاقه لها والله مشتاقه لها خالد: وهي بتموت وجيج مسكينه كانت تتمني تكون معاج في كل للحظه في ملجتج لو سمعتي صوتها تعور قلبج حنان وبلاؤم عورت قلبك رد هو مسكين ما يدري شتخطط عليه حنان : اي والله عورت قلبي انتبه لشكلها تلون ويهه وقال يله دقي عليها الحين قالت ببتسامه عريض : بعد ادق عليها الحين اي يا شيخ بس تعال انت متأكد ان دلول كلمت ما اغمي عليها وهي تتكلم هذي خجوله من قلب تكلمك انت مره وحده شلون صارت خالد وهو واقف قالك والله عشاااانك سوت الي ما سوته بحياتها يله راضي رفيجتج صدقيني دلال ما تلاقين مثلها ما دافعت عن اخوها كثر ما دافعت عنج هي ما صدقت خبر قامت وخذت التلفون وقبل لا تتصل قالت له استاذ يله برع عشان اكلمها انقهر من قلب يعني شفيها لو كلمتيها وانا موجود بس ما رد عليها طلع وهو وده يرد ويقعد ويسمع شنو بصير وقبل لا يطلع رد بسرعه وهو يأشر حنون تعاااالي عصيري ليش شربتيه انت تدرين هذا النوع ما القاه الي "بستي" وانا واحد مب فاضي اروح كل مره اخذه من هناك وانتي تين تشربينه والله الي شفع الج امي امس يوم قالت انج ما تههنينتي فيه وشرقتي قالت : تستاهل والله يوم اني ترجيتك امس وقلت لك اقعد صرت رزيل وما قعدت بس والله ما تهنيت جنك داعي على يشربه "ان يوقف بلاعيمه وما ينزل يما منك" اقحطه بخيل حدك..... خالد : هههههههههههههههه اي عبالج بخليكم تتهنونن ،ولا تقول بخيل وهو فاتح باب الغرفه شمي عطري حاشر المكان هذا اخوج ما خلا عندي عطر محد يخلص عطوري غيره وهو طلع ...يتزهب لهوشه مع جاسم طبعا هذا شي طبيعي كل صبح الا جاسم ما خذ عطري او لابس ازراري اليدي خالد لبس غترت جاسم المكويه ويطلع وتصير حوشه عريضه قبل الريوق وخرتها كل واحد يرضي بلي صاير ويقعدون يكلون وهم يسلفون وكان الي صار ما صار !! حنان اضحكت على اخوانها امسكت التلفون ودقت على دلال دلال طبعا صاحيه من الفير صلت وقعدت كلعاده لان دوامها بيتدي بدري من الصبح جدولها هي حنان دوم مثل بعض الرباعي حنان ودلال وغلا ومريم لازم يكنون مثل بعض ما يتغيرون الجدول واحد دوووم .. دلال شافت رقم حنان افرحت وقالت اكيد خالد كلمها ابتسمت وقالت اااه الحمد الله حنان ك صباااااااااااااااااااااااااااح الخير يالحلوه دلال وهي خانقتها العبره : صبااااااااااااااااااااااح النور يا احلى وحده حنان : دلول مشتااااااااقه لج تروحين معاي الجامعه دلال : اناااااااا اكثر يالبايخه اي اروح ليش ما اروح انا يحصل الي اروح مع العرووووس حنان : ياالبايخه انتي تدرين والله لوجيتي يوم الملجه ودخلتي وعطتيني بكس على ويهي وبستني جان فرحت اكثر منهم كلهم دلال: لا والله مب انت الي قلتي ما ابي اشوفج او اسمع صوتج وهي تصيح "دلال بنت حساسه ما تستحمل" حنان اسمعتها تصيح : دلال حبيبتي والله انا اسفه اعذرين ارجوووك خلااص دلول عشاني عشان حنون الدبه دلال ابتسمت وقالت خلاااص ما في صياح والله لو تقولين لي مره ثانبه ما ابيج اجي عند والزق فيج واقول