ملاااك الخليج Posted أكتوبر 25, 2007 Report Share Posted أكتوبر 25, 2007 مبرووووك على البعثه ومنك المال ومنها العيال ان شاءا لله >>شدخل المهم الي مايسال عنه احنه مانسال كل مرة نسال ونذبح روحنهمحد يجاوب علينه فقلنه هالمرة ننطر الشيخ اكسيموس لي مايرد ونطمن عليه شنسوي الحياه صعبه والحياه تتطلب والحياه تجارب وتعب كلها الحياه خخخخخ يبت الحياه وام الحياه كلها اهني ولا الاخ بيصور واهو منسدح والله ان انسدحت شردو الاوادم عبالهم فقمه من ايام الديناصورات خخخخخخخخ اتمشقر ويلا نلقاكم على خير وسلم لي على العماني وبو السيفونات وحبيبت قلبي جمبازيه وحلوى شلونج يمه شمسويه ؟؟ سي يو وعن القطيعه تراها مهي بزينه Quote Link to comment Share on other sites More sharing options...
أكسيموس Posted أكتوبر 27, 2007 Author Report Share Posted أكتوبر 27, 2007 وين وصلنا في قصتنا ؟ إيه وصلنا يوم طاح العماني في القدر مع الجمبازية . قمت وطالعت تجاه القراصنة , وقلت : يا جماعة , واحنا ياللي ما حطيتونا في القدر وش دورنا في الموضوع , ووش موقعنا من الإعراب . لأنا بصراحة ما نقبل هالوضع هذا , يا أما تقتلونا , يا أما تحطونا مع ربعنا في القدر , وإلا هم وش أحسن منا فيه . إذا على الجمال احنا أحلى منهم , كا طالعوا حسناتكم مع قذلته , أنا أول مرة اشوف قذلة نازلة على الأذن !! شوفوا واحكموا أنتم بأنفسكم وقارنوا بينه وبين العماني , بالله شوفوا العماني ما كأنه همبرغر كبير !! خلقة الله زينة ما اختلفنا , بس الله أيضاً خلق وفرق . وإلا هل يمكن مقارنة الطيوبة , رغم أنها صايرة كأنها طاولة حلية , مع الجمبازية إللي صايرة مع اذونها كأنها عبدالناصر درويش !! أنا أطالبكم أيها القراصنة بحكم الإنسانية والأخوة أن تعاملون الجميع بالعدل والمساواة. طالع فيني قائد القراصنة , وقال للأتباع : جيبوه هذا , شكله يصلح شاورما دجاج. قلت : لا حبيبي . شاورما دجاج هذي تقولها لناس غيري , أنا شاورما لحم مع طحينية , وإلا ترى أمشي وأخليكم الحين . المهم . جابوني عند القائد , وقال : شوف يا شاطر , سأسألك أسئلة , وكل ما تأخرت بالرد أو ما تجاوب رح أطلب من الأفراد يزيدون النار على أصدقائك . طبعاً أنا قلت لنفسي : والله وجاك يا مهنا ما تتمنى !! قلت له ( يا زعم إني أرفض هالشرط , وأنا في داخلي أقول يا هوووو من الفرحة ) : لا أرجوك أرجوك , كذا أنت تجعلني في مواجهة مع نفسي ( في دور الأربعة وإلا في النهائي ؟! ) وأنا مقدر أتحمل تأنيب الضمير إذا ماتوا هالكلبين . ( خخخخخ اظهر على حقيقتك يا ملعون ) . آسف قصدي هالأخوين الكريمين ( إيه هين يا حنين ) . قال : هذا هو شرطي تبغى وإلا حطيتك معهم ؟ قلت : إلا أبغى ونص , الله يلعنهم ويلعن وجيههم ( خخخخخ ) . قال : طيب بنبدأ بسؤال سهل ( الأخ صاير جورج قرداحي ؟! شكله متعقد من يوم أنه صغير يبغا يصير مقدم برامج ) قلت : تفضل. قال : ما هو الشيء الذي يقول مياو مياو ؟ قلت : الحمار . قال : زيد عليهم النار يا ولد . قلت : لا لا أرجوك . طيب غيرت رأيي مش الحمار , لحظة خليني أفكر ( إيه هين والله انك متعمد يالخايس عشان يغلون في النار , ومسوي روحك تفكر هاه ؟! ) . قال : زيد النار شوي يا ولد . قلت : إلا على فكرة وش نوعية الزيت اللي حاطينه للشباب في القدر ؟ قال القائد : مازولا . قلت : إيه أحسن أنا ما أحب زيت العربي , ما تضبط الحمسة معه بسرعة ( خخخخخ ) . قال : زيد النار يا ولد . قلت : يا ربي . يا ربي . وش الجواب , قلت : الأسد !! قال : غلط . زيد النار يا ولد . وبعدين أنت يا أكسيموس ما خليتني أكمل السؤال , لهذا سأعيد السؤال فاسمعه كاملاً وفقك الله ( ما كأن القائد صار عبدالله ملك ) : ما هو الشيء الذي يقول مياووو , وله ريش ؟ ( يخرب بيت السؤال يا شيخ ) . قلت : لالالا . أرجوك . أرجوك . عطني خيارات , قال : طيب , وقبل ما يكمل كلامه قلت للولد : زيد النار يا ولد ( خخخخخ , إيه المسابقة لازم تكون بذمة ) . قال : ما شاء الله عليك , يا أخي يعجبني فيك مصداقيتك . قلت : هذا من حسن تربيتي ولله الحمد و أنا من يومي صغير والناس ينادوني يالمصداقي ( إلا والله ينادونك باللهجة الفلبينية غومتساغا خخخخخ ) . قال : طيب بأعطيك خيارات . قلت : بس الخيار ما يحطونه في القدر يحطونه في السلطة !! بعدين أنت ليش تعطينياه أنا ما أعرف أقطع خيار , أنا حدي بطيخ وما يجي مضبوط , أقطع البطيخة قطعة وحدة والسفرة أربع قطع بالغلط !! قال : هييييه . وشفيك أنت , سكران أنت ؟ قلـت أرجوك . لحظة قبل ما نكمل وناديت على الولد : زيد النار يا ولد ( خخخخخ ). قلت : تفضل هات خياررررراتك. قال : الأرنب , أو الفار , أو السعلو ؟ قلت : الأرنب , والفار وعرفناهم , السعلو هذا وش جايب أمه هنا ؟ قلت : بناءً على حدسي ( لحد يسمعك يا ابو حدس ) ما دام الفار والأرنب غير صحيحين , فأكيد أنه السعلو رغم أنني لا أعرف السعلو . هو وشهو السعلو ؟ قال : تبغا تشوف السعلو ؟ قلت : إيه والله من زمان عنه , مدري وش أخباره , ووين دنياه , يقولون من يوم تزوج ترك الديوانية وجمعة الشباب , وصاير أربعة وعشرين ساعة مقابل السعلوه اللي عنده . ( خخخخخ ) قال : تشوف هذاك أبو قذلة على جنب , يقصد حسناتكم , قلت : إيه . قال : حط له شنب ويصير كأنه سعلو , قلت : بس هو عنده شنب . قال : بالله هذا تسميه شنب , حاط لي خط بقلم كحل يقول شنب . خخخخخخخ . قمنا فغعنا الضحكة , قلت له أنا : ههههههه الله يلعن شكلك يا شيخ , موتني من الضحك . وبعدين تذكرت شيء وقلت : زيد النار يا ولد . قال القائد : وشرايك تسطرني على وجهي أحسن ؟ قلت : لا محشوم . ما لك إلا طيبة الخاطر , بس ما قلت لي وشلون جوابي . قال : زي وجهك . قلت : أجل زيد النار يا ولد ! قالت الجمبازية : أكسيموس , أحس إني بأموت . قلت : لالا يتهيء لك . ( وأنا جالس أتخيلها دجاجة مشوية في مطعم البخاري ) قالت : وصيتك العيال يا بورعي ! قال القائد : شلون شلون , لا يكون هذي زوجتك ؟ قلت : تخسى وتعقب , ما بغا إلا هالسعلوه هذي تصير زوجتي , لا وتلبسني تهمة بعد . قالت إيش قالت وصيتك العيال ! أنا أصلاً ما فيني عيال ! أنا وصلت سن اليأس ( خخخخخخخ ) وفي رواية يقولون إني ماني مضبوط ( يعني فيه شك إني جنس ثالث ( خخخخخ ) . وبعدين أنا اصوم اصوم وأفطر على هالصومالية العصلا ؟ ما عليك منها , والله لو ما في الدنيا إلا هي لأتزوج قطوة وأجلس !! قلت : طيب طال عمرك , خلنا من هالمهبولة هذي وقول لي وش الجواب الصح ؟ وقبل ما يجاوب قلت : زيد النار يا ولد . وقلت للقائد : هالولد هذا اللي يزيد النار يبغالك تغيره , ما يشتغل بإخلاص ! قال : شكراً , وأنا ملاحظ نفس الملاحظة , بس تعال وشرايك تشتغل معنا , أنا أبغى مدير يضبط العمالة الموجودة عندي . قلت : والله هذا شرف كبير أعتز فيه , وأنا شاكر ومقدر هذا العرض , لكن أفضل إنه يكون على العشاء بعد ما نطبخ الأخوة الكرام اللي في القدر ( خخخخخخ ) . قال : طيب طيب , كما تشاء . أما بالنسبة للجواب عن سؤال ما هو الشيء الذي يقول مياووو وله ريش , فهو : الفار , وذلك حين يفقد ذاكرته وينسى انه فار ويفكر نفسه قطو !!! قلت : طيب أنت قلت إن له ريش والفار ما له ريش ؟ قال : وش دراك أنه ماله ريش . انت شفت كل انواع الفيران اللي على وجه الأرض ؟ وبعدين يعني الله سبحانه وتعالى ما يقدر يخلق فار له ريش ؟ لا أكفر بعد . أكفر أحسن . إلا أكفر ؟ قلت : والله معك حق , كيف فاتت علي هذي , بس ترى السؤال كان صعب .كان مفروض تعطي تفصيلات إضافية مثلاً تذكر أنه يطير إذا عصَّب , ويقطع إشارات المرور إذا سكر !! ( يخرب بيت الإضافات ) . زيد النار يا ولد . قلت : ما كأن العشاء طوَّل ؟ ترى جعت. قال : زيد النار يا ولد . والجمبازية تصارخ : ويلي ويش دا , ويش دا ؟ والعماني يقول : وابويااااه طفوا السخان يااللي فوق ( إلين الحين ما هو مستوعب الوضع أبو الشباب ) يتبع.... لن أكتب اليوم لأنني سأذهب إلى البحرين فيه معرض في فندق الموفنبيك للجامعات البريطانية ( بس حتى تصدقون مسألة الدكتوراة , يا هم بيموتون من القهر بعض الناس ) Quote Link to comment Share on other sites More sharing options...
حلوى بحرينية Posted أكتوبر 27, 2007 Report Share Posted أكتوبر 27, 2007 يخرب بيتك على هالقصة مدري شلون تطلع معاك النكت خخخخخخخخخخخخخخخخخخخخخخخخخخخخ ملاكووو شلونج يبه وشلون كشتج يقولج بعض الناس بيروحون المعرض اليوم تصدقين شكلهم ما راح يقبلونهم بالجامعة علشان ذكاءهم فوق العادة ومايبونهم يصكون على الطلبة اللي هناك ويطيحون في حظهم بالتوفيق يا اكسيموس عاد لاتنسى لما تروح بريطانيا تجيب لي معاك بطة من البحيرة اللي بالهايد بارك يقولون حلوين Quote Link to comment Share on other sites More sharing options...
