JeNeYa Posted نوفمبر 9, 2006 Report Share Posted نوفمبر 9, 2006 يسلموووواااااااااااااااااااااااااااااااااااااااااااااااااا ننتظر الباقي لا تاخر بلييييييييييييييز Link to comment Share on other sites More sharing options...
مينون الحب Posted نوفمبر 9, 2006 Author Report Share Posted نوفمبر 9, 2006 طلع محمد بعد ما بااااس لولوه على راسها وعدها انه بيرجع وبيده ياااه يديده حياه كلها امل وحب وسعااده حياه كلها صدق وفاء وهدوء من فرحت محمد بعد ما حرق الدفتر اتصل على دلال , وقال لها انه وصل قلب لولوه انه قدر انه يعرف شنو فيها دلال من الفرحه ومن الي سمعته ما قدرت تسكت صاااحت قام محمد يسكتها وراحت فرحانه حق لولوه الي حبت ام محمد ودلال لانها حست انهم عايلتها الي فقدتها وقالت بقلبها الشي الوحيد الي قدمته الي يباااا فااااادني ...... .................................................. ...................... غلا, غلا ,غلا ... "أنت عندي حاجة غير هذي ما فيها كلام عمري وحبي الكبير منت واحد والسلام يعني خذ مني ضمان بختصار وكلمتين .. انت حاجه بهزمن ما تكرر مرتين " ...كلعاده غلا قاعده مع امها واختها الي الاين الحين تنتظر اي فرصه عشان تشوف سعيد طلايقها ومسكينه بنتها سويره 3 سنوات بس من قعدتها مع يدتها صاير حجيها حجي عيايز غلا: سااروووه يا الحماره لعبتي بمكياجي ساره يايه من غرفت غلا وويها كله مكياج الرووج تااارس ويهها كله اونه تبي تقلد غلا ساااره: خاتي حلوووووو غلا وهي شوي وتصيح من القهر: "منــــــــــــــي والله لو ماااشليتيها من جدامي بصفقها لج" "شليهــــــــــــــــــــــــــــااااااااااااااااا اااا بسرعه الحين" منى وهي تخش الضحكه وعاااضه على شفايفها هذي خامس مره تخرب ساره مكياج غلا ولا غلا مسكينه تقول معليه بس طفح الكيل خاصه ان هي توها شاريته يعني مصار لها كم يوم... ساره ردت ما تبي امها تمسكها وهي تغني مااااابيهااا شي غلا : حسبي الله عليك يا كاظم ,جان انك بهدلتني من شافت هالتصوير وهي بيهااا شي وما بهااا اااااااخ ولا تلزق بالشاشه تقلدها مني: ههههههههه غلوي اول مره اشوفج تكلمين عن كاظم جذيه غلا وهي تلف ويها معصبه قصدي حسبي الله على بليسه منى : حشي مب مطرب ريلج هذا غلا في قلبهااااا ماتدرين غلا حبت كاظم من كثرما ياسر يحبه واذا شافت له اغنيه او تصوير تخيل ان ياسر هو الي يقولها لها الاغنيه هههههههه مسكينه غلا : ياااااااااااااااااااااااريت بس ما يصر حوله ملكات جمال بشوفني مني: مالت عليج ما شوف فيه حلا انا غلا : اقول امسكي بنت احسن لج ولا هو رجوله واناقه واحساااااااااااس ااااااه بس مني: استغفر الله العظيم هي انت اعتدلي غلا: هههه شفيج ويهج صااار احمر عااادي يعني مثلا لو ينا نوصف سعيد وبنظرت لؤم لالالالالا ماااايصير صح منى : غلاوي انت تبن اتكفخين<<< عصبت غلا: اسمعيني زين انا صرفت مصروووفي كله على هلمكياج الي خربت ابنتج لا تغيرين السالفه هذي ماااااااااااركه والله اخر ما نزل في مااااااااااك حرام مب مال سوق واقف اااه ياقلبي والله محترق منى : خلاص باااجر اروح معاج الصبح واشتري لج الي تبنه زين غلا: قولي والله ما تقولين غلوي ماااابي اقوم حرام عليج خليني اتهنى بالاجازه منى : لا مب قاايله اصلا انا رايحه اتشري ثياب حق قطوي سوير غلا : حشي مااااااااايسوي علينا هالساره كل يشتري لها من صوب امي انت وابوها الي من يسافر ما يخلي ماركه ما يبها الاميره ساره مب ساارووه الخبله منى وهي تلم ساره بحظنها وباستهاااا على خدهااااا مع ان دهااا كله مكياج : فديت بنتي الاميره حبيبتي هذي ساااره بنت سعيد بن مطر ال.. غلا : ويييييييييييييييييييييييييييييييييييييه مااادري من سعيد وهي تنقز منى تبي تعرف شنو بترد عليها منى : من دووون ماااا تحس مالحج لخستي غلا : ماااااااااااااااااااااالت ملحج انتي انا مالج دخل فيني ولا انت تطلقتي منه ليش منى : وهي ترد حق سرحانها ............... غلا: منوووووه عندي لج خبر بمليوووووووووون ريال منى لفت عليها من غير اهتمام وهي تمسح ويه ساره عن هالروج الي تارس ويها .. غلا : احم طبعا انا رحت لزقت في الباب اسمعها وهي تكلم في تلفون امي ما تدري اني دخبت الغرفه احم احم منى : ايه وبعدين ؟؟ غلا: احم كانت تكلم ام سعيد تقول ان سعيد بعرس منى: هاااااااااااااااااااااااا الصدمه شلتها وحست انها بتموت@@ غلا عورهاا قلبها علي اختها وراحت يمهاااا امسكتهاااا وقالت : منى اسم الله عليج اشفيج تعوذي من بلس بعدين سعيد ما راح بعيد باااايخذج مره ثانيه مني: انصعقت رفعت راسهاااا وظربت غلا على جتفهاااا وقامت تصيح غلا لمتها وهي تضحك ادريبج تموتن عليه بس مادري شلي قلبكم منى وهي تشوف بنتها مستغربه وخاايفه ساره قامت وهي شوي وتصيح مماااتي ليث تصحححين وتمسح ادموع امها لمتها منى وقالت: ما فيني شي حبيبي ما فيني شي غلا : وهي تكمل ولا تقول انه شرى بيت لكم وقاعد يأثثه وبتسكنون برووحكم من دون امه منى على ويهااا علامه تعجب شدعووووووووووووووه !!!!!!!!مستحيل انتِ تجذبين خالتي ام سعيد اخر شي ممكن تسويه انها تخلي واحد من اعيالها يسكن برووحه او يشرب قالاص ماي من دون شورهاااااااا ؟؟ غلا: ااااهاااا عشان جذي ما قدرتي تكملين وتطلقتي وعليه منوووه ما فتكيتي من عبووود ياتج هذي وريلج ما يكسر كلمه امه منى: وهي منزله راسها غلا يحبها هي الي قايمه فيهم من يوم كانوا صغار ربتهم وشقت وتعبت ابوهم ما يدري عنهم شي عااايش في بيت برووحه مع مرته من زماان عشان جذي مايبي يكسر بخاطرهااا وانا ما استحملت قلت ما ابي افرق من بينهم بس ما استحمل انى اعيش مثله اكثر الضاهر ان سعيد قدر يفرق واتخذ قراره اخيرا اااااه غلوي مستااانسه , غلا: انزين يعني بكره مب مشتري مكياج بس ا خليني اتشري الي ابيه وبتسااامه عرريضه تابع منى : هههه لايمه الي تبينه خذيه , بس ما تدرين متى بيون!! غلا : امي قالت انها بتكلم عبووود وبتخليهم يتفقون معهااا وهي كلمته امس وقال خير انشاء الله انا ادق عليهم وبتفاهم مع سعيد خبرج رفيجه مع ان عبود اكبر منه بوايد منى ايه صح هم ربع من اياام الفريج العتيج غلا : ايه الحب منذ الصغر منى: ههههههههههه ماتيوزين سولفج ما تخلينها غلا : فديتني وهي تفرفر بالتلفزيون طلعت اغنيه البنيه انقزت ساااره وقعد جدااامه الشاسه وتغني وتنااااقز وغلا مب احسن منهاا مثلها بس وهي قااعده على ركبها عشان تصير طول ساااره طبعا ساره ويا الالوان والمكياج الغريب صارت جنها لعبه شعرهااا مكشووش لابس بدي غلا يعني عااافس الدنيا بعمرهااا طالع شكلها تحفه منى قامت وقالت حق غلا قومي ابي اصورهاا عشان ابوهاا يشوف اخبالها وصورتهااا وهي تناقز ذكرى حلوه حق ساره لما تكبر تشوف خبالللها وهي ياااهل خلصت الاغنيه على طول جات وراها اغنيه احلااام ناااويلك الا اخوهم عيدالله داخل البيت بالسياره منى : الله يستر غلا: شوفي اي مصيبه يايبهااااا نااااويلنا على نيه شينه شكله منى : وهي تغني : بس انت اصبر شويه اذا ماااااااذبحناااا ما يرتاااح لاخ غلا: تقولين بس يمكن ياااي عاشان سالفتج منى : لا ما اعتقد اذا ما خيس السالفه اسبوع على الاقل مب اخوي شوفي شكله وهو يمشي تحته شي عبدالله وهو فاتح باب الصاله كلها درايش يعني كاشفه الي برع بس تشف فالي برع يقدر يشوف الي داخل لانهم رافعين الستاير الشفافه الي على الدرايش كانو يشفون المطر الصبح وما نزلو الستاير خلوها عشان يتمتعون بمنظر الحووش والشيرر المبلل عبد الله دخل : السلااااام شفيكم طالعوني جذي غلا: وعليك .. لا بس قاعده اقول حق منوووه شوفي الزين اخوي رزه منى طالعتها بنص عين : ايه والله عبدالله تهبل لا تروح الستي ترى البنات بيتيمعووون حولك جنك المهرجين الي بيونهم بالعيد هههههههههههه غلا: ههههههههههههههههههههههههههههه عبدالله :\اها اها لا خلاص ما اقدر يموت من الضحك ... لا تطنزوون حظراتكم اقول وين امي وهو رافع حاجب !! غلا وهي تأشر داخل تعابل الخدامه اليديده عبدالله : اي خدامه متى يبتوهاا وهو شبه مشوط غلا في قلبها : اخيه الحين بعصب لو يدري ان منى يابتها وهو ما دري غلا: لا هذي الله يسلم حنون رفجتي قصدي دلول مسافره ويايبه خدامتها عندي لين ترجع عبدالله الضاهر ماله بارض وعنده سالفه احم طنش وقال : ايـــــه قلتيلي انزين نااديهاا ابيها بسالفه نادتها غلا ام عبدالله وهي تقعد وتحس بألم بريولها سلااام عليكم قام عبدالله وباسها على راسها وقعد يمهااا غلا وهي تهمس حق منى : اقولج عنده سالفه هو ما يبوس امي على راسها لا عنده سالفه ام عبد الله : خير شعندك عبدالله هو يطالع غلا : غلا فااارجي شوي ابي امي بكلمت راس منى : يعني انا اقعد عااادي عبد الله : لا انت فااارجي بعد منى كشرت وهي تمشي اووف هذا ما يحترم لا صغير ولا كبير طلعووا منى ادخلت غررفتهاا اماا غلا قلبها نقزها تمت قاعده تسمعهم من ورى الباب عبدالله : يمااااا تذكرين يارنا بو عبد العزيز ام عبدالله : ايه اشفيه ؟ عبدالله امس يه وطلب يد غلاوي اختي حق ولده يوسف ام عبدالله ك يوووسف ما غيره عبدالله وهو صااد: ايه شوفي انا استحيت ارد الريال قربت بس قلت اقول لكم ام عبدالله : لا تقربه ولا شي يوسف متزووج اربع مرات وعنده بتين صغار وحالته حاله واللكل يشتكي منه عبدالله يمااا انا مب ياي عشان تردين علي انا يااي اقولج علا صوت ام عبد الله : شوووف ياااعبووود غلا ما تززوج يوسف لو شنووو سمعت عبدالله: لا انا قلت للريال اني موووافق ام عبدالله : حسبي الله عليك ياااعبود حرام عليك غلا توهااا صغيره عبدالله وين صغيره كاهي كانت جدامج شطوول وعرض وين ياهل غلا ما استحملت الا عبدالله كان يصارخ وشكل السالفه صارت جد قااامت تصيح وتدعي على اخوها اطلعت منى وشاافتهاااا لمتها لان الصوت كان عالي ومنى اسمعت كل شي غلا بذبحه والله اذبحه منوووه حراااام عليه خلين برووح له لا زم حد يوقفه عند حده منى تدري ان عبدالله بيظربهاا غلا لا تروحين بعورج هذا مجرم غلا خله يذبحني بيده ولا يزوجني طلعت غلاا وهي تصيح وقامت تصارخ عبووووووووووود عبدالله لف عليهاا والشرار يتطاير من عيونه غلا: اسمعني زين لوووو تمووووت ما تزوووجت هذي سمعت عبوود والله مب مبشوووورج سمعتي وبتزووجينه غصب طيب غلا: ااااااه انت تفهم مب متزووجته وان يااا هنيه والله لا سوي فضيحه لك واخلي الدنيا كلهاا تسمع عبداللله : وهو يارها من شعرهاا غلوي لا تطولين اللسلنج احسن لج يوسف بتاخذينه بتاااخذينه مب بكيفج ام عبد الله : عبوود هد البنت وهي ماااسكه يده ومنى تيره بس وين عبدالله نثرهم جنهم اللعاب وطاح تكفخ في غلااا وغلا تصرخ من اللام غلا: يااالخاااااايس روووح زززوج بنتك الاميره النائمه ليش ياهل هي كااهي اكبر مني هني قدرت تشرد من يده وقفت عند باب الصاله و بعيد عنه ايه مااا تقدر تقول شي ومدام سعااد ما تقدر ترفض لها طلب لا وين انت ترفع رااسك عليها انت اعتقد انها بعد تكفخك وانت ساااكت عبدالله ين يوم سمعهااا : جـــــــــــــب يالخااايسه ورااح يبي يظرهااا هي افتحت الباب واشردت في الحوووش وقانت تهدد ان قرب لا تصارخ وتلم الفريج بس عبدالله مب هاامه يرهااا وسحبهااا من شعرهاااا ودخلها وقام يدووس بطنها ويظربهاااا وبعد ما طلع حرته كانت غلا شبه ميته تحت يده ومنى لامه ساره ال مااتت من الروع وام عبدالله الي طاحت على اركبها يم بنتها وهي تحسب لى عبدالله : الله يااخذك يالخايس يااعلك ما توفق ذبحت البنته بيدك ما يسوي عليها وعرس ما هي معرسه والي تقدر عليه سوه رووح حق مرتك احسن لك قبل لا تزعل روووح ماا ابي اشوف رقعت ويهك عبدالله : يسلم راسج يم عبدالله هالخايسه بتااخذ يوووسف غصب عنكم ام عبدالله : جب لا ني ام عبدالله ولا اعرفك روووح غلا : يماااااااا خليه يطلع الخااايس عبدالله قرب ورفسهااا وقال : انت لين الحين تحجين ماااا تنجيبن ياللعينه غلا :وهي تبتسم من القهر اي اتحجي ومحد لعين غيرج تعال كل مره طلع مرايلك علينا هنااااك عند سعااادوووه ماتحجه مالت عليك وعليهاااا يالخيااااس مالت والله لو فيك خير رووح سنع بنت الي كل البنات يتطنزوون عليهااا سنع الجميله الفاتنه 24 سنه وحجابهااااا على جتفهاا عبدالله : الله ياااخذج انت اللعينه لا تحجين على بنت هي احسن منج ومن اشكالج يا الخايسه والله انت تبين تنذبحين اليوم غلا : والله مب كفوووو ما تقدر بعدين تفشل سعااااد هااانم وونتسجن وتطلب الطلاق عااد انت ما تقدر عبدالله رد مره ثاانيه يظرب غلا ظربهااا لين ماا شبع وهي تصرخ اذبحني وفكني من شكلك احسن اذبحني ام عبدالله : غلا الله يرحم والدينج اسكتي عنه خليخ يفاارج خليه يفكنااااا منى وهي تقدرب وتحاول تشيل يده عبووود فج وطلع حشي انت مب صاااحي ليكون بس سكراان عبوووود حد البنت اقولك عبدالله : وهو يدز منى وكفخهاااا بالكرسي فااارجي انتِ احسن لج غلا سكتت مب قادره تتكلم خلااااص شبيه مغمي عليها تخدر جسمها من الظرب صار ساعه وهو يظربهاا اخرتها رفعهاا وحط وبه بويهااا سمعني يا غلووي بتزووجينه يعني بتزووجينه غلا ماردت ابتسمت وهمست : لاااااااااا وبعدهااا اسكتت ومااا تلكمت اغمي عليهااااا وطاحت بين يده هو دزهاااا ورفسهااا وهيدد وهو طالع وسكر الباب بقوووه طلع عبدالله بعد ما دمر المكان ساره الي كانت راسمه بسمه على المكان تصيح منخشه تحت امها الي طايحه على الكرسي تصيح مب عافه شنو تسوي وام عبدالله الي تحاول تقوم غلا اونها ترد عليهاا غلااا المسكينه طاايحه مغمي عليها اجرم فيها اخوها الي مفرووض يكون عونها وسندها اخوها الي مفرووض تحتمي فيه ام عبدالله : غلا يماا ردي علي غلااا يماااا ردي منى منى تعالي شوفيها ليش ما ترد قامت منى تركض خافت تكون ماتت بين يده شلتها بس غلا جنهااا خلقه طايحه ما تحرك رن التلفون ساااره من الخوف ردت على لتلفون حنان: الووووو ساااره وهي تصيح خااتي قلووووياااا مااااتت حنان : ساااره حبيبي شفيح غلايا شفيهاااا ساااره وهي تصيح بخوووف : خاتي ماتتحلك مماتت ديده تدول ماااتت حنان بدتت تخاااف : ساره وين ممامااا عطني ماايماا عطيني ديده يرت السمااعه ساره لين امهااا وهي تصيح ممماتي انااان اناان تبيج حنان تسمعهم يصيحووون وتسمع ام عبدالله تحاول تقوم غلا خلاص قامت تصيح ا:الووووووووووووووو حد يرد ارجوووكم ردووو ساره حطت السماعه على اذن منى : حنان: الووو مناااايه ردي حراام عليج منى : حنان غلوي بتموووت حنان وهي تشهق حنان :شفيهااا تحجي ..!! منى : من دوون وعي ذبحهااا الي ما يخاف ربه ذبحهااا وطلع حنان : عبدالله ليش انزين ودوهااا المستشفي منى : الدريول خذه الجلب خذه وهو طالع حنان انا يااايه الحين انا يايه سكرت بسرعه وطااااااارت خااااااااالد ارجوووك قووم خالد قووم غلوي بتمووت خالد فز من النوم: الضهر الحين عااد شفيج حنان اهدي حنان : خالد البس بسرعه ارجووك غلوي ظربهاااا وهي مغمي عليها وما عندهم سياره بتمووت اختها تقول بتمووت قوووم خالد تخرع ومب فاهم شي قام من فراشه لبس عل طول ثوبه وير غتته من الشمااعه وطلع كانت تنتظره حنا عند السياره وهي تصيح خالد حازول يهديها طول الطريج وهو يبي يفه شي حنان : خالد هذي اخوها مجرم كفخا متعود انه يدخل يكفخهم ويطلع بس هالمره غير الظاهر ان نااوي يذبحهااا خالد مب مصدق بس يظرب جذي اكيد مسويه شي قوي ؟؟ حنان : هااااا غلا وراح فكرهاا انه صاادها وهي تكلم ياااسر او قرى مسج تقول في قلبها الله يستر وصلت بنت غلا بربع ساعه لان خالد كان طاير بسياره لين الوكره دخلت حنان شافت غلا والدم ينزل من خشهااا وقف قلبهااا ومن دون ما تحس طاحت على اركبها وقالت الله ياااخذك ياااا عبوود شنو سويت فيهاااا وقامت تشيل رفجتها وهي تصيح رفعت راسها وهي تصرخ يله قموووا بنوديها المستشفي البسوووا عبيهم وغطووو غلا وركبوهاا السياره خالد قلبه وقف يوم سافه غلا طايحه مثل الميته وطول الطريج يسكت من ولا من ام عبدالله تون ومنى تحاول تسكت سار الخايفه والا تسكت روحها وحنان منصدمه جذي في انسان ممكن يكون قاااسي على اخته جذيه حنان: شو سوت المسكينه عشان يسوي فيها جذيه ليش حراااااااام ام عبدالله : ما سوت شي ولو مسويه اللغلط كنت قلت يعلها قالت مااابي اتزووج وياريتها ردت ريال سنع ردت ريال راعي سوالف ومشاكل خااايس وبطالي حنان : اشهقت قلبها بغي يوقف خالد يوم سمع قال في قلبه لو هو جدامي دست بسايره النذل هذيه مب ريال يخشي الاهو .. ودااس بتروول عشان يرحون المستشفي بسرعه دخلوهااا شلوهااا سيده خالد شل ساااره عن امهااا ووخلا حنان معااهم حاول يهديهم ويسكتهم غلا عند الكتور ركبوا عليها المغي ودخلوها اللشعه يقول الدكتو شاك ان عندها نزيف اورتجاج بالمخ ام عبدالله بس اسمعتهم قااامت تصيح ومنى ما قدرت تشيل عمرهااا حنان دارت الدنيا فيها امسكت منى وقالت ادعووو لها ادعوو لها حالتهم تعور القلب خالد شل ساره وقام يدور فيها بسياره يحاجيها ويحاول يلااعبها بيي ينسيها الي صار سااره بعدفتره قدرت انها تسكت وتسوالف تضحك مسكينه كاانت ترجف من الخوف رن الجوال بسياره التفت كان جوال حنان شاف كانت حنان كانت حبيبي ابتسم قال هذا تركي ردعليه تركي: االووو حبيبتي خالد: هههه انا حبيبك مب حبيبتك تركي: هاااا انحرج خلووود شاااايبك على جواله حنوني خالد : يا سلااام حنوني بعد تركي يسمع صوت ساره وهي تغني مع الاغنيه الي براديوواا : خالد وين انت خاد : بالسياره تركي: من هذي عندك ياهال خالدوهو يتنهد : ايه هذي بنت اخت رفجت حنان مسكينه تركي : شسالفه خالد : لا بس غلا رفجتها طاحت عليهم وهم ما عندهم سياره حنان كانت بتموت من الاصياااح قومتي من النوم ويت يتهم زين اتصلت خلني اودي لها الجوال عشان اسال عن البنت تراها مانت منتهيه تركي: شفيهاا .. خالد: هذولي الي بسون روحهم ريايال ويظربون النسوان الين ما ينتهون والله لو جدامي دست بطنه الخااايس العفن تركي : اخوها ظاربها وطالع بل شمسويه المسكينه عسااا مب شي جااايد خالد : ههئ ضحك ضحكه اتهزهاااء من قلبه وقال هزت رجولت ما رضت تتزوج واحد خااايس نفسه \ تركي: محق ريال ,واحد مثله هذا مب كفووووو لا هب بريال يخسي جان انه مد يده على البنته على سبب مثل ويه العفن خالد: اااايه لو تدري خاطر ادوووسه بسياره والله يستااهل يزاااه الذبح لو تشوفها يا تركي والله شلتها من بيتهم االين السياره جنهاا لعبه ويهااا ازرق من التكفخ ما يخااف ربه الظالم تركي: حسبي الله عليه انزين حنون شلونها تلاقيها منصدمه لو تدري خالد لما تسولف عن ربعها شكثر تطريهم وتحبهم ودووم تقول غلااا هذي اموووت عليها وووايد تطريهاا بالخير بس انت ود لها الجوال يمكن يحتجونك .. خالد: انشاء الله كاني راح الحين اوديه لها تركي : مع السلامه انا بتصل اتطمن علها خالد مع السلااامه تركي كااسره خاطره البنت ويحاتي حنان اكيد تلااقها الحين منهاره وقام يتذكر يوم كانت تسولف عنها وعن ربعها وقال الله يعينهم في هالحظه دقت عليه نوره تركي: هلا نورى نوره : هلا تركي تروووكي وينك انت تركي: القايله وين يكنون الناس نوره : ههههه ادري بس ابيك تمرني بيت عمي المغرب تركي: تااامرين نوره حست ان تركي فيه شي : تركي فيك شي خاااالي لا تخش اعرف عدل تركي : ماااشي نوره بمرج المغرب اذا شفتي ياسر خليه يقعد ابي اشوف صار فتر ما شفت ولد عمج هالدب نوره : وين دب لو تشوفه صارفزااعه ..ياسر مجابلها فزااعه من الحب يا بنت العم تركي : اسمعه : ياااااعيني والله اليهال قاااموا يتكلموون ويعرفوون يحبون ياسر اسمعه لان نوره حطتته سبيكر : تركي : يهااال اصغر منك بسع سنين بس بالحب صرت اشطر وتفوقت طالع رووحك عمرك فوق الثلاثين توك تفكر تعرس اما انا فدينتي مفكرالسنه او الي بعده تركي : اوب اوب قم عنهم اكيد المره جااااهزه ياسر : : وهو يبتسم وكأن يسوي دعايه معجون اسنان : ايه بس بقولك بعدين لا تأخر اترياك بتروووووك نوره : يااااااسلااام عيني عينك اسرار هنود اخوج مب هينه هند : من قال هين هذي اسكتي بس نور: هههههههههه تركي : انزين يله اخليكم الحين فمااان الله سكر تركي وعلى طووول اتصل بحنان خالد ودا لها التلفون ونصدم من النتيجه الدكتور قال ان عندها ارتجاج بالمخ بسيط ويمكن تبقى كم يوم او اكثر في غيبوبه تركي : الوووو حناني حنان وهي تصيح مب قادره تمالك روحها : هلا تركي تركي : حنان بشري عن رفجتج حنان : تركي ..... تصيح شااابشر عندهااا ارتجااج وهي مرقده الحين تركي : بلع ريجه وقال لا حول ولا قوه الابالله حنان دعو لها انشاء الله الله بقومها بسلاامه حنان: غلوي بغيبويه تركي ما ندري متى بتقوم حرااااام لي صير والله حرااام تركي: تعوذي من بليس يا بنت الناس هذا حالج شوف امها تلاقيها متقطعه عليها روحي يمهم وخففي عنهم ولا تسوين جذيه اصبر ودعي والله بستجاب حنان :ونعم بالله بس لو بيدي ذبحتها الخااااااااااااااااااااايس العفن هذا ولا امها تسترت عليه جدام الشرطي وقالت اناها طايحه من الدري والله اختها كانت ال اخر شي بتعلم عليه بس امها قالت لها خليه يولي ما نبي المشاكل اكثر الحين الجبان بيشرد لو جرى انه اخته مترقده تركي: والله انه يستاهل السجن الخااايس بس انت رووحي وصبري امهااا وحاولي تسكتينها حنان : انشاااء الله تركي: يالله حبيبتي اخليك ما وصج على رووحج وذا بغيتي شي دقي علي حنان : انشاء الله سكره وظل قلبه معوره النوم ما يا ه وهو يفكر بهلمسكينه والله انه يستاهل الذبح الخايس بنيه بوردت شباباها يسوي فيها جذي ليش ؟؟ وتخيلها مزان بنت اخته وقلبه عوره حرام والله حرام ..ورده البنت حرام يستوي فيها جذي اظل يفكر الين ما سمع اذا المغرب قام توضي وراح المسيد صلي وبعدها على طول راح حق نوره في بيت عمها تركي واخوانه وأهل نوره كانوا في فريج واحد يعني العايلتين كانو جياران ومعارف وتقاربوا يوم تزوج المرحوم وخذ فاطمه اخت تركي الكبيره ربي يعرفهم عدل ويدخل ويطلع كان واحد من اهل البيت وصل عندهم دق هرن طلع ودخله ياسر دخله بينهم كانت نوره قاعد وامه واخته ايمان البست شيلتها بس نفس الشي هند ،تركي مثل اخوهم ما يفرقون بينه وبين اي واحد من عيال عمهم سلموووا وقعد تركي شكله متضايق وايد ود يطلع يروح حق حنان ويعرف اخبار غلا ياسر كان ساكت فيه شي مب عارف شنو بس متضايق وايد مب مرتاح نوره : تركي شفيك مب على بعضك اكيد فيك شي هند : تركي علااامك جنك ساامع شي مايسر تركي : تنهد والله شاااقول يا هند وياا نورى توها حنان من ساعتيتن داقه على وهي تصيح رفجتها شايلنها المستشفي ام ياسر: عسى مااا شر تركي: والله شاقول يا خالتي اخوهاااااا ظاااااااااربها لين ما سبب لها ارتجاج بالمخ ليش عشان مب راضيه تزوج ام ياسر:ويه غبره حسبيه الله عليه من ريال ليش حشي مب ريال ياسر قلبه انغزه وما قدر يتكلم تركي: هي رفجتها بالجامعه وتحبها مثل اختها مسكينه لو تسمعون صوتها يعوركم قلبك نوره انزين دق عليها تطمن تركي ايه ذكرتينني انا قايل عقب الصلاه بكلامها تركي: الووو حنان شلونج حنان : بخير تركي: وينج الحين : حنان: بالينت خذيت ساااره بنت اختها بتبات عندي وامها ردت البيت مره كبيره ومب قاادره على وقفت المستشفيى واختها منى باااتت عندهاا مارضت تخليهااا وانا قلت البنيه صغيره وبتلعوز ام عبدالله اصريت انها تبات عندي تركي: زين سويتي خليها عندج . انزين مااافي اخبار عن غلاااا ياسر بس سمع لاسم صاادته دوووره هند حست عليه راحت يمه امسكته وهو يهمس غلااا لا اكيد مغلطين يارب مب هي يارب تركي : خلااص حنان اخليج ترتاحين وبمرج بكره حنان خلاااص يله مع السلاامه تركي : تقول ان حالتها مستقره ووهي خذت بنت اختهااا عندها عشان تبات بنيته صغيره ويدتها كبيره بالعمر وتعبانه من الصبح وهي واقف بالمستشفى ام ياسر وهي قايمه تيب الفاله حسبي الله عليه من رياله حشى ذبح اخته وامه ماا يخاااف ربه ايمان قامت وهي تصيح عورت قلبها قامت تغسل ويهاااا مسكين ياسر شكله يعور القلب مب عارف شلون يتاكد جوال غلا ماحد يرد عليه الا ردت عليه مره عيوز ياسر سكر الخط بسرعه وعطااه هند وقال اتصالي هنود ردت على مره عيوووز وهو يساسرها بذنهاااا ما بيبي تركي ينتبه لانه مشغول يسوالف مع نوره هند دقت مره ثانيه ردت ام غلا : اللووو هند : هلا يمااااا وهي قايمه عشان محد يسمع اسمهاااغلا هند: يمااا شبالج وغلا وين تااابع هند: يمااا لا تصيحين شبلاج ام عبدالله وهي تصيح قالت كل شي من حرت قلبها وهي حتى ما تدري من الي متصل هند: هدتها وسكتتها وسكرت وظلت واقفه برع مب قادره تدخل قامت تصيح ياسر بموت ان دري انها هي .. ياسر ما قدر يصبر طلع من الصاله شاف هند تصيح صرخ بصوت مكسور : لاااااااااااااااا فز تركي وقام الحقته نوره تركي : شبلااااك !؟! وياسر مب عاارف شسوي حتى دموووعه ما نزلت ياسر: بذبحه النذل بذبحه .. هند :تركي يوده قبل لاسوي شي مسكه تركي ويره لين غرفته دخلت هند ونوره سكرت الباب بس خايفين امهاا تدري تركي : شفيك شبلاااك ياسر وهو مخنوق وكل ساعه وقف بذبحه النذل بااااذبحه تركي طالع هند : شفيه اخوج هو من سمع بسالفه مب على بعضه هند : ياسر البنت الي يبيهاااا هي غلاا نفسهاااا تركي انكسر خااطره على ياسر لمه وياسر قام يصيح مب عارف شنو يسوي نوره خنقتها العبره مب عارفعه تسوي شي تركي هدى ياسر وقاله قم توضى وصلى ودعي لها ياسر هز راسه وهو في حالت صدمه كبيره .. طلعووا خلو ياسر بالغرفه برووحه تركي: هند فهميني ترركي شلون يعرفها هو قايل بتزوجها هند: قالت حق تركي كل شي من البدايه ما تقدرت تخش تركي : الله يعينه ووالله واضح انه يحبها وصااادق بالي بقلبه هند: اصلا خلااص كنا قاعدين نقول حق امي ان وحده من رفجااتي بيخطبها ياسر ونروح نملج عشان اخوها كل ساعه سوى سالفه وخاف عليها قلت له مايصير تكلم البنت لازم تملج انشاء الله تزوجون بعد مليون سنه حتى ان ياسر قدم اوراقه وقال بتوظف اي شي لين اتخرج على الاقل تركي الله يعن وتقوم بس بسلااامه تدريين لو صار لها مضاعفات اثنين برحون فيها اخوج وحنون كاااهي تصيح مثل الياهل نوره الله يعينها تركي ودني لها الحين خلني اتطمن عليها ومنها عشان اوعدها نمر على غلا بكره هند برروح معاااج تركي خلاااص بكلمها اذا قاعده بوديكم دق عل حنان قالت حيااهم الله وراحووااا عند حنان طبعا ياسر ما قدر يقعد كان بيطلع بس تركي ماخلااه قاله بطلع معاك نزلووو البنات عند حنان وقاام تركي يدور بسياره مع ياسر الي كل ساااعه يظرب يده في باب السياره يحس انه ما يقدر يسوي شي قلبه محترق ......... دخلووا البيت ام جاسم مب موجوده فخذوو راحتهم ساره قاعده تلعب بالاعاااب لي شرااا خالد وفرحانه بس كل ساعه تسال ممماتي وين خاتي مااتت حنان : عذروني حالتي حاله هند: والله احنا مقدرين الوضع هي شلونها الحين حناان : ادمعت عينها لو تشوفينها ياهند تقطع القلب جنها خلقه طااايحه نوره : الله يعين قلب امهااا والله تلاقينها بتموت عليها حنان : الله عينها تشوفها تنظرب ولا بقادره تسوي شي وهي متلومه كل الوقت لي انها ما قدرت ترده نوره : حسبي الله ونعم الوكيل اخوان العازه ،هذوبي اخوان اخر زمن ...ياااارب تقوم بسلااامه ولا طول اكثر هند: وهي تمسح دموعها والله صوته امها يعور القلب حنان ارفعت ر اسها مستغربه ؟؟ هند: انا اخت يااااسر نوره هند بنت تعمي حنان خرت من عيونهااا الدمعه وقامت تطالعهاااا مستغربه سبحااان الله يااسر اخووج انت دكتوره هند صح ااااه ايه عليج يااغلا فديتج والله حنان : هو درى هند: هزت راسها وصاااحت حناان : الله يعينه تلاقينه مب عارف شنو يسوي نوره : لو تشوفينه يقطع القلب ولا اول مادري كان رايح حق اخوها بيذبحه حنان اشهقت وحطت يدها على حلجها اااااااخ ابيه لا يتهور بعدين مايندرى شنو بصير هند: البركه في تركي: عقله ومسه ماااهده نوره : ايه والله لو تركي ما كان موجود جان ما ندري شنو بنننسوي حنان وهي تمسح دموعاا : فديته والله ابتسمت نوره وحبت تغير جو حنان وهند الي الدموع ذابحتهم : حنون تحبينه حنان وهي مبتسمه وتمسح رعيونها وبخجل شلت خصله شعرها ودتها ورا اذونها .. هند: يااابخته فيج يااا حنان مشاء الله عليج تهبلين حنان : عيونج الحلوه هذا من ذوقج نوره : أي و الله كنت بمووت اشوفج مشاء الله عليج ما تحتاجين اي اضافات حنان : انحرجت بس ردت تصيج : غلا كانت احلى وحده من بينااااا وصااااحت نوره : لااااحول ولا قوه الا بالله : تعوذي من الشطان غلا ماماتت ودعي لها انشاء الله بتقوم بسلااامه حنان هزت راسها ما تكلمت وهند قربت من ساره وقامت تلاعبهاااا فجاء تذكرت ليكون هذااا بيت جاسم ارتجفت يوم انهاااا تذكرت سالفت ياسر ويا جاسم يوم انه شاف غلا قلبهابدى يدق بقوه في لحظتها اسمعت حنان اخوها يناديها استاذنت وقال : عن اذنكم جاسم اخوي يناديني وراحت هند صاااااااار ويهااا اصفر قربت منها نوره : هنووود شفيج هند: هااااا نوره من سمعتي طااري جاسم لون اصفر ؟؟؟ هند: لا مااافيني شي شفيني ؟؟ نوره : هنوود شنو اول مره اعرفج انا تكلمي هند: نوري قلت مااا فيني شي خلااااص عااد وهي صاااده ادخلت حنان وعيونها حمره نوره : قلتي حق اخوج حنان ابتسمت : ايه هو شاف شكلي قالي شفيج انا صحت قلت له كلشي نوره : الله يعطيج العافيه ههههه حنان : هههه ساااااره سوسو عمي يبيج ورفعت راسها على نوره وهند جاسم سمع طاري بنت صغيره بالبيت استخف قال يبيها بسرعه نوره : ههه يحليله حنون هند: شااقه الحلج وساااكته حنان يله سوسو يله ماما عمي يبيج ساره : عمي الد حنان : ووواي الد لا حبيبتي مب الد عمي جاااسم ساره : عمي داثم ماا اعلفه هند ونوره : ههههههههههههههههه ما تبيه البنيه محترمه تبي حد تعرفه حنان وهي واقفه عند الباب جااااااسم تقول عمي داثم ما تعلفه ما تبيك جاسم من الصاله : ااااافاااا هي بس توه بقول شي بدل رايه وعلا صوته : سوسو تبين الدكاااان ساااره نقزت دتااااان هياااااااا وقامت تصارخ عمي بتوديني الدتان جاسم : شفتي حنون بس رشوه صغيره تيبها اي عمي بوديج يله تعااالي حبي عمي عشان يوديج سااره طالعت حنان : خاتي الوووح حنان اشرت بيدها : يله تبين اذن انتي خططتي خلاص رووحي وقامت تركض الصاله اسمعوا جاسم وهو يرحبب فيهاا جاسم : هلا هلا بسويره الحلوه بوووسه مني \الله احلى بوووسه بعد هنيه ياااسلاام ساره : عمي يله عااااد ابي الوووح البنات : هههههههههههههههههههههههههه حنان : جاسم بسك عااد لاعت جبدها ودهااا جاسم : ههههه طلعت مب هينه فاااهمه لقواعد اللعبه هند ذااااااااابت مكانها واااي مصدق هذا جاسم ياربي احس اني بستخف نوره وحنان يشوفون الابتسامه العريضه على ويه هند انتبهت حست بالاحراج قالت : شفيكم نوره : لا ولا شي بس حلجج ما سكر حنان: ههههههههه ايه شفت الذبان دخل وطلع نوره: ايه والله هند : هي انتي وياها شفيكم شنو بس انا الي كانت تسمع وشاقه الحلج حتي انتوا نوره لا انتي بس شاقه الحلج حنون مسكره حلجها وانا بعد هند : ههه بايخه واذا حلجي مفتوح حلجج ولا حلجي بايخه حنان : ههههههههههههههه يحليلكم انتو كبر بعض صح هند: لا نورى اكبر مني بسنه نوره : وهي تقلدها لأ نوري اكبر بسنه لازم الاعلن انج اصغر يعني حنان : وهي تحاول تارضي نوره لا تبيني اصغر منها هند: بحتجاج من قال ؟؟ نورى شكلها بين اكبر وخاصه بعد هالفتره ويااااهسرحان الي مب خالصين منه ؟ نوره : لاوالله اي قولي صرت عيوز اي بعد سلطان وقالها وعزوز ولد خالي ما خلها بقلبه قال نوره الام الرحوووم للبنات العيوز تحن عليهم قولووا هند: شبلااج نورى اول مره تحسسن من الموضوع اضحك معااج شفيج الحين البنت بتقول اني ما احس وجرحتج نووره نوره : لا حنان لا تصدقين هذي عياره بنات بس خليني اكمل هنود انت ما تحسين هند: هههههههههههههههه يعلج والله بايخه خلتيني اصدق انا شلون البنتيه حنان : صراااحه نوره هليود على طووول نوره : هههههههههههههههههههه قولوا والله انكم صدقتوااا حنان : شنو قلبي بغي يوقف كسرتي خاااطر وكنت بكفخ هند نوره: فديتني والله اعرف امثل في هالوقت رن جوال حنان كانت دلال متصله طالعتهم بنات هذي دلول رفجتي مسااافر شااقول لها الحين ماا ابي اقول لها وان رديت بتقول شفيه صوتج ما اقدر اخشن عنها نوره اسمعي قولي مزكمه حنان شنو مزكمه محاااجيتها الصبح انا هند : كلميها عادي الحين ولا تقولين شي عاادي سمعتي ردي لانج اذا ما رديتي بتستغرب حنان ردت دلال: الووووووووو هلا حنون حشي ما بغيتي حنان : هلا لا كان داخل حنون ما بتصدقين واين انا حنان :وبهتمام : وين دلال بايته عند مرت اخوي في بتهم هي حنت على محمد لين رضي اني انا وامي نبات عندها الين نرجع قطر حنان: هي ترخصت من المستشفى دلال: ايه اليوم حنون هي تهبل حنان : يستاهل محمد دلال: من قلبج حنان :دلال شنو شافتي دلول اكيد من قلبي بعد شنو هي تنحب والله دلال: اي والله عن تنحب تنحب دلال: حنون شفيهاااا غلوي؟؟ حنان :هاااا غلا شفيهاااا قلبها وقف وهند تأشر لها انها تكون طبعيه دلال: صار لي من الصبح ادق عليها ما ترد حنان : ما قدرت تكمل صاااحت دلال : حنون خرعتيني شفيها حنان : دلااااااااااااااااااااااال غلوي بالمستشفى دلال : حنون شفيهاااا حنون شسالفه قولي قلبي وقف حنان حنان : وهي تحاول تمسك رووحها قالت لها كل شي دلال ما استحملت قامت تصيح وتصارخ على حنان ليش ما قلتيلي من مساعه يعني انا غير شنو ما تحسين ولا غلوي رفجتج برووحج حنان: دلال حرااااام عليج لاتقولين جذيه والله خايف عليج ما ابي اخرعج وانت مب بقطر دلال : مااا اقدرت تكمل سكرت الخط بويه حنان حنان قامت تصيح نوره دلول سكرت بوهي سكرت بوهي يات يمهاا هند ومسحت على راسها وقامت تحاجيها بهدووء نوره بتعدت وهي تشوف هند وتقول بخاطرها تستاهلين الشاهده الدكتوره هنود صحيح خذيتها صغيره بس طلعتي شاطر بس ما تقدرين تخبين مشاعرج ماااا تقدرين هدت حنان اسمعووو صوت جاسم وساره وهم يمشوون بالحوووش ويسالف معهااا جاسم الين ما وصلوو عند باب الميلس طالعت حنان افتحت باب الميلس عشان تدخل ساره وقف جاسم يقول لها سوير من انت ساره: سااااله جاسم من بنته : سييد بن متل جاسم : امووووت على الراااي مقلووب لام وهو يضحك من قلبه حنان دخلتها وهي تضحك في هاللحظه وصل تركي وياياسر لتلاقاهم جاسم وما خلااهم لين ما يدخلون جاسم : عيل النسب يصير لك ياسر وبتسامه صفره شفت شلون تركي : ليش تعرفه جاسم : ايه اعرف تركي : اوووه شلون ؟؟ ياسر شيقول شفته بالمصحه النفسيه ماايصير تعرفت عليه عند اختي هنود بعد ما يصير والله بلشه هذا سؤال عاااد جاسم : لا كنت من فتره اتعالج مب اخته دكتوره شفته عندها ياسر انصدم والله قدرت تقوللها انا ما جاتني الجرائه لو ماكانك تركي :ما حب يغزر في موضوع العلاج : بس قال : اشكر فنها دكتوره والله مب هينه ياسر:هههه ايه والله مب هينه جاسم الفرحه شقت الحلج صار الموضوع عليه الحين اهل كان يبي طريقه يخليهم يخطبونها بعد صارت قريبه وووايد تركي: يطالع شفيه هذي شاق الحلج بس لف ويه يشوف ياسر الي رد يسرح جاسم : ياسر شفيك ياسر: ............. تركي : لا بس متزاعل مع واحد من ربعه القراب وانشاء الله يرد كلشي مثل ماكان ياسر: شلووون ااااه تركي: تعوذ من بليس ودعي ربك وبس جاسم فهم ان في شي ما يبون يقلونه سكت الا ساره داخله عليهم الميلس وفي يدها حلاووه جاسم : هلااااااا بسويره تعااالي عطي عمووو بوسه سااره : لااااا ماااا بي جاسم : اي خلاااص خذتي الحلاوه احنا مب حلوين ياسر يشوفها عرف انها بنت اخت غلا راح لعندها ولمهااا وقام يبوسها ودمعت عيونه غصب وقام يلااعبهااا ياسر قاعد على الارض مع ساره وماعطي ظهره جاسم وتركي جاسم : ياسر شكلك تحب اليهال تركي: اهيه ياسر يحبهم وووايد وهو والله خاييف يفظحهم ياسر ونزل تركي يلاعبها جاسم ما تم بعد نزل وصارووايلعبون ويااه كلهم جنهم يهااال حنان افقدتت ساره قامت تصرخ سااره خافت والبنات بعد في كل زاويه يدورنها ماخلو مكان داخل البيت مادورها فيه ما بقي الا لميلس البراعي اركضت حنان وهي نتادي سااااره والبنات وراهااا طلع جاسم من الميلس وقال عندنا لا تخااافين حنان من الخوف قعدت على الليوان وقامت تصيح قربت منها بسرعه هند وهي متغشيه حنان تعوذي من بليس البنت بخير جاسم يعرف الصوت هذا صوتهااا ما نسااه لا هند هنيه لا تم مكانه ما تحرك وهو يطالعها هو يهمس هند لا مو معقوله حنان سكتت وقامت تمشي وهند ما سكتهااا جاسم : هند بصوت مسموع هند تيبست مكانهااا نوره استغربت شلون يعرفها ؟؟ .................................................. ................ حنان : جاسم انت تعرفها جاسم : ايه مب الدكتوره هند هند تبلعمت شارت شنو تقول الحين الله يعطيك العافيه وووقته حنان : هاااا ايه هند جاسم ينااديج هند: وهي تتحلطم بصوت واطي يعني ما سمعت نعم وهي تلف صوبه جاسم : شلونج دكتوره هند يعني كلش تشوفها عدله شلونج دكتوره : طيبه طاب حالك,تحجي بثقل و برزانه جاسم : سبحانه الله والله دنيا دكتوره هند اي والله سبحانه يعني لازم تبهت فيني جنك ما صدقت وفاتج حلجك << اكتشفت هند ان عندها قدره على التحندي بسرها بصوره عجيبه !! : اي شفت شلون جاسم وده ما يخليها تدخل يقعد بس ويااهاا بس هند قالت: عن اذنك وسحبت حنان ونوره ودخلووو داخل طبعا اول مادخلوو نوره : احم احم تفسير حنان : لو سمحتي ولا تخلينا جنا بقر شافين حريجه نوره: الله يقطع بليسك على هالمثل انت بروحج انا مالي خص حنان : ههههههه انزين هند: قلوولو له شمعنا انا الي تستفسروون مني حنان : لا والله تحجي نوره : هنووود هند: اوووهوووو يعني انا دكتوره لازم اكون معرووفه نوره : عاااد جذي اخوها من صوتج عرفج هند : اي وهو يعرف يااااسر سمع صوتي عرف اني هي الدكتور مب كان ياسر معاي بالمستشفى نوره : ااهااا بس حناان طالعتها بنص عين هند : وبعدين انتي وياااهااا اي بس يله عااد نوره وهي طالع حنان : نصدقها حنان وهي تفكر وبعدين تهز راسها اايه خلنا نصدقها الايام تفهمنا وبعدين لا تنسين جاسم بصير له تحقيق منفرد نوره : تعجبيني حنان : احم احم هندوهي طالع الثتنين وهي ودها تصفقهم خالصتوووا كوناان ورفيجه حنان ونوره :هههههههههههههههههههههههههههههههههه هند: بايخين نوره : اتنزين خلينا اندق على تركي تأخرنا لازم نطالع وبكره نشوفج حنون بالمستشفي حنان : شنو تطلعون امي كاهي يايه وقالت ما يطلعوون الا متعشين واذا طلعتوا بتذبحني نوره و هند لا ،انشاء الله مره ثاني حنان والله ما تطلعون كاني حلفت خلااص عاادييله بتعشون معااي سمعتووا غلا ... شنو بصير عليها ارتجاج بالمخ وفي غيبوبه محد يدري متى بتقوم منها الا ربها .. الله يعنها ياسر .. وهو يشوفو حبه وحياته غلا تموت جدامه ولا بقادر يسوي شي ..؟؟ دلال .. الي روحها بربعها ما عندها خوات غلا وحنان ومريم خواتها الي ما يابتهم امها شلون بتصبر وهي ماتدري شنو بصير على غلا جااسم .. وبعد ما قربت المسافات عليه وصارت هند قريبه وبين يده .. بتحرك يخطبها او بيمنعه شي ..؟؟ هند.. ..؟؟ نوره بتسافر مع سلطان مثل ما وعدها او لا ..؟؟ .. احداث كثير انتظروها بالفصل الجديد .. تحياتي لكم : مينون الحب Link to comment Share on other sites More sharing options...
JeNeYa Posted نوفمبر 9, 2006 Report Share Posted نوفمبر 9, 2006 يسلموااااااااااااااااااااااااااااااااااااااااااا ننتظر الباقي بليز لا تاخر .. Link to comment Share on other sites More sharing options...
danat aldonya Posted نوفمبر 9, 2006 Report Share Posted نوفمبر 9, 2006 مشكور على التكمله السريعه للقصه واتمنى انك دووم ما تخلينا ننتظر وانشاء الله تخلص القصه في اقرب فصه لان صج تهبل وتسلم Link to comment Share on other sites More sharing options...
عواااشي Posted نوفمبر 9, 2006 Report Share Posted نوفمبر 9, 2006 مشكور اخوي على التكملة و ننتظر البقية Link to comment Share on other sites More sharing options...
مينون الحب Posted نوفمبر 9, 2006 Author Report Share Posted نوفمبر 9, 2006 السابع عشر غــلا دمعه في عين الكل , غــلا حزن انرسم في ملامح الكبير والصغير ..غـلا زهره بريه, فجر ضاحك ابتسامة الطفوله ,غـلا اليوم طريحة فراش ابيض غايبه عن الحياه الكل جاهل هل ممكن ترجع تبتسم لهم وترجع الابتسامه الي ختفت وماتت من نامت على ذاك الفراش او انها بتغيب للأبد ..!! اليوم كملت غــلا اسبوع كامل وهي في غيبوبتها ما قامت الكل يزورها يذرف الدمع ويطلع الكل يستجدى ربه انها تعود لهم وتنور الحياه ببتسامتها , مريم اول مادرت اغمى عليها وراحت في نوبه صياح قويه غلا قريبه منها لدرجه انها ما يمر يوم من غير ما تكلمها كانت اذا بيرحون الدوام تواعدو يلبسون مثل بعض مريم اكثر وقتها تنرقش في غلا وتحاول تغيضها ويضلون يتهاوشون وبعدها يلمون بعض وهم يضحكون مريم اول ما شافت حنان بالمستشفى لمتها وهي تصيح وقالت لها : حنوون قولي حق غلووي عن المزح الثقيل قولي لها تقوم .. وصاحت حنان غصة بدموعها للمره المليون وقامت تصيح وقالت تعوذي من بليس ودعي لها وهي تمسح دموعها وتخفي شهقاتها .. هند الي صارت كل يوم الصبح تمر عليها وتاخذ اخبارها وتبلغها ياسر الي بيموت من الحزن واالغصه يحسن ان غلا خلااص اختفت من يده .. ام عبد الله كل يوم من الصبح للين الليل عندها لا ترتاح ولا تمل من الدعااء متصبره تلاقونها يالسه على الكرسي وتدعي ربها الي يشوفها يقول عزمها قوي وهي من دخلها منهاره لكن متمسكه بأمل كبير ان بنيتها ترجع لها عبد الله المجرم , الانسان الي تخلت عنه انسانيته , وينه سمع بخبر اخته وما فكره حتى يزور امه يعتذر لها عن الي سواها ولا كانه سوى شي تلاقى الخبر ابرود وقال احسن يزاها هذا الي مب متربيه هذي يزاتها !!! وين قلبه وين انسانيته.. وين اخلاقه .. ولا كلف روحه يمر يسال عن هله !! حنان , قاعده مثل كل يوم الصبح تقعد تقرى عند راس غــــلا كل يوم , ادخلت عليها نوره وسملت نوره : مـشاء الله عليج قرائتج حلوه ابتسمت بشحوب .. نوره : في أي اخبار عنها وهي تهمس .. حنان اكتفت انها تهز راسها وتمس الدمعه الي نزلت غصب وهي تلمس كف غلا نوره : حنان انا مسافره اليوم العصر بتصل فيج كل يوم اتطمن عليها .. حنان : وبصوت مخنوق وابتسامه ضعيفه : تروحين وتردين بالسلامه .. نوره : الله يسلمج , والله الود ودي اتم معاكم لكن سلطان اخوي ما عنده الا ها الاجازه وده اروح معاه ما ابي اكسرفرحته وخواتي يبون يغيرون جو .. وما قدرت اردهم حنان : مسموحه يالغاليه , روحي وستانسي يلستج ما لها داعي هذا انا كل يوم عندها ولا تحس فينا , ابتدى صوتها يختفي وصاحت نوره : حنون حياتي لا تصيحين ربج كريم والبنت صغيره ان شاء الله ربج بقومها بالسلامه وترد البيت بعدها شباب يعني جسمها ان شااء الله بيستحمل ومثل ما قال الدكتور ما تدرين يمكن باي وقت تصحى الحين هي بغيبوبه لكن كل شي فيها سليم يعني كل شي راجع حق ربج ادعو لها بس .. حنان : الله يسمع منج الله يسمع منج .. ان شاء الله تقوم بالسلامه كلنا محتاجينها كلنا نبيها .. دخلت بهالوقت مريم وسلمت عليهم وراحت يوده يد غلا وهي تشوف ملامحها الي بدت تذبل .. نوره ما استحملت سلمت وطلعت طلعت وراحت البيت على الطول وهي تحاول تمسح دموعها البنت من قبل ما تعرفها لكن من كلامهم عنها ومن كثر ما الكل متعلق فيها تعلقت فيها وصارت كانها تعرفها من زمان !!! .................................................. ................................... دلال ... دلال ..