يله شلوني اذا تقدرون حنان : لا عيب انا عروووس الحين شلون تلزقين بعدين ريلي يشوفج ويطلع عيونج الوساع ويغرم فيج وانا اطلع صفر على الشمال دلال : ههههههههههههههههه لا تخافين مني ولامن عيوني فديت عيوني مب كبار مب شايفني اي عنده حنون" ذات الشعر الاحمر الرائع "شلون يطالعنا حنان صارت تلكم عن نفسها وعن انها عرووس بسلاسه وما تحزن بحزن هي استغربت من نفسها بس حبت الموضوع حنان : انزين يله يا بالبطه روحي اجهزي فطام ما البس واتريق واكون عندج كلها نص ساعه الساعه سبع ونص عندج دلال قبل لا تسكر حنون من بوديج حنان على الاغلب ابوي او امي خالد طبيعي رايح الدوووام وجاسم اخر المستحيلات ارتاحت دلال وقالت خلاص انا جاهزه انتي خلصي و مريني اطلعت في الصاله بعد ما اسبحت ولبست تنوره بنيه وبدي سكري عليه نقش خفيف على الاطراف كان لبسها دوم عاادي وهاي الي تروح فيه الجامعه خاصه وانها ما تفصخ العباه دوم عليها لانها ترتاح اكثر بالعباه ما تقيد اطلعت شافت خالد يتريق وجاسم وامها قالت: صباااح الخير الكل التفت عليها وقال صبااااااح الخير ام حنان الله يفرحج دوم مو يوم يله ايلسي تريقي حنان : يما ابوي وين ؟؟ ام جاسم : طلع كان مستعيل خالد بوديج الجامعه لفت عليه تري بنمر على دلول وبناخذها معانا ام جاسم : تراضيتواااا حنان وهي تشغل عمرها بالاكل هزت اسها بالاجاب ما تكلمت .. خالد: انزين لا تاخذين راحتج علي دوووام بدري يله خلصي بسرعه خذت كوبها وقفت وقالت خلاص باخذ الكوب القهو بس يله استاذ متأخر قوم خذ الملف معاك السياره طلع الملف وقال ووعليه هلملف متعبج مسكينه طالعته بنظره خطيره وقالت اشوف جدااامي يله لا اتاخر على الجامعه يله خزها بذيج النظره وقال لا والله بعد جدامي وهوياشر بصبعبه هي تسوي جذي دووم مع ابوي طبعا امها صفت مع خالد وقالت اي ما تدري عنها يا انه يشوف دلع وتاوه وتعابناه وشوي ابوك يشلها عشان تركب السياره حطت الكوب على الارض وصرخت ياااااااااااه كل هذا شايلنه بقلوبكم طلعوه ليش خاااشين وقامت تصنع الصياح وقالت بصوت عالي وينك يا جاسم وتشوف الي يسونا فيني محد بهدنيا ما خذ حقي غيرك الا جاسم طالع من الصاله وهو مار بالممر التفت عليه ومدت يدهاا جااااااسم اخوي الغالي جاااااااااااااااسم هو مد يده من بعيد وقال حنااااااااااان اختي الغاليه حناااااااان نضرت استخفاف من خالد وقال : ايه الفلم الهندي بداااااا ميرررررري وراجوووووووووه وهو يقلدهم سمعته حنان اختنقت بضحكتها وضلت تضحك الكل ضحك عليهم كان فعلا فلم هندي حنان انزين يا استاذ يله خلنا نروح الحين دلول بتولول بنتاخر وتسوي سالفه خالد انزين يله طلعووووووا من البيت ..