بحرينيه^مزيونة Posted ابريل 6, 2007 Report Share Posted ابريل 6, 2007 هلا وغلا جرح انسانه .. نورتي المنتدي يالغاليه ،، وبإنتظار التكمله ؟؟ Quote Link to comment Share on other sites More sharing options...
شهلاء Posted ابريل 6, 2007 Report Share Posted ابريل 6, 2007 تسلمين الغالية ... لالا انتي كمليها ... ولانج انتي صاحبة القصة وانتي اللي منزلة الموضوع وكل شي ... يلا عاد بلا دلع ههههههههههههههههه جرح ننتظر البارت منج يالغلا دمتي بود Quote Link to comment Share on other sites More sharing options...
ام ضوى Posted ابريل 7, 2007 Report Share Posted ابريل 7, 2007 يالله يااجماعه نبي البارات ضــــــــوى Quote Link to comment Share on other sites More sharing options...
جرح انسانه Posted ابريل 7, 2007 Author Report Share Posted ابريل 7, 2007 انشاءالله بنزل البارتا ولا تزعلون وتسلمين خيوو شهلاء كذج ذووووق يا الدبه بس احس روحي ضايعه في القصه بس عشانكم بكمل سيف: انتي ومريم بس؟. سلامة: لا بعد سارة و روضة وخالد وجاسم. محمد: قلتي لأمي وأبوي. سلامة: هيه خبرتهم ما عندهم مانع. محمد: وانا بعد ما عندي مانع. خليفة بعصبيةك بروح أييب السيارة. سلامة فخاطرها: الحين ليش يعصب انا شو قلت صدق ما عنده سالفة. روحو موزة و سيف وخليفة البيت وعلى الساعة 7 خذ البنات و مشاهن وعقب خطفهم بيت عمتهم وردهن البيت,, وعلى الساعة 12 اتصلت موزة بمحمد. موزة: الو. محمد: مرحبا عيوني. موزة: شحالك الغالي؟. محمد: الحمدلله بخير. موزة: كل عام وأنت بخير حبيبي وعقبال 100 سنة. محمد يبتسم: وانتي بألف خير الغالية. موزة: لا تقول ان حد قبلي قالك؟. محمد: انتي اول وحده. موزة: صدق والا ما تباني ازعل. محمد: والله انتي أول وحده. ويندق باب حجرته. محمد: لحظة شوي عيوني. موزة: اوكي. وراح محمد يفتح الباب ومالقى حد عند الباب وتوه بيطلع يشوف منو ظهرو سلامة وروضة وخالد فويهه. سلامة+روضة+خالد: كل عام وانت بخير ويوم ميلاد سعيد. محمد يضحك: هاهاهاهاها روعتوني وانتو بألف خير. سلامة تمسكه من ايده: تعال. محمد: وين؟. سلامة: تعال شوي؟. خالد وروضة راحو قبلهم. محمد: وين تبين؟ز سلامة: منو ترمس؟؟ موزان؟. محمد ابتسم. سلامة: موزان سكري عقب بيرمسج. محمد: هاهاهاهاهاهاها. موزة: ما بسكر. محمد: ما بتسكر. سلامة: يا الغيارة,, محمد افتح الباب. محمد: ليش؟, انتي فتحيه. سلامة: اصبر انا اول بدخل عد لين العشرة وبعدين ادخل اوكي؟. محمد: اوكي. سلامة: غمض عيونك. محمد: ليش؟؟. سلامة: عاد غمض لين ما ادخل. محمد: يلا دخلي غمضت. دخلت سلامة. موزة: انا بعد. محمد: ماعليه عدي. عدت موزة: يلا ادخل. وأول ما دخل محمدالحجرة كانت ظلام وسلامة وروضة وخالد يرشون عليه ويفجرون البالونات وحاطين داخلها أوراق ملونة واشياء تلمع ومشغلين أغينة عبدالمجيد عبدالله كل عام وانت الحب ومحمد يضحك عليهم. محمد: انتو شو مسوين؟. روضة: تعال عند الطاولة شوف الكيكة. محمد منحرج و سلامة وروضة مسكنه من ايده ومشن وياه لين الطاولة, محمد شاف الكيك وابتسم. خالد: أنا مسوي الكيكة ب ذوقي والا سلامة و روضة ما يعرفن شي. روضةك مادري منو يقولنا حطو كونان ع الكيكه. محمد يبتسم: مشكورين واااايد حلوه. موزة: شو مسوين؟. محمد: أنا أموت فهاي الصورة. سلامة: أعرف عشان جيه حطيتها. روضةك صبرو لا تقطعونها بييب الكيمرا دقايف الحين بيي. سلامة: موزان حاطين صورتج مع محمد. موزة شهقت: خيبة صورتي. محمد: وانتي عمرج خمس سنوات. موزة: على بالي وانا كبيرة والله اتروعت عطني سلامي. محمد: دوج موزة تباج. سلامة: الو. موزة: اي صورة حاطه. سلامة: الصورة الل يتحبينها. موزة: ما يخصني اريدها الصورة. سلامة: ما يحتيا تقولين لاني بروحي كنت برسلج الصورة. ويت روضة وصورة الكيكه وخالد طلع برع وبعد عشر دقايق رد. محمد: وين رحت؟؟. خالد: رحت ابند اللعبة. محمد: مشكورين وااايد والحين الساعة 1 يلا ارقاد ورانا صلاة الجمعة. سلامة: اوكي تصبح ع خير. محمد: وانتو من اهله. موزة: ياليني كنت وياكم. محمد: ان شاء الله قريب. موزة: كنت أريد أكون الحين وياكم. محمد: الحين بييج البيت وبشلج اذا تبين؟. موزة: عشان يقصون رقبتي ورقبتك. محمد: هاهاهاهاهاهاها. ودخل حجرته وشاف صندوق على الشبرية وابتسم. موزة: بقولك شي بس لاتزعل. محمد: شو طلعت نتيجة الفحص؟. موزة: شدراك اني بقول عن نتيجة الفحص؟. محمد: أعرفج زين, يلا قولي؟. موزة: بس اوعدني انك ما تزعل. محمد:انتي قولي. موزة: اوعدني. محمد: ما بوعدج قولي. موزة: ما بقول. محمد: برايج بتصل بسيف وبسأله. موزة: خلاص بقول. محمد: يلا. موزة: فقر دم. محمد ماعلق: ...... موزة: ليش ساكت؟. محمد:....... موزة: محمد زعلت؟. محمد: لا. موزة: شو فيك؟