بنت الأصول Posted مايو 20, 2007 Report Share Posted مايو 20, 2007 لمتى رااح ننتظر؟؟؟؟؟؟؟؟!!!!!!!!! Quote Link to comment Share on other sites More sharing options...
&&Nice girl&& Posted مايو 20, 2007 Report Share Posted مايو 20, 2007 ???????????????????????????????????????? Quote Link to comment Share on other sites More sharing options...
~+soOosah+~ Posted مايو 21, 2007 Report Share Posted مايو 21, 2007 ههههههههههه يالله لا.. الاوادم ينطرون وعلى اعصابهم !! Quote Link to comment Share on other sites More sharing options...
&&Nice girl&& Posted مايو 22, 2007 Report Share Posted مايو 22, 2007 ??????? Quote Link to comment Share on other sites More sharing options...
شهلاء Posted مايو 22, 2007 Report Share Posted مايو 22, 2007 خيتووووووو ويييينج ترااااااج ذبحتينه الله يهداج تعرفين وين توقفين ... بس عاد والله ابي اعررررررف من اللي متصل وشنو صاير ؟؟ اتوقع ان طلال متصل .. او من طرفه ... او يمكن مشاعل ... يعني بشكل العام .. السالفة كلها تخص ( طلال & مشاعل ) يلا لاتطولين عليناااا يلا بااااي Quote Link to comment Share on other sites More sharing options...
بنت الأصول Posted مايو 23, 2007 Report Share Posted مايو 23, 2007 شكلها ولا بتخلص لنا الجزء خير شر لو ننتظر من اليوم لبكره Quote Link to comment Share on other sites More sharing options...
عاشقة القماح Posted مايو 23, 2007 Report Share Posted مايو 23, 2007 (edited) سوري اختي صاحبة الموضوع بس قلت مدام البنات يبون تكملة الى القصة بنزل لهم جم جزء و انتي كملي الباقي الجزء الثالث والعشرون ساره خافت ع اخوها ,, طلعت له فوق تبي تعرف ايش فيه وقفت عند غرفته تبي تطق عليه الباب,, بس حست انه مانتهى من مكالمته لانها سمعت صوته يصارخ كانت تبي ترجع لغرفتها بس شدها الموضوع الي يتكلم فيه بندر مع الشحص الي ع الموبايل,, بدون قصد منها انها تتصنت وقفت,, تبي تسمع زياده,,مو قادره تصدق ان كل هذا يطلع من اخوها بندر,, الى كانت تضرب به المثل,,, يطلع كل هذا منه حست انها بحلم , اكيد الي جالسه تسمعه مو صدق,,, اكيد هذا مو بندر حس بصوت برا غرفته وفتح الباب يتاكد لقى ساره واقفه ومصدومه ساره وهي تبكي : ليش يابندر,,, ليش سويت كذا؟؟؟ بندر مصدوم : ايش سويت؟؟ وانتي من متى واقفه هنا؟؟؟((ماكان يعرف ايش بالضبط سمعت ساره)) ساره: من اول مادخلت غرفتك وسمعت كل شي بندر : مين سمح لك تتجسسي علي؟؟ ساره: بندر من متى تعرف طلال؟؟؟ بندر : اي طلال انتي ايش قاعده تقولي؟؟؟ ساره تصارخ: لاتنكر يابندر انا سمعت كل شي,, انتم متفقين ع ميشو,, ماراح اسمح لك تدمرها حتى لو كنت اخوي بندر: اي ادمرها الله يهديك انتي فاهمه الموضوع غلط ساره: بندر انا راح اكلم مشاعل اقول لها كل شي بندر: لا سارونه الله يخليك انتي لو قلتي لها ماراح ترضى تتزوجني ساره تطالع اخوها بصدمه : وانشالله تبيها تتزوجك وهي مخدوعه فيك بندر: انا ماخدعتها انتي مكبره الموضوع ومو قادره تفهميه ساره: الحين تشرح لي كل كلمه سمعتها,, او اروح اقول لميشو بندر عصب من ساره: ساره انا اخوك معقوله تسوين فيني كذا؟؟ ساره: انا مارضى بالكذب والغش حتى لو كان من اخوي بندر: طيب سارونه تعالي لغرفتي وانا راح افهمك ع كل شي ساره: اتمنى عندك تفسير مقنع للي سمعته بندر دخل مع ساره غرفته ومو عارف كيف يبدا بندر: انا راح اقول لك كل شي بس بشرط ساره: ايش هو؟؟؟ بندر: ميشو لاتعرف عن هالموضوع شي ساره معصبه: كيف ماتعرف وهي صاحبه الموضوع بندر: ع الاقل لاتقولي لها الا بعد الملكه ساره: ليش ماتبيها تعرف حقيقتك وبعدين ترفضك بندر: سارونه انا احبها وماقدر اتركها او استغنى عنها ,,, وانا متاكد ان مشاعل قلبها كبير وراح تسامحني ساره: واذا انت واثق انها راح تسامحك ,, ليش ماتقول لها بندر: انا راح اقول لها بس بعد الملكه ساره: اها انت قصدك لما تملك عليها خلاص ماتقدر ترفضك لانك زوجها,, عمري ماتوقعت انك لئيم لهدرجه يابندر بندر: سارونه والله احب ميشو وماودي اخسرها ساره: ممكن اعرف السالفه؟؟ بندر: اوكي بحاول اني ابدا من البدايه,,, اول شي انا كنت بامريكا,,, وطلال كان يدرس بامريكا وتعرفت عليه هناك من زمان ومن بعدها هو صاحبي,,, ومرت الايام وقرر ابو طلال انه يخلي طلال يمسك فرع مؤسستهم الي بامريكا,, وبهالشكل توطدت علاقتي بطلال اكثر من اول,, وتكررت طلعاتنا مع بعض,, شكى لي من حبه لمشاعل ,,, وعن مرضها ,, وانه يبي يساعدها بس مو عارف كيف,, بعدين طلب مني انه يساعد مشاعل عن طريقي ,, لانه عرف عن طريق اسم عائلتي اني اخوك,, وعرف انك صاحبه مشاعل مره,, قال احسن حل انك تساعدها وماراح ترفض لان المساعده راح تجي من ساره ساره: وليش هو ماساعدها؟؟؟ بندر: كان متاكد انها راح ترفض اي مساعده منه ساره: وليش متاكد؟؟؟ بندر: ساره اكيد مشاعل ماتخبي عنك شي ,,, واكيد قالت لك عن الحركه الي سواها في مشاعل ساره: عشان كذا مافكر يفاتحها بالموضوع بندر: ايه ,, وهو قال مابي اخاطر بموضوع علاجها وبعدين ترفض وافقد اي امل انها توافق,, فهو قال خل الموضوع عن طريقك احسن ساره: يعني طلال هو الي خلى المستشفى يعالجوها ع حسابهم مو انت بندر: لا المستشفى ماله دخل بعلاج مشاعل ساره مستغربه: مو فاهمه؟؟؟ بندر : العلاج كله كان ع حساب طلال ساره منصدمه: معقوله بندر : طلال كان دافع كل شي يخص مشاعل ويخص سعود بسفرتهم بدايه من التذاكر الي العياده وتكاليف العمليه وتكاليف السويت الي حجزه لهم,, حتى الاوتيل الي كنا ساكنين فيه بعد ماطلعت مشاعل من المستشفى كان ع حساب طلال,, وكنت طول الوقت اوهمهم انه ع حساب المستشفى ,, وكنت خايف سعود يحس بشي ساره تكرر كلام بندر مو مصدقه : الاوتيل الي كنا ساكنين فيه؟؟ ليش لايكون دافع عنك انت بعد بندر وهو مستحي: ايه ,, بصراحه بذيك الفتره ماكان عندي سيوله,, وطلال صمم انه يدفع كل شي,, لانه هو المسئول عن هذا كله,, وهو الي طلب مني اسافر معاها ع شان اطمنه ساره: وموضوع الشركه؟؟؟ بندر: هو اشترى نصيب ابو سليمان من الشركه وصار شريك سعود ومشعل وهو الي دعمهم بالفلوس بس عن طريقي,, وهو الي كان يخطط لكل شي وانا كنت انفذ ,,, حتى لما رحت لشركه اخوانها ,, ماكان عندي علم باي شي,, اتصل علي الصباح وقال لي روح للشركه ,, وعلمني ايش اسوي بالسياره ,, بس احنا كنا خايفين انهم يكتشفوا لاننا سجلنا الشركه باسم طلال مو باسمي ,, خفنا ينتبهوا لهالشي,, لان الاوراق كانت عندي بس خفت يطلبوا نسخه من الاوراق ساره :وانت ماتستحي ع نفسك تمثل هالتمثيل بندر: صديق وطلب مني هالطلب ماقدر ارده ساره تفكر: اها هذا يفسر رجعتك من امريكا بدري,,, بس ايش دخل مساعداته لمشاعل بزواجك منها,,, كذا هو راح يضرها لانها راح تتزوج واحد مخدوعه فيه بندر نزل عينه بالارض وقال: هذا الموضوع يخصني انا ,, وطلال ماله شغل بهالموضوع ساره: شلون ماله شغل بندر: لان طلال ماعرف اني خاطبها الا بالصدفه ساره منصدمه من اخوها: وشلون سمحت لنفسك تخون صاحبك والى امنك على ميشو,, وانت عارف انه يحبها وهي تحبه,, تروح تسرقها منه بندر: سارونه صدقيني انا حبيت مشاعل غصب عني وبدون ماحس,,, وبعدين هي ماراح تسامحه وهو مايتجرا يكلمها او يرجع لها,, فكرت ليش ما اعطي نفسي مجال ابدا معاها ساره: وبعد ماعرف طلال ايش سوا بندر: هو ماعرف الا قبل نرجع بيوم ع حسب علمي و قرر انه ينتقم مني وينكد علي يومي,, وهذا الي سواه كان اسوا ايام حياتي ساره: ماني قادره اصدق انك تسوي كذا وانت عارف ان مافيه شخص يسوي كل هذا الا لانه يحب بجنون,, وانت ماراعيت احاسيسه وخنته وخطبت ميشو بندر: بس انا احبها وبعدين انا ساعدته ساره: بس انت كنت مزيف وطلعت لمشاعل بصوره غلط,, وبتعب طلال كنت