مشاكس قطر Posted يوليو 22, 2007 Report Share Posted يوليو 22, 2007 الـــــسلام عليكم و رحمة الله و بركاته أمــــــــل و محمد رواية من تأليفي حبيـــــت أوصل لكم أفكاري من خلالها وا انا ترددت قبل لا انزلها هني و خفت ماتحصل اقبال مثل الاقبال بالمنتديات الثانيـــة بس شجعوني و قالوا نزلها و بتحصل اقبال ... أول شي بنزل المقدمة و الجزء الاول و ذا حصلت اقبال و ردود بنزل الباقي ^^ ... فــــي زمن انتشر فيه الفســــــاد و انتشرت الرذيلة و المحادثات المحترمــــة تحت مسمى الحب و الغـــرام يظهرون شخصيــــن " أمـــل و محمـد " وراح يغيرون فكرة الحب نهائياً و اول جزء راح ينزل يوم الاثنين اتمنى انكم اتابعونها اللحين خلونا نتعرف على الشخصيـــات .... محمد شاب في الـ 15 و سيم، متفوق لكنه مايهتم بالدراسة ، يعيش عيشة عـادية يملاها الملل و الفـــراغ .. مايتحمــــل المسؤولية كلش كلش ... و امل هي من راح تسد الملل و الفراغ عند محمد .. في احداث القصة بتعرفون اكثر بومحمد و ام محمد كأي ام و ابو يحاولون اصلاح اخلاق ولدهم محمد اللي مايتحمل مسؤولية اي شي ابدا... و يحاولون تربية ابنائهم على مايرضي الله سبحـــانه و تعالـــى ... أمل امل هي ضحية ابو قاسي طلق الام.. والام ماهتمت بتربيــة أمل و تركتهـا على كيفـها و لمـا تفتقـد أمل وجود الابو المربي و حنان الام و نصايحها راح تلجأ لمحمد اللي راح يعوضها هالنقــص أم أمل تزوجت من ابو امل اللي كان ظالم معـاها و مارحمـها وبعد الطــلاق منه اهتمت بنفســــها و بعلاقاتها الاجتماعيــة و تركت بنتــها وهي في سن محتاج للتربية الحنان و العطف و الحزم ابو امل شخص شكاك مريـــــــض نفسياً يشك بكل شي راح يهمل بنته مع امها المطلقة و في شي بعدين راح يخليه يهتم في أمل .. ... خالد صديــــق محمد كان همه محادثة البنات ع المسن و الانتقال من وحدة للاخرىو شي راح يقلب حياته و بيصير متدين و بيحاول يصلح محمد و ينقذه من امل فاطمــــة صديقة امل و هي من شجعتها على محمد وكانت تدبر و تخطط لها .. شخصية فاطمة بتظهر اكثر مع الاحداث احداث قصتــــنا تدور داخل مبـــاني المدارس في بيـــــوت افتقدت الحب و الحنـــان ... الجزء الاول (داخل بيت بو أمل) بو أمل و هو معصب و يصرخ من قمة راسه : البنت مسؤليتج انتي انتي روحي اشتري لها اغراض المدرسة أم أمل تصرخ هي الثانية : شنو كل شي انا ؟ كل شي انا و انت شنو مسؤوليتك؟؟ ااغراض البيت و اغراض بنتك كل شي على راسي و انت شنو مسؤوليتك بس أكل و مرعة و قلة صنعة.. بو امل : انا ؟ انا ياقليلة الادب ؟ انتي الظاهر جبتي بنت و ماتعرفين تربينها لازم انا اربيج عشان تعرفين تربينها يا حماارة (و يعطيها طرااق) أمل و هي تطالعهم ومرعوبة وتصيح :يمه يبه بس الله يخليكم بس خلاص مابي اغراض المدرسة مابي شي منكم بس الله يخليكم.. أم أمل : هاي اخرتها يا حمد تسطرني جدام بنتك !! خلاص انا ماعاد فيني صبر خلاص طلقني .. أمل وهي بتموت من الصياح : لاااااا ينه لاتقولين جذي يمه لااااا بو أمل : و الله أبركها من ساعة ..