ز محمد: ما شي , تصبحين ع خير. موزة: محمد لا تزعل. محمد: مب زعلان. موزة: عيل ليش تبى تسكر. محمد: أريد ارقد. موزة: مــحـــمــد!!. محمد: موزة انا شو كنت اقولج دايما انصحج على صحج انتي شو تفكرين فقر الدم زين هذا اللي تبينه. موزة: محمد محد يبى يكون فيه فقر دم. محمد: بس انتي. موزة: انزين لا تزعل خلاص اوعدك ما اهمل صحتي مرة ثانية وعطني شهر بتشوف صحتي بترد شرات قبل واحسن. محمد: إن شاء الله. موزة: بعدك زعلان؟. محمد: الموز انا مب زعلان بس اذا كانت صحج ما تهمج فهذا شي راجعلج اما انا واااااااايد تهمني صحج. موزة: انزين خلاص انا وعدتك لا تفتحلي محاضرة فيوم ميلادك. محمد: اوكي انا بسكت بس صدقيني اذا بعد شهر بعدها صحج مثل ما هي صدق بزعل عليج وبعاقبج. موزة: اوكي موافقة. محمد: ولازم وزنج يزيد. موزة: بحاول, انزين أقولك لاتنسى باجر تيي بيتنا. محمد: ليش؟. موزة: بس أبى أشوفك. محمد: اوكي أوامر ثانية؟. موزة: لا تصبح على خير. محمد: وانتي من أهله الحلوة. موزة ضحكت. محمد: ليش اضحكين؟. موزة: ما شي بس عيبتني كلمة الحلوة. محمد: انزين الحلوة باجر أشوفج إن شاء الله. موزة: إن شاء الله مع السلامة. محمد: مع السلامة. وبالباجر الساعة 6 سيف خطف على محمد عشان يروحون بوظبي, وأول ما ركب محمد. محمد: السلام عليكم. سيف: وعليكم السلام, تراه هذا الكيس لك. محمد عرف ان الكيس من عند موزة بس يبى يستهبل على سيف: مشكور سيف ما كنت اعرف انك تحبني لهذي الدرجة. سيف: منو قالك اني أحبك أنا أكرهك هذا الكيس من عند ناس. محمد: أعرف ان مب من عندك يلا خلنا ننزل بنسلم. ونزلو يسلمون على بوغانم وام غانم. محمد+سيف: السلام عليكم. غانم+جاسم: وعليكم السلام. محمد: شحالك جاسم. جاسم: الحمدلله بخير. سيف: عيل وين عمي وعمتي؟. جاسم: رايحين العزبة. محمد: يلا عيل نروح. سيف: اصبر شوي جاسم روح ازقر مريوم لا تصدعلي راسي. مريم: خاطري مرة تزقرني مريم وما تحش فيني. سيف: بسم الله يا الساحرة من وين طلعتي. مريم: من الباب من وين بعد. غانم: كنت بقولك انها وراك؟. سيف: وليش ما قلت؟. غانم: كنت أريد أعرف شو بتقول. سيف: الحين عرفت يلا نقوم نروح. مريم: خيبة كيف مستعيل اقعد شوي اشرب عصير بوظبي ما بطير والا تبى الفكة مني؟. سيف: حشى ما قلت. وقعد, الكل: هاهاهاهاهاهاهاها. سيف: ما عليكم من البنات دايما يفهمن الكلام بالغلط هذا أكثر شي أكرهه فيهن. مريم: منو هن؟. سيف: البنات. مريم: أي بنات؟؟. سيف: شفتو هذا أكبر دليل. الكل: هاهاهاهاهاها. محمد: يلا نقوم شربنا عصيرها. وقامو مروحين بوظبي, ويوم الاحد الساعة 10 فليل محمد وغانم قاعدين جدام البحر. غانم: حشى هذا مب عشى رايحين ييبونه سيف وفهد بيبون ذبيحة. محمد: اتصلبهم. غانم: الحين بتصل. ومحمد اتصل بسلامة. سلامة: الو. محمد: هلا سليم شحالج؟ز سلامة: الحمدلله بخير. محمد: شفيج معصبة؟. سلامة: معصبة على أمي وخالد. محمد: ليش؟. سلامة: أمي منازعة خالد. محمد: شو مسوي خالد؟. سلامة: ماشي بس لان من الصبح ظاهر من البيت رايح بيت عمي ومارد البيت بس عشان يتسبح وطلع مرة ثانية وعاد أمي عصبت والساعة 8,30 طرشت البشكارة تزقره وفللتله اذا مارد أمي بتضربه والا هي بتي وعاد هو رد البيت معصب وامي تنازعه وهو تم يراد عليها ويصارخ وتم يصيح لان اتفشل جدام ربعه. محمد: وهو وينه الحين؟. سلامة: فحجرته. محمد: عطيني اياه برمسه. سلامة: اوكي.وراحت سلامة عنده: خالد. خالد:...... سلامة: خالد فتح الباب شوي. خالد:....... سلامة: مايرد علي. محمد: قوليله محمد يباك. سلامة: خالد محمد يباك على التلفون. وفتح خالد البا وخذ التلفون وسكر الباب. خالد: ألو. محمد: هلا خالد شحالك؟. خالد: الحمدلله. محمد: وشو أخبارك؟ز خالد: تمام. محمد: شوفيك؟. خالد: ماشي. محمد: ليش تتكلم جيه, زعلان؟. خالد: لا. محمد: انا متاكد انك زعلان شو مزعلنك. خالد: سلامة ما خبرك؟