راح تجبر مشاعل تتزوجك بندر: انا ماجبرتها هي وافقت من نفسها ساره: بس ميشو لازم تعرف كل شي بندر: سارونه تكفين خليها بعد الملكه ع الاقل اتاكد انها ماراح تتركني ساره: تبي تبني حياتك ع غش وخداع,, اسفه مشاعل صاحبتي ومقدر اكذب عليها,, ,بعدين لو انا سكت تتوقع طلال راح يسكت بندر: وهذا الي مخوفني,, طلال يتوعدني,, ويقول لي راح اقول لمشاعل كل شي وراح يدمرني ساره: ما الومه ,, انت قول لمشاعل واذا كانت تحبك راح تسامحك,, اما اذا ماسامحتك معناها انت الربحان لانك انقذت نفسك من حياه زوجيه تعيسه لان مشاعل ماتحبك بندر: بس انا احبها ساره: صدقني الصدق هو الشي الوحيد الي راح يخليك تكبر بعين مشاعل بندر: اهم شي انتي لاتقولي لها شي,, انا راح اقول لها ساره: مثل ماتبي بس انتبه ترى اليوم الاثنين,,, وملكتكم الخميس يعني مافيه وقت لازم تقول لها بسرعه بندر: انشالله 000000000000000000000000000000 0000000000000000000000000 كان طلال يدق ع مشاعل يبي يفهمها ع كل شي,, مستحيل يترك بندر ياخذ منه حبيبه قلبه,, تعب وهو يدق وكان موبايل مشاعل مقفل ,,, قرر انه يرسل لها مسج ع امل انها اذا فتحت موبايلها تشوف المسج "ميشو اذا فتحتي موبايلك كلميني ابيك بموضوع ضروري يخص بندر" طلع من غرفته وراح ع الخيمه حقتهم ,,, دخل وكانت الخيمه فاضيه ,,, جلس لوحده ,,, يفكر,, كيف يجبرها ترد عليه ,,لازم تفهم الحقيقه ,,, فتح التلفزيون وصار يقلب بالقنوات مو قادر يركز ع شي ,,, طرا ع باله فكره حلووووووه,,, بهالشكل راح ترد عليه مشاعل طلع من الخيمه يركض متجه للبيت ,,, كان في بوابتين تدخل لجوا البيت ,, البوابه الرئيسيه وهي الي تودي للمجالس وكانت في مقدمه البيت ,,,اما البوابه الثانيه فهي بوابه خلفيه تودي ع البيسمنت 1 والمكون من المسبح الي في النص وتحيط به غرف مفتوحه عباره عن غرفه التبديل وبعض الحمامات وغرفه للاجهزه الرياضيه خاصه بطلال ,,, وجكوزي وساونا وكان فيها صاله كبيره مفتوحه عباره عن جلسات وكانت مخصصه للحفلات الي يسووها هيفاء ولمياء ,, وكل هالغرف كانت مفتوحه ع المسبح ,,, قطع مسافه طويله لما اخيرا وصل لبوابه البيت الخلفيه لانها الاقرب لغرفته ,,, فتح الباب والعباره عن زجاج يلف ع البيسمنت كله ,,, ركض باتجاه الاصنصير ,, وطلع ع الدور 2 ,,,والي كان عباره عن ممرين طويله الاول يودي ع غرفه ابو طلال وام طلال ,, والثاني ع غرفه هيفاء ولمياء ونواف,, راح باتجاه غرفه هيفاء ,,, وبكل احترام ضرب ع الباب هيفاء: تفضل طلال يطل براسه: مشغوله هيفاء: لا تعال هيفاء ماكانت لوحدها كان معاها وحده فلبينيه تسوي لها فرينش مونيكير ليديها ورجولها ,,, كانت هيفاء مهووسه بالفاشن وكل جديد ,,, مافيه عروض ازياء بالصيف الا حظرتها لو انها في القطب الجنوبي,, وكانت امها تروح معاها لان ابوها مايرضى تروح لوحدها طلال: ايش هالحلاوه ,,, توك مسويه برونزاج؟؟؟ هيفاء: ايه ايش رايك حلو طلال: مرررررررررره كول,,, مع شعرك ولون عيونك صاير مره يجنن هيفاء: طلول ليش لما رحت المانيا ماتشمست كان لونك احلى بدى يفتح لونك الحين طلال: خلاص كبرت ع هالحركات هيفاء: هههههههههههههه ,, كبرت ,, اشوف شعرك كله شيب,,, يله طلول ايش رايك قبل تبدا الدراسه نروح استراليا اسبوع نتشمس ونرجع طلال: لو الي ببالي صار راح اوريك لاي مكان تبيه هيفاء تحمست: جد طلول ,,, ايش هالي ببالك وانا اسويه طلال: ابي منك خدمه((وصار ياشر ع طرف اصبعه)) قد كذا هيفاء تضحك: وانا اقول غريبه جاي يسولف معاي,, قول ايش تبي طلال: ابي منك ترفعي التلفون وتقولي كلمتين وخلاص هيفاء تتفحص اصابع يدها ,, تبي تطمن ع ان المونيكير جف,, ولما حست انه جف,, اخذت موبايلها وحطته عند اذنها وقالت هيفاء: كلمتين طلال: تستهبلي انتي ووجهك هيفاء تستهبل: انت قلت ارفعيه وقولي كلمتين طلال: ههههههههه لا انا راح ادق ع رقم وانتي قولي مشاعل موجوده هيفاء تضحك: اوكي ياحبيب مشاعل ,,بس ليش ماردت عليك زعلانه؟؟؟ طلال: لامقفله موبايلها وابي اعرف ايش فيها هيفاء: طيب واذا نادوها ايش راح اسوي؟؟؟ طلال: خلاص اذا نادو ميشو انتي تطلعي من الموضوع هيفاء: واستراليا؟؟؟ طلال: الحين توك مسويه برونزاج ,, كيف تبي تتشمسي ,, راح تحترقي هيفاء: لا البرونزاج الي سويته مو طبيعي بكريمات وسبري عند يحيى زكريا ,,, بس ماراح يدوم اكثر من اسبوعين,, وانا ابي اتشمس برا,,وتعرف ابوي السنه هذا ماسفرنا,, وابي اغير جو واتشمس طلال: ليش مارحتي معانا المانيا وتشمستي ع كيفك هيفاء: مليت من كثر ما اروح لها طلال: طيب راح تدقي والا اروح اترجى اختك الثانيه هيفاء: اوكي دق الرقم وعطني طلال اخذ التلفون, ورفع السماعه طلال: ناصر لو سمحت عطني اي خط فاضي ناصر:ابشر طال عمرك طلال دق رقم بيت مشاعل ,, طبعا هو يعرفه لان مشاعل بعض الاوقات كانت تدق عليه منه بدى الرقم يدق 000000000000000000000000000000 0000000000000000000000000 فهد وفيصل كانوا يلعبوا بلي ستيشن لما دق التلفون فهد : روح رد فيصل: لامابي ,, انت الي روح فهد: ترى تقول امي الي مايرد ع التلفون تجيه المقرصه الحاميه تاكله فيصل: اصلا مافيه شي اسمه المقرصه الحاميه تلعبون علي فهد: خلاص اذا جت وكسره الشباك ودخلت عليك تتاكد فيصل خاف وقام يرد ع التلفون فيصل: الو هيفاء: هاي حبيبي فيصل: مين انتي؟؟؟ هيفاء: حبيبي روح قول لمشاعل صاحبتك تبيك ع التلفون فيصل: لا هيفاء: ليش؟؟ فيصل: ميشو فوق,, وانا مابي اطلع فوق هيفاء قفلت معاها: طيب حبيبي روح قول لها ع شان اشتري لك حلاوه فيصل: مابي ميشو تشتري لي هيفاء: انا حلاوتي احلى من حقه مشاعل,, يله روح نادها فيصل: مابي انا العب بلي ستيشن ,, عندكم بلي ستيشن؟؟ هيفاء تكلم طلال: ترى مليت من هالبزر ,,, يقص لي قصه حياته طلال: قولي له عطني الي جنبك هيفاء: حبيبي مين جنبك,,, الو الو ,,, الو فيصل ترك التلفون ورجع يكمل لعبته دخلت مشاعل عليهم مشاعل: فهودي ماشفت سلطان فهد: لا مشاعل كانت راح تطلع واستغربت ان التلفون مرمي ع الارض مشاعل: مين الي رامي التلفون فيصل وبدون مايلتفت: صاحبتك تبيك مشاعل: وكذا تتركها ع الخط ,,, الله يهديك مشاعل: الو هيفاء: هاي مشاعل مشاعل استغربت الصوت: هااااي, ,مين معاي هيفاء: معاك هيفاء مشاعل زاد استغرابها: معليش ذكريني هيفاء مين؟؟؟ هيفاء: راح تعرفي مين انا بس دقيقه وعطت التلفون طلال طلال خايف انه تقفل: الو مشاعل: ............... طلال: انا عارف انك تبي تقفلي بس اسمعيني دقيقه وحده وقفلي مشاعل: وليش داق ع بيتنا طلال: موبايلك كان مقفل,, واضطريت اني ادق ع البيت مشاعل: ومين هيفاء هذي؟؟ طلال: اختي,,, ميشو ممكن تفتحي موبايلك,, ابيك بموضوع يخص بندر مشاعل: مالك شغل ببندر,, واظن احنا انتهينا من هالموضوع,,, ولو سمحت لاتدق علي مره ثانيه طلال: ميشو بندر يكذب عليك بكل شي مشاعل: مليت كذبك وغشك,, وع فكره ملكتي الخميس قفلت الخط رجع طلال يدق لما تعب ,, وحس ان مشاعل فصلت التلفون,,, ضاعت حيلته,,, كل الي يعرفه انه ماراح يسمح لهالزواج انه يتم لو اضطر يخطف بندر ويحبسه لما ترد عليه مشاعل هيفاء: خلاص طلال البنت قفلت ,,, لاتدق عليها كيفها لاتموت نفسك ع شانها ماتستاهلك طلال طالع هيفاء بظره كانت كفيله بانها تسكت هيفاء طلع من غرفتها وكان بوجهه لمياء لمياء: هاي طلال,, يعني من بعد السفر خلاص مانشوفك؟؟ طلال طنشها ودخل الاصنصير لمياء دخلت عند هيفاء لمياء: هيفاء ايش فيه طلال مره معصب هيفاء: من مشاعل الي من تعرف عليها وهو متغير لمياء: هيفاء حرام عليك لاتظلميها,, هو غلط معاها كمان,, مو نحط العيوب ع بنت الناس واخونا هو الصح هيفاء: الا تعالي ماقلتي لي عن شكلها حلوه شينه,, كول ,, سايكو,, تعرف تلبس ماتعرف,؟؟ لمياء تطالع ساعتها : شوفي الحين الساعه 10 بالليل لو جاوبت ع اسالتك راح انتهي تقريبا 3 الفجر,, وانا دوامي ينتهي 12 الا اذا حتعطيني اوفر تايم هيفاء: هههههههههههههههه,,, يله خلصيني لمياء: اوكي انتي سالتيني اذا حلوه او شينه ,, البنت مو حلوه الا تجنن,, مره كيوت,, ملامحها بيبي فيس جد تحسيها طفله قاطعتها هيفاء: وجسمها حلو؟؟ لمياء: يجنن,, تحسي ان اي لبس تلبسه يصير حلو من كثر ماجسمها حلو ماشالله,, اما عن الكول فهي كووووووووول مره بشكلها ولبسها وكلامها واسلوبها,,, وحرام عليك تقولي عنها سايكو ابعد ماتكون عن السايكو,, بصراحه اعطيها 10 على 10 هيفاء والغيره تاكلها : عاد انا عارفه ذوقك زي وجهك,,لما قلتي عن غاده بنت عمتي حلوه وانا غاسله يدي لمياء : حرام عليك والله غاده تجنن,, ومو بس انا الي اقول ,, حتى صاحباتي منجنين عليها,, بس بصراحه غاده اعطيها 8 من 10,, بس ميشو تجنن لو فيه اكثر من 10 عطيتها مالوم طلال لما حبها هيفاء: من متى تناديها ميشو لمياء: من اول ماتعرفت عليها بالمانيا,, تجنن هيفاء لو تتعرفي عليها حتحبيها هيفاء: لاشكرا ماحب اتعرف ع هالاشكال لمياء: اي اشكال؟؟؟انتي اصلا ماشفتيها هيفاء: بدون ماشوفها انا عارفه ذوقك الشين لمياء: ليش تساليني اذا مو عاجبك ذوقي؟؟؟ هيفاء: كذا لقافه,, اطلعي الحين ابي انام لمياء : ترى راح تجي غاده بعد شوي,, اذا تبي تجلسي معانا تعالي هيفاء: وليش انشالله ايش راح يجيبها؟؟؟ لمياء: ايش دخلك انا قلت لها تجي هيفاء: ما ادري ليش انتي مصادقتها ترى هي مو من سنك لمياء : الي يسمعك يقول عمرها 100,, ترى لسة مادخلت 23 هيفاء: و 23 مو كبيره عليك,, صادقي ناس بسنك لمياء: انا حره اصادق الي ابي وطلعت وخلتها 0000000000000000000000000 كانت مشاعل متنرفزه من حركه طلال الي سواها معاها ,, ايش يبي ,, خلاص ملكتها الخميس وللحين يزعجها,, قررت انها ماتفتح موبايلها الا يوم الجمعه لما يفقد الامل نامت وكان بحظنها فيصل الي صار يخاف من انه ينام لوحده بسبب امه المتوحشه 000000000000000000000000000000 000000000000000000000000 فهده تكلم امها فهده: يمه مدري ايش فيني ماكبر بطني؟؟؟ ام فهده: توتس يالخبله بالشهر الثالث وتبين بطنتس يكبر فهده: مدري يمه يقول لي عبدالمجيد ان بطني ماكبر اكيد حمل كاذب ام فهده: وش حمله الي يكذب بعد,, حتى الحمل خليتوه يكذب,, يالخبله الهبله توتس ع الكروش والثقل,,, مايكبر بطنتس الا بالشهر الرابع فهده: الله ماما بطني بعد شهر راح يكبر ام فهده: الحمدلله ع العقل فهده: اقول ماما مالقيتوا لصالح حرمه ام فهده: كلمت ام عبدالله عندها بنيه اسمها روان يقولون زوينه,,, كان نروح نشوفها فهده: ايه ماما حددي معاها يوم ع شان اروح اشوفها معاك ام فهده: انشالله السبت نروح نشوفها فهده: وليه ياماما السبت خير البر عاجله خلينا بكره نروح نشوفها ام فهده: اجل شورتس وهدايت الله بروح ادق عليها واقول لها , مع السلامه فهده: مع السلامه 000000000000000000000000000000 0000000000000000000000000 ام طلال بلهجه عربيه ركيكه : هاي هبيبي قاده غاده: هاي كيفك خالتي ام طلال: كويس,, لمياء دور انتي غاده: وينها بغرفتها ام طلال: ايوه غاده: اوكي خالتي راح اطلع لها ام طلال: اوكي طلعت غاده غرفه بنت خالها لمياء,,,كانت علاقه ابو طلال بااخته ام غاده علاقه قويه,,,وهالشي الي يخلي غاده 24 ساعه عندهم غاده طلعت من الاصنصير وكان بوجهها نواف نواف: بسم الله خوفتيني غاده: ليش وحش شايفني نواف: لا بس ايش هالتسريحه الي مسويتها لنفسك؟؟؟ غاده: اي تسريحه((تذكرت انها كانت مسويه تسريحه بشعرها وكانت كلها عمايل)) نواف: هذي غاده :ليش مو حلوه نواف: لا تخوف غاده: مالت عليك ,, اصلا ما سويتها لك نواف: ترى هيفاء ولمياء راح يضحكوا عليك غاده: مالك شغل يالكريه لمياء: هاااااااااااااااااااي غاده ,,, تعالي ليش واقفه غاده: اخوك نوافوه الكريه مايعطي احد فــ قاطعتها لمياء: وااااااااااااااااااااااااااااا ااااااو غاده شعرك يجنن,,, مين سواه لك غاده: سويته عند جان كلود اليوم العصر لمياء: وليش ايش كان عندك غاده: كنت معزومه ع دي جي لمياء: وليش مارحتي غاده: تطاقيت مع البنت الي عازمتني لمياء: ههههههههههههه غاده: يله تعالي ندخل غرفتك لمياء توقفها: ترى وعدتيني انك تنامي عندي اليوم غاده: اصلا الساعه 11 ومافيه وقت ارجع للبيت لمياء: حلو اجل خلينا نروح نسبح غاده: لااااا حرام عليك ابي اتهنى بتسريحتي لمياء: يله عاد غطي شعرك ,,,((وسحبتها من يدها)) نواف: راح اجي اسبح معاكم لمياء: لا مانبيك,,, لاتصير حشري نواف: حشري والا حيواني بروح اجيب ملابسي غاده: ياكرهه اخوك هذا الله يصبرني,, طيب خلينا نقول لهيفاء تجي معانا لمياء: لا مستحيل هيفاء تسبح مع احد تخاف جراثيمنا تنتقل لها غاده: ههههههههههه نزلوا للبيسمنت 1 ,,, وبدلوا ملابسهم ولبسوا المايوهات ,, وقفلوا ستاير البيسمنت لانه يطل ع برا وكان جداره كله قزاز ,, خافوا يشوفوهم العمال الي بالحديقه وكانوا مبسوطين لما جاهم نواف والي كرهم بالسباحه لانه مزعج ويخرب عليهم وقرروا انهم يطلعوا من المسبح ويجلسوا ع الجلسات الخاصه بالمسبح يشربوا عصير لمياء: ايش تبي تشربي غاده: اي شي دقت ع المطبخ يجهزوا لهم العصير نواف : انا ابي عصير لمياء: نوافوه اطلب لك ايش دخلني فيك نواف: نذله وطلع الدور 1 يدور ع ابوه يشكي له لمياء: اووووووه راح يقول لابوي ياكرهه,, الحين حيجي يهزئني غاده: احسن ليش ماطلبتي له وريحتي عمرك لمياء: كريه ماحبه كل شي يتدخل فيه غاده:هههههههههههه كانكم توم وجيري لمياء : ههههههههههههههه دق التيلفون لمياء تطالع التحويله لمياء: هذي غرفه طلال غريبه ايش يبي ردت لمياء لمياء: هلا طلال طلال: لمياء ايش مسويه لنواف؟؟؟ لمياء: راح يشتكي لك طلال: ايه ,, حرام عليك,, ترى هذا اخوك لمياء: نبي نجلس لوحدنا انا وغاده وهو يخرب علينا طلال: عندك غاده؟؟؟؟؟ لمياء: ايه طلال: طيب خلاص باي لمياء: طيب طلـ قفل بوجهها قبل تكمل غاده: قفل بوجهك؟؟؟ لمياء : ايه غاده: لما عرف اني هنا صح لمياء: ماتوقع اصلا هو نفسيته تعبانه هالايام غاده باهتمام: ليش ايش فيه؟؟؟ لمياء: مدري بس يمكن من الشغل غاده: اها 000000000000000000000000000000 0000000000000000000000000 يوم الثلاثاء مشاعل كانت في قمه رعبها ,, ماتدري هل زواجها من بندر هو الخيار الصح او انها راح تندم طلال كان عازل نفسه بغرفته ينتظر مشاعل ترحمه وترد عليه,,,, لما تعب قرر انه يدق ع ساره صاحبتها ع امل انها تكون احسن من اخوها وتساعده اما ساره كانت تنتظر بندر ع شان تجبره يعترف ,,, بس بندر كان مختفي بغرفته ويتحجج بالنوم بعد المغرب دق موبايل ساره وعرفت الرقم,, هذا رقم طلال ساره: الو طلال: السلام عليكم ساره: عليكم السلام طلال: عرفتيني ساره: طلال طلال : ايه ,, اسف اذا ازعجتك ساره: لا مو مشكله طلال: ساره ابيك بموضوع ضروري يخص مشاعل ساره: عارفه ايش هالموضوع طلال مستغرب: كيف عرفتي؟؟؟؟ ساره: بندر قال لي ع كل شي طلال انصدم من جرئه بندر وبهدوء قال لها : ومشاعل؟؟؟ ساره: ايش فيها طلال: تعرف الموضوع ساره: لا طلال انصدم من ساره كانت صاحبه مشاعل مره ومايخبو اع بعض شي ,, انقهر ليش تخبي عنها كل هذا ع شان اخوها طلال: وطبعا انتي حتقولي لها ساره: مستحيل اخبي عنها شي طلال: بس ملكتها من اخوك الخميس ,, متى راح تقولي لها ساره: اول شي انا ودي اشكرك ع كل شي سويته لميشو,, وبصراحه اثبت جد انك تحبها ((وسكتت شوي بعدين كملت)) وانك انت الي تستاهلها طلال: افهم من كلامك انك راح تساعديني ع شان مشاعل ماتتزوج اخوك ساره: انا علي اني اوصل لمشاعل كل شي,, وهي الي تقرر طلال: هي مو راضيه تسمعني ولا حتى تفتح موبايلها,, بليز ساره روحي لها اليوم وفهميها ابي اكلمها ابي اشرح لها كل شي,,, ساره بليز انا محتاجك لاتتخلي عني اول مره ساره تحس بحب طلال الكبير لمشاعل ساره: لاتخاف انا راح اكون مع الحق وما راح اكون بصف بندر لاني عارفه انه غلطان طلال: ساره مافيه وقت اليوم الثلاثاء ساره: طلال انا احترمك واحب مشاعل ,, بس بنفس الوقت احترم قرار اخوي بندر طلال: وايش قراره ساره: يبي يقول لمشاعل كل شي بنفسه طلال مات من الخوف : لا ساره تكفين لا ,, انتي عارفه بندر يمكن يقلب كل شي فوق راسي ,, انا ما اثق فيه ,, خاني مره وماقدر اثق فيه ,,, تكفين ساره لاتخليه يدمرني ويدمر مشاعل ساره: لاتخاف بعد مايكلمها راح اتاكد انه قال لها الحقيقه ,, وراح اروح عندها واخليك تكلمها طلال: وعد ياساره ساره حزنت ع طلال الي كان يترجاها وكانها الامل الوحيد له بالحياه ساره تبتسم : لاتشيل هم انا راح احرص ان الحقيقه توصل ميشو طلال بعد مكالمه ساره ارتاح شوي ,, ع الاقل هي تحب مشاعل وماراح ترضى تكذب عليها ,, بس كان خايف ياثر عليها بندر ,,, واكيد هو اخوها وراح تهتم لسعادته 000000000000000000000000000000 00000000000000000000000000 هيفاء بلغت امها انها راح تعزم صاحباتها ع العشاء وراح يسهروا عندها ويفطروا ,, وطبعا بهاليوم انحكم ع الطباخين مايناموا ويسهروا ينفذوا طلبات هيفاء غاده ولمياء توهم صاحين من النوم لمياء: هاي مام هاي هيفاء هيفاء وامها : هاي غاده: صباح الخير كلهم : صباح النور لمياء: وين رايحه اشوفك لابسه هيفاء: رايحه لصالون لمياء: ليش لاتكون رموشك انهارت وتبي تروحي ع شان يركبوها كويس هيفاء: لا ياقلبي رايحه اسوي ستشوار لشعري وميك اب لمياء: ليش وين راح تروحي هيفاء: راح يجو صاحباتي لمياء: كم بنت راح تجي هيفاء: يعني تقريبا 20 بنت لمياء: ووين راح تجلسوا؟؟؟؟ هيفاء: وين يعني بالبيسمنت لمياء تطالع غاده: يعني مكتوب علينا مانسبح اليوم غاده: ههههههههههههههه طلال دخل طلال : السلام عليكم كلهم: عليكم السلام طلال: اهلين غاده كيفك غاده انقهرت لان شكلها ابد مو حلو توها صاحيه من النوم وماحطت ميك اب غاده بدلع: الحمدلله انت كيفك؟؟؟ طلال: الحمدلله ,, كيف عمتي ؟؟؟؟ غاده: تمام هيفاء: اقول طلال ابي السيديات الي عندك طلال: اي سيديات؟؟؟ هيفاء: اي سيدي منوعات عندك ابيه لان صاحباتي حيجوني اليوم طلال: قالوا لك فاتح الشراع بغرفتي هيفاء: يووه طلال السيديات الي عندي قديمه شوي طلال: روحي ادخلي غرفتي وخذي الي تبي هيفاء: اوكي,, يله باي كلهم: باي غاده كانت طول الوقت مفتونه بجمال طلال,,ضربتها لمياء ع يدها لمياء بهمس: خلاص راح تاكليه غاده انحرجت: طيب خلاص اسكتي 000000000000000000000000000000 0000000000000000000000000 بندر اخيرا طلع من غرفته وكان يبي يطلع قبل ساره تشوفه,, ووقفته ساره ساره: بندر ايش سويت بالموضوع؟؟؟؟ بندر: سارونه حبيبتي قلت لك اتركي الموضوع علي ساره: الى متى لما يجي الخميس ؟؟ بندر: لاانشالله اليوم ساره: عموما انا راح ادق ع مشاعل الساعه 12 بالليل واقول لها كل شي اذا ماتبي تخسرها قول لها قبل الساعه12 ع الاقل تجي منك بندر : طيب عطيني فرصه لبكره ساره: ولا دقيقه بعد 12,, يكفي اني سكت امس بندر يقرب من ساره وبحنان: سارونه انا ماطلب المستحيل بس بكره ,, ووعد مني اذا ماقلت لها بكره انا راح ادق عليها قدامك واخليك انتي الي تقولي لها ساره تذكرت مواقف اخوها معاها ,,, ومستحيل ترده,, وهو ماطلب الا فرصه يوم واحد بس ساره: اوكي بكره الساعه 10 اخر فرصه لك اتفقنا بندر يبتسم : اتفقنا طلع بندر يدور بالسياره مايعرف ايش يقول لمشاعل,,, يبي يصارحها,, بس خايف تتركه,,لازم يلقى له خطه ,,, لازم,,, فكر وفكر,, وظل يفكر لما داخ من كثر التفكير والدوران ,,, وعوره راسه,,, وقرر يرجع للبيت والي كاتبه الله راح يصير 000000000000000000000000000000 00000000000000000000000000 كانت هيفاء مشغوله بالرقص مع صاحباتها وكانوا رافعين ع الصوت لدرجه انك تحس ان البيت راح يجيه زلزال من قوه الصوت,, بس بما ان السهره كانت في البيسمنت كان الصوت مو مسموع بالنسبه لباقي غرف البيت,, ونظر لكبر البيت وقوه بنيانه صعب تسمع اي صوت فيه,, وكانت هيفاء مانعه لمياء وغاده من انهم دخلوا حفلتها الصغيره,,, اول شي لانها تكره غاده اما لمياء تفشلها لانها متواضعه,, وبنظر هيفاء الغرور لازم خاصه مع حالتهم الماديه والرفاهيه الي عايشين فيها كان طلال يتمشى بالحديقه الخلفيه وهو يكلم ساره طلال: ساره انتي قلتي لي ان بندر اليوم راح يقول لميشو ساره: انا قلت بس صارت ضروف اقوى مني ومنه طلال: ساره انا خايف انك تصرفيني,, وتبي تضيعي الوقت ع شان ميشو تتزوج اخوك ساره: انا عطيت بندر فرصه لحد الساعه 10 بالليل اذا ماقال لميشو شي راح اقول لها انا طلال: ساره وربي مو قادر اصبر لحد الساعه 10 ساره : الي خلاك تستنى هالشهور استني يوم واحد بس طلال: طيب ساره تكفين ردي علي ع طول ترى اعصابي تعبت ساره: اوكي لاتشيل هم انت نام وارتاح وانشالله خير طلال: الله يسمع منه,, اوكي ساره انا اسف ازعجتك وتعبتك معاي ساره تبتسم: صح انك تعبتني ,,, بس انشالله انا راح اخلي ميشو تاخذ بثاري منك وتتعبك طلال: احلا تعب وربي بس هي تكون معاي ساره : لهدرجه تحبها طلال : انا اموت بدونها,, ماتتخيلي كيف حياتي بارده ومالها طعم بدونها ساره: الله يجمعكم انشالله اذا فيه خير لكم طلال: امين,, ساره ودي اسالك سؤال بس ابيك تجاوبيني بصراحه ساره:قول طلال: ميشو تحكي عني؟؟؟ ساره: اممممممم ,, هذي اسرار ماقدر اقول لك طلال: يله عاد ساره قولي ساره: بصراحه بعد الي صار قلت طلعاتي مع ميشو واذا جيتها بالبيت تعرف ام سلطان تكون بالبيت ومانقدر ناخذ راحتنا ,, وهذا غير ان نفسيتها كانت تعبانه من بعد الي صار لها ,,, وخفت ازيد هموما لما احكي عنك او اجيب طاريك,, حتى هي كانت تتحاشى انها تتكلم عنك ,, بس انا متاكده انها من جوا تموت شوق لك طلال مره انبسط بهالكلام,, وشكر ساره ع الدعم,, وعلى وقفتها معاه قفل منها وانتبه للبيسمنت الي مليان بنات,, وكان فيه ثنتين طالعين يتمشوا بالحديقه,, وكانوا يطالعوا طلال وودهم ياكلوه من النظرات طلال تركهم ورجع لغرفته ودق ع هيفاء, والي ردت عليه وصوت الميوزك مغطي ع صوتها هيفاء تصارخ: هاه طلال ايش تبي طلال: اطلعي برا بالحديقه ع شان اسمعك طلعت هيفاء برا هيفاء: هلا طلال: حبيبتي قفلوا الستاره لان العمال راح يشوفوكم هيفاء: اي عمال كلهم نايمين,, وبعدين مانبي الكتمه ونسكر كل شي وكاننا بسجن طلال: حبيبي انتي عارفه ان البيسمنت كله قزاز ومكشوف ع كل الي برا,, مايصير ياقلبي هيفاء: يوووووه طلال تبي صاحباتي يضحكوا علي ويقولوا معقده طلال طفش من اخته العنيده: طيب بس انتبهوا هيفاء: طلول صاحباتي انجنوا عليك طلال: طيب ايش اسوي لهم هيفاء: خذ هذي عنود تبي تكلمك العنود: هاي طلولي طلال: تمونين طلولي ,, اقول روحي ارقصي ابرك لي وقفل بوجهها العنود منصدمه: ياي هيفاء اخوك جفس,, قفل بوجهي هيفاء: هههههههههه,, حبيبتي اخوي ثقل العنود: والله لاطيحه هيفاء: هههههههههههه,, يله الله يقويك العنود: انتي بس عطيني رقمه وانا اخليه يحبني هيفاء طالعت العنود من فوق لتحت ,,, حلوه وبنت عايله معروفه مره ,,حلو انها تكون زوجه اخوها,,مو مثل هالمشاعل الي ع قوله هيفاء مو من مستواهم هيفاء: هذا موبايلي رقمه فيه خذيه منه تـكملة الجـزء الـثالث والعشـرون .. كان بندر راجع للبيت وتعبان من الدوران ومن التفكير,, طلع غرفته وتمنى ان ساره مو فيه ع شان مو ناقص نصايح وتهديد منها,, حمد ربه انها نايمه ,,, كان يحاول ينام,, لما خطر ع باله فكره تجنن ,, فكره راح تخلي مشاعل زوجته وراح تبعد طلال وساره عنه دق على طول على مشاعل ولقى موبايلها مقفل دق ع ساره ساره صوتها كله نوم: الو بندر: نايمه؟؟ ساره: ايه ايش تبي؟؟؟ بندر: لابس كنت ادق ع مشاعل ابي اقول لها ع الموضوع ومامقفل موبايلها؟؟؟؟ ساره: والله مدري عنها ,,, بكره اروح لها واشوف بندر: اوكي حبيبتي تصبحي ع خير ساره: وانت من اهل الخير 000000000000000000000000000000 0000000000000000000000000 يوم الاربعاء فهده وامها كانوا رايحين يشوفوا روان الي راح يخطبوها لصالح ام فهده : اجل وين البنيه ابطت علينا ام روان: الحين جايه دخلت روان,,وانصدمت فهده لما شافتها ,, مع ان صالح اخوها بس مايستاهل روان ,, كانت نحيفه مرررره وقصيره ونعومه,,, ومؤدبه مره وشكلها تستحي فهده: هلا روان كيفك روان بحيا : الحمدلله ام فهده تتفحصها فهده: تدرسي ياروان روان: ايه فهده: باي سنه روان: بثالث ثانوي فهده: ماشالله وحاولت فهده تسحب الكلام سحب من روان ,, خجلها مو معقول بعد ماطلعوا ام فهده: هذي البنت والا بلاش فهده: والله يماما حسافه ع ولدك جفس ومايعرف يتعامل معاها ام فهده: وجعن يوجعتس هذا اخوتس فهده: اقول يمه غريبه اعجبتك ام فهده: اعجبني حياها وشكلها ماعندها شخصيه,, اسهل علي اصيطر عليها فهده: حرام عليكم ام فهده: اخسي واقطعي بس 000000000000000000000000000000 تعبت ساره من الاتصال ع مشاعل والي كانت موبايلها مقفل ,, ودقت ع البيت مليون مره ومحد يرد,, ,اخيرا جاء الفرج وردت مشاعل ع تلفون البيت ساره: وجع وجع وجع ساعه اتصل مشاعل: كنا ببيت ام مشعل ساره: طيب ليش مقفله موبايلك مشاعل انحرجت: مالي خلق اكلم احد ساره: الحين تروحي تفتحيه,,, بندر يبيك بموضوع ضروري مشاعل: سارونه بكره ملكتنا خليه ياجل مواضيعه لبكره ساره: لا الحين ,, الموضوع الي راح يكلمك فيه يخص ملكتكم ومستقبلكم مشاعل خافت: ايش صار؟؟؟؟ ساره: مقدر اقول لك,,لاني واعده بندر اني اخليه هو الي يقول لك,, الحين بسرعه روحي افتحي موبايلك مشاعل: اوكي باي ساره: باي مشاعل احتارت ايش يبي منها بندر,, وفتحت موبايلها تنتظر مكالمه بندر ,, وجتها رساله, كانت من طلال ,, ترددت تفتحها او لا,, قررت اخيرا انها ماتفتحها ,,, ثواني وسمعت رساله بعد رساله وكانت تطالع الاسم وكل الرسايل كانت من طلال ,, بس هي ماراح تفتحها قررت اخيرا انها تنسى كل شي يتعلق بطلال,, كان ودها تحذف الرسايل,,, بس قلبها ماطاوعها,,, كانت راح تفتحها بس بعد الملكه ,, علشان ماياثر عليها الكلام وتغير قرارها,, تركت الرسائل مافتحتها ,,, تنتظر بندر ,, واخيرا دق بندر بندر: الو مشاعل: هلا بندر بندر: وينك لك وحشه كل مادقيت مقفل موبايلك مشاعل: كنت مشغوله مع اخواني شوي بندر يتصنع الحزن : ميشو ابيك بموضوع ((وبتردد مزيف قال))يخصنا مشاعل خافت: بندر ايش فيه صوتك ,,,, بندر ايش فيك ساكت ايش صاير؟؟ بندر : ميشو انا خايف عليك وع ساره مشاعل: على وعلى ساره؟؟؟ ايش صاير طيحت قلبي بندر: مشاعل طلال قال لي ع كل شي كان بينكم مشاعل انصدمت في نفسها" وربي طلال وقح مايبيني اكون سعيده,, يبي يخرب علي ع شان كذا قال لبندر عشان يحرق قلبه,, ليش يسوي فيني كذا" مشاعل ماكان لها وجه تتكلم لانها كذبت ع بندر بندر: ميشو حبيبتي لاتتوقعي اني زعلان منك انا بس متضايق لانك ماصارحتيني مشاعل منحرجه: بندر انا اسفه بندر: ميشو انتي حره بحياتك وتقدري تلغي الزواج ,, بس الشي الي منتي حره فيه ,,, هو انك ترفضي حمايتي لك, انا راح احميك من طلال وغسان لو فيها ذبحي مشاعل انصدمت ايش جاب طاري غسان الحين وايش عرف بندر بغسان اكيد طلال قال له مشاعل: غسااااااااااااان بندر: ايه غسان ,,, طلال وهو متفقين انهم يدمروا زواجنا وحياتنا,, وجوا عندي يقولوا لي انك تعرفي طلال وانك تحبيه للحين,, ع امل اني اتركك وارفض اني اتزوجك ماعرفوا اني اموت فيك وماقدر اتركك وانا مستعد اتغاضى عن كل اخطائك مشاعل منصدمه شلون طلال قدر يمثل عليها طول هالوقت : بندر ليش طلال سوا كذا بندر: لما سالته ليش يبي يدمر حياتنا وزواجنا ,, قال ان فيه تحدي بينه وبين غسان انه يدمر زواجك ويخلينا ننفصل,, انا قلت له ان حبي لك اكبر من انه يهزه مشاعل مو قادره تستوعب من الصدمه : وايش صار؟؟؟ بندر: لما فقد الامل فيني راح يكلم اختي ساره ,, ويقول لها كلام يعبي راسها علي,, عشان تقنعك تغيرين رايك بالزواج مشاعل: طبعا ساره قفلت بوجهه بندر: للاسف يامشاعل ساره ماقفلت سمعت للاخر وصدقته وكذبتني انا مشاعل منصدمه مرره من حركه ساره,, معقوله تكذب اخوها وتصدق طلال وغسان بندر: وطلال يمثل عليها دور الحبيب الي فقد حبيبته وطبعا ساره لانها تحبك صدقته,, تعرفي ايش قال لها مشاعل: ايش قال؟؟ بندر: قال لها ان علاجك كان ع حسابه هو مو ع حساب المستشفى,,, وانه هو الي ساعد اخوانك بالشركه,, واني كذاب وامثل عليك مشاعل: وطبعا ماصدقته بندر: للاسف ساره صدقته مشاعل: ماصدق ان ساره تصدق هالحقير بندر: للاسف لعب براسها,, ميشو انا مقدر الي انتي فيه ,,, وانا احبك ولاابيك تضيعي من يدي بس اذا كان بعدنا راح يسعدك انا راح ابتعد مشاعل كبر بعينها بندر اكثر ع الرغم من انه عرف علاقتها بطلال الا انه تغاضى عن هالشي وسامحها وهالشي مو غريب عليه لانه سامح اخته ساره قبل,, وهالشي يبين كبر عقل بندر وحكمته,, والاهم حبه لها,, مستحيل تتخلى عنه بعد الي صار,,كان عندها امل بطلال وهذا سبب ترددها بس بعد هالكلام ,, ماراح تتردد,, ولاتفكر مشاعل: لا يابندر ملكتنا الخميس ولاراح يتغير شي بندر فرح مررره وحس ان نص خطته نجحت بندر: طيب ميشو في مشكله كبيره مشاعل بخوف : ايش هي؟؟ بندر: اممممم ,, طلال هددني اني اذا قلت لك ع الكلام راح ينتقم مني ومنك وماراح يتركنا مشاعل: ماهمني هالحقير بندر: مشاعل طلال ذكي ويعرف يشغل مخه,, خلينا نلعب نفس لعبته ونخليه هو الضحيه مو احنا,, وبهالشكل نكون احنا الي انتقمنا منه مشاعل مستغربه: شلون؟؟ بندر: اذا كلمتك ساره وقالت لك ان طلال هو الي سوا لك كل شي من فلوس العمليه الا الشركه قولي لها انك مصدقه بس انتي تفضلين انك تعيشي معاي لانك كرهتي طلال واخترتني انا مشاعل اعجبتها الفكره وكذا ماراح تبين لطلال انها مجروحه,, لكن اذا حسسته انها مصدقه انه سوا هالاشياء عشانها وهي الي تركته راح تحتفظ بشي من كرامتها مشاعل بحقد: لاتشيل هم راح ابين لساره وله اني مصدقه, وانا الي راح ارفضه بندر: الله لايحرمني منك واحبك موووووووووووت مشاعل: اوكي بندر اكلمك بعدين بندر: باي مشاعل: باي قفلت مشاعل وهي حاقده ع طلال من قلبها,,, فتحت رسايله الي كانت ماجلتهم لبعد الملكه "قطوتي بليز افتحي موبايلك" "ميشو بندر يكذب عليك,,, لاتتزوجيه,, لاتنسي الي بينا" "فتحي مخك شوي وربي بندر كذاب ,,, ميشو كلميني افهمك" "ميشو اذا تزوجتي هالحقير راح تندمي" مسحت كل الرسايل ,, وحتى الرسايل الي ماقرتها حذفتها ,,, شلون ماحست بكذبه وخيانته 000000000000000000000000000000 0000000000000000000000000 بندر كان مبسوط لان خطته نجحت بشكل رهيب,, وخلاص ماراح يخاف لامن ساره,, ولا طلال,, الحين يرتاح,,, ولا فيه شي راح يخرب زواجه من مشاعل ولاينكد عليه بندر في نفسه" ههههههه ,, هاه ياطلال الحين انا فزت عليك وبتفوق,, خل حركاتك الي سويتها بالمانيا تنفعك,, الحين مشاعل لي ومو مشكلتي انك مغفل وسلمت لي حبيبتك ,,, انا حبيتها وماراح اتركها,, وماراح اعترف انك انت الي سويتها لها كل شي" سمع صوت الباب ساره: بندر نايم؟؟؟ بندر وهو فرحان: لا تفضلي ساره لما دخلت : غريبه اشوفك مبسوط بندر: شلون مااصير مبسوط وانا تاكدت ان مشاعل تحبني ساره مستغربه: وشلون عرفت؟؟؟ بندر: قلت لها ع كل شي,, وتخيلي رفضت طلال علشاني ساره بنظرات شك: متاكد انك قلت لها بندر: دقي عليها وتاكدي ساره : اوكي راح اروح ادق عليها بندر: مافيه مبروك؟؟؟ ساره: ع ايش؟؟؟ بندر: ملكتي بكره ساره: مو قبل مااتاكد من مشاعل ساره راحت غرفتها ودقت ع مشاعل ساره: هاي ميشو مشاعل : هاي سارونه كيفك؟؟؟ ساره: تمام,,, انتي كيفك؟؟؟؟ مشاعل: الحمدلله ساره: ميشو كلمك بندر؟؟ مشاعل: ايه كلمني ساره بتردد: قال لك ع موضوع طلال مشاعل: ساره اذا تحبيني قفلي هالموضوع ساره: لا ياميشو لازم اعرف ايش قال لك بندر, ميشو ترى طلال يحبك وترى كـ مشاعل: ادري كل شي هو الي سواه لي مو طلال ,, ادري انه هو الي دفع حق المستشفى,, وهو الي دفع الفلوس لاخواني,, بس انا مابيه ساره: بس طــ مشاعل: ساره انتي ماتبيني اتزوج اخوك؟؟؟ يضايقك هالشي ساره : ميشو مو قصدي بس اذا انا اقتنعت بكلامك طلال ايش يقنعه؟؟؟ مشاعل : انا ساره : انتي؟؟؟ مشاعل بعصبيه : انا راح اكلمه واقول له انه ولاشي بالنسبه لي ساره: ميشو ماني فاهمتك كنت تحبيه ايش الي صار؟؟؟ مشاعل: كنت؟؟ وكنت من الماضي,, انا الحين احب بندر ومابقلبي غيره ساره: والله اتمنى لك السعاده اكيد مع اخوي,, بس طلال يحبك مشاعل: اوكي انا راح اكلمه الحين وانهي هالمهزله ساره: اوكي مشاعل: يله باي ساره: باي قفلت ساره وهي مصدومه من كلام مشاعل كانت تموت بالارض الي يمشي عليها طلال والحين لما سوا لها كل هذا تتركه بكل بساطه 000000000000000000000000000000 00000000000000000000000000 كان طلال جالس مع اهله ,, وكان عندهم عمه(ابو بسام) وعمته(ام غاده),,, واولادهم وبناتهم,, وكانوا جالسين مع بعض لان من عادتهم يجلسوا مع بعض ومايتغطوا البنات عن اولاد عمهم غاده: ماما خلص الصيف وانتي توعديني اننا نسافر ام غاده: انشالله راح نسافر لما تبدى الدراسه وتخف الزحمه,, تعرفي الحين كل الناس مسافرين هيفاء: ليش وين راح تروحوا ؟؟؟ ام غاده: انشالله مصر هيفاء: وليش ماتسفروا اوروبا ام غاده: بالعكس مصر تجنن ويكفي انها بلد عربيه ومسلمه نرتاح فيها اكثر طلال: صادقه عمتي,,, مصر مره حلوه ومهما جلست فيها ماتمل ام غاده: هذي الناس الي تفهم بسام(ولد عم طلال): اجل تخاوينا ياطلال لمصر طالع انا والشباب الاسبوع الجاي طلال: لاوالله عندي اشغال بسام: يارجال العمر يخلص والشغل مايخلص طلال دق موبايله وماصدق الرقم رقم مشاعل مو مصدق نفسه,,, قام يركض,, يبي يرد برا,, اكيد ساره قالت لها وهي الحين تدق ع شان نرجع لبعض ام غاده: هو,, ايش فيه طلال مقروص؟؟؟ هيفاء: لا ياعمه يمكن اتصال من المؤسسه ام غاده : اقول هيفاء اجل امك متى سافرت؟؟ هيفاء: امس ام غاده: ومتى راح ترجع هيفاء: والله ماادري بس يمكن بعد شهر ام غاده في نفسها "هالحرمه مخليها رجلها سيدها قيدها" طلال كان طالع من الصاله وطلع برا للحديقه طلال بفرح : الو مشاعل : طلال طلال بفرح كبير: لبيه مشاعل بحقد : شكرا ع كل شي سويته لي شكرا ع العمليه,, والي انت كنت سبب في عماي,, وشكرا ع مساعده اهلي وهذا واجبك بعد الي سويته فيني ,,, وشكرا ع انك قدرت تخليني احدد مشاعري طلال مستغرب من اسلوب مشاعل وبتساؤل: ميشو وضحي كلامك اكثر؟؟؟ مشاعل: طلال انا حددت مشاعري وعرفت مين ابي بعد ماتوضح لي كل شي طلال بفرح : ومايحتاج اسالك عارفك انك راح ترجعي لي بالنهايه,, بس وربي ميشو ماسويت هالشي ع شان ترجعي لي,, وربي سويته لاني كنت خايف عليك واحبك مشاعل: طيب طيب عرفت,, المهم حبيت اقول لك ملكتي بكره ,, وبليز لاتدق ,, ولابي اشوف رقمك,,, لاني اخيرا اكتشفت اني احب بندر رغم كل شي,, رغم كذبه علي انا اموت فيه,, طلال بليز لاتحاول تدمر حياتي يكفي الي سويته قبل وقفلت طلال يطالع الموبايل بصدمه,, رجع يطالع الرقم مو مصدق ان هذي مشاعل,, يمكن وحده ثانيه,, شلون يعني تحب بندر ,,, مشاعل له وتحبه ,, متى حبه بندر,, ليش ,, وكيف؟؟؟ جلس طلال ع الارض يفكر وماسك راسه" ليش دخلت بندر حياه مشاعل,, معقوله الحين تحبه,, بس واضح انه قال لها عن كل شي ,, واضح انه علمها اني انا الي سويت لها كل شي,, ومع كذا ميشو تبي تتزوجه يعني مو رد للجميل زي ماكنت احسب,, طيب لما كنا بالمانيا قالت لي احبك,, شلون,, ليش ياميشو ,, ميشو انا احبك,, شلون تختار الكذاب وتترك الي يحبها والي كان صادق معاها,,, معقوله ميشو راح تتزوج بكره ,,, راح تكون لبندر,, وانا؟؟؟ " لما قال كلمه انا رجعت ملايين الذكريات الحلوه والمره ع باله,,, ايش سوا هو لمشاعل ,, ترك غسان يتحكم فيه,,, والحين بندر راح ياخذها منه لازم يتصرف ويسوي شي,,, بس ايش راح يسوي ,, يقتل بندر ؟؟؟ لا مستحيل يضره لان مشاعل تحبه,, معقوله يستسلم ويتركها لااااا,, خاف من هالفكره ان مشاعل تكون لغيره,, حس ببرد يقتله,, اخذ موبايله ودق ع ساره ساره : الو طلال : ساره الحقيني مشاعل ماتبيني ,, مشاعل راح تتزوج بندر ساره بحزن: طلال ادري هي قالت لي,, وهي تدري بعد انك انت الي سويت لها كل شي,, ومع كذا ماتبيك,, هي تقول انها كرهتك بعد الي سويته فيها طلال يصارخ : لالا ساره الله يخليك لاتقولي كذا لازم تساعديني,, ساره راح انجن ,, راح اموت,, تصرفي ساره,, وقفي هالزواج باي شكل وقف عن الكلام لما اجتاحته نوبه بكاء حااااااااااااااااااده ,, وصار مثل الطفل يبكي وساره تحاول تهدي فيه ساره: طلال بس,, طلال انت رجال وعيب تبكي طلال: ليش ما ابكي وميشو راح تتزوج وتتركني,,, ساره احس ببرد ياكلني اكل ,, احس اني وحيد ,, ساره الله يخليك خليك معاي اوقفي معاي ,, ((ورجع يبكي بكاء اليم وبصوت مبحوح) قولي لها لاتتزوج,,, قولي لها ,, قولي لها ساره صارت تبكي ع طلال: طلال مقدر اسوي شي ومقدر اجبرها ع شي,, طلال خلاص هد نفسك طلال يصارخ: ايش سويت لها ع شان تتركني ساره: طلال ساعات مانقدر نتحكم بمشاعرنا ,, يمكن مشاعل بدون ماتحس حبت بندر طلال: الله ياخذه والله ياخذ الي عرفها عليه رجع يبكي بكاء حاااااااااااااااااااااد وانسدح ع ارض الحديقه: ساره ابي اموت ساره: تعوذ من الشيطان وروح توضى ولاتضيق صدرك طلال: اعوذ بالله من ابليس قام وكمل كلامه: ساره الله يخليك طلب واحد مافيه غيره ساره: امر طلال: بكره لما تروحوا لبيت ميشو ع شان الملكه كلميني بليز ابي اسمع صوتها (وحاول يكتم عبرته وبهمس قال ) لاخر مره قفل منها وتوجه للبيت وفتح الباب وبدون مايدخل طلال يصارخ : لمياء لمياء لمياء جت تركض خافت من صراخ طلال: هلا طلـ سكتت لما شافت وجه طلال طلال ظمها بقوه وبكىىىىىىىىىى بحظنها ,,, وبكت لمياء على طول معاه,,, كان طلال يبكي باعلى صوت يقدر عليه,,, كان صراخ اكثر من انه بكى,,, لدرجه ان كل الي جوا سمعوه وطلعوا يشوفوا ايش فيه نزل طلال عند رجول لمياء وحظن رجولها وتكلم بصعوبه لان انفاسه ماتساعده من كثر البكاء طلال : لمياء ميشو راح تتزوج بكره لمياء: بسم الله عليك قوم,,, قوم نروح غرفتك,, قوم طلال ,, قوم طلال يصارخ : لاااااااااااااا,, ابيها يالمياء ابيها هنا وصل عمه وعمته وعيالهم ام غاده بخوف : طلال حبيبي ايش فيك لمياء: مافيه شي بس هو تعبان شوي((تكلم طلال))طلال تعال نروح غرفتك طاعها طلال وكان يمشي بصعوبه,, حس ان قواه خارت وتفكيره انشل,, كان دايما عنده حلول لمشاكل الناس ومشاكل الشغل ,, والكل الناس يحسدوه ع تفكيره السليم وصفاء ذهنه,, وهذا لي قهره انه مو قادر يركز ع مشكلته ولا يعرف شلون يحلها وصل غرفته مع لمياء,, دخلته لغرفه النوم,, وانسدح ع السرير طالع الجدار,,, التفت ع المخده الي جنبه وتخيل مشاعل نايمه جنبه,,, رجع يبكي بكاء مايقل عن الي قبله لمياء صارت تبكي معاه: طلال مشاعل مو اخر ولا اول بنت بالدنيا,, خلاص انساها طلال يصرخ: لاااااا ,, انتي تطلبي مني المستحيل,,,وينك ياميشو لاتتركيني لمياء راحت تركض تجيب له بندول نايت ,, يمكن يهديه شوي,, ويخليه ينام بعد مااخذه ,, حظن لمياء وبكى بكى لحد ماحس ان راسه راح ينفجر ونام 000000000000000000000000000000 0000000000000000000000000 يوم الخميس كانت مشاعل لابسه احلى لبس عندها وميك ابها كان خطيرررررر ,,, الا الكحل ماحطت لان الدكتور منعها منه لمده شهر طلال كان نايم بندر كان متكشخ ولابس البشت بندر: يله ماما جاهزين ام بندر: ايه حبيبي بندر: يله انا استناكم بالسياره ام بندر: اوكي اروح انادي ساره طلع بندر بالسياره ودقايق وركب ابوه وامه وساره,, وكانوا طول الطريق هادين 000000000000000000000000000000 0000000000000000000000000 ام مشعل: هاه حبيبتي خلصتي مشاعل تتصنع الفرح: ايه ماما خلصت ام مشعل نزلت دمعتها: والله وجاء اليوم الي اشوفك عروس مشاعل تبتسم: لسى ماصرت عروس,,, تونا ملكه ام مشعل: والملكه مو زواج,, لاحبيبتي بعد الملكه انتي تعتبري زوجه بندر رنه هالكلمه باذان مشاعل زوجه بندر,,, كانت تتمنى تتزوج بس الاسم ماكان بندر تتمنى تكون زوجه طلال ,, بس تجري الرياح بما لاتشتهي السفن طالعت موبايلها كان فيه 23 اتصال من طلال,, استغربت متى اتصل صار لها خمس دقايق عند الموبايل محد دق لحق يتصل كل هالاتصالات بخمس دقايق طنشت ونزلت تحت كانت ساره وام بندر بصاله جالسين,, اما بندر وسعود ومشعل والشيخ بالمجلس ساره وهي بالصاله كانت تكلم طلال بهمس ع شان ماتسمعها امها و ام مشعل ساره : طلال كيف راح تسمع صوتها طلال وهو يمسح دموعه: تكلمي معاها ويكفيني اسمع صوتها تسولف معاك ساره: اوكي هذي هي نزلت نزلت مشاعل للصاله,, وسلمت عليهم ام ساره: الله ياميشو ايش هالحلاوه؟؟ مشاعل نزلت راسها وابتسمت ساره: كيفك ميشو؟؟ مشاعل: الحمدلله طلال لما سمع صوت مشاعل رجع يبكي ,, كان المفروض تكون معاه ,, والحين دقايق وراح تصير زوجه بندر قفل ماقدر يتحمل اكثر ,, ساره كان قلبها يتقطع عليه,, واستغربت برود مشاعل مشعل من ورا الباب: مشاعل مشاعل: هلا مشعل: تعالي مشاعل تطالع ساره,, خلاص اكيد الشيخ يبي يزوجهم ,,, بدون ماتعطي نفسها فرصه تفكر,, بسرعه راحت لمشعل مشاعل: هلا مشعل مشعل: تعالي الشيخ يبي يسالك مشاعل: طيب بروح اجيب عبايتي مشعل: لا مايحتاج حيسالك من راء الباب 000000000000000000000000000000 00000000000000000000000000 عند الحريم طلال رجع يدق ع ساره ساره: طلال خلاص لاتذبح نفسك وربي هي ماهتمت طلال: ساره قولي لي تزوجت والا لا؟؟؟ ساره: ايه طلال: ايش عرفك؟؟؟ ساره: راحت توقع الشيخ ناداها طلال: لاااااااااااااااااا,حرام ياساره والله حرام ساره: طلال هذا الي الله كاتبه ,, خلاص ياطلال انساها طلال يبكي: ساره قولي له لايحكي معاها الغيره راح تذبحني ,, قولي له لايلمسها الله يخليك,, قولي له لايطالعها ,, قولي له انها لي,, حبيبتي وقفل الخط ورجع يبكي بكى ينفطر له اي قلب 000000000000000000000000000000 0000000000000000000000000 مشاعل راحت مع مشعل عند باب المجلس,,, ومن ورا الباب مشعل: ياشيخ العروس عند الباب الشيخ: بسم الله وراح من وراء الباب الشيخ: انتي العروس؟؟؟ مشاعل: ايه الشيخ: ايش اسمك؟؟؟ مشاعل: مشاعل الـــ... الشيخ: طيب بندر الـ.. يبي يتزوجك ع سنه الله ورسوله موافقه وبرضاك مشاعل كانت متردده وخايفه و تبي تقول لا,, بس قررت انها توافق هالحل الي راح يريحها من كل شي ,, وحرام بندر مايستاهل,, وايش تنتظر ان طلال يحطمها زياده ,, محد يقدر يحميها من مشاعرها لطلال الا بندر ,, استسلمت وقالت مشاعل : موافقه ياشيخ ((هذي الكلمه الي قالتها مشاعل للشيخ دليل ع موافقتها ع الزواج ببندر الشيخ يكلم مشعل: عطها توقع هنا مشعل : ابشر مشعل رجع عند مشاعل: ميشو حبيبي وقعي هنا مشاعل: وليش التوقيع؟؟؟ مشعل: ع شان تصيري زوجه بندر ع سنه الله ورسوله ,, وهذي من شروط العقد مشاعل تطرد منها كل خوف: عطني القلم عطاها القلم مشاعل مسكت القلم: مشعل قول لي وين اوقع مشعل: هنا سعود كان يركض وراء مشعل : وين طالع مشعل استنى؟؟؟ مشعل: بروح أأدبها الحيوانه,,, وانا اقول هالطلال نظراته مو طبيعيه ,,, الحين اعلمها شلون الادب ع شان تحرم طلال واي زفت تكلمه سعود: مشعل استنى بالتفاهم مشعل وصل عند باب مشاعل وهذا الي كانت خايفه منه سمعت صوت صراخ قرب من غرفتها ,, هذا مشعل اكيد يبي يضربها مشعل كان يطق الباب باقوى ما عنده : افتحي يامشاعل ,, افتحي الباب لاكسره مشاعل ماتت خوف وقررت انها تسكت يمكن يفقد الامل ويروح مشعل: قسم بالله اذا مافتحي لاكسر الباب سعود: هد نفسك يابن الحلال خلنا نتفاهم معاها مشعل: مافيه تفاهم مع هالحقيره ام مشعل اخيرا وصلت لهم: مشعل الله يهديك خلاص ,,, اتركها الي فيها مكفيها مشعل: الي فيها مكفيها ولا جالسه تكلم طلال الكلب ام مشعل: ايش طلال هذا بعد مشاعل لما سمعت اسم طلال انجنت ,,, ايش عرف مشعل بطلال,,, معقوله بندر حقير لهدرجه وفضحها,,, اذا هو الي قال لاخوانها فهو احقر انسان ع وجه الارض ,,, والحمدلله انها رفضته سعود: يابن الحلال انت تصدق بندر ,,, اصلا هو مقهور لان مشاعل رفضته وحب ينتقم منها وهذا انت يالخبل صدقته صوت مشعل اختفى ,, شكله اقتنع بكلام سعود ورجع غرفته,, بس كلها ثواني ورجع معاه الرساله حقت مشاعل مشعل: مقهور هاه,, اقرى اختك ايش كاتبه,, كنت ساكت ع امل ان الاخلاق تجيب نتيجه معاها سعود يقرا الرساله وهو مصدوم: ايش هالكلام؟؟؟ ايش معناه؟؟؟ مشعل: الاخت قبل تنتحر كتبت رساله وداع لصاحبتها ساره,, وطبعا واضح ان سبب انتحارها كان طلال سعود مررره مصدوم ,, طول ماهم بالمانيا كانت مشاعل تكذب عليه هي وطلال,, كانوا يمثلوا البراءه وهم مع بعض,,, راح تفكير سعود لما كانوا باللعبه وكيف طلال اصر انهم يركبوا اللعبه,, ونزل ع شان يكون لوحده مع مشاعل,, وكيف انهم جلسوا فتره يدوروا عليهم ,,, ابد ماتوقع من مشاعل هالحركه مشعل رجع حاول يكسر الباب مشاعل ميته خوف,,, سمعتهم يتكلمو عن الرساله ,,, خلاص كل شي انفضح,,, ولازم تواجههم 000000000000000000000000000000 0000000000000000000000000 في سياره بندر بعد ماقال ابو بندر لام بندر وساره الموضوع كله ساره جواها كانت حزينه ع اخوها ,, بس شعور الفرح كان يغلب ع الحزن لان مشاعل اخيرا اكتشفت ان طلال صادق,, بس متى وكيف عرفت؟؟؟ على طول ارسل لطلال رساله " مبروك عليك مشاعل,, الله يوفقكم" بندر: ساره انسي ان عندك خويه اسمها مشاعل ساره عصبت: لا والله ع شان رفضتك خلاص اتركها,, لاحبيبي هذي صاحبتي من زمان ابو بندر: والله لو اعرف ان بينكم اي اتصال لامنعك من الطلعه واخذ موبايلك,,بعد مابقى الا هذي تروحي لوحده خربانه,, واهلها مايعرفوا يربوا بناتهم ساره منصدمه من الكلام:خربانه؟؟؟ ايش هالكلام يابابا ابو بندر: طلعت تعرف واحد اسمه طلال ع شان كذا رفضت بندر ساره مقهوره اكيد هذا بندر الي قال لهم: وايش عرفك ؟؟؟؟ ابو بندر: هي اعترفت لبندر ساره تبي تنتقم لمشاعل: واذا ولدك فيه خير ليش يتزوج وحده خربانه الكلمه هذي سكتت الكل,, كانوا طول الطريق ساكتين وصلوا اخيرا للبيت نزلوا كلهم الا بندر ,, كان يفكر وحاقد ع طلال الي اخذ منه حبه الاول والاخير مشاعل,, وهو انتقم من مشاعل واكيد انها الحين تعاني مع اخوانها,, بس الدور ع طلال,, شغل سيارته واتجهه لبيت طلال 000000000000000000000000000000 0000000000000000000000000 في بيت طلال كانت حاله طلال يبكي لها الصديق والعدو,,, كان عازل نفسه بغرفته,, يتذكر مشاعل باول مره شافها وكيف اهانها ,, وكيف كانت واقفه عند سيارته بكل براءه,,, غمض عيونه واستسلم للبكاء والدموع طلال:ااااه يالقهر,, اكيد الحين مشاعل زوجه بندر ,, اكيد جالسه معاه,, اكيد يطالعها.,, ويحكي معاها,,, الحين تتذكرني والا نستني,, مبسوطه وهي جنب بندر والا حزينه,,, اكيد يطالعها وهي تطالعه,, اكيد قال لها احبك كان عايش بحسرته والمه وحزنه ,, سمع صوت رساله,, قام ع امل ان الرساله تكون من ساره وتقول فيها ان مشاعل رفضت بندر فتح الرساله وفعلا كانت من ساره ,, كان خايف من الي مكتوب " مبروك عليك مشاعل,, الله يوفقكم" مااااااااااااات قهر وحسره اكيد كانت راح ترسل المسج لبندر اخوها وغلطت,,, خلاص مشاعل تزوجت, بكىىىىىىىىىىى ,,, وخطر ع باله غسان,, هو سبب حزنه والمه,,, ياليته يروح يقتله ويرتاح راح غرفه الجلوس وطاحت يده ع ورقه كانت مطويه فتحها ,,وكانت صورته الي رسمتها مشاعل ,, حن لمشاعل اكثر ,, رمى الصوره ووراها رمى الطاوله والتحف الي عليها ,,, والكنبات ,, حتى التيلفزيون ماسلم من يده,, بدى يكسر ويخرب ,,, يمكن يهدا شوي,, كان يرمي كل شي تطيح عينه عليه,,, وصرخ من الالم ,, كان الم بقلبه,,, الم يمنعه من السعاده,, جرح ينزف,,, حلم ضايع,, خيبه امل,,, هذي كانت حاله طلال 000000000000000000000000000000 0000000000000000000000000 مشاعل قررت تواجههم ,, صح ان مشعل كان معصب لابعد الحدود,, بس كانت تبي تنهي هالموضوع للابد طلعت من غرفتها ,, كانت يد مشعل اول شي يستقبلها,, اول مره احد يمد يده عليها,, كيف تجرا ,,, لو كان ابوها عايش , لو كانت امها عايشه,, يمكن ماسمحوا لهالشي يصير,,, كان سعود يحاول يمنع يد مشعل ,, ولكن فيه ضربات توصل لمشاعل وضربات يوقفها سعود مشعل وهو معصب : كيف عرفتي طلال ياحيوانه كيف؟؟؟ مشاعل في نفسها"طلال طلال طلال دايما طلال هو السبب بكل مشاكلي" استسلمت لضرب مشعل ع امل ان هالشي يهديه,,, والكل كان يامرها تدخل غرفتها ,, لما يهدا مشعل ماسمعت اي كلام ,,, نزلت تحت وكان مشعل يلحقها,,, طلعت برا الفله, واتجهت لبيت ام سلطان مشاعل تصارخ: خلاص انا هذا بيتي وماراح تشوف وجهي اذا هالشي يرضيك مشعل: وعلى بالك اخليك تسكني مع هالحقيره ,, علشان تاخذي راحتك ع الاخر مع طلال مشاعل تبكي : مشعل انت لما سالتني عن طلال ماانكرت,, وقلت لك الحقيقه, بس وربي الحين مايربطني به اي شي مشعل: وسفرته معاك المانيا؟؟؟ مشاعل انصدمت كيف مشعل قدر يعرف ان طلال هو نفسه الي شافه بالمطار : وربي ماكنت اعرف انه راح يكون هناك مشعل: لاياشيخه,, علي انا , هاتي موبايلك مشاعل : لاتخاف مااخذته معاي,,, تلقاه بالغرفه مشعل: والله لو ادري انك طلعتي من البيت لاحش رجولك حش سعود: خلاص مشعل انا راح اتفاهم معاها,,انت اطلع من الموضوع مشعل رجع للبيت معصب وقافله معاه,,, راح يدور ع موبايل مشاعل 000000000000000000000000000000 0000000000000000000000000 بندر توجه لبيت طلال ,, يبي ينتقم منه,, بس مو عارف شلون,, احسن طريقه انها ينتقم منه عن طريق ابوه نزل للبوابه بندر: السلام عليكم البواب: عليكم السلام بندر: لو سمحت ابو طلال موجود؟؟؟ البواب: من نقول له بندر: بندر ,, وقول له اني ابيه بموضوع ضروري يخص شخص يعز عليه البواب: ابشر راح يسال ويتاكد ويستذأن من ابو طلال,,, وطبعا هو سمح لهم يدخلوه ,,, كان يبي يعرف مين هالانسان الغريب الغامض بعد مادخل استقبله ابو طلال بالحديقه ابو طلال: هلا ولدي مين انت؟؟؟ بندر يبتسم: انا واحد فاعل خير وخايف ع طلال ابو طلال زاد استغرابه وتساؤله: طلال؟؟؟ليش ايش فيه طلال؟؟؟ بندر: بصراحه ولدك مفتون ببنت,, وهي طامعه بفلوسه ابو طلال: طيب بندر: طلال صار مثل المسحور بها,,, لدرجه انها تطلب منه اي طلب وينفذه,,, يمكن انت مستغرب ليش رجع من امريكا وماادار مؤسستكم الي بامريكا ابو طلال: ممكن تتكلم بوضوح لاني ماحب الالغاز بندر: صدقني اني منحرج اني اقول لك هالكلام بس من كثر ماعز طلال مابي احد يضره ابوطلال: يا انك تتكلم بوضوح او ارجع من مكان ماجيت بندر: طلال رجع من امريكا لانها اامرته انه يرجع ابو طلال بلهجه حاده: ولدي محد يامره بندر: للاسف مشاعل تتحكم فيه وكانها خاتم باصبعها,,, وياليت الموضوع ع كذا وبس,,, انا خايف ان طلال يخسركم كل ماتملكون يابو طلال ,,, طلال خلاص مفتون باهالبنت لدرجه انه لما عرف ان شركتهم راح تنهار ,,, اشترى نصها مع انه عارف انها خساره كبيره له ,,, ومو بس كذا حمل نفسه كل الديون الي ع الشركه والي تزيد عن 15 مليون طلال يابو طلال ,, دفع 15 مليون لها ع شان شركتهم المنهاره ,,, وانا خايف انها تلعب عليه اكثر ,, لازم توقفهم عند حدهم وتنهي هالعلاقه ابو طلال منصدم: وانت ايش عرفك بهالكلام؟؟؟ بندر: انا صاحبه,,, ومادوي يخسر كل ماعنده ع شان وحده ماتسوي ابو طلال: لو اعرف ان كلامك كل كذب راح تندم بندر طلع بطاقته وورى ابو طلال اسمه وكل المعلومات ع شان يتاكد انه مو خايف وانه صادق ابو طلال انجن وعصب ع طلال ,,, معقوله ولده العاقل يسوي كذا ,, الي يعتمد على الله ثم عليه,, كان ينبهر بذكاء ولده وفطنته,,, معقوله بنت تقدر تلعب عليه,, كان معصب مره واتجه لغرفه المكتب وسواء اتصال يعرف به كم طلال سحب هالشهرين وانصدم بالرقم الي سمعه والي ياكد كلام بندر,, في ظرف شهرين سحب 16 مليون ,,, معقوله طلال ابو طلال عصب من طلال وراح لغرفته يبي يواجهه 000000000000000000000000000000 0000000000000000000000000 بندر حس ان انتقامه انتهى ,, والحين بس حس بالراحه 000000000000000000000000000000 0000000000000000000000000 مشاعل كانت بغرفتها تبكي ع الي صار وع طلال الي من عرفته وهي ماتشوف الى المشاكل دخل عليها فهد فهد: ميشو ليش تبكي,,, علشانك تزوجتي؟؟؟ مشاعل تحاول تبتسم : لا حبيبي ماتزوجت فهد: ليش مو زوجك جاء اليوم؟؟ مشاعل: مو زوجي,,, انا خلاص قررت قرار اني ماراح اتزوج ابد فهد يبتسم: يعني خلاص ماراح تتركينا ,, ميشو كنا نبكي انا وفيصل وسلطان امس لانك راح تتركينا وتتزوجي وامي راح تضربنا مشاعل حست بتأنيب الضمير كيف كانت راح تتزوج وتتركهم,,كانت انانيه وتفكر بنفسها مشاعل: اوعدك ماتزوج ابد وراح اكون معاكم دايما 000000000000000000000000000000 0000000000000000000000000 مشعل كان يقلب بالرسايل بموبايل مشاعل وانصدم بالرسايل الي قراها كانت من طلال,, مشاعل تجاهلتها مثل كل رسايل طلال والي ماتحضى من مشاعل الا بالحذف اوالتطنيش كانت الرسايل تقول "ميشو حبيبتي لايخدعك بندر بنصيبه من الشركه,, انا الي اشتريت نصيب ابو سليمان ,, لايحسسك بانك مدينه له بشي" الرساله الثانيه "اذا مو مصدقيتني اسالي اخوانك عن اوراق الشركه,, واعرفي هي مسجله باسم مين" الرساله الثالثه " ميشو لاتتزوجي بندر لانه مايستاهلك,, ميشو المفروض احنا الي نكون مع بعض ,, انتي زوجتي وحبيبتي" الرساله الرابعه " فكري زين مو معقوله واحد طبيعي يدفع ملايين ع شان ينقذ شركه منهاره الا لانه يحبك وبجنون ,, احبك" كان مشعل شبه منهار,, مصدوم ومو مصدق,, ايش هالاشيا ءالي كل شوي تطلع ,, حقايق تطلع وبعدين يطلع شي يكذبها,, حب يتحول لغش,,, كذب يتحول لصدق,,, خيانه تتحول لاخلاص كان حاقد ع طلال بشكل مو طبيعي ,, بس الحين هو منصدم من تصرفاته,, بس الي تاكد منه ان كل حقده وكرهه انصب ع بندر,, بس لازم يتاكد من الاوراق ايش هالغباء الي يملكه ,,لدرجه انه ماشاف الاوراق الي تثبت ملكيه بندر لنص الشركه طلع يركض يدور ع سعود مشعل : سعود سعوووووووووووووووووود سعود : ايش فيك تصارخ مشعل: تعالي معاي للشركه سعود منصدم: الحين؟؟؟ مشعل: سعود انت شفت الاوراق الي تخص ملكيته بندر لنص الشركه سعود: لا ع حسب علمي انها معاك مشعل: لا مو معاي سعود: غريبه بندر كان يقول لي انها معاك؟؟؟ مشعل: كذاب ولا عمري سالت عنها سعود: ايش قصده بهالحركه مشعل: تعالي بسرعه ع الشركه لما كانوا بالسياره مشعل شرح لسعود موضوع الرسايل,,وماقدروا يفسروا تصرف طلال,, مو معقوله يكون ع شان مشاعل اكيد له غرض كبير 000000000000000000000000000000 Edited مايو 23, 2007 by عاشقة القماح Quote Link to comment Share on other sites More sharing options...
غصون المحبة Posted مايو 23, 2007 Report Share Posted مايو 23, 2007 مشكووووورة على الباارت الطويل الحلووووو بلييزززززززز ننتظر تكمله لان ابي اعرف شنو مصير طلال ومشاعل او بندر ساره كل شي شنو راح يسوي ابو طلال حق طلال Quote Link to comment Share on other sites More sharing options...
&&Nice girl&& Posted مايو 23, 2007 Report Share Posted مايو 23, 2007 مشكوورة Quote Link to comment Share on other sites More sharing options...
بنت الأصول Posted مايو 23, 2007 Report Share Posted مايو 23, 2007 ريحتي قلبي ييوم نزلتي هالاجزااااااء بلييييييييز نزلي لنا اكثر بعد ننتظر ومشكووووووووره Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.