ملاااك الخليج Posted مارس 24, 2007 Report Share Posted مارس 24, 2007 ييييييييييه ترى مادري يعني شنو منسم ؟؟؟؟ ههههههههههههه Quote Link to comment Share on other sites More sharing options...
أكسيموس Posted مارس 26, 2007 Author Report Share Posted مارس 26, 2007 وجاء يوم اختبار المادة الأولى " مادة الإدارة الحديثة " . على فكرة أول يوم أدخل الفصل فيه , سمعت الدكتور يقول " الحديثة " . فقلت له : آسف يا دكتور شكلي غلطت بالفصل . مدينة الحديثة هي مدينة أردنية , والظاهر أن مادتك في الجغرافيا !! طالع فيني , وقال : ليلتنا فُلَّ ( شكله كان يتطنز علي ) . قلت : أوه أوه . شكل المادة تنسيق حدايق , دام فيها فُل وياسمين وجوري ! قال : إيه العبقرية دي . قلت : هوا انت شفت حاغة ؟ ( واثق من نفسي هاه ؟ , شسوي يعني , الثقة من الله - اغلس اغلس يا ابني , الله يهديك . - آمين . بس يا دكتور متأكد أن المادة في الإدارة ؟ - نعم يا حبيبي , المادة في الإدارة . أعاننا الله على إدارتها بسلام . قمت أنا قلت بصوت فاقع : حلووووووووووووووووة يا دكتور . يا ولد انتا يا ولد. إدارة , وأعاننا على إدارتها . وأقوم أدغدغ الدكتور , وأنا اقول : يا حلو انتا يا حلو ! وهو يقول : لأه يا ولد . خلاص يا ابني . اختشي يا اسمك إيه . بس يادلعادي ( وشفيه الدكتور صار كأنه نجوى فؤاد )...طلع المسكين يغير من الدغدغة ... المهم جلست , وقلت للدكتور : خلاص يا دكتور , هوا احنا حناخد السنة كلها دحك والا إيه ؟! المهم , نرجع لمحور حديثنا : دخلت القاعة , وجلست أطالع , أبغالي مكان استراتيجي . أبغى أحل المكان قبل ياخذه أحد. وألقى الزاوية ما فيها أحد , وأجيك مسرع , كأني بأشوت ضربة ركنية ! الحمدلله . وصلت للمكان قبل ما ياخذه أحد. الجمبازية جالسة قدامي . وجالسة تبرشم . تكتب على الجدار . قمت أقول بصوت عالي شوي : اصفخص على الغش والغشاشين . من غشنا فليس منا . قامت وخزتني بذيك الخزَّة , اللي الله لا يوريكم . تبون الصراحة هجدتني والله ( ما قلت لكم إن هالبنت قوية ). قلت هلا . وشلونك عساكي طيبة , وشلون الأهل , وشلون من يعز عليك ؟ وشلون المذاكرة , عساكي جاهزة للأختبار إن شاء الله ؟ طنشتي ورجعت تكتب على الجدار . عادي عادي . ولا كأنها طنشتني . قمت وقربت من الجدار اللي تكتب عليه , وقلت لها : أفاااااااااااااااااا . والله ما هقيتها منك. إنتي تغشين ؟ لا لا لا . صراحة إني انصدمت فيكي ! ماني قادر أمسك نفسي , بأصيح . إنتي تسوين كذا . يو ديد ذيس. لا. لا . لا. كم أكره عدم الوفاء . كم أكره الغدر والخيانة . كم أكره النفاق . قامت طالعت فيني , وقالت : شوي شوي على نفسك يا فاتن حمامة ! ( ما قلت لكم إنها قوية هالبنت ). قلت لها : على الأقل اكتبي على هالجدار الأملح شيء عن التسويق ( الجزء اللي ما ذاكرته أنا ), كله في الموارد البشرية والتنظيم ؟ ما كأن احنا أصحاب , وإخوان , وحبايب !! قالت : حبايب في عينك يا قليل الأدب , أنا وش بيني وبينك عشان نصير حبايب ! ( لا حول هالبحرينيين دايم يفهمون غلط الله يهديهم , حبايب ,كلمة متداولة على نطاق واسع , بس هي شكلها متضايقة مني وتدور علي أي شيء , لأني أحلى منها , والبنات حولي زي الرز, وهي غايرة منهم . إيه هيَّن صدقناك ). قلت لها : الله يسامحك . طيب أنا آسف . احنا محنا إخوان وحبايب . احنا أعداء ويهود وصليبيين! ارتحتي كذا ؟ أووووووووف . الواحد شلون يقدر يبدع في الاختبارات وهو يلقى هالنوعيات المضطربة نفسياً ؟! ( أحلىىىىىىىىىىىى ). والله وتقوم الخايسة من كرسيها وتدف الطاولة اللي بيني وبينها علي , إلا وأنا متكرفس على وراء , وطايح طيحة الله لا يوريكم , حتى سروالي الداخلي البرتقالي طلع قدام الناس , مع عصاقيلي اللي كأنها عصا بليارد ! ( بيني وبينكم في أحد المرات وأنا جالس في كوفي شوب , وحاط رجل على رجل , جاء واحد وسحبني مع رجلي على باله عصا بليارد بيلعب فيها على الطاولة . قلت له : هييه هييه وين يا ابو الشباب هي وكالة من دون بواب ؟! قال : المسامحة اخوي آسف ما شفتك. قلت لا عادي اخوي , بس ترى كل شيء بحسابه . يعني تبغى هالعصا لازم تدفع . وتراها عصا على كيف كيفك , مبرودة , البارح طول الليل وأنا جالس أحفها !! خخخخخخ) المهم نرجع لمحور حديسنا . يوم طحت , جتني أم علي , زميلتنا الأخرى في الفصل , تساعدني على القومة. قلت لها : شايفة يا أم علي , أختي في الله وش سوت فيني ! قالت أم علي : لازم تصبر , دامك تحبها لازم تصبر ! قلت : أي أحبها ؟ انتي بعد ؟ هذي تنحب هذي ؟ والله يا غانم الصالح إنه أحلى منها ! قالت أم علي : وأنتا بعد مصختها مع هالبنية المسكينة ! - جعلها السكين , وبعدين وش مصختها فيه يعني ؟ - حاط دوبك ودبوها . يا أخي خلها تغش , منت مكفول بعباد الله ! - أفااااا . أم علي تقول هالكلام ؟ ماني مصدق !! يعني يرضيك يا أم علي أحد ينجح بالغش , ويحصل على الماجستير بالغش , ويشتغل بالغش , ويتزوج بالغش ( يخرب بيتك , وش دخل الزواج ؟!! خخخخ ) !! - وأنت وش دخلك ؟ شوي واطالع في يد أم علي , إلا وهي كاتبه براشيم على باطن يدها !! يوم شافتني أطالع البراشيم اللي في يدها , حطت رجلها بسرعة وهي تقول : ويه ويه ويه , صادني . قلت : ما شاء الله تبارك الله. انعم وأكرم !! لا بالله هزمنا اليهود !! أم علي وتغش !! أجل وش خليتي حق علي وإخوانه ؟؟؟؟ لا ويقول الشاعر : الأم مدرسة إذا أعددتها أعددت شعباً طيب الأعراق . طيب الأعراق طل في عين الشاعر وفي عين أم علي ؟! ( طيب أنت وش حارق رزقك ؟! ) . إذا الأمهات يسوون كذا , وش نقول عن العيال ؟ بل وش نقول ( حلوة بل وش نقول ) عن أجيال المستقبل . ( والله صدقت نفسي إني شخص ملتزم وحريص على الأمة . ليتهم والله يشوفونك يا الحريص وأنت ماسك الهوز حق الشيشة التفاحتين في لاميزون كافيه وحاط التلفزيون على قناة ميلودي على أغاني ساندرا وسيندريلا ولوسي !! ). يا أخي استر على أخوك المسلم . من ستر مسلماً ستره الله. المهم. جاء الطلاب جميعاً , وابتدأ الاختبار. قمت وسويت حركة وقائية استباقية . سويت عيوني حولاء , عشان إذا طالعت في ورقة اللي جنبي أو قدامي ما يقول المراقبين لي شيء , على بالهم أحول وجالس أطالع في ورقتي ( يا ذكي انتا يا ذكي ). ( وين اللي يتكلم عن الأمة واصفخص ومن غشنا فليس منا , وأفاااااااااا ) يا شينكم شيناه . يعني الواحد ما يزعط شوي ؟! بيني وبينكم ما عرفت أحل ولا سؤال. وتورطت . دافع 3150 ريال , ولا أنجح . والله يطردني ابوي من البيت ويرميني بالرصاص , ويسحب مني الجنسية . المهم قلت للجمبازية : ش ش ش . جبمبز ! ( أدلعها بعد ) . جمبوزوه ؟ اعوجت فمها , وقال : وش تبي يا الخايس . أي سؤال ؟ قلت : قولي وش ما أبي ؟ ما حليت ولا سؤال. - وأنا مخلفتك وناسيتك يا الضب ! - لا يا أختي في الله , وبعدين قال الله : ولا تنابزوا بالألقاب . - يا أخي رايق انت والله ! - الله يروق ايامك . ما عرفت الأسم الكريم ؟ ( موب صاحي ) - نعنبو دارك يالخبل . حل وخل عنك الصرقعة. آخرتك بتشتغل بوري ( منبه سيارة ) ( قوية بالطنازة هالبنت ) - خخخخخخخخخخخخ . حلوة . بيب . بيب . والله صوتي حلو وأنا بوري . عاد انتي تشتغلين بورية !! خخخخخ . وتقولين : بيبه بيبه ( مؤنث بيب ) - والله منت صاحي . الوقت راح , حل شيء حلك بطنك. وإذا منت حال يا أخي غششني . - طيب وشهو السؤال اللي تبينه ؟ - السؤال الثاني الفقرة الثانية من اليمين ؟ - نعنبو دارك أنتي توصفين دكان ؟ - يا أخي خلصني . الفقرة الثانية في السؤال الثاني . - طيب ليش ما سألتي عن الأول ؟ - يا أخي الأول حليته ! أبغى الثاني . - طيب دامك حليتيه ليش ما تغششيني ؟ - يا أخي انت سألتني وش السؤال اللي تبينه وجاوبتك ؟ تراك طفشتني . انقلع يا الخايس ما أبغى منك شيء. - لكن أنا أبغى . - معصي . علمني وأعلمك. غششني وأغششك . - ما اسمه غش يا جبمبز . اسمه مساعدة . الغش حرام والمساعدة جايزة. - طيب يالقرضاوي. خلصني . - طيب عطيني أي شيء . ترى من جد ما حليت شيء . وحالتي تصعب عالكافر . على فكرة أنتي مسلمة أو كافرة ؟ - مسلمة وأفتخر إني بحرينية . - طيب غريبة تكوني مسلمة ولا تصعب عليك حالة أخوك المسلم. - ليه أنت مسلم ؟ - لا هندوسي في الصباح ومسيحي آخر الليل ! وجعن يوجع بطن عدوك . ما تشوفيني أصلي مع الشباب كل يوم. - وش دراني يمكن مجاملة للمطاوعة اللي معانا . - ( وش دراها , احم احم .)لالالا. أبداً . أنا مسلم , وأحب المجاهدين في سبيل الله . وأقوم الليل ( كثَّر منها ) وأصوم النهار ( إيه هيَّن ), وأبر بوالديَّ. - ما بقى إلا تقول , وأنام مبكراً , وأحب مدرستي . ( والله قوية هالبنت ) يتبع....( مين اللي يتبع ؟ ) قلت لها : - طيب خلينا من هالسوالف . عطيني أي شيء . أي فقرة. بس لا تألفين علي من عندك. قصة حقيقية حدثت في الثانوي : كانت المادة عن التاريخ وكان فيه امتحان مفاجىء , وسألنا الاستاذ السؤال التالي : ماذا تعرف عن معركة " مرج دابق " ( يا انها معركة صار فيها دبق لين هنيه . هنيه وأشار إلى بطنه ...خخخخ) . قام الطالب اللي قدامي في الفصل في الثانوية , ينادي علي : أكسيموس , أكسيموس. - نعم وش تبي ؟ - عطني أي شيء . أي شيء. - أنت صاحي تغش مني . رح شف لك واحد " دافور " ( مالها علاقة من قريب أو من بعيد بما يحدث في دار فور . دافور نقصد بها طالب مجتهد , مثلي يعني ) . - تكفى يا أكسيموس . أي شيء أي شيء. - يا ابن الحلال . ما حليت شيء. ما أعرف شيء. - أي شيء . أي شيء. على الأقل ما أخلي الورقة فاضية. - يا ابن الحلال أسأل المعصقل اللي على يمينك . - هذا نحيس . تكفى أكسيموس أي شيء. - طيب بس لا تزعل إذا طلع غلط. - لا لا زعل ولا شيء. معذور . - طيب . أكتب , وأنا بأملي عليك من عندي . - طيب - لقد كانت معركة حامية الوطيس . التحمت فيها السيوف , وسقطت فيها الأعناق , وانتصر فيها جند الله على جند الشيطان . بدأت المعركة حين حاصر جمال عبدالناصر !! بجنوده مدينة القاهرة , لكنه لم يدخلها بل أرسل رسوله إلى أمير المؤمنين عمر بن الخطاب رضي الله عنه يستشيره في الأمر . فقال عمر للرسول : قل لجمال أن يأخذ خالد بن الوليد معه , وأن يُسلِّم الميمنة لطارق بن زياد , والميسرة للظاهر بيبرس . وأخبره أن عمر المختار سيكون بعد يومين قريباً منهم. لقد كانت خطة المعركة محكمة جداً. فلقد كان المنجنيق يضرب , ومع كل ضربة كان عبدالله بن الزبير رضي الله عنه يكبر وبجانبه خادم الحرمين الشريفين الملك فهد!! . وكان جنود الإسلام يصعدون الأسوار ويكبرون , وكان موشي دايان ومناحيم بيغن يصرخون : لقد خسرنا ! لقد خسرنا !. وهكذا انتصر المسلمون في هذه المعركة , وعادت القاهرة إلى الحضن الإسلامي , وفرح بهذا النصر الخليفة هارون الرشيد أيما فرح. - خلاص . - خلاص . مشكور يا أبو الأكاسيم. - العفو . هوا أنا سويت شيء . ثاني يوم جاء المدرس يوزع أوراق الاختبار . وجلست على أعصابي , مش عشان نتيجتي , عشان نتيجتي صاحبي !! خلَّ المدرس ورقة صاحبي آخر شيء . وقال المدرس : يخرب بيتك يا فُلان. إنتا غبت المعركة دي منين. ويقوم المدرس يقراها على الطلاب , حتى ماتوا من الضحك! وأنا طبعاً اضحك معهم , وأقول : صج انه موب صاحي . بالله هذي معركة . حشا مباراة كورة ناقصها حكم وصفارة ؟! ( يا ولد انتا يا اللي ما سويت شيء ). طبعاً طقني الولد هذاك اليوم طق سنة بيوم. ومن بعدها قررت إني ما أغشش أحد ( إيه هيَّن , تبي تفهمنا أنك تعرف تجاوب بس عندك قناعة إنك ما تغشش أحد ؟! إيه صدقناك ؟! ) المهم نرجع لمحور حديثنا . - تكفين يا جبمبز . أي شيء . قالت : شوف أنا مبرشمة على نعالي ( والله خطيرة هالبنت ) , بأدفهم عليك من تحت , وأنت دف نعالك علي. - طيب . الله يجزاكي خير , ويسكنك الجنة. ( مسويه عمل خير الحين تدعيلها أنت ووجهك ). قامت ودفت نعالها ناحيتي . يوم شفت نعالها , قلت لها : بس هذي مش ماركة ؟! قالت : اقووول . تبيها ولا رجعها . الشرهة علي . - لا لا . ابيها . أبيها . وأدف لها نعالي . بيني وبينكم بغى يغمى عليها من ريحة نعالي . بس وش أسوي فيها هي اللي طلبتها ! وهكذا أنقذتني الجمبازية من الرسوب . وخرجت من الفصل وأنا ألبس نعالها , ويوم سلمت الورقة طالع في نعالي الدكتور . قلت له : لا تغتر يا دكتور ترى ما هي ماركة . إذا بغيت نعال ماركة يا دكتور تلقاها عند الجمبازية. وتراي شاريها بألف ريال !! قال الدكتور : إيش ؟ حسيت إني توهقت , قلت : لا ولا شيء. سلام عليكم. شقاوة الطفولة مشكورة على مرورك. والعفو سيدتي ( يا حلوي وأنا ذرب في الكلام . أحسه مش لايق علي ). الجسمي هلا بك . حلوة أغنية هذا وانتي مطلعة عيني . حياك اخوي . لي عودة إن شاء الله Quote Link to comment Share on other sites More sharing options...
