~+soOosah+~ Posted مايو 15, 2007 Report Share Posted مايو 15, 2007 مابيرفضون بانتظار الجزء اللي بعده Quote Link to comment Share on other sites More sharing options...
sweet candy Posted مايو 15, 2007 Report Share Posted مايو 15, 2007 ...waiting... Quote Link to comment Share on other sites More sharing options...
&&Nice girl&& Posted مايو 15, 2007 Report Share Posted مايو 15, 2007 ثانكس Quote Link to comment Share on other sites More sharing options...
مؤدبة ولكن Posted مايو 15, 2007 Author Report Share Posted مايو 15, 2007 الجزء التاسع عشر في بيت مشعل كان مشعل ونجود جالسين مشعل دق موبايله مشعل: هلا والله بندر بندر: هلا بالقاطع مشعل: اهلين ومرحبتين واحد كاش وواحد دين,, واحد على الراس وواحد على العين بندر: هههههههههه مشالله صاير شاعر مشعل: هذا من تاثير الاشرطه الي نسمعها هههههههههههه بندر: ههههههههههه,, اقول مشعل بغيتك بسالفه اذا فاضي اليوم ودي امرك مشعل: حياك بندر: امرك ببيت الوالد الله يرحمه والا ببيتك؟؟؟ مشعل: الي يريحك بندر: اجل خلني امرك ببيت الوالد لان ودي سعود يكون موجود مشعل استغرب ايش السالفه : حياك ننتظرك بعد صلاه المغرب بندر: انشالله على خير مشعل: فمان الله بندر: فمان الكريم مشعل بعد ماقفل:غريبه يانجود هذا بندر ,,, داق يبيني بموضوع الله يستر نجود:طيب عادي يمكن يبي يسلم مشعل:ماظن قال ابيك بسالفه وابي سعود يكون موجود نجود:عادي حبيبي يمكن زياره عاديه مشعل:لا ماظن يانجود نجود:انشالله مافيه الا الخير انت لاتفكر بس مشعل:راح ادق على سعود لايرتبط باحد مشعل دق على سعود مشعل: سعود ايش عندك اليوم؟؟ سعود: ولا شي,,, من شوي كلمني بندر يقول بيجي بعد المغرب مشعل:ايه دق علي انا بعد ,, الله يستر ماقال لك ايش يبي سعود: ياشيخ الرجال مايجي منه الا كل خير,,,, وعلى قوله المثل ياخبر الضهر بفلوس المغرب يبأأ ببلاش ,,, ويقول المثل الميه تكذب الغطاس ,,, ويقول بعد الي مايشتري يتفرج,,, ويقول المثل بعد خذ حبه واحصل على ثلاث مجانا ويقول بعــ.. قاطعه مشعل: بس بس وقف ازعجتني انت وامثالك المعفنه ,, اقول ماتدري عن ميشو اذا عندها خبر بالموضوع سعود: ودي اعرف ليش مشغل نفسك؟؟تلقاه جاي يسلم ,, المهم ترى ابو سليمان ازعجني يبي فلوسه مشعل:تبيني اسرق يعني؟؟؟ سعود:لا ماقلت نسرق بس ع الاقل خلنا نكلم عمي يمكن يسلفنا مشعل:عمي عارف بوضعنا المادي الحين ,, ولو عنده نيه يساعدنا كان ساعدنا ,,, مانبي ياسعود نذل نفسنا لاحد سعود: اذا انشالله صارت اخرتي انا وياك بالسجن خل كرامتك تنفعك مشعل: فالك ماقبلناه,, انشالله ماتوصل لهدرجه ,,, المهم لاتطلع ترى الرجال راح يجي وقفل مشعل من سعود نجود: حبيبي ايش صار بموضوع بيتنا؟؟ مشعل: والله مدري ايش اقول لك يانجود نجود: قول انك موافق نبيعه مشعل: اذا كان هالشي يسعدك انا موافق نجود: اوكي اجل بكره راح اجهز اغراضنا علشان نروح بيت خالتي مشعل: بهالسرعه؟؟؟ نجود: ايه خلنا نطلع بسرعه علشان تلحق تلقى مشتري للبيت 00000000000000000000000000000000000000000000000000 0000 ام فهده: هاه صويلح ماتبي تعرس اخطب لك؟؟ صالح: لايمه ,, ايش ابي بالعرس ,, اجيب حرمه تغثني؟؟؟ ام فهده: ياحبيبي هذي سنه الحياه ,, وبعدين منهي هالحرمه الي راح تغثك وانا موجوده والله لعلمها السنع صالح: ايه يمه اذا انتي راح تربيها ,, انا مستعد اتزوج ام فهده: ولا يهمك ياوليدي ,,, انت اعرس وانا اربيها لك اخليها تمشي ع العجين ماتلخبطه صالح: اجل يمه اخطبي لي ذيك المزيونه صديقت فهده ام فهده: من قصدك مشاعل؟؟؟ صالح: مدري ايش اسمها يمه ام فهده: لا ايش نبي بها ,, ماتشوف عمياء ياوليدي ,, ابي لك وحدتن تشوف صالح انصدم: عمياء؟؟؟؟بس انا شايفها تمشي وتشوف طريقها , ,لما رحتي انتي وفهده لبيت صديقتها ام فهده تتذكر: ايه قصدك ساره صالح: يمه مدري ايش اسمها ام فهده : ايه ياوليدي هذي بنيه زوينه,, اجل بدق ع فهده تعطيني رقم امها ,, واخطبها لك صالح: ايه يمه تكفين ترى البنت حلوه مره,, بس يمه ابيك تربيها زين لان شكلها ماتربت ام فهده: ايه لسانها طويل يبي له قص,, بس انت اصبر لما توافق ,, واتركها لي صالح: كفو 00000000000000000000000000000000000000000000000000 00000 في مجلس بيت ابو مشعل مشعل: حيا الله بندر بندر: الله يحييك,,, وانا اعتذر منكم ان كنت عطلتكم عن اشغالكم مشعل: لا وش دعوى البيت بيتك بندر: الله يطول بعمرك ,,, بصراحه الموضوع الي جاي اكلمكم فيه يخص مشاعل سعود مستغرب: مشاعل بندر: ايه,,, طبعا انا عرفت بالصدفه من اختي ان مشاعل ماتشوف من اثر حادث وان الدكتور قال لكم ان عمليتها نسبه نجاحها جدا ضئيله مشعل: صح بندر: وانا بصراحه اعتذر منكم اني تجرات واخذت تقرير الدكتور وعرضته على دكتور خبير بالمانيا ,,, والحمدلله طمني ان العمليه باذن الله سهله ,,, وبصراحه انا عز علي بنت بهالسن لها امل بعمليه وماتسويها وحبيت اساعد اذا هالشي مايضايقكم سعود ومشعل انصدموا باهتمام بندر بمشاعل بندر خاف انهم يرفضوا علشان الاوضاع الماليه وحب يفهمهم ان العلاج راح يكون مجانا بندر: عموما الرجال ينتظر مني اتصال ,,, لان علاج مشاعل راح يكون ع المستشفى ,, وراح يتكفلوا بكل شي من دخولها للمستشفى لما تطلع مشعل: بصراحه مدري ايش اقول لك انت فاجئتنا سعود: يابندر والله انك من اصل طيب,,, انت ماتركتنا من وفاه ابوي ,,, والحين جاي تساعد مشاعل,,, بصراحه احترنا كيف نشكرك بندر: اذا تبو تشكروني ,, وافقوا انتم وبعدين اقنعوا مشاعل تقبل((كان يبي يوهمهم ان مشاعل ماتدري علشان مايشكوا ان بينهم شي)) مشعل: والله احنا منيتنا ان مشاعل ترجع تشوف ,, بس انا خايف اننا اول شي نتعبك ونكلف عليك,,, واخاف مع هذا مشاعل تسوي العمليه وماتنجح وبعدين تتعب نفسيتها بندر: من ناحيتي انا لاتخافوا علي ,, انا ماراح ادفع شي من جيبي ,, وانتم كمان ماراح تدفعوا شي ,,, يعني ليش مانخاطر,, اما مشاعل انشالله راح تنجح العمليه ,, وحتى لو مانجحت لاسمح الله مع ان هالشي مو وارد,, بس ع الاقل نكون حاولنا ,, والا انتم يرضيكم حالها ووضعها كذا؟؟ مشعل: لا اكيد مايرضينا,, بس انت فاجئتنا يابندر بندر: ادري والله بس انا ماقدرت انتظر خاصه ان الفرصه جتني ,, قلت اقول لكم,,وعموما انتم فكروا وبلغوني اذا مشاعل وافقت من بعد اذنك طبعا 00000000000000000000000000000000000000000000000000 000000 مشاعل كانت في غرفتها ميته خوف ,, خافت اخوانها يشكوا فيها دق موبايلها وكانت نغمه بندر مشاعل: الو بندر: هلا ميشو مشاعل: طلعت؟؟؟ بندر: ايه الحين طلعت ,, بس اسمعي مثل ماوصيتك ,, كانك ماتعرفي شي اوكي مشاعل: اوكي بس بندر انا مره خايفه ,, اخاف يشكوا فيني واخاف مايوافقوا بندر: مستحيل مايوافقوا لاني حسيت انهم فرحوا بهالخبر مشاعل : انشالله سكتت لما سمعت صوت ع الباب مشاعل بهمس: بندر بعدين اكلمك اخواني عندي وقفلت مشاعل: ادخل مشعل وسعود: السلام عليكم مشاعل: عليكم السلام سعود: ممكن ياقمر ننشب لك شوي؟؟ مشاعل: ههههههه تنشبوا لي سعود: ايه نبي نسولف معاك شوي مشاعل: اكيد بدون ماتستاذنوا مشعل: ميشو ايش رايك بسفره حلوه لالمانيا؟؟؟ مشاعل كانت ودها تنفجر من الضحك ع اخوانها الي يحسبوها ماتدري عن شي مشاعل: لا مابي وطبعا كان سعود ومشعل يحاولوا يقنعوها تسافر ,, وبعد ساعه من الاقناع اقتنعت مشاعل,,, وقرروا انهم يبلغوا بندر عن رايهم,,, وقرروا بعد ان سعود هو الي راح يروح مع مشاعل,, لان مشعل اول شي صعبه يروح ويترك زوجته ,, وثانيا الشركه ومشاكلها سعود مايقدر يتحملها 00000000000000000000000000000000000000000000000000 00000 فهده تكلم امها: هلا ماما كيفك وكيف صالح؟؟؟ ام فهده: بخير جعلتس بخير,,, وصالح يسلم عليتس سلام كثير فهده استغربت حنيه صالح : الله يسلمه ام فهده: ماتقولين اجي ازور امي ,, ولا اسير عليها فهده: لا يمه انا كنت راح اجيكم انشالله اليوم ,, خاصه وان عندي خبر حلو ام فهده: وش هالخبر الزين رجلتس شرى لتس بيت,, والى كتب لتس شين باسمتس؟؟؟ فهده: لا يمه شي احلى واكبر ام فهده شهقت: شرى لتس قصر؟؟؟؟؟ فهده: يمه اكبر معنويا مو ماديا ام فهده: وش تقولين انتي ,,, انتي من يوم خذتي هالرجل وانا ماعرف حتسيتس فهده: يمه خليها مفاجاءه لما اجيكم اليوم انشالله ام فهده بطفش: ايه طيب بس لاتبطين ,, تراني ابيتس بموضوع فهده خافت: يمه ايش فيه؟؟؟ ام فهده: ابد يابنيتي ,,, اخوتس يبي يخطب فهده فرحت: من جد ماما الف مبروك ام فهده: انا قلت بيخطب ماقلت تزوج فهده بنفسها الله يعين الي بتاخذه: طيب ماما انشالله ماراح اطول 00000000000000000000000000000000000000000000000000 00000 ام مشعل : انشالله ترجعي من السفر بالسلامه , وانشالله ترجعي تشوفي احسن من اول مشاعل فرحانه: انشالله ماما الكل انصدم مشعل وسعود وام مشعل حتى مشاعل نفسها انصدمت ,,اول مره تتجرء وتقول لاحد ماما بعد ما امها ماتت يمكن الفرحه لخبطتها,, انحرجت وطلعت غرفتها,, وهي بنص الدرج سمعت ام مشعل تبكي,, ونزلت لها مره ثانيه مشاعل: خالتي ايش فيك تبكي؟؟ ام مشعل تبكي: اول مره اسمع منك هالكلمه ,,, جعلك سعيده بالدنيا والاخره يابنيتي,, كنت اتمنى هالكلمه من زمان تطلع منك,, وانا استحيت اطلبك تقوليها ,,, لاني حسيت ان مافيه احد يحل مكان امك,, مع اني والله احبك ,, ولو عندي بنت ماحبيتها كثر ماحبك مشاعل بكت من كلام ام مشعل: يشرفني ياخالتي انك تكوني ماما سعود كان فرحان بتطور الامور ,, حس ع الاقل ان الامور بدت تتحسن اما مشعل كانت دمعه من عينه تاخذ طريقها لخده ,, تاثر بالموقف ,,, وتاثر بالحب الي بين امه ومشاعل,, اول مره يشوفهم متاثرين لهدرجه ام مشعل: الله عوضني بفقده ابو مشعل ,, بهالكلمه يامشاعل, لاتحرميني منها الله لايحرمك الجنه مشاعل بكت من قلبها,, ماكانت تتوقع اثر هالكلمه كبير لهدرجه مشاعل: صدقيني محد يهون علي موت بابا ويخفف علي احزاني الى انتي يا .. ماما ام مشعل ضمت مشاعل بقوه وبكو الثنتين هنا دخلت ام سلطان ام سلطان: ياحرميه ,,, رجعوا لي فلوس عيالي مشعل: اي فلوس ؟؟؟ايش تتكلمي عنه مشاعل: مشعل لا تكلم هالاشكال,, وبعدين انا قلت لك روحي للمحاكم لان مالك شي عندنا سعود: اي محاكم واي فلوس ايش القصه ام سلطان: ماتدري ايش فيه ,,, سارقين فلوسي وتقولوا ايش صاير,,, ابي ورثي وورث عيالي الحين مشعل عصب منها: ام سلطان تدلي الباب والى ادلعك,, وياليت اخواني يجوا عندنا لاننا راح نقدر ناكلهم ونشربهم,, اما انتي اطلعي برا وتدبري شؤنك برا بيتنا ام مشعل: مشعل عيب عليك مشعل: ماتسمعي ايش تقول؟؟؟؟ ام مشعل: عيب عليك ياام سلطان انتي حرمه كبيره والمفروض تكبري عقلك ,,, انتي عارفه ان ابو مشعل خسر كل فلوسه من وين نجيب لك الورث,, وبعدين المحامي راح يبين لكل واحد الي له والي عليه,, ومو معقوله احنا بس المسؤلين عن دفع ديون الشركه ,,, المفروض انتي بعد تدفعي معانا ام سلطان : طيب انا اوريكم وطلعت معصبه ودخلت بيتها وسكرت الباب سلطان: ماما ايش فيك معصبه؟؟؟؟ ام سلطان: انقلع عن وجهي فهد: ماما ابي اروح صاله التزلج مع اصحابي ام سلطان: روح وانا ايش دخلني فهد: ماما ابي فلوس ما معاي ام سلطان: روح قول لاخوانك يعطوك انا ماعندي شي قفلت ع نفسها غرفتها وطالعت نفسها بالمرايه ام سلطان: ااااااااه يالقهر ,,, هالشايب مالقى يموت الا الحين,, كنت ناويه اسافر اسوي لي كم عمليه تجميل,, لازم اسوي شد لوجهي احسه بدا يترهل,, ولازم اسوي شفط دهون لبطني ,, من بعد ماجبت هالفيصلوه كبر بطني يا الله قهر ,, ليته صبر شهر,, انا لازم ارفع عليهم قضيه,, بس من وين اجيب حق المحامي,, واهلي مافيه امل يعطوني ولا ريال حتى 00000000000000000000000000000000000000000000000000 00000 ام ساره : حبيبتي ساره ساره: هلا ماما ام ساره: اتصلت علي ام مازن تعرفيها ؟؟؟ جارت خالتك هيا ساره: ايه ماما اتذكر شفتها ببيت خالتي ام ساره: ايه حبيبتي متصله تخطبك لولد اختها ساره: الله يمه,,, ولد اختها يابوي حك ظهري ام ساره: ههههههههههههه ,,, ولد اختها ايش الي يابوي حك ضهري ساره: طيب ماما ايش قلتي لهم ام ساره: قلت لهم بسال البنت وبسال ابوها وارد لكم ساره: ايه ماما خلي بابا وبندر يسالوا عنه ترى انا مابي لحط ام ساره: وايش لحط هذي؟؟؟ ساره: يعني قراوى ,,, انا ابي ناس اول شي كاش واهلهم لبيسين ,, مابيهم يفشلوني عند الي اعرفهم اذا قالوا هذولا اهل زوجك ام ساره: اما انك غريبه ايش دخلك باهله ,, اهم شي الولد ساره: اووووووه يمه ,, انا ماراح تزوج ع كيفكم انا راح اتزوج الي انا ابيه ام ساره: يعني ايش اقول لهم يجوا او لا ساره: يجوا وين ام ساره: امه واخته يبوا يجوا يشوفوك ,, تدرين ماعمرهم شافوك ,, يسمعون بك من خالتهم ,, وودهم يجوا يشوفوك ساره تفكر: تدرين ماما خليهم يجوا ,, خليني اشوفهم بعيني واذا اهله قراوى ومايعرفو يلبسوا وحسيت ان حالتهم الماديه مو ذاك الزود ,,, اطردهم قبل لايخطبني ام ساره: ايش هالثقه ,, يمكن هم الي مايبوك ساره: بدري عليهم,, المهم ماما اتصلي عليهم وقولي لهم ام ساره: مو قبل مانسال ابوك 00000000000000000000000000000000000000000000000000 00000 بندر: هاه ميشو كيف الاوضاع ببيتكم ,,, كل شي تمام ,, اخوانك وافقوا مشاعل : الحين اي سؤال تبيني اجاوب عليه؟؟؟ بندر: كلهم ههههههههههههههههههههه مشاعل وهي تضحك : انشالله السؤال الاول الاوضاع ببيتنا تمام ,,, واذا على اخواني تخيل جلسوا ساعه يترجوا فيني اوافق اسافر بندر وكانه يترجاها : ههههههههههههههههه,, بليز وافقي ميشو مشاعل تسوي نفسها تتغلي : اممممم لا ههههههههههههههههه بندر : ميشو ترى خلاص موعد سفرتك انشالله بعد اسبوعين ,,, اتفقنا حبيبتي حبيبتي؟؟؟؟؟؟؟؟؟؟ تفاجات مشاعل من هالكلمه الي قالها بندر ,, صح انها هالايام تكلمه بشكل يومي ,, وصح اهتمامه فيها باين ,, بس اول مره تسمعه يقول حبيبتي وفي الطرف الثاني بندر ماكان اقل صدمه من مشاعل ,, والي حاول يمسك هالكلمه اكثر من مره ,, بس اظن شفايفه خانته وماقدر يكتم مشاعره,, حبه لمشاعل كل يوم يكبر ,, وكان حريص مايبين لها كبر حبها بقلبه ,, خاف ترفضه وهو مايقدر يستحمل فراقها او زعلها عليه,,, بس اظاهر مشاعره اكبر من انه يكتمها بقلبه الي صار هاجس مشاعل مايفارقه ,,,كان يحلم فيها ,,, واحلامه ماكانت بالنوم بس,, بندر صار مهووس بمشاعل,, حتى وهو صاحي يحلم فيها بندر انحرج: مشاعل اكلمك بعدين مشاعل: اوكي باي بندر: باي مشاعل حست بالاحراج الي حس فيه بندر,,, كانت تخاف من هالكلمه من بعد طلال,, لكن مع بندر ع الاقل تحس بامان ,, كان صادق معاها وكان حبه واضح حتى وهو يخفيه,, معاه ماتخاف لامن مشاعرها ولا من المستقبل,,, استسلمت لمشاعرها ,,, وقررت انها تعطي نفسها فرصه تفرح,, تعيش تجربه ثانيه مع بندر,, الي انشالله تكون افضل من تجربتها مع طلال اعجبت بقدره بندر الكبيره على سيطرته على افكارها ,, حتى ان طلال نست موضوعه ,, ونست ان مر عليها واحد اسمه طلال 00000000000000000000000000000000000000000000000000 000000 بندر من بعد ماقفل من مشاعل راح ع طول لغرفه ساره بندر: سارونه نايمه؟؟؟ ساره:لا تعال جالسه اقراء بندر: حركات يالمثقفه ايش تقرين؟؟؟ ساره: اقرا كتاب كيف تقول لا بندر: لا الله يخليك الا هالكتاب ساره: ليش؟؟ بندر: لاني ودي اقول لك شي واخاف تكونين استفدتي من هالكتاب وتقولي لي لا ساره:هههههههههههه,, لا مكتوب بالكتاب اني اطبق كل شي اقراه الا على بندر بندر: هههههههههههههههه,, طيب يادبا ابيك بكلمه راس ساره تلتفت تدور احد ساره: من متى انت تحظر جن؟؟؟؟ بندر: جن؟؟؟ ساره: ايه لاني ماشوف الا انا وانت كيف تقول كلمه راس,, الا كانك تشوف ناس انا ماشوفهم بندر: هههههههههه ,, ايه الحين قدامي شايب منجن عليك ساره خافت: لاااااا بندر ترى ماحب هالكلام لاتخوفني بندر: طيب المهم ابيك بوضوع جدي ساره: امر بندر: شرايك فيني؟؟؟ ساره تضحك: بسم الله عليك انت ابد مو طبيعي اليوم بندر: اسمعي انا عارف انك تحبي مشاعل مره وادري انها اغلى صاحبه عندك,,, وانا ياسارونه ودي ..... ساره تضحك: ودي بايش؟؟؟ تخطبها مثلا بندر يبتسم: ايه اذا هالشي مايضايقك طال عمرك ساره : والله احلى يوم بحياتي الي اشوفك مع ميشو ,, والله انكم لايقين ع بعض,, الا تعال ماقلت لها؟؟؟ بندر ارتبك: وانا متى كلمتها علشان اقول لها ساره تغمز له: علينا ,, المهم ماعليك انا بكره اكلمها بندر: بس سارونه ابيك ماتضغطي عليها,, ابيها تاخذ راحتها بالتفكير ,, وحتى لو كان جوابها الرفض ابيها تتاكد ان مافيه شي راح يتغير لا بينكم ,, ولا بيني وبين اخوانها ,, وموضوع العمليه منفصل تماما عن موضوع الخطبه ساره: طيب ياتماما انت,,,طيب ليش ماتاجل الموضوع لحد ماترجع انشالله من العمليه بندر: مااقدر لسببين ساره: ايش هم؟؟؟ بندر: ماودي تظن اني مافكرت اخطبها الا بعد ما يرجع نظرها انا ياسارونه ابيها بكل عيوبها وحسناتها,,, والسبب الثاني مابي اتركها لوحدها هناك ولاابي اكون معاها بصفتي اخو صاحبتها , ابي اكون خطيبها ساره : ااااااااااااه يابندر بندر: ايش فيك؟؟؟؟ ساره حطت يدها ع خدها وطالعت بندر وابتسمت: ياحلو الحب بندر ظربها بالمخده وطلع 00000000000000000000000000000000000000000000000000 00000 مشاعل كانت تنتظر بندر يدق ,, ,استغربت انه اول مره من بعد ماتوفى ابوها يخليها يوم بدون ماتسمع صوته,,, حست بشوق له ,,, كانت ترتاح معاه,, وترتاح لصوته وكلامه الحنون,, وخوفه عليها ,,, في بعض الاوقات كان يذكرها بطلال وبحنيه طلال المزيفه لها ,,, كان طلال طول الوقت يخدعها , اما بندر كان صادق حاولت تستجمع كل ذكرياتها وكل حاظرها وترتب حياتها لمستقبل جديد غامض فكرت بعرض بندر الزواج منها ,, بدايه خافت من الفكره وحست انه شعور طبيعي لكل بنت قبل الزواج سالت نفسها سؤال ايش معنى انها تكون خطيبه بندر, معنى هذا انها في المستقبل راح يكون زوجها وهذا معناه انها راح تشاركه حياتها بكل تفاصيلها ,, حست برعب يقتلها,, اكيد هي ترتاح لبندر وتحس بصدقه وحبه لها ,, لكن مستحيل تقدر تشاركه حياتها ,,, حست بحنين يقتلها وحست بالم في قلبها لما تذكرت طلال ,, كانت دايما تحلم انه يكون زوجها ,, ماتخيلت نفسها تكون لواحد غيره ,,, مستحيل تشارك حياتها مع غير طلال حست انها انخلقت له وهو انخلق لها ,,, بس بالمقابل ايش قدم لها طلال ,,, ماقدم لها الا ذكريات او ان جاز التعبير ذكريات مؤلمه,, كل ماتملك يذكرها بطلال هو عماها ,, وقلبها المجروح,, وخوفها من المستقبل,, خافت ماتقدر تستمر مع بندر لان هاجس طلال يقتلها ,, وخافت يضيع منها بندر وتكتشف بعدين انه هو الشخص المناسب لها ايش تنتظر من طلال ,, يقتلها علشان ترتاح ,,, طلال تركها ولافكر يسال عنها,,وهو كان عارف الحب الي تحمله بقلبها له ,, مع كذا تركها بدون مايودعها,,, لكن بندر طول الوقت كان معاها ,, ويقدم لها دعمه باي وقت,,, يسمع هموما وشكواها ,, قريب منها ,,, يخاف عليها تذكرت خوف طلال المزيف لها ,, الفرق كبير وواضح بين صدق بندر وكذب طلال ,,, كل شي واضح قدامها ومايبي له خبير ,, اما انها تعيش ع ذكرى طلال والا تعيش مع بندر الي متاكده انها يحبها حست بقهر لانها للحين مانست طلال ,, والي من فتره قريبه كانت متاكده انه صار هامش بحياتها ,, بس بمجرد ماانفتح معاها موضوع الزواج ,, رجعت تحن له تعبت من التفكير وقررت انها تستخير الله ,, والي الله كاتبه لها راح يصير 00000000000000000000000000000000000000000000000000 00000 في اليوم الثاني,,, فهده كانت عند امها ام فهده : وع مالت عليك حامل ,, كان يالخبله صبرتي ,, يمكن يطلقتس وتجرجرين وراتس هالعيال فهده: يمه ايش هذا فال الله ولافالك,, حرام عليك المفروض تفرحين لي ام فهده : ايه بس المهم ابي رقم ام ساره صديقتس فهده مستغربه: ليش ياماما ام فهده: ودي اخطبها لصالح فهده انصعقت: يمه صاير لعقولكم شي,, ايش جاب ساره لولدك ام فهده :تف عليها حامضه وهي تطول ولدي فهده: لا ماتطوله, ترى يمه ساره مخطوبه ام فهده: هوو,, ومتى انخطبت فهده تكذب ع امها ع شان تصرف نظر عن هالموضوع: من شهر ام فهده: مالت عليها, هي الخسرانه فهده تجاري امها: صادقه هي الخسرانه ام فهده: اجل نبيك تدوري لنا بنت زوينه نخطبها لاخوتس فهده: انا مالي شغل فيكم ,, اخطبي له انتي ام فهده: وهو مو اخوتس ياوسيعه الوجه 00000000000000000000000000000000000000000000000000 0000 ساره كانت عند مشاعل مشاعل: اخلصي قولي ايش عندك جيتك وراها شي ساره: امممممممم,, ميشو اوكي بتكلم,, بس شوفي الموضوع الي راح اقول لك عنه ,, ماله شغل بعلاقتنا انا وانتي,, يعني سواء رفضتي او وافقتي صداقتنا برا الموضوع مشاعل: سويره تكلمي طيحتي قلبي ساره: الا قلبك ترى يزعل علي بندر مشاعل صار وجهها احمر : اقول بلا بياخه تكلمي ساره: اوكي باختصار وبدون لف ودوران ,, اخوي بندر يبي يخطبك مشاعل استحت مره ,, مع انها تمون ع ساره مره ,, وبس اول مره تحسها غريبه عنها ,, وتستحي منها ,, يمكن ع شان الموضوع يتعلق باخوها مشاعل: ساره انتي عارفه وضعي الحين وبعديـــ.. قاطعتها ساره: ميشو لاتصيري مريضه ,, ايش فيه وضعك ,, قصدك انك ماتشوفي هذا مو عيب ولا حرام ,, يعني الي ماتشوف ماتحس وماعندها قلب؟؟؟ مشاعل: لا سارونه مو قصدي بس انا مقدر اقدم لاخوك اي شي ,,,, بعدين ايش الي جذبه فيني وانا بوضعي هذا ساره: ميشو الحب مايعرف شكل ولا لون او حتى مرض,, بندر يحبك وانا متاكده من هالشي مشاعل: بصراحه مدري ايش اقول لك ياساره بصراحه فاجئتيني ساره: المهم لك مهله تفكري ,,, بس اسبوع قبل تسافروا وصدقيني اي قرار راح تاخذيه ماراح ياثر ع علاقتنا انا وياك او علاقه بندر باخوانك ,,, احنا اكثر من عائله ومافيه شي راح ياثر علينا,, ميشو خذي قرارك بدون خوف من الي راح يصير ,,, وفكري كويس هذا زواج,, وفكري ببندر كزوج مو كاخو صديقتك وانك تستحي ترفضيه علشاني او علشان بندر والي سواه معاك ,, تدري ميشو ان بندر لما قال لي كلميها تردد مليون مره مشاعل: تردد؟؟؟ ساره: ايه يقول اخاف تقبل تتزوجني علشان ترد لي الجميل,, وهذا اكثر شي راح ياذي بندر,,, بندر يبيك ,, واذا ماحصل نصيب صدقيني قرارك بندر راح يحترمه مشاعل : بس الموضوع هذا يبي له تفكير ساره: خذي وقتك ,,, بس بندر وده تردي له قبل تسافروا مشاعل: ليش؟؟؟ ساره: لانه يبي يسافر معك بصفه رسميه عند اخوانك ع الاقل يكون خطيبك رسميا مشاعل ابتسمت : يعني هو مصمم انه يروح معانا ساره انصدمت: مجنونه يخليك تروحي لوحدك كان ينجن علينا مشاعل استحت: سويره بلا سخافه ساره: تلاحظي انك اخذتي وجه ترى مو اسمي سويره مشاعل: طيب يا مدام ساره ساره: لا انا انسه مشاعل :هههههههه طيب ياانسه ساره: بس شكلي قريب بصير مدام مشاعل: ياحقيره انخطبتي وماقلتي لي ساره: اعصابك تو الناس داقين ع امي امس,, بس شكلي راح ارفضهم مشاعل: ليش؟؟؟ ساره: مدري احسهم فقراء وقراوى مشاعل: وشلون حسيتي ساره : لان خالتهم فقيره, وهي الي خاطبتني مشاعل: هههههههههههه,, طيب يمكن اختها متزوجه تاجر ساره: ماتوقع عموما انا قلت لامي خلهم يجون نضحك عليهم شوي مشاعل: هههههههههههههههههه,, اقول ايش اسم الولد ساره : مدري مشاعل انصدمت : ماتعرفي اسم الولد؟؟؟؟ ساره: لا ايش عرفني اعرف عايلته مشاعل: تدرين جيبي لي اسمه واسم ابوه واجيب لك تاريخ اجداده ههههههه ساره تحمست: جد ميشو كيف؟؟؟ مشاعل: نسيتي خالتي ام مشعل ,, مشالله عليها ماخلت احد الا تعرفت عليه ساره: والله اجل تعالي نسالها مشاعل: وكيف نسالها وانتي ماتعرفي الولد؟؟؟ ساره: تدري راح ادق ع ماما واسالها ساره من الحماس ماقدرت تستحمل ودقت ع امها ساره: هاي ماما ام ساهر: هلا حبيبتي ساره: ماما ايش اسم الولد الي امس خطبني؟؟؟ ام ساره: هشام ساره: ماما ابي اسمه كامل وابوه وين يشتغل وكل شي؟؟؟ ام ساره: ليش ايش تبي فيه؟؟؟ ساره: يوه ماما بعدين اقول لك ام ساره: طيب طيب,, اسمه هشام عبدالعزيز عبدالله الــ.. وهو يشتغل في مكاتب ابوه ساره: وابوه ام ساره: ابوه لواء ساره: طيب ماما باي نزلت مشاعل وساره عند ام مشعل مشاعل: اقول ماما ساره انصدمت من مشاعل اول مره تسمعها تنادي ام مشعل ماما,, بس كانت مو رايقه تحقق تبي الحين تعرف معلومات عن زوج المستقبل ام مشعل: سمي ياحبيبتي مشاعل: ماما تعرفي عايله الـــ ام مشعل: ايه اعرف اخت مره اخوي ماخذه منهم مشاعل: اها يعني ماتعرفيهم كويس ام مشعل: لا ,, بس ايش تبو منهم مشعل: خاطبين سارونه ودنا نسال عنهم ام مشعل: ولا يهمك سارونه تستاهل الحين ادق ع اخت مره اخوي واسالها ,, هم اهل رجلها اكيد تعرفهم ساره: شكرا ياخالتي ام مشعل دقت على اخت مره اخوه ام مشعل: هلا والله بام محمد ام محمد :هو,,, ام مشعل هلا والله وغلا ايش اخبارك ام مشعل: تمام الحمدلله,, انتي شلونك وشلون العيال ام محمد: والله الحمدلله ام مشعل: اقول ام محمد,, ودي اسالك ام محمد: سمي ام مشعل: ماتعرفين احد من اهل رجلك ابوهم لواء ام محمد تتذكر: والله ماعرف ايش شغلت الرجال ,, بس قولي لي ,, ايش اسم الابو يمكن اعرفه ام مشعل: اسمه عبدالعزيز عبدالله ام محمد: هو ,, ايه ذكرت الي ابوهم ضابط كبير ام مشعل: ايه ,, هم عندهم ولد توه ماتزوج؟؟؟؟ ام محمد: ايه عندها هشام ولدها الوحيد هنا تاكدت ام مشعل انها عرفتهم ام مشعل: ايه هذا هو,, الا عساهم طيبين,, ,وكيف ولدهم رجال؟؟؟؟ ام محمد: خاطبين مشاعل؟؟ ام مشعل: لا والله خاطبين صديقتها ,, وقلت بسالك اكيد انك تعرفينهم ام محمد: والله ياام مشعل انهم حقن وماعليهم انسه,,, وماينبغون ام مشعل: هو ياكافي وراه ام محمد: فيهم غرور ,,, وكبر ,, وامه كريهه ومغروره طبعا ام مشعل كانت حاطه التلفون ع السبيكر,, وساره تسمع كل شي وبعد ماسمعت هالكلام ,,صارت تاشر لام مشعل بيدها وكانت تحك اصبعها الابهام بالسبابه <- قصدها الفلوس ام مشعل استغربت من ساره الي بعد هالكلام تبيها تسالها هم اغنياء او لا ام مشعل: طيب يام محمد كنت بسالك كيف حالتهم الماديه لولوه : عندهم فلوس لو يصرفوها من اليوم لمليون سنه ماخلصت,,, ابوه اشهر واحد بعايله زوجي,, مليونير ساره انجنت من الفرحه ,, مليونير ,, هذا امنيتها قفلت ام مشعل ,, وحاولت ساره تبين عند ام مشعل انها مو مهتمه ,,, بس مشاعل كانت حاسه فيها انها فرحانه لانها عارفه صاحبتها تموت بالفلوس تعشت ساره عن مشاعل وهي طالعه ساره: اقول ميشو ترى بكره راح اتصل عليك ولازم تقولي لي ع ردك مشاعل :انشالله بفكر اليوم وراح استخير ,, وارد لك 00000000000000000000000000000000000000000000000000 0 __________________ Quote Link to comment Share on other sites More sharing options...
