حلوى بحرينية Posted مايو 29, 2007 Report Share Posted مايو 29, 2007 ياااه انك نصاب هارديز عاد سلم على الجمبازية وقولها سلامات من عقب الطيحة Quote Link to comment Share on other sites More sharing options...
ملاااك الخليج Posted مايو 29, 2007 Report Share Posted مايو 29, 2007 شلونج حلوى ؟؟ ردينه حق القطاعه Quote Link to comment Share on other sites More sharing options...
أكسيموس Posted مايو 30, 2007 Author Report Share Posted مايو 30, 2007 تصدقون عاد , أنتو يا حلوى وملاك اللي مصبريني على هالحياة . كل ما شفتكم قلت الحمدلله مش أنا الوحيد المصرقع !! بالله احكموا يا قراء , وشرايك في هالمقطع : ادعولي يرتفع معدلي ولاينزل اله يجعلها في موازين حسناتكم ويهدي جمبازيتكم وينجحكم في اختباركم ويحول زياده استاذكم ويرحمكم من السيفونات قولو امين آآآآآآآآآآمين يارب العالمين >> امبي دشيت فيلنغ بصيح التعليق : بالله ما هي مصرقعة هذي , وضاربة شوط كهرب ؟! يهدي جمبازيتنا ويزيد حول أستاذنا ؟ الله لا يجعلك تدعين لي يا شيخة . روحي الله يوفقك ويرفع معدلك لين يطيح من فوق السطح. لا والثانية من زين الركادة تقول : يا أنك نصاب , هارديز عاد ؟! التعليق : يعني البنت ما عندها أي مشكلة لو كان ماكدونالد , المشكلة عندها في هارديز !! ويقولون اني مصرقع ؟!!! تعالوا وشوفوا الهناء اللي أنا فيه . يا ربي تخليلي حلوى وملاك ( حتى كل ما قال لي أحد أنت مصرقع , اقول تعال أعرفك على الأختين اللزيزتين والعاقلتين غدا غداً حلوى وملاك , حتى يدري إني عاقل غداً غداً ) . المهم : القطاعة , الله لا يجيبها . بعدين كل اللي انقطعته يومين !! أول أخليكم بالشهر , وعادي عندكم !! بعدين اللي يسمعكم يقول أنا شغال عند أبوكم . أنا أكد وأكدح وأكتب وأعصر عقلي ( هذا إذا عندي عقل ) , وأنتو بس تكركرون وتضحكون . حزبي الله ونعم الوكيل فيكم . حزبي الله ونعم الوكيل . حزبي الله ونعم الوكيل ( صاير فريد شوقي ) أحاول أكتب جزء اليوم . وبرضه حزبي الله ونعم الوكيل اهىء اهىء اهىء ........ Quote Link to comment Share on other sites More sharing options...
أكسيموس Posted مايو 30, 2007 Author Report Share Posted مايو 30, 2007 يوم عطاني العماني الكف , وأقوم أرجع وراء شوي وأجيه طاير وأرفسه في بطنه , وبعدين اشرحها له بالإشارات : مش بس يصفقنا , لا ويدوس في بطوننا !!! خخخخخخخ المهم تمدد العماني في الفصل على الأرض , على دخلت واحد من الشباب قطري . طالع في العماني وقال : هه وش فيه العماني انهبل ! قلت : لا . بس تعب من المذاكرة وشكله ياخذ له غفوة عشان يجدد نشاطه . قال القطري : نعنبو داره ياخذ له غفوة في الفصل قبل الاختبار بربع ساعة . قلت : يا حليلك والله متفائل أنت . أنت تحسبه يعرف الوقت؟ , هذا لين الحين يستعمل الساعة الرملية . ويقولون أنه حافر عنده في الشقة حفرة مطلع منها رمل ومسوي منها الساعة الرملية!! قلت : بالله صحه من النوم لا يفضحنا عند الدكتور الجديد . قام القطري ونزل عليه يصحيه . فتح العماني عيونه وقال للقطري : كنتي فين يا حبيبتي ؟ إنني في شوق لكِ , ومسك القطري من وجهه وعطاه بوسة على الشفة الله لا يوريكم !!!! قالت أم العيال هذيك اللي ما عندها عيال : أمبييييييييييييييييييييييييييييييييييه !!! صرخ القطري . ووووووووووووجع الله يلوع كبدك . العماني قال : إزاي كده يا حبيبتي تؤلي وغع !! وغع اللي يوغعك !! . وقام يركض في الفصل كأنه في ملعب تنس أرضي في نادي الزمالك , ويسوي روحه يضرب بالمضرب , وهو يقول : حأهزِمك يا روحي . المسيكين طلع يحلم وكان يحلم في نجلاء فتحي , والمشهد الثاني كان في النادي !! ( والله لو تدري نجلاء فتحي أنه باس القطري على أنه هي كان انتحرت مع سعاد حسني ). المهم . ياالله اننا صحيناه قبل يجي الدكتور الجديد واللي بيراقب علينا. جت الجمبازية , وقلت لها : هلا والله جبمبز ! وربي أنك أحسن جمبازية في العالم . أنتي أصلاً كان المفروض أنك تاخذين الميدالية الذهبية للجمباز في أولمبياد سيدني ( سيدني واسيدك على وزن سيبني واسيبك.خخخخخ وشلون جت هذي ) . لكن الحكَّام والواسطات والمحاباة والغش خلت اللي تاخذ البطولة الصينية " هن هن هن , طن طن طن " ( يخرب بيت الاسم يا شيخ ). قالت : يعني يكون مادحني الحين ؟ ورا ما تاكل تبن وتنطم يالباكستاني ( يا جماعة الربع حددوا , إيراني وإلا سوداني وألا باكستاني ) . قلت : إنتي ليش تعامليني هالمعاملة يالجمبازية ؟ كله سب فيني . أنا الحين سبيتك ؟ قلت فيكي شيء ؟ ليش هذا الكره والحقد علي , وإلا عشاني يتيم يعني ؟ قالت : يا ربيه . كسرت خاطري . ترى اللي مثلك أكيد بيكون يتيم . بيموت أبوه وأمه من القهر ( يا حب هالبنت للمشاكل ). قلت : طيب وبعدين يعني ؟ ما كأني أنا اللي ساعدتك يوم تعلقتي بالمروحة , ويم نزلتي من عمود الكهرب , يوم راح الجميع وما بقيت إلا أنا , ومع هذا رفستيني وما قلت شيء . إلى متى يعني ؟ سكتت . قلت : تعالي أجلسي قريب , حتى تغششيني , يمكن اسامحك على اللي تسوينه فيني . ( واثق من نفسي صح ؟ ) قامت وضحكت . قلت لنفسي : بس . صدقت الخبلة . خليني بس أخلص الامتحان , والله يالجمبازية لأشيلك مع شوشتك وأركبك السلم المتحرك بالمقلوب , وأدخل شوشتك داخل الأرضية حتى تعلق , وأقعد رايح جاي بالسلم . المهم جت وجلست قدامي في نفس المكان اللي أول . قلت : هاه وشلون البراشيم معك ؟ قالت : الحمد لله بخير , وشلونك أنت وشلون الأهل ؟ ( قلت لنفسي لا يكون اسم عايلتهم البراشيم وأنا مدري ؟ ). المهم جا الدكتور الجديد وجايب معه أسئلة الاختبار . الدكتور هذا عاد تحفة . تحس انه يشبه الممثلين اللي يجون مع سيد زيان في المسرحية . يبيعون فصفص قدام المسرح , وإذا جا دورهم في المسرحية , جاو وقالوا كلمتهم في المسرحية وطلعوا يبيعون الفصفص مرة ثانية , وغذا سألتهم مش إنتا اللي كنت تمثل قبل شوي . يقول لك : لأه . دا أخويا من البامبرز ( أنا أول مرة أسمع فيها هذي أخوي من البامبرز . يقصد أخوي من الحفاظ , يعني يلبسون نفس الحفاظ ) . المهم : وزَّع الدكتور الأسئلة . وأول ما استلمت الورقة قلت للدكتور : آسف . الورقة هذي فيها غلط . قال الدكتور : هوا إنتا لحئت ( لحقت ) تقراها ؟ قلت : المكتوب باين من عنوانه . ( أحلىىىىىىىىىى ) قال : طيب إيه هو الخطأ يا ابني ؟ قلت : الخطأ , هو أن تعمل الشيء الغلط . قال : ليلتنا فُل . إيه العبقرية دي يا واد. طيب يا ابني خلصنا ما هو الشيء الخطأ في الأسئلة ؟ قلت : كثير . أولها أنه لم يبدأ ببسم الله الرحمن الرحيم ( يا عيني علي يا شيخ ). ثانيها : أنه يكتب بفوقية ( لا . المفروض يكتب بتحتية ؟! بعدين وش فوقيته ؟ هي مقالة تنتقدها ؟ ) قال الدكتور : يا ابني حل . حل الله يوفأك. قلت : وثالثها أنه كاتب المادة تسويق متقدم ( أجل وشهي إملاء وخط ؟!,) في حين أنها إدارة حديثة . قالوا الطلاب : أكسيموس وشفيك ؟ محشش أنت ؟ حتى الجمبازية ماتت من الضحك . قالت الجمبازية للطلاب : تعرفون الحمار اللي فهم النكتة بعد يومين ؟ وقاموا يضحكون علي. ( وش يقصدون يا ترى ) قلت : انتو من جدكم المادة تسويق ؟ قالوا : إيه . قلت : طيب أنا ما جبت الليسن ( يحسبها سواقة أبو الشباب ) . إذا سمحت يا دكتور أنا بروح السيارة أجيب الليسن . قال الدكتور : ليسن إيه اللي إنتا غي تؤول عليه . قلت : الليسن حق السياقة . قال : يا ابني الله يهديك حل . قلت : ما أقدر حتى أجيب الليسن , يمكن يصير فيه تفتيش في القاعة أو شيء , وما يطلع معي الليسن يحبسوني بعدين ! ويضيع مستقبلي . قالت الجمبازية : والله والمستقبل الحين . آخرتك بتشتغل قوطي في بقالة . قالت : يا دكتور خلوه يروح يجيب ليسنه ويفكنا , ترى أزعجنا هذا !!! قال الدكتور : طيب يا استاذ روح لسيارتك وغيب الليسن . قلت للدكتور : تامر شيء وإلا شيء من البقالة وأنا جاي ؟ ( خخخخخخخ ) قال : لا يا ابني شكراً . بس ما تتأخرش . اللي ما يعرفه الجميع , إني أدري أن المادة تسويق , وإني طابخ الخطة مع الجمبازية , بعد ما اشوف الأسئلة وأعرفهم زين أفتح موضوع الليسن , فتطلب هي من الدكتور يخليني أطلع , وكذا أروح للسيارة وأسجل كل المطلوب في براشيم , وأرجع , أنقلها وأرسلها لها !! خطة جهنمية صح ؟. بس اللي حصل خرب كل هذا كله . وأنا أفتح الكتاب في السيارة , فتحت كتاب الإدارة الحديثة بالغلط بدلاً من التسويق , وهات يا كوبي وهات يا براشيم . وخرجت من السيارة أغني : أهلاً بالعيد أهلاً أهلاً . ( وش دخل العيد يا ابو الشباب , والله شكلك متوقع تجيب العيد . خخخخ ) . لالا . مش هذي الأغنية . أغنية عبدالحليم . الناجح يرفع إيده . ( حشا مسجل هدف ) . والراسب يعني يقطع يده ويرميها في الزبالة . المهم رجعت للفصل ..... انتظروا وتوقعوا ما الذي سيحصل بيني وبين الجمبازية . Quote Link to comment Share on other sites More sharing options...
حلوى بحرينية Posted مايو 31, 2007 Report Share Posted مايو 31, 2007 (edited) ملاك الخليج هلا يبه شلونج وشخبارج وشخبار العيال ؟؟؟ أكسيموس الظاهر صادك حول من عقب كف العماني قمت ماتفرق بين التسويق والادارة الله يستر لاتكتب في الامتحان بالمقلوب بعدين ياشماتة جبمبز فيك Edited مايو 31, 2007 by حلوى بحرينية Quote Link to comment Share on other sites More sharing options...
