أكسيموس Posted يونيو 1, 2007 Author Report Share Posted يونيو 1, 2007 خخخخخخخخخخخخخخخخخخ حلوة الفلبيني !! نعنبو داركم وش الجنسية اللي بقت ما خذيتها , سوداني , هندي , بنغلاديشي , وفلبيني!! خخخخخخخخخ الله يعيني عليكم يالساحرات . Quote Link to comment Share on other sites More sharing options...
ملاااك الخليج Posted يونيو 2, 2007 Report Share Posted يونيو 2, 2007 لالا افا عليك سعوودي اصيل والنعم ونكته طيايريه قديمه: هذي يقولون لكم وحده قاعده باخر الصف واطلع فوق ليش؟؟ امها ساحبه القذله واك وااااااك وااك خخخخخ Quote Link to comment Share on other sites More sharing options...
حلوى بحرينية Posted يونيو 2, 2007 Report Share Posted يونيو 2, 2007 حلووووووووووووووووة منج يا ملاكوووو اقول يالفلبيني هذي عيونك ولا علامة ناقص ؟؟؟ لا تضيع السالفة كمل Quote Link to comment Share on other sites More sharing options...
ملاااك الخليج Posted يونيو 2, 2007 Report Share Posted يونيو 2, 2007 هههههههههههههههههههههههههههههه حلللوةة علامه ناقص واك واااااك واااك ااي اي واهي الصاجه كمل Quote Link to comment Share on other sites More sharing options...
أكسيموس Posted يونيو 2, 2007 Author Report Share Posted يونيو 2, 2007 خخخخخخخخخخخخخخخخخخخخخخخ لا والله اللي خربت السالفة وأنا اقول وش سبب انهيار الأمة العربية والإسلانية ؟ أجل أمها ساحبة القذلة هاه ؟ وش يدريك يمكن كانت محتاجة تسحبها من الصراف ( واحد فهم غلط . الحمدلله الجمبازية مش موجودة وإلا كان قالت : أنت شكلك كذا دلخ وإلا تمزح ؟ ) لا والثانية تقول هذي عيونك وإلا علامة ناقص ؟ ( سؤال خطير والله ) أنتِ تدرين أن الفلبينيين ممنوع عليهم يسوقون السيارات ويضحكون . ليه ؟ لأنهم إذا اضحكوا تسكرت عيونهم . على فكرة عندي لكم خوش مكان للسياحة في هالصيف , يصلح لكم يالساحرات ,( وش دخل أم السالفة ؟ ترى من الحرة اللي فيني , أنا لاقيها منكم وإلا من الجمبازية ؟ ) وشرايكم في مخيم نهر البارد . ؟ نكتة طيارية : يقول لك فيه شخص متدين قال لواحد محشش وهو ينصحه : الحين كلنا نعرف أن التدخين محرم , أجل وش يصير الحشيش ؟ رد المحشش بعد تفكير وتأمل : يمكن يصير " ذو القعدة " ؟ الوعد بكرة , لأني اليوم ما فضيت , كان عندي اجتماع مع وفد إيطالي . ( إيه هيَّن , تلاقيه وفد بنغلاديشي ) بكرة أكمل إن شاء الله .... يا إني أحب هالسيدة الكريمة هذي Quote Link to comment Share on other sites More sharing options...
حلوى بحرينية Posted يونيو 2, 2007 Report Share Posted يونيو 2, 2007 الامة الاسلانية ؟؟؟ يعني شنو ليكون السيلانية ؟؟؟ بسم الله عليك صرت حتى الكتابة ماتعرف تكتب مب منك الظاهر حاشك برد من مخيم نهر البارد Quote Link to comment Share on other sites More sharing options...
