حشمه Posted يوليو 9, 2007 Report Share Posted يوليو 9, 2007 السلام عليكم الموضوع اللي يايبته من واقع شفته واتوقع الكل شافه ومر عليه اعطيكم المقدمه اللي صارت لي مره من المرات دخلت بنكي هذا اللي تشوفونه ( حشمه ) روم من الرومات الموجوده في البالتوك وكانت طبعا روم مو بحرينيه.. قالي واحد وبكل سخريه.. حشمه؟؟ ومن البحرين؟؟ ما اظن في بنات محتشمات في البحرين حزت في نفسي هذه الكلمه كثير يمكن اهو قاعد يجسد واقع شافه فيني انا وانا مالي ذنب وحطيت الف وحه ووحده مكاني جمعت الافكار السوه كلها اللي في بالهم وركزتها على بنات البحرين!! سألت نفسي ليش؟ صحيح في فئه تستحق هذا الكلام بس مو الكل كل الخليج تقريبا يتلكم عن البحرين وعن الفساد اللي فيها وعن بنات البحرين وحاطين على ديرتنا حطه ما اختلف ان هناك فئه تستحق هذا الكلام لكن وش رايكم انتوا في اللي يصير وينقال في ديرتكم؟؟ وليش اهل الخليج يخلون البحرين كمستقر لهم في الاجازات؟ ممكن يجون للسياحه والترفيه بس هناك فئه اتيي للخراب والفساد يمكن يعتبرونها دوله غير مقيده بالقيود اللي متكبله فيها السعوديه مثلا!! من الملام؟؟ الدوله او الشعب او الزوار؟؟ وهل اللي قاعد يصير في البحرين فعلا اكبر بكثير من اللي يصير في دول الخليج؟؟ وشنو اللي نقدر نسويه علشان نثبت العكس للي ماخذين فكره خاطئه عن البحرين وبناتها؟؟ احس ان المووضوع كبير في مضمونه بس افكاري مو قادره ترتبه في فكره مختصره ياريت اشوف مشاركاتكم وعساكم على القوه Quote Link to comment Share on other sites More sharing options...
SAYA Posted يوليو 9, 2007 Report Share Posted يوليو 9, 2007 عليكم السلام ورحمة الله وبركاته مشكورة اختي حشمة على الموضوع...وانا افكر في هالسالفة وايد لكن اللي اشوفه ان احنا اغلبنا متحجبات ومحتشمات لكن مثل ما قلتي في فئة تستحق هالكلام يعني الصراحة لما اروح السيف واشوف الدمار اللي هناك استغرب...ما ادري شيصير فيهم البنات لما يروحون هناك وانا الصراحة ما يرضيني هالكلام اللي يقولونه عن ديرتنا وعنا... واصلاً مو من حقهم يعممون على الكل وبعدين ترا الحشمة مو بس في الثياب حتى في الاخلاق والتصرفات وبالنسبة لكثرة زيارات اهل الخليج للبحرين فيمكن فعلا بسبب قلة القيود فيها من الملام؟؟ الدوله او الشعب او الزوار؟؟ ما اعتقد ان لازم نلوم الدولة على هالشي الا بالعكس وايد زين ان دولتنا ما تفرض علينا قيود مثل باقي الدول لأنها تعتبر سلاح ذو حدين وما لازم نلوم الزوار لان ما لهم دخل في اللي يصير في الديرة لكن المشكلة في الشعب نفسه في الأهل المفروض انهم يوعون بناتهم ويقوون إيمانهم من يوم وهو صغار لان اذا كبروا بكون صعب السيطر عليهم والمشكلة الأكبر ان الحين اغلب البنات صاروا يتأثرون بالاعلام وبالممثلات والمطربات وهل اللي قاعد يصير في البحرين فعلا اكبر بكثير من اللي يصير في دول الخليج؟؟ والله ما ادري عن باقي دول الخليج...بس يمكن لأن على ما اعتقد اغلب دول الخليج تفرض قيود على بناتها وشنو اللي نقدر نسويه علشان نثبت العكس للي ماخذين فكره خاطئه عن البحرين وبناتها؟؟ اعتقد ان هالمشكلة كبيرة وما لها حل لأنه شي يتعلق بالافكار والافكار عادة تتكون من أول انطباع والانسان صعب يغير افكاره وانطباعاته...على العموم احنا المفروض نهتم بديرتنا مو بكلام الناس لان كل ديرة فيها مشاكلها الخاصة ومو من حق أي أحد ان يعلق أو ينتقد ديرة ثانية بس الموضوع فعلا كبير ومهم ويستحق النقاش قبل ما تزيد هالفئة من البنات Quote Link to comment Share on other sites More sharing options...