ز محمد: لا ما خبرتني. خالدك أمي!!. محمد: شوفيها. خالد: فشلتني يا محمد جدام ربعي اليوم. محمد: ليش؟. خالد: تباني أرجع البيت. محمد: كم الساعة كانت؟ز خالد: الساعة 8,30. محمد: كيف فشلك؟. خالد: عيل انا قاعد مع ربعي وهي كل شوي اطرشلي حد أول طرشت البشكار وعقب الدريول وبعدين البشكارة وأكثر شي قهربي تقولي البشكارة الغبية اذا مارديت البيت ماما بتضربك والله العظيم فشلتني وكلهم تمو يضاحكون علي ويعايبون أوين روح يا الياهل لا تييك أمك وتضربك ولازم الحين ترقد و واحد ثاني يقولي لا يكون بعدك ترقد عند أمك بغيت أموت من الفشلة ورديت البيت أنازع وهي تنازعني , يعني الحين مب من حقي أزعل؟؟. محمد: بس هذي أمك خايفة عليك وبعدين مب زين تصارخ عليها حرام. خالد: تراني كنت معصب؟. محمد: حتى ولو, أنت الحين زعلتها كيف بتقدر ترقد وانت مزعلنها. خالد:........ محمد: أنت من متى كنت طالع من البيت؟. خالد: من الساعة 10 الصبح. محمد: شفت. خالد: انزين انا وين رحت الا بيت عمي منصور كنت العب مع جاسم لين الساعة 4 وما حسينا بالوقت ورحنا نصلي وبعدين ردينا نلعب لين ما يونا أحمد و محمد و الساعة 6 طلعنا برع نقعد مع ربعنا وبعد صلاة المغرب لعبنا كورة وبعد ما خلصنا رجعت البيت اتسبح وطلعت مرة ثانية. محمد: شفت انت مارديت البيت ابد يعني لو كنت ما تبى تتسبح كنت بترجع البيت؟. خالد بصوت واطي: لا. محمد: أريد أعرف انتو من وين تاكلون ما تحسون بيوع. خالد: ترانا ناكل من الكافتيريا. محمد: انزين الحين انت ما خفت اذا أهلك شي صالهم والا يبون شي؟. خالد: تراه أبوي موجود فالبيت. محمد: من متى أبوي يقعد فالبيت دايما تراه يطلع. خالد: ....... محمد: الحين لا سمح الله لو شي صار فالبيت منو بيدري؟؟ أنت محد وأبوي محد وأنا بعد مي موجود يعني منو فالبيت الا أمك وخواتك و البشاكير. خالد: أنا فكرت جيه. محمد: خالد الحين يوم ابوي مب موجود فالبيت ولا انا يعني انت ريال البيت لازم اتشوف أهلك وتقعد وياهم وتعرف شو يستوي فالبيت أنا ما اقولك لا تطلع اطلع بس كا ساعتين والا ساعة ارجع البيت وسير عند أمك وخواتك وطالعهم اذا يبوون شي والا لا واذا شي صار يعني تأكد مب ابد ما تشوفهم ولا تعرف شي عنهم الا الساعة 9 والا 10 فليل مب زين شوف أمي تمت تحاتيك عشان جيه زقرك تبى تشوفك وتتطمن عليك لانها مب شايفتنك اليوم بطوله, صح؟. خالد: صح. وحس خالد بندم فظيع. محمد: خالد فهمتني؟ز خالد: فهمت, قولي شو لازم اسوي أمي زعلانة مني لاني صرخت عليها. محمد: مب أنا أقولك أنت قول شو لازم تسوي. خالد: استسمح منها واعتذر. محمد: هيه. خالد: وإذا مارضت. محمد: مستحيل ما ترضى عليك أمي وايد طيبة. خالد: اوكي بسيراكلمها مع السلامة. محمد: الله وياك. وراح خالد عند سلامة فالحجرة يردلها التلفون. خالد: وين أمي؟. سلامة: فحجرتها. خالد: وأبوي؟. سلامة: أبوي يمشي ليش؟. خالد: ما شي, نسير نقعد مع أمي. سلامة بستغراب: يلا. وراحو . سلامة+خالد: السلام عليكم. ام محمد: وعليكم السلام والرحمة. قعد خالد عدالها و باسها ع راسها ولوى عليها. خالد: آسف الغالية اذا زعلتج سامحيني وارضي علي. ام محمد: أنا مب زعلانة الغالي وأنا راضية عليكم كلكم دنيا وآخره. ومسك خالد ايدها وباسها: يعلني افداج الغالية. سلامة اطالعه بصدمه و عقب ابتسمت وعرفت هذا كله من محمد وبعد شوب ابوهم زقرهم عشان يتعشون ونزلو كلهم تحت. ويوم الاربعاء الساعة 5,30 سلامة فالمطبخ تقضي على الملل وبعد ما خلصت اللي تسويه راحت الصالة تقعد مع أهلها وبعد نص ساعة دخل محمد عليهم سلم وقعد يسولف وياهم لين ما أذن وطلع مع أبوه وخالد يصلون فالمسيد وبعد الصلاة بنص ساعة سلامة قاعدة مع امها وابوها ومحمد ودخلت عليهم مريم. مريم: السلام عليكم جميعا. الكل: وعليكم السلام. سلمت عليهم وقعدت. محمد: ايزيك يا بنت اخبارك ايه؟. مريم: كويسه, انت اخبارك ؟ وعامل ايه؟. محمد: مش عامل حاجه. سلامة: شو هذي الرمسة الملخبطة. مريم+محمد: هاهاهاهاهاها. محمد: نحاول نرمس مصري. مريم: بس ما نعرف هاهاهاهاها. ام محمد: شو مريم خلصتي زهبتي عمرج. مريم: بعدني ما خلصت إن شاء الله من بيخلص الصيفي بخلص عمري بسرعة. بومحمد: بقوم أروح عند أبوي بتيين؟. ام محمد: هيه. بومحمد: قومي لبسي عباتج. ام محمد: إن شاء الله. وقامت تلبس عباتها وراحت مع ريلها. محمد: غريبة انتي فبيتنا بدون محد يزقرج. مريم: شسوي مليت وقلت بيي عند سلامي اسولف وياها. وقعدو يسولفون لين الساعة 8,30 ورن تلفون محمد. محمد: الو. سيف: مرحبا محمد. محمد: أهلين. سيف: وين أنت؟. محمد: فالبيت. سيف: اوكي الحين انا بخطف على غانم وعقب بخطف عليك بنروح عند الربع. محمد: اوكي خلاص اترياكم. سيف: مع السلامة. محمد: الله وياك, اوكي بنات بقوم اروح عنكم تبون شي من برع؟