أكسيموس Posted يونيو 2, 2007 Author Report Share Posted يونيو 2, 2007 لا والله اللي كدينا خير هذي القيثارة الحزينة وشوينة يقرون الموضوع الله يستر . ربنا يغيب العوائب سليمة . أنا يالله اسلم من ملاك وحلوى تطلعلي القيثارة وشوينة . بعدين حلوى على فكرة بغيت أسألك : ملاك من أي منطقة في مدغشقر ؟ لأنها دايم تكتب اتمشقر ؟ وبعدين إنتي وش مزعلك إاذا قلت السيلانية ؟ والا يعني ضربت على وتر الوطن الأم ؟ خخخخخخخخ لا بالله وصلنا القمر , وحدة من مدغشقر ووحدة من سيلان !! Quote Link to comment Share on other sites More sharing options...
لـيال الـعشـاق Posted يونيو 2, 2007 Report Share Posted يونيو 2, 2007 احم ووشوشوشوشوش <<تعدل المايك (( معاااااكم متاابعة للقصــة من خلـف الكـوااليس )) ياااا مرحبببن بوووو يااالله حيييه أقلط أقلط وشحااالك ؟؟ و وش حاال العربان ؟ يااا مرحبااا بالشييخ اكسيموس ياهلااا بطلاب السعوودية >> ما خلص الترحييب ؟؟ الله يسلمك يا شيخ أكسيموس اانه متاابعة للقصة من أول جزء بس من وراء الكواليس و من ( أشد المعجبين فيهااا ) >> كلمة متعوب عليها من قلب بس وييين الجزء وانااا اختك ننتظــــر Quote Link to comment Share on other sites More sharing options...
ملاااك الخليج Posted يونيو 3, 2007 Report Share Posted يونيو 3, 2007 ههههههههههههههههههههههههههه حياج الله ليال العشاق يبه قلطي البيت بيتج كل شي عندج القهوة والجاي والمتاي والحلوى اخذي راحتج يبه حياج اكسيموسوووو احين انه من مدقشقر يالمخلط من دول العالم اتمشقر يعني اتغشمر ياللغه الملايكية احم احم >> ياحلوها الملايكيه وشنو هذي مخيم نهر البارد ؟؟ يعني صج في نهر بارد يعني مثلج يروحون يخيمون فيه نفس الصخير؟؟؟ Quote Link to comment Share on other sites More sharing options...
أكسيموس Posted يونيو 3, 2007 Author Report Share Posted يونيو 3, 2007 ليال : هلا بك . حللتي أهلاً ووطئتي سهلن ( يا عيني علي لما أكتب أهلاً بالتنوين وسهلن بالنون ) شوفي ليال : أنا أخوك أكسيموس . إنسان مسلم في الله !! ( خخخخخ وشلون تجي هذي مسلم في الله ؟! ) عشان كذا وقبل ما تبدأين حياتك أحذرك من الساحرات أم كشش في هذا المنتدى وعلى رأسهم الساحرة ملاك , والساحرة حلوى بحرينية. وأنتي بكيفك. المهم هذا هو الجزء الذي وعدتكم به .... وصلت للفصل وأنا أناقز من الفرحة . قال لي الدكتور : هاه إن شاء الله لقيت الليسن ؟ قلت له : إييين شاالله شاالله ( حشا صاير لطيفة التونسية ). واقوم أسويله مثل لطيفة يومها راكبة الدباب , وأركب فوق طاولة العماني , وأفوشح ( خخخخخ . هذي وشلون نشرحها للبحرينيين . إذا أنا نفسي ما أعرف أشرحها لنفسي !! وشلون نشرحها وشلون . أيوه لقيناها : هل سبق لأبوك أو أمك ضربوك في الملاهي ؟ الإجابة " نعم " ولحد يسوي نفسه من عيال الهاي هاي ويقول : أو ماي غاد , نو ماي دادي نيفير يضربني . أما أنا فصرت مدمن ضرب من كثر ما كان يدبغني أبوي. حتى إني بين فترة وفترة , أجيه واقول له : دادي ( كثَّر منها دادي هذي ) , منذو مبطي ما دبغتني , وبديت أحس إنني صرت أفقد حساسية ( يلعن أبو الجملة يا شيخ , أحس وحساسية ) الضرب. وأنا ابنك الوفي الأمين ( حشا دعاية البنك العربي ) , ومن واجبك علي حسن التربية , يعني يرضيك أروح برا البيت مع اصحاب السوء يدبغوني , وأنت موجود هنا! فكان الوالد يدبغني لين يصير صوتي وصوت العنز واحد !! مئئئئئئئئئئئئئئئئاااااا ( خخخخخخخ ) أو كما يُقال يضربني لين اقول للعنز يا خالة !! ( يخرب بيت المثل يا شيخ ). المهم ترانا ما زلنا نشرح معنى مفوشح . المهم طبعاً اضربك ابوك في الملاهي والسبب أنك طحت من الحصان الخشبي. ( أنا مرة شفت أبو عصبي يوم طاح ولده , قام ورفس الحصان الخشبي وقال الله يلعنك ويلعن السايس حقك اللي ما دربك تحترم عيال الناس !! ( الأخ طلع فاهم غلط ويفكره حصان حقيقي . عاد أنا يوم شفته فاهم غلط , وأقوم أركب فوق الحصان اللي جنبه , وأناقز عليه وأمسك بلجامه , وأطالع في العصبي وأقول : أما أنا فحصاني اصيل , والسايس حقه فنان , واقوم اسوي روحي الكز الحصان برجلي . ,وأصرخ مثل الكاوبوي :يييييييييييييييييييييييييييييهو ( جالس أحر الولد اللي ادبغه ابوه ) خخخخخخخ. طبعاً الولد هذا اللي ادبغه ابوه ادبغه لأنه ما عرف يفوشح زين . هاه بشروني عسى فهمتو معنى يفوشح ؟ ( شفتو كيف شرحي مبسط وسهل خخخخخ ) المهم يفوشح يعني يدلي رجليه حول الشيء كما يدلي الرجل رجليه حول الحصان. قمت وفوشحت على طاولة العماني وأنا أقلد لطيفة . قام العماني " الله يهديه ويسامحه " ويدف الطاولة على قدام إلا وأنا متكرفس على وجهي . صرخ العماني : " شو فيه هذا المجنون . أنا ناقصه وإلا ناقص هالدكاترة الزفت" طالعت في الدكتور وقلت : تراه يقصدك . وترى هالعماني يا دكتور لا يقدر ولا يحشم الناس اللي أكبر منه , وكل يوم يسبسب في المصريين , ويقول هم سبب هزائم ونكبة الأمة العربية والإسلامية , وأنا اقول له : بالعكس دي مصر أم الدنيا. وموطن الرسالة , ومهوى أفئدة المسلمين, وفيها الكعبة المشرفة والحرم الشريف !!!!! فما يجوز لك أخي العماني أن تقول عن إخواننا المصريين كذا , فقد قاتلوا كل أعداء الأمة من اليهود والفرس والبيزنطيين !! نظر الدكتور إلى العماني الذي نظر إليه وهو يحول عيونه وقال : إيش , فيه حاغة يا دكتور ؟ خاف الدكتور من شكل العماني وهو محوَّل ( والله بيني وبينكم أنا خفت !! صاير كأنه جيسون اللي في أفلام الرعب ) , فقال الدكتور : لا ولا حاغة . قلت أنا : دا فيه دكاترة غبانات يا غدع . المهم رحت وجلست في كرسيي . وطالعت فيني الجمبازية , وأشرت لها باصبعي على الأعلى , يعني : غووووووود . كل شيء تمام ( إيه حنشوف الغوووود هذا بعد شوي ). قالت وهي تمد بوزها على جنب ( هذي ترى حركتها المشهورة في الامتحانات . تعتقد أنها إذا مدت بوزها على جنب ما راح أحد يشوف بوزها او يسمع صوتها !! ) . المهم قالت : أكسيموس. السؤال الأول . الفقرة الثانية . - طيب طيب . ( فرصتي عشان أبتزها وأتشرط عليها ) .