اخيرا قبل لا يبدون سالفه ثانيه مثل كل مره قبل لايطلعون يتأخرون بس عشان افلامهم الي تستوي عند الباب :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::: يلس جاسم بصاله وهو يشرب قهوته رفع عينه لقى امه سارحه في ملامحه ابتسم في ويهها وقال لها : شفيج يالغاليه جذي انا حلو او اذكرج باوالد تراه قال انه مب متاخرعلى الغداه ام جاسم :انت ماتيوز من سوالفك << استحت جاسم : هههههههههههههه يا حليج تستحين عااادي قولي انج تحبين ابوي عاادي ما فيها شي ام جاسم :جسوووم يله تسنع عااد جاسم : هههههههههههههههه اسكتت وردت ملامحها سارحه قرب منها وقال: شفيها القمر شيفكر فيه طالعته وقالت : فيك قال: شفيني جني البخت اهبل قالت: كم عمرك اليوم جاسم فهم عليها بس حاول انه يتجاهل ليش تحسين اني كبرتج قالت بأصرار: كم قال: آآآه 33 قالت: له متي ناوي تعرس قال: ماااابي تدرين اني مااابي ام جاسم قربت من ولدها ومسكت يده وقالت جااااسم هي راحت مايصير تحبس رووحك في ماضي خلاااص لازم تنسي شيخه، شيخه راحت وانت لازم تعيش حياتك جاسم كشر بويها وقالت وهو قايم يمااا حرام عليك يعني لازم تذكريني عطها ضهره لانه ما يبيها تشوف الدمعه الي طفرت من عيونه طلع من البيت وهو يحس ان يبي يشرد حق مكان ينعزل فيه مع حزنه ودموعه وخيال شيخه الي ما غاااب عنه دقيقه شيخه الي هي حبه وروووحه وحياته الي انتهت يوم انه فقدهاااااا شيخه حبه الجميل كمطر صيف خاطف جميله ورقيقه شيخه بنت خالته الجميله ماتت في حادث وهي راجعه من السفر من السعوديه كانت طول الطريج وهي تحلم بفستانها الي جابته معاهاااا تحلم شلون بيكون شكلها وهي لابسته شلون بيكون ؟؟ خلاااص يوم انهم قربوووا من احدود قطر وبعد ما طلعوووا من جماارك السعوديه سوووا حادث الكل طلع منه بخير غيرها هي دعمتهم شاحنه كانت الضربه صوبها فماتت على طول ماتت ... ابوها طلع من السياره وبعد معانه مع اكثررمن واحد انه يفح بابها الي ما قدرووا يفتحونه الي بعد طلعت رووح لقاها ميته والدم خر من راسها كان يهمس شيخه يباا قومي شيخه بس شيخه راحت عن ربها .. وقفت من بين السيارات لي كانت واقف وما كانوا وايد لان الدنيا كانت ليل وكم سياره بس وقفت سياره توها طالعه من جمارك قطر نزل منهاكان فيها اثنين كان جاسم ورفيجه مسافرين وقف عشان يساعد وهو يقول لا حول ولا قوه الاب الله انشاء الله ما في شر ما كمل كلمته عرف ريل خالته بو سعد عرفه على طول قرب منه وهو يهرول شا فها بين يدينه وقف لحظه يستوعب الوضع قلبه بدى يظرب بقوه ومعااد يحس بريوله طاح على اركبه وهو يهز راسه لااااا الاااا شيخه لااا مسكها من جتوفها وهو يهزها بقوه.. لحظه صوته اختنق وختفي قام يحاول يتكلم شيخه .. شوويخ . شيخه حبيتي.. شويخ.. قومي انا جاسم حبيبج شيخه لف على ريل خالته الي كان واقف والعبره خانقته ويده ترجف من الحزن لف عليه جاسم وقال له بو سعد ليش ما ترد ؟؟ قولها تكلمني بو سعد قوووول لهاا ترد يتكلم مثل الياهل وهو مختنق بدموعه ورد يكلمهاا شوواخ حياااتي ارجوووج قومي وهو يميل راسه ويتكلم بحنان وهدووؤء قااتل والدمووع سايله على خدووده وهي لين الحين بين يدينه ... انت قلتي هذي اخر سفره مب مسافره بعد شويخ اررجوج انت قلتي" حبيبي هذا اخر مره اسافرفيها وبرجع وبقعد في الدوحه معااك مب مخليتك كلش ارجوووج شيخه انت وعدتي يله عاااد ارجووج قومي لا تخليني برووحي وهو يصيح مثل الياهل الصغير قرب ابوها منه وهو يهز من جتفه ويحاول يبعده عنها ويقول له جاسم تعوذ من بليس خلاااص ارحم امهاااا شوفها شلون حالتها اممها صارت مثل الجماد مب مصدقه ان بجرهاا واول فرحتها راحت مب قادره تصدق ان شيخه مااتت جدامها ، امها قربت وهي تهمس ومب مصدقه او مب راضيه تستوعتب انهاا افقدت بنتهااا قالت بهمس : شيخه شيخه شيخه شيخه .. شيخه مااا ترد ليش!! قامت تسأل ريلهاا وعلا مت تعجب على ويهاا ؟؟ قربت اكثر وقالت وهي تشوف ملامح بنتها مدت يدها ولمست بأصابعها ويه شيخه الي تارسه الدم وقالت: مااتت لا صح ماماتت بتقوم اكيد بتقوم لا شيخه يماا قومي قولي لهم انج بس كنتي راااقده وهي رافعه راسه وتهز جتف جاسم الي ما شال عينه عن شيخه جاسم يمه تدري شيخه نايمه اصلا اتعبت ونامت وردته تشوف بنتها الي غرقا دم ايه ايه .. "كانت طول الطريج تكلم عن عرسها شنو بتسوي وشلون بتطلع وتقول يمااا تدري احلى شي في العرس شنو اني بكون مع جاااسم التفت على جاسم وهي تهز راسها : اي كانت تحبك وووايد دوم تطري على بالها شيخه كاهواا جاسم التفت على الجثه وهي تكلم بنتها شيخه مب انتي سندرتني كل دقيقه بدق على جاسم او يما جاسم شنو سوي الحين يماااا شويخ جاسم كاهوو يمج قومي عااد قومي " وجاسم يصيح مثل الياهل وهو ماسكها ومخلي راسه قريب من صدرها لمها بقوه مب راضي انه يهدها شيووخ جاسم اهنيه قومي شيخـــــــه ..صرخت امهااااا بأعلى صوتها سمعت البلادين حزنها وغمى عليها بعدهااا شلها بوسعد وبعدها و جات سيارت الاسعاف وشل من يد جاسم شيخه والدم يقطر منها دخلها بيديه سيارت الاسعاف وبعد ما شلتها السياره قعد على الارض مثل المشلول وصار يصيح وينوح مثل الياهل ويقول شيخـــــه راحت راحت حبيبتي قرب رفيج وشله من الارض وهو بين يده مثل الطفل الي فقد امه ماتت شيخه بين يدبنه شلون ينسي حبه الي ماااااات وذبح بموته قلبه ،نسيان شيخه صعب صعب ينسى ضحكتها صعب ينسي صوتها الي الين الحين يرن بذنه مثل الموسيقى العذيه كل ما اشتاق لها دخل غرفت وسكر باابه وضل يطالع صورها ودموعه على يوهه مب قادر انه يوقفها ... 8 سنين الين اليوم ما قدر ينسي فرحته عمر الي انذبحت بلحظه .. ما قدر.. ليش يمااا كل ما نسيت تذكريني ليش !! ليش كل ما قلت بكتم صرختي بقلبي تردين تفتحين الجرح ااااه يماااا ودمعت عيونه وهو يسوق السياره ادمعت وحس انه مب عارف وين يرووح ظاقت الدنيا بويه مشى كان مفروض يروح الدووام لكنه خلاص صار مب قادر يشوف حد ،غير اتجاهه ومشي شمال صار الشوارع تمشيه وتوديه وهو مب عارف وين رايح لقى نفسه على البحر باخر قطر لقى رووحه مشاهد البحر صرخ بأعلى صوووووته شيخـــــــــــه ورد الصوت له قعد على الرمل وقام يصيح مثل ما صاح اول مره يوم كانت بيده وهي ميته صااح ومحد حوله يواسيه جفت دموعه وضل قاعد على الرمل وهو سرحان