ز مريم+سلامة: سلامتك. وراح محمد حجرته. مريم: وأنا بقوم اروح البيت. سلامة: وانا بتخلوني بروحي. مريم: ما بييج شي. ودخلت ام محمد: السلام عليكم. مريم+سلامة: وعليكم السلام. مريم: هذي عمتي عندج خلاص بروح. ام محمد: بتروحين؟؟. مريم: هيه. ام محمد: قعدي تعشي ويانا. مريم: مرة ثانية عموه امي ما تعرف اني عندكم أنا قلت لابوي وأكيد هي بتحتشر علي الحين. ام محمد: يلا عيل روحي بسرعة لا تنازعج وسلمي عليهم. مريم: يبلغ إن شاء الله. و روحت مريم عنهم ودخلت البيت وكانت تمشي واطالع تلفونها وما شافت سيف. سيف: يا حافظ عليج من وين ياييه؟. مريم اتروعت وطاح التلفون: بسم الله الرحمن الرحيم زين جيه طاح التلفون. سيف: هاهاهاهاها ما تعرفين تمسكين تلفون؟. مرمي: تراك روعتني. ونزلت تشل أو تلقط بقايا تلفونها. سيف: حد يمشي وما يطالع جدامه. مريم: شوف صوتك شو سوى بتلفوني. سيف: صوتي؟؟!!. مريم معصبة: هيه صوتك لو ما رمست ما كان بيطيح وبيتكسر الحين شو اسويبه هذا العب فيه صقله. سيف: هاهاهاهاهاهاهاها. مريم: اضحك شعليك حتى التلفون ما بيخليني أتهنابه حرام ما كملت وياه اسبوعين حشى مب صوت عليك. سيف: مالت عليج بدال ما تقول فدوه عن راسك تتقحطن يابوي الا تلفون مب راس ريال. مريم طالعته بنظرة: ما برد عليك. ومشت بتروح داخل. سيف: صبري صبري تعالي. مريم: شو تبى بعد؟؟. سيف: حرمة مب شايفة ريلها من اسبوع أول ما تشوفه تهليبه وتسلم عليه شحالك وشخبارك حبيبي عمري حياتي قلبي اشتقتلك مب انتي حتى سلام ما تسلمين أول شي تقولينه بسم الله الرحمن الرحيم و شو تبى. مريم: وريال مب شايف حرمة من اسبوع أول ما يشوفها يقولها شحالج وشخبارج حبيبتي عمري حياتي قلبي اشتقتلج مب انت أول ما تشوفني من وين يايه؟. سيف ابتسم: فهذي غلبتيني, شحالج حبيبتي؟. مريم استحت: الحمدلله بخير, انت شو حالك؟. سيف: الحمدلله بخير, من وين يايه؟. مريم: بعد؟. سيف: من وين يايه قولي؟. مريم: من بيت عمي. سيف: شو تسوين؟. مريم: مليت ورحت اقعد مع سلامي ولقيت محمد قاعد وياها وقعدنا نسولف. سيف:وليش ما قلتيلي؟. مريم: حتى لبيت عمي لازم أقولك؟!!. سيف: هيه لازم أعرف وين رايحه ومن وين يايه. مريم: إن شاء الله مرة ثانية بخبرك, ليش ما تدخل داخل؟ز سيف: محد داخل البيت. مريم: أمي وأبوي؟. سيف: محد طالعين. مريم: وسارة وروضة وين؟. سيف: شدراني يمكن فوق. مريم: كيف عرفت ان محد فالبيت. سيف: غانم خبرني. مريم: يعني انت تعرف اني فبيت عمي؟. سيف: هيه أعرف. مرمي: يوم انت تعرف اني فبيت عمي ليش محتشر علي؟. سيف: جيه. مريم: استغفر الله من الرياييل وحركاتهم. سيف: لا والله. غانم: مريومه انتي ييتي. لفت مريم اطالع اخوها وابتسمت: غانم. وراحت تسلم عليه. مريم: شحالك الغالي؟. غانم: الحمدلله شحالج انتي؟. مرمي: الحمدلله. سيف: بتربعين لاخوج بفرح تسلمين عليه مب انا من تشوفني تقول بسم الله و اخوها اتقوله الغالي وانا شو تبى. غانم: هاهاهاهاهاها يا الغيار إن شاء الله يوم بتكون عندك فالبيت بتربعلك مب الحين. مرمي: غانم شوف سيف كسر تلفوني. غانم: ليش كسرت تلفونها؟. مريم: كنت اطرشله مسج ما ياخذه من ايدي ويفره على الارض. غانم مستغرب: ليش؟. سيف: يا الجذابة انا جيه سويت مب انتي طيحتيه. غانم: والله عادي انت تسويها. مريم: هاهاهاهاهاهاهاها. سيف: اضحكين؟. مريم: غانم اجذب عليك التلفون طاح من ايدي. سيف: سمعتها. غانم: انتو الاثنينه ما ينعرف منكم الصادق و الجاذب يلا سيف نروح. سيف: يلا. مريم: مع السلامة. سيف: تآمريني على شي الغالية؟. مريم: سلامتك. وراحو وعلى الساعة 11,30 مريم اطرش مسج لسيف. مريم: { مشكور وااايد وااااايد وااااااااايد على التلفون }. سيف: { العفو الغالية }. سيف: { أرسل لج بوسه بعسل مغموسة بعطر مرشوشة بورد ملفوفة بطير منقولة لخدك مرسوله }. مريم: { ابتدي بكلمة أحبك آه يا كل الشعور وانتهي بكلمة أحبك ودي لو أكثر أقول}. سيف: { ودي بجلسة فوق عرقوب ممطور وتهبة الهبايب و انت معي ونقصر الدوب وقت المسا والجو طايب انت الذي للقلب مطلوب و للغير ما يحسب حسايب انت بصوب وغيرك بصوب يا غناتي يا أعز الحبايب }. مريم: { شو كنت تسوي؟ }. سيف:{ أفكر فيج }. مريم: { حلو, وقبل لا تفكر فيني شو كنت تسوي }. سيف: { اذكر كلامج }. مريم: { وقبل كلامي }. سيف: { اشوف صورتج فخيالي }. مريم: { وقبل هذا كله شو كنت تسوي }. سيف: { اسمع صوتج وضحكاتج }. مريم: { هيه صح توني مطرشة ينيتي عشان جيه تشوف صورتي وتمع صوتي وصوت ضحكاتي }. سيف: { ؟!؟!؟!؟! }. مريم: { شو كنت تسوي؟ }. سيف: { اشوفج }. مريم: { اوووف منك عاد قول كنت تسوي }. سيف: { تراني اخبرج قاعد اشوفج }. مريم: { احلف انت بس !! وين تشوفني }. سيف: { كنت أشوف أفلام صلالة وبالتحديد قبل لا تسألين اشوفج وانتي تشردين عن الضفدع هاهاهاهاها كان شكلج عجيب }. مريم: { صدق انك ما تستحي هذا فلم اطالعه؟! وبعدين انت ما عندك شغله الا تغايضني }. سيف: { شسوي احب اغايظج }. مريم:{ انزين خلاص ممكن تسكت انت واايد تهذرب الحين الساعة 12 وانا وراي دوام باجر }. سيف: { انتي مب جنج وايد تسبين نسيتي اني ريلج }. مريم: { ليش انت ريلي؟! على بالي زوجي هاهاهاهاها}. سيف: { بدت بالسخافة أحسن ترقدين لان باجر وراج دوام }. مريم: { صح اتذكرت باجر نحن ما بنداوم}. سيف: { ليش؟}. مريم: { ما فينا فينا نداوم ونحن من بدينا الصيفي ولا مرة غبنا الحين بنغيب }. سيف: { أحسن ارتاحي, وصح كم باقي عشان يخلص الصيفي }. مريم: { الاسبوع الياي آخر اسبوع إن شاء الله }. سيف: { إن شاء الله والله يوفقكن }. مريم: { عمري تصبح على خير }. سيف: { وانتي من اهله واحلام سعيدة }. واما محمد و موزة. موزة: ما يخصني باجر لازم تيي بيتنا. محمد: خلاص يوم الجمعة إن شاء الله أنا فبيتكم من صباح الله خير . موزة: أنا أريد باجر أشوفك مب ورا باجر. محمد: يعني لازم. موزة: هيه لازم انا ما شفتك من يوم الجمعة مع اني قتلك تعال بيتنا ولا ييت. محمد: شسوي ترا سيف خطف علينا. موزة: اوكي ما عليه يوم الاربعاء بعد ما ييت بيتنا تشوفني وبعد باجر ما تباني اشوفك؟. محمد: لهذي الدرجة مشتاقة لشوفتي؟. موزة: ما تتصور شكثر مشتاقة. محمد: خلاص وعشان خاطرج بكسر العادة وبروح أسلم على العايلة باجر مب يوم الجمعة. موزة: وآخر بيت تزوره بيتنا. محمد: عشان تقعد عدنا وايد وما تقول انك بتروح اتسلم على عمومتك. محمد: إن شاء الله آخر بيت بيكون بيتكم. وسكتو لمدة خمس دقايق. موزة: الحين بسكر عنك لانك تعبان وتبى ترقد. محمد: أنا من اسمع صوتج كل تعبي يروح. ضحكت. محمد: فديت هذي الضحكة متى ياربي بيمر هذا الشهر. موزة: ما بقى شي اصبر اصبر زين. محمد: وأنا شو وراي غير الصبر والله يا موزة ما تتصورين شكثر اتريا اليوم اللي الله بيجمعني فيه وياج. موزة: إن شاء الله قريب. محمد: إن شاء الله انتي ما ييتي بيتنا صح؟. موزة: صح. محمد: ليش ما تبين تشوفينه؟. موزة: ماريد الحين أشوفه أريدك أنت تراويني اياه. محمد: حلو عشان أشوف ردة فعلج بالمفاجأة. موزة: أي مفاجأة؟. محمد: ما بخبرج والا ما بتكون مفاجأة. موزة: ما عليه خلاص قرب الموعد وبشوف المفاجأة. محمد: صح أحب أخبرج ان حجرتنا بتكون من بين حجرة سلطان وميثا. موزة بستغراب: سلطان و ميثا؟!؟!؟!. محمد: هيه سلطان وميثا عيالنا إن شاء الله. موزة: ما شاء الله سميتهم قبل لا ييون. محمد: هيه سميتهم عشان ما نختلف. موزة: وأنا إذا ما كنت أريد اسم ميثا وسلطان. محمد: عاد انا ما بخذ بشور حد عيالي وبسميهم ع كيفي وبعدين أنا وايد أحب اسم سلطان وميثا. موزة: خلاص اللي تشوفه سلطان وميثا بس اذا كانن كلهن بنات. محمد: بسميهن سلامة و ميثا وروضة وشمسة ومريم. موزة: حشى خمس بنات وإذا كانو اولاد. محمد: سلطان وسيف وخالد وغانم و خليفة. موزة: لا واحد منهم بنسميه ناصر على اسم ابوي و وحده من البنات بنسميها فاطمة على امي انزين. محمد: اوكي بتنازل عن اسم خالد ومريم. موزة: مشكور هاهاهاهاها. محمد: اوكي الحلوة بخليج الحين ترقدين وحلمي بعايلتنا المتكونة من خمس بنات وخمس أولاد. موزة: خيبة عشرة قول أربعة ما عليه من الممكن اني اتقبل بس عشرة شو تباهم. محمد: أنا أريد عايلتي تكون كبيرة. موزة: بنتفق بعدين الحين برقد. محمد: تصبحين على خير الحلوة. موزة: وانت من اهله. وبالباجر الساعة 8,30 نش محمد اتسبح وطلع برع وشاف امه وابوه وسلامة. محمد: السلام عليكم. الكل: وعليكم السلام. وحب امه وابوه ع راسه وقعد عدال امه. محمد: الغالية شو اصبحتي اليوم؟