أول قولي : أنت عمي يا أكسيموس . - خل منك الهبال والطنازة . الوقت يمر. - يمر والا ما يمر . والله ما تاخذين مني شيء , لين تقولين : أكسيموس عمي. - طيب يالخايس . أكسيموس عمي . - يا كذااااابة . لاني عمك ولا شيء. عمك يعني أخو أبوك , وأنا ماني أخو أبوك , فكيف اصير عمك ؟ . ما تتركين منك الكذب الله يهديك. ما تدرين إن الكذب يدخل صاحبته للنار. عاد يا زينك وأنتي في النار . يا إني بأستانس وأنا أشوفك تتلوين وتصرخين : ويه ويه حارة ؟ شنو هذا ؟! - يا عمي خلصنا . - معصي . لين تقولين استغفر الله من الكذب. - طيب استغفر الله من الكذب . - طيب ليش تلوين بوزك . شكلك ما تستغفرين من قلب ؟ لا قوليها كذا . استغفر الله ه وخذي شهيق وقطي دمعتين تجنهم موب لك كدليل على صدق الاستغفار. - وجع يالخايس يا المعفن . أنا إذا بأبكي بأبكي من حظي النحس اللي عرفني على أمثالك . الحين وشلون يعني بتعطيني الجواب والا أروح أدور واحد غيرك ؟ - الله يا جبمبز . مسرع ما هجرتيني . بعد هالعمر كله . خلاص رجعي الصور والرسايل !! - ووووجع . وش صوره ورسايله ؟ أنت قردة مشلولة يا الله تعطيك وجه على هالصلعة اللي تقول الصفحة الأولى الفاضية في الكتاب ( يخرب بيتها ما تخلي منها الطنازة القوية . بس بيني وبينكم كلامها غلط أنا صلعتي ما تشبه الصفحة الأولى الفاضية بل تشبه الصفحة الأخيرة الفاضية خخخ) - خلاص . خلاص . لا تقولين شيء . اللي صار صار . واللي تكسر ما يتصلح . خليني أعيش على الذكرى والحرمان !! - خلصت يا أنور وجدي ؟ - إيه . - طيب ممكن تعطيني الجواب ؟ - أول قولي : أنا حمارة . ( خخخخخخخخ ) . - ايوالله انك جبتها , أنا والله حمارة اللي أتعاون مع واحد مثلك يالخايس. كسرت خاطري البنت , قلت : أكتبي . قالت : أرسل . وأقوم أملي عليها , إلا شوي وتوقف ( طلعت ذكية . اذكى مني بشوي . يعني على كذا خويي ذاك اللي يجي بعدي في الذكاء , وبعدين أنا , وبعدين تجي هي . خخخخ ). قالت : أكسيموس . قلت : هاه ؟ قالت : مبروووك . - الله يبارك فيك ؟ بس حق ليش حق اش حقه ؟ - أبشرك أنك طلعت حمار أصلي . - الحمدلله . الله يبشرك بالخير . على الأقل أحسن من الحمار التقليد . بس برضه ليش ؟ - لأنك أيها الحمار الجميل الرائع جلست في السيارة تنقل براشيمك من كتاب الإدارة وليس من كتاب التسويق . واحنا اختبارنا في التسويق. قلت : يعني قصدك كان المفروض أجيب معي الليسن من صدق ؟ وقامت المسكينه تصيح . قلت : ليش تبكين ولا يهمك . السيارة تتعوض أهم شيء الصحة والعيال ( وشهي ذي يخرب بيتك ؟ خخخخخ والله مدري وشلون طلعت معي كذا ؟!! ) قالت : لا . أنا أبكي رحمة على أمك وابوك اللي صبروا عليك . وهكذا لم تنجح خطتي في الغش ( أحسن . أنا اصلاً ما أحب الغش , والغش حرام ) . أهم شيء عندي وهو اللي خلاني أفرح إني خليت الجمبازية تبكي !! خخخخخخخخخ ملاحظة : أسبوعي القادم سيكون الأخير في البحرين , لأنني سأكون قد انهيت دراستي في ربوع بلد الخير والجمال والطيبة والنقاء. لهذا سأستغل الفرصة لكتابة مواضيع أخرى عن وجودي في البحرين , وإلا ودكم أكمل هالموضوع ؟ ملاك وليال وحلوى اختاروا , واللي بتختارونه بأختار عكسه طبعاً . Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.