ملاااك الخليج Posted مارس 26, 2007 Report Share Posted مارس 26, 2007 يسلمووووووووو بس مارديت علي يعني شنو منسم ؟؟؟ العوده هذي نبيها جريبه يعني يوم الخميس >> تتشرط بعد Quote Link to comment Share on other sites More sharing options...
dam3_el3ain Posted مارس 26, 2007 Report Share Posted مارس 26, 2007 يسلمو ومشكور Quote Link to comment Share on other sites More sharing options...
أكسيموس Posted مارس 27, 2007 Author Report Share Posted مارس 27, 2007 (edited) ملاك الخليج انتي وشفيكي مستعجلة . صفي في الدور الحين أنتي إذا كنتي صافه في اللاين حق الخباز , ترضين أحد يجي ويصف قدامك ( يلعن أبو المثال يا شيخ ) أولاً أرد على بنت الشيخ , وبعدين أرد عليك : بنت الشيخ : مشكورة يا الطيبة على المشاركة , والله يسلم روحك من كل شر. ابقي على السمع . تحيتي أيوه جيناكي يا ملكلك .... تسأليني وش معنى منسم . باضرب لك مثال حتى يتضح المقال ( تكفى لا تضرب مثال أنت ويا أمثالك اللي كأنها خشتك ) إذا كنتي تسوقين سيارة , وجيتي في يوم ولقيتي التاير نايم . أكيد بتروحين تنامين. وتكلمين العمل انك ما راد تداومين ذاك اليوم أو بتكلمين وحدة من زميلاتك في الجامعة تحضرك في ورقة التحضير ( التحضير حرام ويسبب السرطان ننصحك بالابتعاد عنه * ) ثاني يوم بتموتين من البكي عشان يغير أخوكي التاير ويودي السيارة للبنشر. إذا ودا أخوك السيارة للبنشر بياخذون الجلدة الداخلية للتاير , ويحطونها في بانيو مليان ماء عشان يحددون منين التنسيم ( أي من اين يخرج الهواء ) , وهذا هو المطلوب إثباته ... فلما تقولين عني منسم , أولاً تحتاجين إلى بانيو مليان ماء حتى تستطيعين تحديد مكان التنسيم , حتى يمكن القطع بوجود التنسيم وهو المطلوب إثباته ( وشفيني على مسألة المطلوب إثباته , شكلي متأثر بنكتة المحشش ) سمعتيها والا لا يا ملاك . إن كنتي سمعتيها فهذا جيد , وإذا لم تسمعيها , فهذا هو المطلوب إثباته ...خخخخخخخ لا من جد خلاص . ( أي جد الله يرحم والديك , إنتا خليت فيها جد ؟ ). طيب اسمعي نكتة المحشش هذي : سألوا محشش : ما هو وجه الشبه بين الحمار والأرنب ؟ قال : الحمار باللغة الإنجليزية يعني دونكي . احذف دون ظلت كي , كي يعني مفتاح . حط مفتاح في حكمة . الصبر مفتاح الفرج ( على فكرة مفتاح الفرج هذا أخو سعد الفرج من جهة الأب ). احذف مفتاح الفرج . ظلت الصبر. حط الصبر في حكمة بعد . الصبر جميل. احذف الصبر . ظلت جميل. فيه ممثل مصري اسمه جميل راتب. احذف جميل . ظلت راتب . اعكس الحرفين الأخيرين ( التاء والباء ) صارت رابت. ورابت كلمة إنجليزية تعني بالعربي أرنب . وهو المطلوب إثباته . فهمتي يا ملكلك....وبعدين شوفي تراي ما أزعل من المزح أبد . أنا منسم , ومنسم بقوة بعد. وبعدين أوعدك ما أطول عليكم , بس الفترة الماضية كنت في الدراسة , وغير كذا , ما كان فيه تواصل من الجمهور , وهو المطلوب إثباته ! ( خخخخخخ ) لكن أوعدك كل ما جالي فرصة كتبت , وأنا سعيد جداً بتفاعلكم جميعاً . وقريباً " أكسيموس في لاميزون كافيه ".... مشكورة ملاك وعساك عالقوة... Edited مارس 27, 2007 by أكسيموس Quote Link to comment Share on other sites More sharing options...