ز ام محمد: والله الحمدلله. سلامة: اصبلك جاي؟. محمد يبتسم: صبي. ام محمد: تعال تريق. محمد: مشكورة الغالية ما شتهي. ام محمد: ليش؟ شوفيك؟ تعبان؟. محمد: لا مب تعبان الحمدلله بخير. ام محمد: عيا شعنه ما تبى تتريق وانا قايلتلهم يسوولك هريس اعرفك تحب تاكله الصبح. محمد: عشان خاطرج بكل. بومحمد: وين خالد وروضة؟. سلامة: راقدين. ام محمد: لين الحين ما نشو؟؟ غريبة خالد مب من عوايده ما يقوم من وقت. سلامة: لان امس سهر. بومحمد: سهران على اللعبة صح؟ز سلامة: هيه. ام محمد: كيف ما تبونه يسهر ومحمد امس ما خذله أفلام. محمد: انزين خلوه يسهر ترا إجازة الحين. بومحمد: نحن مب عشان السهر الحين نحن خايفين على عيونه طول الوقت قاعد جدام التلفزيون عيونه بيروحن. سلامة: لا ابويه خالد ما لعب باللعبة الا فليل والا طول اليوم كان قاعد وياي. ام محمد: أحسن خليه يقعد وياج عن مجابل هذا التلفزيون. محمد: سلامي قومي لبسي عباتج. سلامة: ليش وين بنروح؟. محمد: بنروح نسلم. سلامة: اليوم؟!. محمد: هيه. سلامة: اوكي دقايق وبكون جاهزة. وراحت فوق. ام محمد: بتروح تسلم عليهم كلهم اليوم؟. محمد: هيه ما فيني اروح يوم الجمعة. ام محمد: يعني بتخطفون بيت خالتك. محمد: هيه بنخطف شي تبين؟. ام محمد: هيه أباك تودي أغراض لخالتك. محمد: ما عليه انتي هاتي الاغراض وانا بوصلهن لخالوه. ام محمد: خلاص بقول للبشكار يحطهن فسيارتك. محمد: امي لا تقولين بتحطين فسيارتي سمج والله ما اركبه السيارة. ام محمد: لا مب سمج امس انا وابوك رادين من المزرعة ويايبين طماط وخس وبصل واباك توديه عند خالتك. محمد: هيه خس وطماط ماعليه خبري البشكار يحطهن فالسيارة. بومحمد: يلا قومي لبسي عباتج لين ما اشغل السيارة. طلع بومحمد رايح يشغل سيارته. محمد بهدوء: أمي. ام محمد: شو الغالي. محمد: أمي انتي راضية علي؟. ام محمد اطالعه بستغراب: هيه يا محمد انا راضية عليك دنيا وآخره يا ولدي. محمد ابتسملها: الحين انا مرتاح. وباسها ع خدها. ام محمد تلوي عليه: حبك العافية ويعلني ما خلى منك. وراحت فوق تلبس عباتها ومحمد يتابعها بعيونه لين ما اختفت عن أنظاره ودخل ابوه. بومحمد يلبس غترته: وين أمك؟. محمد: فوق تلبس عباتها. بومحمد بصوت عالي: ام محمد يلا انقفضي. محمد: أبويه. بومحمد: نعم. محمد وقف عدال ابوه: أبويه انت راضي علي؟. بومحمد: هيه راضي عليك ليش؟. وباس ايد ابوه وراسه: بس هذا اللي أريده. سلامة وهي نازله: على شو تقردن أبوي؟. محمد: هاهاهاهاها هذا سر بين الأبو وولده ما يخص البنات. سلامة: مب لازم أعرف بس يكون أحسن لو تروح وتتلبس لأني أنا جاهزة وما بترياك أكثر عن خمس دقايق. محمد: إن شاء الله. بومحمد: هاهاهاهاهاهاهاها. راح محمد يتلبس وامه نزلت وراحت مع ابوه. سلامة: مــــحــــمـــــد, يلا تراني بعد لين العشرة وإذا ما طلعت ما بروح وياك 1..... 2..... 3..... . وطلع محمد: طلعت يلا نروح. سلامة اطالع محمد من فوق لين تحت باعجاب: يا عيني شو هاي الكشخة كلها. محمد: أخوج يعييبج دايما كاشخ الحمدلله. وحط ايده على جتفها وطلعو. محمد: سلامي شورايج نتسابق لين السيارة منو يوصل أول؟. سلامةك موافقة بس أول خلني أحط قناع على عيوني عشان اكون صدق باتمان وأنا أربع. محمد: هاهاهاهاهاهااها. وركبو السيارة. سلامة: بنروح عند يدي؟. محمد: لا بيت عمي منصور. سلامة: يعني كسرت القاعدة كلها. محمد: هيه كلها. ودخلو بيت عمهم منصور وشافو البشكارة وسألوها إذا كانو منو موجود وقالتلهم الكل موجود داخل. محمد+سلامة: السلام عليكم. الكل: وعليكم السلام. سلمو عليهم وقعدو يسولفون وياهم. بوغانم: هاا سلامي شو الدراسة وياج؟. سلامة تبتسم: الحمدلله مشية حاليوياها. بوغانم: عاد ما نبى تخرج أي كلام نبى إمتياز. سلامة: إن شاء الله عمي. محمد: لا تخاف عليهن عمي إن شاء الله كلهن بيتخرجن بامتياز. مريم: إن شاء الله. غانم: كم باقلكن على التخرج؟. سلامة: إذا استمرينا على هذا الوضع إن شاء الله بعد سنة ونص أما إذا تكاسلنا يمكن بعد سنتين ونص تقريبا. غانم: لا تتكاسلن تمن على هذا الوضع أحسن. سلامة: إن شاء الله. مريم: بروحنا نبى الفكة من الجامعة وبعد نتكاسل. ام غانم: ان شاء الله بتخلصن وبتتخرجن. بوغانم: يلا عيل انا بقوم اروح عند ابوي. جاسم: بروح وياك ابوي. بوغانم: يلا قم. وطلعو . سارة: امايه انا بروح بيت عمي سيف. ام غانم: شو تسوين هناك؟. سارة: بروح عند روضة. ام غانم: روحي بس لا تتأخرين. سارة: إن شاء الله. محمد: شو مريوم خلصتي زهابج؟. مريم: لا وين خلصت باقي وااايد أشياء ما خذتهن ومادري متى بخلص وكل ما اذكر اني ما خلصت اييني احباط فظيع وأكره عمري وكل اللي حوالي. غانم: شو باقلج؟