غصون المحبة Posted أغسطس 9, 2007 Report Share Posted أغسطس 9, 2007 يسلمووووووووو على البارت ننتظر البارت الجااي Quote Link to comment Share on other sites More sharing options...
كوول بحرانية Posted أغسطس 9, 2007 Author Report Share Posted أغسطس 9, 2007 مشكووووووورين ع الردود والحين اخليكم مع البارت الفصل الثاني من الجزء الرابع في ذلك المكان .. جالس يتأمل .. وينظر الى هذه العائلة وتلك العائلة .. ويتذكر عائلته التي بعد ما حدث تغيرت احوالهم تنهد واخذ التلفون وضرب على أحد الارقام ولكن لا جواب شفيه فراس ما يرد ؟؟ وضع التلفون على جنب .. وركز نظره على كوب القهوة الذي امامه وبيت تلك الامواج الهائجة .. التي كانت تضرب على صخور البحر بقهر وألم .. وكأنها تعلم ما يحمل هذا القلب .. من قهر وغضب وعذاب وأي عذاب !! ويرجع صدى ما حدث مرة اخرى على مخيلته ،،،،، اسمعني يا وليدي عمك قبل وفاته .. كان وصيته ان العائلتين ما يتباعدون ولا يتفرقون .. وكانت وصيته ان نتقارب اكثر .. بان شوق تكون الى وسام او انت لرجاء .. وسام صح انه ولد اخوي .. بس عيب علي اروح اقوله تعال اخطب بنتي !!! .. ولكن انت وليدي .. والوصية راح تكون عليك .. انك تاخذ رجاء .. وتحطها بعيونك الثنتين .. تراها يتيمة .. وما بقى لها في هالزمن قريب منها غيرك انت .. الي بتصير زوجها .. ونبي الزواج يصير بأقرب وقت .. وخصوصا حالة رجاء الى ما تسر ،،،،، ليش يا ربي تكتب علي برجاء ؟؟؟؟ ليش !!!! اكرههااااااااااااااااااا .. يا ليتها تموت وافتك منها آخذ وحدة مجنونة !!!!!!!!! وبعمر صغير يوجب علي اربيها من جديد !!!!! واسهر عليها واداريها !!!! مو هذا دور الزوجة !!!!!!! لييش ؟؟؟؟؟ لا لا يا فراس بنت عمك الوحيدة وهي يتيمة لازم تحافظ عليها وتراها مو مجنونة .. ورجاء ألف من يتمناها خلااااص !!! دام ألف من يتمناها .. خله ياخذها شخص غيري ابي اعيش حياتي .. حر واسوي الي ابيه لا لا يا فراس .. تتزوج وتستر على نفسك من اللعب على بنات الناس احسن يا ربي .. منــــــــــــــال !!! شنو اقول لها ؟؟؟ وكان فراس في حالة لا تسر لا عدو ولا حبيب .. مشاعره مختلفة ومتداعفة ومتناقضة لأبعد حدود وما يعرف شنو يسوي ؟؟ حسم الأمر .. ورجاء بتنأخذ لدكتور في هذا اليوم .. بعد مرور ثلاثة اسابيع من حالتها الكئيبة والمنعزلة .. وبعد اسبوعين من اختفاء وسام !!!! رجاء هالفصل ما بتداوم لسوء حالتها .. واذا تحسنت حالتها بتبدا من الفصل الثاني ان شاء الله ام وسام : يالله يا شوق روحي فوق وجيبي معاج عبايتي ونزلي معاج رجاء شوق : ان شاء الله ام وسام : وندى خبري سلمان اننا بارزين خله يعجل ندى : خالتي سلمان برى ينتظرنا ام وسام : لعوزناه هالصبي المسكين .. الله يهديك يا وسام لو كنت موجود مو انت الي تكفلت فينا .. الله يعلم وينك فيه بس ندى كانت تسمع كلام خالتها .. ووقتها كانت خناجر تنغرس في قلبها ليش !!! ليش يا وسام تسوي كل هذا ليييش ؟؟؟ بين تلك الحنايا صوت الآه يتفجر بدر : تبي تسوي مثل وسام ؟؟؟ فراس : أتمنى .. والله امنية .. بدر وهو يحاول يلطف الجو : يووو شكلي قاعد على بنك .. او محصل كنز ههه فراس وهو يكمل كلامه ولا كأنه سمع بدر : لكن !! .. بعد الامنية بعد النجوم .. ما ابي احط ابوي قدام الامر الواقع بدر : عجل شنو تبيني اسوي لك ؟؟ فراس : ما ابي شي .. بس ابي افضفض بدر ولحين معزم يخلي فراس لو يبتسم بس ابتسامة ( وهو يقلد صوت العجوز ) : تكلم يا وليدي تكلم .. فضفض لامك العودة ( هني فراس طالع بدر بنظرة حدة ) بدر : هههههه شنو تبيني اسوي لك ؟؟ فراس : تضحك حضرتك !!! بدر : يعني شنو تبيني اسوي ؟؟ اصيح فراس : لا بس .. من حقك شكلي ثقلت عليك وااجد بدر وهو يحط يده على كتف فراس : شدعوة يالاخو .. ما بينا كلافة .. ولا نسيت عشرة العمر الي بينا ؟؟ فراس : آه .. والله ما ادري شسوي بدر : انزين قولي احين انت ليش ما تبي هذي شنو اسمها بعد ؟؟ فراس وهو يصر على اسنانه : رجججججاااااااء بدر مصدوم من طريقة فراس : يــــه .. لهدرجة جدي تكرها !!!! فراس : واكثر .. خلاص بتروح ايام الحرية .. بتروح سهراتي بدر : والله احسن لك .. تستر على نفسك وعلى حالك من هاللعب على خلق الله فراس وهو يتذكر منال !!! شسوي يا ربي بدر : هييي يووو اكلمك فراس : ها !! بدر : الي في بالك يتهنى به .. ههههههه شكلك بديت تحب رجاء فراس : أي حب أي خرابيط .. افكر في منال بدر : منال !! .. اووووووووووبس .. الي تكلمها بالتلفون ؟؟ فراس : أي هو في غيرها بدر : وليش تفكر فيها ؟؟؟؟ يا حظي لا يكون حبيتها صدق ؟؟ فراس : طلعت معاها بدر : الفال لي . ههههه امزح فراس : وقتك والله بدر : المهم شنو يعني طلعت معاها ؟؟ فراس : بددددر والي يرحم والديك الي فيني كافيني بدر : اوكو اوكو .. طلعت معاها وين ؟؟ فراس : رحنا مجمع بدر : اشوى يعني مكان عام ما صار ذاك الشي فراس بعصبية : بدددددددددددددر لو سمحت بدر : سووووري سووري مو قصدي شي ( ولكن نظرة فراس العصبية لحين ما تغيرت ) .. اوكي ما عجبك السوووري ( وهو يحط يده تحت ذقنه ويحرك راسه مثل الهنود ) هنننندي أجااا فراس غصب عنه ضحك شوية بدر: هي هي هي ايوة .. اشوة ضحكت .. المهم قولي وليش تفكر فيها ؟؟ فراس : طلعت معاها .. شفت حبها لي بعيونها مرسوم .. مو بس مرسووم الا محفوووور .. وهي تنتظر اليوم الي اكمل فيه الجامعة عشان نجتمع تحت سقف وااحد .. بنت هادئة وخجولة .. كانت اصعب غزالة اصيدها .. بنظري طفلة .. وانا علمتها على الذنب .. ما ادري شسوي لها ؟؟ بدر : وكان في بالك تاخذها لو ما صار الي صار ؟؟ فراس : اعترف اني نذل .. اني كنت اكلم عشرة في يوم .. لكني مو نذل الى هالدرجة .. وفعلا لو ما صار الي صار كنت باخذ منال بدر : أهاااا يعني حبيتها فراس : ما انكر لك .. ان ابتسامتها كانت تلاحقني من مكان لمكان .. صوتها وصدى صوتها يرن باذوني .. اول بنت اشوفها بهذي الصورة .. واقعد معاها .. والمس يدها بدر يضحك بسخرية : عبالك احنا بلبنان ؟؟؟ تلمس يدها .. لا ما باقي الا تضمها وتسوي لنا فلم هندي .. بقولك مجرد انك كلمتها بالتلفون خطا .. والخطا بعينه واعلمه انك طلعت معاها .. ولا لمستها بعد .. انت ما تخاف على خواتك ؟؟ فراس : ادري خطا .. وحابب اصلحه انها تكون لي .. لكن !!! .. بعد شنو بدر : انزين هذي رجاء الي بتصير زوجة صاحبي ... ويقاطعه صوت فراس : لا تعجل الامور .. لاحقين بدر : المهم هذا امر وانكتب فراس : لا لحين ما انكتب بدر : المهم بينكتب قريب .. انزين رجاء مو حلووة يعني عشان تخليك ما تبيها ؟؟ فراس ويروح باله لذك اليوم الي كان يبي يرقمها .. وابتسم ابتسامة حرك فيها جهة وحدة : شفت القمر يا بدر .. ما تشبهه .. هو يشابها بدر : اووه اووه .. يعني اناسبها انا .. قمر بدر .. ياهوووووووو هههههههه فراس : ملامحها بسيطة وناعمة .. ابتسامتها الكل يحسدها عليها ( وانتبه على نفسه انه يمدح العضم الي ببلعومه ) لكني اكرها بدر : يووه رجعنا يا طير يالي فراس : شنو تبيني احبها !!!!!!!!!!!!!!!! .. وهي بتخرب علي كل شي كل شييي بدر : اسمعني يا فراس .. الحياة قاسية فعلا .. ونكتشف يوم بعد يوم انها اقسى واقسى .. ولكن ما لنا الا الصبر .. ونتوكل على الله .. ونشوف شنو الي مقدره علينا .. نسويه وما نعارض كتبته .. وبكون اختيارنا اصح من الصحيح .. لانها هذي كتبة رب العالمين .. ويمكن رجاء الي عافها قلبك .. في يوم بتملك كلك .. ونفسك وهواك وكل شي مو بس قلبك .. ويمكن العكس .. وينطيق على منال .. منال مثل ما عرفها من كلامك .. جوهرة .. ولكن وصلت لها بطريقة السرقة .. لان وصولك لها بشي ما يرضي ربك ونبيك .. ولكن رجاء جوهرة .. وصلت لك متدحرجة .. ودحرجها القدر لك .. لتحت رجلك .. والله العالم انت بتحافظ على أي جوهرة فيهم !! ولكن نصيحة من اخ الى اخوه .. لا تفر من الواقع مثل ما فر وسام .. ترى الرحيل مو الحل ؟؟ وفي الجامعة منال : اكره يوم هاليوم ممل .. آخر محاظرة الساعة ثلاث شنو هالحالة وفاء : هذي اول سنة لنا بعد منال : مشكووووورة حبيبتي وفوي انتظرتيني وفاء : شدعوة انا اكمل ثتين ونص وانتي ثلاث يعني كلها نص ساعة منال وهي تلبس النظارة الشمسية : تصدقين فراس يمر بأزمة عائلية وفاء : ليش شصاير ؟ منال : واحد من أهلهم متوفي .. بعض الاحيان ادق عليه ما يرد وفاء : يمكن يتهرب وما في أي ازمة ولا ظروف منال : ترى بزعل منج .. حرام عليج لا تظلمينه .. تراه اذا يرد علي صوته حزين .. واحس هموم الدنيا كلها فوق راسه وفاء : يعني منال : أي والله ودي اكون جنبه .. اعزيه اخفف عنه حزنه .. ولكن !! وفاء : يالله ما باليد حيلة .. ان شاء الله كلها ايام وتعدي .. وبيرجع لج احسن من احين منال وهي تتنهد : ان شاء الله وفي المستشفى .. نزلت ام وسام مع رجاء وندى .. ونزل سلمان معاهم عشان يدليهم بالضبط وين يكونون موجودين .. وبعد ما عرفهم على طريقة دخولهم على الدكتور .. توجه للسيارة ينتظرهم عشان ما يسبب أي حرج لرجاء اول ما دخلت ندى ورجاء وام وسام عند الدكتور .. طلب الدكتور ان رجاء تكون معاه لحاله عشان يعرف بتصرف معاها .. فتوجهت ندى ومعاها ام وسام الى غرفة الانتظار الدكتور عرف حالة رجاء من سلمان .. ومن التقرير الي من المستشفى لان قبل ما ياخذون رجاء لمستشفى الطب النفسي .. عرضوها على دكتور عادي .. فكتب تقرير يشرح حالتها النفسية .. وبهذا الدكتور بيبدا معاها العلاج الدكتور وهو يعامل رجاء معاملة عادية : الواحد اول ما يدخل يسلم وانتي حتى سلام ما سمعنى منج رجاء ما تحرك شي من جسدها .. بس مجرد بؤبؤ عينها الى يدور على مصدر الصوت ولكن !! .. ما ثبت على مكان واحد الدكتور : مو مشكلة لا تسلمين علي .. بس السلام على رسول الله اذا كنتي ناسية بدى كلام الدكتور يكون أثر على رجاء حتى ان عينها ركزت على شي واااحد .. الشي الي يطلع منه هالصوت .. وبدت عيون المها تتفحصه .. من هذا !! ولكن !! رجاء بهمس خجل : السلام عليكم الدكتور بابتسامة عريضة : وعليكم السلام والرحمة نورتينا رجاء مجرد ابتسمت له وبعدها نزلت راسها الدكتور : احين انا اعرف اسمج .. وانتي ما تبين تعرفين اسمي ؟ ..... ( وما رجع غير صدى صوت الدكتور ) الدكتور وهو يبتسم برحابة صدر : معاج حق تتغلين وما تسالين عن اسمي .. لكن انا بقولج بدون ما تسالين .. معاج فهد رجاء ابتسمت ولا اراديا : عاشت الاسامي فهد وهو يحس انها طبيعية والتقرير الي جاه واجد مبالغ : عاشت ايامج .. واحنا ان شاء الله بنصير ربع .. وبتكون لنا مواعيد نلتقي فيها شرايج ؟ رجاء وهي ترفع راسها وتناظره بملامح بسمة مرسومة على شفاتها .. ولكن البسمة مختلط معانا حزن : ليش تجذب علي ؟؟ الدكتور فهد استغرب من ردها وناظرها بحيرة : انا ما جذبـ .. ولحين ما كمل كلامه قاطعته رجاء : انا عارفة انك دكتور .. وانا مريضتك .. عارفة كل شي .. بس السبب الي اجهله ليش جايبيني هني ؟؟ ليش ؟؟ انا صاحية ما فيني الا العافية الدكتور فهد : جسدج وصحتج ما فيهم الا العافية .. ولكن نفسيتج تعبانة .. وانتي ادرى صح والا انا غلطان ؟ رجاء بشوية عصيبة : تعبانة نفسيا .. تعبانة نفسيا .. اووووف والله ما مليت من هالكلمة .. نفسيتي ما فيها شي .. وشنو الي بخليني اتعب نفسيا مثلا .. ام وعندي وكل شي عندي حتى ( وسكتت فجاة ولكن كملت كلامها متناسية الواقع ) وحتى ابو وعندي واخو بعد .. وعائلة انحسد عليها الدكتور فهد ويرد عليها بنفس العصبية : انتي شنو ؟؟ عاقلة والا مجنونة ؟؟ كبيرة ولا صغيرة ؟؟؟ رجاء : شنو تشوفني جداك ؟؟ الدكتور فهد : اشوفج يا رجاء عاقل وكبيرة بعد رجاء : عجل ؟؟ الدكتور فهد وبصوت مرتفع : ابــــــــــــوج مــــــــــــات وبــــــــــــدل هالاخبــــــــــــال .. ادعــــــــــــي لــــــــــــه بالرحمــــــــــــة رجاء وهي تطالعه بعصبية : هــــــــــــي انت من عطاك الحق تقول ان ابوي مات ؟؟ انت ولا هووووو فاهم .. ابــــــــــــوي عايــــــــــــش .. ( وهي تصر على اسنانها ) مسافر وبرد لي .. هو اتصل فيني وقالي انه مسافــــــــــــر مع وسام حق شغل .. وبــــــــــــرد .. طلع ان مو انا الي تعبانة نفسية ومجنونة .. انت .. وبدال ما تسوي روحك دكتور تعالج الناس .. عــــــــــــالج روحــــــــــــك وطلعت برى وما تركت خلفها غير طيفها .. وصدى صوتها ينعاد على فهد .. وبعدها ابتسم ابتسامة هادية وتنهد : توها البداية .. وشكله المشوار معاج صعب وطويل الامد وفي غرفة الانتظار ام وسام وهي تكلم ندى : ندى مو كأن هذي رجاء الي توها مارة على الباب ندى الي كانت تشوف المجلات مضيعة للوقت : ما اعتقد خالتي .. رجاء لازم تكون عند الدكتور ام وسام وهي واقفة وتمشي متجهة للباب : لا هذي بنتي ندى تركت المجلة ولحقت خالتها : خالة شفيج رجاء لازم تكون عـ.. ندى وهي تكلم نفسها : مبيي صدق هذي رجاء ام وسام الى رجاء : رجاء وين بتروحين يمة ؟ رجاء بهدوء خلفه بركان من العصبية : يالله نرجع البيت ام وسام لبت طلب بنتها : يالله .. ( وهي تكلم ندى ) هاتي جناطنا ولحقيني ندى وهي في قمة استغرابها : ان شاء الله واول ما طلعت من غرفة الاستراحة .. بخطوات كبيرة عشان توصل الى خالتها قبل ما يسبقونها .. ولكن صوت وقفها ندى : نعم الدكتور فهد : انتي قريبة رجاء صح ؟ ندى : أي نعم انت منو ؟ الدكتور فهد وبداخله يضحك .. تشوف ان عليه جاكيت ابيض يعني من يطلع .. شكله السذاجة بهذي العايلة كلها : انا الدكتور فهد ندى وهي تخفي خلها فشيلة كبيرة يا خبلة تشوفينه لابس لبس دكاترة شنو هالسؤال التافه وبضحكة تخفي خلها بياختها : ههه يا هلا الدكتور فهد : اهلا .. بس حبيت استفسر رجاء جت لعندكم ؟ ندى : أي احين سبقوني للسيارة الدكتور فهد : اهااا زين .. ولو ما عليج كلافة بغيت رقمها .. لان شكل علاجها شوية صعب ندى : ان شاء الله دقايق ( طلعت موبايلها وعطت الرقم الى الدكتور .. ومباشرة راحت لمكان مواقف السيارات ) ابو فراس وهو يدق على ولده الى من خبره بالسالفة وهو مختفي .. وهذي ولا عاشر مرة يتصل فيه ولا يرد عليه .. او يكون مغلق .. ولكن هذي المرة ضبطت ابو فراس بحنية : وينك يا وليدي .. صار لك اسبوعين وكم يوم لا حس ولا خبر فراس : سلامتك يمة .. مع صديقي قاعد ابو فراس : وليش يا وليدي ما عندك بيت يضمك ؟؟ والدراسة وانا ابوك ؟؟ فراس : وهو في دراسة وانا خلاص برتبط بانسانة بالغصب ابو فراس بفرح : يعني رضيت يا وليدي ؟؟ فراس : رضيت !!! .. القدر غصبني ولا انا عمري ما برضى اظلم بنت عمي معاي ابو فراس : وشلون تظلمها وانا ابوك ؟ فراس : ما احمل لما أي مشاعر .. حالها حال اختي شوق .. واقل بكثير .. وشلون ما تبيني اظلمها معاي وانا اقل شي وهو المعزة الي لازم احس فيه اتجاها .. ما حسيت فيه ابو فراس : يا وليدي الحب يجي بعد الزواج .. وبعد الزواج بتشوف كل شي متغير فراس : وليش هو ما في خطوبة ؟ ابو فراس : وهو في وقت للخطوبة .. خل الخطوبة للي ما يعرفون بعض .. وللي ظروفهم احسن من ظروفنا احنا .. ملجة وبعد عدة مرت عمك مباشرة زواج .. وبنخليه زواج عائلي .. بس بنسوي لها حفلة فراس : اشوفك مرتب كل شي يا يبا ؟ ابو فراس : البلوة ان وصية عمك معلقة برقبتي .. وابي ارتاح ( للتوضيح بس .. عندنا بالبحرين خطبة ( يعني خلاص ملج الشيخ ومو محرمين على بعض ) ويطلعون مع بعض عادي .. والبعض يظلون بالسنوات بس خطوبة .. لظروف يمكن دراسة .. او البعض يكونون صغار بالسن فمثلا الـ 18 او 19 .. بتكون فترة الخطوبة مثل ما اسميها لحظات الرومانسية بين الزوجين .. بس للتوضيح .. لان خطبة بين دولة ودولة تختلف معناها ) اول ما سكر فراس من ابوه تنهد فراس : شكله يا فراس بسبب بنت هالعم .. لا فترة خطوبة ولا هم يحزنون وبعبارته هذي على دخلة بدر وهو لابس : شفيك بعد تتحلطم على بنت عمك .. مسكينة هالبنت والله شكلك بتراويها الويل فراس : قول هي بتراويني الويل .. والله كل شي مرتب وانا علي بس ارتبط وخلاص .. الله يسامحك يا عمي بس بدر : قوم بس قوم .. شوية وياذن المغرب .. خلنا نقوم نصلي ابرك لنا فراس : يالله مشينا واول ما وصلوا ام وسام وندى ورجاء .. ام وسام شكرت سلمان الي ما قصر معاهم بشي ام وسام وهي تكلم اختها : والله هذا الي صدق انه يتسمى دكتور .. شلون يخلي بنتي تطلع جدي .. يعرفها مريضة .. ما يصير يخليها جدي .. لازم يجي يوصلها لنا .. بس انا ما ابي هو الي يعالجها .. اوديها لدكتور ثاني احسن رجاء هني تكلمت : يمة ليش دكتور ثاني ؟ انا ما فيني شي ام وسام : يا يمة لكــ.. وما كملت كلمتها .. وقفت رجاء : اذا وديتيني لدكتور ثاني اول ما يرجع ابوي من السفر بخبره وبقوله انج ما تحــــــــــبيني ( وراحت تركض على الدرج وهي تصيح ) ام وسام وقلبها يتقطع على بنتها : الله يهديج بس يا رجاء .. وين عقلج .. وين رجاء الفاهمة .. وشو سالفته من سفر الي شاغلة بالج ندى الى خالتها : خالتي ترى قبل ما اجيكم شفت الدكتور الي يعالج رجاء .. وشكلها هي طلعت من عنده .. لانه سالني رجاء مرت عندكم .. يعني زين الدكتور ومتابع لها .. والدليل جى يطمن اذا مرت علينا او لا ام سلمان : أي صح كلام ندى ندى الى امها : يمة الا وين شذى ؟ ام سلمان : متصلة فيني معصبة شوية وتصيح ندى : بل ليش ؟؟ ام سلمان : تقول خبرج تقولين لي ادز لها السواق الساعة 4 ونص .. لان تلفونها خربان .. وانتي خبر خير ندى وهي منصاعة : مبييي نسيت .. الله يساعدني عليها .. وشلون دقت عليج ؟ ام سلمان : وي عليي دخلت الجامعة من اول وجديد .. واتصلت لي من التلفونات الي هناك ندى : اهااا .. بس انا ما برجع البيت ببات مع رجاء .. اخاف ارجع وتعفس حالتي تعرفين بنت واسلوبها شلون ام سلمان : براحتج بس نهايتج بتقابلينها ندى : على الاقل بقابلها بالجامعة شوية بخف كلامها وعصبيتها وفي مكان آخر .. في ذاك البيت الصغير .. الي انتظر ثمرة .. ثمرة لحب .. ولكنها انتهت قبل ما تبتدي محمود وهو توه راجع من الشغل .. وداخل البيت بشوية اغراض : اســــــــراء .. اســــــــراء وتطلع له اسراء من المطبخ : نعــــــــم هني محمود ما قدر يجود عمه قام يضحك من قلب : هههههههههههههه ههههههــــــــههههه .. بطني آخ اسراء : شفيك ! محمود ولحين مستمر في الضحك : ههههههههههههه هههههـــــــهههه .. شوفي ( وما قدر يكمل وقام يضحك ) هههههههههههههـــــــاااي اسراء انقهرت: اذا كملت ضحك نادني اوووف ( وراحت المطبخ تكمل شغلها وهي تتحلطم ) محمود بعد ما هدأ من الضحك ولو ان لحين فيه ضحك .. راح للمطبخ وعرف السبب الي خلى شكلها يكون بهذا الشكل .. وتوه بيبدا بنوبة ضحك والا بصوت صراخ اسراء : اعتقــــــــــد ان هذا مطبخ مو مكــــــــــان ضحك محمود قام يطالعها بنظرة حب .. ولا كأنه ماخذ له حرمة .. كأنه متزوج له طفلة .. ببرائتها ورقتها .. وانوثتها الرائعة .. ابتسم لها وتقدم : تعالي وانتي تعرفين ليش اضحك ومسك يدها وهي تبي تشيل يدها من عنده : هــــــــــدني .. ما ابي اشوف لــــــــــيش تضحك محمود وهو يوقف ويطالعها بتحدي : مو برضاش غصب عنش لازم تشوفين ليــــــــــش اضحك .. عــــــــــشان تشاركيني بالضــــــــــحك ويمسك يدها ويجرها الى الحجرة : مــــــــــاني هدني .. مــــــــــو مجبــــــــــورة اجــــــــــي معــــــــــاك .. ولا ابــــــــــي اضحــــــــــك معــــــــــاك بعد ... هدني .. آآآآآي يدي .. تــــــــــرى يعور ولكن محمود ولا كأنه يسمع كلامها .. لما وصل للحجرة وخلاها تكون قبال المنظــــــــــرة .. وقعدت تطالع روحها وبعدين .. ذابت من الضحك :ههههههههههههههههههههههههه .. هههههههه الله يغربل بليسي .. مبيييي فشيلة ( وتركض الحمام ) وصوتها يعلى عشان يسمعها محمود : لكن معــــــــــلي تضحك علي .. ولا تقولي ان حالتي جدي محمود قام يضحك عليها وعلى برائتها اسراء يا زعم تبي تسوي كيكة .. وما خلت مكان بوجهها الا عفسته بالعجينة .. حتى شعرها ما سلم منها هههه .. وكان شكلها صاير يضحك .. تحت عيونها عجينة وفي شعرها وخشمها وووو >>> مو وجه مطبخ وطباخ ههه وفي المستشفى .. او بالاحرى خارج المستشفى .. فهد كان يمشي متوجه الى الباركات .. وتذكر شكل رجاء لما كانت تمشي مع امها متوجهين للسيارة .. وهو يراقبها من نافذة غرفته الخاصة .. واول ما ركب السيارة .. تنهد بقوة وبينه وبينه نفسه : علاجش يا رجاء ما بكون الا على يدي .. واعتقد بكون في مصلحتي بعد ( وابتسم ابتسامة حلوة ) واخيرا .. ورفع تلفونه .. وضرب الارقام .. ووضع التلفون على اذنه اليمنى .. وفتح السيارة .. وابتسم بأمل واول ما رجعوا من المسجد .. وبدر يحاول انه يقنع فراس يرجع لبيتهم بدر : يوووه والله شيبتوا راسي وانا بعز شبابي فراس : اذا مليت مني بدق على احمد يجيني بدر : شدعوة .. محشوم يا ابو عكسور .. بس شسوي لك .. افهم .. اقتنع .. خلاص انـــــــــــــــــــــت لرجـــــــــــــــــــــاء ورجـــــــــــــــــــــاء لـــــــــــــــــــــك فراس تنهد : ولازم تفتح الجرح بدر : جرح شمخ .. مو مهم .. المهم انك ترضى بهذا الشي .. شسالفتك مو راضي تفهم وشوية الا يدق تلفون فراس .. ولما شاف اسم المتصل ما عرف يتصرف .. باله راح بعيد .. وتـــــــــــــــــــــذكر ذاك اليوم الي كـــــــــــــــــــــان معاهــــــــــــــــــــا بدر : شفيك يا خي ما ترد فراس بألم وبصوت متقطع : هـ ... هذي .. منال ما انكر ان فعلا تقطع قلب بدر على صديقه وخصوصا انه تذكر مأساة الماضي !! .. والاكثر عيون فراس الي تلمع وتبين ان هناك دمعة .. بس متى بتنزل !! بدر وهو يحاول يسوي شوية جو : خخخخ قطها علي فراس : ما ادري شقولها والله بدر : انزين سوه على الصامت واتركه فراس مد يده بسويه على الصامت .. ولكنه توقف عن الرنين بدر : الحمد الله سكرته بنفسها فراس ابتسم الى بدر بتعب : لهذي الدرجة متضايق منها بدر : لا مو جدي .. لكن خـ .. وقطع كلامه صوت مسج فتح فراس المسج .. والي كان متأكد مئة بالمئة انه من منال وش أقــــول ؟ دام لي قلب خجول احترق ( مليون مرة ) وضاقت انصاف الحلول ! وش أقــــول ؟ ودمعتي تسكن بعيني تنتظر وقت النزول ! وش أقــــول ؟ وابتعادي عنك يسبب لي جنون ! او بالاحرى ابتعادك عني ! وش أقــــول ؟ غير احبك .. ثم .. احبك .. ثم .. احبك ولو مسافاتك تطول ( احبك فراسي ) من قهره فراس على حكم الايام سكر التلفون بكبره .. وبدا ياخذ انفاسه بشراسة وبدر كان لاول مرة يشوف فراس بهذي الحالة .. وين فراس القوي .. الصموع المغـــــــــــــــــرور أي صــــــــــــــــح هــــــــــــــــو مغــــــــــــــــرور واكبــــــــــــــــر مغــــــــــــــــرور فيــــــــــــــــنا معقــــــــــــــــولة يــــــــــــــــا زمــــــــــــــــن تســــــــــــــــوي فيه كــــــــــــــــل هــــــــــــــــــــــــــــــــذي الــــــــــــــــسوايــــــــــــــــة !! وفي بيت ام سلمان شذى وهي توها واعية من النوم .. وتتقلب على السرير .. ومدت يدها على الكمدينو .. واخذت الساعة الصغيرة .. وشافت الساعة ( 7 ونص ) فتحت عيونها بكسل .. وقامت للحمام ( وانتوا بكرامة ) تتغسل حق الصلاة .. كفاية انها طافتها اول ما كملت .. قرت لها كم صفحة من القرآن وبعدها مباشرة نزلت تحت .. وتشوف المكان خالي وتكلم نفسها : معقول لحين ما رجعوا ! ( وهي تنادي الخدامة ) ويــــــــــــــــنا .. ويــــــــــــــــنا وينا : يس مدام شذى : وين امي وندى ؟ وينا : لحين مافي يرجع شذى : انزين بس روحي زينا : جين ( انزين ) شذى وهي تتذكر شسوت فيها ندى : لكن بشوف هذي نـــــــــــــــدووويوا خلتني ناقعة انتظـــــــــــــــر كأني فقيرة اللـــــــــــــــه .. الدووبة شذى : اوف احين شسوي .. ( وهي تطالع يمين ويسار عشان تشوف شي تنشغل فيه ) مـــــــــــــــالي الا هالتيفي بنشوف شفيه وكلها ثواني الا داخلين بيتهم شذى بصراخ : يالــــــــــــــــدوبة تخليــــــــــــــــني ناقعة فـ .. شذى : وينهي !!! سلمان : حشى كليتينها قبل ما تجي ام سلمان وهي تفصخ عبايتها وتحطها على الكرسي : ندوي ما جت معانا قعدت مع بنت عمها .. بتبات هناك شذى : ولا بعد تدلعينها ام سلمان مستغربة : احين اني بشنو دلعتها شذى : تقولين ندوي ما تستاهل ام سلمان وهي تضحك على بنتها وفي قلبها : هالبنت بتصك الـ 21 ولا اعتقد انها بتكبر وفي بيت ابو فراس ابو فراس كان لابس وتوه بيطلع الا يستوقفه صوت مرته : على وين يا ابو فراس احين بنبرز العشى ؟ ابو فراس : نص ساعة بالكثير ساعة الا ربع وراجع .. عندي شغلة بخلصها ام فراس : براحتك .. ننتظرك ابو فراس ابتسم لحرمته .. وتوجه مباشرة بالسيارة الى بيت المرحوم ام وسام وهي تعدل شالها : تفضل حياك الله يا ابو فراس ابو فراس : الله والنبي يحييونج ام وسام : شنو تحب تشرب ؟ ابو فراس : مو جاي اشرب وانا اخوج .. عندي لج كلمة بقولها وماشي ام وسام : كلمتك على عيني وعلى راسي .. بس ما يصير تدخل بيتي وما استضيفك ابو فراس : من ذوقج .. هذا العشم فيج يا ام وسام .. هاتي لي عصير برتقال ام وسام : ان شاء الله ( وتوجهت الى المطبخ ) في هاللحظة في حجرة رجاء ندى : يالله العشى اليوم انا بساعد الخدامة فيه .. ادري بس مجرد يدي تلمس الاكل بصير له طعم ثاني صح ؟ ( وهي تطالع رجاء برجى وبتوسل ترد عليها وما تظل ساكتة مثل عادتها ) ورجاء ما خيبت ظنها وردت عليها بابتسامة : صح ندى وهي تناقز : يهوووووو رجاء ابتسمت لها ندى : انزين يالله قولي لي شنو تبين عشى ؟ رجاء : أي شي ندى ما حبت تسال اكثر اكتفت بتحريك راسها واول ما ظهرت .. شافت ابو فراس موجود لفت شعرها ونزلت تحت وسلمت عليه وتوجهت الى المطبخ ام وسام وهي طالعة من المطبخ حاملة صينية فيها الجوز : ها شنو تبون على العشى ؟ ندى : جكن نقت وبطاطس يمييي لذيذ ام وسام : بالعافية ندى : يعافيج ربي وظلت ندى بالمطبخ .. تشرف على الطعام وفي الصالة ابو فراس وهو يرشب قليل من العصير وبدا يتكلم : والله يا ام وسام انتي عارفة ان آخر لحظة للمرحوم على هالدنيا كان بقربي .. وانا الي اعرف شنو وصيته ام وسام : هو عطاك وصية ؟ ابو فراس : أي .. الوصية ان نقرب العائلتين .. وما نخلي الزمن يفرقنا بزواج رجاء من فراس ام وسام في البداية ما بينت على ملامحها أي شي .. وبعدها ابتسمت : لنا الشرف ابو فراس : وصراحة وصيته عتق علي .. وانا ابي انفذها بأقرب وقت ام وسام : حياكم الله ابو فراس : وبما انج بالعدة لمدة اربعة اشهر وكم يوم .. نقول نسوي ملجة بينا وبين بعضنا .. يعني عائلية .. وبعد العدة ان شاء الله يتزوجون ام وسام : الي تشوفه يا ابو فراس ابو فراس وهو يوقف : عجل اترخص انا ام وسام وهي توقف : وين توها الناس ؟ ابو فراس : الاهل ينتظروني على العشى ام وسام بابتسامة : حياك الله وروح ابو فراس .. وترك خلفه اسئلة واستفسارات .. ومفاجات فراس سلم على صديقه بدر .. على أمل اللقاء بأحوال افضل .. وحمل نفسه فراس منتقل الى بيته .. حمل نفسه بتعب بعذاب .. الدنيا ما خلته يتهنى بشبابه .. لكنه ما يدري شنو مخبي له القدر فراس اول ما دخل سلم حتى بدون ما يرفع راسه يعني ما ادري فيه احد او لا : السلام عليكم ولكن الحمد الله كان فيه احد .. ورد باستغراب : وعليكم السلام فراس رفع راسه من سمع صوت اخته وابتسم لها بألم .. ومباشرة مشى بخطوات متثاقلة اتجاه الدرج شوق بمحبة وصوت مشتاق : شخبارك اخوي ؟ فراس وهو يوقف عن المشي ونزل راسه للأرض وهمس : عايش لحين ما جى يومي وكمل طريقه شوق اخوها مو عاجبها حاله من مدى وحاسة ان فيه شي ومخبي وراه اشياء مو شي بعد .. واليوم وخصوصا بهذي اللحظة تأكدت شكوكها وبعدها لا اراديا توجهت مباشرة الى غرفة فراس .. ودقت الباب فراس : من ؟ شوق : انا فراس وحاس انه بحاجة الى اخته أكثر من أي وقت ثاني .. فراس وهو يفتح الباب : تفضلي دخلت شوق وقعدت على الكرسي .. وفراس قاعد على سريره ومنزل راسه .. واثر شعر ذنقه مبين .. وغير الهالات السودة على حول عيونه .. وكأنه كابر عشر سنوات .. شوق مو قاعدة تشوفه اخوها الرزة .. الي على طول ماشي على الستايل شوق : ما بتقولي شنو الي محزنك ؟ فراس : شنو اقولك وشنو اخلي ؟ شوق : انا اليوم بظل معاك .. اكثر من أي يوم ثاني عشان اعرف شنو الي محزنك فراس وهو يمرر اصابع يده بشعره الطويل نوعا ما : خلاص يا شوق مصيري وتحدد شوق باستغراب : مصير شنو ؟ فراس : عمي شوق : الله يرحمه .. شفيه ؟ فراس : وصيته .. عــ.. علي يا شوق .. علي انا شوق : علـــــــــــــــــــــــــيك !! فراس يبتسم بألم : أي .. عشان تتقرب العايلتين وما يفرقهم الزمن .. ما درى عمي بهذا الشي بتسود المشاكل والبلاوي .. واذا ما كانت هناك مصايب بعد شوق : شنو مشاكله وبلاويه !!! شسالفة ؟؟ فراس لا تتكلم لي بالالغاز فراس : يا شوق عمري 22 سنة .. بدخل الـ 23 .. توجب علي آخذ بنت عمي شوق مصدومة : رجــــــــــــــــاء !!!!!! فراس : أي رجاء .. بداخلي امنيات كبيرة .. وفجاة دخلت حياتي هالارجاء وهدمتها .. احلام اني اعيش مع الانسانة الي انا بنفسي اختارها من بين هالناس مو الزمن والظروف تختارها لي .. اختارها وابني معاها بيت الاحلام .. ونعيش حياة ما عاشوها غيرنا .. ولكن بدخول رجاء .. اقتحمت كل شي وعفسته .. وخلته بالمقلوب .. ( وهو يتنهد بألم ) آآآآآآآآآآآه .. كلها كم يوم ورجاء تصير شريكة حياتي شوق ساكتة لان لحين الموضوع مو داخل بالها فراس : والي معذبني اكثر شوفي ( وهو يمد يده لشوق بالتلقون على رسالة من رسائل منال الرومانسية والي تعبر عن حبها الكبير ) شوفي .. بظلم بنتين في مرة وحدة .. رجــــــــــــــــاء لان بتكون زوجتي وانا ما احمل لها ولا ذرة من المشاعر .. ومنــــــــــــــــال الي تنتظرني سنين .. عشان اكون لها وحدها شوق : منــــــــــــــــال ؟ فراس : أي منال .. ما اعرف شنو اقولها .. شنو اقولها وشنو اخلي .. اذا انا وصبي ما تحملت الصدمة .. شلون هي وبنت ؟؟ وغير جدي انثى بكل معنى الكلمة شوق ما تكلمت وظلت ساكتة .. وكأن كل هالكلام مثل الماي البارد انصب عليها .. او مثل الشي الي ربط السانها ومنعها عن الكلام .. هي والي خارج نطاق هالوصية وهي مصدومة .. فشلون الي تعني لهم الوصية رجــــــــــــــــاء الى اخوي فــــــــــــــــراس ندى اول ما كملت من تجهيز راحت فوق عشان تاكل مع رجاء ندى وهي تفتح الباب : بــــــــرز العــــــــشاء ولكن ما في صوت يرد عليها غير أنــــــــــــــــين ندى لفت وانصدمت بشكل رجاء وشهقت : رجــــــــــــــــاء !! نهاية الفصل الثاني توقعاتكم * رجاء وعلاجها ؟ * الدكتور فهد بكون شخصية ثنائية او رئيسية ؟ * (ورفع تلفونه .. وضرب الارقام .. ووضع التلفون على اذنه اليمنى .. وفتح السيارة .. وابتسم بأمل ) اتصل الى من ؟ وشنو سر هذي الابتسامة ؟ * فراس شلون بينصف بين رجاء ومنال ؟ ومن بيختار في النهاية ؟ * بدر وكلامه عن الحياة وذكرى ماساته ؟ يا ترى شنو من اشياء يخفيها خلف شخصيته ؟ * منال ؟ شنو بكون موقفها لما تعرف بهذي السالفة الطويلة العريضة ؟ * ندى شنو شافت في رجاء !! وشنو سبب الي فيها !!! * وســــــــــــــــــــــــــام ! بطلنا المفقود ؟ وينه ؟ تحياتي Quote Link to comment Share on other sites More sharing options...