دلال .. من عقب ما سكرت من عند حنان وهي بحاله ثانيه .... لو اني قريبه امسح دموعك حبيبي اداوي جرحك وازرع البسمه اماني لو اني قريبه واخطف الحزن والم وازرع الفرحه على الوجه الحسن لو اني قريبه واضمك لصدري يا غالي واحتوي احزانك وابعدك عن دنيا كئيبه .. دلال الي سكرت الخط من عند حنان وقلبتها مناحه الكل يحاول يسكت يفهم شي ما يقدر بعد ساعه قالت لهم ان غلا مرقده بالمستشفى من بعد ما سبت اخوها !؟!... لولوه قامت تهديها وتقول انشاء الله بتقوم بسلاامه بس وين دلال ودوني قطر ابي ارجع امها حاولت فيها ان برجعتها مب نافعتها المهم انها تصلي وتدعي لها بشفى .. لكن دلال تبي تكون قريبه من رفيجتها تبي تشوفها .. صارت دموعها اكثر منها ومب قادره تسيطرعليها .. حتى الاكل كرهته والنوم ما صارت تنام الا شي بسيط وطول الوقت تتصل في حنان تسال عنها .. دلال وهي سهرانه ودموعها على خدها ولولوه يمهااا دلال: تعرفين لولوه انا وغلا من الاعداي مع بعض غلا تعرف عني كل شي كبيره وصغير كانت تعرف الاشياء وايد خاصه الي ما اقدره اقولها حق حنان , ساعات لم اتهاوش مع حنون تلاقيني رحت لها على طول واشتكيي وابتسمت وهي تقول وغلا عاد انها اكبر منا بسنه دوم تقول يله اسموعو كلامي انا اكبر منكم !! غلا قلبها طيب لا مب طيبه االطيبه ماخوذه منها تعرفين ما تعرف تزعل على حد واذا عرفت ان حد زعلان منها تروح تراضيه بنفسها , الكل يحبها عمري بحياتي ما شفت وحده تقول هالبنت ما احبها , عشرتها حلوه غلووي ناعمه رقيقه يعني تصرفتها غصب تتصرف برقه ونعومه لكنها جريئه يعني على نعومتها تلاقيتها ما تخش بقلبها والكلمه الي لازم انها تنقال تقولها تغامر دوم وما تفتكر ولا تحاسب دوم اقول لها غلوي لا تورطين نفسج تبتسم وتقول احنا بنعيش مره وحده مب مليون مره خلينا نسوي الي نبيه دوم ما نخالف ربنا افكارها ساعات تلاقيتها غريبه متحرره ساعات بشكل مب طبيعي, وسااعات تلاقيتها متشدده لين ابعد الحدود , ربعاها مثل عيالها اذا حد غلط على وحده من ربع التخصص تلاقيتها تصير جنها قطوه مفترسه شلون اذا غلطو علينا احنا القراب قصدي انا وحنون ومريوم ..؟؟ تحبنا من قلبها اذكر ذيج السنه يوم سافرت طبعا كانت سفرتها بطلعت الروح بعد ما سووت المستحيل مع اخوهم عشان يسافرون راحت كل وحده منا شرت لها شي انا خذت لي تراجي الماس ناعمين صبري برويج اياهم . اركضت على شنطتها وطلعت علبه الاكسسوارات وطلعت التراجي شوفيهم صرت ما استغني عنهم دوم معاي .. لولو : اطالع دلال وهي منغصه تمسح دموعها تشوف دلال الي مب قادره تنسي او تنسا شوي او تخفف على روحها طول وقتها تعيد وتزيد في غلا وتذكر كل صغيره وكبير في غلا .. لولوه : دلال تعرفين انا احسدج .. دلال فت ويها مستغربه لولوه : انتي عندج حد تحزنين له وتفرحين عشانه وتضحكين معاه وتهاوشين وياه لكن انا .. ما عندي غير الواني الي صارت باااااهته من الوحده احسدج على حزنج الحين انا ما عندي حد احزن عليه ولا افرح له دلال : لمتها وهي تمسح دموعها وهمست عندج انا انا صديقتج لا تقولين من اليوم ورايح ما عندي ترى ازعل لولوه : هيه صح وهي تبتسم وتمسح دمعتها انتي عندي دلال , لولوه : تعرفين من كثر ما خبرتيني عن ربيعاتج حسيتهم قراب منى احس اني يوم بسير قطر ما بحس بالغربه شرات الغربه الي حاستها وانا بين هلى وناسي .. دلال : فديت قلبج يا الولو .. ان شاء الله تكونين الخامسه واحلى وحده من بعد غلوى اسمحي لي اقولج ترى غلوي بالجمال متغلبا علينا جميله جدا ملامحها جدا روعه عيونها مب كبار وايد بس قصتهم روعه عيونها عيون ثعلب ولونها عسليه فاتحه لكن اذا عصبت تلاقيتها تصير تلمع ونار لولوه : ياسلام مشااء الله عليها دلال: احلى واحلى بياضها روعه على احمراار تلاقيتها بسرعه تنقلب حمممره وشعرها اسووود اسود مايل على الكحلى خشمها صغيرونوو وحلوو شفايفها مرسموه وصغار ويها مدور تعالي صج انا عندي لها صوره صبري اذا يبته الدفتر معاي برويج وتروح تقعد على ركبها جدام الشنطه ودور وشوي صرخت كااهي وطلع الصوره وتروح عند لولوه شوفي كنا يومها في الزرع في الشمال زرع ابوي شوفي الي بالنص انا الي على الطرف حنون ام شعراحمر وهذي غلوي الي لابسه برموده وردي وحاطه ربطه صفره على اربقتها . الي قاعده ويها مدور هذي مريوم .. لولوه : مشااااء الله عليها صج جميله , ربي يقومها بسلامه وترجع تبتسم لكم مثل هالابتسامه الحلوه .. دلال وهي تشوف الصوره آمـين .. لولوه : حنان هي الي كبرج دلال : ايه . حنون كبري انا اكبر منها بثلاث شهور وبعدنا مريم الي اصغر منا بأربع شهور غلا اكبرمنا بسنه بس لانها عايده السنه في صف خامس لانها بذاك الوقت توفى ابوها وهي متعلقه فيه بجنون فصادها انهيار عصبي وترقدت بالمستشفى تقريبا ثلاث شهور وبعدها صارت ما تقرب الكتاب كانت تحس بضيقه من تدرس , خذت وقت لين تعدت المرحله واحنا ما قصرنا تمينا معها الين طلعهنا من الحاله ونسينها حزنها لولوه: ااهاا , كلكم بمنطقه وحده دلال : ايه الفريج العتيج احلى ايام صج بيوت شعبيه عتيجه لكن رووعه كنا انتم كلننا العصريه في بيت وحده منا واغلب الوقت نتيمع عند حنون عشان نقعد بالحوش نسمع الصبيان الي يلعبون بالشارع كوره كنا نموت على سوالفهم ههههه حركات بنات يحصل لنا والله كانو يذبحونا من الضحك.. لولوه : هههه والله مب هينين ثراكم , حنون ما عندها خوات دلال : لا بس اثنين جاسم وخاالد لولوه : اها خالد العود دلال : هاا لا الصغير لولوه : اها يعني اصغر من حنان دلال : لا اكبر عمره 25 بيدخل ال26 لولوه : مشاء الله, حافظه بعد دلال ويها صار احمر : لا عادي يعني اعرف من يوم احنا ياهال اعرفهم شفيج وبعدين جاسم اخوها عمره 33 وبعدين خالد كبر محمد يعني اعرف لانهم كبر بعض بالضبط لولوه : اها اها قلتي لي .. ولولوه دلولو ابغى اسألج سؤال ممكن او لأ دلال : اسألي حبوبه اسالي لولوه : احم احم خالد يعني لج شي !! دلال ويها صار عنابي : ليش يعني لولوه : مادري احس جي انج تحملين له شي بقلبج دلال: ........................ لولوه : اسفه دلال ما كان قصدي اتدخل بحياتج دلال حست ان لولوه استحت من تدخلها فحبت تكسر الحاجز الي ممكن يصير : اذا قلت لج ايه .. لولوه : انج تحبين خالد اخو حنان دلال: ايه .. لولوه : اخمن حب منذو الصغر دلال ويحى كالعاده : ايه لولوه : وهو ..؟؟ دلال : مادري ساعات احسه ايه وساعات احس ان ولا معبرني حتى لولوه: هههه كيف يعني ..؟؟ دلال : اقرب شي اخر موقف صار وقالت لها الموقف يوم ان خالد يقول مب لازم تروح حنان معها البيت وليش ما تروح مع خدامتهم وشلون تم مده عشان يتاكد انها ما زعلت وانها رضت عليه لولوه : يـــــــا قلبي حبكم خجوول دلال: هههه ايه على قولت غلا , مره قالت لي واحنا بالثانويه , لو انتي تاخذين خالد بتكثرون انتاج الخجل بالعالم لولوه : هههههههههههههه يااااسلام هو خجول دلال: جدا جدا ساعات اكره الخجل الي هو فيه ابيه يتصرف يسوي أي شي مللني انا معذوره هو ابي منه أي حركه تريحني يا بنت الناس ملليت من الخجل لولوه : ههههههههههههههههه الله يسعدكم قولي يا رب تتوقفين معااه وجيج ويهنيج دلال: تهقين انه بيي اليوم الي بنكون لبعض فيه !! لولوه : ياااااااااااارب ماشي بعيد عن ايد ربج دلال: الله كريم الله كريم , ااااه الحين مب هاامني الاغلا ولله اني من كثر ما كان يطقها توقعت انه يصير لها جذي تدرين كانت تي المدرسه وخدهااا ازرق تسالهااا المدرسه تقول انها طايحه تدرين مره ظربها بملااس شق راسهاا ولفوا راسهاااا كله اونه العود لازم تسوي لي يبيه عااد يظربهاا على اتفه الاسباب ولا ويوم انه عرس طلعت مرته اطيين تتحكم فيه وتشوشه عليهم وتخليه يظربها ليل نهار خاصه ان بنته كبرهااا كانت تهاوش معهاااا يرد يكفخهاا لين ما يشبع لولوه : مسكينه ا متعذبه هذا كبير والله توقعت من هذولي الشباب الطيشين بس هذا كبير اذا بنته كبرهاا والله شو ما عقل هذا دلال: ااخ والله هي تعاني بس تبتسم وتضحك معاانه وهي مذبووحه شنو تسوي بعد لولوه : الله يعينها والله عورت قلبي ظلت دلال تسولف مع لولوه طول الليل لولوه تخفف عنها وتحاول انها تشيل همهااا ::::::::::::::::::::::::::::::::::::::::::::::::: نوره ودها تقعد بالدوحه تواسي حنان وهند الي من كثر مب اخوها متاثر ماثر تابع يصير فيه لو صار شي في غلا لا سمح الله .. تروح مزان قالت لا اذا انتي مب رايحه انا مب رايحه ومها مثلها .. وعشان خاطر سلطان الي قلبه متعلق باليازي ومب عارف متى تنحل عقدته كان يبي يبعد شوي يغير جو يحس اذا تم بالدوحه بصير شي ..!؟ نوره سكرت شنطتها ونادت الخدامه تنزلها تحت وهي رايحه المطبخ نوره : يما الله يهداج كلنا احنا اربع انفار هذي حق شعب ام سلطان : ايه شعب انتو مسافرين وبتظربون خطوط وبعدين خلووه اذا ما اناكل ما يضره خلو مسكر ما يخترب الا سندويجات نوره : انزين اهم شي دلت الجاي والحليب .. ام سلطان : كاهي بالسياره وحطيت لكم قلاصات فلين عشان ما تكسرون بيلاتي و البيالات الزجاج كاهي في الصندوق اذا نزلتو الشقه هناك اشربو فيها وبرزت لكم شويت شغلات حق المطبخ يمكن تملون من اكل المطاعم تسون لكم شي المطبخ ..!! نوره: يماا حرام مسافرين ندش مطبخ !!! ام سلطان : ايه وزهبت لكم سلطان يحب القهوره حطيت لكم القهوره والهيل كلشي زاهب نوره راحت عندها وباستها على راسها تسليمن يالغاليه ام سلطان : ربي يسلم يالنوري واشوفج عروس نوره : ابتسمت بويه امها الا تسمع صوت سلطان : آمين يا رب تعرسين يا نورووه والله لا ادخل العرس وارقص بعرسج نوره : هههه والله لو بترقص بعرسي اعرس اليوم سلطان: ان شااء الله بصير عرسج والله لا يصير احلى عرس يالدوحه تدرين ليش نوره بهتمام ليش !!؟!؟؟ سلطان لان شيخة المزاين نوره بنت عبد الرحمن بن سعد بن سلطان ال.. العرووس نوره: فديت قلبك وقامت باسته على خده وقالت قبل لا تعرس ما اعرس سلطان : خليها على ربج انا عرسي موقوف مؤقتا مزان داشه المطبخ وهي لابسه بنطلون جنز وبدي وردي ومشير بورد كحلي وعلى راسها نظاره شميه شاله فيه شعرها ...: سلطان عجبتني سالفة موقوف مؤقتا روح اكيوتل الشيخ ودفع كل الا 100 الف سلطان : والله مب دافع 100 بدفع 300 بس يرضون نوره : سلطان ما يصير تاخذني ..!!؟ هذي 300 مزان وام سلطان : هههههههههههههه سلطان : والله لو الف الدنيا كلها ما القى مثلج يالنورى بس مشكلت قلبي ما عشق غير ها شاسوي صبرت لين اكبرت وقلنا قد العرس الحين شلي بصبر قلبي غير ربي نوره : انشااااء الله بتكون من نصيبك دوم ما تبي غيرك لا تحاتي لو ييها ملك الملووك يخطبها مب موافقه تراها مب احسن منك هي تبيك ام سلطان : النوري شدراج !!..؟؟ نوره : وهل يخفى على نوره بنت عبد الرحمن شي ام سلطان : ربي يحفضج ما يتم شي الا عندج الخبر اليقين لكن دومج تدرين ان يزوى تبي سلطان ريحتي قلبي يعني يزوي ماهي رايحه بعيد بتم حق سلطان نوره : اكيد ياالغلا كله اكيد مزان : وهي تاخذ خيار من الطاوله وتاكله : يما شنو مسويه !! نوره : مزان شبلاج جنج رايحه كشتت بحر مب مسافره ..؟؟ اقول بس البسي عباتج المسكره عشان لانزلنا الجمارك ما بين شلابسه مزان: لا توصين حريص ؟؟ مها وهي داشه المطبخ : سلاااام ايها الشعب بوووسه طاايره على خد الغلا ام مهااوي .. وقعدت يم سلطان : سلطان وهي تفرش جدامه كم DVD أي واحد احلى طخيتهم من غرفت سعود سلطان : هههه والله بسطرج بس ودي هذي وذي وذي وهو ياشر على الافلام مها: مب جنهم كلهم رعب سلطان: ههه ايه احسن مها : وضحكة خوف ههه انزين الله يستر ما قعد بحضنك طول الطريج سلطان : هههههههههه مزان يات يم مها: وهمست بذنها مهوي شوفي لنا فلم رومنس مها: وهي تضحك وتقول : ومن قالج ما سويتها بس الله يسلمج هالسوالف بالخش بس كلها ترى افلام هنديه مزان : هههههه زين ولا رعب مها : لابتبي او لابج واحد بس يروح !! مزان : اممممممم لابتيووي لان فيه اغاني لاب توبج ايب العله ماا فيه شي مها : انزين وهي طالعه تروح تشل الاب توب .. سلطان مزان روحي شوفي السياره عدل الغراض مع الخدمات عشان يصير لكم مكان ترتاحون فيه مزان : اوكيكك بس سلطان احنا بروح فندق او شقه سلطان : وين الفرق مزان : لا الشيخ اذا فنادق غير اما شقق لازم نودي معانا شراشف ولاحافات من عندنا سلطان : عيل خلو حتياط يمكن ما نلاقي شقق بنروح فنداق والعكس مزان اوكي بروح اطلع لنا وهي طالعه بهلحضه رن جوال نوره ابتسمت وشلت التلفون : هلا وغلا باليوزوي ما تبين تروحين معانا !! اليازي : توني بقولج ابي ارووح نوره : وين المشكله اليازي : امممم ما في مشكله ابوي راضي وامي عاددي وناصر امم صبري صبري انوري وسمعتها تنادي ناصر ونوره قلبها طبول نااااصر نصوري حياتي ناصر هلا هالدلع وراج شي الجازي : ناصر . سلطان بسافر مع البنات السعوديه ..وبنظره حزينه ناصر : تبون تروحون ومحد بوديكم وما يصيرر تروحون مع سلطان عشان ما عندكم محرم !! الجازي : عليك نور ناصر : قالي سلطان اليوم اممم تبرزوو بوديكم الجازي: احلف ناصر وهو يهمس نوره معاهم الجازي: وهي تهز راسها بقو ايه ايه ناصر خلاص انا فاضي عمل اوديكم الجازي : نوووووووووووووووووووره حياتي انتي نوره : خير \الجازي : ناصر الشيخ ناصر ولد سعود بودينا معااكم بنسافر معاكم نوره وهي ترجف ناصر بسفرهم يا ربي ناصر .. نوره : والله يالله بروح ابشر مزان ومهوي ترى العصر بنمشي خلصو جهزو اغراضكم .. الجازي : افا عليج الحين اخلص واروح اتمصلح عند الشيبه عشان البيزات نوره : ههههههههه يله عيل اركضي عند عواااش خليها تخلص الجازي: بااي سي يو ليتر نوره سكرت من عند الجازي وهي تلف على سلطان واممها : اليزوي وعواش بيون معانا ناصر بسافر عشانهم سلطان : زين من امس وانا احن عليه نوره : ايه ايه تحن عشان يخاويك او عشان يزوي معانا ..؟ سلطان : ااااااااه الاثنين يا النوري الاثنين نوره قايمه وامها تطالعها تشوف شلون لونها تغير نوره صار لها وقت طوويل طويل من اخر مره شافت فيه ناصر ما تدري ..شلون بتشوفه .هالمره !! ولا طول عشر تيام او اكثر بتكون معااااه !! الله يستر قامت وراحت تقول حق مزان ومها الي فرحتهم كان مب طبيعيه ..شلت بنات مسافرين بدون نسوان كبار يعني حريه محدوده بسلطان وناصر الي ما يقصرون عليهم بشي شلي بصير بالسفره .. ناصر الي وافق بس عشان يقدر يشوف نوره مره ثانيه ..من اربع سنوات ما شافها اربع وهي تحاول المستحيلات عشان ما تلاقى مع ناصر يا ترى ليش ..؟؟وشلون بتكون رحلتهم ..؟؟ .................................................. ...................... ياسر الي محد حاس بحرت قلبه غير اخته , امه كل يووم تشوفه يذوب ولكن مب عارفه شسبب ..؟؟ هند قالت حق امها ان رفجتها تطلع البنت الي قال لهم عنها تركي ذاك اليوم وقالت لها انها هي نفسها البنت الي كانت تبي تخطبها حق ياسر , ام ياسر تعاطفت معها وايد وعورت قلبها بس الي معورها قلبها عليه اكثر هو ياسر الي مب قادر تعرف شفيه ولدها , ياسر طول الوقت بداره واذا مل من اسالت امه شغل سيارته وراح البحر المكان الوحيد الي ممكن يفضفض فيه المكان الوحيد الي ممكن يشتكي ويصرخ ويصيح ولا حد يسمعه الا البحر الي يبلع صوته وكل انينه ياسر وهو يذكر احلى ايامه مع احلى فرحه دخلت قلبه قعد على حصاااه كبيره وضل سرحان بذكريات استحاله ينساها اول ما تعرف على غلا .. اول ما ضافها على المسنجر ياسر: السلام عليكم غلا : وعليكم السلام .. ياسر: شلونج عساج طيبه غلا : بخير وانت شلونك !! ياسر : الحمد الله .. غلا: دوم وظلت ساكته ياسر: يبي يكسر الصمت وقال : شفتي اخر موضوع نزلته غلا : ايه ورديت عليه ياسر: والله ما انتبهت انج رديتي غلا: هههه ايه واضح لانك رديت علي بالموضوع ياسر: هههههههه صج غلا : يقلون جذي ياسر: امممم انتي من وين ..!! غلا : اعتقد المنتدى قطري وانا اتكلم خليجي بلهجه قطريه بحته الناتج النهائي = قطريه ياسر: هلا وغلا فيج وبالناتج النهائي وفي بنت قطر ... غلا: تسلم وفيك ياسر : امممم أي صف غلا : اول ابتدائي ياسر: هههههههههههه لا والله غلا : يعني تسال اسأله مالها داعي ... تشوف موضوع اليوميات بالله بطلع أي صف !! اكيد بالجامعه ياسر: هههههههههههه لا حد يعصب علينا بس ادور موضوع اسولف فيه اشوفج ساكته غلا : ابعثت ويه يبتسم بس وسكتت ياسر: اعتذر اذا كنت مضايقج استأذن غلا: لا لا والله مب مضايقني ولاشي .. ياسر : مادري احس اني مثقل عليج !! غلا: لا والله ليش تقول جذي ياسر: مادري احسج مشغوله انا اتحجى بلامعني غلا : لاوالله اشدعوه مشغوله الفير !! لا والله ما عندي غيرك اتحجى معاه ياسر : عيل ليش ما تكلمين غلا : طبعي جذي ما اتكلم احب اعرف الشخص الي جدامي اكثر اخاف اتلكم واخربط الدنيا ياسر: ابتسم وقال وشلون بتعرفين الشخص الي جادمج اذا انتي ما تكلمتي معاه .. وخربطي الدنيا معااي عادي !! غلا: كلامك معقول .. لا تعطيني فرصه اخربط ترى محدد بيلوم نفسه غيرك ياسر: ههههههه يعني خلينا نجرب غلا : هع هع توهقت بس يله عطني البطاقه الشخصيه ياسر: شنو تبين تعرفين !! غلا : امم عمرك وووو تدرس تشتغل .؟؟ متزوج عندك عيال من هذا لقبيل ياسر : عمري 24 اخر سنه جامعه هندسه ..؟؟ غلا : العمر كله بالتوفيق .. ياسر : وياج .. وتراني معرس وعندي اربع عيال غلا: الله يبااااارج يتربون بعزك ياسر: هههههههههههه الله يخليج غلا : لش تضحك !!؟؟ ياسر: اقولج وما تزعلين غلا : احاول ياسر : انتي بسرعه تصدقين غلا حطتت ويه معصب وقالت انا صااادقه واصدق .. ياسر: ابتسم وقال اسف مب قصدي غلا : وش الي صدقت بسرعه !! ياسر: اني متزوج بالله واحد يدرس عنده اربع !! غلا : تصير ليش لا.؟؟ ياسر : ابتسم وقال صح تصير .. غلا تضايقت من اسلوبه وقالت له: اوكي استأذن ! ياسر : وين تو الناس غلا : لا بروح على المنتدى شوي قبل لا اطلع ياسر : اسف شكلي ضايقتج غلا : عادي ياسر: ؟؟ غلا : .... ياسر: اسف واعتذر منج احس اني ثقلت عليج اسمحي لي انا طالع واتمنى اني ما اكون ضايقتج .. وطلع من المسنجر غلا يوم شافت الي كتبه تمت متلومه وراحت ودزت له رساله تعتذر من اسلوبها وانها مب قصدها هذي اول مره تكلم معهاا كانت محادثه عقيمه لكن بعد رساله الاعتذار صارت اسلوب اكثر سلاسه وهي كل ما بدى يعتذر تقبل الموضوع مزح ما كانو يتكلمون في اموره الشخصيه ابد لكن مره سالها ياسر انت قد حبيتي !! استغربت غلا وقالت لا ابد قالت : ولامريتي بتجريه قالت : لا الحمد الله بس ليش قال : لا بس اسأل ..؟؟ قالت : وانت قال: ولا انا ولا مره ..؟؟ سؤال لو ما انسأل كان تبدلت الموازين ... من يوم ان سال السؤال والقلب بخفق بنغمه جديده دار في بال غلا في ذاك الوقت مليون شي وشي وصارت تحس بحساس غريب توقع ان بكون هناك تطورات مب متخيله انها ممكن تمر فيها في يوم من الايام ..!! ياسر يوم انه سال السؤال كان خايف على قلبه انه يحب وحده تكون لها ماضي وترجع للماضي باي وقت يكون هو صار ما يستغني عنها ما فكر يوم يحب ولا فكر بقلبه طول حياته متجاهل العاطفه لكن مع غلا اختلفت الموازين اول بنت تحرك قلب ياسر خاف انها تكوون انساانه لها حياتها الخاصه يوم انه تطمن ان قلبها ملكها الين ذاك الوقت سمح لعاطفته انها تفتح ابوابها وتبتدى تعيش .. ياسر رفع عيونه وللبحر وقال يااااااااااارب ردها لنا يارب قومها بسلامه ولا تحرمني منها يارب ... تنهد وركب سيارته وراح صوب المستشفى وما قدر كلعاده ينزل شاف المستشفى من بعيد وراح البيت سلم ودش داره وسكر عليه الباب يحاول ينام !! .................................................. ................ الساعه 4 ونص العصر .. ناصر بنص الصاله في بيت خالته فاطمه سلم دخل سلطان : هلا بو سعود شلونك ناصر: هلافيك وهو يسلم على سلطان طيب طاب حالك سلطان : ها مستعدين ناصر : ايه سلطان : تعال شرايك ناخذ الجمس ونروح سياره وحده بلا سيارتين من كثرنا ناصر : هاا وهو يحك راسه بس البنات اخاف ما ياخذون راحتهم سلطان : الحين الي يقول عمرهم ما قعدوو معاك !! ناصر : لا مادري بس يمكن ما يرتاحون سألهم قبل سلطان بصوت عالي : بنات بنسااافر بسياره وحده مزان ومها وعايشه واليازي مره وحده ركضو الصاله : آمااااانه صج !! سلطان : شفت يبونها من الله نااصر: هههههه وهو متوهق مب عارف شنو يسوي وده يقول لهم سالو نوره ؟؟ الي الين الحين ما سمع حسها نوره من درت انه بالصاله انخشت بالمطبخ اونها تساعد وتعيلثت بأنها قاعده تسوي حلوو خفيف حق الطريج !! مها : تدرون النوري بتستانس بروح اقول لها توها مزان بتقول لها لا تروحين االا مها : نوااااااااااااااااااااري بنروح بالجمس مال سلطان كلنا .. تركي بهلحظه داش البيت الا يسمع صوت شي يتكسر !! نوره قامت ترجف وونزلت تلم الصح الي انكت الي فيه وتلم القزاز الي تنثر ومن كثر ما ترجف جرحت يدها !! دش تركي : اشصار ..؟؟ شاف نوره تلم يدها والدم يصب منها نوره والدموع بعينها : جرحت يديـــــــــــــــــــــــ !! تركي : راح عندها تخرع تصيح يعني الجرح كبير شافه كان مب كبير وايد يعني الجرح شوي عزير قال لها امشي بوديج المستشفى يلفونه لج الى سلطان والبنات كلهم وناصر واقف في نص الممر مب عارف شسالفه سلطان : خييير تركي : لا نوره جرحت يدها بوديها الحين سلطان قرب منها وشاف الجرح كان الجرح من صبعها الابهام الين نهايه الكف بس غزير بنص الجرح قال يله يله قومي راحت مها يابت عبات نوره وشيلاتها لبتسها سلطان : يله ننطرج احنا نوره تهز راسها والدموع ما وقفت تركي : بتسافرون , اشوف الخدامه تشل الاغراض من سياره ناصر سلطان ايه الجمس وسيع واحنا بس يعيني مب وايد قلنا خلنا بسياره وحده احسن تركي فهم ليش دموع نوره شلها المستشفى ويوم لفوها وخلصت وهي بالطريج نوره لين الحين ترجف تركي : نوري , بردانه نوره وهي تلم اصابعها الي فاضحتها : ايه شوي .. تركي : نوره انتي متوتره عشان ناصر معاكم نوره من تحت الغشوه خرت دموعها وحاولت تمسك روحها تركي : النوري ! نوره ما قدرت تخش بقلبها : ايه عشان ناصر تركي : آآآآه , مب ساأل ليش بس اذا ما تبين تروحين خلاص خلهم يرحون وانتي تمي نوره : ما اقدر انا رايحه عشان البنات يبون يسافرون حرام تركي : شلحل نوره : مافي حل غير الي ربي كاتبه اربع سنين قدرت اتحاشي أي موقف معاه وضحكه ضحكه مكسوره وقالت : واليوم بتم معاه اكثر من عشر تيام واكثر ..!! الله يعلم شنو بصير تركي : ناصر ريال نوره : والنعم فيه ما قلت شي ناصر ما بعيبه شي العيب فيني !! تركي : شلون : نوره وهي تمسح دمعتها : ما اقدرت اتقبل الرفض , انا كبرت على ان الكل يبيني وحبني وما عمري كنت موقف رفض ناصر رفضني .. تركي مب فاهم شي !! من رفض من وشلون : نوره وضحي كلامج مب مفهوم من الي رفض الثاني نوره : تركي لا تسألني ارجوك تركي : على راحتج نوره بي عرفي انه لو كلامج صحيح فناصر هو الخسرااان الكبير لكن اعتقد ان الموضوع فيه حلقه مفقوده .؟ نوره ابتسمت وقالت موجوده وبقلبي مكانها بس استحاله اقولها ..؟ وصلو البيت وشافو الشعب ينطرهم ام حمد : ها يما اسم الله عليج يقلون منجرحه نوره وهي تحاشي نظرات ناصر الي من دشته وهو مب قادر يشل عيونه منها من زماااااااااااااااااااااااان يا نوره الله على الدنيا نوره , عيوني المركبه ما اشوفها الا بعد اربع سنين !!! نوره وهي تحاول تطلع صوتها الي ختفى خالتي ماشر الصحن انكسر بيدي مسكته وهو تو طالع من الفرن وطاح من يدي وقمت من الفلاحه بلمه والقزاز حااااار مسكت قطعه احرقتني مادري شلون وانا حاذفتها شقت يدي ام حمد : ما تشوفين شر خيطوو الجرح !! نوره تهز راسها بالايجاب ناصر : سلامات نواري ما تشوفين شر صوت هز كيانها صوت اشتاقت له من سنين نواري بطريقه فريده ينطقها تخليها تعشق اسمها لفت نوره ولوله بعيونها تحاول تخشه صوت هادي وخوف : الله الله يسلمك مزان : نوري , نأجل السفر بكره نوره : لا لا وهي تبتسم حق اختها شدعوه الاجرح بيدي تركي : يراقب نوره الي تبي تغلب على حزنها على شي مب راضيه تنطق به يصرخ بقلبها وهو يفكر شلون يحل معادله صعبه قالتها نوره وكل معطيات الي يقدمها ناصر تعطي نتيجه عكسيه لمعادلة نوره !! سلطان : نوري نمشي الحين !! نوره : جاهزين نمشي , يما ..الكافي الي سويته خلهم يطلعونه من الثلاجه ويدونه السياره لا ينسونه ترى لو وصلت الحدود وما لقيته رديتكم ام سلطان : ههههههه لا كاهي مها لاويه عليه من الصبح نوره وهي تجاهل ناصر كلش : اضربت يدها على صدرها بطريقه ادراميه : ويه راح الكاافي وهي فازه من مكانه مهووي وين كافييي ..؟؟ مها:ههههههه باقي كم حبه نوره عيونها تفتحت بكبرها مهووي مها: وزعت على الشعب .. وهي تلف بنات حلو صح البنات بصوت واحد : امممممم لذيذ مها: سلطان ناصر حلو صح سلطان : نوري مادريت انج تعرفين تسوين كافي جذي كان فتحت لج محل ناصر : ليش عاد هالكافي من يوم هي بالثانويه تسويه ما كليت الذ منه نوره لفت وطالعته بنظره وهي تقول لين الحين تذكر !! تداركت الموقف وقالت : مهوي افتيحي العلبه افتحتها لقت ان الكافي ثلاث ارباااعه خااااااالص نوره : ارويكم يالمفاجيع هدت الي بيدها وطارت على الثلاجه وطلعت من اثلاجه صحن مغطى كبير شلت الي فيه وحطته داخل علبه بلاستك وهي طالعه من المطبخ ورايحه الصاله نوره : اقول ما تبون تسافرون وهي ترويهم العلبه اكبرمن الاوليه الكل : هههههههههههههههههههههههههه مها : نوره طيبه بتعطينا نوره : لو تدفعين البزتين الي عندج كلها ما عطيتج سلطان : نوري انا بتعطيني نوره : نو نو ولا حد ولا حد يترجي كلكم كليتو منه غير حبيبي تروكي هااك وعطته وهي تمد السانه حق سلطان سلطان اقول يله يله السياره قبل لااهون واخليكم مكانكم ... نوره : هاهاها نعشم شعب تبيهم يذبحونك سلطان : انزين شيخت الشعب اامشي جدامي يالصياحه انجرحت يدها صاحت ليكون ياهل ..؟ تركي : كيفها خلها تدلع على خالها وهو يقلد نوره اول ما نجرحت ارفعت عيونها وهي تصيح خاااالي انرجحت الكل : ههههههههههههههههههههه نوره : قعدت مبوزه وقالت سافرو بروحكم ما ابي اسافر هونت سلطان : احسن ,صح بنات الكل ساااكت سلطان : تحجوو مب احسن انها ما تي معانا ..؟؟ البنات : هاا مها :لا يبا ما نقدر ..؟؟ ما تسوى الطلعه من دون نوري .. ابتسم ناصر وهو يشوف نوره الي قربت منها مها ولزقت بيدها ااذا نوره ما ترو ح انا ما اروح ومزان مثلها وعواش واليازي بعد نوره : سافر انت ولد خالك بروحكم ناصر : من قال يسافر بروحه انا برابط مع البنات نوره ويها صار طماطه ..؟ البنات مزان قاعده جدام اليازي وعواش يم خالتها قامو يضحكون بالخش وهم يحاولون يبلعونها عشان ما يحرجون اخوهم سلطان : الشرهه علي داق عليك اقول لك تعال معاي انا الغلطان ناصر: لاحول ولا قوه سلطان الساعه صارة 6 بنمشي او لا ..؟؟ سلطان : لا وهو رايح فوق ناصر : وهو يطالع عمته والبنات وتركي : من صجه ذي ..؟؟ نوره : وهي تشوف سلطان وهو رايح ايه من صجه ونص ناصر لف عليها : شل الحل .. مزان : يا ان ننطر الين ما يعتدل مزاجه العوي او حد يراضيه او ننطر لين بكره ..؟؟ نوره : وهي تلف على الجازي : جزووي قربي امسكتها وهمست كم كلمه بذونها الجازي : ويها انقلب احمر بس قالت : ان شااء الله .. نوره : عدوو الين خمسين من اول ما اطلع من باب الصاله بصوت هادي .. وراحت ورى سلطان شوي الا نزلت وياها سلطان الشعب : 45 وهم يشوفونهم سلطان طالع الجازي وابتسم وصد عنها وقال يله الكل : هيااااااااااااا اخيرا "نوره قالت حق اليازي انها دز مسجات حلوه وتترجا سلطان عشان يرضي وسلطان ما يرد نوره خاصه لين راحت عنده وقالت له "يباا " تكفى لا تزعل وتتدلع عليه يتم يطالعها وهو يبتسم مايقدر يرد خواته يحس انهم عيونه وكل طلاباتهم اوامر ضربها على راسها وقال لها قومي يالعياره .. جذي نزلته بوقت قياسي خاصه انها قالت له عشان خاطر يزوي طبعا هنيه طااااااح الحطب" طلعو واركبو السياره بعد ما سلمو على الكل وما قصرت ام حمد ما خلت وصيه ما وصتهم وتحملوو برواحكم وام سلطان هم ماقصرت وسمعت البنات كم كلمه توصيهم بالعقل والحشمه وقبل لا يركبون قالت لهم وين نقابااتكم قبل لا تنزلون الجمارك تلبسون النقابات البنات كل وحده حاطه بشنطت يدها نقابها ...... وصت سلطان وناصر بخواتهم وان ما يكدرونهم ولا يخلونهم لحضه .... وراحوو بعد ما قالت الي بقلبها .................................................. ................................... "تعال وفك من هالصدره ضيقه تعال ولا تفرط في حناني انا مليت اذا تبغى الحقيقه ولا ودي بغيرك حب ثاني ترى مال العشيق الا عشيقه وترى ما تسعدك الا احضاني .."نوره وهي على الخط قبل لا تطلع من حدود قطر دقت على هند نوره : الو السلام عليكم شلونج هند هند: وعليج السلام الحمد الله نوره " انا الحين بطلع من الحدود ما اوصيج ياسر أي شي يصير بلغي تركي هند: لا توصين حريص اكيد , والله يا نوره مب عارفه شلون اشوفه نوره : ربي يكون في عونه وعون اهلها دقى علي طمنيني كل فتره هند: ان شااء الله سكرت من عندها ودقت سيده على حنان وصتها على نفسها وانها تبلغها بأي شي يصير ولا تخش عليها حنان بصوت مكسور قالت لها ان شااء الله .. سافرت نوره ,قلبها عند غلا الي تعلقت فيها وحستها وحده من خواتها ولان ولد عمها قاعد ينتهى كل يوم ومب عارفين ينقذونه اسكت بالسياره مع ان كان الكل يسوالف وهي تشوف الدريشه سلطان : نوره عسى ما شر نوره : ابتسم : ولا شي يالغالي سلطان : بعينا بالسوق نوره : اشتريك يالغالي سلطان : شلي مكدرج نوره !!؟!! نوره : ولاشي ولا شي لا تهتم وابتسمت سلطان طالعها وهو حاس انها فيها شي ناصر الي قاعد يترجم كل شي على مزاجه هو سمعها يوم توصي هند على ياسر صادته الغيره راح عن باله ان ياسر اصغر من نوره, لكن الغيره العبت دور عند وقال بقلبه كل هالحزن عشان مفارقه حبيبج !! كان يكلمه سلطان يوم انه ما رد عليه سلطان : وانت شبلاك ناصر وهو معصب ..