باحلى أياامه الي خطفها الموت ما تحرك من مكانه كان متاكد ان امه بدق عليه سكر التلفون وضل مكانه قاعد ... :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::: الجزء الرابع: البيت بين بيت حنان ودلال مب بعيد كلها خطوتين ويوصلون دخلت حنان بيت بو فيصل اول ما ادخلت البيت مرة على الصاله الي دوم بابها مفتوح لقت ام محمد قاعد بصاله سلمت وقربت منها وباست راسها وقالت لها : شلونج خااالتي مشتاقه لج ام محمد : الحمد الله ياالجذووب لو مشتاقه لي جان يتي او طلعتي سلمتي علي يوم اني عندكم بالبيت حنان سوت عمرها ما تدري انها كانت عندهم مع انها تدري ان كل يومين تمر على امهااالبيت والله خالتي مادري يعني لو ادري انج عندنا جان اخسر شوفت ويهج الصبوحي ام محمد : عيااااااره قولي تهااااوشتي مع دلول عشان جذي ما تبين تجين عندنا اوتشوفيني حنان : ويـــه عاااد انا لو تهاوشت مع دلول بفتكر فيها لا بيج وبسلم الحين دلول تخليني ازعل عليج ااافااا ام محمد : يمه منج يالعياره والله انتو بنات هالزمن عليكم حركات بعد مادري شنقايل شكلها حنان : هههههههههههههههههههه وقربت من راسها وباستها وقالت السموحه منج يا احلى خاله .. ام محمد : مسموحه يالغاليه الله يهديكم بس وهي تبتسم حنان : خالتي وين دلال بنطلع عشان ما نتأخر على الجامعه ام محمد في غرفتها انتي مب غريبه رووحي لها استعيلها حنان ما كذبت خبر قامت وطارت على الدري متعوده عليهم وكانه بيتها من وهم يهال مع بعض بس الفتره الاخيره خلتهم بعاد شوي هي طبعا كانت ظامنه ان محمد مب في البيت لان ما شافت سيارت وهي داخله اصلا ما شافت ولا سياره قالت ااشوه اكيد مسافر مثل كل مره، اركبت الدري وهي تنادي دلال دلالــــــــــ تنادي بأعلى صوتها اسمعت حد ينزل من الدري قالت : يله دلول بتاخر وهي راكب ارفعت راسها لقت جدامهااااا محمد شافته غطت ويها بسرعه بالغشوه ونزلت من الدري وقفت على جنب محمد اول مره يشوف حنان كان يتذكر شكلها وهي صغيره بس من كبرت ما شافها محمد شلونج حنان حنان الي مب متعوده انه يكلمها خذت نفس عميق ودرت بثقل الحمد الله بخير محمد : تبين دلال؟ حنان في قلبها اي اكيد ابي حنان عيل انت شبيبك ؟ قالت: ايه ممكن تناديها بنتاخر محمد : حنان ممكن اكلمج شوي ؟؟ حنان : في شي ؟؟ قال : الحين ماينفع ممكن اكلمج عقب بالتلفون ؟؟\ حنان استغربت : ومن متي بنا كلام اعذرني ما اقدر ولا تفكر اني في يوم ممكن اكلمك محمد : والله ما اقصد شي بس كنت ابي اوضح لج الي صار حنان وبضحك استهزاء:الي صار ليش انت الين الحين تذكر كان كلشي حركات يهال الحين كبرنا انت تزوجت ورحت بطرجك صحيح مبرووك وان بعد تزوجت خلااص انسي احسن لك والي ؟؟ دلال كانت ووقف على اعتبت اللدري الاخيره وسمعت الي دار عرفت ان حنان تبي ترد الضربه حق اخوها بستهزاء الجاااذب وهي تعرف رفجتها عدل وتدري انها اخر شي ممكن يصير انها تنسي بهسرعه بس تقدر تسيطر انزلت بسرعه لقت اخوها والدهشه بملامحه بس سوت روحها ما شفته وسلمت على حنان بشوووق حنان قالت لها انها بتنتظرها بالسيار لي تلبس عباتها هزت راسها دلال افهمت انها تبي تبعد عن المكان بسرعه محمد : دلول صج حنان تزوجت دلال : ايه املجوا عليها من فتره ليش ؟؟ محمد شلون ليش انت تعرفين دلال وقلبها محترق : لا والله واعرف انك قلت لها انها تنساك وتشوف طريجها محمد : لا والله هذي الي قالت تحبني وما تقدر تخليني دلال: لا في حياتها ما قالتا وانا اكبر شاهده على الي كان يصير ما عمري سمعت حنان قالت هالحجي محمد : بس تدرين اني ابيها دلال: البنت قدرت تنساك وانت بعتها وانت الي خسرتها خلها بحالها يا محمد دامك شفت طريجك دلال: ما عندي وقت اضيعه الحين بكلااام ما منه فايده ماابي اتاخر على البنت يله وهي طالع كانت تكلم مع اخوها برووود حااااد وهو محترق محمد بعد ما طلعت دلال من عنده شلون جذي طبعا محمد غروره خلاه يظن ان الي تحبه لايمكن تنساه غروره نساه انه لعبته وكلاامه الحلو ما يقدر يغري كل الناس لعبتك اكشفتها حنان وعرفت انها ترد عليه بنفس الطريق وتكسر غروره انقهر واول مره يحس بطعم الهزيمه طبعا طعم الهزيمه ليش انه حنان البنت الوحيده الي ما عطته ويه ما قدر يوصل لها الا باشعاره بكتاباته ما قدر انه يكلمها بنفسه !! حنان ماكانت سهله مثل الي قدر يخدعهم ويوهمهم بحبه المزيف عشان جذي حس بالانكسار الي ذبحه من قلب .. طلعت دلال من البيت واول ما انتبهت ان الي سوق خالد ارتجفت واستحت عدلة غشوتها وقعدت بالسياره وهي ودها تذبح حنان كانت موصيتها انها تقول لها من بيوديهم بس الحين ما ما تقدر تسوي شي سلمت وسكتت . خالد صار ويه فجاء احمر وارتبك حست فيه حنان وظلت تشوفه من تحت الغشوه شفيه هذي صار جذي والله طلعت مب هين اخينا طلعت تحب والله فله خالد يأخذ دلال خجول يا خذ خجوله يبون خجل صغااااااره اضحكة وانتبه خالد انها تضحك قال :لها وهو يهمس شفيك ؟؟ قالت وهي تهمس عشان ما تسمع دلال : لا بس شكلك يضحك خالد عصب وقال ليش شايفتني ارقص حنان ما اقدرت تضبط رووحهااا :هههههههههههههههههه بصوت عالي وعشان ما تحرج اخوها شغلت المسجل كان شريط عبد الكريم عبد القادر موجود خلته ما غيرت وضلت تسمع الشريط وهم ساكتين بس فجاء اسمعت اغنيه علت على الصوت شوي وهي مركزه كانت تقول الاغنيه : بسيطه بكره تتذكروتعرف قيمت احساسِ .. وتبجي دم مايلم من كثره .. وتتحسر على الاعشره .. عدد شعرك بعد ما اروح . واغادر عالمك مهزووم .. بلايا روح بقايا جروح ياروحي طوها الهم ..وتعرف قمت احسااااااس بسيـــــطه ........ خالد حس على اخت الي كانت مندمج وسرحانه دلال الي شافت الي صار من شوي قلبها عورهااا وتمنت انها ما كانت موجوده ولا كان الي صار من طرفهاااا لما حنان اسمعت هالبيت ردت عاادت المقطع مره ثانيه : حبيي كنت قبل اعرف تفاصيل الشعور الي خذا قلبك قبل لا تغير اسلوبك .. وتتغير على قلبي وتلعي بي كأني اكبر اذنوبك ؟؟ خالد خلاااااص ما قدر شافها شلون مندمجه وفي عالم ثاااني قام وبغير الشريط حنان ما اعترضت لانها خلاص مب قادره اكثر تستحمل الاغنيه جات على الجرح ... قام يدور على شريط يحطه مدت يدها وختارت شريط حق كاظم الساهر خالد يحبه واايد شغلته بدا كاظم يغني: صب لي من ادك ماي ورد عطر يخليني انسعد يا اهلى الهوي خبروني شفتوا ورد يطلب ورد اه واه من راسي كل البلا من راسي دايخ يفكر بيها ويقول ما عندي قصد.. خــالد: ابتسم وقال بخاطره اي كل البلا من راسي حنان بتسمت يوم شافت اخوها يدندن بصوت وواطي واصابعه تلعب على السكان وهو يسوق بحلحظ رن جولها شافت الرقم ما عرفت من متصل ردت : الوووو المتصل : صبااااحكِ سكر حنان وبهبل تسوي عمرها ما عرفت من المتصل بس عشان الاحراج من معاااي تركي : ااافاااما عرفتي صوتي ؟؟ يله مصيرج تحفضينه وما سكت وليش ما خزنتي رقمي عندج حنان بثقل : نسيت تركي نسيتي اشك ما تبين قول يله الله يعين قلبي عليج حنان وهي تقلد صوته وحامده ربها ان المسجل شغال عشان محد ينتبه لها مع ان خالد خلا الاغنيه وركز معها ودلال مب احسن منه الله يعينه تركي: هههه يحليج شلونها عروسي اليوم حنان تضحك عليه بسرها بس تتكلم معاه بثقل : الحمد الله تركي : وانا بعد الحمد الله حنان اضحكت ماردت اكتفت :مممممممممممم تركي : هذا يعني : الحمد لله انك بخير كنت أفكر فيك طوال لليل قالت: لا تتخيل وووايد يعني كم .. وسكتت فجا تذكرت أنها في السيارة تركي وينج الحي شكلج بسياره حنان: اي رايحه الجامعه تركي ضحك وقال اشوفج ما كملتي كلمتج ممم يعني قمتي من وقت وانا المسكين الي خايف اصحيج من نومج طلعتي مثل العصافير تقومين من الفير حنان في قلبها يحليك عصافير ..بس ماردت تركي : انزين ما سالتيني شبغيت حنان : هااا اي صح شنو ؟ تركي بهمس : مشتااااق لج وحبيت اسمع صوتج واقول لج صباااحكِ سكر على قولت كاظم الساهر حنان:............................................. ........................... تركي وهو يسمع صوت المسجل بوووو طلعتي مثل تحبين كاظم حنان جذبت وقالت : لا خالد اخوي مب انا تركي : اااهااا اسمعيله ترى وووايد رومنسي حنان : مممممممم معلومه تركي : اي مفيده ترى تفع وهو يضحك ضحكه شريره حنان افهمت مقصده قالت: خلها لك تركي : انا مستفيد ودووم اجدد الاستفاده تبين تختبريني حنان : اووف شلون تركي : "تلك الجميله كيف اقنعوها اني بها معجب بيها معجب" حنان سرحت تركي : "قولي لها تمضي برحلتها فلها جميع جميع ما ترغب" وهو يشد على اخر كلمتني تركي :حبيبتي جربتيني حنان : ................................ تركي عرف انها استحت تركي فديتها الي استحت والله خاااطري اشووف خدودج تلاقينهم الحين موردين حنان الي خلاااص مب قاادره تستحمل من الحياء قالت في قلبها شفيه ذي ما صار له يومين وجذي يسوي بعد جم يوم شن بسوي ردت بسأسلوببها المعهود بس بصوت واااطي خايف خالد يسمعها : لا بس انت مسوي روحج العندليب الاسمر وقاعد تغني صدقت روحك قلت يا بنت اسمتي عنه حراام تكسرين خااطره مع اني خفت ان كاظم يعتزل بس حمد ربي انه ما يسمع تركي: هههههههههههههههههههههههههههههههههههههههههههههههههه هههههههههههههههه والله انتي تحفه انزين ما اطول عليج الحين اصلا باين انج متوهق ما تقدرين تردين عدل صوتج شوي وينبح من كثر ما انتي مقصرته تلاقين الي حولج بموتون ويعرفون شتقولين الحين عبالهم قاعده وطايحه غزل فيني يا عويني مايدورون اني قاعد اسمع تعلقات عسل علي حنان صارت مثل الجمره الحمره يوم انه نبها انه ممكن يعتقدون انها قاعده تتغزل فيه تركي يله مع السلامه وسلامي علي اخوج حنان تنحنت وقالت مع السلامه سكرت من هنيه اسمعت خالد يقول لها حفظي الرقم حنان بدوون نفس بل صاادني انزين خزنت رقمه بأسم ثقيل الدم عجبها الاسم وضحكت خالد عرف انها حطت له نك لانها دوووم تسجل الاسامي بلاقاب الي تناديهم فيها وتأكد انها حطت لقب بايخ لانها اضحكت ربع ساعه من البيت الين الجامعه وصلوا الجامعه اول ما نزلوا دلال امسكت يد حنان وهروله سريعه على المحاضره باقي ربع ساعه وتبتدي اول ما اخلوا القاعه شافوهم غلا ومريم ابتسمواوقالت غلا اوووف الحمد الله انكم تراضيتوا تري كنا مجهزين لكم شي يسنعج مريم : عنبوا غيركم شهرين ونص ما تحاجون بعض شنو ليكون حنون خذت ريل دلالول حنان : اصحح معلوماتج يا ام اللسان ثلاث شهور ونص شهر كنتي انت مسافره وبعدين دلول و تاخذ ريلي كنت انا بستانس لانها بتكون معااي اربع وعشرين ساعه على اربع وعشرين غلا: حجي بنات اتحداج اصلا بس لو تمدح الحين جمال لاخ تركي جان خزيتيها بذيج النظره القاتله حنان : ههههههههههههههه اي هاااعيل بس حجي شفيج تونا متراضين دلال: اي ما سمعتوا شقالت الي صبح اقولها بلزق فيج حتى لو قلتي ما ابيج قالت لا عيب بعدين يشوفج ريلي لاا وياخذج وخليني غلا ومريم :هههههههههههههههههههههههههههههههه مريم : اقلولكم هذي عياره بس ما تصدقون دلال: فديتها انا العياره دخل الدكتور وسكتوا ونتبهووا لشرح وكل ساعه مريم تعلق على الدكتور وتكتب على ا الاوراق تعلاقتها وطرشها حق حناان حنان تزيد وتعطيه غلا الي ما تقدر تمسك روحها تيتضحك بس تبلعها فيها طرد وفشيله جدام البنات ودلال الي تموت من الخوف لانهم يحطون الاوراق على طولتها وهي تصير هي الملغمه لو يقرب الدكتور من طاولتها قري شكاتبه جذي على طول هم مع بعض ما يوم تغيرووا.. الله لايغير من بينهم آآآآآآآآآآآمين انتظر الردود الحلوووه تحياتي لكم : مينون الحب وانشالله باجر التكملة وسامحوني اذا تاخرت عليكم Link to comment Share on other sites More sharing options...
الحلاوة Posted أكتوبر 29, 2006 Report Share Posted أكتوبر 29, 2006 ثنكس واااااااااايد اخوي Link to comment Share on other sites More sharing options...
هدوء الفجر Posted أكتوبر 29, 2006 Report Share Posted أكتوبر 29, 2006 ثنكس واااااااااايد اخوي Link to comment Share on other sites More sharing options...
Recommended Posts