~+soOosah+~

السلام عليكم.. قبل لا ابتدي اشرح الموضوع انا احتاج حق رايكم قبل يوم الاحد الياي تاريخ 20 سبتمبر.. انا محتارة بين سيارتين: 1. المورانو 2009 mid option 2. واللكزس RX 350 الفل اوبشن موديل 2008 المورانو سعرها في الوكالة (عرض رمضان): on road BD16,035 اللكزس سعرها في معرض سيارات: On road BD15,800 الفرق بين السيارتين (بغض النظر انه وحده نيسان والثانية لكزس) انه اللكزس تغيرت قصتها في موديل 2009 .. واحنا بندش 2010 يعني بيطوف على موديلها تقريبا 3 سنوات والمورانو توهم مغيرين قصته ومابتتغير لى 4 او 5 سنوات جدام المورانو فيها سقف بانوراما (فتحتين) ويتبطلون بكبسة زر اللكزس فيها فتحه وحده وتنفتح باليد المورانو مافيها نافيقيشن اللكزس فيها المورانو مافيها تكييف/تدفئة في السيتات اللكزس فيها المورانو احلى من داخل اللكزس حتى مسند حق اليد مافيها وشكلها الخارجي SUV اكثر من المورانو اذا فكرت اخذ مورانو فل اوبشن..اقدر احصل على رنقات كروم..نافيقشن..دي في دي داخل السيارة..وبلوتوث..وسعر الفل تقريبا 16,700 جنه..و off road يعني اخذ لي IS ابرك يالله رايكم؟!!!

الدودج المشكلة اذا بتيين تبيعينها عقب سعرها وااااااااااااايد يطيح.. شفت السيارة اللي تتكلمين عنها واهي حلوة..بس مشكلتها انها دودج !

سمعت انه في دكتورة في البحرين (منيرة الفاضل جنه اسمها) عندها دورات للريكي.. احد يعرف متى تسويهم ولا اذا في احد غير في البحرين؟!

المشكلة كانت في تغليفك للجهاز..شي معروف والكل عنده خبره في هاي الموضوع انه اللي في الشحن يعاملون المواد القابلة للكسر نفس معاملة باقي الامتعة باستثناء انه القابلة للكسر ماتنحط تحت اشياء ثقيلة في الطيارة..وكان لازم تحتاط انك تغلف اي شي قابل للكسر بفلين..او اوراق..او اي شي يقيهم من سوء المعاملة.. غير انه شركة الطيران مو مسئولة عن موظفي الشحن..

لا حول ولا قوة الا بالله.. يعني مادم ملاحظين عليه من قبل ليش محد تحجى خصوصا انه في مؤسسة تدريبية يعني اكيد وايد يهال يروحون يدرسون

تتعطل المشاريع بسبب المجلس البلدي جان زين يسوونه..اهل المحرق بحاجه حق مشاريع ترفيهيه

مسكين

مو عين هذي الا دفاشة ناصر

لا حول ولا قوة الا بالله واحد منهم صغير.. الله يرحمهم ويرحم جميع موتى المسلمين ويصبر ذويهم

حفرة عميقة وحفرة عميقة انا قلت السيارة الحين طايحه في وادي!! واضح من الصورة انه الحفرة في التراب مو في نص شارع ومبين انه حتى الشارع اللي ورى شارع فرعي لا وفي فريج بعد..!! يعني السيارة تعورت لانه يمكن اللي يسوق كان مسرع وماحط باله انه في شي جدامه خصوصا انه ظلام اذا بيحطون لكم لوحات تحذيرية عند كل حفرة في التراب جان الحين البحرين كلها لوحات

احس جذب

هههههههه مرة فتحت موقع BBC Weather وكان محجوب والله ان شر البلية مايضحك.. وطبعا محد يعرف شنو اجراءاتهم لحظر المواقع ولا من يقرر اذا كان الموقع زين ولا لا ..

ههههههههه ضحكني مال الهيئة ثانكس على الخبر

لا حول ولا قوة الا بالله.. الله يجازي العوضي الف خير.. وان شاء الله المشكلة انحلت الحين

انا مابي افتي بس مو جنه الرسول عليه الصلاة والسلام كان يتكحل؟؟ اذا صج فاحس انه مافيها شي لو الصبي تكحل اتباع لسنة اشرف الانبياء والرسل والبنت من وجهة نظرة عادي ماتلبس العباية اذا كان لبسها محتشم

نظرة الناس تختلف من شخص لى ثاني..واحنا بشر ودوم نصدر احكامنا الشخصية على الاوادم.. يعني انا مثلا لو شفت وحدة تمشي في الشارع او في المجمع..عليها تنورة قصيرة..وتوب ضيج..ومشيتها ملفته..وتلتفت يمين يسار بتصير جنها حلاوة قاطينها في حفرة متروسه نمل..اكيد بقول عنها انها مب زينه!! يعني في وحده عاقلة زينه متربية وبنت ناس بترضى على روحها انه الاولي والتالي واللي يسوى واللي مايسوى يطالعها بطريقة وصخه؟ نص اللي ردوا قالوا انه في بنات متحجبات وبعد مافي اوصخ منهم..وهذي الشي صحيح بس في ذمتكم وبما انه احنا في دولة اسلامية وعندنا عاداتنا وتقاليدنا.. اي وحده من ذيلين بتلفت اكثر وبتجذب لها الكلام اللي يمس في اخلاقها؟ المتحشمه في ثيابها (حتى لو كانت من تحت لى تحت)..ولا اللي (فري) مثل مايقولون؟ احنا لازم نتاقلم مع البيئة اللي احنا عايشين فيها..لانه البيئة وافكار الناس شيين احنا مانقدر نتحكم فيهم

اولا عيب الزوجه تطري زوجها بالسوء..هذي ضد تعاليم ديننا الاسلامي اللي يدعو الى انه الزوجين يحفضون اسرار الزوجية ... ولازم ويحفظون سيرة بعض جدام الناس الاسباب اللي تخلي الزوجه تحقد على زوجها لدرجة انه تذمه جدام الناس انه ممكن تكون ضعف شخصية الزوج.. او انه مايتناقش (لا يعني لا واذا مو عاجبج رقعي راسج في اجرب طوفة) >> مثلا او انه يمشي ورى كلام الناس غير متفهم غير متعاون بخيل.. وغيره

ههههههههه توني اتناقش في هاي الموضوع مع رفيجتي.. طبعا هالشي حرام .. حتى لو كان اللي يقص الشعر ولا اللي يمكيج محسوب على الرياييل بالاسم

وانا اقوووووووووووول ليش امس الجريدة ماياتنا!! وين حرية النشر والصحافة اذا جذي

مايبون ياخذوني انا ادربهم؟

اكيد فالها انا ماحب مرتي واهي مغربلتني وابي وحده تهتم فيني ... ومن هالحجي الفاضي مسكينة هذي..حتى لو تقدم لها اهلها بيرضون عليها تاخذ واحد متزوج وعنده عيال؟ حتى لو اهي تحبه وراضيه انها تشاركه مع وحده ثانيه..فكرت شكثر عياله بيكرهونها؟ فكرت شلون بتكون حياتها معاه بعدين لين يابت يهال؟ الله يعينها بس ويهديها!!

لا مابحضر.. مو قاصرين عقد

احس مابسوي شي..انا ردة فعلي شوي بطيئة في المواقف الصعبه شنو بتسوي لوقدمت امتحان وانت متاكد انك مسوي وايد زين وعرفت كل الاجوبه ولين تطلع النتيجه يطلع لك انك راسب..ترفع تظلم وبعد مايعدلون الدرجة؟؟