شبلاي ؟؟ سلطان : ويه اسم الله عليك شيااك ناصر : شفيني شبلاك انت نوره استغرت تصرفه مب من عادة ناصر يعصب بهصوره ..؟؟ سكت سلطان وركز على طريجه نوره شغلت نفسها بسوالف البنات لكن ناصر الي قلبه محترق ومب عارف شلون يحلها ..؟؟ .................................................. ....... في بنت ام عبد الله ام عبد الله قاعده وهي تمسح دموعها وهي قاعده على سيادتها بعد ما خلصت صلاه العشى منى كانت توها راده من المستشفى لان مالها لزمه قعدتها عند غلا دام هي بالعنايه .. بالهوقت بلحضت سكون البيت حتى من زعاج ساره الي الين الحينه عند حنان .. دخل عليهم عبد الله دخل مثل الاعصار ... لفت ام عبد الله وهي تشوفه بنظره ولفت عيونها ولا كأنه موجود .. منى : شلي مييببك !!.. من ناوي تخلص عليه انا ..؟؟ او بنتي ترى بنتى باايته عند رفجتي يله عصب كسر الدنيا عبدالله : منووه يودي السانج احسن لج ..؟؟ منى : اقول برع برع يالخايس وهي واقفه ودها تذبحه بيدها عبدالله : الظاهر تبين ترقدين مع العفنه الي مثلج ويلتها كف على ويها الا صوت هز المكان لا تمد يدك يالجبان منى لفت ويها وهي تصيح : عمــــــي وركضت ولمته بكل قوتها عمها مبارك سنين من بعد عرس منى ما شافهم ولا شافوه كان السبب عبد الله والحين رد والسبب هم عبد الله مبارك : عبود الظاهر انت ما منك فايده اطلع خواتك من اليوم وراح مالك شور عليهم عبد الله وهو يضحك :من انت يال شيبه ياي توقف في ويهي روح احسن لك وخلني اربي هذولي منى : حتى الحشيمه نسيتها خساره تريبت ابوي فيك خساره تعبت امي عليك ورازتك بين الناس ريال عبد الله: جب انتي وهو مقرب يبي يضربها مسك يده عمها ودزه بقوه طاح منها قام عبد الله ثاير بيمد يده على عمه ولا بهامه الا ام عبد الله تصرخ عبود نزل يدك وهي مقربه منه عبد الله ولا كانه بسمعها ام عبد الله : عبووووووود وهي تير من ثوبه لف عليها بسرعه عليها وهو يصرخ شتبين لحضه من زمان كان مفروض تستوي لحضه خلته يعرف قيمة نفسه ام عبدالله ظربته على ويهه بكل قوتها عبد الله ظل فاتح عيونه والشرار طالع منه انا انا تضربيني ام عبد الله : لو اني ظاربتك من قبل كان صرت ريال عبد الله مد يده ودز امه بقوه عمه مااستحمل المنظر منى اركضت على امها ومبارك مسك عبد الله من ثوبه وطاح فيه ظرب بالعقال لكن عبد الله بحكم سنه ومباررك ريال كيبر ما قدر على عبد الله الي وقف ودز عمه بكل قوته وقام يصارخ صوت الصراخ وصل اخر الشارع مبارك لانه مايسوق كان الي يايبه ولده فهد دخل الا يشوف ابوه ينظرب فهد اسودت الدنيا بعينه ومسك عبد الله من ثوبه علقه بالطوفه وظربه ظربه الين عرف ان الله حق وبالغصب طلع من يد فهد طلع من البيت وهو يهدد وتوعد انه بيرجع فهد قال ليش تحسب الدنيا لعبه بيدك يالخايس روح يا علك ما ترجع منى وامها بحاله يرثى لها ام عبدالله رافعه يدها وتحسب على عبدالله منى ارفعت راسها قربت من عمها وباسه على راسه وقالت له عمي المسامحه عمها : لا تعذرين عنه هذا خساره يكون ولد احمد خساره يطلع ولد احمد بس من اليوم ورايح لا تحاتون شي انا عندكم وان تعرض لكم والله لا اسجنه منى اكتفت انها قامت تصيح بصمت منى لفت على فهد الي مب عارف شنو يسوى او يقول الله بلاهم بهالاخو فهد: منى يما تعالو عندنا اخاف يجيكم باليل او أي وقت تعالو عندنا تكفون وخلو البيت الحين منى ساكته ولا تكلمت لانها تعرف انه بيرجع ام عبد الله : ما نبي نثقل عليكم وعبدالله ما اضن بيرجع لانه جبان مبارك: لا تعالو عندنا البيت العود بيتكم قبل لا يكون بينتا تعالو عندنا هو ما يقدر يروح هناك تعالو بيتكم بعيد وما يندرى باي وقت بجيكم قومي يبا منى لمي اغراضكم منى اشنااء الله...؟؟ .................................................. ................................... نواف اخوي ناصر توه يدري ان المسافر لانه كان طالع رحله مع ربعه ..يوم درى ان ناصر وسلطان مودين البنات عصب !! دق على ناصر : الو ناصر من صجك مسافر مع نوروه .. ناصر: خير !!!! نواف : شلون لها عين هذي ناصر : نواف شبلاك تحجي عدل نواف : ناصر حرام عليك كفايه مره كنت بتضيع من يدنا بسبتها الحين راجع لها ماصر: نواف تعوذ من بليس ناصر كان يحاول يبتعد عنهم لكن ما يقدر ينزل ويخلي البنات بالسياره لا ن سلطان نزل السوبرماركت الي بالمحطه وكانت السياره تعبي بترول .. نوره لانها كانت يالسه ورى ناصر بالضبط قدرت انها تميز ان نواف يصارخ وتمت ساكته ناصر : نواف ماله داعي الي قاعد قوله <<بصوت هادي عشان محج يحس نواف : آآآآه ..ناصر ما اقدر اقول لك شي الحين المهم يا ريتها تختفي من حياتك عشان ما افكر بالخوف انك ترجع تضيع من يدنا ناصر: نواف كم مره بقول لك ماله داعي هالكلام وكم مره بحاول افهمك ان الي انت فاهمه غلط نواف : بحاول مع اني ما اقدر اصدق لاني اعرف ان طيبتك تخليك تستر عليها المجرمه ناصر: نواف مع السلامه ..سلم على الاهل وقولهم احنا الحين بالدمام ... نواف : بحزن ... معع السلامه نوره : نزلت دمعه غصب عنها ولفت ويها تشوف الدريشه :آآآه يا نواف انت الوحيد الي لين اليوم تلومني كلهم حزنو لكنهم ردو ونسو اني رديت ناصر وقالو قراري ليش انت مب راضي تنسي .. ليش تحملني الذنب الي شلت بين ضلوعي وانا المضلومه..؟؟ البنات كلهم كانو نايمين الا اليازي الي سمعت ناصر اليازي : ناصر شبلاه نواف فيهم شي ناصر وهو لاف يشوفها ويبتسم : لا مافيهم شي خبرج اخوج ما تعرفينه متهاوش مع عبوود جاسم اليازي: اها اونه بصدق بس يله نواف كله يفهم على كيفه ناصر : هههه اخوج عوي حبتين اليازي : هههه يعني بعلمه ناصر: عادي علميه بيقطع معاشي يعني اليازي: ههههههه لفت على نوره : النوري رقدتي ...؟؟ نوره : هلا لا والله بس سرحانه اليازي : في من شاغله بالك نوره : ابتسمت وقالت .. يا عله يتهني اليازي : اوب اوب وهي توطي صوتها من من قولي ما اعلم سرج بير نوره : ههههههههههههههه والله هبله خليت هالسوالف لكم اليازي : مالت والله صدقت ناصر وهو يتحرش يبي يشارك نوره موضوع من سافرو وهي تحاشي أي حوار معاه الا يوم عطته قلاص الحليب ومره يوم عطته السندويجات ..؟؟ ناصر: احم احم شسالفه شاركونا اليازي: اوووف سوالف بنات ناصر وهو يلف ومكشر : ما يصير تغيرونها وتيبون سوالف مشركه اليازي : اممممم مب مشكله شوي الا مسج ياي حق نوره ناصر اسغرب رفع يده يشوف ان الوقت متاخر غريبه ..الساعه الحين 2ال يعني نوره تخرعت افتحت المسج لقته من حنان " يارب ما ازعجتج . .. حبيت اطمن عليج انتو وين الحين ...تركي قال انج جرحت يدج سلامات ما تشوفين شر .. وقال انج صحتي ههههه" نوره ابتسمت وهمست ما قصرت .. ناصر سمع ما قصرت انغص اليازي : ابي اتليقف من من نوره وهي تكتب المسج : مالج خص اليازي : انزين نوره : هههه فله الفشيله حلوه ناصر الي وده يعرف من وقامت تكتب مسج لها " ما ازعجتيني بالعكس والله .. احنا بالدمام تونا داخلين وبنبات اليله بالدمام وبكره بنمشي ... ما قصر تركي قالج اني صحت يعني لازم الفظايح ... قولي له النوري بتردها لك " ورفعت راسها بعدها شافت اليازي تشوفها بستغرب لان نوره كانت تبتسم وناصر الي كان ياخذ من يد اليازي قلاص الحليب هم يطالعها ..؟؟ نوره : شبلااااكم اليازي : ولا شي انتي قالتي مالي خص ما اسال ناصر: بس ما قالت مالي خص انا من منه المسج <<نبرته كانت شوي يين عليها الغضب ..؟ نوره استغربت اسلوبه ..؟؟ وقالت وهي ودها ترفع ضقطه : مالك خص ناصر: استغرب اول مره بحياتها نوره ترد له طلب ..؟؟ ناصر : هااااا .. انتبه ولف ويه يعتدل سلطان ركب السياره بالحظه الي يا نوره مره ثانيه مسج سلطان : بسم الله من جواله ذي نوره : انا .. وهي تقري المسج " ههههه نوره هو قال لي ما اقولج انج صحتى عشان ما تقولين لي شي من مواقفه البايخه .هه انا قلت له ابشر الحين ادز لها مسج هههه ودزيت " نوره : ههههههههههههههههههه ما استحملت وقاممت تضحك سلطان : دوم مو يوم بس ضحكينا معاااج من الي بالمسج تركي نوره وهي تمكتب المسج : ههه لا . " ههههه انا اقول شالي مسهرها اتراي الحبيب مسهرج ... ايه والله لا اقولج سالفه بتموتين عليه من الضحك عيل انا يفشلني " سلطان : نوري منو نوره : بقولك بعدين لان في ملاقيف يبون يعرفون هههههه سلطان وهو يشوف ناصر الي شرب الحليب مره وحده جنه ماي قام يضحك : الله يكره بليس نورووه يالله تمارسين اساليب خطيره حرااااااااااام اليازي: ليش نورووه تعرف الحرام الا ياي نوره مسج قطع على سلطان الكلمه الي بقولها نوره تقرى المسج : " حياتي اليل والسهر حق العاشقين اذا ما سهرنا وتغازلنا ما يسمونه ليل وبعدين تكفين دزي لي أي شي الحين ابي اقوله تكفين نوره : ههههههههههههههههههه وهي تكتب سلطان : النوري تكفين عاد قولي لي والله بطني عورني نوره : ههههههههههههه والله حالتكم حاله هذي حنان مرت خالي تركي .. قال لها اني جرحت وصحت يوم انشقت يدي وقال لها لا تعلمينها عشان ما تنتقم وتفضحنا عاد هي تبي تعرف دزت لي تقول لي قولي ااي شي عنه الحين الكل : هههههههههههههههههههههههههههه ناصر الي ارتاحت ملامحه وضحك على روحه وقال بقلبه ياربي والله ما اقدر اكثر .. سلطان شاف ملامح ناصر وقال بقلبه :يا الله شقد تحب نوره بس ليش يا نوره ليش ..؟؟ نوره دزت حق حنان : يا عيني على الحب ربي يخليكم حق بعض ويزيد الحب كل يوم ولا تفرقون ... الحين مب قايله لج الا قوليلها شخبار رحلت الشمال الي طلعو فيها قنص ؟بس البقيه مره ثانيه " ..... سلطان : يله بنزل انا وناصر نشوف في شقق هنيه وينشوف الغرفه اذا اوكي بدق لج رنه صحي البنات عشان ننزل نوره : ان شاااء الله ....................................... ياسر , قاعد وهو يحاول يندمج مع التلفزيون لكن مب قادر كل صغيره وكبيره تذكره بقلبه غلا ايمان الي شاكه بأخوها افكارها تاخذها وتوديها تحاول تفسر حاله لكن مب قادره هدوءه الغريب ليش ما ياكل ..؟ ليش ما يتصارخ على الاقل ..؟؟ هند تقول ان البنت نفيها الي تبي تخطبها حق ياسر ,..؟؟ ياسر كان يعرفها معقوله تأثر عشانها وهو ما يعرفها .؟؟ دخل حمد بيتهم وهو يسلم سلم على ياسر الي سلم عليه وقام من الصاله دش دخل اعتذر انه بيبدل لانه لازم يطلع ضروري ..!!!! حمد: شفيه اخوج ايمان وهي تفكر : مادري حمد: ايمان ..؟؟ شسالفه الو نحن هنا لفت عليه وهي تفكر وقالت : حمد اقولك شي حمد وهو يرسم ابتسامه عريضه : سمي يا بعد جبدي ..؟؟ ايمان ويها انقلب لونه احمر وقالت : اول شي تسنع ثاني شي ابي اتحجي جد حمد: اسف الشيخه يله قول الجد مادري عم مادري خاله ايمان : حمدووه ..؟؟ حمد : عيونه .امري ايمان قالت اذا بتم اترادد معاه مب قايله شي : اسمع اسمع اذا عرفت تحل المعادله الي بقولها لك الي تبيه بس وعد سر حمد : سرج بير ايمانوه قولي قالت له عن غلا وبعيدن قالت له حال ياسر ...؟؟ حمد وهو يفكر : مادري شاقول بس الضاهر ان ياسر يعرفها عنها من قبل تدرين دام هي رفيجت هند يعني اكيد شافها مره تعلق فيها وعشان جذي قال يخطبها من الحين ..؟؟ ايمان : يمكن , تهقى انه ياسر يحبها ..؟؟ حمد وهو تنهد اكيد شوفي ويه شلون ..؟؟ ايمان : قلبي معورني البنت بالعنايه المركزه ..؟؟ حمد : الله يشاافيها والله حاله ياسر تعور القلب ..؟؟ ايمان : لهدجه الحب ياثر ..!! ما توقعت هالشي ابد حمد: لو يصير فيني شي بتعرفين ايمان لفت وهي تقول اسم الله عليك وبعدين انتبهت وقال وهي معصبه لان انحرجت وليش ان شااء الله حد قص عليك قال لك احبك تعوذ من بليس بس حمد: هههههه ااااه يا قلبي مشكلتي احبج يعني هنيه المصبيبه ايمان وهي تكلم بشكل جدي: حمد البنات وايد بتلاقي وحده تحبك لكن انا لااااا حمد استغرب جيديتها ..؟؟ : شقصدج ايمان : واضح قصدي .. حمد: لا مب واضح انا ذكي شوي .. عبري عبري مثل الناس ايمان : يعني بالعربي انت وياسر عندي متساوين حمد والدنيا مسوده بويه : لا ما اظن تدرين ليش لاني اصلا حتى مستوى ياسر ما وصلت عندج قوليها عادي من انا غير ولد خالج تعلبين وتضحكين وتغيرين جو معاه يعني حتى يوم اني قلت لج احبج ما اهتميتي قلت يمكن تحبني وتستحي تقول لكن تعاملج كل ماله ويصير ازفت من قبل على الاقل قبل كنتي تحجين الجين مول تقولين الي عند بنفس ثقيل وتطلعين ..؟؟ ايمان : كل هاي عشان قلت لك ما احبك لا تعلق فيني ..؟ مشكور ما قصرت حمد: العفو انت وحده الاحساس معدوم عندها قالو لي من قبل ايمانوه ما تفكر الا بنفسها وبس !!! وقام طلع من المكان .: ايما ن تمت مكانها منصدمه ومستغربه انا انا كل هالكلام عني انا ما احس قامت تصيح وتصيح من قلبها شافتها هند راحت عندها هند: ايمان شفيج ..؟؟ ايمان وطاحت بحضن هند وصاحت هند خرعت شبلاها ..؟؟ ايمان : هند انا ما احس ولا اهتم الا بنفسي ..انا ما عندي قلب صح ... هند: من قال هالكلام ..!! ايمان بطبيعها ما تخبي شي بقلبها قالت حق هند كلشي هند: ليش قلتي له انج ما تبينه لا تحبينه .. ايمان :.............. هند: انزين كلامج صج ايمان : ............ هند : ارفعت راسها وقالت لها جاوبي ايمان : لا جذبت .. هند: ابتسمت :ليش ايمان : خايفه هند: من شنو ..؟؟ ايمان : خايفه من مادري احساس مخوفني عليه اخاف يصير شي يفرقنا وعذبني واتعذب شوفي ياااااااااسر هند: هاا ياسر شدراج ايمان : والله لو خشيتو عن امي انا لا ياسر اخوي هند : ابتسمت ولمتها وقالت ان شاء الله مب صاير الا الخير وقالت لها صبري دقي على حمد حاجيه ايمان ك ما قدر... .................................................. .... شنهي قصت نوره وناصر..؟؟ نواف بضل ساكت .. ليش كاره نوره لهدرجه ..؟؟ غلا ..؟؟ مبارك عم غلا وينه من قبل ليش مكان موجود بحياتهم من قبل وينه ..؟؟ الكثير جاي بالفصل الجديد تحياتي لكم : مينون الحب Link to comment Share on other sites More sharing options...
JeNeYa Posted نوفمبر 10, 2006 Report Share Posted نوفمبر 10, 2006 يسلمواااااااااااااااااااا ننتظر الباقي لا تاخر نزل لنا اجزاء اطول بليييز ... Link to comment Share on other sites More sharing options...
lovemoon Posted نوفمبر 10, 2006 Report Share Posted نوفمبر 10, 2006 أخوي القصة واااااااااايد واااااااااايد روعة و لا تتأخر علينا بالبارتات الياية ننتظر التكلمة Link to comment Share on other sites More sharing options...
عاشقة الربيع Posted نوفمبر 10, 2006 Report Share Posted نوفمبر 10, 2006 مشكور اخوي وننتظر التكمله لا تتأخر علينا Link to comment Share on other sites More sharing options...
