sweety.heart Posted سبتمبر 6, 2007 Report Share Posted سبتمبر 6, 2007 وبعد انتظاااااااار,,,,,, دقق فوضوي على باب الغرفه خلى ابومحمد يقعد وهو مرتاع.. فتح الباب شاف الخدامه واقفه وتتكلم بذعر.. سمع كلمة سلمى ودرج وطاح ركض بسرعه..وشافها هناك طايحه وساكنه.. كانت تتنفس لكن ماقدر يوعيها.. طار بها للمستشفى وهناك جاه الخبر الي خلى الحزن يخيم عليهم من جديد.. سلمى سقطت.. ******************** :سكري بسرعــه!.. سكرت السماعه وفي عقلها الف رد فعل ممكن يكون عليه علي.. لكنه كان هادئ بشكل مخيف.. طالعته بحذر.. ماتدري شبيسوي.. علي بجمود:اطلعي بره.. اميره بخفوت:علي بس خلني.. صرخ بقوه ارعبتها:اطلعي بره ياحقيره.. اهتز فكها وجسمها جمد.. لكنها طالعته بقهر:مابطلع...شبتسوي.. تحول وجهه للبرود القاتل وهز كتفه بدون مبالاه:على راحتك.. وطلع من الصاله وقفل عليها الباب.. اول شي سوته انها غمضت عيونها بيأس.. خطتها كلها فشلت..!! تركها اربع ساعات حاول طولها يتصل على جوال سلمى او بيتهم او حتى ابوها الي للأسف نسى جواله في البيت.. فتح الباب وقال بصوت آمر:طلعي.. ماتكلمت..ماتحركت..حتى مارمشت عينها.. علي بهدووء:طلعي الحين.. ولا والله مايصير لك خير.. تكلمت بهدوء مثله: خذتك سلمى.. تغيرت ياعلي.. علي: حلالها.. كتمت دموعها وقالت بصوت مخنوق: علي انا ماابي شي منك ..انا بس ابيك انت.. سلمى انا متأكده انها ماتحبك.. اكيد بس وافقت عشان ماتتزوج واحد اقل من مستواهم! علي: خوش تحلليل.. شلون توصلتي لهالنتائج المبهره؟؟ اميره: اعرف هالنوعيه من البنات.. المقززين! علي: انتي مجنونه! اميره: اذا كان حبك جنون.. انا اقر اني مجنونه!!.. علي صدقني انا بعيشك بجنه.. انا ماابيك حتى تصرف علي.. سلمى بس تبي فلوس.. حطها في بيت ضخم ومتأكده حتى مابيتغير عليها شي.. علي بسخريه:انتي هبله انك تفكرين بسلمى بهالطريقه!!.. اميره: اوهوو من هالسلمى.. تدري اني اكره سلمى؟؟.. سلمى خذتك!!.. انت كنت غير... ماكنت تهتم لأي بنت بهالطريقه.. سلمى خـــــــذتك.. علي خلااااااااص طفح الكيل عنده: فداااااااها.. حلالها.. تاخذني وتغيرني وتقتلني.. مقتنع وممنون بعد.. وحت لو مثل ما تدعين سلمى تزوجتني عشان مايتغير عليها مستوى معيشتها عادي!.. دينا علي وقلب علي وفلووس علي ورووووح علي تفداهـــــــا..وتغير فجأه صوته للبرود مره ثانيه:والحين اقلبي وجهك ماابي اشوفه مره ثانيه.. ************************ رجعت البيت مثل الشبح.. ساكته وساكنه.. تحس حياتها كلها فلتت منها في دقايق.. صوت اميره ماوقف عن التردد في عقلها ولا دقيقه.. لكن احتمال انها ماتكون صادقه كان اكبر امل عند سلمى.. جات لها امها قعدت معاها.. ام محمد:سلمى.. قلتي لعلي؟ طالعت امها ببرود: لاااحد يقول له..انا بدق عليه.. ام محمد:على راحتك.. قامت وراحت لسارا تشوف ولدها.. سلمى:يسلم البو يجنن.. ساروه نسخه منك! سارا: يقولون يشبه حسن اكثر.. سلمى: اجل صدقيهم هم..انا مااعرف اشبه عدل.. وباست خده بحذر لايصيح: بشرته تجنن!... صطوف تبيعني بشرتك؟ سارا:هههههههه,,,وهو شيقعد به؟ سلمى:ابادله.. سارا خذته منها:مشكوره.. خلي حلاوة ولدي له...انتي حلوه مثل ماانتي.. سلمى:اي حلاوه؟.. شفتي وجهي اليوم؟.. سارا: شفيه وجهك؟..قمر ماشاء الله.. ولا اقول.. لا تسأليني انا..سألي علي وانا متأكده بيقول احلى خلق الله.. سلمى تضايقت:اوهووه..شجاب علي الحين؟ استغربت سارا:علامك؟ سلمى:ولا شي..