غصون المحبة Posted أغسطس 10, 2007 Report Share Posted أغسطس 10, 2007 يسلمووووووو على البارت ننتظر تكمله Quote Link to comment Share on other sites More sharing options...
كوول بحرانية Posted أغسطس 10, 2007 Author Report Share Posted أغسطس 10, 2007 مشكور او مشكورة اخوي اوختي ههههههههه ما ادري انتي والله انت بنت او صبي بس ماعليش هههههه الفصل الاول من الجزء الخامس علمت اليوم ,, ما هو قدري ,, وأين هوى نفسي ,, الذي كنت أجهله ,, وليتني لم أعرفه ,, وليتني ما زلت أجهله ,, لكنت مبتسمة ,, ولكن أين هي ابتسامتي ؟ أين أنتي ؟ أنقذيني ,, فالصمت يلون الأرجاء ,, بألوان أفضل الصمت المؤلم ,, عن التحدث بمصيرها ,, بألوان زهرية كانت تلون قلبي ,, مشاعري ,, أحاسيسي ,, ونبضي ,, ولكن أين هي الآن ؟ كرهتها ,, وكرهت الحياة من دونها ,, كرهت نفسي لأنني أحببتها ,, وجعلتها حبي الأول ,, لما كل هذا ؟ في بيت ام سلمان .. شذى قاعدة تشوف التلفزيون .. وشوية يدخل عليها سلمان سلمان : قوة شذى بس شهقات سلمان بهت : شفيج ؟ شذى وهي تمسح دموعها : اسكت بموت راشد احين سلمان باستغراب : أي راشد ؟ شذى : اوووه اسكت زوج عذاري سلمان انقهر منها عبالها تقصد شي الا طلعت مجرد حلقة .. ومن قهره قام بند التيفي شذى صرخت : هيييييييييييييي ليش تبنده ؟ سلمان وهو يقعد ولا كأنه مسوي شي : احسن لج من الصياح سمعيني شذى بعصبية : مالت عليك ابي اشوف لما يشيلون ولد راشد من عليه ويجود فانيلته اووووووف هالبيت مافي شي اسمه ديمقراطية ( وتروح فوق حجرتها ركيض عشان تشوف اللقطة لما يموت راشد ههه ) سلمان : خرفت هالبنت .. خلني اقوم اشوف لي شي اشربه ابرك لي وتوه بقوم .. الا صوت تلفون يرن على اغنية ( قوة قوة حق ماجد المهندس ) استغرب نقاله رنته موسيقى مو اغاني .. الا شوية يلفت نظره تلفون امه سلمان : هذا تلفون امي .. اكيد اخذته شذى منها .. واحين ان وديته لها زفتني ( وشوية الا يسكت عن الرنين ) سلمان بخفة دم : احسن ويتركه .. وفي طريقه للمطبخ يرد مرة ثانية يرن ويرجع سلمان للتلفون ويرن بعصبية شوية : الوووووووو الي على الخط الثاني خافت وبصوت مرتبك انثوي رقيق : الوو هـ .. هذا تللفون شذ.. شذى ؟ سلمان سكت واما الى على الخط سكرته ويت ويت ويت ابتسم سلمان لما عرف انها صكته وترك تلفون اخته .. وراح المطبخ أخذ له جوز .. وروح فوق واول ما دق على اخته شذى شذى وهي تفتح الباب و يا زعم زعلانة : نعم سلمان : ههههه يا حلو الزعلانين .. ممكن ادخل ؟ شذى : لا يالله مع السلامة سلمان ويا زعم بروح : كيفج انتي الخسرانة ندى بتعرف قبلج شذى لما سمعت ان فيه خبر وندى بتعرف قبلها فتحت الباب وركضت الى اخوها : لا تعال حياك الحجرة هههه امزح معاك سلمان وهو يضحك على اخته : هههه يالله شذى بصوت منخفض : ايوااااااا سلمان : شنو ! شذى : هااا لا لا بس تفضل اقعد سلمان بخفة : ها مات راشد ؟؟ شذى بحزن : أي مات خسارة سلمان : المهم بلا خرافات .. بكرة تبون تطلعون ؟ شذى بفرح : الاااااااااي أي اكيد بكرة يوم الجمعة يعني بداية الويك آند .. وين بتودينا عاد ؟ سلمان : على شوركم ؟ شذى : امممممم سلمان : اول شي شوفي رجاء وندى .. وردي علي خبر شذى : ليش وشوق ! سلمان : اوكي قولي لشوق بعد .. نسيتها شذى : اووووووكي بدق عليهم ( وتقعد تدور ) وين تلفون امي !!!! سلمان : أي صح تلفون امي تحت شذى : اووكي .. يالله بروح بدق عليهم سلمان : لحظة شذى ما سمعته وراحت تركض تتصل فيهم .. يا سلاااااااااااام بنطلع .. بسرعةةة بروح ادق على شوووق وندووي ورجاء سلمان ضحكت عليها : ههههه مجنونة ابي اخبرها عن البنت الـ .. ( وما كمل كلامه ) اكتفى بابتسامة وروح حجرته شوق بهدوء : الو شذى : هلوووووووووووووووووو .. شخبارج ؟ شوق : حشى عورتي اذوني .. انا بخير وانتي شخبارج ؟ شذى : تمممممممممممام .. انزين سمعي شوق : انتي الي سمعي يوم اد .. وقاطعتها شذى : هي سمعيني ما في كردت واجد .. بس بخبرش ان بكرة بنطلع برزي روحج شوق : وين بنروح ! شذى : ما ادري .. سلمان قال احنا نتفق شوق باستغراب : وشدخله سلمان احين !!!!! شذى : شوقو فهمي يا هبلة .. سلمان بطلعنا بكرة انا وانتي وندى ورجاء .. وقال نختار لنا مكان شوق : اهاا .. وصح اني مو هبلة يا الدبة شذى : هههههه اوكي المهم برزي روحج شوق : متى عاد العصر او المغرب ؟ شذى : سلمان قال احنا نختار .. بس نخليه المغرب بعد الصلاة شوق : اوكي شذى : باي كملتي الكردت مالي مع هالاسئلة الهبلة .. الي مثل صاحبتها شوق : باي ومالت عليش ههههه شذى : باي ههه ( شكلك تبي تبدا معايا الخيانة .. لا يا حبيبي هونك شوية هونك ) وبسرعة قامت ندى من على الكرسي .. واخذت التلفون وسوته سايلانت .. وطلعت برى بسرعة بسرعة ندى : الوووو شذى : وريح في ابليس .. ليش ما شلتينه بسرعة ندى : انتي الي ازعجتينا .. رجاء توها مسكرة عيونها .. وزين انها ما قعدت من صوت التلفون شذى : اهااا .. انزين سمعي بكرة بنطلع ندى مستغربة : وين نروح !! شذى : على اختياراكم ندى : انزين من بودينا ؟؟ شذى : يعني من اكيد سلمان ندى : وشنو المناسبة ؟ شذى : اووووف المحقق كونان .. بس نطلع نتونس نغير جو .. وبالاضافة عشان رجاء شوية تشم هوى .. المهم برزي روحج انتي ورجاء بنمركم بعد صلاة المغرب ندى : اوكي نبي الدانة ؟ شذى : شمعنى يعني ؟ ندى : لان السيف زحمة وخصوصا بكرة الجمعة يعني اجازة .. فخليه الدانة شوية اقل زحمة شذى : اوكي .. باي ندى : باي باي شذى اول ما كملت من تبليغ الخبر للكل .. ركضت فوق لأخوها عشان تخبره عن المكان والوقت طق طق طق سلمان وهو يجفف شعره : تفضلي شذى : هلوو سلمان ابتسم لها : هلوات شذى : شكلك توك سابح سلمان : أي شذى بمرح : اهاا نعيما سلمان : ينعم بحالج شذى : المهم ما أتاخر عليك .. قررنا انا والبنات ان احنا نبي نروح الدانة بعد صلاة المغرب سلمان : تم .. بكرة ان شاء الله على خير شذى : اوكي على خيرات .. يالله اخليك سلمان : في حفظ الي علينه ما تنام شذى ابتسم لأخوها بحنية وتوها بتطلع .. لكنها وقفت وراحت الى اخوها ولمته : مشكوووووووووور واااجد سلمان ضحك عليها : هههه العفو حاضرين للحلوين بس اول ما طلعت شذى من سلمان .. سلمان اخذ تلفون ودق على ..... ؟ سلمان : الووو ؟؟؟ سلمان : بخير وانت شخبارك ؟ ؟؟؟ سلمان : الحمد الله .. المهم اخبرك بكرة موعدنا في الدانة بعد صلاة المغرب ؟؟؟ سلمان : ولو حاضرين للغالين .. يالله اخليك مع السلامة همسات مزغردة أسمعها تتطاير من خلف ذلك الغصن ..وأسراب من الطيور الرائعة تحوم في الهواء الطلق .. وعلى أصوات تلك النغمات .. لم اتمكن من فتح عيني .. نعم .. لأنني اعلم ماهو قدري المحتوم .. آه .. حاولت ان ابكي بلا صوت .. ان اذرف الدموع فقط .. ولكن ما بقلبي اقوى من ذلك .. فاخذت ابكي وانوح .. وشهقاتي تتعالى .. اعذروني فما بقلبي شي بالغ القسوة و الألـــــــــــــــــم ندى قعدت على صوت غريب .. باعدت خصلات شعرها عن قسمات وجهها .. والتفت للصوت الغريب .. رجـــــــاء قامت من سريرها وتقدمت الى سرير رجاء وبهمس حنون : رجاء شفيج حبيبتي ؟؟ رجاء : ( مجرد شهقات ) ندى : رجاء قولي لي شفيج !! .. من دخلت عليج وانتي تصيحين وذابحة نفسج من الصياح .. خبريني شفيج .. مو انا صديقتج .. وبنت خالتج .. وكل شي .. يالله قولي لي ... ندى : رجاء حرام عليج الي تسوينه بنفسج .. خبريني شنو الي يصيحج .. !!! شي يعورج لا سمح الله .. قولي لي بلييييز ... ندى : اوكي بس انطقي .. قولي كلمة وحدة على الاقل .. لا تظلين ساكتة .. رجــــــــاء مو زين تصيحين في هالوقت ( وتطالع الساعة ) .. شوفي الساعة 6 توها .. يا ربيييييييي حملت نفسها ندى ونزلت تحت عشان تاخذ لرجاء ماي .. ولكن !! وقت نزولها من الدرج لفت انتباها ندى : من في حجرة وسام ؟؟؟ وتوجهت ندى الى غرفة وسام .. وقتها كانت لابسة بجامة وردية .. برمودة لونها وردية .. وفانيلا كت فيها صورة ميكي موس .. وشعرها منسدل على وجها .. يعني شكلها طفولي وملائكي .. ندى اول ما فتحت الباب شهقـــــــــــــــــــــ ــــــــــــــــــــــت الي داخل الروم شافها واستغرب وجودها ندى بخوف : منووو انت !!! شتسوي هنيي .. برررررع اطلع برررع لا اصارخ بسرررعة ........ تورط ما عرف شسوي : انزين لحظة خلينا نتفاهم ندى بعصبية وبخوف في نفس الوقت : على شنو نتفااااهم يالحراااامي .. قلت لك اطلللللللع بسرعة .. احمد ربك اني ما صرخت او اتصلت للشرطة يالله بسرررررعة برررررررررع ........ : لحظة سمعيني اختي ندى : تخلخلت حنوجك .. ( وبدت تصراخ ) خالللللللللللللتي في حراااامي خالللللللتي ..... تورط ما عرف يسوي راح لها ومسكها من بوزها : اووس سكتي فضحتيناااااا ندى وهي تحاول تصارخ وتتكلم : اه مامي خاتي رج سابورخ ....... : بس خلاص سكتي انا مو جاي ابوق مثل ما تتوقعين انتي هدي عشان اقدر افهمج شسالفة وندى لكن لحين مصرة وتتحرك بين يدينه بعصبية ........ : صدقيني انا اعرف اهل هالبيت .. بس انتي ما اعرفج لان شكلج مو اخت وسام .. يمكن من قرايبه بس انا اعععرف اهل هالبيت ندى لما سمعت اسم وسام عرفت انه فعلا مو حرامي .. وهدت شوية عن الحركات .. ولما شافها هدت شال يده عن بوزها .. وصارت ندى قباله .. ولما شافها بهذا الشكل .. نزل راسه ندى في بالها : شفيه هذا مجنون منزل راسه خله يفهمني شسالفة ومنو يكون وشنو يبي !!!! وبعدها هي نزلت راسها بعد هي الثانية وانصدمت بشكلها : مبييييييي شوف شنو لابسة قداه شنو بقول عني الرجال .. ( وبسرررررررعة تركض تطلع برى الحجرة ) الرجال ضحك عليها واخذ الشي الي يبيه ومشى عنها اما ندى .. فراحت الحجرة عشان تلبس الشيلة والعباية وهي تلبس : احيييين شنو بقول عني .. يا ربي شنو هالفشيلة .. شقالت .. قالت حراااامي اووف وهي تلبس متناسية سالفة صياح رجاء .. واول ما كملت مباشرة طلعت .. وتوجهت الى غرفة وسام .. وهي محمرة الوجنتين ندى مسغربة : وي .. وين ذلف ذي !!!!!!! وطلعت من حجرة وسام تطلع يمين ويسار .. وطالعت تحت .. ما في اثر له كلش .. اووووووووف مالت عليه مخلني البس وحالة وذلف .. روحة بلا رجعة ان شاء الله .. بس لحظة هذا شنو سالفته !!!! .. وبالاساس شنو مدخلنه بيت خالتي وبالذات حجرة وسام .. يا ربييييييييييي احين شلون بنام والفضول بيذبحني ما ادري هذا من وين طالع لي ( وفجاة تذكرت ) مبييييييي رجاء وبسرعة راحت المطبخ واخذت لها قلاص ماي .. وروحت فوق الحجرة .. والف سؤال يدور في بالها .. واول ما دخلت الحجرة لقت رجاء راقدة ندى : مالت على ابليس .. ومتعبة نفسي وحالة وآخر شي رقدت تركت القلاص على الكمدينو .. وطاحت على السرير تكمل رقادها بتعب . لم يكن نوما هنيئا .. وليس مريحا .. فالزمن فعل فعلته ورحل .. وبقيت وحيدة لا زوج .. ولا ابن .. وابنتة كلها شهور وتكون لغيري ام وسام : استغفر الله رب العالمين .. استغفر الله . حملت نفسها ام وسام وراحت الحمام ( وانتوا بكرامة ) .. شافت نفسها بالمراية وبدت تتكلم مع نفسها : آه يا ابو وسام .. رحلت ويتمت عيالك .. وخليت اسم الارملة يلاحقني من مكان الى ثاني .. رحلت ورحل ولدك بعدك .. ما خليت بنتك تتهنى بشبابها .. وهذي هي قدرها وانكتب .. آه .. الله يرحمك ويغمد روحك الجنة .. رجعت حجرتها .. ولبست لها شي على شعرها .. وقرت شوية قران .. عشان تهدي .. بعد ما كملت تنفست بارتياح .. ونزلت تحت تبرز الفطور .. نزلت المطبخ شافت الخدامة تنظف وترتب في المطبخ ابتسمت لها >> الحلو في ام وسام انها جدا طيبة مع الخدم ام وسام بابتسامة حنون : صباح الخير بيبي بيبي ترد عليها الابتسامة : صباه النور ماما ام وسام وهي تفتح الثلاجة : من متى قاعدة ؟ بيبي : انا يقعد الساعة سبعة ونص ام وسام : وليش قاعدة من الصبح .. ما في شغل ولا شي بيبي : انا ما في يجي انا نوم اكتر .. لان ينوم بدري واجد ماما ام وسام وهي تطلع الزيتون من الثلاجة : زين .. نوم العوافي .. عطيني صحن بيبي : جين ماما ام وسام .. برزت صحن الزيتون والجبن .. والسندويج الي معتادة بيبي تجيبه من الساعة سبع ام وسام وهي قاعدة على الكرسي وتقص السندويج : بيبي الساعة كم احين ؟ بيبي وهي تشوف الساعة : احين ماما تسعة ونص ام وسام : يعني في وقت بيبي : ليش ماما في شي يبي يسوي انتي ؟ ام وسام : لا بس كنت بشوف البنات .. الساعة 10 بروح لهم اشوفهم بيبي وهي مترددة : ماما ام وسام : خير بيبي بيبي : اممم رجاء شنو فيه ماما ؟ ام وسام وهي تتنهد : آه شقولج بس يا بيبي ولو قلت لج ما بتفهميني بيبي : لا انا فيه يفهم .. من يموت بابا ابو وسام الله يرهمو .. وانا كل يشوف رجاء ساكت .. انا خوف لان رجاء وازد يحب بابا ام وسام : ان شاء الله خير يا بيبي ان شاء الله خير بيبي : ووسام انا ما يشوف من زمان .. وين فيه يروه ؟ ام وسام وهي تبتسم لتخفي وراها شلال من الدموع : ما ادري يا بيبي .. علمي علمج في بيت ابو فراس .. وخصوصا في غرفة فراس فراس كان راقد بتعب وبعذاب .. حتى الواقع يزوره بالحلم قعد بخوف وبفزعة وهو يغالب عبرته : بسم الله الرحمن الرحيم .. اعوذ بالله من الشيطان الرجيم .. شنو هالحلم .. اعوذ بالله .. اعوذ بالله ورد نزل راسه على الموسدة بتعب وهو يلعن الحياة ويسب ويشتم فيها : ليـــــــش شـــــــنو ســـــــويت بحـــــــياتي عـــــــشان اتـــــــعاقب بهـــــــذي الطريقة .. أي اذنـــــــبت بلعبتـــــــي علـــــــى بنـــــــات النـــــــاس .. لـــــــكن !! مـــــــو جـــــــذي تعاقبنـــــــي يـــــــا ربـــــــي .. رجـــــــاء ليـــــــش ؟؟؟ ليـــــــش مـــــــو وحـــــــدة ثانيـــــــة ليـــــــش ؟؟؟ المشـــــــكلة انـــــــي مـــــــا اقـــــــدر اخـــــــونها لأنـــــــها بنـــــــت عمـــــــي !!! آه .. آه عـــــــلى حبك لمـــــــنال .. وحبـــــــها لك مد يده تحت الموسدة واخذ التلفون الي صار له اكثر من يومين مسكر .. فتحه .. الا مسجات ورى بعض تجيه .. قبل ما يفتحهم عرف انهم من منال .. تنهد وفتحهم ( ليت ) الفرح يطق على بابك ويرضيك ( ليت ) الحزن تايه عنك و ناسيك ( ليت ) الزمن دايم الدوم يهنيك ( ليت ) تذكر منهو بالخير يطريك .. !! ... القلب يا قلبي اذا غبت ناداك ،، والعين يا عيني رجاها تشوفك ،، والروح يا روحي عن البعد تنهاك ،، والنفس يا نفسي حياها وجودك ،، والعمر يا عمري ضايع بفرقاك ،، ( كلي على بعضي شنو اسوي بدونك ) فراسي .. احبك .. لا تنساني لو الزمن فرقنا وتذكر اني بظل انتظرك لو كنت بعيد الدار تذكرني لو بمسكول حتى اطمن عليك احبك تنهد فراس على دخلة اخته شوق شوق بابتسامة : صباح الخير فراس يرد عليها ابتسامة متالمة : صباح النور والسرور شوق : توك قاعد ؟ فراس : أي توني من شوية شوق : يالله قوم الفطور شوية ويبرز فراس وهو يترك التلفون متناسي طلب منال : يالله شوية وجاي وراج شوق : يالله اول ما طلعت شوق من غرفة فراس .. نزلت تحت الا امها وابوها على الطاولة شوق : صباح الخير ابو فراس وام فراس : صباح النور شوق وهي تبوس ابوها فوق راسه : شخبارك يبه ؟ ابو فراس : بخير يالغالية شوق وهي تلاوي على امها بمرح : واحلى ام بالدنيا شخبارها ؟ ام فراس وهي مبتسمة الى بنتها وتبوسها على خدها : بخير يا كل الخير ويا شمعة البيت شوق : ههههه دوووم يا رب يا اغلى ثنين بحياتي ام فراس : ها وين اخوج بيبرد الريوق شوق : احين جاي وراي وشوية الا ينزل فراس فراس : السلام عليكم الكل : وعليكم السلام ابو فراس يبتسم لولده بحنان : حيالله المعرس فراس بلع ريقه : الله يحييك يبة ام فراس : فديت وليدي .. الله يخليني واشوف عيالك يا رب شوق : وانا ؟ ام فراس : هههه وانتي بعد .. كم شوق عندنا ؟ شوق بمرح : وحدة ام فراس : واحلى وحدة ابو فراس : يالله بسم الله وبدوا ياكلون وكل واحد يفكر شنو جايه بالدرب فراس في نفسه : آه شكلها العايلة الكريمة كلها عرفت .. والاسوء ان محد يعرف انها وصية عمي غيري انا وابوي وشوق .. وعبالهم ماخذها لسواد عيونها .. ما يدرون ان مغصوب .. اوووف في بيت ام وسام ندى قعدت وبالها مشغول بالي شافته .. عبالها حلم اول ما قعدت .. ولكن لما شافت نفسها راقدة بعبايتها والشيلة حول رقبتها .. عرفت انه واقع ومجهوووول .. وشكل الصبي لحين متركز في بالها .. وصورته ملاحقتها .. وتبي تعرف حقيقته !! ندى وهي تبتسم لخالتها الى بروحها فوق طاولة الطعام : صباح الخير خالتي ام وسام : صباح الندى ندى ابتسم : شنو يسوي الحلو قاعد لحاله ؟ ام وسام : تنتظر الوردتين يقعدون ندى : هههه ليش ما جيتي تقعدينا ؟ ام وسام : قلت بجيكم الساعة عشر ندى وهي تشوف الساعة : لكن احين الساعة عشر ونص ام وسام : نسيت نفسي .. الا ما قعدت رجاء ؟ ندى وهي تفكر تقولها عن صياحها او لا ام وسام : وين سرح الحلو ندى : هههه لا ما سرحت مكان .. بس رجاء لحين ما قعدت ام وسام : ااهااا خليها على راحتها .. يالله سمي ندى : بسم الله طلعت لها جينس مزخرف بالوردي .. وبدي كت لونه وردي .. وقميص نص كم خفيف .. لونه مايل للبحري ( يعني مثل لون الجينس ) .. قصير نص الظهر .. وبعدها راحت لكبت الشنط .. واختارت لها شنطة وردية فرو بنوتية .. ابتسمت لها شافت الشنطة .. هذي من رجاء قبل ما ترجع البحرين يوم عيد ميلادها دازتنها لها هدية .. وبعدين شافت لها شيلة سودة عادية حرير .. وقامت تنادي من غرفتها شذى : ويناااااااااااااااا .. ويناااااااااا سلمان وهو يركب الدرج : يالله صباح خير .. شفيج تصارخين ؟؟؟ شذى بدلع : وين وينا ؟؟ سلمان : وانا شدراني ؟؟؟ شذى : حبيبي سلمان ( حطت في يده الشيلة ) عطها وينا تكويها لي .. وقولها تقولج شذى لا تنسين تسوين عود .. لاني بطلع المغرب .. بروح الدانة .. يالله باااي باخذ لي شور سلمان وهو يبوس يده : الحمد الله والشكر .. البنت خرفت ما تسوى علينا هالطلعة ورد نزل مرة ثانية عشان يلبي طلبات الفلانة >> شذى هههه شذى .. من طبعها اذا بتروح مكان تحب تبرز كل شي لو قبل بيوم .. لانها تموت بشي اسمه طلعات وشوبنق .. بنت ما تلام شذى راحت عند الكمدينو وطالعت وجها بالمنظرة : يا حلاوتي ناعمة .. بحط لي بس سمركيك خفيف .. وكحل وكلوز .. ما بحط لي شدو .. عشان اكون ناعمة .. الااااي متى يجي المغرب .. من زمان ما طلعت . وبعدها راحت كبتها طلعت لها بدلة عادية حق تقعد فيها بالبيت بس .. ومباشرة راحت الحمام تاخذ لها شور . في ذلك البيت الصغير .. المليء بالرومانسية والحنان اسراء : محمود ممكن بعد الفطور ابي اروح ازور اهلي .. من زمان عنهم محمود : اكيد اليوم يومج ويوم اهلج اسراء ابتسمت له بحنية : خلاص بدق على امي بقولها تحسبني وتحسبك بالغذى محمود : لا عمري ما يحتاج تحسبني .. انا بروح ازور الوالدة .. ومرة وحدة اتغذى معاهم اسراء : براحتك حبيبي (وهي ترفع التلفون وتضرب الرقم ) ام فراس : يا هلا ومرحبا اسراء : هلا بام فراس يالغالية ام فراس : هلا بحبيبتي .. شخبارج يالغالية ؟ اسراء : انا بخير الحمد الله ام فراس : وشحال محمود عساه مرتاح ؟ اسراء وهي تناظر محمود : الحمد الله كلنا بخير .. اسال عنكم ام فراس : سالت عنج الصحة والعافية .. احنا عايشين بخير ونعمة يا بنتي الغالية اسراء : يمة اليوم انا بجيكم حسبوني بالغذى ( وشوية ويدق الجرس ) ام فراس : الخير واجد يا بنيتي حياج يالغالية اسراء ونظراتها تتباع زوجها الي رايح يشوف من على الباب : على خير عجل يمة .. اشوفكم بعدين سلمي لي على الوالد وشوق وفراس ام فراس : يوصل حبيبتي .. مع السلامة اسراء : مع السلامة اسراء وهي تكلم محمود : من على الباب ؟ محمود : قومي لبسي لج شي .. هذا احمد اسراء : ابو قاسم .. حياه حياه البيت بيته ( وراحت فوق تاخذ لها شي تحطه على راسها ) محمود : حياك تفضل يالقاطع احمد : هههه الله يحييك .. شخباركم ؟ محمود : والله الحمد الله بخير ربي يسلمك .. وانت بشر ؟ احمد : الحمد الله .. بس تعرف هذي اول سنة لي من تخرجت .. وقاعد ادور لي على شغلة محمود : شهادتك واجد زينة .. تجيب لك شغلة زينة احمد : عاد وين تعبت وانا ادور محمود : اصبر ياخي .. ما صار لنا الا اسبوع مبلشين الدوام .. اصبر الصبر زين الا بنزلة اسراء والابتسامة على ملامح وجها : هلا يالغالي هلا احمد بخفة : هلا بالنحيسة هلا اسراء : اول شي انا مو نحيسة .. ثاني شي شخبارك لك وحشة يالدب احمد يقلدها : اول شي انا مو دب .. ( ويوقف ) شوفيني رشيق شحلاتي .. وثاني شي انا بخير ههههه اسراء ومحمود : ههههههه محمود : ما تجوز عن سوالفك .. الا شخبار الوالدة ؟ احمد : الحمد الله .. الوالدة عايشة بخير وعافية محمود : يالله رايح لها بعد شوية احمد : الغذى معانا ؟ محمود : أي انا بس .. واسراء بتروح بيت ابوها احمد بدون ما يلتفت على نفسه : سلمي على الكل وعلى شذى بعد اسراء ابتسمت له بحنية وفي قلبها ( هالصبي قلبه شفاف يبين من يحب ومن يعز ) : الله يسلمك من الشر احمد : وعلـــــــــــة .. ما تقومين تضيفيني .. صدق ما تعرفين اصول اكرام الضيف اسراء تضحك عليه : هههه افا عليك آمر تدلل احمد وهو يحط رجول على رجول : احم احم .. بغيت عصير مانجو فرررررررش اسراء وهي حاملة نفسها متوجهة للمطبخ : ابشر كم احمد عندنا احمد : واحد ادري قبل ما تقولين هههه اسراء ضحكت عليه احمد : الا قولي ازيك بعد يا خيي محمود يضحك هههه : تمام عال العال احمد بخفة دم : سبحانه الله شلون جدي .. انا بعد تصدق محمود يضحك وياخذ قوطي الكليس ويبي يقطه عليه : مالللت عليه تتمسخر حضرتك هههه احمد وهو يغطي نفسه بالموسدة الي جنبه : لا تضرب انا ما ضربت محمود : هههههه ذكرتني بطفولتنا احمد : الااااي عجيبة ذيك الايام محمود : ههههههه خصوصا بعبارتك هذي ذكرتني لما كنا راجعين من المدرسة يوم النتايج يوم النتايج احمد وقتها كان في الثاني الابتدائي .. ومحمود صف اول اعدادي يعني مرحلة جديدة وبتكون شوية اصعب محمود طلع من المدرسة شوية حزين احمد بصوت مثل الصواية : كم نسببببببببتك ؟؟؟ محمود : 93.88 احمد : ويووووووو امي وابوي بزفونك هههههههه محمود وهو رافع يده : احين بجيك كف على هالوجه احمد وهي يغطي وجه بشهادته : لا تضرب انا ما ضربت احمد : هههههههه عجيبة ذيك الايام الا بدخلة اسراء : ضحكوني معاكم محمود : حياج .. نتذكر ايام الطفولة اسراء : ههههه احلى مرحلة يعني وفي شقة بدر بدر في التلفون : وانت حضرتك متى ناوي ترجع ؟ وسام : الي فوقك وحده العالم .. ويمكن ما ارجع .. ولو رجعت انسان ثاني بدر : بدون هالاسلوب وهالالغاز الي مامنها فايدة ولا شي .. وارجع اهلك محتاجين لك وسام : بدر خلني على راحتي بدر : وشوو اخليك على راحتك .. هي لعبة .. لا تصير جاهل وارجع احسن لك وسام : خلني فترة بعيد بدر : اسمع لك فترة معينة وان ما رجعت .. لا انا اخوك ولا اعرفك ولا تعرفني وسام وهو يتنهد : لا تزيد علي هموم وانا الي فيني كافيني بدر : شوف مصايب الناس تهون عليك مصيبتك يا اخوي وسام : ربك كريم .. يالله سلامي للجميع ..مع السلامة بدر : الله يهديك .. مع السلامة آه يا وسام .. لو شفت حالتي ومصايبي .. كنت حمدت ربك .. الي مريت فيه مو شوية .. تعبت صح .. ولكني صبرت وقلت انتظر واقول .. ما اجمل يوما لم نعشه بعد .. ويمكن القدر مخفي لي شي حلو .. احلى من الي مضى .. والنعم يالله .. والشكر له والحمد استقلت الشمس في كبد السماء .. ونشرت اشتعتها الحارة .. في شهر صيفي مثل شهر سبتمبر .. لم يحدث ما يلفت الانتظار .. فالاجواء هادئة .. ولكن !! .. متى سوف تهب الرياح !!! الساعة اربع .. كملت ندى احلى قعدة مع خالتها .. فيهاا تمت المصارحة والمناقشة .. والتفكير والتوقعات للمستقبل .. والتمني والاحلام ندى وهي تفتح باب حجرة رجاء بابتسامة مشرقة .. وزادت اكثر لما شافت رجاء فوق السرير وبيدها ورقة .. فيها كلام بس من بعيد ما قدرت تقراه ندى بمرح : صح النوووم .. يا ام النوم رجاء لما سمعت صوتها سكرت الورقة ودخلتها داخل شنطتها : هلا ندى بابتسامة امل : متى قعدتي ؟ رجاء : 2 ندى : وليش ما نزلتي رجاء : مالي زاغر ندى : انزين ترى بنروح الدانة بعد صلاة المغرب .. انا وانتي وشوق وشذى رجاء : ما بروح ندى : يالله رجاء بلا دلع رجاء : مالي نفس مجمعات .. بقعد هني انتظرهم ندى باستغراب : تنتظرين من !! رجاء : اذا قلت بتقولون مجنونة .. فاسكت احسن ندى ومو حابة تتناقش في هالموضوع : هذا مو موضوعنا .. واذا ما جيتي معانا انا ما بروح رجاء : اووووووووف .. اوكي بجي ندى : غصب عنج .. يالله قومي برزي لج شي عشان تلبسينه رجاء وهي قايمة .. رايحة عند دريشة حجرتها وتناظر برة : بعدين ندى بابتسامة : براحتج .. انا احين بروح البيت عشان اتبرز رجاء وهي تناظر الشمس بنظرة غريبة : اخذي من عندي ندى : عيب علي انا اختار قبلج رجاء وهي تناظر ندى بنظرة غضب : صايرة مليقة ندى اخذتها بروح رياضية : هااا نبرز لنا او اروح البيت ؟ رجاء : انزييين يالله في بيت ابو فراس ام فراس .. وشوق واسراء متجمعين بالصالة اسراء : عجل طلع فراس مو سهل حاط عينه على رجاء واحنا ما ندري ام فراس : فديت وليدي .. الله يهنيه شوق ما قدرت تقعد اكثر وتخفي خلف نظراتها حقيقة مرة : يالله انا بروح فوق اسراء : وين بتروحين وبتخليني .. مالت عليج من مدة ما جيت البيت واحين تخليني شوق : سووري .. بس وراي طلعة بزهب نفسي اسراء : خيااااانة .. شنو بتطلعين وانا جاية ليش عجل ؟؟ شوق : انزين تعالي معانا ؟ اسراء : طلعات آنسات .. اني صرت سيدة لازم اطلع مع سيدات شوق : الله والسيدة اشوفج صكيتي الاربعين .. بلا هرار ويالله قومي لا تفوتج الطلعة .. بتصير عجيبة اسراء : ادري بوجودي اذا جيت معاكم .. بس قولي وين بتروحون ؟ شوق : بنروح الدانة شوية نغير جو اسراء : من بوديكم ؟ شوق : سلمان بودينا .. انا وشذى وندى ورجاء اسراء : كشخة بجي معاكم شوق : حياج .. ها بتجين معاي الروم اسراء : أي يالله ام فراس : يالله عجل انا استاذن بعد .. بزور الجيران واتفقد اخبارهم اسراء وهي تبوس امها : فديتج ماماي سوري ام فراس : سوري !! .. شنو هالكلام بعد .. روحي روحي فوق شوق وهي تمسك يد اسراء وتاخذها معاها فوق : تعالي تعالي اسراء : اوكي بس لا تخليني اركض مثل الجهال .. صرت عودة شوق وهي تفتح باب حجرتها : كلش عاد اسراء : بدلتي مملة .. لابسة لي جلابية .. لان ما ادري بتطلعون شوق : اخذي من ثيابي اسراء : ما ادري .. يمكن اتصل على محمود يجيني اغير هدومي وارجع شوق : حشى عشان ثياب تمللين الرجال اسراء : الا تعالي .. اصلا لازم يجيني لان السيارة ما بتكفي شوق : أي صح اسراء : بنزل تحت باخذ نقالي .. عشان ادق عليه شوق وهي تشوف الساعة : احين الساعة 4 ونص .. بعد الصلاة احنا بنمشي اسراء : اوكي يكفيني الوقت .. يالله اخليج شوق : اوكي سي يو وفي بيت ام محمود محمود : الوالدة شكلها مطولة احمد : قعدة عجايز شنو تبي منهم هههههه محمود : عجل شنو يقعدنا هني .. قوم شوية نتنفس هوى احمد : يالله مشينا ( ووقت طلعتهم يرن تلفون محمود ) محمود : هلا بغلا العين هلا اسراء بدلع : هلا حبيبي محمود : وحشني هالصوت احمد يدش عرض : وزززززززززز توك معاها محمود الى احمد : انجعم ( ويكمل مع اسراء ) : آمريني يالغلا اسراء : ههه شفيه اخوك يتحلطم محمود : خليه عنج آمري اسراء : ابيك تمر علي .. بروح ابدل ثيابي .. وابيك تجي معاي الدانة .. هناك بروحون الاهل محمود : تم ابشري اسراء بخجل : تسلم .. باي محمود : باي محمود : يالله اخليك .. بروح للمدام احمد : شنووووووووووو .. والطلعة !!! محمود : طلبات الحكومة اوامر احمد : لا يا عيوني وراك وراك .. ما يهمني محمود : هههههه حياك .. الاهل بطلعون احمد : أي يعني ما فيها شي يالله جدامي والله محمود : ههههه الله يغربل ابليسك الكل برز .. وتكشخ .. طلعة من بعد حزن .. شي جديد بالنسبة لهم .. الكل على آخر كشخته .. ما عدى رجاء بسيطة .. بسبب الي فيها .. ولان حياتها بسيطة سلمان وشذى قدام .. وورى رجاء وشوق وندى رجاء تناظر من دريشة السيارة وتشوف العالم كتلة من الالغاز ما تعرف حلها شوق سرحانة بحبها الي تقول عنه انتهى .. ولكن !! ندى قاعدة وسطهم ومرتبشة .. ليش اونه ورة وشذى كل قدام >> برائة ههه في السيارة الثانية فيه سلمان ومحمود قدام .. واسراء ورى .. وكان الجو احلى بسبب روح المرح بين بعضهم لما وصلوا الدانة .. فوق النص ساعة وهم يحاولون يدورون لهم طاولة يقعدون فيها .. حصلوا طاولة وحدة وفيها اربعة كراسي بس رجاء وشذى وشوق واسراء قعدوا .. وندى مرتبشة ليش يخلونها واقفة ندى : اووووووف تعبت اني من الوقفة .. وحدة منكم تقوم وتتبرع لي اقعد ( الكل سكوت ) ندى : مالت عليكم ما منكم فايدة ولا شي ندى : انا بروح اطلب لي عشى شذى وشوق مع بعض : بنجي معاج ندى : احين .. يالله ارزوا مكانكم ( وهي تحمل شنطتها ) بشرط تجون معاي بعدين اقعد انا على الكرسي شوق : اوكي شذى : انتي قلتي اوكي مالي شغل ما بقوم انا من على الكرسي شوق : اووف اوكي ندى : يالله بروح يم يم تري بطلب لي باستا .. رجاء شنو تبين ؟ رجاء : مثلج ندى : واسراء ؟ اسراء : بعدين بروح مع محمود وبطلب ندى : براحتج يالله مشينا ومن صوب ثاني الشباب يدورون طاولة غير .. ولما حصلوا دق محمود على اسراء محمود : قومي وقفي حصلنا طاولة غير اسراء : وين ما اشوف شي محمود وهو يرفع يده ويحركها : هااا شفتيني ؟؟ اسراء : أي أي شفتك محمود : يالله تعالي عشان تقعدين فوق الكرسي .. على ما نجيب الطاولة والثلاث كراسي اسراء : اوكي جاية باي محمود : باي اسراء الى رجاء : رجاء دقايق بروح وبرجع رجاء هزت راسها بالرضى ولما راحت عنها اسراء رجاء فتحت شنطتها .. وطلعت الورقة نفسها الي كانت تقراها العصر .. وبدت تقرا فيها من جديد ......... : رجــــــــــــــاء !! رفعت راسها رجاء وشهقت نهاية الفصل الاول توقعاتكم : * شنو سر الموعد بين المتصل المجهول وسلمان ؟ * وندى ؟؟ من شافت من بيت خالتها ؟؟ ممكن تكون شخصية بتخترق قصتنا او ؟؟ وشنو اخذ من غرفة وسام ؟ * بدر ؟؟ شنو مخفي ورى شخصيته من اسرار ؟ * وسام بطلنا سمعنا صوته بس ما عرفنا مكانه ؟؟ وين يكون ؟ وشنو يدور براسه ؟ * رجاء وسر الورقة البيضة معاها ؟ * من الي شافت رجاء بالمجمع يا ترى ؟؟ ومــــــــــــــــتى ستـــــــــــكون البــــــــــــــــداية !! وللأيـــــــــــــام لقاء تحياتي Quote Link to comment Share on other sites More sharing options...
غصون المحبة Posted أغسطس 11, 2007 Report Share Posted أغسطس 11, 2007 هذا يمن وسام متصل حق سلمان علشان يجوف اخته رجاء والى كان فيبيت رجاء بدر رفيق وساام والى جافت ورها اخوها وسام واني بنت مو صبي ههههه يسلمووووو خيوو على البارت الحلو ننتظر البارت الجاي Quote Link to comment Share on other sites More sharing options...
كوول بحرانية Posted أغسطس 11, 2007 Author Report Share Posted أغسطس 11, 2007 مشكووورة اختي مو خيو لان اكتشفت انج بنت ههههههههههههههههه الله يستر من التوقعات اله انتي اتوقعتينها وبنشوف هل هي صحيحة او خاطئة والحين اخليج مع البارت عشان تعرفين - - - - - - - - - السلام عليكم - - الفصل الثاني من الجزء الخامس رجاء فتحت شنطتها .. وطلعت الورقة نفسها الي كانت تقراها العصر .. وبدت تقرا فيها من جديد ......... : رجــــــــــــــاء !! رفعت راسها رجاء وشهقت ....... : شخبارج ؟ رجاء قامت تطالعه بنظرات استغراب وخوف ........ : شفيج تطالعيني جدي ؟؟ رجاء : ليش جاي هني ؟؟ ........ وهو يضحك : ههههه يــه .. ليش مجمع الدانة باسمج رجاء قامت تطالعه بنظرات احتقار ....... : يؤيؤيؤيؤ شفيييج جدي تطالعيني شوية وتضربين رجاء : خير يا دكتور فهد شنو تبي فهد : قلت لج ناديني فهد .. وثانيا ما ابي شي .. كنت جاي اتمشى .. ولمحتج رجاء : اهاا .. يالله باي ( وتوها بتقوم ) فهد : افااا وين قعدي بسولف معاج رجاء بعصبية : نعــــــــــــــــــم !!!! .. شنو تسولف معاي قاعدين احنا في وين فهد : في البحرين .. شفيها عادي !! .. احين انتي مريتي على طريق حياتي مثل أي بنت .. وصارت لي معرفة فيها .. وصرتي مثل صديقة لي رجاء : ( سكتت وما علقت ) فهد وكأنه تذكر شي : امممم أي صح .. نسيت ما اقولج عظم الله اجرش رجاء لفت راسها بسرعة وحطت عينها بعينه : على شنو !!!! فهد : يؤ على وفاة الوالد الله يرحمه .. يالله في فسيح جناته ان شاء الله رجاء بعصبية وشوية يعلى صوتها : انت شقاااااااعد تقول !! فهد وهو يسوي روحه يطالع يمين ويسار : اوووس فضحتينا شفيج .. انا جاي اسولف معاج .. وعزيتج شفيها .. عيب !!! .. او سبيتج وانا ما ادري ؟؟؟؟ .. ترى كل واحد فينا بجي يوم وبيتعرض لهذا الموقف رجاء : بـ. ببـ . بس انااا ابوي موجود فهد : لا والله حلفي بس .. وفي وين ان شاء الله ؟؟ رجاء متنساية طريقة سؤاله المطنزة : مسافر مع وسام وبيرجع فهد وهو يصفق : ذكاء خارق صراحة .. سمعيني يا رجاء الوالد توفى الله يرحمه .. بدال هالمسخرة الي مسويتها ادعي له بالرحمة واقري عليه القرآن رجاء وبدت شوية تفور اعصابها : قلت لك الوااااااالد ما مات فهد وهو يوقف : الاختلاف في الراي لا يفسد للود قضية رجاء : هذا مو راي !!!!!!!! فهد : اشوى يعني عارفة .. على العموم خلنا نسكر الموضوع وقومي معاي رجاء : وييين !! فهد : قومي بناخذ لنا شي ناكله انا جوعان رجاء وهي خايفة : لا لا انا بروح الى اهلي .. هناك ينتظروني فهد : زين يالله اوصلج لهم ومرة وحدة اسلم عليهم ومن صوب ثاني .. سلمان وصله مسكول من فهد سلمان : يالله بسرعة خلنا نمشي ندى وهي تاكل في الباستا : حرام ما اكلت حتى نصها سلمان : مو وقته بسرعة قبل ما تشوفنا رجاء .. ما اوصيكم وحدة تغلق تلفونها ووحدة تسوين سايلانت عشان ما تشك بالامر محمود : يالله تحركوا وبسرعة كل واحد حمل اكله واغراضه .. وغيروا مكانهم (فهد تواعد مع سلمان على هالخطة .. وعشان يكون بروحه مع رجاء في لحظة خوف ووحدة .. عشان يقدر يوصل للي بخاطرها .. وطبعا هذي خطوة من بداية علاج عقدتها .. وطبعا سلمان اتفق مع الكل على هالشي ) رجاء وهي تشوف الطاولة عليها ناس غير وتلف نظرها الى فهد الي كان بعيد عنها بشوية فهد : يالله شكلهم هذولا اهلج >> يسوي روحه ما يدري .. شكلهم مشغولين بالأكل .. ما يحتاج اقاطعهم اخليج ( ويلف يا زعم بيمشي عنها ) رجاء بسرعة : لحظة فهد فهد وشكله ما يوحي انه يعرف شي : خير رجاء مترددة : اممم هذولا مو اهلي .. ممكن تنتظر اتصل فيهم .. اخاف اوقف بروحي فهد : أي عادي مو مشكلة رجاء ما خلت احد الا اتصلت فيه .. الا هذا مغلق والثاني مشغول .. وغير ما يشيله .. عاودت الاتصال على الي ما يشيلونه ماكو فايدة رجاء بحزن : مافي رد فهد : شلوون ؟ رجاء : مغلقة تلفوناتهم .. والي ما يشيلونه فهد : يمكن من الزحمة ما يسمعون صوت التلفون رجاء : انزين ندى ليش مغلق تلفونها فهد : يمكن الجارج مخلص رجاء : اهااا ( ونزلت راسها ) وسكوت فترة بين الطرفين .. حست فيهم رجاء انها عاتق على فهد فحبت تنسحب رجاء ودموع الخوف والوحشة مليانة عيونها : اخليك باي>> وبدت تبعد شوية فهد وهو يشوفها برأفة وبهمس : ب ا ي ولما بعدت عنه بضع مترات .. ما حس نفسه الا يركض فهد وهو يصارخ والعالم تطالع فيه : رجــــــــــــــــاء .. لحــــــــظة انتــــــــظري رجـــــــــاء ( ووصل لها ) رجاء لفت بهدوء .. وسكرت عيونها وفتحتها وطاحت دمعة .. فهد عفويا كان يبي يمد يده يمسح دمعتها .. لكنه قبض يده ونزل راسه وبأمر : امسحي دموعج .. وتعالي معاي نشوف لنا مكان خالي ونتعشى .. وبعدين بدورهم معاش رجاء ما قدرت تسوي شي غير انها توافق على هالاقتراح الي بالنسبة لها مجنون واما في الشقة .. كان بدر متملل بروحه قاعد بدر : اوووف سلمان طلع مع اهله .. وقال بعرفني على احمد وما شفت حتى ظله جان طلعت معاه احين على قعدتي >> مسكين ما يدري ان احمد راز فيسه بينهم ههه.. ووسام محد .. وفراس ما اقول الا الله يساعده بدر فتح اللابتوت الي عنده .. وراح شرب له ماي على ما يشبك ع النت اول ما قعد فتح ايميله .. شاف اضافتين .. صار له مدى مو فاتحه شي طبيعي !! شاف الي قاعدين عنده .. محد عدل يسولف معاه .. تنهد وراح على السرير ونط فوقه بملل .. بصك الـ 22 .. ولحين ما سويت لي شي .. تفكيري وبالي كله بهذا الماضي .. وانا صابر عشان شنو اصلا !! .. الله العالم ربما مستقبل ينتظرني زاهر .. ههههههه اطنز على روحي والله .. أي مستقبل زاهر بس بعد الـ .. وقطع كلامه مع نفسه صوت احد يكلمه بالماسنجر .. الي يشوفه احد من الي ضافوه ღ ღ مــ ـلـ ـ ــلღ ღ : السلام عليكم غـــريـــب الـــدار: وعليكم السلام ღ ღ مــ ـلـ ـ ــلღ ღ : شخبار غـــريـــب الـــدار: بخير الحمد الله ღ ღ مــ ـلـ ـ ــلღ ღ : الحمد الله ღ ღ مــ ـلـ ـ ــلღ ღ : اقول دقيقة تلفون .. برب غـــريـــب الـــدار: تيت بدر وهو يتكلم مع نفسه : شكلها امون الدبة .. لها مليون ايميل ههههه ღ ღ مــ ـلـ ـ ــلღ ღ : باك غـــريـــب الـــدار: ولكمووووو ღ ღ مــ ـلـ ـ ــلღ ღ : يسلمووو .. اقول غـــريـــب الـــدار: نعم ღ ღ مــ ـلـ ـ ــلღ ღ : يؤيؤ .. بطلع ضروري وبدخل بعدين باي غـــريـــب الـــدار: باي حلم .. بعيد .. بعيد بعيد .. بل ابعد من النجوم نفسها .. ان هالواقع يكون مجرد وهم .. سراب .. كابوس زارني بوقت نومي ورحل .. آه .. ابي اعلن انسحالي تعبت ...... باستغراب : فراس !! فراس لف وراه شاف امه .. ابتسم لها من ورى خاطره : هلا يمة ام فراس : شفيك قاعد بالحجرة بروحك وسرحان ؟ فراس : لا ما فيني شي ام فراس : غريبة .. هالحزة انت طالع فراس : لا بس حاب شوية اقعد بالبيت ام فراس وهي تطبطب على ظهر فراس : لا تستعجل يا وليدي على الخطبة ولا تفكر واجد .. خلنا شوية كم اسبوع على ما تصير ام وسام بأحسن حال .. وبعدها نسوي لكم خطبة صغيرة .. بس ملجة .. والزواج ان شاء الله اكبر .. بس لا تستعجل فراس وهو يهز راسه بالرضا وفي داخله .. آه يا يما مو فاهمتني .. ولا أحد فاهمني في المجمع .. بعد ما كملوا العشى وكل شي .. بين البنات شذى : يالله ندى قومي معاي باخذ لي تلفون ندى : انزين وشوق ليش ما تروح معاج ؟ شوق : خلنا كلنا نروح .. بس لازم معانا صبي اسراء : مو مشكلة هذي بسيطة .. بقول الى محمود يجي معانا ندى : ورجاء !! اسراء : شفيها رجاء ؟؟ ندى : ما بننتظرها ؟ اسراء : وين ننتظرها !! .. احين هي مع الدكتور عشان شوية تطلع من حالتها .. يعني بأمان .. ويمكن يبي لها مدى لما ترجع شوق : صح كلام اسراء يالله مشينا ؟ ندى : وبالنسبة للصبي الي بجي معانا ؟ اسراء : يؤؤؤ وين عقلج ؟؟؟ ندى اسراء : لا تطالعيني جدي ياالمفهية .. انا قلت لج بقول الى محمود يجي معانا يالله يالله قومي ما اقول الا الي شاغل عقلج يتهنى به ندى وهي تحمل شنطتها وتقوم وهي تضحك بفشيلة : هههه اسراء تقلد ضحكتها : هاهاهاها اسراء مشت قبل البنات وراحت طاولة الشباب : محمود محمود وهو يلف ويطالع عيونها الوساع : عيون محمود اسراء نزلت راسها توردت خدودها وحست بحرارة غير طبيعية وفي قلبها .. الله يغربل بليسك عاد جنب الشباب .. وبدت تحرك اصابعها بتوتر وتورد خدودها محليها وصايرة قمرة صغيرة : امممم لا بس انا والبنات نبي نتسوق احين عشان ما نتاخر أكثر ونبيك تجي معانا محمود : من عيوني الثنتين كم اسراء عندي ( وهو يقوم من على الكرسي ) : يالله مشينا احمد نط : وانااااا !! محمود لف وطالع احمد : وانت شكوا صبي ومرته بيتمشون ليش تحشر نفسك اسراء وهي تكلم محمود : محمود مو بس انا معاك .. لان البنات معانا بعد محمود : بللللللللل .. وانا شلي دخل فيهم مسؤول عليش انا بس شذى سمعت كلام محمود : وي ما نبيك بس .. سلمان تعال معانا محمود ضحك : ههههههه احسن ف ك ة الكل ضحك على حركة محمود الطفولية سلمان وقف : يالله عجل انا بروح مع البنات هني شوق بلعت ريقها احمد : يا سلام وانا الطوفة الهبيطة ما تعزموني سلمان وهو يضرب احمد فوق راسه واحمد نقز من حركته سلمان : خوب انت عزموك او لا لازم راس الفيس احمد وهو يمثل حركة الزعلانة وياخذ تلفونه يحطه في مخباه : بس بروح للماما احسن ههههههههههههههههههههههه الكل ضحك على كلمة الماما احمد : شذى : محشووم احمد حياك معانا احمد لف صوب شذى الي كان طولها محليها وابتسم لها : هذا الذوق مو انتووو سلمان وهو يضرب ظهر احمد على خفيف : يالله يالله مشينا بدون تفلسف احمد : حشى كسرت ظهري يمشي بالسيارة بدون مركز .. ما يعرف وين يروح وين يوقف هالسيارة .. قرب مصيره للأمر المجهول .. ما يعرف شسوي .. شلون بعيش !!! .. شلون يقدر يوافق على انسانة ويحب غيرها شلوووون ؟؟ وقف سيارته عند بحر مظلم ومهجور .. ما فيه حتى بصيص لنور واحد .. المكان مظلم وموحش .. وقف سيارته وبندها خير شر .. وظل بالحر في السيارة .. فتح الدرايش كلهااااااا .. وترك مجال للهواء يداعب خصلات شعره الطويلة .. رجع الكرسي على وراء ومرر يده على شعراته بألم وبقهر .. ومن شدة غضبه شد على شعره بقوة وما تركه الا لما حس بالام .. فراس : لمتـــــــــــــــى !!! .. لازم اواجبه المصير اليوم .. واذا مو اليوم لازم بكرة .. واذا مو بكرة الي بعده .. يعني بواجهه بواجهه تايه بدنيا ملعونه مثل مركب كبير وبدون قبطان حكم علي زماني أعيش بكل تعاسه وهموأحزان محتار وفيني قهر واااااااااااه ياناري ويا خوفي الوصيه عهد برقبتيوالحب يحرق قلبي وجوفي يا قلبي أرجوك لا تحزن ولا تسهر ليالي طوال دامالعقل اختار الوصيه أثبت اني نشمي ورجال ابي امشي ورا عقلي وخلي القلب يوليو ينداس ورح اسوي الشي الي انا اشوفه يرفعلي الراس اه يالي سحرتني بجمالكوخليتني أحبك وأهواك صرت مجبور على فراقك ومقدر على فرقاك ابي اودعكواعرفي انك انتي الي ساكنه قلبي اجرب له من شراييني او حتى من دمي اتمنىانك تنسيني و تمسحي هذي الدموع واتمنى انك تخرجيني من مدرسة الضلوع بسبوعدك ما انساك يأحلى وأعذب الذكريات هذا هو قدرنا وهذا هو الي انكتب منالكتابات عليك الله وامانه من الغيره والكره و الحسد هذا هو حكم الرحمن وما نقدر نغيره ابد شكر للغالي بن طيفور (( ثامر المحرق )) .. على القصيدة الحلوة .. تسلم على المساعدة وتنفس بتحدي للدهر .. ورفع تلفونه ومرر اصابعه يضرب رقم التلفون رقم رقم .. رقم رقم .. بكل بطء وصله صوت انثوي مليء بالشوق وبكل لهفة : الـــــــو ..... منال : الووو فراس !!! .... منال الى وفاء الي معاها بالبيت : وفوي فراس ما يرد علي بس هو المتصل ؟ وفاء وقفت : اخليج معاه واشوفج يوم الاحد بالجامعة بااي فراس لما سمع يوم الاحد والجامعة تنهد .. لانه يعرف منال شلون حساسة ولو سمعت الخبر ما بتروح الجامعة حتى .. فتراجع عن قراره وتوه بيضغط على زر الاقفال .. ولكنه في هاللحظة وصل له صوتها .. صوت حبه .. أي بس انا حبيبتها واعترف انها حبيبتي وانا حبيبها الا عشيقها وما تقدر تستغني عني بعد منال : فراس شفيك ما ترد .. فرااااااس !!!! فراس بصوت منخفض ومتقطع : هـ ـ ـلا منال وابتسامة عريضـــــــــة بانت على محياها : اهلين وسهلين فراس ابتسم بألم منال وهي تقعد فوق السرير : شخبارك ؟ فراس وهو يتنهد : الحمد الله منال وبصوت حزين لانها حست ان في شي من نبرة فراس : الحمد الله والصمت كان سيد الموقف لبضعة دقايق .. وفي نفس الوقت منال : فـ ـ .. فراس : مـ ـ .. منال ضحكة ضحكة خجولة : هههه فراس ما حب يفشلها فشاركها بضحكة بسيط منال : آمر فراس : لا انتي تفضلي منال : اممم لا بس ما في شي فراس : عجل ليش ناديتيني ؟ منال : ههه لا بس كنت ابي اقطع السكوت فراس : اهااا منال : وانت آمر فراس : امممم ما ادري شقولج والله منال بخوف : عسى ما شر !!! فراس : .... منال ابتسمت : اذا كنت تقصد الفترة الي قطعتها .. لا انا عاذرتك لاني احبك فراس .. ومستحيل ازعل عليك بشي مو بيدك فراس : منال ابيج تعرفين شي وتحطينه في بالج طول ما انا اقولج هالشي .. اني احبج .. واني مغصووووب منال : على شنو حبيبي ؟ فراس بألم : منننننال انا خيروني بين روحي وبين وصية عمي .. و .. وامممم ما اعرف شسوي .. ايام وانا افكر مو عارف شسوي يا منال منال : شلون يعني بين روحك وبين وصية عمك ؟ فراس : آه شقولج .. انا اعرف ان علاقتنا مع بعض تعدت حدودها .. وانا كنت حاب اصلح هالغلطة بس !!! منال : بس شنو يا فراس ؟؟ فراس : منال أنا آسف وربي آسف .. بس قسم ما بيدي شي .. ولازم واجب علي اني اادي وصية عمي عشان يرتاح بقبره منال : أي ؟؟ فراس : منال انا كلها اسبوعين وار . . وارتبط ببـ.. منال بخوف : بمنوووو !! فراس بتعب : ببنت عمي رجاء .. آسف والله آسف منال في هاللحظة في صدمة وحيرة من امرها .. مب عارفة هي بحلم او بعلم .. الي عايشة فيه وااقع او خيال .. وهم او حقيقة !! فراس : منال بليز سمـ .. منال بهمس : فراس اخليك فراس بخوف : لا لحظة منال بقولج منال : فراس عشاني ابي اقعد بروحي شوية فراس : انزين بس لحظة بشرح لج موقفي منال ودموعها تنزل على وجنتينها وصوتها بدى يبيح : فراس بعدين اوكي فراس : منال لا تصيحين خليني اكمل للآخر منال : فراس فراس بلهفة : نعم منال : باي وسكرته من عند فراس .. ومباشرة غفلت تلفونها .. وحطت راسها على الموسدة .. ونزلت الدمعة على رقبتها بألم منال في داخلها : يا ربي شسوي !!! .. تعودت عليه .. وبنيت احلامي عليه .. لكنه طلع مثل الشباب .. لاااااااااااا حراااام مو مثلهم .. هي وصية .. وفرقت بينا .. آه وفي المجمع فهد وهو يشوف صحن رجاء : رجاء ما اكلتي شي ؟ رجاء وهو منزلة راسها : ما ابي فهد فهم لها : خلاص انا بعد شبعت .. يالله قومي ندور عليهم رجاء استانست ورفعت راسها ومرسوم على قسمات وجها ابتسامة عريضة : صددددق احين ؟؟ فهد ضحك عليها : هههه أي احين يالله رجاء اخذت شنطعتها : يالله وبدوا يتمشون مع بعض في المجمع .. بغرض تدوير اهل رجاء فهد : رجاء رجاء وهي تشوف يمين ويسار عشان لو تشوف لو طيف لأحد من اهلها : نعم دكتور فهد : من دكتور ؟ رجاء : انتَ فهد : لا انا اسمي فهد رجاء ضحكت برقة : ههه نعم فهد : شنو تدرسين بالجامعة ؟ رجاء تذكرت ونزلت راسها : ما ادرس بالجامعة فهد : عجل ؟؟ رجاء : ما ادرس شي فهد : يؤؤ لكن شكلج وملامحج تدل على انج بنت شاطرة .. ما قبلوج الجامعة ؟ رجاء : مبلا لكن !! فهد : لكن !! رجاء : امي تقول اني تعبانة وبوقفوني فصل .. والفصل الثاني يمكن اواصل فهد وكأنه ما يعرف شي : من شنو تعبانة ؟؟ مريضة !! رجاء : ما ادري فهد وهو يرفع حاجبه مستغرب : ما تدرين !! رجاء صرخت : كو نــــــــــــدى فهد ضحك عليها : هههه واخيرا رجاء : كاهم في محل الموبايلات يالله نروح ؟ فهد ابتسم لها وطالعها بنظرة اعجاب : نروح ليش لا وتوجهوا مباشرة للمحل شذى : ندى خاطري آخذ لي سوني اركسون ندى : كيفج .. انا اقول احسن تاخذين لج نوكيا شذى وهي تطالع التلفونات : نوكيا شنو !! شوق : انا اقول N70 2 حلوو شذى وهي تشوفه من بين التلفونات المعروضة : لا ما ابيه لونه اسود يجيب الحزن احمد ضحك : ههههه انزين فيه وردي شذى رفعت راسها وناظرت احمد : صدق !! الا بدخلة رجاء يتبعها فهد : ويييينكم خلتوني هني الكل سكت !! سلمان حاول ينقذ الموقف : لا بس .. واحنا رايحين ناخذ عشى شوية تاخرنا .. ولما رجعنا الطاولة الي انتي قاعدة فيها .. الا محد فهد : يالله مو مشكلة .. استاذن ( ومشى شوية ) رجاء راحت له : دكتور فهد فهد لف لها وطالعها بنظرة فهمت قصده رجاء بخجل : اقصد فهد فهد : آمري رجاء بابتسامة أمل : شكرا فهد : حاضرين .. رجاء فكري بالي قلت لج عليه ولنا لقاء .. بااي رجاء بهمس وكأنها مو فاهمة شي : ب ا ي سلمان غمز الى شذى عشان تقوم بدورها .. وشذى فهمت وراحت الى رجاء شذى وهي تطالع رجاء : من هذا القمر ؟؟؟ رجاء : من قمر ؟؟ شذى وهي تأشر : الي راح رجاء : متناسية سؤال شذى : شتسوون هني ؟ احمد : ناخذ تلفون الى شذى رجاء : اهااا في شقة سلمان .. كان سلمان يداور بالمواقع والمنتديات .. ينزل موسيقى ويقرا مواضيع .. والا احد يكلمه بالماسنجر ღ ღ مــ ـلـ ـ ــلღ ღ : باك غـــريـــب الـــدار: ولكم ღ ღ مــ ـلـ ـ ــلღ ღ : يسلموووووووو غـــريـــب الـــدار: يسلمج الرحمن ღ ღ مــ ـلـ ـ ــلღ ღ : مسامحة مساعة نادتني الوالدة بدر بداخله : لا شكلها مو امون غـــريـــب الـــدار: لا عادي كله وااحد ღ ღ مــ ـلـ ـ ــلღ ღ : انزين شهود بقولج .. بدز لج عبارة شوفي حلوة احطاه لي نك نيم .. لاني متحيرة بدر ضحك وهو بالحجرة بروحه : ههههههه شكلها البنية مضيعة غـــريـــب الـــدار: اوكي ღ ღ مــ ـلـ ـ ــلღ ღ : وغـــاب الأمـــل .. ~ جريحة الأمس غـــريـــب الـــدار: ملل احلى ღ ღ مــ ـلـ ـ ــلღ ღ : شهووود يالله بلا دلاعة قولي لي أي احلى غـــريـــب الـــدار: جد .. ملل احلى من هالثنين ღ ღ مــ ـلـ ـ ــلღ ღ : صدق والله !!! غـــريـــب الـــدار: هههههه أي صدق ღ ღ مــ ـلـ ـ ــلღ ღ : مللللللل غـــريـــب الـــدار: تعرفين ليش قلت ان ملل احلى .. لانه اسم على مسمى ღ ღ مــ ـلـ ـ ــلღ ღ : هههههههه غـــريـــب الـــدار: متمللة شفيج ما عندج شي تسوينه ؟ ღ ღ مــ ـلـ ـ ــلღ ღ : اتمنى عندي اخت بدر توه بيكتب ليش ما عندج .. بس عقب تذكر انه يا زعم شهود على قولتها غـــريـــب الـــدار: اهاا .. انزين شاركي بمنتدى ღ ღ مــ ـلـ ـ ــلღ ღ : المنتدى الي مشاركة فيه مسكر ما ادري شفيه من جدي متمللة .. لو فتحوه ما بشوفيني على الماسنجر غـــريـــب الـــدار: انزين تبيني اعطيج منتدى ؟ ღ ღ مــ ـلـ ـ ــلღ ღ : عندج ؟ غـــريـــب الـــدار: أي عندي تبين ؟ ღ ღ مــ ـلـ ـ ــلღ ღ : أي عطيني غـــريـــب الـــدار: اوكي لحظة ღ ღ مــ ـلـ ـ ــلღ ღ : بقولج ليش نكج غريب الدار .. لازم غريبة الدار بدر ضحك على ذكاء هالبنت وفطنتها غـــريـــب الـــدار: هههههه لا بس تكون باللفظ صعبة غريبة الدار ღ ღ مــ ـلـ ـ ــلღ ღ : اهااا .. لكن حلوو له معاني عجيبة غـــريـــب الـــدار: شنو معانه ؟ ღ ღ مــ ـلـ ـ ــلღ ღ : ما بجاوب .. يالله ابي وصلة المنتدى غـــريـــب الـــدار: ههههه اوكي كيفج لا تجاوبين غـــريـــب الـــدار: ****** وهذي وصلة المنتدى ღ ღ مــ ـلـ ـ ــلღ ღ : ثنكيووو .. برب غـــريـــب الـــدار: تيت ومرت ربع ساعة سكوت بين الطرفين ღ ღ مــ ـلـ ـ ــلღ ღ : واااااو عجيب المنتدى .. بسجل فيه وبشارك .. عاد ردي علي في موضوع الترحيب .. وبنسوي قروب مع بعض اوووكي غـــريـــب الـــدار: ههههه اوكي ღ ღ مــ ـلـ ـ ــلღ ღ : يالله بطلع من الماسنجر البنات مللوني وابي اشارك واسوي لي توقيع وكل شي .. يالله باااااي اشوفج على خير غـــريـــب الـــدار: في حفظ الرحمن بدر : هههههه هذي من وين طالعة لي بعد .. بس شكلها حبوبة وقام من على الكمبيوتر واتصل في فراس فراس بتعب : الو بدر : اوووووووبس شفيه المعرس الولهان صوته مو طبيعي فراس بحقد : اكرهااااااااا بدر : يــــــــــه .. شصاير ؟؟ فراس : خلتها تصيح .. كل بسببها .. لو اقدر بس اعدمها من هالارض عدمتها بدر بعصبية : ياخيييييييي انت شفيييك يالحقووود .. لا تظلمها تراها ما سوت لك شي فراس : مبلاااااااا سوت وبتسوي اكثر واكثر واكثر .. يا بدر انا خبرت منال .. وسمعت صياحها .. آآآآآآآآآآآآآه .. قهرررر وربي قهر بدر : بلا هالكلام الفاضي .. وقولي انت في وين فراس : في الجحيييييييييييييم .. عساها الــ.. بدر : لا تقعد تدعي عليها ولا شي .. مالها ذنب وبلا شلخ قولي انت في وين فراس : آه عند البحر بدر : بحر وين !!! فراس : ما ادري عند بحر وبس بدر : انت بلا هرار .. ويالله مرني الشقة متملل بروحي فراس : اووكي بدر : بالعدال في السياقة .. يالله مع السلامة فراس : الله يسلمك وفي السيارة شذى : يالله بسرعة وصلوا شوق ابي اروح البيت اشوف اغراضي نسيت شنو شريت ندى : حشى والله .. تبينه يعني يطير .. ويوصل شوق شذى وهي تلف من قدام واطالع شوق : وانتي شنو جيبش معانا .. جان رحتين مع اسراء شوق : اسراء ما بتروح البيت !!! شذى : اووووووووووف ورجاء باقي بعد ندى : مو كأنش مصختينها شذى : امزح هم يعرفون اني امزح .. عندهم روح رياضية مو انتي ندى : روح عربية احسن وكلها كم دقيقة الا موصلين شوق شوق : مشكووورين يالله تصبحون على خير الكل : وانتي من اهله شوق وهي قبل ما تسكر الباب : مع السلامة الكل : الله يسلمش ووصلوا رجاء .. ورجعوا بيتهم الحمد الله بخير وسهالة شذى وهي تفتح الاجياس : تصدقين عن جد عاجبني التلفون ندى وهي تحط راسها على الموسدة : عليج بالعافية شذى : يؤؤؤؤ بتنامين ؟؟ ندى : لا بس افكر شذى : بشنووو ؟؟ ندى : بأشياء واجد تغيرت من بعد وفاة زوج خالتي الله يرحمه شذى : الله يرحمه .. الله كريم ندى : احس ان رجاء امممم .. ما ادري شقول والله شذى : طنش تعش تنتعش .. انا احاول اخفي وراء ضحكتي ومزحي اشياء وااجد بقلبي .. شنو نقدر نسوي يعني ندى : كسرت خاطري موقفها لما شافتنا عند التلفون .. يعني احس من نظرة عيونها .. فيها خوف .. ولهفة لما شافتنا شذى : آه .. خلها على ربج .. ان شاء الله يتحسن وضعها ندى : انا الي كاسر خاطري بكل هالسالفة .. انها بفوتها فصل .. بعد اذا مو سنة كلها بعد شذى : ان شاء الله خير واما في الشقة .. نقدر نسميها شقة الاحزان فراس : ممكن طلب بدر ؟ بدر : آمر فراس : ببات معاك الليلة بدر : البيت بيتك .. حياك بكل وقت فراس : تسلم بدر : انزين لما كلمتها وقلت لها عن السالفة شنو قالت ؟؟ فراس : بكل هدوء طلبت مني اسكره .. تبي تقعد لحالها شوية بدر : مسكينة هالبنت .. وحتى رجاء مسكينة فراس : لو سمحت لا تجيب اسمها .. ولا تطريها بعد بدر : مسكينة لانك كارهنها .. ومالها ذنب .. كل ذنبها انها صارت من ضمن الوصية فراس : وانا شنو ذنبي !!! بدر : ذنبك انك رجال .. ولازم انت الي تتحمل وتصبر .. مو هي فراس : ... بدر : فراس مو لازم اعيد واكرر بكلامي .. رجاء انثى .. والانثى مخلوقة ضعيفة .. تتحمل وتصبر .. ولكن بداخلها ضعف وكل الضعف .. تطيح دموع .. لانها تخفف حزنها .. من جابتك ومن جابتني !!! .. قولي .. مو احنا نحتفل بأعياد ميلادنا .. ليش ما نصيح ويكون يوم حزن مو فرح .. يوم حزن ان في هاليوم امهاتنا كانوا بين الحياة والموت .. احنا ما نشوف التعب الي هم يشوفونه .. ومع ذلك وقت الشدة هم يتحملون اكثر مننا .. فكر زين .. بعقل .. مو بقلب وعاطفية فراس : ..... بدر : يالله اخليك ترقد .. بتنام معاي بحجرة .. او بالحجرة الثانية فراس : لا خلني هني .. وقت ما احس ان فيني رقاد بقوم بدر : اووكي .. تصبح على خير فراس : على خيرات في حجرة شوق .. لبست بجامتها .. وخلت الاجياس مال الاغراض الي اخذتها على جنب .. واستلقت على السرير شوق بنفسها : الااااااي .. اليوم يوم حلووو وجميل .. احلى شي لما ابتسم بوجهي .. احس ان ابتسامته لها معنى ثاني .. ههههههه انا خبلة .. يالله مو مشكلة يكفي انه من عائلتي افتخر .. افتخــــــــــر بكل فرح وسعادة .. هههه وغطت نفسها كلها باللحاف وضحكاتها تتعالى تسكرت الانوار .. على امل .. ان تنفتح من جد وجديد بكل سعادة لا نعلم ما تخبؤه الاقدار لأبطالنا .. ولا لأنفسنا القصة في بدايتها .. فمتى ستكون نهايتها !! توقعاتكم : * رجاء والدكتور فهد ؟؟ الى أي طريق بوصلون ؟ * يا ترى من تكون ( امون ) ؟ * من الي ضايف بدر ؟؟ وهل بكون لها دور بالقصة ؟ * منال شنو بكون حالها ؟ هل بتسكت وبترضى بالقدر ؟ او !! * شوق وحبها الى سلمان ؟؟ * وآخر سؤال عن بطلنا المفقود ؟ وسام !! واتمنى يكون البارت عجبكم .. وكل الامنيات انكم تشكروني بتوقعاتكم وتفاعلكم مع القصة : ) تحياتي يلا عاد اختي غصون يعني اشوي شهري القصة ههههههههه لان مافيه اله انتين Quote Link to comment Share on other sites More sharing options...