مينون الحب Posted نوفمبر 10, 2006 Author Report Share Posted نوفمبر 10, 2006 الفصل الثامن عشـــــــر متى تأتين وحدى أنتظرك خلف الباب يعانقنى شوق .. و حنين .. والناس أمامى أسراب ألوان ترحل فى عينى ووجوه تخبو .. ثم تبين والحلم الصامت فى قلبى يبدو مهموما كالايام يطارده يأس .. و أنين حلمى يترنح فى الأعماق بلا هدف .. واللحن حزين أقدام الناس على رأسى فوق الطرقات .. على وجهى والضوء ضنين .. تبدو عيناك على الجدران شعاعا يهرب من عينى ويعود و يسكن فى قلبى مثل السكين أنتظر مجيئك .. لا تأتين عينى تتأرجح خلف الباب فلم تسمع ما كنت أقول .. أصوات الناس على رأسى أقدام خيول .. و رنين الضحكات السكرى أصداء طبول .. و سواد الليل على وجهى صمت و ذهول .. و أقول لنفسى لو جاءت ... ! فيطل اليأس ويصفعنى تنزف من قلبى أشياء دمع .. و دماء .. و حنين و بقايا حلم .. مقتول ما كنت أظن بأن العهد سراب يضحك فى قلبين ما كنت أظن بأن الفرحة كالأيام اذا خانت .. ينطفىء الضوء على العينين .. أنتظر مجيئك يشطرنى قلبى نصفين .. نصف ينتظرك خلف الباب و اخر يدمى فى الجفنين .. حاولت كثيرا أن أجرى .. أن أهرب منك .. فألقانى قلبا يتشظى فى جسدين .. "فاروق جويدة" المسافرين وصلو الرياض واستقروا فيها كم يوم وبعدين بيكملون رحلتهم .. الظهر الشعب كالعاد مجتمعين مع بعض نوره دوم تحاول ان ما تندمج اذا ناصر معاهم تعزل روحها بطريقه او خرى اهم شي تحاشى ناصر الي مب قصر كل فرصه ينتهزها مشتاق حق نوره لكن نوره تصده بكل الطرق الي ممكن تعرفها .. نوره ومذكرتها : لم أكن شاعره لكنى عشقت الشعر بعدما همسة بيتا من شفتيك لم يكن شاعرا لكن كان يعشق الشعر الذي يصف ما يرجف في صدره من شوق ألي؟؟! ... اليوم اشتاق اليه وهو امامي لان اخجل من أوراقي لطالما سطرت بها ما يجتاحني من شوق إليه اسرق النظرات وابحث عن همساته القديمه اجلس ابحث عن صمته لأسمع أنفاسه اشتقت له بجنون اشتقت ... حروف خرجت عن نطاق تحفظي اعلنت ضعفها فلم تستطع كتمان ما تشعر به , لم احرمها مما تشعر يكفى انا امثل عدم الاهتمام فبكي قلبي دما وتحسر ... رساله الاحساسي .. العاشقه الصغيره .. نوره.. نوره يا لسه بزوايه في صالة الشقه الكل مندج بالسوالف الا نوره كانت قاعده وماسكه لاب توب مزان وتكتب , مزان ومها واليازي وعواش كانو مندمجين بسالفه قاعد يقولها لهم سلطان الي متونس ان الجازي مجابلته عشان جذي قاعد ويمط بالسالفه , ناصر معاهم يعدل حق سلطان بعض الاشياء في القصص الي يقولها لهم الي ينسى بعضها سلطان , نوره ولا كانها معاهم بعالم ثاني بعالم اورقها اخفت الي كتته بملف وقفلت الملف عشان ما تشوفه مزان !!.بهاللحضه رن جوالها كانت الساعه 11 ونص الظهر نوره شافت التلفون ابتسمت بس بنفس الوقت حست قلبها يضرب بقوه !! نوره : وعليكم السلام والرحمه هند: شلونج نوراي نوره : بخير يا علج الخير انتي شلونج .. هند بتنهيده : الحمد الله الحمد الله نوره : هنود شبلاج صوتج مب طبيعي !! هند: والله مادري شا قول لج نورى والله لو ما انتي الوحيده .... ضاع صوتها وقامت تصيح نوره : هنود لا تخرعيني شبلاج << صوتها صار عالي خلت الي بصاله يسكتون هند: نوره غلوووووووو ... نوره : وقفت لدرجت ان لاب طاح من حضنها وهي ما حست وبخووف : شفيها هنود شفيها نوره كل شي فيها يرجف هند: نوره غلوي دشت مرحله خطيره اجهزتها كلها وقفت وما بقى الا القلب دخلت مره الدكتور يقول خلال 42 ساعه اذا ما تعدت المرحله بيطرون انهم يشلون الاجهزه عنها ووو وقامت تصيح نوره خرت على ركبها "انتهت" وبهمس : ياسر ,حنون ,؟دروو هند: وهي تقاوم الدموع : لا ومب عارفه شلون اوصل لهم الخبر نوره ياسر بيروح عنا ان درى بيموت !! نوره : يارب وهي مب قادره تشل عمرها الصدمه كبيره سلطان قرب منها وونفضها وهو خايف النورى شفيج ؟!؟ شصاير تحجي ..؟؟ شل التلفون من يدها يبي يكلم هند لقى ان هند سكرت الخط ؟؟ نوره لفت ويها على سلطان وقالت سلطان غلووي بتموت خلاص بتموت وووياسر بيموت صدقني ؟؟!؟ ولمت اخوها وصاااحت من قلبها !! سلطان ما فهم شي البنات من صياح نوره اعتفسوا من هي غلا وشسالفه مايدرون !!! ناصر حيران حده سلطان خذ نوره دخل معها دارها وحاول يهديها عشان يفهم منها شي ... في الصوب الثاني هند محتاره اليوم اول وحده اوصلت المستشفى وعرفت الخبر الصاعقه منى اخت غلا شلون بتلاقى الخبر !! امها حناااااان الي ما تقدر انها تصبر عنها وياسر " ياسر اخوي الوحيد بضيع مني , غلوووي ان راحت ضاع اخوي . ياربي شاسوي , يااسر يا قلبي عليك وقامت تمش دموعها " منى وحنان دشو مع بعض المستشفى اول شي شافوه دموع هند منى وهي بحالة شك منى: هند اختى شصار عليها !! هند وهي تمش دموعها : اختج منى : هند تحجي شفيج اختي ماتت قولي ماتت غلووي راحت عنا خلاص هند وهي تمسك يد منى الي بدت تظهر بحاله عصبيه عجيبه كانت تكلم بصوت عالي ويرجف !! هند: لا لا غلا ما ماتت تعوذي من بليس منى منى وهي تهز منى الي بحاله غريبه منى : هنود غلوي شفيها هند وهي منزله راسها :دشت مرحله ربج ادرى بحالها خلال يومين لازم تعديها الاجهزه وقفت عندها الا قلبها ؟؟ منى وبكل صمت وتعابير ويها غريبه لكل انسان ردت فعل منى جاها شي غريب اهتزت وقفت بنص المكان ورفعت يدها وهي عازمه تدعي على اخوها وهي رافعه يدها ارجفت وشهقت بقوه وقالت ياارب ردها لنا يا رب ردها لنا يارب ردها لنا انت الشااااافي يارب .. هند اهتزت هي تسمع دعااء منى لمتها بقوه لان منى قوتها نتهت وكانت بطيح حنان وينها ؟؟ حنان اسمعت هند وقامت تمشي بهدوء راحت لين سرير غلا وشافت الاجهزه الي طالعه منها من كل مكان !! قربت يم السرير وعيونها نهر ما وقف وهي تهمس " غلا ..تذكرين وعدتيني ان نبقى لين نكبر ونشوف عيالنا .. غلا والله والله كنا نمزح معاج يوم قلنا لج كبرتي يله متى بتموتين .. تعرفين انتي ان رحتى عنا احنا بنموت !! غلوي .. انا بروح اقول لهم انج قلت لي انج بتقومين قريب ادري انج ما تصبرين عن ياسر تبيني اقول لهم انج تبينه اجيج اللحين والله اروح اقول لهم ينادونه لج !! غلا امانه قومي زين يله انا بروح بقول لهم انج قلت لي انج بتقومين بالسلامه لان احنا نبيج من بينا .." وردت طلعت من المكان بمثل الهدوء وصلت لين عند هند ومنى هند ارفعت راسها وشافت حنان الي كان شكلها يخوف حالتها غريبه منزله الغشوه ومب عدله شيلتها وملامحها جامده ومشيتها غريبه وقفت وهي تهزها " حنان وين رحتى !! حنان : كنت عند غلا تقول انها بتقوم لا تحاتونها هي وعدتني توها كانت تكلمنيى الحين انا سمعتها !!؟ هند الي مب عارفه شنو تسوي منى الي تصيح مثل الياهل او حنان الي حالتها مب طبيعيه !؟ امسكتها وقعدتها وقالت لها ان شاااء الله ان شاااء الله بتقوم .. خذت تلفون حنان ودقت على اخر رقم بجوالها كان بأسم بابااااتي .؟؟ هند: السلام عليكم : وعليكم السلام ..! حنان هند: لا حنان معاي ياريت حد يجي ياخذها من المستشفى ! : شفيها !! صار شي !! هند وصوتها يعور القلب : يا ريت حد يجي الحين بعدين حنان بخير ما فيها شي بس لازم تطلع من المستشفى : من معاى !! وشسالفه هند: انا هند رفيجتها !!؟ : د. هند هند: هاا ايه ايه بس ممكن بسرعه : اوكي الحين انا داش المستشفى سكر الخط ثواني الا جاسم جدام هند ..؟؟ هند لانه كانت متغشيه ومنزله الغشوه ومب منتبه من الربكه رفعت راسها شافته جاي الي كانه نازل عليها من السما جاسم ما عرفها لان ولا مر شافها !! هند: جاسم جاسم جاسم : لف ويه شاف حنان قرب هند: خذها معاك من درت ان رفيجتها تدهورت حالتها وهي بصدمه قويه لازم تروح البيت وتهدونها تخلونها تنام جاسم وهو ماسك حنان الي الين الحين ساااااكته ولا حرف طالع منها : شفيها غلا !! هند وهي منزله راسها : في مرحله خطيره !! جاسم : لا حول ولا قوه الا بالله .. وهو منزل راسه وماسك يد حنان وماخذها الين السياره !! هند : خذت منى وطلعتها من المستشفى ووصلتها البيت قعدتهم بالمستشفى مالها معني !! عند نوره سلطان .. نوره وهي تصيح مثل الياااهل الي يحكي قصه ظياااع اعز ما يملك قالت كل شي كل صغيره وكبيره حق سلطان الي كان متفهم موقف نوره يوم انها خلصت تمت بحضن سلطان تصيح وهو يمسح على شعرها نوره من كثر الصياح نامت بحضن سلطان هو يوم شافها نامت طلع عنها وخلها بالغرفه طبعا يوم طلع العيون كلها عليه تساله شسالفه تبي تفسيرالخوف ذبحهم ابتسم بويهم وقال لهم لاتحاتون ما في شي يخرع رفيجتها تعبانه وتعرفون نوره حساااسه زياده عن اللزوم والكل عندها مهم !! ناصر : الله يعين هالنوره على هالقلب الي الكل ساكن فيه سلطان ابتسم وقال : الطيبه منها وفيها والله تذكرني بالمرحوم نسخه منه بكل شي واهم شي قلبها وعواطفها !! مزان : اييه والله نوري قلبها كبييييير سلطان قدر انه يقنعهم بشي بسيط من القصه !! ........................................... جاسم الي بعد محاولات جيبه قدر ان يخلي حنان تنام ! تركي يتصل كل ساعه يتطمن عليها على جوال جاسم عشان ما يصحيها تركي الي مافارق ياسر دقيقه لان ياسر ما يدري بالخبر الي اتفقت هند مع تركي انهم ما يعلمون لو صارفي غلا شي لا سمح الله بعرف لكن عن تدهور حالتها مب قايلين له عشان ما ينتكس هو بعد! مر يوم كامل وياسر قلبه يقوله ان غلا فيها شي مب طيبعي !.؟ ما قدر يصبر اكثر ان صبراليوم مب صابر باجر هند ساكته وما تقول له شي غير ان شااء الله بخير ثالث يوم الصبح .. الكل على اعصابه يبون يعرفون أي خبرعن غلا الفير .. غلا اطلعت من المرحله الحرجه لكن بعدها بمرحله صعبه لكن بدى عندها النتفس طبيعي والاكسجين وصل للمخ يعني الجهزه بدت تشتغل عندهاا بشكل طبيعي .. لكن سرعت التنفس شوي بطيئه !! لكن خبر خروجها من المرحله الحرجه محد اليين الحين يعرف عنها شي ... غلا مازلت في غيوبه والدكاتره مب عارفين متي بتقوم ياسر ما قدر حس انه بيستخف خلال هالفتره صار شكله يخرع ضعف ولونه صار اصفر ولا ياكل ولا يشرب حالته تعور القلب وهو يشووف غلا تروح منه ومب قادر انه يوصل لها مع ان هند كل مره تقوله كل شي بس مب قادر ما اعجبه يبي يروح يشوفها بس يخاف حد يشوفه .. الفير يوم الاثنين اليوم كملت غلا اسبوعين بالضبط ياسر كلمت منهار شي بسيط على الشكل الي صار عليه خلاص مب قادر انه يصبر اكثر مب قادر انه يصبر بمووت يبي يروح لها لو يشوفها من بعيد بس يشوفها .. قام وقف عند باب المستشفى لين ياا وقت الزياره دخل قبل لا ايي احد من اهلها او ربعهاا دخل وهو يمشي بين المرضى كلهم الي بالعنايه فاصله من بينهم ستاير وهو يمشي شاف حالات تعور القلب وهو دموعه على خدوده من الي يشوفه قالت له النيرس خااامس سرير جنب الدريشه ياسر يمشي بالممر وهو يجر ريله يشمي والخطوه ثقيله المكان بااارد و هااادي موحش صوت خطووات بعيده جسمه صار يرجف على يده اليمن باب هنيه قسم العنايه دخل غرفه صغيره وفيها باب ثاني وهو توه بيدخل الغرفه طلعت بنت وياها امها البنت رافعه غشوتها وتمسح دموعهاا والام مب احسن منها البنت قبل لا تطلع ردت مره ثانيه فتحت الباب وجدمت وكشفت اول ستاره وقامت طالع المريض وهي مب حاسه بورحهاا قامت تصيح مره ثااينه ياسر يشوفها ويشوف الام الي تير بنتها وتقول لها حراام عليج ادعي له بس انتي وتمسح دموعها كان ريال كبر ياسر بنفس العمر ماعليه غير الشرشف المستشفى الي يشوفه من بعيد يقول ماافيه شي كان الريال وسيم وابيضاني بس الاجهزه في كل مكان طالعه منه سمع البنت وهي تصيح يمه صار له شهر الحين على هالحال يمه قولي له يقوم خليه يقوم وتصيح " امها ترد عليها بصوت مخنوق حراام عليج يايماا قومي انت ودعي ربج وانشاء الله يرجعه لنا " ترد البنت وهي منهاره يمه شوفيه مااافيه شي كلهم يجذبوون يرتها امها وطلعتها وهو يشوف المنظر كان يقطع القلب دمعت عيونه قصب عنه دخل الغرف كانت كبيره وكلها اسره وكل جزء حسب حالت المريض والاجهزه المركبه عليه قام يسمع همس وقف وهو خايف سمع صوت قرااان تلااوه حلوه كان الشيخ يااي يقرى كل فتره يمر ويقرى عليهم كان واقف يسمع لين ما خلص تلاوه ارتاح تقدم وصل جدام سرير غلا بس الي الحين ما كشف الستاره دنع وقام يشد على يده بقوه وهو خايف يدش عليها شلون ادخل مايصير ادخل مايجوز لف ورد تراجع وهو يرجف لا غلا ورد يركض وهو يمسك الستاره قبل لا يتراجع خطوه كشف الستاره شاف غلا لا شاف جسد لذكرى غلااا كانت مدده على سرير والويرات طالعه منها وهي مب في العالم الي بحولها قرب منها وهو يرجف قامت عيونه تدمع رفع يدهاا وباااسها وطاح على ركبته على الارض وقااام يصيح ويصيح وهو يقول غلاااا لا تخليني غلااا حبيبتي سكت مسح دموعه وقام يسولف معااهاا كانها تسمعه ياسر : غلا انت وعدتيني انج بتكونين معاااي لين اخر عمرنا لين نشيب ويطلع الشعر الابيض وتشوفين عايالنا وعيال عيالنا غلااا حبيبتي قومي عشاااان كل الناس الي يحبونج حنون انهاارت ودلال تقول انهاا تبي ترجع صج نسيت مريوم هنود اختي تقول انها ما كانت تبي تطلع من المستشفي تبي تقعد عندج غلا قومي شوفي غلااااج شنو سوى بالناس قومي شوفي شنو سوى فيني غلا تدرين كنت مسوي لج مفاجاء كنت باي اخطبج قبل لا تخلص الاجازه اي غلا كنت ياااي ولا بعد قلت حق امي وامي فرحت عااد قومي قومي وهو يصيح وكانه فاااقد الامل من انها تقوم ويده مااسكه يدههاااااا ومدنع وهو لين الحين قاعد على الارض فجاءه.... انتبه ان يدها تحركت رفع راسه مب مصدق قاامت تشد على يده اكثر واكثر وهو خلااص مب مصدق مب فااهم شلي شيصير وقام يناادي بهمس : غلاااا غلاااا .... غلا في عالم ثاني غلا قاعده تسمع صووووت من بعيد وهي تمشي في فضى ووواسع تمشي صوب الصوت, برد برد برد ليش الجو بااارد وين اناااا تسمع حد يناااديهااا .. ووووووين انت وين وتركض بس كل شي حولهااا ابيض ما فيه اللوان بس وقف وتحس بأنها تعبت وقام صوت يبعد لكن فجأ وقف وبدت القوه مره ثانيه فيهااا لا كل يوم اقول الصوووت بعيد لكن وهي تحاول تسمع مره ثاانيه لا الصوت قريب قريب وايد رفعت راااسهاا شااافت نووور من بعيد وقف وقاامت تركض وتركض ياااايه كااني ياايه يلي تناااي كاااني وهي تقرب اكثر واكثر بس وقف ثانيه هذا الصوت اعرفه امسكت قلبها وقامت تفكر للحظه وردت تركض تركض وووصلت لنووور ... غلاااااا بهاللحظه لحظه وصولها للنور للصوت الي ينااااادي وكانت تعرف من هو كانت عااارفه من هو الي يناااديهااا ومحتاااجها ويبيهااا في هاللحظه فتحت عينهاا ياسر وقف وهو يشوف غلا يشوفهاا وهي تشوفه عيونهم تكلمت لحظات تروي ظماااهم تحاول تشفي جرووحهم غلا :ياااااسر ... بصوت تعباااان قالتهااا وكانهااا وصلت اخيرا للبر اخيرا وصلت حق حاجتهااا اخيرا وصلت للأمان .. اول مره يتلاقون اول مره يكون هو جدامها ويتكلمون يشوفها وتشوفه من دون اي فواصل او حواجز او يكون حد معااهم اول مره يااسر يشوفهاا شافها وهي على سرير ابيض والموت كان يدور حولها شافها ولونها صار شاااحب والشعر منثور حول الموسده وجسمها داخل القطعه البيضه هيكل انسان ياسر ماسك يدها الي كانت ترجف وهي تمسك يده .. ياسر مب مصدق انها كلمته انها قامت من غيبوبتها وهي ذاكرته ذاكره ياسر الي ولا مره شافت غير صوره وما كلمته وجه لوجه فرح وفرحت نزلت دموعه دمووووع ما قدر حتى انه يمسحها .. ياسر وبهمس وحب وكل ما فيه يرجف : غلااا الحمد الله الحمد الله غلااااااا غلا: ابتسمت وبهدووءوصوت ضعيف جدا : وين اناااااا ياسر: حبيبتي لا تفكرين ارتااحي وهو مب قادر يفكر يترك يدهااا او يقعد عندها يناادي الدكتور او شنو سوي غلا: يااااسر راااسي .. راااسي .. يعورني .. وهي تألم وتغمض عيونها شوي وتفتح تحاول تبتسم .. ياسر : دقيقه انادي الدكتور بااااسها على يدهااا وهو يهدهاا كان رايح بس الاشاره عند المرضات ان غلا فيها تغير كانت اسع من ياسر ثواني الادكتور والممررضات حولها و هوواقف الممره سكرت الستاره هو ابتعد و حمد ربه وطلع قبل لا حد يي .. ــــــــــــــــــــــــــــــــــــــــــــــــــ ـــــــــــــــــــــــــــــــ "احم احم... خارج حدود القصه .. السموحه من الكل على هالحزن .. ادري الكل يقول : كنود شنو هالحزن على قولت بعض العرب ^_* اسمها قصه حبيبين . .. مب قصه مآسي " سوري وان شااء الله ما تشوفون احزان بحياتكم ... نخلي غلا ترتاح شوي و نشوف الي نسينااهم ... ــــــــــــــــــــــــــــــــــــــــــــــــــ ــــــــــــــــــــــــــــ تابع ايمان من طلع من عندها حمد وهي حالتها حاله , ايمان وسرحان قاعده المغرب بالحوش الجو بارد, النسمه شماليه .. مكانها المفضل قاعده بالزرع الي بلحوش , في زاويه مشبه مدوره على جنب وفيها كراسي خشب ودورفه ( مرجيحه ) على جنب حق ايمان .. هي قاعده بدرورفه وتهز نفسها بحركه بسيطه , وفاله شعرها هي سرحانه بعالم ثاني و خصلات نازله على ويها , ايمان " الحين انا مب قادره افكر بالي به اخوي يطلع الي حمد , ياااربي حمدوه والله العظيم انت , لا براضي يرد علي ويوم اروح لهم البيت ما يقعد يطلع ,!!! يا بي شنو ممكن اسوي !؟ , الحمد الله حال ياسر تغير !! وهند تقول الي ان غلا قامت بسلامه , ابتسمت وقالت الله عليك يا ياسر الي يشوف ويهك الحين شلون رجعت تبتسم !! اعتدلت بيلستها وقامت تلم شعرها بيدها ورفعت على راسها بكلبس اسود كاعادتها لابسه بنطلون جنز وقميص طويل مخصر لونه اخضر فاتح مشير .. كمه قصير , قامت تمشي بالحوش والضيقه صاكتها على الاخير تبي تصرف مع هالحمد الي مب عارفه له طريج وهي تمشي يا تها فكره وقامت تركض الصاله ودور ياسر مالقته لقت جواله خذت وعلى طول دزت على حمد مسج " حمد تعال البيت ابيك ظروري الحين " بعد ما سوت ارسال الا ياسر داش الصاله يدور الجوال ياسر : شفتى الجوال ايمان بخوف : ها ايه كاهو !! وعطته الجوال الي كانت حاذفته بسرعه على الكرسي ياسر بعيله خذ الجوال وطلع ايمان قلبها بغى يوقف لو يشوف الحين ياسر التقرير !! ويه ما مسحت الرساله ! ابيه اخاف يشوفها انزين انا شعلي ليش خايفه ان مسويت شي صح ما سويت شي وقامت دخلت غرفتها بدلت اثيابها لبست جلابيه عاديه ولمت شعرها ذنب الخيل ومسكت قصه بيدها وراحت الصاله وقعدت تقرى , شوي الا هند داشه البيت من عند غلا طبعا . ايمان اول ما شافت هند: هنوووودتي يتي والله يا بج .. هنود سويت مصيبه هند: شنوو !!!@@ ايمان : اقعدي اقعدي , هندك تحجي شنو سويتي ايمان وهي منزله راسها .. لاعت جبدي وانا احاول بولد خالج ومب طايع يرد على قمت لقيت جوال ياسر دزيت له رساله قلت له تعالي ابيك ظروري ووو هنود اخاف يشوف التقرير بهالحظه حمد كان واقف عند الباب وسمع الكلام كله ابتسم ان المسج من ايمان لكن رد بدل ملامحه وسوى روحه ما يدري وطق الباب وهو داش ومنزل راسه , تصرف جديد بالعاده كان يدرعم ولا يهتم ! حمد : هود , هود هند وهي تبتسم وبهمس كاهو وصل : حيااك وهي تعدل شيلاتها وايمان دشت سيده داخل حمد: السلام عليكم .. هند: وعليك السلام هلا والله بالقاطع عنبو حتى ما تسأل وين الي ناقع في بيتنا حمد ابتسم وعدل غترته وهو يشوف الباب الدخلي : كله منها وسكت هند : ههههه يالله الحين تعافنا بسبتها !! ... طبعا موطين صوتهم عشان ايمان ما تسمع حمد وهو يكشر بملاحه : هند ما اظن خشت عليج شي بحياتي وانتي أقرب لي من عويش اختى دوم تسمعيني وتفهميني هند ايمانو مب حاسه ولا بتحس يمكن تو الناس على قولتكم على هالحجي لكن البنت كبرت وما اظن بتوقفون بويه أي حد يخطبها وانا محد بيسمعني اذا قلت ابغيها كلهم بقلون كمل درستك , هند ايمانوه قلبي طول حياتي هي غير عندي بس للاسف انا عندها ولا شي غير ولد خلها لي تسولف وتضحك معاه وبس يعني قلبها خالي من صوبي , عشان جذي قلت خلني بعيد احسن على الاقل اقدر انساها او اتناساها احاول امسح كل الاحلام الي رسمتها في بالي , هند قاعده ووتشوف بنظرة حنان حمد وهو منزل راسه ويطالع يده وهو ضامهم مع بعض هند: حمد اسمعني , انا اخر شي ممكن اسويه اني اتدخل بينكم , تراضيتو تهاوشتو كيفكم هههه على قولت امي دماركم " المهم انت فتحت قلبك لي مثل ما سوت هي بقولك نصيحه مثل ما قلت لها تبون تعرفون تنجحون بحياتكم " تكلمو بتفاهم " اسمعو بعض عدل لا تستعجل تاخذك الجهاله بلحظه تخسر فيها اغلا اغلا ما عندك اسمع وخل قلبك يتكلم .. رفع راسه وبتسم لها : ربي لا يحرمني منج هنود والله عمري ما قعدت معاج الا رتحت هند: ولو انت أخوي الصغيرون , يله انا قايمه والله من لصبح برع البيت ببدل ثيابي وياايه حمد : عيل وين اخوج داز لي مسج بسرعه تعال وينه !! هند : هههههههه والله مادري !! حمد وهو رافع حاجب !؟ ليش ان شاء الله تضحكين !؟!؟ هند: ولا شي وهي طالعه لقت ايمان بويها ايمان : ساعه تحجين معاه ليــــــــــش صوتكم واطي !!!!!!! هند: مالج خص ايمان : اوووف هنود انا اختج مب هو هند : هو ولد خالى ايمان : تعرفين انتي تقهرين هند : ادري وهي رايحه غرفتها ايمان اول مره ترتبك لما تبي تقعد مع حمد وهي تهز يدها : اوووووووه الا حمدوه يسوي فيني كله هاي وهي داشه الصاله بكل خوف اول ما شافت حمد الي رفع راسه شافها ايمان : السلام عليكم حمد وبنفس ثقيله وعليج ايمان قعدة على الكرسي والي كانت قاعده عليه ومسكة القصه وتمثل دور ما يركب عليها وحمد طالعها وهو رافع حاجبه ويقول بقلبه : يعني شتبي أي احب يدها او اترجها تحاجيني ! حمد : وين اخوج ! ايمان وقلبها طبول : طلع حمد : طلع !؟ شلون يطلع وهو قايل لي انه يبيني !؟ وهو ماسك جواله بدق على ياسر ايمان انتبهت : لا لا قال بيرجع بعد شوي حمد لف عليها شبلاج جنج مقروصه !!. ايمان : خيــــــر حمد : هو يطالعها بذيج النظر : ولاشي , ما قال متى بيرجع ايمان : ما دري عنه حمد: عيل خلاص انا طالع قولي له اذا يه اني نطرته .؟؟ اذا بغاني يدق علي تيليفون هي هزت راسها بالاجاب حمد قام وعطها ظهره بيطلع من الصاله ايمان الدموع بعيونها وهي تكلم بهمس : اووف والله اول مره اتخسبق وما اعرف اتحجي لف عليها حمد : خير ما سمعت هي منخشه ورى القصه وهي تهمس : ولا شي حمد : كان بيطلع بس رد ايمان ايمان ما طلعت راسها من ورى القصه : نعم حمد : شفيج ! ايمان : مب مهم حمد : شلون , وهو راد يقعد على الكرسي ايمان مب عارفه شنو تسوي اذا بعدت القصه عن ويها بشوف دموعها : شلون شلون قلت مب مهم يعيني ما في شي مهم !!؟ حمد : صوتج يقول فيج شي ايمان وهي قايمه وحاذفه القصه على جنب : شلي هامك مب انا المغرووره لاِ فيني وفيني وفيني !!! ليش تسأل وقامت بدش داخل حمد بصوت ثابت وهادي : ايمان .. تعالي برع الجو حلو خلينا نتحجى برع ايمان انصدمت توقعت منه يطلع ولا يهتم لفت ويها مشتغربه حمد وهو منزل راسه وطالع قبلها رح على طول على الكراسي الخشب وقعد على اقرب واحد يم الدورفه ايمان طلعت بهدوء وراه شافته قاعد مكانه المفضل ابتسمت وراحت وقعدت على الدورفه حمد: ايمان , ايمان : لا تحجى ., حمد : رفع راسه .؟؟؟ ايمان : وهي تبتسم ما تعب ما نشف ريجك حنجك ما طاح !! حمد : هههه لا بس يله بنسكت ايمان ك احسن ايمان : حمد حمد : رف راسه يطالعها ايمان : حمد اسمح لي اقولك مع احترامي الشديد لذكائك انت واحد غبي حمد : مشكوره ايمان : العفو .. حمد: احلفي ايمان : والله حمد: ايمانوه ايمان وابتسامه عريضه : يس حمد: عبيطه ايمان : ادري المهم خلني من سندارتك اسمع اسمع ما اظن نسيت انت ذاك اليوم صح حمد : أي يوم !! ايمان وبستنكار واضخ على ملا محها !!: حمد !! حمد : أي يوم تقصدين ! ايمان ماتدري ليش كانت ودها تصيح وقامت من الدورفه : دامك نسيت عيل الحمد الله خلاص ما في كلام ينقال !! حمد مسكها من يدها وردها على الكرسي الي يمه : اقعدي ايمان : وهي لمه يدها متجتفه ونفخت من قلبها حمد ك قولي أي يوم ! ايمان : وبعدين حمد: قولي ايمان : يوم تهاوشنا !! حمد: ليش ايمان : حمدووووووه حمد : ليش ايمان تهاااااااوشنا !!!! ايمان : عشان عشان اوووه يوم قلت لك انت مثل ياسر وانساني وانك بتلاقي احسن منى وانت قلت لي....<<اسكتت وكملت وزعلت منى وطلعت وانت ما قصرت فيني حمد: انا شقلت لج !! قبل لا ازعل وشلي زعلني ايمان : خلاص عاد حمد: شقلت لج !؟ ايمان وهي منزله راسها وتلعب بريلها ومتكيه بيدنها على الكرسي : يوم قلت لي انك تحببني !! حمد : والي يحب يعرف يزعل !! على الي يحبه !! ايمان ما ارفعت راسها بس دموعها صارت تنزل بشكل غريب حمد: تعرفين ليش زعلت ايمان هدووووء وخجل مازال راسها بالارض حمد: زعلت لاني خسران وحده مثلج ولاني لو لفيت الدنيا مب لاقي وحده حلوه دلوعه مثلج ولان حمد ما عمره حب غيرج يمكن يكبر ويلاقي بس الاحين لازم شوي ازعل صح وهو قايم وبيبتعد عنها .. ايمان تاكدي انا ببقى حمد ولد خالج الي يعزج يمكن زعلت وغلط عليج والله اسف مب قصدي بس يوم اني ابتعدت يمكن الصدمه الي كنت متوقعها عورت قلبي وخاصه اني كنت متاكد من كلامج الي قلتي لي اياه وكاني حاس ان قلبي خالي من ناحيتي بس لا تهتمين ولا تزعلين ما اوعدج ارد مثل قبل لكن بتم حمدووه وبتسم .. هي ارفعت راسه وشافت ابتاسمه ومسحت دمعتها بيدها وقالت : خلصت حمد : ابتسم ايمان : مو قلت لك انت غبي حمد : وهو رافع راسه !؟ ايمان : تدري ليش قلت لك انك مثل ياسر !! لانيخايفه عليك خايفه يصير فيك مثل ما صار بياسر لو صار فيني شي خايفه لو يتقدم لي حد وانت لين الحين تدرس وهلي غصبوني اتزوج وامي حالفه اني ما اتم مثل هند وينكسر قلبك خفت تألم بسبتي قلت الحين يمكن قلبك يعورك لكن بكره لو صار ماصار وتعلقت فيني زود شلون تقدر تعديها !! حمد انا انا , وصوتها راح وهي تقول انا ما اقدر استغنى عنك لو ما قلت لك بس انت غير .. حمد من فرحته كان وه يضمها رد على ورااه وقال لها : ايمانووو واالله والله والله محد بياخذج منى أي فيه خير يقرب منج جان اثور في راسه ايمان ابتسممت وهي تمسح دموعها حمد : ايمانوه ارفعي راسج الحين ايمان : لا خلاص اذا سمحت روح حمد : هههه احلفي عاد !! لا قررت انطر ياسر لين ايي ايمان : شبيب فيك روح روح لا تصدق روحك حمد وبلؤم : شبي فيني وهو داز لي مسج !!!! يقول يبيني ظروري !! ايمان : هاا ااايه حمد : زين عيل بنطره وبقعد اتعشى معاكم من زمان ما كليت عندكم ايمان : ما عندنا عشى حمد : مب انتى حرمي المصون قومي سوي لي عشى ايمان : هااااااااااااا وهي حاطه يده بخصرتها انا عيل انطر مثل هاليوم بتاريخ 2_2 20000000 حمد : ليش ان شااء الله ما بدشين المطبخ !! ايمان : لا يا الشيخ حط لك طبااخ حمد : اقول عدل , لا ياشيخه يا تعلمين تطبخين او ادر غيرج ايمان عصبت : والله الدوحه متروسه بنات روح خذ لك ليش معور قلبك وهي مشي من جدمه حمد: وين وين انا ماكلمت كلمي ايمان : شتبي مت برد وانت واحد تيب الصداع حمد: ايه اليحن ايب الصداع هاااد ربعي ومشاغلي وياي على ويهي عبالي ياسر فيه شي اخرتها هالسنداره دازه لي مسج من كثر مب مشتااقه ويوم اشبعت منى قالت روح!! ايمان مالفت ويها ويها صار احممممممممر صادها انها هي الي دازه المسج .. وقفت ثواني بعدين مشت بسرعه داخل طبعا حمد ما قصر عقد عندها لين تعشى ويا ياسر وقعد معاه ومع خالته ويوم اكتفى من كثر ما احرج ايمان طلع طبعا او ما وصل البيت دز لها رساله وقال فيها : يا ريتج من زمان سويتها ولا خلتيني اشتاق لج هالكثر ." ايمانوه " احبج ايمان شافت المسج من وناستها ما عرفت شنو تسوي دزت له مسج " اسفين اخر مره ما نعيدها مره ثانيه اذا تهاوشت معاك بتم شهرين لين اراضيك " وتمو على هالحال الين ناموو .. .................................................. ................................... كم يوم مره على نوره من عرفت بحالت غلا والانتكاسه الي جاتها ايام حزينه حتى انها كانت ما تطلع وان طلعت عشانهم تتغذى بمطعم او تمشي شوي بعد ما يترجونها دوم ساكته والحزن تارس عيونها , الكالمه المفرحه المكالمه ارجعت الابتسامه حق نوره الابتسامه مره ثانيه , يومها كانت قاعده بالصاله وكالعاده ماسكه القران بيدها وتقرى بصوت واطي , الكل كان نايم لان ليلتها كان الكل سهران فما قامو الصبح نوره قاعده بالصاله وتقرى بهدووء , كان جوالها على جنب ولا حست به لانها كانت حاطته صامت وعلى الهزار ! ناصر طلع لقاها بالصاله من سافرو ما تلاقو بروحهم ابد هي لانها حاطه الشيله على راسها يوم حست بضل قريب عدلت الشيله وكملت قريه , ناصر وصوت مبحوح من النوم النوري جوالج.. كان يقولها وفيه خوف الجوال يرن الساعه 10 بالدوحه يعني في شي الله يستر نوره ارفعت راسها وشافت الجوال وقامت طالعه وهي فيها خوف مب طبيعني ناصر : نوره ارد عنج نوره وهي ترجف ورافع الجوال تشوف اسم حنان على الشاشه وهزت راسها بخوف وغمضت عيونها نوره : الووو حنان : النوري , غلوي قامت بسلامه نوره غلوي ردت لنا نواري والله ردت غلوي طلعت من الغيبوبه نوره ومب عارفه شلون تتكلم قامت تصيح من قلبها ناصر خاف قرب بير من يدها التلفون يبي يفهم شي رفعت رسها وهي تبتسم وقف ناصر محتار نوره : الحمد الله , الحمد الله , تستاهلون سلامتها حنان الي حالتها مثل نوره تصيح وهي تكلم : نورى قلت ابشرج من الصبح وحنا ندق عليج انا وهند وما تردين نوره : ما انتبهت للجوال والله , يله تستهلون سلامتها لما تقدر تلكلم خلوني احاجيها حنان : ان شاء الله ... وسكرت ناصر وهو يدور جواب على الاساله الي بويه نوره وهي تبتسم له الاول مره من قلبها : نااصر قامت بسلامه طلعت من الغيبوبه !! ناصر فرح لها : زين الحمد الله على سلامتها , الحمد الله يله هذا من دعائكم لها تستهلون سلامتها نوره : الحمد الله وهي تصيح ناصر : نوراى قومي غسلي ويهج وصلي ركعتين بدل هالصياح الي نفخ ويهج يله نوره بكل طوع : ان شااء الله وهي قايمه وخلت تغسل ويها وتوضت .. وطلعت الا سلطان الي طاحت بحضن وقالت له ان غلا صحت من الغيبوبه يومها نوره عوضت الايام الي طافت كلها غيرت جو المكان خلهتم يحسون بالفرق واهم شي انها او مره من فتره تحس باليوع القاتل يومها كلت الين اشبعت ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،، انشالله اقدر انزل لكم الاجزاء الباقيه وانتظر الردوود تحياتي لكم : مينون الحب Link to comment Share on other sites More sharing options...
Recommended Posts