مؤدبة ولكن Posted مايو 16, 2007 Author Report Share Posted مايو 16, 2007 الجزء العشرون ساره :المهم ماعلينا , ايش سويتي بالموضوع الي كلمتك فيه مشاعل: اممممممممممممممممممممممممممممم مممممممممم مدري ايش اقول لك ساره: قررتي؟؟؟ مشاعل: ايه ساره : ميشو متاكده من قرارك مشاعل: استخرت ربي وفكرت كويس ,, وقررت ساره: ممكن اعرف ايش قررتي؟؟ مشاعل : سارونه انا موافقه ساره فرحت وزغرتت زغروته سمعوها البيت كله مشاعل: بس يامجنونه ساره: فرحانه اخيرا راح تجي عندي مشاعل: انتي اصلا راح تتزوجي هشام ساره: ههههههههه اي هشام مادريتي دقت خالتهم ع امي تهزئها تقول ليش تطردوهم مشاعل:هههههههههههههههههه دخلت بندر وام ساره لما سمعوا ساره تزغرت بندر: بتقلبين طقاقه؟؟؟؟ ساره تتغلى: بندروه عندي لك خبر يجنن بندر وكانه حس بالخبر: لاتقولي موضوع ميشو؟؟؟ ساره: ايه وتراها معاي ع الخط مشاعل: والله انك بايخه يله باي قفلت بوجه ساره من الحياء ام ساره: هاه بشرينا وافقت؟؟؟ بندر: سويره تكلمي ساره: اول قول عمتي ساره بندر: عمتي ساره ساره: وتعزمني اليوم ع العشاء بندر: اوكي ,, بس قولي ساره وقفت ع السرير وفتحت يدها لاخوها وكانه تبي تضمه: وافقت بندر ضم ساره وشالها ولف بها الغرفه كلها ام ساره: اجل خلوني ادق ع ابوك نبلغه بندر: سارونه اليوم احس اني طلعت لك من الفانوس السحري اطلبي اي شي عندي اطلبي اي شي تبيه ساره: ابي امممممممممممم,, وناسه اقدر اطلب اي شي بندر: اي شي ساره: طيب ابيك تكلم ميشو قدامي الحين,, وتحطها ع السبيكر بندر مستغرب من هالطلب الغريب: وايش راح تستفيدي؟؟؟ ساره: ابي اسمع صوت ميشو وهي مستحيه بندر: ههههههههههههه, لاياشيخه وبعدين انا الي اتوهق ساره: تتوهق ليش؟؟؟ بندر: راح تزعل علي لاني حطيتها ع السبيكر ساره منصدمه مررره وفتحت عيونها ع اخر شي من الصدمه ساره : بندر ايش فيك صاير خواف,, من الحين صرت خوشخيشه بيد ميشو بندر: هههههههههه,,, خوشخيشه,, وخاتم بعد ,, لعيون ميشو دخلت ام ساره: بندر ايش رايك اليوم اكلم ام مشعل علشان نروح نتقدم رسمي بندر: لا ياماما ,, لازم مشاعل يكون عندها خبر متى راح نجي وهي الي تحدد اليوم الي يناسبها ساره انصدمت اكثر: انا قايله انك خوشخيشه ام ساره ماهي عارفه سالفه الخوشخيشه بندر طلع وده يطير من الفرحه,, راح على طول على غرفته يكلم حبيبته وروحه وقلبه وخطيبته وزوجته المستقبليه دق عليها وماردت ,, مات ضحك عليها اكيد مستحيه وطبعا دقت ام ساره ع ام مشعل والي فرحت بهالخبر الحلو ,, اما اخوان مشاعل مااستغربوا هالخبر لانهم كانوا حاسين ان بندر يحب مشاعل واعجبهم رجولته لانه جاء يخطبها ومافكر يستغل حاجتها له ويكلمها من ورا اخوانها 000000000000000000000000000000 0000000000000000000000000 كان يوم خطبه مشاعل وبندر احلى يوم بحياته بندر ,, وساره كانت فرحانه لان اعز وحده من صاحباتها راح تسكن معاها وتصير زوجه اخوها,,, اما ام ساره كان احساسها ممزوج بين الفرحه والزعل,, كانت فرحانه لفرحه ولدها ,, وفرحانه لانها تعرف ميشو وتعرف اخلاقها وكانت تحبها,, اما شعورها بالزعل والحزن لانها كانت خايفه ان عمليه مشاعل ماتنجح ويضطر ولدها انه يعيش معاها وراح تكون حياته صعبه معاها اما مشعل وسعود كانوا في قمه وناستهم لانهم راح يناسبوا بندر والي اكيد هو من عايله محترمه ومن مواقفه الرجوليه معاهم ومع اختهم بين معدنه الاصلي,, وكانوا متطمنين ع اختهم معاه,, يكفي انه راح يتزوجها وهي ماتشوف والي لو واحد مكانه بيفكر مليون مره قبل يرتبط فيها اما ام مشعل كانت فرحانه لمشاعل لان بندر ع قولتها مايتعوض ,,, وكانت تتمنى ان ابو مشعل موجود معاهم يشاركهم الفرحه اما مشاعل وياعيني عليها كانت خايفه ماتدري هي اختارت الخيار المناسب والا تسرعت والمفروض انها تفكر قبل كانت ام مشعل وام ساره وساره بالصاله ساره : يالله هالميشو ساعه فوق ام مشعل: ايش تسوي عندها روبي ,, تسوي لها ميك اب ساره: ماله داعي تجيب وحده تسوي لها ميك اب ام مشعل: اول شي انتي عارفه انها ماتقدر تسوي لنفسها ميك اب,, وثاني شي,,, اليوم بندر راح يشوفها ,, ولازم تلبس وتتكشخ ام ساره: مشالله ع مشاعل حلوه حتى بدون ميك اب واخيرا نزلت مشاعل ساره تصفر: الله ايش هالحلاوه كل هذا علشان بندر ,, والله مايستاهل ام ساره: سويره اخوك ترى هلي تقولي عنه مايستاهل ساره خافت من امها: امزح مشاعل كانت مره مستحيه ساره : ميشو حرام عليك اليوم اخو راح ينجلط ههههههههههه مشاعل تجاهلت ساره : هلا خالتي ام ساره : هلا حبيبتي مشالله عليك قمر مشاعل: تسلمي ياخالتي وقربت من ساره: هاه كيف الميك اب ,, قلت لها تحط لي ميك اب مره هادي ,, لاتكون لونت وجهي ساره: ميشو تخوفي كانك رايحه حفله تنكريه مشاعل عرفت انها كذابه: عادي اهم شي يعجب بندر ساره :الله الله ,, متى هالحب مشالله ,, تدري لو اقول لبندر انك قلتي له كذا راح ينجن 000000000000000000000000000000 0000000000000000000000000 اما بندر كان قلبه يخفق بقوه وعارف ان هذي اخر خطوه ,, وهي انه يشوف مشاعل,, وكانت خطوه شكليه بس قدام اخوان مشاعل , علشان يبين لهم انه اول مره يشوفها كان خايف يشوف مشاعل لانه اكيد راح يكبر حبها بقلبه وخايف مايقدر يتحمل ويطلب من اخوانها ان الزواج يكون اليوم طلع سعود علشان ينادي مشاعل سعود كان برا الصاله: مشاعل مشاعل: هلا سعود : تعالي ابيك مشاعل حست ان الحين وقت موتها اكيد يبيها تدخل راحت مشاعل سعود سعود: يله علشان تدخلي تسلمي ع بندر مشاعل: لا سعود انا خايفه سعود: انا معاك كان عزاها الوحيد انها ماتشوف يعني ماتدري هو يطالعها او لا مشاعل: طيب سعود شكلي حلو سعود: قمر ومسك يدها ودخلوا في المجلس الي كان فيه بندر بندر وقف بصعوبه : هلا مشاعل مشاعل بحياء : اهلين بندر بندر: كيفك مشاعل؟؟ مشاعل كانت راح تنجن صح انها كانت تطلع كاشفه وكانت تقابل شباب كثير ولو من بعيد ,, بس عمرها ماجلست مع واحد بنفس المكان حتى لو مع اخونها مشاعل: بخير تسلم وكانوا مشاعل وبندر راح ينفجروا من الضحك على (تسلم) لان هالكلمه مو قادره مشاعل تتركها وكان بندر دايما يضحك عليها ع هالكلمه والي يقول شكلك لما انولدتي مابكيتي طلعتي من بطن امك تقولي للدكتور تسلم بندر سكت لانه كان مرتبك وكان وده يجلس مع مشاعل لوحدهم ,, بس اكيد لا الشرع ولاالمنطق يخلي مشاعل تجلس معاه لوحدهم ,, اخوانها مستحيل يرضوا سعود حس بارتباك بندر ومشاعل وحاول يرطب الجو بمزحه البايخ والي خلى مشاعل تطلع اتفقوا الكل ان النقاش بموضوع الزواج يكون بعد ماترجع مشاعل من السفر وصااااااااارت مشاعل خطيبه بندر 000000000000000000000000000000 000000000000000000000000 من بعد ماطلعوا من بيت مشاعل ام مشعل: الف مبروك يامشاعل والله انك تستاهلي بندر وبندر يستاهلك مشاعل: الله يبارك فيك سعود: اليوم مشاعل مين قدها صارت مخطوبه هههههههههه مشاعل تبي تقهره : الله واكبر ترى مخطوبه لبندر مو للهنوف ههههههههههههههه سعود: مقبوله عموما الف مبروك مشاعل : الله يبارك فيك مشعل: الف الف مبروك ,, والله بندر رجال والله يوفقك معاه مشاعل: الله يبارك فيك يامشعل نجود كانت توها راجعه من اهلها ,, ودخلت ماشيه 1000 نجود:هاه ميشو نقول مبروك مشاعل منحجره : ايه قولي نجود: الف مبروك ياقلبي مشاعل الله يبارك فيك مشاعل طلعت غرفتها ,, وانقهرت لانها مو قادره تحس بانها مبسوطه لانها مخطوبه ,, كان الشعور بالخوف يطغي ع كل احساس داخلها 000000000000000000000000000000 0000000000000000000000000 بندر كان ماشي 1000000 بالسياره وكان يرقص بالسياره من الفرحه ساره: بندر الله يخليك فحط والولد ماكذب خبر صار يفحط بس على خفيف <--ماعنده خبره ام ساره: بندروه وجع لانصدم بندر: يمه تحبين نفسك ,,, خلاص مافي العمر اكثر من ما مضى ساره تبي تجنن امها: ايه ماما احنا الي اصغر منك ماخفنا واحنا لسى ماتهنينا بحياتنا , انتي يمه خلاص مامليتي؟؟؟ بندر: هذا واحنا ياماما نفكر امس انا وسارونه اننا ندخلك دار العجزه ام ساره طلعت لها قرون: وجع يوجعكم ,, انا اوريكم شغلكم عند ابوكم رجعوا للبيت بعد مانشفوا ريق امهم من الخوف بندر طلع ع غرفته ودق على طول على مشاعل بندر: هلا هلا هلا هلا هلا هلا هلا بخطيبتي وحبي وحياتي ميشو مشاعل انصدمت من جراته: اهلين بندر بندر: من معاي؟؟؟ مشاعل استغربت: تستهبل مين يعني جدتي؟؟؟ بندر: لا قولي كلمه السر مشاعل: من متى بينا كلمه سر بندر: اجل مو انتي مشاعل مشاعل: لا انا خيالها بندر: طيب وين تسلم مشاعل:هههههههههههههههه,, اسكت كنت اليوم راح اموت ضحك لما قلت لك تسلم بندر: ادري ياقلبي انا احس فيك قبل تتكلمي ,, واحزن قبل تحزني,, وافرح قبل تفرحي,, ميشو مشاعل انحرجت وبهمس قالت: هلا بندر: احـــــــــــــبــــــــــــــ ـك مشاعل:........................ ... بندر: وربي من اول مره شفتك حبيتك ,, ميشو انا ماكنت اصدق ان فيه حب من اول نظره بس لما شفتك تاكدت مشاعل حاولت تكتم عبرتها: بندر شوي واكلمك بندر: ميشو زعلتك بشي؟؟؟؟ مشاعل تصارخ : بندر بعدين اكلمك وقفلت بكت وبكت وبكت لما سمعت هالكلمه,, ياليتها سمعتها من طلال ,, ايش كثر كانت تتمناها ,,, كانت هالكلمه راح تغير حياتها ,,, وراح يكون كل شي مر بحياتها حلو مع طلال ,, بكت طلال ,, وكانها تودعه لاخر مره ,, خلاص هي الحين مو ملك نفسها ,, هي ملك شخص يستاهل كل التقدير والحب والاحترام منها,,, لازم تبدا معاه بدايه صح ,, بدايه مافيها كذب ,, تذكرت بدايتها مع طلال والي كانت ابعد ماتكون عن الصدق , كانت مبنيه ع غش وخيانه وكانت هي الطرف الخسران ,,, كانت تحس بالم يقتلها وحسره وذكريات مره ,,, كان المفروض تكون معاه ويحلموا مع بعض ,, بعيدين عن كل الناس ,, لوحدهم ,, وباحلامهم ,, وبحبهم ,, بكت من القهر ,, اكبر قهر انك تحب شخص مايبادلك نفس الشعور,,, حست كيف هالشعور مؤلم خافت من ان هذا الي يصير مع بندر,, لازم تحبه ,, هو مايستاهل ومستحيل تكون مثل طلال,, تجرح ولاهمها مشاعر الشخص الي يحبها,,, لازم تحب بندر ,, بس قبل ماتحبه لازم تنسى شي اسمه طلال,,, قررت انها تبكيه وتبكي كل الامها وذكرياتها معاه وتكون الليله ليله الوداع لحبها طلال وبدت تفكر تبني حياتها من جديد مع بندر الي انشالله تقدر تسعده لانه يستاهل 000000000000000000000000000000 000000000000000000000000 بعد يومين في شركه ابو مشعل ,,, سعود كان في المكتب سمع صوت الباب سعود : تفضل السكرتير: فيه واحد برا يبي يشوفك سعود في نفسه" وينك يامشيعل ورطتني مع هالديانه" سعود: ماقال لك اسمه السكرتير: بندر سعود استغرب بندر ايش جابه هنا ,, اكيد موضوع سفره مشاعل؟؟؟ سعود: خله يتفضل دخل بندر : السلام عليكم سعود: عليكم السلام بندر: كيف الحال سعود: والله الحمدلله ,, شلونك انت وشلون الاهل؟؟؟ بندر: الحمدلله ,, عسى بس ماقطعتك عن شغلك؟؟؟ سعود: لا الله يحييك ,, فاضي ماعندي شغل بندر: اجل مشعل مو مداوم اليوم سعود: والله مدري عنه اليوم مدري ايش فيه شكله في سابع نومه دخل مشعل: اسمع احد جايب طاري اسمي,, هلا بندر ,, وانا اقول المكتب منور بندر: هههههههه الله يسلمك منور بوجودكم مشعل: كيف الحال؟؟؟ بندر: الحمدلله انت كيفك ؟؟؟ مشعل: الحمدلله بندر: اكيد مستغربين وجودي هنا من صبح الله مشعل: لا حياك باي وقت يالنسيب,, ايش تشرب؟؟؟ بندر: ولا شي ,, انا مستعجل,, بس ابيكم بسالفه مشعل: سم بندر: بصراحه مدري شلون ابدا معاكم الموضوع بس,, وجودي هنا له سبب,,, ووجودي مهم بهالشركه مثل وجودكم مشعل وسعود استغربوا الالغاز الي جالس يقولها بندر مشعل: بندر مو فاهمين ياليت تفسر بندر: انا شريككم الجديد مشعل وسعود: هااااااااااااااااه بندر: انا عارف انكم مصدومين , بس يمكن انتوا لاحظتوا من كم يوم ان ابو سليمان ماداوم,, طبعا لاني اشتريت منه نصيبه الي يملكه بالشركه مشعل وسعود انصدموا ايش يبي في الشركه خاصه انها منهاره وعليها ديون ,, ومجنون الي يفكر يشتريها , الا اذا كان مايبي فلوسه ويبي يتبرع فيها مشعل: بندر انا مو فاهم ايش معنى شركتنا بندر: بصراحه مصلحه لي ولكم سعود : شلون؟؟؟ بندر: انا حاليا املك نص الشركه ,, وهالشي راح يعود علي بفوائد وعليكم,, وراح اقول لكم كيف,, اول شي انا محتاج مشروع ابدا فيه شغلي ,,, وفكرت ان بدايتي راح تكون هنا وخاصه اني مشغول وماقدر دايما اكون موجود ومافيه احد اثق فيه مثلكم,, يعني انا تارك فلوسي مع ناس امينيين وبعدين لاتنسى انكم راح تصيروا اخوال عيالي انشالله سعود: بس يابندر انت عندك خبر ان الشركه مديونه ,, وخلاص الشركه انهارت من الديون بندر: ادري ,, وانا راح اتفق معاكم اتفاقيه,, انا راح اكون شريكم بالاسم ,, وراح احط مبلغ كبير انشالله نقدر نقوم الشركه ع رجولها من جديد,, وهالمبلغ انشالله راح يسدد ديون الشركه مشعل وسعود حسوا بالاهانه وان بندر يتصدق عليهم مشعل : اسفين يابندر احنا مانقبل الصدقه بندر: اي صدقه يامشعل,, ايش رايك اني انا الي مستفيد سعود مستغرب: اي فايده الي راح تكسبها؟؟ بندر: انا راح استفيد من ناحيتين ,, اذا راح نتكلم عن الفوائد الماديه,, فالوالد الله يرحمه كان متفق مع ابو سليمان على ان الربح بينهم 50% لكل شريك ,, لكن بما اني راح ادفع مبلغ كبير للشركه راح ارفع نسبه الربح لمده سنه راح نخليها 60% لي ولكم 40%,, اما الفوائد المعنويه ,, فانتم اهل قبل كل شي وانا نسيبكم وانا مارضى ان اخوال عيالي يكونوا في ورطه وماساعدهم وترى انا ماحبيت افتح هالموضوع قبل الخطوبه علشان ماياثر هالشي ع قراركم وتحسبو اني اساوم ع مشاعل سعود ومشعل كانوا يحبوا بندر لكن ماتوقعوا انه شهم لهدرجه سعود: اسفين مستحيل نرضى بهالوضع ,, حتى لو كانت نسبه ارباحك 60 % ,, انت المظلوم من هذا كله بندر: ياخي انا راضي بهالنسبه انت ايش دخلك؟؟؟؟ سعود: احنا مانرضى نظلم بندر: انا راضي,,, وبعدين اي ظلم الي تتكلم عنه ,, صدقني ربح 60 % ممتاز بالنسبه لي مشعل: بندر انت ماتدري كم الديون الي علينا ,, ولاحظ اني اتكلم عن ملايين بندر: واذا المبلغ اكبر من ملايين مستعد ادفع مشعل استغرب من وين يجيب الفلوس وخاصه انه توه بادي حياته ,,, وابوه مو مليونير ,, من وين راح يدبر هالمبلغ,, اكيد راح ياخذ قرض او يتسلف مشعل: يابندر المبلغ 15 مليون هذا غير الي سددناه بندر: المبلغ راح يكون عندكم بكره انشالله مشعل وسعود: بكره مشعل: مستحيل نرضى بندر قفلت معاه: طيب اوكي عندي حل حلو ,, ايش رايكم يكون المبلغ سلف لمده مفتوحه سددوه بالاقساط المريحه مشعل اعجبته الفكره : اوكي بس بشرط ,, كل سنه نعطيك دفعه 3 ملايين بندر: اوكي ,, بس انا كمان عندي شرط مشعل: ايش؟؟؟ بندر: 5 سنوات مايرجع لي المبلغ لما تتحسن اوضاعكم وتتحسن اوضاع الشركه؟؟؟ سعود : بندر بندر: سم سعود يطالع بندر بكل اعجاب: انت اعظم رجل قابلته بحياتي,,, وصدقني نتشرف بنسبك,, وانا متاكد ان اختي راح تكون سعيده معاك بندر : انا الي لي الشرف 000000000000000000000000000000 0000000000000000000000000 مشاعل عرفت السالفه من سعود ,,, وماصدقت ان بندر يسوي كل هذا علشانها ,, كبر بعينها وبدت علاقه مشاعل تاخذ طريق ثاني مع بندر ,, بدت تحس بمشاعر حلوه وشوق ,, وبدت تقتنع بفكره ان هالانسان راح يكون زوجها ,, وكانت سعيده بهالفكره 000000000000000000000000000000 0000000000000000000000000 بعد اسبوع بندر: هاه حبيبتي ,, مستعده للسفر بكره مشاعل: بندر مدري ايش فيني خايفه بندر: ميشو قلبي لاتخافي وانا معاك مشاعل: الله لايحرمني منك بندر: ولامنك ياحياتي مشاعل: بندر انا خايفه العمليه ماتنجح بندر: تفائلي بالخير,,,وانشالله راح تنجح بس انتي شيلي هالافكار السوداء من راسك مشاعل: الله يسمع منك 000000000000000000000000000000 0000000000000000000000000 من بكره كان موعد سفر مشاعل ام مشعل تبكي: يامشاعل بفقدك ,, ياليت الاحوال احسن واروح معاك مشاعل: تكفيني دعواتك,, ادعي لي ياماما ان الله يشفيني ام مشعل تدعي من قلبها: امين يارب ترجعي تشوفي مثل قبل مشاعل: الله يجزاك خير نجود: مشاعل حبيبتي طمنينا عليك اول ماتوصلي ,, والله راح توحشينا مشاعل: وانتم اكثر ,, نجود ماوصيك ع ماما نجود: خالتي في عيوني انتي روحي وتطمني مشاعل: مع السلامه نجود وام مشعل: مع السلامه كانوا رايحين بسياره مشعل ,,, وكان بندر جالس قدام مع مشعل ,, ووراء مشاعل وسعود بندر دق موبايله بندر: الو ساره تبكي بندر: سارونه خلاص يكفي صياح ,, والله لو احنا راح نروح للمريخ ساره: انتبه ع نفسك يابندر,, وع ميشو,, ياويلك اذا صار لها شي بندر: هههههههههه انشالله, اوامر ثانيه ساره: هي معاك بالسياره؟؟؟؟ بندر: ايه تبي تكلميها ساره: ايه بندر: مشاعل هذي ساره تبي تكلمك مشاعل: اوكي عطني اكلمها مشاعل اخذت موبايل بندر مشاعل: هلا سارونه ساره كانت بكي : ميشو والله راح توحشيني مشاعل: وانتي اكثر بس لاتبكي والله راح ابكي معاك ساره: ميشو الله يخليك طمنيني اول ماتوصلي مشاعل: انشالله مع اني زعلانه عليك لانك ماجيتي تودعيني ساره رجعت تبكي: والله ميشو ماقدرت ,, احس اني بموت قبل اودعك مشاعل: بسم الله عليك بعد عمر طويل انشالله ساره : ميشو بليز اول ماتوصلي طمنيني اوكي مشاعل: انشالله وصلوا المطار وكان بندر وسعود ومشاعل يستعدو لركوب الطياره مشعل: ميشو من كل قلبي ادعي لك ترجعي لنا بالسلامه سعود تدخل: وبالوان مشاعل:ههههههههههههههههه كانت فرحانه لانها اخيرا راح تسوي العمليه ,, وكانت مرتاحه لوجود بندر معاها كان يحسسها بالامان, تحس انه له القدره ع الصيطره ع كل الامور,, وكانت شخصيته قويه 000000000000000000000000000000 0000000000000000000000000 في الطياره كان بندر جالس بعيد عنهم ,, اما سعود كان جنب مشاعل والي ماقدرت تمنع نفسها من الحلم انها اخيرا راح تشوف تحمست تشوف بندر ,, صح انها كانت تشوفه بالصور عند ساره ,, وكان وسيم ,, بس كان ودها تشوفه ع الطبيعه ,, حاولت تتذكر ملامحه كان ابيض ,,, وعيونه سودا وخشمه امريكي ((الي مرفوع من تحت شوي))<- نفس خشم توم كروز لوووووووووول علي طلعات غريبه وكانت شفايفه مليانه شوي يعني نقدر نقول عنه وسيم 000000000000000000000000000000 0000000000000000000000000 وصلوا للعياده بحدود الساعه 10بالليل كانت العياده فخمه تتميز بالارضيه الرخاميه والاثاث الكلاسيكي ,, وعلى طول الممرضات خذوها لغرفتها الي محجوزه باسمها ,,, انبهر سعود بحجم الغرفه,, لالا ماكانت غرفه كان سويت كبير وكان مكون من غرفه مشاعل وصاله وغرفه منفصله لسعود ,, سعود كان منبهر بالغرفه وطلع لبندر الي يستناه برا سعود: معقوله هذي غرفه ميشو بندر : ايه وليش مستغرب سعود: يعني اذا كانوا المستشفى راح يدفعوا حق الغرفه المفروض تكون متواضعه مو بهالحجم بندر ارتبك : لاهذا لاني اعرف مسؤول كبير بالمستشفى ,, وهو الي حجز لها السويت هذا سعود: طيب بندر حبيبي ماتدري الدكتور متى راح يشوفها ؟؟؟ بندر: انشالله بكره الصباح ,, عموما انت ادخل لها وقول لها ترتاح وبكره الدكتور راح يجيها وانا راح اروح انام سعود: اوكي فمان الله بندر: فمان الكريم سعود دخل ع مشاعل سعود: حبيبتي ميشو هاه كيفك الحين؟؟؟ مشاعل: تمام ,,, سعود متى راح يجي الدكتور ,,ترى انا ماعرف احكي انقليش مره كويس ماعرف اتفاهم معاه خلك معاي سعود: لا تخافي انا معاك ,, بس ميشو الدكتور ماراح يجي الا بكره الصباح وانشالله راح اكون معاك مشاعل: طيب سعود خلنا ندق ع ماما نطمنها سعود: خلاص انا دقيت عليهم وطمنتهم انتي بس ارتاحي مشاعل: اوكي سعود تصبح ع خير سعود: وانتي من اهله غرفه سعود كانت منفصله عن غرفه مشاعل وكان بينهم باب ,,,راح سعود غرفته ينام ,,, مشاعل ماجاها نوم تعد الدقايق والثواني , تبي الصباح يجي ,, تبي تعرف ايش يقول لها الدكتور,, دق تلفونها ,, واستغربت مين داق عليها بهالوقت ,, ومين اصلا يعرف رقم غرفتها مشاعل: الو بندر: وحشتيني يادبا مشاعل مره استحت وكانت مشتاقه لبندر وودها تسمع صوته: هلا بندر: وحشتيني مشاعل بخجل : حتى انت بندر: احبك مشاعل ابتسمت بندر: ليش مانمتي؟؟؟ مشاعل: امممم ماجاني نوم بندر : ادري تفكري مشاعل: يعني بندر: حبيبتي لاتقلقي,,, انشالله كل شي راح يكون مثل ماتبي ,,, بس انتي ارتاحي مشاعل: انشالله احاول بندر: تبي اقول للممرضات يجيبوا لك مهدا؟؟؟ مشاعل: ليش انت بالمستشفى بندر: لا انا بالاوتيل,, بس ادق عليهم مشاعل: لا شكرا الحين راح احاول انام بندر: اوكي عمري تصبحي ع خير مشاعل: وانت من اهله بندر: باي مشاعل :باي ماتدري كم لها تتقلب يمكن ساعه او ساعتين بعد مكالمه بندر,, مو قادره تنام من الخوف والقلق ,,خافت من كلام الدكتور لما يشوفها ,, خافت يقول لها مالك امل للعمليه,,, بس الي طمنها ان بندر معاها ,, وهو دايما قد كلامه,, وهو قال ان الدكتور انشالله يقول ان العمليه سهله ,, معناها انها سهله كانت واثقه بكل شي يقوله بندر فجاءه سمعت صوت الباب الشخص الي دخل كان مؤدب لانه كان يمشي بشويش علشان مايصحيها مشاعل في نفسها" وناسه ممرضاتهم مؤدبات يخافوا يصحوني" بس ظنها ماكان بمحله لان الي دخل ماكان ممرضه,,, كانت ريحه العطر الرجالي منتشره بالغرفه ,, كانت تشبه ريحه العطر الي شمته لما كانت في المستشفى لما حاولت تنتحر ,,, نفس الشخص الي دخل عليها,, لانه بنفس الغموض معقول يكون نفس الشخص,,, هذا اكيد جني الي يلاحقها بكل مكان,, خافت لانها تسمع قصص من العجايز ان فيه جن يحبو بنات ويتزوجوهم غصب عليهم وخافت يكون جني حست بخطواته تقرب منها وحست بيده تلعب بشعرها ,, كانت تبي تصرخ وتمسك يده علشان يسمعها سعود ويجي ,, بس فكرت ان هالشخص اكيد ماخذ حذره ومجهز نفسه للنحشه اي وقت طرى ع بالها فكره خطيره ,, راح تكتشف من هالشخص المتطفل,, وقررت انها تمثل دور النايمه علشان مايخاف ,,, وبعد يومين تنفذ خطتها ع شان تعرف مين هالشخص حست ببوسته ع جبينها ,, تاكدت ان الحركه الي صارت معاها لما مات ابوها ماكانت حلم ولا كانت هلوسه من تاثير المهدئ ,, كانت حقيقه,, لانها حست بواحد يبوسها ع جبينها,, تاكدت انه نفس الشخص,, بس ليش يسوي كذا معاها وايش يبي منها؟؟؟والسؤال الاهم مين هو؟؟؟ راح يقتلها الفضول حست فيه يبتعد عنها ويطلع ويقفل الغرفه بكل هدوء نامت وصحت ع صوت الممرضه الي تقول ان الدكتور راح يدخل مشاعل كانت مطيعه لابعد الحدود لاوامر الدكتور ,,, وكان سعود يترجم لمشاعل كل كلمه يقولها الدكتور وكانت الفحوصات متعبه بالنسبه لمشاعل ,, لان الدكتور كان يبي تقرير دقيق عن حاله مشاعل وفي الاخير قرر الدكتور ان المشكله من القرنيه ,, والي راح يزرعوها لها ,,, بس كان خوف الدكتور ان العين ترفض العضو الجديد المزروع فيها مثل اي عملية زراعه أعضاء ,, لان في بعض حالات زراعه القرنيه ترفضها العين ولكن حتى لو رفضتها راح تخوض اكثر من عمليه لحد ماتتقبلها العين وطبعا الدكتور قرر لمشاعل العمليه بعد يومين ,, والي راح تكون ع مرحلتين ,, العمليه الاولى راح تكون في العين الاولى اما الثانيه راح تكون بعد الاولى بثلاث ساعات,, علشان يشوفوا العين اذا تقبلت القرنيه الي زرعوها لمشاعل 000000000000000000000000000000 0000000000000000000000000 بندر كان طول اليوم يطمن مشاعل ان العمليه انشالله راح تنجح,, وانها سهله ,, اما سعود فهو كان خايف ع مشاعل,, بس ماحاول يوضح لها علشان ماتقلق وبالليل لما كانت نايمه صحت ع صوت خطوات نفس الشخص ,,,هالزائر الغريب ,,, ايش يبي منها كانت زيارته تتكرر كل ليله,, وزادها فضول انها تعرف مين هالشخص؟؟؟ وكان كل يوم هالمجهول يمر ع مشاعل ويوم يكتفي بالنظر لها ويوم يلمس شعرها ويوم يبوسها ع جبينها,, خافت انه يتمادى اكثر ,, وساعتها ماراح تقدر تتحمل لما تنهي خطتها 000000000000000000000000000000 0000000000000000000000000 بعد يومين كان يوم العمليه نجود: خالتي ايش فيك؟؟؟ ام مشعل: خايفه على مشاعل اليوم عمليتها نجود: ياخالتي خلينا ندعي لها,, الحين هي تحتاج الدعاء مننا ام مشعل: الله يقومها بالسلامه ويشفيها نجود: امين يارب ام مشعل: ياليتني معاها ,, اكيد انها خايفه الحين نجود: ياخالتي معاها سعود,, وبندر,, وماراح يخلوها ام مشعل: يمكن تستحي تقول لهم عن الي فيها نجود: لا تخافي عليها انشالله ترجع لنا وتنور البيت من جديد ام مشعل: مشعل حبيبي دق ع سعود يمكن طلعت من غرفه العمليات مشعل : انشالله مشعل دق ع سعود : هاه سعود طمنا عليها سعود: لها 3 ساعات من دخلت غرفه العمليات مشعل: طيب ومتى راح تبدا العمليه الثانيه؟؟؟ سعود: الحين بدوا فيها ,, اول ماتطلع من غرفه العمليات راح اتصل فيكم اما بندر كان مشغول بتهدئه ساره الي من اول مادخلت مشاعل الغرفه وهي تبكي ساره وهي تبكي: احلف يابندر ان مشاعل بخير بندر: يووووووووووه ساره خلاص ترى جد طفشتيني,, لاتدقي انا قلت لك لما تطلع راح ادق عليك ساره: طيب روح اسال الدكتور اذا كانت العمليه نجحت بندر: احلفي ,, اروح ادخل عليه بالغرفه واقول له بالله وقف شوي بسالك العمليه نجحت 000000000000000000000000000000 000000000000000000000000 مشاعل حست بنفسها تفوق من البنج كانت احساسها بهالوقت بان عيونها شاده وتحس بمغص بمعدتها من اثر البنج ,, وباين انهم مغطين عيونها ,, فقدت الاحساس بعيونها كل هذ من تاثير البنج كانت تهلوس وتقول كلام ماتعرف معناه ,,, حست بوجود شخص بجنبها وكان يتكلم انقليش ,, فهمت تقريبا انه يقول بايش تحس او يسالها عن اذا كان فيه شي يعورها,, رجعت حطت راسها ع المخده وكملت نومها 000000000000000000000000000000 0000000000000000000000000 سعود: بندر انا خايف ع ميشو لها الحين 10 ساعات ماصحت بندر: لا صحت بس تدري من تاثير البنج اكيد تعبانه وترجع تنام سعود: طيب متى الدكتور راح يشوفها بندر: انشالله بكره الصباح راح يشوف اذا العمليه نجحت او لا,, واذا العين تقبلت القرنيه الي زرعوها لها سعود : الله يستر بندر كان قلقان: .............. سعود خاف مو متعود بندر يكون خايف وقلقان: بندر فيه شي الدكتور قال لك شي؟؟؟؟ بندر: لا والله بس انا خايف عليها ,,, خايف ماتنجح العمليه واكون سبب في تعاستها ,, خايف تتحطم ,,, وتفقد املها بانه نظرها راح يرجع سعود: بندر لاتخوفني,, انشالله راح تشوف بندر : انشالله 000000000000000000000000000000 0000000000000000000000000 بالليل صحت ماتدري كم كانت الساعه بس حست بالم فضيع بعينها مو قادره تتحمله ,,, ضغطت ع زر الممرضات ,,, الالم كان يقتلها ,, جت لها الممرضه واعطتها مهدء للالم,, وكملت نومها 000000000000000000000000000000 0000000000000000000000000 وفي ضهر اليوم الثاني للعمليه دخل الدكتور عند مشاعل وكان مقرر انه يشيل الغطاء الي مغطي به عينها ,,, ويعرف اذا العمليه نجحت او يقرر لها عمليه ثانيه كان معاها سعود حتى بندر ماقدر يمنع نفسه من الدخول ,, الكل كانت اعصابه مشدوده,, والكل ينتظر النتيجه خذت الممرضه دقايق ع شان تقدر تفك الرباط الي ع عيون مشاعل واخيرا توصل لعيونها بندر كان يتاملها بكل حب,, وقلبه يرجف,, اما سعود كان خايف من الي راح يصير لو العمليه مانجحت اما مشاعل كانت حالتها ماتنوصف بالكلمات,, كانت كل خليه بجسمها ترجف,,, كل احاسيسها مركزه ع يد الدكتور الي يفتح عينها بشويش ,,, كانت تتمنى انها لما تفتح عيونها تكون قدامها مرايه وتشوف نفسها,,, يمكن غريبه ان الانسان فعلا يشتاق لوجهه,,,,, بس الي محروم من النظر لنفسه اكيد راح يشتاق لملامحه مثل ميشو,, الي كانت متشوقه تشوف تعابير وجهها لما ترجع تشوف مره ثانيه 000000000000000000000000000000 0000000000000000000000 واخيرا الدكتور ياشر لمشاعل بيده الدكتور: do you see any thing الكل ينتظر اجابه مشاعل والي راح تحدد كل شي مشاعل اخذت ثواني تستوعب الي قاعد يصير مشاعل صرخت باعلى صوتها:NO,, I Can not See بررررررررررررررراااااااااااااا ا out مو قادره اشوف اي شي اطلعوا كلكم اكرهكم براااااااااااااااااااااااااااا اااااااااااااااااااااااااااااا سعود ركض لمشاعل وضمها : خلاص حبيبتي هدي نفسك مشاعل: برااااااااااااااااا كلكم برا سعود يبكي : ميشو حبيبتي خلاص الله يخليك لسى عيونك متورمه من العمليه اكيد ماراح تشوفي الدكتور كان معصب من تصرفها ,,, لانه مالحق حتى يكمل كشفه,,, بس اظاهر اعصابها تعبانه ,, وقرر يمرها بكره الصباح علشان يقرر مدى فشل العمليه اما بندر مايدري يبكي ع حبيبته الي كان يتمنى انها ترجع تشوف والاهم انها تشوفه وتشوف ايش كثر يحبها 000000000000000000000000000000 0000000000000000000000000 الكل طلع من عند مشاعل ,,, وكانت وحيده ,, كانت تبكي من قلب ,,, وسجدت سجود شكر لله لانها اخيرا صااااااارت تشوف مشاعل كانت تبكي من الفرح لانها اخيرا صارت تشوف ,,, بس كانت متضايقه لانها كذبت ع كل الاشخاص الي يحبوها سعود وبندر واكيد الموضوع وصل حتى لام مشعل ومشعل ونجود وسارونه الي مموته نفسها بالصياح ع مشاعل حست انهم ما يستاهلوا تكذب عليهم, بس ماعندها الا هالحل ,, لازم تمثل ,, وتدعي انها ماتشوف شي,,, كانت تمثليتها مره صعبه خاصه ان الدكتور كان راح يفضحها ,, لان لما يقرب اصابعه من عيونها كانت تجفل شوي ,,, ولما خافت ان امرها ينكشف قررت انها تطردهم وتدعي انها منهاره ,, تذكرت شلون شافت اصابع الدكتور ,, وشلون كانت راح تموت من الفرحه,, صح انها للحين الرؤيه عندها مو واضحه مره ,,, ولكن على الاقل تقدر تميز الشخص وتشوفه كويس,, وهذا سبب كذبها ع سعود وبندر والدكتور,, كانت تبي تمثل قدامهم كلهم ع شان توهم الشخص الي يدخل عندها كل ليله ان عمليتها فشلت ,, علشان يتجرء ويدخل ظلت تتامل السرير وتتامل الغرفه وكل شي,, حمدت ربها انها اخيرا تقدر تشوف ,, ماتدري شلون تشكر بندر لان الفضل لله ثم له بشفائها,, الفرق كبير بين طلال وبندر ,, طلال هو سبب عماها,, اما بندر هو سبب شفاها بعد الله,,, ظلت تبكي من الفرحه وهي تنتظر هالشخص الغريب لحد الساعه 4 الفجر ,,, كانت تبيه يوصل بسرعه ,, تبي تعرف مين هو,,, علشان تنهي هالمسرحيه الفاشله وتقول لكل الي يحبوها ان العمليه نجحت ,, كانت منسدحه ع جنبها اليمين وكان الباب وراها,,, وفعلا سمعت صوت الباب ,,, خافت انها تكون الممرضه,,, بس تاكدت في هاللحظه انه الشخص نفسه ,,, سمعت صوت بكى خفيف يصدره هالشخص ,, انجنت تبي تعرف مين هالشخص الي يبكي عندها ,, وليش يبكي,,حست بيده تحسس ع شعرها وخدودها ,, قررت انها احلى لحظه الحين ,, تلتفت وتشوف مين هو وبسرعه وبدون ماتعطيه فرصه انه يهرب,, التفتت,,, والتقت عينه بعينها مفاجاءاااااااااااااااات راح تنتظرنا بالجزء الجديد >>> توقعاتكم شباب و بنات Quote Link to comment Share on other sites More sharing options...