ملاااك الخليج Posted مارس 28, 2007 Report Share Posted مارس 28, 2007 يعطيك العافيه بعد الهذرة والكلام الزايد والخربطه والجمبزة>> مادري شدخل الجمبازيه في السالفه هههههههههههههههه اعتقد اني فهمت وما فهمت لكن انشاء الله وبأذن الله واذا الله راد اني افهم في المستقبل القريب والبعيد بعطيك القوه وانشاء الله بالتوفيق وتاخذ هالماجستير هههههههه افا عليك حاضرين انه استانس على قصصك المهبوله وايد اخذ راحتك بس مووووو وايد اووكي ههههههههههههههههههههههههههههههههههه هههههههههههههه واي ترى مادري ليش اضحك ههههههههههههههههههههههههههههههههههههههههههههههههههههههههههه يعطيك العافيه بعد الهذرة والكلام الزايد والخربطه والجمبزة>> مادري شدخل الجمبازيه في السالفه هههههههههههههههه اعتقد اني فهمت وما فهمت لكن انشاء الله وبأذن الله واذا الله راد اني افهم في المستقبل القريب والبعيد يعطيك القوه وانشاء الله بالتوفيق وتاخذ هالماجستير هههههههه افا عليك حاضرين انه استانس على قصصك المهبوله وايد اخذ راحتك بس مووووو وايد اووكي ههههههههههههههههههههههههههههههههههه هههههههههههههه واي ترى مادري ليش اضحك ههههههههههههههههههههههههههههههههههههههههههههههههههههههههههه Quote Link to comment Share on other sites More sharing options...
أكسيموس Posted مارس 30, 2007 Author Report Share Posted مارس 30, 2007 rock princess هلا بك . وشكراً لكِ على المتابعة. أتمنى أن تبقي على السمع طال عمرك يا سمو الأميرة. مودتي ( أدري مال أمها داعي أبلة عطيات , بس وش أسوي أحبها ) Quote Link to comment Share on other sites More sharing options...
عطر الأمل Posted مارس 30, 2007 Report Share Posted مارس 30, 2007 قوة بصراحة ما كملت كل القصص بس أول قصتين قريت وبعدين بكمل الباقي بس أسلوبك ما شاء الله حلو وسعودي مرررررررة خخخخخخخخ جني أتابع حلقة من حلقات طاش ما طاش بايووز Quote Link to comment Share on other sites More sharing options...
أكسيموس Posted مارس 31, 2007 Author Report Share Posted مارس 31, 2007 دمع العين هلا بك أختي , والله يسلم غاليك. حياك الله وبياك. ابقي على السمع يا سيدتي . مودتي Quote Link to comment Share on other sites More sharing options...
أكسيموس Posted ابريل 1, 2007 Author Report Share Posted ابريل 1, 2007 عطر الأمل حياكِ الله . شايفتني فؤاد عمر قلي ؟ خخخخخخخخ ابقي معنا . إنتي ما بتغيش ليه ؟ مش تبئي تيغي ؟ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.