كـتـكـوتـة Posted أغسطس 12, 2007 Report Share Posted أغسطس 12, 2007 يسلموووووووووووووو Quote Link to comment Share on other sites More sharing options...
Ro7e T7bk Posted أغسطس 12, 2007 Report Share Posted أغسطس 12, 2007 بل من امس لليوم مافي باررت..شله جذي..يلا شكوووووس نبي باااارت طوويل.بالانتظار.. Quote Link to comment Share on other sites More sharing options...
ملاذ الفجر Posted أغسطس 13, 2007 Report Share Posted أغسطس 13, 2007 يلا شكوووس وايد تأخرت..نبي بااااارت.. Quote Link to comment Share on other sites More sharing options...
عاشقه خالد Posted أغسطس 13, 2007 Report Share Posted أغسطس 13, 2007 يالله عاد حط البارت والله ملينا نبي نقرى القصه كامله Quote Link to comment Share on other sites More sharing options...
مشاكس قطر Posted أغسطس 13, 2007 Author Report Share Posted أغسطس 13, 2007 هع اااسف الجزء الثالث عشر 10 أيـــام مرت على وجود أمـل في بيت عمتهــــا 10 أيـام كانت فيهـا أمل سعيدة بوجودها مع عمتها .. تتخلل هالسعادة الألم من افعال محمد .. و تحس انها ماراح تقدر تكلمه بعد اللي سواه هو و فاطمـة 10 أيــام كان محمد ينتظر فيـها أمل على أحر من الجمــــر 10 أيــــام عرفت فيهم فاطمة انها حولت حياة صديقتهـــا لكن للاحسن او الاسوا هي ماتعرف بس امل ماكانت تكلمها و كانت تحاول تصالحها من خلال هبـة ... (بيت بومحمد // الساعة 7 // الصالة) أم محمد: حمووووووود محمد:......................... أم محمد: حمووووووووووووود محمد: ................................ أم محمد: حموووووووووووووووود و صمخ ان شالله محمد: نعم نعم يمــــه أم محمد: مب حالة هاذي انت ياقاعد ع الكمبيوتر يا سرحان .. تكلم قولي شفيك اذا ماتقول حق امك ياولدي عيل تقول لمن محمد يقول في نفسه : هيييييه والله لو اقولج بتذبحيني و ماراح تسامحيني خليني ساكت احسن ام محمد: محمد وين رحت ؟ محمد: معااج يمــــه معاااااااج أم محمد: لا مب معاي .. ع العموم على راحتك ياولدي .. متى مابغيت تقول لي قول.. ترى قلب امك مفتوح لك على طول (و تركت محمد و صعدت فوق ) محمد قعد يفكر شيسوي و شلون يوصل لأمل .. خلاص يحس انه فقد أمله و حياته كلهاااا .. تعتقدون ليش .. يحبها؟ هههه مستحيل بس طبع الرجال يحب يتمسك بالشي و يوصله بأي طريقة و متى ماطقت براسه يتركه.. و في عمر محمد مافي مشاعر صادقة اتجاه الجنس الاخر لاها مرحلة مراهقة و تقلب مشاعر قعد محمد يفكر و يفكر شيسوي .. دايما يتصل بيت جدتها و محد يرد... لكن يالله لا ياس مع المحاولة بيحاول يتصل مرة ثانية و مسك محمد التلفون و اتصل بيت جدة أمل... ... (بيت جدة أمل // الصالة) جدة أمل : سااااروه قومي شلي التلفون سارة: اووووه ماما انا صج خدامة بس مافي ماكينة .. خلاص انا تعب طول يوم شغل.. الحين انا ربع ساعة يرتاح مافي سوي شغل.. جدة أمل: لا شرايج انا اقوم اشيله سارة: كيفج .. ناس اكيد يبي انت .. قومي شلي .. عجوز لازم حركة واجد عشان مافي موت بسرعة هههههههه جدة أمل: صج انج ماتستحين على ويهج هين انا اعلمج ... (بيت بومحمد) محمد في نفسه : اوووووف هاذولا شفيهم مايردون ماتوا .. انا شوي و بموت امل شفيها ماااترد .. ياترى شسوت امها فيها . ليكون ذبحتهااااااااااا... اي اكيد ذبحتها وودوها السجن .. بس يدتها و خدامتهم ام لسانين ليش مايردون.. و قامت الافكار تروح و تجي في راس محمد لكنه ليحين ما يأس و جرب يتصل مرة ثانيــــة ( بيت جدة أمل) جدة أمل: أكييييييد يبون شي و لا ماكانوا بيدقون هالكثر.. سارة عفية قوممي شلي التلفون .. يالله حبيبتي ساارة سارة: امممم صبر شوي انا يسوي تفكير جدة أمل و هي قايمة من مكانها و ماشية تجاه سارة : انتي الظاااااهر الطيب ماينفع معااااااااااااااااج تقومين تشلين اللتفون و لا اخلي العصا تلعب لعب على ظهرج... قووومي قووومي قبل لاتلعب عصااااتي تراها ان العبت مابرتحمج ياسااروه.. سارة تركض و تصارخ تضحك : ههههههههههههه لا ماما خلاص خلاص انا يشيل تلفون سارة وهي شايلة التلفون: الووو نعم شنو يبي محمد في نفسه: بسم الله مابغت ترد علي الا ام لسانين هذي سارة: قول شنو يبون بسرعة انا في شغل قد نمل بسررررعة محمد و هو منعم صوته: انا حمودة سارة : انا يعرف انتي بنت صوت مثل وحش .. شنو يبي محمد: ممكن اكلم امل سارة: امل مافي هني .. خلاص مع السلامة محمد: لا لا صبري شوووي .. امل وين هي؟ سارة: داكل بيت عمتها محمد: ممكن رقم بيت عمتها سارة: هييييييه انا يشتغل عند ماما كبير مايشتغل عندج حموودة .. يالله مع السلامة ... (بيت بومحمد) محمد في نفسه: اوووووف الحين شالحل مع هالخدامة.. خل اتصل مرة ثانية ... ( بيت جدة أمل) سارة شالت التلفون على طول: هموودة صج انت مايستحي انا يقول مافي يعني مافي يسمع!! سوي تلفون مرة ثانية ياويلج انا يتصل بوليس يسمع..! باااي ... ( بيت بومحمد) محمد يأس من سارة و يأس من الاتصال فقرر انه يفتح الماسنجر و يطرش رسالة حق أمل على ايميلها ممكن انها تفتح الاميل في أي وقت و تقرى الرسالة.... وراح محمد و فتح الكمبيوتر و وسجل دخول الماسنجر.. وتوه بيكتب رسالة حق امل... الا حد كلمه... فاطمة: هااااا شخبار أمل هههههههههههههههههه محمد: هذا انتي اللي نفذتي الخدمة...؟ شعرفج ان حبيبتي اللي ابي اقربها مني اسمها أمل... فاطمة: ههههههه اعرفها أمل و اعرف واحد اسمه محمد حبيبته تاركته ههههههههه محمد: شعرفج فيني بعد؟؟؟! فاطمة: ههههههههه العصفورة قالت لي محمد: ممكن اعرف من معاي فاطمة: معاك فاطمـة ظل أمل .. و بعد سواتك الحلوة امل ماعاد لها ظل ههههههههههههه محمد: ليش شلون شصار شسالفة؟؟ فاطمة: هههههههههههههههههههههههههههههههههههههههههههههه كل ذي اسئلة شوي شوي محمد: ممكن اعرف شصار بالضبطـ فاطمة: اسمع ياحلو .. انا كل شي يصير في الدنيا اخره باذن امل.. و انا على نياتي اسولف معاها .. قلت لها ان في واحد مغفل يبي يقرب حبيبته منه و هي كله مطيحة بيت الجيران اتصلت في امها و قلت لها ان بنتها تغااازل مقابل ان المغفل يعطيني كروت تعبئة و بس بعدين امل زعلت و ماقامت تكلمني .. انا طلعت متصلة في امها لووووووول محمد: صج انج غبية كل شي تقولينه فاطمة: محد غبي غيرك ! اي صديقتي اقولها كل شي .. والحين هي زعلانة علي بس بترضى انا متاكدة محمد: وهي ليش في بيت عمتها فاطمة: مادري ماقالت لي لييش تقول تغير جو بس انا متاكدة ان في سبب محمد: يعني مثلا شنو فاطمة: مادري قالوا لك انا مشعوذة اتنبا .. المهم ياحلووووو سلم