طالق .. طالق .. طالق ولو يصير بعد اقولها اربع مرات بقولها روحة بلا ردة انتي و بنتج الله لايردكم .. شبح ويوه أمل وهي شبه منهارة من الصياح : يبه لا الله يخليك يبه لاااااا.. و تروح تضم امها اللي بدت تصيح هي الثانية بو امل : بطلع شوي و برجع ماشوف شيفتج انتي و بنتج في البيت .. ولابتشوفين اللي مايسرج اذا شفتج .. تف عليكم .. ( و يطلع) ويترك امل و امها يصيحون بحرارة في الصالة ... (داخل بيت بومحمد ) الساعة 1 بالليل ام محمد : محمد يمه في بريعصي في الغرفة روح اذبحه ابي انام مب قادرة محمد وهو مندمج مع الفيلم اللي يشوفه : يمـــــــه شنو شفيج انا محمد بجلالة قدري تبيني اذبح بريعصي اسف شوفي غيري خلي علوي يذبحه ام محمد : شنو تبي اخوك الصغير يذبحه.. انت شفايدتك يحظي ؟؟ محمد : فايدتي اقعد و اشوف التلفزيون يالله يمه رجاء لاتاذيني ابي اتابع الفيلم.. ام محمد : يافرحتي بولدي الكبير اقووول مالت عليك و على امك اللي يابتك الحين زين جذي انا باخذ فراشي و بنام في غرفة اخوك علي محمد : اي يمه زين تسوين ام محمد : انزين محمد يمه حبيييبي ياولدي الكبير مابتروح تذبح البريعصي حق امك حبيبتك.. محمد : يمه حركاتج اعرفها يالله روحي نامي عند علوي ام محمد : اقوووووووووووووول حمود محمد : ها يمه ام محمد : مالت على امك اللي يابتك محمد : يمه في حد يسب عمره هههههههههههههاي ام محمد : يالله جب يالله خل اروح انام عند علوي ابرك لي ... اليوم الثاني ( اول يوم مدرسة ) الصبح // الحصة الاولى مدرسة البنات ابلة سميحة : ايييه يابنت يا امل .. انتي جاية مدرسة لازم تجيبي حاجات المدرسة مش جاية كده كانك رايحه عرس أمل : اسفة ابلة ان شالله بشتري الاغراض اليوم ابلة سميحة : طيب ياااروح ابلة سميحة بكرا مش حتدخلي الصف من غير الشنطة و الادوات سامعة يابنت؟ أمل : اي ان شالله ابلة طالبة من الطالبات : ابلة وعليه يمكن امل ماعندها فلوس تشتري هههههههه (والطالبات يضحكون بصوت عالي ) امل تفشلت و عيونها دمعت وكل موقف يصير لها يزيد كره امها و ابوها في قلبها ... في الفسحة (مدرسة البنات) فاطمة : ها أمل شخبارج وشسويتي بالاجازة أمل: و الله و لا شي قاعدة بالدوحة و همي هم فاطمة : وييي امج وابوج ليحين على حالتهم.. أمل: لا افتكينا امس تطلقوا .. انا اول شي تضايقت بعدين فكرت قلت ليش اتضايق فكة من المشاكل و الحنة كل يوم فاطمة: اااااامل من صجج!!!!!!! شدعوة امج وابوج تطلقوا و انتي جاية المدرسة صج قلبج قوي امل : يه فطوم من صجج انا اول شي صحت من تاثير الموقف بس بعدين استانست فكة و الله فاطمة : وانتوا الحين وين ساكنين ؟؟ امل : مع يدتي بروحنا في البيت انا و امي و يدتي فاطمة : اها و الله شي ابوج محد لي غاب القط العب يافار امل : ماهمت عليج ؟ فاطمة : مو مهم بعدين تعرفين امل: انزين فطوم تقدرين تشترين لي اغراض المدرسة عفيه بلييييز ماعندي حد يشتري لي فاطمة : اي اكيد كم امل عندي. بشتريهم لج و بكرا تعالي من الصبح ورى المدرسة بعطيج اياهم امل : فدييييتج فطووم ماتقصرين.. ... الفسحــــة (مدرسة الاولاد) خالد : حيالله بووووجاسم هااا شخبارك مع الاجازة محمد : والله و لا شي اجازة مملة ع النت العب و انزل العاب و اتعلم فوتوشوب ، او اتابع افلام مملة ياخي هالاجازة.. و انت شمسوي في الاجازة خالد : انا اجاااازتي يابوجاسم منورها القمر محمد يضحك : ههههههه شلون؟ خالد : فديتها من دخلت حياتي غيرتها فديت صوتها فديتها شفتها عشقتها هويتها محمد : من ؟؟؟؟؟؟؟؟؟؟؟؟؟؟؟؟؟!!!!!!!!!!!!!! خالد : مادري محمد : هههههههههههههههههههههههههههههههههههههه ماتدري و تحبها و مغرم فيها خالد : اي مادري اكلمهم ع النت هم يشلخون علي و انا اشلخ عليهم ههههه محمد : اشوفك تتكلم بصيغة الجماعة من هم؟ خالد: مادري 100 بنت عندي بالايميل اشلخ عليهم واوهمهم بالحب واتسلى وانا اقص عليهم و الوقت يمشي بسرعة محمد : بل 100 بنت مرة وحدة خالد : اي تسلية و تضيعة وقت تبي اعلمك محمد : اي و الله تكفى انا اتملل حدي و ابي اضيع وقتي بشي خالد: افا عليك يامحمد .. بعلمك ان شالله شوف اول شي ادحل منتدى ...................... (يطق الجرس) خالد: اووف طق الجر اتصل فيني اليوم بعلمك شلون محمد : اوكي... Quote Link to comment Share on other sites More sharing options...
nonocat76 Posted يوليو 22, 2007 Report Share Posted يوليو 22, 2007 بدايه موفقه لقصه شيقه والحلو انها باللغه العاميه في انتظر الجزء الثاني الف شكر مشاكس قطر Quote Link to comment Share on other sites More sharing options...
الحب الضياع Posted يوليو 22, 2007 Report Share Posted يوليو 22, 2007 وننتظر الباقي Quote Link to comment Share on other sites More sharing options...
أسير الوجدان Posted يوليو 22, 2007 Report Share Posted يوليو 22, 2007 يه يه شكووووس يا سلام كتكوت صرت كاتب مبدع اللاااااااااااي روووووووووووووووعة القصة وننتظر تكملت القصة Quote Link to comment Share on other sites More sharing options...
مشاكس قطر Posted يوليو 22, 2007 Author Report Share Posted يوليو 22, 2007 ولعيونكم بنزل الجء الثاني والف شكر لكم نونو الحب اسير ____________________________________ الجزء الثاني (بيت بو محمد ) ( الساعة 12 الظهر ) محمد رجع من المدرسة و دخل يررركض و سيده شغل الكمبيوتر.. ام محمد: بسم الله الرحمن الرحيم سكنهم مسكانهم شفيك متخرع و داخل تركض .. الناس يسلمون بالاول محمد وهو يلتقط انفاسه : اااسف يمه .. السلام عليكم ام محمد : توه الناس .. والله الود ودي مارد عليك عشان تتادب و تسلم مرة ثانية بس شسوي السلام لله .. و عليكم السلام .. شعلامك راد الساعة 12 .. اخبر دوامكم يخلص 2 و نص محمد : يمه اول يوم و بعد تبيهم يكرفونا و يخلونا لين 2 ونص .. ويدخل علي اخو محمد الصغير وهو الثاني يركـــض علي : يمه يمه يمه يمه ام محمد : بسم الله شسالفتكم اليوم كلكم متخرعين و تراكضون .. شتبي علي : يمه جوعان حدي متى بنتغدا ام محمد : اي حبيبي الحين اقول للخدامة تحط الغدا .. ( و تصرخ ) مييييري حطي الغدا بسررررررعة ( بعد ربع ساعة ) ام محمد : يالله يا عيال ميري انجبت الغدا و ابوكم ناطرنا تحت.. علي : يالله عصافير بطني بح صوتها و هي تغرد ( و يرركض رايح تحت) محمد : يمه انا ماشتهي غدا اليوم ام محمد : وييه ليش ؟ مسوية لك مجبوس دياي اللي تموت عليه محمد : اي يمه معليه خل ميري تحطه بجدر و بعدين بتغدى ام محمد : على راحتك ( و نزلت ام محمد ) ( محمد يمسك جواله و يتصل على خالد) محمد : الوووو خالد خالد : هلا هلا محمد محمد : يالله علمني شلووون اصيد لي وحدة بسررررعة خالد : قول عمي خالد علمني .. هههههه محمد : طيييييير ياعمي خالد : على راحتك .. بس اشوف من بيعلمك تصيد وحدة و تملي وقتك معاها .. ساعات معاها كانها ثواني صدقني محمد : لا لا تكفى عمي خالد ابي الساعات تصير ثواااني بس علمني شلون اصيدها خالد : اووكي الحين اعلمك شوف اول شي ................. ... وفي هالاثناء ( بيت جدة امل ) أمل تصرخ : ساارة ساارة سارة الخدامة تلبي نداء أمل : شنو يبي انت ؟ أمل : و شفيج تكلميني من طرف خشمج سارة : اول انا مرتاه داكل بيت .. بس ماما كبير موجود .. الحين انت موجود ماما مال انت موجود .. شغل زيادة .. ملابس زيادة طباخ زيادة أمل : ويييه عشتوا حتى الخدم طلع لهم لســـان.. سارة : انت شنو يقول ؟؟ امل : و لا شي و لا شي وين امي ... سارة تضحك : ماما مال انت امس لين ساعة 4 يقعد شوف تلفزيون و يبكي هي نوم بعد الفجر متى يقوم ممكن عصر ماما مال انت قووم أمل : انزين و ماما عودة وينها؟؟ سارة : ماما عود موجود داخل غرفة مال هي.. أمل : انزين سارة تقدرين تروحين.. ( و تروح امل غرفةجدتها ) طقت الباب و قالت : يمـــه ممكن ادخل جدة امل : اي يمه حياااج امل دخلت و قعدت جنب جدتهـا و قالت : يمه شلونج جدة امل تطالع امل باستغراب :انتي شلون تدخلين من غير ماتطقين البااااب امل : يمه شفيج انا طقيت الباب جدة امل : شنو يعني انا كذابة .. مب منج مب منج من ابوج العوي اللي ماعرف يربيج امل بصوت خافت : عاد اللي يقول امي هي اللي عرفت تربيني جدة أمل : وشوووووووووووووو أمل : لا لا و لا شي يمـه جدة امل : انزين يالله طلعي طلعي .. ومرة ثانية طقي الباب و استاذني قبل لاتدخلين .. بنات اخر زمن أمل : يمه شفيج والله طقيت الباب جدة امل ترفع عصاتها في ويه امل وتقول : يعني شنو انا كذابة يابنت المخرف ؟؟ امل بصوت خافت : يمه و الله محد مخرف غيرج جدة امل : شتقولين يابنت !! امل : لا لا و لا شي اقول الله يعينج على المرض اللي فيــه .. الله لايبلانا جدة امل : انا انا مريضة .. يالله تت تت طللللعي أمل : ان شالله يمـــه (و تطلع امل ) و راحت الصالة و قعدت تكلم نفسهـا : بدال ما أمي تهتم فيني سهرانة لحد الفجر و الحين نايمـــة.. بدال ماتقول يابنتي شعطوكم اليوم.. ان شالله مرتاحة بصفج اليديد .. و تروح أمل و تدخل غرفة امها النايمــــة و تشوف امها بنظرات و تقول بنفسها : اكرهـــــج يمه بدل ماتهتمين فيني مخليتني و نايمـــة عمرج ماهتميتي فيني مثل ماباقي الامهات يهتمون ببناتهم .. اسمع عن حنان الام و مالقيته منج .. اكرهج اكرهج و اكره ابوي اكرهكم انتوا الاثنين .. ياليتني مب بنتكم... و طلعت من الغرفة و خلت امها