~+soOosah+~ Posted مايو 16, 2007 Report Share Posted مايو 16, 2007 يمكن طلال Quote Link to comment Share on other sites More sharing options...
&&Nice girl&& Posted مايو 16, 2007 Report Share Posted مايو 16, 2007 ثانكس انه بعد اتوقع طلال Quote Link to comment Share on other sites More sharing options...
*صفاء القلوب* Posted مايو 17, 2007 Report Share Posted مايو 17, 2007 وآنه بعد آتوقع طلال يالله ناطرين الجزء الياي Quote Link to comment Share on other sites More sharing options...
بنت الأصول Posted مايو 17, 2007 Report Share Posted مايو 17, 2007 يالله انتتظر الجزززء بسررررعه Quote Link to comment Share on other sites More sharing options...
مؤدبة ولكن Posted مايو 17, 2007 Author Report Share Posted مايو 17, 2007 يسلموووووووو الكل على الحضور واشوف الكل متحمس على القصة عيل راح اسوي لكم اكشن كل مرة ههههههههههههههههه اوكيه ما راح اطول وهذا الجزء الحادي والعشرون الكل طلع من عند مشاعل ,,, وكانت وحيده ,, كانت تبكي من قلب ,,, وسجدت سجود شكر لله لانها اخيرا صااااااارت تشوف مشاعل كانت تبكي من الفرح لانها اخيرا صارت تشوف ,,, بس كانت متضايقه لانها كذبت ع كل الاشخاص الي يحبوها سعود وبندر واكيد الموضوع وصل حتى لام مشعل ومشعل ونجود وسارونه الي مموته نفسها بالصياح ع مشاعل حست انهم ما يستاهلوا تكذب عليهم, بس ماعندها الا هالحل ,, لازم تمثل ,, وتدعي انها ماتشوف شي,,, كانت تمثليتها مره صعبه خاصه ان الدكتور كان راح يفضحها ,, لانه لما يقرب اصابعه من عيونها كانت تجفل شوي ,,, ولما خافت ان امرها ينكشف قررت انها تطردهم وتدعي انها منهاره ,, تذكرت شلون شافت اصابع الدكتور ,, وشلون كانت راح تموت من الفرحه,, صح انها للحين الرؤيه عندها مو واضحه مره ,,, ولكن على الاقل تقدر تميز الشخص وتشوفه كويس,, وهذا سبب كذبها ع سعود وبندر والدكتور,, كانت تبي تمثل قدامهم كلهم ع شان توهم الشخص الي يدخل عندها كل ليله ان عمليتها فشلت ,, علشان يتجرء ويدخل ظلت تتامل السرير وتتامل الغرفه وكل شي,, حمدت ربها انها اخيرا تقدر تشوف ,, ماتدري شلون تشكر بندر لان الفضل لله ثم له بشفائها,, الفرق كبير بين طلال وبندر ,, طلال هو سبب عماها,, اما بندر هو سبب شفاها بعد الله,,, ظلت تبكي من الفرحه وهي تنتظر هالشخص الغريب لحد الساعه 4 الفجر ,,, كانت تبيه يوصل بسرعه ,, تبي تعرف مين هو,,, علشان تنهي هالمسرحيه الفاشله وتقول لكل الي يحبوها ان العمليه نجحت ,, كانت منسدحه ع جنبها اليمين وكان الباب وراها,,, وفعلا سمعت صوت الباب ,,, خافت انها تكون الممرضه,,, بس تاكدت في هاللحظه انه الشخص نفسه ,,, سمعت صوت بكى خفيف يصدره هالشخص ,, انجنت تبي تعرف مين هالشخص الي يبكي عندها ,, وليش يبكي,, حست بيده تحسس ع شعرها وخدودها ,, قررت انها احلى لحظه الحين ,, تلتفت وتشوف مين هو وبسرعه وبدون ماتعطيه فرصه انه يهرب,, التفتت,,, والتقت عينه بعينها مشاعل حست ان محل طيران مع 3 طقاقات ساكنين بقلبها لوووووووووووووووول حست بقلبها راح يوقف ولازم الحين يسو لها عمليه لقلبها مو عمليه لعيونها معقووووووووووووووووووووووووله ,, الشخص الي قدامها شخص تعرفه ,, وتعرف ملامحه كويس تعشق تفاصيل وجهه ,, وتموت بنبره صوته,, تموت ع نظرته الي كلها رجوله ,,, ووسامته كانت تقتلها,,, والاهم حبه الي بقلبها والي راح يذبحها,,, مرت عليها الشهور وهي تتمنى تشوفه او حتى تسمع صوته ,,, وهو الحين قدامها كان احساس جواها يصرخ ويقول طلال حبيبي وحشتني ,,, لكن قررت ان تكمل تمثيلها وتشوف ايش يبي منها , اكيد جاي يكمل عليها ويقتلها تاملت وجهه كان ذابل ودقنه مهمل ,,,, نظرته كلها حزن ,, والدموع تملا عيونه,,, كان يبكي بهمس ,,,, وبكائه كان يقطع القلب,,, كان جالس ع الارض ووجهه ع السرير مقابل مشاعل ,,, جفل فجاءه وخاف ,,, لما حس ان نظرات مشاعل محدده ناحيته ومركزه عليه ,,, وكانها تشوفه,, سكت ,, وبدت علامات الحيره ع وجهه مشاعل بدت تنقل نظراتها ع الغرفه ع شان توهمه انها ماتقدر تشوف مشاعل: مين هنا؟؟؟ شافت طلال نزل راسه ع السرير ,, وانخرط في بكاء مرير لكن هالمره بصوت عالي وكانه نسى وجودها ,,, كان مغطي وجه بالسرير ,,, ايش يبي منها؟؟؟,, وايش جابه,, مو هو الي باعها وتركها ,,, ليش هو قدامها الحين؟؟؟؟ قررت اخيرا انها تنهي هالمسرحيه الي ملت من احداثها وقررت انها تواجه طلال مشاعل: طلال ايش جابك هنا؟؟ طلال رفع وجهه من ع السرير وكان مصدوم كيف عرفت انه هو ,, وكان ساكت ,, حس بنظراتها موجهه له مباشره,, ومستحيل شخص مايشوف يطالع بهالنظره خاف ووقف ع رجوله يبي يتاكد ان مشاعل تشوفه مشاعل هنا لما قام طلال,, رفعت عيونها باتجاهه,, وهالشي اكد لطلال انها تشوفه اختفت نظره الحزن الي كانت مسيطره ع وجه طلال وحل مكانها ابتسامه صافيه وبكل فرح وصدق قال لها طلال : مشاعل حبيبتي انتي تشوفيني؟؟؟؟ مشاعل: انا سالتك سؤال مباشر ,,, ايش تسوي هنا,, ومين سمح لك تدخل؟؟؟ طلال حس انه ملك الدنيا: قطوتي انتي تشوفيني,, ميشو حبيبتي نجحت العمليه,,, ميشو اخيرا رجعـــ قاطعته مشاعل وبحزم : مالك شغل اذا اشوفك او ماشوفك ,, هذا شي خاص فيني ,,, ايش تبي ياطلال ,,, فيه شي نسيته انت وغسان ,, اذا جاي تكمل دورك ترى خلاص الستار تقفل والمسرحيه انتهت ,, وللاسف المغفله الي كنت تعرفها انتهت لما طلعت من بيتك,,, اطلع ياطلال من هنا لان وجهك يحسسني بالاشمئزاز طلال نزل عينه بالارض: ميشو انا عارف انك زعلانه منــ قاطعته مشاعل : زعلانه؟؟ تعتبر الي سويته ممكن توصفه كلمه زعلانه؟؟؟ طلال وعينه بالارض : مشاعل الي سويته فيك ماتوصفه ملايين العبارات ,,, وصدقيني انا كنت ضحيه مثلك,,, لاتتوقعي اني كنت مرتاح ,, ((ورفع عينه بعينها)) انا كنت اتعذب اكثر منك مشاعل حاولت تقاوم دموعها والي نزلت غصب عنها مشاعل : انا ترجيتك قبل انك ماتتركني وماسمعت لي ,, والحين اترجاك انك تتركني,, واتمنى هالمره انك تسمعني,,, طلال انا مو عارفه ليش طلعت من جديد بحياتي ليش ياطلال؟؟؟ طلال كانت عيونه مليانه دموع ,, وكان يحاول يمسك نفسه عند مشاعل مايبي ينهار قدامها طلال: مشاعل انا ماختفيت من حياتك علشان ارجع مشاعل باستهزاء : ههههههههههههههههههه ,,, صح بالاماره كنت معاي لما توفى ابوي,,, وكنت معاي وانا عمياء وماخليتني لحظه,,, ووقفاتك معاي ,,, طلال انا من جد اسالك ايش تبي فيني ,,, انت ماتحبني ولاعمرك حبيتني بيوم ,, ايش تبي مني؟؟؟ طلال كان بصعوبه يطلع الكلمات : ميشو صدقيني انا كنت معاك لما مات ابوك ,, كنت معاك بالمستشفى وكنت اول شخص يعزيك ,,, بس بصمت ,, ماجتني الجرئه اني اتكلم معاك بعد الي صار ,, كنت خايف ترفضيني ,,, وخايف اجدد جروحك ,,, كنت احس بكل الامك ,,,,,, ميشو انا عارف اني سببت لك جرح كبير ,, وكنت ناوي اطلع من حياتك بس ميشو وربي ماقدرت مشاعل: يعني انت الي كنت تدخل علي بالمستشفى لما اكون نايمه ؟؟؟ طلال: ايه,, ميشو مستحيل اتركك لوحدك ,,, كنت اشوفك ع امل ان هالشوفه راح تطفي نار الشوق فيني ,, لكن كانت تزيده , وكنت اموت الف مره لما اشوفك تتعذبي وانا بعيد عنك مشاعل باستهزاء : تبي تقنعني انك تحبني وانك تخاف علي,,ههههههههه ,,, ممكن اعرف ليش تمثل معي دور الزائر الغامض ,, باي فلم شفتها وتبي تطبقها علي؟؟؟؟,, انت احقر من ماتوقعت,, ماكفاك الي سويته فيني ,, اطلع برا يا**** ,,, والا تبيني ارفع صوتي والم عليك الناس,, اطلع من حياتي ياطلال طلال قرب من مشاعل,,,مشاعل حست بقلبها راح يوقف,, يا الله ايش كثر هالانسان في ثانيه وحده ممكن يقلب حياتها فوق تحت ,,, ويتحكم بمشاعرها,, لكن هي قررت انها توقفه عند حده طلال لما قرب منها مسك يد مشاعل وطالعها بكل حب : اذا تبيني اطلع من حياتك انا مستعد,, بس قبل مااطلع ابيك تطلعي من قلبي,, ((واشر ع عقله))وتطلعي من عقلي,,, ميشو انتي قلبي ,, فيه انسان يقدر يعيش بدون قلب مشاعل نزلت دمعه من عينها من كلام طلال ,,, ليش اي كلمه يقولها طلال تكون حلوه,, حتى لو كانت بسيطه مشاعل سحبت يدينها بقوه : طبعا فيه ناس يقدروا يعيشوا بدون قلب ,, وهذا انت ماعندك قلب وعايش ,,, صدقني فلمك الي تمثله صار قديم ودورك مكرر ,, وعلى فكره انت الحين بحياتي كومبرس ,, لاتظن اني ميته عليك,,, يمكن في يوم كنت بحياتي شي مهم ,, بس الحين انت نكره وماتسوى شي كان كلام مشاعل مثل السكين الي يخترق قلب طلال بدون رحمه طلال بدت دموعه تنزل والي كان يحاول جاهد يكون قوي عند مشاعل بس حزنه كان اقوى من انه يصيطر عليه طلال طالع مشاعل بتوسل : ميشو ودي احكي لك عن الي بقلبي وانا متاكد ان قلبك كبير وراح تسامحيني,,, ميشو صدقيني كل الي صار كان بسبــ.. قاطعته مشاعل: مايهمني ايش صار,, انا مابي اشوف وجهك,, افهم ياطلال انت ولاشي بحياتي طلال كان يترجاها: ميشو الله يخليك خليني اكمل ,,, لازم تعرفي ايش صار مشاعل: وليش مافكرت تشرح لي بالبدايه والا علشاني وحده عمياء مستحيل تفكر فيها ,,, طلال اطلع مشاعل حبت تقهره: قبل لاتطلع ابي اشكرك لانك لما بعدت عني خليتني اقرب من شخص ملا علي كل حياتي وهو الحين حبيبي وخطيبي وكل دنيتي طلال مصدوم : خطيبك؟؟؟ مشاعل حست بنصر لانها حست ان طلال متفاجئ مشاعل: ايه خطيبي ,, انا مخطوبه وزواجي بعد ماارجع من السفر انشالله ,, وعلى فكره انت تخليت عني لما احتجت لك,,, بس هو كان معاي دايما,, كنت انت السبب بعماي وانت الي هربت,, وهو كان موجود معاي وكان دايم يقدم لي الدعم ,,, وبفضل الله ثم بفضله انا الحين هنا طلال كان مركز ع كل كلمه تقولها: بفضله انتي هنا؟؟ مو فاهم مشاعل: هو الي حجز لي ,, وهو الي اهتم بكل امور عمليتي ,, وهو الي وقف معاي ,, ومو بس كذا وقف مع اخواني لما خسرنا فلوسنا بالشركه,, كان معاي بكل لحظه,, وانت ايش قدمت لي ,,, العذاب,,, الغش ,,الكذب,, طلال ماكنت اتوقع اني راح اكرهك بيوم ,,, بس لما شفتك تاكد لي كرهك ,,, طلال راح تطلع او انادي سعود طلال كان مصدوم ,, ونزل عينه بالارض ,, كان معصب بشكل جنوني ,, حتى ان مشاعل خافت يسوي لها شي ,, وكانت يدها ع زر الممرضات,,, بصراحه خافت يقتلها,, كان الحقد يملا عينه,, وكان مسكر فمه ومن حركه فكه مبين عليها انه يشد ع اسنانه طلال وبدون ماتخف عصبيته وحقده وبدون مايرفع عينه لمشاعل قال لها: هو سؤال واحد مافيه غيره مشاعل: اذا كان هالسؤال راح يخليك تختفي من حياتي اساله؟؟ طلال وبدون مايرفع عينه: تحبيه؟؟؟ مشاعل ماتدري ليش خافت تقول له ايه احبه ,, خافت تجرحه,, وخافت تقول له لا ومايتركها بحالها مشاعل: خطيبي ومن الطبيعي اني احبه طلال : سؤالي ,,, انتي تحبيه ع شان الي سواه لك,,, يعني رد للجميل,, او انتي تحبيه من قلبك؟؟؟ مشاعل وهي تطالع طلال وكانها تودعه : طلال انا احبه من كل قلبي طلال عقد حواجبه وكانت ملامحه غامضه ماقدرت مشاعل تفسرها هو حقد او حزن طلال: انا اسف ع التطفل ع حياتك ,, واتمنى لك الشفاء ,, وانشالله ترجعي بالسلامه للناس الي يحبوك ((وسكت شوي وطالعها ,, وكمل كلامه)) والي تحبيهم طلع طلال وسكر الباب مشاعل كانت مصدومه ,,مشاعر غريبه حستها لما شافت طلال,, وهي لي توقعت ان حب طلال بقلبها انتهى ,, بس لما شافته عرفت ان حبه يتجدد كل يوم,, كانت مشتاقه لطلال شوق ماتوقعته ,, وتاكدت لما شافته عرفت ايش كثر تحبه ,, وتاكدت اكثر ايش كثر هو اناني و****,, تركها لما كان يبي يتركها,, والحين يبي يرجع لها ,, وكانها لعبه بيده ,,, في البدايه كان بكائها هادي ,,, لحد مابدى بكائها يملا الغرفه ,, وبدت تتحسر ع نفسها وع حبها لطلال 00000000000000000000000000000000000000000000000000 00000 طلال بعد ماطلع من غرفتها مشى مايدري وين يروح ,, مشى بكل ممرات المستشفى ,, يبي يبعد عن غرفتها,, وقف بمكان مايدري ايش هو ولا يدري هو باي دور بالمستشفى,, وقف ,, حط راسه ع الجدار ,,, وضرب بيده ع الجدار طلال: انا الغبي,, انا الي ضيعتها من يدي ,, كانت معاي ,, وانا الي فرطت فيها وبكى بصوت عالي , حس ان رجوله ماتشيله,, جلس ع الارض ,,, وحط راسه بين رجوله,,, وظل يبكي بحسره وقهر ,,, كل شي كان معاه ,, حب حياته ,, كان سعيد معاها ,, وكانت سعيده معاه,, ليش فرط فيها ,, علشان خوفه من غسان,, بس هو كان يحميها من غسان,, كان خايف عليها,, وعارف غسان ايش يقدر يسوي لها كان المفروض انه يفرح لانها رجعت تشوف ,,, بس القهر كان مغطي ع كل فرحه بقلبه,, ماتخيل مشاعل تكون لواحد غيره ,,, مشاعل له هو,, هي تحبه ,, وحس بهالشي بعيونها,, مشاعل بنت حساسه وماتقدر تخبي الي بقلبها لازم يمنعها تتزوج,, لازم يتصرف بسرعه,, ماراح يرضى بهالوضع,, خلاص اكتفى من الاحزان والالام,, والانتظار,, وجر حسرته وحزنه وطلع من المستشفى 00000000000000000000000000000000000000000000000000 0000 سعود: ميشو حبيبتي ايش فيك تبكي ((سعود صحى من النوم لان صوت بكى مشاعل كان قوي)) مشاعل ضمت سعود ,, وكانت تبي تقول له عن الي صار بس للاسف ماتقدر : سعود انا اشوفك سعود بعد عنها وطالع عيونها وبصدمه : ميشو تشوفيني؟؟ مشاعل تحاول تبتسم: ايه سعود انا اشوفك وربي اشوفك سعود مو مصدق من الفرحه وكان مستغرب لان مشاعل الصباح كانت ماتشوف ايش الي صار 00000000000000000000000000000000000000000000000000 00000 وصل الدكتور الصباح وكشف ع مشاعل والي انبها لانها كانت مستعجله ع الحكم ع العمليه,, واعجبه مدى نجاح العمليه,, وقرر لمشاعل انها راح تستنى في العياده لمده اسبوعين ,,, لما تتحسن عيونها بعد ماطلع الدكتور ,, دخل بندر بندر يبتسم: الف الف الف مبروك نجاح العمليه, كنت عارف انك قويه وراح ترجعي تشوفي مره ثانيه مشاعل تتامل ملامح بندر,, من جد وسيم,, ومافيه مايعيبه,,, مقهوره ليش ماتقدر تحبه وترتاح من العذاب مشاعل : هذا من فضل الله ثم جميلك الي ماراح انساه طول عمري بندر: ميشو الله يهديك اي جميل ,, انا ماسويت الى الواجب,, وبعدين انا سعادتي اني اشوفك مبسوطه ولا اخليك تتمني شي الا سويته لك مشاعل: تسلم بندر يضحك: هههههههههه حتى بعد العمليه تسلم,, ياليتني قلت للدكتور يشيلها لما سوى لك العمليه مشاعل ابتسمت غصب عنها ,, كانت تحاول تخفي حزنها بندر يطالع مشاعل بتفحص : مشاعل ليش ماشوف الفرحه بعيونك؟؟؟ الدكتور قال لك شي؟؟؟ مشاعل : لا بالعكس الدكتور اعجبته نتيجه العمليه بندر جلس بكرسي جنبها : طيب ممكن تفسري لي ايش سبب هالنظره الحزينه مشاعل تحاول تكون طبيعيه: يمكن من المفاجأءه بندر يبتسم : المفاجاءه المفروض تخليك مبسوطه مو مهمومه مشاعل: صدقني بندر مافيه شي بندر: عموما انا ماراح اضغط عليك,, انا عارف اذا تبي تتكلمي راح تتكملي,, وتاكدي اني موجود بكل وقت اسمع اي شي مضايقك مشاعل تطالع بندر وحاسه بذنب يقتلها ,, كل هالاهتمام والحب يقدمه لها,, وهي تقدم له الخيانه,, تحب طلال,, وتشتاق له مشاعل نزلت عينها : بندر ممكن تتركني لوحدي ابي افكر شوي,, اذا هالشي مايضايقك بندر وقف: مايضاقيني الا انك تخبي عني شي ,, ميشو مابي احس انك حزينه وماقدر اسوي لك شي مشاعل : انا مو حزينه,, بس كل الي مر على اليوم تعبني ونفسي وودي ارتاح شوي بندر: اوكي عموما انا بالمستشفى مااراح اروح ,,, انا جنبك يامشاعل وابتسم لها وطلع مشاعل لفت بوجهها بعيد عن المكان الي طلع منه بندر وبكت,,, ليش ماتكون سعيده وامنيتها انها تشوف تحققت ,, ليش ماتفرح,, ليش الهم هو الي تحس فيه,,, كانت تحس بحزن يقتلها ,,, تبي ترجع الزمن لوراء وتكون مع طلال,, تبي الزمن يوقف ومايكون شي بحياتها الا طلال,, بس الحين ماتقدر تكون معاه , لان بندر بحياتها ,, ولانه خانها وكذب عليها ويكفي انه مايحبها وهذا سبب علشان تشيله من تفكيرها ,, بس شلون ,, شلون؟؟؟؟ 00000000000000000000000000000000000000000000000000 00000 ام مشعل: الله يبشرك بالخير,, وينها عطني اكلمها سعود: ماما انا بالمطعم ميت جوع,, ولما ارجع للمستشفى,,راح ادق عليك علشان تكلميها ام مشعل: طيب متاكد انها شافت سعود: ايه متاكد يعني بكذب عليك ام مشعل: طيب متى راح ترجعوا سعود: الدكتور قال راح يطلعها بعد اسبوعين ام مشعل: لك البشاره ياسعود,,, بس اول ماترجع للمستشفى دق علي ابي اتطمن عليها سعود: انشالله وقفل وكمل اكله وكان ميت من الجوع دق موبايله سعود: يالله ترى ذبحونا هالعالم,, يعني مااكل سعود: الو الهنوف: هلا حبيبي سعود: اقول الهنوف شوي بصرف زوجتي الالمانيه بعدين ادق عليك الهنوف: سعودوه ترى مو رايقه لمزحك الثقيل سعود: ابشري طال عمرك الهنوف: هاه كيف مشاعل؟؟؟ سعود: الحمدلله الهنوف: هاه مرها الدكتور وايش قال؟؟؟ سعود: الحمدلله العمليه نجحت وميشو صارت تشوف يعني انتي الي راح تتوهقي الهنوف مستغربه: وليش اتوهق سعود يبي يقهرها: لانها هي الي راح تخطبك لي ,, واذا شافتك وماعجبتيها راح تمنعني اتزوجك الهنوف: لا والله سعود: ادري انك راح تقولي يا**** وتقفلي,, بس ترى حبيت اقول لك ترى قدامي وحده المانيه موت الهنوف: اصلا كلهم مسترجلات سعود: وانتي ايش عرفك الهنوف : انت قلت لي سعود: هههههههههه يالغبيه كنت اسلك لك علشان ماتزعجيني الهنوف خافت: يعني حلوات؟؟؟ سعود: اوووووووووه هم حلوات وبس الهنوف: طيب انا اوريك,, بنت عمي سافرت قبل سنه لالمانيا بتصل اسالها ,, وياويلك لو طلعوا حلوات سعود: ههههههههههه يعني تبيني اشوهم الهنوف: لا والله لخليك ترجع سعود: هههههههههههه,, على كيفك الهنف: لا على كيف امي,,, اقول خلني اروح اكلمها واتاكد,, باي سعود: هههههههههههه باي 0000000000000000000000000000000000000000000000000 كان يلف شوارع المانيا كلها,, حافظ شوارعها شارع شارع,, لان ابوه موعودهم اي مرض يجيهم حتى لو انفلونزا يروحوا يتعالجوا بالمانيا ,,, ومن كثر ماراح لها يحس انه صار من اهل البلد كان مقهور وحزين وندمان,, حاس انه ضيع جوهره منه ماعرف قيمتها الا لما خسرها طلال: بس مستحيل استسلم لازم اوقف حد لهالسخافه,,, مشاعل تحبني ومستحيل تنساني فكر بهالكلمه تنساني,, خاف منها ,,, مستحيل مشاعل تنساه,, لالا ماقدر يتحمل هالكلمه ,,, كله بسبب هال**** الي دخل حياتها ,,, لالا ماراح يترك لهالشخص الي دخل حياه مشاعل مجال يدخل قلبها ,,بس هي اعترفت انها تحب خطيبها معقوله ,,, وحبها له وين راح,, معقوله تنساه طلال مو متعود يستسلم بسهوله,, وخطيب مشاعل راح يدخل في متاهه ماراح يعرف يطلع منها ,, راح يخليه يندم انه فكر يتزوجها,,, وفكر انه يرتبط فيها تذكر ملامح مشاعل الي كلها برائه,, شلون قدر يجرحها ؟؟ شلون,, مشاعل كان فيها سحر يجذب طلال لها,, وماكان بس جمالها هو الي يجذبه لها ,, مايدري ليه لما يشوفها يحس ان لحياته معنى ,,, وانه يملك كل شي,, معاها يحس بالراحه اتجهه بسيارته باتجاه البحر,, ووقف مقابل البحر,, نزل من السياره , جلس ع مقدمه السياره ,,نزلت دموعه ,, وترك لها العنان ,,, لازم يبكي,, ولازم يندم لانه ضيع مشاعل من يده,,, يمكن البكاء يخفف عنه,,, طلال يبكي بالم: مشاعل لاااا الله يخليك خليك معاي انا محتاجك واحبك ,, ميشو لاتتركيني,,, ((صرخ باعلى صوته)) مشااااااااااااااااعل كان فيه بنت وشاب يمشو بجنب الشاطئ التفتوا عليه لما سمعوا صرخته ,,, طالعهم بتامل ,,, تخيل لو انه هو مكان هالشاب ومشاعل مكان البنت ,, ايش كثر راح يكون مبسوط غطى وجهه بيدينه: مشاعل ماتتخيلي ايش راح يصير فيني لو تركتيني,,, مشاعل انا تركت الناس كلها ع شانك ,, وتركت اصحابي ,, وتركت الناس الي احبهم ,,, وجيت عشان اكون معاك باهم لحظه بحياتك,,, وانتي تبي تتخلي عني,,, مشاعل لااا الله يخليك لاتقتليني نزل من على السياره واتجه ناحيه البحر ,,, جلس على الارض يتامل الامواج وكيف ان الموج ياخذ طريقه للشاطئ ويختفي ,, وكيف تتكون موجه جديده ماتختلف عن الي قبلها ,, فكر بحياته وعلاقته مع مشاعل ,,, قرنها بالامواج,,وشبه الموجه الاولى بحب مشاعل له والي اختفى,, اما الموجه الثانيه فهي الحب الجديد الي راح تحبه مشاعل لطلال,,بكل موجه يشوفها كان الامل يتجدد عنده مثل مالامواج تجدد باستمرار اكيد فيه امل ان حب مشاعل له يتجدد,, طلال: انا راح اسوي اي شي علشان احيي حبي بقلبها ,, لو كلفني حياتي,,, ماارح اخلي هال**** يتهنى فيها,, ولايملك قلبها 00000000000000000000000000000000000000000000000000 00000 ساره بخوف: هاه ايش قال الدكتور؟؟؟ بندر: الحمدلله العمليه ناجحه ساره صرخت صرخه فجرت اذن بندر بندر: اذني ساره: مو مصدقه ان ميشو اخيرا راح تشوف بندر: هههههههههههههههه,, الحمدلله صارت تشوف ساره متحمسيه: شافتك؟؟؟؟ بندر :ايه ساره : يااااااااااااااااااي,, وايش قالت بسرعه؟؟ بندر بخبه امل : ماقالت شي ,, بس طردتني من الغرفه ساره حزنت ع اخوها: بندر يمكن فرحانه وتبي تجلس لوحدها بندر: انا مالومها ع شي,,, بس انشالله تتحسن نفسيتها , لاني احس انها متضايقه ساره: ليش صار شي؟؟؟ بندر: لا من ناحيتي ماصار شي,, بس مادري اذا سعود مزعلها ساره: وهذا وقت تزعل فيه هالخبله,, بندر بليز ابي اكلمها بندر : راح اعطيك رقم العياده ورقم الغرفه,, ودقي عليها لاني ماراح ادخل عليها الحين لما تهدا ساره : اوكي بس انت لاتصير حساس ترى ميشو عصبيه احيانا بندر: عادي حبيبتي,, سلميني ع ماما ساره: يبلغ 00000000000000000000000000000000000000000000000000 00000 مشعل : الله يبشرك بالخير نجود: من شوي خالتي كلمت سعود وهو الي قال لها مشعل: الحمدلله اخيرا صار لنا شي يفرح بعد هالهم والاحزان نجود: صادق,,, حبيبي ايش صار ع البيت؟؟؟؟بعته مشعل: للحين مالقيت مشتري وبعدين المبلغ الي عطانا بندر غطى جزء كبير من الديون ,, وبحاول ادبر المبلغ بدون مانبيعه نجود: حبيبي خلاص احنا ساكنين هنا,, وحرام البيت يضل مسكر ,, ع الاقل بيعه واستفيد من فلوسه مشعل: بس وضعك بالبيت مو عاجبني نجود مستغربه: وضعي؟؟؟ مشعل: ايه طول اليوم متغطيه ع شان سعود,, مااخذتي راحتك الا لما سافر سعود,, ولما يرجعوا من السفر راح ترجعي تتغطي واكيد هالشي يضايقك نجود: لاحبيبي من جد عادي,,, وبعدين سعود مثل اخوي الصغير,, ومااستحي منه 00000000000000000000000000000000000000000000000000 000000 دخل عليها سعود وانصدم لما شاف شكلها ,, باين انها كانت مموته نفسها من الصياح سعود: مشاعل ايش فيك ,, ليش تبكي؟؟؟؟ مشاعل : دموع الفرح لاني الحمدلله صرت اشوف سعود يبتسم: ههههههههه ,, يعني هذي دموع الفرح؟؟؟؟ مشاعل: ايه سعود: طيب عطيني اذوقها مشاعل: وليش انشالله سعود: علشان اتاكد اذا دموع فرح والاحزن مشاعل لاول مره تضحك من بعد طلال : ههههههههههه ,, وليش ايش الفرق بالطعم سعود: دموع الحزن تكون اكثر ملوحه من دموع الفرح مشاعل: هههههههههههههههههههه مشاعل ترتاح مع سعود لانه بخفه دمه ,, واحيانا من ثقل دمه ومصالته الزايده يخليها تضحك غصب قدر سعود يغير جو النكد والهم الي كانت مشاعل عايشه فيه سعود: ماما ازعجتني تبي تكلمك,, راح ادق عليها الحين وكلميها مشاعل: اوكي سعود دق ع امه ام مشعل: هلا حبيبتي مشاعل: هلا ماما كيفك؟؟ ام مشعل: الحمدلله شلونك انتي ياحبيبتي بعد العمليه؟؟؟؟ مشاعل: الحمدلله كويسه ام مشعل: الف مبروك ياقلبي,,, والله فرحت لك فرحه مافرحتها بعمري مشاعل: الله يجزاك خير ام مشعل تبكي : محتاجه شي ناقصك شي,,, احد مضيق صدرك؟؟؟؟ مشاعل: لا ياماما انتي بس ارتاحي,,, وانا الحمدلله مو ناقصني الا دعواتك ام مشعل: الله يشفيك ويوفقك ويسعدك بالدنيا وبالاخره يارب مشاعل: الله يجزاك خير,,, والله لايحرمني منك ولا من دعواتك الحلوه ام مشعل: حبيبتي انتبهي ع نفسك,, والف مبروك ياعمري انك رجعتي تشوفي ,, والله اني فرحت لك من قلب مشاعل: الله يسلمك ام مشعل: حبيبتي هذي نجود ودها تسلم عليك نجود: هلا والله بنور البيت مشاعل: هلا بنجوووووووو نجود: الف الف مبروك يامشاعل والله يرجعك بالسلامه مشاعل: الله يسلمك ,,, والله وحشتوني كلكم نجود: واحنا اكثر,,, يله انشالله ترجعي لنا بالسلامه مشاعل: الله يسلمك نجود : اكيد حبيبتي تعبانه من بعد العمليه ومادوي اطول عليك,, تصبحي ع خير مشاعل: وانتي من اهله نجود: مع السلامه مشاعل: مع السلامه 00000000000000000000000000000000000000000000000000 00000 بندر مو قادر يفهم حزن مشاعل وهمها ,,, ليش ؟؟؟ يمكن شكله ماعجبها,, ويمكن توقعت واحد اوسم منه ,,, كان مهموم,,, وكل شوي يطلع بتفسير ,,, كان يحب مشاعل ومايبي يخسرها,, يبيها معاه,, يكمل معاها باقي حياته ليش مايروح يكلمها , ويعرف منها ايش الي صار,, بس لا لازم مايضغط عليها,, اكيد متاثره من بعد العمليه,,, لازم يتركها ترتاح وتفكر بكل شي,, وبعدين راح يشوفها 00000000000000000000000000000000000000000000000000 00000 كانت مشاعل لوحدها بالغرفه ,, وسعود راح ينام ,, وبندر رجع للاوتيل دق التيلفون,, اكيد بندر لان مافيه احد يعرف رقم غرفتها الا هو مشاعل: الو ساره تزغررررررت مشاعل: الو ساره : الف وثمان ميه وتسعه وسبعين مبروك مشاعل: هههههههههههه الله يبارك فيك ساره: اخيرا ياميشو اخيرا راح تشوفيني وتتمتعي بجمالي مشاعل: ههههههههههههههههه,, الحمدلله ساره: اكيد الشوق كان راح يقتلك لانك من زمان ماشفتيني مشاعل: اصلا انا ماسويت العمليه الا علشان اشوفك ساره:ههههههههههههههههه,,, اموااااااااااااااااااه مشاعل: ايش فيك صرتي تبوسي ,,, ترى انا ميشو مو هشام ساره: هههههههههههههه,, اي هشام واي حسام ,, انتي ميشو حبيبه الكل هههههههههههههه مشاعل: هههههههههههههههههه ساره: الحمدلله ع سلامتك ياقلبي ,, متى راح ترجعي اشتقت لك موت مشاعل: انشالله بعد اسبوعين ساره: يالله ياطولها ,,, قلبي ميشو لاتنسي تجيبي لي هديه مشاعل : هههههههههههههههه ,, انشالله ساره صرخت مشاعل: ايش فيك مجنونه انتي؟؟؟ ساره: فرحانه ياحماره اخيرا راح تجي مشاعل: ياقلبي والله وحشتيني ووحشتني فهدوه القبيحه ساره: مادريتي فهدوه حامل مشاعل منصدمه: جد ساره: والله مشاعل: ياحليلها ,,, اجل ماراح اشتري لها هديه راح اشتري للبيبي,,ههههههههههه ساره: هههههههههههه مشاعل: اقلول يله باي ترى انا بالمانيا مو بالرياض وانتي جالسه تسولفي ساره : عادي انا لي ادفع الفاتوره مو انتي مشاعل: اخوك خطيبي ومابي اخسره هههههههههههههههههههه ساره: يوووووووه زوجه اخوي بخيله مشاعل: هههههههههه,, يله بس باي وسلميني ع خالتي ساره: يبلغ ياقمر,, باي مشاعل : باي 00000000000000000000000000000000000000000000000000 قفلت مشاعل واخيرا صارت لوحدها ,,, كانت تتامل اثاث الغرفه مشاعل غمضت عيونها" يا الله ايش كثر الاحساس بانك تقدر تشوف الاشياء حلو" اخيرا رجعت تشوف ,,, كانت تتامل السرير والكراسي والطاولات بكل دقه,,, حاسه البصر مهمه لكل شخص بس مشكله الانسان ينسى يستشعرها ويحس بعظمتها وقدرها ,, وينسى يشكر الله عليها ,, وكانها حق طبيعي للانسان انه يشوف ,,, ولكن فيه ناس فاقدين هالحاسه ,, ونفسهم يحسو بالي يحسو فيه الناس الي يشوفوا ولو دقيقه يستشعرو فيها كل الي حواليهم,, حمدت ربها ع هالنعمه الي ماتقدر بفلوس الدنيا كانت تتامل اصابعها والي من فتره من شافتها كانت تكتفي باللمس وتحسس الاشياء دخلت الحمام وقفلت ع نفسها ,, وقفت عند المرايه ,, ,تتامل ملامحها والي افتقدتها من زمان حست بتغير في شكلها ,,, حست انها انحف ماتدري كم خسرت من الوزن ,,, كانت عيونها حمرا من اثر العمليه ,, وهالات سوداء تحت عيونها ,,,, شعرها مو مرتب ,,, كل شي قدامها واضح,,, سبحان الله قبل يومين كانت في عالم من السواد كان يحسسها بالضياع والوحده,, والحين صارت تشوف كل شي قدامها وهالشي للاسف ماحسسها بالسعاده يمكن لان طلال مو معاها,,, ليش مو قادره تحس بالسعاده ,, ليش مو قادره تعيش بسلام مع بندر وتنهي هالمهزله ,, ياليتها تقدر تتحكم بقلبها,, ياليت حست بارهاق ,, طول اليوم تفكير وهم وحزن ,,, قررت انها تتوجه لسريرها وتستسلم للنوم طلعت من الحمام وسكرت الباب ,, التفتت تبي تروح لسريرها وانصدمت لان غرفتها ماكانت خاليه ,, كان طلال واقف يتاملها,,, حست برعشه ,,, وانها راح تفقد التوازن ,,, شوفته تخليها مجنونه ماتفكر بشي ,,, حست ان الغرفه مافيها شي غير طلال ,, طلال كان يطغى ع كل شي موجود كان لابس جينز لو وست وتيشرت كت لونه ابيض ,,التيشرت كان بارز عضلات صدره ومبين تفاصيل عضلات بطنه والي كانت مقسمه تقسيم دقيق ,,, وكانت عضلات يده البارزه تعطيك احساس انه بضربه وحده راح يقضي ع الي قدامه,,, دقنه طويل نوعا ما ومهمل ,,, وكانه من زمان ماراح للحلاق ,,, حتى بهالوضع كانت وسامته تقتلها ,,, كل معاني الرجوله فيه ,, سماره جذاب ,,عيونه كانت تقتلها ,,,,,ولونها الازرق يجذبها ,,, خشمه كأن احسن الرسامين راسمه, وشفايفه الي كانت تخفي اسنان كانها الولو من بياضها استجمعت قوتها وقالت: شكل كلامي اليوم لك ماوقفك عند حدك ,, لكن انا اعرف كيف اوقفك عن حدك كانت متجهه لغرفه سعود ,,, راح تقول له والي يصير يصير كانت طلال اسرع منها ووصل لها قبل توصل غرفه سعود طلال مسك مشاعل مع كتوفها وكانت عينها بعينه : ميشو تقدري تنادي اخوك ,,, بس لو تركتي لي المجال اني اتكلم معاك صدقيني ماراح اضايقك بعدها,,, ميشو اسمعيني لاخر مره كان ودها تصرخ وتقول ياطلال احبك افهم مشاعل تترجاه : طلال بليز اطلع طلال: مشاعل الله يخليك ,, عطيني فرصه اشرح لك الي صار,, ومن بعدها انت الي تقرري اذا نستمر او لا مشاعل نزلت عيونها: واذا قررت انك تختفي من حياتي راح تختفي؟؟؟؟؟ طلال بحزن: راح اختفي من حياتك مشاعل وبدون ماتطالعه: لك 10 دقايق تتكلم فيها طلال : مشاعل بصراحه محتار ماعرف من وين ابدا ,, بس بحاول ابدا معاك من البدايه,,, ميشو في البدايه كانت شخصيتك تعجبني والي سمعت عنها من اصحابي الي كانوا يكلموك,,, ومنهم غسان مشاعل التفتت من الصدمه: يعني مو بس غسان الي كنت تعرفه طلال: لا,, كنت اعرف ثلاثه كنتي تكلميهم,, بس غسان كان غير ,, كان مجنون فيك,, تعجبيه بشكل جنوني,,, وغرورك يرغبه فيك اكثر ,, ويمكن تتذكري اليوم الي تركتي فيه غسان مشاعل: ايه طلال: من بعد هاليوم غسان قرر انه ينتقم منك وكانت خطته انه يدمر مستقبلك ,, وانا كنت خايف من الي راح يسويه لك مشاعل باستهزاء: هههههههههه تبي توهمني ان قلبك كبير طلال: مو قصت قلب,, لكن انا تربيت ع قيم واخلاق ولاتنسي اني قبل كل شي مسلم,, وماارضى اضر بنت ,,, لما سمعت خطتهم خفت عليك ,, مو لاني احبك اصلا انا ماكنت اعرفك,, بس خفت عليك كبنت ,, وعرفت اني مهما حاولت امنع غسان ماراح يسمع لي مشاعل صدقت طلال بهالكلمه لانها تعرف غسان مستحيل يتنازل عن الي بباله لو ابوه الي امره طلال: ووهمته اني انا الي راح انتقم منك,,, وهو رحب بالفكره ,, وكانت خطتي اني اذلك,,واظنك تتذكري كويس المواقف الي صارت بينا قبل ,, متاكد انك وقتها كنتي تكرهيني مشاعل: لاتكون واثق ان هالكره تحول لحب ,, لاني اكرهك للحين طلال كان يطالعها بتفحص يبي يعرف هالكلمه طلعت من قلبها والا مجرد كلمه مشاعل: تبي تكمل والا اطلع طلال حاول يرجع لذاكرته لوراء شوي : من بعد الي صار قررت اني اقطع علاقتي فيك لاني حسيت اني انجذبت لك وخفت احبك,, وبلغت غسان اني اهنتك مافيه الكفايه ,, لازم نوقف عن ازعاجك,, في البدايه اعجبه كلامي,,, بس بعدين بلغني ان خطته تغيرت واني لازم اخليك تحبني بعدين احرق قلبك واتركك سكت وطالعها بتفحص يبي يعرف تاثير هالكلمات عليها مشاعل: وانت ع كيفك ,, ماعندك شخصيه؟؟؟؟؟ طلال: اذا انا مانفذت الي يبي صدقيني راح ينتقم منك بدون مايرجع لي,, كنت خايف عليك,, وماعرف ايش اسوي,,, فكرت اني اتركك احسن من اني اترك المجال لغسان ينتقم منك مشاعل مو مصدقه الي يقول: كنت تقدر تحذرني طلال: انا ماحاولت احذرك لاني كنت احميك مشاعل مستغربه: تحميني؟؟؟؟ طلال: يمكن تتذكري اني مااتركك تطلعي من البيت الا سيارتي وراك ,, حتى وانا نايم اصحى ع شان اوصلك ,, ولو عندي اجتماع اطلع منه ع شانك,, كل هذا مايعني لك شي,, ميشو انا كنت اخاف عليك اكثر من نفسي ,,, كنت مهووس بك ,,, وللحين وانتي دنيتي كلها,,, ميشو انا عرفت اني ماراح اقدر احميك طول العمر ولا راح امنع غسان ينتقم منك بابوك الله يرحمه او اخوانك ,,, كنت خايف اذا ماقدر يوصل لك ,, راح يوصل لاخوانك ويفضحك قدامهم,, كنت خايف عليك ,, وكنت تايه مو عارف ايش اسوي ولا كيف اتصرف,, ولو انتي مكاني انا متاكد انك راح تتصرفي نفس التصرف,, ميشو اموت مليون مره ولا يجيك شي مشاعل امتلت عيونها بالدموع ,, معقوله طلال يحبها لهدرجه,, بس كان لازم يسوي شي مو يقتلها ويجلس يتفرج عليها مشاعل وهي تبكي : مو عذر كنت تقدر تقول لي ,,,, كنا نقدر نمثل قدام غسان ان انتقامه صار,, وبعدين نرجع انا وياك وكان مافيه شي صار طلال: فكرت بهالشي بس غسان كان شاك اني احبك ,, ,خفت يعرف اني رجعت لك ,, وعشان كذا قررت اني اسكت مشاعل تبكي بحسره: طلال لو انت تحبني ليش تركتني اعاني لوحدي ,,, ليش مارجعت لي ,, كنت تعبانه ومحتاجه لك طلال غمض عيونه ونزلت دمعه من عينه: ميشو حبيبي والله انا كنت اتعذب اكثر منك ,, وصدقيني قررت اني اجي لك وافهمك كل شي,,, ولما عرفت من ساره صاحبتك عن طريق يزيد انك بالمستشفى بعد مااخذت يالحبوب قررت اني ارجع لك لاني لاانا ولا انتي نقدر نبعد عن بعض مشاعل: وايش الي منعك؟؟؟ طلال: ميشو صار لي حادث سياره منعني اني اجي لان يدي كانت مكسوره ورجلي تنزف وبصعوبه وقفوا النزيف مشاعل تذكرت ان حسين قال لها انه صدم طلال: حسين هو الي صدمك؟؟؟؟ طلال استغرب: مين قال لك؟؟؟؟ مشاعل: حسين طلال : يعني انتي تكلميه مشاعل: نادر طلال: انا عاذره لانه اكيد يحبك ((وطالعها بحب)) مستحيل احد يعرفك ومايحبك مشاعل حست بحب كبير لطلال وكان حبها الاول لطلال نقطه في بحر حبها الحين له,, كل شي تجدد,, يعني طلال ماكان يكرها مثل ماتوقعت طلال: انا كنت ناوي ازورك واشرح لك كل شي,,, وصلت للمستشفى بصعوبه لان امي كانت خايفه علي وابوي كان مانعني من الطلعه بسبب الحادث,,, ((ابتسم))ماتتخيلي ان السواق هو الي هربني,,, ووصلت اخيرا للمستشفى وكنت احاول اثبت نفسي ع الارض لان من سبه النزيف الي نزفته صرت احس باني مقدر اتوازن ,,, دخلت عندك الغرفه وكنت فرحان ومو مصدق اني اخيرا شفتك ,,, واني راح اشرح لك الي صار,, بس حسيت بنظراتك مشوشه ومو محدده, حست انك ماتقدري تركز علي واستغربت لما سالتي مين هنا,,مع اني كنت قدامك,, تاكدت لحظتها انك ماتشوفي ,,, الحزن منعني اتكلم ,, وحسيت بقهر لاني انا السبب بهذا,,, تمنيت اني مت ولا صار الي صار,,, خفت اتكلم ازيد جروحك ,, كانت الكلمات مو قادره تطلع ,,, الالم الي حسيت فيه والحزن صدقيني مايقل عن حزنك والمك,,, ومن بعدها وانا ماتركتك ابد حتى لما توفا ابوك كنت معاك ,,, ولما قررتي اخيرا تسوي العمليه كنت معاك,,, ميشو انتي حياتي كيف تبيني اتركك,, ميشو سامحيني وخلينا نبدا صفحه جديده نزلت دموعها من الحب الي حست فيه مشاعل كانت تطالعه بنظرات حب بعكس الكلام الي قالته وكانها تنكر الكلام الي تقوله : فات الوقت ياطلال انا الحين مخطوبه ,,, وصدقيني انا ماحس ناحيتك باي حب,,, الحب الي بقلبي حل محله كره وحقد طلال قرب منها وطالعها بنظره اخترقت قلبها بدون رحمه نظره تعبر عن حب كبير طلال بهمس : مشاعل بس انا مقدر اتركك,, انتي دنيتي رقت ملامح طلال ,, وحست بعيون طلال كلها حب ,, مستحيل يكون تمثيل اخذت يد طلال تاخذ طريقها لخدود مشاعل وتمسح الدموع الي نزلت منها,,, استسلمت مشاعل لهالحنان الي حست فيه يتسلل لقلبها ويطفي كل حسره والم بقلبها,,, كانت قريبه من طلال وهالشي حسسها بالحب الكبير الي تحمله له بقلبها ,, ليش تحبه ,, ليش؟؟؟؟؟؟؟؟ طلال بحنان وهمس وهو يمسح دموعها : دموع قطوتي مابي اشوفها,,, دموعك غاليه علي,, ومابيها تنزل الا لفرح,, وانشالله هالشي راح يكون لما يجمعنا بيت واحد انشالله مشاعل مو عارفه ايش قصده هل هذا عرض للزواج ,,, او يبيها تكون معه بالبيت بصفتها حبيبته , بس هو عارف كويس انها مو من نوع البنات الي تطلع مع شباب ,,, معقوله يعرض عليها الزواج؟؟؟؟ طلال يلعب بشعر مشاعل وبكل حب قرب من اذنها وبهمس قال لها: ممكن اقول لك سر,,, ميشو انا احبك احبك احبك حست مشاعل انها فقدت كل حواسها ,,, وماصر عندها حاسه غير السمع,,, هالكمله كانت تتمناها ,,,, ليش طلع بحياتها من جديد والحين يقولها لها عن حبه ,,,, حست الفرحه تغمر قلبها وكيانها,, تبي الوقت يوقف ,, وتكون هي وطلال بس قال مشاعل وبدون ماتحس بنفسها: احبك ياطلال والله احبك حست مشاعل انها ملكت الدنيا وطلال كان حاس ان حلم حياته تحقق ,, مشاعل اخيرا رجعت له تذكرت بندر وخطوبتها والي سوا لها مستحيل تتركه وتتخلى عنه مستحيل,, بعد الي سواه,,, مستحيل تتركه ,,, هي مو من النوع الي يتخلى عن شخص قدم لها كل هالمساعدات وكل هالحب,, ماراح تخيب ظنه وكانها صحت من اغماء بسرعه دفت طلال بعيد عنها مشاعل: طلال الله يخليك اذا تحبني اطلع من حياتي ياطلال انا مخطوبه,, وعيب وحرام الي جالسين نسويه,,,, بندر مايستاهل,,, اطلع ياطلال الله يخليك طلال باستهزاء: هههههههه صدقيني بندر مايستاهل هالاخلاص مشاعل: وانت ايش عرفك اذا هو يستاهل او لا,, ع الاقل هو تجرا وصارحني بحبه,, مو انت الي كنت خلف الكواليس طلال: مشاعل انا ماراح اتركك الا لما اكون بقبري,, انا راح اخلي عيشت بندر جحيم اوعدك,,,, خاصه بعد ماتاكدت انك للحين تحبيني وطلع وتركها مشاعل خافت مره من كلامه,, ركضت تدق ع بندر,,, خافت يسوي له شي مشاعل: هلا بندر بندر: هلا ميشو حبيبتي وحشتيني مشاعل غمضت عيونها من القهر ماقدرت تكذب وتقول له وانت وحشتني لانها مافكرت فيه حتى بوجود طلال تنسى الناس كلها مشاعل: غريبه مانمت بندر: انام وانا ماسمعت صوتك؟؟؟؟ مشاعل ابتسمت غصب عنها: بندر مليت من المستشفى ابي ارجع للرياض بندر: لهدرجه مليتي مني؟؟؟ مشاعل: ليش؟؟؟ بندر: لاني هنا ناشب لك ويمكن مليتي من شوفتي مشاعل: لا بالعكس,,, بس انا اشتقت لاهلي بندر : انشالله كلها اسبوعين وراح نرجع مشاعل: الله يعيني ع الانتظار بندر: احبك مشاعل كرهت هالكلمه منه ,, ماتدري ليه حستها مالها اي طعم ولاحلاوه مشاعل: بندر الممرضه راح تحط لي القطره بكره انشالله اكلمك بندر: اوكي قلبي تصبحي ع خير مشاعل: وانت من اهله مشاعل كذبت عليه ,,, مو وقت كلامه الحلو الحين,, لانها ماراح تقدر تمثل 00000000000000000000000000000000000000000000000000 0000 لاول مره من بعد ماترك مشاعل يكون مبسوط وفرحان,,, اخيرا تاكد ان مشاعل تحبه,,, وماراح يعطي بندر فرصه يكون سعيد معاها ,, اذا يبي يكون سعيد خله بعيد يفكر بوحده غير ميشو لانها له ملكه حبيبته كان بالسياره,, واخذ موبايله ودق طلال: الو ناصر السنترال: سم طال عمرك طلال: ناصر هيفاء نايمه والا صاحيه؟؟؟ ناصر: والله العمه هيفاء معزومه ولسى مارجعت ,,, بس الوالده صاحيه تبيني احولك عليها طال عمرك؟؟؟؟ طلال: ايه لو سمحت ناصر: ابشر طال عمرك انتظر طلال ع الخط عشان يكلم امه (الاسبانيه) وكان عنده بالبيت هيفاء ولمياء ونواف ,, هيفاء تدرس بكليه الامير سلطان وعمرها 20 كبر مشاعل,, اما لمياء كان عمرها 17 وبثاني ثانوي,, وهالشي الي خلى اخو طلال الصغير نواف هو دلوع العايله لانه كل اخوانه كبار وهو دلوع البيت ردت ام طلال ع طلال وكان الحوار بينهم بالاسباني ,,, طبعا انا راح اترجمه <== مسويه تعرف اسباني ام طلال: طلال حبيبي وينك من يومين مادقيت طلال: انا اسف كنت مشغول ام طلال: هاه كيفك وكيف حبيبتك مشاعل<= امه فري تعرفون اسبانيه طلال: ماما انا مبسووط مره ميشو تحبني ام طلال: وااااااااو ,, خلاص اجل روح اخطبها طلال: ماما احنا بالسعوديه ايش الي اروح اخطبها لازم انتي وابوي تكلموهم ام طلال: انا الي راح اتزوج او انت؟؟؟ طلال: ماما هذي تقاليدنا وعاداتنا ام طلال لها سنه بس بالسعوديه وماتعمقت كثير بالسعوديات لانها ماتعرف عربي الا كلمات بسيطه تعلمتها من زوجها واولادها وكانت لهجتها ركيكه اما الانقليش فكانت ماتعرف منه الا هاي وباي هههههههه فدايما تواجه صعوبه بالتعامل مع الناس لان الغه الوحيده واليتيمه الي تجيدها هي الاسبانيه ام طلال: اوكي نروح نخطبها انا وابوك طلال: لا ماما مو الحين استني شوي,, ووقتها انا راح اقول لك ام طلال: اوكي حبيبي طلال: ماما كنت ابي اسالك اذا تبي شي من المانيا لاني راجع بكره ام طلال بدت توصي طلال ع طلبات ماتنتهي 00000000000000000000000000000000000000000000000000 000000000000000000000000000000 0000000000000000000000000 مشاعل كانت في حيره تفرح بشوفه طلال والا تحزن لخيانه بندر,, بس لاهذا ولا هذا كان احساسها ,, كانت تحس بحيره,,, تصدق طلال والا تشكك فيه,, كلامه كان يفسر كل شي,,, وحست انه صادق,,, بس ايش الفايده هي صدقته قبل وخذلها,,, لازم ماتضعف وتكون غبيه قطع عليها حبل افكارها صوت التيلفون,,, مشاعل بنفسها " يالله بندر ايش يبي" مشاعل: الو طلال: اموااااااااااااااااااااااااااه مشاعل قفلت الخط بوجهه ,,, توقعته بندر ,,, وقح يبوسها ,,, صدق مايستحي دق طلال مره ثانيه مشاعل بعصبيه: خير طلال يضحك: هههههههه اعصابك ياقطوتي,,, صرتي مفترسه مشاعل كانت مو مصدقه نفسها,, عرفت هالصوت كويس ,, هذا صوت طلال مشاعل: ايش الحركه الي سويتها جد انك وقح طلال يتصنع الغباء : اي حركه؟؟؟ مشاعل معصبه: تستهبل حظرتك؟؟؟ طلال يقلد لهجه الاطفال : ميشو لاتهزئيني ترى اخاف؟؟؟ انقهرت منه قدر بكلمه يحولها من معصبه لوحده راح تموت ضحك من كلامه مشاعل تتصنع الزعل: طلال ايش تبي ,, اظن اننا حددنا الي بينا ,, وانت وعدتني انك ماتضايقني طلال: ليش اتصالي يضايقك مشاعل حاولت تمثل بكل جهدها: ايه ياطلال يضايقني طلال: وانا احب اضايقك تعرفي ليش؟؟؟ مشاعل: لا ماعرف ولا ابي اعرف طلال: حتى انا مابي اقول مشاعل عصبت منه:طلال خلاص قفل طلال: لاااااااااااااااااااااااااااا مشاعل: انا راح اقفل بوجهك طلال سكت شوي وبعدين كمل: ايش عاجبك بهالشين بندر ,,, حتى سكسوكته يرسمها بالقلم,, لانه مايطلع له شعر مشاعل انصدمت معقوله بندر يرسم سكسوكته,,, والي صدمها اكثر كيف شافه مشاعل: طلال ابعد عن بندر ,,, لاتحاول تخرب الي بيننا لاني سعيده معاه,, بعكسك انت الي مااحس معاك الا بالاحزان والهموم طلال: الي يحس بالحزن والهموم لما يزعل هذا معناه انه يحب,, لكن انتي ماتزعلي ع بندر تعرفي ليش؟؟؟ لانك ببساطه ماتحبيه مشاعل: طلال انا طفشت منك ومن تدخلك بحياتي ,, اتركني وقفلت الخط,, وخافت انه يرجع يتصل لكن اظاهر انه زعل لما قفلت الخط,, ارتاحت شوي ع الاقل ماراح يزعجها,, غمضت عيونها استعداد للنوم فزت وخافت لما سمعت صوت الباب ينفتح بقوه ,, التفتت ع الباب ,, وشافت طلال طلال بكل مرح: انا قايل انك صرتي قطوه مفترسه,, بس انا راح اروضك وراح طلال يركض وسكر فمها بيده ,,, وعضها مع يدها عضه قويه مره ,, لدرجه مشاعل تبي تصرخ مو قادره من يده الي مقفله فمها طلال بعد فمه عن يدها بس للحين مقفل فمها بيده: اسمعي قبل تصارخي انا حبيت اقول لك اني برجع للرياض رحلتي بعد ساعتين , , وجيت بشوفك قبل امشي,,,, وحبيت اخلي لك شي للذكرى ,,, واتمنى هالعضه تذكرك فيني لحد ماا اشوفك مره ثانيه وشال يده عن فمها,, وطلع بسرعه,, وسكر الباب,, وقبل تستوعب الي صار,, رجع فتح الباب وعطاها بوسه بالهواء كان المفروض تعصب وتثور,, بس كان قلبها يرقص من الفرح,,طالعت مكان العضه لقته احمر,, واسنان طلال هالمفترس مبينه ع يدها,,, ماتت ضحك ع هباله,,, ياليتها تقدر تكون معاه ,, له لوحده 000000000000000000000000000000 00000000000000000000000000 بعد اسبوعين كان موعد طلعت مشاعل من المستشفى,, طبعا طول هالفتره كان طلال مختفي لااتصال ولا حتى جاها بالمستشفى ,,, ع كلامه كان راجع للرياض طلعت من العياده يوم السبت وكان موعد رحلتهم الاثنين الفجر ,, يعني عندهم يومين مايدروا ايش يسو فيها راحوا للاوتيل والي كان بندر حاجز لهم فيه ,,, وع قولته كان ع حساب المستشفى لان الرحله بعد يومين كان بندر بغرفه وجنبها ع طول غرفه سعود,, اما مشاعل كانت غرفتها اخر وحده قرروا انهم يريحوا لانه كان الضهر ,, وقرروا انهم يطلعوا الساعه 6 يتمشوا مشاعل غيرت ملابسها ولبست قميص نوم قصير لونه بينك ,, ومن عند الصدر كان دانتيل بيج ,,, وانسدحت ع السرير ,, وين طلال,, وين اختفى سمعت صوت الباب,, خافت انه بندر,, كيف راح تفتح له وهي بهالملابس,,, معقوله يتجرا يطق باب غرفتها,, لبست الروب,, وكان طويل ويغطي كل جسمها ومن وراء الباب سالت مشاعل: مين كان صوت طفل: انا ياميشو افتحي انصدمت مشاعل مين هالطفل وكيف عرف اسمها,, فتحت الباب وطالعت فيه,, اول مره تشوفه,,, كان امووووووور وابيض و نحيف مبين عليه بسن اخوها فهد مشاعل: هاي حبيبي انا ميشو مين انت؟؟؟ الولد مد يده لها يسلم: معك نواف مشاعل كانت راح تموت ضحك عليه مسوي رجال جلست بمستوى طوله : اهلين اخ نواف ,,,,, كيف عرفت اسمي؟؟ نواف يطالعها بتفحص: والله صدق انتي صاروخ مشاعل: صاروخ؟؟؟ نواف: يعني حلوه مشاعل خافت من جرئه هالولد,, تاكدت انه مسكره الرب كويس وشدت عليه كان الولد خافي يده اليسار ورى ضهره نواف: معي امانه لك مشاعل: وايش هالامانه نواف: شوفي انا اخذ ع التوصيل فلوس بس بما انك حلوه راح اوصل لك مجانا مشاعل: ههههههههههههه, شكرا نواف طلع يده الي ورا ضهره وكان معاه ورده وحيده بيضاء,, قدمها لمشاعل مشاعل استغربت ,,, جد بندر رومنسي مشاعل: قول لبندر شكرا نواف عصب وحقد ع مشاعل: مشالله مين بندر هذا مشاعل استغربت: ليش مو بندر الي عطاك هالورده نواف باستهزاء: لا مو بندر ,, هذي من عمه طلال مشاعل فرحت لما سمعت اسم طلال ,,, طلال حبيبها هنا معاها, وطلعت راسها من الباب تدور اي اثر لطلال مشاعل: وينه الحين نواف حاقد: يعني يهمك ,,, ابي اعرف الحين مين بندر هذا؟؟؟ مشاعل: هذا اخوي,, حتى اذا مو مصدقني اسال طلال وهو يقول لك نواف : طيب بساله بس يويلك اذا ماطلع اخوك,, انا صح اني دايما اتطاق مع طلال وبعض الاوقات اكرهه ,, بس هذا اخوي ولو فكرتي تزعليه راح انتقم منك مشاعل ماتت ضحك ع نواف ومدت يدها لنواف: اهلين اخ نواف, اجل انت اخو طلال نواف سلم عليها وباس يدها : اهلين سنيوريتا مشاعل كان ودها تنسدح من الضحك,, اكيد متاثر من اخواله,, حبت نواف مره ,, كان مرح وخبل مشاعل: ايش رايك اعزمك بكره الصباح ع ايس كريم نواف يفكر: موافق بس ع شرط انا احدد المكان مشاعل تفكر: بس نواف انا مادل هنا شي نواف: انا امرك معانا سواق هنا مشاعل: معاكم ليش مين معاك هنا نواف: انا وطلال ولمياء مشاعل استغربت مين لمياء هذي ,, لان طلال كان كتوم من ناحيه اهله ماكان يتكلم عنهم ابدا مشاعل: ومين لمياء هذي نواف:هذي بنت خالتي,, وتراها تحب طلال,, يعني ياتلحقي ع طلال ياما تلحقي مشاعل انقهرت وحست الغيره تاكلها,, حقير جاي هنا وجايب بنت خالته التبن معاه مشاعل: طيب حلوه لمياء؟؟؟ نواف يسوي نفسه دايخ: هي حلوه وبس,, الا ملكه جمال مشاعل غبيه مسويه تجر نواف بالكلام: طيب طلال يحبها؟؟؟؟ نواف: والله شوفي طلال يحبك انتي ,, بس اذا طولتي تتغلي عليه راح يحبها ويتركك مشاعل انقهرت: طيب نواف شكرا ع الورده نواف: والعزيمه بكره؟؟؟؟ مشاعل: اذا تبيها هنا بالاوتيل موافقه لاني مقدر اطلع ايش قلت؟؟؟ نواف: موافق مشاعل بعد ماطلع نواف تاملت الورده ,, ولاحظت ان فيه كلمه مكتوبه ع ورقه من اوراق الورده قطعتها وقرت الكلمه ((احبك)) كانت مكتوبه بقلم احمر,, دققت زياده بالورده لاحظت ان كل ورقه مكتوب عليها كلمه ,, وصارت تقطع الورده ورقه ورقه وتقرا المكتوب وكانت كل ورقه تحمل معاني كبيره وفرحه لقلب مشاعل وكان مكتوب ع الاوراق ((احبك)) ((وحشتيني)) ((امواااااه)) ((حبيبتي)) ((انتي دنيتي)) ((لاتتركيني)) ((انتي حياتي)) وكانت كل كلمه احلا من الثانيه انتهت اوراق الورده ,,, لما خلصت من تقطيع اوراق الورده طاحت ورقه كانت مثبته بوسط الورده,, اخذتها من الارض وفتحتها ,, كان مكتوب فيها ((قطوتي ممكن تقبلي تتزوجيني)) ندمت ع تسرعها مع بندر,,طلال اثبت لها حبه,, لانه لو مايحبها ماطلب منها الزواج,,, بس ليش تنسى مواقف بندر معاها ومع اهلها,,, معقوله الحب اعماها عن كل شي مسكين بندر ,, مايعرف ايش مشاعل تسوي من وراه,,, خلاص لازم ماتنجرف بمشاعرها مع طلال,,, الله كتب لها الحزن طول عمرها تعيش مع شخص ماتحبه,,, عشان تشكره ع الخدمات الي سواها لها ولاهلها,, وحب عمرها راح يتعذب وهي راح تتعذب ببعدهم عن بعض,, ليش الضروف دايما تعاندها,,, ايش سوت بحياتها عشان تعيش دايما بهموم,, بالاول كانت مبسوطه بعلاقتها مع طلال وقدر الله انه يتركها وعاشت بهموم لما طلع بندر والي قدر يطلعها من هموما ويقدم لها الي طلال ماقدر يقدمه ولما بدت تحبه طلع طلال من جديد بحياتها ,, وللاسف اكتشفت انها تحبه وبشكل اقوى,, ولما قرر انه يكون معاها انكتب عليها انها تكمل حياتها مع بندر رد للجميل مو اكثر ولاتنسى ان طلال متقلب,,, اكيد مثل ماتركها بالاول ممكن يتركها بعدين,, اما بندر كان معاها ,, وحرام تسوي فيه كذا,, قررت اذا رجعت للرياض راح تقول لبندر يستعجلوا بالزواج علشان تقطع ع طلال اي امل له انها ترجع له 000000000000000000000000000000 00000000000000000000000000 طلعت مع سعود وبندر ,,, ولفوا اماكن كثيره,,, وكان بندر وسعود كل شوي مظيعين لانهم اول مره يجوا المانيا,, وكانت مشاعل تظطر تقطع مسافات طويله وبالاخير يكتشفوا انهم عكسوا الطريق رجعت بالليل وكانت مرهقه وتبي تنام ,,, قفلت الانوار واستعدت للنوم ,,, حست بطلال قريب منها,,, وخافت يتصل او يجي عندها ,,, ماتبي تضعف,,, تذكرت وعدها لنواف,, وانها لازم تعزمه ع الايس كريم ,, قالت خلني ادق ع بندر اشوف اذا راح يطلع الصباح لانها ماتبيه يشوفها مع نواف راح يشك فيها مين هالولد الي تعرفه,, كانت تبي تتاكد انه الصباح راح يكون نايم مشاعل: الو بندر: هلا حبيبتي مشاعل: مانمت؟؟؟ بندر: لاافكر فيك مشاعل: بندر كنت بسالك متى راح تصحى بكره بندر: متى تبيني اصحى وانا اصحى على طول مشاعل: لابس اسال بندر: يعني تقريبا الضهر ارتاحت مشاعل: اها ,,, طيب علشان راح اعزمكم انت وسعود ع الغداء بندر: اكيد موافق يكفي اني راح اشوفك مشاعل كانت تحاول تتهرب من بندر خاصه لما يقول لها كلام حلو: طيب بندر انا راح انام الحين اوكي بندر متضايق: يعني ماراح اسولف معاك؟؟؟؟ مشاعل: اممم تعرف بكره الفجر ورانا سفره وودي ارتاح بندر: اوكي نوم العوافي ياحبي مشاعل: الله يعافيك باي بندر :باي 000000000000000000000000000000 0000000000000000000000000 صحت مشاعل ع صوت الباب الصباح,, طالعت الساعه كانت 9 مشاعل: يا الله تاخرت ع نواف راحت عند الباب مشاعل: مين نواف: انا فتحت له الباب: اسفه نواف تاخرت عليك نواف: ماشالله توك صاحيه,, يله بسرعه البسي مشاعل : ايش رايك تضربني مو احسن نواف: لا انا ماضرب حريم مشاعل :هههههههههههههه نواف: اجلي ضحكك بعدين ,, والا تهربي من العزيمه؟؟؟؟ مشاعل: اوكي ,,, عطني نص ساعه واكون جاهزه تحممت مشاعل بسرعه ولمت شعرها ,,,, ولبست جينز وتيشرت مسكر وطويل وكان لونه تركواز وكان عليه رسمه بنت تبكي,,, تمنت انها اخذت معاها ميك اب ع الاقل تخفي بها هالهالات الي طلعت لها طلعت ولقت نواف ينتظرها ,, مسك يده وراحوا ع اللوبي ,,, يفكروا من وين يطلبوا ايس كريم,, حست نواف عنده خبره بهالاوتيل وكانه ساكن فيه نواف: اسمعي خلينا نروح للمطعم فيه عندهم ايس كريم مره حلو مشاعل: اوكي خذ يدي ووديني لاني ماعرف شي دخلت مع نواف للمطعم والي كان تقريبا فاضي,, اختار نواف الطاوله ,,,, وجلسوا,, وكان نواف بلبل في الانقليش بعكس مشاعل,, وطلب لنفسه ايس كريم ولها فطور,,, نواف: ميشو ليش البنت الي بالتيشرت حقك تبكي؟؟؟؟؟ مشاعل: لما رسمتها كنت حزينه نواف مستغرب: انتي الي رسمتيها؟؟؟ مشاعل: ايه نواف: الله حلوه ,, طيب تقدري ترسميني؟؟؟ مشاعل: ايه بس ع شرط نواف: ايش؟؟؟ مشاعل: مايشوفها احد الا انت نواف مد يده لمشاعل: اتفقنا هنا وقف شخصين عند الطاوله,, التفتت مشاعل لهم,, لقت طلال واقف جنبهم ومعاه بنت حلوووووووووووووووه,, مشاعل قالت اكيد هذي لمياء طلال: نوافوه جالس مع خطيبتي لوحدك نواف: لسى ماوافقت عليك,, وترى انا سبقتك وتقدمت لها,, هي الي تقرر لمياء: هاي ميشو اخيرا شفتك مشاعل قامت تسلم عليها لان لمياء مت يدها لمشاعل مشاعل: اهلين التقت عينها بعيون طلال كان يطالعها باعجاب وكان بياكلها بعيونه طلال: ميشو هذي اختي لمياء مشاعل طالعت نواف بحقد,, الكذاب بنت خالتي وتحب طلال نواف مات ضحك ع مشاعل طلال: نوافوه ممكن تعزمنا نجلس معاكم كانت مشاعل راح تقول لا انا اصلا راح اطلع غرفتي,,, بس سكتت لما جابوا لها الفطور, والايس كريم لنواف نواف: تفضلو بس اذا راح تفطروا افطروا ع حسابكم لاني معزوم ,, ميشو عازمتني طلال: اوكي انا راح اعزم نفسي وجلس وجلست معاه لمياء لمياء: ميشو بصراحه كنت متشوقه اشوفك كان طلال يحكي عنك دايما مشاعل: تسلمي لمياء: بس جد ماتوقعتك بهالحلاوه مشاعل: عيونك الحلوه طاحت عيون مشاعل ع طلال والي من اول ماجلس وهو مانزل عينه عنها,, كان ودها تدخل اصابعها بعيونه وتطلعهم,, استحت مره جاهم الويتر ياخذ الطلبات طلبت لمياء لنفسها فطور,, ولما خلصت لمياء: طلال ايش تبي تطلب؟؟؟ طلال كان يطالع مشاعل: ابي نفس الي طلبته قطوتي لمياء: طلول يمكن ماتحب الي طلبته طلال وبدون ماينزل عينه عن مشاعل: مستحيل كل شي تحبه ميشو انا احبه وطلب من الويتر انه يجيب له نفس طلب مشاعل وبدت لمياء تتكلم والي ماسكتت من اول ماجلسوا ,,, اما طلال كان يتامل مشاعل ومانزل عينه عنها ابد,, وهالشي احرج مشاعل,, اما نواف,, كان مشغول بالايسكريم كانت مشاعل جالسه قدام باب المطعم,,, وانصدمت لما شافت بندر يدخل المطعم ايش راح يسوي بندر؟؟؟؟؟؟؟؟؟؟؟؟؟ ايش موقفه,,, خاصه ان مشاعل جالسه مع واحد ؟؟؟ راح نعرف بالجزء الجديد Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.