أكسيموس Posted أكتوبر 28, 2007 Author Report Share Posted أكتوبر 28, 2007 حلووووه , أهليك وسهلين وليش أييب لك بطة وملاكوه هنيه . انتي ما تسمعينها كل شوي تقول : واك واك واك . خخخخخخخ Quote Link to comment Share on other sites More sharing options...
al7elwa_715 Posted أكتوبر 28, 2007 Report Share Posted أكتوبر 28, 2007 هااااااااااااااااااااااااااااي شخباااركم .. اكسموووسوووو وحشتوووووني وحشني الهبااال والتصرقع خخخخخخخخخخ لن أكتب اليوم لأنني سأذهب إلى البحرين فيه معرض في فندق الموفنبيك للجامعات البريطانية ( بس حتى تصدقون مسألة الدكتوراة , يا هم بيموتون من القهر بعض الناس ) انا خبري فندق موفنبيك مسوين معرض حق وزراة التنمية الاجتماعية حته المدرسة ودوونه رحلة هناك !! بعض الناااس يقطون صواريخ خخخخخخخخخخخخخخخخخخخخخخخ Quote Link to comment Share on other sites More sharing options...
أكسيموس Posted أكتوبر 29, 2007 Author Report Share Posted أكتوبر 29, 2007 (edited) حولاء ومسويه شعرها عناقيص , وتسمي نفسها الحلوة يا عمي طيرررررررررررري بس . شوفي طال عمرك : يمكن مدرسة محو الأمية اللي تدرسين فيها ودوكم لفندق الموفنبيك يوم ما . لكن يوم السبت في الليل ومن الساعة الخامسة وحتى العاشرة و تحديداً في قاعة المرجان في فندق الموفنبيك كان هناك معرض للجامعات البريطانية وقد حضرته . أي إشاعات أو شكوك أخرى مرفوضة , وإلا ترى اخرب الاستحقاق الرئاسي إيه تعالي تعالي . لا يكون انتي الحولاء اللي بغت تروح للقاعة راحت لمواقف السيارات وجلست في نص الشارع , تقول : ويييه , قاعة ما فيها كراسي . , حتى الحارس قال لها : يا أمي ( رغم انها أصغر منه ) هنا المواقف مش القاعة . عاد قلتي له : هي مواقف أبوك . بكيفي جالسة هنا بفلوسي ! خخخخ تشاااااااااااااااااااااااو Edited أكتوبر 29, 2007 by أكسيموس Quote Link to comment Share on other sites More sharing options...
حلوى بحرينية Posted أكتوبر 29, 2007 Report Share Posted أكتوبر 29, 2007 خخخخخخخخخخخخ مبروك البعثة يا اخوي اكسيموس _طالعة غصب عني _ اقول شركتكم مايبون موظفة حلوة وقمورة وشعرها كشة مثلي يمكن يدزوني لندن بالغلط واروح اخذ لي بطة تصدق لو يدزوني هناك اخرب عيشتك Quote Link to comment Share on other sites More sharing options...
أكسيموس Posted أكتوبر 29, 2007 Author Report Share Posted أكتوبر 29, 2007 حلوى : ما يحتاجون يدزونك هناك عشان تخربين عيشتي , إنتي مخربتها وإنتي هنيه خخخخخخخخخ Quote Link to comment Share on other sites More sharing options...
ملاااك الخليج Posted نوفمبر 1, 2007 Report Share Posted نوفمبر 1, 2007 التعليق بعد الفاصل Quote Link to comment Share on other sites More sharing options...
أكسيموس Posted نوفمبر 1, 2007 Author Report Share Posted نوفمبر 1, 2007 لولووووووووووووووووووووووش ملاك وصلت. هييييييييييييييه هيييييييييييييييييه. يا الله نشوفها بعد الفاصل . من جد لك وحشة يا ملاك. لولووووووووووووووووووووووش ملاك وصلت. هييييييييييييييه هيييييييييييييييييه. يا الله نشوفها بعد الفاصل . من جد لك وحشة يا ملاك. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.