بنت مملكة بوسلمان Posted أغسطس 11, 2007 Report Share Posted أغسطس 11, 2007 يسلموووووووووووووو على القصة الحلوة وانا في انتظار البارت Quote Link to comment Share on other sites More sharing options...
كوول بحرانية Posted أغسطس 11, 2007 Author Report Share Posted أغسطس 11, 2007 يسلموو ع المرور الحلو والحين اخليكم مع البارت ** ******* السلام عليكم *** الفصل الاول من الجزء السادس ابو منال وهو يدق الباب : منالي قعدتي ؟ ...... ابو منال وهو يضحك : هههه والله هالبنت ولا كأنها كبيرة ( ويفتح الباب ويشوفها نايمة فوق سريرها مثل الملاك البريء ) ابو منال قعد على حافة السرير وهو يرفع خصلات شعرها عن وجها : منااالي قومي .. أذان الظهر أذن .. وانتي لحين ما قعدتي شلون بتنامين اليوم من وقت للجامعة .. يالله منال ( وهو يرفع يدها يمسح فوقها ) .... ابو منال ترك يدها ولكنها هوت بأسرع من البرق .. استغرب ابو منال ابو منال وهو يضرب على خدها : مننننناااال .. وحط يده تحت رقبتها ورفع راسها ولكن راسها سقط على صدر ابوها رفعها مرة ثانية بخوف وصرخ منـــــــــال ابو منال وهو ينادي على الخدامة والخوف مالي قلبه : كتريناااااااااا .. كترينااااااااااا كترينا جت بخوف : نعم بابا ابو منال وهو يحمل منال على كتفه مثل الطفلة الصغيرة : بسرعة جيبي عباية منال السياررررة بسرعة احيييييين وبسرعة نزل و ركب السيارة وترك منال في المقعد الخلفي .. واول ما وصل المستشفى حملها بسرعة .. وقام يراكض في الممرات .. وهو يصااارخ بنــــــــتي .. بنتــــــــــــتي الوحيــــــــــدة بتـــــــــــروح وبتخليــــــــــني ومن التعب قعد على الارض وترك راس بنته فوق حضنه وهو يصيح من كل قلبه .. لما تجمعوا الاطباء حوله واخذوا منال من حضنه بكل حزن .. لان شكل منال ما يبشر بالخير في بيت ام وسام رجاء بعد ما كملت صلاة الظهر .. قرأت لها قرآن .. وابتسمت بارتياح .. لكنها تذكرت مصيرها !! فتحت باب حجرتها .. على أمل تلاقي احد تسولف معاه ولكنها !! لمحت طيف .. طيف منو هذا !!! تبعت الوهم والسراب .. فقادها الى حجرة ابوها ابتسمت بفرح : معقوولة ابوي رجع فتحت الباب بأمل .. ولكن !! رجاء وهي تحاول تفتح الباب ولكنه مقفووول رجاء قامت تنادي : يبه .. يبه افتح الباب انا رجاء رجاء وبصراخ سمعته ...... : باباااااااااتي حبيبي افتح الباب بس بسلم عليك الخدامة بيبي : رجاء انت في شنو يسوي ؟ رجاء : بيبي الله جابش عطيني مفتاح الحجرة بيبي بخوف : لكن ماما يقول ما في يفتح حجرة بابا ابو وسام رجاء بعصبية وهي تهز بيبي من كتفها : قلت لج جيبي المفتاح .. فهمتيييييييييي !! بيبي بخوف : حاضر مدام وبسرعة تركض تحت .. وتجيب لها المفتاح رجاء بابتسامة مفرحة مع دموع حزن شكرت بيبي الي قلبها انقبض بشوفة هالموقف رجاء فتحت باب حجرة ابوها .. لقتها خالية .. واستنشقت بجنــــــــون ريحة عطر ابوها رجاء بمرح طفولي : باباااااا وحشتني وراحت فتحت كبت ابوها ( مال الثياب ) وناثرت ثياب ابوها بجنون .. ورفعت مجموعة من الثياب فوق .. وهوت على جثة رجاء بهدوء .. وضحكات رجاء متعالية وراحت لمت الثياب بكل حب .. وبجنون حركت بؤبؤ عينها نحو الحمام ( وانتوا بكرامة ) ونادت : بابا يالله اطلع وحشتني و بيبي كانت تشوف كل هالمواقف .. ومن خوفها راحت تركض تتصل على أي رقم يجي في بالها ندى وهي تنزل من الدرج وتصارخ : يمـــــــــــــــــــــــــه شذى طلعت من المطبخ وهي خايفة : ندوووا شفيج تصارخين ندى : شذى لحقي لحقي .. بيبي متصلة فيني تقول ندى صارت مجنونة شذى : بيبي !!! .. وشنو سالفة رجاء مجنونة ؟؟؟ وخالتيييييييي !!! ندى : بلا هالاسئلة الزايدة .. انتي دقي على خالتي لانها طالعة مع امي ما ادري شعندهم بالجمعية .. وقولي لها بسرعة ترجع بيتهم .. وانا بروح اجيب عبايتي وعبايتج شذى كانت بس فاتحة عيونها تطالع ندى الي تتكلم بسرعة .. وهي مو عارفة شتسوي .. رجولها انشلت .. (( رجاء صارت مجنونة !!! )) ندى وهي تصارخ : شــــــــــذى .. تحركي يالله شذى : هااا !! ندى وهي تركض الدرج وهي تركض : شذى بسررررعة يالله واجتمع الكل في بيت ام وسام ندى وشذى وام وسام وام سلمان .. وطبعا سلمان واقف برى الحجرة بس يسمع اصوات .. لان رجاء كانت مكشوفة الشعر ام وسام وهي تقعد على ركبتينها مواجهة رجاء والدموع تنزل من عينها : رجاء حبيبتي صلي على النبي .. وقومي روحي حجرتج رجاء وهي تشم ثوب ابوها وتضمه بجنون وهي تصيح بشهقات : لا انا بنتظر ابوي هني ما بقوم .. يعني ما بقووووم .. فهمتوا ( وبصراخ ) ما بقـــــــــــــــــــــــــــــــــــــــــــــــو م ندى وهي تصيح بخوف على رجاء وتكلم شذى : شذى انا خايفة على رجاء واااجد شذى وهي تمسح دموعها ولأول مرة تعامل ندى بانها الصغيرة وشذى الكبير : لا تخافين ان شاء الله خير سلمان برى ما عرف شسوي ولا اراديا ما حس نفسه الا متصل للدكتور فهد : هلا سلمان سلمان وصوته متغير شوية : هلا بيك فهد بخوف : عسى ما شر صوتك متغير ؟! سلمان بخوف : رجاااء .. يا فهد رجاء تعبانة فهد وقف بسرعة من على كرسي مكتبه : شفيـــــــــها !! سلمان : ما ادري .. بس تعبانة فهد وهو ياخذ القميص ويلبسه وبسرعة برى البيت : اوكي اوكي عطني العنوان وبلحظات قليلة .. وصل الدكتور فهد سلمان وهو يفتح الباب : هلااا فهد وهو يطالع يمين ويسار وفوق وتحت : ويييينها !! سلمان : تعال وراي فهد اول ما دخل الحجرة وشاف شلون شكل رجاء .. والي حولها خوفهم باين من ملامح وجهم تقدم لها وهو يتكلم بثقة : رجاء شفيج !! رجاء رفعت راسها بعيون محمرة : انتظر ابوي فهد وهو يتكلم بشوية هدوء : ابوج توفى الله يرحمه رجاء وهي تصر على اسنانها : ابـــــــــــــوي حـــــــــــــي مـــــــا مـــــــــــــات فهد وهو يصارخ : ابوووووووووووووج ماااات ... واصحيييييي ماله داعي لهذا الخبال الي انتييييييييي فيه رجاء وهي تصرخ وتضرب على الارض : لااااااااا ابوي ما مات ما مااااات يعني ما ماااااااااااات فهد يصارخ : قلللللللللللت لج ابوج مااااااااااات .. ادعيييييييييي له بالرحمممممممممة رجاء وهي توقف وشوية تنقض عليه من قهرها وتصاااارخ : لااااااااااااا .. ابوووووي ما ماتت فاااااااهم فهد ما استحمل حاااول معاها كل المحاولات لكن ما في فايدة فرفع يده .. وعطاها كــــــــــف : غصب عنج ابوج مات فهمتي رجاء من قوة الضربة طاحت على الارض وهي تصيح : لييييييييش !! لييييش !! .. ليش تبي تقعدني من غفوتي .. ابي انسى ليش تبي تذكرني فهد ضم يده بقهر .. ليش انه مد يده على الانسانة الي هواها قلبه .. أي أي احبها .. ومافي غير هالحل عشان تصحى من الي فيه الكل انصدم من ضرب فهد لرجاء .. ام وسام قامت تصيح .. وندى حاولت تروح الى رجاء .. بس فهد منعها لمصلحة رجاء وكلها دقايق من بكاء رجاء لمعرفتها حقيقة وفاة الوالد .. فقدت وعيها .. وانتقلت مباشرة للمستشفى ابو منال قاعد على الكرسي ومنزل راسه بأسى على بنته الي ما يدري شنو سبب الي فيها .. وشماخه على كتفه والي يمر عليه يحس انه شايل هموم الدنيا فوق راسه طلع الدكتور ويبن عليه متعب حده ابو منال وقف : بشر دكتور ؟ الدكتور منزل راسه : شقولك يا ابو منال .. منال بحالة جدا خطييير جدا جدا ابو منال فتح عيونه على الآخر وتقدم الى الدكتور وجود يده : ارجوووك دكتور حاول تنقذها .. وهي شنو فيها بالضبــــــــط !! الدكتور : شكلها كانت تبي تنتحر ابو منال : شنو تنتحـــــــــــــــــــــــــــــر !!! .. انا ما قصرت عليها بشي شنو السبب الي يخلينها تنتحر الدكتور : اخوي .. احين لازم ما نضيع وقت .. بطرش دورية شرطة تفتش بيتكم .. عشان نعرف نوعية الحبوب .. ونسوي لها غسيل معدة .. بأسرع وقت .. ترى اذا تأخرنا بتكون معرضة للموت ابو منال انهار في هاللحظة وقعد على الكرسي بتعب الدكتور يركض وهو يتكلم : خبرتك التأخير ما بكون لصالحنا ابو منال استغفر ربه ومسح دموعه الي نزلت مغصوبة على بنته الوحيدة .. ومباشرة ركض بأسرع ما عنده الى برى المستشفى .. وركب سيارة الشرطة .. متوجهين الى ذلك القصر ( بيت ابو منال ) بدر بعد ما اتصل للمطعم .. وطلب وجبة غذاء .. راح الى غرفة فراس .. طق عليه الباب .. ولكن ما في رد !! .. عرف انه لحين في سابع نومة دخل وهو مبتسم .. وركض ونط على السرير بطفووولة فراس قعد من النوم متخرع وقام يطالع يمين ويسار .. وشعره بصفته طويل صاير كشة بدر ضحك عليه : ههههههههههههههه .. خرعتك فراس وهو يبتسم الى صديقه الي يحاول يخفف عنه حزنه : هههه أي عبالي زلزال بدر ضحك عليه : هههههه يالله قوم .. الغذى شوية ويوصل فراس وهو يوقف متجه للحمام ( وانتوا بكرامة ) : اوكي عطني خمس دقايق بدر وهو يعدل السرير : اوووكي ( وهو يعدله التفت لضوء ) بدر وهو يشوف الشاشة .. لقى اسم ( شــــــــوق ) يتصل بك بدر : فــــــــــراس فراس من داخل الـ BATH ROOM : نـــــعم بدر : في اتصال لك من شوق فراس : اوكي رد عليها قولها فراس يسبح بدر : وانت حضرتك تسبح وانا قايل لك الغذى شوية وبارز فراس وهو يفرك راسه بالشامبو : كلها عشر دقايق .. بالكثير ربع ساعة بدر : امرنا لله .. نرد نرد بدر : الــــو شوق ما مميزت الصوت لاستعجالها : فراااس الحق .. رجاء بالمستشفى تعبانة .. بسرعة تعال بدر انصاع وما عرف يرد شوووق : الوووو الوووو بدر : هلا اختي .. مسامحة انا صديق فراس .. وبخبره ان شاء الله شوق انحرجت : اهااا .. اوكي مع السلامة بدر : الله يسلمج بدر وهو يطق الباب على فراس : فراااااااس اختك متصلة تقول ان رجاء بالمستشفى فراس : هــــــــــا !! بدر : من قال هااا سمع .. يالله بسرعة عجل .. عشان تروح الى خطيبتك المستشفى تشوف شفيها فراس في داخله : خطيبة طل .. ( ويكلم بدر ) : ان شاء الله في بيت ابو منال .. الدورية ما قصروا .. ما خلوا مكان الا دوروا فيه .. وللأسف لقوا حبوب اعصاب الشرطي وهو يحمل العلبة ويكلم ابو منال : هذي مالت من ؟ ابو منال : بعد وفاة ام منال الله يرحمها .. منال تأثرت وااجد .. وشوية كانت مريضة بالأعصاب .. كنت انا اعطيها الحبوب بانتظام .. بس لما كبرت خليتها تعتمد على نفسها الشرطي يكلم الشرطي الثاني : بسرعة اتصل للمستشفى قولهم نوعية الحبوب .. عشان يسوون لنا غسيل معدة بأسرع وقت .. ( ويلف نظره الى ابو منال ) لان يا ابو منال .. تم شرب كمية كبيييرة جدا من الحبوب ابو منال بحزن شديد وكآبة : لا حول ولا قوة الا بالله العليي العظيم وشوية الا يسمع ابو منال صوت التلفون .. تلفوووون !! انتقل ابو منال لمصدر الصوت .. كان تلفون بنته الوحيدة يرن باسم (( وفــــوي )) عرف ان المتصل صديقة بنته .. ووصل لها الخبر التعيس .. بكت وفاء بدل الدموع دم .. وعرفت ان السبب الوحيد هو فراس !! بس الخبر الي خلى منال توصل الى هالحال .. شنو ؟! مو معروف لحد الآن فراس راح المستشفى .. وظل بدر بالشقة كعادته .. يتغذى بروحه .. وشوية الا يدق تلفونه النقال .. ابتسم لما شاف الرقم .. وخصوصا رقم فتاح الخط بدر : هلا وغلا وسام : هلا بيك .. شخبارك ؟ بدر : الحمد الله .. وانت اخبارك ؟ وسام : عايش .. وشخبار الاهل ؟ بدر : اهلك بخير .. ولكن !! وسام : لكن شنو ؟؟ بدر بأسى : وسام ارجع اهلك بحاجة لك .. امك اختك .. كلهم بحاجة لك من بعد وفاة ابوك .. من لهم رجال يتحمل مسؤولياتهم .. يا وسام رجاء اختك حالتها متدهورة .. واحين هي بالمستشفى وسام منصدم : بالمستشفى !!! بدر : أي .. خل عنك الانانية وارجع البحرين .. كل انسان لازم بمر بهذا الموقف .. اسمع كلامي وارجع .. والدتك تعبت من كثر هالهم الي عايشة فيه .. هم وفاة زوجها .. ومرض بنتها .. وتزيد عليها برحييييلك يا وسام !! وسام في هاللحظة انهار .. حس نفسه فعلا اناني لأبعد حدود .. وما فكر بامه واخته بدر : اسمع كلامي وارجع بأقرب فرصة وسام لا اراديا : شكرا ( وسكر التلفون ) بدر ابتسم .. وحس واخيرا ان كلامه فاد لأول مرة بالتاريخ رجع ياكل .. وهو يفكر بحاله بدر .. 23 سنة .. انسان حبوب .. بكون له دور جـــــــــــدا بارز في القصة .. الدنيا لعبت عليه بلعبتها .. وصار عضو جديد في صف الهموم والحزن وشوية الا يدق تلفونه ضحك على نفسه : هههههه صاير BUSINESS MAN لما شاف الاسم ( أمـــ اختي الوحيدة ـــــون ) ابتسم بفرح .. وفي نفس الوقت بحزن : هلاااا وغلا ومرحبا وسهلا ايمان وهي تضحك : ههه هلا بيك .. شخبارك يالغالي بدر : بخير يا وجه الخير .. وانتي بشريني شخبارج ايمان : الحمد الله .. تمام بدر : الحمد الله ايمان بحزن : بدر بدر حس من نبرتها ان في شي صاير : عسى ما شر ! .. شفيج حزينة ايمان : بدر انا برجع الامارات اكمل دراستي هناك بدر : مع اهل ابوي !! ايمان : أي .. غصب عني صدقني مو برضاي .. انا مليت وانا عايشة وحيدة .. مالي ام ولا ابو .. ولا اخت ولا حتى اخو بدر : افااا وانا ؟ ايمان : اهل ابوي رجعوا الامارات من اسبوع .. وما اشوفك رجعت البيت .. وابوي دق علي امس .. قالي ان اليوم بجي ياخذني معاه الامارات .. ويبيك انت بعد تجي معانا بدر باصرار : مســــــــــــتحيل .. بلادي ما بهدها وابروح الامارات ايمان : لكننا كلنا اهل الخليج .. ومافي فرق بدر : انا ماني رايح .. تبين تروحين انتي روحي ايمان : وابوي !! شقوله ؟ بدر : ما في ابو يسوي الي سواه ابوج ايمان : لا تنسى انه ابوك بعد بدر : ابو بالاسم وبس .. لا تجذبين وتصدقين جذبتج ايمان : لكن ابوي حياته بالامارات .. تجارته هناك .. شنو نقدر نسوي !؟ بدر : انا واحد ما بروح .. انتي تبين تروحين مع ابوي روحي ايمان : وما بتجي تودعني على الاقل بدر وهو يكتم عبرته : لا ما بجي ايمان بحزن شديد والدموع بدت تتركز بعيونها : براحتك .. ومفاتيح البيت بخليها مع السايق .. اول ما تجي اخذه منه بدر : ولو اني اتمنى اظل بهذي الشقة الصغيرة .. بس يالله امرنا لله .. لازم نقعد بالبيت ايمان : بدر فكر من احين الى قبل صلاة المغرب .. يمكن تغير رايك بدر : انا متخذ هالقرار وباصرار بعد .. وابوي يبي يفرقني عنج .. عشان اقتنع واروح معاكم ديرته ايمان : بدر لا تصير ظالم .. ابوي يبي مصلحتي .. وانا بروح هناك عشان دراستي بدر : الله يوفقج ايمان : بدر لا تنسى تفكر عدل .. وانتظر اتصالك .. باي بدر بابتسامة حزن : في حفظ الرحمن ايمان سكرت من عند اخوها الوحيد والعنيد .. وانتقلت مباشرة الى حجرتها .. وهي تجر اذيال الخيبة وراها .. اخذت الشنطة .. وبدت تنقل ثيابها واغراضها وكل شي .. خلاص بتستقر هناك .. بدولة الامارات .. بتترك اخوها الوحيد وبتروح مع ابوها .. بدت تحط اغراضها بدمـــــــــع الأيــــــــــام : عنييييييييد .. ما احبك .. ما احبك .. طول عمك عنيد .. من وانت صغير .. دوم تجرحني وتعذبني وتشغل بالي .. وما تحس بالي تسويه .. متى يا بدر تعقل متـــــــــــى !! في المستشفى الساعة 5 العصر .. وبالأخص في غرفة رجاء .. كان الكل فرحان .. والدموع تتساقط .. ولكن !! دمــــــــــــوع فــــــــــــرح وســــــــــعادة رجاء وهي تكمل كلامها وتحط يدها على خدها : صح انه يعور .. بس لو ما جاني هالكف .. ما طلعت من الحالة الي اني فيها .. ( وتنزل راسها وتنزل منها دمعة مغصوبة ) .. يالله الله يرحمه .. وفي فسيح جناته .. ( وترفع راسها مرة ثانية ) .. وأنا آسفة يمة .. ووصلي أسفي للدكتور ( وتلونت خدودها وهي تذكر اسمه ) فهد ام وسام وهي تمسح دموع الفرح وتضم بنتها : مسموحة يالغالية .. وحمد الله على سلامتج ابو فراس استغل فرصة وجود الاهل كلهم : دام الفرح جمعتنا مرة ثانية .. انا اعلن طلبي قدام الكل .. اني اطلب يد رجاء الى ولدي الوحيد فراس ( وما مرت حتى ثانية وحدة على كلام ابو فراس والا ........ ) يدخل شخص بكل قوته يفتح الباب ويصرخ : رجـــــــــــــــاء رجاء انصدمت وصرخت بفرح : وســــــــــــــــــــام وسام ركض الى اخته .. وضمها بكل قوته : ما تشوفين شر يالغالية .. ما تشوفييين شر رجاء وهي تصيح وتشهق : الشر .. ما .. يجيييييك يا اخوي وسام وهو يبعد عنها ويحط يده على وجنيتها ويمسح دموعها : خلاص لا تصيحين دامني موجود هني معاج رجاء وهي تحرك راسها بالايجاب وعلامات الابتسامة وااضحة على محياها : ان شاء الله ام وسام همس : وليـــــــــدي ! وسام ترك يد رجاء ومسك راس امه وباسها : السموحة منج يا ست الحبايب ام وسام وهي تمرر اصابع يدها في شعر ولدها وكأنها مو مصدقة وجوده : وسام انت هني ؟؟ وسام وهو يبوس يد امه : أي هني .. هني يا يمة .. وما بخليكم مرة ثانية لو شنو صار فراس .. انسحب عن الغرفة .. ومشاعره متناقضة .. بين الحزن والفرح وداخل غرفة رجاء .. الفرحة لا توصف .. برجوع الصحة والعافية الى رجاء .. وعودة وسام بعد غياب طوويل فهد .. تقدم للشخص الوحيد في العائلة .. الي ما كانت علامات الفرح مو كاملة مع وجهه فهد وهو يمد يده الى فراس : السلام عليكم فراس مد يده بابتسامة مالها أي معنى : وعليكم السلام فهد : انت من اهل رجاء صح ؟ فراس : أي نعم انا فراس ولد عمها فهد : والنعم فراس : ينعم بحالك فهد بتردد : امممم .. السموحة على تطفلي .. بس ما شفت الفرح كامل بعد رجوع الاثنين وهم رجاء واخوها فراس يخفي خله حزنه : لا بالعكس فرحان فهد: ما ابي لك الا كل خير .. وقصدي بهذا التطفل مساعدتك لا غير فراس في حيرة من امره .. يبي يخبره ويطفي القهر الي بداخله .. وفي نفس الوقت ما يبي يحط نفسه في موقف محرج .. ففظل السكوت لا غير فهد وهو يبتسم ويمد كرت بيده الى فراس : على العموم يا اخ فراس .. هذا الكرت فيه جميع ارقامي .. وقت الي حاب تفضفض .. اول شخص يجي على بالك هو اخوك فهد .. ومع السلامة فراس وهو يبتسم لطيبة هالرجال : مشكوور اخوي .. ورجاء تشكرك بعد على مساعدتها ( هني فهد تحركت مشاعره حركة غريبة لمجرد سماع احرف اسمها ) .. وفي حفظ الرحمن فهد ضغط على يد فراس ليبين له حسن نيبته .. وانسحب عن هالمكان في جهة ثانية من المستشفى .. ابو منال ووفاء .. ينتظرون لو طيف احد الاطباء .. يطلعون بخبر صغير .. يريح قلبهم .. ويطفي توترهم ابو منال بحزن : بنيتي يا وفاء .. ما تعرفين شنو فيها منال .. وشنو السبب الي خلاها تفكر بالانتحار وفاء ودموعها تتساقط : ما ادري عمي ابو منال نزل راسه بكتئاب .. ورجع بقرأ بالمصحف والا بصوت الباب ينفتح وفاء رفعت راسها وناظر الدكتور بعيون محمرة وابو منال سبقها للدكتور : بشر دكتور !!! الدكتور : الحمد الله .. سوينا لها عملية غسيل معدة .. من المخدر الي عطيناها اياه كحد اقصى لازم تكون فاقدة الوعي 24 ساعة .. واذا زاد عن الـ 24 ساعة .. ( نزل راسه بأسى ) .. رحمتها بيد رب العالمين ابو منال بتفاؤل : باذن الله بتقعد .. بنتي قوية .. بتقعد الدكتور وهو يطبطب على ظهر ابو منال : ان شاء الله .. بس من رايي تروح مع بنتك ( عباله وفاء بنته ) .. وترتاحون .. لان قعدتكم هني مالها فايدة .. غير توتر الاعصاب الساعة خمس ونص في الفيلا الكبيرة ابو بدر : وبدر عجل وينه ! ايمان بحزن : مو راضي يجي معانا الامارات ابو بدر : بكيفه هالعنيد .. يالله مشينا يا بنيتي ايمان : يالله وطول السيارة بالطريق الى المطار .. ايمان كان بيدها تلفونها .. تنتظر اتصال منه .. ولكن !! .. ما في حتى مسكول ابو بدر : تنتظرين شي يا ايمان ؟؟ ايمان : هاااا !! .. لا لا ما انتظر شي ايمان انقهرت طول هالانتظار والمحاولات .. وما في فايدة فطرشت له هالمسج ان قصدك عذابي لا توصي حريص الـ زمن ما يقصر و إنتفيك بركه بدر لما قرى مسج اخته ابتسم بحزن وطرش لها مسج أنا صوره من الماضي أنا حاضر بلا ديره و أنا طيف مضى وقته و اصبح للزمنتذكار أنا جرح صعب يبرى و كسر صعب تجبيره وجودي و الألم واااحد بدنيا كلها أسرار ايمان تضايقت من الرد الي وصلها منه .. وسكرت التلفون بعصبية اما بدر قرر يدق عليها .. ويقولها كلمة ( توصلين بالسلامة يا اختي ) ولكن اكتشف ان التلفون مغلق ! .. تنهد ورجع نظره للابتوب وشوية الا تكلمه ( ملل ) .. الي حتى ما يعرف اسمها ღ ღ مــ ـلـ ـ ــلღ ღ : .. مو قلت لج رحبي فيني في المنتدى .. توقعتج اول وحدة ترحبين فيني غـــريـــب الـــدار: نسييييت .. اوكي عطيني وصلة الموضوع ღ ღ مــ ـلـ ـ ــلღ ღ : .. اوكي لحظة بس ღ ღ مــ ـلـ ـ ــلღ ღ : ********* .. هالمرة اعفاء وما بضربج بالمدرسة .. مرة ثانية مو اعفاء بدر ضحك : هههه هذي بالمدرسة !! .. لكن اسلوبها اسلوب بنت كبيرة غـــريـــب الـــدار: اوكي بدر كمل شغله .. ونزل الموضوع في المنتدى .. بعنوان .. انا فاقد اعز انسان سمعت باليتيم اللي قدام عينه تموت أمه يناظرها ولايقدر يبرر دمعة الشفقان يصرخ خذي رووحي و بس خليك يايمه تموت و يعاني مع الذكرى ألم و أحزان كن إحساسي إحساسه و كن ما همني همه هو القدر خذا أمه وأنا فاقد أعز إنسان وحتى ما مرت خمس دقايق من نزل الموضوع ღ ღ مــ ـلـ ـ ــلღ ღ : الخاطرة الي نزلتينها واااجد حلوة .. تكتبين من ورانا هااا !!! غـــريـــب الـــدار: تسلمين ما تقصرين .. عيونج الحلوة ღ ღ مــ ـلـ ـ ــلღ ღ : بس صح ليش ما قلتين لي انج تكتبين ؟؟ ღ ღ مــ ـلـ ـ ــلღ ღ : وحتى الخاطرة صايرة كأن صبي يتكلم .. مو بنية .. بس صايرة روووعة غـــريـــب الـــدار: امممم اختي ابي اقولج شي ღ ღ مــ ـلـ ـ ــلღ ღ : تفضلي شهود غـــريـــب الـــدار: اختي انا مو شهد الي تقصدينها .. انا صبي .. وشكلج بالغلط ضايفتني .. انا آسف اني ما خبرتج من البداية .. لكن هذي الحقيقة وانتظر وانتظر ردها ولكن ما في رد .. نزل صفحتها الماسنجر .. وراح يشرب له شوية ماي .. وهو يشرب سمع الصوت ان في احد يكلمه وبسرعة رجع وهو مستانس .. انها ردت عليه يعني مو ماخذة بخاطرها تعذر ارسال الرسالة الى ღ ღ مـ ـ ـ لـ ـ ـ ـل ღ ღ : اختي انا مو شهد الي تقصدينها .. انا صبي .. وشكله بالغلط ضايفتني .. انا آسف اني ما خبرتج من البداية .. لكن هذي الحقيقة بدر بيأس : اوووووووف ما وصلها الكلام .. الله مو كاتب اقولها رجاء رخصوها .. بعد ما عطوها حبوب مقوي .. وانها لازم تاكل .. لانها خسرانة وااجد من وزنها وكل شخص رجع الى بيته رجاء كانت في قمة فرحها .. ان وسام اخوها رجع وما اقدر اخبي عليكم ان ندى طاااايرة طااايرة من الفرحة .. والكل مستانس وابو فراس مرتاح .. لان موضوع فراس ورجاء انتفح .. على رغم ان رجوع وسام .. نستهم السالفة .. بس مرة ثانية بكون اسهل عليه يفتحها رجاء ما تركت سالفة كونها الى فراس تعكر مزاجها .. بل ظلت الابتسامة مرسومة على ثغرها .. لرجوع اخوها .. ولانها طلعت من هالحلم المخيف .. والممل .. والمتعب . بعد ما نزلت الطائرة على ارض الامارات .. توجهت ايمان وابوها مباشرة للقصر الي عايشين فيه استقبولها ام سيف .. وسيف و غالية و فيصل ام سيف: يا مرحبا يالغالية ايمان .. وينج يا حرمة ما تنشافين ؟ ايمان وهي تضم ام سيف: موجودة فديتج .. شحالكم ؟ سيف : يه يه اوونه اختي تعلمت ترمس اماراتي ايمان : ههههه لازم نتعلم .. شحالك فصوول .. وشحالج غالية بعد الترحيب والسلام قعدوا في الصالة فرحانين بقدوم اختهم الكبيرة سيف : عيل وينه بدر .. ما اشوفه يى معاج العين ايمان : حاب يقعد بالبحرين ابو بدر : براحته الي يعيبه يسويه .. هو ريال ومو حلوة بحقه نرمسه وايد عن هالسالفة ام سيف : العيال الزم عليهم يكونون قريبين من امهم .. وبدر فقد امه فديته وهو صغير السن .. وصعبة عليه .. خله براحته يا ابو بدر ايمان نزلت راسها بحزن غالية : ايمان .. تعالي فوق اباج بكلمة فيصل : انا بيي معاكم غالية : وانت ما تودرنا .. لو سمحت لا تيي ورانا فيصل بحزن : ابيها تلعب معايا شوية .. هي اختي مهي بس اختج غالية : اوووووه انت متفيج .. البنت ياية من الطائرة تعبانة .. تيي انت تبيها تلعب معاك ايمان كانت تضحك عليهم وعلى مناجرهم سيف وهو يحمل فيصل على جتفه : شبلاج انتي كليتي عنقودنا بهدومه .. هوا يسوولف معاج بس ابو بدر : يالله عيل انا بنش .. برقد ام سيف : عوافي .. وانا بزهب لهم لقمة ياكلونا ايمان .. 26 سنة .. اخت بدر الوحيدة الخليصة ( يعني من ام وابو ) سيف وغالية .. 16 سنة .. توأم .. واخوان بدر وايمان من الابو يعني فردة فيصل : 7 سنوات .. آخر العنقود .. وصبي فرفشي وحلوو .. ولا كأنه عمره 7 سنوات .. لان السانه طويل ** نهاية الفصل الاول ** * شنو بصير مصير منال ! .. بتصحى او ؟! * رجاء .. رجعت لنا مثل الي نعرفها .. هل بترضى بالوصية او بتعارض ؟! * وسام .. رجع لنا ورجعت البسمة .. هل بغير شي من تسلسل الاحداث ؟! * فهد شنو بكون موقفه لما يعرف ان الانسانة الي هواها وعشقها .. في طريقتها للرحيل لشخص آخر ؟ * فراس .. هل بيعرف ان منال صار لها كل هالشي وبسببه !! .. واذا عرف من بخبره .. وشنو بكون تصرفه ؟! * بدر .. وحياته وعناده ؟ وشنو نهاية المطاف مع ( ملل ) ؟ * العائلة الاماراتية الجديدة !! وأتمنى .. يكون البارت عجبكم .. ولو انه قصير شوية السموحة واتمنى .. اني توفقت بكتابتي باللهجة الاماراتية مع تحياتي Quote Link to comment Share on other sites More sharing options...
كوول بحرانية Posted أغسطس 11, 2007 Author Report Share Posted أغسطس 11, 2007 اي بس بغيت اقول لكم اني الحين بيقطعون عني النت لا ما ادري شنو فيه فيعني بتاخر واذا جاينكم الفضول تقدرون تدخلون المنتدى وتسجلون انتون بس اكتبوا في قو قل منتديات عيون البحرين وسجلوا اوكيك باياتووو Quote Link to comment Share on other sites More sharing options...
غصون المحبة Posted أغسطس 12, 2007 Report Share Posted أغسطس 12, 2007 يسلموووو على البارت ننتظر تكمله في اقرب وووقت ان شااء الله مايطوول نت Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.