بروح انحاش لايجي احد ويقولون لي ضيفي.. سارا ضحكت:هذا السالفه..كســل.. ضحكت سلمى وراحت فوق.. وفي قلبها الف حزن وهم.. *********************************** سكر السماعه وداخله احساس مريع.. يحس قلبه انعصر الين تفجر.. ماكان يبي اي تعقيد زياده وجاه اكبر تعقيد.. كرهه لأميره كبر الف مره.. حتى صوت محمد ماوده يسمعه مره ثانيه في هاللحظه.. مايبي يسمع اي خبر زياده.. دق على تلفون بيت عمه.. جاه صوت سارا:الو.. علي:السلام عليكم.. هلا سارا.. سارا:هلا علي ..شخبارك؟ علي:بخير..الحمدلله على سلامتك وسلامة البطل.. سارا:الله يسلمك.. علي:سلمى موجوده جنبك؟ سارا:لحظه وحده..اناديها الحين.. بعد دقايق جاه صوتها:لحظه بحول الخط لغرفتي.. انتظر شوي على صوت الموسيقى المعتاده الممله..واعصابه ماكان قادر يمسكها.. سلمى:الو.. علي:هلا.. سلمى:ماابغي اكلمك الحين.. دق بعد كم يوم.. علي:لحظه.. ليش ماقلتي لي؟ سلمى:ماقلت لك شنو؟..اني حامل؟..اقصد كنــــت حامل؟ علي:ايه.. سلمى:دقيت عالبيت.. لكن ردت علي حبيبة قلبك.. قمت سقطت.. بس ماحبيت اقولك عشان ماتحس بتأنيب الضمير ان ولدك مات بسببك.. علي: اميره لاحبيبة قلبي ولا غيره.. مابيننا شي,, سلمى:قلت لك ماابي اتكلم معاك بهالموضوع اليوم.. ولا تدق مره ثانيه.. اذا تبي نتفاهم على اي شي تجي السعوديه.. **************************** واذا نزلت الكاتبة بارت جديد بنزله Quote Link to comment Share on other sites More sharing options...
كوول بحرانية Posted سبتمبر 6, 2007 Report Share Posted سبتمبر 6, 2007 اوكييييه يسلموووو Quote Link to comment Share on other sites More sharing options...
حلا الكويت Posted سبتمبر 6, 2007 Report Share Posted سبتمبر 6, 2007 اللحين طوووووووووووووووووول هالانتظار بس هالبارت نزلتيه بليييييييز نزلي الباجي باسرع وقت زين قدرت اتذكر احداثها ما ابي ارد انساها مشكوره عالبارت Quote Link to comment Share on other sites More sharing options...
sleep girl Posted سبتمبر 7, 2007 Report Share Posted سبتمبر 7, 2007 تسلمين حبيبتي على البارت الحلو Quote Link to comment Share on other sites More sharing options...
*.. Majo0oD ..* Posted سبتمبر 7, 2007 Report Share Posted سبتمبر 7, 2007 ثانكس على القصة Quote Link to comment Share on other sites More sharing options...
العسووووولة Posted سبتمبر 7, 2007 Report Share Posted سبتمبر 7, 2007 ثانكس للكل للي نزلوا البارت وانا قريتها القصة في منتدى الم الامارات بس الموقع صار له مدةة ما يفتح Quote Link to comment Share on other sites More sharing options...
شهد Posted سبتمبر 7, 2007 Report Share Posted سبتمبر 7, 2007 ثانكس على البارت لكن وااايد قصييير ننتظر التكمله Quote Link to comment Share on other sites More sharing options...
قمرة البدور Posted سبتمبر 8, 2007 Report Share Posted سبتمبر 8, 2007 ثاااااااااااااانكس Quote Link to comment Share on other sites More sharing options...
+-**شجون**-+ Posted سبتمبر 20, 2007 Report Share Posted سبتمبر 20, 2007 thaxooo bas please kamlaw Quote Link to comment Share on other sites More sharing options...
me-me Posted سبتمبر 22, 2007 Report Share Posted سبتمبر 22, 2007 ثاااانكس لاا تتأخرين من تنزل الكاتب بارت نزلي لنا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.