ز مريم: وااايد أشياء كثر شعر راسي. ام غانم: أذتني كل ما اوديها مكان ما يعيبها تعايتبها ما عرفت وين اوديها. مريم: شسوي ما لقيت شي يعييبني. سلامة: ليش ما تروحين بوظبي والا دبي؟. مريم: قلت لامي ما طاعت. ام غانم: انا ما فيني على دبي والا بوظبي وايد اتعب من اروح وعاد مريم ما بتخلصنا بتعبني وايد وبعدين يوم واحد ما بيكفيها كل يوم و الثاني بتقولي نروح وانا ما فيني على حنتها. غانم: انزين ليش ما تقولين انج تبين تروحين دبي والا بوظبي انا بوديج. مريم: صدق؟. غانم: هيه صدق بس انتي ما ترمسين. مريم: اوكي الاسبوع الياي شورايك. غانم: ما عندي مانع. محمد: انزين انا عندي اقتراح. مريم: شو اقتراحك؟. محمد: انتن الاسبوع الياي ان شاء الله بتخلصنالصيفي صح؟. سلامة: صح. محمد: شورايكن انتي وياها تروحن ويانا بوظبي؟. سلامة: متى؟. محمد: يوم الجمعة. مريم: ومتى بنرد؟. غانم: يوم الاربعاء ويانا. مريم+سلامة بصدمة: يعني نبات هناك فبوظبي. غانم يبتسم: هيه شورايكن؟. سلامة: أنا عن نفسي موافقة. محمد: وانت مريوم؟. مريم اطالع امها: مادري, امي شو تقولين؟. ام غانم: وين بتباتن؟. غانم: عدنا فالشقة. ام غانم: لالا وين يروحن وياكم وسيف؟. غانم: شوفيه سيف؟. ام غانم: مب زين سيف يكون وياكم حتى عيب. محمد: عمتي إذا على سيف ما عليه نحن بنروغه من الشقة. ام غانم: يا الفضيحة وين تروغونه وهو وين بيبات؟. غانم: بيروح شقة ربعنا. ام غانم: لا مب زين يمكن هم ما يبونه وين يروح؟. غانم: تراني مخبرنج ان اثتين من ربعنا ما خذين اجازة مسافرين والحين تم واحد بروحه وهو يسكن ويانا لين ما يردون ربعنا ما يبى يقعد بروحه. ام غانم: شفتو بعد ربيعكم ساكن وياكم وين هذيلا بتحطونهن؟. محمد: ما عليج عمتي سيف وفهد بيروحون شقة فهد لان محد فيها والبنات بيقعدن ويانا أنا وغانم شو قلتي؟. ام غانم: مادري. مريم: امايه عاد قولي بتخليني اروح والا لا. قامت ام غانم: شاوري ابوج أول إذا طاع أنا ما عندي مانع. مريم: يعني بروح يا سلاااااااااام. ام غانم: قلت اول شاوري ابوج. مريم: ابوي عادي بسرعة يوافق أنا وغانم بنقنعه. راحت ام غانم عنهم. مريم: يا سلام سلامي اتصدقين بنروح بوظبي وبنبات هناك و بنطفربهم بتكون مغمرة عجيبة. الكل: هاهاهاهاهاهاهاهاها. مريم: مشكوووووور محمد على هذا الاقتراح الحلو. محمد يبتسم: العفو,,, يلا سلامي نروح. مريم : ليش تروحون قعدو. محمد: انتي سوالفج ما تنمل ولا تخلص ونحن بعدنا ما سلمنا على حد. مريم بخبث: يعني ما سلمت على ..... . محمد يضحك: لا ما سلمت هااهاهاهاها الحين بروح إن شاء الله. سلامة: ما بتروحون ويانا تسلمون. غانم: لا. محمد: يلا عيل مع السلامة. غانم+مريم: الله يحفظكم. وطلعو محمد وسلامة رايحين بيت عمهم سالم و عمهم كان مب موجود ومالقو الا حرمة عمهم سلمو عليها وطلعو رايحين بيت يدهم سلمو عليهم وعقب راحو عند عمتهم وقعدو وياها يسولفون عن العرس وشو بتسمي ولدها والا بنتها وطلعو رايحين بيت خالتهم . دخلو بيت خالتهم وتلاقو مع ريل خالتهم عند الباب. بوعبدالله: مرحبا مرحبا الساع . سلمو علي. بوعبدالله: وينج سلامي من ومان ما شفناج الحين ما تينا. سلامة: شسوي الجامعة شاغلتني. بوعبدالله: الله يوفقج إن شاء الله. سلامة: إن شاء الله. محمد: عيل وين خالتي؟. بوعبدالله: داخل ومع سيف قاعدة روحولهم. دخلو سلامة ومحمد: السلام عليكم. ام عبدالله+سيف: وعليكم السلام. ام عبدالله: هلا والله بعيالي توه نور البيت. محمد: منور باصحابه خالتي. سلمو عليهم. سيف: ها سلامي شو الدراسة. سلامة: زين, وين موزة؟. سيف: فوق بعدها ما نزلت يمكن راقدة. سلامة: شو مرقدنها لين الحين بسير اوعيها. ام عبدالله: عندج اياها جبي عليها ماي. سلامة: فالج طيب خالوه ما طلبتي. ولفت على محمد وابتسمت بخبث ومحمد يطالعها