بسابع نومــــة.. قعدت بالصالة مرة ثانية و قامت تكلم نفسهـا : اووف شسوي امي بسابع نومـة و يدتي الله يشفيها مخرفة و لاتدري شيصير حولهـا .. مافي الا انا يااربي شسوي .. ماافي الا افتح النت اتسلى شوي (و شغلت امل الكمبيوتر ) (و راحت على صفحة جوجل الرئيسية ) قعدت تفكر شتكتب شتكتب اخر شي قررت تدور على فساتين جديدة و كتبت في جوجل .. فساتين سهـــرة ودخلت على اول للنك و طلب منها كالعادة التسجيل في المنتدى عشان تشوف الصفحـــة و سجلـت امل في المنتدى باسم : فـاقدة الحنـان .. و طبعا هالاسم طرى على بالها لانها فعلا فاقدة الحنان في حياتها.. ... و في هالاثناء ( بيت بو محمد) محمد يكلم خالد بالتلفون : انزين و عقب ما أسجل باسم بـنت فـي المنتدى شسـوي؟ خالد : شفت النكـات الموجودة تحت ... مكتوب المتواجدين حاليا محمد : اي خالد : هاذولا كلهم بنات اون .. و المنتدى خاص بالببنات اختار لك اي وحدة و و اضغط على اسمها بيكتب لك ارسل رسالة خاصة اكتب لها رسالة انك تبي تتعرف على اساس انك بنت.. و ان شالله تضبط معـــااك good luck بااااي محمد : وين وين لاتسكر خلك ......... اووف سكر ( محمد قعد يشوف النكات و متخرع من كثرها و مايعرف شيسوي) تحت لقى لائحة بالاعضاء الجدد و كانت اللائحة كالتالي: اسم العضو عدد المشاركات فاقدة الحنان 0 دلوعة تجنن 0 << هاي محمد خخخ اسيرة الحزن 0 مــــــــلاك 0 همــس الغلا 0 ( محمد قعد يطالع القائمة و هو محتار ) (و بالحظ ضغط على نك " فاقدة الحنان ") و ارسل الرسالة التاليـة: هاااي اختي فاقدة الحنان انا اختج دلوعة تجنن انا و انتي جدد بالمنتدى يعني بالهوا سوا شرايج نتعرف ^__^ وضيفيني على ايميلي [email protected] و ان شالله نكون صديقات ^^ اختــــج : دلوعة تجنن ... ياتـــرى شبيصير؟ وهل راح ترد أمل على الرسالة ؟ احداث و تطورات اكثر بالجزء الثالث و البقية تاتي... Quote Link to comment Share on other sites More sharing options...
فيرزاتشي Posted يوليو 22, 2007 Report Share Posted يوليو 22, 2007 بانتظارك Quote Link to comment Share on other sites More sharing options...
مشاكس قطر Posted يوليو 22, 2007 Author Report Share Posted يوليو 22, 2007 ^^ ان شالله ماراح اطول بين الاجزاء Quote Link to comment Share on other sites More sharing options...
بنوته آخر شقاوة Posted يوليو 23, 2007 Report Share Posted يوليو 23, 2007 مشكوووووووووووووورة حبيبتي ع القصة الروحة وناطرينج في بارت يديد تحيتي لج Quote Link to comment Share on other sites More sharing options...
أم حماني Posted يوليو 23, 2007 Report Share Posted يوليو 23, 2007 يسلمو ع القصه الروعه عجبتني وااايد وبليز ننتظر البارت بأسرع وقت تحياتي (أم حماني) Quote Link to comment Share on other sites More sharing options...
مفتون Posted يوليو 23, 2007 Report Share Posted يوليو 23, 2007 مشكور على قصة وانشاء لله باقرب وقت انشوف جزء الثالث Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.