حشمه Posted يوليو 9, 2007 Author Report Share Posted يوليو 9, 2007 تسلمين الشيخه على تعليقج المشكله الحين مو بس في البنات المشكله صارت باللي قاعد يصير في البحرين بشكل عام من فساد اجتماعي وعري علني وتسيب الفاسقات واهل الفجور في الشوارع والمشكله انهم من اهل البلد نفسه يعطكم العافيه واتمنى اشوف نقاش اكثر حول هذا الموضوع Quote Link to comment Share on other sites More sharing options...
سندرا Posted يوليو 9, 2007 Report Share Posted يوليو 9, 2007 البحرين ماصارت خرباانه الا من الاجانب اللي اييونها ناس طالعه وناس داشه يسلمووو Quote Link to comment Share on other sites More sharing options...
Minnie mouse Posted يوليو 9, 2007 Report Share Posted يوليو 9, 2007 حشمووووووووو يالدبه انا Raw3at elba7rain المهم خيتوووو ترى مو بس ديرتنا الي فيها الدمار والناس المب عدله ترى كل ديره وفيها خرابها.. وماعليج منهم الي حاطين ع البحرين هذي لانهم منقهرين ليش الدول الباقي تحبنا.. وتسلمين خيتووو ع الموضوووع ياقلبي Quote Link to comment Share on other sites More sharing options...
بحرينيه_99 Posted يوليو 9, 2007 Report Share Posted يوليو 9, 2007 اولا مشكورة اختي .. انا معاج اختي انه في ناس تخرب عله ناســ .. وكل مكان فيه الزين وفيه الشين وماعليج من كلامهم خليني ساكتة بس حاطين علينه احنه مايجوفون البنات مال دول الخليج الي غيرنا كلهم من تحت لي تحت لا وحاطين علينا واهم الخراب كله عندهم ومثل ماقلت لج كل مكان فيه الزين وفيه الشين والدول الخليج الباقيه اخس من البنات الي مو زينات الي عندنا وانه الصراحه ما اهتم في هالناس من هالنووع لانهم مايجوفون روحهم ويتجحووون .. الله يهدي الكل ان شاء الله Quote Link to comment Share on other sites More sharing options...
ملاك القلب Posted يوليو 10, 2007 Report Share Posted يوليو 10, 2007 اول شي مشكوورة على الموضوع ،، وهذا الموضوع تكلمنا فيه وايد ، وصرنا علووج بحلووج الدول الخليجية ،، يمكن اهم أسبابه : 1.التربية الفاسدة يعني الاهل مايدرون عن بنتهم وين تروح وين تطلع ومع من ،، 2. بنات السوء الي وايد منتشرين ،، 3. الفقر واهوا السبب الرئيسي عند اغلب البنات الي يخليهم يسوون هذي التصرفات المقلة بالاداب يعني اللحين مثل ماتشوفون بعض البنات الي تبي قطري والي تبي اماراتي لأنهم اغنياء ويستغلونهم بفلوسهم ، وطبعا هذا من قلة الواازع الديني ،، 4. الدولة لازم تراقب هذي التصرفات الي صايرة بالبلد ويشددون بالدوريات خصوصا نص الليالي ،، والله يهدي الجميع ،، Quote Link to comment Share on other sites More sharing options...