بنظرة تقولها ياويلج اذا سويتي شي راحت سلامة فوق ودقت الباب على موزة. سلامة: موزة. موزة: ....... . سلامة فخاطرها: يعني راقدة أنا براويج. فتحت الباب بس كان مقفول وخاب أملها وتمت ادقق على الباب بقو وتغنيلها. سلامة: مووووووووووووزة يلا بطلي الباب. موزة: هاهاهاهاهاهاها انزين الحين بفتح صبري شوي. سلامة: حد يرقد لين الحين. موزة: مب راقدة صبري شوي. وردت سلامة دق الباب: يلا يا موزة فتحي بسرعة. خليفة: شو تسوين!!!؟. لفت سلامة بصدمة وشافت خليفة ومنى يطالعونها بغباء. سلامة بحراجك موزان ما تفتح الباب. خليفة يبتسم: جيه يدقون. سلامة: عشان تقوم. منى: أنا بدق عليها. خليفة: شوفي الرقة الحين. دقت منى الباب مثل سلامة. سلامة: هاهاهاهاهاهاهاها. خليفة: خيبة التقليد الأعمى. سلامة بخبث: شفت الرقة كيف. وفتحت موزة الباب: حشى عرس عرس جيه يدقون. سلامة: سنة لين ما تفتحين الباب. موزة: كنت اتلبس. وسلمت عليها. موزة: صباح الخير خليفة. خليفة: صباح النور يلا منى نروح. منى: اوكي سلامي بتروحين ويانا. سلامة: وين بتروحون؟. منى: كارفور. سلامة: لا مابروح. منى: بنشتري حلاوا. سلامة: لا تحاولين تغريني ما بروح وياج انتي وياه. خليفة: وليش إن شاء الله نحن شو فينا؟. سلامة: ما شي بس التوبة اروح وياكم مكان. ابتسم خليفة: انتي الخسرانة يلا منايه. موزة: انتي متى رحتي وياهم مكان؟. سلامة: اليهال لازم ما يدخلون فهذي الامور. موزة: لا والله. سلامة: هاهاهاهاهاهاها. موزة: أريد أعرف. سلامة: أنا خبرتج يوم رحت مع خليفة ومنى كارفور. موزة: هيه خبرتيني بس ما قلتيلي ان شي استوى. سلامة: صارلي موقف سخيف مع اخوج والله تمنيت الارض تنشق وتبلعني. موزة: شو الموقف؟. سلامة: ماشي وين كنا نحن نشتري كانو عدالنا حرمة وبناتها وعلى بالهم ان انا وخليفة متزوجين ومنى بنتنا صدقيني احترق ويهي من الفشلة وما عرفت شو اسوي الا اني اشرد واتعلثت اني اريد اشوف المجلات ورحت عنهم. موزة: وخليفة شو قال؟. سلامة: ما شي كان يضحك وطول الوقت يغايظني شلي بنتج وطالعي بنتج والمصيبة وين ما رحنا نلقى الحرمة وبناتها جدامنا. موزة: هاهاهاهاهاهاها خسارة ما كنت وياكم اشوف شكلج كيف غدى هاهاهاهاها. سلامةك وايد عايبنج الموقف. موزة: واااايد وليش ما خبرتيني قبل عن هذا الموقف خيبة كم شهر مر على هذا الموقف ولا خبرتيني. سلامة: خلي عنج هذي السوالف الحين يلا ننزل ريلج يترياج بفارغ الصبر هاهاهاهاهاها. موزة: بلا غلاسة. ونزلن تحت وشافو ام عبدالله وأسما وعبدالله وسيف وخليفة ومنى و أحمد و محمد. سلمو عليهم وقعدو يسولفون شوي وعقب خليفة راح مع منى وعبدالله خذ امه ومحمد وأحمد وراح واسما روحت البيت ترتاح لانها حامل. محمد طول الوقت يطالع موزة ويأشرلها تقعد عداله وهي مب طايعه وسيف وسلامة كل واحد يغايظ الثاني. Quote Link to comment Share on other sites More sharing options...
بحرينيه^مزيونة Posted ابريل 7, 2007 Report Share Posted ابريل 7, 2007 مشكوور أختي ،، وننتظر التكمله ؟؟ Quote Link to comment Share on other sites More sharing options...
alshoog Posted ابريل 8, 2007 Report Share Posted ابريل 8, 2007 مشكوووووووووره جرح انسااانه عالبارات،،، والله لا يحرمنا من طلتش بالقصص الحلوه علينا وطبعا ولا منش،،، Quote Link to comment Share on other sites More sharing options...
ام ضوى Posted ابريل 8, 2007 Report Share Posted ابريل 8, 2007 مشكورة اختي ننطر التكمله بفارغ الصبر ضــــــــوى Quote Link to comment Share on other sites More sharing options...
جرح انسانه Posted ابريل 8, 2007 Author Report Share Posted ابريل 8, 2007 تسلمون ليي عالمرور alshoog تسلمين والله ما تقصرين اخرجتني بكلامج وسوري راح اتاخر اشوي عن التنزيل لان الموقع مغلق Quote Link to comment Share on other sites More sharing options...
alshoog Posted ابريل 8, 2007 Report Share Posted ابريل 8, 2007 يالله جرح انسانه عذرج معاج،،، كالعاده ننتظر،،، Quote Link to comment Share on other sites More sharing options...
ام ضوى Posted ابريل 9, 2007 Report Share Posted ابريل 9, 2007 جود لين ما ينزل البار نسينه الاحداث ضـــــــــــوى Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.