ملاااك الخليج Posted مايو 31, 2007 Report Share Posted مايو 31, 2007 التعليق : بالله ما هي مصرقعة هذي , وضاربة شوط كهرب ؟! يهدي جمبازيتنا ويزيد حول أستاذنا ؟ الله لا يجعلك تدعين لي يا شيخة . روحي الله يوفقك ويرفع معدلك لين يطيح من فوق السطح>>>>>>>>>>>> الله يسمع منك من بوقك لي باب السما يارب مااني متاكده انه بينزل قدمت امتحان حده صعب شوي واصيييييييح وعلى سالفت التصرقع ترى مو بس احنه نسيت خويك الي يجي بعدك في الذكاء>> شفت مانسيت العشرة والخبز والملح والبصل تعالوا وشوفوا الهناء اللي أنا فيه . يا ربي تخليلي حلوى وملاك ( حتى كل ما قال لي أحد أنت مصرقع , اقول تعال أعرفك على الأختين اللزيزتين والعاقلتين غدا غداً حلوى وملاك , حتى يدري إني عاقل غداً غداً >>>> لا لا احراج احراج الصراحه الله يخليني ويخلي حلوى انشاء الله بعدين اللي يسمعكم يقول أنا شغال عند أبوكم . أنا أكد وأكدح وأكتب وأعصر عقلي ( هذا إذا عندي عقل ) , وأنتو بس تكركرون وتضحكون .>>> امبي امبي امبي شصاير شصاير شفيك هديت مرة وحده يالشيخ ماتسوى علينه كلمه قلناها لايبه ولاتحط فخاطرك انشاء الله لو تغيب سنه معلي خذ راحتك يبه والحمار الي يبطل حلجه بكلمه يعطيك الصحه والعافيه وقواك الله يبه ترى ماقلنه شي تكدح وتتعب وتعصر قلبك وعقلك مايسوى عليك وبعدين ضحكتنه تسوى تعصر الدنيا مافيها عدل عدل حلوى؟؟؟ ولاتزعل افا عليك خشمك ياشيخ ترى اتمشقر ويسلمووو على البارت الفانتاستكي حلوى انه بخي رالله يسلمج دامج بخير واي عيال ذيله وه ؟؟؟ ماعلقتو على توقيعي اليديد ترى انه الي مسويته خخخخخخخخخخخخ واك واك واك Quote Link to comment Share on other sites More sharing options...
أكسيموس Posted مايو 31, 2007 Author Report Share Posted مايو 31, 2007 لا والله اللي كدينا خير . اجتمعوا علي هالساحرتين حلوى بحرينية : حلوة سالفة كف العماني , بس وشرايك في رفستي ؟ تصدقين إني حبيتني بعد ذيك الرفسة أما شماتة جبمبز , فهي تتشمت 24 ساعة . وكل ما شافتني تقول : أنت تمزح وإلا شكلك كذا !! وأنا مسيكين أرد على نياتي : اقول : لا والله أنا شكلي كذا . تقوم تقول : ربي لك الحمد على نعمة العقل المهم : شكله بيصير فيه حزب يجمع حلوى بحرينية , وملاك . وش بتسمونه هالحزب ؟ أما ملاك الله يوفقها , فاقول لها : الله يغربل إبليسك , موتيني من الضحك على سالفة خويي هذاك اللي يجي بعدي في الذكاء وبعدين يا ليتني شايفك وأنتي في الاختبار الصعب , والله لأهبل فيكي لين تطقين البكوة بس تصدقين بغيت اصدق انك زعلتي علي . من جد والله . بس جت سليمة الحمدلله . وإلا كنت بأجيب الجماعة كلهم يقدمون صنوف الاعتذار لسمو سعادتكم. تصدقون ودي أصرقع فيكم , بس جالس عند شباب ومستحي منهم . لأني العادة لما أجي أكتب , أبدأ أعمل جمباز أولاً , وبعدين تجيني حالة الهبال وطقوسه. لي عودة , والله يكفيكم شر العودة .... على فكرة يا ملاك ترى توقيعك ما يطلع , فلا تشتطين وتشدين حيلك , لا ينقطع , بعدين ترى ما فيه خياطين في هالليل يلحمونه مرة ثانية . Quote Link to comment Share on other sites More sharing options...
حلوى بحرينية Posted يونيو 1, 2007 Report Share Posted يونيو 1, 2007 ملاك ماعليج منه توقيعج يطلع عندي وايد حلووو Quote Link to comment Share on other sites More sharing options...
أكسيموس Posted يونيو 1, 2007 Author Report Share Posted يونيو 1, 2007 ملاك ما عليج منها , ترى ما يطلع التوقيع . وبعدين خلي منج مدح حلوى , لأن المثل يقول ما يمدح العروس إلا أمها !! ( وأقول أنا ما يمدح عضوة الحزب إلا عضوة ثانية في الحزب ) خخخخخخخخخخخ Quote Link to comment Share on other sites More sharing options...
ملاااك الخليج Posted يونيو 1, 2007 Report Share Posted يونيو 1, 2007 ههههههههههههههههههههههههههههههههههههههههه وي فديتج حلوتي تسلمين عيونج الحلوة اكسيموس شحارك انت شحارك وانت شجوف اصلا ويا عيونك المسحبه يالفلبيني وااك وااك وااك هههههههههه اتمشقر ها حلوى انسوي حزب ضده نطيح فيه طنازة ههههههههههههههههههههه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.