سـاروه و الـزمـن طـويـل Posted يوليو 10, 2007 Report Share Posted يوليو 10, 2007 أولـ شـي يـعـطيـج العافيـهـ عـزيـزتـي عـلـىى هالمـوضـوع .. !! صراحـهـ آنـا ضـد الكـلامـ إلـي يقـال عـن البحـرين وبنـات البحـرين .. مـو لأنـي بحـرينيـهـ ولـكـن هـاي الواقـع .. يـعـنـي الحـين الخـراب والدمـار إنحصـر علـى البحـرين وبناتـهـا فقـط .. متـنـاسيـن المشـاكل إلـي تصيـر فـي بـاقـي الـدول الخـليجـيــهـ بـدون ذكـر الأسـامـي .. وبالأخـص مشـاكل البلـوتـوث والقـصص إلـي تمـس الشـرف .. مشكلــهـ النـاس إلـي يتكلمـون عـن عيـوب غيـرهـمـ ومايجـوفـون عيـوبهـم .. آنـا مـانـكـر إنــهـ مملكتنـا فـيـهـا فـسـق نـوعـاً مـا .. بـس هـاي مـو معناتـهـ إنـهـ مـاعنـدنـا بنـات متحشمـات .. بالعكـس آنـا إلـي آجـوفـهـ إنـهـ إحنـا مـن الـدول الخليجيـهـ إلـي محافظـهـ عـلىى عـاداتهـا وتـقـاليدهـا .. وإذا علـىى طـاري السعوديـهـ مـع إحتـرامـي لـهـم صراحـه علـى الرغـم مـن إنـهـم دولـهـ متشـدده مـن ناحيــت اللبـس وغيـرهـ .. ولكـنـهـا لا تخلـوا مـن المشـأاأكـل إلـي تخـص السمـعـهـ وتخـص الشـرف .. بختصـار مـافـي دولـهـ ماتعـانـي مـن هالفـسـق والدمـار .. والسمـوحـهـ .. !! Quote Link to comment Share on other sites More sharing options...
قلب الدنيا Posted يوليو 10, 2007 Report Share Posted يوليو 10, 2007 (edited) فئة فاسدة و خربانة تأثر على سمعة بنات ديرة كاملة و هالفئة الي تتكلم على بنات البحرين مالها منطق و متخلفة لأن ما تدري ان بكل ديرة لابد من وجود الزين و الشين بلا هالحكم الاعدام على البحرين و بس ...!! لكن انا اعتبر نفسي من المحترمات و ما أرضى احد يتجرأ و يقول غير هالكلام البنت المحترمة مالها علاقة بفساد و خراب بعض البنات ، الي نسوا وطنهم و نسوا أهلهم ( الا اذا الأهل مالهم دخل من التحرر الزايد ) و خسروا نفسهم و سمحت للناس سواء من البحرين و خارجها تتكلم عنهم و ماعاش من يتكلم على احلى البنات .. بنات البحرين و الله تسلمين عالموضوع المؤثر و الله يعطيج العافية Edited يوليو 10, 2007 by قلب الدنيا Quote Link to comment Share on other sites More sharing options...
عاشقة القماح Posted يوليو 10, 2007 Report Share Posted يوليو 10, 2007 البحرين ماصارت خرااب مثل ماقلتي ... اله من الاجاانب اللي تاارسين الديره وبلعكس البحرين يمكن اكبر نسبه من بناتهااا محتشماات ومحجباات ... غير الدول الخلييج الباقي ... بغض النظر عن السعودياا وغيرهاا الي ماخدين البحرين مكاان ترفيه ولعبه ... طبعاا بعض النااس .. وهااااااي اساس الدمااار وخرااب البلد .... والتقليييد اللي صااااااير يلعب دوور كبيير في المجتمع ... من الول الخرى ويعطيج العافية اختي محتشمة ع الموضوع الاكثر من رائع ..... Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.