على امل و انساها خلاص تبي حبيبة بدالها تراني حاضرة هههههههههه محمد: هيهيهيهي مايضحك كلش سخيييييفة فاطمة: مب اسخف منك ههههههههههههههه محمد: تعرفين رقم بيت عمتها فاطمة: اي محمد: ممكن تعطيني فاطمة: انسى محمد: بل !! فاطمة: تبيه ..! ادفع محمد: بل انتي كل شي عندج بفلوس فاطمة: خلاص عيل انسى الرقم محمد: لا لا لا لا ارجوووج ابيييييه فاطمة: كرت هلا 50 محمد: بلللللل علييييييييج تعطيني الرقم بـ 50 صج طماعة.. فاطمة: ماتبيه خلاص كيفك.. ماضربتك على يدك ياحلو محمد: خلااص بعطيج كرت هلا بس شيضمني انج بتعطيني الرقم..؟ فاطمة: عطني اول 7 ارقام من كرت هلا بعطيك اول 3 ارقام من رقم بيت عمتهــــا و عطني اخر 7 ارقام من الكرت اعطيك اخر 4 ارقام من رقم التلفون محمد: وانا شيضمن لي انج بتعطيني الرقم مابتجذبين ؟؟؟ فاطمة: وانا شبيضمني انك بتعطيني رقم الكرت مابتكذب؟؟ محمد: افترضي الثقة فاطمة: وانت اتفرض الثقة هع محمد: أمري لله انتظري شوي بتصل في الدكان بخليه يجيب الكرت فاطمة: اوووه دكان كشخة هوم دليفري ههههههه محمد: كل دكاكين الدوحة توصل... الا اذا كنتي عايشة بالمريخ هذا شي ثاني فاطمة: هههههههههههههههههه حلوة حلوة حلوة حلوة محمد في نفسه: عمري ماقابلت حد سخيف كثرها ( بعد ربع ساعة ) محمد: يالله اول 3 ارقام لو سمحتي فاطمة: ههههههه *** و يالله عطني اول سبع ارقام من الكرت محمد: Xxxxxxx فاطمة: اوك خذ 4 اخر اربع ارقام من تلفون عمة اموووول **** محمد: وتفضلي اخر 7 ارقام من كرت التعبئة xxxxxxx فاطمة: واااااااي رصيدي صار 700 ريال محمد: بل عليييييج بل فاطمة: هههههههههههه لاتحسدني محمد: ودي اقولج مشكورة بس انتي ماسويتيها لويه الله سويتيها عشان الكرت فاطمة: هههههههههههههههههه مب لازم تشكر بس تبي اي شي انا حاضرة الخدمات العادية 50 ريال و الخدمات المستعصية 100 و الخدمات فوق المستعصية 500 و الدفع يكون نص قبل الخدمة و نص بعدها محمد: بل عليج جوالج مليان فلوس حراااام فاطمة: وييييي حرااااااام ؟؟؟؟؟؟؟؟؟؟؟ ليش انا اترزق الله مقابل خدمات شريفة محمد: تصدقين تذكريني بفيفي عبده لما سالوها ليش ترقصين قالت: الله.! الرقص ده شغل و الشغل ده عبااااااااادة فاطمة: هههههههههههههههههههههه صح لسانها محمد: خلاص من اليوم و رايح اسمج فاطمة عبده فاطمة: لا محمد عبده احلى ههههههههههههههههههههه محمد في نفسه : اوووف شهالبنت الماصخة محمد: انزين يالله باااااااي ... ( بيت العنود) العنود: وااااو امل حبيبتي مستواج ارتفع وايد ماشالله عليييج أمل: الفضل لله عمتي و بعدين لرفيجتي هبة اللي قامت تدرسني.. و بعدين لج اللي من يوم جيتج و انتي مو مقصرة علي بأي شي العنود: تستاهلين حياتي وانا اتوقع ان النسبة ترتفع في الفصل الجاااي أمل: ان شالله .. الله يسمع منــــــــــــج.. عمتي ممكن اطلب منج طلب .. بس انا مستحية العنود: تفضلي حبيبتي انا عيوني لج أمل: عمتي اشتقت للدراسة مع هبـة ممكن اروح بيتها ع الاقل يوم في الاسبوع ادرس؟؟ العنود: أكييييد حبيبتي و مو بس يوم مايكفي .. روحي على راحتج اهم شي تكونين سعيدة و مرتاااحة أمل: الله يخليييج لي يا اغلى عمة بالدنيااا العنود: و يخلييييج لي يا احلى بنت اخووووو أمل: انزين عمتي ممكن اروح اتصل في هبة اقولها اني بكرا بروح البيت ادرس معاها العنود: اي حبيبتي رووحي ... أمل توها تبي تتصل في هبـة... الا سمعت التلفون يرن أمل: الوو نعم محمد: هلا بحياتي و روحي و املي أمل : لو سمحت انسى انك عرفت وحدة اسمها امل محمد: مستحيييل أمل: اذا اتصلت في هالرقم مرة ثانية راح اضطر اكلم عمتي .. انت بتصرفك هذا افقدت ثقة امي فيني.. تعرف شنو احساس البنت لما تفقد ثقة اهلها .. باي و بدون تفكير او ندم على اللي سوته اتصلت على هبة أمل: الووو السلااااام عليكـــــــــــــم هبة: و عليكم السلام اهلا امل أمل: هبوووووون عندي سبرااايس هبة: ايه ايه قوولي أمل: بكراااااا باجي عندج البيت ندرس .. افتقدتي هالايام صح ؟ هبة بالقطري : صججججججججج ونااسة .. اي و الله انا مشتاقة لهالايام أمل: اي خلاص بكرا ان شالله اكون عندج شوي الا عمتها داخلة عليها و الابتسامة مو على ويها كالعادة.. و قالت : ماراح تروحين أي مكــــــــان أمل: لحظة شوي هبة .. (وتكلم عمتها) عمتي لييييييش عمتها ارتسمت على وجها الابتسامة: شرايج صديقتج تجي هي عندنا البيييييت و ادرسكم انتوا الثنتين أمل: صجججججج !! الله يخلييييج لي ياعمتي ... (بيت محمد) محمد قعد يفكر و يفكر في طريقـــة يرجع امل فيهــــا .. و مالقى غير طريقة تزيد الطين بله ... .. محمد: الوو السلام عليكم.. انا متصل اعتذر عن التصرف اللي سوته اختي هي تبلت على بنتكم لانها ماتحبهـــا و اسف من كل قلبي أم أمل: شنوووو و انا شستفيد من الاعتذااااار حسبي الله عليك و على اختك.. و سكرت التلفون في وجه محمد ... ( بيت بومحمد) محمد مرتاح و يحس انه صلح غلطته .. و ان كلها كم يوم و بترجع له امل ... ( بيت جدة امل //غرفة منى (ام امل) ) ام امل في نفسها: ابيييييه انا شسويييييييييييييت شرشحت البنت و طلعت بريئة مسكينة .. خل اروح اخذها من بيت عمتها .. و اكيد بترضى هي ياهل .. ياترى هل بتسامح أمل محمد و فاطمة ؟؟؟ و ياترى بترضى ترجع بيت امها بعد الحب و الحنان اللي شافته من عمتها؟ وياترى هل بتغصبها امها على شي ماتبيييه ؟؟ احداث و تطورات اكثر في الجزء الجاي ^__^ Quote Link to comment Share on other sites More sharing options...
ذكرى وفاتي Posted أغسطس 13, 2007 Report Share Posted أغسطس 13, 2007 القصة رووووووووووووووووووعه يلا ننطر الباقي و بغيت اسالك اهي كامله عندم و لا؟؟ Quote Link to comment Share on other sites More sharing options...
@Moon@ Posted أغسطس 13, 2007 Report Share Posted أغسطس 13, 2007 ثانكس ع البااارت .. عاد لا تطول علينا في البارت الياي حطه بسرعه .. Quote Link to comment Share on other sites More sharing options...
الشمعة المضيئة Posted أغسطس 13, 2007 Report Share Posted أغسطس 13, 2007 ثانكيوووو عالبارت الحلوو وجاري الانتظار ..!! Quote Link to comment Share on other sites More sharing options...
متيم عراد Posted أغسطس 13, 2007 Report Share Posted أغسطس 13, 2007 شكووس القصه رووووووووووووووعه لاتتأخر علينه ناطرينك Quote Link to comment Share on other sites More sharing options...
mohdvip1 Posted أغسطس 13, 2007 Report Share Posted أغسطس 13, 2007 Next Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.